सप्ताह-विधि तथा भागवत की उत्पत्ति

श्लोक 1 (padma.6.198.1)

कुमारा ऊचुः- अथ ते संप्रवक्ष्यामः सप्ताहश्रवणे विधिम् । येन भागवतं सिद्ध्येत्पुंसां कृष्णार्पितात्मनाम्

kumārā ūcuḥ- atha te saṁpravakṣyāmaḥ saptāhaśravaṇe vidhim yena bhāgavataṁ siddhyetpuṁsāṁ kṛṣṇārpitātmanām

कुमारों ने कहा — अब हम तुम्हें सप्ताह-श्रवण की विधि बताएँगे, जिससे कृष्ण को समर्पित आत्मा वाले पुरुषों के लिए भागवत सिद्ध होता है।

श्लोक 2 (padma.6.198.2)

दैवज्ञं शास्त्रकुशलं समाहूय धनांशुकैः । समभ्यर्च्य मुहूर्तं तु प्राक्पृच्छेद्भक्तिमान्नरः

daivajñaṁ śāstrakuśalaṁ samāhūya dhanāṁśukaiḥ samabhyarcya muhūrtaṁ tu prākpṛcchedbhaktimānnaraḥ

भक्तिमान पुरुष को पहले शास्त्र में निपुण किसी ज्योतिषी को बुलाकर, धन और वस्त्रों से उसका सम्मान करके, शुभ मुहूर्त पूछना चाहिए।

श्लोक 3 (padma.6.198.3)

स वदेद्यं मुहूर्तं तु तत्रारंभः प्रशस्यते । नभोनभस्येषोर्जाश्च सहः शुचिसमन्विताः

sa vadedyaṁ muhūrtaṁ tu tatrāraṁbhaḥ praśasyate nabhonabhasyeṣorjāśca sahaḥ śucisamanvitāḥ

वह बताए कि किस मुहूर्त में आरंभ प्रशस्त है — भाद्रपद, आश्विन, आषाढ़, कार्तिक-मार्गशीर्ष, पौष तथा आषाढ़ (शुचि) मास—

श्लोक 4 (padma.6.198.4)

मासाः श्रेष्ठाः कथारंभे पूर्णा चापि तिथिः शुभा । भौमार्किवर्जिता वारा भानि ध्रुव मृदूनि च

māsāḥ śreṣṭhāḥ kathāraṁbhe pūrṇā cāpi tithiḥ śubhā bhaumārkivarjitā vārā bhāni dhruva mṛdūni ca

—कथा-आरंभ के लिए श्रेष्ठ मास हैं, तथा पूर्ण तिथि भी शुभ होती है; मंगलवार और रविवार से रहित वार, स्थिर और मृदु नक्षत्र शुभ होते हैं।

श्लोक 5 (padma.6.198.5)

शुभे योगे शुभे लग्ने प्रारंभः शस्यते सदा । नित्यायां च कथायां तु पुराणानां मुनीश्वर

śubhe yoge śubhe lagne prāraṁbhaḥ śasyate sadā nityāyāṁ ca kathāyāṁ tu purāṇānāṁ munīśvara

शुभ योग और शुभ लग्न में आरंभ करना सदा प्रशस्त माना गया है। किंतु हे मुनीश्वर! पुराणों की नित्य (क्रमिक) कथा में—

श्लोक 6 (padma.6.198.6)

द्वादशीं वर्जयेत्प्राज्ञः सूतसूतकसंभवात् । श्रीमद्भागवतस्यापि सप्ताहेनैव केऽपि च

dvādaśīṁ varjayetprājñaḥ sūtasūtakasaṁbhavāt śrīmadbhāgavatasyāpi saptāhenaiva ke'pi ca

—प्राज्ञ पुरुष को सूत-जाति की उत्पत्ति के कारण द्वादशी तिथि छोड़ देनी चाहिए। श्रीमद्भागवत के सप्ताह-विधि में भी कुछ लोग—

श्लोक 7 (padma.6.198.7)

न निषेधोस्ति देवर्षे प्राहुरेवं पुराविदः । श्रीभागवतसप्ताहो महायज्ञः स्मृतो बुधैः

na niṣedhosti devarṣe prāhurevaṁ purāvidaḥ śrībhāgavatasaptāho mahāyajñaḥ smṛto budhaiḥ

—हे देवर्षे! ऐसा कोई निषेध नहीं है, ऐसा प्राचीन ज्ञाता कहते हैं। श्रीभागवत सप्ताह को बुद्धिजनों ने महायज्ञ माना है।

श्लोक 8 (padma.6.198.8)

अतो निमंत्रणं कार्यं वैष्णवानां समंततः । सतां समाजो भविता सप्ताहं वैष्णवोत्तमाः

ato nimaṁtraṇaṁ kāryaṁ vaiṣṇavānāṁ samaṁtataḥ satāṁ samājo bhavitā saptāhaṁ vaiṣṇavottamāḥ

इसलिए चारों ओर से वैष्णवों को निमंत्रण देना चाहिए; हे श्रेष्ठ वैष्णवो! सप्ताह के लिए सज्जनों की सभा होगी।

श्लोक 9 (padma.6.198.9)

आगंतव्यमतश्चात्र वैष्णवैः श्रवणार्थिभिः । समागतानां तेषां तु निवासं परिकल्पयेत्

āgaṁtavyamataścātra vaiṣṇavaiḥ śravaṇārthibhiḥ samāgatānāṁ teṣāṁ tu nivāsaṁ parikalpayet

श्रवण के इच्छुक वैष्णवों को यहाँ आना चाहिए; एकत्रित हुए उनके निवास की व्यवस्था करनी चाहिए।

श्लोक 10 (padma.6.198.10)

तीर्थे वापि वने वापि ग्रामे वापि प्रयत्नतः । संशोधितायां भूम्यां तु मंडपं परिकल्पयेत्

tīrthe vāpi vane vāpi grāme vāpi prayatnataḥ saṁśodhitāyāṁ bhūmyāṁ tu maṁḍapaṁ parikalpayet

तीर्थ में, या वन में, या गाँव में, प्रयत्नपूर्वक शुद्ध की गई भूमि पर मंडप बनाना चाहिए।

श्लोक 11 (padma.6.198.11)

कदलीस्तंभसंयुक्तं चतुर्दिक्षु ध्वजान्वितम् । उच्चमासनमप्युक्तं वक्तुस्तस्याग्रतो मुने

kadalīstaṁbhasaṁyuktaṁ caturdikṣu dhvajānvitam uccamāsanamapyuktaṁ vaktustasyāgrato mune

केले के स्तंभों से युक्त, चारों दिशाओं में ध्वजाओं से सुसज्जित; हे मुने! उसके आगे वक्ता के लिए एक ऊँचा आसन भी बताया गया है।

श्लोक 12 (padma.6.198.12)

आपार्श्वद्वयमुक्तानि श्रोतॄणामासनानि च । उदङ्मुखो भवेद्वक्ता समाजेस्मिन्विदांवरः

āpārśvadvayamuktāni śrotṝṇāmāsanāni ca udaṅmukho bhavedvaktā samājesminvidāṁvaraḥ

दोनों ओर श्रोताओं के आसन भी बताए गए हैं। इस सभा में विद्वानों में श्रेष्ठ वक्ता का मुख उत्तर दिशा की ओर होना चाहिए।

श्लोक 13 (padma.6.198.13)

वेदशास्त्रार्थतत्वज्ञो वैष्णवो ब्राह्मणोत्तमः । दृष्टांतकुशलो धीरो वक्ता कार्योऽतिनिस्पृहः

vedaśāstrārthatatvajño vaiṣṇavo brāhmaṇottamaḥ dṛṣṭāṁtakuśalo dhīro vaktā kāryo'tinispṛhaḥ

वक्ता वेद-शास्त्रों के अर्थ-तत्व का ज्ञाता, वैष्णव, श्रेष्ठ ब्राह्मण, दृष्टांत देने में निपुण, धैर्यवान और अत्यंत निस्पृह बनाया जाना चाहिए।

श्लोक 14 (padma.6.198.14)

सर्वसंदेहहर्त्तापि कार्यो वक्ता न चैव हि । वक्तुः पार्श्वे सहायार्थं स्थाप्योऽन्य पंडितः सुधीः

sarvasaṁdehaharttāpi kāryo vaktā na caiva hi vaktuḥ pārśve sahāyārthaṁ sthāpyo'nya paṁḍitaḥ sudhīḥ

वक्ता को समस्त संदेहों को दूर करने में भी सक्षम बनाया जाना चाहिए, इससे कम नहीं। वक्ता के पास सहायता के लिए एक अन्य बुद्धिमान पंडित भी बैठाया जाना चाहिए—

श्लोक 15 (padma.6.198.15)

श्रोतॄणां संशयच्छेत्ता ज्ञानांबोधविधायकः । कथाविघ्नविघातार्थं गणेशं प्राक्प्रपूजयेत्

śrotṝṇāṁ saṁśayacchettā jñānāṁbodhavidhāyakaḥ kathāvighnavighātārthaṁ gaṇeśaṁ prākprapūjayet

—जो श्रोताओं के संशयों को दूर करने वाला और ज्ञान का बोध कराने वाला हो। कथा में विघ्न न आए, इसके लिए पहले गणेश की पूजा करनी चाहिए।

श्लोक 16 (padma.6.198.16)

ततो दुर्गां हरं विष्णुं ब्रह्माणं भास्करं द्विजान् । संपूज्य विधिवद्भक्त्या तर्पयेद्देवताः पितॄन्

tato durgāṁ haraṁ viṣṇuṁ brahmāṇaṁ bhāskaraṁ dvijān saṁpūjya vidhivadbhaktyā tarpayeddevatāḥ pitṝn

फिर दुर्गा, हर, विष्णु, ब्रह्मा, सूर्य और ब्राह्मणों की विधिपूर्वक भक्तिसहित पूजा करके देवताओं और पितरों को तर्पण देना चाहिए।

श्लोक 17 (padma.6.198.17)

मुख्यः श्रोता ततः पश्चात्पूजयेत्पुस्तके हरिम् । ततः प्रदक्षिणीकृत्य द्रव्यवस्त्रफलानि च

mukhyaḥ śrotā tataḥ paścātpūjayetpustake harim tataḥ pradakṣiṇīkṛtya dravyavastraphalāni ca

फिर मुख्य श्रोता को पुस्तक में स्थित हरि की पूजा करनी चाहिए; फिर प्रदक्षिणा करके धन, वस्त्र और फल—

श्लोक 18 (padma.6.198.18)

धृत्वांजलौ पुस्तकस्थं हरिं संप्रार्थयेन्मुने । त्वं भागवतलोकेस्मिन्स्वयं कृष्णो व्यवस्थितः

dhṛtvāṁjalau pustakasthaṁ hariṁ saṁprārthayenmune tvaṁ bhāgavatalokesminsvayaṁ kṛṣṇo vyavasthitaḥ

—अर्पित करके, हाथ जोड़कर, हे मुने! पुस्तक में स्थित हरि से प्रार्थना करनी चाहिए — 'आप ही स्वयं इस भागवत-लोक में कृष्ण के रूप में विराजमान हैं—'

श्लोक 19 (padma.6.198.19)

समाश्रितो मया नाथ मुक्त्यर्थं भवसागरे । मनोरथो मदीयोऽयं सर्वथा सफलस्त्वया

samāśrito mayā nātha muktyarthaṁ bhavasāgare manoratho madīyo'yaṁ sarvathā saphalastvayā

'—हे नाथ! मैंने संसार-सागर से मुक्ति के लिए आपकी शरण ली है। मेरा यह मनोरथ आपके द्वारा सर्वथा सफल हो—'

श्लोक 20 (padma.6.198.20)

निर्विघ्नेन प्रकर्तव्यो दासोऽहं तव केशव । इत्युच्चार्य मुने द्रव्यं पुस्तकाग्रे समर्प्यतु

nirvighnena prakartavyo dāso'haṁ tava keśava ityuccārya mune dravyaṁ pustakāgre samarpyatu

'—यह निर्विघ्न रूप से पूर्ण हो, हे केशव! मैं आपका दास हूँ।' हे मुने! ऐसा उच्चारण करके पुस्तक के आगे धन अर्पित करना चाहिए।

श्लोक 21 (padma.6.198.21)

वक्तारं प्रार्थयेच्चापि नमस्कुर्वन्कृतांजलि । शुकरूपद्विजश्रेष्ठ सर्वशास्त्रविशारद

vaktāraṁ prārthayeccāpi namaskurvankṛtāṁjali śukarūpadvijaśreṣṭha sarvaśāstraviśārada

वक्ता से भी हाथ जोड़कर प्रणाम करते हुए प्रार्थना करनी चाहिए — 'हे शुक-स्वरूप श्रेष्ठ ब्राह्मण! हे समस्त शास्त्रों में निपुण!—'

श्लोक 22 (padma.6.198.22)

श्रीभागवतव्याख्यानादज्ञानं मे विनाशय । इति संप्रार्थ्य वक्तारं वरयेत्पंच वाडवान्

śrībhāgavatavyākhyānādajñānaṁ me vināśaya iti saṁprārthya vaktāraṁ varayetpaṁca vāḍavān

'—श्रीभागवत के व्याख्यान से मेरे अज्ञान का नाश कीजिए।' इस प्रकार वक्ता से प्रार्थना करके पाँच ब्राह्मणों को चुनना चाहिए—

श्लोक 23 (padma.6.198.23)

द्वादशाक्षरमंत्रस्य जपार्थं मुनिसत्तम । गीतवाद्यविधिज्ञांश्च संपूज्यार्थांशुकादिभिः

dvādaśākṣaramaṁtrasya japārthaṁ munisattama gītavādyavidhijñāṁśca saṁpūjyārthāṁśukādibhiḥ

—हे मुनिसत्तम! द्वादशाक्षर मंत्र के जप के लिए, तथा गीत-वाद्य की विधि जानने वालों को भी धन-वस्त्र आदि से सम्मानित करके—

श्लोक 24 (padma.6.198.24)

स्थापयेत्कीर्तनार्थं तु कथांते विधिवन्मुने । यस्तु जाया धनागार पुत्रचिंतां व्युदस्य च

sthāpayetkīrtanārthaṁ tu kathāṁte vidhivanmune yastu jāyā dhanāgāra putraciṁtāṁ vyudasya ca

—हे मुने! कथा के अंत में कीर्तन के लिए विधिपूर्वक नियुक्त करना चाहिए। जो पत्नी, धन, घर और पुत्र की चिंता त्यागकर—

श्लोक 25 (padma.6.198.25)

शृणुयादेकचित्तस्तु स समग्रं फलं लभेत् । सूर्योदयं समारभ्य सार्द्धत्रिप्रहरांतकम्

śṛṇuyādekacittastu sa samagraṁ phalaṁ labhet sūryodayaṁ samārabhya sārddhatripraharāṁtakam

—एकाग्रचित्त होकर सुनता है, वह संपूर्ण फल प्राप्त करता है। सूर्योदय से लेकर साढ़े तीन पहर तक—

श्लोक 26 (padma.6.198.26)

पठित्वार्थः प्रकर्त्तव्यो वाक्यमध्यायमेव वा । मध्याह्ने घटिकायुग्मं विरमेदपि नारद

paṭhitvārthaḥ prakarttavyo vākyamadhyāyameva vā madhyāhne ghaṭikāyugmaṁ viramedapi nārada

—पाठ करना चाहिए, चाहे वह अर्थ-वाक्य हो या पूरा अध्याय। हे नारद! मध्याह्न में दो घटिका के लिए विराम भी लेना चाहिए।

श्लोक 27 (padma.6.198.27)

कथाऽवसाने कर्त्तव्यं कीर्तनं केशवस्य च । उपवासः प्रकर्त्तव्यः श्रोतृभिस्तत्फलेप्सुभिः

kathā'vasāne karttavyaṁ kīrtanaṁ keśavasya ca upavāsaḥ prakarttavyaḥ śrotṛbhistatphalepsubhiḥ

कथा के समापन पर केशव का कीर्तन करना चाहिए। फल की इच्छा रखने वाले श्रोताओं को उपवास करना चाहिए।

श्लोक 28 (padma.6.198.28)

तदशक्तो हविष्यान्नं सकृत्स्वल्पं समाहरेत् । जलेनापि फलेनापि दुग्धेन च घृतेन वा

tadaśakto haviṣyānnaṁ sakṛtsvalpaṁ samāharet jalenāpi phalenāpi dugdhena ca ghṛtena vā

जो उपवास करने में असमर्थ हो, वह दिन में एक बार थोड़ा हविष्यान्न ग्रहण करे, या केवल जल, फल, दूध अथवा घी से ही—

श्लोक 29 (padma.6.198.29)

केवलेनैव कर्त्तव्यं निर्विघ्नं धारणं तनोः । सप्ताहव्रतिनां पुंसां नियमान्शृणु नारद

kevalenaiva karttavyaṁ nirvighnaṁ dhāraṇaṁ tanoḥ saptāhavratināṁ puṁsāṁ niyamānśṛṇu nārada

—शरीर को निर्विघ्न रूप से धारण करे। हे नारद! सप्ताह-व्रत करने वाले पुरुषों के नियम सुनो—

श्लोक 30 (padma.6.198.30)

विष्णुदीक्षाविहीनानां नाधिकारोऽत्र कीर्तितः । ब्रह्मचर्यमधः सुप्तिः पत्रावल्यां च भोजनम्

viṣṇudīkṣāvihīnānāṁ nādhikāro'tra kīrtitaḥ brahmacaryamadhaḥ suptiḥ patrāvalyāṁ ca bhojanam

—विष्णु-दीक्षा से रहित लोगों का इसमें कोई अधिकार नहीं बताया गया है। सप्ताह में ब्रह्मचर्य, भूमि पर शयन—

श्लोक 31 (padma.6.198.31)

समाचरेन्नित्यमेव सप्ताहे मुनिसत्तम । द्विदलं मधु तैलं च परान्नं चेक्षुजं रसम्

samācarennityameva saptāhe munisattama dvidalaṁ madhu tailaṁ ca parānnaṁ cekṣujaṁ rasam

—और पत्तों पर भोजन का सदा पालन करना चाहिए, हे मुनिसत्तम। दाल, मधु, तेल, दूसरे का बनाया अन्न और गन्ने का रस—

श्लोक 32 (padma.6.198.32)

भावदुष्टं क्रियादुष्टं जह्यात्पर्युषितं व्रती । पलांडुलशुनं हिंगुं मूलकं गृंजनं तथा

bhāvaduṣṭaṁ kriyāduṣṭaṁ jahyātparyuṣitaṁ vratī palāṁḍulaśunaṁ hiṁguṁ mūlakaṁ gṛṁjanaṁ tathā

—भाव से दूषित, क्रिया से दूषित और बासी भोजन को व्रती त्याग दे। प्याज, लहसुन, हींग, मूली और गाजर—

श्लोक 33 (padma.6.198.33)

नालिकां चैव कूष्मांडं नरो नाद्यात्कथाव्रती । कामं क्रोधं मदं लोभं दंभं मात्सर्यमेव च

nālikāṁ caiva kūṣmāṁḍaṁ naro nādyātkathāvratī kāmaṁ krodhaṁ madaṁ lobhaṁ daṁbhaṁ mātsaryameva ca

—तथा कमल-नाल और कद्दू भी कथा-व्रती पुरुष नहीं खाए। काम, क्रोध, मद, लोभ, दंभ और मात्सर्य—

श्लोक 34 (padma.6.198.34)

मोहं द्वेषं तथा हिंसां नैव कुर्यात्कथाव्रती

mohaṁ dveṣaṁ tathā hiṁsāṁ naiva kuryātkathāvratī

—मोह, द्वेष और हिंसा — कथा-व्रती इनका कभी भी आचरण न करे।

श्लोक 35 (padma.6.198.35)

वेदवैष्णवविप्राणां गुरु गोव्रतिनां तथा । स्त्री राजमहतां चापि निंदां जह्यात्कथाव्रती

vedavaiṣṇavaviprāṇāṁ guru govratināṁ tathā strī rājamahatāṁ cāpi niṁdāṁ jahyātkathāvratī

वेद, वैष्णव, ब्राह्मण, गुरु, गोव्रतियों, स्त्री तथा राजा-महापुरुषों की निंदा को भी कथा-व्रती त्याग दे।

श्लोक 36 (padma.6.198.36)

सत्यं शौचं दयामौनमार्जवं विनयं तथा । मनः प्रसन्नतां चापि बुधः कुर्यात्कथाव्रती

satyaṁ śaucaṁ dayāmaunamārjavaṁ vinayaṁ tathā manaḥ prasannatāṁ cāpi budhaḥ kuryātkathāvratī

सत्य, शौच, दया, मौन, सरलता, विनय तथा चित्त की प्रसन्नता — बुद्धिमान कथा-व्रती इनका पालन करे।

श्लोक 37 (padma.6.198.37)

श्रीकामस्तनयार्थी च जयकामश्च मोक्षधीः । शृणुयाद्वै भागवतं निष्कामः श्रीहरिं लभेत्

śrīkāmastanayārthī ca jayakāmaśca mokṣadhīḥ śṛṇuyādvai bhāgavataṁ niṣkāmaḥ śrīhariṁ labhet

श्री की इच्छा वाला, पुत्र की इच्छा वाला, विजय की इच्छा वाला और मोक्ष की बुद्धि वाला — सभी को भागवत सुनना चाहिए; निष्काम पुरुष को स्वयं श्रीहरि की प्राप्ति होती है।

श्लोक 38 (padma.6.198.38)

सप्तमे दिवसे कुर्याल्लंघनं तत्समाप्तिके । वक्तुश्च पूजा कर्त्तव्या गोभूस्वर्गं वरादिभिः

saptame divase kuryāllaṁghanaṁ tatsamāptike vaktuśca pūjā karttavyā gobhūsvargaṁ varādibhiḥ

सातवें दिन उसकी समाप्ति पर उपवास करना चाहिए; तथा गाय, भूमि, स्वर्ण और वर आदि से वक्ता की पूजा करनी चाहिए।

श्लोक 39 (padma.6.198.39)

प्रसाद तुलसीं मालां श्रोतृभ्यः प्रतिदापयेत् । उत्सवश्च तथा कार्यो गीतवाद्यविशारदैः

prasāda tulasīṁ mālāṁ śrotṛbhyaḥ pratidāpayet utsavaśca tathā kāryo gītavādyaviśāradaiḥ

श्रोताओं को प्रसाद और तुलसी की माला देनी चाहिए; और गीत-वाद्य में निपुण लोगों द्वारा उत्सव भी मनाया जाना चाहिए।

श्लोक 40 (padma.6.198.40)

गीतार्थं शृणुयाच्चापि परेऽहनि विचक्षणः । प्रतिश्लोकं च जुहुयाद्गायत्र्या वा यथाविधि

gītārthaṁ śṛṇuyāccāpi pare'hani vicakṣaṇaḥ pratiślokaṁ ca juhuyādgāyatryā vā yathāvidhi

अगले दिन विचक्षण पुरुष को गीता का अर्थ भी सुनना चाहिए; प्रत्येक श्लोक के लिए विधिपूर्वक अथवा गायत्री-मंत्र से हवन करना चाहिए।

श्लोक 41 (padma.6.198.41)

पायसं मधुसर्पिश्च तिलांस्तंडुलकान्यवान् । शर्करां च प्रियालं च द्राक्षां वाताम खर्जुरौ

pāyasaṁ madhusarpiśca tilāṁstaṁḍulakānyavān śarkarāṁ ca priyālaṁ ca drākṣāṁ vātāma kharjurau

खीर, मधु, घी, तिल, चावल, जौ, चीनी, प्रियाल, अंगूर और खजूर—

श्लोक 42 (padma.6.198.42)

अंभोजानि च कर्पूरं चंदनागुरुणीपुरम् । लवंगं बिल्वपत्राणि सहस्रं च पृथक्पृथक्

aṁbhojāni ca karpūraṁ caṁdanāguruṇīpuram lavaṁgaṁ bilvapatrāṇi sahasraṁ ca pṛthakpṛthak

—कमल, कर्पूर, चंदन, अगरु, केसर, लौंग और बिल्वपत्र — इनमें से प्रत्येक की एक-एक हज़ार आहुतियाँ—

श्लोक 43 (padma.6.198.43)

विघ्नस्य च विघातार्थं न्यूनाधिक्यनिवृत्तये । आत्मनः पूततार्थं च पठेन्नामसहस्रकम्

vighnasya ca vighātārthaṁ nyūnādhikyanivṛttaye ātmanaḥ pūtatārthaṁ ca paṭhennāmasahasrakam

—विघ्न के निवारण और कमी-अधिकता की क्षतिपूर्ति के लिए, तथा अपनी शुद्धि के लिए, विष्णु-सहस्रनाम का पाठ करना चाहिए।

श्लोक 44 (padma.6.198.44)

द्वादशाष्टादशाथापि श्रद्धयाह्यधिकांस्तथा । पायसेनाशयेद्विप्रान्स्वर्णं धेनुश्च दक्षिणा

dvādaśāṣṭādaśāthāpi śraddhayāhyadhikāṁstathā pāyasenāśayedviprānsvarṇaṁ dhenuśca dakṣiṇā

श्रद्धापूर्वक बारह या अठारह, या इससे भी अधिक ब्राह्मणों को खीर से भोजन कराना चाहिए, तथा स्वर्ण और गाय दक्षिणा में देनी चाहिए।

श्लोक 45 (padma.6.198.45)

व्रतसिद्ध्यर्थमप्यत्र प्रौष्ठपद्यामथापि वा । स्वर्णसिंहं विनिर्माय तस्य पृष्ठे निधाय च

vratasiddhyarthamapyatra prauṣṭhapadyāmathāpi vā svarṇasiṁhaṁ vinirmāya tasya pṛṣṭhe nidhāya ca

व्रत की सिद्धि के लिए, भाद्रपद-पूर्णिमा को भी, स्वर्ण का सिंह बनाकर उसकी पीठ पर—

श्लोक 46 (padma.6.198.46)

श्रीमद्भागवतं वक्त्रे लेखयित्वा समर्पयेत् । एवं कृते विधाने तु सर्वपापनिवारणम्

śrīmadbhāgavataṁ vaktre lekhayitvā samarpayet evaṁ kṛte vidhāne tu sarvapāpanivāraṇam

—श्रीमद्भागवत को वक्ता के हाथ से लिखवाकर अर्पित करना चाहिए। इस विधान के इस प्रकार किए जाने पर—

श्लोक 47 (padma.6.198.47)

भवेच्छ्रोतुः सुफलदं श्रीमद्भागवतं श्रुतम् । धर्मकामार्थमोक्षाणां साधनं भक्तिदायकम्

bhavecchrotuḥ suphaladaṁ śrīmadbhāgavataṁ śrutam dharmakāmārthamokṣāṇāṁ sādhanaṁ bhaktidāyakam

—सुना गया श्रीमद्भागवत श्रोता के लिए समस्त पापों का निवारण करने वाला, उत्तम फल देने वाला बनता है; यह धर्म, अर्थ, काम और मोक्ष का साधन है और भक्ति देने वाला है।

श्लोक 48 (padma.6.198.48)

न कार्यं विद्यते लोके यदनेन न सिध्यति । ततो भागवतं लोके पुराणेभ्योऽधिकं मतम्

na kāryaṁ vidyate loke yadanena na sidhyati tato bhāgavataṁ loke purāṇebhyo'dhikaṁ matam

संसार में ऐसा कोई कार्य नहीं है जो इसके द्वारा सिद्ध न हो; इसीलिए संसार में भागवत को अन्य पुराणों से भी बढ़कर माना गया है।

श्लोक 49 (padma.6.198.49)

दोषाष्टादशनिर्मुक्तो वाचकः परिकीर्तितः । द्वात्रिंशदपराधैर्हि मुक्तो श्रोता मतो बुधैः

doṣāṣṭādaśanirmukto vācakaḥ parikīrtitaḥ dvātriṁśadaparādhairhi mukto śrotā mato budhaiḥ

वाचक अठारह दोषों से मुक्त हो जाता है, ऐसा कहा गया है; और श्रोता बत्तीस अपराधों से मुक्त माना जाता है, ऐसा बुद्धिजन कहते हैं।

श्लोक 50 (padma.6.198.50)

श्रीमद्भागवतं नाम पुराणं कामदं नृणाम् । तथापि श्रवणं चास्य निष्कामस्यैव भक्तिदम्

śrīmadbhāgavataṁ nāma purāṇaṁ kāmadaṁ nṛṇām tathāpi śravaṇaṁ cāsya niṣkāmasyaiva bhaktidam

श्रीमद्भागवत नामक पुराण मनुष्यों की कामनाओं को पूर्ण करने वाला है; फिर भी इसका श्रवण केवल निष्काम पुरुष को ही भक्ति प्रदान करता है।

श्लोक 51 (padma.6.198.51)

श्रीमद्भागवताभिधः सुरतरुस्तारांकुरः सज्जनिः स्कंधैर्द्वादशभिस्ततः प्रविलसद्भक्त्यालवालोदयः । द्वात्रिंशत्त्रिशतं च यस्य विलसच्छाखाः सहस्राण्यलं पर्णान्यष्टदशेष्टदोतिसुलभो वर्वर्ति सर्वोपरि

śrīmadbhāgavatābhidhaḥ suratarustārāṁkuraḥ sajjaniḥ skaṁdhairdvādaśabhistataḥ pravilasadbhaktyālavālodayaḥ dvātriṁśattriśataṁ ca yasya vilasacchākhāḥ sahasrāṇyalaṁ parṇānyaṣṭadaśeṣṭadotisulabho varvarti sarvopari

श्रीमद्भागवत नामक यह कल्पवृक्ष, जिसका अंकुर तारक-मंत्र है, जो बारह स्कंधों से सुजात है, जिसका भक्ति-रूपी सिंचन-गड्ढा प्रकाशमान है, जिसकी शाखाएँ तीन सौ बत्तीस के रूप में शोभित हैं, जिसके पत्ते पूरे अठारह हज़ार हैं — वह अभीष्ट देने वाला, अत्यंत सुलभ वृक्ष सबसे ऊपर विराजमान है।

श्लोक 52 (padma.6.198.52)

इति ते कथितं सर्वं कृतं चापि तवेप्सितम् । ज्ञानवैराग्यभक्तीनां तारुण्यं लोकमोक्षदम्

iti te kathitaṁ sarvaṁ kṛtaṁ cāpi tavepsitam jñānavairāgyabhaktīnāṁ tāruṇyaṁ lokamokṣadam

इस प्रकार तुम्हें सब कुछ बताया गया, और तुम्हारी इच्छा भी पूर्ण की गई — ज्ञान, वैराग्य और भक्ति की तरुणाई, जो संसार को मुक्ति देने वाली है।

श्लोक 53 (padma.6.198.53)

सूत उवाच- इत्युक्ता ते कुमारास्तु कृष्णांघ्रिसुधयाप्लुताः । विरेमुर्भगवद्भक्ता दीनोद्धरणतत्पराः

sūta uvāca- ityuktā te kumārāstu kṛṣṇāṁghrisudhayāplutāḥ viremurbhagavadbhaktā dīnoddharaṇatatparāḥ

सूत ने कहा — इस प्रकार कहकर, कृष्ण के चरणों के अमृत में डूबे, दीनों के उद्धार में तत्पर वे भगवद्भक्त कुमार मौन हो गए।

श्लोक 54 (padma.6.198.54)

तद्वाक्यं तु समाकर्ण्य नारदो भगवत्प्रियः । प्रेमगद्गदया वाचा तानुवाच कृतांजलिः

tadvākyaṁ tu samākarṇya nārado bhagavatpriyaḥ premagadgadayā vācā tānuvāca kṛtāṁjaliḥ

उनके इस वचन को सुनकर, भगवान् के प्रिय नारद ने प्रेम से गद्गद वाणी में हाथ जोड़कर उनसे कहा—

श्लोक 55 (padma.6.198.55)

नारद उवाच- धन्योस्म्यनुगृहीतोस्मि भवद्भिः करुणापरैः । यद्भागवतसप्ताहान्निकटे दर्शितो हरिः

nārada uvāca- dhanyosmyanugṛhītosmi bhavadbhiḥ karuṇāparaiḥ yadbhāgavatasaptāhānnikaṭe darśito hariḥ

नारद ने कहा — 'मैं धन्य हूँ, करुणापरायण आप लोगों द्वारा अनुगृहीत हूँ, कि भागवत-सप्ताह से मुझे हरि निकट ही दिखाई दिए।'

श्लोक 56 (padma.6.198.56)

एवं ब्रुवति वै तस्मिन्नारदे वैष्णवोत्तमे । पर्यटंस्तं समायातस्तत्र योगेश्वरः शुकः

evaṁ bruvati vai tasminnārade vaiṣṇavottame paryaṭaṁstaṁ samāyātastatra yogeśvaraḥ śukaḥ

श्रेष्ठ वैष्णव नारद के ऐसा कहते ही, वहाँ भ्रमण करते हुए योगेश्वर शुक भी आ पहुँचे।

श्लोक 57 (padma.6.198.57)

द्विरष्टवर्षाकृतिरंबुजाक्षो व्यासात्मजो ज्ञानपयोधिचंद्रः। कथावसाने निजलाभतुष्टो हृदानिशं भागवतं पठंश्च

dviraṣṭavarṣākṛtiraṁbujākṣo vyāsātmajo jñānapayodhicaṁdraḥ kathāvasāne nijalābhatuṣṭo hṛdāniśaṁ bhāgavataṁ paṭhaṁśca

सोलह वर्ष के समान आयु वाले, कमल-नेत्र, व्यास-पुत्र, ज्ञान-सागर के चंद्रमा-सम, कथा के अंत में अपनी ही प्राप्ति से संतुष्ट, हृदय में निरंतर भागवत का पाठ करते हुए—

श्लोक 58 (padma.6.198.58)

दृष्ट्वा सदस्यास्तमथोरुतेजसंसद्यःसमुत्थाय वरासनं ददुः । स चोपविष्टः सुखमासने यदा तदाविरासीद्धरिरब्जलोचनः

dṛṣṭvā sadasyāstamathorutejasaṁsadyaḥsamutthāya varāsanaṁ daduḥ sa copaviṣṭaḥ sukhamāsane yadā tadāvirāsīddharirabjalocanaḥ

—अत्यंत तेजस्वी उन्हें देखकर सभासद तुरंत उठ खड़े हुए और उन्हें उत्तम आसन दिया। जब वे आसन पर सुखपूर्वक बैठे, तभी कमल-नेत्र हरि स्वयं प्रकट हो गए।

श्लोक 59 (padma.6.198.59)

भवो भवान्या कमलासनः सुतैस्तत्रागतः कीर्तनदर्शनाय च । सुरेशमुख्यास्त्रिदशा विमानकैः समागतास्तैरभवद्वृतं नभः

bhavo bhavānyā kamalāsanaḥ sutaistatrāgataḥ kīrtanadarśanāya ca sureśamukhyāstridaśā vimānakaiḥ samāgatāstairabhavadvṛtaṁ nabhaḥ

शिव पार्वती सहित, और कमलासन ब्रह्मा अपने पुत्रों सहित, कीर्तन देखने के लिए वहाँ आए; इंद्र आदि प्रमुख देवता विमानों पर सवार होकर आए, जिनसे आकाश भर गया।

श्लोक 60 (padma.6.198.60)

प्रह्लादस्तालधारीतरलगतितया ह्युद्धवः कांस्यधारी वीणाधारी सुरर्षिः स्वरकुशलतया रागकर्ताऽर्जुनोऽभूत् । इंद्रो मार्दंगिकोऽभूज्जयजय सुवचः प्रावदंस्ते कुमाराः सद्भावस्य प्रवक्ता निरतिशयगुणोव्यासपुत्रो बभूव

prahlādastāladhārītaralagatitayā hyuddhavaḥ kāṁsyadhārī vīṇādhārī surarṣiḥ svarakuśalatayā rāgakartā'rjuno'bhūt iṁdro mārdaṁgiko'bhūjjayajaya suvacaḥ prāvadaṁste kumārāḥ sadbhāvasya pravaktā niratiśayaguṇovyāsaputro babhūva

प्रह्लाद, अपनी चंचल गति के कारण, ताल बजाने लगे; उद्धव कांस्य-ताल बजाने लगे; देवर्षि नारद, स्वर-निपुणता के कारण, वीणा बजाकर राग रचने लगे। इंद्र मृदंगवादक बने; वे कुमार 'जय-जय' की मंगल-ध्वनि बोलने लगे; और गुणों में अद्वितीय व्यास-पुत्र (शुक) सद्भाव के प्रवक्ता बने।

श्लोक 61 (padma.6.198.61)

ननर्त्त मध्ये त्रिकमेव तत्र ज्ञानादिकानां नवरूपयुक्तम् । अलौकिकं कीर्त्तनकं समीक्ष्य प्रसन्नचेता हरिरित्युवाच

nanartta madhye trikameva tatra jñānādikānāṁ navarūpayuktam alaukikaṁ kīrttanakaṁ samīkṣya prasannacetā harirityuvāca

उस बीच वहाँ नए रूप को प्राप्त ज्ञान आदि का वह त्रिक ही नृत्य करने लगा। उस अलौकिक कीर्तन को देखकर प्रसन्नचित्त हरि ने कहा—

श्लोक 62 (padma.6.198.62)

मत्तो वरं भागवता वृणीध्वं प्रीतात्कथाकीर्त्तनतो भृशं वः। श्रुत्वाथ तद्वाक्यमतिप्रसन्ना प्रेमार्द्रचित्ता हरिमूचिरे ते

matto varaṁ bhāgavatā vṛṇīdhvaṁ prītātkathākīrttanato bhṛśaṁ vaḥ śrutvātha tadvākyamatiprasannā premārdracittā harimūcire te

'हे भक्तो! कथा और कीर्तन से मैं तुम पर अत्यंत प्रसन्न हूँ, मुझसे कोई वर माँगो।' यह वचन सुनकर, अत्यंत प्रसन्न और प्रेम से द्रवित हृदय वाले वे हरि से बोले—

श्लोक 63 (padma.6.198.63)

कुमारा ऊचुः- सप्ताहयज्ञेन वितायतेन सद्यः प्रसन्नो भविता मुरारे । कलौयुगे घोरतरे नराणां स्वल्पायुषां विघ्नशताकुलानाम्

kumārā ūcuḥ- saptāhayajñena vitāyatena sadyaḥ prasanno bhavitā murāre kalauyuge ghoratare narāṇāṁ svalpāyuṣāṁ vighnaśatākulānām

कुमारों ने कहा — 'हे मुरारे! इस अत्यंत घोर कलियुग में, अल्पायु और सैकड़ों विघ्नों से घिरे मनुष्यों के लिए, सप्ताह-यज्ञ के विस्तार से आप शीघ्र प्रसन्न हों—'

श्लोक 64 (padma.6.198.64)

एवं वरं विश्वविधानपालनप्रणाशहेतोर्भवतोखिलात्मनः । वृणीमहेऽन्यो न मनोरथो विभो भवत्पदांभोजनिषेविणां हि नः

evaṁ varaṁ viśvavidhānapālanapraṇāśahetorbhavatokhilātmanaḥ vṛṇīmahe'nyo na manoratho vibho bhavatpadāṁbhojaniṣeviṇāṁ hi naḥ

'—हे विश्व की रचना, पालन और प्रलय के कारण, समस्त आत्माओं के आत्मा! ऐसा ही वर हम माँगते हैं; हे प्रभो! हम, जो आपके चरण-कमलों की सेवा में लगे हैं, हमारी कोई अन्य कामना नहीं है।'

श्लोक 65 (padma.6.198.65)

एवमस्त्विति चैवोक्त्वा तत्रैवांतर्दधे हरिः । नारदः सुप्रसन्नात्मा कुमारानभ्यवादयत्

evamastviti caivoktvā tatraivāṁtardadhe hariḥ nāradaḥ suprasannātmā kumārānabhyavādayat

'ऐसा ही हो' कहकर हरि वहीं अंतर्ध्यान हो गए। अत्यंत प्रसन्नचित्त नारद ने कुमारों को प्रणाम किया।

श्लोक 66 (padma.6.198.66)

ततस्ते सनकाद्याश्च भृग्वाद्याश्च शुकादयः । प्रययुः स्वाश्रमान्हृष्टाः पीत्वा तच्च कथामृतम्

tataste sanakādyāśca bhṛgvādyāśca śukādayaḥ prayayuḥ svāśramānhṛṣṭāḥ pītvā tacca kathāmṛtam

फिर वे सनकादि, भृगु आदि और शुक आदि, उस कथा-अमृत का पान करके प्रसन्नतापूर्वक अपने-अपने आश्रमों को चले गए।

श्लोक 67 (padma.6.198.67)

भक्तिः सुताभ्यां सहिता नारदेन प्रवर्तिता । भूमंडले समस्तेऽस्मिस्तदा प्रभृति शौनक

bhaktiḥ sutābhyāṁ sahitā nāradena pravartitā bhūmaṁḍale samaste'smistadā prabhṛti śaunaka

हे शौनक! नारद द्वारा प्रवर्तित की गई वह भक्ति अपने दोनों पुत्रों सहित, तभी से इस संपूर्ण भूमंडल में फैल गई।

श्लोक 68 (padma.6.198.68)

शिव उवाच- आख्यानं महदाकर्ण्य प्रीतात्मा शौनकः प्रिये । पर्यपृच्छत्पुनः सूतं सर्वसंदेहभंजनम्

śiva uvāca- ākhyānaṁ mahadākarṇya prītātmā śaunakaḥ priye paryapṛcchatpunaḥ sūtaṁ sarvasaṁdehabhaṁjanam

शिव ने कहा — हे प्रिये! इस महान आख्यान को सुनकर, प्रसन्नचित्त शौनक ने समस्त संदेहों को दूर करने वाले सूत से फिर पूछा।

श्लोक 69 (padma.6.198.69)

शौनक उवाच-। शुकेनोक्तं कदा राज्ञे गोकर्णेन कदा पुनः । सुरर्षये कदा ब्राह्मैरेतदाख्याहि मानद

śaunaka uvāca- śukenoktaṁ kadā rājñe gokarṇena kadā punaḥ surarṣaye kadā brāhmairetadākhyāhi mānada

शौनक ने कहा — 'शुक द्वारा राजा को कब कहा गया, गोकर्ण द्वारा फिर कब कहा गया, देवर्षि (नारद) को कब कहा गया, और ब्रह्मा द्वारा कब — हे मानद! यह मुझे बताइए।'

श्लोक 70 (padma.6.198.70)

सूत उवाच- श्रीकृष्णनिर्गमात्त्रिंशद्वर्षावधिगते कलौ । भाद्रशुक्लनवम्यां वै कथारंभं शुकोऽकरोत्

sūta uvāca- śrīkṛṣṇanirgamāttriṁśadvarṣāvadhigate kalau bhādraśuklanavamyāṁ vai kathāraṁbhaṁ śuko'karot

सूत ने कहा — श्रीकृष्ण के प्रस्थान से कलियुग के तीस वर्ष बीत जाने पर, भाद्रपद शुक्ल नवमी को शुक ने कथा का आरंभ किया।

श्लोक 71 (padma.6.198.71)

परीक्षिच्छ्रवणांते तु गते वर्षशतद्वये । शुचिशुक्लनवम्यां तु गोकर्णोकथयत्कथाम्

parīkṣicchravaṇāṁte tu gate varṣaśatadvaye śuciśuklanavamyāṁ tu gokarṇokathayatkathām

परीक्षित के श्रवण के अंत से दो सौ वर्ष बीत जाने पर, आषाढ़ शुक्ल नवमी को गोकर्ण ने वह कथा कही।

श्लोक 72 (padma.6.198.72)

कलौ सहस्रमब्दानामधुना प्रगतं द्विज । परीक्षितो जन्मकालात्समाप्तिं नीयतां मखः

kalau sahasramabdānāmadhunā pragataṁ dvija parīkṣito janmakālātsamāptiṁ nīyatāṁ makhaḥ

हे विप्र! अब कलियुग के एक हज़ार वर्ष बीत चुके हैं; परीक्षित के जन्मकाल से यह यज्ञ समाप्ति की ओर ले जाया जाए।

श्लोक 73 (padma.6.198.73)

ईश्वर उवाच- इति श्रुत्वा वचस्तस्य शौनको मुनिसत्तमः । पूर्णं चकार तं यज्ञं सहस्रपरिवत्सरम्

īśvara uvāca- iti śrutvā vacastasya śaunako munisattamaḥ pūrṇaṁ cakāra taṁ yajñaṁ sahasraparivatsaram

ईश्वर ने कहा — यह वचन सुनकर मुनिश्रेष्ठ शौनक ने उस सहस्र-वर्षीय यज्ञ को पूर्ण किया।

श्लोक 74 (padma.6.198.74)

ब्राह्मं पाद्मं वैष्णवं च कौर्म्यं मात्स्यं च वामनम् । वाराहं ब्रह्मवैवर्त्तनारदीयं भविष्यकम्

brāhmaṁ pādmaṁ vaiṣṇavaṁ ca kaurmyaṁ mātsyaṁ ca vāmanam vārāhaṁ brahmavaivarttanāradīyaṁ bhaviṣyakam

ब्रह्म, पद्म, वैष्णव, कौर्म, मात्स्य, वामन—

श्लोक 75 (padma.6.198.75)

आग्नेयमर्द्धं वै सूताच्छुश्रुवुर्लोमहर्षणात् । एतानि तु पुराणानि द्वापरांते श्रुतानि हि

āgneyamarddhaṁ vai sūtācchuśruvurlomaharṣaṇāt etāni tu purāṇāni dvāparāṁte śrutāni hi

—वाराह, ब्रह्मवैवर्त, नारदीय, भविष्य और आग्नेय का आधा भाग — इन्हें उन्होंने सूत लोमहर्षण से सुना। द्वापर के अंत में ही ये पुराण—

श्लोक 76 (padma.6.198.76)

शौनकाद्यैर्मुनिवरैर्यज्ञारंभात्पुरैव हि । यदा तु तीर्थयात्रायां वलदेवः समागतः

śaunakādyairmunivarairyajñāraṁbhātpuraiva hi yadā tu tīrthayātrāyāṁ valadevaḥ samāgataḥ

—शौनक आदि श्रेष्ठ मुनियों द्वारा, यज्ञ के आरंभ से भी पहले, सुने गए थे। फिर जब बलदेव तीर्थयात्रा में—

श्लोक 77 (padma.6.198.77)

नैमिषं मिश्रिकं नाम समाहूतो मुनीश्वरैः । तत्र सूतं समासीनं दृष्ट्वा त्वध्यासनोपरि

naimiṣaṁ miśrikaṁ nāma samāhūto munīśvaraiḥ tatra sūtaṁ samāsīnaṁ dṛṣṭvā tvadhyāsanopari

—मुनियों द्वारा आमंत्रित किए जाकर मिश्रिक नामक नैमिष वन में आए, तब वहाँ उच्च आसन पर बैठे हुए सूत को देखकर—

श्लोक 78 (padma.6.198.78)

चुक्षुभे भगवान्रामः पर्वणीव महोदधिः । आषाढशुक्लद्वादश्यां पारणाहनि पार्वति

cukṣubhe bhagavānrāmaḥ parvaṇīva mahodadhiḥ āṣāḍhaśukladvādaśyāṁ pāraṇāhani pārvati

—भगवान् राम पर्व के दिन महासागर की भाँति क्षुब्ध हो उठे। हे पार्वती! आषाढ़ शुक्ल द्वादशी को, व्रत-पारण के दिन—

श्लोक 79 (padma.6.198.79)

पूर्वार्द्धयामवेलायां भावित्वात्कृष्णमायया । मुग्धो दर्भकरो रामः प्राहरल्लोमहर्षणम्

pūrvārddhayāmavelāyāṁ bhāvitvātkṛṣṇamāyayā mugdho darbhakaro rāmaḥ prāharallomaharṣaṇam

—प्रथम पहर के अंत में, कृष्ण की माया से नियत होकर, मोहित राम ने कुश हाथ में लेकर लोमहर्षण को मार दिया।

श्लोक 80 (padma.6.198.80)

ततो मुनिगणाः सर्वे हाहाकारपरायणाः । बभूवुर्नगजेत्यर्थं शोकदुःखाकुलांतराः

tato munigaṇāḥ sarve hāhākāraparāyaṇāḥ babhūvurnagajetyarthaṁ śokaduḥkhākulāṁtarāḥ

तब समस्त मुनिगण हाहाकार करने लगे, हे पर्वत-पुत्री! शोक और दुःख से उनके हृदय व्याकुल हो गए।

श्लोक 81 (padma.6.198.81)

ऊचुश्च रामं लोकेशं विनयेन क्षमापराः । ऋषय ऊचुः- रामराम महाबाहो भवता लोककारिणा

ūcuśca rāmaṁ lokeśaṁ vinayena kṣamāparāḥ ṛṣaya ūcuḥ- rāmarāma mahābāho bhavatā lokakāriṇā

और उन्होंने विनयपूर्वक, क्षमा माँगते हुए, लोकेश्वर राम से कहा। ऋषियों ने कहा — 'हे राम-राम! हे महाबाहो! हे लोक-रचयिता आपने—'

श्लोक 82 (padma.6.198.82)

अजानतेवाचरिता हिंसा ब्रह्मवधाधिका । व्यासशिष्यो ह्ययं साक्षात्पुराणर्षिर्महातपाः

ajānatevācaritā hiṁsā brahmavadhādhikā vyāsaśiṣyo hyayaṁ sākṣātpurāṇarṣirmahātapāḥ

'—अनजाने में ब्रह्महत्या से भी बढ़कर हिंसा कर दी है। यह तो साक्षात् व्यास का शिष्य, पुराणों का ऋषि, महातपस्वी है—'

श्लोक 83 (padma.6.198.83)

अस्मै ह्यध्यासनं दत्तमस्माभिर्यज्ञकर्मणि । अष्टादशपुराणानां वाचकाय कृतक्षणैः

asmai hyadhyāsanaṁ dattamasmābhiryajñakarmaṇi aṣṭādaśapurāṇānāṁ vācakāya kṛtakṣaṇaiḥ

'—इसे हमने ही इस यज्ञकर्म में अठारह पुराणों के वाचक के रूप में उच्च आसन दिया था, समय निश्चित करके—'

श्लोक 84 (padma.6.198.84)

कथायां जगदीशस्य दीर्घमायुश्च मानद । तद्भवांल्लोकरक्षार्थं धर्मसेतुप्रवर्तकः

kathāyāṁ jagadīśasya dīrghamāyuśca mānada tadbhavāṁllokarakṣārthaṁ dharmasetupravartakaḥ

'—हे मानद! जगदीश्वर की कथा में इसे दीर्घायु प्राप्त था। इसलिए आप, संसार की रक्षा के लिए धर्म-सेतु के प्रवर्तक—'

श्लोक 85 (padma.6.198.85)

आविर्भूतो जगन्नाथो निग्रहानुग्रहक्षमः । इत्युक्त्वा मुनयस्ते तु बलदेवाग्रतः प्रिये

āvirbhūto jagannātho nigrahānugrahakṣamaḥ ityuktvā munayaste tu baladevāgrataḥ priye

'—निग्रह और अनुग्रह दोनों में समर्थ, जगन्नाथ, अवतरित हुए हैं।' हे प्रिये! ऐसा कहकर वे मुनि बलदेव के आगे—

श्लोक 86 (padma.6.198.86)

तूष्णीं बभूवुः सहसा स्मरंतो नियतेर्बलम् । ततः प्रोवाच भगवान्रामः शत्रुनिषूदनः

tūṣṇīṁ babhūvuḥ sahasā smaraṁto niyaterbalam tataḥ provāca bhagavānrāmaḥ śatruniṣūdanaḥ

—भाग्य के बल का स्मरण करते हुए अचानक मौन हो गए। तब शत्रुओं के नाशक भगवान् राम ने—

श्लोक 87 (padma.6.198.87)

विप्रान्संप्रीणयंस्तांस्तु लोकवेदपथानुगः । श्रीराम उवाच- विप्राः शृणुत भद्रं वः कोपं त्यक्त्वा सुदूरतः

viprānsaṁprīṇayaṁstāṁstu lokavedapathānugaḥ śrīrāma uvāca- viprāḥ śṛṇuta bhadraṁ vaḥ kopaṁ tyaktvā sudūrataḥ

—लोक और वेद के मार्ग का अनुसरण करते हुए उन ब्राह्मणों को प्रसन्न करते हुए कहा। श्री राम ने कहा — 'हे विप्रो! सुनिए, आपका कल्याण हो, क्रोध को दूर त्यागिए—'

श्लोक 88 (padma.6.198.88)

यदहं वेद्मि भवतामभीष्टं कार्यसिद्धिदम् । अस्य पुत्रो महाज्ञानी भविष्यति वरान्मम

yadahaṁ vedmi bhavatāmabhīṣṭaṁ kāryasiddhidam asya putro mahājñānī bhaviṣyati varānmama

'—मैं जानता हूँ कि आपको जो अभीष्ट है, वह कार्य सिद्ध ही होगा। इसका पुत्र मेरे वरदान से महान ज्ञानी होगा—'

श्लोक 89 (padma.6.198.89)

भवतामीप्सितं सर्वं शास्त्रं वै कथयिष्यति । यदर्थमहमाहूतस्तच्च कार्य्यं समुच्यताम्

bhavatāmīpsitaṁ sarvaṁ śāstraṁ vai kathayiṣyati yadarthamahamāhūtastacca kāryyaṁ samucyatām

'—और आपकी संपूर्ण अभीष्ट शास्त्र-कथा कहेगा। अब जिस कार्य के लिए मुझे बुलाया गया है, वह कार्य किया जाए।'

श्लोक 90 (padma.6.198.90)

ईश्वर उवाच- इति श्रुत्वा वचस्ते तु रामस्य सुमहात्मनः । बल्वलस्य वधार्थाय प्रेरयामासुरीश्वरम्

īśvara uvāca- iti śrutvā vacaste tu rāmasya sumahātmanaḥ balvalasya vadhārthāya prerayāmāsurīśvaram

ईश्वर ने कहा — महात्मा राम के इस वचन को सुनकर, उन्होंने भगवान् को बल्वल के वध के लिए प्रेरित किया।

श्लोक 91 (padma.6.198.91)

ततः स बल्वलं हत्वा प्रसाद्य मुनिपुंगवान् । प्रणिपत्याभ्यनुज्ञातस्तीर्थयात्रामुपागमत्

tataḥ sa balvalaṁ hatvā prasādya munipuṁgavān praṇipatyābhyanujñātastīrthayātrāmupāgamat

तब उन्होंने बल्वल को मारकर, श्रेष्ठ मुनियों को प्रसन्न करके, प्रणाम करके उनकी अनुमति लेकर पुनः तीर्थयात्रा आरंभ की।

श्लोक 92 (padma.6.198.92)

तीर्थयात्रां गते रामे शौनकाद्या मुनीश्वराः । लौमहर्षणिमाहूय सत्कृत्य नगनंदिनि

tīrthayātrāṁ gate rāme śaunakādyā munīśvarāḥ laumaharṣaṇimāhūya satkṛtya naganaṁdini

हे पर्वत-पुत्री! राम के तीर्थयात्रा पर जाने के बाद, शौनक आदि श्रेष्ठ मुनियों ने लोमहर्षण-पुत्र को बुलाकर सम्मानित किया—

श्लोक 93 (padma.6.198.93)

तत्पदे स्थापयामासुः शेषं संकीर्तनाय वै । आग्नेयोत्तरमाहात्म्यं श्रीमद्भागवतांतकम्

tatpade sthāpayāmāsuḥ śeṣaṁ saṁkīrtanāya vai āgneyottaramāhātmyaṁ śrīmadbhāgavatāṁtakam

—और उसे उसके पिता के स्थान पर, शेष कथा-कीर्तन के लिए स्थापित किया — आग्नेय पुराण की उत्तर-महिमा, जिसका अंत श्रीमद्भागवत पर होता है।

श्लोक 94 (padma.6.198.94)

पुराणसप्तकं सार्द्धं शुश्रुवुर्हृष्टमानसाः । दशसप्तपुराणानि कृत्वा सत्यवतीसुतः

purāṇasaptakaṁ sārddhaṁ śuśruvurhṛṣṭamānasāḥ daśasaptapurāṇāni kṛtvā satyavatīsutaḥ

उन्होंने प्रसन्नचित्त होकर साढ़े सात पुराण सुने। सत्रह पुराणों की रचना करने के बाद भी, सत्यवती-पुत्र (व्यास)—

श्लोक 95 (padma.6.198.95)

नाप्तवान्मनसस्तोषं भारतेनापि भामिनि । ज्ञात्वास्य हृदयं खिन्नं नारदो देवदर्शनः

nāptavānmanasastoṣaṁ bhāratenāpi bhāmini jñātvāsya hṛdayaṁ khinnaṁ nārado devadarśanaḥ

—हे भामिनि! महाभारत की रचना के बाद भी उन्हें मन की तृप्ति नहीं मिली। उनके हृदय की व्याकुलता जानकर, दिव्यदृष्टि नारद—

श्लोक 96 (padma.6.198.96)

समाजगाम भगवान्व्यासस्याश्रममुत्तमम् । तं दृष्ट्वा वासवीसूनुः सत्कृत्यासनपूर्वकम्

samājagāma bhagavānvyāsasyāśramamuttamam taṁ dṛṣṭvā vāsavīsūnuḥ satkṛtyāsanapūrvakam

—भगवान् व्यास के उत्तम आश्रम में पहुँचे। उन्हें देखकर वासवी-पुत्र (व्यास) ने पहले आसन देकर सत्कारपूर्वक—

श्लोक 97 (padma.6.198.97)

नारदं पूजयामास विधिदृष्टेनकर्मणा । अथ तं नारदः प्राह किं भवान्क्लिष्टमानसः

nāradaṁ pūjayāmāsa vidhidṛṣṭenakarmaṇā atha taṁ nāradaḥ prāha kiṁ bhavānkliṣṭamānasaḥ

—विधिपूर्वक कर्म से नारद की पूजा की। तब नारद ने उनसे पूछा — 'आप इतने क्लिष्ट मन वाले क्यों—'

श्लोक 98 (padma.6.198.98)

ध्यायते तत्समाचक्ष्व सर्वं संदेहकारणम् । इति पृष्टः स मुनिना पराशर सुतोऽब्रवीत्

dhyāyate tatsamācakṣva sarvaṁ saṁdehakāraṇam iti pṛṣṭaḥ sa muninā parāśara suto'bravīt

'—किस चिंता में डूबे हैं? वह सब मुझे बताइए, संदेह का कारण।' मुनि द्वारा इस प्रकार पूछे जाने पर पराशर-पुत्र ने कहा—

श्लोक 99 (padma.6.198.99)

ब्रह्मन्किं कारणं चेतो मोहे जाने न तत्त्वहम् । भवान्विज्ञानकुशलो ज्ञात्वा तत्प्रब्रवीतु मे

brahmankiṁ kāraṇaṁ ceto mohe jāne na tattvaham bhavānvijñānakuśalo jñātvā tatprabravītu me

'हे ब्रह्मन्! मैं स्वयं नहीं जानता कि मेरा चित्त किस कारण से मोह में है। आप विज्ञान में निपुण हैं, जानकर वह मुझे बताइए।'

श्लोक 100 (padma.6.198.100)

एवं विज्ञापितस्तेन नारदोऽध्यात्मकोविदः । उवाच परमं तत्वं यदुक्तं विधिनात्मने

evaṁ vijñāpitastena nārado'dhyātmakovidaḥ uvāca paramaṁ tatvaṁ yaduktaṁ vidhinātmane

इस प्रकार उनके द्वारा पूछे जाने पर, अध्यात्म-तत्व में निपुण नारद ने वह परम तत्व बताया, जो ब्रह्मा ने स्वयं उनसे कहा था।

श्लोक 101 (padma.6.198.101)

नारद उवाच- शृणु पाराशरे मत्तः कारणं येन वै तव । असंपन्नं मनो भाति शास्त्रयोनेरपि प्रभोः

nārada uvāca- śṛṇu pārāśare mattaḥ kāraṇaṁ yena vai tava asaṁpannaṁ mano bhāti śāstrayonerapi prabhoḥ

नारद ने कहा — 'हे पराशर-पुत्र! सुनिए, मुझसे वह कारण, जिससे शास्त्रों के स्रोत होते हुए भी आपका मन अतृप्त प्रतीत होता है।'

श्लोक 102 (padma.6.198.102)

त्वयावतीर्य लोकेस्मिन्वेदा व्यस्ता विभागशः । कृतानि च पुराणानि सेतिहासानि चानघ

tvayāvatīrya lokesminvedā vyastā vibhāgaśaḥ kṛtāni ca purāṇāni setihāsāni cānagha

'हे निष्पाप! आपने इस लोक में अवतरित होकर वेदों को विभागपूर्वक विभाजित किया और इतिहासों सहित पुराणों की रचना की—'

श्लोक 103 (padma.6.198.103)

यत्र सर्वस्त्रयी धर्मो वर्णाश्रमनिवासिनाम् । निर्दिष्टो वीक्ष्य कालेन नृणामल्पायुषां कलौ

yatra sarvastrayī dharmo varṇāśramanivāsinām nirdiṣṭo vīkṣya kālena nṛṇāmalpāyuṣāṁ kalau

'—जिनमें वर्णाश्रम में रहने वालों के लिए त्रयी का संपूर्ण धर्म, काल को ध्यान में रखते हुए, अल्पायु कलियुगी मनुष्यों के लिए—'

श्लोक 104 (padma.6.198.104)

यत्राधिकारः सर्वेषां दृश्यते श्रवणादिषु । स्त्री शूद्र द्विजबंधूनां साधूनां साधुसंगमः

yatrādhikāraḥ sarveṣāṁ dṛśyate śravaṇādiṣu strī śūdra dvijabaṁdhūnāṁ sādhūnāṁ sādhusaṁgamaḥ

'—निर्दिष्ट किया गया, जिनमें स्त्री, शूद्र, अपठित ब्राह्मण-बंधुओं और साधुओं तथा साधु-संगति करने वालों — सभी का श्रवणादि में अधिकार दिखाई देता है—'

श्लोक 105 (padma.6.198.105)

धर्मादयो यथाशश्वद्वर्णितास्तेषु वै त्वया । प्राधान्येन तथा नैव वर्णितो महिमा हरेः । सर्वधर्मक्रियाशून्ये कलौ दोषनिधौ मुने

dharmādayo yathāśaśvadvarṇitāsteṣu vai tvayā prādhānyena tathā naiva varṇito mahimā hareḥ sarvadharmakriyāśūnye kalau doṣanidhau mune

'—उनमें धर्म आदि का बार-बार वर्णन आपने किया, किंतु हरि की महिमा का प्रधानता से वर्णन नहीं किया। हे मुने! समस्त धर्म-क्रियाओं से शून्य, दोषों की खान इस कलियुग में—'

श्लोक 106 (padma.6.198.106)

न गतिः पापकर्तॄणां विना कृष्णकथाऽमृतम् । एष एव गुणो ह्यस्मिन्घोरे कलियुगे नराः

na gatiḥ pāpakartṝṇāṁ vinā kṛṣṇakathā'mṛtam eṣa eva guṇo hyasminghore kaliyuge narāḥ

'—पापियों के लिए कृष्ण-कथा के अमृत के बिना कोई गति नहीं है। इस घोर कलियुग में मनुष्यों का यही एक गुण है—'

श्लोक 107 (padma.6.198.107)

यत्कृष्णकीर्तनेनैव मुच्यंते कर्मबंधनात् । यज्ञो दानं तपः कर्म ज्ञानं ध्यानं कृतादिषु

yatkṛṣṇakīrtanenaiva mucyaṁte karmabaṁdhanāt yajño dānaṁ tapaḥ karma jñānaṁ dhyānaṁ kṛtādiṣu

'—कि वे कृष्ण-कीर्तन मात्र से कर्म-बंधन से मुक्त हो जाते हैं। कृत आदि युगों में यज्ञ, दान, तप, कर्म, ज्ञान और ध्यान—'

श्लोक 108 (padma.6.198.108)

सिद्धिदं च तथा ब्रह्मन्नामकीर्त्तनकं कलौ । अतो वै कलिजातानामुद्धारार्थं नृणां भवान्

siddhidaṁ ca tathā brahmannāmakīrttanakaṁ kalau ato vai kalijātānāmuddhārārthaṁ nṛṇāṁ bhavān

'—सिद्धि देने वाले थे, वैसे ही, हे ब्रह्मन्! कलियुग में नाम-कीर्तन। इसलिए कलियुग में जन्मे मनुष्यों के उद्धार के लिए आप—'

श्लोक 109 (padma.6.198.109)

श्रीमद्भागवतं नाम पुराणं वर्णयत्वलम् । येन प्रवर्तितेनांग भवतो मानसं ध्रुवम्

śrīmadbhāgavataṁ nāma purāṇaṁ varṇayatvalam yena pravartitenāṁga bhavato mānasaṁ dhruvam

'—श्रीमद्भागवत नामक पुराण का पूर्णतः वर्णन कीजिए। हे बालक! इसके प्रवर्तित होने से आपका मन निश्चय ही—'

श्लोक 110 (padma.6.198.110)

तोषमेष्यति लोकाश्च प्राप्स्यंति कृतकृत्यताम्

toṣameṣyati lokāśca prāpsyaṁti kṛtakṛtyatām

'—संतोष प्राप्त करेगा, और लोक भी अपनी कृतार्थता को प्राप्त करेंगे।'

श्लोक 111 (padma.6.198.111)

ईश्वर उवाच- एवमादिश्य स मुनिर्व्यासायामिततेजसे । ययौ यादृच्छिकः शश्वद्गायन्हरिगुणान्प्रिये

īśvara uvāca- evamādiśya sa munirvyāsāyāmitatejase yayau yādṛcchikaḥ śaśvadgāyanhariguṇānpriye

ईश्वर ने कहा — हे प्रिये! अपार तेजस्वी व्यास को इस प्रकार निर्देश देकर, वह मुनि सदा हरि के गुण गाते हुए स्वेच्छा से चला गया।

श्लोक 112 (padma.6.198.112)

नारदे तु गते पश्चाद्व्यासः सर्वार्थदर्शनः । चकार संहितामेतां श्रीमद्भावतीं पराम्

nārade tu gate paścādvyāsaḥ sarvārthadarśanaḥ cakāra saṁhitāmetāṁ śrīmadbhāvatīṁ parām

नारद के चले जाने के बाद, समस्त तत्वों के दृष्टा व्यास ने यह श्रेष्ठ श्रीमद्भागवती संहिता की रचना की।

श्लोक 113 (padma.6.198.113)

पैलादींश्चतुरो वेदानध्याप्य विधिपूर्वकम् । पुराणसंहिताः सर्वाः सूताय प्रत्यपादयत्

pailādīṁścaturo vedānadhyāpya vidhipūrvakam purāṇasaṁhitāḥ sarvāḥ sūtāya pratyapādayat

पैल आदि को चारों वेद विधिपूर्वक पढ़ाकर, उन्होंने संपूर्ण पुराण-संहिताएँ सूत को सौंप दीं।

श्लोक 114 (padma.6.198.114)

श्रीमद्भागवतं नाम पुराणं ब्रह्मसंमितम् । शुकमध्यापयामास विरतं लोकवेदतः

śrīmadbhāgavataṁ nāma purāṇaṁ brahmasaṁmitam śukamadhyāpayāmāsa virataṁ lokavedataḥ

श्रीमद्भागवत नामक, वेद के समान प्रामाणिक पुराण उन्होंने संसार और वेद दोनों से विरक्त शुक को पढ़ाया।

श्लोक 115 (padma.6.198.115)

सा संहिता भागवती लोमहर्षणसूनुना । श्रुता कथयतो राज्ञे औत्तरेयाय वै शुकात्

sā saṁhitā bhāgavatī lomaharṣaṇasūnunā śrutā kathayato rājñe auttareyāya vai śukāt

वह भागवत संहिता, राजा उत्तरा-पुत्र (परीक्षित) को शुक द्वारा कही जाते हुए, लोमहर्षण-पुत्र (सूत) ने सुनी।

श्लोक 116 (padma.6.198.116)

शौनकादिऋषिभ्यस्तु तेन प्रोक्ता यथार्थतः । वरीवर्त्ति पुराणानामुपरीयं नगात्मने

śaunakādiṛṣibhyastu tena proktā yathārthataḥ varīvartti purāṇānāmuparīyaṁ nagātmane

उनके द्वारा वह शौनक आदि ऋषियों को यथार्थ रूप से कही गई। हे पर्वत-पुत्री! यह संहिता समस्त पुराणों से ऊपर विराजमान है।

श्लोक 117 (padma.6.198.117)

अस्यां संलग्नचित्तानां नृणामन्यत्र नो रतिः । जायते मानसे कृष्णो नंदसूनुश्चकास्ति च

asyāṁ saṁlagnacittānāṁ nṛṇāmanyatra no ratiḥ jāyate mānase kṛṣṇo naṁdasūnuścakāsti ca

इसमें चित्त लगाने वाले मनुष्यों को अन्यत्र कोई रुचि नहीं होती; उनके मन में नंद-पुत्र कृष्ण ही सदा प्रकाशमान रहते हैं।

श्लोक 118 (padma.6.198.118)

यत्तु पृष्टं त्वया भद्रे लोकनिस्तारहेतवे । श्रीभागवतमाहात्म्यं मह्यं संकीर्त्तयेति ह

yattu pṛṣṭaṁ tvayā bhadre lokanistārahetave śrībhāgavatamāhātmyaṁ mahyaṁ saṁkīrttayeti ha

हे भद्रे! जो तुमने संसार के उद्धार के लिए पूछा था — 'मुझे श्रीभागवत की महिमा सुनाइए' —

श्लोक 119 (padma.6.198.119)

तत्सर्वं च मया तुभ्यं निर्दिष्टं गणपांबिके । नानेतिहाससहितं भक्तिमुक्तिप्रदायकम्

tatsarvaṁ ca mayā tubhyaṁ nirdiṣṭaṁ gaṇapāṁbike nānetihāsasahitaṁ bhaktimuktipradāyakam

—वह सब मैंने तुम्हें बता दिया, हे गणपांबिके! विभिन्न इतिहासों सहित, जो भक्ति और मुक्ति दोनों देने वाला है।

श्लोक 120 (padma.6.198.120)

यः शृणोति नरो भक्त्या माहात्म्यं पठतेऽपि च । अनुमोदनेन वा सोपि लभते परमां गतिम्

yaḥ śṛṇoti naro bhaktyā māhātmyaṁ paṭhate'pi ca anumodanena vā sopi labhate paramāṁ gatim

जो मनुष्य इस महिमा को भक्तिपूर्वक सुनता है, या पढ़ता भी है, अथवा अनुमोदन ही करता है, वह भी परम गति प्राप्त करता है।

श्लोक 121 (padma.6.198.121)

द्विजोऽधीत्याप्नुयाद्वेदान्क्षत्रियस्तु लभेज्जयम् । धनं वैश्यस्तथाशूद्रः श्रुत्वैव लभते गतिम्

dvijo'dhītyāpnuyādvedānkṣatriyastu labhejjayam dhanaṁ vaiśyastathāśūdraḥ śrutvaiva labhate gatim

ब्राह्मण इसका अध्ययन करके वेदों का फल प्राप्त करता है, क्षत्रिय विजय प्राप्त करता है, वैश्य धन, और शूद्र सुनने मात्र से ही परम गति प्राप्त करता है।