बकुला-संगम पर गणतीर्थ

श्लोक 1 (padma.6.138.1)

महादेव उवाच। गणतीर्थं ततो गच्छेत्तीर्थयात्रापरायणः । त्रिविष्टपमिति प्रोक्तं गणैस्तु चंदना तटे

mahādeva uvāca gaṇatīrthaṁ tato gacchettīrthayātrāparāyaṇaḥ triviṣṭapamiti proktaṁ gaṇaistu caṁdanā taṭe

महादेव ने कहा — इसके बाद तीर्थयात्रा में लीन मनुष्य को गणतीर्थ जाना चाहिए, जिसे चंदना नदी के तट पर गणों द्वारा 'त्रिविष्टप' कहा गया है।

श्लोक 2 (padma.6.138.2)

त्रिविष्टपे नरः स्नात्वा पूर्णमास्यां समाहितः । संशयो नात्र कर्त्तव्यो मुच्यते ब्रह्महत्यया

triviṣṭape naraḥ snātvā pūrṇamāsyāṁ samāhitaḥ saṁśayo nātra karttavyo mucyate brahmahatyayā

त्रिविष्टप में पूर्णिमा के दिन एकाग्रचित्त होकर स्नान करने पर मनुष्य ब्रह्महत्या से मुक्त हो जाता है — इसमें कोई संशय नहीं करना चाहिए।

श्लोक 3 (padma.6.138.3)

चतुरो वार्षिकान्मासान्स्थितिर्यस्य त्रिविष्टपे । सोऽपि पुण्यो महाभागे रुद्रलोके महीयते

caturo vārṣikānmāsānsthitiryasya triviṣṭape so'pi puṇyo mahābhāge rudraloke mahīyate

जो व्यक्ति चातुर्मास के चार महीने त्रिविष्टप में रहता है, वह भी परम पुण्यशाली होकर रुद्रलोक में महिमान्वित होता है।

श्लोक 4 (padma.6.138.4)

गणतीर्थे नरः स्नात्वा कृष्णाष्टम्यामुपोषितः । बकुलासंगमे स्नात्वा स्वर्गं गच्छति मानवः

gaṇatīrthe naraḥ snātvā kṛṣṇāṣṭamyāmupoṣitaḥ bakulāsaṁgame snātvā svargaṁ gacchati mānavaḥ

गणतीर्थ में स्नान करके, कृष्ण अष्टमी के दिन उपवास करके, बकुला के संगम में स्नान करने वाला मनुष्य स्वर्ग को प्राप्त होता है।

श्लोक 5 (padma.6.138.5)

तस्मिंस्तीर्थे नरः स्नात्वा बकुलेशं विलोक्य च । गणेश्वरप्रसादेन गाणपत्यमवाप्नुयात्

tasmiṁstīrthe naraḥ snātvā bakuleśaṁ vilokya ca gaṇeśvaraprasādena gāṇapatyamavāpnuyāt

उस तीर्थ में स्नान करके और बकुलेश के दर्शन करके, गणेश्वर की कृपा से मनुष्य गणपति के लोक को प्राप्त कर लेता है।

श्लोक 6 (padma.6.138.6)

इदं पवित्रं परमं पुण्यायुष्यविवर्द्धनम् । श्रुत्वा तु लभते पुण्यं गंगास्नानसमं नरः

idaṁ pavitraṁ paramaṁ puṇyāyuṣyavivarddhanam śrutvā tu labhate puṇyaṁ gaṁgāsnānasamaṁ naraḥ

यह अत्यंत पवित्र और पुण्य-आयु को बढ़ाने वाला है। इसे सुनकर मनुष्य गंगा-स्नान के समान पुण्य प्राप्त करता है।

श्लोक 7 (padma.6.138.7)

अत्र स्थित्वा निराहारो जितेंद्रिय समाहितः । जपत्येवं परं देवं गणेश्वरं मनोरमम्

atra sthitvā nirāhāro jiteṁdriya samāhitaḥ japatyevaṁ paraṁ devaṁ gaṇeśvaraṁ manoramam

यहाँ रहकर निराहार, जितेंद्रिय और एकाग्रचित्त होकर जो इस प्रकार परम देव, मनोहर गणेश्वर का जप करता है,

श्लोक 8 (padma.6.138.8)

संप्राप्नोत्यखिलान्भोगान्सत्यं सत्यं वरानने । अत्र राजा सोमवंशी विश्वदत्तः स वीर्यवान्

saṁprāpnotyakhilānbhogānsatyaṁ satyaṁ varānane atra rājā somavaṁśī viśvadattaḥ sa vīryavān

वह समस्त भोगों को प्राप्त करता है — सत्य है, सत्य है, हे वरानने। यहाँ सोमवंशी राजा विश्वदत्त, जो अत्यंत पराक्रमी था,

श्लोक 9 (padma.6.138.9)

तेन तपो महत्तप्तं बहुकालं सुरेश्वरि । गाणपत्यं तदा प्राप्तं श्रीगणेशप्रसादतः

tena tapo mahattaptaṁ bahukālaṁ sureśvari gāṇapatyaṁ tadā prāptaṁ śrīgaṇeśaprasādataḥ

हे सुरेश्वरि, उसने बहुत काल तक महान तप किया, और तब श्री गणेश की कृपा से उसने गणपति-पद प्राप्त किया।

श्लोक 10 (padma.6.138.10)

वसिष्ठो वामदेवश्च होडः कौशीतको मुनिः । भरद्वाजोंगिराश्चैव विश्वामित्रोऽथ वामनः

vasiṣṭho vāmadevaśca hoḍaḥ kauśītako muniḥ bharadvājoṁgirāścaiva viśvāmitro'tha vāmanaḥ

वसिष्ठ, वामदेव, होड, मुनि कौशीतक, भरद्वाज, अंगिरा, विश्वामित्र और वामन —

श्लोक 11 (padma.6.138.11)

एते वै मुनयः सर्वे पुण्यरूपा महेश्वरि । नित्यं सेवां प्रकुर्वंति श्रीगणेशप्रसादतः

ete vai munayaḥ sarve puṇyarūpā maheśvari nityaṁ sevāṁ prakurvaṁti śrīgaṇeśaprasādataḥ

हे महेश्वरि, ये सभी मुनि पुण्य-स्वरूप हैं, जो श्री गणेश की कृपा पाने के लिए सदा उनकी सेवा करते हैं।

श्लोक 12 (padma.6.138.12)

अपुत्रो लभते पुत्रान्निर्द्धनो लभते धनम् । अविद्यो लभते विद्यां मोक्षार्थी मोक्षमाप्नुयात्

aputro labhate putrānnirddhano labhate dhanam avidyo labhate vidyāṁ mokṣārthī mokṣamāpnuyāt

पुत्रहीन पुत्र प्राप्त करता है, निर्धन धन प्राप्त करता है; अविद्वान विद्या प्राप्त करता है, और मोक्ष चाहने वाला मोक्ष प्राप्त कर लेता है।

श्लोक 13 (padma.6.138.13)

किमन्यद्बहुनोक्तेन भूयोभूयो वरानने । योऽत्र स्नानं प्रकुर्वीत पूजनं वा करोति च

kimanyadbahunoktena bhūyobhūyo varānane yo'tra snānaṁ prakurvīta pūjanaṁ vā karoti ca

हे वरानने, बार-बार बहुत कहने से और क्या लाभ? जो कोई यहाँ स्नान करता है अथवा पूजा करता है,

श्लोक 14 (padma.6.138.14)

सर्वपापविनिर्मुक्तो याति विष्णोः परं पदम् । शिवाय विष्णुरूपाय विष्णवे शिवरूपिणे

sarvapāpavinirmukto yāti viṣṇoḥ paraṁ padam śivāya viṣṇurūpāya viṣṇave śivarūpiṇe

वह समस्त पापों से मुक्त होकर विष्णु के परम पद को प्राप्त होता है। विष्णु-रूप धारण करने वाले शिव को, और शिव-रूप धारण करने वाले विष्णु को नमस्कार है —

श्लोक 15 (padma.6.138.15)

नांतरं देवि पश्यामि श्रीविष्णोश्च प्रसादतः

nāṁtaraṁ devi paśyāmi śrīviṣṇośca prasādataḥ

हे देवि, मैं श्री विष्णु की कृपा से इन दोनों में कोई भेद नहीं देखता।