विश्वामित्र की कथा तथा राजकुमार को कामबीज की प्राप्ति

श्लोक 1 (devibhagavatam.3.17.1)

व्यास उवाच । इत्याकर्ण्य वचस्तस्य मुनेस्तत्रावनीपतिः । मन्त्रिवृद्धं समाहूय पप्रच्छ तमतन्द्रितः

vyāsa uvāca ityākarṇya vacastasya munestatrāvanīpatiḥ mantrivṛddhaṁ samāhūya papraccha tamatandritaḥ

व्यास जी ने कहा — मुनि के इन वचनों को सुनकर, वह राजा अपने वृद्ध मंत्री को बुलाकर, बिना विलम्ब किए उनसे पूछने लगा।

श्लोक 2 (devibhagavatam.3.17.2)

किं कर्तव्यं सुबुद्धेऽत्र मयाऽद्य वद सुव्रत । बलान्नयामि तां कामं सपुत्राञ्च सुभाषिणीम्

kiṁ kartavyaṁ subuddhe'tra mayā'dya vada suvrata balānnayāmi tāṁ kāmaṁ saputrāñca subhāṣiṇīm

'हे सुबुद्धे, हे सुव्रत, अब मुझे क्या करना चाहिए, बताइए — क्या मैं आज उस मधुरभाषिणी को उसके पुत्र सहित बलपूर्वक अपनी इच्छानुसार ले जाऊँ?'

श्लोक 3 (devibhagavatam.3.17.3)

रिपुरल्पोऽपि नोपेक्ष्यः सर्वथा शुभमिच्छता । राजयक्ष्मेव संवृद्धो मृत्यवे परिकल्पयेत्

ripuralpo'pi nopekṣyaḥ sarvathā śubhamicchatā rājayakṣmeva saṁvṛddho mṛtyave parikalpayet

'शत्रु चाहे छोटा भी हो, अपने कल्याण की इच्छा रखने वाले को उसकी उपेक्षा कभी नहीं करनी चाहिए — जैसे बढ़ा हुआ राजयक्ष्मा मृत्यु तक पहुँचा देता है।'

श्लोक 4 (devibhagavatam.3.17.4)

नात्र सैन्यं न योद्धास्ति यो मामत्र निवारयेत् । गृहीत्वा हन्मि तं तत्र दौहित्रस्य रिपुं किल

nātra sainyaṁ na yoddhāsti yo māmatra nivārayet gṛhītvā hanmi taṁ tatra dauhitrasya ripuṁ kila

'यहाँ न कोई सेना है, न कोई योद्धा जो मुझे रोक सके। मैं उसे वहीं पकड़कर मार डालूँगा — वह जो मेरे दौहित्र का शत्रु है।'

श्लोक 5 (devibhagavatam.3.17.5)

निष्कण्टकं भवेद्राज्यं यताम्यद्य बलादहम् । हते सुदर्शने नूनं निर्भयोऽसौ भवेदिति

niṣkaṇṭakaṁ bhavedrājyaṁ yatāmyadya balādaham hate sudarśane nūnaṁ nirbhayo'sau bhavediti

'यदि मैं आज बलपूर्वक प्रयत्न करूँ तो राज्य निष्कण्टक हो जाएगा; सुदर्शन के मारे जाने पर वह निश्चय ही निर्भय हो जाएगा।'

श्लोक 6 (devibhagavatam.3.17.6)

प्रधान उवाच । साहसं न हि कर्तव्यं श्रुतं राजन् मुनेर्वचः । विश्वामित्रस्य दृष्टान्तः कथितस्तेन मारिष

pradhāna uvāca sāhasaṁ na hi kartavyaṁ śrutaṁ rājan munervacaḥ viśvāmitrasya dṛṣṭāntaḥ kathitastena māriṣa

प्रधान मंत्री ने कहा — 'हे राजन्, दुःसाहस नहीं करना चाहिए — मुनि के वचन को सुनिए। हे माननीय, उन्होंने विश्वामित्र का दृष्टान्त कहा है।'

श्लोक 7 (devibhagavatam.3.17.7)

पुरा गाधिसुतः श्रीमान्विश्वामित्रोऽतिविश्रुतः । विचरन्स नृपश्रेष्ठो वसिष्ठाश्रममभ्यगात्

purā gādhisutaḥ śrīmānviśvāmitro'tiviśrutaḥ vicaransa nṛpaśreṣṭho vasiṣṭhāśramamabhyagāt

'प्राचीन काल में गाधि के पुत्र, अत्यंत विख्यात, तेजस्वी विश्वामित्र, वह श्रेष्ठ राजा, विचरण करते हुए वसिष्ठ के आश्रम में पहुँचे।'

श्लोक 8 (devibhagavatam.3.17.8)

नमस्कृत्य च तं राजा विश्वामित्रः प्रतापवान् । उपविष्टो नृपश्रेष्ठो मुनिना दत्तविष्टरः

namaskṛtya ca taṁ rājā viśvāmitraḥ pratāpavān upaviṣṭo nṛpaśreṣṭho muninā dattaviṣṭaraḥ

'उन्हें प्रणाम करके, प्रतापी राजा विश्वामित्र, वह श्रेष्ठ नरेश, मुनि द्वारा दिए गए आसन पर बैठ गए।'

श्लोक 9 (devibhagavatam.3.17.9)

निमन्त्रितो वसिष्ठेन भोजनाय महात्मना । ससैन्यश्च स्थितो राजा गाधिपुत्रो महायशाः

nimantrito vasiṣṭhena bhojanāya mahātmanā sasainyaśca sthito rājā gādhiputro mahāyaśāḥ

'महात्मा वसिष्ठ द्वारा भोजन के लिए आमंत्रित किए जाने पर, वह महायशस्वी गाधिपुत्र राजा अपनी सेना सहित वहीं ठहर गए।'

श्लोक 10 (devibhagavatam.3.17.10)

नन्दिन्याऽऽसादितं सर्वं भक्ष्यभोज्यादिकं च यत् । भुक्त्वा राजा ससैन्यश्च वाञ्छितं तत्र भोजनम्

nandinyā''sāditaṁ sarvaṁ bhakṣyabhojyādikaṁ ca yat bhuktvā rājā sasainyaśca vāñchitaṁ tatra bhojanam

'नन्दिनी द्वारा उत्पन्न किए गए समस्त भक्ष्य-भोज्य आदि पदार्थों को, सेना सहित राजा ने वहाँ मनचाहा भोजन ग्रहण किया।'

श्लोक 11 (devibhagavatam.3.17.11)

प्रतापं तञ्च नन्दिन्याः परिज्ञाय स पार्थिवः । ययाचे नन्दिनीं राजा वसिष्ठं मुनिसत्तमम्

pratāpaṁ tañca nandinyāḥ parijñāya sa pārthivaḥ yayāce nandinīṁ rājā vasiṣṭhaṁ munisattamam

'और नन्दिनी के उस प्रभाव को जानकर, उस राजा ने वसिष्ठ मुनिश्रेष्ठ से नन्दिनी को माँगा।'

श्लोक 12 (devibhagavatam.3.17.12)

विश्वामित्र उवाच । मुने धेनुसहस्रं ते घटोध्नीनां ददाम्यहम् । नन्दिनीं देहि मे धेनुं प्रार्थयामि परन्तप

viśvāmitra uvāca mune dhenusahasraṁ te ghaṭodhnīnāṁ dadāmyaham nandinīṁ dehi me dhenuṁ prārthayāmi parantapa

विश्वामित्र ने कहा — 'हे मुनि, मैं आपको घटोदही एक सहस्र गौएँ दूँगा; मुझे धेनु नन्दिनी दे दीजिए, हे परन्तप, मैं यह याचना करता हूँ।'

श्लोक 13 (devibhagavatam.3.17.13)

वसिष्ठ उवाच । होमधेनुरियं राजन्न ददामि कथञ्चन । सहस्रञ्चापि धेनूनां तवेदं तव तिष्ठतु

vasiṣṭha uvāca homadhenuriyaṁ rājanna dadāmi kathañcana sahasrañcāpi dhenūnāṁ tavedaṁ tava tiṣṭhatu

वसिष्ठ ने कहा — 'हे राजन्, यह मेरी होमधेनु है, मैं इसे किसी भी प्रकार नहीं दूँगा। आपकी वह सहस्र गौओं की भेंट आपके पास ही रहने दीजिए।'

श्लोक 14 (devibhagavatam.3.17.14)

विश्वामित्र उवाच । अयुतं वाथ लक्ष्यं वा ददामि मनसेप्सितम् । द्देहि मे नन्दिनीं साधो ग्रहीष्यामि बलादथ

viśvāmitra uvāca ayutaṁ vātha lakṣyaṁ vā dadāmi manasepsitam ddehi me nandinīṁ sādho grahīṣyāmi balādatha

विश्वामित्र ने कहा — 'अथवा मैं दस सहस्र या एक लाख, जो भी आपके मन को अभीष्ट हो, दूँगा। हे साधो, मुझे नन्दिनी दे दीजिए — अन्यथा मैं उसे बलपूर्वक ले लूँगा।'

श्लोक 15 (devibhagavatam.3.17.15)

वसिष्ठ उवाच । कामं गृहाण नृपते बलादद्य यथारुचि । नाहं ददामि ते राजन्स्वेच्छया नन्दिनीं गृहात्

vasiṣṭha uvāca kāmaṁ gṛhāṇa nṛpate balādadya yathāruci nāhaṁ dadāmi te rājansvecchayā nandinīṁ gṛhāt

वसिष्ठ ने कहा — 'हे नृपते, यदि चाहें तो आज बलपूर्वक अपनी इच्छानुसार ले जाइए; परन्तु हे राजन्, मैं अपनी इच्छा से घर से नन्दिनी आपको नहीं दूँगा।'

श्लोक 16 (devibhagavatam.3.17.16)

तच्छ्रुत्वा नृपतिर्भृत्यानादिदेश महाबलान् । नयघ्वं नन्दिनीं धेनुं बलदर्पसुसंस्थिताः

tacchrutvā nṛpatirbhṛtyānādideśa mahābalān nayaghvaṁ nandinīṁ dhenuṁ baladarpasusaṁsthitāḥ

यह सुनकर राजा ने अपने महाबली सेवकों को आज्ञा दी — 'नन्दिनी धेनु को ले चलो!' और वे बल के अभिमान से भरकर तत्पर हो गए।

श्लोक 17 (devibhagavatam.3.17.17)

ते भृत्या जगृहुस्तां तु हठादाक्रम्य यन्त्रिताम् । वेपमाना मुनिं प्राह सुरभिः साश्रुलोचना

te bhṛtyā jagṛhustāṁ tu haṭhādākramya yantritām vepamānā muniṁ prāha surabhiḥ sāśrulocanā

उन सेवकों ने हठपूर्वक आक्रमण कर, बाँधकर उसे पकड़ लिया; काँपती हुई, अश्रुपूर्ण नेत्रों वाली सुरभि मुनि से बोली।

श्लोक 18 (devibhagavatam.3.17.18)

मुने त्यजसि मां कस्मात्कर्षयन्ति सुयन्त्रिताम् । मुनिस्तां प्रत्युवाचेदं त्यजे नाहं सुदुग्धदे

mune tyajasi māṁ kasmātkarṣayanti suyantritām munistāṁ pratyuvācedaṁ tyaje nāhaṁ sudugdhade

'हे मुनि, आप मुझे क्यों त्याग रहे हैं? ये मुझे कसकर बाँधकर खींच रहे हैं!' मुनि ने उसे उत्तर दिया — 'हे सुदुग्धदे, मैं तुम्हें नहीं त्यागता।'

श्लोक 19 (devibhagavatam.3.17.19)

बलान्नयति राजाऽसौ पूजितोऽद्य मया शुभे । किं करोमि न चेच्छामि त्यक्तुं त्वां मनसा किल

balānnayati rājā'sau pūjito'dya mayā śubhe kiṁ karomi na cecchāmi tyaktuṁ tvāṁ manasā kila

'हे शुभे, जिस राजा का मैंने आज सत्कार किया, वही तुम्हें बलपूर्वक ले जा रहा है। मैं क्या करूँ? मन से तो मैं तुम्हें त्यागना नहीं चाहता।'

श्लोक 20 (devibhagavatam.3.17.20)

इत्युक्ता मुनिना धेनुः क्रोधयुक्ता बभूव ह । हम्भारवं चकाराशु क्रूरशब्दं सुदारुणम्

ityuktā muninā dhenuḥ krodhayuktā babhūva ha hambhāravaṁ cakārāśu krūraśabdaṁ sudāruṇam

मुनि द्वारा ऐसा कहे जाने पर वह धेनु क्रोध से भर उठी; उसने तुरन्त एक भयंकर, अत्यंत दारुण हुंकार की।

श्लोक 21 (devibhagavatam.3.17.21)

उद्गतास्तत्र देहात्तु दैत्या घोरतरास्तदा । सायुधास्तिष्ठ तिष्ठेति ब्रुवन्तः कवचावृताः

udgatāstatra dehāttu daityā ghoratarāstadā sāyudhāstiṣṭha tiṣṭheti bruvantaḥ kavacāvṛtāḥ

तब उसके शरीर से अत्यंत भयंकर दैत्य-योद्धा प्रकट हुए, जो शस्त्रों से सुसज्जित, कवच से आवृत, 'ठहरो! ठहरो!' पुकारते हुए टूट पड़े।

श्लोक 22 (devibhagavatam.3.17.22)

सैन्यं सर्वं हतं तैस्तु नन्दिनी प्रतिमोचिता । एकाकी निर्गतो राजा विश्वामित्रोऽतिदुःखितः

sainyaṁ sarvaṁ hataṁ taistu nandinī pratimocitā ekākī nirgato rājā viśvāmitro'tiduḥkhitaḥ

उन्होंने राजा की समस्त सेना का वध कर डाला और नन्दिनी को मुक्त करा दिया। अत्यंत दुःखी विश्वामित्र अकेले वहाँ से निकल गए।

श्लोक 23 (devibhagavatam.3.17.23)

हन्त पापोऽतिदीनात्मा निन्दन् क्षात्रबलं महत् । ब्राह्मं बलं दुराराध्यं मत्वा तपसि संस्थितः

hanta pāpo'tidīnātmā nindan kṣātrabalaṁ mahat brāhmaṁ balaṁ durārādhyaṁ matvā tapasi saṁsthitaḥ

हाय! अत्यंत दीन एवं पापभावयुक्त, क्षात्रबल की निन्दा करते हुए, ब्राह्मबल को दुराराध्य मानकर, वह तपस्या में लीन हो गए।

श्लोक 24 (devibhagavatam.3.17.24)

तप्त्वा बहूनि वर्षाणि तपो घोरं महावने । ऋषित्वं प्राप गाधेयस्त्यक्त्वा क्षात्रं विधिं पुनः

taptvā bahūni varṣāṇi tapo ghoraṁ mahāvane ṛṣitvaṁ prāpa gādheyastyaktvā kṣātraṁ vidhiṁ punaḥ

महावन में अनेक वर्षों तक घोर तपस्या करके, गाधिपुत्र ने पुनः क्षात्रधर्म को त्यागकर ऋषित्व प्राप्त किया।

श्लोक 25 (devibhagavatam.3.17.25)

तस्मात्त्वमपि राजेन्द्र मा कृथा वैरमद्भुतम् । कुलनाशकरं नूनं तापसैः सह संयुगम्

tasmāttvamapi rājendra mā kṛthā vairamadbhutam kulanāśakaraṁ nūnaṁ tāpasaiḥ saha saṁyugam

'अतः हे राजेन्द्र, आप भी इस विचित्र वैर को न कीजिए; तापसों के साथ संघर्ष निश्चय ही कुल का नाश करने वाला होता है।'

श्लोक 26 (devibhagavatam.3.17.26)

मुनिवर्यं व्रजाद्य त्वं समाश्वास्य तपोनिधिम् । सुदर्शनोऽपि राजेन्द्र तिष्ठत्वत्र यथासुखम्

munivaryaṁ vrajādya tvaṁ samāśvāsya taponidhim sudarśano'pi rājendra tiṣṭhatvatra yathāsukham

'हे राजेन्द्र, आज आप उस श्रेष्ठ तपोनिधि मुनि के पास जाकर उन्हें आश्वस्त कीजिए; और सुदर्शन को भी वहाँ सुखपूर्वक रहने दीजिए।'

श्लोक 27 (devibhagavatam.3.17.27)

बालोऽयं निर्धनः किं ते करिष्यति नृपाहितम् । वृथा ते वैरभावोऽयमनाथे दुर्बले शिशौ

bālo'yaṁ nirdhanaḥ kiṁ te kariṣyati nṛpāhitam vṛthā te vairabhāvo'yamanāthe durbale śiśau

'यह बालक निर्धन है, वह आपका क्या अहित करेगा, हे राजन्? यह आपका वैरभाव उस अनाथ, दुर्बल शिशु के प्रति व्यर्थ ही है।'

श्लोक 28 (devibhagavatam.3.17.28)

दया सर्वत्र कर्तव्या दैवाधीनमिदं जगत् । ईर्ष्यया किं नृपश्रेष्ठ यद्भाव्यं तद्भविष्यति

dayā sarvatra kartavyā daivādhīnamidaṁ jagat īrṣyayā kiṁ nṛpaśreṣṭha yadbhāvyaṁ tadbhaviṣyati

'सर्वत्र दया करनी चाहिए; यह जगत दैवाधीन है। हे नृपश्रेष्ठ, ईर्ष्या से क्या लाभ? जो होनहार है वही होगा।'

श्लोक 29 (devibhagavatam.3.17.29)

वज्रं तृणायते राजन् दैवयोगान्न संशयः । तृणं वज्रायते क्वापि समये दैवयोगतः

vajraṁ tṛṇāyate rājan daivayogānna saṁśayaḥ tṛṇaṁ vajrāyate kvāpi samaye daivayogataḥ

'हे राजन्, दैवयोग से निःसन्देह वज्र भी तिनके के समान हो जाता है, और कभी दैवयोग से तिनका भी वज्र के समान हो जाता है।'

श्लोक 30 (devibhagavatam.3.17.30)

शशको हन्ति शार्दूलं मशको वै तथा गजम् । साहसं मुञ्च मेधाविन् कुरु मे वचनं हितम्

śaśako hanti śārdūlaṁ maśako vai tathā gajam sāhasaṁ muñca medhāvin kuru me vacanaṁ hitam

'खरगोश भी बाघ को मार डालता है, और मच्छर भी हाथी को। हे बुद्धिमान, दुःसाहस त्याग दीजिए; मेरे हितकर वचन को मानिए।'

श्लोक 31 (devibhagavatam.3.17.31)

व्यास उवाच । तच्छ्रुत्वा वचनं तस्य युधाजिन्नृपसत्तमः । प्रणम्य तं मुनिं मूर्घ्ना जगाम स्वपुरं नृपः

vyāsa uvāca tacchrutvā vacanaṁ tasya yudhājinnṛpasattamaḥ praṇamya taṁ muniṁ mūrghnā jagāma svapuraṁ nṛpaḥ

व्यास जी ने कहा — उनके वचन सुनकर, नृपश्रेष्ठ युधाजित् ने उस मुनि को सिर झुकाकर प्रणाम किया, और राजा अपनी नगरी को चले गए।

श्लोक 32 (devibhagavatam.3.17.32)

मनोरमाऽपि स्वस्थाऽभूदाश्रमे तत्र संस्थिता । पालयामास पुत्रं तं सुदर्शनमृतव्रतम्

manoramā'pi svasthā'bhūdāśrame tatra saṁsthitā pālayāmāsa putraṁ taṁ sudarśanamṛtavratam

मनोरमा भी वहाँ आश्रम में रहते हुए स्वस्थ हो गईं; उन्होंने अपने व्रतनिष्ठ पुत्र सुदर्शन का पालन-पोषण किया।

श्लोक 33 (devibhagavatam.3.17.33)

दिने दिने कुमारोऽसौ जगामोपचयं ततः । मुनिबालगतः क्रीडन्निर्भयः सर्वतः शुभः

dine dine kumāro'sau jagāmopacayaṁ tataḥ munibālagataḥ krīḍannirbhayaḥ sarvataḥ śubhaḥ

दिन-प्रतिदिन वह राजकुमार बढ़ने लगे, मुनियों के बालकों के साथ खेलते हुए, सर्वथा निर्भय और शुभ।

श्लोक 34 (devibhagavatam.3.17.34)

एकस्मिन्समये तत्र विदल्लं समुपागतम् । क्लीबेति मुनिपुत्रस्तमामन्त्रयत्तदन्तिके

ekasminsamaye tatra vidallaṁ samupāgatam klībeti muniputrastamāmantrayattadantike

एक बार जब विदल्ल वहाँ आया, तो उस मुनिपुत्र ने वहीं पास में उसे (सुदर्शन को) पुकारते हुए कहा — 'क्लीब!'

श्लोक 35 (devibhagavatam.3.17.35)

सुदर्शनस्तु तच्छ्रुत्वा दधारैकाक्षरं स्फुटम् । अनुस्वारयुतं तच्च प्रोवाचापि पुनः पुनः

sudarśanastu tacchrutvā dadhāraikākṣaraṁ sphuṭam anusvārayutaṁ tacca provācāpi punaḥ punaḥ

परन्तु सुदर्शन ने यह सुनकर उस एक अक्षर को स्पष्ट रूप से धारण कर लिया, और अनुस्वार सहित उसे बार-बार दोहराने लगा।

श्लोक 36 (devibhagavatam.3.17.36)

बीजं वै कामराजाख्यं गृहीतं मनसा तदा । जजाप बालकोऽत्यर्थं धृत्वा चेतसि सादरम्

bījaṁ vai kāmarājākhyaṁ gṛhītaṁ manasā tadā jajāpa bālako'tyarthaṁ dhṛtvā cetasi sādaram

उस समय वह बीज, जो कामराज नाम से प्रसिद्ध है, उसके मन में समा गया; उस बालक ने आदरपूर्वक हृदय में धारण करके निरन्तर उसका जप किया।

श्लोक 37 (devibhagavatam.3.17.37)

भावियोगान्महाराज कामराजाख्यमद्भुतम् । स्वभावेनैव तेनेत्थं गृहीतं बालकेन वै

bhāviyogānmahārāja kāmarājākhyamadbhutam svabhāvenaiva tenetthaṁ gṛhītaṁ bālakena vai

हे महाराज, भावी योग के कारण, वह अद्भुत कामराज नामक बीज उस बालक द्वारा इस प्रकार स्वभाव से ही ग्रहण कर लिया गया।

श्लोक 38 (devibhagavatam.3.17.38)

तदाऽसौ पञ्चमे वर्षे प्राप्य मन्त्रमनुत्तमम् । ऋषिच्छन्दोविहीनञ्च ध्यानन्यासविवर्जितम्

tadā'sau pañcame varṣe prāpya mantramanuttamam ṛṣicchandovihīnañca dhyānanyāsavivarjitam

तब पाँचवें वर्ष में, उस सर्वोत्तम मंत्र को प्राप्त करके — यद्यपि वह ऋषि और छन्द से रहित था, और ध्यान-न्यास से भी वर्जित था —

श्लोक 39 (devibhagavatam.3.17.39)

प्रजपन्मनसा नित्यं क्रीडत्यपि स्वपित्यपि । विसस्मार न तं मन्त्रं ज्ञात्वा सारमिति स्वयम्

prajapanmanasā nityaṁ krīḍatyapi svapityapi visasmāra na taṁ mantraṁ jñātvā sāramiti svayam

वह मन ही मन उसका निरन्तर जप करता रहा — खेलते हुए भी, सोते हुए भी — उसने कभी उस मंत्र को नहीं भुलाया, स्वयं ही उसे सारभूत जानकर।

श्लोक 40 (devibhagavatam.3.17.40)

वर्षे चैकादशे प्राप्ते कुमारोऽसौ नृपात्मजः । मुनिना चोपनीतोऽथ वेदमध्यापितस्तथा

varṣe caikādaśe prāpte kumāro'sau nṛpātmajaḥ muninā copanīto'tha vedamadhyāpitastathā

जब वह राजकुमार ग्यारह वर्ष का हुआ, तो मुनि ने उसका उपनयन संस्कार किया, और तत्पश्चात् उसे वेदों की शिक्षा दी।

श्लोक 41 (devibhagavatam.3.17.41)

धनुर्वेदं तथा साङ्गं नीतिशास्त्रं विधानतः । अभ्यस्ताः सकला विद्यास्तेन मन्त्रबलादिना

dhanurvedaṁ tathā sāṅgaṁ nītiśāstraṁ vidhānataḥ abhyastāḥ sakalā vidyāstena mantrabalādinā

इसी प्रकार धनुर्वेद को उसके अंगों सहित, तथा नीतिशास्त्र को भी विधिपूर्वक सिखाया गया; उस मंत्र आदि के बल से उसने समस्त विद्याओं का अभ्यास कर लिया।

श्लोक 42 (devibhagavatam.3.17.42)

कदाचित्सोऽपि प्रत्यक्षं देवीरूपं ददर्श ह । रक्ताम्बरं रक्तवर्णं रक्तसर्वाङ्गभूषणम्

kadācitso'pi pratyakṣaṁ devīrūpaṁ dadarśa ha raktāmbaraṁ raktavarṇaṁ raktasarvāṅgabhūṣaṇam

एक बार उसने साक्षात् देवी के रूप का दर्शन किया — रक्तवस्त्रधारिणी, रक्तवर्णा, समस्त अंगों में रक्तवर्णी आभूषणों से अलंकृत।

श्लोक 43 (devibhagavatam.3.17.43)

गरुडे वाहने संस्थां वैष्णवीं शक्तिमद्भुताम् । दृष्ट्वा प्रसन्नवदनः स बभूव नृपात्मजः

garuḍe vāhane saṁsthāṁ vaiṣṇavīṁ śaktimadbhutām dṛṣṭvā prasannavadanaḥ sa babhūva nṛpātmajaḥ

गरुड़ वाहन पर विराजमान उस अद्भुत वैष्णवी शक्ति को देखकर, राजकुमार का मुख प्रसन्नता से खिल उठा।

श्लोक 44 (devibhagavatam.3.17.44)

वने तस्मिंस्थितः सोऽथ सर्वविद्यार्थतत्त्ववित् । मातरं सेवमानस्तु विजहार नदीतटे

vane tasmiṁsthitaḥ so'tha sarvavidyārthatattvavit mātaraṁ sevamānastu vijahāra nadītaṭe

उस वन में रहते हुए, अब समस्त विद्याओं के अर्थतत्त्व को जानने वाला वह, अपनी माता की सेवा करता हुआ, नदी के तट पर विहार करता था।

श्लोक 45 (devibhagavatam.3.17.45)

शरासनञ्च सम्प्राप्तं विशिखाश्च शिलाशिताः । तूणीरकवचं तस्मै दत्तं चाम्बिकया वने

śarāsanañca samprāptaṁ viśikhāśca śilāśitāḥ tūṇīrakavacaṁ tasmai dattaṁ cāmbikayā vane

उसे एक धनुष प्राप्त हुआ, तथा शिलाशाणित बाण; और अम्बिका ने उस वन में उसे तूणीर तथा कवच भी प्रदान किए।

श्लोक 46 (devibhagavatam.3.17.46)

एतस्मिन्समये पुत्री काशिराजस्य सुप्रिया । नाम्ना शशिकला दिव्या सर्वलक्षणसंयुता

etasminsamaye putrī kāśirājasya supriyā nāmnā śaśikalā divyā sarvalakṣaṇasaṁyutā

इसी समय काशिराज की परम प्रिय पुत्री, दिव्य, सर्वलक्षणसम्पन्न, शशिकला नामक कन्या —

श्लोक 47 (devibhagavatam.3.17.47)

शुश्राव नृपपुत्रं तं वनस्थञ्च सुदर्शनम् । सर्वलक्षणसम्पन्नं शूरं काममिवापरम्

śuśrāva nṛpaputraṁ taṁ vanasthañca sudarśanam sarvalakṣaṇasampannaṁ śūraṁ kāmamivāparam

वन में निवास करने वाले, सर्वलक्षणसम्पन्न, शूरवीर, मानो साक्षात् कामदेव के समान उस राजकुमार सुदर्शन के विषय में सुना।

श्लोक 48 (devibhagavatam.3.17.48)

बन्दीजनमुखाच्छ्रुत्वा राजपुत्रं सुसङ्गतम् । चकमे मनसा तं वै वरं वरयितुं धिया

bandījanamukhācchrutvā rājaputraṁ susaṅgatam cakame manasā taṁ vai varaṁ varayituṁ dhiyā

भाटों के मुख से उस अत्यंत सुयोग्य राजकुमार के विषय में सुनकर, उसने मन ही मन उसे चाहा, उसे वर के रूप में चुनने का निश्चय कर लिया।

श्लोक 49 (devibhagavatam.3.17.49)

स्वप्ने तस्याः समागम्य जगदम्बा निशान्तरे । उवाच वचनं चेदं समाश्वास्य सुसंस्थिता

svapne tasyāḥ samāgamya jagadambā niśāntare uvāca vacanaṁ cedaṁ samāśvāsya susaṁsthitā

रात्रि के अंतिम प्रहर में, स्वप्न में जगदम्बा उसके पास आईं, और सुस्थिर होकर उसे आश्वस्त करते हुए यह वचन कहा।

श्लोक 50 (devibhagavatam.3.17.50)

वरं वरय सुश्रोणि मम भक्तः सुदर्शनः । सर्वकामप्रदस्तेऽस्तु वचनान्मम भामिनि

varaṁ varaya suśroṇi mama bhaktaḥ sudarśanaḥ sarvakāmapradaste'stu vacanānmama bhāmini

'हे सुश्रोणि, उसी को वर के रूप में चुनो — सुदर्शन मेरा भक्त है। हे भामिनी, मेरे वचन से वह तुम्हारी सभी कामनाओं को पूर्ण करने वाला हो।'

श्लोक 51 (devibhagavatam.3.17.51)

एवं शशिकला दृष्टा स्वप्ने रूपं मनोहरम् । अम्बाया वचनं स्मृत्वा जहर्ष भृशभामिनी

evaṁ śaśikalā dṛṣṭā svapne rūpaṁ manoharam ambāyā vacanaṁ smṛtvā jaharṣa bhṛśabhāminī

इस प्रकार शशिकला ने स्वप्न में वह मनोहर रूप देखकर, तथा माता के वचन को स्मरण करके, वह सुन्दरी अत्यंत हर्षित हुई।

श्लोक 52 (devibhagavatam.3.17.52)

उत्थिता सा मुदा युक्ता पृष्टा मात्रा पुनः पुनः । प्रमोदे कारणं बाला नोवाचातित्रपान्विता

utthitā sā mudā yuktā pṛṣṭā mātrā punaḥ punaḥ pramode kāraṇaṁ bālā novācātitrapānvitā

उठकर, वह हर्षयुक्त हुई; माता ने बार-बार उससे उसके हर्ष का कारण पूछा, परन्तु वह बालिका अत्यंत लज्जावश कुछ न बोली।

श्लोक 53 (devibhagavatam.3.17.53)

जहास मुदमापन्ना स्मृत्वा स्वप्नं मुहुर्मुहुः । सखीं प्राह तदान्यां वै स्वप्नवृत्तं सविस्तरम्

jahāsa mudamāpannā smṛtvā svapnaṁ muhurmuhuḥ sakhīṁ prāha tadānyāṁ vai svapnavṛttaṁ savistaram

हर्ष से भरकर वह बार-बार स्वप्न को स्मरण कर मुस्कुराने लगी; फिर उसने अपनी किसी अन्य सखी से स्वप्न का सम्पूर्ण वृत्तान्त विस्तारपूर्वक बताया।

श्लोक 54 (devibhagavatam.3.17.54)

कदाचित्सा विहारार्थमवापोपवनं शुभम् । सखीयुक्ता विशालाक्षी चम्पकैरुपशोभितम्

kadācitsā vihārārthamavāpopavanaṁ śubham sakhīyuktā viśālākṣī campakairupaśobhitam

एक बार वह विशाललोचना, अपनी सखी सहित, विहार हेतु चम्पक वृक्षों से सुशोभित उस सुन्दर उपवन में गई।

श्लोक 55 (devibhagavatam.3.17.55)

पुष्पाणि चिन्वती बाला चम्पकाधःस्थिताबला । अपश्यद्ब्राह्मणं मार्गे आगच्छन्तं त्वरान्वितम्

puṣpāṇi cinvatī bālā campakādhaḥsthitābalā apaśyadbrāhmaṇaṁ mārge āgacchantaṁ tvarānvitam

फूल चुनती हुई वह बालिका, चम्पक वृक्ष के नीचे खड़ी होकर, मार्ग में शीघ्रतापूर्वक आते हुए एक ब्राह्मण को देखने लगी।

श्लोक 56 (devibhagavatam.3.17.56)

तं प्रणम्य द्विजं श्यामा बभाषे मधुरं वचः । कुतो देशान्महाभाग कृतमागमनं त्वया

taṁ praṇamya dvijaṁ śyāmā babhāṣe madhuraṁ vacaḥ kuto deśānmahābhāga kṛtamāgamanaṁ tvayā

उस ब्राह्मण को प्रणाम करके, वह श्यामनयना मधुर वचन बोली — 'हे महाभाग, आप किस देश से आए हैं?'

श्लोक 57 (devibhagavatam.3.17.57)

द्विज उवाच । भारद्वाजाश्रमाद्बाले नूनमागमनं मम । जातं वै कार्ययोगेन किं पृच्छसि वदस्व मे

dvija uvāca bhāradvājāśramādbāle nūnamāgamanaṁ mama jātaṁ vai kāryayogena kiṁ pṛcchasi vadasva me

ब्राह्मण ने कहा — 'हे बालिके, मेरा आगमन निश्चय ही भारद्वाज के आश्रम से हुआ है, किसी कार्यवश। तुम क्यों पूछती हो, मुझे बताओ।'

श्लोक 58 (devibhagavatam.3.17.58)

शशिकलोवाच । तत्राश्रमे महाभाग वर्णनीयं किमस्ति वै । लोकातिगं विशेषेण प्रेक्षणीयतमं किल

śaśikalovāca tatrāśrame mahābhāga varṇanīyaṁ kimasti vai lokātigaṁ viśeṣeṇa prekṣaṇīyatamaṁ kila

शशिकला ने कहा — 'हे महाभाग, क्या उस आश्रम में कुछ ऐसा है जिसका वर्णन किया जा सके — कुछ लोकातीत, विशेष रूप से दर्शनीय?'

श्लोक 59 (devibhagavatam.3.17.59)

ब्राह्मण उवाच । ध्रुवसन्धिसुतः श्रीमानास्ते सुदर्शनो नृपः । यथार्थनामा सुश्रोणि वर्तते पुरुषोत्तमः

brāhmaṇa uvāca dhruvasandhisutaḥ śrīmānāste sudarśano nṛpaḥ yathārthanāmā suśroṇi vartate puruṣottamaḥ

ब्राह्मण ने कहा — 'वहाँ ध्रुवसन्धि के पुत्र, श्रीमान् राजा सुदर्शन निवास करते हैं — हे सुश्रोणि, वे अपने नाम को सार्थक करने वाले, पुरुषोत्तम हैं।'

श्लोक 60 (devibhagavatam.3.17.60)

तस्य लोचनमत्यन्तं निष्फलं प्रतिभाति मे । येन दृष्टो न वामोरु कुमारस्तु सुदर्शनः

tasya locanamatyantaṁ niṣphalaṁ pratibhāti me yena dṛṣṭo na vāmoru kumārastu sudarśanaḥ

'हे वामोरु, मुझे तो उसकी आँखें सर्वथा निष्फल प्रतीत होती हैं, जिनसे उस राजकुमार सुदर्शन का दर्शन नहीं हुआ।'

श्लोक 61 (devibhagavatam.3.17.61)

एकत्र निहिता धात्रा गुणाः सर्वे सिसृक्षुणा । गुणानामाकरं द्रष्टुं मन्ये तेनैव कौतुकात्

ekatra nihitā dhātrā guṇāḥ sarve sisṛkṣuṇā guṇānāmākaraṁ draṣṭuṁ manye tenaiva kautukāt

'सृष्टि करने की इच्छा रखने वाले विधाता ने समस्त गुणों को एक ही स्थान पर रख दिया; मुझे लगता है यह उसी कौतूहलवश हुआ, गुणों की खान को देखने के लिए।'

श्लोक 62 (devibhagavatam.3.17.62)

तव योग्यः कुमारोऽसौ भर्ता भवितुमर्हति । योगोऽयं विहितोऽप्यासीन्मणिकाञ्चनयोरिव

tava yogyaḥ kumāro'sau bhartā bhavitumarhati yogo'yaṁ vihito'pyāsīnmaṇikāñcanayoriva

'वह राजकुमार आपके योग्य है, और आपका पति बनने योग्य है; यह योग तो मानो मणि और स्वर्ण के मिलन के समान ही विहित है।'