गीता-एकादशाध्याय-माहात्म्य

श्लोक 1 (padma.6.185.1)

देव्युवाच। इतिहासोऽयमीशान श्रेयसां साधनं परम् । आकर्ण्य करुणापूर्ण ममकांक्षा प्रवर्त्तते

devyuvāca itihāso'yamīśāna śreyasāṁ sādhanaṁ param ākarṇya karuṇāpūrṇa mamakāṁkṣā pravarttate

देवी ने कहा — हे ईशान! यह इतिहास सुनकर, जो कल्याण का परम साधन है, हे करुणापूर्ण! मेरी जिज्ञासा और प्रबल हो रही है।

श्लोक 2 (padma.6.185.2)

एकादशस्य माहात्म्यमध्यायस्य कथाश्रयम् । व्यावर्णय विरूपाक्ष वक्तॄणां प्रथम प्रभो

ekādaśasya māhātmyamadhyāyasya kathāśrayam vyāvarṇaya virūpākṣa vaktṝṇāṁ prathama prabho

हे विरूपाक्ष! हे वक्ताओं में श्रेष्ठ प्रभो! ग्यारहवें अध्याय की महिमा से युक्त कथा का विस्तारपूर्वक वर्णन कीजिए।

श्लोक 3 (padma.6.185.3)

ईश्वर उवाच-। आकर्णय कथां कांते गीतावर्णनसंश्रयाम् । विश्वरूपाभिधानस्य माहात्म्यमपि पावनम्

īśvara uvāca- ākarṇaya kathāṁ kāṁte gītāvarṇanasaṁśrayām viśvarūpābhidhānasya māhātmyamapi pāvanam

ईश्वर ने कहा — हे प्रिये! गीता के वर्णन पर आधारित यह कथा सुनो — विश्वरूप नामक अध्याय की यह पवित्र महिमा।

श्लोक 4 (padma.6.185.4)

अध्यायस्य विशालाक्षि वक्तुं तावन्न शक्यते । सहस्राणि कथाः संति तत्रैका कथ्यते मया

adhyāyasya viśālākṣi vaktuṁ tāvanna śakyate sahasrāṇi kathāḥ saṁti tatraikā kathyate mayā

हे विशालाक्षि! इस अध्याय की महिमा का पूर्ण वर्णन करना संभव नहीं है; इसके विषय में सहस्रों कथाएँ हैं, मैं उनमें से एक कहता हूँ।

श्लोक 5 (padma.6.185.5)

प्रणीतायास्तटे नद्या मेघंकरमिति श्रुतम् । नगरं गरिमाधार तुंगप्राकारगोपुरम्

praṇītāyāstaṭe nadyā meghaṁkaramiti śrutam nagaraṁ garimādhāra tuṁgaprākāragopuram

प्रणीता नदी के तट पर मेघंकर नामक एक नगर था, जो अत्यंत गौरवशाली था और ऊँचे परकोटों तथा द्वारों से युक्त था।

श्लोक 6 (padma.6.185.6)

विशालाश्रमशालासु स्वर्णस्तंभविभूषितम् । श्रीमद्भिः सुखिभिः शांतैः सदाचारैर्जितेंद्रियैः

viśālāśramaśālāsu svarṇastaṁbhavibhūṣitam śrīmadbhiḥ sukhibhiḥ śāṁtaiḥ sadācārairjiteṁdriyaiḥ

वह विशाल आश्रम-शालाओं और स्वर्ण-स्तंभों से सुशोभित था, तथा श्रीसंपन्न, सुखी, शांत, सदाचारी और जितेन्द्रिय जनों से भरा हुआ था।

श्लोक 7 (padma.6.185.7)

अधिष्ठितं जवैश्चारुशृंगाटकमनोहरम् । मणिस्तंभस्फुरत्स्वर्णापणचत्वरशोभितम्

adhiṣṭhitaṁ javaiścāruśṛṁgāṭakamanoharam maṇistaṁbhasphuratsvarṇāpaṇacatvaraśobhitam

वह तीव्रगामी जनों से बसा, सुंदर चौराहों से मनोहर, तथा मणि-स्तंभों से चमकते स्वर्ण-आपण और चौकों से सुशोभित था।

श्लोक 8 (padma.6.185.8)

पताकाकिंकिणीक्वाण कदंबक कलस्वरम् । वेदाध्ययननिर्घोषवाचालित दिगंतरम्

patākākiṁkiṇīkvāṇa kadaṁbaka kalasvaram vedādhyayananirghoṣavācālita digaṁtaram

वहाँ पताकाओं के समूहों में लगी घंटिकाओं की मधुर ध्वनि गूँजती थी, और वेदाध्ययन की गूँज से दिशाएँ मुखरित रहती थीं।

श्लोक 9 (padma.6.185.9)

तूर्यसंघोषणाकीर्ण विशालव्योममंडलम् । पताकापल्लोद्भूतवातनिर्जितविग्रहम्

tūryasaṁghoṣaṇākīrṇa viśālavyomamaṁḍalam patākāpallodbhūtavātanirjitavigraham

उसका विशाल आकाश-मंडल वाद्यों की ध्वनि से भर जाता था, और पताकाओं के फहराने से उठने वाली वायु मानो सब आकृतियों को जीत लेती थी।

श्लोक 10 (padma.6.185.10)

राजामार्गवरद्वारनारीमंजीरसिंजितैः । वल्लकीवेणुकैर्गीतेर्भाति वाजींद्र हेषितैः

rājāmārgavaradvāranārīmaṁjīrasiṁjitaiḥ vallakīveṇukairgīterbhāti vājīṁdra heṣitaiḥ

वह राजमार्ग के सुंदर द्वारों पर स्त्रियों की नूपुर-ध्वनि, वीणा-वंशी के गीतों और उत्तम अश्वों की हिनहिनाहट से सुशोभित होता था।

श्लोक 11 (padma.6.185.11)

प्रेक्षमाणमिवाभीक्ष्णं दिक्पालानां पुरैः समम् । आस्ते जगत्पतिर्यत्र शार्ङ्गपाणिर्विराजितः

prekṣamāṇamivābhīkṣṇaṁ dikpālānāṁ puraiḥ samam āste jagatpatiryatra śārṅgapāṇirvirājitaḥ

वह मानो दिक्पालों की नगरियों के समान बार-बार स्वयं को निहारता था — क्योंकि वहाँ शार्ङ्गधारी जगत्पति विराजमान थे।

श्लोक 12 (padma.6.185.12)

मूर्तिमत्परमं ब्रह्म जगल्लोचनजीवितम् । लक्ष्मीनयनराजीव पूजिताकारगौरवः

mūrtimatparamaṁ brahma jagallocanajīvitam lakṣmīnayanarājīva pūjitākāragauravaḥ

वे साक्षात् परब्रह्म, जगत् के नेत्रों के जीवन-स्वरूप, लक्ष्मी के कमल-नेत्रों द्वारा पूजित रूप और गौरव वाले थे।

श्लोक 13 (padma.6.185.13)

त्रिविक्रमवपुर्मेघश्यामलः कोमलद्युतिः । श्रीवत्सवक्षाराजीव वनमालाविभूषितः

trivikramavapurmeghaśyāmalaḥ komaladyutiḥ śrīvatsavakṣārājīva vanamālāvibhūṣitaḥ

वे त्रिविक्रम-स्वरूप, मेघ के समान श्याम, कोमल कांति वाले, श्रीवत्स-चिह्नित कमल-वक्षस्थल वाले तथा वनमाला से विभूषित थे।

श्लोक 14 (padma.6.185.14)

अनेकभूषणोपेतः सरत्न इव वारिधिः । चलत्सौदामिनीदाम सांद्रमेघसमद्युतिः

anekabhūṣaṇopetaḥ saratna iva vāridhiḥ calatsaudāminīdāma sāṁdrameghasamadyutiḥ

वे अनेक आभूषणों से युक्त थे, मानो रत्नों सहित समुद्र हों; उनकी कांति चंचल बिजली की माला से युक्त सघन मेघ के समान थी।

श्लोक 15 (padma.6.185.15)

तस्यास्ते मुकुटे साक्षात्शार्ङ्गपाणिः परः पुमान् । तं दृष्ट्वा मुच्यते जंतुर्जन्मसंसारबंधनात्

tasyāste mukuṭe sākṣātśārṅgapāṇiḥ paraḥ pumān taṁ dṛṣṭvā mucyate jaṁturjanmasaṁsārabaṁdhanāt

उस नगर के शिखर पर साक्षात् वह शार्ङ्गधारी परम पुरुष सदा प्रकट रहते थे — उन्हें देखकर प्राणी जन्म-संसार के बंधन से मुक्त हो जाता है।

श्लोक 16 (padma.6.185.16)

यस्मिन्पुरे महातीर्थं विद्यते मेखलाभिधम् । यत्र स्नात्वा नरैर्नित्यं प्राप्यते वैष्णवं पदम्

yasminpure mahātīrthaṁ vidyate mekhalābhidham yatra snātvā narairnityaṁ prāpyate vaiṣṇavaṁ padam

उस नगर में मेखला नामक एक महातीर्थ है, जहाँ स्नान करके मनुष्य सदा वैष्णव पद को प्राप्त करते हैं।

श्लोक 17 (padma.6.185.17)

तत्र वीक्ष्य जगन्नाथं नरसिंहं कृपार्णवम् । सप्तजन्मार्जिताद्धोरान्मुच्यते दुष्कृतान्नरः

tatra vīkṣya jagannāthaṁ narasiṁhaṁ kṛpārṇavam saptajanmārjitāddhorānmucyate duṣkṛtānnaraḥ

वहाँ करुणा के सागर, जगन्नाथ नृसिंह का दर्शन करके मनुष्य सात जन्मों में अर्जित घोर पापों से मुक्त हो जाता है।

श्लोक 18 (padma.6.185.18)

मेखलायां गणाधीशं विलोकयति यो नरः। स निस्तरति विघ्नानि दुस्तराण्यपि सर्वदा । ब्रह्मचर्यपरो दांतो निर्ममो निरहंकृतिः

mekhalāyāṁ gaṇādhīśaṁ vilokayati yo naraḥ sa nistarati vighnāni dustarāṇyapi sarvadā brahmacaryaparo dāṁto nirmamo nirahaṁkṛtiḥ

जो मनुष्य मेखला में गणाधीश गणेश का दर्शन करता है, वह सदा दुस्तर विघ्नों को भी पार कर जाता है, तथा ब्रह्मचर्यपरायण, संयमी, ममतारहित और अहंकाररहित हो जाता है।

श्लोक 19 (padma.6.185.19)

तस्मिन्मेघंकरे कश्चिदभूद्ब्राह्मणसत्तमः । सुनंद इति विख्यातो वेदशास्त्रविशारदः

tasminmeghaṁkare kaścidabhūdbrāhmaṇasattamaḥ sunaṁda iti vikhyāto vedaśāstraviśāradaḥ

उस मेघंकर नगर में सुनंद नामक एक श्रेष्ठ ब्राह्मण रहता था, जो वेद-शास्त्रों में निपुण होने के कारण विख्यात था।

श्लोक 20 (padma.6.185.20)

वशीकृतेंन्द्रियग्रामो वासुदेवपरायणः । देवस्य शार्ङ्गिणः पार्श्वे गीताध्यायमिमं प्रिये

vaśīkṛteṁndriyagrāmo vāsudevaparāyaṇaḥ devasya śārṅgiṇaḥ pārśve gītādhyāyamimaṁ priye

उसने अपनी इंद्रियों को पूर्णतः वश में कर लिया था और वासुदेव में परायण था — हे प्रिये! वह शार्ङ्गधारी देव के समीप गीता के इस अध्याय का पाठ किया करता था।

श्लोक 21 (padma.6.185.21)

एकादशं पठत्येष विश्वरूपप्रदर्शनम् । अध्यायस्य प्रभावेन ब्रह्मज्ञानमवाप सः

ekādaśaṁ paṭhatyeṣa viśvarūpapradarśanam adhyāyasya prabhāvena brahmajñānamavāpa saḥ

वह विश्वरूप-दर्शन नामक ग्यारहवें अध्याय का पाठ करता था; उस अध्याय के प्रभाव से उसने ब्रह्मज्ञान प्राप्त कर लिया।

श्लोक 22 (padma.6.185.22)

परमानंदसंदोह श्लाघ्यसंवित्समाधिना । प्रत्यङ्मुखेंद्रियतयानिश्चलां स्थितिमीयुषा

paramānaṁdasaṁdoha ślāghyasaṁvitsamādhinā pratyaṅmukheṁdriyatayāniścalāṁ sthitimīyuṣā

परम आनंद के समूह से युक्त प्रशंसनीय समाधि द्वारा, इंद्रियों को अंतर्मुख करके, वह एक अचल स्थिति को प्राप्त हुआ।

श्लोक 23 (padma.6.185.23)

सततं स्थीयते तेन जीवन्मुक्तेन योगिना । एकदा स महायोगी सिंहराशिस्थिते गुरौ

satataṁ sthīyate tena jīvanmuktena yoginā ekadā sa mahāyogī siṁharāśisthite gurau

उस निरंतर अभ्यास से वह जीवन्मुक्त योगी बना रहता था। एक बार, जब बृहस्पति सिंह राशि में स्थित थे, वह महायोगी—

श्लोक 24 (padma.6.185.24)

गोदावरीतीर्थयात्रां विधातुमुपचक्रमे । प्रथमेऽह्नि समागत्य विरजं तीर्थमुत्तमम्

godāvarītīrthayātrāṁ vidhātumupacakrame prathame'hni samāgatya virajaṁ tīrthamuttamam

—गोदावरी की तीर्थयात्रा करने के लिए निकल पड़ा। पहले दिन उत्तम विरजा तीर्थ पर पहुँचकर—

श्लोक 25 (padma.6.185.25)

नाभिमारभ्य तीर्थेषु स समभ्यर्च्य देवताम् । मज्जन्मज्जन्जगद्धात्रीं कमलां स व्यलोकयत्

nābhimārabhya tīrtheṣu sa samabhyarcya devatām majjanmajjanjagaddhātrīṁ kamalāṁ sa vyalokayat

—नाभि तीर्थ से आरंभ करके, प्रत्येक तीर्थ पर देवता की पूजा करते और बार-बार स्नान करते हुए, उसने जगद्धात्री कमला का दर्शन किया।

श्लोक 26 (padma.6.185.26)

तां संपूज्य महामायां सर्वकामफलप्रदाम् । तारातीर्थे ततः स्नात्वा कपिलासंगमे ततः

tāṁ saṁpūjya mahāmāyāṁ sarvakāmaphalapradām tārātīrthe tataḥ snātvā kapilāsaṁgame tataḥ

सर्व कामनाओं का फल देने वाली उस महामाया की पूजा करके, फिर उसने तारा-तीर्थ में स्नान किया, और तत्पश्चात् कपिला के संगम पर।

श्लोक 27 (padma.6.185.27)

अष्टतीर्थमसौ चक्रे विधाय पितृतर्पणम् । कुमारीशं शिवं नत्वा कपिलाद्वारमाययौ

aṣṭatīrthamasau cakre vidhāya pitṛtarpaṇam kumārīśaṁ śivaṁ natvā kapilādvāramāyayau

उसने पितृ-तर्पण सहित अष्ट-तीर्थ का विधान किया; कुमारीश शिव को प्रणाम करके वह कपिलाद्वार पहुँचा।

श्लोक 28 (padma.6.185.28)

तत्र निर्मज्ज्य निर्धूतप्राग्जन्मांतरदुष्कृतः । संपूज्य नत्वा श्रुत्वा च देवं वै मधुसूदनम्

tatra nirmajjya nirdhūtaprāgjanmāṁtaraduṣkṛtaḥ saṁpūjya natvā śrutvā ca devaṁ vai madhusūdanam

वहाँ स्नान करने से उसके पूर्वजन्मों के पाप धुल गए; उसने भगवान् मधुसूदन की पूजा की, प्रणाम किया और उनकी महिमा सुनी।

श्लोक 29 (padma.6.185.29)

उषित्वा तत्र तां रात्रिं प्रागात्प्रातः सह द्विजैः । नरसिंहवने तत्र तीर्थे रामस्य दीर्घिका । प्रह्लादपूजितः साक्षादास्ते यत्र नृकेसरी

uṣitvā tatra tāṁ rātriṁ prāgātprātaḥ saha dvijaiḥ narasiṁhavane tatra tīrthe rāmasya dīrghikā prahlādapūjitaḥ sākṣādāste yatra nṛkesarī

वहाँ वह रात्रि व्यतीत करके प्रातःकाल ब्राह्मणों सहित आगे बढ़ा। वहाँ नृसिंहवन में, उस तीर्थ में राम की दीर्घिका है, जहाँ प्रह्लाद द्वारा पूजित नृकेसरी साक्षात् विराजमान हैं।

श्लोक 30 (padma.6.185.30)

तं दृष्ट्वा देवदेवेशं पूजयित्वा तु भक्तितः । तत्र तं दिवसं नीत्वा स ययावंबिकापुरम्

taṁ dṛṣṭvā devadeveśaṁ pūjayitvā tu bhaktitaḥ tatra taṁ divasaṁ nītvā sa yayāvaṁbikāpuram

उस देवाधिदेव का दर्शन करके और भक्तिपूर्वक पूजा करके, वहाँ उस दिन को व्यतीत करके, वह अंबिकापुर की ओर चला गया।

श्लोक 31 (padma.6.185.31)

अनुग्रहेण भक्तानामंबिका तत्र तिष्ठति । पूरयंति मनुष्याणां वांच्छितान्यखिलान्यपि

anugraheṇa bhaktānāmaṁbikā tatra tiṣṭhati pūrayaṁti manuṣyāṇāṁ vāṁcchitānyakhilānyapi

अपने भक्तों पर अनुग्रह करते हुए अंबिका वहाँ विराजमान रहती हैं, और मनुष्यों की समस्त वांछित कामनाओं को पूर्ण करती हैं।

श्लोक 32 (padma.6.185.32)

पूजयित्वांबिकां भक्त्या पुष्पगंधानुलेपनैः । उपहारैश्च विविधैः स्तौत्रैः प्रणमनैरपि

pūjayitvāṁbikāṁ bhaktyā puṣpagaṁdhānulepanaiḥ upahāraiśca vividhaiḥ stautraiḥ praṇamanairapi

अंबिका की भक्तिपूर्वक पूजा करके — पुष्प, सुगंध, अनुलेपन, विविध उपहारों, स्तुतियों और प्रणामों के द्वारा—

श्लोक 33 (padma.6.185.33)

विप्रस्तस्मात्पुरा प्राप्तः कंठस्थानाभिधं पुरम् । यत्रास्ते परमा शक्तिर्महालक्ष्मीर्महाद्युतिः

viprastasmātpurā prāptaḥ kaṁṭhasthānābhidhaṁ puram yatrāste paramā śaktirmahālakṣmīrmahādyutiḥ

—वह ब्राह्मण उस नगर से आगे बढ़कर कंठस्थान नामक नगर में पहुँचा, जहाँ परम शक्ति महातेजस्विनी महालक्ष्मी विराजमान हैं।

श्लोक 34 (padma.6.185.34)

तामवेक्ष्य सुधाभानुभास्करद्युतिमंडलाम् । संसारतापविच्छेद पद्मपीयूषवाहिनीम्

tāmavekṣya sudhābhānubhāskaradyutimaṁḍalām saṁsāratāpaviccheda padmapīyūṣavāhinīm

चंद्र और सूर्य के समान तेजोमंडल वाली, तथा संसार के संताप को काटने वाली अमृत-कमल धारण करने वाली उनका दर्शन करके—

श्लोक 35 (padma.6.185.35)

योगिराजहृदंभोज राजहंसनिषेविताम् । अनाहतमहानादमयीमद्वयरूपिणीम्

yogirājahṛdaṁbhoja rājahaṁsaniṣevitām anāhatamahānādamayīmadvayarūpiṇīm

—जो योगिराज के हृदय-कमल में राजहंस के समान निवास करती हैं, जो अनाहत महानाद-स्वरूपा और अद्वैत-रूपा हैं—

श्लोक 36 (padma.6.185.36)

महालक्ष्मीं भगवतीं वांछितार्थप्रदायिनीम् । आराध्य भक्तिभावेन चेतसा स मुनीश्वरः

mahālakṣmīṁ bhagavatīṁ vāṁchitārthapradāyinīm ārādhya bhaktibhāvena cetasā sa munīśvaraḥ

—उन भगवती महालक्ष्मी की, जो वांछित अर्थ को प्रदान करने वाली हैं, उन मुनीश्वर ने भक्तिभाव से हृदयपूर्वक आराधना की।

श्लोक 37 (padma.6.185.37)

विवाहमंडपं प्राप पुरं विप्रैः समन्वितः । पुरे तत्र प्रतिगृहं वासस्थानमयाचत

vivāhamaṁḍapaṁ prāpa puraṁ vipraiḥ samanvitaḥ pure tatra pratigṛhaṁ vāsasthānamayācata

ब्राह्मणों सहित वह एक ऐसे नगर में पहुँचा जहाँ विवाह-मंडप था; उस नगर में उसने घर-घर जाकर निवास-स्थान माँगा।

श्लोक 38 (padma.6.185.38)

न लेभे वसतिं स्थातुं गेहे कस्मिन्नपि द्विजः । दर्शितं ग्रामपालेन विशालं वासमंदिरम्

na lebhe vasatiṁ sthātuṁ gehe kasminnapi dvijaḥ darśitaṁ grāmapālena viśālaṁ vāsamaṁdiram

उस ब्राह्मण को किसी भी घर में ठहरने का स्थान नहीं मिला; तब ग्रामपाल ने उसे एक विशाल निवास-भवन दिखाया।

श्लोक 39 (padma.6.185.39)

प्रविश्य वसतिं चक्रे ब्राह्मणः संगिभिः सह । ततः प्रभाते विमले सुनंदोऽसौ द्विजोत्तमः

praviśya vasatiṁ cakre brāhmaṇaḥ saṁgibhiḥ saha tataḥ prabhāte vimale sunaṁdo'sau dvijottamaḥ

उस ब्राह्मण ने अपने साथियों सहित वहाँ प्रवेश करके निवास किया। फिर स्वच्छ प्रभात में वह श्रेष्ठ ब्राह्मण सुनंद—

श्लोक 40 (padma.6.185.40)

बहिरालोकयांचक्रे वासगेहान्निजं वपुः । अध्वन्यानखिलान्यत्र जातान्क्वापि यदृच्छया

bahirālokayāṁcakre vāsagehānnijaṁ vapuḥ adhvanyānakhilānyatra jātānkvāpi yadṛcchayā

—निवास-भवन से बाहर देखकर अपने ही शरीर को अकेला पाया — जबकि वहाँ के अन्य सभी यात्री कहीं संयोगवश लुप्त हो गए थे।

श्लोक 41 (padma.6.185.41)

गम्यमानः समायांतं ग्रामपालो ददर्श सः । तं बभाषे ग्रामपाल आयुष्मानसि सर्वशः

gamyamānaḥ samāyāṁtaṁ grāmapālo dadarśa saḥ taṁ babhāṣe grāmapāla āyuṣmānasi sarvaśaḥ

जाते हुए उसे आता देखकर ग्रामपाल ने उसे देखा। ग्रामपाल ने उससे कहा — ‘तुम सर्वथा दीर्घायु हो—‘

श्लोक 42 (padma.6.185.42)

भागधेयवतां पुंसां पुण्यः पुण्यवतामसि । प्रभावो विद्यते वत्स कोपि लोकोत्तरस्त्वयि

bhāgadheyavatāṁ puṁsāṁ puṇyaḥ puṇyavatāmasi prabhāvo vidyate vatsa kopi lokottarastvayi

‘—तुम सौभाग्यशाली पुरुषों में पुण्यवान और पुण्यवानों में श्रेष्ठ हो; हे वत्स! तुममें कोई लोकोत्तर प्रभाव विद्यमान है।‘

श्लोक 43 (padma.6.185.43)

क्व प्रयाताः सहायास्ते कथं तत्सदनाद्बहिः । तत्पश्य मुनिशार्दूल कथयामि तवाग्रतः

kva prayātāḥ sahāyāste kathaṁ tatsadanādbahiḥ tatpaśya muniśārdūla kathayāmi tavāgrataḥ

‘तुम्हारे साथी कहाँ चले गए, और तुम उस घर से बाहर कैसे आए? हे मुनिश्रेष्ठ! देखो, मैं तुम्हारे सामने बताता हूँ।‘

श्लोक 44 (padma.6.185.44)

किंतु नान्यं त्वया तुल्यं पश्यामीह तपस्विनम् । किं जानासि महामंत्रं कां विद्यामवलंबसे

kiṁtu nānyaṁ tvayā tulyaṁ paśyāmīha tapasvinam kiṁ jānāsi mahāmaṁtraṁ kāṁ vidyāmavalaṁbase

‘परंतु मुझे यहाँ तुम्हारे समान कोई तपस्वी दिखाई नहीं देता। तुम कौन-सा महामंत्र जानते हो? किस विद्या का आश्रय लेते हो?‘

श्लोक 45 (padma.6.185.45)

कस्य देवस्य कारुण्याच्छक्तिर्लोकोत्तरा त्वयि । तत्कारुण्यवशात्तिष्ठ ग्रामेऽस्मिन्ब्राह्मणोत्तम

kasya devasya kāruṇyācchaktirlokottarā tvayi tatkāruṇyavaśāttiṣṭha grāme'sminbrāhmaṇottama

‘किस देवता की कृपा से तुममें यह लोकोत्तर शक्ति है? उस कृपा के प्रभाव से, हे ब्राह्मणश्रेष्ठ! इस गाँव में रहो।‘

श्लोक 46 (padma.6.185.46)

शुश्रूषामखिलामेव भगवंस्ते करोम्यहम् । इति संवासयामास तस्मिन्ग्रामे मुनीश्वरम्

śuśrūṣāmakhilāmeva bhagavaṁste karomyaham iti saṁvāsayāmāsa tasmingrāme munīśvaram

‘हे भगवन्! मैं आपकी संपूर्ण सेवा करूँगा।‘ इस प्रकार उसने उस मुनीश्वर को उस गाँव में बसा लिया।

श्लोक 47 (padma.6.185.47)

परिचर्या च तस्यासौ भक्त्या चक्रे दिवानिशम् । दिवसेषु प्रयातेषु सप्ताष्टसु समेयिवान्

paricaryā ca tasyāsau bhaktyā cakre divāniśam divaseṣu prayāteṣu saptāṣṭasu sameyivān

वह दिन-रात भक्तिपूर्वक उसकी सेवा करता रहा। सात-आठ दिन बीत जाने पर वह ग्रामपाल आया—

श्लोक 48 (padma.6.185.48)

प्रातरागत्य तस्याग्रे रुरोद भृशदुःखितः । अद्य मे भाग्यहीनस्य गुणवान्भक्तिमान्सुतः

prātarāgatya tasyāgre ruroda bhṛśaduḥkhitaḥ adya me bhāgyahīnasya guṇavānbhaktimānsutaḥ

—प्रातःकाल आकर उसके सामने अत्यंत दुःखी होकर रोने लगा: ‘आज मुझ अभागे का गुणवान और भक्तिमान पुत्र—‘

श्लोक 49 (padma.6.185.49)

जाज्वल्यमानदंष्ट्रेण भक्षितो निशि रक्षसा । इत्येवं रक्षकेणोक्तं तं पप्रच्छ स संयमी

jājvalyamānadaṁṣṭreṇa bhakṣito niśi rakṣasā ityevaṁ rakṣakeṇoktaṁ taṁ papraccha sa saṁyamī

‘—रात्रि में जाज्वल्यमान दाढ़ों वाले राक्षस द्वारा खा लिया गया।‘ रक्षक के ऐसा कहने पर उस संयमी सुनंद ने उससे पूछा—

श्लोक 50 (padma.6.185.50)

क्वास्ते स राक्षसः पुत्रो भक्षितस्ते कथं वद । ग्रामपाल उवाच-। वर्तते नगरे घोरः पुरुषादो निशाचरः

kvāste sa rākṣasaḥ putro bhakṣitaste kathaṁ vada grāmapāla uvāca- vartate nagare ghoraḥ puruṣādo niśācaraḥ

‘वह राक्षस कहाँ है? बताओ, तुम्हारा पुत्र कैसे खाया गया।‘ ग्रामपाल ने कहा — ‘इस नगर में एक भयंकर नरभक्षी निशाचर रहता है—‘

श्लोक 51 (padma.6.185.51)

स खादति नरानेत्य नित्यं नगरगोचरान् । स सर्वैर्नागरैरत्र प्रार्थितः पुरुषैः पुरा

sa khādati narānetya nityaṁ nagaragocarān sa sarvairnāgarairatra prārthitaḥ puruṣaiḥ purā

‘—वह प्रतिदिन आकर नगरवासी मनुष्यों को खा जाता है। एक बार यहाँ के सभी नागरिकों ने उससे प्रार्थना की थी—‘

श्लोक 52 (padma.6.185.52)

रक्ष राक्षस नः सर्वान्ग्रासं ते कल्पयामहे । पथिका निशि निद्रंति ये च तान्भुंक्ष्व राक्षस

rakṣa rākṣasa naḥ sarvāngrāsaṁ te kalpayāmahe pathikā niśi nidraṁti ye ca tānbhuṁkṣva rākṣasa

‘—“हे राक्षस! हम सबकी रक्षा करो, हम तुम्हारे लिए भोजन की व्यवस्था करेंगे; जो यात्री रात में यहाँ सोते हैं, हे राक्षस, उन्हें खा लो।“‘

श्लोक 53 (padma.6.185.53)

एतस्मिन्सदने पांथान्ग्रामपालप्रवेशितान् । आहारं कल्पयांचक्रुरात्मीयप्राणगुप्तये

etasminsadane pāṁthāngrāmapālapraveśitān āhāraṁ kalpayāṁcakrurātmīyaprāṇaguptaye

‘—इस प्रकार अपने प्राणों की रक्षा के लिए उन्होंने इसी भवन में ग्रामपाल द्वारा ठहराए गए यात्रियों को उसका भोजन बना दिया।‘

श्लोक 54 (padma.6.185.54)

भवान्सुप्तोगृहेऽमुष्मिन्नधन्यैः संयुतः परैः । ते ग्रस्ताः किल चानेन न त्वं मुक्तोसि द्विजोत्तम

bhavānsuptogṛhe'muṣminnadhanyaiḥ saṁyutaḥ paraiḥ te grastāḥ kila cānena na tvaṁ muktosi dvijottama

‘आप उस घर में अन्य अभागे लोगों के साथ सोए थे; वे सब उसके द्वारा ग्रस लिए गए — किंतु आप, हे द्विजोत्तम, बच गए।‘

श्लोक 55 (padma.6.185.55)

प्रभावं भवतो वेत्ति भवानेव द्विजोत्तम । मदीय तनयस्याद्य मित्रमेकमुपागतम्

prabhāvaṁ bhavato vetti bhavāneva dvijottama madīya tanayasyādya mitramekamupāgatam

‘अपना प्रभाव आप ही जानते हैं, हे द्विजोत्तम। आज मेरे पुत्र का एक मित्र आया था—‘

श्लोक 56 (padma.6.185.56)

अजानता मया सोऽपि तनयस्य प्रियः सखा । अन्यैः पांथजनैः सार्द्धं तस्मिन्गेहे प्रवेशितः

ajānatā mayā so'pi tanayasya priyaḥ sakhā anyaiḥ pāṁthajanaiḥ sārddhaṁ tasmingehe praveśitaḥ

‘—अनजाने में मैंने उसे भी, जो मेरे पुत्र का प्रिय मित्र था, अन्य यात्रियों के साथ उसी घर में ठहरा दिया।‘

श्लोक 57 (padma.6.185.57)

श्रुत्वा तत्र प्रविष्टं तं निशीथे तनयो मम । तमानेतुं गतः सोऽपि भक्षितस्तेन रक्षसा

śrutvā tatra praviṣṭaṁ taṁ niśīthe tanayo mama tamānetuṁ gataḥ so'pi bhakṣitastena rakṣasā

‘उसके वहाँ प्रवेश की बात सुनकर मेरा पुत्र आधी रात को उसे लाने गया — और वह भी उस राक्षस द्वारा खा लिया गया।‘

श्लोक 58 (padma.6.185.58)

दुःखितेन मया प्रोक्तः प्रातः स पिशिताशनः । ममापि पुत्रो दुष्टात्मन्भवता निशि भक्षितः

duḥkhitena mayā proktaḥ prātaḥ sa piśitāśanaḥ mamāpi putro duṣṭātmanbhavatā niśi bhakṣitaḥ

‘दुःखी होकर मैंने प्रातःकाल उस मांसाहारी से कहा: “हे दुष्टात्मन्! मेरा पुत्र भी तूने रात में खा लिया—“‘

श्लोक 59 (padma.6.185.59)

भवज्जठरनिर्मग्नः सुतोऽसौ येन जीवति । अस्ति चैवमुपायस्ते ब्रूहि मे त्वं निशाचर

bhavajjaṭharanirmagnaḥ suto'sau yena jīvati asti caivamupāyaste brūhi me tvaṁ niśācara

‘—हे निशाचर! बता, क्या कोई ऐसा उपाय है जिससे तेरे उदर में डूबा हुआ वह पुत्र जीवित रह सके?“‘

श्लोक 60 (padma.6.185.60)

राक्षस उवाच-। अंतःप्रविष्टा त्वत्पुत्रमज्ञात्वाहमभक्षयम् । अजानन्भक्षितः पांथैः सहितोऽसौ सुतस्तव

rākṣasa uvāca- aṁtaḥpraviṣṭā tvatputramajñātvāhamabhakṣayam ajānanbhakṣitaḥ pāṁthaiḥ sahito'sau sutastava

राक्षस ने कहा — ‘भीतर प्रवेश किए हुए तुम्हारे पुत्र को न पहचानते हुए मैंने उसे खा लिया; अनजाने में ही वह अन्य यात्रियों सहित खाया गया।‘

श्लोक 61 (padma.6.185.61)

यथा जीवति मे कुक्षौ यथा भवति रक्षितः । तथा विहितमप्यस्ति दैवेन परमेष्ठिना

yathā jīvati me kukṣau yathā bhavati rakṣitaḥ tathā vihitamapyasti daivena parameṣṭhinā

‘फिर भी परमेष्ठी दैव के विधान से ही वह मेरे उदर में जीवित है, और सुरक्षित बना हुआ है।‘

श्लोक 62 (padma.6.185.62)

गीतैकादशमध्यायं यः पठत्यनिशं द्विजः । तत्प्रभावेन मे मुक्तिर्मृतानां पुनरुद्भवः

gītaikādaśamadhyāyaṁ yaḥ paṭhatyaniśaṁ dvijaḥ tatprabhāvena me muktirmṛtānāṁ punarudbhavaḥ

‘जो ब्राह्मण गीता के ग्यारहवें अध्याय का निरंतर पाठ करता है, उसी के प्रभाव से मेरी मुक्ति और मृतकों का पुनरुत्थान होगा।‘

श्लोक 63 (padma.6.185.63)

ग्रामपाल उवाच-। कथमेकादशाध्यायसामर्थ्यमिदमद्भुतम्

grāmapāla uvāca- kathamekādaśādhyāyasāmarthyamidamadbhutam

ग्रामपाल ने कहा — ‘यह ग्यारहवें अध्याय का अद्भुत सामर्थ्य कैसा है?‘

श्लोक 64 (padma.6.185.64)

इति पृष्टो मया विप्र स बभाषे निशाचरः

iti pṛṣṭo mayā vipra sa babhāṣe niśācaraḥ

हे विप्र! मेरे द्वारा इस प्रकार पूछे जाने पर उस निशाचर ने यह कहा।

श्लोक 65 (padma.6.185.65)

पुरा गृध्रेण केनापि नभोमार्गेण गच्छता । अस्थिखंडं स्वतुंडाग्रात्पातितं क्वापि वारिणि

purā gṛdhreṇa kenāpi nabhomārgeṇa gacchatā asthikhaṁḍaṁ svatuṁḍāgrātpātitaṁ kvāpi vāriṇi

‘पूर्वकाल में आकाश-मार्ग से जाते हुए किसी गिद्ध के मुख के अग्रभाग से एक हड्डी का टुकड़ा कहीं जल में गिर पड़ा।‘

श्लोक 66 (padma.6.185.66)

तं जलाशयमागत्यकोऽपि ज्ञानीश्वरस्तदा । महातीर्थमिति ज्ञात्वा विदधे पितृतर्पणम्

taṁ jalāśayamāgatyako'pi jñānīśvarastadā mahātīrthamiti jñātvā vidadhe pitṛtarpaṇam

‘तब उस जलाशय पर आकर किसी ज्ञानी पुरुष ने उसे महातीर्थ जानकर वहाँ पितृ-तर्पण किया।‘

श्लोक 67 (padma.6.185.67)

तमूचिरे जनाः सर्वे तीर्थमेतत्कथं वद । जपत्येकादशाध्यायं त्रिसन्ध्यं नियतेंद्रियः

tamūcire janāḥ sarve tīrthametatkathaṁ vada japatyekādaśādhyāyaṁ trisandhyaṁ niyateṁdriyaḥ

‘सब लोगों ने उससे कहा: “बताओ, यह तीर्थ कैसे बना?“ जो संयमित इंद्रियों से त्रिसंध्या ग्यारहवें अध्याय का जप करता था—‘

श्लोक 68 (padma.6.185.68)

कृतमौनस्तु विप्रोऽसौ चौरैर्व्यापादितः पथि । तस्यास्थिशकलं गृध्रवदनात्पतितं जले

kṛtamaunastu vipro'sau caurairvyāpāditaḥ pathi tasyāsthiśakalaṁ gṛdhravadanātpatitaṁ jale

‘—वह ब्राह्मण, जिसने मौन-व्रत ले रखा था, मार्ग में चोरों द्वारा मार डाला गया; उसकी हड्डी का टुकड़ा गिद्ध के मुख से जल में गिर पड़ा।‘

श्लोक 69 (padma.6.185.69)

तेन तीर्थमिदं दिव्यं जातं पातकनाशनम् । ततस्ते मानवाः सर्वे सस्नुस्तत्र जलाशये

tena tīrthamidaṁ divyaṁ jātaṁ pātakanāśanam tataste mānavāḥ sarve sasnustatra jalāśaye

‘उसी से यह दिव्य पापनाशक तीर्थ बना। तब वे सब लोग उस जलाशय में स्नान करने लगे।‘

श्लोक 70 (padma.6.185.70)

निष्कल्मषतया चैवं प्रापुस्ते परमं पदम् । एकादशस्य सामर्थ्यादध्यायस्य भविष्यति

niṣkalmaṣatayā caivaṁ prāpuste paramaṁ padam ekādaśasya sāmarthyādadhyāyasya bhaviṣyati

‘और इस प्रकार निष्पाप होकर उन्होंने परम पद को प्राप्त किया। ग्यारहवें अध्याय के सामर्थ्य से यह भी होगा—‘

श्लोक 71 (padma.6.185.71)

ममापि मुक्तिः पांथानां पुनरुत्थानमेव च । यो मया कश्चिदुद्गीर्णो ब्राह्मणोऽत्रैव तिष्ठति

mamāpi muktiḥ pāṁthānāṁ punarutthānameva ca yo mayā kaścidudgīrṇo brāhmaṇo'traiva tiṣṭhati

‘—मेरी मुक्ति और यात्रियों का पुनरुत्थान भी। एक ब्राह्मण, जिसे मैंने पहले उगल दिया था, यहीं रहता है।‘

श्लोक 72 (padma.6.185.72)

स च एकादशाध्यायं जपति स्म निरंतरम् । स तेनाध्यायमंत्रेण सप्तवाराभिमंत्रितम्

sa ca ekādaśādhyāyaṁ japati sma niraṁtaram sa tenādhyāyamaṁtreṇa saptavārābhimaṁtritam

‘और वह निरंतर ग्यारहवें अध्याय का जप करता है। उस अध्याय-मंत्र से सात बार अभिमंत्रित जल को—‘

श्लोक 73 (padma.6.185.73)

विधाय वारि विप्रेंद्रः क्षिपेद्यदि ममोपरि । ततो मे शापनिर्मुक्तिर्भविष्यति न संशयः । इति तेनास्मि संदिष्टः समायातस्त्वदंतिकम्

vidhāya vāri vipreṁdraḥ kṣipedyadi mamopari tato me śāpanirmuktirbhaviṣyati na saṁśayaḥ iti tenāsmi saṁdiṣṭaḥ samāyātastvadaṁtikam

‘—यदि वह श्रेष्ठ ब्राह्मण तैयार करके मुझ पर छिड़के, तो निःसंदेह मुझे शाप से मुक्ति मिल जाएगी।‘ इस प्रकार उसके द्वारा आदिष्ट होकर मैं तुम्हारे पास आया हूँ।

श्लोक 74 (padma.6.185.74)

विप्र उवाच-। राक्षसः केन पापेन जातोसौ वद रक्षक । यत्क्षपायां गृहे तस्मिन्नरान्खादति निद्रितान्

vipra uvāca- rākṣasaḥ kena pāpena jātosau vada rakṣaka yatkṣapāyāṁ gṛhe tasminnarānkhādati nidritān

ब्राह्मण सुनंद ने कहा — ‘हे रक्षक! बताओ, वह किस पाप से राक्षस बना, जो रात में उस घर में सोए हुए मनुष्यों को खा जाता है?‘

श्लोक 75 (padma.6.185.75)

ग्रामपाल उवाच। अस्मिन्ग्रामे पुरा कश्चिदासीद्विप्रः कृषीवलः । एकदा शालिकेदाररक्षणे व्याकुलो द्विजः

grāmapāla uvāca asmingrāme purā kaścidāsīdvipraḥ kṛṣīvalaḥ ekadā śālikedārarakṣaṇe vyākulo dvijaḥ

ग्रामपाल ने कहा — ‘इस गाँव में पहले एक ब्राह्मण कृषक रहता था। एक दिन शालि के खेत की रखवाली में व्यस्त वह ब्राह्मण—‘

श्लोक 76 (padma.6.185.76)

नातिदूरे महागृध्रः पांथमेकमभक्षयत् । तं विमोचयितुं दूराद्दयांचक्रेऽपि तापसः

nātidūre mahāgṛdhraḥ pāṁthamekamabhakṣayat taṁ vimocayituṁ dūrāddayāṁcakre'pi tāpasaḥ

‘—कुछ ही दूरी पर एक विशाल गिद्ध एक यात्री को खा रहा था। एक तपस्वी ने दूर से ही उसे बचाने की करुणावश इच्छा की—‘

श्लोक 77 (padma.6.185.77)

भुक्त्वा पांथं खगस्तावन्निरगादंबराध्वना । ततः स तापसः कोपात्तं बभाषे कृषीवलम्

bhuktvā pāṁthaṁ khagastāvanniragādaṁbarādhvanā tataḥ sa tāpasaḥ kopāttaṁ babhāṣe kṛṣīvalam

‘—किंतु उस पक्षी ने यात्री को खाकर आकाश-मार्ग से उड़ान भर दी। तब उस तपस्वी ने क्रोधवश उस कृषक से कहा—‘

श्लोक 78 (padma.6.185.78)

धिक्त्वां हालिक दुर्बुद्धे कठोरमतिनिर्घृण । कुक्षिभरं परत्राण विमुखं हतजीवितम्

dhiktvāṁ hālika durbuddhe kaṭhoramatinirghṛṇa kukṣibharaṁ paratrāṇa vimukhaṁ hatajīvitam

‘—“धिक्कार है तुझे, हे हलवाहे! दुर्बुद्धि, कठोर हृदय और निर्दय! अपना पेट भरने वाले, दूसरे की रक्षा से विमुख, तेरा जीवन व्यर्थ है—“‘

श्लोक 79 (padma.6.185.79)

चोरैश्च दंष्ट्रिभिः सर्प्पैररिवह्निविषांबुभिः । गृध्रराक्षसभूतैश्च वेतालादिभिराहतान्

coraiśca daṁṣṭribhiḥ sarppairarivahniviṣāṁbubhiḥ gṛdhrarākṣasabhūtaiśca vetālādibhirāhatān

‘—“चोरों, दाढ़ों वाले जंतुओं, सर्पों, शत्रुओं, अग्नि, विष और जल से, तथा गिद्ध, राक्षस, भूत और वेताल आदि से आहत हुए लोगों की—“‘

श्लोक 80 (padma.6.185.80)

जनानुपेक्षते शक्तः स तद्वधफलं लभेत् । न मोचयति यो विप्रं प्रभुश्चोरादिभिर्धृतम्

janānupekṣate śaktaḥ sa tadvadhaphalaṁ labhet na mocayati yo vipraṁ prabhuścorādibhirdhṛtam

‘—“जो समर्थ होते हुए भी ऐसे लोगों की उपेक्षा करता है, वह उनके वध का फल पाता है; जो समर्थ होकर भी चोरों आदि द्वारा पकड़े गए ब्राह्मण को नहीं छुड़ाता—“‘

श्लोक 81 (padma.6.185.81)

स याति नरकं घोरं स पुनर्जायते वृकः । निहन्यमानं विपिने गृध्रव्याघ्रेण पीडितम्

sa yāti narakaṁ ghoraṁ sa punarjāyate vṛkaḥ nihanyamānaṁ vipine gṛdhravyāghreṇa pīḍitam

‘—“वह घोर नरक में जाता है और पुनः भेड़िया बनकर जन्म लेता है। जो वन में गिद्ध या व्याघ्र से पीड़ित होकर मारे जा रहे प्राणी को—“‘

श्लोक 82 (padma.6.185.82)

मुंचमुचेति यो वक्ति स याति परमां गतिम् । गवामर्थे हता व्याघ्रैर्व्याधैर्दुष्टैश्च राजभिः

muṁcamuceti yo vakti sa yāti paramāṁ gatim gavāmarthe hatā vyāghrairvyādhairduṣṭaiśca rājabhiḥ

‘—“देखकर छोड़ो, छोड़ो कहता है, वह परम गति को प्राप्त होता है। गायों के लिए व्याघ्रों, बहेलियों और दुष्ट राजाओं द्वारा मारे गए—“‘

श्लोक 83 (padma.6.185.83)

तेपि यांति पदं विष्णोर्दुष्प्राप्यं योगिनामपि । अश्वमेधसहस्राणि वाजपेयशतानि च

tepi yāṁti padaṁ viṣṇorduṣprāpyaṁ yogināmapi aśvamedhasahasrāṇi vājapeyaśatāni ca

‘—“वे भी विष्णु के उस पद को प्राप्त होते हैं जो योगियों के लिए भी दुष्प्राप्य है। सहस्रों अश्वमेध यज्ञ और सैकड़ों वाजपेय यज्ञ भी—“‘

श्लोक 84 (padma.6.185.84)

शरणागतसंत्राण कलां नार्हंति षोडशीम् । दीनस्योपेक्षणं कृत्वा भीतस्य च शरीरिणः

śaraṇāgatasaṁtrāṇa kalāṁ nārhaṁti ṣoḍaśīm dīnasyopekṣaṇaṁ kṛtvā bhītasya ca śarīriṇaḥ

‘—“शरणागत की रक्षा के पुण्य की सोलहवीं कला के भी बराबर नहीं होते। किसी दीन और भयभीत प्राणी की उपेक्षा करके—“‘

श्लोक 85 (padma.6.185.85)

पुण्यवानपि कालेन कुंभीपाके स पच्यते । पश्यन्नपि भवान् पांथं दुष्टगृध्रेण भक्षितम्

puṇyavānapi kālena kuṁbhīpāke sa pacyate paśyannapi bhavān pāṁthaṁ duṣṭagṛdhreṇa bhakṣitam

‘—“पुण्यवान भी काल आने पर कुंभीपाक नरक में पकाया जाता है। तूने देखते हुए भी उस यात्री को दुष्ट गिद्ध द्वारा खाया जाते देखा—“‘

श्लोक 86 (padma.6.185.86)

निवारणसमर्थोपि न चक्रे यन्निवारणम् । निष्कृपोसि यतस्तस्माद्भविष्यसि निशाचरः

nivāraṇasamarthopi na cakre yannivāraṇam niṣkṛposi yatastasmādbhaviṣyasi niśācaraḥ

‘—“और सामर्थ्यवान होते हुए भी उसे नहीं रोका। चूँकि तू निर्दय है, इसलिए तू निशाचर बनेगा।“‘

श्लोक 87 (padma.6.185.87)

इमां शापं मुने श्रुत्वा कंपमानकलेवरः । प्रणम्य हालिको विप्रं बभाषे करुणं वचः

imāṁ śāpaṁ mune śrutvā kaṁpamānakalevaraḥ praṇamya hāliko vipraṁ babhāṣe karuṇaṁ vacaḥ

‘हे मुने! यह शाप सुनकर, शरीर काँपते हुए, उस हलवाहे ने ब्राह्मण को प्रणाम करके करुण वचन कहे।‘

श्लोक 88 (padma.6.185.88)

अत्राहं क्षेत्ररक्षायां चिरं क्षिप्तेन चक्षुषा । न वेद्मि निकटं गृध्र हन्यमानमिमं नरम्

atrāhaṁ kṣetrarakṣāyāṁ ciraṁ kṣiptena cakṣuṣā na vedmi nikaṭaṁ gṛdhra hanyamānamimaṁ naram

‘“यहाँ खेत की रखवाली में चिरकाल से दृष्टि लगाए रहने के कारण, हे मुने, मुझे यह ज्ञात नहीं हुआ कि यह मनुष्य निकट ही गिद्ध द्वारा मारा जा रहा है।“‘

श्लोक 89 (padma.6.185.89)

तेन मेऽनुग्रहं कर्तुं कृपणस्य त्वमर्हसि । विप्र उवाच। यो वेत्त्येकादशाध्यायं जपत्यनुदिनं च यः

tena me'nugrahaṁ kartuṁ kṛpaṇasya tvamarhasi vipra uvāca yo vettyekādaśādhyāyaṁ japatyanudinaṁ ca yaḥ

‘“इसलिए मुझ दीन पर तुम अनुग्रह करो।“‘ ब्राह्मण ने कहा — ‘जो ग्यारहवें अध्याय को जानता है और प्रतिदिन उसका जप करता है—‘

श्लोक 90 (padma.6.185.90)

तेनाभिमंत्रितं वारि यदा शिरसि तावके । पतिष्यति तदा शापात्तव मुक्तिर्भविष्यति

tenābhimaṁtritaṁ vāri yadā śirasi tāvake patiṣyati tadā śāpāttava muktirbhaviṣyati

‘—उसके द्वारा अभिमंत्रित जल जब तुम्हारे सिर पर गिरेगा, तब तुम इस शाप से मुक्त हो जाओगे।‘

श्लोक 91 (padma.6.185.91)

इत्युक्त्वा तापसो यातो हालिको राक्षसोऽभवत् । तदागच्छ द्विजश्रेष्ठ तेनाध्यायेन मंत्रय । तीर्थोदकं स्वहस्तेन तस्य मूर्द्धनि निक्षिप

ityuktvā tāpaso yāto hāliko rākṣaso'bhavat tadāgaccha dvijaśreṣṭha tenādhyāyena maṁtraya tīrthodakaṁ svahastena tasya mūrddhani nikṣipa

‘यह कहकर तपस्वी चला गया, और वह हलवाहा राक्षस बन गया। अतः आइए, हे द्विजश्रेष्ठ! उस अध्याय से तीर्थ-जल को अभिमंत्रित करके अपने हाथ से उसके सिर पर छिड़कें।‘

श्लोक 92 (padma.6.185.92)

महादेव उवाच। इति तत्प्रार्थितं तस्य श्रुत्वा च करुणाप्लुतः । तथेति सहपालेन मुनी रक्षोंतिकं ययौ

mahādeva uvāca iti tatprārthitaṁ tasya śrutvā ca karuṇāplutaḥ tatheti sahapālena munī rakṣoṁtikaṁ yayau

महादेव ने कहा — उसकी यह प्रार्थना सुनकर और करुणा से द्रवित होकर, मुनि ने ‘ऐसा ही हो‘ कहते हुए ग्रामपाल सहित राक्षस के समीप गमन किया।

श्लोक 93 (padma.6.185.93)

एकादशेन तेनांबु विश्वरूपेण मंत्रितम् । निक्षिप्तं तस्य शिरसि तेन विप्रेण योगिना

ekādaśena tenāṁbu viśvarūpeṇa maṁtritam nikṣiptaṁ tasya śirasi tena vipreṇa yoginā

उस योगी ब्राह्मण द्वारा विश्वरूप नामक ग्यारहवें अध्याय से अभिमंत्रित जल उसके सिर पर छिड़का गया।

श्लोक 94 (padma.6.185.94)

गीताध्यायप्रभावेण शापमोक्षमवाप सः । विहाय राक्षसं देहं चतुर्बाहुस्ततोऽभवत्

gītādhyāyaprabhāveṇa śāpamokṣamavāpa saḥ vihāya rākṣasaṁ dehaṁ caturbāhustato'bhavat

उस गीता-अध्याय के प्रभाव से उसे शाप से मुक्ति मिल गई; राक्षस-देह त्यागकर वह चतुर्भुज हो गया।

श्लोक 95 (padma.6.185.95)

निगीर्णा ये जनास्तेन पांथा आसन्सहस्रशः । चतुर्भुजा बभूवुस्ते शंखचक्रगदाधराः

nigīrṇā ye janāstena pāṁthā āsansahasraśaḥ caturbhujā babhūvuste śaṁkhacakragadādharāḥ

उसके द्वारा निगले गए जो हजारों यात्री थे, वे भी शंख-चक्र-गदाधारी चतुर्भुज हो गए।

श्लोक 96 (padma.6.185.96)

ते विमानान्यारुरुहुस्तावदूचे स राक्षसम् । मदीयस्तनयः कस्तं दर्शयस्व निशाचर

te vimānānyāruruhustāvadūce sa rākṣasam madīyastanayaḥ kastaṁ darśayasva niśācara

वे विमानों पर आरूढ़ हो गए; तब ग्रामपाल ने उस पूर्व राक्षस से कहा — ‘मेरा पुत्र कौन-सा है? हे निशाचर, मुझे दिखाओ।‘

श्लोक 97 (padma.6.185.97)

इत्युक्ते ग्रामपालेन दिव्यधीराह राक्षसः । एवं चतुर्भुजं विद्धि तमालश्यामलद्युतिम्

ityukte grāmapālena divyadhīrāha rākṣasaḥ evaṁ caturbhujaṁ viddhi tamālaśyāmaladyutim

ग्रामपाल के ऐसा कहने पर, दिव्य बुद्धि से युक्त उस पूर्व राक्षस ने कहा — ‘इस चतुर्भुज को, तमाल के समान श्याम कांति वाले को पहचानो—‘

श्लोक 98 (padma.6.185.98)

माणिक्यमुकुटं दिव्यमणिकुंडलमंडितम् । हारहारिमहास्कंधं स्वर्णकेयूरभूषितम्

māṇikyamukuṭaṁ divyamaṇikuṁḍalamaṁḍitam hārahārimahāskaṁdhaṁ svarṇakeyūrabhūṣitam

‘—माणिक्य-मुकुट धारण किए, दिव्य मणि-कुंडलों से सुशोभित, हार से सुंदर विशाल कंधों वाले, स्वर्ण-केयूर से भूषित—‘

श्लोक 99 (padma.6.185.99)

राजीवलोचनं स्निग्धं हस्ते कृतसरोरुहम् । दिव्यं विमानमारूढं देवत्वं प्राप्तमात्मजम्

rājīvalocanaṁ snigdhaṁ haste kṛtasaroruham divyaṁ vimānamārūḍhaṁ devatvaṁ prāptamātmajam

‘—कमल-नेत्र, स्निग्ध, हाथ में कमल लिए हुए, दिव्य विमान पर आरूढ़ — यही तुम्हारा पुत्र है, जिसने देवत्व प्राप्त किया है।‘

श्लोक 100 (padma.6.185.100)

इति तस्य वचः श्रुत्वा सुतं दृष्ट्वा च तादृशम् । स्वगेहं नेतुमारेभे जहास स सुतस्ततः

iti tasya vacaḥ śrutvā sutaṁ dṛṣṭvā ca tādṛśam svagehaṁ netumārebhe jahāsa sa sutastataḥ

उसके वचन सुनकर और अपने पुत्र को उस रूप में देखकर, उसने उसे अपने घर ले जाने का प्रयत्न किया; तब पुत्र हँस पड़ा।

श्लोक 101 (padma.6.185.101)

कति वाराणि जातोऽसि त्वं पुत्रो मम रक्षक । पूर्वपुत्रस्त्वदीयोऽस्मि अधुना विबुधोऽस्म्यहम्

kati vārāṇi jāto'si tvaṁ putro mama rakṣaka pūrvaputrastvadīyo'smi adhunā vibudho'smyaham

‘हे रक्षक! कितनी बार तुमने कहा है कि तुम मेरे पुत्र हो? पहले मैं तुम्हारा पुत्र था; अब मैं देवता हूँ।‘

श्लोक 102 (padma.6.185.102)

यास्यामि वैष्णवं धाम ब्राह्मणस्य प्रसादतः । निशाचरोऽपि प्राप्तोऽयं पश्य देहं चतुर्भजम्

yāsyāmi vaiṣṇavaṁ dhāma brāhmaṇasya prasādataḥ niśācaro'pi prāpto'yaṁ paśya dehaṁ caturbhajam

‘ब्राह्मण की कृपा से मैं वैष्णव धाम को जाऊँगा। देखो, यह निशाचर भी चतुर्भुज देह को प्राप्त हो गया है।‘

श्लोक 103 (padma.6.185.103)

एकादशस्य माहात्म्याद्याति स्वर्गं समं जनैः । विप्रादस्मात्तमध्यायमधीष्व त्वं जपानिशम्

ekādaśasya māhātmyādyāti svargaṁ samaṁ janaiḥ viprādasmāttamadhyāyamadhīṣva tvaṁ japāniśam

‘ग्यारहवें अध्याय की महिमा से वह अन्य लोगों सहित स्वर्ग जाता है। इस ब्राह्मण से वह अध्याय सीखो और रात-दिन उसका जप करो।‘

श्लोक 104 (padma.6.185.104)

भविष्यति न संदेहस्तवापि गतिरीदृशी । तात तस्मात्सतां संगं दुर्लभं सर्वथा जनैः

bhaviṣyati na saṁdehastavāpi gatirīdṛśī tāta tasmātsatāṁ saṁgaṁ durlabhaṁ sarvathā janaiḥ

‘हे तात! निःसंदेह तुम्हारी भी ऐसी ही गति होगी। इसलिए सत्पुरुषों का संग मनुष्यों के लिए सदा दुर्लभ है।‘

श्लोक 105 (padma.6.185.105)

सोप्यद्य ते समुत्पन्नो ह्यात्मनः साधयेप्सितम् । किं धनैर्भोगदानैर्वा किं यज्ञैस्तपसा नु किम्

sopyadya te samutpanno hyātmanaḥ sādhayepsitam kiṁ dhanairbhogadānairvā kiṁ yajñaistapasā nu kim

‘वह अवसर आज तुम्हें भी प्राप्त हुआ है — अपने वांछित लक्ष्य को सिद्ध करो। धन से क्या, भोग-दान से क्या, यज्ञ और तप से भी क्या लाभ—‘

श्लोक 106 (padma.6.185.106)

किं पूर्तैर्वापरं श्रेयो विश्वरूपस्य पाठतः । तद्विष्णोः परमं रूपमध्यायस्य श्रुतेन च

kiṁ pūrtairvāparaṁ śreyo viśvarūpasya pāṭhataḥ tadviṣṇoḥ paramaṁ rūpamadhyāyasya śrutena ca

‘—अथवा पूर्त-कर्मों से भी कौन-सा अन्य श्रेय है, विश्वरूप के पाठ की तुलना में? उस अध्याय के श्रवण से विष्णु के उस परम रूप को—‘

श्लोक 107 (padma.6.185.107)

यत्पूर्णानंदसंदोह कृष्णब्रह्मास्यनिर्गतम् । कुरुक्षेत्रेऽर्जुने मित्रे तत्कैवल्यरसायनम्

yatpūrṇānaṁdasaṁdoha kṛṣṇabrahmāsyanirgatam kurukṣetre'rjune mitre tatkaivalyarasāyanam

‘—जो पूर्ण आनंद से परिपूर्ण, कुरुक्षेत्र में मित्र अर्जुन को कृष्ण-ब्रह्म के मुख से प्रकट हुआ, वह कैवल्य का रसायन है—‘

श्लोक 108 (padma.6.185.108)

नृणां च भवभीतानामाधिव्याधिभयापहम् । अनेकजन्मदुःखघ्नं नान्यत्पश्यामि तत्स्मर । शिव उवाच। इत्युक्त्वा सह तैः सर्वैर्ययौ विष्णोः परं पदम्

nṛṇāṁ ca bhavabhītānāmādhivyādhibhayāpaham anekajanmaduḥkhaghnaṁ nānyatpaśyāmi tatsmara śiva uvāca ityuktvā saha taiḥ sarvairyayau viṣṇoḥ paraṁ padam

‘—यह संसार से भयभीत मनुष्यों के आधि-व्याधि के भय को दूर करता है और अनेक जन्मों के दुःख का नाश करता है — मुझे इसके समान अन्य कुछ नहीं दिखता; इसका स्मरण करो।‘ शिव ने कहा — ऐसा कहकर वह उन सबके साथ विष्णु के परम पद को चला गया।

श्लोक 109 (padma.6.185.109)

तमध्यायं ततो विप्राद्ग्रामपालः पपाठ सः । तावुभौ तस्य माहात्म्याज्जग्मतुर्वैष्णवं पदम्

tamadhyāyaṁ tato viprādgrāmapālaḥ papāṭha saḥ tāvubhau tasya māhātmyājjagmaturvaiṣṇavaṁ padam

तब ग्रामपाल ने उस ब्राह्मण से वह अध्याय सीखा; उसकी महिमा से वे दोनों वैष्णव पद को प्राप्त हुए।

श्लोक 110 (padma.6.185.110)

इत्येकादशमाहात्म्य कथा तुभ्यं निरूपिता । यस्याः श्रवणमात्रेण महापातकसंक्षयः

ityekādaśamāhātmya kathā tubhyaṁ nirūpitā yasyāḥ śravaṇamātreṇa mahāpātakasaṁkṣayaḥ

इस प्रकार यह ग्यारहवें अध्याय की महिमा की कथा तुम्हें बताई गई; जिसके श्रवण मात्र से महापातकों का क्षय होता है।