अलक्ष्मी का उपाख्यान

श्लोक 1 (padma.6.116.1)

ऋषय ऊचुः। अस्पृश्यत्वे कथं जातः सूत बोधितरुस्त्वयम् । स्पृश्यत्वं च कथं प्राप्तस्तथा च शनिवासरे । एतद्विस्तरतः सर्वं वक्तुमर्हति नो भवान्

ṛṣaya ūcuḥ aspṛśyatve kathaṁ jātaḥ sūta bodhitarustvayam spṛśyatvaṁ ca kathaṁ prāptastathā ca śanivāsare etadvistarataḥ sarvaṁ vaktumarhati no bhavān

ऋषियों ने कहा — हे सूत! यह बोधि-वृक्ष (पीपल) अस्पृश्य कैसे हुआ, और शनिवार को यह स्पृश्य कैसे हो जाता है? यह सब विस्तार से आप हमें बताने योग्य हैं।

श्लोक 2 (padma.6.116.2)

सूत उवाच। समुद्रमथनाद्यानि रत्नान्यापुः सुरेश्वराः । श्रियं च कौस्तुभं तेषां विष्णवे प्रददुः सुराः

sūta uvāca samudramathanādyāni ratnānyāpuḥ sureśvarāḥ śriyaṁ ca kaustubhaṁ teṣāṁ viṣṇave pradaduḥ surāḥ

सूत ने कहा — समुद्र-मंथन आदि से देवेश्वरों ने रत्न प्राप्त किए; उनमें से लक्ष्मी और कौस्तुभ मणि देवताओं ने विष्णु को अर्पित की।

श्लोक 3 (padma.6.116.3)

यावदंगीचकारासौ लक्ष्मीं भार्यार्थमात्मनः । तावद्विज्ञापयामास लक्ष्मीस्तं चक्रपाणिनम्

yāvadaṁgīcakārāsau lakṣmīṁ bhāryārthamātmanaḥ tāvadvijñāpayāmāsa lakṣmīstaṁ cakrapāṇinam

ज्यों ही उन्होंने लक्ष्मी को अपनी पत्नी रूप में स्वीकार किया, त्यों ही लक्ष्मी ने उन चक्रपाणि से यह निवेदन किया।

श्लोक 4 (padma.6.116.4)

लक्ष्मीरुवाच। असंस्कृत्य कथं ज्येष्ठां त्वं कनिष्ठां प्रणीयसे । तस्मान्ममाग्रजामेतामलक्ष्मीं मधुसूदन

lakṣmīruvāca asaṁskṛtya kathaṁ jyeṣṭhāṁ tvaṁ kaniṣṭhāṁ praṇīyase tasmānmamāgrajāmetāmalakṣmīṁ madhusūdana

लक्ष्मी ने कहा — बिना ज्येष्ठा का संस्कार (विवाह) किए आप कनिष्ठा को कैसे स्वीकार कर रहे हैं? इसलिए हे मधुसूदन! मेरी इस बड़ी बहन अलक्ष्मी का —

श्लोक 5 (padma.6.116.5)

विवाह्य नय मां पश्चादेष धर्मः सनातनः

vivāhya naya māṁ paścādeṣa dharmaḥ sanātanaḥ

— पहले विवाह कर दीजिए, तत्पश्चात् ही मुझे स्वीकार कीजिए; यही सनातन धर्म है।

श्लोक 6 (padma.6.116.6)

सूत उवाच। इति तद्वचनं श्रुत्वा स विष्णुर्लोकभावनः । उद्दालकाय मुनये सुदीर्घतपसे तदा

sūta uvāca iti tadvacanaṁ śrutvā sa viṣṇurlokabhāvanaḥ uddālakāya munaye sudīrghatapase tadā

सूत ने कहा — यह वचन सुनकर लोक-पालक विष्णु ने तब उस अलक्ष्मी को दीर्घ तपस्या करने वाले उद्दालक मुनि को —

श्लोक 7 (padma.6.116.7)

आत्मवाक्यानुरोधेन तामलक्ष्मीं ददौ किल । स्थूलास्यां शुभ्रदशनां राजतीं बिभ्रतीं तनुम्

ātmavākyānurodhena tāmalakṣmīṁ dadau kila sthūlāsyāṁ śubhradaśanāṁ rājatīṁ bibhratīṁ tanum

— अपने ही वचन के अनुरोध से दे दिया। वह स्थूल मुख वाली, श्वेत दाँतों वाली, रजत के समान वर्ण वाली,

श्लोक 8 (padma.6.116.8)

विततां रक्तनयनां रूक्षपिंगशिरोरुहाम् । समुनिर्विष्णुवाक्यात्तामंगीकृत्य स्वमाश्रमम्

vitatāṁ raktanayanāṁ rūkṣapiṁgaśiroruhām samunirviṣṇuvākyāttāmaṁgīkṛtya svamāśramam

चौड़े शरीर वाली, लाल नेत्रों वाली तथा रूखे-पिंगल केशों वाली थी। विष्णु के वचन से उस मुनि ने उसे स्वीकार करके अपने आश्रम में —

श्लोक 9 (padma.6.116.9)

वेदध्वनिसमायुक्तमानयामास धर्मवित् । होमधूमसुगंधाढ्यं विद्याघोषविनादितम्

vedadhvanisamāyuktamānayāmāsa dharmavit homadhūmasugaṁdhāḍhyaṁ vidyāghoṣavināditam

— जो वेद-ध्वनि से युक्त, हवन के धूम से सुगंधित तथा विद्या-घोष से गूँजता था, धर्मज्ञ मुनि उसे ले गए।

श्लोक 10 (padma.6.116.10)

आश्रमं तं समालोक्य व्यथिता साब्रवीदिदम् । ज्येष्ठोवाच। न हि वासोऽनुरूपोऽयं वेदध्वनियुतो मम । नात्रागमिष्ये भो ब्रह्मन्नयस्वान्यत्र मा चिरम्

āśramaṁ taṁ samālokya vyathitā sābravīdidam jyeṣṭhovāca na hi vāso'nurūpo'yaṁ vedadhvaniyuto mama nātrāgamiṣye bho brahmannayasvānyatra mā ciram

उस आश्रम को देखकर व्यथित होकर वह बोली। ज्येष्ठा ने कहा — यह वेद-ध्वनि से युक्त निवास मेरे अनुकूल नहीं है। हे ब्रह्मन्! मैं यहाँ नहीं रहूँगी, मुझे शीघ्र कहीं और ले चलिए।

श्लोक 11 (padma.6.116.11)

उद्दालक उवाच। कथं नायासि किंवात्र वर्त्तते संमतं तव । तव योग्या च वसतिः का भवेच्च वदस्व तत्

uddālaka uvāca kathaṁ nāyāsi kiṁvātra varttate saṁmataṁ tava tava yogyā ca vasatiḥ kā bhavecca vadasva tat

उद्दालक ने कहा — तुम क्यों नहीं आतीं? यहाँ ऐसा क्या है जो तुम्हें अस्वीकार्य है? और तुम्हारे योग्य निवास कैसा होगा, वह बताओ।

श्लोक 12 (padma.6.116.12)

ज्येष्ठोवाच। वेदध्वनिर्भवेद्यस्मिन्नतिथीनां च पूजनम् । यज्ञदानादिकं वापि नैव तत्र वसाम्यहम्

jyeṣṭhovāca vedadhvanirbhavedyasminnatithīnāṁ ca pūjanam yajñadānādikaṁ vāpi naiva tatra vasāmyaham

ज्येष्ठा ने कहा — जहाँ वेद-ध्वनि होती है, अतिथियों का पूजन होता है, अथवा यज्ञ-दान आदि होते हैं, वहाँ मैं कदापि नहीं रहती।

श्लोक 13 (padma.6.116.13)

परस्परानुरागेण दांपत्यं यत्र वर्तते । पितृदेवार्चनं यत्र नैव तत्र वसाम्यहम्

parasparānurāgeṇa dāṁpatyaṁ yatra vartate pitṛdevārcanaṁ yatra naiva tatra vasāmyaham

जहाँ पति-पत्नी परस्पर प्रेम से रहते हैं, तथा जहाँ पितरों और देवताओं की अर्चना होती है, वहाँ मैं नहीं रहती।

श्लोक 14 (padma.6.116.14)

दुरोदररता यत्र परद्रव्यापहारिणः । परदाररताश्चापि तत्र स्थाने रतिर्मम

durodararatā yatra paradravyāpahāriṇaḥ paradāraratāścāpi tatra sthāne ratirmama

जहाँ लोग जुए में लिप्त हों, दूसरों के धन का अपहरण करने वाले हों तथा परस्त्री-गमन में रत हों — ऐसे स्थान में मेरी रुचि है।

श्लोक 15 (padma.6.116.15)

गोवधो मद्यपानं च यत्र संजायतेनिशम् । ब्रह्महत्यादिपापानि तस्मिन्स्थाने रतिर्मम । वृद्धसज्जनविप्राणां यत्र स्यादपमाननम् । निष्ठुरं भाषणं यत्र तत्र नित्यं वसाम्यहम्

govadho madyapānaṁ ca yatra saṁjāyateniśam brahmahatyādipāpāni tasminsthāne ratirmama vṛddhasajjanaviprāṇāṁ yatra syādapamānanam niṣṭhuraṁ bhāṣaṇaṁ yatra tatra nityaṁ vasāmyaham

जहाँ गौ-वध और मद्यपान निरंतर होते रहते हैं, जहाँ ब्रह्महत्या आदि पाप होते हैं — उस स्थान में मेरी रुचि है। जहाँ वृद्धों, सज्जनों और ब्राह्मणों का अपमान होता है, तथा जहाँ कठोर वचन बोले जाते हैं, वहाँ मैं सदा निवास करती हूँ।

श्लोक 16 (padma.6.116.16)

सूत उवाच। इति तद्वचनं श्रुत्वा विषण्णवदनोऽभवत् । उद्दालकमुनिर्विष्णोर्वाक्यं स्मृत्वा न चोचिवान्

sūta uvāca iti tadvacanaṁ śrutvā viṣaṇṇavadano'bhavat uddālakamunirviṣṇorvākyaṁ smṛtvā na cocivān

सूत ने कहा — यह वचन सुनकर उद्दालक मुनि का मुख उदास हो गया; विष्णु के वचन का स्मरण करके वे कुछ नहीं बोले।

श्लोक 17 (padma.6.116.17)

सोऽगच्छद्यत्र तत्रास्य पूजामालोक्य साब्रवीत् । नायामीति ततः सोऽपि भ्रमादत्यातुरोऽभवत् । उद्दालकस्ततो वाक्यं तामलक्ष्मीमुवाच ह

so'gacchadyatra tatrāsya pūjāmālokya sābravīt nāyāmīti tataḥ so'pi bhramādatyāturo'bhavat uddālakastato vākyaṁ tāmalakṣmīmuvāca ha

वे जहाँ-जहाँ गए, वहाँ पूजा होती देखकर वह कहती — "मैं यहाँ नहीं जाऊँगी"। इस भटकन से वे स्वयं भी अत्यंत व्याकुल हो गए। तब उद्दालक ने उस अलक्ष्मी से यह वचन कहा।

श्लोक 18 (padma.6.116.18)

उद्दालक उवाच। अश्वत्थवृक्षमूलेऽस्मिन्नलक्ष्मि स्थीयतां क्षणम् । आवासस्थानमालोक्य यावदायाम्यहं पुनः

uddālaka uvāca aśvatthavṛkṣamūle'sminnalakṣmi sthīyatāṁ kṣaṇam āvāsasthānamālokya yāvadāyāmyahaṁ punaḥ

उद्दालक ने कहा — हे अलक्ष्मि! इस अश्वत्थ-वृक्ष के मूल में क्षणभर ठहरो, जब तक मैं तुम्हारे योग्य निवास-स्थान देखकर पुनः आता हूँ।

श्लोक 19 (padma.6.116.19)

सूत उवाच। इति तत्र स संस्थाप्य जगामोद्दालकस्तदा । प्रतीक्षंती चिरं तत्र यदा तन्न ददर्श सा

sūta uvāca iti tatra sa saṁsthāpya jagāmoddālakastadā pratīkṣaṁtī ciraṁ tatra yadā tanna dadarśa sā

सूत ने कहा — इस प्रकार उसे वहाँ बिठाकर उद्दालक चले गए। जब वह वहाँ बहुत देर तक प्रतीक्षा करने पर भी उन्हें न देख सकी,

श्लोक 20 (padma.6.116.20)

तदा रुरोद करुणं भर्तृत्यागेन दुःखिता । तत्रस्थां रुदतीलक्ष्मीर्वैकुंठभुवनेऽशृणोत्

tadā ruroda karuṇaṁ bhartṛtyāgena duḥkhitā tatrasthāṁ rudatīlakṣmīrvaikuṁṭhabhuvane'śṛṇot

— तब पति के परित्याग से दुःखी होकर वह करुण स्वर में रोने लगी। वहाँ बैठी हुई रोती हुई लक्ष्मी की उस बहन को वैकुंठ-लोक में लक्ष्मी ने सुन लिया।

श्लोक 21 (padma.6.116.21)

तदा विज्ञापयामास विष्णुमुद्विग्नमानसा

tadā vijñāpayāmāsa viṣṇumudvignamānasā

तब व्याकुल-मन होकर उसने विष्णु से यह निवेदन किया।

श्लोक 22 (padma.6.116.22)

लक्ष्मीरुवाच। स्वामिन्मद्भगिनी ज्येष्ठा भर्तृत्यागेन दुःखिता । तामाश्वासयितुं याहि कृपालो यद्यहं प्रिया

lakṣmīruvāca svāminmadbhaginī jyeṣṭhā bhartṛtyāgena duḥkhitā tāmāśvāsayituṁ yāhi kṛpālo yadyahaṁ priyā

लक्ष्मी ने कहा — हे स्वामी! मेरी बड़ी बहन पति के परित्याग से दुःखी है। यदि मैं आपको प्रिय हूँ, तो हे कृपालु! उसे सांत्वना देने जाइए।

श्लोक 23 (padma.6.116.23)

सूत उवाच। लक्ष्म्या सह ततो विष्णुस्तत्रागच्छत्कृपान्वितः । आश्वासयदलक्ष्मीं तामिदं वचनमब्रवीत्

sūta uvāca lakṣmyā saha tato viṣṇustatrāgacchatkṛpānvitaḥ āśvāsayadalakṣmīṁ tāmidaṁ vacanamabravīt

सूत ने कहा — तब लक्ष्मी के साथ विष्णु कृपापूर्वक वहाँ गए, उस अलक्ष्मी को सांत्वना देते हुए उन्होंने यह वचन कहा।

श्लोक 24 (padma.6.116.24)

श्रीविष्णुरुवाच। अश्वत्थवृक्षमासाद्य सदाऽलक्ष्मि स्थिरा भव । ममांशसंभवो ह्येष आवासस्ते मया कृतः

śrīviṣṇuruvāca aśvatthavṛkṣamāsādya sadā'lakṣmi sthirā bhava mamāṁśasaṁbhavo hyeṣa āvāsaste mayā kṛtaḥ

श्रीविष्णु ने कहा — हे अलक्ष्मि! इस अश्वत्थ-वृक्ष को प्राप्त कर तुम सदा यहीं स्थिर रहो। यह वृक्ष मेरे ही अंश से उत्पन्न है, मैंने इसे तुम्हारा निवास बना दिया है।

श्लोक 25 (padma.6.116.25)

प्रत्यहं येऽर्चयिष्यंति त्वां ज्येष्ठां गृहधर्मिणः । तेष्वियं श्रीः कनिष्ठा ते भगिनी निश्चलास्तु वै

pratyahaṁ ye'rcayiṣyaṁti tvāṁ jyeṣṭhāṁ gṛhadharmiṇaḥ teṣviyaṁ śrīḥ kaniṣṭhā te bhaginī niścalāstu vai

जो गृहस्थ प्रतिदिन तुम ज्येष्ठा की पूजा करेंगे, उनके घरों में तुम्हारी छोटी बहन यह श्री (लक्ष्मी) भी सदा अचल होकर निवास करेगी।

श्लोक 26 (padma.6.116.26)

सूत उवाच। इत्यूर्जस्य च माहात्म्यं ये शृण्वंति पठंति च । तेषां विष्णुपुरे वासो भवेदाभूतसंप्लवम्

sūta uvāca ityūrjasya ca māhātmyaṁ ye śṛṇvaṁti paṭhaṁti ca teṣāṁ viṣṇupure vāso bhavedābhūtasaṁplavam

सूत ने कहा — इस प्रकार ऊर्ज (कार्तिक) के इस माहात्म्य को जो सुनते और पढ़ते हैं, वे प्रलय-पर्यंत विष्णु के पुर में निवास करते हैं।

श्लोक 27 (padma.6.116.27)

रोगापहं पातकनाशकृत्परं सुबुद्धिदं पुत्रधनादिसाधनम् । मुक्तेर्निदानं न हि कार्तिकाद्वै विष्णुप्रियादन्यदिहास्ति भूतले

rogāpahaṁ pātakanāśakṛtparaṁ subuddhidaṁ putradhanādisādhanam mukternidānaṁ na hi kārtikādvai viṣṇupriyādanyadihāsti bhūtale

यह रोगनाशक, पापनाशक, उत्तम बुद्धि देने वाला तथा पुत्र-धन आदि का साधन है; इस पृथ्वी पर विष्णु को प्रिय इस कार्तिक-मास के अतिरिक्त मुक्ति का अन्य कोई कारण नहीं है।

श्लोक 28 (padma.6.116.28)

विष्णुप्रियं सकलकल्मषनाशनं च सत्पुत्रपौत्रधनधान्यसमृद्धिकारि । ऊर्जव्रतं सनियमं कुरुते मनुष्यः किं तस्य तीर्थपरिशीलनसेवया च

viṣṇupriyaṁ sakalakalmaṣanāśanaṁ ca satputrapautradhanadhānyasamṛddhikāri ūrjavrataṁ saniyamaṁ kurute manuṣyaḥ kiṁ tasya tīrthapariśīlanasevayā ca

विष्णु को प्रिय, समस्त पापों का नाशक तथा उत्तम पुत्र-पौत्र, धन-धान्य की समृद्धि करने वाला यह ऊर्ज-व्रत जो मनुष्य नियमपूर्वक करता है, उसे तीर्थों के सेवन की भी क्या आवश्यकता है?