गीता माहात्म्य: षष्ठ अध्याय की महिमा (राजा ज्ञानश्रुति एवं रैक्य)

श्लोक 1 (padma.6.180.1)

श्रीभगवानुवाच। षष्ठाध्यायस्य माहात्म्यं प्रवक्ष्यामि वरानने । यदाकर्णयतां नॄणां मुक्तिः करतले स्थिता

śrībhagavānuvāca ṣaṣṭhādhyāyasya māhātmyaṃ pravakṣyāmi varānane yadākarṇayatāṃ nṝṇāṃ muktiḥ karatale sthitā

श्रीभगवान् ने कहा — हे वरानने! अब मैं छठे अध्याय की महिमा कहूँगा, जिसे सुनने वाले मनुष्यों के हाथ में मुक्ति स्वयं आ जाती है।

श्लोक 2 (padma.6.180.2)

अस्ति गोदावरी तीरे प्रतिष्ठानं पुरं महत् । पिप्पलेशाभिधानोऽहं यत्रास्मि स्मेरलोचने

asti godāvarī tīre pratiṣṭhānaṃ puraṃ mahat pippaleśābhidhāno'haṃ yatrāsmi smeralocane

गोदावरी के तट पर प्रतिष्ठान नामक एक महान नगर है, जहाँ मैं स्वयं "पिप्पलेश" नाम से विराजमान हूँ, हे स्मेरलोचने!

श्लोक 3 (padma.6.180.3)

यत्र गोदावरी तीर शीकरैरवशीतलैः । हंसाः पक्षपुटैः कीर्णैर्हरंति यमिनां श्रमम्

yatra godāvarī tīra śīkarairavaśītalaiḥ haṃsāḥ pakṣapuṭaiḥ kīrṇairharaṃti yamināṃ śramam

जहाँ गोदावरी के तट पर हंस, शीतल जल-कणों से भरे पंखों को फैलाकर, योगियों की थकान हर लेते हैं।

श्लोक 4 (padma.6.180.4)

स्फुरत्पद्मावलीकोशपरागसुरभीकृतम् । श्लाघ्यं गोदावरीतोयं येन ते निर्जरा नराः

sphuratpadmāvalīkośaparāgasurabhīkṛtam ślāghyaṃ godāvarītoyaṃ yena te nirjarā narāḥ

खिले हुए कमलों की पंक्तियों के पराग से सुगंधित, प्रशंसनीय गोदावरी का जल ऐसा है कि जिससे मनुष्य देवतुल्य हो जाते हैं।

श्लोक 5 (padma.6.180.5)

धिक्सुधामौषधीशस्य विकृत्क्षयविधायिनीम् । महाराष्ट्रवधूकानां मज्जंतीनां मुनीश्वराः

dhiksudhāmauṣadhīśasya vikṛtkṣayavidhāyinīm mahārāṣṭravadhūkānāṃ majjaṃtīnāṃ munīśvarāḥ

धिक्कार है चंद्रमा की उस अमृत-कला को, जो क्षय उत्पन्न करती है — जहाँ मुनीश्वर भी महाराष्ट्र की स्नान करती वधुओं को,

श्लोक 6 (padma.6.180.6)

स्पृशंति यत्र वक्त्राणि फुल्लपंकजशंकया । यत्रखेलन्महाराष्ट्राः क्वणत्कंकणसुंदराः

spṛśaṃti yatra vaktrāṇi phullapaṃkajaśaṃkayā yatrakhelanmahārāṣṭrāḥ kvaṇatkaṃkaṇasuṃdarāḥ

खिले कमल समझकर उनके मुख स्पर्श करने लगते हैं; जहाँ खनखनाती चूड़ियों वाली सुंदर महाराष्ट्र की स्त्रियाँ क्रीड़ा करती हैं,

श्लोक 7 (padma.6.180.7)

हरंति ध्वनयो लीनां मनांस्यपि तपस्विनाम् । अत्युच्चसौधशिखरविहारि वनितामुखम्

haraṃti dhvanayo līnāṃ manāṃsyapi tapasvinām atyuccasaudhaśikharavihāri vanitāmukham

जिनकी ध्वनियाँ तपस्वियों के लीन मन को भी हर लेती हैं; जहाँ अत्यंत ऊँचे भवनों के शिखर पर विहार करती स्त्रियों के मुख को,

श्लोक 8 (padma.6.180.8)

पश्यन्ननुदिनं यत्र क्षीयते मृगलांच्छनः । अत्युच्चसौधवलभी महामणिमरीचिभिः

paśyannanudinaṃ yatra kṣīyate mṛgalāṃcchanaḥ atyuccasaudhavalabhī mahāmaṇimarīcibhiḥ

प्रतिदिन देखते हुए चंद्रमा भी क्षीण होता जाता है; जहाँ अत्यंत ऊँचे भवनों की छतें महामणियों की किरणों से,

श्लोक 9 (padma.6.180.9)

चुंब्यंते मुनिगंधर्वैर्दूर्वाचंदनचंचलैः । यस्मिन्नाधूयमानानां पताकानां समीरणैः

cuṃbyaṃte munigaṃdharvairdūrvācaṃdanacaṃcalaiḥ yasminnādhūyamānānāṃ patākānāṃ samīraṇaiḥ

दूर्वा और चंदन के लिए चंचल मुनि-गंधर्वों द्वारा मानो चूमी जाती हैं; जहाँ फहराती पताकाओं की हवाओं से,

श्लोक 10 (padma.6.180.10)

गतश्रमा रवेर्याने भवंति रथवाजिनः । राशीकृतैर्मलयजैरसंख्यातैर्वणिग्गणैः

gataśramā raveryāne bhavaṃti rathavājinaḥ rāśīkṛtairmalayajairasaṃkhyātairvaṇiggaṇaiḥ

सूर्य के रथ के घोड़े भी थकान-रहित हो जाते हैं; जहाँ असंख्य व्यापारी-समूहों द्वारा राशिकृत मलयज (चंदन) से,

श्लोक 11 (padma.6.180.11)

यस्मिन्नुपलशेषोऽसौ लक्ष्यते मलयाचलः । पुंजीकृतानि दृश्यंते यत्र मुक्ताफलान्यपि

yasminnupalaśeṣo'sau lakṣyate malayācalaḥ puṃjīkṛtāni dṛśyaṃte yatra muktāphalānyapi

मलयाचल पर्वत भी मानो केवल पत्थरों का ढेर मात्र दिखता है; जहाँ मोतियों के ढेर भी,

श्लोक 12 (padma.6.180.12)

नगरीदेवता हास्य स्तबका इव सर्वतः । तत्र ज्ञानश्रुतिर्नाम्ना मेदिनीवल्लभोऽभवत्

nagarīdevatā hāsya stabakā iva sarvataḥ tatra jñānaśrutirnāmnā medinīvallabho'bhavat

नगर-देवता के मानो चारों ओर हास्य के गुच्छे प्रतीत होते हैं। वहाँ ज्ञानश्रुति नामक एक पृथ्वीपति था।

श्लोक 13 (padma.6.180.13)

यस्मिन्नुद्धरति क्षोणीं शेषोऽयं मणिसंनिभां । अपि प्रतापमार्तंडमंडली तीव्रतेजसि

yasminnuddharati kṣoṇīṃ śeṣo'yaṃ maṇisaṃnibhāṃ api pratāpamārtaṃḍamaṃḍalī tīvratejasi

जिनके राज्य में शेषनाग यह पृथ्वी को मानो एक मणि के समान धारण करते थे, और उनके प्रताप का सूर्य-मंडल भी तीव्र तेज से,

श्लोक 14 (padma.6.180.14)

नित्यमध्वरधूमेन श्यामलाः कल्पशाखिनः । असाधारणदातृत्वं पश्यंत इव लज्जया

nityamadhvaradhūmena śyāmalāḥ kalpaśākhinaḥ asādhāraṇadātṛtvaṃ paśyaṃta iva lajjayā

नित्य यज्ञ-धूम से श्यामल कल्पवृक्ष मानो लज्जा से उनकी असाधारण दानशीलता देखते प्रतीत होते थे;

श्लोक 15 (padma.6.180.15)

यदध्वरपुरोडाश चर्वणास्वादलंपटाः । न तत्यजुः सुपर्वाणः प्रतिष्ठानपुरं मनाक्

yadadhvarapuroḍāśa carvaṇāsvādalaṃpaṭāḥ na tatyajuḥ suparvāṇaḥ pratiṣṭhānapuraṃ manāk

जिनके यज्ञ-पुरोडाश (हवि) के स्वाद में लंपट देवगण प्रतिष्ठानपुर को क्षण भर भी नहीं छोड़ते थे;

श्लोक 16 (padma.6.180.16)

यस्यदानांबुधाराभिः प्रतापज्योत्स्नयानिशम् । मखधूमैश्च संपुष्टा ववृषुः समये घनाः

yasyadānāṃbudhārābhiḥ pratāpajyotsnayāniśam makhadhūmaiśca saṃpuṣṭā vavṛṣuḥ samaye ghanāḥ

जिनके दान की जलधाराओं से, प्रताप की चांदनी से तथा यज्ञ-धूम से पोषित मेघ समय पर बरसते थे;

श्लोक 17 (padma.6.180.17)

स्वल्पमात्रमपि क्वापि न पदं प्रापुरीतयः । नीतयः प्रसरंति स्म यस्मिन्शासति मेदिनीम्

svalpamātramapi kvāpi na padaṃ prāpurītayaḥ nītayaḥ prasaraṃti sma yasminśāsati medinīm

जहाँ अनर्थ को स्वल्प मात्र भी स्थान नहीं मिलता था, जिनके शासन में नीतियाँ पृथ्वी पर सर्वत्र फैली हुई थीं;

श्लोक 18 (padma.6.180.18)

वापिकूपतडागानां च्छद्मना योऽनुवासरम् । हृदयस्थानि मेदिन्या निधानानि व्यलोकयत्

vāpikūpataḍāgānāṃ cchadmanā yo'nuvāsaram hṛdayasthāni medinyā nidhānāni vyalokayat

जो बावली, कुएँ तथा तालाबों के बहाने प्रतिदिन पृथ्वी के हृदय में स्थित निधियों को देखते थे।

श्लोक 19 (padma.6.180.19)

पांडुराभिः पताकाभिः प्रासादो यस्य राजते । वियद्गंगातरंगोघैर्हिमाद्रिरिव सानुमान्

pāṃḍurābhiḥ patākābhiḥ prāsādo yasya rājate viyadgaṃgātaraṃgoghairhimādririva sānumān

उनका प्रासाद श्वेत पताकाओं से ऐसा शोभित था मानो आकाश-गंगा की तरंगों से युक्त हिमालय पर्वत हो।

श्लोक 20 (padma.6.180.20)

दानैस्तपोभिर्यज्ञैश्च प्रजानां पालनेन च । तुष्टाः स्वर्गौकसस्तस्मै वरं दातुं समागमन्

dānaistapobhiryajñaiśca prajānāṃ pālanena ca tuṣṭāḥ svargaukasastasmai varaṃ dātuṃ samāgaman

दान, तप, यज्ञ तथा प्रजा-पालन से संतुष्ट होकर स्वर्गवासी उन्हें वर देने आए।

श्लोक 21 (padma.6.180.21)

ततोंतरिक्षमार्गेण धुन्वानाः पक्षसंहतीः । मृणालधवला देवी देवहंसा विनिर्गताः

tatoṃtarikṣamārgeṇa dhunvānāḥ pakṣasaṃhatīḥ mṛṇāladhavalā devī devahaṃsā vinirgatāḥ

तब आकाश-मार्ग से, अपने पंखों को फड़फड़ाते हुए, कमल-नाल के समान श्वेत दिव्य हंस निकल पड़े।

श्लोक 22 (padma.6.180.22)

त्वरया गच्छतां तेषामन्योन्यं तत्र भाषिणाम् । भद्राश्वप्रमुखा द्वित्राः पुरस्तान्निर्ययुर्जवात्

tvarayā gacchatāṃ teṣāmanyonyaṃ tatra bhāṣiṇām bhadrāśvapramukhā dvitrāḥ purastānniryayurjavāt

शीघ्रता से जाते हुए, परस्पर बातें करते हुए उनमें से भद्राश्व-प्रमुख दो-तीन हंस वेगपूर्वक आगे निकल गए।

श्लोक 23 (padma.6.180.23)

सर्वैर्मिलद्भिरूचुस्ते पुरस्ताद्गच्छतो जवात् । कथं वेगेन निर्याता भवंतः पुरतः स्थिताः

sarvairmiladbhirūcuste purastādgacchato javāt kathaṃ vegena niryātā bhavaṃtaḥ purataḥ sthitāḥ

सभी ने मिलकर, आगे वेगपूर्वक जाते हुए उनसे कहा — "आप लोग इतनी शीघ्रता से आगे कैसे निकल गए?"

श्लोक 24 (padma.6.180.24)

सर्वैर्मिलित्वा गंतव्यमस्मिन्नध्वनि दुर्गमे । प्रकाशमानं पुरतस्तेजःपुंजं न पश्यथ

sarvairmilitvā gaṃtavyamasminnadhvani durgame prakāśamānaṃ puratastejaḥpuṃjaṃ na paśyatha

"इस दुर्गम मार्ग पर सभी को मिलकर चलना चाहिए। क्या आप आगे प्रकाशित होते उस तेज-पुंज को नहीं देख रहे,

श्लोक 25 (padma.6.180.25)

ज्ञानश्रुतेर्महीभर्तुः पुण्यमूर्त्तेरतिस्फुटम् । निशम्येति वचः सम्यक्पाश्चात्याना पुरः स्थिताः

jñānaśrutermahībhartuḥ puṇyamūrtteratisphuṭam niśamyeti vacaḥ samyakpāścātyānā puraḥ sthitāḥ

जो अत्यंत स्पष्ट रूप से पुण्यमूर्ति महाराज ज्ञानश्रुति का है?" यह वचन भलीभाँति सुनकर, आगे खड़े,

श्लोक 26 (padma.6.180.26)

हंसा हसित्वा सावज्ञमूचुर्वचनमुच्चकैः । रैक्याभिधस्य दुर्द्धर्ष तेजसो ब्रह्मवादिनः

haṃsā hasitvā sāvajñamūcurvacanamuccakaiḥ raikyābhidhasya durddharṣa tejaso brahmavādinaḥ

उन हंसों ने हँसकर अवज्ञापूर्वक ऊँचे स्वर में कहा — "रैक्य नामक दुर्जय ब्रह्मवादी के तेज के आगे,

श्लोक 27 (padma.6.180.27)

किं नु ज्ञानश्रुतेरस्य राज्ञस्तीव्रतरं महः । इति शुश्राव हंसानां गिरो ज्ञानश्रुतिर्नृपः

kiṃ nu jñānaśruterasya rājñastīvrataraṃ mahaḥ iti śuśrāva haṃsānāṃ giro jñānaśrutirnṛpaḥ

ज्ञानश्रुति राजा का तेज भला कहाँ तीव्रतर है?" यह हंसों की वाणी राजा ज्ञानश्रुति ने सुनी,

श्लोक 28 (padma.6.180.28)

अत्युच्चसौधभवनमारुह्य च सुखं स्थितः । ततः सारथिमाहूय भूपालो विस्मयान्वितः

atyuccasaudhabhavanamāruhya ca sukhaṃ sthitaḥ tataḥ sārathimāhūya bhūpālo vismayānvitaḥ

जो अपने अत्यंत ऊँचे भवन पर चढ़कर सुखपूर्वक बैठे थे। तब विस्मित हुए राजा ने सारथी को बुलाकर,

श्लोक 29 (padma.6.180.29)

संदिदेश महात्माऽसौ रैक्य आनीयतामिति । ततोऽवधार्य भूपालवचः पीयूषगर्भितम्

saṃdideśa mahātmā'sau raikya ānīyatāmiti tato'vadhārya bhūpālavacaḥ pīyūṣagarbhitam

उस महात्मा को यह आदेश दिया — "रैक्य को यहाँ लाया जाए।" तब राजा के उस अमृत-गर्भित वचन को ग्रहण कर,

श्लोक 30 (padma.6.180.30)

निर्जगाममहो नाम्ना सारथिः प्रथयन्मुदम् । यत्र वाराणसीनाम नगरी मुक्तिदायिनी

nirjagāmamaho nāmnā sārathiḥ prathayanmudam yatra vārāṇasīnāma nagarī muktidāyinī

"अहो" नाम का सारथी हर्ष फैलाता हुआ निकल पड़ा — पहले वाराणसी नामक मुक्तिदायिनी नगरी की ओर,

श्लोक 31 (padma.6.180.31)

यत्र विश्वेश्वरो नाम ह्युपदेष्टा जगत्पतिः । ततो गयाभिधे क्षेत्रे यत्र देवो गदाधरः

yatra viśveśvaro nāma hyupadeṣṭā jagatpatiḥ tato gayābhidhe kṣetre yatra devo gadādharaḥ

जहाँ जगत्पति उपदेष्टा विश्वेश्वर विराजमान हैं; फिर गया नामक क्षेत्र, जहाँ देव गदाधर,

श्लोक 32 (padma.6.180.32)

उद्धर्तुमखिलान्लोकान्वसत्युत्फुल्ललोचनः । ततो गौरीगुरोः पार्श्वे सर्वैस्तीर्थैरनेकधा

uddhartumakhilānlokānvasatyutphullalocanaḥ tato gaurīguroḥ pārśve sarvaistīrthairanekadhā

उत्फुल्ल नेत्रों से समस्त लोकों के उद्धार हेतु निवास करते हैं; फिर गौरी के गुरु (हिमालय) के समीप, अनेक तीर्थों से,

श्लोक 33 (padma.6.180.33)

पर्यटन्गतवान्यत्र केदारः पापदारणः । यमालोक्य सकृन्मर्त्या मुक्ताः स्युर्नात्र संशयः

paryaṭangatavānyatra kedāraḥ pāpadāraṇaḥ yamālokya sakṛnmartyā muktāḥ syurnātra saṃśayaḥ

भ्रमण करते हुए वह वहाँ पहुँचा जहाँ पापनाशक केदार है, जिसका दर्शन करने मात्र से मनुष्य मुक्त हो जाते हैं, इसमें संदेह नहीं —

श्लोक 34 (padma.6.180.34)

महापापविर्निमुक्ता भुक्त्वा भोगान्यथेप्सितान् । ततो गौडेषु निर्यातो यत्रास्ते पुरुषोत्तमः

mahāpāpavirnimuktā bhuktvā bhogānyathepsitān tato gauḍeṣu niryāto yatrāste puruṣottamaḥ

महापापों से मुक्त होकर, इच्छित भोगों को भोगकर। फिर वह गौड़ प्रदेश में गया, जहाँ पुरुषोत्तम विराजमान हैं,

श्लोक 35 (padma.6.180.35)

यस्यावलोकनादेव नराः स्वर्लोकगामिनः । ततो द्वारावतीं प्रागान्नगरीं मुक्तिदायिनीम्

yasyāvalokanādeva narāḥ svarlokagāminaḥ tato dvārāvatīṃ prāgānnagarīṃ muktidāyinīm

जिनके दर्शन मात्र से मनुष्य स्वर्गलोक को जाने वाले होते हैं। फिर वह मुक्तिदायिनी द्वारावती नगरी को गया,

श्लोक 36 (padma.6.180.36)

यत्रास्ते गोमती तीरे रुक्मिणीवल्लभो हरिः । स्नात्वा च गोमतीतीर्थे पंचकृष्णान्विलोक्य च

yatrāste gomatī tīre rukmiṇīvallabho hariḥ snātvā ca gomatītīrthe paṃcakṛṣṇānvilokya ca

जहाँ गोमती के तट पर रुक्मिणी-वल्लभ हरि विराजमान हैं। गोमती-तीर्थ में स्नान करके तथा पाँचों कृष्ण-रूपों का दर्शन कर,

श्लोक 37 (padma.6.180.37)

मर्त्यो मुक्तिमवाप्नोति भुक्त्वा भोगान्यथेप्सितान् । ततः समुद्रमासाद्य सोमनाथं विलोक्य च

martyo muktimavāpnoti bhuktvā bhogānyathepsitān tataḥ samudramāsādya somanāthaṃ vilokya ca

मनुष्य मुक्ति प्राप्त करता है, इच्छित भोगों को भोगकर। फिर समुद्र तक पहुँचकर सोमनाथ का दर्शन कर,

श्लोक 38 (padma.6.180.38)

भुक्तिमुक्तिप्रदं देवं ततो निरगमन्सुधीः । अवंतिकां पुरीं प्राप्तो भुक्तिमुक्तिप्रदायिनीम्

bhuktimuktipradaṃ devaṃ tato niragamansudhīḥ avaṃtikāṃ purīṃ prāpto bhuktimuktipradāyinīm

भुक्ति-मुक्ति देने वाले उस देव का दर्शन कर, वह बुद्धिमान चला — अवंतिका नगरी पहुँचा, जो भुक्ति-मुक्ति दोनों देने वाली है,

श्लोक 39 (padma.6.180.39)

यत्रोमया सुखं क्रीडन्महाकालोस्ति शंकरः । अथोंकारं समासाद्य शर्मदं नर्मदातटे । भुक्तिमुक्तिप्रदातारं त्वरया निर्गतस्ततः

yatromayā sukhaṃ krīḍanmahākālosti śaṃkaraḥ athoṃkāraṃ samāsādya śarmadaṃ narmadātaṭe bhuktimuktipradātāraṃ tvarayā nirgatastataḥ

जहाँ उमा के साथ सुखपूर्वक क्रीड़ा करते हुए शंकर महाकाल-रूप में विराजमान हैं; फिर नर्मदा के तट पर शर्मदायक ओंकार पहुँचकर, भुक्ति-मुक्ति दोनों के दाता का दर्शन कर वह शीघ्र वहाँ से निकल पड़ा,

श्लोक 40 (padma.6.180.40)

अश्वमेधकरं नाम्ना नगरं पर्यटंस्ततः । यत्र शार्ङ्गधरः साक्षादास्ते लक्ष्मीपतिः स्वयम्

aśvamedhakaraṃ nāmnā nagaraṃ paryaṭaṃstataḥ yatra śārṅgadharaḥ sākṣādāste lakṣmīpatiḥ svayam

और अश्वमेधकर नामक नगर में भ्रमण किया, जहाँ साक्षात् लक्ष्मीपति शार्ङ्गधारी विराजमान हैं।

श्लोक 41 (padma.6.180.41)

ततो विष्णुगयां प्राप्तः कुण्डं लोणारसंज्ञितम् । यत्र स्नात्वा च पीत्वा च मुच्यते बन्धनान्नरः

tato viṣṇugayāṃ prāptaḥ kuṇḍaṃ loṇārasaṃjñitam yatra snātvā ca pītvā ca mucyate bandhanānnaraḥ

फिर वह विष्णु-गया पहुँचा — लोणार नामक कुंड, जहाँ स्नान करके तथा जल पीकर मनुष्य बंधन से मुक्त हो जाता है।

श्लोक 42 (padma.6.180.42)

ततः कोल्हापुरं नाम गतो रुद्रगयां प्रति । आस्ते भगवती यत्र लक्ष्मीर्भक्तिप्रदायिनी

tataḥ kolhāpuraṃ nāma gato rudragayāṃ prati āste bhagavatī yatra lakṣmīrbhaktipradāyinī

फिर कोल्हापुर नामक नगर में, रुद्र-गया की ओर गया, जहाँ भक्ति देने वाली भगवती लक्ष्मी विराजमान हैं।

श्लोक 43 (padma.6.180.43)

पञ्चनद्यां नरः स्नात्वा महालक्ष्मीं विलोक्य च । भुक्त्वा भोगान्यथाकामं भक्तिं च प्रतिपद्यते

pañcanadyāṃ naraḥ snātvā mahālakṣmīṃ vilokya ca bhuktvā bhogānyathākāmaṃ bhaktiṃ ca pratipadyate

पंचनदी में स्नान करके तथा महालक्ष्मी का दर्शन कर, इच्छित भोगों को भोगकर मनुष्य भक्ति प्राप्त करता है।

श्लोक 44 (padma.6.180.44)

ततोऽमलगिरिं नाम नगरीं प्रतिपद्य च । नन्दिकेश्वरमारुह्य सोमनाथोऽस्ति यत्र तु

tato'malagiriṃ nāma nagarīṃ pratipadya ca nandikeśvaramāruhya somanātho'sti yatra tu

फिर अमलगिरि नामक नगरी पहुँचकर, नंदिकेश्वर पर चढ़कर, जहाँ सोमनाथ विराजमान हैं,

श्लोक 45 (padma.6.180.45)

दृष्ट्वा चतुर्भुजं देवं वरदानोद्यतं शिवम् । सोमनाथं नृणां मुक्तिर्भवत्येव न संशयः

dṛṣṭvā caturbhujaṃ devaṃ varadānodyataṃ śivam somanāthaṃ nṛṇāṃ muktirbhavatyeva na saṃśayaḥ

चतुर्भुज देव, वरदान देने को तत्पर शिव का दर्शन कर — सोमनाथ से मनुष्यों को मुक्ति निश्चय ही प्राप्त होती है, इसमें संदेह नहीं।

श्लोक 46 (padma.6.180.46)

तुङ्गभद्रानदी तीरे दृष्ट्वा हरिहरं ततः । युगेयुगे भुजा यस्य पतन्त्यवनिमण्डले

tuṅgabhadrānadī tīre dṛṣṭvā hariharaṃ tataḥ yugeyuge bhujā yasya patantyavanimaṇḍale

फिर तुंगभद्रा नदी के तट पर हरिहर का दर्शन कर, जिनकी भुजा युगे-युगे पृथ्वी-मंडल पर गिरती है,

श्लोक 47 (padma.6.180.47)

यद्विलोक्य नराः सर्वे रम्यं हरिहरं वपुः । भुक्त्वा भोगान्यथाकामं मुच्यन्ते बन्धनान्नराः

yadvilokya narāḥ sarve ramyaṃ hariharaṃ vapuḥ bhuktvā bhogānyathākāmaṃ mucyante bandhanānnarāḥ

जिस रमणीय हरिहर-रूप को देखकर सभी मनुष्य, इच्छानुसार भोगों को भोगकर, बंधनों से मुक्त हो जाते हैं,

श्लोक 48 (padma.6.180.48)

स्वर्गे कल्पशतं स्थित्वा मुक्तसंसारबन्धनाः । ततः स्वामिनमालोक्य लोकानां स्वामिनं विभुम्

svarge kalpaśataṃ sthitvā muktasaṃsārabandhanāḥ tataḥ svāminamālokya lokānāṃ svāminaṃ vibhum

स्वर्ग में सौ कल्पों तक रहकर, संसार-बंधन से मुक्त होकर — फिर स्वामी, लोकों के विभु स्वामी का दर्शन कर,

श्लोक 49 (padma.6.180.49)

यमालोक्य न पश्यन्ति निरयं जातुचिन्नराः । स्वर्गे कल्पशतं स्थित्वा मुक्तसंसारवासनाः

yamālokya na paśyanti nirayaṃ jātucinnarāḥ svarge kalpaśataṃ sthitvā muktasaṃsāravāsanāḥ

जिनका दर्शन कर मनुष्य कभी नरक नहीं देखते; स्वर्ग में सौ कल्पों तक रहकर, संसार-वासना से मुक्त होकर,

श्लोक 50 (padma.6.180.50)

मुक्तिं च प्रतिदद्यन्ते नात्र कार्या विचारणा । ततः श्रीशैलमासाद्य सिद्धगन्धर्वसेवितम्

muktiṃ ca pratidadyante nātra kāryā vicāraṇā tataḥ śrīśailamāsādya siddhagandharvasevitam

वे मुक्ति भी प्राप्त करते हैं, इसमें विचार की आवश्यकता नहीं। फिर सिद्ध-गंधर्व-सेवित श्रीशैल पहुँचकर,

श्लोक 51 (padma.6.180.51)

गिरिजावल्लभो यत्र मल्लिनाथोऽभिधानतः । उद्धर्तुमखिलाँल्लोकान्संसाराम्भोधिमध्यतः

girijāvallabho yatra mallinātho'bhidhānataḥ uddhartumakhilā~llokānsaṃsārāmbhodhimadhyataḥ

जहाँ गिरिजा के वल्लभ "मल्लिनाथ" नाम से, समस्त लोकों को संसार-सागर के मध्य से उद्धार करने हेतु विराजमान हैं —

श्लोक 52 (padma.6.180.52)

स्वर्गे कल्पशतं स्थित्वा मुक्तसंसारबंधनाः । मुक्तिं च प्रतिपद्यंते नात्र कार्या विचारणा

svarge kalpaśataṃ sthitvā muktasaṃsārabaṃdhanāḥ muktiṃ ca pratipadyaṃte nātra kāryā vicāraṇā

स्वर्ग में सौ कल्पों तक रहकर, संसार-बंधन से मुक्त होकर, वे मुक्ति भी प्राप्त करते हैं, इसमें विचार की आवश्यकता नहीं।

श्लोक 53 (padma.6.180.53)

ततः श्रीशैलमासाद्य सिद्धगंधर्वसेवितम् । गिरिजावल्लभो यत्र मल्लिनाथोऽभिधानतः

tataḥ śrīśailamāsādya siddhagaṃdharvasevitam girijāvallabho yatra mallinātho'bhidhānataḥ

फिर सिद्ध-गंधर्व-सेवित श्रीशैल पहुँचकर, जहाँ गिरिजा के वल्लभ "मल्लिनाथ" नाम से विराजमान हैं —

श्लोक 54 (padma.6.180.54)

उद्धर्तुमखिलाँल्लोकान्संसारांबुधिमध्यतः । कालेकाले परं ज्योतिर्यः संदर्शयते स्वयम्

uddhartumakhilā~llokānsaṃsārāṃbudhimadhyataḥ kālekāle paraṃ jyotiryaḥ saṃdarśayate svayam

समस्त लोकों को संसार-सागर के मध्य से उद्धार हेतु, जो स्वयं युग-युग में अपना परम ज्योति दिखाते हैं,

श्लोक 55 (padma.6.180.55)

अवलोकयतां नॄणां यमनुस्मरतामपि । दूरे तिष्ठंति संत्रस्ता दूरं निरययातनाः

avalokayatāṃ nṝṇāṃ yamanusmaratāmapi dūre tiṣṭhaṃti saṃtrastā dūraṃ nirayayātanāḥ

उन्हें देखने वाले तथा स्मरण करने वाले मनुष्यों से भी नरक की यातनाएँ भयभीत होकर दूर खड़ी रहती हैं।

श्लोक 56 (padma.6.180.56)

स्वर्गे लोके सुखं भुक्त्वा मुक्तसंसारबंधनाः । मुक्तिं च प्रतिपद्यंते मानवा नात्र संशयः

svarge loke sukhaṃ bhuktvā muktasaṃsārabaṃdhanāḥ muktiṃ ca pratipadyaṃte mānavā nātra saṃśayaḥ

स्वर्गलोक में सुख भोगकर, संसार-बंधन से मुक्त होकर मनुष्य मुक्ति प्राप्त करते हैं, इसमें संदेह नहीं।

श्लोक 57 (padma.6.180.57)

रामोस्ति सानुजः सार्द्धं जानक्यापि ततो गतः । तत्र स्नात्वा च पीत्वा च मुच्यते नरकाद्ध्रुवम्

rāmosti sānujaḥ sārddhaṃ jānakyāpi tato gataḥ tatra snātvā ca pītvā ca mucyate narakāddhruvam

वहाँ राम अपने अनुज तथा जानकी सहित विराजमान हैं। वहाँ स्नान करके तथा जल पीकर मनुष्य निश्चय ही नरक से मुक्त हो जाता है,

श्लोक 58 (padma.6.180.58)

कल्पकोटिशतं भुक्त्वा स्वर्गलोकसुखं नराः । मुक्तसंसारवर्त्मानो मुक्तिं यांति न संशयः

kalpakoṭiśataṃ bhuktvā svargalokasukhaṃ narāḥ muktasaṃsāravartmāno muktiṃ yāṃti na saṃśayaḥ

करोड़ों-अरबों कल्पों तक स्वर्गलोक का सुख भोगकर, संसार-मार्ग से मुक्त होकर मनुष्य मुक्ति प्राप्त करते हैं, इसमें संदेह नहीं।

श्लोक 59 (padma.6.180.59)

ततो निवृत्य आयातः पश्यन्भीमरथी तटे । द्विभुजं विठ्ठलं देवं भुक्तिमुक्तिप्रदायकम्

tato nivṛtya āyātaḥ paśyanbhīmarathī taṭe dvibhujaṃ viṭhṭhalaṃ devaṃ bhuktimuktipradāyakam

फिर वहाँ से लौटकर वह भीमरथी के तट पर द्विभुज विठ्ठल देव का दर्शन करता हुआ आया, जो भुक्ति-मुक्ति दोनों देने वाले हैं,

श्लोक 60 (padma.6.180.60)

यत्र गोदावरीजन्मस्थानं ब्रह्मगिरिर्महान् । गौतमालयमासाद्य यत्रास्ते त्र्यंबको हरः

yatra godāvarījanmasthānaṃ brahmagirirmahān gautamālayamāsādya yatrāste tryaṃbako haraḥ

जहाँ गोदावरी का जन्मस्थान महान ब्रह्मगिरि है। गौतम के आश्रम पहुँचकर, जहाँ त्र्यंबक हर विराजमान हैं,

श्लोक 61 (padma.6.180.61)

अरुणावरुणयोर्मध्ये यत्र गोदावरी नदी । तत्र स्नात्वा च पीत्वा च ब्रह्महत्या विलीयते

aruṇāvaruṇayormadhye yatra godāvarī nadī tatra snātvā ca pītvā ca brahmahatyā vilīyate

अरुणा और वरुणा के मध्य जहाँ गोदावरी नदी बहती है — वहाँ स्नान करके तथा जल पीकर ब्रह्महत्या विलीन हो जाती है।

श्लोक 62 (padma.6.180.62)

असंख्यतीर्थसंपन्नं दृष्ट्वा ब्रह्मगिरिं नराः । मुक्तिमेव प्रपद्यंते मुक्ताः संसारदुःखतः

asaṃkhyatīrthasaṃpannaṃ dṛṣṭvā brahmagiriṃ narāḥ muktimeva prapadyaṃte muktāḥ saṃsāraduḥkhataḥ

असंख्य तीर्थों से संपन्न ब्रह्मगिरि का दर्शन कर मनुष्य संसार-दुःख से मुक्त होकर मुक्ति को ही प्राप्त होते हैं।

श्लोक 63 (padma.6.180.63)

गौतम्युभयतीरस्थ तीर्थान्वेषणकौतुकी । ततो जगाम सूतस्तु मथुरां पापनाशिनीम्

gautamyubhayatīrastha tīrthānveṣaṇakautukī tato jagāma sūtastu mathurāṃ pāpanāśinīm

गौतमी (गोदावरी) के दोनों तटों पर स्थित तीर्थों की खोज के कौतूहल से युक्त, वह सारथी फिर पापनाशिनी मथुरा गया,

श्लोक 64 (padma.6.180.64)

यत्र स्वायंभुवं देवं भजंति सुरमानवाः । आद्यं भगवतः स्थानं महन्मुक्तिप्रदायकम्

yatra svāyaṃbhuvaṃ devaṃ bhajaṃti suramānavāḥ ādyaṃ bhagavataḥ sthānaṃ mahanmuktipradāyakam

जहाँ देव तथा मनुष्य स्वयंभू देव की उपासना करते हैं — भगवान् का वह आद्य, महान, मुक्तिदायक स्थान,

श्लोक 65 (padma.6.180.65)

त्रैलोक्येश जनिस्थानं विख्यातं वेदशास्त्रयोः । नानादेवगणैर्जुष्टं द्विजर्षिगणसेवितम्

trailokyeśa janisthānaṃ vikhyātaṃ vedaśāstrayoḥ nānādevagaṇairjuṣṭaṃ dvijarṣigaṇasevitam

त्रैलोक्येश का जन्मस्थान, वेद-शास्त्रों में विख्यात, नाना देवगणों द्वारा सेवित, द्विज-ऋषिगणों द्वारा सेवित,

श्लोक 66 (padma.6.180.66)

कालिंदीकूलसंशोभि ह्यर्द्धचंद्र प्रभाकृति । सर्वतीर्थनिवासैक पूर्णमानंदसुंदरम्

kāliṃdīkūlasaṃśobhi hyarddhacaṃdra prabhākṛti sarvatīrthanivāsaika pūrṇamānaṃdasuṃdaram

कालिंदी के तट पर शोभित, अर्धचंद्र के समान आकृति वाला, सभी तीर्थों का एकमात्र निवास, पूर्ण आनंद से सुंदर,

श्लोक 67 (padma.6.180.67)

गोवर्द्धनगिरिप्रख्यं पुण्यद्रुमलतावृतम् । द्विषड्वनं महापुण्यं विश्रांति श्रुतिसारभृत्

govarddhanagiriprakhyaṃ puṇyadrumalatāvṛtam dviṣaḍvanaṃ mahāpuṇyaṃ viśrāṃti śrutisārabhṛt

गोवर्धन पर्वत से विख्यात, पुण्य वृक्षों-लताओं से आवृत, बारह वनों वाला महापुण्य, विश्राम तथा श्रुति-सार से युक्त।

श्लोक 68 (padma.6.180.68)

ततः काश्मीरनगरमपश्यत्प्रत्यगुत्तरम् । दृष्ट्वा धर्मधुरं क्षेत्रं कुरुक्षेत्रं समंततः

tataḥ kāśmīranagaramapaśyatpratyaguttaram dṛṣṭvā dharmadhuraṃ kṣetraṃ kurukṣetraṃ samaṃtataḥ

फिर उसने पश्चिम-उत्तर की ओर काश्मीर नगर देखा, तथा सर्वत्र धर्म की धुरी कुरुक्षेत्र क्षेत्र का दर्शन किया,

श्लोक 69 (padma.6.180.69)

यत्राभ्रंलिहगेहानां पंक्तयः शंखपाण्डुराः । ता जाता धूर्जटेः स्पष्ट अट्टहासदशा इव

yatrābhraṃlihagehānāṃ paṃktayaḥ śaṃkhapāṇḍurāḥ tā jātā dhūrjaṭeḥ spaṣṭa aṭṭahāsadaśā iva

जहाँ आकाश को चूमते भवनों की पंक्तियाँ, शंख के समान श्वेत, मानो धूर्जटि (शिव) के स्पष्ट अट्टहास की दशा-सी दिखती थीं,

श्लोक 70 (padma.6.180.70)

भक्तिप्रसादमालानां सुवर्णकलशैर्वृतम् । स्वः सिंधोः पतितानीव हेमपद्मानि मारुतैः

bhaktiprasādamālānāṃ suvarṇakalaśairvṛtam svaḥ siṃdhoḥ patitānīva hemapadmāni mārutaiḥ

भक्ति-प्रसाद की मालाओं के स्वर्ण-कलशों से घिरी, मानो आकाश-गंगा से हवाओं द्वारा गिराए गए स्वर्ण-कमल हों,

श्लोक 71 (padma.6.180.71)

यत्र प्रासादशिखरे नीलपट्टपताकिकाः । शैवालवलयाभांति स्वः सिंधोर्लतिका इव

yatra prāsādaśikhare nīlapaṭṭapatākikāḥ śaivālavalayābhāṃti svaḥ siṃdhorlatikā iva

जहाँ प्रासाद-शिखरों पर नील पताकाएँ आकाश-गंगा की लताओं के समान शैवाल-वलय की भाँति शोभित थीं,

श्लोक 72 (padma.6.180.72)

यत्र काश्मीरमाश्रित्य नित्यं वसति भारती । नौचेद्युगपदेवेदं कथं लिखति वाङ्मयम्

yatra kāśmīramāśritya nityaṃ vasati bhāratī naucedyugapadevedaṃ kathaṃ likhati vāṅmayam

जहाँ काश्मीर का आश्रय लेकर सरस्वती नित्य निवास करती हैं — अन्यथा यह वाङ्मय (शास्त्र-समूह) एक साथ कैसे लिखा जाता?

श्लोक 73 (padma.6.180.73)

विश्रामंत्याः सरस्वत्याश्चिरं यत्र मदालसाः । मृणालचंचवो हंसा वाहनानि चरंत्यमी

viśrāmaṃtyāḥ sarasvatyāściraṃ yatra madālasāḥ mṛṇālacaṃcavo haṃsā vāhanāni caraṃtyamī

जहाँ चिरकाल विश्राम करती सरस्वती के मदमस्त, कमल-नाल के समान चोंच वाले हंस उनके वाहन के रूप में विचरते हैं,

श्लोक 74 (padma.6.180.74)

कलाविशेषं प्रहिता यत्र बोद्धुं विरंचिना । तारा इव विराजंते हंसा याताः समंततः

kalāviśeṣaṃ prahitā yatra boddhuṃ viraṃcinā tārā iva virājaṃte haṃsā yātāḥ samaṃtataḥ

जहाँ विशेष कला सीखने हेतु ब्रह्मा द्वारा भेजे गए वे हंस, तारों के समान, सर्वत्र गए हुए शोभित होते हैं,

श्लोक 75 (padma.6.180.75)

स्थलपद्मानि दृश्यंते करस्पर्शसुखानि च । शयनाय नितंबिन्या यस्मिन्दानववैरिणा

sthalapadmāni dṛśyaṃte karasparśasukhāni ca śayanāya nitaṃbinyā yasmindānavavairiṇā

जहाँ हाथ के स्पर्श से सुखद स्थल-कमल दिखाई देते हैं, जो दानव-शत्रु (विष्णु) द्वारा अपनी नितंबिनी (लक्ष्मी) की शय्या हेतु बनाए गए हों,

श्लोक 76 (padma.6.180.76)

उपन्यासैर्द्विजातीनां यत्र न श्रूयते स्फुटम् । मूकोऽपि निर्जरो वाचा पदकल्लोलडंबरः

upanyāsairdvijātīnāṃ yatra na śrūyate sphuṭam mūko'pi nirjaro vācā padakallolaḍaṃbaraḥ

जहाँ द्विजातियों के प्रवचनों के बीच, अमर होते हुए भी मूक जैसे देवता की वाणी का शब्द-कल्लोल स्पष्ट सुनाई नहीं देता,

श्लोक 77 (padma.6.180.77)

यस्मिन्नध्वरधूमेन व्याप्तं गगनमंडलम् । अपि च क्षालितं मेघैः कालिमानं न मुंचति

yasminnadhvaradhūmena vyāptaṃ gaganamaṃḍalam api ca kṣālitaṃ meghaiḥ kālimānaṃ na muṃcati

जहाँ यज्ञ-धूम से व्याप्त आकाश-मंडल, मेघों द्वारा धोए जाने पर भी अपनी कालिमा नहीं छोड़ता,

श्लोक 78 (padma.6.180.78)

गलितायाः सुधायास्तु यत्राध्वरमहार्चिषा । लांछितं छद्मनास्थानं दृश्यते तुहिनत्विषि

galitāyāḥ sudhāyāstu yatrādhvaramahārciṣā lāṃchitaṃ chadmanāsthānaṃ dṛśyate tuhinatviṣi

जहाँ यज्ञ की महाज्वाला से गिरी हुई सुधा (अमृत) से चिह्नित स्थान, मानो चंद्रमा की चांदनी के छद्म में दिखाई देता है,

श्लोक 79 (padma.6.180.79)

जन्माभ्यासवशादेव पठंति बटवः स्वयम् । यत्रोपाध्यायसान्निध्यमाश्रित्य सकलाः कलाः

janmābhyāsavaśādeva paṭhaṃti baṭavaḥ svayam yatropādhyāyasānnidhyamāśritya sakalāḥ kalāḥ

जहाँ जन्म-अभ्यास के कारण ब्रह्मचारी बालक स्वयं पढ़ते हैं, जहाँ उपाध्याय के सान्निध्य का आश्रय लेकर सभी कलाएँ,

श्लोक 80 (padma.6.180.80)

यत्र ब्राह्मणपत्नीनां कंकणध्वनि हुंकृतिः । लुंपत्यनुदिनं भ्राम्यद्भ्रमराणां च गर्जितम्

yatra brāhmaṇapatnīnāṃ kaṃkaṇadhvani huṃkṛtiḥ luṃpatyanudinaṃ bhrāmyadbhramarāṇāṃ ca garjitam

जहाँ ब्राह्मण-पत्नियों की चूड़ियों की ध्वनि की गुनगुनाहट प्रतिदिन भ्रमण करते भ्रमरों की गुँजार को भी दबा देती है,

श्लोक 81 (padma.6.180.81)

यत्र ब्राह्मणपत्नीनां कपोलफलकं मुहुः । स्पृशन्समीरणो मंदं वाति शापभयादिव

yatra brāhmaṇapatnīnāṃ kapolaphalakaṃ muhuḥ spṛśansamīraṇo maṃdaṃ vāti śāpabhayādiva

जहाँ ब्राह्मण-पत्नियों के कपोल-तल को बार-बार स्पर्श करती मंद वायु मानो शाप के भय से धीरे-धीरे बहती है,

श्लोक 82 (padma.6.180.82)

माणिक्येश्वरनामासौ यत्र शीतांशुशेखरः । वसत्यनुदिनं देवो वरदानाय देहिनाम्

māṇikyeśvaranāmāsau yatra śītāṃśuśekharaḥ vasatyanudinaṃ devo varadānāya dehinām

जहाँ "माणिक्येश्वर" नाम से शीतांशुशेखर (चंद्रशेखर) देव प्रतिदिन प्राणियों को वरदान देने हेतु निवास करते हैं,

श्लोक 83 (padma.6.180.83)

अर्चितो भूपतीन्जित्वा मणिकेशेन चादृतः । माणिक्येश्वर इत्याख्यां तदाप्रभृति यो दधौ

arcito bhūpatīnjitvā maṇikeśena cādṛtaḥ māṇikyeśvara ityākhyāṃ tadāprabhṛti yo dadhau

जो राजाओं को जीतकर मणिकेश द्वारा आदरपूर्वक पूजित हुए, तभी से "माणिक्येश्वर" नाम धारण किया,

श्लोक 84 (padma.6.180.84)

राज्ञा काश्मीरदेवेश दिग्जयोत्सवकारिणा । असौ सुपूजितो यस्मान्माणिक्यैर्भूरिभूतिभिः

rājñā kāśmīradeveśa digjayotsavakāriṇā asau supūjito yasmānmāṇikyairbhūribhūtibhiḥ

दिग्विजय के उत्सव करने वाले काश्मीर-नरेश द्वारा जो प्रचुर माणिक्यों से भलीभाँति पूजित हुए —

श्लोक 85 (padma.6.180.85)

संसेवमानं तद्वारि छायां शकटिकोपरि । कंडूयमानमंगानि यंता रैक्यमपश्यत

saṃsevamānaṃ tadvāri chāyāṃ śakaṭikopari kaṃḍūyamānamaṃgāni yaṃtā raikyamapaśyata

उसी जल की सेवा करते, छकड़े पर छाया में बैठे, अंगों को खुजलाते हुए रैक्य को सारथी ने देखा।

श्लोक 86 (padma.6.180.86)

राज्ञापि कथितैस्तैस्तैश्चिह्नैः परिचितं जवात् । प्रणतः सारथी रैक्यं प्रणम्य तमभाषत

rājñāpi kathitaistaistaiścihnaiḥ paricitaṃ javāt praṇataḥ sārathī raikyaṃ praṇamya tamabhāṣata

राजा द्वारा बताए गए उन-उन चिह्नों से पहचानकर, सारथी ने शीघ्र ही रैक्य को प्रणाम कर उनसे कहा —

श्लोक 87 (padma.6.180.87)

सारथिरुवाच। कस्मिन्ब्रह्मन्किन्नामासि स्वछंदोऽसि निरंतरम् । किमर्थमत्र विश्रांतः किं च कर्तुं चिकीर्षसि

sārathiruvāca kasminbrahmankinnāmāsi svachaṃdo'si niraṃtaram kimarthamatra viśrāṃtaḥ kiṃ ca kartuṃ cikīrṣasi

सारथी ने कहा — "हे ब्रह्मन्! आप कहाँ के हैं, आपका क्या नाम है? आप सदा स्वच्छंद प्रतीत होते हैं। यहाँ आप किसलिए विश्राम कर रहे हैं, और क्या करना चाहते हैं?"

श्लोक 88 (padma.6.180.88)

इत्याकर्ण्य च तद्वाक्यं परमानंदनिर्भरः । स्मृत्वा सारथिमित्यूचे वयं पूर्णमनोरथाः

ityākarṇya ca tadvākyaṃ paramānaṃdanirbharaḥ smṛtvā sārathimityūce vayaṃ pūrṇamanorathāḥ

यह वचन सुनकर परमानंद से भरे रैक्य ने, अपने भीतर स्मरण करते हुए सारथी से कहा — "हम अपने मनोरथ में पूर्ण हैं।

श्लोक 89 (padma.6.180.89)

परं केनापि बहुना परिचर्याविधायिना । भवितव्यं मनोवृत्तिं जानतास्माकमेव हि

paraṃ kenāpi bahunā paricaryāvidhāyinā bhavitavyaṃ manovṛttiṃ jānatāsmākameva hi

फिर भी हमारी मनोवृत्ति को जानने वाले किसी सेवा करने में समर्थ व्यक्ति की आवश्यकता अवश्य होगी।"

श्लोक 90 (padma.6.180.90)

हृदयस्थितमादाय रैक्याभिप्रायमादरात् । शनैर्निरगमद्यंता यत्रास्ते वसुधाधिपः

hṛdayasthitamādāya raikyābhiprāyamādarāt śanairniragamadyaṃtā yatrāste vasudhādhipaḥ

हृदय में स्थित रैक्य के इस अभिप्राय को आदरपूर्वक ग्रहण कर वह सारथी धीरे-धीरे वहाँ लौटा, जहाँ पृथ्वीपति विराजमान थे।

श्लोक 91 (padma.6.180.91)

ततः प्रणम्य भूपालं यथावृत्तं न्यवेदयत् । बद्धांजलिपुटो हृष्टः सारथिः स्वामिदर्शनात्

tataḥ praṇamya bhūpālaṃ yathāvṛttaṃ nyavedayat baddhāṃjalipuṭo hṛṣṭaḥ sārathiḥ svāmidarśanāt

तब राजा को प्रणाम कर उसने जो कुछ हुआ था, वह सब बताया — हाथ जोड़े, अपने स्वामी के दर्शन से हर्षित सारथी ने।

श्लोक 92 (padma.6.180.92)

ततो निशम्य तद्वाक्यं विस्मयस्मेरलोचनः । श्रद्धालुरभवद्भूपो रैक्यसंभावनाविधौ

tato niśamya tadvākyaṃ vismayasmeralocanaḥ śraddhālurabhavadbhūpo raikyasaṃbhāvanāvidhau

तब उस वचन को सुनकर, विस्मय से मुस्कुराते नेत्रों वाला राजा, रैक्य के सम्मान की विधि में श्रद्धालु हो गया।

श्लोक 93 (padma.6.180.93)

आदायाश्वतरीयुग्मयुक्तां शकटिकामगात् । मुक्ताहारदुकूलानि सहस्रं च गवां नृपः

ādāyāśvatarīyugmayuktāṃ śakaṭikāmagāt muktāhāradukūlāni sahasraṃ ca gavāṃ nṛpaḥ

दो खच्चरों से जुते हुए एक छकड़े को लेकर, मोतियों की माला, रेशमी वस्त्र तथा सहस्र गायों सहित राजा,

श्लोक 94 (padma.6.180.94)

गतोऽसौ तत्र यत्रास्ते योगी काश्मीरमंडले । तन्निवेद्य पुरो राजा दंडवत्पतितो भुवि

gato'sau tatra yatrāste yogī kāśmīramaṃḍale tannivedya puro rājā daṃḍavatpatito bhuvi

वहाँ गया जहाँ वह योगी काश्मीर-मंडल में विराजमान था। यह सब अर्पित कर राजा भूमि पर दंडवत गिर पड़ा,

श्लोक 95 (padma.6.180.95)

आनम्य परया भक्त्या रैक्यो राज्ञे चुकोप ह । रे शूद्र मामकं वृत्तं न जानासि दुरीश्वर

ānamya parayā bhaktyā raikyo rājñe cukopa ha re śūdra māmakaṃ vṛttaṃ na jānāsi durīśvara

परम भक्ति से नत होकर। किंतु रैक्य राजा पर क्रुद्ध हो उठे — "अरे शूद्र! हे दुरीश्वर! तुम मेरा आचरण नहीं जानते।

श्लोक 96 (padma.6.180.96)

गृहाण शकटीमेतामुत्थाप्याश्वतरी युताम् । वस्त्राणि मुक्ताहारांश्च गाश्च दोग्ध्रीरपि स्वयम्

gṛhāṇa śakaṭīmetāmutthāpyāśvatarī yutām vastrāṇi muktāhārāṃśca gāśca dogdhrīrapi svayam

इस छकड़े को खच्चरों सहित उठाकर वापस ले लो। वस्त्र, मोतियों की माला तथा दुधारू गायें भी स्वयं ले लो।"

श्लोक 97 (padma.6.180.97)

इत्थमाज्ञतवान्भूपो रैक्यस्य भयमादधे । ततः शापभयाद्राजा तत्पदांभोरुहद्वयम्

itthamājñatavānbhūpo raikyasya bhayamādadhe tataḥ śāpabhayādrājā tatpadāṃbhoruhadvayam

इस प्रकार आदेश देने पर राजा को रैक्य से भय हुआ। तब शाप के भय से राजा ने उनके दोनों चरण-कमल,

श्लोक 98 (padma.6.180.98)

गृह्णन्भक्त्या प्रसीदेति ब्रह्मन्नित्यूचिवान्स्वयम्

gṛhṇanbhaktyā prasīdeti brahmannityūcivānsvayam

भक्तिपूर्वक पकड़कर स्वयं कहा — "हे ब्रह्मन्! प्रसन्न हो जाइए।"

श्लोक 99 (padma.6.180.99)

राजोवाच। भगवंस्तव माहात्म्यमेतदत्युद्भुतं कुतः । प्रसन्नीभूय भगवन्नाख्याहि मम तत्त्वतः

rājovāca bhagavaṃstava māhātmyametadatyudbhutaṃ kutaḥ prasannībhūya bhagavannākhyāhi mama tattvataḥ

राजा ने कहा — "हे भगवन्! आपकी यह अत्यंत अद्भुत महिमा कहाँ से है? हे भगवन्! प्रसन्न होकर मुझे तत्त्वतः बताइए।"

श्लोक 100 (padma.6.180.100)

रैक्य उवाच। गीतानां षष्ठमध्यायं जपामि प्रत्यहं नृप । तेनैव तेजोराशिर्मे सुराणामपि दुःसहः

raikya uvāca gītānāṃ ṣaṣṭhamadhyāyaṃ japāmi pratyahaṃ nṛpa tenaiva tejorāśirme surāṇāmapi duḥsahaḥ

रैक्य ने कहा — "हे राजन्! मैं प्रतिदिन गीता का छठा अध्याय जपता हूँ। उसी से मेरा यह तेज-समूह देवताओं के लिए भी असह्य है।"

श्लोक 101 (padma.6.180.101)

गीतानां षष्ठमध्यायं रैक्यादभ्यस्य यत्नतः । ज्ञानश्रुतिर्महीपालो मुक्तिमाप ततः सुधीः

gītānāṃ ṣaṣṭhamadhyāyaṃ raikyādabhyasya yatnataḥ jñānaśrutirmahīpālo muktimāpa tataḥ sudhīḥ

गीता के छठे अध्याय का रैक्य से यत्नपूर्वक अभ्यास कर, उस बुद्धिमान राजा ज्ञानश्रुति ने तत्पश्चात् मुक्ति प्राप्त की।

श्लोक 102 (padma.6.180.102)

रैक्योऽपि सुखमालेभे माणिक्येश्वरसन्निधौ । गीतानां षष्ठमध्यायं जपन्मोक्षप्रदायकम्

raikyo'pi sukhamālebhe māṇikyeśvarasannidhau gītānāṃ ṣaṣṭhamadhyāyaṃ japanmokṣapradāyakam

रैक्य ने भी माणिक्येश्वर के सान्निध्य में सुख प्राप्त किया, गीता के मोक्षदायक छठे अध्याय का जप करते हुए।

श्लोक 103 (padma.6.180.103)

मरालवेषमास्थाय वरदानार्थमागताः । दिवौकसोऽपि निर्जग्मुः स्वैरं विस्मयकारिताः

marālaveṣamāsthāya varadānārthamāgatāḥ divaukaso'pi nirjagmuḥ svairaṃ vismayakāritāḥ

वरदान देने आए स्वर्गवासी भी हंस-रूप धारण किए हुए विस्मित होकर स्वेच्छा से लौट गए।

श्लोक 104 (padma.6.180.104)

इममध्यायमप्येकं यो जपेत्सततं नरः । सोऽपि तत्पदवीमेति विष्णोरेव न संशयः

imamadhyāyamapyekaṃ yo japetsatataṃ naraḥ so'pi tatpadavīmeti viṣṇoreva na saṃśayaḥ

जो मनुष्य इस एक ही अध्याय का भी निरंतर जप करता है, वह भी विष्णु के उसी पद को प्राप्त होता है, इसमें संदेह नहीं।