खण्डतीर्थ

श्लोक 1 (padma.6.144.1)

महादेव उवाच। ब्रह्मवल्ली महत्तीर्थं ततो गच्छेत्सुरेश्वरि । तस्य तीर्थस्य स्वरूपं साक्षाच्छृणु सुरोत्तम

mahādeva uvāca brahmavallī mahattīrthaṁ tato gacchetsureśvari tasya tīrthasya svarūpaṁ sākṣācchṛṇu surottama

महादेव ने कहा — हे सुरेश्वरि, इसके बाद महान ब्रह्मवल्ली तीर्थ में जाना चाहिए। हे सुरश्रेष्ठ, उस तीर्थ का स्वरूप साक्षात् सुनो।

श्लोक 2 (padma.6.144.2)

यत्र साभ्रमती तोयं ब्रह्मवल्ल्यंभसा सह । युज्यते ब्रह्मतीर्थं तत्प्रयागेन समं स्मृतम्

yatra sābhramatī toyaṁ brahmavallyaṁbhasā saha yujyate brahmatīrthaṁ tatprayāgena samaṁ smṛtam

जहाँ साभ्रमती का जल ब्रह्मवल्ली के जल के साथ मिलता है, वह ब्रह्मतीर्थ प्रयाग के समान माना गया है।

श्लोक 3 (padma.6.144.3)

तत्र पिंडप्रदानेन तृप्तिर्द्वादशवार्षिकी । पितॄणां जायते नूनं ब्रह्मणो वचनं यथा

tatra piṁḍapradānena tṛptirdvādaśavārṣikī pitṝṇāṁ jāyate nūnaṁ brahmaṇo vacanaṁ yathā

वहाँ पिंड-दान करने से पितरों को बारह वर्षों तक की तृप्ति निश्चय ही प्राप्त होती है, ऐसा ब्रह्मा का वचन है।

श्लोक 4 (padma.6.144.4)

गयाश्राद्धसमंपुण्यंब्रह्मवल्ल्यांविशेषतः । यत्रज्ञात्वाप्रकुर्वंतिपितरस्तृप्तिमाप्नुयुः

gayāśrāddhasamaṁpuṇyaṁbrahmavallyāṁviśeṣataḥ yatrajñātvāprakurvaṁtipitarastṛptimāpnuyuḥ

गया में किए गए श्राद्ध के समान पुण्य ब्रह्मवल्ली में विशेष रूप से मिलता है — जहाँ जानकर श्राद्ध करने पर पितर तृप्ति प्राप्त करते हैं।

श्लोक 5 (padma.6.144.5)

गोदानंभूमिदानंचअन्नदानंतथैवच । एतद्दानसमं पुण्यं ब्रह्मवल्ल्यां विशेषतः

godānaṁbhūmidānaṁcaannadānaṁtathaivaca etaddānasamaṁ puṇyaṁ brahmavallyāṁ viśeṣataḥ

गौ-दान, भूमि-दान और अन्न-दान — इन दानों के समान पुण्य ब्रह्मवल्ली में विशेष रूप से प्राप्त होता है।

श्लोक 6 (padma.6.144.6)

अत्रैव सनकाद्यास्तु स्नात्वा च विधिपूर्वकम् । परंब्रह्मपदध्यानाद्विष्णुलोकमवाप्नुयुः

atraiva sanakādyāstu snātvā ca vidhipūrvakam paraṁbrahmapadadhyānādviṣṇulokamavāpnuyuḥ

यहीं सनक आदि मुनियों ने विधिपूर्वक स्नान करके, परब्रह्म-पद के ध्यान से विष्णुलोक को प्राप्त किया।

श्लोक 7 (padma.6.144.7)

पुष्करे चैव गंगायां क्षेत्रे चामरकंटके । तत्र गत्वा तु देवेशि यत्फलं लभते नरः

puṣkare caiva gaṁgāyāṁ kṣetre cāmarakaṁṭake tatra gatvā tu deveśi yatphalaṁ labhate naraḥ

पुष्कर में, गंगा में, और अमरकंटक क्षेत्र में जाकर हे देवेशि, मनुष्य जो फल प्राप्त करता है,

श्लोक 8 (padma.6.144.8)

तत्फलं समवाप्नोति ब्रह्मवल्ल्यां विशेषतः । चंद्र सूर्योपरागे च दानं ये ददते नराः

tatphalaṁ samavāpnoti brahmavallyāṁ viśeṣataḥ caṁdra sūryoparāge ca dānaṁ ye dadate narāḥ

वह फल उसे ब्रह्मवल्ली में विशेष रूप से प्राप्त होता है। चंद्र और सूर्य ग्रहण के समय जो मनुष्य दान देते हैं,

श्लोक 9 (padma.6.144.9)

तत्फलं समवाप्नोति ब्रह्मावल्ल्यां सुरेश्वरि । दिव्यरूपधरास्ते च शंखचक्रगदाधराः

tatphalaṁ samavāpnoti brahmāvallyāṁ sureśvari divyarūpadharāste ca śaṁkhacakragadādharāḥ

वह फल भी, हे सुरेश्वरि, ब्रह्मवल्ली में प्राप्त होता है। वे दिव्य रूप धारण करके, शंख-चक्र-गदा को धारण करते हुए,

श्लोक 10 (padma.6.144.10)

तेऽपि स्वर्गे हि गच्छंति स्नानं कृत्वा सुरेश्वरि । धृत्वा तुलसिजां मालां नारायणमनुस्मरन् । वैकुंठं दिव्यमानंदं याति वै पदमव्ययम्

te'pi svarge hi gacchaṁti snānaṁ kṛtvā sureśvari dhṛtvā tulasijāṁ mālāṁ nārāyaṇamanusmaran vaikuṁṭhaṁ divyamānaṁdaṁ yāti vai padamavyayam

हे सुरेश्वरि, स्नान करके वे भी स्वर्ग को प्राप्त होते हैं। तुलसी की माला धारण कर नारायण का स्मरण करने वाला मनुष्य, वैकुंठ नामक दिव्य, आनंदमय, अविनाशी पद को प्राप्त होता है।

श्लोक 11 (padma.6.144.11)

इति ब्रह्मवल्लीतीर्थमाहात्म्यम् । वृषतीर्थं ततो गच्छेत्खंडतीर्थेऽतिविश्रुतम् । तत्र स्नात्वा दिवं गावो गोलोकं च पुराश्रिताः

iti brahmavallītīrthamāhātmyam vṛṣatīrthaṁ tato gacchetkhaṁḍatīrthe'tiviśrutam tatra snātvā divaṁ gāvo golokaṁ ca purāśritāḥ

इस प्रकार ब्रह्मवल्ली तीर्थ की महिमा हुई। इसके बाद अत्यंत विख्यात खंडतीर्थ में वृष-तीर्थ जाना चाहिए, जहाँ स्नान करके गौएँ पूर्वकाल में स्वर्ग और गोलोक को प्राप्त हुई थीं।

श्लोक 12 (padma.6.144.12)

खंडरूपेण धर्मेण या गावो लोकमातरः । शापाद्भ्रष्टावितास्तेन खंडतीर्थमथोच्यते

khaṁḍarūpeṇa dharmeṇa yā gāvo lokamātaraḥ śāpādbhraṣṭāvitāstena khaṁḍatīrthamathocyate

खंड-रूप धर्म द्वारा जिन लोकमाता गौओं को शाप से भ्रष्ट होकर मुक्त कराया गया, उसी कारण इसे खंडतीर्थ कहा जाता है।

श्लोक 13 (padma.6.144.13)

पार्वत्युवाच। शापो हि लोकमातॄणां गवां कस्य पुराऽभवत् । कथं लोकात्परिभ्रष्टाः कथं धर्मेण रक्षिताः

pārvatyuvāca śāpo hi lokamātṝṇāṁ gavāṁ kasya purā'bhavat kathaṁ lokātparibhraṣṭāḥ kathaṁ dharmeṇa rakṣitāḥ

पार्वती ने कहा — पूर्वकाल में लोकमाता गौओं को किसका शाप लगा था? वे लोक से कैसे भ्रष्ट हुईं, और धर्म द्वारा कैसे रक्षित हुईं?

श्लोक 14 (padma.6.144.14)

महादेव उवाच। पुरा वृषेण गोलोके क्रीडता सह मातृभिः । मुक्तं तथा शकृन्मूत्रं पतितं हरमूर्द्धनि

mahādeva uvāca purā vṛṣeṇa goloke krīḍatā saha mātṛbhiḥ muktaṁ tathā śakṛnmūtraṁ patitaṁ haramūrddhani

महादेव ने कहा — पूर्वकाल में गोलोक में गौ-माताओं के साथ खेलते हुए एक वृषभ ने मल-मूत्र त्याग दिया, जो शिव के सिर पर जा गिरा।

श्लोक 15 (padma.6.144.15)

ततस्तासां ददौ शापं तेन दोषेण वै हरः । नष्टसंज्ञा स्वलोकाच्च गावो यास्यथ मेदिनीम्

tatastāsāṁ dadau śāpaṁ tena doṣeṇa vai haraḥ naṣṭasaṁjñā svalokācca gāvo yāsyatha medinīm

उसी दोष के कारण हर ने उन्हें शाप दे दिया — 'तुम्हारी चेतना नष्ट हो जाएगी, और तुम अपने लोक से पृथ्वी पर चली जाओगी।'

श्लोक 16 (padma.6.144.16)

गावः शप्ता भगवता संप्रसाद्य पुनर्हरम् । प्राप्स्यामहे पुनर्लोकं इति देवं ययाचिरे

gāvaḥ śaptā bhagavatā saṁprasādya punarharam prāpsyāmahe punarlokaṁ iti devaṁ yayācire

भगवान द्वारा शापित होकर गौओं ने पुनः हर को प्रसन्न करते हुए उस देव से याचना की — 'हम पुनः अपने लोक को कैसे प्राप्त करेंगी?'

श्लोक 17 (padma.6.144.17)

यदा साभ्रमती तीर्थे ब्रह्मवल्ली समीपतः । खंडसंज्ञह्रदे स्नात्वा स्वर्गं वै प्राप्स्यथ ध्रुवम्

yadā sābhramatī tīrthe brahmavallī samīpataḥ khaṁḍasaṁjñahrade snātvā svargaṁ vai prāpsyatha dhruvam

हर ने कहा — 'जब तुम साभ्रमती तीर्थ में, ब्रह्मवल्ली के निकट, खंड नामक जलाशय में स्नान करोगी, तब निश्चय ही स्वर्ग को प्राप्त करोगी।'

श्लोक 18 (padma.6.144.18)

ततस्तस्मिन्ह्रदे स्नात्वा गावो गोपतिना सह । स्वर्गं गता शुद्धतमा महादेवसमीपतः

tatastasminhrade snātvā gāvo gopatinā saha svargaṁ gatā śuddhatamā mahādevasamīpataḥ

तब उस जलाशय में स्नान करके, गोपति के साथ वे गौएँ पूर्णतः शुद्ध होकर महादेव के समीप, स्वर्ग को प्राप्त हुईं।

श्लोक 19 (padma.6.144.19)

गोह्रदे तु नरः स्नात्वा कृत्वा वै पितृतर्पणम् । गवां लोकमवाप्नोति दाहप्रलयवर्जितम्

gohrade tu naraḥ snātvā kṛtvā vai pitṛtarpaṇam gavāṁ lokamavāpnoti dāhapralayavarjitam

गो-ह्रद में स्नान करके, पितरों को तर्पण देकर मनुष्य गौओं के उस लोक को प्राप्त करता है, जो दाह और प्रलय से रहित है।

श्लोक 20 (padma.6.144.20)

तत्र स्थित्वा निराहारो गोपिंडं च ददाति वै । स नरः सुखमेधेत यावदिंद्राश्चतुर्दश

tatra sthitvā nirāhāro gopiṁḍaṁ ca dadāti vai sa naraḥ sukhamedheta yāvadiṁdrāścaturdaśa

वहाँ रहकर निराहार होकर जो गौ के लिए पिंड-दान करता है, वह मनुष्य चौदह इंद्रों के काल तक सुख भोगता है।

श्लोक 21 (padma.6.144.21)

गवांकोटिप्रदानेन यत्फलं प्राप्यते ध्रुवम् । तत्फलं समवाप्नोति खंडतीर्थे न संशयः

gavāṁkoṭipradānena yatphalaṁ prāpyate dhruvam tatphalaṁ samavāpnoti khaṁḍatīrthe na saṁśayaḥ

करोड़ों गौओं के दान से जो फल निश्चय ही प्राप्त होता है, वही फल खंडतीर्थ में प्राप्त होता है, इसमें कोई संशय नहीं।

श्लोक 22 (padma.6.144.22)

गृहीत्वा वृषमूत्रं च तीर्थं यः पिबते नरः । तत्क्षणादेव शुद्धिः स्यात्खंडतीर्थे न संशयः

gṛhītvā vṛṣamūtraṁ ca tīrthaṁ yaḥ pibate naraḥ tatkṣaṇādeva śuddhiḥ syātkhaṁḍatīrthe na saṁśayaḥ

जो मनुष्य वृषभ के मूत्र को इस तीर्थ के जल में मिलाकर ग्रहण करके पीता है, उसकी शुद्धि उसी क्षण हो जाती है, खंडतीर्थ में इसमें कोई संशय नहीं।

श्लोक 23 (padma.6.144.23)

खंडतीर्थात्परं तीर्थं न भूतं न भविष्यति । ये गच्छंति सुरश्रेष्ठ ते नराः पुण्यभागिनः

khaṁḍatīrthātparaṁ tīrthaṁ na bhūtaṁ na bhaviṣyati ye gacchaṁti suraśreṣṭha te narāḥ puṇyabhāginaḥ

खंडतीर्थ से बढ़कर कोई तीर्थ न हुआ है, न होगा। हे देवश्रेष्ठ, जो लोग वहाँ जाते हैं, वे मनुष्य पुण्य के भागी बनते हैं।

श्लोक 24 (padma.6.144.24)

तत्र गत्वा सुरश्रेष्ठे गवां पूजनमाचरेत् । वृषभं च ततः पूज्य स्नानं कृत्वा समाहितः

tatra gatvā suraśreṣṭhe gavāṁ pūjanamācaret vṛṣabhaṁ ca tataḥ pūjya snānaṁ kṛtvā samāhitaḥ

हे देवश्रेष्ठ, वहाँ जाकर गौओं की पूजा करनी चाहिए। फिर वृषभ की पूजा करके, एकाग्रचित्त होकर स्नान करने पर,

श्लोक 25 (padma.6.144.25)

पूजनाद्वै न संदेहो गोलोके तु वसेच्चिरम् । तत्र गत्वा विशेषेण सौवर्णी गां ददंति ये

pūjanādvai na saṁdeho goloke tu vasecciram tatra gatvā viśeṣeṇa sauvarṇī gāṁ dadaṁti ye

उस पूजा से, इसमें कोई संशय नहीं, मनुष्य दीर्घकाल तक गोलोक में निवास करता है। जो वहाँ जाकर विशेष रूप से स्वर्ण की गौ का दान करते हैं,

श्लोक 26 (padma.6.144.26)

ते नरा भुंजते सौख्यं यावदिंद्राश्चतुर्दश । दशधेनुं ततः कृत्वा यो ददाति द्विजातये

te narā bhuṁjate saukhyaṁ yāvadiṁdrāścaturdaśa daśadhenuṁ tataḥ kṛtvā yo dadāti dvijātaye

वे मनुष्य चौदह इंद्रों के काल तक सुख भोगते हैं। इसके बाद जो दस गौएँ बनवाकर ब्राह्मणों को दान देता है,

श्लोक 27 (padma.6.144.27)

खंडतीर्थे सुरश्रेष्ठे तदनंतफलं स्मृतम् । तत्र गत्वा तु कर्त्तव्यं पिप्पलारोपणं बुधैः

khaṁḍatīrthe suraśreṣṭhe tadanaṁtaphalaṁ smṛtam tatra gatvā tu karttavyaṁ pippalāropaṇaṁ budhaiḥ

हे देवश्रेष्ठ, खंडतीर्थ में उसे अनंत फल प्राप्त होता है, ऐसा माना गया है। वहाँ जाकर बुद्धिमान लोगों को पीपल का वृक्ष लगाना चाहिए।

श्लोक 28 (padma.6.144.28)

तत्कृते सति देवेशि पितृलोकं स गच्छति । पंच वामलकीर्दिव्या ये कुर्वंति प्ररोपणम्

tatkṛte sati deveśi pitṛlokaṁ sa gacchati paṁca vāmalakīrdivyā ye kurvaṁti praropaṇam

हे देवेशि, ऐसा करने पर वह पितृलोक को प्राप्त होता है। जो पाँच दिव्य आँवले के वृक्ष लगाते हैं,

श्लोक 29 (padma.6.144.29)

इहलोके सुखं भुक्त्वा हरिलोकं व्रजंति ते

ihaloke sukhaṁ bhuktvā harilokaṁ vrajaṁti te

वे इस लोक में सुख भोगकर हरि के धाम को प्राप्त होते हैं।