गीता माहात्म्य: नवम अध्याय की महिमा (बोलता बकरा एवं राजा चंद्रशर्मा)

श्लोक 1 (padma.6.183.1)

श्रीमहादेव उवाच। अतः परं प्रवक्ष्यामि नवमाध्यायमादरात् । संशृणुष्व स्थिरीभूय तुहिनाचल कन्यके

śrīmahādeva uvāca ataḥ paraṃ pravakṣyāmi navamādhyāyamādarāt saṃśṛṇuṣva sthirībhūya tuhinācala kanyake

श्रीमहादेव ने कहा — इसके आगे मैं नवम अध्याय की महिमा आदरपूर्वक कहूँगा। हे तुहिनाचल-कन्ये! स्थिर होकर सुनो।

श्लोक 2 (padma.6.183.2)

अस्ति माहिष्मतीनाम नगरी नर्मदातटे । तत्रासीन्माधवो नाम द्विजन्मा स शिवो द्विजः

asti māhiṣmatīnāma nagarī narmadātaṭe tatrāsīnmādhavo nāma dvijanmā sa śivo dvijaḥ

नर्मदा के तट पर माहिष्मती नामक एक नगरी है। वहाँ माधव नामक एक शुभ द्विज रहता था,

श्लोक 3 (padma.6.183.3)

वेदवेदांगतत्वज्ञः कालेकालेऽतिथिप्रियः । अर्जयित्वा बहुधनं विद्ययैव विशुद्धधीः

vedavedāṃgatatvajñaḥ kālekāle'tithipriyaḥ arjayitvā bahudhanaṃ vidyayaiva viśuddhadhīḥ

वेद-वेदांग का तत्त्वज्ञ, समय-समय पर अतिथि-प्रिय; अपनी विद्या से ही बहुत धन कमाकर, विशुद्ध बुद्धि वाला,

श्लोक 4 (padma.6.183.4)

महांतमध्वरं कर्तुं समारेभे कदाचन । आलंभनार्थमानीतश्छागः पूजितविग्रहः

mahāṃtamadhvaraṃ kartuṃ samārebhe kadācana ālaṃbhanārthamānītaśchāgaḥ pūjitavigrahaḥ

उसने एक बार एक महान यज्ञ करना आरंभ किया। बलि के लिए लाया गया, पूजित शरीर वाला एक बकरा,

श्लोक 5 (padma.6.183.5)

वाचमूचे हसन्नुच्चैर्जगद्विस्मयकारकः । किमेतैर्बहुभिर्यागैर्विधिवद्विहितैरपि

vācamūce hasannuccairjagadvismayakārakaḥ kimetairbahubhiryāgairvidhivadvihitairapi

उच्च स्वर में हँसते हुए जगत् को विस्मित करने वाला यह वचन बोला — "विधिवत् संपन्न ये अनेक यज्ञ भी किस काम के,

श्लोक 6 (padma.6.183.6)

विनश्वरफलैर्जन्म जरामरणहेतुभिः । एतावत्यपि मे विप्र दशेयं दृश्यतामिति

vinaśvaraphalairjanma jarāmaraṇahetubhiḥ etāvatyapi me vipra daśeyaṃ dṛśyatāmiti

जब उनके फल नाशवान हैं, जन्म-जरा-मृत्यु के हेतु हैं? हे विप्र! मेरी यह अवस्था भी देखो।"

श्लोक 7 (padma.6.183.7)

छागस्यैवं वचोतीव कुतूहलपरं जनाः । निशम्य विस्मयं याताः कृतमंडपवासिनः

chāgasyaivaṃ vacotīva kutūhalaparaṃ janāḥ niśamya vismayaṃ yātāḥ kṛtamaṃḍapavāsinaḥ

बकरे के इस अत्यंत कौतूहलपूर्ण वचन को सुनकर मंडप में उपस्थित लोग विस्मित हो गए।

श्लोक 8 (padma.6.183.8)

ततो बद्धांजलिपुटो द्विजातिस्तिमितेक्षणः । प्रणम्य श्रद्दधानस्तमपृच्छच्छागमादरात्

tato baddhāṃjalipuṭo dvijātistimitekṣaṇaḥ praṇamya śraddadhānastamapṛcchacchāgamādarāt

तब हाथ जोड़े, स्थिर नेत्रों वाले उस द्विज ने प्रणाम करके, श्रद्धापूर्वक आदरसहित उस बकरे से पूछा —

श्लोक 9 (padma.6.183.9)

द्विज उवाच। किं जातीयः किमात्मा त्वं किं वृत्तमिति मे वद । केन वा कर्मणा वासीच्छागत्वमिति कारणम्

dvija uvāca kiṃ jātīyaḥ kimātmā tvaṃ kiṃ vṛttamiti me vada kena vā karmaṇā vāsīcchāgatvamiti kāraṇam

द्विज ने कहा — "तुम किस जाति के, किस स्वभाव के, किस आचरण के हो, यह बताओ। किस कर्म से तुम्हें बकरा-योनि प्राप्त हुई?"

श्लोक 10 (padma.6.183.10)

छाग उवाच। आसं पुरा द्विजातीनामन्वये चातिनिर्मले । आहर्ता क्रतुसंघानां वेदविद्याविशारदः

chāga uvāca āsaṃ purā dvijātīnāmanvaye cātinirmale āhartā kratusaṃghānāṃ vedavidyāviśāradaḥ

बकरे ने कहा — "पूर्वकाल में मैं द्विजों के अत्यंत निर्मल वंश में उत्पन्न हुआ था, अनेक यज्ञों का करने वाला, वेद-विद्या में निपुण।

श्लोक 11 (padma.6.183.11)

एकदा मम गेहिन्या पुत्ररोगप्रशांतये । छागः प्रयाचितो मत्तः चंडिकाभक्तिनम्रया

ekadā mama gehinyā putrarogapraśāṃtaye chāgaḥ prayācito mattaḥ caṃḍikābhaktinamrayā

एक बार मेरे पुत्र के रोग की शांति हेतु, चंडिका-भक्ति में नत मेरी पत्नी ने मुझसे एक बकरे की याचना की।

श्लोक 12 (padma.6.183.12)

ततो निहन्यमानस्य चंडिकामंडपस्थले । छागस्य जननी मां तु शशाप ब्रह्मवादिनी

tato nihanyamānasya caṃḍikāmaṃḍapasthale chāgasya jananī māṃ tu śaśāpa brahmavādinī

फिर चंडिका के मंडप-स्थल पर मारे जाते हुए उस बकरे की माता, जो ब्रह्मवादिनी थी, ने मुझे शाप दिया —

श्लोक 13 (padma.6.183.13)

अशास्त्रीयाध्वना पाप मत्सुतं यज्जिघांससि । द्विजात्यधमतेन त्वमजा योनिमवाप्स्यसि

aśāstrīyādhvanā pāpa matsutaṃ yajjighāṃsasi dvijātyadhamatena tvamajā yonimavāpsyasi

'हे पापी! अशास्त्रीय मार्ग से मेरे पुत्र को मारना चाहते हो, इस द्विज-अधमता के कारण तुम बकरी-योनि प्राप्त करोगे।'

श्लोक 14 (padma.6.183.14)

ततोऽहं प्रेत्यकालेन छागोऽभूवं द्विजोत्तम । निस्तीर्य चानेकविधा योनिसंतापयातनाः

tato'haṃ pretyakālena chāgo'bhūvaṃ dvijottama nistīrya cānekavidhā yonisaṃtāpayātanāḥ

तब मृत्यु के पश्चात्, हे द्विजोत्तम, मैं बकरा बना, अनेक प्रकार की योनियों की संताप-यातनाएँ भोगकर।"

श्लोक 15 (padma.6.183.15)

विप्र उवाच। जातिस्मरत्वमप्यस्ति पशुयोनिमुपेयुषः । त्वदीयजन्मशुश्रूषा कुतूहलरसोन्मुखम्

vipra uvāca jātismaratvamapyasti paśuyonimupeyuṣaḥ tvadīyajanmaśuśrūṣā kutūhalarasonmukham

विप्र ने कहा — "पशु-योनि प्राप्त होकर भी तुम्हें अपने पूर्वजन्मों का स्मरण है। तुम्हारे जन्मों की कथा सुनने की मुझे उत्सुकता है —

श्लोक 16 (padma.6.183.16)

छाग उवाच। मनः सर्वान्द्विजानेतानपि तत्कथयाखिलम् । कदाचिन्मर्कटो भूवमाहितुंडिकशिक्षया

chāga uvāca manaḥ sarvāndvijānetānapi tatkathayākhilam kadācinmarkaṭo bhūvamāhituṃḍikaśikṣayā

यह सब बताओ।" बकरे ने कहा — "एक बार मैं एक मदारी की शिक्षा से बंदर बना।

श्लोक 17 (padma.6.183.17)

क्रीडद्भिर्वीक्षितो डिंभैर्नृत्यन्प्रतिगृहांगणे । उदारानात्मनो दारान्विलोक्य तनयानपि

krīḍadbhirvīkṣito ḍiṃbhairnṛtyanpratigṛhāṃgaṇe udārānātmano dārānvilokya tanayānapi

क्रीड़ा करते बच्चों द्वारा देखा जाता, घर-घर के आँगन में नाचता हुआ, अपनी उदार पत्नी तथा पुत्रों को देखकर,

श्लोक 18 (padma.6.183.18)

क्रियापराङ्मुखो जातस्त्यक्तनर्तनसंभ्रमः । ततो वर्तुलदंडैश्च दुःसहैराहितुंडिकः

kriyāparāṅmukho jātastyaktanartanasaṃbhramaḥ tato vartuladaṃḍaiśca duḥsahairāhituṃḍikaḥ

मैं नृत्य करने से विमुख हो गया, नर्तन का भ्रम त्याग दिया। तब गोल दंडों से, असह्य रूप से, मदारी ने,

श्लोक 19 (padma.6.183.19)

मामुच्चैस्ताडयांचक्रे रुषा लोहितलोचनः । ततोऽहं मूर्च्छितोऽभूवं क्षरत्क्षतजसंततिः

māmuccaistāḍayāṃcakre ruṣā lohitalocanaḥ tato'haṃ mūrcchito'bhūvaṃ kṣaratkṣatajasaṃtatiḥ

क्रोध से लाल-नेत्र होकर मुझे बहुत मारा। तब मैं मूर्च्छित हो गया, रक्त की धारा बहती रही।

श्लोक 20 (padma.6.183.20)

आजिघ्रन्नन्नमुदकमगमं कालधर्मताम् । ततोऽहमासीच्छुनकः परिभ्राम्यन्गृहे गृहे

ājighrannannamudakamagamaṃ kāladharmatām tato'hamāsīcchunakaḥ paribhrāmyangṛhe gṛhe

अन्न-जल सूँघते हुए ही मैंने मृत्यु प्राप्त की। फिर मैं एक कुत्ता बना, घर-घर भटकता हुआ,

श्लोक 21 (padma.6.183.21)

कुक्षिं भरिरहं मार्गे त्यक्तोच्छिष्टान्नभक्षकः । कदाचिदाविशं स्वांतरात्मवेश्ममहानसम्

kukṣiṃ bharirahaṃ mārge tyaktocchiṣṭānnabhakṣakaḥ kadācidāviśaṃ svāṃtarātmaveśmamahānasam

मार्ग में फेंके गए जूठे अन्न को खाकर पेट भरता। एक बार मैं अपने ही पूर्व-घर की रसोई में घुसा,

श्लोक 22 (padma.6.183.22)

बुभुक्षितो भक्षयितुं स्थाली स्थापितमोदनम् । जिघ्रन्भूमितलं पश्यन्दिशो दश शनैर्भयात्

bubhukṣito bhakṣayituṃ sthālī sthāpitamodanam jighranbhūmitalaṃ paśyandiśo daśa śanairbhayāt

भूखा होकर, चूल्हे पर रखे भात को खाने के लिए, भूमि सूँघते हुए, धीरे-धीरे भय से दसों दिशाएँ देखते हुए,

श्लोक 23 (padma.6.183.23)

शंकमानो जनरवात्पार्श्वे च विलिहन्निव । ततः कदाचिदागत्य वीक्षितस्तनुजैर्निजैः

śaṃkamāno janaravātpārśve ca vilihanniva tataḥ kadācidāgatya vīkṣitastanujairnijaiḥ

लोगों की आवाज से शंकित होकर, अपने ही पार्श्व को चाटता हुआ। तब एक बार मुझे अपने ही पूर्व-पुत्रों ने देखा,

श्लोक 24 (padma.6.183.24)

जायया च जरत्याहं ताडितो लकुटादिभिः । ततो भग्नकटिर्यातो बहुशोणितमुद्वहन्

jāyayā ca jaratyāhaṃ tāḍito lakuṭādibhiḥ tato bhagnakaṭiryāto bahuśoṇitamudvahan

और वृद्ध पत्नी ने भी, और मुझे लाठियों आदि से मारा गया। तब कमर टूटी हुई, बहुत रक्त बहाते हुए,

श्लोक 25 (padma.6.183.25)

निर्जगाम बहिर्गेहात्कथंचिन्मूर्च्छयाकुलः । अंगेषु पूतिगंधेषु क्रिमिगर्भेषु कालतः

nirjagāma bahirgehātkathaṃcinmūrcchayākulaḥ aṃgeṣu pūtigaṃdheṣu krimigarbheṣu kālataḥ

मैं किसी प्रकार घर से बाहर निकला, मूर्च्छा से व्याकुल। शरीर पर दुर्गंधित, कीड़ों से भरे अंगों के साथ, समय के साथ,

श्लोक 26 (padma.6.183.26)

ततः कदश्वतां प्राप्तः शौंडिकस्य च वेश्मनि । अश्वोभवमहं विद्वन्मृतः कालक्रमादिह

tataḥ kadaśvatāṃ prāptaḥ śauṃḍikasya ca veśmani aśvobhavamahaṃ vidvanmṛtaḥ kālakramādiha

वहाँ मरकर मैं एक शराब-विक्रेता के घर में हीन घोड़ा बना। हे विद्वन्! मैं यहाँ काल-क्रम से मरकर घोड़ा हुआ।

श्लोक 27 (padma.6.183.27)

कदाचिच्चत्वरे तेन समानीतो जनाकुले । विक्रयाय जरालीढ पतयालुरदावलि

kadāciccatvare tena samānīto janākule vikrayāya jarālīḍha patayāluradāvali

एक बार, जीर्ण, लड़खड़ाता, दाँत गिरे हुए, वह मुझे भीड़भरे चौराहे में बिक्री हेतु ले आया,

श्लोक 28 (padma.6.183.28)

जायया द्वारकायात्रां कर्तुमुद्यतयासकृत् । मौल्येनाल्पीयसा क्रेतुं तुरंगं चेष्टमानया

jāyayā dvārakāyātrāṃ kartumudyatayāsakṛt maulyenālpīyasā kretuṃ turaṃgaṃ ceṣṭamānayā

और द्वारका की यात्रा करने की बार-बार इच्छुक एक पत्नी ने, कम मूल्य में घोड़ा खरीदने का प्रयत्न करते हुए,

श्लोक 29 (padma.6.183.29)

जगृहेहं तया दाम्ना अल्पेन वसुना जरन् । गंतुं चारभतद्वित्रैः पुत्रैरारुह्य मां समम्

jagṛhehaṃ tayā dāmnā alpena vasunā jaran gaṃtuṃ cārabhatadvitraiḥ putrairāruhya māṃ samam

मुझे उस अल्प धन से खरीद लिया, बूढ़ा होते हुए भी। वह अपने दो-तीन पुत्रों सहित मुझ पर चढ़कर यात्रा करने लगी।

श्लोक 30 (padma.6.183.30)

शनैः शनै सरस्तीरे मग्नोऽहं गाढकर्दमे । तत्राहं कुटिलग्रीवश्चापतन्कर्दमान्तरे

śanaiḥ śanai sarastīre magno'haṃ gāḍhakardame tatrāhaṃ kuṭilagrīvaścāpatankardamāntare

धीरे-धीरे, सरोवर के तट पर, गहरे कीचड़ में मैं धँस गया। वहाँ मैं टेढ़ी गर्दन के साथ कीचड़ के बीच गिर पड़ा,

श्लोक 31 (padma.6.183.31)

ताड्यमानो मुहुः पुत्रैः लकुटोपलपाणिभिः । उत्थाप्यमानो बहुधा प्राणान्मोचितवानहम्

tāḍyamāno muhuḥ putraiḥ lakuṭopalapāṇibhiḥ utthāpyamāno bahudhā prāṇānmocitavānaham

पुत्रों द्वारा बार-बार लाठी-पत्थर हाथ में लिए मारा जाता हुआ, अनेक प्रकार से उठाने की कोशिश में मैंने अपने प्राण त्याग दिए।

श्लोक 32 (padma.6.183.32)

ततो निश्चित्य मां तत्र मृतं भग्नोद्यमाः सुताः । आक्रुश्य मातरं दीनां प्रावृत्य निर्ययुर्गृहम्

tato niścitya māṃ tatra mṛtaṃ bhagnodyamāḥ sutāḥ ākruśya mātaraṃ dīnāṃ prāvṛtya niryayurgṛham

तब मुझे वहाँ मरा हुआ निश्चित जानकर, निराश हुए पुत्र, अपनी दीन माता को धिक्कारते हुए, वापस घर लौट गए।

श्लोक 33 (padma.6.183.33)

ततः संप्रेत्य बहुना कालेन छागतां गतः । निस्तीर्णानेकहीनोच्च योनिसंतापयातनः

tataḥ saṃpretya bahunā kālena chāgatāṃ gataḥ nistīrṇānekahīnocca yonisaṃtāpayātanaḥ

फिर बहुत समय बाद मरकर मैं इस बकरा-अवस्था को प्राप्त हुआ, अनेक नीच-उच्च योनियों की संताप-यातनाएँ भोगकर।"

श्लोक 34 (padma.6.183.34)

द्विज उवाच। किमनेन महाछाग दुःखजातेन नित्यशः । यथावदंजसा मह्यं सुखमात्यंतिकं भवेत्

dvija uvāca kimanena mahāchāga duḥkhajātena nityaśaḥ yathāvadaṃjasā mahyaṃ sukhamātyaṃtikaṃ bhavet

द्विज ने कहा — "हे महाबकरे! नित्य इन दुःखों के जन्म से क्या लाभ? मुझे यथार्थ रूप से बताओ कि किस प्रकार मुझे अनंत सुख प्राप्त हो।"

श्लोक 35 (padma.6.183.35)

छाग उवाच। आश्चर्यं कथयिष्यामि पुनरन्यदपि द्विज । स्वस्थमापृच्छमानस्य तवास्ति यदि कौतुकम्

chāga uvāca āścaryaṃ kathayiṣyāmi punaranyadapi dvija svasthamāpṛcchamānasya tavāsti yadi kautukam

बकरे ने कहा — "हे द्विज! यदि तुम्हें अभी भी कौतूहल है, तो मैं एक और आश्चर्य कहूँगा।

श्लोक 36 (padma.6.183.36)

अस्ति नाम्ना कुरुक्षेत्रं नगरं मोक्षदायकम् । सूर्यवंशोऽभवत्तत्र चंद्रशर्मा महीपतिः

asti nāmnā kurukṣetraṃ nagaraṃ mokṣadāyakam sūryavaṃśo'bhavattatra caṃdraśarmā mahīpatiḥ

कुरुक्षेत्र नामक एक मोक्षदायक नगर है। वहाँ सूर्यवंशी चंद्रशर्मा नामक एक राजा था।

श्लोक 37 (padma.6.183.37)

सूर्योपरागसमये श्रद्धया परयान्वितः । दानं स कालपुरुषं दातुं समुपचक्रमे

sūryoparāgasamaye śraddhayā parayānvitaḥ dānaṃ sa kālapuruṣaṃ dātuṃ samupacakrame

सूर्यग्रहण के समय, परम श्रद्धा से युक्त होकर, उसने 'कालपुरुष' नामक दान देने का संकल्प किया।

श्लोक 38 (padma.6.183.38)

समाहूय द्विजन्मानं वेदवेदांगपारगम् । स्नातुं पुण्योदकैः पुण्यैर्ययौ सार्द्धं पुरोधसा

samāhūya dvijanmānaṃ vedavedāṃgapāragam snātuṃ puṇyodakaiḥ puṇyairyayau sārddhaṃ purodhasā

वेद-वेदांग-पारंगत एक द्विज को बुलाकर, पुण्य जल में स्नान हेतु वह पुरोहित सहित गया।

श्लोक 39 (padma.6.183.39)

अथोच्चैः कालपुरुषो वाचमूचे हसन्निव । अन्येनैव प्रगृह्णंति क्षेत्रे चाण्वपि किंचन

athoccaiḥ kālapuruṣo vācamūce hasanniva anyenaiva pragṛhṇaṃti kṣetre cāṇvapi kiṃcana

तब कालपुरुष ने ऊँचे स्वर में मानो हँसते हुए कहा — 'इस क्षेत्र में कोई भी अणु-मात्र भी किसी अन्य से ग्रहण नहीं करता,

श्लोक 40 (padma.6.183.40)

सूर्योपरागसमये कुरुक्षेत्राभिधे स्थले । दानं च कालपुरुषं जिघृक्षसि कथं द्विज

sūryoparāgasamaye kurukṣetrābhidhe sthale dānaṃ ca kālapuruṣaṃ jighṛkṣasi kathaṃ dvija

सूर्यग्रहण के समय कुरुक्षेत्र नामक स्थान पर — फिर तुम कालपुरुष का दान कैसे ग्रहण करना चाहते हो, हे द्विज?

श्लोक 41 (padma.6.183.41)

ज्ञात्वापि निश्चितं सर्वमेतत्पातककारकम् । प्रवर्तसे कथं कर्तुं धनलोभान्धया धिया

jñātvāpi niścitaṃ sarvametatpātakakārakam pravartase kathaṃ kartuṃ dhanalobhāndhayā dhiyā

यह सब जानकर भी, कि यह पातक का कारण है, तुम धन-लोभ से अंधी बुद्धि से इसे करने के लिए क्यों प्रवृत्त हो रहे हो?'

श्लोक 42 (padma.6.183.42)

इत्थमाकर्ण्य तद्वाक्यं जगद्विस्मयकारकम् । किमनेन महादानभयेनेत्यवदद्द्विजः

itthamākarṇya tadvākyaṃ jagadvismayakārakam kimanena mahādānabhayenetyavadaddvijaḥ

यह जगत्-विस्मयकारी वचन सुनकर द्विज ने कहा — 'इस महादान के भय से क्या लाभ?

श्लोक 43 (padma.6.183.43)

एवंविध महादान पातकागाधवारिधिम् । जानामि तरितुं सम्यगुपायमहमेव हि

evaṃvidha mahādāna pātakāgādhavāridhim jānāmi tarituṃ samyagupāyamahameva hi

इस प्रकार के महादान से उत्पन्न पातक के अगाध सागर को पार करने का उचित उपाय मैं स्वयं जानता हूँ।'

श्लोक 44 (padma.6.183.44)

ततः स्नात्वा महीपालः परिधाय च वाससी । शुचिः प्रसन्नहृदयः सितमाल्यानुलेपनः

tataḥ snātvā mahīpālaḥ paridhāya ca vāsasī śuciḥ prasannahṛdayaḥ sitamālyānulepanaḥ

तब राजा ने स्नान करके, दो वस्त्र पहनकर, शुद्ध, प्रसन्न हृदय, श्वेत माला तथा लेप धारण करते हुए,

श्लोक 45 (padma.6.183.45)

अवलंब्य करांभोजं पार्श्ववर्तिपुरोधसः । समाययौ सेव्यमानः स तत्कालोचितैर्जनैः

avalaṃbya karāṃbhojaṃ pārśvavartipurodhasaḥ samāyayau sevyamānaḥ sa tatkālocitairjanaiḥ

समीप खड़े पुरोहित के कर-कमल का सहारा लेकर, उस समय के योग्य लोगों द्वारा सेवित होकर, आगे बढ़ा।

श्लोक 46 (padma.6.183.46)

समागत्य च भूपालः संप्रादात्कालपूरुषम् । यथोचितेन विधिना तस्मै भक्त्या द्विजन्मने

samāgatya ca bhūpālaḥ saṃprādātkālapūruṣam yathocitena vidhinā tasmai bhaktyā dvijanmane

राजा ने आकर उस द्विज को यथोचित विधि से भक्तिपूर्वक कालपुरुष अर्पित कर दिया।

श्लोक 47 (padma.6.183.47)

निर्भिद्य कालपुरुषहृदयं निर्दयोदयः । पापात्मा निर्ययौ कश्चिच्चांडालो रक्तलोचनः

nirbhidya kālapuruṣahṛdayaṃ nirdayodayaḥ pāpātmā niryayau kaściccāṃḍālo raktalocanaḥ

कालपुरुष के हृदय को विदीर्ण करके, निर्दयतापूर्वक उत्पन्न होकर, कोई पापात्मा, लाल नेत्रों वाला चांडाल बाहर निकला।

श्लोक 48 (padma.6.183.48)

किंच प्रापितकालस्य परनिंदारसोत्सवे । निंदा चांडालिका देहपार्श्वमागाद्द्विजन्मनः

kiṃca prāpitakālasya paraniṃdārasotsave niṃdā cāṃḍālikā dehapārśvamāgāddvijanmanaḥ

और साथ ही, परनिंदा-रस के उत्सव के समय, चांडालिका-रूपिणी निंदा भी उस द्विज के शरीर के पास आई।

श्लोक 49 (padma.6.183.49)

एतच्चांडालयुगलं निर्गत्यारुणलोचनम् । ततः संचरितं चक्रे प्रसह्यांगे द्विजन्मनः

etaccāṃḍālayugalaṃ nirgatyāruṇalocanam tataḥ saṃcaritaṃ cakre prasahyāṃge dvijanmanaḥ

यह चांडाल-युगल, लाल नेत्रों वाला, बाहर निकलकर, बलपूर्वक उस द्विज के अंग में संचरित हो गया।

श्लोक 50 (padma.6.183.50)

गीतानां नवमाध्यायं जपन्नेव हृदिस्थितः । कंपमानं द्विजं किंचित्तूष्णीं पश्यति भूपतौ

gītānāṃ navamādhyāyaṃ japanneva hṛdisthitaḥ kaṃpamānaṃ dvijaṃ kiṃcittūṣṇīṃ paśyati bhūpatau

गीता के नवम अध्याय का जप करते हुए ही, वह हृदय में स्थित रहा। राजा ने उस द्विज को थोड़ा कंपित होते हुए, चुपचाप देखा —

श्लोक 51 (padma.6.183.51)

अंतर्निद्राणगोविंदं कंपमानमिवांबुधिम् । मरुदांदोलनैर्विद्वान्द्विजन्मा पापसंश्रयम्

aṃtarnidrāṇagoviṃdaṃ kaṃpamānamivāṃbudhim marudāṃdolanairvidvāndvijanmā pāpasaṃśrayam

जैसे भीतर सोए गोविंद वाला समुद्र वायु के हिलोरों से कंपित होता है, वैसे ही वह विद्वान द्विज, पाप का आश्रय बना हुआ,

श्लोक 52 (padma.6.183.52)

ततो गीताक्षरोद्भूतैर्वैष्णवैः परिपीडितम् । पलायमानं चांडालयुगलं निष्फलोद्यमम्

tato gītākṣarodbhūtairvaiṣṇavaiḥ paripīḍitam palāyamānaṃ cāṃḍālayugalaṃ niṣphalodyamam

फिर गीता के अक्षरों से उत्पन्न वैष्णव शक्तियों से पीड़ित होकर, वह चांडाल-युगल असफल प्रयास लिए भाग खड़ा हुआ।

श्लोक 53 (padma.6.183.53)

तन्निश्चक्राम वेगेन द्विजातेः पार्श्ववर्ति यत् । शरीरे वर्त्तमानं च परनिंदारसोत्सवे

tanniścakrāma vegena dvijāteḥ pārśvavarti yat śarīre varttamānaṃ ca paraniṃdārasotsave

द्विज के पार्श्व में स्थित, शरीर में परनिंदा-रस के उत्सव में रत वह युगल, वेगपूर्वक बाहर निकल गया।

श्लोक 54 (padma.6.183.54)

इत्थं कलितवृत्तांतः प्रत्यक्षं क्षितिवल्लभः । पर्यपृच्छद्द्विजन्मानं विस्मयस्मेरलोचनः

itthaṃ kalitavṛttāṃtaḥ pratyakṣaṃ kṣitivallabhaḥ paryapṛcchaddvijanmānaṃ vismayasmeralocanaḥ

इस प्रकार यह वृत्तांत प्रत्यक्ष देखकर, विस्मय से मुस्कुराते नेत्रों वाले राजा ने द्विज से पूछा —

श्लोक 55 (padma.6.183.55)

कथमापदियं घोरा निस्तीर्णा महती त्वया । कं मंत्रं जपता विप्र कं वासं स्मरतासुरम्

kathamāpadiyaṃ ghorā nistīrṇā mahatī tvayā kaṃ maṃtraṃ japatā vipra kaṃ vāsaṃ smaratāsuram

"यह घोर, महान आपदा तुमने कैसे पार की? हे विप्र! तुमने कौन-सा मंत्र जपा, कौन-सा आसुरी निवास स्मरण किया?

श्लोक 56 (padma.6.183.56)

कः पुमान्का च सा योषित्कथमेतावुपस्थितौ । कथं च शांतिमापन्नावित्युदीरय मे द्विज

kaḥ pumānkā ca sā yoṣitkathametāvupasthitau kathaṃ ca śāṃtimāpannāvityudīraya me dvija

वह पुरुष कौन था, और वह स्त्री कौन थी? वे दोनों कैसे उपस्थित हुए? और वे कैसे शांति को प्राप्त हुए? यह मुझे बताओ, हे द्विज।"

श्लोक 57 (padma.6.183.57)

द्विज उवाच। चांडालमूर्तिमासाद्य मूर्तिकिल्बिषमुल्बणम् । योषिन्मूर्त्तिमयीं निंदाद्वयमेतदवैम्यहम्

dvija uvāca cāṃḍālamūrtimāsādya mūrtikilbiṣamulbaṇam yoṣinmūrttimayīṃ niṃdādvayametadavaimyaham

द्विज ने कहा — "चांडाल-रूप धारण किए महापाप की मूर्ति, तथा स्त्री-रूप धारण की निंदा — इन दोनों को मैं जानता हूँ,

श्लोक 58 (padma.6.183.58)

गीताया नवमाध्यायमंत्रमाला मया स्मृता । तन्माहात्म्यमिदं सर्वं त्वमवेहि महीपते

gītāyā navamādhyāyamaṃtramālā mayā smṛtā tanmāhātmyamidaṃ sarvaṃ tvamavehi mahīpate

कि गीता के नवम अध्याय की मंत्र-माला का मैंने स्मरण किया, उसी की यह सारी महिमा है, हे महीपते, यह जान लीजिए।

श्लोक 59 (padma.6.183.59)

गीताया नवमाध्यायं जपामि प्रत्यहं नृप । निस्तीर्णाश्चापदस्तेन कुप्रतिग्रहसंभवाः

gītāyā navamādhyāyaṃ japāmi pratyahaṃ nṛpa nistīrṇāścāpadastena kupratigrahasaṃbhavāḥ

हे राजन्! मैं प्रतिदिन गीता के नवम अध्याय का जप करता हूँ। उसी से कुप्रतिग्रह (अनुचित दान ग्रहण) से उत्पन्न आपदाओं को भी मैंने पार किया।"

श्लोक 60 (padma.6.183.60)

अभ्यस्य नवामाध्यायं राजा तस्माद्द्विजन्मनः । तावुभावपि लेभाते परां निर्वृतिमुत्तमाम्

abhyasya navāmādhyāyaṃ rājā tasmāddvijanmanaḥ tāvubhāvapi lebhāte parāṃ nirvṛtimuttamām

उस द्विज से नवम अध्याय का अभ्यास कर राजा ने भी, दोनों ने ही परम श्रेष्ठ शांति प्राप्त की।