देवताओं के प्रति देवी के वचन का वर्णन

श्लोक 1 (devibhagavatam.4.19.1)

व्यास उवाच । इत्युक्त्वा भगवान्विष्णुः पुनराह प्रजापतिम् । यन्मायामोहितः सर्वस्तत्त्वं जानाति नो जनः ॥

vyāsa uvāca | ityuktvā bhagavānviṣṇuḥ punarāha prajāpatim | yanmāyāmohitaḥ sarvastattvaṁ jānāti no janaḥ ||

व्यास जी ने कहा — ऐसा कहकर भगवान विष्णु ने पुनः प्रजापति से कहा — "माया से मोहित होने के कारण कोई भी जन तत्त्व को नहीं जानता।"

श्लोक 2 (devibhagavatam.4.19.2)

वयं मायावृताः कामं न स्मरामो जगद्गुरुम् । परमं पुरुषं शान्तं सच्चिदानन्दमव्ययम् ॥

vayaṁ māyāvṛtāḥ kāmaṁ na smarāmo jagadgurum | paramaṁ puruṣaṁ śāntaṁ saccidānandamavyayam ||

"हम माया से आवृत होकर जगद्गुरु, परम पुरुष, शांत, सच्चिदानंद, अव्यय को बिल्कुल भी स्मरण नहीं करते।"

श्लोक 3 (devibhagavatam.4.19.3)

अहं विष्णुरहं ब्रह्मा शिवोऽहमिति मोहिताः । न जानीमो वयं धातः परं वस्तु सनातनम् ॥

ahaṁ viṣṇurahaṁ brahmā śivo'hamiti mohitāḥ | na jānīmo vayaṁ dhātaḥ paraṁ vastu sanātanam ||

"मोहित होकर हम सोचते हैं 'मैं विष्णु हूँ,' 'मैं ब्रह्मा हूँ,' 'मैं शिव हूँ' — हे धाता! हम उस परम सनातन तत्त्व को नहीं जानते।"

श्लोक 4 (devibhagavatam.4.19.4)

यन्मायामोहितश्चाहं सदा वर्ते परात्मनः । परवान्दारुपाञ्चाली मायिकस्य यथा वशे ॥

yanmāyāmohitaścāhaṁ sadā varte parātmanaḥ | paravāndārupāñcālī māyikasya yathā vaśe ||

"क्योंकि उसकी माया से मोहित होकर मैं सदैव उस परमात्मा के अधीन रहता हूँ — परवश, मायावी के हाथ की काठ की पुतली के समान।"

श्लोक 5 (devibhagavatam.4.19.5)

भवतापि तथा दृष्टा विभूतिस्तस्य चाद्भुता । कल्पादौ भवयुक्तेन मयापि च सुधार्णवे ॥

bhavatāpi tathā dṛṣṭā vibhūtistasya cādbhutā | kalpādau bhavayuktena mayāpi ca sudhārṇave ||

"तुमने भी इस प्रकार उसकी अद्भुत विभूति देखी है — मैंने भी, कल्प के आरंभ में सुधासागर में सत्तायुक्त होकर।"

श्लोक 6 (devibhagavatam.4.19.6)

मणिद्वीपेऽथ मन्दारविटपे रासमण्डले । समाजे तत्र सा दृष्टा श्रुता न वचसापि च ॥

maṇidvīpe'tha mandāraviṭape rāsamaṇḍale | samāje tatra sā dṛṣṭā śrutā na vacasāpi ca ||

"मणिद्वीप में, मंदार वृक्ष की शाखा के नीचे, रासमंडल में, उस सभा में वह देखी गई — किंतु वाणी से भी वर्णित नहीं की जा सकी।"

श्लोक 7 (devibhagavatam.4.19.7)

तस्मात्तां परमां शक्तिं स्मरन्त्वद्य सुराः शिवाम् । सर्वकामप्रदां मायामाद्यां शक्तिं परात्मनः ॥

tasmāttāṁ paramāṁ śaktiṁ smarantvadya surāḥ śivām | sarvakāmapradāṁ māyāmādyāṁ śaktiṁ parātmanaḥ ||

"अतः आज देवगण उस परम शक्ति, कल्याणी, सर्वकामप्रदा माया, परमात्मा की आद्य शक्ति का स्मरण करें।"

श्लोक 8 (devibhagavatam.4.19.8)

व्यास उवाच । इत्युक्ता हरिणा देवा ब्रह्माद्या भुवनेश्वरीम् । सस्मरुर्मनसा देवीं योगमायां सनातनीम् ॥

vyāsa uvāca | ityuktā hariṇā devā brahmādyā bhuvaneśvarīm | sasmarurmanasā devīṁ yogamāyāṁ sanātanīm ||

व्यास जी ने कहा — इस प्रकार हरि द्वारा कहे जाने पर ब्रह्मा-प्रमुख देवताओं ने मन में भुवनेश्वरी, सनातनी योगमाया देवी का स्मरण किया।

श्लोक 9 (devibhagavatam.4.19.9)

स्मृतमात्रा तदा देवी प्रत्यक्षं दर्शनं ददौ । पाशाङ्कुशवराभीतिधरा देवी जपारुणा । दृष्ट्वा प्रमुदिता देवास्तुष्टुवुस्तां सुदर्शनाम् ॥

smṛtamātrā tadā devī pratyakṣaṁ darśanaṁ dadau | pāśāṅkuśavarābhītidharā devī japāruṇā | dṛṣṭvā pramuditā devāstuṣṭuvustāṁ sudarśanām ||

स्मरण करते ही देवी ने साक्षात् दर्शन दिया — पाश, अंकुश, वर और अभय मुद्रा धारण किए हुए, जपाकुसुम-सी अरुण; उन्हें देखकर देवता प्रमुदित हुए और उस सुदर्शना की स्तुति की।

श्लोक 10 (devibhagavatam.4.19.10)

देवा ऊचुः । ऊर्णनाभाद्यथा तन्तुर्विस्फुलिङ्गा विभावसोः । तथा जगद्यदेतस्या निर्गतं तां नता वयम् ॥

devā ūcuḥ | ūrṇanābhādyathā tanturvisphuliṅgā vibhāvasoḥ | tathā jagadyadetasyā nirgataṁ tāṁ natā vayam ||

देवताओं ने कहा — "जैसे मकड़ी से तंतु, या अग्नि से चिंगारियाँ निकलती हैं — वैसे ही यह जगत् उसी से उत्पन्न हुआ है; हम उसे नमन करते हैं।"

श्लोक 11 (devibhagavatam.4.19.11)

यन्मायाशक्तिसङ्कॢप्तं जगत्सर्वं चराचरम् । तां चितं भुवनाधीशां स्मरामः करुणार्णवाम् ॥

yanmāyāśaktisaṅkḷptaṁ jagatsarvaṁ carācaram | tāṁ citaṁ bhuvanādhīśāṁ smarāmaḥ karuṇārṇavām ||

"जिसकी माया-शक्ति से यह संपूर्ण चराचर जगत् रचा गया, उस चित्स्वरूपा, भुवनाधीशा, करुणासागरा को हम स्मरण करते हैं।"

श्लोक 12 (devibhagavatam.4.19.12)

यदज्ञानाद्भवोत्पत्तिर्यज्ज्ञानाद्भवनाशनम् । संविद्रूपां च तां देवीं स्मरामः सा प्रचोदयात् ॥

yadajñānādbhavotpattiryajjñānādbhavanāśanam | saṁvidrūpāṁ ca tāṁ devīṁ smarāmaḥ sā pracodayāt ||

"जिसके अज्ञान से भव की उत्पत्ति होती है, और जिसके ज्ञान से भव का नाश होता है — उस संविद्रूपा देवी का हम स्मरण करते हैं; वह हमें प्रेरित करे।"

श्लोक 13 (devibhagavatam.4.19.13)

महालक्ष्यै च विद्महे सर्वशक्त्यै च धीमहि । तन्नो देवी प्रचोदयात् ॥

mahālakṣyai ca vidmahe sarvaśaktyai ca dhīmahi | tanno devī pracodayāt ||

"ॐ, हम महालक्ष्मी को जानते हैं, और सर्वशक्ति का ध्यान करते हैं; वह देवी हमें प्रेरित करे।"

श्लोक 14 (devibhagavatam.4.19.14)

मातर्नताः स्म भुवनार्तिहरे प्रसीद शन्तो विधेहि कुरु कार्यमिदं दयार्द्रे । भारं हरस्व विनिहत्य सुरारिवर्गं मह्या महेश्वरि सतां कुरु शं भवानि ॥

mātarnatāḥ sma bhuvanārtihare prasīda śanto vidhehi kuru kāryamidaṁ dayārdre | bhāraṁ harasva vinihatya surārivargaṁ mahyā maheśvari satāṁ kuru śaṁ bhavāni ||

"हे माता! हम तुम्हें नमन करते हैं, हे विश्वपीड़ाहारिणी! प्रसन्न हो। शांति प्रदान करो, यह कार्य करो, हे दयार्द्रे! पृथ्वी पर सुरशत्रुओं के समूह का नाश कर उसका भार हरो, हे महेश्वरी! हे भवानी! सज्जनों को कल्याण प्रदान करो।"

श्लोक 15 (devibhagavatam.4.19.15)

यद्यम्बुजाक्षि दयसे न सुरान्कदाचित् किं ते क्षमा रणमुखेऽसिशरैः प्रहर्तुम् । एतत्त्वयैव गदितं ननु यक्षरूपं धृत्वा तृणं दह हुताश पदाभिलाषैः ॥

yadyambujākṣi dayase na surānkadācit kiṁ te kṣamā raṇamukhe'siśaraiḥ prahartum | etattvayaiva gaditaṁ nanu yakṣarūpaṁ dhṛtvā tṛṇaṁ daha hutāśa padābhilāṣaiḥ ||

"हे कमलनयनी! यदि तुम देवताओं पर कभी दया नहीं करतीं, तो क्या तुम युद्ध के अग्रभाग में खड्ग-बाणों से प्रहार करने में असमर्थ हो? यह तो तुमने स्वयं ही यक्षरूप धारण कर कहा था — 'इस तृण को जला दे' — उस अग्नि से, जो अपने पद का अभिमान रखती थी।"

श्लोक 16 (devibhagavatam.4.19.16)

कंसः कुजोऽथ यवनेन्द्रसुतश्च केशी बार्हद्रथो बकबकीखरशाल्वमुख्याः । येऽन्ये तथा नृपतयो भुवि सन्ति तांस्त्वं हत्वा हरस्व जगतो भरमाशु मातः ॥

kaṁsaḥ kujo'tha yavanendrasutaśca keśī bārhadratho bakabakīkharaśālvamukhyāḥ | ye'nye tathā nṛpatayo bhuvi santi tāṁstvaṁ hatvā harasva jagato bharamāśu mātaḥ ||

"कंस, कुज (नरकासुर), यवनराज-पुत्र, केशी; बार्हद्रथ (जरासंध), बक, बकी, खर और शाल्व-प्रमुख — तथा पृथ्वी पर जो अन्य राजा हैं, हे माता! उन्हें मारकर शीघ्र ही जगत् का भार हरो।"

श्लोक 17 (devibhagavatam.4.19.17)

ये विष्णुना न निहताः किल शङ्करेण ये वा विगृह्य जलजाक्षि पुरन्दरेण । ते ते मुखं सुखकरं सुसमीक्षमाणाः सङ्ख्ये शरैर्विनिहता निजलीलया ते ॥

ye viṣṇunā na nihatāḥ kila śaṅkareṇa ye vā vigṛhya jalajākṣi purandareṇa | te te mukhaṁ sukhakaraṁ susamīkṣamāṇāḥ saṅkhye śarairvinihatā nijalīlayā te ||

"जो विष्णु द्वारा नहीं मारे गए, न शंकर द्वारा, या हे कमलनयनी! जिन्होंने पुरंदर (इंद्र) से भी युद्ध किया — वे ही तुम्हारे सुखद मुख को उत्सुकता से निहारते हुए, युद्ध में तुम्हारी ही लीला से बाणों द्वारा मारे जाएँगे।"

श्लोक 18 (devibhagavatam.4.19.18)

शक्तिं विना हरिहरप्रमुखाः सुराश्च ॥ नैवेश्वरा विचलितुं तव देवदेवि । किं धारणाविरहितः प्रभुरप्यनन्तो धर्तुं धराञ्च रजनीशकलावतंसे ॥

śaktiṁ vinā hariharapramukhāḥ surāśca || naiveśvarā vicalituṁ tava devadevi | kiṁ dhāraṇāvirahitaḥ prabhurapyananto dhartuṁ dharāñca rajanīśakalāvataṁse ||

"हे देवदेवि! तुम्हारी शक्ति के बिना हरि, हर आदि प्रमुख देवता भी हिलने में समर्थ नहीं हैं। हे चंद्रकला-शेखरे! क्या धारण-शक्ति के बिना अनंत (शेष) भी पृथ्वी को धारण करने में समर्थ है?"

श्लोक 19 (devibhagavatam.4.19.19)

इन्द्र उवाच । वाचा विना विधिरलं भवतीह विश्वं कर्तुं हरिः किमु रमारहितोऽथ पातुम् । संहर्तुमीश उमयोज्झित ईश्वरः किं ते ताभिरेव सहिताः प्रभवः प्रजेशाः ॥

indra uvāca | vācā vinā vidhiralaṁ bhavatīha viśvaṁ kartuṁ hariḥ kimu ramārahito'tha pātum | saṁhartumīśa umayojjhita īśvaraḥ kiṁ te tābhireva sahitāḥ prabhavaḥ prajeśāḥ ||

इंद्र ने कहा — "क्या वाणी (सरस्वती) के बिना विधाता इस विश्व की रचना करने में समर्थ हैं? क्या रमा के बिना हरि इसका पालन कर सकते हैं? क्या उमा से रहित ईश्वर संहार कर सकते हैं? क्या ये प्रभु, प्रजापति, उनके साथ मिलकर ही समर्थ होते हैं?"

श्लोक 20 (devibhagavatam.4.19.20)

विष्णुरुवाच । कर्तुं प्रभुर्न द्रुहिणो न कदाचनाहं नापीश्वरस्तव कलारहितस्त्रिलोक्याः । कर्तुं प्रभुत्वमनघेऽत्र तथा विहर्तुं त्वं वै समस्तविभवेश्वरि भासि नूनम् ॥

viṣṇuruvāca | kartuṁ prabhurna druhiṇo na kadācanāhaṁ nāpīśvarastava kalārahitastrilokyāḥ | kartuṁ prabhutvamanaghe'tra tathā vihartuṁ tvaṁ vai samastavibhaveśvari bhāsi nūnam ||

विष्णु ने कहा — "द्रुहिण (ब्रह्मा) कभी भी सृष्टि करने में समर्थ नहीं हैं, न मैं भी; न ही ईश्वर (शिव) तुम्हारे अंश के बिना, हे अनघे! त्रिलोक के सृजन और संहार-लीला में समर्थ हैं। हे सर्वविभवेश्वरि! तुम ही वास्तव में समर्थ रूप से प्रकाशित होती हो।"

श्लोक 21 (devibhagavatam.4.19.21)

व्यास उवाच । एवं स्तुता तदा देवी तानाह विबुधेश्वरान् । किं तत्कार्यं वदन्त्वद्य करोमि विगतज्वराः ॥

vyāsa uvāca | evaṁ stutā tadā devī tānāha vibudheśvarān | kiṁ tatkāryaṁ vadantvadya karomi vigatajvarāḥ ||

व्यास जी ने कहा — इस प्रकार स्तुति किए जाने पर देवी ने तब उन देवगणों से कहा — "अब बताओ, संताप-रहित होकर, मुझे क्या कार्य करना है।"

श्लोक 22 (devibhagavatam.4.19.22)

असाध्यमपि लोकेऽस्मिंस्तत्करोमि सुरेप्सितम् । शंसन्तु भवतां दुःखं धरायाश्च सुरोत्तमाः ॥

asādhyamapi loke'smiṁstatkaromi surepsitam | śaṁsantu bhavatāṁ duḥkhaṁ dharāyāśca surottamāḥ ||

"इस लोक में जो असाध्य भी है, वह मैं करूँगी, यदि देवताओं द्वारा वांछित हो। हे सुरोत्तमो! अपना और पृथ्वी का दुःख कहो।"

श्लोक 23 (devibhagavatam.4.19.23)

देवा ऊचुः । वसुधेयं भराक्रान्ता सम्प्राप्ता विबुधान्प्रति । रुदती वेपमाना च पीडिता दुष्टभूभुजैः ॥

devā ūcuḥ | vasudheyaṁ bharākrāntā samprāptā vibudhānprati | rudatī vepamānā ca pīḍitā duṣṭabhūbhujaiḥ ||

देवताओं ने कहा — "यह पृथ्वी, भार से पीड़ित होकर, देवताओं के समक्ष रोती और काँपती हुई, दुष्ट भूपतियों से पीड़ित होकर आई है।"

श्लोक 24 (devibhagavatam.4.19.24)

भारापहरणं चास्याः कर्तव्यं भुवनेश्वरि । देवानामीष्मित कार्यमेतदेवाधुना शिवे ॥

bhārāpaharaṇaṁ cāsyāḥ kartavyaṁ bhuvaneśvari | devānāmīṣmita kāryametadevādhunā śive ||

"हे भुवनेश्वरि! उसके भार का हरण किया जाना चाहिए; हे शिवे! अब देवताओं का यही इच्छित कार्य है।"

श्लोक 25 (devibhagavatam.4.19.25)

घातितस्तु पुरा मातस्त्वया महिषरूपभृत् । दानवोऽतिबलाक्रान्तस्तत्सहायाश्च कोटिशः ॥

ghātitastu purā mātastvayā mahiṣarūpabhṛt | dānavo'tibalākrāntastatsahāyāśca koṭiśaḥ ||

"हे माता! पूर्वकाल में महिष-रूपधारी अतिबलशाली दानव, और उसके करोड़ों सहायक, तुम्हारे ही द्वारा मारे गए थे।"

श्लोक 26 (devibhagavatam.4.19.26)

तथा शुम्भो निशुम्भश्च रक्तबीजस्तथापरः । चण्डमुण्डौ महावीर्यौ तथैव धूम्रलोचनः ॥

tathā śumbho niśumbhaśca raktabījastathāparaḥ | caṇḍamuṇḍau mahāvīryau tathaiva dhūmralocanaḥ ||

"इसी प्रकार शुंभ और निशुंभ, तथा रक्तबीज भी, महावीर्य चंड-मुंड, तथा वैसे ही धूम्रलोचन भी।"

श्लोक 27 (devibhagavatam.4.19.27)

दुर्मुखो दुःसहश्चैव करालश्चाति वीर्यवान् । अन्ये च बहवः क्रूरास्त्वयैव च निपातिताः ॥

durmukho duḥsahaścaiva karālaścāti vīryavān | anye ca bahavaḥ krūrāstvayaiva ca nipātitāḥ ||

"दुर्मुख, दुःसह, और अति पराक्रमी कराल, तथा अन्य अनेक क्रूर — सब तुम्हारे द्वारा ही मारे गए।"

श्लोक 28 (devibhagavatam.4.19.28)

तथैव च सुरारींश्च जहि सर्वान्महीश्वरान् । (भारं हर धरायाश्च दुर्धरं दुष्टभूभुजां ।)॥ व्यास उवाच । इत्युक्ता सा तदा देवी देवानाहाम्बिका शिवा ॥

tathaiva ca surārīṁśca jahi sarvānmahīśvarān | (bhāraṁ hara dharāyāśca durdharaṁ duṣṭabhūbhujāṁ |)|| vyāsa uvāca | ityuktā sā tadā devī devānāhāmbikā śivā ||

"वैसे ही देवताओं के इन शत्रुओं, इन भूपतियों, सबका वध करो — (पृथ्वी के दुष्ट भूपतियों के दुर्धर भार को हरो)।" व्यास जी ने कहा — इस प्रकार कहे जाने पर वह देवी, कल्याणी अंबिका, तब देवताओं से बोलीं —

श्लोक 29 (devibhagavatam.4.19.29)

सम्प्रहस्यासितापाङ्गी मेघगम्भीरया गिरा । श्रीदेव्युवाच । मयेदं चिन्तितं पूर्वमंशावतरणं सुराः ॥

samprahasyāsitāpāṅgī meghagambhīrayā girā | śrīdevyuvāca | mayedaṁ cintitaṁ pūrvamaṁśāvataraṇaṁ surāḥ ||

— मंद हास्य करती हुई, वह श्यामनेत्रा, मेघ-गंभीर वाणी में। श्री देवी ने कहा — "हे देवगण! यह अंशावतरण मैंने पहले ही सोच रखा है —"

श्लोक 30 (devibhagavatam.4.19.30)

भारावतरणं चैव यथा स्याद्दुष्टभूभुजाम् । मया सर्वे निहन्तव्या दैत्येशा ये महीभुजः ॥

bhārāvataraṇaṁ caiva yathā syādduṣṭabhūbhujām | mayā sarve nihantavyā daityeśā ye mahībhujaḥ ||

"— और भार का हरण भी, ताकि यह दुष्ट भूपतियों के लिए हो। जो दैत्यराज भूपति हैं, वे सब मेरे द्वारा मारे जाने चाहिए —"

श्लोक 31 (devibhagavatam.4.19.31)

मागधाद्या महाभागाः स्वशक्त्या मन्दतेजसः । भवद्भिरपि स्वैरंशैरवतीर्य धरातले ॥

māgadhādyā mahābhāgāḥ svaśaktyā mandatejasaḥ | bhavadbhirapi svairaṁśairavatīrya dharātale ||

"— मागध आदि महाभाग, जो स्वशक्ति से मंदतेज हैं — तुम भी अपने-अपने अंशों से पृथ्वी पर अवतीर्ण होकर —"

श्लोक 32 (devibhagavatam.4.19.32)

मच्छक्तियुक्तैः कर्तव्यं भारावतरणं सुराः । कश्यपो भार्यया सार्धं दिविजानां प्रजापतिः ॥

macchaktiyuktaiḥ kartavyaṁ bhārāvataraṇaṁ surāḥ | kaśyapo bhāryayā sārdhaṁ divijānāṁ prajāpatiḥ ||

"— हे देवगण! मेरी शक्ति से युक्त होकर तुम्हें भार का हरण करना होगा। कश्यप, अपनी पत्नी सहित, देवताओं के प्रजापति —"

श्लोक 33 (devibhagavatam.4.19.33)

यादवानां कुले पूर्वं भविताऽऽनकदुन्दुभिः । तथैव भृगुशापाद्वै भगवान्विष्णुरव्ययः ॥

yādavānāṁ kule pūrvaṁ bhavitā''nakadundubhiḥ | tathaiva bhṛguśāpādvai bhagavānviṣṇuravyayaḥ ||

"— यादवों के कुल में आनकदुंदुभि होंगे; और वैसे ही भृगु के शाप से अव्यय भगवान विष्णु —"

श्लोक 34 (devibhagavatam.4.19.34)

अंशेन भविता तत्र वसुदेवसुतो हरिः । तदाहं प्रभविष्यामि यशोदायां च गोकुले ॥

aṁśena bhavitā tatra vasudevasuto hariḥ | tadāhaṁ prabhaviṣyāmi yaśodāyāṁ ca gokule ||

"— वहाँ अंश से वसुदेव-पुत्र हरि होंगे; तब मैं यशोदा में, गोकुल में प्रकट होऊँगी।"

श्लोक 35 (devibhagavatam.4.19.35)

कार्यं सर्वं करिष्यामि सुराणां सुरसत्तमाः । कारागारे गतं विष्णुं प्रापयिष्यामि गोकुले ॥

kāryaṁ sarvaṁ kariṣyāmi surāṇāṁ surasattamāḥ | kārāgāre gataṁ viṣṇuṁ prāpayiṣyāmi gokule ||

"हे देवसत्तमो! मैं देवताओं का संपूर्ण कार्य सिद्ध करूँगी; मैं कारागार में उत्पन्न विष्णु को गोकुल पहुँचाऊँगी।"

श्लोक 36 (devibhagavatam.4.19.36)

शेषं च देवकीगर्भात्प्रापयिष्यामि रोहिणीम् । मच्छक्त्योपचितौ तौ च कर्तारौ दुष्टसङ्क्षयम् ॥

śeṣaṁ ca devakīgarbhātprāpayiṣyāmi rohiṇīm | macchaktyopacitau tau ca kartārau duṣṭasaṅkṣayam ||

"और मैं शेष को देवकी के गर्भ से रोहिणी में पहुँचाऊँगी। मेरी शक्ति से पुष्ट वे दोनों दुष्टों के संहार के कर्ता होंगे —"

श्लोक 37 (devibhagavatam.4.19.37)

दुष्टानां भूभुजां कामं द्वापरान्ते सुनिश्चितम् । इन्द्रांशोऽप्यर्जुनः साक्षात्करिष्यति बलक्षयम् ॥

duṣṭānāṁ bhūbhujāṁ kāmaṁ dvāparānte suniścitam | indrāṁśo'pyarjunaḥ sākṣātkariṣyati balakṣayam ||

"— द्वापर के अंत में दुष्ट भूपतियों का, यह पूर्ण निश्चित है। इंद्र के साक्षात् अंश अर्जुन भी बल का क्षय करेंगे।"

श्लोक 38 (devibhagavatam.4.19.38)

धर्मांशोऽपि महाराजो भविष्यति युधिष्ठिरः । वाय्वंशो भीमसेनश्चाश्विन्यंशौ च यमावपि ॥

dharmāṁśo'pi mahārājo bhaviṣyati yudhiṣṭhiraḥ | vāyvaṁśo bhīmasenaścāśvinyaṁśau ca yamāvapi ||

"धर्म का अंश भी महाराज युधिष्ठिर बनेगा; वायु का अंश भीमसेन; और अश्विनीकुमारों के अंश दोनों यमज (नकुल-सहदेव)।"

श्लोक 39 (devibhagavatam.4.19.39)

वसोरंशोऽथ गाङ्गेयः करिष्यति बलक्षयम् । व्रजन्तु च भवन्तोऽद्य धरा भवतु सुस्थिरा ॥

vasoraṁśo'tha gāṅgeyaḥ kariṣyati balakṣayam | vrajantu ca bhavanto'dya dharā bhavatu susthirā ||

"और वसु का अंश, गांगेय (भीष्म), बल का क्षय करेंगे। अब तुम सब जाओ; पृथ्वी सुस्थिर हो जाए।"

श्लोक 40 (devibhagavatam.4.19.40)

भारावतरणं नूनं करिष्यामि सुरोत्तमाः । कृत्वा निमित्तमात्रांस्तान्स्वशक्त्याहं न संशयः ॥

bhārāvataraṇaṁ nūnaṁ kariṣyāmi surottamāḥ | kṛtvā nimittamātrāṁstānsvaśaktyāhaṁ na saṁśayaḥ ||

"हे सुरोत्तमो! मैं निश्चय ही भार का हरण करूँगी; उन्हें केवल निमित्तमात्र बनाकर मैं अपनी ही शक्ति से यह करूँगी — इसमें संशय नहीं।"

श्लोक 41 (devibhagavatam.4.19.41)

कुरुक्षेत्रे करिष्यामि क्षत्त्रियाणां च सङ्क्षयम् । असूयेर्ष्या मतिस्तृष्णा ममताभिमता स्पृहा ॥

kurukṣetre kariṣyāmi kṣattriyāṇāṁ ca saṅkṣayam | asūyerṣyā matistṛṣṇā mamatābhimatā spṛhā ||

"मैं कुरुक्षेत्र में क्षत्रियों का संहार करूँगी। असूया, ईर्ष्या, द्वेष-बुद्धि, तृष्णा, ममता, अभिमान, स्पृहा —"

श्लोक 42 (devibhagavatam.4.19.42)

जिगीषा मदनो मोहो दोषैर्नक्ष्यन्ति यादवाः । ब्राह्मणस्य च शापेन वंशनाशो भविष्यति ॥

jigīṣā madano moho doṣairnakṣyanti yādavāḥ | brāhmaṇasya ca śāpena vaṁśanāśo bhaviṣyati ||

"— जिगीषा, काम, मोह — इन दोषों से यादव नष्ट होंगे; और ब्राह्मण के शाप से उनके कुल का नाश होगा।"

श्लोक 43 (devibhagavatam.4.19.43)

भगवानपि शापेन त्यक्ष्यत्येतत्कलेवरम् । भवन्तोऽपि निजाङ्गैश्च सहायाः शार्ङ्गधन्वनः ॥

bhagavānapi śāpena tyakṣyatyetatkalevaram | bhavanto'pi nijāṅgaiśca sahāyāḥ śārṅgadhanvanaḥ ||

"भगवान भी शाप से यह शरीर त्यागेंगे। तुम सब भी अपने-अपने अंशों सहित शार्ङ्गधन्वा (विष्णु) के सहायक बनकर —"

श्लोक 44 (devibhagavatam.4.19.44)

प्रभवन्तु सनारीका मथुरायां च गोकुले । व्यास उवाच । इत्युक्त्वान्तर्दधे देवी योगमाया परात्मनः ॥

prabhavantu sanārīkā mathurāyāṁ ca gokule | vyāsa uvāca | ityuktvāntardadhe devī yogamāyā parātmanaḥ ||

"— अपनी-अपनी पत्नियों सहित मथुरा और गोकुल में प्रकट हो जाओ।" व्यास जी ने कहा — ऐसा कहकर देवी योगमाया परमात्मा में अंतर्धान हो गईं।

श्लोक 45 (devibhagavatam.4.19.45)

सधरा वै सुराः सर्वे जग्मुः स्वान्यालयानि च । धरापि सुस्थिरा जाता तस्या वाक्येन तोषिता ॥

sadharā vai surāḥ sarve jagmuḥ svānyālayāni ca | dharāpi susthirā jātā tasyā vākyena toṣitā ||

पृथ्वी सहित सभी देवता अपने-अपने लोक को गए; और पृथ्वी भी उसके वचनों से संतुष्ट होकर सुस्थिर हो गई।

श्लोक 46 (devibhagavatam.4.19.46)

ओषधीवीरुधोपेता बभूव जनमेजय । प्रजाश्च सुखिनो जाता द्विजाश्चापुर्महोदयम् । सन्तुष्टा मुनयः सर्वे बभूबुर्धर्मतत्पराः ॥

oṣadhīvīrudhopetā babhūva janamejaya | prajāśca sukhino jātā dvijāścāpurmahodayam | santuṣṭā munayaḥ sarve babhūburdharmatatparāḥ ||

हे जनमेजय! वह औषधियों और लताओं से आच्छादित हो गई; प्रजा सुखी हुई, और द्विजों ने महान समृद्धि प्राप्त की; सभी मुनि संतुष्ट होकर धर्मपरायण हो गए।