देवी-स्थापन वर्णन

श्लोक 1 (devibhagavatam.3.25.1)

व्यास उवाच । गत्वाऽयोध्यां नृपश्रेष्ठो गृहं राज्ञः सुहृद्वृतः । शत्रुजिन्मातरं प्राह प्रणम्य शोकसङ्कुलाम्

vyāsa uvāca gatvā'yodhyāṁ nṛpaśreṣṭho gṛhaṁ rājñaḥ suhṛdvṛtaḥ śatrujinmātaraṁ prāha praṇamya śokasaṅkulām

व्यास जी ने कहा — अयोध्या पहुँचकर, राजभवन में, अपने सुहृदों से घिरे उस श्रेष्ठ राजा ने, शोकाकुल शत्रुजित् की माता को प्रणाम कर उनसे कहा।

श्लोक 2 (devibhagavatam.3.25.2)

मातर्न ते मया पुत्रः सङ्ग्रामे निहतः किल । न पिता ते युधाजिच्च शपे ते चरणौ तथा

mātarna te mayā putraḥ saṅgrāme nihataḥ kila na pitā te yudhājicca śape te caraṇau tathā

'हे माता, आपका पुत्र युद्ध में मेरे द्वारा नहीं मारा गया, न ही आपके पिता युधाजित् — मैं आपके चरणों की सौगंध खाकर यह कहता हूँ।'

श्लोक 3 (devibhagavatam.3.25.3)

दुर्गया तौ हतौ सङ्ख्ये नापराधो ममात्र वै । अवश्यम्भाविभावेषु प्रतीकारो न विद्यते

durgayā tau hatau saṅkhye nāparādho mamātra vai avaśyambhāvibhāveṣu pratīkāro na vidyate

'दोनों युद्ध में देवी दुर्गा द्वारा मारे गए; इसमें मेरा कोई अपराध नहीं है। अवश्यंभावी घटनाओं का कोई प्रतीकार नहीं होता।'

श्लोक 4 (devibhagavatam.3.25.4)

न शोकोऽत्र त्वया कार्यो मृतपुत्रस्य मानिनि । स्वकर्मवशगो जीवो भुङ्क्ते भोगान्सुखासुखान्

na śoko'tra tvayā kāryo mṛtaputrasya mānini svakarmavaśago jīvo bhuṅkte bhogānsukhāsukhān

'हे मानिनि, आपको अपने मृत पुत्र के लिए यहाँ शोक नहीं करना चाहिए; प्रत्येक जीव अपने ही कर्म के अधीन सुख-दुःखरूपी भोगों को भोगता है।'

श्लोक 5 (devibhagavatam.3.25.5)

दासोऽस्मि तव भो मातर्यथा मम मनोरमा । तथा त्वमपि धर्मज्ञे न भेदोऽस्ति मनागपि

dāso'smi tava bho mātaryathā mama manoramā tathā tvamapi dharmajñe na bhedo'sti manāgapi

'हे माता, मैं आपका दास हूँ, जैसे मेरी माता मनोरमा है; हे धर्मज्ञे, आप भी वैसी ही हैं — इसमें रत्तीभर भी भेद नहीं है।'

श्लोक 6 (devibhagavatam.3.25.6)

अवश्यमेव भोक्तव्यं कृतं कर्म शुभाशुभम् । तस्मान्न शोचितव्यं ते सुखे दुःखे कदाचन

avaśyameva bhoktavyaṁ kṛtaṁ karma śubhāśubham tasmānna śocitavyaṁ te sukhe duḥkhe kadācana

'किए गए शुभ अथवा अशुभ कर्म को अवश्य ही भोगना पड़ता है; अतः सुख हो या दुःख, आपको कभी भी शोक नहीं करना चाहिए।'

श्लोक 7 (devibhagavatam.3.25.7)

दुःखे दुःखाधिकान्पश्येत्सुखे पश्येत्सुखाधिकम् । आत्मानं शोकहर्षाभ्यां शत्रुभ्यामिव नार्पयेत्

duḥkhe duḥkhādhikānpaśyetsukhe paśyetsukhādhikam ātmānaṁ śokaharṣābhyāṁ śatrubhyāmiva nārpayet

'दुःख में अपने से अधिक दुःखी लोगों को देखना चाहिए, सुख में अपने से अधिक सुखी लोगों को; शोक और हर्ष को शत्रु के समान मानकर स्वयं को उनके अधीन नहीं करना चाहिए।'

श्लोक 8 (devibhagavatam.3.25.8)

दैवाधीनमिदं सर्वं नात्माधीनं कदाचन । न शोकेन तदाऽऽत्मानं शोषयेन्मतिमान्नरः

daivādhīnamidaṁ sarvaṁ nātmādhīnaṁ kadācana na śokena tadā''tmānaṁ śoṣayenmatimānnaraḥ

'यह सब दैवाधीन है, कभी भी अपने अधीन नहीं; अतः बुद्धिमान मनुष्य को शोक से स्वयं को कभी क्षीण नहीं करना चाहिए।'

श्लोक 9 (devibhagavatam.3.25.9)

यथा दारुमयी योषा नटादीनां प्रचेष्टते । तथा स्वकर्मवशगो देही सर्वत्र वर्तते

yathā dārumayī yoṣā naṭādīnāṁ praceṣṭate tathā svakarmavaśago dehī sarvatra vartate

'जैसे लकड़ी की पुतली नट आदि के इशारे पर नाचती है, वैसे ही अपने कर्म के अधीन देही सर्वत्र व्यवहार करता है।'

श्लोक 10 (devibhagavatam.3.25.10)

अहं वनगतो मातर्नाभवं दुःखमानसः । चिन्तयन्स्वकृतं कर्म भोक्तव्यमिति वेद्मि च

ahaṁ vanagato mātarnābhavaṁ duḥkhamānasaḥ cintayansvakṛtaṁ karma bhoktavyamiti vedmi ca

'हे माता, जब मैं वन गया, तब भी मैं दुःखी मन वाला नहीं हुआ, क्योंकि मैं यह जानता हूँ, विचार करते हुए, कि अपने किए हुए कर्म को अवश्य भोगना पड़ता है।'

श्लोक 11 (devibhagavatam.3.25.11)

मृतो मातामहोऽत्रैव विधुरा जननी मम । भयातुरा गृहीत्वा मां निर्ययौ गहनं वनम्

mṛto mātāmaho'traiva vidhurā jananī mama bhayāturā gṛhītvā māṁ niryayau gahanaṁ vanam

'मेरे नाना यहीं मारे गए; मेरी माता, विधवा हुई, भयभीत होकर मुझे लेकर सघन वन में चली गईं।'

श्लोक 12 (devibhagavatam.3.25.12)

लुण्ठिता तस्करैर्मार्गे वस्त्रहीना तथा कृता । पाथेयञ्च हृतं सर्वं बालपुत्रा निराश्रया

luṇṭhitā taskarairmārge vastrahīnā tathā kṛtā pātheyañca hṛtaṁ sarvaṁ bālaputrā nirāśrayā

'मार्ग में वे डाकुओं द्वारा लूटी गईं, और इस प्रकार वस्त्रहीन कर दी गईं; तथा सारा भोजन-सामग्री भी छीन ली गई; बालक पुत्र सहित वे निराश्रय हो गईं।'

श्लोक 13 (devibhagavatam.3.25.13)

माता गृहीत्वा मां प्राप्ता भारद्वाजाश्रमं प्रति । विदल्लोऽयं समायातस्तथा धात्रेयिकाऽबला

mātā gṛhītvā māṁ prāptā bhāradvājāśramaṁ prati vidallo'yaṁ samāyātastathā dhātreyikā'balā

'मुझे लेकर माता भारद्वाज के आश्रम में पहुँचीं; वहाँ यह विदल्ल भी आया, तथा एक असहाय दासी भी।'

श्लोक 14 (devibhagavatam.3.25.14)

मुनिभिर्मुनिपत्नीभिर्दयायुक्तैः समन्ततः । पोषिताः फलनीवारैर्वयं तत्र स्थितास्त्रयः

munibhirmunipatnībhirdayāyuktaiḥ samantataḥ poṣitāḥ phalanīvārairvayaṁ tatra sthitāstrayaḥ

'दयालु मुनियों तथा मुनि-पत्नियों द्वारा हम तीनों, वहाँ रहते हुए, फल और नीवार से चारों ओर से पालित-पोषित होते रहे।'

श्लोक 15 (devibhagavatam.3.25.15)

दुःखं नमे तदा ह्यासीत्सुखं नाद्य धनागमे । न वैरं न च मात्सर्यं मम चित्ते तु कर्हिचित्

duḥkhaṁ name tadā hyāsītsukhaṁ nādya dhanāgame na vairaṁ na ca mātsaryaṁ mama citte tu karhicit

'तब मुझे कोई दुःख नहीं हुआ था, और आज धन प्राप्ति पर भी कोई सुख नहीं है; और मेरे हृदय में कभी भी न वैर रहा, न ईर्ष्या।'

श्लोक 16 (devibhagavatam.3.25.16)

नीवारभक्षणं श्रेष्ठं राजभोगात्परन्तपे । तदाशी नरकं याति न नीवाराशनः क्वचित्

nīvārabhakṣaṇaṁ śreṣṭhaṁ rājabhogātparantape tadāśī narakaṁ yāti na nīvārāśanaḥ kvacit

'हे परन्तप, नीवार खाना राजभोग से भी श्रेष्ठ है — उस भोग पर जीने वाला नरक को जाता है, परन्तु नीवार खाने वाला कभी नहीं।'

श्लोक 17 (devibhagavatam.3.25.17)

धर्मस्याचरणं कार्यं पुरुषेण विजानता । सञ्जित्येन्द्रियवर्गं वै यथा न नरकं व्रजेत्

dharmasyācaraṇaṁ kāryaṁ puruṣeṇa vijānatā sañjityendriyavargaṁ vai yathā na narakaṁ vrajet

'बुद्धिमान पुरुष को इन्द्रियसमूह को जीतकर धर्म का आचरण करना चाहिए, जिससे वह नरक को न जाए।'

श्लोक 18 (devibhagavatam.3.25.18)

मानुष्यं दुर्लभं मातः खण्डेऽस्मिन्भारते शुभे । आहारादि सुखं नूनं भवेत्सर्वासु योनिषु

mānuṣyaṁ durlabhaṁ mātaḥ khaṇḍe'sminbhārate śubhe āhārādi sukhaṁ nūnaṁ bhavetsarvāsu yoniṣu

'हे माता, इस शुभ भारतखण्ड में मनुष्य-जन्म दुर्लभ है; आहार आदि का सुख तो निश्चय ही समस्त योनियों में प्राप्त हो जाता है।'

श्लोक 19 (devibhagavatam.3.25.19)

प्राप्य तं मानुषं देहं कर्तव्यं धर्मसाधनम् । स्वर्गमोक्षप्रदं नॄणां दुर्लभं चान्ययोनिषु

prāpya taṁ mānuṣaṁ dehaṁ kartavyaṁ dharmasādhanam svargamokṣapradaṁ nṝṇāṁ durlabhaṁ cānyayoniṣu

'इस मानव देह को पाकर, धर्मसाधन करना चाहिए, जो मनुष्यों को स्वर्ग और मोक्ष प्रदान करता है — जो अन्य योनियों में दुर्लभ है।'

श्लोक 20 (devibhagavatam.3.25.20)

व्यास उवाच । इत्युक्ता सा तदा तेन लीलावत्यतिलज्जिता । पुत्रशोकं परित्यज्य तमाहाश्रुविलोचना

vyāsa uvāca ityuktā sā tadā tena līlāvatyatilajjitā putraśokaṁ parityajya tamāhāśruvilocanā

व्यास जी ने कहा — इस प्रकार उनके द्वारा कहे जाने पर, वह लीलावती अत्यंत लज्जित होकर, पुत्रशोक त्यागकर, अश्रुपूर्ण नेत्रों से उनसे बोलीं।

श्लोक 21 (devibhagavatam.3.25.21)

सापराधाऽस्मि पुत्राहं कृता पित्रा युधाजिता । हत्या मातामहं तेऽत्र हृतं राज्यं तु येन वै

sāparādhā'smi putrāhaṁ kṛtā pitrā yudhājitā hatyā mātāmahaṁ te'tra hṛtaṁ rājyaṁ tu yena vai

'हे पुत्र, अपराधिनी तो मैं ही हूँ — मैं अपने पिता युधाजित् द्वारा ही ऐसी बनाई गई, जिन्होंने यहाँ तुम्हारे नाना का वध कर तुम्हारा राज्य हर लिया।'

श्लोक 22 (devibhagavatam.3.25.22)

न तं वारयितुं शक्ता तदाऽहं न सुतं मम । यत्कृतं कर्म तेनैव नापराधोऽस्ति मे सुत

na taṁ vārayituṁ śaktā tadā'haṁ na sutaṁ mama yatkṛtaṁ karma tenaiva nāparādho'sti me suta

'मैं तब न उन्हें रोक सकी, न अपने पुत्र को; जो कर्म किया गया वह उन्हीं का किया हुआ था — मेरा उसमें कोई अपराध नहीं है, हे पुत्र।'

श्लोक 23 (devibhagavatam.3.25.23)

तौ मृतौ स्वकृतेनैव कारणं त्वं तयोर्न च । नाहं शोचामि तं पुत्रं सदा शोचामि तत्कृतम्

tau mṛtau svakṛtenaiva kāraṇaṁ tvaṁ tayorna ca nāhaṁ śocāmi taṁ putraṁ sadā śocāmi tatkṛtam

'वे दोनों अपने ही किए हुए कर्म से मरे; तुम उनकी मृत्यु का कारण नहीं हो। मैं अपने उस पुत्र के लिए शोक नहीं करती — मैं सदैव उसके किए हुए कर्म के लिए ही शोक करती हूँ।'

श्लोक 24 (devibhagavatam.3.25.24)

पुत्र त्वमसि कल्याण भगिनी मे मनोरमा । न क्रोधो न च शोको मे त्वयि पुत्र मनागपि

putra tvamasi kalyāṇa bhaginī me manoramā na krodho na ca śoko me tvayi putra manāgapi

'हे पुत्र, तुम मेरे लिए कल्याणकारी हो; मनोरमा मेरी बहन हैं; हे पुत्र, मुझे तुमसे रत्तीभर भी क्रोध या शोक नहीं है।'

श्लोक 25 (devibhagavatam.3.25.25)

कुरु राज्यं महाभाग प्रजाः पालय सुव्रत । भगवत्याः प्रसादेन प्राप्तमेतदकण्टकम्

kuru rājyaṁ mahābhāga prajāḥ pālaya suvrata bhagavatyāḥ prasādena prāptametadakaṇṭakam

'हे महाभाग, राज्य कीजिए, और हे सुव्रत, प्रजा का पालन कीजिए; भगवती की कृपा से यह राज्य निष्कण्टक होकर प्राप्त हुआ है।'

श्लोक 26 (devibhagavatam.3.25.26)

तदाकर्ण्य वचो मातुर्नत्वा तां नृपनन्दनः । जगाम भवनं रम्यं यत्र पूर्वं मनोरमा

tadākarṇya vaco māturnatvā tāṁ nṛpanandanaḥ jagāma bhavanaṁ ramyaṁ yatra pūrvaṁ manoramā

माता के इन वचनों को सुनकर, वह राजकुमार उन्हें प्रणाम कर, उस रमणीय भवन में गए जहाँ पूर्व में मनोरमा रहती थीं।

श्लोक 27 (devibhagavatam.3.25.27)

न्यवसत्तत्र गत्वा तु सर्वानाहूय मन्त्रिणः । दैवज्ञानथ पप्रच्छ मुहूर्तं दिवसं शुभम्

nyavasattatra gatvā tu sarvānāhūya mantriṇaḥ daivajñānatha papraccha muhūrtaṁ divasaṁ śubham

वहाँ जाकर, वे रहने लगे; और सभी मंत्रियों तथा दैवज्ञों को बुलाकर, उन्होंने शुभ मुहूर्त तथा शुभ दिन के विषय में पूछा।

श्लोक 28 (devibhagavatam.3.25.28)

सिंहासनं तथा हैमं कारयित्वा मनोहरम् । सिंहासने स्थितां देवीं पूजयिष्ये सदाऽप्यहम्

siṁhāsanaṁ tathā haimaṁ kārayitvā manoharam siṁhāsane sthitāṁ devīṁ pūjayiṣye sadā'pyaham

'एक रमणीय स्वर्णसिंहासन निर्मित करवाकर, मैं उस सिंहासन पर विराजमान देवी की सदैव पूजा करूँगा।'

श्लोक 29 (devibhagavatam.3.25.29)

स्थापयित्वाऽऽसने देवीं धर्मार्थकाममोक्षदाम् । राज्यं पश्चात्करिष्यामि यथा रामादिभिः कृतम्

sthāpayitvā''sane devīṁ dharmārthakāmamokṣadām rājyaṁ paścātkariṣyāmi yathā rāmādibhiḥ kṛtam

'धर्म, अर्थ, काम और मोक्ष प्रदान करने वाली देवी को सिंहासन पर स्थापित कर, मैं तत्पश्चात् राज्य करूँगा, जैसा राम आदि द्वारा किया गया था।'

श्लोक 30 (devibhagavatam.3.25.30)

पूजनीया सदा देवी सर्वैर्नागरिकैर्जनैः । माननीया शिवा शक्तिः सर्वकामार्थसिद्धिदा

pūjanīyā sadā devī sarvairnāgarikairjanaiḥ mānanīyā śivā śaktiḥ sarvakāmārthasiddhidā

'देवी की पूजा सदैव समस्त नगरवासियों द्वारा की जानी चाहिए; उस कल्याणी शक्ति का, जो समस्त कामनाओं की सिद्धि प्रदान करती हैं, सम्मान किया जाना चाहिए।'

श्लोक 31 (devibhagavatam.3.25.31)

इत्युक्ता मन्त्रिणस्ते तु चक्रुर्वै राजशासनम् । प्रासादं कारयामासुः शिल्पिभिः सुमनोरमम्

ityuktā mantriṇaste tu cakrurvai rājaśāsanam prāsādaṁ kārayāmāsuḥ śilpibhiḥ sumanoramam

इस प्रकार आदेश पाकर, मंत्रियों ने राजाज्ञा का पालन किया; उन्होंने शिल्पियों से एक अत्यंत रमणीय मन्दिर बनवाया।

श्लोक 32 (devibhagavatam.3.25.32)

प्रतिमां कारयित्वाऽथ मुहूर्तेऽथ शुभे दिने । द्विजानाहूय वेदज्ञान्स्थापयामास भूपतिः

pratimāṁ kārayitvā'tha muhūrte'tha śubhe dine dvijānāhūya vedajñānsthāpayāmāsa bhūpatiḥ

प्रतिमा का निर्माण करवाकर, शुभ मुहूर्त तथा शुभ दिन में, राजा ने वेदज्ञ ब्राह्मणों को बुलाकर प्रतिष्ठा सम्पन्न की।

श्लोक 33 (devibhagavatam.3.25.33)

हवनं विधिवत्कृत्वा पूजयित्वाऽथ देवताम् । प्रासादे मतिमान् देव्याः स्थापयामास भूमिपः

havanaṁ vidhivatkṛtvā pūjayitvā'tha devatām prāsāde matimān devyāḥ sthāpayāmāsa bhūmipaḥ

विधिपूर्वक हवन सम्पन्न कर, तथा देवी की पूजा कर, उस बुद्धिमान राजा ने उन्हें मन्दिर में स्थापित किया।

श्लोक 34 (devibhagavatam.3.25.34)

उत्सवस्तत्र संवृत्तो वादित्राणाञ्च निःस्वनैः । ब्राह्मणानां वेदघोषैर्गानैस्तु विधिधैर्नृप

utsavastatra saṁvṛtto vāditrāṇāñca niḥsvanaiḥ brāhmaṇānāṁ vedaghoṣairgānaistu vidhidhairnṛpa

हे राजन्, वहाँ वाद्ययंत्रों की ध्वनियों, ब्राह्मणों के वेदघोष तथा विधिवत् गायनों के साथ एक महोत्सव सम्पन्न हुआ।

श्लोक 35 (devibhagavatam.3.25.35)

व्यास उवाच । प्रतिष्ठाप्य शिवां देवीं विधिवद्वेदवादिभिः । पूजां नानाविधां राजा चकारातिविधानतः

vyāsa uvāca pratiṣṭhāpya śivāṁ devīṁ vidhivadvedavādibhiḥ pūjāṁ nānāvidhāṁ rājā cakārātividhānataḥ

व्यास जी ने कहा — वेदवेत्ताओं की सहायता से विधिपूर्वक कल्याणी देवी को प्रतिष्ठित कर, राजा ने अत्यंत विधानपूर्वक नाना प्रकार की पूजा सम्पन्न की।

श्लोक 36 (devibhagavatam.3.25.36)

कृत्वा पूजाविधिं राजा राज्यं प्राप्य स्वपैतृकम् । विख्यातश्चाम्बिका देवी कोसलेषु बभूव ह

kṛtvā pūjāvidhiṁ rājā rājyaṁ prāpya svapaitṛkam vikhyātaścāmbikā devī kosaleṣu babhūva ha

पूजाविधि सम्पन्न कर, तथा अपने पैतृक राज्य को प्राप्त कर, राजा ने शासन किया; और अम्बिका देवी कोसल में विख्यात हो गईं।

श्लोक 37 (devibhagavatam.3.25.37)

राज्यं प्राप्य नृपः सर्वं सामन्तकनृपानथ । वशे चक्रेऽतिधर्मिष्ठान्सद्धर्मविजयी नृपः

rājyaṁ prāpya nṛpaḥ sarvaṁ sāmantakanṛpānatha vaśe cakre'tidharmiṣṭhānsaddharmavijayī nṛpaḥ

सम्पूर्ण राज्य प्राप्त कर, उस अत्यंत धर्मिष्ठ, सद्धर्मविजयी राजा ने तब सभी सामन्त राजाओं को अपने वश में किया।

श्लोक 38 (devibhagavatam.3.25.38)

यथा रामः स्वराज्येऽभूद्दिलीपस्य रघुर्यथा । प्रजानां वै सुखं तद्वन्मर्यादाऽपि तथाऽभवत्

yathā rāmaḥ svarājye'bhūddilīpasya raghuryathā prajānāṁ vai sukhaṁ tadvanmaryādā'pi tathā'bhavat

जैसे राम अपने राज्य में थे, जैसे दिलीप के पुत्र रघु थे — वैसा ही प्रजा का सुख था, और वैसी ही मर्यादा भी बनी रही।

श्लोक 39 (devibhagavatam.3.25.39)

धर्मो वर्णाश्रमाणां च चतुष्पादभवत्तथा । नाधर्मे रमते चित्तं केषामपि महीतले

dharmo varṇāśramāṇāṁ ca catuṣpādabhavattathā nādharme ramate cittaṁ keṣāmapi mahītale

वर्णाश्रमों का धर्म चतुष्पाद हो गया; पृथ्वी पर किसी का भी मन अधर्म में रमण नहीं करता था।

श्लोक 40 (devibhagavatam.3.25.40)

ग्रामे ग्रामे च प्रासादांश्चक्रुः सर्वे जनाधिपाः । देव्याः पूजा तदा प्रीत्या कोसलेषु प्रवर्तिता

grāme grāme ca prāsādāṁścakruḥ sarve janādhipāḥ devyāḥ pūjā tadā prītyā kosaleṣu pravartitā

गाँव-गाँव में सभी जनाधिपतियों ने मन्दिर बनवाए; और इस प्रकार देवी की पूजा प्रेमपूर्वक कोसल में प्रचलित हो गई।

श्लोक 41 (devibhagavatam.3.25.41)

सुबाहुरपि काश्यां तु दुर्गायाः प्रतिमां शुभाम् । कारयित्वा च प्रासादं स्थापयामास भक्तितः

subāhurapi kāśyāṁ tu durgāyāḥ pratimāṁ śubhām kārayitvā ca prāsādaṁ sthāpayāmāsa bhaktitaḥ

सुबाहु ने भी काशी में दुर्गा की शुभ प्रतिमा बनवाकर, तथा मन्दिर निर्मित कर, भक्तिपूर्वक उन्हें वहाँ स्थापित किया।

श्लोक 42 (devibhagavatam.3.25.42)

तत्र तस्या जनाः सर्वे प्रेमभक्तिपरायणाः । पूजां चक्रुर्विधानेन यथा विश्वेश्वरस्य ह

tatra tasyā janāḥ sarve premabhaktiparāyaṇāḥ pūjāṁ cakrurvidhānena yathā viśveśvarasya ha

वहाँ सभी लोग, प्रेमभक्ति में लीन होकर, विधिपूर्वक उनकी पूजा करने लगे, जैसे विश्वेश्वर की।

श्लोक 43 (devibhagavatam.3.25.43)

विख्याता सा बभूवाथ दुर्गादेवी धरातले । देशे देशे महाराज तस्या भक्तिर्व्यवर्धत

vikhyātā sā babhūvātha durgādevī dharātale deśe deśe mahārāja tasyā bhaktirvyavardhata

इस प्रकार देवी दुर्गा पृथ्वी पर विख्यात हो गईं; हे महाराज, देश-देश में उनकी भक्ति बढ़ती गई।

श्लोक 44 (devibhagavatam.3.25.44)

सर्वत्र भारते लोके सर्ववर्णेषु सर्वथा । भजनीया भवानी तु सर्वेषामभवत्तदा

sarvatra bhārate loke sarvavarṇeṣu sarvathā bhajanīyā bhavānī tu sarveṣāmabhavattadā

सम्पूर्ण भारतवर्ष में, सभी वर्णों में, सर्वथा, तब भवानी सबके द्वारा भजनीय हो गईं।

श्लोक 45 (devibhagavatam.3.25.45)

शक्तिभक्तिरताः सर्वे मानिनश्चाभवन्नृप । आगमोक्तैरथ स्तोत्रैर्जपध्यानपरायणाः

śaktibhaktiratāḥ sarve māninaścābhavannṛpa āgamoktairatha stotrairjapadhyānaparāyaṇāḥ

हे राजन्, सभी लोग शक्ति-भक्ति में रत तथा स्वाभिमानी हो गए, आगमोक्त स्तोत्रों द्वारा जप-ध्यान में परायण होकर।

श्लोक 46 (devibhagavatam.3.25.46)

नवरात्रेषु सर्वेषु चक्रुः सर्वे विधानतः । अर्चनं हवनं यागं देव्या भक्तिपरा जनाः

navarātreṣu sarveṣu cakruḥ sarve vidhānataḥ arcanaṁ havanaṁ yāgaṁ devyā bhaktiparā janāḥ

प्रत्येक नवरात्र में, देवी-भक्तिपरायण सभी लोग विधिपूर्वक अर्चन, हवन तथा यज्ञ सम्पन्न करते थे।