वृंदा-छल एवं शाप कथा

श्लोक 1 (padma.6.103.1)

नारद उवाच । विष्णुर्जालंधरं गत्वा तद्दैत्यपुटभेदनम् । पातिव्रत्यस्य भंगाय वृंदायाश्चाकरोन्मतिम्

nārada uvāca viṣṇurjālaṁdharaṁ gatvā taddaityapuṭabhedanam pātivratyasya bhaṁgāya vṛṁdāyāścākaronmatim

नारद ने कहा - विष्णु जलंधर नगर जाकर, उस दैत्य के नगर को भेदने के लिए, वृंदा के पातिव्रत्य को भंग करने का विचार करने लगे।

श्लोक 2 (padma.6.103.2)

अथ वृंदारका देवी स्वप्नमध्ये ददर्श ह । भर्त्तारं महिषारूढं तैलाभ्यक्तं दिगंबरम्

atha vṛṁdārakā devī svapnamadhye dadarśa ha bharttāraṁ mahiṣārūḍhaṁ tailābhyaktaṁ digaṁbaram

फिर उस देवी वृंदा ने स्वप्न में अपने पति को भैंसे पर आरूढ़, तेल लगाए हुए, दिगंबर देखा -

श्लोक 3 (padma.6.103.3)

कृष्णप्रसूनभूषाढ्यं क्रव्यादगणसेवितम् । दक्षिणाशां गतं मुंडं तमसा व्यावृतं तदा

kṛṣṇaprasūnabhūṣāḍhyaṁ kravyādagaṇasevitam dakṣiṇāśāṁ gataṁ muṁḍaṁ tamasā vyāvṛtaṁ tadā

- काले फूलों के आभूषणों से सजा हुआ, मांसभक्षी गणों से सेवित, दक्षिण दिशा की ओर जाता हुआ, मुंडित सिर वाला और अंधकार से घिरा हुआ।

श्लोक 4 (padma.6.103.4)

स्वपुरं सागरे मग्नं सहसैवात्मना सह । ततः प्रबुद्धा सा बाला स्वस्वप्नं प्रविचिन्वती

svapuraṁ sāgare magnaṁ sahasaivātmanā saha tataḥ prabuddhā sā bālā svasvapnaṁ pravicinvatī

उसने अपने नगर को अपने साथ ही अचानक सागर में डूबते हुए देखा। तब जागकर वह बाला अपने उस स्वप्न पर विचार करने लगी।

श्लोक 5 (padma.6.103.5)

ददर्शोदितमादित्यं सच्छिद्रं निश्चलं मुहुः । तदनिष्टमिति ज्ञात्वा रुदती भयविह्वला

dadarśoditamādityaṁ sacchidraṁ niścalaṁ muhuḥ tadaniṣṭamiti jñātvā rudatī bhayavihvalā

उसने उगते हुए सूर्य को छिद्रयुक्त और बार-बार निश्चल देखा। इसे अशुभ जानकर वह भय से व्याकुल होकर रोने लगी।

श्लोक 6 (padma.6.103.6)

कुत्रचिन्नालभच्छर्म गोपुराट्टालभूमिषु । ततः सखीद्वययुता नगरोद्यानमागमत्

kutracinnālabhaccharma gopurāṭṭālabhūmiṣu tataḥ sakhīdvayayutā nagarodyānamāgamat

उसे नगर-द्वार, अट्टालिकाओं आदि किसी भी स्थान पर शांति नहीं मिली। तब दो सखियों सहित वह नगर के उद्यान में गई।

श्लोक 7 (padma.6.103.7)

तत्रापि सागता बाला नालभत्कुत्रचित्सुखम् । वनाद्वनांतरं याता नैव वेदात्मनस्तदा

tatrāpi sāgatā bālā nālabhatkutracitsukham vanādvanāṁtaraṁ yātā naiva vedātmanastadā

वहाँ भी पहुँचकर उस बाला को कहीं भी सुख नहीं मिला। एक वन से दूसरे वन में जाती हुई, उसे तब अपनी सुध भी नहीं रही।

श्लोक 8 (padma.6.103.8)

ततो भ्रमंते सा बाला ददर्शातिविभीषणौ । राक्षसौ सिंहवदनौ दंष्ट्रानयनभीषणौ

tato bhramaṁte sā bālā dadarśātivibhīṣaṇau rākṣasau siṁhavadanau daṁṣṭrānayanabhīṣaṇau

इस प्रकार भटकती हुई उस बाला ने दो अत्यंत भयंकर, सिंह के समान मुख वाले, दाढ़ों और नेत्रों से भयानक राक्षसों को देखा।

श्लोक 9 (padma.6.103.9)

तौ दृष्ट्वा विह्वलातीव पलायनपरा तदा । ददर्श तापसंशांतं सशिष्यं मौनमास्थितम्

tau dṛṣṭvā vihvalātīva palāyanaparā tadā dadarśa tāpasaṁśāṁtaṁ saśiṣyaṁ maunamāsthitam

उन्हें देखकर अत्यंत व्याकुल होकर वह भागने लगी। तब उसने शांत, मौनव्रतधारी और शिष्य सहित एक तपस्वी को देखा।

श्लोक 10 (padma.6.103.10)

ततस्तत्कंठ आसज्य निजां बाहुलतां भयात् । मुने मां रक्ष शरणमागतामित्यभाषत

tatastatkaṁṭha āsajya nijāṁ bāhulatāṁ bhayāt mune māṁ rakṣa śaraṇamāgatāmityabhāṣata

तब भय से उसने अपनी भुजा-लता उस तपस्वी के गले में डाल दी और कहा - हे मुने! शरण में आई हुई मेरी रक्षा कीजिए।

श्लोक 11 (padma.6.103.11)

मुनिस्तां विह्वलां दृष्ट्वा राक्षसानुगतां तदा । हुंकारेणैव तौ घोरौ चकार विमुखौ रुषा

munistāṁ vihvalāṁ dṛṣṭvā rākṣasānugatāṁ tadā huṁkāreṇaiva tau ghorau cakāra vimukhau ruṣā

उस मुनि ने राक्षसों द्वारा पीछा की जा रही व्याकुल उस स्त्री को देखकर, केवल हुंकार से ही क्रोधपूर्वक उन दोनों भयंकर राक्षसों को पीछे हटा दिया।

श्लोक 12 (padma.6.103.12)

यद्धुंकारभयत्रस्तौ दृष्ट्वा तौ गगनं गतौ । प्रणम्य दंडवद्भूमौ वृंदा वचनमब्रवीत्

yaddhuṁkārabhayatrastau dṛṣṭvā tau gaganaṁ gatau praṇamya daṁḍavadbhūmau vṛṁdā vacanamabravīt

उस हुंकार के भय से भयभीत होकर वे दोनों आकाश में चले गए। यह देखकर वृंदा ने भूमि पर दंडवत् प्रणाम कर यह वचन कहा।

श्लोक 13 (padma.6.103.13)

वृंदोवाच। रक्षिताहं त्वया घोराद्भयात्तस्मात्कृपानिधे । किंचिद्विज्ञप्तुमिच्छामि कृपया तन्निशामय

vṛṁdovāca rakṣitāhaṁ tvayā ghorādbhayāttasmātkṛpānidhe kiṁcidvijñaptumicchāmi kṛpayā tanniśāmaya

वृंदा ने कहा - हे कृपानिधे! उस घोर भय से आपने मेरी रक्षा की है। मैं कुछ निवेदन करना चाहती हूँ; कृपया उसे सुनिए।

श्लोक 14 (padma.6.103.14)

जलंधरो हि मे भर्त्ता रुद्रं योद्धुं गतः प्रभो । स तत्रास्ति कथं युद्धे तन्मे कथय सुव्रत

jalaṁdharo hi me bharttā rudraṁ yoddhuṁ gataḥ prabho sa tatrāsti kathaṁ yuddhe tanme kathaya suvrata

हे प्रभो! जलंधर मेरे पति हैं, जो रुद्र से युद्ध करने गए हैं। हे उत्तम व्रतधारी! वे उस युद्ध में कैसे हैं, यह मुझे बताइए।

श्लोक 15 (padma.6.103.15)

नारद उवाच। मुनिस्तद्वाक्यमाकर्ण्य कृपयोर्ध्वमवैक्षत । तावत्कपीशावायातौ तं प्रणम्याग्रतः स्थितौ

nārada uvāca munistadvākyamākarṇya kṛpayordhvamavaikṣata tāvatkapīśāvāyātau taṁ praṇamyāgrataḥ sthitau

नारद ने कहा - मुनि ने उसकी यह बात सुनकर करुणा से ऊपर की ओर देखा। तभी दो वानरराज वहाँ आए और उन्हें प्रणाम कर उनके सामने खड़े हो गए।

श्लोक 16 (padma.6.103.16)

ततस्तद्भ्रूलतासंज्ञा नियुक्तौ गगनं गतौ । गत्वा क्षणार्द्धादागत्य वानरावग्रतः स्थितौ

tatastadbhrūlatāsaṁjñā niyuktau gaganaṁ gatau gatvā kṣaṇārddhādāgatya vānarāvagrataḥ sthitau

फिर उसकी भौंहों के संकेत से आदेश पाकर वे दोनों आकाश में गए। आधे क्षण में जाकर लौटकर वे दोनों वानर सामने आ खड़े हुए।

श्लोक 17 (padma.6.103.17)

शिरः कबंधहस्तौ तौ दृष्ट्वाब्धितनयस्य सा । पपात मूर्छिता भूमौ भर्तृव्यसनदुःखिता

śiraḥ kabaṁdhahastau tau dṛṣṭvābdhitanayasya sā papāta mūrchitā bhūmau bhartṛvyasanaduḥkhitā

सागर-पुत्र के सिर और धड़ को हाथों में लिए हुए उन दोनों को देखकर, पति के अनिष्ट के दुःख से वह मूर्च्छित होकर भूमि पर गिर पड़ी।

श्लोक 18 (padma.6.103.18)

कमंडलुजलैः सिक्ता मुनिनाश्वासिता तदा । स्वभर्तृभाले सा भालं कृत्वा खिन्ना रुरोद ह

kamaṁḍalujalaiḥ siktā munināśvāsitā tadā svabhartṛbhāle sā bhālaṁ kṛtvā khinnā ruroda ha

मुनि द्वारा कमंडल के जल से सींचकर सांत्वना दिए जाने पर, वह अपने पति के मस्तक पर अपना मस्तक रखकर खिन्न होकर रोने लगी।

श्लोक 19 (padma.6.103.19)

वृंदोवाच। यः पुरा सुखसंवादैर्विनोदयसि मां विभो । स कथं न वदस्यद्य वल्लभां मामनागसम्

vṛṁdovāca yaḥ purā sukhasaṁvādairvinodayasi māṁ vibho sa kathaṁ na vadasyadya vallabhāṁ māmanāgasam

वृंदा ने कहा - हे विभो! जो आप पहले सुखद वार्तालाप से मेरा मनोरंजन करते थे, वही आप आज मुझ निष्पाप प्रिया से बात क्यों नहीं करते?

श्लोक 20 (padma.6.103.20)

येन देवाः सगंधर्वा निर्जिता हरिणा सह । स कथं तापसेन त्वं त्रैलोक्यविजयी हतः

yena devāḥ sagaṁdharvā nirjitā hariṇā saha sa kathaṁ tāpasena tvaṁ trailokyavijayī hataḥ

जिसने विष्णु सहित गंधर्वों समेत सभी देवताओं को जीत लिया था, वह त्रैलोक्य-विजयी आप एक तपस्वी के हाथों कैसे मारे गए?

श्लोक 21 (padma.6.103.21)

नारद उवाच। रुदित्वेति तदा वृंदा तं मुनिं वाक्यमब्रवीत् । वृंदोवाच । कृपानिधे मुनिश्रेष्ठ जीवनं मेऽस्य सुप्रियम्

nārada uvāca ruditveti tadā vṛṁdā taṁ muniṁ vākyamabravīt vṛṁdovāca kṛpānidhe muniśreṣṭha jīvanaṁ me'sya supriyam

नारद ने कहा - इस प्रकार रोकर वृंदा ने उस मुनि से यह वचन कहा। वृंदा ने कहा - हे कृपानिधे! हे मुनिश्रेष्ठ! मुझे इनका जीवन अत्यंत प्रिय है।

श्लोक 22 (padma.6.103.22)

त्वमेवास्य पुनः शक्तो जीवनाय मतो मम । अथ तद्वाक्यमाकर्ण्य प्रहस्य मुनिरब्रवीत्

tvamevāsya punaḥ śakto jīvanāya mato mama atha tadvākyamākarṇya prahasya munirabravīt

मेरी दृष्टि में केवल आप ही इन्हें फिर से जीवित करने में समर्थ हैं। तब उसकी यह बात सुनकर मुनि हँसकर बोले -

श्लोक 23 (padma.6.103.23)

मुनिरुवाच। नायं जीवयितुं शक्यो रुद्रेण निहतो युधि । तथापि त्वत्कृपाविष्ट एवं संजीवयाम्यहम्

muniruvāca nāyaṁ jīvayituṁ śakyo rudreṇa nihato yudhi tathāpi tvatkṛpāviṣṭa evaṁ saṁjīvayāmyaham

मुनि ने कहा - युद्ध में रुद्र द्वारा मारा गया यह जीवित करने योग्य नहीं है। फिर भी तुम्हारी करुणा से भरकर मैं इसे इस प्रकार पुनर्जीवित करता हूँ।

श्लोक 24 (padma.6.103.24)

नारद उवाच। इत्युक्त्वांतर्दधे यावत्तावत्सागरनंदनः । वृंदामालिंग्य तद्वक्त्रं चुचुंबे प्रीतमानसः

nārada uvāca ityuktvāṁtardadhe yāvattāvatsāgaranaṁdanaḥ vṛṁdāmāliṁgya tadvaktraṁ cucuṁbe prītamānasaḥ

नारद ने कहा - ऐसा कहकर वह शव अंतर्धान हो गया, और तभी सागर-नंदन के रूप में विष्णु प्रकट होकर, प्रसन्नचित्त होकर वृंदा का आलिंगन कर उसके मुख को चूमने लगे।

श्लोक 25 (padma.6.103.25)

अथ वृंदापि भर्त्तारं दृष्ट्वा हर्षितमानसा । रेमे तद्वनमध्यस्था तद्युक्ता बहुवासरम्

atha vṛṁdāpi bharttāraṁ dṛṣṭvā harṣitamānasā reme tadvanamadhyasthā tadyuktā bahuvāsaram

फिर वृंदा भी अपने पति को जीवित देखकर हर्षितचित्त हो गई, और उस वन के मध्य में स्थित रहकर उनके साथ अनेक दिनों तक रमण करती रही।

श्लोक 26 (padma.6.103.26)

कदाचित्सुरतस्यांते दृष्ट्वा विष्णुं तमेव हि । निर्भर्त्स्य क्रोधसंयुक्ता वृंदा वचनमब्रवीत्

kadācitsuratasyāṁte dṛṣṭvā viṣṇuṁ tameva hi nirbhartsya krodhasaṁyuktā vṛṁdā vacanamabravīt

एक बार संभोग के अंत में उसमें विष्णु को ही पहचान लेने पर, क्रोध से भरी वृंदा ने उन्हें फटकारते हुए यह वचन कहा।

श्लोक 27 (padma.6.103.27)

वृंदोवाच। धिक्त वेदं हरे शीलं परदाराभिगामिनः । ज्ञातोऽसि त्वं मया सम्यङ्माया प्रत्यक्ष तापसः

vṛṁdovāca dhikta vedaṁ hare śīlaṁ paradārābhigāminaḥ jñāto'si tvaṁ mayā samyaṅmāyā pratyakṣa tāpasaḥ

वृंदा ने कहा - हे हरि! धिक्कार है आपके इस चरित्र को, जो दूसरे की पत्नी के पास जाने वाला है। मैंने आपको भलीभाँति पहचान लिया है - यह तपस्वी तो प्रत्यक्ष माया थी।

श्लोक 28 (padma.6.103.28)

यौ त्वया मायया द्वास्थौ स्वकीयौ दर्शितौ मम । तावेव राक्षसौ भूत्वा भार्यां तव हरिष्यथ

yau tvayā māyayā dvāsthau svakīyau darśitau mama tāveva rākṣasau bhūtvā bhāryāṁ tava hariṣyatha

आपने अपनी माया से अपने ही दो द्वारपालों को मुझे राक्षस के रूप में दिखाया था। वे ही दोनों अब राक्षस बनकर आपकी पत्नी का हरण करेंगे।

श्लोक 29 (padma.6.103.29)

त्वं चापि भार्यादुःखार्तो वने कपिसहायवान् । भ्रम सर्वेश्वरेणायं यस्ते शिष्यत्वमागतः

tvaṁ cāpi bhāryāduḥkhārto vane kapisahāyavān bhrama sarveśvareṇāyaṁ yaste śiṣyatvamāgataḥ

और आप भी अपनी पत्नी के दुःख से पीड़ित होकर, वानरों की सहायता से वन में भटकेंगे। हे सर्वेश्वर! यह जो आपका शिष्यत्व स्वीकार करने वाला रूप था -

श्लोक 30 (padma.6.103.30)

इत्युक्त्वा सा तदा वृंदा प्राविशद्धव्यवाहनम् । विष्णुना वार्यमाणापि तस्मिन्नासक्तमानसा

ityuktvā sā tadā vṛṁdā prāviśaddhavyavāhanam viṣṇunā vāryamāṇāpi tasminnāsaktamānasā

ऐसा कहकर वृंदा ने अग्नि में प्रवेश किया। विष्णु द्वारा रोके जाने पर भी, अपने पति में ही आसक्तचित्त होकर उसने ऐसा किया।

श्लोक 31 (padma.6.103.31)

ततो हरिस्तामनुसंस्मरन्मुहुर्वृंदाचिताभस्मरजोवगुंठितः । तत्रैव तस्थौ मुनिसिद्धसंघैः प्रबोध्यमानोपि ययौ न शांतिंम्

tato haristāmanusaṁsmaranmuhurvṛṁdācitābhasmarajovaguṁṭhitaḥ tatraiva tasthau munisiddhasaṁghaiḥ prabodhyamānopi yayau na śāṁtiṁm

तब हरि, बार-बार उसका स्मरण करते हुए, वृंदा की चिता की भस्म-धूलि से आच्छादित होकर, वहीं स्थिर रहे। मुनियों और सिद्धों के समूहों द्वारा समझाए जाने पर भी उन्हें शांति नहीं मिली।