जम्बूद्वीप के तीर्थों का वर्णन

श्लोक 1 (padma.6.133.1)

पार्वत्युवाच। द्वीपेऽस्मिन्यानि तीर्थानि तानि मे वद सुव्रत । द्वीपानां द्वीपराजोऽयं सर्वदा भुवि निर्मितः । संख्यया त्वं वद स्वामिन्कृपां कृत्वा ममोपरि

pārvatyuvāca dvīpe'sminyāni tīrthāni tāni me vada suvrata dvīpānāṁ dvīparājo'yaṁ sarvadā bhuvi nirmitaḥ saṁkhyayā tvaṁ vada svāminkṛpāṁ kṛtvā mamopari

पार्वती ने कहा — हे सुव्रत, इस द्वीप में जो भी तीर्थ हैं, वे मुझे बताइए। यह द्वीपों का राजा सदा इस पृथ्वी पर रचा गया है। हे स्वामी, मुझ पर कृपा करके उनकी संख्या सहित बताइए।

श्लोक 2 (padma.6.133.2)

महादेव उवाच। सर्वगः सर्वभूतेषु द्रष्टव्यः सर्वतो भुवि । सप्तलोकेषु यत्किंचिद्दृश्यते सचराचरम्

mahādeva uvāca sarvagaḥ sarvabhūteṣu draṣṭavyaḥ sarvato bhuvi saptalokeṣu yatkiṁciddṛśyate sacarācaram

महादेव ने कहा — जो सर्वव्यापी है, जो समस्त प्राणियों में द्रष्टव्य है, जो पृथ्वी पर सर्वत्र है; सातों लोकों में चराचर सहित जो कुछ भी दिखाई देता है,

श्लोक 3 (padma.6.133.3)

तत्वं तेन विना देवि न दृष्टं न श्रुतं मया । अतो विष्णुर्महादेवः केशवः क्लेशनाशनः । तीर्थरूपेण वर्तेत द्वीपे ह्यस्मिन्सुरेश्वरि

tatvaṁ tena vinā devi na dṛṣṭaṁ na śrutaṁ mayā ato viṣṇurmahādevaḥ keśavaḥ kleśanāśanaḥ tīrtharūpeṇa varteta dvīpe hyasminsureśvari

हे देवि, उसके बिना कोई भी तत्व मैंने न देखा है, न सुना है। अतः, हे सुरेश्वरि, विष्णु ही महादेव, केशव और क्लेश-नाशक होकर इस द्वीप पर तीर्थ-रूप में विद्यमान रहते हैं।

श्लोक 4 (padma.6.133.4)

तानि तीर्थानि वक्ष्यामि सांप्रतं नात्र संशयः । प्रथमं पुष्करं क्षेत्रं तीर्थानां प्रवरं शुभम् । वाराणसी द्वितीयं तु क्षेत्रं मुक्तिप्रदायकम्

tāni tīrthāni vakṣyāmi sāṁprataṁ nātra saṁśayaḥ prathamaṁ puṣkaraṁ kṣetraṁ tīrthānāṁ pravaraṁ śubham vārāṇasī dvitīyaṁ tu kṣetraṁ muktipradāyakam

अब मैं वे तीर्थ बताता हूँ, इसमें कोई संशय नहीं। पहला है पुष्कर क्षेत्र, जो तीर्थों में श्रेष्ठ और शुभ है; दूसरा है वाराणसी क्षेत्र, जो मुक्ति देने वाला है।

श्लोक 5 (padma.6.133.5)

तृतीयं नैमिषं क्षेत्रमृषीणां पावनं स्मृतम् । प्रयागं वै चतुर्थं तु तीर्थानामुत्तमं स्मृतम्

tṛtīyaṁ naimiṣaṁ kṣetramṛṣīṇāṁ pāvanaṁ smṛtam prayāgaṁ vai caturthaṁ tu tīrthānāmuttamaṁ smṛtam

तीसरा नैमिष क्षेत्र है, जो ऋषियों के लिए पवित्र माना जाता है; चौथा प्रयाग है, जो तीर्थों में सर्वोत्तम माना गया है।

श्लोक 6 (padma.6.133.6)

कार्मुकं पंचमं प्रोक्तं उत्पन्नं गंधमादने । एकादशं कान्यकुब्जं यत्र तिष्ठति वामनः

kārmukaṁ paṁcamaṁ proktaṁ utpannaṁ gaṁdhamādane ekādaśaṁ kānyakubjaṁ yatra tiṣṭhati vāmanaḥ

पाँचवाँ कार्मुक कहा गया है, जो गंधमादन पर्वत पर स्थित है। ग्यारहवाँ कान्यकुब्ज है, जहाँ स्वयं वामन विराजते हैं।

श्लोक 7 (padma.6.133.7)

सप्तमं विश्वकायं तु अवरे पर्वते शुभे । अष्टमं गौतमाख्यं च मंदरे निर्मितं पुरा

saptamaṁ viśvakāyaṁ tu avare parvate śubhe aṣṭamaṁ gautamākhyaṁ ca maṁdare nirmitaṁ purā

सातवाँ विश्वकाय है, जो शुभ अवर पर्वत पर है; आठवाँ गौतम नामक तीर्थ है, जो पहले मंदराचल पर बनाया गया था।

श्लोक 8 (padma.6.133.8)

मदोत्कटं तु नवमं दशमं रथचैत्रकम् । एकादशं कान्यकुब्जं यत्र तिष्ठति वामनः

madotkaṭaṁ tu navamaṁ daśamaṁ rathacaitrakam ekādaśaṁ kānyakubjaṁ yatra tiṣṭhati vāmanaḥ

नौवाँ मदोत्कट है, दसवाँ रथचैत्रक है, ग्यारहवाँ पूर्वोक्त कान्यकुब्ज है, जहाँ वामन विराजते हैं।

श्लोक 9 (padma.6.133.9)

द्वादशं मलयं चैव कुब्जाम्रकमतः परम् । विश्वेश्वरं गिरिकर्णं केदारं गतिदायकम्

dvādaśaṁ malayaṁ caiva kubjāmrakamataḥ param viśveśvaraṁ girikarṇaṁ kedāraṁ gatidāyakam

बारहवाँ मलय है, फिर उसके बाद कुब्जाम्रक है; विश्वेश्वर, गिरिकर्ण, तथा गति देने वाला केदार तीर्थ भी हैं।

श्लोक 10 (padma.6.133.10)

बाह्यं हिमवतः पृष्ठे गोकर्णे गोपकं तथा । स्थानेश्वरं हिमाद्रौ च बिल्वके बिल्वपत्रिकम्

bāhyaṁ himavataḥ pṛṣṭhe gokarṇe gopakaṁ tathā sthāneśvaraṁ himādrau ca bilvake bilvapatrikam

बाह्य तीर्थ हिमालय की पीठ पर है, गोकर्ण में गोपक है; स्थानेश्वर हिमाद्रि पर है, और बिल्वक में बिल्वपत्रिका है।

श्लोक 11 (padma.6.133.11)

श्रीशैले माधवं तीर्थं भद्रं भद्रेश्वरे तथा । वाराहे विजयं प्रोक्तं वैष्णवं वैष्णवे गिरौ

śrīśaile mādhavaṁ tīrthaṁ bhadraṁ bhadreśvare tathā vārāhe vijayaṁ proktaṁ vaiṣṇavaṁ vaiṣṇave girau

श्रीशैल पर्वत पर माधव तीर्थ है, भद्रेश्वर में भद्र तीर्थ है; वाराह में विजय तीर्थ कहा गया है, और वैष्णव पर्वत पर वैष्णव तीर्थ है।

श्लोक 12 (padma.6.133.12)

रौद्रं तु रुद्रकोटे तु पैत्र्यं कालिजरे गिरौ । कंपिले कापिलं तीर्थं मुकुटे कर्कोटकं तथा

raudraṁ tu rudrakoṭe tu paitryaṁ kālijare girau kaṁpile kāpilaṁ tīrthaṁ mukuṭe karkoṭakaṁ tathā

रुद्रकोट में रौद्र तीर्थ है, कालंजर पर्वत पर पैत्र्य तीर्थ है; कंपिल में कापिल तीर्थ है, और मुकुट में कर्कोटक तीर्थ है।

श्लोक 13 (padma.6.133.13)

शालग्रामोद्भवं तीर्थं गल्लिकायां सुरेश्वरि । नर्मदायां शिवाख्यं तु मायायां विश्वरूपकम्

śālagrāmodbhavaṁ tīrthaṁ gallikāyāṁ sureśvari narmadāyāṁ śivākhyaṁ tu māyāyāṁ viśvarūpakam

हे सुरेश्वरि, गल्लिका में शालग्राम से उत्पन्न तीर्थ है; नर्मदा में शिव नामक तीर्थ है, और माया (मथुरा) में विश्वरूपक तीर्थ है।

श्लोक 14 (padma.6.133.14)

उत्पलाक्षं सहस्राक्षं जातं वै रैवते गिरौ । गंगायां पितृतीर्थं च विष्णुपादोद्भवं तथा

utpalākṣaṁ sahasrākṣaṁ jātaṁ vai raivate girau gaṁgāyāṁ pitṛtīrthaṁ ca viṣṇupādodbhavaṁ tathā

उत्पलाक्ष और सहस्राक्ष तीर्थ रैवतक पर्वत पर उत्पन्न हुए हैं; गंगा में पितृतीर्थ है, और विष्णुपाद से उत्पन्न तीर्थ भी है।

श्लोक 15 (padma.6.133.15)

विपाशायां विपापा च पाटले पुंड्रवर्द्धनम् । नारायणं सुपार्श्वे तु त्रिकूटे विष्णुमंदिरम्

vipāśāyāṁ vipāpā ca pāṭale puṁḍravarddhanam nārāyaṇaṁ supārśve tu trikūṭe viṣṇumaṁdiram

विपाशा नदी में विपापा तीर्थ है, पाटल में पुंड्रवर्धन है; सुपार्श्व में नारायण तीर्थ है, और त्रिकूट में विष्णु-मंदिर तीर्थ है।

श्लोक 16 (padma.6.133.16)

विपुले विपुलं नाम कल्याणं मलयाचले । कौरवं कोटितीर्थे च सुगंधं गंधमादने

vipule vipulaṁ nāma kalyāṇaṁ malayācale kauravaṁ koṭitīrthe ca sugaṁdhaṁ gaṁdhamādane

विपुल पर्वत पर विपुल नामक तीर्थ है, मलयाचल पर कल्याण तीर्थ है; कोटितीर्थ में कौरव तीर्थ है, और गंधमादन में सुगंध तीर्थ है।

श्लोक 17 (padma.6.133.17)

कुब्जाम्रके त्रिसंध्यं तु गंगांद्वारे हरिप्रियम् । शैलं विंध्यप्रदेशे तु बदर्यां सारस्वतं स्मृतम्

kubjāmrake trisaṁdhyaṁ tu gaṁgāṁdvāre haripriyam śailaṁ viṁdhyapradeśe tu badaryāṁ sārasvataṁ smṛtam

कुब्जाम्रक में त्रिसंध्य तीर्थ है, गंगाद्वार में हरिप्रिय तीर्थ है; विंध्य-प्रदेश में शैल तीर्थ है, और बदरी में सारस्वत तीर्थ माना गया है।

श्लोक 18 (padma.6.133.18)

कालिद्यां कालरूपं च सह्ये वै सायकं स्मृतम् । चांद्रं चंद्रप्रदेशे तु रमणं तीर्थनायकम्

kālidyāṁ kālarūpaṁ ca sahye vai sāyakaṁ smṛtam cāṁdraṁ caṁdrapradeśe tu ramaṇaṁ tīrthanāyakam

कालिन्दी में कालरूप तीर्थ है, सह्य पर्वत पर सायक तीर्थ माना गया है; चंद्र-प्रदेश में चांद्र तीर्थ है, और रमण तीर्थों का नायक है।

श्लोक 19 (padma.6.133.19)

यमुनायां मृगाख्यं तु करवीरे कुरूद्भवम् । विनायके पर्वते वै उमाख्यं तीर्थमेव च

yamunāyāṁ mṛgākhyaṁ tu karavīre kurūdbhavam vināyake parvate vai umākhyaṁ tīrthameva ca

यमुना में मृग नामक तीर्थ है, करवीर में कुरु से उत्पन्न तीर्थ है; विनायक पर्वत पर उमा नामक तीर्थ भी है।

श्लोक 20 (padma.6.133.20)

आरोग्यं भास्करे देशे महाकाले महेश्वरम् । तीर्थं अभयदं नामामृताख्यं विंध्यकंधरे

ārogyaṁ bhāskare deśe mahākāle maheśvaram tīrthaṁ abhayadaṁ nāmāmṛtākhyaṁ viṁdhyakaṁdhare

भास्कर-प्रदेश में आरोग्य तीर्थ है, महाकाल में महेश्वर तीर्थ है; अभयद नामक तीर्थ है, और विंध्य-कंधर में अमृत नामक तीर्थ है।

श्लोक 21 (padma.6.133.21)

मंडपे विश्वरूपं च स्वाहाख्यं ईश्वरे पुरे । वैगलेयं प्रचंडायां चांडिकंमरकंटके

maṁḍape viśvarūpaṁ ca svāhākhyaṁ īśvare pure vaigaleyaṁ pracaṁḍāyāṁ cāṁḍikaṁmarakaṁṭake

मंडप में विश्वरूप तीर्थ है, ईश्वरपुर में स्वाहा नामक तीर्थ है; प्रचंडा में वैगलेय तीर्थ है, और मरकंटक में चांडिक तीर्थ है।

श्लोक 22 (padma.6.133.22)

सोमेश्वरं तथा तीर्थे प्रभासे पुष्करं तथा । देवमात्रं सरस्वत्यां पारावततटे स्थितम्

someśvaraṁ tathā tīrthe prabhāse puṣkaraṁ tathā devamātraṁ sarasvatyāṁ pārāvatataṭe sthitam

सोमेश्वर तीर्थ भी है, प्रभास में पुष्कर तीर्थ भी है; सरस्वती में देवमातृ तीर्थ है, जो पारावत के तट पर स्थित है।

श्लोक 23 (padma.6.133.23)

महालयं महापद्मे पयोष्ण्यां पिंगलेश्वरम् । सिंहिकायां तथा तीर्थं सौरवेरविसंज्ञकम्

mahālayaṁ mahāpadme payoṣṇyāṁ piṁgaleśvaram siṁhikāyāṁ tathā tīrthaṁ sauraveravisaṁjñakam

महापद्म में महालय तीर्थ है, पयोष्णी में पिंगलेश्वर तीर्थ है; सिंहिका में भी सौरवैरविसंज्ञक तीर्थ है।

श्लोक 24 (padma.6.133.24)

कार्तिकं कृत्तिकाक्षेत्रे शांकरं शंकरे गिरौ । उत्पलाख्यं ततो दिव्यं सुभद्रा सिंधुसंगमे

kārtikaṁ kṛttikākṣetre śāṁkaraṁ śaṁkare girau utpalākhyaṁ tato divyaṁ subhadrā siṁdhusaṁgame

कृत्तिका-क्षेत्र में कार्तिक तीर्थ है, शंकर पर्वत पर शांकर तीर्थ है; उसके बाद दिव्य उत्पल-नामक तीर्थ है, और सिंधु-संगम पर सुभद्रा तीर्थ है।

श्लोक 25 (padma.6.133.25)

गाणपत्यं ततश्चैव पर्वतो विष्णुसंज्ञके । जालंधरे ततः प्रोक्तं तीर्थं विष्णुमुखं च यत्

gāṇapatyaṁ tataścaiva parvato viṣṇusaṁjñake jālaṁdhare tataḥ proktaṁ tīrthaṁ viṣṇumukhaṁ ca yat

फिर गाणपत्य तीर्थ है, विष्णु-नामक पर्वत पर भी तीर्थ है; इसके बाद जालंधर में विष्णुमुख नामक तीर्थ कहा गया है।

श्लोक 26 (padma.6.133.26)

तारे वै तारकं प्रोक्तं पर्वते विष्णुसंज्ञके । देवदारुवने पौंड्रं पौष्कं काश्मीरमंडले

tāre vai tārakaṁ proktaṁ parvate viṣṇusaṁjñake devadāruvane pauṁḍraṁ pauṣkaṁ kāśmīramaṁḍale

तार क्षेत्र में तारक तीर्थ कहा गया है, विष्णु-नामक पर्वत पर भी है; देवदारु वन में पौंड्र तीर्थ है, और कश्मीर-मंडल में पौष्क तीर्थ है।

श्लोक 27 (padma.6.133.27)

भौमं हिमं हिमाद्रौ च तुष्टिकं पौष्टिकं पुनः । कपालमोचनं तीर्थं जातं मायापुरे तथा

bhaumaṁ himaṁ himādrau ca tuṣṭikaṁ pauṣṭikaṁ punaḥ kapālamocanaṁ tīrthaṁ jātaṁ māyāpure tathā

भौम और हिम तीर्थ हिमाद्रि पर हैं, तुष्टिक और पौष्टिक तीर्थ भी हैं; कपालमोचन तीर्थ मायापुरी में उत्पन्न हुआ है।

श्लोक 28 (padma.6.133.28)

शंखोद्धारं ततश्चैव देवं वै शंखधारकम् । पिंडे वै पिंडनामानं सिद्धे वैखानसं भवेत्

śaṁkhoddhāraṁ tataścaiva devaṁ vai śaṁkhadhārakam piṁḍe vai piṁḍanāmānaṁ siddhe vaikhānasaṁ bhavet

फिर शंखोद्धार तीर्थ है, दिव्य शंख धारण करने वाला; पिंड क्षेत्र में पिंड-नामक तीर्थ है, और सिद्ध क्षेत्र में वैखानस तीर्थ है।

श्लोक 29 (padma.6.133.29)

अच्छोदे विष्णुकामं तु धर्मकामार्थमोक्षदम् । औषध्यं चोत्तरेकूले कुशद्वीपे कुशोदकम्

acchode viṣṇukāmaṁ tu dharmakāmārthamokṣadam auṣadhyaṁ cottarekūle kuśadvīpe kuśodakam

अच्छोद में विष्णुकाम तीर्थ है, जो धर्म, काम, अर्थ और मोक्ष देने वाला है; उत्तर तट पर औषध्य तीर्थ है, और कुशद्वीप में कुशोदक तीर्थ है।

श्लोक 30 (padma.6.133.30)

मन्मथं हेमकूटे तु कुमुदे सत्यवादनम् । वदंत्यावाश्वकं तीर्थं विंध्ये वै मातृकं स्मृतम्

manmathaṁ hemakūṭe tu kumude satyavādanam vadaṁtyāvāśvakaṁ tīrthaṁ viṁdhye vai mātṛkaṁ smṛtam

हेमकूट में मन्मथ तीर्थ है, कुमुद में सत्यवादन तीर्थ है; आवाश्वक तीर्थ भी कहा जाता है, और विंध्य में मातृक तीर्थ माना गया है।

श्लोक 31 (padma.6.133.31)

चित्ते ब्रह्ममयं तीर्थं तीर्थानां पावनं स्मृतम् । एतेषां सर्वतीर्थानामुत्तमं शृणु सुंदरि

citte brahmamayaṁ tīrthaṁ tīrthānāṁ pāvanaṁ smṛtam eteṣāṁ sarvatīrthānāmuttamaṁ śṛṇu suṁdari

चित्त में ही ब्रह्ममय तीर्थ है, जो तीर्थों में सबसे पावन माना गया है। हे सुंदरी, अब इन सब तीर्थों में सर्वोत्तम तीर्थ के विषय में सुनो।

श्लोक 32 (padma.6.133.32)

विष्णोर्नाममयं तीर्थं न भूतं न भविष्यति । ब्रह्महा हेमहारी वा बालहा गोघ्न एव च

viṣṇornāmamayaṁ tīrthaṁ na bhūtaṁ na bhaviṣyati brahmahā hemahārī vā bālahā goghna eva ca

विष्णु के नाम से बना यह तीर्थ न कभी हुआ है और न कभी होगा। ब्रह्महत्यारा, स्वर्ण-चोर, बालहत्यारा अथवा गौ-हत्यारा भी —

श्लोक 33 (padma.6.133.33)

मुच्यते नाममात्रेण प्रसादात्केशवस्य तु । कलौ द्वारवती रम्या धन्यो देवो जनार्दनः

mucyate nāmamātreṇa prasādātkeśavasya tu kalau dvāravatī ramyā dhanyo devo janārdanaḥ

वह भी नाममात्र के उच्चारण से, केशव की कृपा से मुक्त हो जाता है। कलियुग में द्वारवती अत्यंत मनोहर है, और उसमें विराजमान देव जनार्दन धन्य हैं।

श्लोक 34 (padma.6.133.34)

ये पश्यंति नरा देवं मुक्तिस्तेषां सुनिश्चला । एवं धन्यतमं देवं विष्णुं सर्वेश्वरं प्रभुम्

ye paśyaṁti narā devaṁ muktisteṣāṁ suniścalā evaṁ dhanyatamaṁ devaṁ viṣṇuṁ sarveśvaraṁ prabhum

जो मनुष्य उस देव के दर्शन करते हैं, उनकी मुक्ति निश्चित है। इस प्रकार उस परम धन्य देव, सर्वेश्वर प्रभु विष्णु का —

श्लोक 35 (padma.6.133.35)

चिंतयामि महादेवि विद्वत्संस्थो जनार्दनम् । अष्टोत्तरं तु तीर्थानां शतमेतदुदाहृतम्

ciṁtayāmi mahādevi vidvatsaṁstho janārdanam aṣṭottaraṁ tu tīrthānāṁ śatametadudāhṛtam

हे महादेवि, विद्वानों में स्थित रहकर मैं उस जनार्दन का चिंतन करता हूँ। यह तीर्थों की एक सौ आठ की संख्या यहाँ कही गई है।

श्लोक 36 (padma.6.133.36)

यो जपेच्छृणुयाद्वापि सर्वपापैः प्रमुच्यते । एषु तीर्थेषु यः स्नात्वा पश्येन्नारायणं हरिम्

yo japecchṛṇuyādvāpi sarvapāpaiḥ pramucyate eṣu tīrtheṣu yaḥ snātvā paśyennārāyaṇaṁ harim

जो इसका जप करता है अथवा सुनता है, वह समस्त पापों से मुक्त हो जाता है। जो इन तीर्थों में स्नान करके भगवान नारायण हरि के दर्शन करता है,

श्लोक 37 (padma.6.133.37)

सर्वपापविनिर्मुक्तो याति विष्णोः सनातनम् । जगन्नाथं महातीर्थं लोकानां पावनं स्मृतम्

sarvapāpavinirmukto yāti viṣṇoḥ sanātanam jagannāthaṁ mahātīrthaṁ lokānāṁ pāvanaṁ smṛtam

वह समस्त पापों से मुक्त होकर विष्णु के सनातन धाम को प्राप्त होता है। जगन्नाथ भी एक महातीर्थ है, जो समस्त लोकों को पावन करने वाला माना गया है।

श्लोक 38 (padma.6.133.38)

ये गच्छंति नरश्रेष्ठास्तेपि यांति परां गतिम् । शताष्टकं महापुण्यं श्रावयेत्पितृकर्मणि

ye gacchaṁti naraśreṣṭhāstepi yāṁti parāṁ gatim śatāṣṭakaṁ mahāpuṇyaṁ śrāvayetpitṛkarmaṇi

जो श्रेष्ठ मनुष्य वहाँ जाते हैं, वे भी परम गति को प्राप्त होते हैं। इस अत्यंत पुण्यमय एक सौ आठ तीर्थों की सूची को पितृ-कर्म के अवसर पर सुनाना चाहिए।

श्लोक 39 (padma.6.133.39)

इहलोके सुखं भुक्त्वा याति विष्णोः सनातनम् । गोदाने श्राद्धदाने वा अहन्यहनि वा पुनः

ihaloke sukhaṁ bhuktvā yāti viṣṇoḥ sanātanam godāne śrāddhadāne vā ahanyahani vā punaḥ

ऐसा करने वाला इस लोक में सुख भोगकर विष्णु के सनातन धाम को प्राप्त होता है। गौ-दान में, श्राद्ध-दान में, अथवा प्रतिदिन भी —

श्लोक 40 (padma.6.133.40)

देवार्चनविधौ विद्वान्परं ब्रह्माधिगच्छति

devārcanavidhau vidvānparaṁ brahmādhigacchati

देव-अर्चना की विधि में इसका पाठ करने वाला विद्वान परम ब्रह्म को प्राप्त कर लेता है।