गीता-त्रयोदशाध्याय-माहात्म्य

श्लोक 1 (padma.6.187.1)

देव्युवाच। द्वादशाध्यायमाहात्म्यं भवता कथितं मम । ब्रूहि त्रयोदशाध्यायमाहात्म्यमतिसुंदरम्

devyuvāca dvādaśādhyāyamāhātmyaṁ bhavatā kathitaṁ mama brūhi trayodaśādhyāyamāhātmyamatisuṁdaram

देवी ने कहा — आपने मुझे बारहवें अध्याय की महिमा बताई। अब अत्यंत सुंदर तेरहवें अध्याय की महिमा कहिए।

श्लोक 2 (padma.6.187.2)

ईश्वर उवाच- शृणु त्रयोदशाध्यायमहिमांभोनिधिं शिवे । यदाकर्णनमात्रेण परां मुदमवाप्स्यसि

īśvara uvāca- śṛṇu trayodaśādhyāyamahimāṁbhonidhiṁ śive yadākarṇanamātreṇa parāṁ mudamavāpsyasi

ईश्वर ने कहा — हे शिवे! तेरहवें अध्याय की महिमा के सागर को सुनो, जिसे सुनने मात्र से तुम परम आनंद प्राप्त करोगी।

श्लोक 3 (padma.6.187.3)

अस्ति दक्षिणदिङ्मार्गे तुंगभद्रा महानदी । तत्तटे नगरं रम्यं नाम्ना हरिहरं पुरम्

asti dakṣiṇadiṅmārge tuṁgabhadrā mahānadī tattaṭe nagaraṁ ramyaṁ nāmnā hariharaṁ puram

दक्षिण दिशा में तुंगभद्रा नामक महानदी है; उसके तट पर हरिहरपुर नामक एक रमणीय नगर है।

श्लोक 4 (padma.6.187.4)

यत्राऽस्ते भगवान्देवि देवो हरिहरः स्वयम् । यस्य दर्शनमात्रेण परं कल्याणमाप्यते

yatrā'ste bhagavāndevi devo hariharaḥ svayam yasya darśanamātreṇa paraṁ kalyāṇamāpyate

हे देवी! वहाँ साक्षात् भगवान् हरिहर स्वयं विराजते हैं; जिनके दर्शन मात्र से परम कल्याण प्राप्त होता है।

श्लोक 5 (padma.6.187.5)

तस्मिन्पुरे द्विजन्मासीद्धरिदीक्षितसंज्ञिकः । तपः स्वाध्यायनिरतो श्रोत्रियो वेदपारगः

tasminpure dvijanmāsīddharidīkṣitasaṁjñikaḥ tapaḥ svādhyāyanirato śrotriyo vedapāragaḥ

उस नगर में हरिदीक्षित नामक एक ब्राह्मण रहता था, जो तप और स्वाध्याय में रत, श्रोत्रिय और वेदपारंगत था।

श्लोक 6 (padma.6.187.6)

दुराचारेति तस्यासीद्भार्या नाम्ना च कर्मणा । न सुष्वाप समं पत्या दुरालापा कदाचन

durācāreti tasyāsīdbhāryā nāmnā ca karmaṇā na suṣvāpa samaṁ patyā durālāpā kadācana

उसकी पत्नी नाम और कर्म दोनों से दुराचारा थी; कटुभाषिणी होने के कारण वह कभी भी अपने पति के साथ नहीं सोती थी।

श्लोक 7 (padma.6.187.7)

क्षणमप्यात्मसदने न चास्ते स्वैरचारिणी । कंठदघ्नं द्विजद्वारे धयंती वारुणीरसम्

kṣaṇamapyātmasadane na cāste svairacāriṇī kaṁṭhadaghnaṁ dvijadvāre dhayaṁtī vāruṇīrasam

वह स्वच्छंद विचरण करने वाली स्त्री अपने घर में क्षण भर भी नहीं रहती थी; ब्राह्मणों के द्वार पर कंठ तक मदिरा पीती हुई—

श्लोक 8 (padma.6.187.8)

पतिसंबधिनः सर्वान्तर्जयंती पुनः पुनः । विटैः सह सदोन्मत्ता रममाणा निरंतरम्

patisaṁbadhinaḥ sarvāntarjayaṁtī punaḥ punaḥ viṭaiḥ saha sadonmattā ramamāṇā niraṁtaram

—पति के सभी संबंधियों को बार-बार तिरस्कृत करती हुई, वह सदा उन्मत्त होकर लुच्चों के साथ निरंतर रमण करती रहती थी।

श्लोक 9 (padma.6.187.9)

कदचिद्व्याकुलं दृष्ट्वा पुरं पौरैरितस्ततः । संकेतगेहमकरोत्कांतारे निर्जने स्वयम्

kadacidvyākulaṁ dṛṣṭvā puraṁ paurairitastataḥ saṁketagehamakarotkāṁtāre nirjane svayam

एक बार नगरवासियों द्वारा नगर में इधर-उधर हलचल मची देखकर, उसने स्वयं एक निर्जन वन में एक गुप्त मिलन-गृह बना लिया।

श्लोक 10 (padma.6.187.10)

अथ तत्रैव सा धूर्ता रममाणा विटैः सह । निनाय सा बहून्कालान्निजयौवनगर्विता

atha tatraiva sā dhūrtā ramamāṇā viṭaiḥ saha nināya sā bahūnkālānnijayauvanagarvitā

फिर वह धूर्ता वहीं लुच्चों के साथ रमण करती हुई, अपने यौवन के गर्व में बहुत समय व्यतीत करने लगी।

श्लोक 11 (padma.6.187.11)

अथ तस्मिन्पुरे रम्ये निवसंत्या निरंकुशम् । वसंतकालं समभूत्परं चित्ते भुवः सखा

atha tasminpure ramye nivasaṁtyā niraṁkuśam vasaṁtakālaṁ samabhūtparaṁ citte bhuvaḥ sakhā

उस रमणीय नगर में इस प्रकार निरंकुश रहते हुए उसे, पृथ्वी की सखी वसंत ऋतु आ पहुँची, जो चित्त को अत्यंत प्रिय है।

श्लोक 12 (padma.6.187.12)

आमूलपल्लवाकीर्णं सहकारविकारिणा । पिकानां पंचमालापैः पुनः स जीवितः स्मरः

āmūlapallavākīrṇaṁ sahakāravikāriṇā pikānāṁ paṁcamālāpaiḥ punaḥ sa jīvitaḥ smaraḥ

जड़ से लेकर नई कोंपलों तक फैले आम्रवृक्षों के विकार से और कोयलों के पंचम स्वर से मानो कामदेव पुनः जीवित हो उठे।

श्लोक 13 (padma.6.187.13)

स्फुरच्चंपकसौरभ्यहारकैर्मलयानिलैः । मंदं मंदं प्रसर्पद्भिरांदोलितवनद्रुमः

sphuraccaṁpakasaurabhyahārakairmalayānilaiḥ maṁdaṁ maṁdaṁ prasarpadbhirāṁdolitavanadrumaḥ

खिले चंपक की सुगंध को हर लेने वाली मलय-पर्वत की हवाओं ने धीरे-धीरे बहते हुए वन के वृक्षों को झुला दिया।

श्लोक 14 (padma.6.187.14)

उत्फुल्लमल्लिकामोद मदिरापारणावताम् । अलीनां कलटंकारैः समंताद्रावशोभितः

utphullamallikāmoda madirāpāraṇāvatām alīnāṁ kalaṭaṁkāraiḥ samaṁtādrāvaśobhitaḥ

खिली हुई मालती की सुगंध रूपी मदिरा से मत्त भ्रमरों की गुंजार से वह वन चारों ओर सुशोभित हो उठा।

श्लोक 15 (padma.6.187.15)

प्रसन्नचारुभिः स्मेरः सरोवरसुगंधिभिः । मीलन्मरालनिवहैः सरोभिः प्रकटीकृतः

prasannacārubhiḥ smeraḥ sarovarasugaṁdhibhiḥ mīlanmarālanivahaiḥ sarobhiḥ prakaṭīkṛtaḥ

स्वच्छ, सुंदर, सुगंधित सरोवरों से और उन पर एकत्रित हंसों के झुंडों से वह वन मानो मुस्कुराता हुआ प्रकट हुआ।

श्लोक 16 (padma.6.187.16)

घनच्छायासुखासीन हरिणार्भकधारिभिः । नीरंध्रपल्लवैर्नानाशाखिभिः शोभितावनिः

ghanacchāyāsukhāsīna hariṇārbhakadhāribhiḥ nīraṁdhrapallavairnānāśākhibhiḥ śobhitāvaniḥ

घनी छाया में सुखपूर्वक बैठे हरिणशावकों वाले, सघन पत्तों से भरे विविध वृक्षों से वह धरती सुशोभित हो गई।

श्लोक 17 (padma.6.187.17)

तस्मिन्वसंतसमये मुदिता साभिसारिका । अपश्यज्जगदानंददायिनीं चंद्रिकां निशि

tasminvasaṁtasamaye muditā sābhisārikā apaśyajjagadānaṁdadāyinīṁ caṁdrikāṁ niśi

उस वसंत काल में, प्रसन्नचित्त वह अभिसारिका स्त्री रात्रि में जगत् को आनंद देने वाली चाँदनी को देखने लगी—

श्लोक 18 (padma.6.187.18)

चंचच्चकोरचंच्वग्रगलत्पीयूषसीकराम् । द्रवदिंदुशिलानिर्यत्सुधानिर्झरनिर्भराम्

caṁcaccakoracaṁcvagragalatpīyūṣasīkarām dravadiṁduśilāniryatsudhānirjharanirbharām

—जो चंचल चकोर पक्षियों की चोंच के अग्रभाग से टपकती अमृत-बूँदों जैसी, पिघलते चंद्रकांत मणि से बहती अमृत-धारा जैसी भरपूर थी—

श्लोक 19 (padma.6.187.19)

विकाशिकुसुमक्रोडसांद्रीभूतकरोत्कराम् । उल्लासितपयोराशिकल्लोलालिंगितांबराम्

vikāśikusumakroḍasāṁdrībhūtakarotkarām ullāsitapayorāśikallolāliṁgitāṁbarām

—खिले हुए फूलों की गोद में सघन हुई अपनी किरणों वाली, तथा उल्लसित समुद्र की लहरों से आकाश को मानो आलिंगन देती हुई—

श्लोक 20 (padma.6.187.20)

मनोभवमहासिंहकुलटाकंठकर्तरीम् । घनांधकारसंदोहविदारणपटीयसीम्

manobhavamahāsiṁhakulaṭākaṁṭhakartarīm ghanāṁdhakārasaṁdohavidāraṇapaṭīyasīm

—कामदेव रूपी महासिंह के गले की कैंची के समान, सघन अंधकार के समूह को विदीर्ण करने में अत्यंत निपुण—

श्लोक 21 (padma.6.187.21)

श्वेतीकृतसतीकारपरार्थहिमगर्भिणीम् । म्लानपंकजसंकोचा द्यूनामानंददायिनीम्

śvetīkṛtasatīkāraparārthahimagarbhiṇīm mlānapaṁkajasaṁkocā dyūnāmānaṁdadāyinīm

—सबको श्वेत कर देने वाली, दूसरों के हित के लिए शीतलता से गर्भित, मुरझाए कमलों को संकुचित करने वाली, किंतु द्यूतप्रेमियों को आनंद देने वाली—

श्लोक 22 (padma.6.187.22)

चक्रवाकवधूवक्त्र करुणाक्रोशसाक्षिणीम् । मुक्ताश्रेणीविशुद्धांशु प्रभासितदिगंतराम्

cakravākavadhūvaktra karuṇākrośasākṣiṇīm muktāśreṇīviśuddhāṁśu prabhāsitadigaṁtarām

—चक्रवाकी के मुख से करुण पुकार की साक्षी, मुक्ताओं की माला-सी विशुद्ध किरणों से दिशाओं के छोर को प्रकाशित करने वाली।

श्लोक 23 (padma.6.187.23)

अथ तस्यां प्रभूतायां पूरयंत्या दिशो दश । कामांधा कामिनीजाता पथिसौधविहारिणी

atha tasyāṁ prabhūtāyāṁ pūrayaṁtyā diśo daśa kāmāṁdhā kāminījātā pathisaudhavihāriṇī

फिर जब वह चाँदनी दसों दिशाओं को भरते हुए प्रगाढ़ हो गई, तब काम से अंधी वह कामिनी, मार्गों और भवनों में विचरण करती हुई—

श्लोक 24 (padma.6.187.24)

अपश्यंती विटान्रात्रौ निर्भिद्य भवनार्गलम् । ययौ संकेतभवनं निर्गत्य नगराद्बहिः

apaśyaṁtī viṭānrātrau nirbhidya bhavanārgalam yayau saṁketabhavanaṁ nirgatya nagarādbahiḥ

—रात्रि में लुच्चों को न देखकर, अपने घर की सांकल तोड़कर, नगर से बाहर निकलकर उस मिलन-गृह की ओर चली गई।

श्लोक 25 (padma.6.187.25)

तत्र प्रियतमं कंचित्काममोहितमानसा । अन्वेषयंती नाद्राक्षीत्कुंजे कुंजे तरौ तरौ

tatra priyatamaṁ kaṁcitkāmamohitamānasā anveṣayaṁtī nādrākṣītkuṁje kuṁje tarau tarau

वहाँ काम से मोहित मन वाली वह किसी प्रियतम को खोजती हुई, कुंज-कुंज में और वृक्ष-वृक्ष के नीचे उसे न पा सकी।

श्लोक 26 (padma.6.187.26)

आकर्णयंती कांतस्य मंदालापान्पदे पदे । अभियाति ततः क्रीडन्यत्र संहारिनिस्वनः

ākarṇayaṁtī kāṁtasya maṁdālāpānpade pade abhiyāti tataḥ krīḍanyatra saṁhārinisvanaḥ

पद-पद पर अपने प्रियतम की मंद फुसफुसाहट सुनने की चेष्टा करती हुई, वह जहाँ कहीं भी सरसराहट होती, वहाँ जाती थी।

श्लोक 27 (padma.6.187.27)

चक्रवाकरवान्श्रुत्वा कांतालापभ्रमादसौ । सरोवराणि सर्वाणि पर्यटंती मुहुर्मुहुः

cakravākaravānśrutvā kāṁtālāpabhramādasau sarovarāṇi sarvāṇi paryaṭaṁtī muhurmuhuḥ

चक्रवाक पक्षियों की बोली को प्रियतम की वाणी समझकर, वह बार-बार सभी सरोवरों में घूमने लगी।

श्लोक 28 (padma.6.187.28)

कांतभ्रांत्या तरुतले प्रसुप्तान्हरिणोत्करान् । प्रबोधयंती सोच्छ्वासमागतास्मीति भाषिणी

kāṁtabhrāṁtyā tarutale prasuptānhariṇotkarān prabodhayaṁtī socchvāsamāgatāsmīti bhāṣiṇī

प्रियतम-भ्रम से वृक्षों के नीचे सोए हुए हरिण-झुंडों को जगाती हुई, वह सांस भरकर कहती — 'मैं आ गई हूँ!'

श्लोक 29 (padma.6.187.29)

आलिंगंती वनस्थाणुं जीवनेश्वरशंकया । तदाननभ्रमाद्भूयं चुंबंती विकचांबुजम्

āliṁgaṁtī vanasthāṇuṁ jīvaneśvaraśaṁkayā tadānanabhramādbhūyaṁ cuṁbaṁtī vikacāṁbujam

जीवनेश्वर की शंका से वन के ठूँठ को आलिंगन करती, और उसके मुख के भ्रम से खिले कमल को बार-बार चूमती हुई—

श्लोक 30 (padma.6.187.30)

तत्रतत्र कृतव्यर्थश्रमादृष्टप्रियास्वयम् । विललाप वने तस्मिन्मूर्च्छती विविधोक्तिभिः । हा कांत हा गुणाक्रांत मच्चैतन्यस्य नायक

tatratatra kṛtavyarthaśramādṛṣṭapriyāsvayam vilalāpa vane tasminmūrcchatī vividhoktibhiḥ hā kāṁta hā guṇākrāṁta maccaitanyasya nāyaka

—इधर-उधर व्यर्थ श्रम करके भी प्रियतम को न पाकर, वह स्वयं उस वन में मूर्च्छित होकर विविध वचनों से विलाप करने लगी — 'हा कांत! हा गुणों से भरे! मेरी चेतना के स्वामी!—'

श्लोक 31 (padma.6.187.31)

हे मनोहरसौभाग्य भाग्यलावण्यशेवधे । हा पूर्णचंद्रवदन हा सरोजायतेक्षण

he manoharasaubhāgya bhāgyalāvaṇyaśevadhe hā pūrṇacaṁdravadana hā sarojāyatekṣaṇa

'—हे मनोहर सौभाग्य वाले! सौंदर्य के भंडार! हा पूर्णचंद्र-मुख! हा कमल-सी विशाल आँखों वाले!'

श्लोक 32 (padma.6.187.32)

हा कांततत्वसौहित्य विश्रमाय सुरद्रुम । यदि कोपेन कुत्रापि गुह्यवेषोऽत्र तिष्ठसि

hā kāṁtatatvasauhitya viśramāya suradruma yadi kopena kutrāpi guhyaveṣo'tra tiṣṭhasi

'हा मेरे प्राणों की तृप्ति! विश्राम के लिए कल्पवृक्ष! यदि क्रोधवश तुम कहीं छिपे हुए हो—'

श्लोक 33 (padma.6.187.33)

प्रसादयामि त्वां कांत दत्त्वा प्राणान्प्रियानपि। इत्युच्चैः सर्वतो दिक्षु विलपंत्या वियोगतः

prasādayāmi tvāṁ kāṁta dattvā prāṇānpriyānapi ityuccaiḥ sarvato dikṣu vilapaṁtyā viyogataḥ

'—तो हे प्रिय! अपने प्रिय प्राण देकर भी मैं तुम्हें प्रसन्न करूँगी।' इस प्रकार वियोग से चारों दिशाओं में ऊँचे स्वर में विलाप करती हुई—

श्लोक 34 (padma.6.187.34)

तस्याः श्रुत्वा वचः कोऽपि सुप्तो व्याघ्रः प्रबुद्धवान् । कुर्वन्घुरघुरध्वानं पश्यन्प्रतिदिशं रुषा

tasyāḥ śrutvā vacaḥ ko'pi supto vyāghraḥ prabuddhavān kurvanghuraghuradhvānaṁ paśyanpratidiśaṁ ruṣā

—उसकी वाणी सुनकर कोई सोया हुआ बाघ जाग उठा; घुरघुराहट करते हुए, क्रोध से हर दिशा में देखते हुए—

श्लोक 35 (padma.6.187.35)

आस्फालयन्नखैर्भूमिं गर्जन्नाकाशगह्वरम् । पृष्ठनिर्भग्नलांगूल द्रुतमुत्थाय वेगवान्

āsphālayannakhairbhūmiṁ garjannākāśagahvaram pṛṣṭhanirbhagnalāṁgūla drutamutthāya vegavān

—पंजों से भूमि को कुरेदते, आकाश की गुफा को गुँजा देने वाली गर्जना करते, पीठ पर पूँछ पटकते हुए, वह वेगपूर्वक तुरंत उठ खड़ा हुआ।

श्लोक 36 (padma.6.187.36)

गतो व्याघ्रः समुत्पत्य यत्रास्ते साभिसारिका । अथ सापि तमायांतमालोक्य पतिशंकया

gato vyāghraḥ samutpatya yatrāste sābhisārikā atha sāpi tamāyāṁtamālokya patiśaṁkayā

वह बाघ उछलकर वहीं गया जहाँ वह अभिसारिका थी। उसे आता देखकर, पति की शंका से वह स्त्री भी—

श्लोक 37 (padma.6.187.37)

निर्जगाम पुरः स्थातुं प्रेममनिर्भरमानसा । ततस्तस्यनखक्रीडाक्रूरतांधीकृता सती

nirjagāma puraḥ sthātuṁ premamanirbharamānasā tatastasyanakhakrīḍākrūratāṁdhīkṛtā satī

—प्रेम से भरे मन के साथ उसके सामने आ खड़ी हुई। फिर उसके पंजों के क्रीड़ा-भाव की क्रूरता से सचेत होकर उस साध्वी ने—

श्लोक 38 (padma.6.187.38)

जहौ प्रियवपुः शंकां श्रुत्वा गर्जितमूर्ज्जितम् । तथाविधापि सा नारी भ्रांतिमुत्सृज्यसत्वरम्

jahau priyavapuḥ śaṁkāṁ śrutvā garjitamūrjjitam tathāvidhāpi sā nārī bhrāṁtimutsṛjyasatvaram

—उसकी प्रबल गर्जना सुनकर प्रियतम-देह की शंका छोड़ दी। उस दशा में भी वह स्त्री शीघ्र ही अपना भ्रम त्यागकर—

श्लोक 39 (padma.6.187.39)

व्याघ्रत्वं तु कुतो हेतोर्मां निहंतुमिहागतः । इदं सर्वं समाख्याहि यतस्त्वं हंतुमिच्छसि

vyāghratvaṁ tu kuto hetormāṁ nihaṁtumihāgataḥ idaṁ sarvaṁ samākhyāhi yatastvaṁ haṁtumicchasi

—(बोली) 'बाघ-रूप में तुम किस कारण मुझे मारने यहाँ आए हो? यह सब मुझे बताओ, क्योंकि तुम मुझे मारना चाहते हो।'

श्लोक 40 (padma.6.187.40)

इति तस्या वचः श्रुत्वा शार्दूलश्चंडविक्रमः । क्षणं विहाय तद्ग्रासमुवाच प्रहसन्निव

iti tasyā vacaḥ śrutvā śārdūlaścaṁḍavikramaḥ kṣaṇaṁ vihāya tadgrāsamuvāca prahasanniva

उसके वचन सुनकर, उग्र पराक्रम वाला वह बाघ क्षण भर के लिए उसे खाने का विचार छोड़कर, मानो हँसते हुए बोला—

श्लोक 41 (padma.6.187.41)

मलापहा नदी नाम्ना देशे तिष्ठति दक्षिणे । नगरी मुनिपर्णेति तस्या रोधसि वर्तते

malāpahā nadī nāmnā deśe tiṣṭhati dakṣiṇe nagarī muniparṇeti tasyā rodhasi vartate

'दक्षिण प्रदेश में मलापहा नामक एक नदी है; उसके तट पर मुनिपर्णा नामक एक नगरी है।'

श्लोक 42 (padma.6.187.42)

तत्रास्ते भगवान्साक्षात्पंचलिंगो महेश्वरः । तस्यां पुर्यामहं विप्र पुत्रो भूत्वा स्थितस्ततः

tatrāste bhagavānsākṣātpaṁcaliṁgo maheśvaraḥ tasyāṁ puryāmahaṁ vipra putro bhūtvā sthitastataḥ

'वहाँ साक्षात् भगवान् महेश्वर पंचलिंग रूप में विराजते हैं। हे विप्रे! उस नगरी में मैं एक ब्राह्मण-पुत्र होकर रहता था—'

श्लोक 43 (padma.6.187.43)

अयाज्यान्याजयन्नश्नन्नेकोद्दिष्टे नदी तटे । वेदपाठफलं शश्वद्विक्रीणन्धनकांक्षया

ayājyānyājayannaśnannekoddiṣṭe nadī taṭe vedapāṭhaphalaṁ śaśvadvikrīṇandhanakāṁkṣayā

'—अयोग्य लोगों से यज्ञ कराता, एकोद्दिष्ट श्राद्ध का अन्न नदी-तट पर खाता, धन की लालसा से निरंतर वेदपाठ के फल को बेचता हुआ—'

श्लोक 44 (padma.6.187.44)

भिक्षुकानपरान्लोभात्तिरस्कुर्वन्दुरुक्तिभिः । अदेयद्रविणं गृह्णन्नदत्तमनिशं दिनम्

bhikṣukānaparānlobhāttiraskurvanduruktibhiḥ adeyadraviṇaṁ gṛhṇannadattamaniśaṁ dinam

'—लोभवश अन्य भिक्षुकों का कटुवचनों से तिरस्कार करता, अग्राह्य धन ग्रहण करता, और सदा बिना दिए हुए धन को दिन-प्रतिदिन लेता—'

श्लोक 45 (padma.6.187.45)

छलयन्सकलांल्लोकान्क्षणग्रहणकौतुकात् । ततः कतिपये काले जरठत्वमुपागतः

chalayansakalāṁllokānkṣaṇagrahaṇakautukāt tataḥ katipaye kāle jaraṭhatvamupāgataḥ

'—क्षण भर में धन हड़पने के कौतुक से समस्त लोगों को छलता रहा। फिर कुछ समय बाद मैं वृद्धावस्था को प्राप्त हुआ—'

श्लोक 46 (padma.6.187.46)

वलीपलितवानंधः प्रपतन्प्रस्खलद्गतिः । पतद्दंतोभवं भूयः प्रतिग्रहपरायणः

valīpalitavānaṁdhaḥ prapatanpraskhaladgatiḥ pataddaṁtobhavaṁ bhūyaḥ pratigrahaparāyaṇaḥ

'—झुर्रियों और सफेद बालों वाला, अंधा, गिरता-पड़ता, लड़खड़ाती चाल वाला, दाँत टूटते हुए भी दान लेने में ही परायण—'

श्लोक 47 (padma.6.187.47)

हस्ते गृहीत दर्भोऽहमगमं तीर्थसन्निधिम् । धनग्रहणलोभेन भ्रमन्पर्वसु पर्वसु

haste gṛhīta darbho'hamagamaṁ tīrthasannidhim dhanagrahaṇalobhena bhramanparvasu parvasu

'—हाथ में कुश लिए मैं तीर्थों के समीप जाता था, धन प्राप्ति के लोभ से प्रत्येक पर्व पर भटकता रहता था।'

श्लोक 48 (padma.6.187.48)

ततोऽहं शिथिलांगः सन्कंचिद्भूनिर्जरालयम् । गतवान्याचितं भोक्तुं दष्टो मध्ये पदे शुना

tato'haṁ śithilāṁgaḥ sankaṁcidbhūnirjarālayam gatavānyācitaṁ bhoktuṁ daṣṭo madhye pade śunā

'फिर मैं शिथिल अंगों वाला होकर किसी देवालय में भोजन माँगने गया; रास्ते में एक कुत्ते ने मुझे काट लिया—'

श्लोक 49 (padma.6.187.49)

अपतं मूर्छितो भूत्वा ततः क्षितितले क्षणात् । ततोऽहं गलितप्राणो व्याघ्रयोनिमुपागतः

apataṁ mūrchito bhūtvā tataḥ kṣititale kṣaṇāt tato'haṁ galitaprāṇo vyāghrayonimupāgataḥ

'—और मैं तुरंत मूर्च्छित होकर भूमि पर गिर पड़ा। फिर प्राण निकल जाने पर मैंने बाघ की योनि प्राप्त की।'

श्लोक 50 (padma.6.187.50)

अत्र तिष्ठामि कांतारे पूर्वपापमनुस्मरन् । न भक्षयामि धर्मिष्ठान्मुनीन्साधुजनान्सतीः

atra tiṣṭhāmi kāṁtāre pūrvapāpamanusmaran na bhakṣayāmi dharmiṣṭhānmunīnsādhujanānsatīḥ

'अपने पूर्व पाप का स्मरण करते हुए मैं इस वन में रहता हूँ। मैं धर्मिष्ठ मुनियों, साधुजनों और सती स्त्रियों को नहीं खाता—'

श्लोक 51 (padma.6.187.51)

किंतु पापान्दुराचारनसतीर्भक्षयाम्यहम् । अतोऽसतित्वं तत्वेन ममैव कवलायसे

kiṁtu pāpāndurācāranasatīrbhakṣayāmyaham ato'satitvaṁ tatvena mamaiva kavalāyase

'—किंतु पापी, दुराचारी और असती स्त्रियों को मैं खाता हूँ। इसलिए तुम्हारी असतीता के कारण ही तुम मेरा ग्रास बनोगी।'

श्लोक 52 (padma.6.187.52)

इत्युक्त्वा स्वैर्नखैः कूरैस्तां विभज्यांगखंडशः । अथतां भक्षितां तेन पापदेहमुपाश्रिताम्

ityuktvā svairnakhaiḥ kūraistāṁ vibhajyāṁgakhaṁḍaśaḥ athatāṁ bhakṣitāṁ tena pāpadehamupāśritām

ऐसा कहकर उसने अपने क्रूर नखों से उसके अंग-अंग को खंडित कर डाला; और इस प्रकार उसके द्वारा खाई गई, पाप-देह में लिप्त वह स्त्री—

श्लोक 53 (padma.6.187.53)

यमस्य किंकरा निन्युः सद्यः संयमनीं पुरीम् । यमादेशेन तत्रापि पातयामासुराशु ताम्

yamasya kiṁkarā ninyuḥ sadyaḥ saṁyamanīṁ purīm yamādeśena tatrāpi pātayāmāsurāśu tām

—यमराज के दूतों द्वारा तुरंत संयमनी पुरी ले जाई गई; यमराज की आज्ञा से वहाँ भी उसे शीघ्र ही गिरा दिया गया—

श्लोक 54 (padma.6.187.54)

विण्मूत्ररक्तपूर्णेषु घोरकुंडेष्वनेकधा । कल्पकोटिषु पीतासु तस्मादानीय तां मुहुः

viṇmūtraraktapūrṇeṣu ghorakuṁḍeṣvanekadhā kalpakoṭiṣu pītāsu tasmādānīya tāṁ muhuḥ

—विष्ठा, मूत्र और रक्त से भरे भयंकर कुंडों में अनेक बार, करोड़ों कल्पों तक पिलाई जाकर; फिर वहाँ से उसे बार-बार निकालकर—

श्लोक 55 (padma.6.187.55)

रौरवे स्थापयामासुर्मन्वंतरशतावधि । ततोप्याकृष्य तां दीनां रुदतीं सर्वतोमुखीम्

raurave sthāpayāmāsurmanvaṁtaraśatāvadhi tatopyākṛṣya tāṁ dīnāṁ rudatīṁ sarvatomukhīm

—सैकड़ों मन्वंतरों तक रौरव नरक में रखा गया। फिर वहाँ से भी उस दीन, रोती हुई और चारों ओर मुख करती हुई स्त्री को खींचकर—

श्लोक 56 (padma.6.187.56)

मुक्तकेशां भग्नगात्रां चिक्षिपुर्दहनानने । एवं पापपरां घोरां भुक्त्वा नरकयातनाम्

muktakeśāṁ bhagnagātrāṁ cikṣipurdahanānane evaṁ pāpaparāṁ ghorāṁ bhuktvā narakayātanām

—बिखरे केशों और टूटे अंगों वाली उसे अग्नि के मुख में डाल दिया गया। इस प्रकार पाप में लीन वह घोर नरक-यातना भोगकर—

श्लोक 57 (padma.6.187.57)

इह जाता महापापात्पुनः श्वपचयोनिषु । ततः श्वपचगेहेऽपि वर्द्धमाना दिनेदिने

iha jātā mahāpāpātpunaḥ śvapacayoniṣu tataḥ śvapacagehe'pi varddhamānā dinedine

—इस लोक में महापाप के कारण फिर श्वपच (चांडाल) योनियों में जन्मी। फिर श्वपच के घर में भी दिन-प्रतिदिन बढ़ती हुई—

श्लोक 58 (padma.6.187.58)

पूर्वजन्मवशेनैव तथैवासीद्यथा पुरा । ततः कतिपये काले पुनः स्वंभवनंययौ

pūrvajanmavaśenaiva tathaivāsīdyathā purā tataḥ katipaye kāle punaḥ svaṁbhavanaṁyayau

—पूर्वजन्म के संस्कार से ही वह वैसी ही बनी रही जैसी पहले थी। फिर कुछ समय बाद वह पुनः उसी स्थान पर पहुँची—

श्लोक 59 (padma.6.187.59)

यत्रास्ते जृंभकादेवी शिवस्यांतः पुरेश्वरी । तत्रापश्यद्द्विजन्मानं वासुदेवाभिधं शुचिम्

yatrāste jṛṁbhakādevī śivasyāṁtaḥ pureśvarī tatrāpaśyaddvijanmānaṁ vāsudevābhidhaṁ śucim

—जहाँ शिव के अंतःपुर की स्वामिनी जृंभिका देवी विराजती हैं; वहाँ उसने वासुदेव नामक एक पवित्र ब्राह्मण को देखा—

श्लोक 60 (padma.6.187.60)

गीतात्रयोदशाध्यायमुद्गिरंतमनारतम् । ततस्तच्छ्रवणादेव मुक्ता श्वपचविग्रहात्

gītātrayodaśādhyāyamudgiraṁtamanāratam tatastacchravaṇādeva muktā śvapacavigrahāt

—जो निरंतर गीता के तेरहवें अध्याय का उच्चारण कर रहा था। फिर उसे सुनने मात्र से वह श्वपच-शरीर से मुक्त होकर—

श्लोक 61 (padma.6.187.61)

दिव्यं देहं समासाद्य जगाम त्रिदशालयम्

divyaṁ dehaṁ samāsādya jagāma tridaśālayam

—दिव्य देह प्राप्त करके देवताओं के लोक को चली गई।