ब्रह्मा को श्रीदेवी का उपदेश

श्लोक 1 (devibhagavatam.3.6.1)

ब्रह्मोवाच । इति पृष्टा मया देवी विनयावनतेन च । उवाच वचनं श्लक्ष्णमाद्या भगवती हि सा

brahmovāca iti pṛṣṭā mayā devī vinayāvanatena ca uvāca vacanaṁ ślakṣṇamādyā bhagavatī hi sā

ब्रह्मा जी ने कहा — मेरे द्वारा विनय से झुककर इस प्रकार पूछे जाने पर वह आद्या भगवती देवी ने कोमल वचन कहे।

श्लोक 2 (devibhagavatam.3.6.2)

देव्युवाच । सदैकत्वं न भेदोऽस्ति सर्वदैव ममास्य च । योऽसौ साहमहं योऽसौ भेदोऽस्ति मतिविभ्रमात्

devyuvāca sadaikatvaṁ na bhedo'sti sarvadaiva mamāsya ca yo'sau sāhamahaṁ yo'sau bhedo'sti mativibhramāt

देवी ने कहा — मेरे और इस (पुरुष) के बीच सदा एकत्व ही है, भेद कभी नहीं है; जो वह है वही मैं हूँ, जो मैं हूँ वही वह है — भेद तो केवल बुद्धि के भ्रम से उत्पन्न होता है।

श्लोक 3 (devibhagavatam.3.6.3)

आवयोरन्तरं सूक्ष्मं यो वेद मतिमान्हि सः । विमुक्तः स तु संसारान्मुच्यते नात्र संशयः

āvayorantaraṁ sūkṣmaṁ yo veda matimānhi saḥ vimuktaḥ sa tu saṁsārānmucyate nātra saṁśayaḥ

जो हम दोनों के इस सूक्ष्म अन्तर को जानता है, वही वास्तव में बुद्धिमान् है; वह संसार से मुक्त हो जाता है — इसमें कोई संशय नहीं।

श्लोक 4 (devibhagavatam.3.6.4)

एकमेवाद्वितीयं वै ब्रह्म नित्यं सनातनम् । द्वैतभावं पुनर्याति काल उत्पित्सुसंज्ञके

ekamevādvitīyaṁ vai brahma nityaṁ sanātanam dvaitabhāvaṁ punaryāti kāla utpitsusaṁjñake

ब्रह्म एक ही, अद्वितीय, नित्य और सनातन है; सृष्टि की इच्छा-रूपी काल के आने पर वह पुनः द्वैत-भाव को प्राप्त होता है।

श्लोक 5 (devibhagavatam.3.6.5)

यथा दीपस्तथोपाधेर्योगात्सञ्जायते द्विधा । छायेवादर्शमध्ये वा प्रतिबिम्बं तथावयोः

yathā dīpastathopādheryogātsañjāyate dvidhā chāyevādarśamadhye vā pratibimbaṁ tathāvayoḥ

जैसे दीपक उपाधि के योग से मानो दो-रूप हो जाता है, अथवा जैसे दर्पण के मध्य छाया या प्रतिबिम्ब होता है, वैसे ही हम दोनों के बीच है।

श्लोक 6 (devibhagavatam.3.6.6)

भेद उत्पत्तिकाले वै सर्गार्थं प्रभवत्यज । दृश्यादृश्यविभेदोऽयं द्वैविध्ये सति सर्वथा

bheda utpattikāle vai sargārthaṁ prabhavatyaja dṛśyādṛśyavibhedo'yaṁ dvaividhye sati sarvathā

हे अजन्मे! सृष्टि के समय भेद सृष्टि के प्रयोजन के लिए ही उत्पन्न होता है; यह दृश्य-अदृश्य का भेद द्वैत-भाव उत्पन्न होने पर ही सर्वथा होता है।

श्लोक 7 (devibhagavatam.3.6.7)

नाहं स्त्री न पुमांश्चाहं न क्लीबं सर्गसङ्क्षये । सर्गे सति विभेदः स्यात्कल्पितोऽयं धिया पुनः

nāhaṁ strī na pumāṁścāhaṁ na klībaṁ sargasaṅkṣaye sarge sati vibhedaḥ syātkalpito'yaṁ dhiyā punaḥ

सृष्टि के संकोच (प्रलय) में मैं न स्त्री हूँ, न पुरुष हूँ और न ही नपुंसक हूँ; सृष्टि होने पर ही यह भेद होता है, जो पुनः बुद्धि द्वारा कल्पित है।

श्लोक 8 (devibhagavatam.3.6.8)

अहं बुद्धिरहं श्रीश्च धृतिः कीर्तिः स्मृतिस्तथा । श्रद्धा मेधा दया लज्जा क्षुधा तृष्णा तथा क्षमा

ahaṁ buddhirahaṁ śrīśca dhṛtiḥ kīrtiḥ smṛtistathā śraddhā medhā dayā lajjā kṣudhā tṛṣṇā tathā kṣamā

मैं बुद्धि हूँ, मैं ही श्री हूँ, धृति, कीर्ति तथा स्मृति भी मैं ही हूँ; श्रद्धा, मेधा, दया, लज्जा, क्षुधा, तृष्णा तथा क्षमा भी मैं हूँ।

श्लोक 9 (devibhagavatam.3.6.9)

कान्तिः शान्तिः पिपासा च निद्रा तन्द्रा जराजरा । विद्याविद्या स्पृहा वाञ्छा शक्तिश्चाशक्तिरेव च

kāntiḥ śāntiḥ pipāsā ca nidrā tandrā jarājarā vidyāvidyā spṛhā vāñchā śaktiścāśaktireva ca

कान्ति, शान्ति और तृष्णा, निद्रा, तन्द्रा, जरा और अजरा, विद्या-अविद्या, स्पृहा, वांछा, शक्ति तथा अशक्ति भी मैं ही हूँ।

श्लोक 10 (devibhagavatam.3.6.10)

वसा मज्जा च त्वक्चाहं दृष्टिर्वागनृतानृता । परा मध्या च पश्यन्ती नाड्योऽहं विविधाश्च याः

vasā majjā ca tvakcāhaṁ dṛṣṭirvāganṛtānṛtā parā madhyā ca paśyantī nāḍyo'haṁ vividhāśca yāḥ

वसा, मज्जा और त्वचा मैं ही हूँ; दृष्टि, सत्य-असत्य वाणी, परा-मध्यमा-पश्यन्ती (वाणी की अवस्थाएँ) तथा विविध नाड़ियाँ भी मैं ही हूँ।

श्लोक 11 (devibhagavatam.3.6.11)

किं नाहं पश्य संसारे मद्वियुक्तं किमस्ति हि । सर्वमेवाहमित्येवं निश्चयं विद्धि पद्मज

kiṁ nāhaṁ paśya saṁsāre madviyuktaṁ kimasti hi sarvamevāhamityevaṁ niścayaṁ viddhi padmaja

देखो, संसार में ऐसा क्या है जो मुझसे रहित है? 'सब कुछ मैं ही हूँ' — यही निश्चय जानो, हे कमलजन्मा!

श्लोक 12 (devibhagavatam.3.6.12)

एतैर्मे निश्चितै रूपैर्विहीनं किं वदस्व मे । तस्मादहं विधे चास्मिन्सर्गे वै वितताभवम्

etairme niścitai rūpairvihīnaṁ kiṁ vadasva me tasmādahaṁ vidhe cāsminsarge vai vitatābhavam

बताओ मुझे, मेरे इन निश्चित रूपों से रहित क्या है? इसीलिए, हे विधे! मैं इस सृष्टि में सर्वत्र फैली हुई हूँ।

श्लोक 13 (devibhagavatam.3.6.13)

नूनं सर्वेषु देवेषु नानानामधरा ह्यहम् । भवामि शक्तिरूपेण करोमि च पराक्रमम्

nūnaṁ sarveṣu deveṣu nānānāmadharā hyaham bhavāmi śaktirūpeṇa karomi ca parākramam

निश्चय ही समस्त देवताओं में मैं ही विभिन्न नामों को धारण करती हूँ; मैं शक्ति-रूप में स्थित होकर ही पराक्रम करती हूँ।

श्लोक 14 (devibhagavatam.3.6.14)

गौरी ब्राह्मी तथा रौद्री वाराही वैष्णवी शिवा । वारूणी चाथ कौबेरी नारसिंही च वासवी

gaurī brāhmī tathā raudrī vārāhī vaiṣṇavī śivā vārūṇī cātha kauberī nārasiṁhī ca vāsavī

गौरी, ब्राह्मी, तथा रौद्री, वाराही, वैष्णवी, शिवा, वारुणी, कौबेरी, नारसिंही तथा वासवी —

श्लोक 15 (devibhagavatam.3.6.15)

उत्पन्नेषु समस्तेषु कार्येषु प्रविशामि तान् । करोमि सर्वकार्याणि निमित्तं तं विधाय वै

utpanneṣu samasteṣu kāryeṣu praviśāmi tān karomi sarvakāryāṇi nimittaṁ taṁ vidhāya vai

इन सबके कार्य उत्पन्न होने पर मैं उनमें प्रवेश करती हूँ, और उस देवता को केवल निमित्त बनाकर सम्पूर्ण कार्य स्वयं करती हूँ।

श्लोक 16 (devibhagavatam.3.6.16)

जले शीतं तथा वह्नावौष्ण्यं ज्योतिर्दिवाकरे । निशानाथे हिमा कामं प्रभवामि यथा तथा

jale śītaṁ tathā vahnāvauṣṇyaṁ jyotirdivākare niśānāthe himā kāmaṁ prabhavāmi yathā tathā

जल में शीतलता, अग्नि में उष्णता, सूर्य में प्रकाश तथा चन्द्रमा में शीतलता की भाँति मैं जैसा चाहती हूँ वैसे ही प्रकट होती हूँ।

श्लोक 17 (devibhagavatam.3.6.17)

मया त्यक्तं विधे नूनं स्पन्दितुं न क्षमं भवेत् । जीवजातं च संसारे निश्चयोऽयं ब्रुवे त्वयि

mayā tyaktaṁ vidhe nūnaṁ spandituṁ na kṣamaṁ bhavet jīvajātaṁ ca saṁsāre niścayo'yaṁ bruve tvayi

हे विधे! मेरे द्वारा त्यागा गया कोई भी जीव इस संसार में स्पन्दित होने में समर्थ नहीं होता — यह निश्चय मैं तुम्हें बताती हूँ।

श्लोक 18 (devibhagavatam.3.6.18)

अशक्तः शङ्करो हन्तुं दैत्यान्किल मयोज्झितः । शक्तिहीनं नरं ब्रूते लोकश्चैवातिदुर्बलम्

aśaktaḥ śaṅkaro hantuṁ daityānkila mayojjhitaḥ śaktihīnaṁ naraṁ brūte lokaścaivātidurbalam

यदि मेरे द्वारा त्याग दिया जाए तो शंकर भी दैत्यों का वध करने में असमर्थ हो जाएँ; शक्तिरहित पुरुष को ही लोक अत्यन्त दुर्बल कहता है।

श्लोक 19 (devibhagavatam.3.6.19)

रुद्रहीनं विष्णुहीनं न वदन्ति जनाः किल । शक्तिहीनं यथा सर्वे प्रवदन्ति नराधमम्

rudrahīnaṁ viṣṇuhīnaṁ na vadanti janāḥ kila śaktihīnaṁ yathā sarve pravadanti narādhamam

लोग किसी को 'रुद्ररहित' या 'विष्णुरहित' नहीं कहते, परन्तु शक्तिरहित मनुष्य को सब लोग निश्चय ही अधम पुरुष कहते हैं।

श्लोक 20 (devibhagavatam.3.6.20)

पतितः स्खलितो भीतः शान्तः शत्रुवशं गतः । अशक्तः प्रोच्यते लोके नारुद्रः कोऽपि कथ्यते

patitaḥ skhalito bhītaḥ śāntaḥ śatruvaśaṁ gataḥ aśaktaḥ procyate loke nārudraḥ ko'pi kathyate

गिरा हुआ, फिसला हुआ, भयभीत, शान्त हो गया, शत्रु के वश में गया हुआ पुरुष लोक में 'अशक्त' कहलाता है, परन्तु कोई भी 'अरुद्र' नहीं कहलाता।

श्लोक 21 (devibhagavatam.3.6.21)

तद्विद्धि कारणं शक्तिर्यथा त्वं च सिसृक्षसि । भविता च यदा युक्तः शक्त्या कर्ता तदाखिलम्

tadviddhi kāraṇaṁ śaktiryathā tvaṁ ca sisṛkṣasi bhavitā ca yadā yuktaḥ śaktyā kartā tadākhilam

इसलिए जानो कि शक्ति ही कारण है; जैसे तुम सृष्टि करना चाहते हो, और शक्ति से युक्त होने पर ही तुम सम्पूर्ण सृष्टि के कर्ता बनते हो।

श्लोक 22 (devibhagavatam.3.6.22)

तथा हरिस्तथा शम्भुस्तथेन्द्रोऽथ विभावसुः । शशी सूर्यो यमस्त्वष्टा वरुणः पवनस्तथा

tathā haristathā śambhustathendro'tha vibhāvasuḥ śaśī sūryo yamastvaṣṭā varuṇaḥ pavanastathā

उसी प्रकार हरि, उसी प्रकार शम्भु, उसी प्रकार इन्द्र, अग्नि, चन्द्रमा, सूर्य, यम, त्वष्टा, वरुण तथा वायु —

श्लोक 23 (devibhagavatam.3.6.23)

धरा स्थिरा तदा धर्तुं शक्तियुक्ता यदा भवेत् । अन्यथा चेदशक्ता स्यात्परमाणोश्च धारणे

dharā sthirā tadā dhartuṁ śaktiyuktā yadā bhavet anyathā cedaśaktā syātparamāṇośca dhāraṇe

पृथ्वी भी शक्ति से युक्त होने पर ही स्थिर होकर धारण करने में समर्थ होती है; अन्यथा वह एक परमाणु को भी धारण करने में असमर्थ होती।

श्लोक 24 (devibhagavatam.3.6.24)

तथा शेषस्तथा कूर्मो येऽन्ये सर्वे च दिग्गजाः । मद्युक्ता वै समर्थाश्च स्वानि कार्याणि साधितुम्

tathā śeṣastathā kūrmo ye'nye sarve ca diggajāḥ madyuktā vai samarthāśca svāni kāryāṇi sādhitum

उसी प्रकार शेष, कूर्म तथा अन्य समस्त दिग्गज मुझसे युक्त होकर ही अपने-अपने कार्यों को सिद्ध करने में समर्थ होते हैं।

श्लोक 25 (devibhagavatam.3.6.25)

जलं पिबामि सकलं संहरामि विभावसुम् । पवनं स्तम्भयाम्यद्य यदिच्छामि तथाचरम्

jalaṁ pibāmi sakalaṁ saṁharāmi vibhāvasum pavanaṁ stambhayāmyadya yadicchāmi tathācaram

मैं सम्पूर्ण जल पी सकती हूँ, अग्नि का संहार कर सकती हूँ, आज ही वायु को स्तम्भित कर सकती हूँ — मैं जैसा चाहती हूँ वैसा ही करती हूँ।

श्लोक 26 (devibhagavatam.3.6.26)

तत्त्वानां चैव सर्वेषां कदापि कमलोद्भव । असतां भावसन्देहः कर्तव्यो न कदाचन

tattvānāṁ caiva sarveṣāṁ kadāpi kamalodbhava asatāṁ bhāvasandehaḥ kartavyo na kadācana

हे कमलोद्भव! समस्त तत्त्वों के विषय में असत् वस्तुओं की सत्ता का संदेह कभी नहीं करना चाहिए।

श्लोक 27 (devibhagavatam.3.6.27)

कदाचित्प्रागभावः स्यात्प्रध्वंसाभाव एव वा । मृत्पिण्डेषु कपालेषु घटाभावो यथा तथा

kadācitprāgabhāvaḥ syātpradhvaṁsābhāva eva vā mṛtpiṇḍeṣu kapāleṣu ghaṭābhāvo yathā tathā

कभी 'प्रागभाव' होता है और कभी 'ध्वंसाभाव' — जैसे मिट्टी के पिण्ड और ठीकरों में घट का अभाव होता है, वैसे ही।

श्लोक 28 (devibhagavatam.3.6.28)

अद्यात्र पृथिवी नास्ति क्व गतेति विचारणे । सञ्जाता इति विज्ञेया अस्यास्तु परमाणवः

adyātra pṛthivī nāsti kva gateti vicāraṇe sañjātā iti vijñeyā asyāstu paramāṇavaḥ

'आज यहाँ पृथ्वी नहीं है, वह कहाँ गई' — ऐसा विचार करने पर यह समझना चाहिए कि इसके परमाणु ही (अन्यत्र) उत्पन्न हुए हैं।

श्लोक 29 (devibhagavatam.3.6.29)

शाश्वतं क्षणिकं शून्यं नित्यानित्यं सकर्तुकम् । अहङ्काराग्रिमञ्चैव सप्तभेदैर्विवक्षितम्

śāśvataṁ kṣaṇikaṁ śūnyaṁ nityānityaṁ sakartukam ahaṅkārāgrimañcaiva saptabhedairvivakṣitam

शाश्वत, क्षणिक, शून्य, नित्य-अनित्य, कर्तायुक्त तथा अहंकार से आरम्भ होने वाला — इस प्रकार सात भेदों द्वारा (तत्त्वों का) वर्णन अभिप्रेत है।

श्लोक 30 (devibhagavatam.3.6.30)

गृहाणाज महतत्त्वमहङ्कारस्तदुद्भवः । ततः सर्वाणि भूतानि रचयस्व यथा पुरा

gṛhāṇāja mahatattvamahaṅkārastadudbhavaḥ tataḥ sarvāṇi bhūtāni racayasva yathā purā

हे अजन्मे! महत्तत्त्व और उससे उत्पन्न अहंकार को ग्रहण करो; फिर पूर्व की भाँति समस्त भूतों की रचना करो।

श्लोक 31 (devibhagavatam.3.6.31)

व्रजन्तु स्वानि धिष्ण्यानि विरच्य निवसन्तु वः । स्वानि स्वानि च कार्याणि कुर्वन्तु दैवभाविताः

vrajantu svāni dhiṣṇyāni viracya nivasantu vaḥ svāni svāni ca kāryāṇi kurvantu daivabhāvitāḥ

देवता अपने-अपने स्थानों को जाएँ, उन्हें बनाकर वहाँ निवास करें और अपने दैवी स्वभाव से प्रेरित होकर अपना-अपना कार्य करें।

श्लोक 32 (devibhagavatam.3.6.32)

गृहाणेमां विधे शक्तिं सुरूपां चारुहासिनीम् । महासरस्वतीं नाम्ना रजोगुणयुतां वराम्

gṛhāṇemāṁ vidhe śaktiṁ surūpāṁ cāruhāsinīm mahāsarasvatīṁ nāmnā rajoguṇayutāṁ varām

हे विधे! सुन्दर रूप और मनोहर मुस्कान वाली इस शक्ति को ग्रहण करो — 'महासरस्वती' नाम वाली, रजोगुण से युक्त, यह श्रेष्ठ देवी —

श्लोक 33 (devibhagavatam.3.6.33)

श्वेताम्बरधरां दिव्यां दिव्यभूषणभूषिताम् । वरासनसमारूढां क्रीडार्थं सहचारिणीम्

śvetāmbaradharāṁ divyāṁ divyabhūṣaṇabhūṣitām varāsanasamārūḍhāṁ krīḍārthaṁ sahacāriṇīm

श्वेत वस्त्र धारण करने वाली, दिव्य, दिव्य आभूषणों से सुसज्जित, श्रेष्ठ आसन पर आरूढ़ — तुम्हारी क्रीड़ा के लिए यह तुम्हारी सहचरी होगी।

श्लोक 34 (devibhagavatam.3.6.34)

एषा सहचरी नित्यं भविष्यति वराङ्गना । मावमंस्था विभूतिं मे मत्वा पूज्यतमां प्रियाम्

eṣā sahacarī nityaṁ bhaviṣyati varāṅganā māvamaṁsthā vibhūtiṁ me matvā pūjyatamāṁ priyām

यह सुन्दरी सदा तुम्हारी सहचरी रहेगी; इसे मेरी विभूति मानकर, पूज्यतम और प्रिय समझकर इसका अनादर मत करना।

श्लोक 35 (devibhagavatam.3.6.35)

गच्छ त्वमनया सार्धं सत्यलोकं बताशु वै । बीजाच्चतुर्विधं सर्वं समुत्पादय साम्प्रतम्

gaccha tvamanayā sārdhaṁ satyalokaṁ batāśu vai bījāccaturvidhaṁ sarvaṁ samutpādaya sāmpratam

इसके साथ तुम शीघ्र ही सत्यलोक जाओ; अब बीज से चारों प्रकार की प्रजा को उत्पन्न करो।

श्लोक 36 (devibhagavatam.3.6.36)

लिङ्गकोशाश्च जीवैस्तैः सहिताः कर्मभिस्तथा । वर्तन्ते संस्थिताः काले तान्कुरु त्वं यथा पुरा

liṅgakośāśca jīvaistaiḥ sahitāḥ karmabhistathā vartante saṁsthitāḥ kāle tānkuru tvaṁ yathā purā

लिंग-कोश उन जीवों के साथ, उनके कर्मों सहित, काल में स्थित रहते हैं; उन्हें पूर्व की भाँति रचो।

श्लोक 37 (devibhagavatam.3.6.37)

कालकर्मस्वभावाख्यैः कारणैः सकलं जगत् । स्वभावस्वगुणैर्युक्तं पूर्ववत्सचराचरम्

kālakarmasvabhāvākhyaiḥ kāraṇaiḥ sakalaṁ jagat svabhāvasvaguṇairyuktaṁ pūrvavatsacarācaram

काल, कर्म और स्वभाव नामक कारणों से युक्त, अपने-अपने स्वभाव और गुणों से युक्त सम्पूर्ण चराचर जगत् की रचना पूर्व की भाँति करो।

श्लोक 38 (devibhagavatam.3.6.38)

माननीयस्त्वया विष्णुः पूजनीयश्च सर्वदा । सत्त्वगुणप्रधानत्वादधिकः सर्वतः सदा

mānanīyastvayā viṣṇuḥ pūjanīyaśca sarvadā sattvaguṇapradhānatvādadhikaḥ sarvataḥ sadā

विष्णु तुम्हारे द्वारा सदा माननीय और पूजनीय हों, क्योंकि सत्त्वगुण की प्रधानता के कारण वे सदा सबसे अधिक श्रेष्ठ हैं।

श्लोक 39 (devibhagavatam.3.6.39)

यदा यदा हि कार्यं वो भविष्यति दुरत्ययम् । करिष्यति पृथिव्यां वै अवतारं तदा हरिः

yadā yadā hi kāryaṁ vo bhaviṣyati duratyayam kariṣyati pṛthivyāṁ vai avatāraṁ tadā hariḥ

जब-जब तुम्हारा कोई कार्य अत्यन्त दुष्कर होगा, तब हरि पृथ्वी पर अवतार लेंगे,

श्लोक 40 (devibhagavatam.3.6.40)

तिर्यग्योनावथान्यत्र मानुषीं तनुमाश्रितः । दानवानां विनाशं वै करिष्यति जनार्दनः

tiryagyonāvathānyatra mānuṣīṁ tanumāśritaḥ dānavānāṁ vināśaṁ vai kariṣyati janārdanaḥ

चाहे पशु-योनि में हो या अन्यत्र मानव-शरीर धारण करके, जनार्दन दानवों का विनाश करेंगे।

श्लोक 41 (devibhagavatam.3.6.41)

भवोऽयं ते सहायश्च भविष्यति महाबलः । समुत्पाद्य सुरान्सर्वान्विहरस्व यथासुखम्

bhavo'yaṁ te sahāyaśca bhaviṣyati mahābalaḥ samutpādya surānsarvānviharasva yathāsukham

यह भव (शिव) भी महाबली होकर तुम्हारा सहायक बनेगा; समस्त देवताओं को उत्पन्न करके सुखपूर्वक विहार करो।

श्लोक 42 (devibhagavatam.3.6.42)

ब्राह्मणाः क्षत्रिया वैश्या नानायज्ञैः सदक्षिणैः । यजिष्यन्ति विधानेन सर्वान्वः सुसमाहिताः

brāhmaṇāḥ kṣatriyā vaiśyā nānāyajñaiḥ sadakṣiṇaiḥ yajiṣyanti vidhānena sarvānvaḥ susamāhitāḥ

ब्राह्मण, क्षत्रिय और वैश्य विधिपूर्वक, पूर्ण एकाग्रचित्त होकर, दक्षिणा सहित विविध यज्ञों द्वारा तुम सबकी पूजा करेंगे।

श्लोक 43 (devibhagavatam.3.6.43)

मन्नामोच्चारणात्सर्वे मखेषु सकलेषु च । सदा तृप्ताश्च सन्तुष्टा भविष्यध्वं सुराः किल

mannāmoccāraṇātsarve makheṣu sakaleṣu ca sadā tṛptāśca santuṣṭā bhaviṣyadhvaṁ surāḥ kila

हे देवताओ! समस्त यज्ञों में मेरे नाम के उच्चारण से तुम सभी सदा तृप्त और संतुष्ट होते रहोगे।

श्लोक 44 (devibhagavatam.3.6.44)

शिवश्च माननीयो वै सर्वथा यत्तमोगुणः । यज्ञकार्येषु सर्वेषु पूजनीयः प्रयत्नतः

śivaśca mānanīyo vai sarvathā yattamoguṇaḥ yajñakāryeṣu sarveṣu pūjanīyaḥ prayatnataḥ

जिनमें तमोगुण है, वे शिव भी सर्वथा माननीय हैं; समस्त यज्ञ-कार्यों में उनकी भी यत्नपूर्वक पूजा करनी चाहिए।

श्लोक 45 (devibhagavatam.3.6.45)

यदा पुनः सुराणां वै भयं दैत्याद्भविष्यति । शक्तयो मे तदोत्पन्ना हरिष्यन्ति सुविग्रहाः

yadā punaḥ surāṇāṁ vai bhayaṁ daityādbhaviṣyati śaktayo me tadotpannā hariṣyanti suvigrahāḥ

जब पुनः देवताओं को दैत्यों से भय होगा, तब मेरी उत्पन्न शक्तियाँ सुन्दर रूप धारण करके उस भय को दूर करेंगी।

श्लोक 46 (devibhagavatam.3.6.46)

वाराही वैष्णवी गौरी नारसिंही सदाशिवा । एताश्चान्याश्च कार्याणि कुरु त्वं कमलोद्भव

vārāhī vaiṣṇavī gaurī nārasiṁhī sadāśivā etāścānyāśca kāryāṇi kuru tvaṁ kamalodbhava

वाराही, वैष्णवी, गौरी, नारसिंही तथा सदाशिवा — इन तथा अन्य कार्यों को, हे कमलोद्भव! तुम करो।

श्लोक 47 (devibhagavatam.3.6.47)

नवाक्षरमिमं मन्त्रं बीजध्यानयुतं सदा । जपन्सर्वाणि कार्याणि कुरु त्वं कमलोद्भव

navākṣaramimaṁ mantraṁ bījadhyānayutaṁ sadā japansarvāṇi kāryāṇi kuru tvaṁ kamalodbhava

बीज और ध्यान सहित इस नवाक्षर मन्त्र का सदा जप करते हुए, हे कमलोद्भव! तुम अपने सारे कार्य करो।

श्लोक 48 (devibhagavatam.3.6.48)

मन्त्राणामुत्तमोऽयं वै त्वं जानीहि महामते । हृदये ते सदा धार्यः सर्वकामार्थसिद्धये

mantrāṇāmuttamo'yaṁ vai tvaṁ jānīhi mahāmate hṛdaye te sadā dhāryaḥ sarvakāmārthasiddhaye

हे महामते! जानो कि यह मन्त्रों में श्रेष्ठ है; इसे सदा अपने हृदय में धारण करना चाहिए, समस्त कामनाओं और प्रयोजनों की सिद्धि के लिए।

श्लोक 49 (devibhagavatam.3.6.49)

इत्युक्त्वा मां जगन्माता हरिं प्राह शुचिस्मिता । विष्णो व्रज गृहाणेमां महालक्ष्मीं मनोहराम्

ityuktvā māṁ jaganmātā hariṁ prāha śucismitā viṣṇo vraja gṛhāṇemāṁ mahālakṣmīṁ manoharām

मुझसे यह कहकर उस पवित्र मुस्कान वाली जगन्माता ने हरि से कहा — 'हे विष्णु! जाओ, इस मनोहर महालक्ष्मी को ग्रहण करो।

श्लोक 50 (devibhagavatam.3.6.50)

सदा वक्षःस्थले स्थाने भविता नात्र संशयः । क्रीडार्थं ते मया दत्ता शक्तिः सर्वार्थदा शिवा

sadā vakṣaḥsthale sthāne bhavitā nātra saṁśayaḥ krīḍārthaṁ te mayā dattā śaktiḥ sarvārthadā śivā

यह सदा तुम्हारे वक्षःस्थल पर ही स्थान पाएगी, इसमें कोई संशय नहीं। तुम्हारी क्रीड़ा के लिए मेरे द्वारा दी गई यह सर्वार्थदायिनी, कल्याणकारी शक्ति है।

श्लोक 51 (devibhagavatam.3.6.51)

त्वयेयं नावमन्तव्या माननीया च सर्वदा । लक्ष्मीनारायणाख्योऽयं योगो वै विहितो मया

tvayeyaṁ nāvamantavyā mānanīyā ca sarvadā lakṣmīnārāyaṇākhyo'yaṁ yogo vai vihito mayā

तुम्हें इसका कभी अनादर नहीं करना चाहिए, इसे सदा माननीय समझना चाहिए; यह लक्ष्मी-नारायण नामक योग मेरे द्वारा ही विहित है।

श्लोक 52 (devibhagavatam.3.6.52)

जीवनार्थं कृता यज्ञा देवानां सर्वथा मया । अविरोधेन सङ्गेन वर्तितव्यं त्रिभिः सदा

jīvanārthaṁ kṛtā yajñā devānāṁ sarvathā mayā avirodhena saṅgena vartitavyaṁ tribhiḥ sadā

देवताओं के जीवन-निर्वाह के लिए ही मेरे द्वारा सर्वथा यज्ञ रचे गए हैं; तुम तीनों को सदा अविरोध और मैत्रीपूर्ण भाव से रहना चाहिए।

श्लोक 53 (devibhagavatam.3.6.53)

त्वं च वेधाः शिवस्त्वेते देवा मद्गुणसम्भवाः । मान्याः पूज्याश्च सर्वेषां भविष्यन्ति न संशयः

tvaṁ ca vedhāḥ śivastvete devā madguṇasambhavāḥ mānyāḥ pūjyāśca sarveṣāṁ bhaviṣyanti na saṁśayaḥ

तुम, विधाता (ब्रह्मा) और शिव — ये देवता मेरे ही गुणों से उत्पन्न हैं; निःसंदेह वे सबके लिए माननीय और पूजनीय होंगे।

श्लोक 54 (devibhagavatam.3.6.54)

ये विभेदं करिष्यन्ति मानवा मूढचेतसः । निरयं ते गमिष्यन्ति विभेदान्नात्र संशयः

ye vibhedaṁ kariṣyanti mānavā mūḍhacetasaḥ nirayaṁ te gamiṣyanti vibhedānnātra saṁśayaḥ

जो मूढ़बुद्धि मनुष्य तुम तीनों में भेद करेंगे, वे उस भेद-बुद्धि के कारण नरक को प्राप्त होंगे — इसमें कोई संशय नहीं।

श्लोक 55 (devibhagavatam.3.6.55)

यो हरिः स शिवः साक्षाद्यः शिवः स स्वयं हरिः । एतयोर्भेदमातिष्ठन्नरकाय भवेन्नरः

yo hariḥ sa śivaḥ sākṣādyaḥ śivaḥ sa svayaṁ hariḥ etayorbhedamātiṣṭhannarakāya bhavennaraḥ

जो हरि हैं वही साक्षात् शिव हैं, जो शिव हैं वे स्वयं ही हरि हैं; इन दोनों में भेद मानने वाला मनुष्य नरक का भागी होता है।

श्लोक 56 (devibhagavatam.3.6.56)

तथैव द्रुहिणो ज्ञेयो नात्र कार्या विचारणा । अपरो गुणभेदोऽस्ति शृणु विष्णो ब्रवीमि ते

tathaiva druhiṇo jñeyo nātra kāryā vicāraṇā aparo guṇabhedo'sti śṛṇu viṣṇo bravīmi te

वैसे ही ब्रह्मा को भी जानना चाहिए, यहाँ किसी विचार की आवश्यकता नहीं। परन्तु एक अन्य गुण-भेद है — हे विष्णु! सुनो, मैं तुम्हें बताती हूँ।

श्लोक 57 (devibhagavatam.3.6.57)

मुख्यः सत्त्वगुणस्तेऽस्तु परमात्मविचिन्तने । गौणत्वेऽपि परौ ख्यातौ रजोगुणतमोगुणौ

mukhyaḥ sattvaguṇaste'stu paramātmavicintane gauṇatve'pi parau khyātau rajoguṇatamoguṇau

परमात्मा के चिन्तन के लिए तुम्हारे भीतर सत्त्वगुण प्रधान रहे; गौण रूप में भी रजोगुण और तमोगुण दोनों प्रसिद्ध हैं (तुममें विद्यमान)।

श्लोक 58 (devibhagavatam.3.6.58)

लक्ष्म्या सह विकारेषु नानाभेदेषु सर्वदा । रजोगुणयुतो भूत्वा विहरस्वानया सह

lakṣmyā saha vikāreṣu nānābhedeṣu sarvadā rajoguṇayuto bhūtvā viharasvānayā saha

लक्ष्मी के साथ विविध विकारों और अनेक भेदों में सदा रजोगुण से युक्त होकर इनके साथ विहार करो।

श्लोक 59 (devibhagavatam.3.6.59)

वाग्बीजं कामराजं च मायाबीजं तृतीयकम् । मन्त्रोऽयं त्वं रमाकान्त मद्दत्तः परमार्थदः

vāgbījaṁ kāmarājaṁ ca māyābījaṁ tṛtīyakam mantro'yaṁ tvaṁ ramākānta maddattaḥ paramārthadaḥ

वाग्बीज, कामराज तथा तीसरा मायाबीज — हे रमाकान्त! यह मेरे द्वारा दिया गया मन्त्र परम अर्थ को देने वाला है।

श्लोक 60 (devibhagavatam.3.6.60)

गृहीत्वा जप तं नित्यं विहरस्व यथासुखम् । न ते मृत्युभयं विष्णो न कालप्रभवं भयम्

gṛhītvā japa taṁ nityaṁ viharasva yathāsukham na te mṛtyubhayaṁ viṣṇo na kālaprabhavaṁ bhayam

इसे ग्रहण करके सदा इसका जप करो, सुखपूर्वक विहार करो। हे विष्णु! तुम्हें मृत्यु का भय नहीं होगा, न ही काल से उत्पन्न भय होगा।

श्लोक 61 (devibhagavatam.3.6.61)

यावदेष विहारो मे भविष्यति सुनिश्चयः । संहरिष्याम्यहं सर्वं यदा विश्वं चराचरम्

yāvadeṣa vihāro me bhaviṣyati suniścayaḥ saṁhariṣyāmyahaṁ sarvaṁ yadā viśvaṁ carācaram

जब तक यह मेरी लीला इस प्रकार निश्चित रूप से चलती रहेगी (तब तक तुम रहोगे); परन्तु जब मैं इस समस्त चराचर विश्व का संहार करूँगी,

श्लोक 62 (devibhagavatam.3.6.62)

भवन्तोऽपि तदा नूनं मयि लीना भविष्यथ । स्मर्तव्योऽयं सदा मन्त्रः कामदो मोक्षदस्तथा

bhavanto'pi tadā nūnaṁ mayi līnā bhaviṣyatha smartavyo'yaṁ sadā mantraḥ kāmado mokṣadastathā

तब तुम भी निश्चय ही मुझमें लीन हो जाओगे। यह मन्त्र, जो कामनाओं और मोक्ष दोनों को देने वाला है, सदा स्मरण करने योग्य है।

श्लोक 63 (devibhagavatam.3.6.63)

उद्गीथेन च संयुक्तः कर्तव्यः शुभमिच्छता । कारयित्वाथ वैकुण्ठं वस्तव्यं पुरुषोत्तम

udgīthena ca saṁyuktaḥ kartavyaḥ śubhamicchatā kārayitvātha vaikuṇṭhaṁ vastavyaṁ puruṣottama

मंगल चाहने वाले को इसे उद्गीथ (ॐ) के साथ जोड़कर जपना चाहिए। हे पुरुषोत्तम! वैकुण्ठ का निर्माण करवाकर वहाँ निवास करो,

श्लोक 64 (devibhagavatam.3.6.64)

विहरस्व यथाकामं चिन्तयन्मां सनातनीम् । ब्रह्मोवाच । इत्युक्त्वा वासुदेवं सा त्रिगुणा प्रकृतिः परा

viharasva yathākāmaṁ cintayanmāṁ sanātanīm brahmovāca ityuktvā vāsudevaṁ sā triguṇā prakṛtiḥ parā

मेरा — इस सनातनी का — चिन्तन करते हुए इच्छानुसार विहार करो।' ब्रह्मा जी ने कहा — वासुदेव से यह कहकर वह त्रिगुणा परा प्रकृति,

श्लोक 65 (devibhagavatam.3.6.65)

निर्गुणा शङ्करं देवमवोचदमृतं वचः । देव्युवाच । गृहाण हरगौरीं त्वं महाकालीं मनोहराम्

nirguṇā śaṅkaraṁ devamavocadamṛtaṁ vacaḥ devyuvāca gṛhāṇa haragaurīṁ tvaṁ mahākālīṁ manoharām

जो निर्गुणा भी है, ने शंकर देव से अमृत के समान वचन कहे। देवी ने कहा — 'हे हर! तुम इस मनोहर महाकाली गौरी को ग्रहण करो,

श्लोक 66 (devibhagavatam.3.6.66)

कैलासं कारयित्वा च विहरस्व यथासुखम् । मुख्यस्तमोगुणस्तेऽस्तु गौणौ सत्त्वरजोगुणौ

kailāsaṁ kārayitvā ca viharasva yathāsukham mukhyastamoguṇaste'stu gauṇau sattvarajoguṇau

कैलास का निर्माण करवाकर सुखपूर्वक विहार करो। तुम्हारे भीतर तमोगुण प्रधान रहे, सत्त्व और रजोगुण गौण रहें।

श्लोक 67 (devibhagavatam.3.6.67)

विहरासुरनाशार्थं रजोगुणतमोगुणौ । तपस्तप्तं तथा कर्तुं स्मरणं परमात्मनः

viharāsuranāśārthaṁ rajoguṇatamoguṇau tapastaptaṁ tathā kartuṁ smaraṇaṁ paramātmanaḥ

असुरों के विनाश के लिए रजोगुण और तमोगुण के साथ विहार करो, तथा परमात्मा के स्मरण और तप के लिए भी।

श्लोक 68 (devibhagavatam.3.6.68)

सर्वसत्त्वगुणः शान्तो गृहीतव्यः सदानघ । सर्वथा त्रिगुणा यूयं सृष्टिस्थित्यन्तकारकाः

sarvasattvaguṇaḥ śānto gṛhītavyaḥ sadānagha sarvathā triguṇā yūyaṁ sṛṣṭisthityantakārakāḥ

हे निष्पाप! शान्त सत्त्वगुण भी सदा ग्रहण करना चाहिए; सर्वथा तुम तीनों त्रिगुणी सृष्टि, स्थिति और संहार करने वाले हो।

श्लोक 69 (devibhagavatam.3.6.69)

एभिर्विहीनं संसारे वस्तु नैवात्र कुत्रचित् । वस्तुमात्रं तु यद्दृश्यं संसारे त्रिगुणं हि तत्

ebhirvihīnaṁ saṁsāre vastu naivātra kutracit vastumātraṁ tu yaddṛśyaṁ saṁsāre triguṇaṁ hi tat

इनसे रहित इस संसार में कहीं भी कोई वस्तु नहीं है; जो भी वस्तु-मात्र संसार में दृश्य है, वह त्रिगुणमय ही है।

श्लोक 70 (devibhagavatam.3.6.70)

दृश्यं च निर्गुणं लोके न भूतं नो भविष्यति । निर्गुणः परमात्मासौ न तु दृश्यः कदाचन

dṛśyaṁ ca nirguṇaṁ loke na bhūtaṁ no bhaviṣyati nirguṇaḥ paramātmāsau na tu dṛśyaḥ kadācana

लोक में दृश्य और गुणरहित कभी न हुआ है, न होगा; वह निर्गुण परमात्मा ही दृश्य नहीं है, कभी नहीं होगा।

श्लोक 71 (devibhagavatam.3.6.71)

सगुणा निर्गुणा चाहं समये शङ्करोत्तमा । सदाहं कारणं शम्भो न च कार्यं कदाचन

saguṇā nirguṇā cāhaṁ samaye śaṅkarottamā sadāhaṁ kāraṇaṁ śambho na ca kāryaṁ kadācana

हे शंकरोत्तम! मैं समय के अनुसार सगुणा और निर्गुणा दोनों हूँ; हे शम्भो! मैं सदा कारण हूँ, कभी भी कार्य नहीं।

श्लोक 72 (devibhagavatam.3.6.72)

सगुणा कारणत्वाद्वै निर्गुणा पुरुषान्तिके । महत्तत्त्वमहङ्कारो गुणाः शब्दादयस्तथा

saguṇā kāraṇatvādvai nirguṇā puruṣāntike mahattattvamahaṅkāro guṇāḥ śabdādayastathā

मैं कारण होने के कारण सगुणा हूँ, और पुरुष के समीप निर्गुणा हूँ। महत्तत्त्व, अहंकार तथा शब्द आदि गुण —

श्लोक 73 (devibhagavatam.3.6.73)

कार्यकारणरूपेण संसरन्ते त्वहर्निशम् ॥ सदुद्भूतस्त्वहङ्कारस्तेनाहं कारणं शिवा

kāryakāraṇarūpeṇa saṁsarante tvaharniśam sadudbhūtastvahaṅkārastenāhaṁ kāraṇaṁ śivā

ये कार्य-कारण के रूप में दिन-रात संसरण करते रहते हैं। अहंकार वस्तुतः (मुझसे) उत्पन्न है, इसलिए हे शिवे! मैं ही कारण हूँ।

श्लोक 74 (devibhagavatam.3.6.74)

अहङ्कारश्च मे कार्यं त्रिगुणोऽसौ प्रतिष्ठितः । अहङ्कारान्महत्तत्त्वं बुद्धिः सा परिकीर्तिता

ahaṅkāraśca me kāryaṁ triguṇo'sau pratiṣṭhitaḥ ahaṅkārānmahattattvaṁ buddhiḥ sā parikīrtitā

अहंकार भी मेरा ही कार्य है, जो त्रिगुणमय होकर स्थित है; अहंकार से महत्तत्त्व उत्पन्न होता है, जिसे बुद्धि कहा जाता है।

श्लोक 75 (devibhagavatam.3.6.75)

महत्तत्त्वं हि कार्यं स्यादहङ्कारो हि कारणम् । तन्मात्राणि त्वहङ्कारादुत्पद्यन्ते सदैव हि

mahattattvaṁ hi kāryaṁ syādahaṅkāro hi kāraṇam tanmātrāṇi tvahaṅkārādutpadyante sadaiva hi

महत्तत्त्व निश्चय ही कार्य है और अहंकार निश्चय ही कारण है; अहंकार से ही तन्मात्राएँ सदा उत्पन्न होती हैं।

श्लोक 76 (devibhagavatam.3.6.76)

कारणं पञ्चभूतानां तानि सर्वसमुद्भवे । कर्मेन्द्रियाणि पञ्चैव पञ्च ज्ञानेन्द्रियाणि च

kāraṇaṁ pañcabhūtānāṁ tāni sarvasamudbhave karmendriyāṇi pañcaiva pañca jñānendriyāṇi ca

वे तन्मात्राएँ पंचमहाभूतों के कारण हैं, समस्त सृष्टि की उत्पत्ति में; पाँच कर्मेन्द्रियाँ तथा पाँच ज्ञानेन्द्रियाँ —

श्लोक 77 (devibhagavatam.3.6.77)

महाभूतानि पञ्चैव मनः षोडशमेव च । कार्यञ्च कारणञ्चैव गणोऽयं षोडशात्मकः

mahābhūtāni pañcaiva manaḥ ṣoḍaśameva ca kāryañca kāraṇañcaiva gaṇo'yaṁ ṣoḍaśātmakaḥ

पाँच महाभूत तथा सोलहवाँ मन — यह सोलह तत्त्वों का समूह कार्य भी है और कारण भी।

श्लोक 78 (devibhagavatam.3.6.78)

परमात्मा पुमानाद्यो न कार्यं न च कारणम् । एवं समुद्भवः शम्भो सर्वेषामादिसम्भवे

paramātmā pumānādyo na kāryaṁ na ca kāraṇam evaṁ samudbhavaḥ śambho sarveṣāmādisambhave

आदि पुरुष परमात्मा न कार्य है और न कारण। हे शम्भो! इस प्रकार सबकी आदि उत्पत्ति में यह समुद्भव है।

श्लोक 79 (devibhagavatam.3.6.79)

सङ्क्षेपेण मया प्रोक्तस्तव तत्र समुद्भवः । व्रजन्त्वद्य विमानेन कार्यार्थं मम सत्तमाः

saṅkṣepeṇa mayā proktastava tatra samudbhavaḥ vrajantvadya vimānena kāryārthaṁ mama sattamāḥ

यह उत्पत्ति मैंने तुम्हें संक्षेप में बताई है। हे श्रेष्ठजनो! अब तुम सब मेरे कार्य के लिए विमान द्वारा जाओ।

श्लोक 80 (devibhagavatam.3.6.80)

स्मरणाद्दर्शनं तुभ्यं दास्येऽहं विषमे स्थिते । स्मर्तव्याहं सदा देवाः परमात्मा सनातनः

smaraṇāddarśanaṁ tubhyaṁ dāsye'haṁ viṣame sthite smartavyāhaṁ sadā devāḥ paramātmā sanātanaḥ

विषम स्थिति में स्मरण करने पर मैं तुम्हें अपना दर्शन दूँगी; हे देवगण! मैं सनातन परमात्मा सदा स्मरण करने योग्य हूँ।

श्लोक 81 (devibhagavatam.3.6.81)

उभयोः स्मरणादेव कार्यसिद्धिरसंशयम् । ब्रह्मोवाच । इत्युक्त्वा विससर्जास्मान्दत्त्वा शक्तीः सुसंस्कृताः

ubhayoḥ smaraṇādeva kāryasiddhirasaṁśayam brahmovāca ityuktvā visasarjāsmāndattvā śaktīḥ susaṁskṛtāḥ

हम दोनों के स्मरण से ही कार्य की सिद्धि निश्चित है।' ब्रह्मा जी ने कहा — यह कहकर उसने हमें सुसंस्कृत शक्तियाँ देकर विदा किया —

श्लोक 82 (devibhagavatam.3.6.82)

विष्णवेऽथ महालक्ष्मीं महाकालीं शिवाय च । महासरस्वतीं मह्यं स्थानात्तस्माद्विसर्जिताः

viṣṇave'tha mahālakṣmīṁ mahākālīṁ śivāya ca mahāsarasvatīṁ mahyaṁ sthānāttasmādvisarjitāḥ

विष्णु को महालक्ष्मी, शिव को महाकाली, और मुझे महासरस्वती देकर उस स्थान से हमें विदा किया गया।

श्लोक 83 (devibhagavatam.3.6.83)

स्थलान्तरं समासाद्य ते जाताः पुरुषा वयम् । चिन्तयन्तः स्वरूपं तत्प्रभावं परमाद्भुतम्

sthalāntaraṁ samāsādya te jātāḥ puruṣā vayam cintayantaḥ svarūpaṁ tatprabhāvaṁ paramādbhutam

किसी अन्य स्थान पर पहुँचकर हम पुनः पुरुष बन गए, उनके स्वरूप और उनके परम अद्भुत प्रभाव का चिन्तन करते हुए।

श्लोक 84 (devibhagavatam.3.6.84)

विमानं तत्समासाद्य संरूढास्तत्र वै त्रयः । न द्वीपोऽसौ न सा देवी सुधासिन्धुस्तथैव च ॥ पुनर्दृष्टं विमानं वै तत्रास्माभिर्न चान्यथा

vimānaṁ tatsamāsādya saṁrūḍhāstatra vai trayaḥ na dvīpo'sau na sā devī sudhāsindhustathaiva ca punardṛṣṭaṁ vimānaṁ vai tatrāsmābhirna cānyathā

उस विमान तक पहुँचकर हम तीनों उस पर चढ़ गए; परन्तु न वह द्वीप था, न वह देवी और न ही वह सुधा-सागर था। वह विमान भी हमें वहाँ पुनः वैसा नहीं दिखा।

श्लोक 85 (devibhagavatam.3.6.85)

आसाद्य तस्मिन्वितते विमाने प्राप्ता वयं पङ्कजसन्निधौ च । महार्णवे यत्र हतौ दुरत्ययौ मुरारिणा तौ मधुकैटभाख्यौ

āsādya tasminvitate vimāne prāptā vayaṁ paṅkajasannidhau ca mahārṇave yatra hatau duratyayau murāriṇā tau madhukaiṭabhākhyau

उस विस्तृत विमान पर चढ़कर हम पुनः उसी कमल के समीप, उस महासमुद्र में पहुँचे, जहाँ मुरारि द्वारा मधु और कैटभ नामक वे दुर्जेय दैत्य मारे गए थे।