गीता माहात्म्य: दशम अध्याय की महिमा (हंस, कमलिनी एवं काशी से बँधे मुनि की कथा)

श्लोक 1 (padma.6.184.1)

देव्युवाच। सर्वज्ञ सर्वचैतन्य सर्वेश्वर गिरां गुरो । धन्यास्मि शिवमान्येन दृश्यमानेन यत्त्वया

devyuvāca sarvajña sarvacaitanya sarveśvara girāṃ guro dhanyāsmi śivamānyena dṛśyamānena yattvayā

देवी ने कहा — हे सर्वज्ञ, सर्वचैतन्य, सर्वेश्वर, वाणी के गुरु! मैं धन्य हूँ कि शिव द्वारा सम्मानित आप द्वारा मुझे दर्शन दिया जा रहा है।

श्लोक 2 (padma.6.184.2)

निरूपितमिदं पुण्यं नवमाध्यायवैभवम् । अनेकविस्मयस्वादु कथानकमयं मधु

nirūpitamidaṃ puṇyaṃ navamādhyāyavaibhavam anekavismayasvādu kathānakamayaṃ madhu

यह नवम अध्याय की महिमा, अनेक विस्मयों से मधुर कथारूपी अमृत, प्रतिपादित की गई।

श्लोक 3 (padma.6.184.3)

शृण्वंत्या मम देवेश न तृप्तिर्जातु जायते । अकुंठाश्रवणोत्कंठा वर्द्धते वृषभध्वज

śṛṇvaṃtyā mama deveśa na tṛptirjātu jāyate akuṃṭhāśravaṇotkaṃṭhā varddhate vṛṣabhadhvaja

हे देवेश! इसे सुनते हुए मुझे कभी तृप्ति नहीं होती। हे वृषभध्वज! मेरी अटूट सुनने की उत्कंठा बढ़ती ही जाती है।

श्लोक 4 (padma.6.184.4)

आसीन्ममहिमांभोधे गीतानां श्रुतिजीवितम् । तत्रापि दशमाध्यायं प्रधानं मुनयो जगुः

āsīnmamahimāṃbhodhe gītānāṃ śrutijīvitam tatrāpi daśamādhyāyaṃ pradhānaṃ munayo jaguḥ

गीता के श्रवण से प्राप्त जीवन ही उस महिमा-सागर में था, फिर भी उसमें दशम अध्याय को मुनियों ने प्रधान कहा है।

श्लोक 5 (padma.6.184.5)

तमुद्दिश्य महाध्यायमभिधेहि कथानकम् । शिव उवाच। शृणु सुश्रोणि निश्रेणीं स्वर्गदुर्गस्य दुर्ल्लभाम्

tamuddiśya mahādhyāyamabhidhehi kathānakam śiva uvāca śṛṇu suśroṇi niśreṇīṃ svargadurgasya durllabhām

उसी महान अध्याय से संबंधित कथा कहिए। शिव ने कहा — हे सुश्रोणि! सुनो, यह स्वर्ग-दुर्ग की दुर्लभ सीढ़ी के समान,

श्लोक 6 (padma.6.184.6)

सीमामिव प्रभावानां पावनीं परमां कथाम् । आसीत्काशीपुरे विप्रः पुण्यकीर्त्तिपरायणः

sīmāmiva prabhāvānāṃ pāvanīṃ paramāṃ kathām āsītkāśīpure vipraḥ puṇyakīrttiparāyaṇaḥ

सभी प्रभावों की सीमा के समान, पावन, परम कथा है। काशी नगरी में एक ब्राह्मण था, पुण्य-कीर्ति में परायण,

श्लोक 7 (padma.6.184.7)

प्रशांतचेता निर्मुक्त हिंसाकार्कश्यसाहसः । निवृत्तिनिरतो नित्यं जितेंद्रियतया तथा

praśāṃtacetā nirmukta hiṃsākārkaśyasāhasaḥ nivṛttinirato nityaṃ jiteṃdriyatayā tathā

प्रशांतचित्त, हिंसा-कठोरता-साहस से मुक्त, नित्य निवृत्ति में रत, तथा जितेंद्रिय,

श्लोक 8 (padma.6.184.8)

धीरधीरिति विख्यातो नंदीव मयि भक्तिमान् । निस्तीर्णनिगमांभोधिः सर्वशास्त्रार्थकोविदः

dhīradhīriti vikhyāto naṃdīva mayi bhaktimān nistīrṇanigamāṃbhodhiḥ sarvaśāstrārthakovidaḥ

"धीराधीर" नाम से विख्यात, मेरे प्रति नंदी के समान भक्तिमान, वेदों के सागर को पार किया हुआ, सभी शास्त्रों के अर्थ में निपुण।

श्लोक 9 (padma.6.184.9)

तस्य ध्यानपराधीन चेतसः प्रतिगच्छतः । अंतरात्मनि निर्मग्न मनसस्तत्त्वचक्षुषः

tasya dhyānaparādhīna cetasaḥ pratigacchataḥ aṃtarātmani nirmagna manasastattvacakṣuṣaḥ

उसका चित्त ध्यान के अधीन हो जाता, अंतरात्मा में लीन मन वाला, तत्त्व-दृष्टि से युक्त,

श्लोक 10 (padma.6.184.10)

करावलंबनं तस्य धावन्प्रीत्या ददाम्यहम् । कदाचन चमत्कारकारकं विमना मुनिः

karāvalaṃbanaṃ tasya dhāvanprītyā dadāmyaham kadācana camatkārakārakaṃ vimanā muniḥ

उसे मैं प्रीतिपूर्वक दौड़कर अपने हाथ का सहारा देता। एक बार वह अन्यमनस्क मुनि, आश्चर्यजनक ढंग से,

श्लोक 11 (padma.6.184.11)

आचांतः किंच नासाग्रपरमानंदमेदुराम् । दृशमासाद्य निद्राणकरणोयमिवास्थितः

ācāṃtaḥ kiṃca nāsāgraparamānaṃdamedurām dṛśamāsādya nidrāṇakaraṇoyamivāsthitaḥ

आचमन करके, नासाग्र पर परमानंद से पूर्ण दृष्टि टिकाकर, मानो इंद्रियाँ सो गई हों ऐसे स्थित हो गया।

श्लोक 12 (padma.6.184.12)

उपाधास्य विशालाक्षि विशालां द्वारदेहलीम् । अशेत निशि निःशंकं तावल्लंबेक्षणः क्षणम्

upādhāsya viśālākṣi viśālāṃ dvāradehalīm aśeta niśi niḥśaṃkaṃ tāvallaṃbekṣaṇaḥ kṣaṇam

हे विशालाक्षि! उसने विशाल द्वार-देहली पर सिर टिकाकर, रात्रि में निःशंक होकर, क्षण भर नेत्र नीचे झुकाए सो गया।

श्लोक 13 (padma.6.184.13)

मामपृच्छद्भृंगिरिटिः प्रणम्यपादपंकजम् । अनेन विधिना केन विहितं तव दर्शनम्

māmapṛcchadbhṛṃgiriṭiḥ praṇamyapādapaṃkajam anena vidhinā kena vihitaṃ tava darśanam

भृंगिरिटि ने मेरे चरण-कमल में प्रणाम करके पूछा — "किस विधि से आपने इसे यह दर्शन दिया है?

श्लोक 14 (padma.6.184.14)

तपस्तप्तं हुतं जप्तं किमनेन महात्मना । दत्ते प्रतिपदं देवो यस्य हस्तावलंबनम्

tapastaptaṃ hutaṃ japtaṃ kimanena mahātmanā datte pratipadaṃ devo yasya hastāvalaṃbanam

इस महात्मा ने कौन-सा तप किया, कौन-सा हवन, कौन-सा जप, जिससे देव इसे प्रत्येक कदम पर हाथ का सहारा देते हैं?

श्लोक 15 (padma.6.184.15)

अयं न लभते गंतुं कस्मादस्मात्पुराद्बहिः । यदृच्छया यदा काशी सीमामुल्लंघ्य गच्छति

ayaṃ na labhate gaṃtuṃ kasmādasmātpurādbahiḥ yadṛcchayā yadā kāśī sīmāmullaṃghya gacchati

यह इस नगर से बाहर क्यों नहीं जा पाता? जब कभी अनायास काशी की सीमा लांघकर जाता है,

श्लोक 16 (padma.6.184.16)

न पश्यति तदा सर्वान्पार्श्वस्थानपि देहिनः । अत्र हेतुमहं ज्ञातुमिच्छामि स्वामिभाषिताम्

na paśyati tadā sarvānpārśvasthānapi dehinaḥ atra hetumahaṃ jñātumicchāmi svāmibhāṣitām

तब वह पास खड़े प्राणियों को भी नहीं देख पाता। हे स्वामी! मैं इसका कारण जानना चाहता हूँ,

श्लोक 17 (padma.6.184.17)

अनुग्राह्योस्मि चेद्वक्तुं युक्तं चेत्तदुदीरय । भृंगिरिटेरिमं प्रश्नं समाकर्ण्याहमूचिवान्

anugrāhyosmi cedvaktuṃ yuktaṃ cettadudīraya bhṛṃgiriṭerimaṃ praśnaṃ samākarṇyāhamūcivān

यदि मैं अनुग्रह के योग्य हूँ, और यदि यह बताने योग्य है, तो बताइए।" भृंगिरिटि के इस प्रश्न को सुनकर मैंने कहा —

श्लोक 18 (padma.6.184.18)

कदाचिदासं कैलासं पार्श्वे पुन्नागकानने । रणत्खेचरसुश्रोणि पूर्णस्तबककानने

kadācidāsaṃ kailāsaṃ pārśve punnāgakānane raṇatkhecarasuśroṇi pūrṇastabakakānane

"एक बार मैं कैलास के समीप, पुन्नाग-वन में था, जहाँ खेचर पक्षी गूँज रहे थे, पूर्ण गुच्छों वाले वन में,

श्लोक 19 (padma.6.184.19)

कलकंठकुलालाप कल्लोलितदिगंतरे । गरुत्मदादिदात्यूह समूहस्वरसंकुले

kalakaṃṭhakulālāpa kallolitadigaṃtare garutmadādidātyūha samūhasvarasaṃkule

मधुर कंठ वाले पक्षियों के कलरव से दिशाएँ भर उठी थीं, गरुड़ आदि तथा दात्यूह पक्षियों के समूह-स्वरों से युक्त,

श्लोक 20 (padma.6.184.20)

भ्रमद्दारुघटीयंत्र प्रोल्लसद्बिंदुदंतुरे । प्रबुद्धसारणिप्रांत कदलीकंदलालसे

bhramaddārughaṭīyaṃtra prollasadbiṃdudaṃture prabuddhasāraṇiprāṃta kadalīkaṃdalālase

घूमते लकड़ी के जल-चक्र से उछलती बूँदों से रुखे, जागृत नाली के किनारे केले के अंकुरों से युक्त,

श्लोक 21 (padma.6.184.21)

कस्तूरीहरिणोपेते किंनरस्वरमोहिते । रोमंथमंथरापांगैर्मृगैः क्वापि निषेविते

kastūrīhariṇopete kiṃnarasvaramohite romaṃthamaṃtharāpāṃgairmṛgaiḥ kvāpi niṣevite

कस्तूरी-मृगों से युक्त, किन्नर-स्वरों से मोहित, कहीं जुगाली करते सुस्त-दृष्टि मृगों से सेवित,

श्लोक 22 (padma.6.184.22)

हंसैः कीरेषु पांडित्यं कुर्वाणैः संकुले शुकैः । निर्हृदिक्वणिनीरंध्र समीरणविलोडिते

haṃsaiḥ kīreṣu pāṃḍityaṃ kurvāṇaiḥ saṃkule śukaiḥ nirhṛdikvaṇinīraṃdhra samīraṇaviloḍite

हंसों से, तथा दूसरे तोतों के बीच पांडित्य दिखाते तोतों से भरा, जल-हीन झरनों के छिद्रों से बहती वायु से हिलता,

श्लोक 23 (padma.6.184.23)

माधवीपुष्पनिर्यासशीधुक्षीबमधुव्रते । उन्मीलित्त्रिवलीपुष्पगुच्छसौरभनिर्भरे

mādhavīpuṣpaniryāsaśīdhukṣībamadhuvrate unmīlittrivalīpuṣpagucchasaurabhanirbhare

माधवी-पुष्पों के मकरंद-मद्य से मत्त भ्रमरों वाला, खिली त्रिवली-पुष्प-गुच्छों की सुगंध से भरपूर,

श्लोक 24 (padma.6.184.24)

प्रोत्फुल्लबकुलामोदमदमंथरषट्पदे । सोमादुद्भूतपीयूषक्षालितक्षितिमंडले

protphullabakulāmodamadamaṃtharaṣaṭpade somādudbhūtapīyūṣakṣālitakṣitimaṃḍale

पूर्ण-खिले बकुल की सुगंध से मत्त, सुस्त भ्रमरों वाला, चंद्रमा से उत्पन्न अमृत से धुली पृथ्वी-मंडल वाला।

श्लोक 25 (padma.6.184.25)

अध्यास्य वेदिकामेकामहं क्षणमवस्थितः । उद्दंडशाखिसंघट्टस्फुटन्मंथामुखोत्करैः

adhyāsya vedikāmekāmahaṃ kṣaṇamavasthitaḥ uddaṃḍaśākhisaṃghaṭṭasphuṭanmaṃthāmukhotkaraiḥ

एक वेदी पर बैठकर मैं क्षण भर स्थित रहा। तभी ऊँची शाखाओं की टकराहट से फूटते हुए,

श्लोक 26 (padma.6.184.26)

प्रकंपिता चलच्छायो ववौ चंडसमीरणः । पश्चादभून्महाघोषो निर्घोषित दरीतटः

prakaṃpitā calacchāyo vavau caṃḍasamīraṇaḥ paścādabhūnmahāghoṣo nirghoṣita darītaṭaḥ

कंपित, हिलती छाया वाली प्रचंड वायु बहने लगी। फिर एक महाघोष हुआ, गुफाओं के किनारों को गुँजाता हुआ।

श्लोक 27 (padma.6.184.27)

अवातरत्ततः कश्चित्पक्षी गगनगह्वरात् । शारदानरिदच्छायः कज्जलानामिवोच्चयः

avātarattataḥ kaścitpakṣī gaganagahvarāt śāradānaridacchāyaḥ kajjalānāmivoccayaḥ

तब आकाश की गहराई से कोई पक्षी उतरा, शरद ऋतु के बादल की छाया के समान, मानो काजल का ढेर,

श्लोक 28 (padma.6.184.28)

तमसामिव संघातः पक्षच्छेदीव पर्वतः । अवष्टभ्य क्षितिं पद्मां पक्षी मां प्रणनाम सः

tamasāmiva saṃghātaḥ pakṣacchedīva parvataḥ avaṣṭabhya kṣitiṃ padmāṃ pakṣī māṃ praṇanāma saḥ

मानो अंधकार का समूह, मानो कटे पंखों वाला पर्वत। वह पक्षी कमल-सी पृथ्वी पर उतरकर मुझे प्रणाम करने लगा।

श्लोक 29 (padma.6.184.29)

आनीय पद्ममम्लानमसौ मत्पादयोर्व्यधात् । अथासौ स्पष्टया वाचा पक्षी स्तोत्रमुदीरयत्

ānīya padmamamlānamasau matpādayorvyadhāt athāsau spaṣṭayā vācā pakṣī stotramudīrayat

वह एक अम्लान कमल लाकर मेरे चरणों में रखने लगा। फिर वह पक्षी स्पष्ट वाणी में स्तोत्र कहने लगा —

श्लोक 30 (padma.6.184.30)

जयदेव चिदानंद सुधासिंधो जगत्पते । सदा सद्भावना संग कल्लोलानंतविग्रह

jayadeva cidānaṃda sudhāsiṃdho jagatpate sadā sadbhāvanā saṃga kallolānaṃtavigraha

'हे जयदेव, चिदानंद, अमृत-सागर, जगत्पते! सदा सद्भावना की तरंगों से युक्त अनंत रूप वाले,

श्लोक 31 (padma.6.184.31)

अद्वैतवासना मत्या मलत्रयविवर्जित । जितेंद्रिय पराधीन समाधिप्राप्यविग्रह

advaitavāsanā matyā malatrayavivarjita jiteṃdriya parādhīna samādhiprāpyavigraha

अद्वैत-वासना बुद्धि वाले, तीनों मलों से रहित, जितेंद्रिय, समाधि द्वारा ही प्राप्य रूप वाले,

श्लोक 32 (padma.6.184.32)

निरुपाधिविनिर्मुक्त निराकार निरामय । निःसीम निरहंकार निरावरणनिर्गुण

nirupādhivinirmukta nirākāra nirāmaya niḥsīma nirahaṃkāra nirāvaraṇanirguṇa

उपाधि-रहित, निराकार, निर्दोष, असीम, निरहंकार, आवरण-रहित, निर्गुण,

श्लोक 33 (padma.6.184.33)

शरणागतसंत्राण प्रवीण चरणांबुज । भीममाल महाव्याल ज्वालादग्धमनोभव

śaraṇāgatasaṃtrāṇa pravīṇa caraṇāṃbuja bhīmamāla mahāvyāla jvālādagdhamanobhava

शरणागतों की रक्षा में प्रवीण चरण-कमल वाले, भयंकर महासर्प की माला वाले, ज्वाला से मनोभव (कामदेव) को जलाने वाले,

श्लोक 34 (padma.6.184.34)

कुठारभिन्नदैत्येंद्र गंडूषित महाविभो । त्रिपुरप्रमदाभाल सिंदूरोद्धूलिमार्जन

kuṭhārabhinnadaityeṃdra gaṃḍūṣita mahāvibho tripurapramadābhāla siṃdūroddhūlimārjana

कुठार से दैत्येंद्र को विदीर्ण करने वाले, विष को कंठ में धारण करने वाले महाविभु, त्रिपुर-प्रमदा के भाल से सिंदूर पोंछने वाले,

श्लोक 35 (padma.6.184.35)

कात्यायनीकुचांभोज वरकुंकुमचर्चित । नमः प्रमाणदूराय नमः प्रमतिरूपिणे

kātyāyanīkucāṃbhoja varakuṃkumacarcita namaḥ pramāṇadūrāya namaḥ pramatirūpiṇe

कात्यायनी के कुच-कमलों पर उत्तम कुंकुम से चर्चित! प्रमाण से परे को नमस्कार, प्रकृष्ट बुद्धि-रूप को नमस्कार,

श्लोक 36 (padma.6.184.36)

नमश्चैतन्यनाथाय नमस्त्रैलोक्यरूपिणे । वंदे तव पदांभोजं योगिप्रवरचुंबितम्

namaścaitanyanāthāya namastrailokyarūpiṇe vaṃde tava padāṃbhojaṃ yogipravaracuṃbitam

चैतन्य के स्वामी को नमस्कार, त्रैलोक्य-रूप को नमस्कार। मैं आपके उन चरण-कमलों की वंदना करता हूँ, जो योगि-श्रेष्ठों द्वारा चुंबित हैं।

श्लोक 37 (padma.6.184.37)

अपारभवपाथोऽधि पारावतरणाद्भुतम् । वाचस्पतिरपि स्तोत्रे भवतो न प्रगल्भते

apārabhavapātho'dhi pārāvataraṇādbhutam vācaspatirapi stotre bhavato na pragalbhate

अपार भव-सागर के पार उतरना अद्भुत है। बृहस्पति भी आपकी स्तुति में समर्थ नहीं होते,

श्लोक 38 (padma.6.184.38)

सहस्रवदनस्यापि फणींद्रस्य न चातुरी । त्वद्वर्णने महादेव कोऽहंमल्पमतिः खगः

sahasravadanasyāpi phaṇīṃdrasya na cāturī tvadvarṇane mahādeva ko'haṃmalpamatiḥ khagaḥ

सहस्र-मुख फणींद्र (शेषनाग) की भी वाकपटुता नहीं चलती। हे महादेव! आपके वर्णन में मैं अल्पमति पक्षी कौन हूँ?'

श्लोक 39 (padma.6.184.39)

स्तोत्रमेतत्समाकर्ण्य कृतं तेन पतत्रिणा । तमवोचमहं कोऽसि कुतस्त्योसि विहंगम

stotrametatsamākarṇya kṛtaṃ tena patatriṇā tamavocamahaṃ ko'si kutastyosi vihaṃgama

यह स्तोत्र सुनकर, उस पक्षी से मैंने कहा — 'तुम कौन हो, और कहाँ से आए हो, हे पक्षी?

श्लोक 40 (padma.6.184.40)

हंसेन सदृशः कायो वर्णः काकेन संनिभः । प्रयोजनं कमुद्दिश्य प्राप्तोसीह तदुच्यताम्

haṃsena sadṛśaḥ kāyo varṇaḥ kākena saṃnibhaḥ prayojanaṃ kamuddiśya prāptosīha taducyatām

तुम्हारा शरीर हंस-सा है, किंतु वर्ण कौवे जैसा। किस प्रयोजन से तुम यहाँ आए हो, यह बताओ।'

श्लोक 41 (padma.6.184.41)

इति पक्षी मया पृष्टः प्रश्रयानतकंधरः । जगाद श्लक्ष्णया वाचा पक्षीवाक्यविदांवरः

iti pakṣī mayā pṛṣṭaḥ praśrayānatakaṃdharaḥ jagāda ślakṣṇayā vācā pakṣīvākyavidāṃvaraḥ

इस प्रकार मेरे द्वारा पूछे जाने पर, विनम्रता से गर्दन झुकाए उस पक्षी-वाणी-विदों में श्रेष्ठ पक्षी ने कोमल वाणी में कहा —

श्लोक 42 (padma.6.184.42)

देवेश धूर्जटे विद्धि मां मरालं स्वयंभुवः । कर्मणा येन मे कार्ष्ण्यं जातमाधुनिकं विभो

deveśa dhūrjaṭe viddhi māṃ marālaṃ svayaṃbhuvaḥ karmaṇā yena me kārṣṇyaṃ jātamādhunikaṃ vibho

'हे देवेश, हे धूर्जटे! मुझे स्वयंभू (ब्रह्मा) का हंस जानिए। हे विभु! जिस कर्म से मुझे अभी यह कालापन प्राप्त हुआ है, वह सुनिए।

श्लोक 43 (padma.6.184.43)

तदाकर्णय सर्वज्ञ पृष्टं यदि तदुच्यते । मानसात्सरसः पृथ्वीं यातः प्राप्तोस्मि संकटम्

tadākarṇaya sarvajña pṛṣṭaṃ yadi taducyate mānasātsarasaḥ pṛthvīṃ yātaḥ prāptosmi saṃkaṭam

हे सर्वज्ञ! सुनिए, आपने पूछा है तो कहता हूँ — मानसरोवर से पृथ्वी पर जाते हुए मैं संकट में पड़ गया।

श्लोक 44 (padma.6.184.44)

सौराष्ट्रनगरादारात्सरसि स्फुटदंबुजे । बालेंदुखंडधवलान्मृणालकवलानहम्

saurāṣṭranagarādārātsarasi sphuṭadaṃbuje bāleṃdukhaṃḍadhavalānmṛṇālakavalānaham

सौराष्ट्र नगर के समीप एक सरोवर में, जहाँ कमल खिले थे, बालचंद्र-खंड के समान श्वेत कमल-नाल के कवल,

श्लोक 45 (padma.6.184.45)

आदाय बलमाश्रित्य निरगां गगनं द्रुतम् । विहायसस्ततस्तस्मादकस्मादपतं भुवि

ādāya balamāśritya niragāṃ gaganaṃ drutam vihāyasastatastasmādakasmādapataṃ bhuvi

लेकर, उनके बल का आश्रय लेकर मैं शीघ्र आकाश में उड़ चला। फिर उसी आकाश से अकस्मात् पृथ्वी पर गिर पड़ा।

श्लोक 46 (padma.6.184.46)

अथ मोहपरीतात्मा सर्वथा विकलेंद्रियः । वेपमानवपुर्मोहात्स्पृष्टः शीतैः समीरणैः

atha mohaparītātmā sarvathā vikaleṃdriyaḥ vepamānavapurmohātspṛṣṭaḥ śītaiḥ samīraṇaiḥ

तब मोहग्रस्त आत्मा, सर्वथा विकल इंद्रियों वाला, मोह से कंपित शरीर, शीतल हवाओं से स्पर्शित,

श्लोक 47 (padma.6.184.47)

प्रबुद्धः पतने हेतुमपश्यन्नात्मनस्तदा । अहो किमेतदापन्नमद्य पातः कथं मम

prabuddhaḥ patane hetumapaśyannātmanastadā aho kimetadāpannamadya pātaḥ kathaṃ mama

जागकर, अपने पतन का कारण न देखते हुए, सोचने लगा — "हाय! यह क्या हो गया? आज मेरा यह पतन कैसे हुआ?

श्लोक 48 (padma.6.184.48)

कालिमा येन कायेस्मिन्पक्वकर्पूरपांडुरे । इत्यहं विस्मयाविष्टो यावत्कुर्वे विचारणम्

kālimā yena kāyesminpakvakarpūrapāṃḍure ityahaṃ vismayāviṣṭo yāvatkurve vicāraṇam

पके कर्पूर के समान श्वेत इस शरीर पर यह कालापन कैसे आया?" इस प्रकार विस्मय से भरा मैं जब विचार कर ही रहा था,

श्लोक 49 (padma.6.184.49)

तावदंबुरुहाद्वाणीमश्रौषमहमीदृशीम् । उत्तिष्ठ हंस वक्ष्यामि कारणं पातकार्ष्ण्ययोः

tāvadaṃburuhādvāṇīmaśrauṣamahamīdṛśīm uttiṣṭha haṃsa vakṣyāmi kāraṇaṃ pātakārṣṇyayoḥ

तभी मैंने एक कमल से ऐसी वाणी सुनी — "उठो, हे हंस! मैं तुम्हारे पतन तथा कालेपन का कारण बताऊँगी।"

श्लोक 50 (padma.6.184.50)

अथोत्थाय समागत्य मया मध्ये सरोवरे । दृष्टराजीविनीरम्या राजीवैः पंचभिर्युता

athotthāya samāgatya mayā madhye sarovare dṛṣṭarājīvinīramyā rājīvaiḥ paṃcabhiryutā

फिर उठकर, सरोवर के मध्य आकर, मैंने पाँच कमलों से युक्त एक रमणीय कमलिनी देखी;

श्लोक 51 (padma.6.184.51)

कारणं प्रष्टुमारेभे कार्ष्ण्यस्य पतनस्य च । अथ तत्र घनश्यामान्स्वर्णवर्णांबरावृतान्

kāraṇaṃ praṣṭumārebhe kārṣṇyasya patanasya ca atha tatra ghanaśyāmānsvarṇavarṇāṃbarāvṛtān

मैंने अपने पतन तथा कालेपन का कारण पूछना आरंभ किया। तब वहाँ मैंने आकाश में घनश्याम, स्वर्ण-वर्ण वस्त्रों से आवृत,

श्लोक 52 (padma.6.184.52)

चतुर्भुजान्गदाशंखचक्रपंकेरुहायुधान् । किरीटहारकेयूरकुंडलद्युतिचित्रितान्

caturbhujāngadāśaṃkhacakrapaṃkeruhāyudhān kirīṭahārakeyūrakuṃḍaladyuticitritān

चतुर्भुज, गदा-शंख-चक्र-कमल आयुध धारण किए, मुकुट-हार-केयूर-कुंडलों की कांति से चित्रित,

श्लोक 53 (padma.6.184.53)

अद्राक्षमंतरिक्षस्थान्पुरुषानयुतानि षट् । नत्वा प्रदक्षिणीकृत्य पंचपद्मां सरोजिनीम्

adrākṣamaṃtarikṣasthānpuruṣānayutāni ṣaṭ natvā pradakṣiṇīkṛtya paṃcapadmāṃ sarojinīm

साठ हजार पुरुष देखे। उन्होंने प्रणाम करके, उस पंच-पद्मों वाली कमलिनी की प्रदक्षिणा करके,

श्लोक 54 (padma.6.184.54)

आत्मीयं पातमारभ्य पृष्टं तदखिलं मया । पद्मिन्युवाच। कलहंस गतोऽसि त्वं मां विलंघ्य विहायसा

ātmīyaṃ pātamārabhya pṛṣṭaṃ tadakhilaṃ mayā padminyuvāca kalahaṃsa gato'si tvaṃ māṃ vilaṃghya vihāyasā

अपने पतन के विषय में मैंने यह सब पूछा। कमलिनी ने कहा — "हे कलहंस! तुम आकाश से मुझे लांघकर गए,

श्लोक 55 (padma.6.184.55)

तेन पातकयोगेन पतितोऽसि महीतले । तेनैव कालिमा काये पक्षिसत्तम लक्ष्यते

tena pātakayogena patito'si mahītale tenaiva kālimā kāye pakṣisattama lakṣyate

उसी अतिक्रमण के दोष से तुम पृथ्वी पर गिरे। उसी से, हे पक्षिश्रेष्ठ, तुम्हारे शरीर पर कालापन दिखाई देता है।

श्लोक 56 (padma.6.184.56)

भवंतं पतितं वीक्ष्य कृपापूर्णेन चेतसा । मध्यमेनामुनाब्जेन वदता जातसौरभम्

bhavaṃtaṃ patitaṃ vīkṣya kṛpāpūrṇena cetasā madhyamenāmunābjena vadatā jātasaurabham

तुम्हें गिरा हुआ देखकर, करुणा से भरे हृदय से, इस मध्य कमल ने बोलते हुए अपनी सुगंध छोड़ी,

श्लोक 57 (padma.6.184.57)

आघ्राय षट्पदाः षष्टिसहस्राणि दिवं ययुः । एते ये भवतां दृष्टाः नीलोत्पलसमत्विषः

āghrāya ṣaṭpadāḥ ṣaṣṭisahasrāṇi divaṃ yayuḥ ete ye bhavatāṃ dṛṣṭāḥ nīlotpalasamatviṣaḥ

जिसे सूँघकर साठ हज़ार भ्रमर स्वर्ग को चले गए। तुमने जिन्हें देखा, नीलकमल के समान कांति वाले,

श्लोक 58 (padma.6.184.58)

सर्वे ते सप्तमेऽतीते जन्मन्यासन्मुनेः सुताः । अस्यैव सरसस्तीरे तेपुस्ते परमं तपः

sarve te saptame'tīte janmanyāsanmuneḥ sutāḥ asyaiva sarasastīre tepuste paramaṃ tapaḥ

वे सभी सातवें पूर्वजन्म में एक मुनि के पुत्र थे। इसी सरोवर के तट पर उन्होंने परम तप किया था।

श्लोक 59 (padma.6.184.59)

कदाचित्कामिनी काचिच्चंपकस्तबकस्तनी । चलापांगकालाकांततरंगित रसालिनी

kadācitkāminī kāciccaṃpakastabakastanī calāpāṃgakālākāṃtataraṃgita rasālinī

एक बार कोई कामिनी, चंपक-गुच्छ जैसे स्तनों वाली, चंचल दृष्टि तथा तरंगित काली रेखा वाली,

श्लोक 60 (padma.6.184.60)

नासा मुक्ताफलज्योत्स्ना चुंबितस्मित दीधितिः । वीणां विन्यस्य कुचयोर्वनेऽस्मिन्मधुरं जगौ

nāsā muktāphalajyotsnā cuṃbitasmita dīdhitiḥ vīṇāṃ vinyasya kucayorvane'sminmadhuraṃ jagau

मुक्ताफल की चांदनी से चुंबित मुस्कान वाली नासिका, वीणा को स्तनों पर टिकाए, इस वन में मधुर गीत गाने लगी।

श्लोक 61 (padma.6.184.61)

गायंत्या स्वरमाकर्ण्य ब्राह्मणा हरिणा इव । तां समागत्य ते सर्वे सममेव व्यलोकयन्

gāyaṃtyā svaramākarṇya brāhmaṇā hariṇā iva tāṃ samāgatya te sarve samameva vyalokayan

उसका स्वर सुनकर, मृगों के समान वे ब्राह्मण-पुत्र सब एक साथ ही आकर उसे देखने लगे।

श्लोक 62 (padma.6.184.62)

मया दृष्टा ममैवेयमित्यूचुस्ते परस्परम् । मुष्टामुष्टि ततस्तेषां भ्रातॄणामभवद्रणः

mayā dṛṣṭā mamaiveyamityūcuste parasparam muṣṭāmuṣṭi tatasteṣāṃ bhrātṝṇāmabhavadraṇaḥ

'मैंने पहले देखा, यह मेरी है' — यह वे एक-दूसरे से कहने लगे। फिर उन भाइयों में मुष्टि-युद्ध हो गया,

श्लोक 63 (padma.6.184.63)

अन्योन्यमुष्टिनिष्पिष्ट वक्षसस्त्यक्तजीविताः । ते भुक्त्वा निरयान्घोरान्बभूवुः सारसा भुवि

anyonyamuṣṭiniṣpiṣṭa vakṣasastyaktajīvitāḥ te bhuktvā nirayānghorānbabhūvuḥ sārasā bhuvi

परस्पर मुष्टियों से वक्षस्थल कुचलकर वे प्राणहीन हो गए। घोर नरक भोगकर वे पृथ्वी पर सारस पक्षी बने।

श्लोक 64 (padma.6.184.64)

तदा ते श्वापदान्जघ्नुर्दग्धावन्येन वह्निना । ततो मातंगतामेत्य पथिपांथानघातयन्

tadā te śvāpadānjaghnurdagdhāvanyena vahninā tato mātaṃgatāmetya pathipāṃthānaghātayan

तब उन्होंने वन्य पशुओं का वध किया, और स्वयं भी अग्नि से जल गए। फिर हाथी बनकर उन्होंने पथिकों को मार डाला।

श्लोक 65 (padma.6.184.65)

वने विषोदकं पीत्वा ते ययुर्यममंदिरम् । खरोष्ट्रकपिमार्जार जन्मान्यासाद्य च क्रमात्

vane viṣodakaṃ pītvā te yayuryamamaṃdiram kharoṣṭrakapimārjāra janmānyāsādya ca kramāt

वन में विषैला जल पीकर वे यमलोक गए। फिर क्रमशः गधे, ऊँट, बंदर, बिल्ली की योनियाँ पाकर,

श्लोक 66 (padma.6.184.66)

ततो मधुव्रता जाता वर्तंतेऽत्र सरोवरे । अद्य मे गंधमाघ्राय प्रापुस्ते वैष्णवं पदम्

tato madhuvratā jātā vartaṃte'tra sarovare adya me gaṃdhamāghrāya prāpuste vaiṣṇavaṃ padam

तत्पश्चात् भ्रमर बने, और यहाँ इसी सरोवर में हैं। आज मेरी सुगंध सूँघकर उन्हें वैष्णव पद प्राप्त हुआ।

श्लोक 67 (padma.6.184.67)

शृणु पक्षींद्र वक्ष्यामि येन मय्यस्ति वैभवम् । एतस्माज्जन्मनः पूर्वे तृतीये जन्मनि क्षितौ

śṛṇu pakṣīṃdra vakṣyāmi yena mayyasti vaibhavam etasmājjanmanaḥ pūrve tṛtīye janmani kṣitau

हे पक्षिराज! सुनो, मैं बताती हूँ कि मुझमें यह ऐश्वर्य कैसे है। इस जन्म से पूर्व, तीसरे जन्म में, इस पृथ्वी पर,

श्लोक 68 (padma.6.184.68)

सरोजवदनानाम द्विजातेः कन्यकाऽभवम् । पातिव्रत्यैकनिरता गुरुशुश्रूषणे रता

sarojavadanānāma dvijāteḥ kanyakā'bhavam pātivratyaikaniratā guruśuśrūṣaṇe ratā

मैं सरोजवदन नामक द्विज की कन्या थी, पातिव्रत्य में एकनिष्ठ, गुरु-सेवा में रत।

श्लोक 69 (padma.6.184.69)

कदाचित्सारिकामेकां पाठयंत्याविलंबितम् । सारिका भव पापे त्वं पत्या शप्तास्मि कुप्यता

kadācitsārikāmekāṃ pāṭhayaṃtyāvilaṃbitam sārikā bhava pāpe tvaṃ patyā śaptāsmi kupyatā

एक बार, एक मैना को बिना देर किए पढ़ाते हुए, मुझे मेरे ही क्रोधित पति ने शाप दिया — 'हे पापिनी! तू ही मैना बन जा।'

श्लोक 70 (padma.6.184.70)

प्रेत्य सारित्वमासाद्य पातिव्रत्यप्रसादतः । मुनीनामेव सदने कन्या काचित्पुपोष माम्

pretya sāritvamāsādya pātivratyaprasādataḥ munīnāmeva sadane kanyā kācitpupoṣa mām

मरने के बाद, पातिव्रत्य की कृपा से मैना-योनि प्राप्त होने पर, किसी मुनियों के घर में एक कन्या ने मुझे पाला-पोसा।

श्लोक 71 (padma.6.184.71)

गीतानां दशमाध्यायं विभूतिरिति विश्रुतम् । प्रातः पठति विप्रोसावश्रौषं तमघापहम्

gītānāṃ daśamādhyāyaṃ vibhūtiriti viśrutam prātaḥ paṭhati viprosāvaśrauṣaṃ tamaghāpaham

गीता का 'विभूति' नाम से विख्यात दशम अध्याय, वह ब्राह्मण प्रातःकाल पढ़ता था, वह पापनाशक अध्याय मैंने सुना।

श्लोक 72 (padma.6.184.72)

कालेन सारिकादेहमहं हित्वा विहंगम । दशमाध्यायमाहात्म्यादप्सराश्चाभवं दिवि

kālena sārikādehamahaṃ hitvā vihaṃgama daśamādhyāyamāhātmyādapsarāścābhavaṃ divi

समय के साथ, हे पक्षी, मैंने मैना-देह त्यागकर, दशम अध्याय की महिमा से स्वर्ग में अप्सरा बन गई।

श्लोक 73 (padma.6.184.73)

पद्मावतीति विख्याता पद्माया दयिता सुखी । कदाचन मया यांत्या विमानेन विहायसा

padmāvatīti vikhyātā padmāyā dayitā sukhī kadācana mayā yāṃtyā vimānena vihāyasā

'पद्मावती' नाम से विख्यात, पद्मा (लक्ष्मी) की सुखी सखी। एक बार विमान से आकाश में जाते हुए मैंने,

श्लोक 74 (padma.6.184.74)

एतत्सरोवरं रम्यं विलोक्य विमलांबुजम् । अवतीर्य जलक्रीडायावदारभ्यते मया

etatsarovaraṃ ramyaṃ vilokya vimalāṃbujam avatīrya jalakrīḍāyāvadārabhyate mayā

इस रमणीय, निर्मल कमलों वाले सरोवर को देखकर, उतरकर जलक्रीड़ा आरंभ ही की थी,

श्लोक 75 (padma.6.184.75)

दुर्वासास्तावदायातो विवस्त्रा तेन वीक्षिता । तद्भयात्पद्मिनीरूपं धृतमेतन्मया स्वयम्

durvāsāstāvadāyāto vivastrā tena vīkṣitā tadbhayātpadminīrūpaṃ dhṛtametanmayā svayam

कि दुर्वासा वहाँ आ पहुँचे, और मुझे वस्त्रहीन देख लिया। उनके भय से मैंने स्वयं यह कमलिनी-रूप धारण कर लिया।

श्लोक 76 (padma.6.184.76)

पद्भ्यां पद्मद्वयं चैव द्वयं हस्तद्वयेन च । मुखेन पंचमांभोजमिति पंचांबुजास्म्यहम्

padbhyāṃ padmadvayaṃ caiva dvayaṃ hastadvayena ca mukhena paṃcamāṃbhojamiti paṃcāṃbujāsmyaham

दोनों पैरों से दो कमल, दोनों हाथों से दो कमल, तथा मुख से पाँचवाँ कमल — इस प्रकार मैं पंच-कमलों वाली हूँ।

श्लोक 77 (padma.6.184.77)

दृष्टा तेन मुनींद्रेण कोपज्वलित चक्षुषा । अनेनैव स्वरूपेण तिष्ठ पापे शतं समाः

dṛṣṭā tena munīṃdreṇa kopajvalita cakṣuṣā anenaiva svarūpeṇa tiṣṭha pāpe śataṃ samāḥ

उन मुनींद्र ने मुझे देखकर, क्रोध से जलते नेत्रों से कहा — 'हे पापिनी! सौ वर्षों तक इसी रूप में रहो।'

श्लोक 78 (padma.6.184.78)

इति शापं समुत्सृज्य स चैवांतर्दधे क्षणात् । विभूत्यध्यायमाहात्म्याद्वाणी मे न विलीयते

iti śāpaṃ samutsṛjya sa caivāṃtardadhe kṣaṇāt vibhūtyadhyāyamāhātmyādvāṇī me na vilīyate

यह शाप देकर वे तत्क्षण अंतर्धान हो गए। विभूति-अध्याय की महिमा से मेरी वाणी नष्ट नहीं हुई;

श्लोक 79 (padma.6.184.79)

मद्विलंघनमात्रेण पतितोसि महीतले । अद्य शापनिवृत्तिर्मे तिष्ठतस्ते खगोत्तम

madvilaṃghanamātreṇa patitosi mahītale adya śāpanivṛttirme tiṣṭhataste khagottama

मेरे मात्र अतिक्रमण से तुम पृथ्वी पर गिरे। हे खगोत्तम! आज मेरे शाप की समाप्ति भी होने वाली है, तुम यहीं रहो।

श्लोक 80 (padma.6.184.80)

निशामय मया गीयमानमध्यायमुत्तमम् । यस्याकर्णनमात्रेण त्वमद्यैव विमोक्ष्यसे

niśāmaya mayā gīyamānamadhyāyamuttamam yasyākarṇanamātreṇa tvamadyaiva vimokṣyase

मैं जो उत्तम अध्याय गाती हूँ, उसे सुनो — जिसे सुनने मात्र से आज ही तुम मुक्त हो जाओगे।"

श्लोक 81 (padma.6.184.81)

इत्यसौ दशमाध्यायं पपाठ श्लक्ष्णया गिरा । तमाकर्ण्य तया दत्तमादाय च सरोरुहम्

ityasau daśamādhyāyaṃ papāṭha ślakṣṇayā girā tamākarṇya tayā dattamādāya ca saroruham

इस प्रकार उसने कोमल वाणी में दशम अध्याय पढ़ा। उसे सुनकर, तथा उसके द्वारा दिया गया कमल लेकर,

श्लोक 82 (padma.6.184.82)

मया समर्पितं तुभ्यं पद्मिन्या पद्ममुत्तमम् । इत्युक्त्वा स जहौ देहं तदद्भुतमिवाभवत्

mayā samarpitaṃ tubhyaṃ padminyā padmamuttamam ityuktvā sa jahau dehaṃ tadadbhutamivābhavat

'यह उत्तम कमल मुझे कमलिनी द्वारा अर्पित किया गया था, वही मैं तुम्हें अर्पित करता हूँ।' यह कहकर उसने शरीर त्याग दिया — यह अद्भुत घटना हुई।"

श्लोक 83 (padma.6.184.83)

भृंगिरिटिरुवाच। पुरातने भवे कोऽयं ब्रह्म हंसोऽभवत्कथं । तवाग्रतः कुतो हेतोरुत्ससर्ज कलेवरम्

bhṛṃgiriṭiruvāca purātane bhave ko'yaṃ brahma haṃso'bhavatkathaṃ tavāgrataḥ kuto hetorutsasarja kalevaram

भृंगिरिटि ने कहा — "पूर्वकाल के जन्म में यह कौन था? यह ब्रह्मा का हंस कैसे बना? तथा आपके सामने किस कारण से इसने अपना शरीर त्याग दिया?"

श्लोक 84 (padma.6.184.84)

इति भृंगिरिटिर्वाक्यमाकर्ण्याहं तदाब्रुवम् । द्विजवेश्मनि पूर्वस्मिन्जन्मन्ययमजायत

iti bhṛṃgiriṭirvākyamākarṇyāhaṃ tadābruvam dvijaveśmani pūrvasminjanmanyayamajāyata

भृंगिरिटि के इस वचन को सुनकर मैंने तब कहा — "पूर्वजन्म में यह किसी द्विज के घर में जन्मा था,

श्लोक 85 (padma.6.184.85)

सुतपा इति विख्यातो ब्रह्मचारी जितेंद्रियः । वसन्गुरुकुले कुर्वन्वेदाध्ययनमन्वहम्

sutapā iti vikhyāto brahmacārī jiteṃdriyaḥ vasangurukule kurvanvedādhyayanamanvaham

'सुतपा' नाम से विख्यात, जितेंद्रिय ब्रह्मचारी, गुरुकुल में रहते हुए प्रतिदिन वेदाध्ययन करने वाला।

श्लोक 86 (padma.6.184.86)

गुरुशुश्रूषणं सम्यग्विदधाति च भक्तितः । शयानस्य गुरोः शय्यां निद्रितः सपदा स्पृशत्

guruśuśrūṣaṇaṃ samyagvidadhāti ca bhaktitaḥ śayānasya guroḥ śayyāṃ nidritaḥ sapadā spṛśat

वह भक्तिपूर्वक भलीभाँति गुरु-सेवा करता था; किंतु सोते हुए, गुरु की शय्या को नींद में अनजाने ही पैर से छू बैठा।

श्लोक 87 (padma.6.184.87)

तेन पापेन तिर्यक्त्वमयं स्वर्गेऽपि लब्धवान् । पद्मयोनिमरालानां मध्ये जातस्ततो द्विजः

tena pāpena tiryaktvamayaṃ svarge'pi labdhavān padmayonimarālānāṃ madhye jātastato dvijaḥ

उस पाप से यह स्वर्ग में भी तिर्यक्-योनि (पशु-पक्षी योनि) को प्राप्त हुआ, और पद्मयोनि (ब्रह्मा) के हंसों के बीच द्विज-रूप में जन्मा।

श्लोक 88 (padma.6.184.88)

अस्मिञ्जन्मन्यमुष्येह पुरास्मल्लोकनावधि । गीतानां दशमाध्यायं नलिन्या कथितं ततः

asmiñjanmanyamuṣyeha purāsmallokanāvadhi gītānāṃ daśamādhyāyaṃ nalinyā kathitaṃ tataḥ

इस वर्तमान जन्म में, हमारे लोक की सीमा से पहले, कमलिनी द्वारा उसे गीता का दशम अध्याय सुनाया गया,

श्लोक 89 (padma.6.184.89)

आकर्ण्य विहगो लेभे ब्रह्मज्ञानमनुत्तमम् । सोऽयं विप्रकुले जातो दशमाध्यायवैभवात्

ākarṇya vihago lebhe brahmajñānamanuttamam so'yaṃ viprakule jāto daśamādhyāyavaibhavāt

जिसे सुनकर उस पक्षी ने अनुपम ब्रह्मज्ञान प्राप्त किया। यह वही, दशम अध्याय की महिमा से विप्र-कुल में जन्मा है।

श्लोक 90 (padma.6.184.90)

जन्माभ्यासवशादस्य शिशोरपि मुखांबुजात् । गीतानां दशमाध्यायः समुल्लसति सर्वदा

janmābhyāsavaśādasya śiśorapi mukhāṃbujāt gītānāṃ daśamādhyāyaḥ samullasati sarvadā

पूर्वजन्म के अभ्यास-वश, इस शिशु के मुख-कमल से भी, गीता का दशम अध्याय सदा स्वतः प्रकट होता रहता है।

श्लोक 91 (padma.6.184.91)

तदर्थपरिणामेन सर्वभूतेष्ववस्थितम् । शंखचक्रधरं देवमयं पश्यति सर्वदा

tadarthapariṇāmena sarvabhūteṣvavasthitam śaṃkhacakradharaṃ devamayaṃ paśyati sarvadā

उस अध्याय के अर्थ के पूर्ण परिपाक से, वह सर्वभूतों में स्थित शंख-चक्रधारी देव को सदा देखता है।

श्लोक 92 (padma.6.184.92)

यस्मिन्यस्मिन्यदैवास्य दृष्टिः स्निग्धा शरीरिणः । स स मुक्तो भवेत्सर्वः सुरापो ब्रह्महाऽपि वा

yasminyasminyadaivāsya dṛṣṭiḥ snigdhā śarīriṇaḥ sa sa mukto bhavetsarvaḥ surāpo brahmahā'pi vā

जिस-जिस देहधारी पर, जब भी, इसकी स्नेहपूर्ण दृष्टि पड़ती है, वह सभी — चाहे सुरापायी हो या ब्रह्महत्यारा — मुक्त हो जाता है।

श्लोक 93 (padma.6.184.93)

तद्विज्ञाय मया विप्रः परमात्मस्वरूपिणा । इदं नगरमानीतो मुक्तिक्षेत्रं स्वभावतः

tadvijñāya mayā vipraḥ paramātmasvarūpiṇā idaṃ nagaramānīto muktikṣetraṃ svabhāvataḥ

यह जानकर, परमात्म-स्वरूप मैंने ही इस विप्र को स्वभावतः मुक्तिक्षेत्र इस नगरी में ला बिठाया।

श्लोक 94 (padma.6.184.94)

अत्रत्यानां मनुष्याणां मुक्तिः करतले स्थिता । तेनास्य दृष्टिपातेन विशेषोऽन्यो न जायते

atratyānāṃ manuṣyāṇāṃ muktiḥ karatale sthitā tenāsya dṛṣṭipātena viśeṣo'nyo na jāyate

यहाँ के मनुष्यों की मुक्ति हाथ की हथेली में स्थित है; इसलिए इसकी दृष्टि पड़ने से कोई अन्य विशेष फल यहाँ उत्पन्न नहीं होता।

श्लोक 95 (padma.6.184.95)

न ददामि बहिर्गंतुमहमस्य पुरा कृतम् । दशमाध्यायमहात्म्यात्तत्वज्ञानं सुदुर्लभम्

na dadāmi bahirgaṃtumahamasya purā kṛtam daśamādhyāyamahātmyāttatvajñānaṃ sudurlabham

मैं इसे इस नगर से बाहर जाने नहीं देता — क्योंकि दशम अध्याय की महिमा से इसे प्राप्त तत्त्वज्ञान अत्यंत दुर्लभ है,

श्लोक 96 (padma.6.184.96)

लब्धमेतेन मुनिना जीवन्मुक्तिरियं तथा । तेनास्य चलतो हस्तं ददामि पथि गच्छतः

labdhametena muninā jīvanmuktiriyaṃ tathā tenāsya calato hastaṃ dadāmi pathi gacchataḥ

तथा इस मुनि द्वारा प्राप्त यह जीवन्मुक्ति भी वैसी ही दुर्लभ है; इसलिए मार्ग पर चलते हुए इसे मैं अपने हाथ का सहारा देता हूँ।

श्लोक 97 (padma.6.184.97)

दशमाध्यायमहिमा भृंगिरिटे महानयम् । इति भृंगिरिटेरग्रे कथितं यत्कथानकम्

daśamādhyāyamahimā bhṛṃgiriṭe mahānayam iti bhṛṃgiriṭeragre kathitaṃ yatkathānakam

हे भृंगिरिटे! दशम अध्याय की यह महान महिमा है।" इस प्रकार भृंगिरिटि के सामने यह कथा कही गई।

श्लोक 98 (padma.6.184.98)

तवेदमत्र कथितं सर्वपापप्रणाशनम् । नरो वाप्यथवा नारी यापि कोऽपि च वा पुनः

tavedamatra kathitaṃ sarvapāpapraṇāśanam naro vāpyathavā nārī yāpi ko'pi ca vā punaḥ

यही कथा, सभी पापों का नाश करने वाली, तुम्हें यहाँ कही गई। पुरुष हो या स्त्री, या फिर कोई भी अन्य,

श्लोक 99 (padma.6.184.99)

अस्य श्रवणमात्रेण सर्वाश्रमफलं लभेत्

asya śravaṇamātreṇa sarvāśramaphalaṃ labhet

इसके श्रवण मात्र से सभी आश्रमों का फल प्राप्त करता है।