बालापेंद्र तीर्थ महात्म्य

श्लोक 1 (padma.6.152.1)

महादेव उवाच। तीर्थानां प्रवरं तीर्थं साभ्रमत्यास्तटे स्थितम् । बालाप इति विख्यातं भुक्तिमुक्तिप्रदायकम्

mahādeva uvāca tīrthānāṃ pravaraṃ tīrthaṃ sābhramatyāstaṭe sthitam bālāpa iti vikhyātaṃ bhuktimuktipradāyakam

महादेव ने कहा — तीर्थों में श्रेष्ठ तीर्थ साभ्रमती के तट पर स्थित है, जो भुक्ति और मुक्ति दोनों देने वाला "बालाप" नाम से विख्यात है।

श्लोक 2 (padma.6.152.2)

तपस्विधारितं तीर्थं विबुधानां समाश्रयम् । तत्र कन्या तपस्तेपे परमं सुदृढव्रता

tapasvidhāritaṃ tīrthaṃ vibudhānāṃ samāśrayam tatra kanyā tapastepe paramaṃ sudṛḍhavratā

वह तीर्थ तपस्वियों द्वारा धारित तथा विद्वानों का आश्रय है। वहाँ अत्यंत दृढ़-व्रता एक कन्या ने परम तप किया।

श्लोक 3 (padma.6.152.3)

कन्या कण्वमुनेः साध्वी रूपेणाप्रतिमा भुवि । बाला बालावती नाम कुमारी ब्रह्मचारिणी

kanyā kaṇvamuneḥ sādhvī rūpeṇāpratimā bhuvi bālā bālāvatī nāma kumārī brahmacāriṇī

वह कन्या महर्षि कण्व की साध्वी पुत्री थी, पृथ्वी पर रूप में अनुपम — बाला, बालावती नामक कुमारी ब्रह्मचारिणी।

श्लोक 4 (padma.6.152.4)

व्रतं चचार सावित्र्या नियमैर्बहुभिर्युता । भर्ता मे भास्करो भूयादिति निश्चित्य भामिनि

vrataṃ cacāra sāvitryā niyamairbahubhiryutā bhartā me bhāskaro bhūyāditi niścitya bhāmini

उस तेजस्विनी ने सावित्री के समान अनेक नियमों सहित व्रत का पालन किया, यह निश्चय करके कि "सूर्य ही मेरे पति हों।"

श्लोक 5 (padma.6.152.5)

समास्तस्य समाक्रांता दश साभ्रमतीतटे । चरंत्या नियमांस्तांस्तान्भक्त्या परमदुश्चरान्

samāstasya samākrāṃtā daśa sābhramatītaṭe caraṃtyā niyamāṃstāṃstānbhaktyā paramaduścarān

साभ्रमती के तट पर उसके दस वर्ष बीत गए, भक्तिपूर्वक उन अत्यंत दुष्कर नियमों का पालन करते हुए।

श्लोक 6 (padma.6.152.6)

तस्यास्तु तेन व्रतेन तपसा व्रतचर्यया । भक्त्या च भगवान्प्रीतः परया भक्तिसंपदा

tasyāstu tena vratena tapasā vratacaryayā bhaktyā ca bhagavānprītaḥ parayā bhaktisaṃpadā

उसके उस व्रत से, तप से, व्रत-आचरण से तथा भक्ति से, परम भक्ति-संपदा से भगवान् प्रसन्न हुए।

श्लोक 7 (padma.6.152.7)

आजगामाश्रमपदं देवदेवो दिवाकरः । आस्थाय रूपं विप्रर्षेः प्रविष्टस्तु महामनाः

ājagāmāśramapadaṃ devadevo divākaraḥ āsthāya rūpaṃ viprarṣeḥ praviṣṭastu mahāmanāḥ

देवदेव दिवाकर उस आश्रम-स्थल पर आए, वे महामना विप्रऋषि का रूप धारण कर वहाँ प्रविष्ट हुए।

श्लोक 8 (padma.6.152.8)

सा तं दृष्ट्वोग्रतपसा वरिष्ठं ब्रह्मवित्तमम् । वानप्रस्थविधानेन पूजयामास तं द्विजम्

sā taṃ dṛṣṭvogratapasā variṣṭhaṃ brahmavittamam vānaprasthavidhānena pūjayāmāsa taṃ dvijam

उग्र तप में श्रेष्ठ, ब्रह्मवेत्ताओं में उत्तम उन्हें देखकर उसने वानप्रस्थ-विधि से उस द्विज की पूजा की।

श्लोक 9 (padma.6.152.9)

उवाच रविभक्ता सा कल्याणी तं तपोधनम् । भगवन्मुनिशार्दूल किमाज्ञापयसि प्रभो

uvāca ravibhaktā sā kalyāṇī taṃ tapodhanam bhagavanmuniśārdūla kimājñāpayasi prabho

सूर्य-भक्त उस कल्याणी ने उस तपोधन से कहा — "हे भगवन्, हे मुनिश्रेष्ठ! आप क्या आज्ञा देते हैं, हे प्रभु?"

श्लोक 10 (padma.6.152.10)

सर्वं तुभ्यं यथाशक्ति दास्यामि स्वतनुं विना । सूर्यभक्तास्मि ते पाणिं दास्यामि न कथंचन

sarvaṃ tubhyaṃ yathāśakti dāsyāmi svatanuṃ vinā sūryabhaktāsmi te pāṇiṃ dāsyāmi na kathaṃcana

"मैं अपने शरीर के अतिरिक्त सब कुछ यथाशक्ति आपको दूँगी। मैं सूर्य की भक्त हूँ, अपना हाथ किसी भी प्रकार नहीं दूँगी।

श्लोक 11 (padma.6.152.11)

व्रतैश्च नियमैश्चापि तपोभिश्च तपोधन । सूर्यस्तोषयितव्यो मे देवस्त्रिभुवनेश्वरः

vrataiśca niyamaiścāpi tapobhiśca tapodhana sūryastoṣayitavyo me devastribhuvaneśvaraḥ

हे तपोधन! व्रतों से, नियमों से तथा तपों से मुझे त्रिभुवनेश्वर देव सूर्य को ही संतुष्ट करना है।"

श्लोक 12 (padma.6.152.12)

इत्युक्तवत्यां तस्यां तु स्मयन्निव निरीक्ष्य ताम् । उवाच नियमस्थां तां सांत्वयन्निव भास्करः

ityuktavatyāṃ tasyāṃ tu smayanniva nirīkṣya tām uvāca niyamasthāṃ tāṃ sāṃtvayanniva bhāskaraḥ

ऐसा कहने पर सूर्य ने मानो मुस्कुराते हुए, नियम में स्थित उस कन्या को देखकर, मानो सांत्वना देते हुए कहा —

श्लोक 13 (padma.6.152.13)

उग्रं चरसि कल्याणि तपः परमदुष्करम् । यदर्थं च समारंभस्तव बाले तथैव तत्

ugraṃ carasi kalyāṇi tapaḥ paramaduṣkaram yadarthaṃ ca samāraṃbhastava bāle tathaiva tat

"हे कल्याणी! तुम उग्र, परम दुष्कर तप कर रही हो। जिस उद्देश्य से तुमने यह आरंभ किया, हे बाले, वह अवश्य पूर्ण होगा।

श्लोक 14 (padma.6.152.14)

तपसा लभ्यते सर्वं सर्वं तपसि तिष्ठति । देवत्वं प्राप्यते भद्रे तपसा मोक्ष एव च

tapasā labhyate sarvaṃ sarvaṃ tapasi tiṣṭhati devatvaṃ prāpyate bhadre tapasā mokṣa eva ca

तप से सब कुछ प्राप्त होता है, सब कुछ तप में ही टिका है। हे भद्रे! तप से देवत्व प्राप्त होता है, और मोक्ष भी।

श्लोक 15 (padma.6.152.15)

इमानि पंच सुभगे बदराणि प्रतीच्छ मे । दत्त्वा स बदराण्यस्यै पचेत्युक्त्वा रविर्ययौ

imāni paṃca subhage badarāṇi pratīccha me dattvā sa badarāṇyasyai pacetyuktvā raviryayau

हे सुभगे! मुझसे ये पाँच बेर स्वीकार करो।" ऐसा कहकर तथा उसे बेर देकर, इन्हें पकाने को कहकर सूर्य चले गए।

श्लोक 16 (padma.6.152.16)

अपृष्ट्वा तां तु कल्याणीं ब्रह्मरूपी विहाय ताम् । स्थितोऽसौ नातिदूरेण इंद्रग्रामे महायशाः

apṛṣṭvā tāṃ tu kalyāṇīṃ brahmarūpī vihāya tām sthito'sau nātidūreṇa iṃdragrāme mahāyaśāḥ

उस कल्याणी से बिना कुछ पूछे, ब्राह्मण-रूपधारी वे महायशस्वी उसे छोड़कर वहाँ से बहुत दूर नहीं, इंद्रग्राम में ठहर गए।

श्लोक 17 (padma.6.152.17)

स्थित्वा जिज्ञासया भावं तस्याश्च ब्राह्मणो रविः । बदराणामुपवनं कारयामास भास्करः

sthitvā jijñāsayā bhāvaṃ tasyāśca brāhmaṇo raviḥ badarāṇāmupavanaṃ kārayāmāsa bhāskaraḥ

वहाँ ठहरकर, उसके भाव की परीक्षा की इच्छा से, ब्राह्मण-रूपी सूर्य ने बेरों का एक उपवन उत्पन्न कर दिया।

श्लोक 18 (padma.6.152.18)

ततः सा प्रयता बाला प्रांजलिर्विगतश्रमा । पाकाय बदराणां सा पावकं समधिश्रयत्

tataḥ sā prayatā bālā prāṃjalirvigataśramā pākāya badarāṇāṃ sā pāvakaṃ samadhiśrayat

तब वह पवित्र बाला, हाथ जोड़े, सारी थकान त्यागकर, बेरों को पकाने के लिए अग्नि प्रज्वलित करने लगी।

श्लोक 19 (padma.6.152.19)

अपचत्परमा देवि बदराणि महाप्रभा । तस्याः पचंत्याः सुमहान्कालोऽगाच्च सुरेश्वरि

apacatparamā devi badarāṇi mahāprabhā tasyāḥ pacaṃtyāḥ sumahānkālo'gācca sureśvari

हे देवी! उस परम तेजस्विनी ने बेरों को पकाया। और, हे सुरेश्वरी, उसके पकाते-पकाते बहुत लंबा समय बीत गया —

श्लोक 20 (padma.6.152.20)

भस्मपुंजो महान्जातो दिनं च क्षयमन्वगात् । हुताशनेन दग्धस्तु महान्वै काष्ठसंचयः

bhasmapuṃjo mahānjāto dinaṃ ca kṣayamanvagāt hutāśanena dagdhastu mahānvai kāṣṭhasaṃcayaḥ

राख का बड़ा ढेर बन गया, और दिन भी समाप्ति को पहुँच गया; अग्नि ने बहुत बड़ा काष्ठ-संचय जला डाला।

श्लोक 21 (padma.6.152.21)

पादौ प्रक्षाल्य सा पश्चात्पावके चारुदर्शने । ददाह बदरार्थं च ब्राह्मणप्रियकाम्यया

pādau prakṣālya sā paścātpāvake cārudarśane dadāha badarārthaṃ ca brāhmaṇapriyakāmyayā

तब उसने अपने पैर धोकर, बेरों के लिए तथा ब्राह्मण को प्रसन्न करने की इच्छा से, उन्हें सुंदर दिखने वाली उस अग्नि में डाल दिया,

श्लोक 22 (padma.6.152.22)

दग्ध्वा दग्ध्वा पुनः पादौ उपर्या धार्यतेऽनघे । अथास्याः कर्म तद्दृष्ट्वा प्रीतो देवो दिवाकरः

dagdhvā dagdhvā punaḥ pādau uparyā dhāryate'naghe athāsyāḥ karma taddṛṣṭvā prīto devo divākaraḥ

बार-बार पैर जलाते हुए भी वह निष्पाप कन्या अग्नि को जलाए रखती रही। तब उसका यह कर्म देखकर देवता दिवाकर प्रसन्न हुए,

श्लोक 23 (padma.6.152.23)

ततः संदर्शयामास कन्यायै रूपमात्मनः । उवाच परमप्रीतस्तां कन्यां सुदृढव्रताम्

tataḥ saṃdarśayāmāsa kanyāyai rūpamātmanaḥ uvāca paramaprītastāṃ kanyāṃ sudṛḍhavratām

और तब उन्होंने उस कन्या को अपना वास्तविक रूप दिखाया, और परम प्रसन्न होकर उस दृढ़-व्रता कन्या से कहा —

श्लोक 24 (padma.6.152.24)

सूर्य उवाच। प्रीतोऽस्मि बाले भक्त्या ते तपसा व्रतचर्यया । यस्मादभिमतः कामो बाले संपद्यतां तव

sūrya uvāca prīto'smi bāle bhaktyā te tapasā vratacaryayā yasmādabhimataḥ kāmo bāle saṃpadyatāṃ tava

सूर्य ने कहा — "हे बाले! मैं तुम्हारी भक्ति, तप और व्रत-आचरण से प्रसन्न हूँ। अतः, हे बाले, तुम्हारी अभीष्ट कामना पूर्ण हो।

श्लोक 25 (padma.6.152.25)

अस्मिंस्तीर्थे तपोयुक्ता मद्गृहे त्वं निवत्स्यसि । इदं च तीर्थप्रवरं तव नाम्ना च लक्षितम्

asmiṃstīrthe tapoyuktā madgṛhe tvaṃ nivatsyasi idaṃ ca tīrthapravaraṃ tava nāmnā ca lakṣitam

इस तीर्थ में तप से युक्त होकर तुम मेरे घर में निवास करोगी। और यह श्रेष्ठ तीर्थ तुम्हारे ही नाम से चिह्नित होगा —

श्लोक 26 (padma.6.152.26)

बालाप इति विख्यातं साभ्रमत्यास्तटे स्थितम् । विख्यातं त्रिषु लोकेषु ब्रह्मर्षिभिस्तु स्तुतं पुरा

bālāpa iti vikhyātaṃ sābhramatyāstaṭe sthitam vikhyātaṃ triṣu lokeṣu brahmarṣibhistu stutaṃ purā

साभ्रमती के तट पर स्थित यह 'बालाप' नाम से विख्यात होगा — तीनों लोकों में विख्यात, तथा पूर्वकाल में ब्रह्मर्षियों द्वारा स्तुत।"

श्लोक 27 (padma.6.152.27)

बालातीर्थे नरः स्नात्वा त्रिरात्रमुषितः शुचिः । रक्तादित्यमुखं दृष्ट्वा सूर्यस्योदयनं प्रति

bālātīrthe naraḥ snātvā trirātramuṣitaḥ śuciḥ raktādityamukhaṃ dṛṣṭvā sūryasyodayanaṃ prati

बाला-तीर्थ में स्नान करके, तीन रात्रि तक शुचि होकर वास करके, सूर्योदय के समय लाल सूर्य-मुख का दर्शन करके,

श्लोक 28 (padma.6.152.28)

सूर्यलोकमवाप्नोति नात्र कार्या विचारणा । सूर्यवारेऽथ संक्रांतौ सप्तम्यां तु विशेषतः

sūryalokamavāpnoti nātra kāryā vicāraṇā sūryavāre'tha saṃkrāṃtau saptamyāṃ tu viśeṣataḥ

मनुष्य सूर्यलोक को प्राप्त करता है — इसमें विचार की आवश्यकता नहीं। रविवार को, संक्रांति में तथा विशेषतः सप्तमी को,

श्लोक 29 (padma.6.152.29)

विषुवत्ययने चापि चंद्रसूर्यग्रहेऽपि च । स्नात्वा संतर्पयेद्देवान्पितॄनथ पितामहान्

viṣuvatyayane cāpi caṃdrasūryagrahe'pi ca snātvā saṃtarpayeddevānpitṝnatha pitāmahān

विषुवत् और अयन में, तथा चंद्र या सूर्यग्रहण में भी, स्नान करके देवताओं, पितरों तथा पितामहों को तर्पण देना चाहिए।

श्लोक 30 (padma.6.152.30)

गुडधेनुं ततो दद्याद्ब्राह्मणेभ्यो गुडोदनम् । करवीरैर्जपापुष्पै रक्तादित्यप्रपूजनम्

guḍadhenuṃ tato dadyādbrāhmaṇebhyo guḍodanam karavīrairjapāpuṣpai raktādityaprapūjanam

फिर ब्राह्मणों को गुड़-धेनु तथा गुड़-भात का दान देना चाहिए, और कनेर तथा जपा (अड़हुल) के पुष्पों से लाल सूर्य की पूजा करनी चाहिए।

श्लोक 31 (padma.6.152.31)

ये कुर्वंति नरास्ते वै सूर्यलोके वसंति वै । रक्तां धेनुं नरो दद्यादेकं चैव धुरंधरम्

ye kurvaṃti narāste vai sūryaloke vasaṃti vai raktāṃ dhenuṃ naro dadyādekaṃ caiva dhuraṃdharam

जो मनुष्य ऐसा करते हैं, वे सूर्यलोक में निवास करते हैं। मनुष्य को एक लाल गाय तथा एक भारवाहक बैल भी दान देना चाहिए,

श्लोक 32 (padma.6.152.32)

स यज्ञफलमाप्नोति न नरो निरयं व्रजेत्। व्याधितो मुच्यते रोगात्बद्धो मुच्येत बंधनात् । तीर्थेऽस्मिन्पिंडदानेन तृप्तिं यांति पितामहाः

sa yajñaphalamāpnoti na naro nirayaṃ vrajet vyādhito mucyate rogātbaddho mucyeta baṃdhanāt tīrthe'sminpiṃḍadānena tṛptiṃ yāṃti pitāmahāḥ

इससे उसे यज्ञ का फल प्राप्त होता है, ऐसा मनुष्य नरक को नहीं जाता। रोगी रोग से मुक्त होता है, बंधा हुआ बंधन से मुक्त होता है; इस तीर्थ में पिंडदान करने से पितामह तृप्ति को प्राप्त होते हैं।

श्लोक 33 (padma.6.152.33)

महादेव उवाच। तथान्यदपि माहात्म्यं तीर्थस्यास्य तपोधने । श्रूयतां यत्पुरावृत्तं व्यासेन कथितं महत्

mahādeva uvāca tathānyadapi māhātmyaṃ tīrthasyāsya tapodhane śrūyatāṃ yatpurāvṛttaṃ vyāsena kathitaṃ mahat

महादेव ने कहा — हे तपोधने! इस तीर्थ की एक और महिमा सुनो, जो पूर्वकाल की एक महान कथा व्यास द्वारा कही गई है।

श्लोक 34 (padma.6.152.34)

पुरात्र महिषो वृद्धो जरया जर्जरीकृतः । अशक्तो भारमुद्वोढुं सार्थवाहस्तमत्यजत्

purātra mahiṣo vṛddho jarayā jarjarīkṛtaḥ aśakto bhāramudvoḍhuṃ sārthavāhastamatyajat

पूर्वकाल में यहाँ एक वृद्ध भैंसा था, जो जरा से जर्जर हो चुका था। भार उठाने में असमर्थ होने पर एक सार्थवाह ने उसे त्याग दिया।

श्लोक 35 (padma.6.152.35)

स निदाघे जलं पातुं जगाम च महानदीम् । दैवात्पंके निमग्नोऽसौ ततो मृत्युवशं गतः

sa nidāghe jalaṃ pātuṃ jagāma ca mahānadīm daivātpaṃke nimagno'sau tato mṛtyuvaśaṃ gataḥ

वह ग्रीष्म में जल पीने महानदी की ओर गया, और दैवयोग से कीचड़ में धँस गया, जिससे उसकी मृत्यु हो गई।

श्लोक 36 (padma.6.152.36)

प्लवितास्थिर्जले पुण्ये तीर्थस्यास्य प्रभावतः । कान्यकुब्जेश्वरसुतो राजा जातिस्मरोऽभवत्

plavitāsthirjale puṇye tīrthasyāsya prabhāvataḥ kānyakubjeśvarasuto rājā jātismaro'bhavat

उसकी अस्थियाँ उस पुण्य जल में तैरती रहीं, और इस तीर्थ के प्रभाव से वह कान्यकुब्ज के राजा का पुत्र बना, जो अपने पूर्वजन्म का स्मरण रखने वाला (जातिस्मर) था।

श्लोक 37 (padma.6.152.37)

संस्मृत्य च स्ववृत्तांतं प्रभावं तीर्थजं महत् । आगत्य तज्जले स्नात्वा ददौ दानान्यनेकशः

saṃsmṛtya ca svavṛttāṃtaṃ prabhāvaṃ tīrthajaṃ mahat āgatya tajjale snātvā dadau dānānyanekaśaḥ

अपने वृत्तांत तथा तीर्थ से उत्पन्न उस महान प्रभाव का स्मरण करके, वह वहाँ आकर उस जल में स्नान करके अनेक बार दान देने लगा।

श्लोक 38 (padma.6.152.38)

स तत्र स्थापयामास देवदेवं महेश्वरम् । अत्र तीर्थे नरः स्नात्वा संपूज्य महिषेश्वरम्

sa tatra sthāpayāmāsa devadevaṃ maheśvaram atra tīrthe naraḥ snātvā saṃpūjya mahiṣeśvaram

उसने वहाँ देवदेव महेश्वर की स्थापना की। इस तीर्थ में स्नान करके तथा महिषेश्वर की भलीभाँति पूजा करके,

श्लोक 39 (padma.6.152.39)

रक्तादित्यमुखं दृष्ट्वा सर्वपापैः प्रमुच्यते । साभ्रमत्युदकं यत्र पूर्वतः पश्चिमं व्रजेत्

raktādityamukhaṃ dṛṣṭvā sarvapāpaiḥ pramucyate sābhramatyudakaṃ yatra pūrvataḥ paścimaṃ vrajet

लाल सूर्य-मुख का दर्शन करके मनुष्य सभी पापों से मुक्त हो जाता है। जहाँ साभ्रमती का जल पूर्व से पश्चिम की ओर बहता है,

श्लोक 40 (padma.6.152.40)

प्रयागादपि तत्पुण्यं सर्वकामप्रदं महत् । दत्तं द्विजेंद्रेषु हुतं यदग्नौ श्राद्धं कृतं जाप्यमिहाक्षयं स्यात्

prayāgādapi tatpuṇyaṃ sarvakāmapradaṃ mahat dattaṃ dvijeṃdreṣu hutaṃ yadagnau śrāddhaṃ kṛtaṃ jāpyamihākṣayaṃ syāt

वहाँ का पुण्य प्रयाग से भी बढ़कर है, सभी कामनाओं को देने वाला, महान। यहाँ द्विजश्रेष्ठों को जो दिया जाए, अग्नि में जो हवन किया जाए, जो श्राद्ध किया जाए, जो जप किया जाए, वह सब अक्षय हो जाता है।

श्लोक 41 (padma.6.152.41)

गोभूतिलाः कांचनवस्त्रधान्यं शय्यासनं वाहनछत्रदानम् । यं यं वांछयते कामं तं तं प्राप्नोति मानवः

gobhūtilāḥ kāṃcanavastradhānyaṃ śayyāsanaṃ vāhanachatradānam yaṃ yaṃ vāṃchayate kāmaṃ taṃ taṃ prāpnoti mānavaḥ

गौ, भूमि, तिल, स्वर्ण, वस्त्र, धान्य, शय्या, आसन, वाहन तथा छत्र का दान — मनुष्य जिस-जिस कामना की इच्छा करता है, उसे वह-वह प्राप्त हो जाती है,

श्लोक 42 (padma.6.152.42)

श्रीमहेशप्रसादाच्च तीर्थस्यास्य प्रभावतः । बालापेंद्रं इदं तीर्थं पुण्यपापहरं सदा

śrīmaheśaprasādācca tīrthasyāsya prabhāvataḥ bālāpeṃdraṃ idaṃ tīrthaṃ puṇyapāpaharaṃ sadā

श्रीमहेश की कृपा से तथा इस तीर्थ के प्रभाव से। यह बालापेंद्र तीर्थ सदा पुण्य देने वाला तथा पाप हरने वाला है —

श्लोक 43 (padma.6.152.43)

यं दृष्ट्वा मुनयः सर्वे वीतरागाः सदैव तु । यत्र माहिषनामेति श्वेताख्यं पुण्यदं महत्

yaṃ dṛṣṭvā munayaḥ sarve vītarāgāḥ sadaiva tu yatra māhiṣanāmeti śvetākhyaṃ puṇyadaṃ mahat

जिसका दर्शन कर सभी मुनि सदा वीतराग हो गए — और जहाँ भैंसे के नाम पर "श्वेत" नामक महान पुण्यदायक स्थान है।

श्लोक 44 (padma.6.152.44)

यत्र स्नात्वा तु देवेशि पुनर्जन्म न विद्यते । गोदावर्यां कृते स्नाने यत्फलं लभते नरः

yatra snātvā tu deveśi punarjanma na vidyate godāvaryāṃ kṛte snāne yatphalaṃ labhate naraḥ

हे देवेशी! वहाँ स्नान करने से पुनर्जन्म नहीं होता। गोदावरी में स्नान करने से मनुष्य को जो फल मिलता है,

श्लोक 45 (padma.6.152.45)

तत्फलं लभते देवि अत्र तीर्थे न संशयः

tatphalaṃ labhate devi atra tīrthe na saṃśayaḥ

हे देवी! वही फल इस तीर्थ में निश्चय ही प्राप्त होता है।