देवी के कथन से दानवों का रसातल की ओर गमन

श्लोक 1 (devibhagavatam.4.15.1)

व्यास उवाच । इति तस्य वचः श्रुत्वा भार्गवस्य महात्मनः । प्रह्लादस्तु सुसंहृष्टो बभूव नृपनन्दनः ॥

vyāsa uvāca | iti tasya vacaḥ śrutvā bhārgavasya mahātmanaḥ | prahlādastu susaṁhṛṣṭo babhūva nṛpanandanaḥ ||

व्यास जी ने कहा — महात्मा भार्गव के इन वचनों को सुनकर राजपुत्र प्रह्लाद अत्यंत हर्षित हुए।

श्लोक 2 (devibhagavatam.4.15.2)

ज्ञात्वा दैवं बलिष्ठञ्च प्रह्लादस्तानुवाच ह । कृतेऽपि युद्धे न जयो भविष्यति कदाचन ॥

jñātvā daivaṁ baliṣṭhañca prahlādastānuvāca ha | kṛte'pi yuddhe na jayo bhaviṣyati kadācana ||

दैव को ही सर्वाधिक बलवान जानकर प्रह्लाद ने उनसे कहा — "युद्ध करने पर भी हमें कभी विजय प्राप्त नहीं होगी।"

श्लोक 3 (devibhagavatam.4.15.3)

तदा ते जयिनः प्रोचुर्दानवा मदगर्विताः । सङ्ग्रामस्तु प्रकर्तव्यो दैवं किं न विदामहे ॥

tadā te jayinaḥ procurdānavā madagarvitāḥ | saṅgrāmastu prakartavyo daivaṁ kiṁ na vidāmahe ||

तब वे मद से अभिमानी दानव, स्वयं को विजयी मानते हुए बोले — "युद्ध तो अवश्य करना ही चाहिए — हम दैव को क्या जानें?"

श्लोक 4 (devibhagavatam.4.15.4)

निरुद्यमानां दैवं हि प्रधानमसुराधिप । केन दृष्टं क्व वा दृष्टं कीदृशं केन निर्मितम् ॥

nirudyamānāṁ daivaṁ hi pradhānamasurādhipa | kena dṛṣṭaṁ kva vā dṛṣṭaṁ kīdṛśaṁ kena nirmitam ||

"हे असुराधिप! जो पुरुषार्थहीन हैं उन्हीं के लिए दैव प्रधान है — पर उसे किसने देखा है? कहाँ देखा गया है? वह कैसा है, और किसने उसे बनाया है?"

श्लोक 5 (devibhagavatam.4.15.5)

तस्माद्युद्धं करिष्यामो बलमास्थाय साम्प्रतम् । भवाग्रे दैत्यवर्य त्वं सर्वज्ञोऽसि महामते ॥

tasmādyuddhaṁ kariṣyāmo balamāsthāya sāmpratam | bhavāgre daityavarya tvaṁ sarvajño'si mahāmate ||

"अतः हम अब अपने बल का आश्रय लेकर युद्ध करेंगे। हे दैत्यश्रेष्ठ! तुम हमारे आगे रहो; हे महामते! तुम सर्वज्ञ हो।"

श्लोक 6 (devibhagavatam.4.15.6)

इत्युक्तस्तैस्तदा राजन् प्रह्लादः प्रबलारिहा । सेनानीश्च तदा भूत्वा देवान्युद्धे समाह्वयत् ॥

ityuktastaistadā rājan prahlādaḥ prabalārihā | senānīśca tadā bhūtvā devānyuddhe samāhvayat ||

हे राजन्! उनके ऐसा कहने पर प्रबल शत्रुओं का नाश करने वाले प्रह्लाद तब सेनापति बनकर देवताओं को युद्ध के लिए ललकारने लगे।

श्लोक 7 (devibhagavatam.4.15.7)

तेऽपि तत्रासुरान्दृष्ट्वा सङ्ग्रामे समुपस्थितान् । सर्वे सम्भृतसम्भारा देवास्तान्समयोधयन् ॥

te'pi tatrāsurāndṛṣṭvā saṅgrāme samupasthitān | sarve sambhṛtasambhārā devāstānsamayodhayan ||

उन्हें युद्ध में उपस्थित देखकर देवगण भी अपनी संपूर्ण सेना एकत्र कर उनसे युद्ध करने लगे।

श्लोक 8 (devibhagavatam.4.15.8)

सङ्ग्रामस्तु तदा घोरः शक्रप्रह्लादयोरभूत् । पूर्णं वर्षशतं तत्र मुनीनां विस्मयावहः ॥

saṅgrāmastu tadā ghoraḥ śakraprahlādayorabhūt | pūrṇaṁ varṣaśataṁ tatra munīnāṁ vismayāvahaḥ ||

तब शक्र (इंद्र) और प्रह्लाद के बीच एक भीषण युद्ध हुआ, जो पूरे सौ वर्षों तक चला और मुनियों को भी विस्मित करने वाला था।

श्लोक 9 (devibhagavatam.4.15.9)

वर्तमाने महायुद्धे शुक्रेण प्रतिपालिताः । जयमापुस्तदा दैत्याः प्रह्लादप्रमुखा नृप ॥

vartamāne mahāyuddhe śukreṇa pratipālitāḥ | jayamāpustadā daityāḥ prahlādapramukhā nṛpa ||

हे राजन्! उस महायुद्ध के चलते हुए, शुक्राचार्य द्वारा रक्षित प्रह्लाद-प्रमुख दैत्यों को तब विजय प्राप्त हुई।

श्लोक 10 (devibhagavatam.4.15.10)

तदैवेन्द्रो गुरोर्वाक्यात्सर्वदुःखविनाशिनीम् । सस्मार मनसा देवीं मुक्तिदां परमां शिवाम् ॥

tadaivendro gurorvākyātsarvaduḥkhavināśinīm | sasmāra manasā devīṁ muktidāṁ paramāṁ śivām ||

तब इंद्र ने गुरु के वचन से, सर्व दुःखों का नाश करने वाली, मुक्ति देने वाली, परम कल्याणी देवी का मन में स्मरण किया।

श्लोक 11 (devibhagavatam.4.15.11)

इन्द्र उवाच । जय देवि महामाये शूलधारिणि चाम्बिके । शङ्खचक्रगदापद्मखड्गहस्तेऽभयप्रदे ॥

indra uvāca | jaya devi mahāmāye śūladhāriṇi cāmbike | śaṅkhacakragadāpadmakhaḍgahaste'bhayaprade ||

इंद्र ने कहा — "हे देवी! हे महामाया! त्रिशूलधारिणी, हे अंबिके! शंख, चक्र, गदा, पद्म और खड्ग को हाथों में धारण करने वाली, अभयदायिनी, तुम्हारी जय हो!"

श्लोक 12 (devibhagavatam.4.15.12)

नमस्ते भुवनेशानि शक्तिदर्शननायिके । दशतत्त्वात्मिके मातर्महाबिन्दुस्वरूपिणि ॥

namaste bhuvaneśāni śaktidarśananāyike | daśatattvātmike mātarmahābindusvarūpiṇi ||

"हे भुवनेश्वरी! हे शक्ति-दर्शन की अधिष्ठात्री! तुम्हें नमस्कार है। हे माता! दस तत्त्वों की आत्मा, महाबिंदु-स्वरूपिणी।"

श्लोक 13 (devibhagavatam.4.15.13)

महाकुण्डलिनीरूपे सच्चिदानन्दरूपिणि । प्राणाग्निहोत्रविद्ये ते नमो दीपशिखात्मिके ॥

mahākuṇḍalinīrūpe saccidānandarūpiṇi | prāṇāgnihotravidye te namo dīpaśikhātmike ||

"हे महाकुंडलिनी-रूपे! सच्चिदानंद-स्वरूपिणी! हे प्राणाग्निहोत्र-विद्या! दीपशिखा-स्वरूपिणी, तुम्हें नमस्कार।"

श्लोक 14 (devibhagavatam.4.15.14)

पञ्चकोशान्तरगते पुच्छब्रह्मस्वरूपिणि । आनन्दकलिके मातः सर्वोपनिषदर्चिते ॥

pañcakośāntaragate pucchabrahmasvarūpiṇi | ānandakalike mātaḥ sarvopaniṣadarcite ||

"हे पंचकोशों के भीतर स्थित! पुच्छ-ब्रह्म-स्वरूपिणी! हे माता! आनंद की कली, समस्त उपनिषदों द्वारा पूजित।"

श्लोक 15 (devibhagavatam.4.15.15)

मातः प्रसीद सुमुखी भव हीनसत्त्वां- स्त्रायस्व नो जननि दैत्यपराजितान् वै । त्वं देवि नः शरणदा भुवने प्रमाणा शक्तासि दुःखशमनेऽखिलवीर्ययुक्ते ॥

mātaḥ prasīda sumukhī bhava hīnasattvāṁ- strāyasva no janani daityaparājitān vai | tvaṁ devi naḥ śaraṇadā bhuvane pramāṇā śaktāsi duḥkhaśamane'khilavīryayukte ||

"हे माता! प्रसन्न होइए, सुमुखी होइए; हे जननी! शक्तिहीन और दैत्यों से पराजित हुए हम सबकी रक्षा कीजिए। हे देवी! आप ही इस लोक में हमें शरण देने वाली, प्रमाणस्वरूपा हैं, और समस्त शक्ति से युक्त होकर दुःख शमन करने में समर्थ हैं।"

श्लोक 16 (devibhagavatam.4.15.16)

ध्यायन्ति येऽपि सुखिनो नितरां भवन्ति दुःखान्विताविगतशोकभयास्तथान्ये । मोक्षार्थिनो विगतमानविमुक्तसङ्गाः संसारवारिधिजलं प्रतरन्ति सन्तः ॥

dhyāyanti ye'pi sukhino nitarāṁ bhavanti duḥkhānvitāvigataśokabhayāstathānye | mokṣārthino vigatamānavimuktasaṅgāḥ saṁsāravāridhijalaṁ prataranti santaḥ ||

"जो तुम्हारा ध्यान करते हैं वे अत्यंत सुखी हो जाते हैं; अन्य लोग, शोक-भय से रहित होते हुए भी, दुःखी ही रहते हैं। मोक्षार्थी, मान-रहित, आसक्ति से मुक्त साधुजन ही संसार-सागर के जल को पार कर पाते हैं।"

श्लोक 17 (devibhagavatam.4.15.17)

त्वं देवि विश्वजननि प्रथितप्रभावा संरक्षणार्थमुदितार्तिहरप्रतापा । संहर्तुमेतदखिलं किल कालरूपा को वेत्ति तेऽम्ब चरितं ननु मन्दबुद्धिः ॥

tvaṁ devi viśvajanani prathitaprabhāvā saṁrakṣaṇārthamuditārtiharapratāpā | saṁhartumetadakhilaṁ kila kālarūpā ko vetti te'mba caritaṁ nanu mandabuddhiḥ ||

"हे देवी! हे विश्वजननी! तुम्हारा प्रभाव विख्यात है, रक्षा हेतु उदित हुई, कष्ट हरने में महाप्रतापी। तुम कालरूपिणी होकर इस सब का संहार भी करने में समर्थ हो। हे माता! मंदबुद्धि तुम्हारा चरित्र भला कौन जान सकता है?"

श्लोक 18 (devibhagavatam.4.15.18)

ब्रह्मा हरश्च हरिदश्वरथो हरिश्च इन्द्रो यमोऽथ वरुणोऽग्निसमीरणौ च । ज्ञातुं क्षमा न मुनयोऽपि महानुभावा यस्याः प्रभावमतुलं निगमागमाश्च ॥

brahmā haraśca haridaśvaratho hariśca indro yamo'tha varuṇo'gnisamīraṇau ca | jñātuṁ kṣamā na munayo'pi mahānubhāvā yasyāḥ prabhāvamatulaṁ nigamāgamāśca ||

"ब्रह्मा, हर (शिव), हरित अश्वों के रथ पर सवार इंद्र, हरि (विष्णु), यम, वरुण, अग्नि और वायु — ये महानुभाव मुनि भी तुम्हारे अतुल प्रभाव को जानने में समर्थ नहीं हैं, न वेद और आगम ही समर्थ हैं।"

श्लोक 19 (devibhagavatam.4.15.19)

धन्यास्त एव तव भक्तिपरा महान्तः संसारदुःखरहिताः सुखसिन्धुमग्नाः । ये भक्तिभावरहिता न कदापि दुःखा- ॥ म्भोधिं जनिक्षयतरङ्गमुमे तरन्ति ॥

dhanyāsta eva tava bhaktiparā mahāntaḥ saṁsāraduḥkharahitāḥ sukhasindhumagnāḥ | ye bhaktibhāvarahitā na kadāpi duḥkhā- || mbhodhiṁ janikṣayataraṅgamume taranti ||

"धन्य हैं वे महान भक्तजन जो तुम्हारी भक्ति में तत्पर हैं, संसार-दुःख से रहित, सुख-सागर में निमग्न; परंतु जो भक्तिभाव-रहित हैं, हे उमे! वे जन्म-मृत्यु की तरंगों वाले दुःख-सागर को कभी पार नहीं कर पाते।"

श्लोक 20 (devibhagavatam.4.15.20)

ये वीज्यमानाः सितचामरैश्च क्रीडन्ति धन्याः शिबिकाधिरूढाः । तैः पूजिता त्वं किल पूर्वदेहे नानोपहारैरिति चिन्तयामि ॥

ye vījyamānāḥ sitacāmaraiśca krīḍanti dhanyāḥ śibikādhirūḍhāḥ | taiḥ pūjitā tvaṁ kila pūrvadehe nānopahārairiti cintayāmi ||

"जो श्वेत चँवरों से पंखी जाकर पालकी पर आरूढ़ होकर क्रीड़ा करते हैं, वे धन्य हैं — मैं सोचता हूँ कि पूर्वजन्म में उन्होंने ही तुम्हें विविध उपहारों से पूजा था।"

श्लोक 21 (devibhagavatam.4.15.21)

ये पूज्यमाना वरवारणस्था विलासिनीवृन्दविलासयुक्ताः । सामन्तकैश्चोपनतैर्व्रजन्ति मन्ये हि तैस्त्वं किल पूजितासि ॥

ye pūjyamānā varavāraṇasthā vilāsinīvṛndavilāsayuktāḥ | sāmantakaiścopanatairvrajanti manye hi taistvaṁ kila pūjitāsi ||

"जो श्रेष्ठ हाथियों पर बैठे सम्मानित होते हैं, विलासिनी स्त्रियों के समूह से घिरे आनंद लेते हैं, और झुके हुए सामंतों के साथ विचरण करते हैं — मैं मानता हूँ कि उन्होंने ही तुम्हें पूजा था।"

श्लोक 22 (devibhagavatam.4.15.22)

व्यास उवाच । एवं स्तुता मघवता देवी विश्वेश्वरी तदा । प्रादुर्बभूव तरसा सिंहारूढा चतुर्भुजा ॥

vyāsa uvāca | evaṁ stutā maghavatā devī viśveśvarī tadā | prādurbabhūva tarasā siṁhārūḍhā caturbhujā ||

व्यास जी ने कहा — इस प्रकार मघवा (इंद्र) द्वारा स्तुति किए जाने पर विश्वेश्वरी देवी सिंह पर आरूढ़, चतुर्भुज होकर तुरंत प्रकट हुईं।

श्लोक 23 (devibhagavatam.4.15.23)

शङ्खचक्रगदापद्मान्बिभ्रती चारुलोचना । रक्ताम्बरधरा देवी दिव्यमाल्यविभूषणा ॥

śaṅkhacakragadāpadmānbibhratī cārulocanā | raktāmbaradharā devī divyamālyavibhūṣaṇā ||

शंख, चक्र, गदा और पद्म को धारण किए हुए, सुंदर नेत्रों वाली वह देवी लाल वस्त्र धारण किए, दिव्य माला और आभूषणों से विभूषित थीं।

श्लोक 24 (devibhagavatam.4.15.24)

तानुवाच सुरान्देवी प्रसन्नवदना गिरा । भयं त्यजन्तु भो देवाः शं विधास्ये किलाधुना ॥

tānuvāca surāndevī prasannavadanā girā | bhayaṁ tyajantu bho devāḥ śaṁ vidhāsye kilādhunā ||

प्रसन्न मुख वाली देवी ने देवताओं से कहा — "हे देवगण! भय त्यागो; अब मैं ही तुम्हारा कल्याण करूँगी।"

श्लोक 25 (devibhagavatam.4.15.25)

इत्युक्त्वा सा तदा देवी सिंहारूढातिसुन्दरी । जगाम तरसा तत्र यत्र दैत्या मदान्विताः ॥

ityuktvā sā tadā devī siṁhārūḍhātisundarī | jagāma tarasā tatra yatra daityā madānvitāḥ ||

ऐसा कहकर सिंह पर आरूढ़ वह अति सुंदरी देवी वहाँ शीघ्रता से गईं, जहाँ मद से उन्मत्त दैत्य खड़े थे।

श्लोक 26 (devibhagavatam.4.15.26)

प्रह्लादप्रमुखाः सर्वे दृष्ट्वा देवीं पुरःस्थिताम् । ऊचुः परस्परं भीताः किं कर्तव्यमितस्तदा ॥

prahlādapramukhāḥ sarve dṛṣṭvā devīṁ puraḥsthitām | ūcuḥ parasparaṁ bhītāḥ kiṁ kartavyamitastadā ||

प्रह्लाद-प्रमुख सभी दैत्य, देवी को अपने सम्मुख खड़ी देखकर, भयभीत होकर आपस में कहने लगे — "अब क्या करना चाहिए?"

श्लोक 27 (devibhagavatam.4.15.27)

देवं नारायणं चात्र सम्प्राप्ता चण्डिका किल । महिषान्तकरी नूनं चण्डमुण्डविनाशिनी ॥

devaṁ nārāyaṇaṁ cātra samprāptā caṇḍikā kila | mahiṣāntakarī nūnaṁ caṇḍamuṇḍavināśinī ||

"यहाँ स्वयं चंडिका देवता नारायण के साथ आई हैं — जो महिषासुर की संहारक और चंड-मुंड की विनाशिनी हैं।"

श्लोक 28 (devibhagavatam.4.15.28)

निहनिष्यति नः सर्वानम्बिका नात्र संशयः । वक्रदृष्ट्या यया पूर्वं निहतौ मधुकैटभौ ॥

nihaniṣyati naḥ sarvānambikā nātra saṁśayaḥ | vakradṛṣṭyā yayā pūrvaṁ nihatau madhukaiṭabhau ||

"अंबिका निश्चय ही हम सबका वध कर देंगी — उसी तिरछी दृष्टि से, जिससे पूर्वकाल में मधु और कैटभ का वध हुआ था।"

श्लोक 29 (devibhagavatam.4.15.29)

एवं चिन्तातुरान्वीक्ष्य प्रह्लादस्तानुवाच ह । योद्धव्यं नाथ गन्तव्यं पलाय्य दानवोत्तमाः ॥

evaṁ cintāturānvīkṣya prahlādastānuvāca ha | yoddhavyaṁ nātha gantavyaṁ palāyya dānavottamāḥ ||

उन्हें इस प्रकार चिंता-आतुर देखकर प्रह्लाद ने उनसे कहा — "हे स्वामियो! युद्ध करने की आवश्यकता नहीं, भाग जाना ही चाहिए, हे दानवश्रेष्ठो!"

श्लोक 30 (devibhagavatam.4.15.30)

नमुचिस्तानुवाचाथ पलायनपरानिह । हनिष्यति जगन्माता रुषिता किल हेतिभिः ॥

namucistānuvācātha palāyanaparāniha | haniṣyati jaganmātā ruṣitā kila hetibhiḥ ||

तब भागने को उद्यत उनसे नमुचि ने कहा — "यदि जगन्माता क्रुद्ध हो गईं, तो वे अपने अस्त्रों से निश्चय ही हमारा वध कर देंगी।"

श्लोक 31 (devibhagavatam.4.15.31)

तथा कुरु महाभाग यथा दुःखं न जायते । व्रजामोऽद्यैव पातालं तां स्तुत्वा तदनुज्ञया ॥

tathā kuru mahābhāga yathā duḥkhaṁ na jāyate | vrajāmo'dyaiva pātālaṁ tāṁ stutvā tadanujñayā ||

"अतः हे महाभाग! ऐसा करें कि दुःख उत्पन्न न हो। आइए, उनकी स्तुति करके, उनकी अनुमति लेकर आज ही पाताल को चलें।"

श्लोक 32 (devibhagavatam.4.15.32)

प्रह्लाद उवाच । स्तौमि देवीं महामायां सृष्टिस्थित्यन्तकारिणीम् । सर्वेषां जननीं शक्तिं भक्तानामभयङ्करीम् ॥

prahlāda uvāca | staumi devīṁ mahāmāyāṁ sṛṣṭisthityantakāriṇīm | sarveṣāṁ jananīṁ śaktiṁ bhaktānāmabhayaṅkarīm ||

प्रह्लाद ने कहा — "मैं देवी महामाया की स्तुति करता हूँ, जो सृष्टि, स्थिति और संहार की कारण हैं, समस्त की जननी, भक्तों को अभय देने वाली शक्ति हैं।"

श्लोक 33 (devibhagavatam.4.15.33)

व्यास उवाच । इत्युक्त्या विष्णुभक्तस्तु प्रह्लादः परमार्थवित् । तुष्टाव जगतां धात्रीं कृताञ्जलिपुटस्तदा ॥

vyāsa uvāca | ityuktyā viṣṇubhaktastu prahlādaḥ paramārthavit | tuṣṭāva jagatāṁ dhātrīṁ kṛtāñjalipuṭastadā ||

व्यास जी ने कहा — ऐसा कहकर विष्णुभक्त, परमार्थवेत्ता प्रह्लाद ने हाथ जोड़कर जगत्-धात्री देवी की स्तुति की।

श्लोक 34 (devibhagavatam.4.15.34)

मालासर्पवदाभाति यस्यां सर्वं चराचरम् । सर्वाधिष्ठानरूपायै तस्यै ह्रींमूर्तये नमः ॥

mālāsarpavadābhāti yasyāṁ sarvaṁ carācaram | sarvādhiṣṭhānarūpāyai tasyai hrīṁmūrtaye namaḥ ||

"जिनमें संपूर्ण चराचर जगत् सर्प के समान माला-सा प्रतीत होता है — उस सर्वाधिष्ठान-स्वरूपा, ह्रीं-मूर्ति देवी को नमस्कार।"

श्लोक 35 (devibhagavatam.4.15.35)

त्वत्तः सर्वमिदं विश्वं स्थावरं जङ्गमं तथा । अन्ये निमित्तमात्रास्ते कर्तारस्तव निर्मिताः ॥

tvattaḥ sarvamidaṁ viśvaṁ sthāvaraṁ jaṅgamaṁ tathā | anye nimittamātrāste kartārastava nirmitāḥ ||

"तुमसे ही यह संपूर्ण चराचर विश्व उत्पन्न होता है; अन्य देवता तो निमित्तमात्र हैं, तुम्हारे ही द्वारा निर्मित प्रतीत होने वाले कर्ता हैं।"

श्लोक 36 (devibhagavatam.4.15.36)

नमो देवि महामाये सर्वेषां जननी स्मृता । को भेदस्तव देवेषु दैत्येषु स्वकृतेषु च ॥

namo devi mahāmāye sarveṣāṁ jananī smṛtā | ko bhedastava deveṣu daityeṣu svakṛteṣu ca ||

"हे देवी! हे महामाये! तुम्हें नमस्कार, जो समस्त की जननी मानी जाती हो। देवताओं और दैत्यों में, जो दोनों तुम्हारे ही रचे हुए हैं, तुम्हारे लिए क्या भेद है?"

श्लोक 37 (devibhagavatam.4.15.37)

मातुः पुत्रेषु को भेदोऽप्यशुभेषु शुभेषु च । तथैव देवेष्वस्मासु न कर्तव्यस्त्वयाधुना ॥

mātuḥ putreṣu ko bhedo'pyaśubheṣu śubheṣu ca | tathaiva deveṣvasmāsu na kartavyastvayādhunā ||

"माता अपने पुत्रों में, चाहे अशुभ हों या शुभ, क्या भेद करती है? उसी प्रकार देवताओं और हम में भी अब तुम्हें कोई भेद नहीं करना चाहिए।"

श्लोक 38 (devibhagavatam.4.15.38)

यादृशास्तादृशा मातः सुतास्ते दानवाः किल । यतस्त्वं विश्वजननी पुराणेषु प्रकीर्तिता ॥

yādṛśāstādṛśā mātaḥ sutāste dānavāḥ kila | yatastvaṁ viśvajananī purāṇeṣu prakīrtitā ||

"हे माता! जैसी तुम हो, वैसे ही तुम्हारे ये पुत्र दानव भी हैं — क्योंकि पुराणों में तुम्हें विश्वजननी कहा गया है।"

श्लोक 39 (devibhagavatam.4.15.39)

तेऽपि स्वार्थपरा नूनं यथैव वयमप्युत । नान्तरं दैत्यसुरयोर्भेदोऽयं मोहसम्भवः ॥

te'pi svārthaparā nūnaṁ yathaiva vayamapyuta | nāntaraṁ daityasurayorbhedo'yaṁ mohasambhavaḥ ||

"वे भी निश्चय ही स्वार्थपरायण हैं, जैसे हम भी हैं; दैत्य और सुर में कोई वास्तविक अंतर नहीं — यह भेद तो केवल मोह से उत्पन्न होता है।"

श्लोक 40 (devibhagavatam.4.15.40)

धनदारादिभोगेषु वयं सक्ता दिवानिशम् । तथैव देवा देवेशि को भेदोऽसुरदेवयोः ॥

dhanadārādibhogeṣu vayaṁ saktā divāniśam | tathaiva devā deveśi ko bhedo'suradevayoḥ ||

"हम रात-दिन धन, स्त्री आदि भोगों में आसक्त रहते हैं; वैसे ही देवता भी, हे देवेशि! तो असुर और देव में क्या भेद है?"

श्लोक 41 (devibhagavatam.4.15.41)

तेऽपि कश्यपदायादा वयं तत्सम्भवाः किल । कुतो विरोधसम्भूतिर्जाता मातस्तवाधुना ॥

te'pi kaśyapadāyādā vayaṁ tatsambhavāḥ kila | kuto virodhasambhūtirjātā mātastavādhunā ||

"वे भी कश्यप की संतान हैं, हम भी उन्हीं से उत्पन्न हैं; तो हे माता! अब यह विरोध कहाँ से उत्पन्न हो गया?"

श्लोक 42 (devibhagavatam.4.15.42)

न तथा विहितं मातस्त्वयि सर्वसमुद्भवे । साम्यतैव त्वया स्थाप्या देवेष्वस्मासु चैव हि ॥

na tathā vihitaṁ mātastvayi sarvasamudbhave | sāmyataiva tvayā sthāpyā deveṣvasmāsu caiva hi ||

"हे माता! तुमने, जो सबकी उत्पत्ति-स्थान हो, ऐसा विधान नहीं किया था; तुम्हें ही देवताओं और हमारे बीच समानता स्थापित करनी चाहिए।"

श्लोक 43 (devibhagavatam.4.15.43)

गुणव्यतिकरात्सर्वे समुत्पन्नाः सुरासुराः । गुणान्विता भवेयुस्ते कथं देहभृतोऽमराः ॥

guṇavyatikarātsarve samutpannāḥ surāsurāḥ | guṇānvitā bhaveyuste kathaṁ dehabhṛto'marāḥ ||

"समस्त सुर और असुर गुणों के मिश्रण से उत्पन्न हुए हैं; देहधारी अमर प्राणी भला गुणों से रहित कैसे हो सकते हैं?"

श्लोक 44 (devibhagavatam.4.15.44)

कामः क्रोधश्च लोभश्च सर्वदेहेषु संस्थिताः । वर्तन्ते सर्वदा तस्मात् कोऽविरोधी भवेञ्चनः ॥

kāmaḥ krodhaśca lobhaśca sarvadeheṣu saṁsthitāḥ | vartante sarvadā tasmāt ko'virodhī bhaveñcanaḥ ||

"काम, क्रोध और लोभ सभी शरीरधारियों में स्थित हैं और सदैव विद्यमान रहते हैं; अतः इनसे विरोधरहित कौन हो सकता है?"

श्लोक 45 (devibhagavatam.4.15.45)

त्वया मिथो विरोधोऽयं कल्पितः किल कौतुकात् । मन्यामहे विभेदेन नूनं युद्धदिदृक्षया ॥

tvayā mitho virodho'yaṁ kalpitaḥ kila kautukāt | manyāmahe vibhedena nūnaṁ yuddhadidṛkṣayā ||

"यह परस्पर विरोध निश्चय ही तुमने कौतुकवश रचा है; हम मानते हैं कि युद्ध देखने की इच्छा से ही तुमने यह भेद उत्पन्न किया है।"

श्लोक 46 (devibhagavatam.4.15.46)

अन्यथा खलु भ्रातॄणां विरोधः कीदृशोऽनघे । त्वं चेन्नेच्छसि चामुण्डे वीक्षितुं कलहं किल ॥

anyathā khalu bhrātṝṇāṁ virodhaḥ kīdṛśo'naghe | tvaṁ cennecchasi cāmuṇḍe vīkṣituṁ kalahaṁ kila ||

"अन्यथा, हे अनघे! भाइयों के बीच ऐसा विरोध भला कैसा? यदि तुम, हे चामुंडे! इस कलह को देखना नहीं चाहतीं —"

श्लोक 47 (devibhagavatam.4.15.47)

जानामि धर्मं धर्मज्ञे वेद्मि चाहं शतक्रतुम् । तथापि कलहोऽस्माकं भोगार्थं देवि सर्वदा ॥

jānāmi dharmaṁ dharmajñe vedmi cāhaṁ śatakratum | tathāpi kalaho'smākaṁ bhogārthaṁ devi sarvadā ||

"— तो इसे रोक दो। हे धर्मज्ञे! मैं धर्म जानता हूँ, और शतक्रतु को भी जानता हूँ; फिर भी हे देवी! भोग के लिए हमारा यह कलह सदैव बना रहता है।"

श्लोक 48 (devibhagavatam.4.15.48)

एकः कोऽपि न शास्तास्ति संसारे त्वां विनाम्बिके । स्पृहावतस्तु कः कर्तुं क्षमते वचनं बुधः ॥

ekaḥ ko'pi na śāstāsti saṁsāre tvāṁ vināmbike | spṛhāvatastu kaḥ kartuṁ kṣamate vacanaṁ budhaḥ ||

"हे अंबिके! तुम्हारे बिना इस संसार में कोई एक भी शासक नहीं है; कामना से युक्त कौन बुद्धिमान अपने वचन को नियंत्रित रखने में समर्थ हो सकता है?"

श्लोक 49 (devibhagavatam.4.15.49)

देवासुरैरयं सिन्धुर्मथितः समये क्वचित् । विष्णुना विहितो भेदः सुधारत्नच्छलेन वै ॥

devāsurairayaṁ sindhurmathitaḥ samaye kvacit | viṣṇunā vihito bhedaḥ sudhāratnacchalena vai ||

"देवों और असुरों द्वारा मिलकर एक समय यह सागर मथा गया था; विष्णु ने अमृत-रत्न के छल से भेद उत्पन्न किया।"

श्लोक 50 (devibhagavatam.4.15.50)

त्वयासौ कल्पितः शौरिः पालकत्वे जगद्गुरुः । तेन लक्ष्मीः स्वयं लोभाद् गृहीतामरसुन्दरी ॥

tvayāsau kalpitaḥ śauriḥ pālakatve jagadguruḥ | tena lakṣmīḥ svayaṁ lobhād gṛhītāmarasundarī ||

"तुमने ही उस शौरि (विष्णु) को रक्षक के रूप में जगद्गुरु बना दिया; उसके द्वारा लोभवश स्वयं सुंदरी लक्ष्मी को देवताओं ने ग्रहण कर लिया।"

श्लोक 51 (devibhagavatam.4.15.51)

ऐरावतस्तथेन्द्रेण पारिजातोऽथ कामधुक् । उच्चैःश्रवाः सुरैः सर्वं गृहीतं वैष्णवेच्छया ॥

airāvatastathendreṇa pārijāto'tha kāmadhuk | uccaiḥśravāḥ suraiḥ sarvaṁ gṛhītaṁ vaiṣṇavecchayā ||

"इसी प्रकार ऐरावत इंद्र द्वारा, तथा पारिजात, कामधेनु और उच्चैःश्रवा — सब कुछ विष्णु की इच्छा से देवताओं ने ले लिया।"

श्लोक 52 (devibhagavatam.4.15.52)

अनयं तादृशं कृत्वा जाता देवास्तु साधवः । (अन्यायिनः सुरा नूनं पश्य त्वं धर्मलक्षणं ।)॥ संस्थापिताः सुरा नूनं विष्णुना बहुमानिना ॥

anayaṁ tādṛśaṁ kṛtvā jātā devāstu sādhavaḥ | (anyāyinaḥ surā nūnaṁ paśya tvaṁ dharmalakṣaṇaṁ |)|| saṁsthāpitāḥ surā nūnaṁ viṣṇunā bahumāninā ||

"इस प्रकार अन्याय करके भी देवता साधु कहलाए! (देवता निश्चय ही अन्यायी हैं — तुम स्वयं देखो धर्म का यह लक्षण!) निश्चय ही परम सम्मानित विष्णु द्वारा देवता स्थापित किए गए —"

श्लोक 53 (devibhagavatam.4.15.53)

नूनं दैत्याः पराभूवन्पश्य त्वं धर्मलक्षणम् । क्व धर्मः कीदृशो धर्मः क्व कार्यं क्व च साधुता ॥

nūnaṁ daityāḥ parābhūvanpaśya tvaṁ dharmalakṣaṇam | kva dharmaḥ kīdṛśo dharmaḥ kva kāryaṁ kva ca sādhutā ||

"— और निश्चय ही दैत्य पराजित हुए! तुम धर्म का यह लक्षण देखो — कहाँ है धर्म, कैसा है धर्म? कहाँ है कर्तव्य, और कहाँ है साधुता?"

श्लोक 54 (devibhagavatam.4.15.54)

कथयामि च कस्याग्रे सिद्धं मैमांसिकं मतम् । तार्किका युक्तिवादज्ञा विधिज्ञा वेदवादकाः ॥

kathayāmi ca kasyāgre siddhaṁ maimāṁsikaṁ matam | tārkikā yuktivādajñā vidhijñā vedavādakāḥ ||

"मैं मीमांसकों के सिद्ध मत को किसके सामने कहूँ? तार्किक, युक्तिवाद के ज्ञाता, विधिवेत्ता और वेदवादी —"

श्लोक 55 (devibhagavatam.4.15.55)

उक्ताः सकर्तृकं विश्वं विवदन्ते जडात्मकाः । कर्ता भवति चेदस्मिन्संसारे वितते किल ॥

uktāḥ sakartṛkaṁ viśvaṁ vivadante jaḍātmakāḥ | kartā bhavati cedasminsaṁsāre vitate kila ||

"— सभी को यह बताए जाने पर कि विश्व का एक कर्ता है, वे जड़बुद्धि होकर आपस में विवाद करते हैं। यदि इस विस्तृत संसार में वास्तव में कोई एक कर्ता है —"

श्लोक 56 (devibhagavatam.4.15.56)

विरोधः कीदृशस्तत्र चैककर्मणि वै मिथः । वेदे नैकमतिः कस्माच्छास्त्रेष्वपि तथा पुनः ॥

virodhaḥ kīdṛśastatra caikakarmaṇi vai mithaḥ | vede naikamatiḥ kasmācchāstreṣvapi tathā punaḥ ||

"— तो एक ही कार्य में आपस में यह विरोध कैसा? वेद में एकमत क्यों नहीं है, और वैसे ही शास्त्रों में भी क्यों नहीं?"

श्लोक 57 (devibhagavatam.4.15.57)

नैकवाक्यं वचस्तेषामपि वेदविदां पुनः । यतः स्वार्थपरं सर्वं जगत्स्थावरजङ्गमम् ॥

naikavākyaṁ vacasteṣāmapi vedavidāṁ punaḥ | yataḥ svārthaparaṁ sarvaṁ jagatsthāvarajaṅgamam ||

"वेद के ज्ञाताओं के वचन भी परस्पर एकमत नहीं हैं; क्योंकि संपूर्ण चराचर जगत् अपने ही स्वार्थ में लगा हुआ है।"

श्लोक 58 (devibhagavatam.4.15.58)

निःस्पृहः कोऽपि संसारे न भवेन्न भविष्यति । शशिनाथ गुरोर्भार्या हृता ज्ञात्वा बलादपि ॥

niḥspṛhaḥ ko'pi saṁsāre na bhavenna bhaviṣyati | śaśinātha gurorbhāryā hṛtā jñātvā balādapi ||

"इस संसार में कोई भी न तो निःस्पृह है और न कभी होगा। चंद्रमा ने तो जानते हुए भी बलपूर्वक गुरु (बृहस्पति) की पत्नी का हरण किया था —"

श्लोक 59 (devibhagavatam.4.15.59)

गौतमस्य तथेन्द्रेण जानता धर्मनिश्चयम् । गुरुणानुजभार्या च भुक्ता गर्भवती बलात् ॥

gautamasya tathendreṇa jānatā dharmaniścayam | guruṇānujabhāryā ca bhuktā garbhavatī balāt ||

"— इसी प्रकार धर्म के निश्चित नियम को जानते हुए भी इंद्र ने गौतम की पत्नी को भोगा; और गुरु (बृहस्पति) ने भी अपने छोटे भाई की गर्भवती पत्नी को बलपूर्वक भोगा।"

श्लोक 60 (devibhagavatam.4.15.60)

शप्तो गर्भगतो बालः कृतश्चान्धस्तथा पुनः । विष्णुना च शिरश्छिन्नं राहोश्चक्रेण वै बलात् ॥

śapto garbhagato bālaḥ kṛtaścāndhastathā punaḥ | viṣṇunā ca śiraśchinnaṁ rāhoścakreṇa vai balāt ||

"गर्भस्थ बालक को शाप देकर अंधा कर दिया गया; और विष्णु ने भी राहु का सिर बलपूर्वक चक्र से काट डाला था।"

श्लोक 61 (devibhagavatam.4.15.61)

अपराधं विना कामं तदा सत्त्ववताम्बिके । पौत्रो धर्मवतां शूरः सत्यव्रतपरायणः ॥

aparādhaṁ vinā kāmaṁ tadā sattvavatāmbike | pautro dharmavatāṁ śūraḥ satyavrataparāyaṇaḥ ||

"हे अंबिके! बिना किसी अपराध के भी, धर्मात्माओं के पौत्र, सत्यव्रतपरायण उस वीर के साथ ऐसा ही किया गया —"

श्लोक 62 (devibhagavatam.4.15.62)

यज्वा दानपतिः शान्तः सर्वज्ञः सर्वपूजकः । कृत्वाथ वामनं रूपं हरिणा छलवेदिना ॥

yajvā dānapatiḥ śāntaḥ sarvajñaḥ sarvapūjakaḥ | kṛtvātha vāmanaṁ rūpaṁ hariṇā chalavedinā ||

"— यज्ञकर्ता, दानपति, शांत, सर्वज्ञ, सर्वपूजित — छल में निपुण हरि ने वामन का रूप धारण कर —"

श्लोक 63 (devibhagavatam.4.15.63)

वञ्चितोऽसौ बलिः सर्वं हृतं राज्यं पुरा किल । तथापि देवान्धर्मस्थान्प्रवदन्ति मनीषिणः ॥

vañcito'sau baliḥ sarvaṁ hṛtaṁ rājyaṁ purā kila | tathāpi devāndharmasthānpravadanti manīṣiṇaḥ ||

"— उस बलि को छला और उसका संपूर्ण राज्य पूर्वकाल में हर लिया गया; फिर भी बुद्धिमान लोग देवताओं को धर्मात्मा ही कहते हैं!"

श्लोक 64 (devibhagavatam.4.15.64)

वदन्ति चाटुवादांश्च धर्मवादाज्जयं गताः । एवं ज्ञात्वा जगन्मातर्यथेच्छसि तथा कुरु ॥

vadanti cāṭuvādāṁśca dharmavādājjayaṁ gatāḥ | evaṁ jñātvā jaganmātaryathecchasi tathā kuru ||

"वे चाटुकारिता भरे वचन कहते हैं कि विजय धर्म से ही प्राप्त होती है। हे जगन्माता! यह सब जानते हुए, जैसी तुम्हारी इच्छा हो, वैसा करो।"

श्लोक 65 (devibhagavatam.4.15.65)

शरणा दानवाः सर्वे जहि वा रक्ष वा पुनः । श्रीदेव्युवाच । सर्वे गच्छत पातालं तत्र वासं यथेप्सितम् ॥

śaraṇā dānavāḥ sarve jahi vā rakṣa vā punaḥ | śrīdevyuvāca | sarve gacchata pātālaṁ tatra vāsaṁ yathepsitam ||

"सभी दानव तुम्हारी शरण में हैं — चाहे वध करो या रक्षा करो।" श्री देवी ने कहा — "तुम सब पाताल जाओ, और वहाँ यथेच्छ निवास करो —"

श्लोक 66 (devibhagavatam.4.15.66)

कुरुध्वं दानवाः सर्वे निर्भया गतमन्यवः । कालः प्रतीक्ष्यो युष्माभिः कारणं स शुभेऽशुभे ॥

kurudhvaṁ dānavāḥ sarve nirbhayā gatamanyavaḥ | kālaḥ pratīkṣyo yuṣmābhiḥ kāraṇaṁ sa śubhe'śubhe ||

"— हे दानवो! ऐसा करो, निर्भय होकर, क्रोध त्यागकर; तुम्हें काल की प्रतीक्षा करनी होगी — वही शुभ और अशुभ का कारण है।"

श्लोक 67 (devibhagavatam.4.15.67)

सुनिर्वेदपराणां हि सुखं सर्वत्र सर्वदा । त्रैलोक्यस्य च राज्येऽपि न सुखं लोभचेतसाम् ॥

sunirvedaparāṇāṁ hi sukhaṁ sarvatra sarvadā | trailokyasya ca rājye'pi na sukhaṁ lobhacetasām ||

"जो सम्यक् वैराग्य में तत्पर हैं, उनके लिए सर्वत्र और सदा सुख है; परंतु त्रैलोक्य के राज्य में भी लोभी चित्त वालों को सुख नहीं मिलता।"

श्लोक 68 (devibhagavatam.4.15.68)

कृतेऽपि न सुखं पूर्णं सस्पृहाणां फलैरपि । तस्मात्त्यक्त्वा महीमेतां प्रयान्त्वद्य महीतलम् ॥

kṛte'pi na sukhaṁ pūrṇaṁ saspṛhāṇāṁ phalairapi | tasmāttyaktvā mahīmetāṁ prayāntvadya mahītalam ||

"इच्छाओं की पूर्ति होने पर भी, फल की कामना रखने वालों को पूर्ण सुख नहीं मिलता। अतः इस पृथ्वी को त्यागकर वे अब पाताल-लोक को जाएँ।"

श्लोक 69 (devibhagavatam.4.15.69)

ममाज्ञां पुरतः कृत्वा सर्वे विगतकल्मषाः । व्यास उवाच । तच्छ्रुत्वा वचनं देव्यास्तथेत्युक्त्वा रसातलम् ॥

mamājñāṁ purataḥ kṛtvā sarve vigatakalmaṣāḥ | vyāsa uvāca | tacchrutvā vacanaṁ devyāstathetyuktvā rasātalam ||

"— मेरी आज्ञा को शिरोधार्य करके, तुम सब पापरहित हो जाओ।" व्यास जी ने कहा — देवी के इन वचनों को सुनकर "तथास्तु" कहकर रसातल की ओर —

श्लोक 70 (devibhagavatam.4.15.70)

प्रणम्य दानवाः सर्वे गताः शक्त्याभिरक्षिताः । अन्तर्दधे ततो देवी देवाः स्वभुवनं गताः ॥

praṇamya dānavāḥ sarve gatāḥ śaktyābhirakṣitāḥ | antardadhe tato devī devāḥ svabhuvanaṁ gatāḥ ||

— प्रणाम करके सभी दानव, देवी की शक्ति से सुरक्षित होकर चले गए। तत्पश्चात् देवी अंतर्धान हो गईं और देवता अपने-अपने लोक को चले गए।

श्लोक 71 (devibhagavatam.4.15.71)

त्यक्त्वा वैरं स्थिताः सर्वे ते तदा देवदानवाः । एतदाख्यानमखिलं यः शृणोति वदत्यथ ॥

tyaktvā vairaṁ sthitāḥ sarve te tadā devadānavāḥ | etadākhyānamakhilaṁ yaḥ śṛṇoti vadatyatha ||

वैर त्यागकर देव और दानव दोनों तब शांतिपूर्वक रहने लगे। जो कोई भी इस संपूर्ण आख्यान को सुनता या सुनाता है —

श्लोक 72 (devibhagavatam.4.15.72)

सर्वदुःखविनिर्मुक्तः प्रयाति पदमुत्तमम् ॥

sarvaduḥkhavinirmuktaḥ prayāti padamuttamam ||

— वह समस्त दुःखों से मुक्त होकर परम पद को प्राप्त करता है।