कार्तिकेय के प्रश्न और चतुर्विध स्नान

श्लोक 1 (padma.6.117.1)

सूत उवाच। इति सर्वं समाकर्ण्य सत्राजितसुता तदा । हरेर्वाक्यं महाभागा सत्या वचनमब्रवीत्

sūta uvāca iti sarvaṁ samākarṇya satrājitasutā tadā harervākyaṁ mahābhāgā satyā vacanamabravīt

सूत ने कहा — यह सब सुनकर सत्राजित की पुत्री महाभागा सत्या ने श्रीहरि के वचन सुनकर यह कहा।

श्लोक 2 (padma.6.117.2)

सत्योवाच। कार्तिकस्य च माहात्म्यं न श्रुतं विस्तरात्प्रभो । सर्वेषामेव मासानां कार्तिकः प्रवरः कथम्

satyovāca kārtikasya ca māhātmyaṁ na śrutaṁ vistarātprabho sarveṣāmeva māsānāṁ kārtikaḥ pravaraḥ katham

सत्या ने कहा — हे प्रभो! कार्तिक का माहात्म्य मैंने विस्तार से नहीं सुना है। समस्त महीनों में कार्तिक सर्वश्रेष्ठ कैसे है?

श्लोक 3 (padma.6.117.3)

श्रीकृष्ण उवाच। साधु पृष्टं त्वया सत्ये कार्तिकव्रतमादरात् । शौनकाय पुरा प्रोक्तं सूतेन सुमहात्मना

śrīkṛṣṇa uvāca sādhu pṛṣṭaṁ tvayā satye kārtikavratamādarāt śaunakāya purā proktaṁ sūtena sumahātmanā

श्रीकृष्ण ने कहा — हे सत्ये! आदरपूर्वक तुमने कार्तिक-व्रत के विषय में उत्तम प्रश्न पूछा है। यह पहले महात्मा सूत ने शौनक से कहा था।

श्लोक 4 (padma.6.117.4)

सूत उवाच। श्रूयतां तत्प्रवक्ष्यामि एतत्प्रश्नोत्तरं शुभम् । ईश्वरेण पुरा प्रोक्तं पृच्छते षण्मुखाय वै

sūta uvāca śrūyatāṁ tatpravakṣyāmi etatpraśnottaraṁ śubham īśvareṇa purā proktaṁ pṛcchate ṣaṇmukhāya vai

सूत ने कहा — सुनो, मैं वह शुभ प्रश्नोत्तर कहता हूँ, जो पहले ईश्वर (शिव) ने पूछते हुए षण्मुख (कार्तिकेय) से कहा था।

श्लोक 5 (padma.6.117.5)

कार्तिकेय उवाच। बहूनि पद्मनाभस्य रहस्यानि श्रुतानि च । यथा हि प्रोच्यमानानि वैष्णवेन त्वया प्रभो

kārtikeya uvāca bahūni padmanābhasya rahasyāni śrutāni ca yathā hi procyamānāni vaiṣṇavena tvayā prabho

कार्तिकेय ने कहा — हे प्रभो! मैंने आप वैष्णव-शिरोमणि के मुख से पद्मनाभ (विष्णु) के अनेक रहस्य सुने हैं।

श्लोक 6 (padma.6.117.6)

संसारसागरे प्राप्ता दुःखोरुलहरीवृते । तेषामुत्तारणार्थाय कथयस्व प्रयत्नतः

saṁsārasāgare prāptā duḥkhorulaharīvṛte teṣāmuttāraṇārthāya kathayasva prayatnataḥ

दुःख की महान लहरों से घिरे संसार-सागर में पड़े हुए जीवों को पार लगाने के लिए, कृपया प्रयत्नपूर्वक मुझे बताइए —

श्लोक 7 (padma.6.117.7)

कार्तिकस्य विधिश्चैव स्नानस्य वदतां वर । येन दुःखांबुधिं तात संतरिष्यंति मानवाः

kārtikasya vidhiścaiva snānasya vadatāṁ vara yena duḥkhāṁbudhiṁ tāta saṁtariṣyaṁti mānavāḥ

— हे वक्ताओं में श्रेष्ठ! कार्तिक की विधि तथा स्नान की विधि, जिससे मनुष्य दुःख-सागर को पार कर सकें।

श्लोक 8 (padma.6.117.8)

फलं वैष्णवधर्मस्य कथयस्व सुविस्तरम् । येन धर्मप्रभावेन पदं गच्छति वैष्णवम्

phalaṁ vaiṣṇavadharmasya kathayasva suvistaram yena dharmaprabhāvena padaṁ gacchati vaiṣṇavam

वैष्णव-धर्म का फल विस्तार से बताइए, जिस धर्म के प्रभाव से मनुष्य विष्णु-पद को प्राप्त होता है।

श्लोक 9 (padma.6.117.9)

दीपदानस्य माहात्म्यं मुनिपुष्पस्य सुव्रत । गोपीचंदनमाहात्म्यं तुलस्यास्तु तथा विभो

dīpadānasya māhātmyaṁ munipuṣpasya suvrata gopīcaṁdanamāhātmyaṁ tulasyāstu tathā vibho

हे सुव्रत! दीप-दान का माहात्म्य, मुनि-पुष्प का माहात्म्य, तथा हे विभो! गोपीचंदन और तुलसी का माहात्म्य बताइए।

श्लोक 10 (padma.6.117.10)

मालतीपुष्पमाहात्म्यं वारिजानां तथा वद । धात्रीफलानां माहात्म्यं तथा दमनकस्य च

mālatīpuṣpamāhātmyaṁ vārijānāṁ tathā vada dhātrīphalānāṁ māhātmyaṁ tathā damanakasya ca

मालती-पुष्प तथा कमलों का माहात्म्य भी बताइए; धात्री (आँवला) फल का माहात्म्य तथा दमनक का भी बताइए।

श्लोक 11 (padma.6.117.11)

केतकीपुष्पमाहात्म्यं नैवेद्यस्य परंतप । तीर्थोदकस्य माहात्म्यं माघस्नानफलं विभो

ketakīpuṣpamāhātmyaṁ naivedyasya paraṁtapa tīrthodakasya māhātmyaṁ māghasnānaphalaṁ vibho

हे परंतप! केतकी-पुष्प का माहात्म्य, नैवेद्य का माहात्म्य; हे विभो! तीर्थ-जल का माहात्म्य तथा माघ-स्नान का फल बताइए।

श्लोक 12 (padma.6.117.12)

फलं ब्रूहि सुरश्रेष्ठ ब्रह्मपत्रेषु भोजनात् । नीराजनफलं स्थाणो परदीपप्रवेधनात्

phalaṁ brūhi suraśreṣṭha brahmapatreṣu bhojanāt nīrājanaphalaṁ sthāṇo paradīpapravedhanāt

हे देवश्रेष्ठ! ब्रह्म-पत्रों (पत्तों) में भोजन करने का फल बताइए; हे स्थाणो! नीराजन का फल तथा दूसरे के दीपक को जलाने का फल बताइए।

श्लोक 13 (padma.6.117.13)

पुष्करक्षेत्रमाहात्म्यं शूकरस्य तथा विभो । शालग्रामस्य माहात्म्यं स्वस्तिकस्य विधानकम्

puṣkarakṣetramāhātmyaṁ śūkarasya tathā vibho śālagrāmasya māhātmyaṁ svastikasya vidhānakam

पुष्कर-क्षेत्र का माहात्म्य तथा हे विभो! शूकर-क्षेत्र का भी; शालग्राम का माहात्म्य तथा स्वस्तिक की विधि बताइए।

श्लोक 14 (padma.6.117.14)

दानानां च फलं ब्रूहि परान्नस्य च वर्जनात् । मासोपवासस्य फलं खट्वाया मोक्षणाद्विभो

dānānāṁ ca phalaṁ brūhi parānnasya ca varjanāt māsopavāsasya phalaṁ khaṭvāyā mokṣaṇādvibho

दानों का फल तथा दूसरे के अन्न के त्याग का फल बताइए; मासोपवास का फल तथा हे विभो! खाट त्यागने (भूमि-शयन) का फल बताइए।

श्लोक 15 (padma.6.117.15)

दीपावल्याश्च माहात्म्यं प्रबोधिन्याश्च सुव्रत । पंचभीष्मस्यमाहात्म्यं कथयस्व सुविस्तरात्

dīpāvalyāśca māhātmyaṁ prabodhinyāśca suvrata paṁcabhīṣmasyamāhātmyaṁ kathayasva suvistarāt

हे सुव्रत! दीपावली तथा प्रबोधिनी (एकादशी) का माहात्म्य, और पंच-भीष्म का माहात्म्य विस्तार से बताइए।

श्लोक 16 (padma.6.117.16)

ईश्वर उवाच। साधु पृष्टं त्वया वत्स लोकोद्धरणहेतवे । कथयामि न संदेहस्त्वत्समो नास्ति वैष्णवः

īśvara uvāca sādhu pṛṣṭaṁ tvayā vatsa lokoddharaṇahetave kathayāmi na saṁdehastvatsamo nāsti vaiṣṇavaḥ

ईश्वर ने कहा — हे वत्स! लोकों के उद्धार के लिए तुमने उत्तम प्रश्न पूछा है। मैं बताता हूँ; संदेह नहीं कि तुम्हारे समान कोई वैष्णव नहीं है।

श्लोक 17 (padma.6.117.17)

सत्पुत्रेण त्वया वत्स तारितोऽहं न संशयः । निश्चला केशवे भक्तिस्त्वयि तिष्ठति सर्वदा

satputreṇa tvayā vatsa tārito'haṁ na saṁśayaḥ niścalā keśave bhaktistvayi tiṣṭhati sarvadā

हे वत्स! तुम सत्पुत्र द्वारा मैं ही तार दिया गया हूँ, इसमें संशय नहीं। केशव में तुम्हारी अटल भक्ति सदा स्थिर रहती है।

श्लोक 18 (padma.6.117.18)

नरेभ्यो वैष्णवं धर्मं यो ददाति द्विजोत्तमः । ससागरमही दाने तत्पुण्यं लभते हि सः

narebhyo vaiṣṇavaṁ dharmaṁ yo dadāti dvijottamaḥ sasāgaramahī dāne tatpuṇyaṁ labhate hi saḥ

जो श्रेष्ठ ब्राह्मण मनुष्यों को वैष्णव-धर्म का दान करता है, वह सागर सहित पृथ्वी के दान का पुण्य प्राप्त करता है।

श्लोक 19 (padma.6.117.19)

कार्तिकस्य च मासस्य कोट्यंशेनापि नार्हति । एकतः सर्वतीर्थानि सर्वदानानि चैकतः

kārtikasya ca māsasya koṭyaṁśenāpi nārhati ekataḥ sarvatīrthāni sarvadānāni caikataḥ

वह भी कार्तिक-मास के करोड़वें अंश की बराबरी नहीं कर सकता। एक ओर समस्त तीर्थ और समस्त दान,

श्लोक 20 (padma.6.117.20)

एकतो गोप्रदानानि सर्वे यज्ञाः सदक्षिणाः । एकतः पुष्करे वासं कुरुक्षेत्रे हिमालये

ekato gopradānāni sarve yajñāḥ sadakṣiṇāḥ ekataḥ puṣkare vāsaṁ kurukṣetre himālaye

— एक ओर गौ-दान तथा दक्षिणा सहित सभी यज्ञ; एक ओर पुष्कर, कुरुक्षेत्र और हिमालय में निवास —

श्लोक 21 (padma.6.117.21)

एकतो मथुरातीर्थे वाराणस्यां च शूकरे । एकतः कार्तिको वत्स सर्वदा केशवप्रियः

ekato mathurātīrthe vārāṇasyāṁ ca śūkare ekataḥ kārtiko vatsa sarvadā keśavapriyaḥ

— एक ओर मथुरा-तीर्थ, वाराणसी और शूकर-क्षेत्र में निवास — और हे वत्स! दूसरी ओर अकेला केशव-प्रिय कार्तिक-मास।

श्लोक 22 (padma.6.117.22)

सूत उवाच। इत्युक्त्वा मुनिशार्दूल पुनर्वाक्यं जगौ हरः । कार्तिकस्नानमाहात्म्यं कथयिष्ये सुविस्तरात्

sūta uvāca ityuktvā muniśārdūla punarvākyaṁ jagau haraḥ kārtikasnānamāhātmyaṁ kathayiṣye suvistarāt

सूत ने कहा — हे मुनिश्रेष्ठ! यह कहकर हर ने पुनः वचन कहा — मैं कार्तिक-स्नान का माहात्म्य विस्तार से बताता हूँ।

श्लोक 23 (padma.6.117.23)

ईश्वर उवाच। ब्राह्मं कृतयुगं प्रोक्तं त्रेता तु क्षत्रियं स्वयम् । द्वापरं वैश्यमित्याहुः शूद्रं कलियुगं स्मृतम्

īśvara uvāca brāhmaṁ kṛtayugaṁ proktaṁ tretā tu kṣatriyaṁ svayam dvāparaṁ vaiśyamityāhuḥ śūdraṁ kaliyugaṁ smṛtam

ईश्वर ने कहा — कृतयुग को ब्राह्मण, त्रेता को स्वयं क्षत्रिय कहा गया है; द्वापर को वैश्य कहते हैं और कलियुग को शूद्र माना गया है।

श्लोक 24 (padma.6.117.24)

कलौ वत्स मनुष्याणां शैथिल्यं स्नानकर्मणि । तथापि कथयिष्यामि स्नानं कार्तिकमाघयोः

kalau vatsa manuṣyāṇāṁ śaithilyaṁ snānakarmaṇi tathāpi kathayiṣyāmi snānaṁ kārtikamāghayoḥ

हे वत्स! कलियुग में मनुष्यों में स्नान-कर्म के प्रति शिथिलता आ जाती है, फिर भी मैं कार्तिक तथा माघ के स्नान का वर्णन करूँगा।

श्लोक 25 (padma.6.117.25)

यस्य हस्तौ च पादौ न वाङ्मनश्च सुसंयतम् । विद्या तपश्च कीर्तिश्च स तीर्थफलभाङ्नरः

yasya hastau ca pādau na vāṅmanaśca susaṁyatam vidyā tapaśca kīrtiśca sa tīrthaphalabhāṅnaraḥ

जिसके हाथ-पैर, वाणी और मन सुसंयत नहीं हैं, तथा जिसमें विद्या, तप और कीर्ति नहीं है, वह मनुष्य तीर्थ के फल का भागी नहीं होता।

श्लोक 26 (padma.6.117.26)

अश्रद्दधानः पापात्मा नास्तिकश्छिन्नमानसः । हेतुवादी च पंचैते न तीर्थफलभागिनः

aśraddadhānaḥ pāpātmā nāstikaśchinnamānasaḥ hetuvādī ca paṁcaite na tīrthaphalabhāginaḥ

अश्रद्धालु, पापात्मा, नास्तिक, विचलित मन वाला, तथा कुतर्की — ये पाँच तीर्थ-फल के भागी नहीं होते।

श्लोक 27 (padma.6.117.27)

प्रातरुत्थाय यो विप्रस्तीर्थस्नायी सदा भवेत् । सर्वपापविनिर्मुक्तः परं ब्रह्माधिगच्छति

prātarutthāya yo viprastīrthasnāyī sadā bhavet sarvapāpavinirmuktaḥ paraṁ brahmādhigacchati

जो ब्राह्मण प्रातःकाल उठकर सदा तीर्थ में स्नान करता है, वह समस्त पापों से मुक्त होकर परब्रह्म को प्राप्त करता है।

श्लोक 28 (padma.6.117.28)

स्नानं चतुर्विधं प्रोक्तं स्नानविद्भिः षडानन । वायव्यं वारुणं दिव्यं ब्राह्मं चेति तथा स्मृतम्

snānaṁ caturvidhaṁ proktaṁ snānavidbhiḥ ṣaḍānana vāyavyaṁ vāruṇaṁ divyaṁ brāhmaṁ ceti tathā smṛtam

हे षडानन! स्नान-शास्त्र के ज्ञाताओं ने स्नान को चार प्रकार का बताया है — वायव्य, वारुण, दिव्य तथा ब्राह्म।

श्लोक 29 (padma.6.117.29)

वायव्यं गोरजः स्नानं वारुणं सागरादिषु । ब्राह्म्य ब्राह्मणमंत्रोक्तं दिव्यं मेघांबु भास्करम्

vāyavyaṁ gorajaḥ snānaṁ vāruṇaṁ sāgarādiṣu brāhmya brāhmaṇamaṁtroktaṁ divyaṁ meghāṁbu bhāskaram

वायव्य-स्नान गौओं की धूलि से होता है, वारुण-स्नान समुद्र आदि में; ब्राह्म-स्नान ब्राह्मण-मंत्रों से कहा गया है, और दिव्य-स्नान सूर्य रहते हुए मेघ-जल से होता है।

श्लोक 30 (padma.6.117.30)

स्नानानां चैव सर्वेषां विशिष्टं तत्र वारुणम् । ब्राह्मणः क्षत्रियो वैश्यो मंत्रवत्स्नानमाचरेत्

snānānāṁ caiva sarveṣāṁ viśiṣṭaṁ tatra vāruṇam brāhmaṇaḥ kṣatriyo vaiśyo maṁtravatsnānamācaret

इन समस्त स्नानों में वारुण-स्नान विशिष्ट माना गया है। ब्राह्मण, क्षत्रिय और वैश्य को मंत्रपूर्वक स्नान करना चाहिए।

श्लोक 31 (padma.6.117.31)

तूष्णीमेव हि शूद्रस्य स्त्रीणां चैव षडानन । बाला च तरुणी वृद्धा नरनारीनपुंसकाः

tūṣṇīmeva hi śūdrasya strīṇāṁ caiva ṣaḍānana bālā ca taruṇī vṛddhā naranārīnapuṁsakāḥ

किंतु हे षडानन! शूद्र तथा स्त्रियों को मौन रहकर ही स्नान करना चाहिए — चाहे वह बालिका हो, युवती हो, वृद्धा हो, अथवा पुरुष, स्त्री या नपुंसक कोई भी हो।

श्लोक 32 (padma.6.117.32)

पापैः सर्वैः प्रमुच्यंते स्नानात्कार्तिकमाघयोः । स्नाता वै कार्तिके लोकाः प्राप्नुवंतीप्सितं फलम्

pāpaiḥ sarvaiḥ pramucyaṁte snānātkārtikamāghayoḥ snātā vai kārtike lokāḥ prāpnuvaṁtīpsitaṁ phalam

कार्तिक तथा माघ के स्नान से सभी समस्त पापों से मुक्त हो जाते हैं। कार्तिक में स्नान करने वाले लोग निश्चय ही अपने वांछित फल को प्राप्त करते हैं।