चंद्रेश्वर महात्म्य

श्लोक 1 (padma.6.156.1)

महादेव उवाच। दुग्धेश्वरस्य पूर्वे तु तीर्थं परमपावनम् । चंद्रभागेति वै नाम्ना नदी यत्र तु संगता

mahādeva uvāca dugdheśvarasya pūrve tu tīrthaṃ paramapāvanam caṃdrabhāgeti vai nāmnā nadī yatra tu saṃgatā

महादेव ने कहा — दुग्धेश्वर के पूर्व में एक परम पवित्र तीर्थ है, जहाँ चंद्रभागा नामक नदी साभ्रमती से मिलती है।

श्लोक 2 (padma.6.156.2)

तत्र चंद्रेश्वरो देवो नित्यं तिष्ठति पुण्यदः । यो हरः सर्वदा व्यापी लोकानां सुखदो महान्

tatra caṃdreśvaro devo nityaṃ tiṣṭhati puṇyadaḥ yo haraḥ sarvadā vyāpī lokānāṃ sukhado mahān

वहाँ पुण्यदाता देव चंद्रेश्वर नित्य निवास करते हैं — वे हर, जो सदा सर्वव्यापी हैं, लोकों के लिए महान सुखदाता हैं।

श्लोक 3 (padma.6.156.3)

अत्र स्नानं प्रकुर्वंति ध्यानं कुर्वंति नित्यशः । तत्फलं प्राप्नुयुस्ते वै साभ्रमत्यां शिवार्चनात्

atra snānaṃ prakurvaṃti dhyānaṃ kurvaṃti nityaśaḥ tatphalaṃ prāpnuyuste vai sābhramatyāṃ śivārcanāt

यहाँ जो स्नान करते हैं और नित्य ध्यान करते हैं, वे साभ्रमती में शिव-अर्चन से वह फल प्राप्त करते हैं।

श्लोक 4 (padma.6.156.4)

सोमेनात्र तपस्तप्तं कालं बहुतरं किल । तस्माच्चन्द्रेश्वरो नाम स्थापितो वै महेश्वरः

somenātra tapastaptaṃ kālaṃ bahutaraṃ kila tasmāccandreśvaro nāma sthāpito vai maheśvaraḥ

यहाँ सोम (चंद्रमा) ने बहुत लंबे समय तक तप किया; इसलिए यहाँ महेश्वर "चंद्रेश्वर" नाम से स्थापित हुए।

श्लोक 5 (padma.6.156.5)

शुक्रेणापि तपस्तप्तं चन्द्रभागा समीपतः । अतस्तीर्थाधिकं तीर्थं पावनं सर्वदा भुवि

śukreṇāpi tapastaptaṃ candrabhāgā samīpataḥ atastīrthādhikaṃ tīrthaṃ pāvanaṃ sarvadā bhuvi

शुक्र ने भी चंद्रभागा के समीप तप किया; इसलिए यह तीर्थ पृथ्वी पर सदा अन्य तीर्थों से बढ़कर पवित्र है।

श्लोक 6 (padma.6.156.6)

कलौ गुप्तं तु ऋषिणा कारितं वै सुरेश्वरि । यत्र हेममयं लिगं दृश्यते नात्र संशयः

kalau guptaṃ tu ṛṣiṇā kāritaṃ vai sureśvari yatra hemamayaṃ ligaṃ dṛśyate nātra saṃśayaḥ

हे सुरेश्वरी! कलियुग में यह एक ऋषि द्वारा गुप्त कर दिया गया — जहाँ स्वर्णमय लिंग दिखाई देता है, इसमें संदेह नहीं।

श्लोक 7 (padma.6.156.7)

अत्र स्नात्वा च पीत्वा च कृत्वा वै शिवपूजनम् । ये नराः संगमिष्यंति धर्मानर्थांल्लभंति ते

atra snātvā ca pītvā ca kṛtvā vai śivapūjanam ye narāḥ saṃgamiṣyaṃti dharmānarthāṃllabhaṃti te

यहाँ स्नान करके, जल पीकर तथा शिव-पूजन करके, जो मनुष्य यहाँ एकत्रित होते हैं, वे धर्म और अर्थ प्राप्त करते हैं।

श्लोक 8 (padma.6.156.8)

वृषोत्सर्गादिकं कर्म ये कुर्वंति विशेषतः । भुक्त्वा स्वर्गपदं ते वै पश्चाद्यांति हरालयम्

vṛṣotsargādikaṃ karma ye kurvaṃti viśeṣataḥ bhuktvā svargapadaṃ te vai paścādyāṃti harālayam

जो विशेषतः वृषोत्सर्ग आदि कर्म करते हैं, वे स्वर्ग-पद भोगकर बाद में हर के धाम को जाते हैं।

श्लोक 9 (padma.6.156.9)

स्नानार्थे प्रत्यहं देवि चंद्रभागा समीपतः । आगमिष्यंति ये लोकास्ते ज्ञेयाः पुण्यभागिनः

snānārthe pratyahaṃ devi caṃdrabhāgā samīpataḥ āgamiṣyaṃti ye lokāste jñeyāḥ puṇyabhāginaḥ

हे देवी! जो लोग प्रतिदिन स्नान हेतु चंद्रभागा के समीप आते हैं, वे पुण्यभागी जानने चाहिए।

श्लोक 10 (padma.6.156.10)

गत्वा परतटे ये वै ह्यर्चयंति च तं शिवम् । चंद्रेश्वरेति नामानं श्रीहरं पापकृंतनम्

gatvā parataṭe ye vai hyarcayaṃti ca taṃ śivam caṃdreśvareti nāmānaṃ śrīharaṃ pāpakṛṃtanam

जो उस पार जाकर श्रीहर, पापनाशक चंद्रेश्वर नाम से उस शिव की पूजा करते हैं,

श्लोक 11 (padma.6.156.11)

अत्र गत्वा विशेषेण रुद्रजाप्यादिकं तथा । ये कुर्वंति नरश्रेष्ठास्ते ज्ञेयाः शिवरूपिणः

atra gatvā viśeṣeṇa rudrajāpyādikaṃ tathā ye kurvaṃti naraśreṣṭhāste jñeyāḥ śivarūpiṇaḥ

जो श्रेष्ठ मनुष्य विशेषतः यहाँ आकर रुद्र-जप आदि करते हैं, वे शिव-स्वरूप ही जानने चाहिए।

श्लोक 12 (padma.6.156.12)

सर्वदा तु सुरश्रेष्ठ यत्र स्नानं प्रकुर्वते । ते नरा विष्णुरूपाणि विज्ञेया नात्र संशयः

sarvadā tu suraśreṣṭha yatra snānaṃ prakurvate te narā viṣṇurūpāṇi vijñeyā nātra saṃśayaḥ

हे सुरश्रेष्ठ! जो सदा यहाँ स्नान करते हैं, वे मनुष्य विष्णु-स्वरूप ही जानने चाहिए, इसमें संदेह नहीं।

श्लोक 13 (padma.6.156.13)

येऽत्र श्राद्धं प्रकुर्वंति तिलपिंडेन वा पुनः । तेऽपि विष्णुपदं यांति पिंडदानप्रभावतः

ye'tra śrāddhaṃ prakurvaṃti tilapiṃḍena vā punaḥ te'pi viṣṇupadaṃ yāṃti piṃḍadānaprabhāvataḥ

जो यहाँ श्राद्ध करते हैं, या पुनः तिल-पिंड से, वे भी पिंडदान के प्रभाव से विष्णु-पद को प्राप्त होते हैं।

श्लोक 14 (padma.6.156.14)

अत्र दानं प्रकर्त्तव्यं स्नानं वै विधिपूर्वकम् । यत्र स्नात्वा तु मुच्यंते ब्रह्महत्यादिकिल्बिषात्

atra dānaṃ prakarttavyaṃ snānaṃ vai vidhipūrvakam yatra snātvā tu mucyaṃte brahmahatyādikilbiṣāt

यहाँ दान करना चाहिए, तथा विधिपूर्वक स्नान करना चाहिए — यहाँ स्नान करने से मनुष्य ब्रह्महत्या आदि पापों से मुक्त हो जाता है।

श्लोक 15 (padma.6.156.15)

तटेस्मिन्ये विशेषेण वटं चारोपयंति ते । मृताः शिवपदं यांति यावच्चंद्र दिवाकरौ

taṭesminye viśeṣeṇa vaṭaṃ cāropayaṃti te mṛtāḥ śivapadaṃ yāṃti yāvaccaṃdra divākarau

इस तट पर जो विशेषतः वट-वृक्ष लगाते हैं, वे मरणोपरांत जब तक चंद्र-सूर्य रहेंगे, तब तक शिव-पद को प्राप्त रहते हैं।