प्रह्लाद द्वारा शुक्राचार्य के क्रोध का शमन

श्लोक 1 (devibhagavatam.4.14.1)

व्यास उवाच । इति सञ्चिन्त्य मनसा तानुवाच हसन्निव । वञ्चिता मत्स्वरूपेण दैत्याः किं गुरुणा किल ॥

vyāsa uvāca | iti sañcintya manasā tānuvāca hasanniva | vañcitā matsvarūpeṇa daityāḥ kiṁ guruṇā kila ||

व्यास जी ने कहा — ऐसा मन में सोचकर उसने मानो हँसते हुए उनसे कहा — "क्या दैत्य मेरे ही रूप को धारण किए हुए गुरु से सचमुच छले गए हैं?"

श्लोक 2 (devibhagavatam.4.14.2)

अहं काव्यो गुरुश्चायं देवकार्यप्रसाधकः । अनेन वञ्चिता यूयं मद्याज्या नात्र संशयः ॥

ahaṁ kāvyo guruścāyaṁ devakāryaprasādhakaḥ | anena vañcitā yūyaṁ madyājyā nātra saṁśayaḥ ||

"मैं ही काव्य (शुक्राचार्य) हूँ, तुम्हारा गुरु — देवकार्य सिद्ध करने वाला। इसी के द्वारा तुम छले गए हो, हे मेरे यजमानो! इसमें कोई संशय नहीं।"

श्लोक 3 (devibhagavatam.4.14.3)

मा श्रद्धध्वं वचोऽस्यार्या दाम्भिकोऽयं मदाकृतिः । अनुगच्छत मां याज्यास्त्यजतैनं बृहस्पतिम् ॥

mā śraddhadhvaṁ vaco'syāryā dāmbhiko'yaṁ madākṛtiḥ | anugacchata māṁ yājyāstyajatainaṁ bṛhaspatim ||

"हे श्रेष्ठजनो! इसके वचनों पर विश्वास मत करो — यह पाखंडी मेरा ही रूप धारण किए हुए है। हे यजमानो! मेरे पीछे चलो और इस बृहस्पति को त्याग दो।"

श्लोक 4 (devibhagavatam.4.14.4)

इत्याकर्ण्य वचस्तस्य दृष्ट्वा तौ सदृशौ पुनः । विस्मयं परमं जग्मुः काव्योऽयमिति निश्चिताः ॥

ityākarṇya vacastasya dṛṣṭvā tau sadṛśau punaḥ | vismayaṁ paramaṁ jagmuḥ kāvyo'yamiti niścitāḥ ||

उसके वचन सुनकर और दोनों को एक-सा देखकर दैत्य अत्यंत विस्मित हुए, फिर भी यह निश्चय किया कि "यही काव्य है।"

श्लोक 5 (devibhagavatam.4.14.5)

स तान्वीक्ष्य सुसम्भ्रान्तान्गुरुर्वाक्यमुवाच ह । गुरुर्वो वञ्चयत्येव मद्रूपोऽयं बृहस्पतिः ॥

sa tānvīkṣya susambhrāntāngururvākyamuvāca ha | gururvo vañcayatyeva madrūpo'yaṁ bṛhaspatiḥ ||

उन्हें अत्यंत भ्रमित देखकर उस [वास्तविक] गुरु ने कहा — "यह बृहस्पति, मेरा रूप धारण किए हुए, निश्चय ही तुम्हारे गुरु के शिष्यों को छल रहा है।"

श्लोक 6 (devibhagavatam.4.14.6)

प्राप्तो वञ्चयितुं युष्मान्देवकार्यार्थसिद्धये । मा विश्वासं वचस्तस्य कुरुध्वं दैत्यसत्तमाः ॥

prāpto vañcayituṁ yuṣmāndevakāryārthasiddhaye | mā viśvāsaṁ vacastasya kurudhvaṁ daityasattamāḥ ||

"वह देवकार्य की सिद्धि हेतु तुम्हें छलने आया है। हे दैत्यश्रेष्ठो! उसके वचनों पर विश्वास मत करो।"

श्लोक 7 (devibhagavatam.4.14.7)

प्राप्ता विद्या मया शम्भोर्युष्मानध्यापयामि ताम् । देवेभ्यो विजयं नूनं करिष्यामि न संशयः ॥

prāptā vidyā mayā śambhoryuṣmānadhyāpayāmi tām | devebhyo vijayaṁ nūnaṁ kariṣyāmi na saṁśayaḥ ||

"मैंने शंभु (शिव) से वह विद्या प्राप्त की है, और मैं तुम्हें वही सिखाऊँगा। मैं निश्चय ही देवताओं पर तुम्हारी विजय कराऊँगा — इसमें संशय नहीं।"

श्लोक 8 (devibhagavatam.4.14.8)

इति श्रुत्वा गुरोर्वाक्यं काव्यरूपधरस्य ते । विश्वासं परमं जग्मुः काव्योऽयमिति निश्चयात् ॥

iti śrutvā gurorvākyaṁ kāvyarūpadharasya te | viśvāsaṁ paramaṁ jagmuḥ kāvyo'yamiti niścayāt ||

काव्य का रूप धारण किए हुए गुरु के इन वचनों को सुनकर, यह निश्चय करके कि "यही काव्य है," उन्होंने उस पर अत्यंत विश्वास किया।

श्लोक 9 (devibhagavatam.4.14.9)

काव्येन बहुधा तत्र बोधिताः किल दानवाः । बुबुधुर्न गुरोर्मायामोहिताः कालपर्ययात् ॥

kāvyena bahudhā tatra bodhitāḥ kila dānavāḥ | bubudhurna gurormāyāmohitāḥ kālaparyayāt ||

वहाँ दानव उस [मिथ्या] काव्य द्वारा बारंबार उपदेशित हुए; गुरु की माया से मोहित होकर और काल के फेर से वे सत्य को न समझ सके।

श्लोक 10 (devibhagavatam.4.14.10)

एवं ते निश्चयं कृत्वा ततो भार्गवमब्रुवन् । अयं गुरुर्नो धर्मात्मा बुद्धिदश्च हिते रतः ॥

evaṁ te niścayaṁ kṛtvā tato bhārgavamabruvan | ayaṁ gururno dharmātmā buddhidaśca hite rataḥ ||

ऐसा निश्चय करके उन्होंने तब भार्गव (वास्तविक शुक्राचार्य) से कहा — "यही हमारा धर्मात्मा गुरु है, बुद्धि देने वाला, हमारे हित में रत —

श्लोक 11 (devibhagavatam.4.14.11)

दशवर्षाणि सततमयं नः शास्ति भार्गवः । गच्छ त्वं कुहको भासि नास्माकं गुरुरप्युत ॥

daśavarṣāṇi satatamayaṁ naḥ śāsti bhārgavaḥ | gaccha tvaṁ kuhako bhāsi nāsmākaṁ gururapyuta ||

— यह भार्गव निरंतर दस वर्षों से हमें शिक्षा देता आया है। तुम चले जाओ! तुम एक धोखेबाज प्रतीत होते हो, और तुम हमारे गुरु भी नहीं हो।"

श्लोक 12 (devibhagavatam.4.14.12)

इत्युक्त्वा भार्गवं मूढा निर्भर्त्स्य च पुनः पुनः । जगृहुस्तं गुरुं प्रीत्या प्रणिपत्याभिवाद्य च ॥

ityuktvā bhārgavaṁ mūḍhā nirbhartsya ca punaḥ punaḥ | jagṛhustaṁ guruṁ prītyā praṇipatyābhivādya ca ||

ऐसा कहकर उन मूढ़ों ने भार्गव को बार-बार धिक्कारा और उस [मिथ्या] गुरु को प्रणाम कर, अभिवादन कर, प्रेमपूर्वक अपना लिया।

श्लोक 13 (devibhagavatam.4.14.13)

काव्यस्तु तन्मयान्दृष्ट्वा चुकोपाथ शशाप च । दैत्यान्विबोधितान्मत्वा गुरुणा चातिवञ्जितान् ॥

kāvyastu tanmayāndṛṣṭvā cukopātha śaśāpa ca | daityānvibodhitānmatvā guruṇā cātivañjitān ||

परंतु काव्य (वास्तविक शुक्राचार्य) उन्हें ऐसा भक्त देखकर क्रुद्ध हो उठे और उन्हें शाप दे दिया, यह मानकर कि दैत्य उस [मिथ्या] गुरु द्वारा भ्रमित करके पूर्णतः छले जा चुके हैं।

श्लोक 14 (devibhagavatam.4.14.14)

यस्मान्मया बोधिता वै गृह्णीयुर्न च मे वचः । तस्मात्प्रनष्टसंज्ञा वै पराभवमवाप्स्यथ ॥

yasmānmayā bodhitā vai gṛhṇīyurna ca me vacaḥ | tasmātpranaṣṭasaṁjñā vai parābhavamavāpsyatha ||

"चूँकि मेरे द्वारा समझाए जाने पर भी तुमने मेरे वचन नहीं माने, इसलिए तुम्हारी बुद्धि नष्ट होकर तुम पराजय को प्राप्त होगे।"

श्लोक 15 (devibhagavatam.4.14.15)

मदवज्ञाफलं कामं स्वल्पे काले ह्यवाप्स्यथ । तदास्य कपटं सर्वं परिज्ञातं भविष्यति ॥

madavajñāphalaṁ kāmaṁ svalpe kāle hyavāpsyatha | tadāsya kapaṭaṁ sarvaṁ parijñātaṁ bhaviṣyati ||

"शीघ्र ही, अल्प समय में, तुम मेरी अवज्ञा का फल अवश्य पाओगे; तब इसका सारा छल तुम्हें भलीभाँति ज्ञात हो जाएगा।"

श्लोक 16 (devibhagavatam.4.14.16)

व्यास उवाच । इत्युक्त्वासौ जगामाशु भार्गवः क्रोधसंयुतः । बृहस्पतिर्मुदं प्राप्य तस्थौ तत्र समाहितः ॥

vyāsa uvāca | ityuktvāsau jagāmāśu bhārgavaḥ krodhasaṁyutaḥ | bṛhaspatirmudaṁ prāpya tasthau tatra samāhitaḥ ||

व्यास जी ने कहा — ऐसा कहकर भार्गव क्रोध से भरकर तुरंत वहाँ से चले गए; और बृहस्पति आनंदित होकर वहाँ स्थिर होकर बैठे रहे।

श्लोक 17 (devibhagavatam.4.14.17)

ततः शप्तान्गुरुर्ज्ञात्वा दैत्यांस्ताम्भार्गवेण हि । जगाम तरसा त्यक्त्वा स्वरूपं स्वं विधाय च ॥

tataḥ śaptāngururjñātvā daityāṁstāmbhārgaveṇa hi | jagāma tarasā tyaktvā svarūpaṁ svaṁ vidhāya ca ||

तब यह जानकर कि दैत्य भार्गव द्वारा शापित हो चुके हैं, गुरु (बृहस्पति) ने [शुक्र का रूप] त्यागकर अपने वास्तविक स्वरूप को धारण कर तीव्र गति से प्रस्थान किया।

श्लोक 18 (devibhagavatam.4.14.18)

गत्वोवाच तदा शक्रं कृतं कार्यं मया धुवम् । शप्ताः शुक्रेण ते दैत्या मया त्यक्ताः पुनः किल ॥

gatvovāca tadā śakraṁ kṛtaṁ kāryaṁ mayā dhuvam | śaptāḥ śukreṇa te daityā mayā tyaktāḥ punaḥ kila ||

वहाँ जाकर उसने शक्र (इंद्र) से कहा — "मेरा कार्य निश्चय ही सिद्ध हो गया है। वे दैत्य शुक्र द्वारा शापित हो चुके हैं, और अब मैंने उन्हें त्याग दिया है।"

श्लोक 19 (devibhagavatam.4.14.19)

निराधाराः कृता नूनं यतध्वं सुरसत्तमाः । सङ्ग्रामार्थं महाभाग शापदग्धा मया कृताः ॥

nirādhārāḥ kṛtā nūnaṁ yatadhvaṁ surasattamāḥ | saṅgrāmārthaṁ mahābhāga śāpadagdhā mayā kṛtāḥ ||

"वे निश्चय ही निराधार हो चुके हैं। हे सुरश्रेष्ठो! अब युद्ध के लिए प्रयत्न करो। हे महाभाग! मैंने उन्हें शाप से दग्ध करा दिया है।"

श्लोक 20 (devibhagavatam.4.14.20)

इति श्रुत्वा गुरोर्वाक्यं मघवा मुदमाप्तवान् । जहृषुश्च सुराः सर्वे प्रतिपूज्य बृहस्पतिम् ॥

iti śrutvā gurorvākyaṁ maghavā mudamāptavān | jahṛṣuśca surāḥ sarve pratipūjya bṛhaspatim ||

गुरु के इन वचनों को सुनकर मघवा (इंद्र) प्रसन्न हुए, और सभी देवता बृहस्पति का सम्मान करके हर्षित हुए।

श्लोक 21 (devibhagavatam.4.14.21)

सङ्ग्रामाय मतिं चक्रुः संविचार्य मिथः पुनः । निर्ययुर्मिलिताः सर्वे दानवाभिमुखाः सुराः ॥

saṅgrāmāya matiṁ cakruḥ saṁvicārya mithaḥ punaḥ | niryayurmilitāḥ sarve dānavābhimukhāḥ surāḥ ||

पुनः आपस में विचार-विमर्श करके उन्होंने युद्ध का निश्चय किया; और सभी देवता एकत्रित होकर दानवों के सम्मुख निकल पड़े।

श्लोक 22 (devibhagavatam.4.14.22)

सुरान्समुद्यतांज्ञात्वा कृतोद्योगान्महाबलान् । अन्तर्हितं गुरुं चैव बभूवुश्चिन्तयान्विताः ॥

surānsamudyatāṁjñātvā kṛtodyogānmahābalān | antarhitaṁ guruṁ caiva babhūvuścintayānvitāḥ ||

देवताओं को उद्यत, महाबली और युद्ध हेतु सन्नद्ध जानकर, तथा अपने गुरु को अंतर्धान हुआ पाकर, दैत्य चिंता से व्याकुल हो उठे।

श्लोक 23 (devibhagavatam.4.14.23)

परस्परमथोचुस्ते मोहितास्तस्य मायया । सम्प्रसाद्यो महात्मा च यातोऽसौ रुष्टमानसः ॥

parasparamathocuste mohitāstasya māyayā | samprasādyo mahātmā ca yāto'sau ruṣṭamānasaḥ ||

उसकी माया से मोहित होकर वे आपस में कहने लगे — "वह महात्मा क्रुद्ध मन से चला गया है; उसे प्रसन्न करना चाहिए।"

श्लोक 24 (devibhagavatam.4.14.24)

वञ्चयित्वा गतः पापो गुरुः कपटपण्डितः । भ्रातृस्त्रीलम्भनः प्रायो मलिनोऽन्तर्बहिः शुचिः ॥

vañcayitvā gataḥ pāpo guruḥ kapaṭapaṇḍitaḥ | bhrātṛstrīlambhanaḥ prāyo malino'ntarbahiḥ śuciḥ ||

"छलकर वह पापी गुरु, जो कपट में निपुण था, चला गया — प्रायः पराई स्त्री का ग्रहण करने वाला, बाहर से शुद्ध पर भीतर से मलिन।"

श्लोक 25 (devibhagavatam.4.14.25)

किं कुर्मः क्व च गच्छामः कथं काव्यं प्रकोपितम् । कुर्वीमहि सहायार्थं प्रसन्नं हृष्टमानसम् ॥

kiṁ kurmaḥ kva ca gacchāmaḥ kathaṁ kāvyaṁ prakopitam | kurvīmahi sahāyārthaṁ prasannaṁ hṛṣṭamānasam ||

"हम क्या करें, कहाँ जाएँ? क्रुद्ध हुए काव्य को कैसे शांत करें, और उनकी सहायता के लिए उन्हें प्रसन्न व हर्षित मन वाला कैसे बनाएँ?"

श्लोक 26 (devibhagavatam.4.14.26)

इति सञ्चिन्त्य ते सर्वे मिलिता भयकम्पिताः । प्रह्लादं पुरतः कृत्वा जग्मुस्ते भार्गवं पुनः ॥

iti sañcintya te sarve militā bhayakampitāḥ | prahlādaṁ purataḥ kṛtvā jagmuste bhārgavaṁ punaḥ ||

ऐसा विचार कर, भय से काँपते हुए वे सब मिलकर, प्रह्लाद को आगे करके, पुनः भार्गव के पास गए।

श्लोक 27 (devibhagavatam.4.14.27)

प्रणेमुश्चरणौ तस्य मुनेर्मौनभृतस्तदा । भार्गवस्तानुवाचाथ रोषसंरक्तलोचनः ॥

praṇemuścaraṇau tasya munermaunabhṛtastadā | bhārgavastānuvācātha roṣasaṁraktalocanaḥ ||

उन्होंने उस मौन धारण किए हुए मुनि के चरणों में प्रणाम किया; तब भार्गव ने क्रोध से लाल हुए नेत्रों के साथ उनसे कहा।

श्लोक 28 (devibhagavatam.4.14.28)

मया प्रबोधिता यूयं मोहिता गुरुमायया । न गृहीतं वचो योग्यं तदा याज्या हितं शुचि ॥

mayā prabodhitā yūyaṁ mohitā gurumāyayā | na gṛhītaṁ vaco yogyaṁ tadā yājyā hitaṁ śuci ||

"मैंने तुम्हें भलीभाँति समझाया था, परंतु गुरु की माया से मोहित होकर तुमने तब मेरी उचित, हितकर और शुद्ध बात नहीं मानी, हे यजमानो।"

श्लोक 29 (devibhagavatam.4.14.29)

तदावगणितश्चाहं भवद्भिस्तद्वशं गतैः । प्राप्तं नूनं मदोन्मत्तैर्ममावमानजं फलम् ॥

tadāvagaṇitaścāhaṁ bhavadbhistadvaśaṁ gataiḥ | prāptaṁ nūnaṁ madonmattairmamāvamānajaṁ phalam ||

"तब उसके वशीभूत होकर तुमने मेरी अवहेलना की; मद से उन्मत्त होकर तुमने अब निश्चय ही मेरे अपमान का फल पा लिया है।"

श्लोक 30 (devibhagavatam.4.14.30)

तत्र गच्छत सत्भ्रष्टा यत्रासौ कपटाकृतिः । वञ्चकः सुरकार्यार्थी नाहं तद्वद्धि वञ्चकः ॥

tatra gacchata satbhraṣṭā yatrāsau kapaṭākṛtiḥ | vañcakaḥ surakāryārthī nāhaṁ tadvaddhi vañcakaḥ ||

"हे सत्य से भ्रष्ट हुए लोगो! वहीं जाओ जहाँ वह कपटरूपी है, वह छली जो देवकार्य का साधक है — मैं उसके समान छली नहीं हूँ।"

श्लोक 31 (devibhagavatam.4.14.31)

व्यास उवाच । एवं ब्रुवन्तं शुक्रं तु वाक्यसन्दिग्धया गिरा । प्रह्लादस्तं तदोवाच गहीत्वा चरणौ ततः ॥

vyāsa uvāca | evaṁ bruvantaṁ śukraṁ tu vākyasandigdhayā girā | prahlādastaṁ tadovāca gahītvā caraṇau tataḥ ||

व्यास जी ने कहा — इस प्रकार संदेहपूर्ण वाणी में कहते हुए शुक्राचार्य से प्रह्लाद ने तब उनके चरण पकड़कर कहा।

श्लोक 32 (devibhagavatam.4.14.32)

प्रह्लाद उवाच । भार्गवाद्य समायातान्याज्यानस्मांस्तथातुरान् । त्यक्तुं नार्हसि सर्वज्ञ त्वद्धितास्तनयान्हि नः ॥

prahlāda uvāca | bhārgavādya samāyātānyājyānasmāṁstathāturān | tyaktuṁ nārhasi sarvajña tvaddhitāstanayānhi naḥ ||

प्रह्लाद ने कहा — "हे भार्गव! हे सर्वज्ञ! आज आपके पास आए हुए हम व्याकुल यजमानों को त्यागना आपको उचित नहीं है, क्योंकि हम आपके ही हितैषी पुत्रों के समान हैं।"

श्लोक 33 (devibhagavatam.4.14.33)

गते त्वयि तु मन्त्रार्थं शैलूषेण दुरात्मना । त्वद्वेषमधुरालापैर्वयं तेन प्रवञ्चिताः ॥

gate tvayi tu mantrārthaṁ śailūṣeṇa durātmanā | tvadveṣamadhurālāpairvayaṁ tena pravañcitāḥ ||

"जब आप मंत्रणा हेतु गए हुए थे, तब उस दुष्टात्मा नटरूपी छली ने आपके ही वेष में मधुर वचनों से हमें छल लिया।"

श्लोक 34 (devibhagavatam.4.14.34)

अज्ञानकृतदोषेण नैव कुप्यति शान्तिमान् । सर्वज्ञस्त्वं विजानासि चित्तं नः प्रवणं त्वयि ॥

ajñānakṛtadoṣeṇa naiva kupyati śāntimān | sarvajñastvaṁ vijānāsi cittaṁ naḥ pravaṇaṁ tvayi ||

"शांत स्वभाव वाला अज्ञानवश हुए दोष पर क्रुद्ध नहीं होता; आप सर्वज्ञ हैं, आप जानते हैं कि हमारा चित्त आपके प्रति ही आसक्त है।"

श्लोक 35 (devibhagavatam.4.14.35)

ज्ञात्वा नस्तपसा भावं त्यज कोपं महामते । ब्रुवन्ति मुनयः सर्वे क्षणकोपा हि साधवः ॥

jñātvā nastapasā bhāvaṁ tyaja kopaṁ mahāmate | bruvanti munayaḥ sarve kṣaṇakopā hi sādhavaḥ ||

"हे महामते! अपनी तपस्या-शक्ति से हमारा भाव जानकर क्रोध त्याग दें; सभी मुनि कहते हैं कि साधुजनों का क्रोध क्षणिक ही होता है।"

श्लोक 36 (devibhagavatam.4.14.36)

जलं स्वभावतः शीतं वह्न्यातपसमागमात् । भवत्युष्णं वियोगाच्च शीतत्वमनुगच्छति ॥

jalaṁ svabhāvataḥ śītaṁ vahnyātapasamāgamāt | bhavatyuṣṇaṁ viyogācca śītatvamanugacchati ||

"जल स्वभाव से शीतल होता है, अग्नि या धूप के संपर्क से उष्ण हो जाता है, और उससे वियोग होने पर पुनः शीतलता को प्राप्त होता है।"

श्लोक 37 (devibhagavatam.4.14.37)

क्रोथश्चाण्डालरूपो वै त्यक्तव्यः सर्वथा बुधैः । तस्माद्रोषं परित्यज्य प्रसादं कुरु सुव्रत ॥

krothaścāṇḍālarūpo vai tyaktavyaḥ sarvathā budhaiḥ | tasmādroṣaṁ parityajya prasādaṁ kuru suvrata ||

"क्रोध चांडाल के समान रूप होता है, जिसे बुद्धिमानों को सर्वथा त्याग देना चाहिए। अतः हे सुव्रत! रोष त्यागकर प्रसन्न हों।"

श्लोक 38 (devibhagavatam.4.14.38)

यदि न त्यजसि क्रोधं त्यजस्यस्मान्सुदुःखितान् । त्वया त्यक्ता महाभाग गमिष्यामो रसातलम् ॥

yadi na tyajasi krodhaṁ tyajasyasmānsuduḥkhitān | tvayā tyaktā mahābhāga gamiṣyāmo rasātalam ||

"यदि आप क्रोध नहीं त्यागते, तो आप हमें, जो अत्यंत दुःखी हैं, त्याग रहे हैं; हे महाभाग! आपके द्वारा त्यागे जाने पर हम रसातल को चले जाएँगे।"

श्लोक 39 (devibhagavatam.4.14.39)

व्यास उवाच । प्रह्लादस्य वचः श्रुत्वा भार्गवो ज्ञानचक्षुषा । विलोक्य सुमना भूत्वा तानुवाच हसन्निव ॥

vyāsa uvāca | prahlādasya vacaḥ śrutvā bhārgavo jñānacakṣuṣā | vilokya sumanā bhūtvā tānuvāca hasanniva ||

व्यास जी ने कहा — प्रह्लाद के वचन सुनकर भार्गव ने ज्ञान-दृष्टि से देखा, और प्रसन्नचित्त होकर मानो हँसते हुए उनसे कहा।

श्लोक 40 (devibhagavatam.4.14.40)

न भेतव्यं न गन्तव्यं दानवा वा रसातलम् । रक्षयिष्यामि वो याज्यान्मन्त्रैरवितथैः किल ॥

na bhetavyaṁ na gantavyaṁ dānavā vā rasātalam | rakṣayiṣyāmi vo yājyānmantrairavitathaiḥ kila ||

"डरने की आवश्यकता नहीं, न ही हे दानवो! तुम्हें रसातल जाना होगा; मैं अपने अचूक मंत्रों से निश्चय ही तुम यजमानों की रक्षा करूँगा।"

श्लोक 41 (devibhagavatam.4.14.41)

हितं सत्यं ब्रवीम्यद्य शृणुध्वं तत्तु निश्चयम् । वचनं मम धर्मज्ञाः श्रुतं यद् ब्रह्मणः पुरा ॥

hitaṁ satyaṁ bravīmyadya śṛṇudhvaṁ tattu niścayam | vacanaṁ mama dharmajñāḥ śrutaṁ yad brahmaṇaḥ purā ||

"मैं आज जो हितकर और सत्य है वही कहता हूँ; हे धर्मज्ञो! उस निश्चित बात को सुनो — वह वचन जो मैंने पूर्वकाल में ब्रह्मा जी से सुना था।"

श्लोक 42 (devibhagavatam.4.14.42)

अवश्यम्भाविनो भावाः प्रभवन्ति शुभाशुभाः । दैवं न चान्यथा कर्तुं क्षमः कोऽपि धरातले ॥

avaśyambhāvino bhāvāḥ prabhavanti śubhāśubhāḥ | daivaṁ na cānyathā kartuṁ kṣamaḥ ko'pi dharātale ||

"जो घटनाएँ शुभ या अशुभ होनी अवश्यंभावी हैं, वे घटित होकर रहती हैं; इस पृथ्वी पर कोई भी दैव को अन्यथा करने में समर्थ नहीं है।"

श्लोक 43 (devibhagavatam.4.14.43)

अद्य मन्दबला यूयं कालयोगादसंशयम् । देवैर्जिताः सकृच्चापि पातालं प्रतिपत्स्यथ ॥

adya mandabalā yūyaṁ kālayogādasaṁśayam | devairjitāḥ sakṛccāpi pātālaṁ pratipatsyatha ||

"आज काल के प्रभाव से तुम्हारा बल क्षीण हो गया है; निःसंदेह देवताओं द्वारा पराजित होकर तुम शीघ्र ही पाताल को प्राप्त होगे।"

श्लोक 44 (devibhagavatam.4.14.44)

प्राप्तः पर्यायकालो व इति ब्रह्माभ्यभाषत । भुक्तं राज्यं भवद्भिश्च पूर्णं सर्वं समृद्धिमत् ॥

prāptaḥ paryāyakālo va iti brahmābhyabhāṣata | bhuktaṁ rājyaṁ bhavadbhiśca pūrṇaṁ sarvaṁ samṛddhimat ||

"'तुम्हारा पर्याय-काल आ चुका है' — ऐसा ब्रह्मा जी ने कहा था — 'तुमने अपने राज्य को पूर्ण रूप से और समृद्धिपूर्वक भोग लिया है।'"

श्लोक 45 (devibhagavatam.4.14.45)

युगानि दश पूर्णानि देवानाक्रम्य मूर्धनि । दैवयोगाच्च युष्माभिर्भुक्तं त्रैलोक्यमूर्जितम् ॥

yugāni daśa pūrṇāni devānākramya mūrdhani | daivayogācca yuṣmābhirbhuktaṁ trailokyamūrjitam ||

"'दस पूर्ण युगों तक, देवताओं के मस्तक पर पैर रखकर, दैवयोग से तुमने समृद्ध त्रैलोक्य को भोगा है।'"

श्लोक 46 (devibhagavatam.4.14.46)

सावर्णिके मनौ राज्यं पुनस्तत्तु भविष्यति । पौत्रस्त्रैलोक्यविजयी राज्यं प्राप्स्यति ते बलिः ॥

sāvarṇike manau rājyaṁ punastattu bhaviṣyati | pautrastrailokyavijayī rājyaṁ prāpsyati te baliḥ ||

"'सावर्णि मन्वंतर में वह राज्य पुनः तुम्हें प्राप्त होगा; तुम्हारा पौत्र त्रैलोक्य-विजयी बलि उस राज्य को प्राप्त करेगा।'"

श्लोक 47 (devibhagavatam.4.14.47)

यदा वामनरूपेण हृतं देवेन विष्णुना । तदैव च भवत्पौत्रः प्रोक्तो देवेन जिष्णुना ॥

yadā vāmanarūpeṇa hṛtaṁ devena viṣṇunā | tadaiva ca bhavatpautraḥ prokto devena jiṣṇunā ||

"'जब भगवान विष्णु ने वामन रूप धारण कर उसे हर लिया, तभी विजयी देव विष्णु ने तुम्हारे पौत्र से यह कहा था।'"

श्लोक 48 (devibhagavatam.4.14.48)

हृतं येन बले राज्यं देववाञ्छार्थसिद्धये । त्वमिन्द्रो भविता चाग्ने स्थिते सावर्णिके मनौ ॥

hṛtaṁ yena bale rājyaṁ devavāñchārthasiddhaye | tvamindro bhavitā cāgne sthite sāvarṇike manau ||

"'हे बलि! जिसके द्वारा देवताओं की इच्छा-सिद्धि हेतु तुम्हारा राज्य हरा गया — आगे सावर्णि मन्वंतर आने पर तुम ही इंद्र बनोगे।'"

श्लोक 49 (devibhagavatam.4.14.49)

भार्गव उवाच । इत्युक्तो हरिणा पौत्रस्तव प्रह्लाद साम्प्रतम् । अदृश्यः सर्वभूतानां गुप्तश्चरति भीतवत् ॥

bhārgava uvāca | ityukto hariṇā pautrastava prahlāda sāmpratam | adṛśyaḥ sarvabhūtānāṁ guptaścarati bhītavat ||

भार्गव ने कहा — "हे प्रह्लाद! हरि द्वारा ऐसा कहे जाने पर तुम्हारा पौत्र अब सभी प्राणियों से अदृश्य होकर, छिपकर, मानो भयभीत सा विचरण करता है।"

श्लोक 50 (devibhagavatam.4.14.50)

एकदा वासवेनासौ बलिर्गर्दभरूपभाक् । शून्ये गृहे स्थितः कामं भयभीतः शतक्रतोः ॥

ekadā vāsavenāsau balirgardabharūpabhāk | śūnye gṛhe sthitaḥ kāmaṁ bhayabhītaḥ śatakratoḥ ||

"एक बार वही बलि गधे का रूप धारण किए, एक सूने घर में रहते हुए, शतक्रतु (इंद्र) से अत्यंत भयभीत होकर, वासव (इंद्र) द्वारा पाया गया।"

श्लोक 51 (devibhagavatam.4.14.51)

पृष्टश्च बहुधा तेन वासवेन बलिस्तदा । किमर्थं गार्दभं रूपं कृतवान्दैत्यपुङ्गव ॥

pṛṣṭaśca bahudhā tena vāsavena balistadā | kimarthaṁ gārdabhaṁ rūpaṁ kṛtavāndaityapuṅgava ||

तब वासव ने बलि से बारंबार पूछा — "हे दैत्यश्रेष्ठ! तुमने गधे का रूप किस कारण धारण किया है?"

श्लोक 52 (devibhagavatam.4.14.52)

भोक्ता त्वं सर्वलोकस्य दैत्यानां च प्रशासिता । (न लज्जा खररूपेण तव राक्षससत्तम ।)॥ तस्य तद्वचनं श्रुत्वा दैत्यराजो बलिस्तदा ॥

bhoktā tvaṁ sarvalokasya daityānāṁ ca praśāsitā | (na lajjā khararūpeṇa tava rākṣasasattama |)|| tasya tadvacanaṁ śrutvā daityarājo balistadā ||

"तुम समस्त लोकों के भोक्ता और दैत्यों के शासक थे — हे राक्षसश्रेष्ठ! इस गधे के रूप में तुम्हें लज्जा नहीं आती?" उसके ये वचन सुनकर दैत्यराज बलि ने तब —

श्लोक 53 (devibhagavatam.4.14.53)

प्रोवाच वचनं शक्रं कोऽत्र शोकः शतक्रतो । यथा विष्णुर्महातेजा मत्स्यकच्छपतां गतः ॥

provāca vacanaṁ śakraṁ ko'tra śokaḥ śatakrato | yathā viṣṇurmahātejā matsyakacchapatāṁ gataḥ ||

— शक्र को उत्तर दिया — "हे शतक्रतु! इसमें शोक की कौन-सी बात है? जैसे महातेजस्वी विष्णु ने मत्स्य और कच्छप का रूप धारण किया —"

श्लोक 54 (devibhagavatam.4.14.54)

तथाहं खररूपेण संस्थितः कालयोगतः । यथा त्वं कमले लीनः संस्थितो ब्रह्महत्यया ॥

tathāhaṁ khararūpeṇa saṁsthitaḥ kālayogataḥ | yathā tvaṁ kamale līnaḥ saṁsthito brahmahatyayā ||

"— वैसे ही मैं भी काल के प्रभाव से गधे के रूप में स्थित हूँ; जैसे तुम भी ब्रह्महत्या के कारण कमल में लीन होकर छिपे हुए थे।"

श्लोक 55 (devibhagavatam.4.14.55)

पीडितश्च तथा ह्यद्य स्थितोऽहं खररूपधृक् । दैवाधीनस्य किं दुःखं किं सुखं पाकशासन ॥

pīḍitaśca tathā hyadya sthito'haṁ khararūpadhṛk | daivādhīnasya kiṁ duḥkhaṁ kiṁ sukhaṁ pākaśāsana ||

"इस प्रकार पीड़ित होकर आज मैं गधे का रूप धारण किए हुए हूँ। हे पाकशासन! दैव के अधीन हुए प्राणी के लिए दुःख क्या और सुख क्या?"

श्लोक 56 (devibhagavatam.4.14.56)

कालः करोति वै नूनं यदिच्छति यथा तथा । भार्गव उवाच । इति तौ बलिदेवेशौ कृत्वा संविदमुत्तमाम् ॥

kālaḥ karoti vai nūnaṁ yadicchati yathā tathā | bhārgava uvāca | iti tau balideveśau kṛtvā saṁvidamuttamām ||

"काल ही निश्चय जो चाहता है, जैसे चाहता है, वैसा करता है।" भार्गव ने कहा — इस प्रकार बलि और देवेश (इंद्र) दोनों उत्तम समझौता कर —

श्लोक 57 (devibhagavatam.4.14.57)

प्रबोधं प्रापतुः कामं यथास्थानञ्च जग्मतुः । इत्येतत्ते समाख्याता मया दैवबलिष्ठता ॥

prabodhaṁ prāpatuḥ kāmaṁ yathāsthānañca jagmatuḥ | ityetatte samākhyātā mayā daivabaliṣṭhatā ||

— दोनों को यथेच्छ बोध प्राप्त हुआ और वे अपने-अपने स्थान को चले गए। इस प्रकार मैंने तुम्हें दैव की प्रबलता का वर्णन किया है।

श्लोक 58 (devibhagavatam.4.14.58)

दैवाधीनं जगत्सर्वं सदेवासुरमानुषम् ॥

daivādhīnaṁ jagatsarvaṁ sadevāsuramānuṣam ||

यह संपूर्ण जगत्, देव, असुर और मनुष्यों सहित, दैव के अधीन है।