ब्रह्मा के प्रति विष्णु का वचन

श्लोक 1 (devibhagavatam.4.18.1)

व्यास उवाच । शृणु राजन्प्रवक्ष्यामि कृष्णस्य चरितं महत् । अवतारकारणं चैव देव्याश्चरितमद्भुतम् ॥

vyāsa uvāca | śṛṇu rājanpravakṣyāmi kṛṣṇasya caritaṁ mahat | avatārakāraṇaṁ caiva devyāścaritamadbhutam ||

व्यास जी ने कहा — "हे राजन्! सुनो, मैं कृष्ण का महान चरित्र, अवतार का कारण, और देवी के अद्भुत चरित्र को कहूँगा।"

श्लोक 2 (devibhagavatam.4.18.2)

धरैकदा भराक्रान्ता रुदती चातिकर्शिता । गोरूपधारिणी दीना भीतागच्छत्त्रिविष्टपम् ॥

dharaikadā bharākrāntā rudatī cātikarśitā | gorūpadhāriṇī dīnā bhītāgacchattriviṣṭapam ||

एक बार भार से पीड़ित, रोती हुई और अत्यंत कृश पृथ्वी, गौ का रूप धारण किए हुए, दीन और भयभीत होकर स्वर्ग गई।

श्लोक 3 (devibhagavatam.4.18.3)

पृष्टा शक्रेण किं तेऽद्य वर्तते भयमित्यथ । केन वै पीडितासि त्वं किं ते दुःखं वसुन्धरे ॥

pṛṣṭā śakreṇa kiṁ te'dya vartate bhayamityatha | kena vai pīḍitāsi tvaṁ kiṁ te duḥkhaṁ vasundhare ||

शक्र द्वारा पूछा गया — "आज तुझे क्या भय सता रहा है? तू किससे पीड़ित है? हे वसुंधरे! तेरा दुःख क्या है?"

श्लोक 4 (devibhagavatam.4.18.4)

तच्छ्रुत्वेला तदोवाच शृणु देवेश मेऽखिलम् । दुःखं पृच्छसि यत्त्वं मे भाराक्रान्तोऽस्मि मानद ॥

tacchrutvelā tadovāca śṛṇu deveśa me'khilam | duḥkhaṁ pṛcchasi yattvaṁ me bhārākrānto'smi mānada ||

यह सुनकर इला (पृथ्वी) ने तब कहा — "हे देवेश! मेरा सब कुछ सुनो। हे मानद! तुम मेरा दुःख पूछते हो — मैं भार से पीड़ित हूँ।"

श्लोक 5 (devibhagavatam.4.18.5)

जरासन्धो महापापी मागधेषु पतिर्मम । शिशुपालस्तथा चैद्यः काशिराजः प्रतापवान् ॥

jarāsandho mahāpāpī māgadheṣu patirmama | śiśupālastathā caidyaḥ kāśirājaḥ pratāpavān ||

"महापापी जरासंध, मागधों का स्वामी, मुझ पर है; और शिशुपाल, चैद्यराज, तथा प्रतापी काशिराज —"

श्लोक 6 (devibhagavatam.4.18.6)

रुक्मी च बलवान्कंसो नरकश्च महाबलः । शाल्वः सौभपतिः क्रूरः केशी धेनुकवत्सकौ ॥

rukmī ca balavānkaṁso narakaśca mahābalaḥ | śālvaḥ saubhapatiḥ krūraḥ keśī dhenukavatsakau ||

"— रुक्मी, बलवान कंस, महाबली नरकासुर; क्रूर शाल्व (सौभपति), केशी, धेनुक और वत्सक।"

श्लोक 7 (devibhagavatam.4.18.7)

सर्वे धर्मविहीनाश्च परस्परविरोधिनः । पापाचारा मदोन्मत्ताः कालरूपाश्च पार्थिवाः ॥

sarve dharmavihīnāśca parasparavirodhinaḥ | pāpācārā madonmattāḥ kālarūpāśca pārthivāḥ ||

"ये सब धर्महीन, परस्पर विरोधी, पापाचारी, मद से उन्मत्त, कालरूपी राजा हैं।"

श्लोक 8 (devibhagavatam.4.18.8)

तैरहं पीडिता शक्र भाराक्रान्ताक्षमा विभो । किं करोमि क्व गच्छामि चिन्ता मे महती स्थिता ॥

tairahaṁ pīḍitā śakra bhārākrāntākṣamā vibho | kiṁ karomi kva gacchāmi cintā me mahatī sthitā ||

"हे शक्र! मैं उनसे पीड़ित हूँ; उनके भार से अक्षम होकर व्याकुल हूँ, हे विभो! मैं क्या करूँ, कहाँ जाऊँ? मुझमें महान चिंता व्याप्त है।"

श्लोक 9 (devibhagavatam.4.18.9)

पीडिताहं वराहेण विष्णुना प्रभविष्णुना । शक्र जानीहि हरिणा दुःखाद्दुःखतरं गता ॥

pīḍitāhaṁ varāheṇa viṣṇunā prabhaviṣṇunā | śakra jānīhi hariṇā duḥkhādduḥkhataraṁ gatā ||

"मैं पहले वराह द्वारा, प्रभविष्णु विष्णु द्वारा भी पीड़ित हुई थी; हे शक्र! जानो, हरि के द्वारा मैं दुःख से और अधिक दुःख को प्राप्त हुई।"

श्लोक 10 (devibhagavatam.4.18.10)

यतोऽहं दुष्टदैत्येन कश्यपस्यात्मजेन वै । हृताहं हिरण्याक्षेण मग्ना तस्मिन्महार्णवे ॥

yato'haṁ duṣṭadaityena kaśyapasyātmajena vai | hṛtāhaṁ hiraṇyākṣeṇa magnā tasminmahārṇave ||

"क्योंकि मुझे उस दुष्ट दैत्य, कश्यप-पुत्र, हिरण्याक्ष ने हर लिया था, और उस महासागर में डुबो दिया था।"

श्लोक 11 (devibhagavatam.4.18.11)

तदा सूकररूपेण विष्णुना निहतोऽप्यसौ । उद्धृताहं वराहेण स्थापिता हि स्थिरा कृता ॥

tadā sūkararūpeṇa viṣṇunā nihato'pyasau | uddhṛtāhaṁ varāheṇa sthāpitā hi sthirā kṛtā ||

"तब उस हिरण्याक्ष को विष्णु ने वराह रूप में मारकर मुझे उठाया और स्थिर रूप से स्थापित किया।"

श्लोक 12 (devibhagavatam.4.18.12)

नोचेद्रसातले स्वस्था स्थिता स्यां सुखशायिनी । न शक्तास्म्यद्य देवेश भारं वोढुं दुरात्मनाम् ॥

nocedrasātale svasthā sthitā syāṁ sukhaśāyinī | na śaktāsmyadya deveśa bhāraṁ voḍhuṁ durātmanām ||

"अन्यथा मैं रसातल में सुखपूर्वक शयन करती हुई ही स्थित रहती। हे देवेश! अब मैं दुष्टात्माओं का भार सहने में समर्थ नहीं हूँ।"

श्लोक 13 (devibhagavatam.4.18.13)

अग्रे दुष्टः समायाति ह्यष्टाविंशस्तथा कलिः । तदाहं पीडिता शक्र गन्तास्म्याशु रसातलम् ॥

agre duṣṭaḥ samāyāti hyaṣṭāviṁśastathā kaliḥ | tadāhaṁ pīḍitā śakra gantāsmyāśu rasātalam ||

"आगे वह दुष्ट अट्ठाईसवाँ युग और कलि आ रहा है; तब, हे शक्र! पीड़ित होकर मैं शीघ्र ही रसातल को चली जाऊँगी।"

श्लोक 14 (devibhagavatam.4.18.14)

तस्मात्त्वं देवदेवेश दुःखरूपार्णवस्य च । पारदो भव भारं मे हर पादौ नमामि ते ॥

tasmāttvaṁ devadeveśa duḥkharūpārṇavasya ca | pārado bhava bhāraṁ me hara pādau namāmi te ||

"अतः हे देवदेवेश! इस दुःखरूपी सागर से मुझे पार करने वाले बनो; मेरा भार हरो — मैं तुम्हारे चरणों में नमन करती हूँ।"

श्लोक 15 (devibhagavatam.4.18.15)

इन्द्र उवाच । इले किं ते करोम्यद्य ब्रह्माणं शरणं व्रज । अहं तत्रागमिष्यामि स ते दुःखं हरिष्यति ॥

indra uvāca | ile kiṁ te karomyadya brahmāṇaṁ śaraṇaṁ vraja | ahaṁ tatrāgamiṣyāmi sa te duḥkhaṁ hariṣyati ||

इंद्र ने कहा — "हे इला! मैं आज तेरे लिए क्या करूँ? ब्रह्मा की शरण में जाओ; मैं भी वहीं आऊँगा — वे तुम्हारा दुःख हरेंगे।"

श्लोक 16 (devibhagavatam.4.18.16)

तच्छ्रुत्वा त्वरिता पृथ्वी ब्रह्मलोकं गता तदा । शक्रोऽपि पृष्ठतः प्राप्तः सर्वदेवपुरःसरः ॥

tacchrutvā tvaritā pṛthvī brahmalokaṁ gatā tadā | śakro'pi pṛṣṭhataḥ prāptaḥ sarvadevapuraḥsaraḥ ||

यह सुनकर पृथ्वी शीघ्रता से ब्रह्मलोक गई; और शक्र भी उसके पीछे, सभी देवताओं को आगे कर, वहाँ पहुँचे।

श्लोक 17 (devibhagavatam.4.18.17)

सुरभीमागतां तत्र दृष्ट्वोवाच प्रजापतिः । महीं ज्ञात्वा महाराज ध्यानेन समुपस्थिताम् ॥

surabhīmāgatāṁ tatra dṛṣṭvovāca prajāpatiḥ | mahīṁ jñātvā mahārāja dhyānena samupasthitām ||

वहाँ आई हुई सुरभि को देखकर प्रजापति (ब्रह्मा) ने कहा — हे महाराज! ध्यान से पृथ्वी के आगमन को जानकर —

श्लोक 18 (devibhagavatam.4.18.18)

कस्माद्रुदसि कल्याणि किं ते दुःखं वदाधुना । पीडितासि च केन त्वं पापाचारेण भूर्वद ॥

kasmādrudasi kalyāṇi kiṁ te duḥkhaṁ vadādhunā | pīḍitāsi ca kena tvaṁ pāpācāreṇa bhūrvada ||

"हे कल्याणी! तुम क्यों रोती हो? अब अपना दुःख बताओ। हे भू! तुम किसके द्वारा पीड़ित हो? पापाचार के विषय में कहो।"

श्लोक 19 (devibhagavatam.4.18.19)

धरोवाच । कलिरायाति दुष्टोऽयं बिभेमि तद्भयादहम् । पापाचाराः प्रजास्तत्र भविष्यन्ति जगत्पते ॥

dharovāca | kalirāyāti duṣṭo'yaṁ bibhemi tadbhayādaham | pāpācārāḥ prajāstatra bhaviṣyanti jagatpate ||

धरा ने कहा — "यह दुष्ट कलि आ रहा है; उसी भय से मैं भयभीत हूँ। हे जगत्पते! उस समय पापाचारी प्रजा होगी।"

श्लोक 20 (devibhagavatam.4.18.20)

राजानश्च दुराचाराः परस्परविरोधिनः । चौरकर्मरताः सर्वे राक्षसाः पूर्णवैरिणः ॥

rājānaśca durācārāḥ parasparavirodhinaḥ | caurakarmaratāḥ sarve rākṣasāḥ pūrṇavairiṇaḥ ||

"और दुराचारी राजा, परस्पर विरोधी, सब चोर-कर्म में लगे, वैर से भरे राक्षस।"

श्लोक 21 (devibhagavatam.4.18.21)

तान्हत्वा नृपतीन्भारं हर मेऽद्य पितामह । पीडितास्मि महाराज सैन्यभारेण भूभृताम् ॥

tānhatvā nṛpatīnbhāraṁ hara me'dya pitāmaha | pīḍitāsmi mahārāja sainyabhāreṇa bhūbhṛtām ||

"हे पितामह! उन राजाओं का वध करके आज मेरा भार हरो; हे महाराज! मैं इन भूपतियों की सेना के भार से पीड़ित हूँ।"

श्लोक 22 (devibhagavatam.4.18.22)

ब्रह्योवाच । नाहं शक्तस्तथा देवि भारावतरणे तव । गच्छावः सदनं विष्णोर्देवदेवस्य चक्रिणः ॥

brahyovāca | nāhaṁ śaktastathā devi bhārāvataraṇe tava | gacchāvaḥ sadanaṁ viṣṇordevadevasya cakriṇaḥ ||

ब्रह्मा ने कहा — "हे देवी! मैं तुम्हारे भार का निवारण करने में समर्थ नहीं हूँ; चलो, हम देवदेव, चक्रधारी विष्णु के धाम को चलें।"

श्लोक 23 (devibhagavatam.4.18.23)

स ते भारापनोदं वै करिष्यति जनार्दनः । पूर्वं मयापि ते कार्यं चिन्तितं सुविचार्य च ॥

sa te bhārāpanodaṁ vai kariṣyati janārdanaḥ | pūrvaṁ mayāpi te kāryaṁ cintitaṁ suvicārya ca ||

"वे जनार्दन ही तुम्हारे भार को दूर करेंगे। पहले भी यह विषय मेरे द्वारा भलीभाँति विचारित किया गया था।"

श्लोक 24 (devibhagavatam.4.18.24)

तत्र गच्छ सुरश्रेष्ठ यत्र देवो जनार्दनः । व्यास उवाच । इत्युक्त्वा वेदकर्तासौ पुरस्कृत्य सुरांश्च गाम् ॥

tatra gaccha suraśreṣṭha yatra devo janārdanaḥ | vyāsa uvāca | ityuktvā vedakartāsau puraskṛtya surāṁśca gām ||

"हे सुरश्रेष्ठ! वहीं जाओ जहाँ देव जनार्दन हैं।" व्यास जी ने कहा — ऐसा कहकर वेदकर्ता ब्रह्मा, देवताओं और गौ को आगे करके —

श्लोक 25 (devibhagavatam.4.18.25)

जगाम विष्णुसदनं हंसारूढश्चतुर्मुखः । तुष्टाव वेदवाक्यैश्च भक्तिप्रवणमानसः ॥

jagāma viṣṇusadanaṁ haṁsārūḍhaścaturmukhaḥ | tuṣṭāva vedavākyaiśca bhaktipravaṇamānasaḥ ||

— विष्णु के धाम को गए, चतुर्मुख होकर हंस पर सवार होकर; वेद-वाक्यों से उनकी स्तुति की, भक्ति में झुका हुआ मन लिए।

श्लोक 26 (devibhagavatam.4.18.26)

ब्रह्मोवाच । सहस्रशीर्षास्त्वमसि सहस्राक्षः सहस्रपात् । त्वं वेदपुरुषः पूर्वं देवदेवः सनातनः ॥

brahmovāca | sahasraśīrṣāstvamasi sahasrākṣaḥ sahasrapāt | tvaṁ vedapuruṣaḥ pūrvaṁ devadevaḥ sanātanaḥ ||

ब्रह्मा ने कहा — "तुम सहस्रशीर्ष, सहस्राक्ष, सहस्रपाद हो; तुम आदि वेदपुरुष, सनातन देवदेव हो।"

श्लोक 27 (devibhagavatam.4.18.27)

भूतपूर्वं भविष्यच्च वर्तमानं च यद्विभो । अमरत्वं त्वया दत्तमस्माकं च रमापते ॥

bhūtapūrvaṁ bhaviṣyacca vartamānaṁ ca yadvibho | amaratvaṁ tvayā dattamasmākaṁ ca ramāpate ||

"जो हो चुका, जो होगा, और जो वर्तमान है, हे विभो! हमें अमरत्व तुम्हारे ही द्वारा दिया गया है, हे रमापते!"

श्लोक 28 (devibhagavatam.4.18.28)

एतावान्महिमा तेऽस्ति को न वेत्ति जगत्त्रये । त्वं कर्ताप्यविता हन्ता त्वं सर्वगतिरीश्वरः ॥

etāvānmahimā te'sti ko na vetti jagattraye | tvaṁ kartāpyavitā hantā tvaṁ sarvagatirīśvaraḥ ||

"तुम्हारी ऐसी महिमा है — त्रिलोक में इसे कौन नहीं जानता? तुम ही कर्ता, पालक और संहारक हो; तुम ही, हे ईश्वर! सबकी अंतिम गति हो।"

श्लोक 29 (devibhagavatam.4.18.29)

व्यास उवाच । इतीडितः प्रभुर्विष्णुः प्रसन्नो गरुडध्वजः । दर्शनञ्च ददौ तेभ्यो ब्रह्मादिभ्योऽमलाशयः ॥

vyāsa uvāca | itīḍitaḥ prabhurviṣṇuḥ prasanno garuḍadhvajaḥ | darśanañca dadau tebhyo brahmādibhyo'malāśayaḥ ||

व्यास जी ने कहा — इस प्रकार स्तुति किए जाने पर प्रभु विष्णु, गरुड़ध्वज, प्रसन्न हुए, और निर्मल हृदय से ब्रह्मा आदि को दर्शन दिया।

श्लोक 30 (devibhagavatam.4.18.30)

पप्रच्छ स्वागतं देवान्प्रसन्नवदनो हरिः । ततस्त्वागमने तेषां कारणञ्च सविस्तरम् ॥

papraccha svāgataṁ devānprasannavadano hariḥ | tatastvāgamane teṣāṁ kāraṇañca savistaram ||

प्रसन्नवदन हरि ने देवताओं का स्वागत पूछा, और फिर उनके आगमन का कारण विस्तार से पूछा।

श्लोक 31 (devibhagavatam.4.18.31)

तमुवाचाब्जजो नत्वा धरादुःखञ्च संस्मरन् । भारावतरणं विष्णो कर्तव्यं ते जनार्दन ॥

tamuvācābjajo natvā dharāduḥkhañca saṁsmaran | bhārāvataraṇaṁ viṣṇo kartavyaṁ te janārdana ||

अब्जज (ब्रह्मा) ने उन्हें प्रणाम कर, पृथ्वी के दुःख का स्मरण करते हुए कहा — "हे विष्णु! हे जनार्दन! उसके भार का निवारण तुम्हें ही करना है।"

श्लोक 32 (devibhagavatam.4.18.32)

भुवि धृत्वावतारं त्वं द्वापरान्ते समागते । हत्वा दुष्टान्नृपानुर्व्या हर भारं दयानिधे ॥

bhuvi dhṛtvāvatāraṁ tvaṁ dvāparānte samāgate | hatvā duṣṭānnṛpānurvyā hara bhāraṁ dayānidhe ||

"जब द्वापर का अंत आ जाए, तब पृथ्वी पर अवतार धारण कर, दुष्ट राजाओं का वध करके, हे दयानिधे! भूमि का भार हरो।"

श्लोक 33 (devibhagavatam.4.18.33)

विष्णुरुवाच । नाहं स्वतन्त्र एवात्र न ब्रह्मा न शिवस्तथा । नेन्द्रोऽग्निर्न यमस्त्वष्टा न सूर्यो वरुणस्तथा ॥

viṣṇuruvāca | nāhaṁ svatantra evātra na brahmā na śivastathā | nendro'gnirna yamastvaṣṭā na sūryo varuṇastathā ||

विष्णु ने कहा — "मैं इस विषय में स्वतंत्र नहीं हूँ, न ब्रह्मा, न शिव भी; न इंद्र, अग्नि, यम, त्वष्टा, न सूर्य और वरुण।"

श्लोक 34 (devibhagavatam.4.18.34)

योगमायावशे सर्वमिदं स्थावरजङ्गमम् । ब्रह्मादिस्तम्बपर्यन्तं ग्रथितं गुणसूत्रतः ॥

yogamāyāvaśe sarvamidaṁ sthāvarajaṅgamam | brahmādistambaparyantaṁ grathitaṁ guṇasūtrataḥ ||

"यह संपूर्ण चराचर — ब्रह्मा से लेकर तृण-पर्यंत — योगमाया के अधीन है, गुणसूत्र में गुँथा हुआ।"

श्लोक 35 (devibhagavatam.4.18.35)

यथा सा स्वेच्छया पूर्वं कर्तुमिच्छति सुव्रत । तथा करोति सुहिता वयं सर्वेऽपि तद्वशाः ॥

yathā sā svecchayā pūrvaṁ kartumicchati suvrata | tathā karoti suhitā vayaṁ sarve'pi tadvaśāḥ ||

"हे सुव्रत! वह अपनी इच्छा से जैसा करना चाहती है, वैसा ही वह सुहिता करती है — हम सभी उसी के वश में हैं।"

श्लोक 36 (devibhagavatam.4.18.36)

यद्यहं स्यां स्वतन्त्रो वै चिन्तयन्तु धिया किल । कुतोऽभवं मत्स्यवपुः कच्छपो वा महार्णवे ॥

yadyahaṁ syāṁ svatantro vai cintayantu dhiyā kila | kuto'bhavaṁ matsyavapuḥ kacchapo vā mahārṇave ||

"यदि मैं वास्तव में स्वतंत्र होता, तो बुद्धि से विचार करो — मैं महासागर में मत्स्य या कच्छप का रूप क्यों बना?"

श्लोक 37 (devibhagavatam.4.18.37)

तिर्यग्योनिषु को भोगः का कीर्तिः किं सुखं पुनः । किं पुण्यं किं फलं तत्र क्षुद्रयोनिगतस्य मे ॥

tiryagyoniṣu ko bhogaḥ kā kīrtiḥ kiṁ sukhaṁ punaḥ | kiṁ puṇyaṁ kiṁ phalaṁ tatra kṣudrayonigatasya me ||

"तिर्यक्-योनियों में क्या भोग है, क्या कीर्ति, फिर क्या सुख? क्षुद्र योनि में गए हुए मेरे लिए क्या पुण्य, क्या फल है?"

श्लोक 38 (devibhagavatam.4.18.38)

कोलो वाथ नृसिंहो वा वामनो वाभवं कुतः । जमदग्निसुतः कस्मात्सम्भवेयं पितामह ॥

kolo vātha nṛsiṁho vā vāmano vābhavaṁ kutaḥ | jamadagnisutaḥ kasmātsambhaveyaṁ pitāmaha ||

"मैं वराह, या नृसिंह, या वामन कैसे बना? हे पितामह! जमदग्नि का पुत्र मैं किस कारण बना?"

श्लोक 39 (devibhagavatam.4.18.39)

नृशंसं वा कथं कर्म कृतवानस्मि भूतले । क्षतजैस्तु ह्रदान्सर्वान्पूरयेयं कथं पुनः ॥

nṛśaṁsaṁ vā kathaṁ karma kṛtavānasmi bhūtale | kṣatajaistu hradānsarvānpūrayeyaṁ kathaṁ punaḥ ||

"अथवा पृथ्वी पर मैंने ऐसा क्रूर कर्म कैसे किया? मैं बार-बार समस्त झीलों को रक्त से कैसे भर देता?"

श्लोक 40 (devibhagavatam.4.18.40)

तत्कथं जमदग्नेश्च पुत्रो भूत्वा द्विजोत्तमः । क्षत्रियान्हतवानाजौ निर्दयो गर्भगानपि ॥

tatkathaṁ jamadagneśca putro bhūtvā dvijottamaḥ | kṣatriyānhatavānājau nirdayo garbhagānapi ||

"फिर जमदग्नि का पुत्र, द्विजोत्तम बनकर, युद्ध में मैंने निर्दयतापूर्वक क्षत्रियों का, गर्भस्थों तक का, वध कैसे किया?"

श्लोक 41 (devibhagavatam.4.18.41)

रामो भूत्वाथ देवेन्द्र प्राविशद्दण्डकं वनम् । पदातिश्चीरवासाश्च जटावल्कलवान्पुनः ॥

rāmo bhūtvātha devendra prāviśaddaṇḍakaṁ vanam | padātiścīravāsāśca jaṭāvalkalavānpunaḥ ||

"हे देवेंद्र! राम बनकर मैं दंडक वन में प्रविष्ट हुआ, पैदल, वल्कल वस्त्र, जटा और छाल धारण किए हुए।"

श्लोक 42 (devibhagavatam.4.18.42)

असहायो ह्यपाथेयो भीषणे निर्जने वने । कुर्वन्नाखेटकं तत्र व्यचरं विगतत्रपः ॥

asahāyo hyapātheyo bhīṣaṇe nirjane vane | kurvannākheṭakaṁ tatra vyacaraṁ vigatatrapaḥ ||

"असहाय, बिना पाथेय के, उस भीषण निर्जन वन में शिकार करते हुए, निर्लज्ज होकर मैं वहाँ विचरण करता रहा।"

श्लोक 43 (devibhagavatam.4.18.43)

न ज्ञातवान्मृगं हैमं मायया पिहितस्तदा । उटजे जानकीं त्यक्त्वा निर्गतस्तत्पदानुगः ॥

na jñātavānmṛgaṁ haimaṁ māyayā pihitastadā | uṭaje jānakīṁ tyaktvā nirgatastatpadānugaḥ ||

"मैंने उस स्वर्ण-मृग को नहीं पहचाना, माया से आच्छादित होकर; जानकी को कुटिया में छोड़कर मैं उसके पदचिह्नों के पीछे निकल पड़ा।"

श्लोक 44 (devibhagavatam.4.18.44)

लक्ष्मणोऽपि च तां त्यक्त्वा निर्गतो मत्पदानुगः । वारितोऽपि मयात्यर्थं मोहितः प्राकृतैर्गुणैः ॥

lakṣmaṇo'pi ca tāṁ tyaktvā nirgato matpadānugaḥ | vārito'pi mayātyarthaṁ mohitaḥ prākṛtairguṇaiḥ ||

"लक्ष्मण भी उसे छोड़कर मेरे पीछे निकल पड़ा; मेरे द्वारा अत्यंत रोके जाने पर भी वह सामान्य गुणों से मोहित हो गया।"

श्लोक 45 (devibhagavatam.4.18.45)

भिक्षुरूपं ततः कृत्वा रावणः कपटाकृतिः । जहार तरसा रक्षो जानकीं शोककर्शिताम् ॥

bhikṣurūpaṁ tataḥ kṛtvā rāvaṇaḥ kapaṭākṛtiḥ | jahāra tarasā rakṣo jānakīṁ śokakarśitām ||

"तब भिक्षुरूप धारण कर, कपटरूपी रावण ने शोक से कृश जानकी को शीघ्रता से हर लिया।"

श्लोक 46 (devibhagavatam.4.18.46)

दुःखार्तेन मया तत्र रुदितञ्च वने वने । सुग्रीवेण च मित्रत्वं कृतं कार्यवशान्मया ॥

duḥkhārtena mayā tatra ruditañca vane vane | sugrīveṇa ca mitratvaṁ kṛtaṁ kāryavaśānmayā ||

"मैं दुःख से पीड़ित होकर वहाँ वन-वन में रोता रहा; और आवश्यकतावश सुग्रीव से मित्रता की।"

श्लोक 47 (devibhagavatam.4.18.47)

अन्यायेन हतो वाली शापाच्चैव निवारितः । सहायान्वानरान् कृत्वा लङ्कायां चलितः पुनः ॥

anyāyena hato vālī śāpāccaiva nivāritaḥ | sahāyānvānarān kṛtvā laṅkāyāṁ calitaḥ punaḥ ||

"वाली अन्यायपूर्वक मारा गया, और शाप द्वारा भी रोका गया; वानरों को सहायक बनाकर मैं पुनः लंका की ओर चला।"

श्लोक 48 (devibhagavatam.4.18.48)

बद्धोऽहं नागपाशैश्च लक्ष्मणश्च ममानुजः । विसंज्ञौ पतितौ दृष्ट्वा वानरा विस्मयं गताः ॥

baddho'haṁ nāgapāśaiśca lakṣmaṇaśca mamānujaḥ | visaṁjñau patitau dṛṣṭvā vānarā vismayaṁ gatāḥ ||

"मैं नागपाशों से बँध गया, और मेरा अनुज लक्ष्मण भी; हम दोनों को मूर्च्छित गिरा हुआ देखकर वानर विस्मय को प्राप्त हुए।"

श्लोक 49 (devibhagavatam.4.18.49)

गरुडेन तदाऽऽगत्य मोचितौ भ्रातरौ किल । चिन्ता मे महती जाता दैवं किं वा करिष्यति ॥

garuḍena tadā''gatya mocitau bhrātarau kila | cintā me mahatī jātā daivaṁ kiṁ vā kariṣyati ||

"तब गरुड़ आकर हम दोनों भाइयों को मुक्त किया; मुझमें महान चिंता उत्पन्न हुई — दैव अब आगे क्या करेगा?"

श्लोक 50 (devibhagavatam.4.18.50)

हृतं राज्यं वने वासो मृतस्तातः प्रिया हृता । युद्धं कष्टं ददात्येवमग्रे किं वा करिष्यति ॥

hṛtaṁ rājyaṁ vane vāso mṛtastātaḥ priyā hṛtā | yuddhaṁ kaṣṭaṁ dadātyevamagre kiṁ vā kariṣyati ||

"राज्य हर लिया गया, वन में निवास हुआ, पिता की मृत्यु हुई, प्रिया का हरण हुआ; युद्ध ऐसा कष्ट देता है — आगे और क्या करेगा?"

श्लोक 51 (devibhagavatam.4.18.51)

प्रथमं तु महद्दुःखमराज्यस्य वनाश्रयम् । राजपुत्र्यान्वितस्यैव धनहीनस्य मे सुराः ॥

prathamaṁ tu mahadduḥkhamarājyasya vanāśrayam | rājaputryānvitasyaiva dhanahīnasya me surāḥ ||

"हे सुरगण! पहले तो राज्यहीन होकर वनवास का महादुःख हुआ — राजकुमारी के साथ रहते हुए भी मैं धनहीन था।"

श्लोक 52 (devibhagavatam.4.18.52)

वराटिकापि पित्रा मे न दत्ता वननिर्गमे । पदातिरसहायोऽहं धनहीनश्च निर्गतः ॥

varāṭikāpi pitrā me na dattā vananirgame | padātirasahāyo'haṁ dhanahīnaśca nirgataḥ ||

"वन-प्रस्थान के समय पिता ने मुझे एक कौड़ी तक नहीं दी; मैं पैदल, असहाय और धनहीन होकर निकला।"

श्लोक 53 (devibhagavatam.4.18.53)

चतुर्दशैव वर्षाणि नीतानि च तदा मया । क्षात्रं धर्मं परित्यज्य व्याधवृत्त्या महावने ॥

caturdaśaiva varṣāṇi nītāni ca tadā mayā | kṣātraṁ dharmaṁ parityajya vyādhavṛttyā mahāvane ||

"क्षात्र धर्म को त्यागकर, व्याध की वृत्ति से, चौदह वर्ष तब मैंने उस महावन में बिताए।"

श्लोक 54 (devibhagavatam.4.18.54)

दैवाद्युद्धे जयः प्राप्तो निहतोऽसौ महासुरः । आनीता च पुनः सीता प्राप्तायोध्या मया तथा ॥

daivādyuddhe jayaḥ prāpto nihato'sau mahāsuraḥ | ānītā ca punaḥ sītā prāptāyodhyā mayā tathā ||

"दैव से युद्ध में विजय प्राप्त हुई; वह महादैत्य [रावण] मारा गया; और सीता पुनः लाई गईं, और मैं वैसे ही अयोध्या पहुँचा।"

श्लोक 55 (devibhagavatam.4.18.55)

वर्षाणि कतिचित्तत्र सुखं संसारसम्भवम् । प्राप्तं राज्यञ्च सम्पूर्णं कोसलानधितिष्ठता ॥

varṣāṇi katicittatra sukhaṁ saṁsārasambhavam | prāptaṁ rājyañca sampūrṇaṁ kosalānadhitiṣṭhatā ||

"वहाँ कुछ वर्षों तक संसार-सुलभ सुख भोगा गया, और कोसल पर शासन करते हुए मैंने संपूर्ण राज्य प्राप्त किया।"

श्लोक 56 (devibhagavatam.4.18.56)

पुरैवं वर्तमानेन प्राप्तराज्येन वै तदा । लोकापवादभीतेन त्यक्ता सीता वने मया ॥

puraivaṁ vartamānena prāptarājyena vai tadā | lokāpavādabhītena tyaktā sītā vane mayā ||

"इस प्रकार पूर्ववत् रहते हुए, राज्य प्राप्त होने पर, लोकापवाद से भयभीत होकर तब मैंने सीता को वन में त्याग दिया।"

श्लोक 57 (devibhagavatam.4.18.57)

कान्ताविरहजं दुःखं पुनः प्राप्तं दुरासदम् । पातालं सा गता पश्चाद्धरां भित्त्वा धरात्मजा ॥

kāntāvirahajaṁ duḥkhaṁ punaḥ prāptaṁ durāsadam | pātālaṁ sā gatā paścāddharāṁ bhittvā dharātmajā ||

"प्रिया-वियोग से उत्पन्न दुःख पुनः असह्य रूप में प्राप्त हुआ; बाद में वह धरापुत्री पृथ्वी को विदीर्ण कर पाताल को चली गई।"

श्लोक 58 (devibhagavatam.4.18.58)

एवं रामावतारेऽपि दुःखं प्राप्तं निरन्तरम् । परतन्त्रेण मे नूनं स्वतन्त्रः को भवेत्तदा ॥

evaṁ rāmāvatāre'pi duḥkhaṁ prāptaṁ nirantaram | paratantreṇa me nūnaṁ svatantraḥ ko bhavettadā ||

"इस प्रकार राम-अवतार में भी निरंतर दुःख प्राप्त हुआ; परतंत्र होते हुए तब भला कौन स्वतंत्र हो सकता है?"

श्लोक 59 (devibhagavatam.4.18.59)

पश्चात्कालवशात्प्राप्तः स्वर्गो मे भ्रातृभिः सह । परतन्त्रस्य का वार्ता वक्तव्या विबुधेन वै ॥

paścātkālavaśātprāptaḥ svargo me bhrātṛbhiḥ saha | paratantrasya kā vārtā vaktavyā vibudhena vai ||

"बाद में काल के वशीभूत होकर मैंने भाइयों सहित स्वर्ग प्राप्त किया; परतंत्र की क्या बात, जिसे कोई विद्वान कहे?"

श्लोक 60 (devibhagavatam.4.18.60)

परतन्त्रोऽत्म्यहं नूनं पद्मयोने निशामय । तथा त्वमपि रुद्रश्च सर्वे चान्ये सुरोत्तमाः ॥

paratantro'tmyahaṁ nūnaṁ padmayone niśāmaya | tathā tvamapi rudraśca sarve cānye surottamāḥ ||

"हे पद्मयोने! मैं निश्चय ही परतंत्र हूँ, यह जान लो; और वैसे ही तुम भी, रुद्र भी, तथा अन्य सभी देवश्रेष्ठ भी।"