नृसिंहोत्पत्ति (नृसिंह व्रत)

श्लोक 1 (padma.6.174.1)

महादेव उवाच। शृणु देवि प्रवक्ष्यामि व्रतं त्रैलोक्यदुर्लभम् । यं श्रुत्वा मुच्यते लोको ब्रह्महत्यादिपातकात्

mahādeva uvāca śṛṇu devi pravakṣyāmi vrataṃ trailokyadurlabham yaṃ śrutvā mucyate loko brahmahatyādipātakāt

महादेव ने कहा — हे देवी! सुनो, मैं त्रैलोक्य में दुर्लभ एक व्रत बताऊँगा, जिसे सुनकर लोग ब्रह्महत्या आदि पापों से मुक्त हो जाते हैं।

श्लोक 2 (padma.6.174.2)

उत्पतिः स्वप्रकाशस्य भक्तानां सुखहेतवे । तिथिर्वापि समासो वै संजातः पुण्यकारकः

utpatiḥ svaprakāśasya bhaktānāṃ sukhahetave tithirvāpi samāso vai saṃjātaḥ puṇyakārakaḥ

स्वयंप्रकाश उन प्रभु का प्राकट्य, भक्तों के सुख हेतु, जिस तिथि पर हुआ, वह भी पुण्यकारी बन गई।

श्लोक 3 (padma.6.174.3)

यस्य नाम गृणन्देवि मुक्तिं लभति शाश्वतीम् । स एव परमात्मा च कारणानां च कारणम्

yasya nāma gṛṇandevi muktiṃ labhati śāśvatīm sa eva paramātmā ca kāraṇānāṃ ca kāraṇam

हे देवी! जिनका नाम लेने मात्र से शाश्वत मुक्ति प्राप्त होती है, वे ही परमात्मा तथा सभी कारणों के कारण हैं,

श्लोक 4 (padma.6.174.4)

विश्वात्मा विश्वरूपी च सर्वेषां भगवान्प्रभुः । द्वादशार्का धृता येन नृसिंहेन महात्मना । स एव प्रकटीजातो भक्तानां शमभीप्सया

viśvātmā viśvarūpī ca sarveṣāṃ bhagavānprabhuḥ dvādaśārkā dhṛtā yena nṛsiṃhena mahātmanā sa eva prakaṭījāto bhaktānāṃ śamabhīpsayā

विश्वात्मा, विश्वरूप, सबके स्वामी भगवान् — जिन महात्मा नृसिंह ने बारह सूर्यों को धारण किया, वे ही भक्तों की शांति की कामना से प्रकट हुए।

श्लोक 5 (padma.6.174.5)

पार्वत्युवाच। अवतारा ह्यसंख्याताः कथिताः सुरसत्तम । नृसिंहाख्यं परं धाम वद विश्वेश्वर प्रभो । येन विज्ञानमात्रेण सुख लोकमवाप्नुयात्

pārvatyuvāca avatārā hyasaṃkhyātāḥ kathitāḥ surasattama nṛsiṃhākhyaṃ paraṃ dhāma vada viśveśvara prabho yena vijñānamātreṇa sukha lokamavāpnuyāt

पार्वती ने कहा — हे सुरश्रेष्ठ! असंख्य अवतार आपने बताए हैं। हे विश्वेश्वर प्रभु! अब नृसिंह नामक उस परम धाम के विषय में बताइए, जिसे जानने मात्र से मनुष्य सुखी लोक को प्राप्त हो।

श्लोक 6 (padma.6.174.6)

महादेव उवाच। हिरण्यकशिपुं हत्वा देवदेवं जगद्गुरुम् । सुखासीनं तदुत्संगे स्थितो वचनमब्रवीत्

mahādeva uvāca hiraṇyakaśipuṃ hatvā devadevaṃ jagadgurum sukhāsīnaṃ tadutsaṃge sthito vacanamabravīt

महादेव ने कहा — हिरण्यकशिपु का वध कर, वे देवदेव जगद्गुरु सुखपूर्वक बैठे थे, तभी उनकी गोद में सुखासीन,

श्लोक 7 (padma.6.174.7)

प्रह्लादो ज्ञानिनां श्रेष्ठः पितॄहंतारमुत्तमम्

prahlādo jñānināṃ śreṣṭhaḥ pitṝhaṃtāramuttamam

ज्ञानियों में श्रेष्ठ प्रह्लाद ने उन उत्तम पिता-हंता से यह वचन कहा —

श्लोक 8 (padma.6.174.8)

प्रह्लाद उवाच। नमस्ते भगवन्विष्णो नृसिंहाद्भुतरूपिणे । त्वद्भक्तोहं सुरश्रेष्ठ त्वां पृच्छामि च तत्वतः

prahlāda uvāca namaste bhagavanviṣṇo nṛsiṃhādbhutarūpiṇe tvadbhaktohaṃ suraśreṣṭha tvāṃ pṛcchāmi ca tatvataḥ

प्रह्लाद ने कहा — "हे भगवन् विष्णो! अद्भुत नृसिंह-रूप धारक को नमस्कार है। हे सुरश्रेष्ठ! मैं आपका भक्त हूँ, और सत्य ही आपसे पूछता हूँ।

श्लोक 9 (padma.6.174.9)

स्वामिंस्त्वयि ममाभिन्ना भक्तिर्जाता ह्यनेकधा । कथं तेऽहं प्रियो जातः कारणं वद मे प्रभो

svāmiṃstvayi mamābhinnā bhaktirjātā hyanekadhā kathaṃ te'haṃ priyo jātaḥ kāraṇaṃ vada me prabho

हे स्वामिन्! आपके प्रति मेरी अभिन्न भक्ति अनेक प्रकार से उत्पन्न हुई है। मैं आपको कैसे प्रिय हुआ, हे प्रभु, इसका कारण बताइए।"

श्लोक 10 (padma.6.174.10)

नृसिंह उवाच। कथयामि महाप्राज्ञ शृणुष्वैकाग्रमानसः । भक्तेर्यत्कारणं वत्स प्रियत्वस्य च यत्पुनः

nṛsiṃha uvāca kathayāmi mahāprājña śṛṇuṣvaikāgramānasaḥ bhakteryatkāraṇaṃ vatsa priyatvasya ca yatpunaḥ

नृसिंह ने कहा — "हे महाप्राज्ञ! मैं कहता हूँ, एकाग्रचित्त होकर सुनो। तुम्हारी भक्ति तथा प्रियत्व का जो कारण है, हे वत्स,

श्लोक 11 (padma.6.174.11)

पुरा कस्य द्विजस्यापि जातस्त्वं नाप्यधीतवान् । नाम्ना तु वसुदेवो हि वेश्यायामति लंपटः

purā kasya dvijasyāpi jātastvaṃ nāpyadhītavān nāmnā tu vasudevo hi veśyāyāmati laṃpaṭaḥ

पूर्वकाल में तुम किसी ब्राह्मण के पुत्र के रूप में जन्मे थे, किंतु तुमने अध्ययन नहीं किया। तुम्हारा नाम वसुदेव था, अत्यंत लंपट, वेश्यागामी।

श्लोक 12 (padma.6.174.12)

तस्मिन्जन्मनि नैवं च चकार सुकृतं कियत् । भुक्त्वा मधु घृतं चैव वेश्यासंगमलालसः

tasminjanmani naivaṃ ca cakāra sukṛtaṃ kiyat bhuktvā madhu ghṛtaṃ caiva veśyāsaṃgamalālasaḥ

उस जन्म में तुमने कोई विशेष सुकृत नहीं किया। मधु और घृत का सेवन करते हुए, वेश्या-संगम में लालायित रहते थे।

श्लोक 13 (padma.6.174.13)

मद्व्रतस्य प्रभावेन भक्तिर्जाता तवानघ । प्रह्लादोवाच। विस्तराद्वद देवेश कस्य पुत्रस्य किं व्रतम्

madvratasya prabhāvena bhaktirjātā tavānagha prahlādovāca vistarādvada deveśa kasya putrasya kiṃ vratam

फिर भी, हे निष्पाप! मेरे व्रत के प्रभाव से तुम्हारे भीतर भक्ति उत्पन्न हुई।" प्रह्लाद ने कहा — "हे देवेश! विस्तार से बताइए, मैं किसका पुत्र था, और वह व्रत क्या था?

श्लोक 14 (padma.6.174.14)

वेश्यायां वर्तमानेन कथंचिद्धि कृतं मया । ममोपरि कृपां कृत्वा सर्वं कथय सांप्रतम्

veśyāyāṃ vartamānena kathaṃciddhi kṛtaṃ mayā mamopari kṛpāṃ kṛtvā sarvaṃ kathaya sāṃpratam

वेश्या के पास रहते हुए मैंने किसी प्रकार वह किया था। मुझ पर कृपा करके अब वह सब कहिए।"

श्लोक 15 (padma.6.174.15)

नृसिंह उवाच। सृष्ट्यर्थं तु पुरा ब्रह्मा चक्रे ह्येतदनुत्तमम् । मद्व्रतस्य प्रभावेन निर्मितं सचराचरम्

nṛsiṃha uvāca sṛṣṭyarthaṃ tu purā brahmā cakre hyetadanuttamam madvratasya prabhāvena nirmitaṃ sacarācaram

नृसिंह ने कहा — "सृष्टि के हेतु पूर्वकाल में ब्रह्मा ने यह अनुपम व्रत किया था। मेरे व्रत के प्रभाव से ही यह चराचर जगत् निर्मित हुआ।

श्लोक 16 (padma.6.174.16)

ईश्वरेण व्रतं चीर्णं वधार्थं त्रिपुरस्यच । व्रतस्यास्यप्रभावेन त्रिपुरस्तु निपातितः

īśvareṇa vrataṃ cīrṇaṃ vadhārthaṃ tripurasyaca vratasyāsyaprabhāvena tripurastu nipātitaḥ

ईश्वर (शिव) ने त्रिपुर-वध हेतु यह व्रत किया था। इसी व्रत के प्रभाव से त्रिपुर का नाश हुआ।

श्लोक 17 (padma.6.174.17)

अन्यैश्च बहुभिर्देवैरृषिभिश्च पुरातनैः । राजभिश्च महाप्राज्ञैर्विहितं व्रतमुत्तमम्

anyaiśca bahubhirdevairṛṣibhiśca purātanaiḥ rājabhiśca mahāprājñairvihitaṃ vratamuttamam

अन्य भी अनेक देवताओं, पुरातन ऋषियों तथा महाप्राज्ञ राजाओं द्वारा यह उत्तम व्रत किया गया।

श्लोक 18 (padma.6.174.18)

व्रतस्यास्य प्रभावेन सर्वे सिद्धिमवाप्नुयुः । मम ते वै प्रिया जाता दिवि भोगाननेकशः

vratasyāsya prabhāvena sarve siddhimavāpnuyuḥ mama te vai priyā jātā divi bhogānanekaśaḥ

इस व्रत के प्रभाव से वे सब सिद्धि को प्राप्त हुए। वे सब मुझे प्रिय हुए, स्वर्ग में अनेक भोगों को भोगकर,

श्लोक 19 (padma.6.174.19)

भुक्त्वा मयि विलीनास्तु प्रह्लाद त्वं विशस्व माम् । कार्यार्थमवतारस्ते मच्छरीरत्पृथग्यतः

bhuktvā mayi vilīnāstu prahlāda tvaṃ viśasva mām kāryārthamavatāraste maccharīratpṛthagyataḥ

वे मुझमें विलीन हो गए। हे प्रह्लाद! तुम भी मुझमें प्रवेश करोगे। तुम्हारा अवतार किसी कार्य-हेतु मेरे शरीर से अलग हुआ था।

श्लोक 20 (padma.6.174.20)

न तेषां पुनरावृत्तिर्महाकल्पशतैरपि । दरिद्रो लभते लक्ष्मीं धनदस्य च यादृशी

na teṣāṃ punarāvṛttirmahākalpaśatairapi daridro labhate lakṣmīṃ dhanadasya ca yādṛśī

उनका पुनः जन्म सैकड़ों महाकल्पों में भी नहीं होता। दरिद्र मनुष्य कुबेर के समान लक्ष्मी प्राप्त करता है।

श्लोक 21 (padma.6.174.21)

ततः कामी लभेत्कामं राज्यार्थी राज्यमुत्तमम् । आयुष्कामो लभेदायुर्यादृशं च शिवस्य हि

tataḥ kāmī labhetkāmaṃ rājyārthī rājyamuttamam āyuṣkāmo labhedāyuryādṛśaṃ ca śivasya hi

कामी अपनी कामना, राज्य चाहने वाला उत्तम राज्य, और आयु चाहने वाला शिव के समान आयु प्राप्त करता है।

श्लोक 22 (padma.6.174.22)

अवैधव्यकरं स्त्रीणां पुत्रदं भाग्यदं तथा । धनधान्यकरं चैव तथाशोकविनाशनम्

avaidhavyakaraṃ strīṇāṃ putradaṃ bhāgyadaṃ tathā dhanadhānyakaraṃ caiva tathāśokavināśanam

यह व्रत स्त्रियों को अवैधव्य, पुत्र, भाग्य, धन-धान्य तथा शोक-नाश प्रदान करता है।

श्लोक 23 (padma.6.174.23)

स्त्रियो वा पुरुषा वापि कुर्वंति व्रतमुत्तमम् । तेभ्यो ददाम्यहं सौख्यं भुक्ति मुक्ति फलं तथा

striyo vā puruṣā vāpi kurvaṃti vratamuttamam tebhyo dadāmyahaṃ saukhyaṃ bhukti mukti phalaṃ tathā

स्त्री हो या पुरुष, जो यह उत्तम व्रत करते हैं, उन्हें मैं सुख, भुक्ति और मुक्ति दोनों फल प्रदान करता हूँ।

श्लोक 24 (padma.6.174.24)

बहुनोक्तेन किं वत्स व्रतस्यास्य फलस्य हि । मद्व्रतस्य फलं वक्तुं नाहं शक्तो न शंकरः

bahunoktena kiṃ vatsa vratasyāsya phalasya hi madvratasya phalaṃ vaktuṃ nāhaṃ śakto na śaṃkaraḥ

हे वत्स! अधिक कहने से क्या लाभ? इस व्रत के फल को न मैं और न शंकर पूर्ण रूप से कह सकते हैं।"

श्लोक 25 (padma.6.174.25)

प्रह्लाद उवाच। भगवंस्त्वत्प्रसादेन श्रुतं व्रतमनुत्तमम् । व्रतस्यास्य फलं श्रोतुं त्वयि मे भक्ति कारणम्

prahlāda uvāca bhagavaṃstvatprasādena śrutaṃ vratamanuttamam vratasyāsya phalaṃ śrotuṃ tvayi me bhakti kāraṇam

प्रह्लाद ने कहा — "हे भगवन्! आपकी कृपा से यह अनुपम व्रत सुना। इस व्रत का फल सुनना ही मेरी आपके प्रति भक्ति का कारण है।

श्लोक 26 (padma.6.174.26)

अधुना श्रोतुमिच्छामि व्रतस्यास्य विधिं परम् । कस्मिन्मासे भवेदेव कस्मिंश्चिद्वासरे प्रभो

adhunā śrotumicchāmi vratasyāsya vidhiṃ param kasminmāse bhavedeva kasmiṃścidvāsare prabho

अब मैं इस व्रत की परम विधि सुनना चाहता हूँ — किस मास में, किस दिन यह किया जाना चाहिए, हे प्रभु?

श्लोक 27 (padma.6.174.27)

एतद्विस्तरतो देव वक्तुमर्हसि सांप्रतम् । विधिना येन वै स्वामिन्समग्रफलभाग्भवेत्

etadvistarato deva vaktumarhasi sāṃpratam vidhinā yena vai svāminsamagraphalabhāgbhavet

हे देव! यह विस्तार से बताइए, जिस विधि से, हे स्वामिन्, संपूर्ण फल प्राप्त हो सके।"

श्लोक 28 (padma.6.174.28)

नृसिंह उवाच। प्रह्लाद वत्स भद्रं ते शृणुष्वैकमना व्रतम् । वैशाखेसित पक्षे तु चतुर्दश्यां समाचरेत्

nṛsiṃha uvāca prahlāda vatsa bhadraṃ te śṛṇuṣvaikamanā vratam vaiśākhesita pakṣe tu caturdaśyāṃ samācaret

नृसिंह ने कहा — "हे प्रह्लाद वत्स! तुम्हारा कल्याण हो। एकाग्रचित्त होकर व्रत सुनो। वैशाख कृष्ण पक्ष की चतुर्दशी को यह करना चाहिए —

श्लोक 29 (padma.6.174.29)

ममाविर्भावसंयुक्तं मम संतुष्टिकारणम् । शृणु पुत्र ममोत्पत्तिं भक्तानां सुखहेतवे

mamāvirbhāvasaṃyuktaṃ mama saṃtuṣṭikāraṇam śṛṇu putra mamotpattiṃ bhaktānāṃ sukhahetave

जो मेरे प्राकट्य से युक्त, मेरी संतुष्टि का कारण है। हे पुत्र! भक्तों के सुख-हेतु मेरी उत्पत्ति सुनो।

श्लोक 30 (padma.6.174.30)

पश्चिमायां दिशायां च संजातं कारणांतरात् । मौलिस्तानमिदं क्षेत्रं पवित्रं पापनाशनम्

paścimāyāṃ diśāyāṃ ca saṃjātaṃ kāraṇāṃtarāt maulistānamidaṃ kṣetraṃ pavitraṃ pāpanāśanam

पश्चिम दिशा में, एक विशेष कारण से उत्पन्न, यह मौलिस्तान नामक पवित्र, पापनाशक क्षेत्र है।

श्लोक 31 (padma.6.174.31)

तस्मिन्क्षेत्रे तु विख्यातो ब्राह्मणो वेदपारगः । हारीत इति नाम्ना च ज्ञानध्यानपरायणः

tasminkṣetre tu vikhyāto brāhmaṇo vedapāragaḥ hārīta iti nāmnā ca jñānadhyānaparāyaṇaḥ

उस क्षेत्र में हारीत नामक एक विख्यात, वेदपारंगत, ज्ञान-ध्यान-परायण ब्राह्मण रहते थे।

श्लोक 32 (padma.6.174.32)

तस्य स्त्री तु महापुण्या सतीरूपा सदा प्रभो । लीलावती तु नाम्ना च भर्तुर्वशपरा सदा

tasya strī tu mahāpuṇyā satīrūpā sadā prabho līlāvatī tu nāmnā ca bharturvaśaparā sadā

हे प्रभु! उनकी पत्नी अत्यंत पुण्यशालिनी, सती-स्वरूपा, सदा पति-वशवर्तिनी, लीलावती नामक थी।

श्लोक 33 (padma.6.174.33)

ताभ्यां तपो महत्तप्तं कालं बहुतरं सुत । एकविंशयुगाश्चैव यातास्तत्र न संशयः । तस्मिन्क्षेत्रे तु वै ताभ्यां प्रत्यक्षो वाभवत्तदा

tābhyāṃ tapo mahattaptaṃ kālaṃ bahutaraṃ suta ekaviṃśayugāścaiva yātāstatra na saṃśayaḥ tasminkṣetre tu vai tābhyāṃ pratyakṣo vābhavattadā

हे पुत्र! उन दोनों ने बहुत लंबे समय तक महान तप किया — इक्कीस युग वहाँ बीत गए, इसमें संदेह नहीं। उस क्षेत्र में उन्हें मैं तब प्रत्यक्ष प्रकट हुआ।

श्लोक 34 (padma.6.174.34)

नृसिंह उवाच। यं यं वांछयसे ब्रह्मंस्तं ददामि न संशयः । ताभ्यामुक्तं तदा तस्मै दीयते चेद्वरो मम

nṛsiṃha uvāca yaṃ yaṃ vāṃchayase brahmaṃstaṃ dadāmi na saṃśayaḥ tābhyāmuktaṃ tadā tasmai dīyate cedvaro mama

नृसिंह ने कहा — 'हे ब्रह्मन्! तुम जो-जो चाहो, वह मैं दूँगा, इसमें संदेह नहीं।' उन दोनों ने तब यदि वर दिया जाना हो, तो कहा —

श्लोक 35 (padma.6.174.35)

त्वादृशो मम पुत्रस्तु ह्यधुनैव भवत्विति । मयोक्तं तु तदा वत्स पुत्रोऽहं ते न संशयः

tvādṛśo mama putrastu hyadhunaiva bhavatviti mayoktaṃ tu tadā vatsa putro'haṃ te na saṃśayaḥ

'तुम्हारे समान पुत्र अभी ही मेरा हो जाए।' मैंने तब कहा, हे वत्स, 'मैं ही तुम्हारा पुत्र हूँ, इसमें संदेह नहीं।

श्लोक 36 (padma.6.174.36)

विश्वकर्मा ह्यहं साक्षात्परमात्मा परात्परः । उदरेऽहं न वत्स्यामि यतोऽहं वै सनातनः

viśvakarmā hyahaṃ sākṣātparamātmā parātparaḥ udare'haṃ na vatsyāmi yato'haṃ vai sanātanaḥ

मैं साक्षात् विश्वकर्मा, परमात्मा, परात्पर हूँ। मैं गर्भ में नहीं रहूँगा, क्योंकि मैं सनातन हूँ।'

श्लोक 37 (padma.6.174.37)

हारीतेन तदा चोक्तं भवत्वेवं न संशयः । तदाप्रभृति वै क्षेत्रे स्थितोऽहं भक्तकारणात्

hārītena tadā coktaṃ bhavatvevaṃ na saṃśayaḥ tadāprabhṛti vai kṣetre sthito'haṃ bhaktakāraṇāt

तब हारीत ने कहा — 'ऐसा ही हो, इसमें संदेह नहीं।' तभी से मैं भक्तों के हेतु उस क्षेत्र में स्थित हूँ।

श्लोक 38 (padma.6.174.38)

अत्रागत्य प्रकुर्वीत दर्शनं भक्तसत्तमः । तस्याहं सकलां बाधां नाशयामि निरंतरम्

atrāgatya prakurvīta darśanaṃ bhaktasattamaḥ tasyāhaṃ sakalāṃ bādhāṃ nāśayāmi niraṃtaram

यहाँ आकर जो श्रेष्ठ भक्त दर्शन करता है, उसकी समस्त बाधाओं को मैं निरंतर नष्ट करता हूँ।

श्लोक 39 (padma.6.174.39)

एतस्मात्कारणाच्चैव व्रतं वै विधिपूर्वकम् । ये कुर्वंति नरश्रेष्ठा न तेषां विद्यते भयम्

etasmātkāraṇāccaiva vrataṃ vai vidhipūrvakam ye kurvaṃti naraśreṣṭhā na teṣāṃ vidyate bhayam

इसी कारण से जो श्रेष्ठ पुरुष विधिपूर्वक यह व्रत करते हैं, उन्हें कोई भय नहीं होता।

श्लोक 40 (padma.6.174.40)

बालरूपमयं ध्यात्वा ताभ्यां सह विशेषतः । पूजनं कुरुते रात्रौ स वै नारायणो भवेत्

bālarūpamayaṃ dhyātvā tābhyāṃ saha viśeṣataḥ pūjanaṃ kurute rātrau sa vai nārāyaṇo bhavet

इस बाल-रूप का ध्यान करके, उन दोनों (हारीत-लीलावती) के साथ विशेष रूप से जो रात्रि में पूजा करता है, वह साक्षात् नारायण हो जाता है।

श्लोक 41 (padma.6.174.41)

चतुर्भुजं महादंष्ट्रं कालरूपं दुरासदम् । सूर्यकोटिप्रतीकाशं यमकोटिदुरासदम् । सिंहवच्च मुखं यस्य नरवच्चांगसंयुतम्

caturbhujaṃ mahādaṃṣṭraṃ kālarūpaṃ durāsadam sūryakoṭipratīkāśaṃ yamakoṭidurāsadam siṃhavacca mukhaṃ yasya naravaccāṃgasaṃyutam

चार भुजाओं वाले, महादंष्ट्रधारी, अजेय काल-स्वरूप, करोड़ों सूर्यों के समान तेजस्वी, करोड़ों यमों के लिए भी अजेय, सिंह के समान मुख वाले, मनुष्य के समान अंगों वाले,

श्लोक 42 (padma.6.174.42)

श्रीनृसिंहं दिव्यसिंहं कालरूपं भजेत्सदा । एवं ज्ञात्वा विशेषेण यः स्थानं मामकं व्रजेत्

śrīnṛsiṃhaṃ divyasiṃhaṃ kālarūpaṃ bhajetsadā evaṃ jñātvā viśeṣeṇa yaḥ sthānaṃ māmakaṃ vrajet

उस दिव्य सिंह, काल-स्वरूप श्रीनृसिंह का सदा भजन करना चाहिए। यह जानकर जो विशेष रूप से मेरे इस स्थान पर जाता है,

श्लोक 43 (padma.6.174.43)

व्रतं पवित्रं परमं श्रीकदंब प्रदं महत् । अंते मुक्तिप्रदं चैव भक्तानां च न संशयः

vrataṃ pavitraṃ paramaṃ śrīkadaṃba pradaṃ mahat aṃte muktipradaṃ caiva bhaktānāṃ ca na saṃśayaḥ

यह परम पवित्र व्रत, श्री-समूह का महान दाता, भक्तों को अंत में मुक्ति भी प्रदान करता है, इसमें संदेह नहीं।

श्लोक 44 (padma.6.174.44)

येन वै क्रियमाणेन सहस्रद्वादशी फलम् । स्वाती नक्षत्र संयोगे शनिवारे तु मद्व्रतम्

yena vai kriyamāṇena sahasradvādaśī phalam svātī nakṣatra saṃyoge śanivāre tu madvratam

जिसके करने मात्र से सहस्र द्वादशी-व्रतों का फल मिलता है — स्वाति नक्षत्र के संयोग में, शनिवार को, मेरा यह व्रत,

श्लोक 45 (padma.6.174.45)

सिद्धियोगस्य संयोगे वणिजे करणे तथा । योगैः सर्वैश्च संयोगं हत्याकोटि विनाशनम्

siddhiyogasya saṃyoge vaṇije karaṇe tathā yogaiḥ sarvaiśca saṃyogaṃ hatyākoṭi vināśanam

सिद्धियोग के संयोग में, वणिज करण में, तथा सभी योगों के संयोग में, करोड़ों हत्याओं का नाश करने वाला है।

श्लोक 46 (padma.6.174.46)

एतदन्यतरैर्योगे मद्दिनं पापनाशनम् । विज्ञाय मद्दिनं यस्तु लंघयेत्स तु पापकृत्

etadanyatarairyoge maddinaṃ pāpanāśanam vijñāya maddinaṃ yastu laṃghayetsa tu pāpakṛt

इनमें से किसी भी योग में मेरा दिन पापनाशक है। जो मेरे दिन को जानकर उसका उल्लंघन करता है, वह पापकर्ता है।

श्लोक 47 (padma.6.174.47)

अकर्त्ता नरकं याति यावच्चंद्र दिवाकरौ । प्राप्ते मम दिने वत्स दंतधावनपूर्वकम्

akarttā narakaṃ yāti yāvaccaṃdra divākarau prāpte mama dine vatsa daṃtadhāvanapūrvakam

जो नहीं करता, वह जब तक चंद्र-सूर्य रहेंगे, तब तक नरक में जाता है। हे वत्स! मेरे दिन के आने पर दंतधावन-पूर्वक,

श्लोक 48 (padma.6.174.48)

ममाग्रे व्रतसंकल्पं मद्भक्तो विजितेंद्रियः । अद्याहं ते विधास्यामि व्रतं निर्विघ्नतां नय

mamāgre vratasaṃkalpaṃ madbhakto vijiteṃdriyaḥ adyāhaṃ te vidhāsyāmi vrataṃ nirvighnatāṃ naya

विजितेंद्रिय मेरा भक्त मेरे सामने व्रत का संकल्प करे — 'आज मैं तुम्हारे लिए यह करूँगा, इसे विघ्नरहित करो।'

श्लोक 49 (padma.6.174.49)

व्रतस्थेन न कर्त्तव्यं दुष्टसंभाषणादिकम् । ततो मध्याह्नसमये नद्यादौ विमले जले

vratasthena na karttavyaṃ duṣṭasaṃbhāṣaṇādikam tato madhyāhnasamaye nadyādau vimale jale

व्रतस्थ को दुष्ट-वार्तालाप आदि नहीं करना चाहिए। फिर मध्याह्न के समय, नदी आदि के निर्मल जल में,

श्लोक 50 (padma.6.174.50)

गृहे वा देवखाते वा तडागे वाथ शोभने । वैदिकेन तु मंत्रेण स्नानं कुर्याद्विचक्षणः

gṛhe vā devakhāte vā taḍāge vātha śobhane vaidikena tu maṃtreṇa snānaṃ kuryādvicakṣaṇaḥ

या घर में, या देव-कुंड में, या सुंदर तालाब में, वैदिक मंत्र से विचक्षण व्यक्ति स्नान करे।

श्लोक 51 (padma.6.174.51)

मृत्तिका गोमयेनैव तथा धात्रीफलेन च । तिलैश्च विधिवत्स्नायात्सर्वपापौघ शांतये

mṛttikā gomayenaiva tathā dhātrīphalena ca tilaiśca vidhivatsnāyātsarvapāpaugha śāṃtaye

मिट्टी, गोबर, आँवले तथा तिल से विधिपूर्वक स्नान करे, सभी पापों की राशि को शांत करने हेतु।

श्लोक 52 (padma.6.174.52)

परिधाय शुभे वस्त्रे नित्यकर्म समारभेत् । ततो गृहं विलिप्याथ कुर्यादष्टदलं शुभम्

paridhāya śubhe vastre nityakarma samārabhet tato gṛhaṃ vilipyātha kuryādaṣṭadalaṃ śubham

शुभ वस्त्र पहनकर नित्यकर्म आरंभ करे। फिर घर को लीपकर एक शुभ अष्टदल (कमल-आकृति) बनाए।

श्लोक 53 (padma.6.174.53)

कलशं तत्र संस्थाप्य ताम्रंत्रसमन्वितम् । तस्योपरि न्यसेत्पात्रं तंडुलैः परिपूरितम्

kalaśaṃ tatra saṃsthāpya tāmraṃtrasamanvitam tasyopari nyasetpātraṃ taṃḍulaiḥ paripūritam

वहाँ धागे से युक्त तांबे का कलश स्थापित करे। उसके ऊपर चावल से भरा पात्र रखे।

श्लोक 54 (padma.6.174.54)

हैमीं च तत्र मन्मूर्ति स्थाप्य लक्ष्म्या समन्विताम् । निर्माय शक्त्या स्वर्णेन स्नाप्य पंचामृतैस्ततः

haimīṃ ca tatra manmūrti sthāpya lakṣmyā samanvitām nirmāya śaktyā svarṇena snāpya paṃcāmṛtaistataḥ

वहाँ लक्ष्मी सहित मेरी स्वर्णमयी मूर्ति स्थापित करे, अपनी शक्ति के अनुसार स्वर्ण से बनाकर, फिर पंचामृत से स्नान कराए।

श्लोक 55 (padma.6.174.55)

ततो ब्राह्मणमाहूय आचार्यं नातिलोलुपम् । शास्त्रज्ञमग्रतः कृत्वा ततो देवं समर्चयेत्

tato brāhmaṇamāhūya ācāryaṃ nātilolupam śāstrajñamagrataḥ kṛtvā tato devaṃ samarcayet

फिर लोभरहित, शास्त्रज्ञ ब्राह्मण आचार्य को आगे बुलाकर देव की पूजा करे।

श्लोक 56 (padma.6.174.56)

मंडपं कारयेत्तत्र पुष्पस्तबक शोभितम् । ऋतुकालोद्भवैः पुष्पैः पूज्योऽहं च यथाविधि

maṃḍapaṃ kārayettatra puṣpastabaka śobhitam ṛtukālodbhavaiḥ puṣpaiḥ pūjyo'haṃ ca yathāvidhi

वहाँ पुष्प-गुच्छों से सुशोभित मंडप बनवाए। ऋतुकालोत्पन्न पुष्पों से यथाविधि मेरी पूजा करनी चाहिए।

श्लोक 57 (padma.6.174.57)

उपचारैः षोडशभिर्मंत्रैर्नियमैश्च यः । ततः पौराणिकैर्मंत्रैः पूजनीयो विशेषतः

upacāraiḥ ṣoḍaśabhirmaṃtrairniyamaiśca yaḥ tataḥ paurāṇikairmaṃtraiḥ pūjanīyo viśeṣataḥ

सोलह उपचारों, मंत्रों तथा नियमों से, फिर पौराणिक मंत्रों से विशेष रूप से पूजा करनी चाहिए।

श्लोक 58 (padma.6.174.58)

चंदनं च सकर्पूरं घनकुंकुममिश्रितम् । कालोद्भवानि पुष्पाणि तथा तुलसीदलानि च

caṃdanaṃ ca sakarpūraṃ ghanakuṃkumamiśritam kālodbhavāni puṣpāṇi tathā tulasīdalāni ca

चंदन, कर्पूर तथा गाढ़े कुंकुम से मिश्रित, ऋतु-उत्पन्न पुष्प तथा तुलसीदल —

श्लोक 59 (padma.6.174.59)

श्रीनृसिंहाय यो दद्यात्स मुक्तो नात्र संशयः । कृष्णागुरुमयं धूपं सर्वदा हरिवल्लभम्

śrīnṛsiṃhāya yo dadyātsa mukto nātra saṃśayaḥ kṛṣṇāgurumayaṃ dhūpaṃ sarvadā harivallabham

जो श्रीनृसिंह को अर्पित करता है, वह निश्चय ही मुक्त हो जाता है। कृष्णागुरु का धूप, जो सदा हरि को प्रिय है,

श्लोक 60 (padma.6.174.60)

हरये गुरवे दद्यात्सर्वकामार्थसिद्धये । महादीपः प्रकर्त्तव्यो ह्यज्ञानध्वांत नाशनः । महानीराजनं कुर्याद्घंटानाद पुरःसरम्

haraye gurave dadyātsarvakāmārthasiddhaye mahādīpaḥ prakarttavyo hyajñānadhvāṃta nāśanaḥ mahānīrājanaṃ kuryādghaṃṭānāda puraḥsaram

हरि गुरु को अर्पित करना चाहिए, सभी कामनाओं की सिद्धि हेतु। अज्ञान का अंधकार नष्ट करने वाला महादीप जलाना चाहिए; घंटा-ध्वनि के साथ महा-आरती करनी चाहिए।

श्लोक 61 (padma.6.174.61)

नैवेद्यं शर्करां चापि भक्ष्यभौज्यसमन्वितम् । ददामि ते रमाकांत सर्वपापक्षयं कुरु

naivedyaṃ śarkarāṃ cāpi bhakṣyabhaujyasamanvitam dadāmi te ramākāṃta sarvapāpakṣayaṃ kuru

शक्कर सहित नैवेद्य, खाद्य-भोज्य सहित अर्पित कर कहे — "हे रमाकांत! यह मैं तुम्हें देता हूँ, मेरे सभी पापों का नाश करो।"

श्लोक 62 (padma.6.174.62)

नैवेद्य मंत्र। नृसिंहाच्युत देवेश तव जन्मदिने शुभे । उपवासं करिष्यामि सर्वभोगविवर्जितः

naivedya maṃtra nṛsiṃhācyuta deveśa tava janmadine śubhe upavāsaṃ kariṣyāmi sarvabhogavivarjitaḥ

(नैवेद्य-मंत्र): "हे नृसिंह! हे अच्युत! हे देवेश! तुम्हारे शुभ जन्मदिन पर मैं सभी भोगों से रहित होकर उपवास करूँगा।

श्लोक 63 (padma.6.174.63)

तेन प्रीतो भव स्वामिन्पापं जन्म निराकुरु । रात्रौ जागरणं कार्यं गीतवादित्र निःस्वनैः

tena prīto bhava svāminpāpaṃ janma nirākuru rātrau jāgaraṇaṃ kāryaṃ gītavāditra niḥsvanaiḥ

इससे प्रसन्न होइए, हे स्वामिन्! मेरे जन्म के पाप को दूर कीजिए।" रात्रि में गीत-वाद्य-ध्वनि के साथ जागरण करना चाहिए,

श्लोक 64 (padma.6.174.64)

पुराणपठनं नित्यं श्रीनृसिंकथाश्रयम् । ततः प्रभातसमये स्नानं कृत्वा ह्यनंतरम्

purāṇapaṭhanaṃ nityaṃ śrīnṛsiṃkathāśrayam tataḥ prabhātasamaye snānaṃ kṛtvā hyanaṃtaram

नित्य श्रीनृसिंह-कथा-आधारित पुराण का पाठ करना चाहिए। फिर प्रातःकाल स्नान करके,

श्लोक 65 (padma.6.174.65)

पूर्वोक्तेन विधानेन पूजयेन्मां प्रतर्पयन् । वैष्णवं कारयेच्छ्राद्धं मदग्रे स्वस्थमानसः

pūrvoktena vidhānena pūjayenmāṃ pratarpayan vaiṣṇavaṃ kārayecchrāddhaṃ madagre svasthamānasaḥ

पूर्वोक्त विधि से मेरी तर्पण-सहित पूजा करे। मेरे सामने स्वस्थचित्त होकर वैष्णव श्राद्ध कराए।

श्लोक 66 (padma.6.174.66)

ततो दानानि देयानि वक्ष्यमाणानि यान्युत । पात्रेभ्यः स द्विजेभ्यो हि लोकद्वय जिगीषया

tato dānāni deyāni vakṣyamāṇāni yānyuta pātrebhyaḥ sa dvijebhyo hi lokadvaya jigīṣayā

फिर आगे बताए जाने वाले दान योग्य द्विज पात्रों को दोनों लोकों की विजय की कामना से देने चाहिए।

श्लोक 67 (padma.6.174.67)

सहस्वर्णमयो देवो मम संतोषकारकः । गोभूतिलहिरण्यादि प्रददाति द्विजातये

sahasvarṇamayo devo mama saṃtoṣakārakaḥ gobhūtilahiraṇyādi pradadāti dvijātaye

स्वर्णमयी देव-प्रतिमा, जो मुझे संतुष्ट करने वाली है, तथा गौ, भूमि, तिल, स्वर्ण आदि द्विज को देना चाहिए।

श्लोक 68 (padma.6.174.68)

शय्या सतूलिका देया सप्तधान्यसमन्विता । अन्यानि च यथाशक्त्या देयानि निजशक्तितः

śayyā satūlikā deyā saptadhānyasamanvitā anyāni ca yathāśaktyā deyāni nijaśaktitaḥ

सात धान्यों सहित तूलिका-युक्त शय्या देनी चाहिए। अन्य वस्तुएँ भी यथाशक्ति अपनी सामर्थ्य के अनुसार देनी चाहिए।

श्लोक 69 (padma.6.174.69)

वित्तशाठ्यं न कुर्वीत यथोक्तफलकांक्षया । ब्राह्मणान्भोजयेत्पश्चात्तेभ्यो दद्यात्सुदक्षिणाम्

vittaśāṭhyaṃ na kurvīta yathoktaphalakāṃkṣayā brāhmaṇānbhojayetpaścāttebhyo dadyātsudakṣiṇām

यथोक्त फल की कामना से धन में कृपणता नहीं करनी चाहिए। फिर ब्राह्मणों को भोजन कराकर उन्हें उत्तम दक्षिणा देनी चाहिए।

श्लोक 70 (padma.6.174.70)

निर्धनैरपि कर्त्तव्यं देयं शक्त्यनुसारतः । सर्वेषामेव वर्णानामधिकारोऽस्ति मद्व्रते । मद्भक्तैस्तु विशेषेण कर्त्तव्यं मत्परायणैः

nirdhanairapi karttavyaṃ deyaṃ śaktyanusārataḥ sarveṣāmeva varṇānāmadhikāro'sti madvrate madbhaktaistu viśeṣeṇa karttavyaṃ matparāyaṇaiḥ

निर्धनों को भी अपनी शक्ति के अनुसार दान करना चाहिए। इस व्रत में सभी वर्णों का अधिकार है; किंतु मेरे परायण भक्तों द्वारा विशेष रूप से यह करना चाहिए।

श्लोक 71 (padma.6.174.71)

ततः प्रार्थना मंत्रः । मद्वंशे येन राजा ता ये भविष्याश्च मानवाः । तानुद्धरस्व देवेश दुःखदाद्भवसागरात्

tataḥ prārthanā maṃtraḥ madvaṃśe yena rājā tā ye bhaviṣyāśca mānavāḥ tānuddharasva deveśa duḥkhadādbhavasāgarāt

फिर प्रार्थना-मंत्र — "मेरे वंश में जो राजा हुए हैं तथा जो भविष्य में मनुष्य होंगे, हे देवेश! उन्हें इस दुःखदायी संसार-सागर से उद्धार कीजिए।

श्लोक 72 (padma.6.174.72)

पातकार्णवमग्नस्य व्याधिभिश्चांबुचारिभिः । जीवैस्तु परिभूतस्य महादुःखगतस्य मे

pātakārṇavamagnasya vyādhibhiścāṃbucāribhiḥ jīvaistu paribhūtasya mahāduḥkhagatasya me

पाप-सागर में डूबे हुए, जल-चर व्याधियों से पीड़ित, जीवों द्वारा तिरस्कृत, महादुःख को प्राप्त मुझ पर,

श्लोक 73 (padma.6.174.73)

करावलंबनं देहि शेषशायी जगत्पते । व्रतेनानेन देवेश भुक्तिमुक्तिप्रदो भव

karāvalaṃbanaṃ dehi śeṣaśāyī jagatpate vratenānena deveśa bhuktimuktiprado bhava

हे शेषशायी, हे जगत्पते! अपने हाथ का सहारा दीजिए। इस व्रत से, हे देवेश, भुक्ति और मुक्ति दोनों प्रदान करने वाले बनिए।"

श्लोक 74 (padma.6.174.74)

एवं प्रार्थ्य ततो देवं विसृज्य च यथाविधि । उपहारादिकं सर्वे आचार्याय निवेदयेत्

evaṃ prārthya tato devaṃ visṛjya ca yathāvidhi upahārādikaṃ sarve ācāryāya nivedayet

इस प्रकार प्रार्थना करके, विधिपूर्वक देव को विसर्जित कर, सभी उपहार आदि आचार्य को अर्पित करने चाहिए।

श्लोक 75 (padma.6.174.75)

दक्षिणाभिश्च संतोष्या ब्राह्मणांश्च विसर्जयेत् । मम ध्यान समायुक्तो भुंजीत सह बंधुभिः

dakṣiṇābhiśca saṃtoṣyā brāhmaṇāṃśca visarjayet mama dhyāna samāyukto bhuṃjīta saha baṃdhubhiḥ

दक्षिणाओं से संतुष्ट कर ब्राह्मणों को विदा करना चाहिए। मेरे ध्यान से युक्त होकर बंधुओं सहित भोजन करना चाहिए।

श्लोक 76 (padma.6.174.76)

अकिंचनोपि नियतमुपोष्यति चतुर्दशीम् । सप्त जन्म कृतात्पापान्मुच्यते नात्र संशयः

akiṃcanopi niyatamupoṣyati caturdaśīm sapta janma kṛtātpāpānmucyate nātra saṃśayaḥ

निर्धन व्यक्ति भी नियमपूर्वक चतुर्दशी का उपवास करके सात जन्मों के पापों से मुक्त हो जाता है, इसमें संदेह नहीं।

श्लोक 77 (padma.6.174.77)

य इदं शृणुयाद्भक्त्या व्रतं पापप्रणाशनम् । तस्य श्रवणमात्रेण ब्रह्महत्यां व्यपोहति

ya idaṃ śṛṇuyādbhaktyā vrataṃ pāpapraṇāśanam tasya śravaṇamātreṇa brahmahatyāṃ vyapohati

जो कोई भक्तिपूर्वक इस पापनाशक व्रत को सुनता है, उसके श्रवण मात्र से ब्रह्महत्या भी दूर हो जाती है।

श्लोक 78 (padma.6.174.78)

पवित्रं परमं गुह्यं कीर्तयेद्यस्तु मानवः । सर्वकामानवाप्नोति व्रतस्यास्य फलं सदा

pavitraṃ paramaṃ guhyaṃ kīrtayedyastu mānavaḥ sarvakāmānavāpnoti vratasyāsya phalaṃ sadā

जो मनुष्य इस परम पवित्र, गुह्य कथा का कीर्तन करता है, वह इस व्रत के फल से सदा सभी कामनाएँ प्राप्त करता है।

श्लोक 79 (padma.6.174.79)

य इदं कुरुते शक्त्या काले मध्याह्न संज्ञके । लीलावत्या सह ऋषिं श्रीनृसिंह प्रसादतः

ya idaṃ kurute śaktyā kāle madhyāhna saṃjñake līlāvatyā saha ṛṣiṃ śrīnṛsiṃha prasādataḥ

जो यह व्रत मध्याह्न-काल में शक्तिपूर्वक करता है, लीलावती सहित ऋषि हारीत की पूजा श्रीनृसिंह की कृपा से,

श्लोक 80 (padma.6.174.80)

पूजयेत्परया भक्त्या मुक्तिं प्राप्नोति शाश्वतीम् । तस्मिन्क्षेत्रे तु यो गत्वा श्रीनृसिंहं प्रपूजयेत्

pūjayetparayā bhaktyā muktiṃ prāpnoti śāśvatīm tasminkṣetre tu yo gatvā śrīnṛsiṃhaṃ prapūjayet

परम भक्ति से करके शाश्वत मुक्ति प्राप्त करता है। जो उस क्षेत्र में जाकर श्रीनृसिंह की पूजा करता है,

श्लोक 81 (padma.6.174.81)

वांच्छितं लभते नित्यं श्रीनृसिंह प्रसादतः । श्रीनृसिंह महद्रूप कालकोटिदुरासद

vāṃcchitaṃ labhate nityaṃ śrīnṛsiṃha prasādataḥ śrīnṛsiṃha mahadrūpa kālakoṭidurāsada

वह श्रीनृसिंह की कृपा से सदा इच्छित वस्तु प्राप्त करता है। "हे श्रीनृसिंह, महान रूप, करोड़ों कालों के लिए भी अजेय,

श्लोक 82 (padma.6.174.82)

भैरवेश हरार्तिघ्न बालरूप नमोस्तु ते । श्रीनृसिंहाय रूपाय बालाय बालरूपिणे

bhairaveśa harārtighna bālarūpa namostu te śrīnṛsiṃhāya rūpāya bālāya bālarūpiṇe

हे भैरवेश, हरार्तिघ्न, बालरूप! तुम्हें नमस्कार है। श्रीनृसिंह रूप, बाल, बालरूपी,

श्लोक 83 (padma.6.174.83)

व्यापकाय सुनंदाय स्वात्मप्रकट रूपिणे । सर्वजीवात्मकायैव विश्वेशाय स्वरात्मने

vyāpakāya sunaṃdāya svātmaprakaṭa rūpiṇe sarvajīvātmakāyaiva viśveśāya svarātmane

व्यापक, सुनंद, स्वयं अपने आत्म-स्वरूप में प्रकट, सभी जीवों के आत्मस्वरूप, विश्वेश, स्वयं आत्मा,

श्लोक 84 (padma.6.174.84)

मार्तंड मंडलस्थाय दयासिंधो नमोस्तु ते । चतुर्विंशस्वरूपाय कालरुद्राग्निरूपिणे

mārtaṃḍa maṃḍalasthāya dayāsiṃdho namostu te caturviṃśasvarūpāya kālarudrāgnirūpiṇe

सूर्यमंडल में स्थित, हे दयासिंधु! तुम्हें नमस्कार है। चौबीस स्वरूपों वाले, काल-रुद्र-अग्नि-स्वरूप,

श्लोक 85 (padma.6.174.85)

जगदेकस्वरूपाय नृसिंहाय नमोस्तु ते । भाले दधार यो देवो नृसिंहो वीरभद्र जित्

jagadekasvarūpāya nṛsiṃhāya namostu te bhāle dadhāra yo devo nṛsiṃho vīrabhadra jit

जगत् के एकमात्र स्वरूप, हे नृसिंह! तुम्हें नमस्कार है।" जिस देव नृसिंह ने, वीरभद्र को जीतकर, अपने मस्तक पर,

श्लोक 86 (padma.6.174.86)

द्वादशादित्यबिंबानि सुतप्तानि प्रमाणतः । तत्र सिंधु महापुण्या नदी रम्या विशेषतः

dvādaśādityabiṃbāni sutaptāni pramāṇataḥ tatra siṃdhu mahāpuṇyā nadī ramyā viśeṣataḥ

बारह सूर्यबिंबों को यथोचित तप्त धारण किया, वहाँ महापुण्यमयी, विशेष रूप से रमणीय सिंधु नदी है।

श्लोक 87 (padma.6.174.87)

तस्याः समीपे नगरं वर्त्ततेऽद्यापि सुंदरि । मौलिस्तानेति विख्यातं सर्वदा देवनिर्मितम्

tasyāḥ samīpe nagaraṃ varttate'dyāpi suṃdari maulistāneti vikhyātaṃ sarvadā devanirmitam

उसके समीप, हे सुंदरि, आज भी एक नगर है, जो "मौलिस्तान" नाम से विख्यात, सदा देव-निर्मित है।

श्लोक 88 (padma.6.174.88)

वसतिर्वर्त्तते तत्र हारीतस्य महात्मनः । लीलावती तु तत्रैव तिष्ठते नात्र संशयः

vasatirvarttate tatra hārītasya mahātmanaḥ līlāvatī tu tatraiva tiṣṭhate nātra saṃśayaḥ

वहाँ महात्मा हारीत का निवास है। लीलावती भी वहीं स्थित हैं, इसमें संदेह नहीं।

श्लोक 89 (padma.6.174.89)

प्रतिशब्दो भवेत्तत्र सिंधुनद्याः समीपतः । कलौ युगे तु संप्राप्ते म्लेच्छा वै पापचारिणः

pratiśabdo bhavettatra siṃdhunadyāḥ samīpataḥ kalau yuge tu saṃprāpte mlecchā vai pāpacāriṇaḥ

वहाँ सिंधु नदी के समीप प्रतिध्वनि होती है। कलियुग के आने पर, पापाचारी म्लेच्छ,

श्लोक 90 (padma.6.174.90)

निवसंति तु तत्रैव बहवो नात्र संशयः । नृसिंहजन्मनि यथा शब्दोऽभूदद्भुतः परः

nivasaṃti tu tatraiva bahavo nātra saṃśayaḥ nṛsiṃhajanmani yathā śabdo'bhūdadbhutaḥ paraḥ

वहीं बहुसंख्या में निवास करते हैं, इसमें संदेह नहीं। जैसे नृसिंह के जन्म के समय एक अद्भुत परम ध्वनि हुई थी,

श्लोक 91 (padma.6.174.91)

नृसिंहेति नृसिंहेति य उच्चैर्नदते नरः । तादृशः प्रतिशब्दो वै जायते नगनंदिनि

nṛsiṃheti nṛsiṃheti ya uccairnadate naraḥ tādṛśaḥ pratiśabdo vai jāyate naganaṃdini

वैसे ही जो मनुष्य ऊँचे स्वर से "नृसिंह! नृसिंह!" पुकारता है, हे नगनंदिनि, वैसी ही प्रतिध्वनि वहाँ उत्पन्न होती है।

श्लोक 92 (padma.6.174.92)

ब्रह्महा हेमहारी वा सुरापो गुरुतल्पगः । सिंधौ गत्वा विशेषेण स्नानं कुर्वंति ये जनाः

brahmahā hemahārī vā surāpo gurutalpagaḥ siṃdhau gatvā viśeṣeṇa snānaṃ kurvaṃti ye janāḥ

ब्रह्महत्यारा, सुवर्ण-चोर, सुरापायी अथवा गुरु-पत्नीगामी — जो लोग विशेष रूप से सिंधु में जाकर स्नान करते हैं,

श्लोक 93 (padma.6.174.93)

मुच्यते नात्र संदेहः श्रीनृसिंह प्रसादतः । दशारात्रिप्रमाणेन मानवा ये वसंति हि

mucyate nātra saṃdehaḥ śrīnṛsiṃha prasādataḥ daśārātripramāṇena mānavā ye vasaṃti hi

वे श्रीनृसिंह की कृपा से मुक्त हो जाते हैं, इसमें संदेह नहीं। जो मनुष्य दस रात्रियों तक वहाँ निवास करते हैं,

श्लोक 94 (padma.6.174.94)

ते ज्ञेयाः पुण्यकर्माणो नासत्यं मामकं वचः । निवसंति कलौ तत्र वर्णा ये द्विजपूर्वकाः

te jñeyāḥ puṇyakarmāṇo nāsatyaṃ māmakaṃ vacaḥ nivasaṃti kalau tatra varṇā ye dvijapūrvakāḥ

वे पुण्यकर्मा जानने चाहिए — मेरा वचन असत्य नहीं है। कलियुग में वहाँ जो द्विज-प्रधान वर्ण निवास करते हैं,

श्लोक 95 (padma.6.174.95)

म्लेच्छवत्तेऽपि विज्ञेया वेदबाह्याः सुरोत्तमैः । मांसं खादंति ते तत्र मद्यपानं पपुः सदा

mlecchavatte'pi vijñeyā vedabāhyāḥ surottamaiḥ māṃsaṃ khādaṃti te tatra madyapānaṃ papuḥ sadā

वे भी श्रेष्ठ देवताओं द्वारा वेदबाह्य, म्लेच्छ के समान जाने जाते हैं — क्योंकि वे वहाँ मांस खाते हैं और सदा मद्यपान करते हैं।

श्लोक 96 (padma.6.174.96)

अतो ह्यधर्मरूपास्ते पापिष्ठा नात्र संशयः । संध्याहीना यथा विप्रा वेदबाह्यास्तथैव च

ato hyadharmarūpāste pāpiṣṭhā nātra saṃśayaḥ saṃdhyāhīnā yathā viprā vedabāhyāstathaiva ca

इसलिए वे अधर्मरूप, अत्यंत पापी हैं, इसमें संदेह नहीं — जैसे संध्या-हीन ब्राह्मण वेदबाह्य होते हैं, वैसे ही वे भी हैं।

श्लोक 97 (padma.6.174.97)

निवसंति पुरे तस्मिन्पश्चिमायां सुरेश्वरि । एकमेव परं तीर्थं नृसिंहाख्यं सुविस्तरम् । यं श्रुत्वा मुच्यते पापान्नरः सद्यो न संशयः

nivasaṃti pure tasminpaścimāyāṃ sureśvari ekameva paraṃ tīrthaṃ nṛsiṃhākhyaṃ suvistaram yaṃ śrutvā mucyate pāpānnaraḥ sadyo na saṃśayaḥ

हे सुरेश्वरी! वे उसी पश्चिमी नगर में निवास करते हैं। यह एक ही परम, अत्यंत विस्तृत तीर्थ "नृसिंह" नाम से है, जिसे सुनकर मनुष्य तत्काल पापों से मुक्त हो जाता है, इसमें संदेह नहीं।