कालिंदी-माहात्म्य: इंद्र-यज्ञ

श्लोक 1 (padma.6.199.1)

ऋषय ऊचुः- कालिंद्याश्चैव माहात्म्यं वद सूत सविस्तरम् । यस्मै प्रकाशितं येन तदाख्यानसमन्वितम्

ṛṣaya ūcuḥ- kāliṁdyāścaiva māhātmyaṁ vada sūta savistaram yasmai prakāśitaṁ yena tadākhyānasamanvitam

ऋषियों ने कहा — हे सूत! कालिंदी की महिमा हमें विस्तार से बताइए — यह किसे, किसके द्वारा प्रकट की गई, उस कथा सहित।

श्लोक 2 (padma.6.199.2)

सूत उवाच- एकदा पांडुतनयः शुश्रूषुः सौभरेः शुभम् । ज्ञानं तत्स्थानमभ्येत्य नत्वा तमिति पृष्टवान्

sūta uvāca- ekadā pāṁḍutanayaḥ śuśrūṣuḥ saubhareḥ śubham jñānaṁ tatsthānamabhyetya natvā tamiti pṛṣṭavān

सूत ने कहा — एक बार पांडु-पुत्र युधिष्ठिर, सौभरि मुनि के शुभ ज्ञान को सुनने की इच्छा से उनके स्थान पर पहुँचे, और प्रणाम करके यह पूछा।

श्लोक 3 (padma.6.199.3)

युधिष्ठिर उवाच- ब्रह्मन्मार्तंडतनया तीर तीर्थेषु यच्छुभम् । तीर्थं तद्वद वैकुंठ जन्मभूमिपरात्परम्

yudhiṣṭhira uvāca- brahmanmārtaṁḍatanayā tīra tīrtheṣu yacchubham tīrthaṁ tadvada vaikuṁṭha janmabhūmiparātparam

युधिष्ठिर ने कहा — 'हे ब्रह्मन्! सूर्य-पुत्री (यमुना) के तट पर स्थित तीर्थों में जो शुभ तीर्थ है, वह वैकुंठ का परम जन्मस्थान मुझे बताइए।'

श्लोक 4 (padma.6.199.4)

सौभरिरुवाच- एकदा तु मुनिश्रेष्ठौ दिवि नारदपर्वतौ । गच्छंतौ खांडवं पश्यन्पश्यतः सुमनोहरम्

saubhariruvāca- ekadā tu muniśreṣṭhau divi nāradaparvatau gacchaṁtau khāṁḍavaṁ paśyanpaśyataḥ sumanoharam

सौभरि ने कहा — एक बार श्रेष्ठ मुनि नारद और पर्वत आकाश-मार्ग से जाते हुए नीचे अत्यंत मनोहर खांडव वन को देखते हुए—

श्लोक 5 (padma.6.199.5)

तत्रावतीर्णो नभस उपविष्टौ तटे शुभे । कालिंद्याः क्षणविश्रांतौ स्नातुं विविशतुर्जले

tatrāvatīrṇo nabhasa upaviṣṭau taṭe śubhe kāliṁdyāḥ kṣaṇaviśrāṁtau snātuṁ viviśaturjale

—वहाँ आकाश से उतरकर कालिंदी के शुभ तट पर बैठ गए; क्षण भर विश्राम करके वे स्नान के लिए जल में उतरे।

श्लोक 6 (padma.6.199.6)

शिबिरौशीनरो राजा मृगयांतौ चरन्वने । दृष्ट्वा तान्निर्गमापेक्षी निषसाद सरित्तटे

śibirauśīnaro rājā mṛgayāṁtau caranvane dṛṣṭvā tānnirgamāpekṣī niṣasāda sarittaṭe

उशीनर-देश के राजा शिबि, वन में शिकार करते हुए उन्हें देखकर, उनके बाहर निकलने की प्रतीक्षा में नदी-तट पर बैठ गए।

श्लोक 7 (padma.6.199.7)

तौ मुनी विधिवत्स्नात्वा परिधायांबराणि च । वंदितौ शिरसा राज्ञा तेनोपाविशतां तटे

tau munī vidhivatsnātvā paridhāyāṁbarāṇi ca vaṁditau śirasā rājñā tenopāviśatāṁ taṭe

वे दोनों मुनि विधिपूर्वक स्नान करके, वस्त्र धारण करके, राजा द्वारा सिर झुकाकर वंदित होकर, उसी के साथ तट पर बैठ गए।

श्लोक 8 (padma.6.199.8)

तत्रालोक्य सुवर्णस्य शिबिर्यूपान्सहस्रशः । नारदं गर्वरहितः पर्वतं च जगाद सः

tatrālokya suvarṇasya śibiryūpānsahasraśaḥ nāradaṁ garvarahitaḥ parvataṁ ca jagāda saḥ

वहाँ हज़ारों स्वर्ण-यूप देखकर, अभिमानरहित शिबि ने नारद और पर्वत से कहा।

श्लोक 9 (padma.6.199.9)

शिबिरुवाच- कथ्यतां मुनिशार्दूलौ कस्येमा यागयष्टयः । केनात्र विहितो यज्ञः सुरेणाथ नरेण वा

śibiruvāca- kathyatāṁ muniśārdūlau kasyemā yāgayaṣṭayaḥ kenātra vihito yajñaḥ sureṇātha nareṇa vā

शिबि ने कहा — 'हे मुनिश्रेष्ठो! बताइए, ये यज्ञ-स्तंभ किसके हैं? यहाँ यह यज्ञ किसने किया, किसी देवता ने या मनुष्य ने?'

श्लोक 10 (padma.6.199.10)

मुक्त्वा काश्यादितीर्थानि यज्ञैरीज्येऽत्र कः पुमान् । को विशेषोऽत्र तीर्थेभ्यस्तेभ्यो विज्ञानसन्निधिः

muktvā kāśyāditīrthāni yajñairījye'tra kaḥ pumān ko viśeṣo'tra tīrthebhyastebhyo vijñānasannidhiḥ

'काशी आदि तीर्थों को छोड़कर, यहाँ किस पुरुष की यज्ञों से पूजा की जाती है? इसमें उन तीर्थों से क्या विशेषता है, जो ज्ञान की उपस्थिति देती है?'

श्लोक 11 (padma.6.199.11)

नारद उवाच- पुरा हिरण्यकशिपुर्जित्वा शक्रादिदेवताः । त्रैलोक्यराज्यमासाद्य सो खर्वं गर्वमाददे

nārada uvāca- purā hiraṇyakaśipurjitvā śakrādidevatāḥ trailokyarājyamāsādya so kharvaṁ garvamādade

नारद ने कहा — 'पहले हिरण्यकशिपु ने इंद्र आदि देवताओं को जीतकर त्रिलोक का राज्य प्राप्त किया और असीम अभिमान धारण कर लिया।'

श्लोक 12 (padma.6.199.12)

प्रह्लादस्तस्य तनयो नारायणपरायणः । तस्मै सो द्रुह्यताभीक्ष्णं पापात्मा नष्टमंगलः

prahlādastasya tanayo nārāyaṇaparāyaṇaḥ tasmai so druhyatābhīkṣṇaṁ pāpātmā naṣṭamaṁgalaḥ

'उसका पुत्र प्रह्लाद नारायण में पूर्णतः अनुरक्त था; अशुभ, पापात्मा वह पिता उससे निरंतर द्रोह करता रहा।'

श्लोक 13 (padma.6.199.13)

तद्द्रोहाद्विष्णुना सद्यो नृसिंहतनुधारिणा । हत्वा दैत्यपतिं स्वर्गराज्यं स्वःपतयेऽर्पितम्

taddrohādviṣṇunā sadyo nṛsiṁhatanudhāriṇā hatvā daityapatiṁ svargarājyaṁ svaḥpataye'rpitam

'उस द्रोह के कारण विष्णु ने तुरंत नृसिंह-रूप धारण करके दैत्यराज को मार डाला, और स्वर्ग का राज्य स्वर्गपति इंद्र को दे दिया।'

श्लोक 14 (padma.6.199.14)

स्वपदं प्राप्य देवेशो बृहस्पतिमथावदत् । मूर्ध्नाभिवंद्य तत्पादौ नारायणगुणान्स्मरन्

svapadaṁ prāpya deveśo bṛhaspatimathāvadat mūrdhnābhivaṁdya tatpādau nārāyaṇaguṇānsmaran

'अपना पद पुनः प्राप्त करके देवताओं के स्वामी ने बृहस्पति के चरणों में मस्तक झुकाकर, नारायण के गुणों का स्मरण करते हुए उनसे कहा।'

श्लोक 15 (padma.6.199.15)

इंद्र उवाच- गुरो नृसिंहरूपेण हरिणा लोकधारिणा । दत्तं मे देवताराज्यं यष्टुमिच्छामि तं मखैः

iṁdra uvāca- guro nṛsiṁharūpeṇa hariṇā lokadhāriṇā dattaṁ me devatārājyaṁ yaṣṭumicchāmi taṁ makhaiḥ

इंद्र ने कहा — 'हे गुरु! लोक-धारक हरि ने नृसिंह-रूप से मुझे देवताओं का राज्य लौटाया है; मैं यज्ञों द्वारा उनकी पूजा करना चाहता हूँ।'

श्लोक 16 (padma.6.199.16)

स्थानं पवित्रं कथय ब्राह्मणांश्चैव मे गुरो । न विधेयो विलंबोऽत्र त्वया नो हितकारिणा

sthānaṁ pavitraṁ kathaya brāhmaṇāṁścaiva me guro na vidheyo vilaṁbo'tra tvayā no hitakāriṇā

'हे गुरु! मुझे पवित्र स्थान बताइए, और ब्राह्मण भी। हमारा हित करने वाले आप इसमें विलंब न करें।'

श्लोक 17 (padma.6.199.17)

बृहस्पतिरुवाच- अस्ति ते खांडववनं रम्यं परमपावनम् । केतक्यशोकबकुलमधुमत्त मधुव्रतम्

bṛhaspatiruvāca- asti te khāṁḍavavanaṁ ramyaṁ paramapāvanam ketakyaśokabakulamadhumatta madhuvratam

बृहस्पति ने कहा — 'तुम्हारा खांडव वन रमणीय और परम पवित्र है, जो केतकी, अशोक और बकुल के वृक्षों से भरा, मधुमत्त भ्रमरों वाला है।'

श्लोक 18 (padma.6.199.18)

तत्रास्ति यमुना पुण्या धन्या त्रैलोक्यपावनी । ददाति स्मरणे स्वर्गं मरणे ब्रह्मणः पदम्

tatrāsti yamunā puṇyā dhanyā trailokyapāvanī dadāti smaraṇe svargaṁ maraṇe brahmaṇaḥ padam

'वहाँ पवित्र, धन्य, त्रिलोक को पावन करने वाली यमुना है; वह स्मरण मात्र से स्वर्ग और मृत्यु पर ब्रह्म-पद प्रदान करती है।'

श्लोक 19 (padma.6.199.19)

तत्तीरे यज देवेश केशवं बहुभिर्मखैः । यदीच्छसि स्वकीयानां कल्याणं त्वं निरंतरम्

tattīre yaja deveśa keśavaṁ bahubhirmakhaiḥ yadīcchasi svakīyānāṁ kalyāṇaṁ tvaṁ niraṁtaram

'हे देवेश! यदि तुम अपने लोगों का निरंतर कल्याण चाहते हो, तो उसके तट पर अनेक यज्ञों द्वारा केशव की पूजा करो।'

श्लोक 20 (padma.6.199.20)

नारद उवाच- गुरोर्वचनमाकर्ण्य तूर्णमारुह्य वाहनम् । शिवप्रदमिमं शक्रः स्वकीयवनमागमत्

nārada uvāca- gurorvacanamākarṇya tūrṇamāruhya vāhanam śivapradamimaṁ śakraḥ svakīyavanamāgamat

नारद ने कहा — गुरु का यह वचन सुनकर, तुरंत अपने वाहन पर सवार होकर शक्र इस कल्याणकारी अपने ही वन में आए।

श्लोक 21 (padma.6.199.21)

गुरुणा सह देवैश्च यज्ञोपकरणैस्तथा । अत्रागत्य विलोक्यैतद्वनं लेभे मुदं पराम्

guruṇā saha devaiśca yajñopakaraṇaistathā atrāgatya vilokyaitadvanaṁ lebhe mudaṁ parām

गुरु, देवताओं और यज्ञ की सामग्री सहित यहाँ आकर, इस वन को देखकर उन्होंने परम आनंद प्राप्त किया।

श्लोक 22 (padma.6.199.22)

गुरुणा नोदितः शक्रो सप्तर्षीन्ब्रह्मणः सुतान् । वसिष्ठादीन्द्विजान्वृत्वा यजति स्म जगत्पतिम्

guruṇā noditaḥ śakro saptarṣīnbrahmaṇaḥ sutān vasiṣṭhādīndvijānvṛtvā yajati sma jagatpatim

गुरु द्वारा प्रेरित शक्र ने ब्रह्मा के पुत्र सप्तर्षियों, वसिष्ठ आदि ब्राह्मणों को चुनकर जगत्पति की पूजा की।

श्लोक 23 (padma.6.199.23)

तस्य प्रसन्नो भगवान्ब्रह्मेशाभ्यां सहागतः । क्रतौ शतक्रतोर्यत्र महानभवदुत्सवः

tasya prasanno bhagavānbrahmeśābhyāṁ sahāgataḥ kratau śatakratoryatra mahānabhavadutsavaḥ

उनसे प्रसन्न होकर भगवान् ब्रह्मा और शिव के साथ उस शतक्रतु के यज्ञ में आए, जहाँ महान उत्सव हुआ।

श्लोक 24 (padma.6.199.24)

देवत्रयीं सतां वीक्ष्य शक्रो वक्रमतिस्तदा । उत्थायासनतस्तूर्णं ववंदे मुनिभिः सह

devatrayīṁ satāṁ vīkṣya śakro vakramatistadā utthāyāsanatastūrṇaṁ vavaṁde munibhiḥ saha

उस त्रिदेव-त्रयी को साक्षात् देखकर, विनम्र-बुद्धि शक्र तुरंत आसन से उठकर मुनियों सहित उन्हें प्रणाम करने लगे।

श्लोक 25 (padma.6.199.25)

वाहनेभ्योऽवरुह्याशु तदंतेषूपविश्य ते । आसनेषु सुहैमेषु बभुर्वेदीष्विवाग्नयः

vāhanebhyo'varuhyāśu tadaṁteṣūpaviśya te āsaneṣu suhaimeṣu babhurvedīṣvivāgnayaḥ

अपने-अपने वाहनों से तुरंत उतरकर वे उनके समीप स्वर्ण-आसनों पर बैठ गए, वेदियों पर अग्नियों के समान सुशोभित होते हुए।

श्लोक 26 (padma.6.199.26)

सितरक्तांगयोः शंभु ब्रह्मणोर्हरिराबभौ । नीलच्छविः पीतवासास्तडित्वानिव शृंगयोः

sitaraktāṁgayoḥ śaṁbhu brahmaṇorharirābabhau nīlacchaviḥ pītavāsāstaḍitvāniva śṛṁgayoḥ

श्वेत शिव और लाल-वर्ण ब्रह्मा के बीच नीले वर्ण, पीतांबरधारी हरि दो शिखरों के बीच बिजली की लकीर के समान शोभित हुए।

श्लोक 27 (padma.6.199.27)

शक्रः प्रक्षाल्य तत्पादान्मूर्ध्ना तज्जलमादधे । अब्रवीच्च मुदायुक्तो वचनं मधुराक्षरम्

śakraḥ prakṣālya tatpādānmūrdhnā tajjalamādadhe abravīcca mudāyukto vacanaṁ madhurākṣaram

शक्र ने उनके चरण धोकर वह जल अपने मस्तक पर धारण किया, और हर्षित होकर मधुर वचन कहे —

श्लोक 28 (padma.6.199.28)

इंद्र उवाच-। विहितोऽयं मया देव यज्ञोऽद्य सफलोऽभवत्

iṁdra uvāca- vihito'yaṁ mayā deva yajño'dya saphalo'bhavat

इंद्र ने कहा — 'हे देव! मेरे द्वारा किया गया यह यज्ञ आज सफल हो गया।'

श्लोक 29 (padma.6.199.29)

यद्ययं दर्शनं प्राप्ता दुर्लक्ष्या अपि योगिभिः। एकेनैव त्वया विष्णो कृता मूर्तिस्त्रयीमयी

yadyayaṁ darśanaṁ prāptā durlakṣyā api yogibhiḥ ekenaiva tvayā viṣṇo kṛtā mūrtistrayīmayī

'क्योंकि योगियों के लिए भी दुर्लभ आपका यह दर्शन मुझे प्राप्त हुआ है। हे विष्णु! आपने अकेले ही यह त्रिदेव-रूप धारण किया है—'

श्लोक 30 (padma.6.199.30)

गुणैस्तथापि नानात्वं स्फटिकस्येव ते मृषा । यथा दारुषु गूढोऽग्निर्घर्षणेन विना विभो

guṇaistathāpi nānātvaṁ sphaṭikasyeva te mṛṣā yathā dāruṣu gūḍho'gnirgharṣaṇena vinā vibho

'—फिर भी गुणों के कारण यह भिन्नता स्फटिक के समान मिथ्या ही है। हे प्रभो! जैसे लकड़ी में छिपी अग्नि रगड़ के बिना—'

श्लोक 31 (padma.6.199.31)

नाविर्भवति भूतानां हृत्सु भक्त्या तथा भवान् । एकस्य त्वयि भक्तिः स्यात्सर्वभूतोपकारिणी

nāvirbhavati bhūtānāṁ hṛtsu bhaktyā tathā bhavān ekasya tvayi bhaktiḥ syātsarvabhūtopakāriṇī

'—प्रकट नहीं होती, वैसे ही आप प्राणियों के हृदय में भक्ति के बिना प्रकट नहीं होते। एक ही प्राणी की आप में भक्ति समस्त प्राणियों का उपकार करने वाली होती है।'

श्लोक 32 (padma.6.199.32)

बभूवुः सुखिनो देवाः प्रह्लादकृतया तया। वयं विषयिणो देव त्वन्मायावृतचेतसः

babhūvuḥ sukhino devāḥ prahlādakṛtayā tayā vayaṁ viṣayiṇo deva tvanmāyāvṛtacetasaḥ

'प्रह्लाद द्वारा की गई उसी भक्ति से देवता सुखी हुए। हे देव! हम तो विषयासक्त हैं, आपकी माया से आवृत चित्त वाले—'

श्लोक 33 (padma.6.199.33)

न जानीमः स्वरूपं ते यथावत्पादसेवकाः । भो ब्रह्मन्भो महादेव युवामपि जगद्गुरू

na jānīmaḥ svarūpaṁ te yathāvatpādasevakāḥ bho brahmanbho mahādeva yuvāmapi jagadgurū

'—आपके चरण-सेवक होते हुए भी हम आपके स्वरूप को यथार्थ रूप से नहीं जानते। हे ब्रह्मन्! हे महादेव! आप दोनों भी जगत् के गुरु—'

श्लोक 34 (padma.6.199.34)

एतस्यैव गुरुत्वेन यतो नातः पृथक्युवाम् । यत्किंचिदुच्यते वाचा मनसा च विचिंत्यते । अस्यैव माया तत्सर्वे तद्द्वयीदूरवर्त्तिनः

etasyaiva gurutvena yato nātaḥ pṛthakyuvām yatkiṁciducyate vācā manasā ca viciṁtyate asyaiva māyā tatsarve taddvayīdūravarttinaḥ

'—इन्हीं की गुरुता से हैं, क्योंकि आप दोनों इनसे पृथक नहीं हैं। जो कुछ भी वाणी से कहा जाता है और मन से सोचा जाता है, वह सब इन्हीं की माया है, जबकि तुम दोनों (अपने वास्तविक रूप में) उससे दूर स्थित हो।'

श्लोक 35 (padma.6.199.35)

प्रपंचजातं यदिदं विलोक्य तेन सत्यमित्येव विचिंतयेन्न सः । भजंति विष्णोश्चरणं तरंति ते यदंबुमूर्ध्ना हर धार्यते त्वया

prapaṁcajātaṁ yadidaṁ vilokya tena satyamityeva viciṁtayenna saḥ bhajaṁti viṣṇoścaraṇaṁ taraṁti te yadaṁbumūrdhnā hara dhāryate tvayā

'इस प्रपंच-रूपी जगत् को देखकर भी जो इसे सत्य मानकर विचार नहीं करता, वह विष्णु के उन चरणों को भजता है, जिनका जल, हे हर! तुम अपने मस्तक पर धारण करते हो — ऐसे लोग ही संसार-सागर से पार होते हैं।'

श्लोक 36 (padma.6.199.36)

विधेस्य भूयादनुजन्मपादयो रतिर्मदीया कमलाभयोर्भृशम् । यदीक्षण क्षोभितया तया जगत्समस्तमेतन्महदादि जायते

vidhesya bhūyādanujanmapādayo ratirmadīyā kamalābhayorbhṛśam yadīkṣaṇa kṣobhitayā tayā jagatsamastametanmahadādi jāyate

'इस विधाता (विष्णु) के चरण-कमलों में मेरी भक्ति जन्म-जन्मांतर तक अत्यंत दृढ़ बनी रहे, जिनकी दृष्टि से क्षुब्ध हुई प्रकृति से यह संपूर्ण महत्तत्व आदि जगत् उत्पन्न होता है।'

श्लोक 37 (padma.6.199.37)

भवादृशो नास्ति कृपापरोपरो विपक्षपक्षे वितनोषि यत्सुखम् । स्वलोकशोकापनये कृपालुता यदुच्यते ते नृहरे तदज्ञता

bhavādṛśo nāsti kṛpāparoparo vipakṣapakṣe vitanoṣi yatsukham svalokaśokāpanaye kṛpālutā yaducyate te nṛhare tadajñatā

'आप जैसा दयालु कोई अन्य नहीं है, जो विपक्ष के पक्ष को भी सुख प्रदान करते हैं। हे नृहरि! अपने ही लोक के शोक को दूर करने में जो आपकी दयालुता कही जाती है, वह तो तुम्हारी वास्तविक करुणा के सामने मानो अज्ञानता ही है।'

श्लोक 38 (padma.6.199.38)

नारद उवाच- इत्यभिष्टूय देवेशं केशवं प्रणतोऽग्रतः । तस्थौ तद्वाक्यशुश्रुषा दत्तचित्तो महीयते

nārada uvāca- ityabhiṣṭūya deveśaṁ keśavaṁ praṇato'grataḥ tasthau tadvākyaśuśruṣā dattacitto mahīyate

नारद ने कहा — इस प्रकार देवेश केशव की स्तुति करके, आगे झुककर प्रणाम करते हुए, उनके वचन सुनने में चित्त लगाए वे खड़े रहे, और सम्मानित हुए।

श्लोक 39 (padma.6.199.39)

एवमाकर्ण्य मुनय स्तुतिं तस्य रमापतेः । कृतामिंद्रेण सदसि साधुसाध्विति चाब्रुवन्

evamākarṇya munaya stutiṁ tasya ramāpateḥ kṛtāmiṁdreṇa sadasi sādhusādhviti cābruvan

इंद्र द्वारा सभा में की गई रमापति की इस स्तुति को सुनकर मुनियों ने कहा — 'साधु-साधु!'

श्लोक 40 (padma.6.199.40)

शतमन्यो वर्षशतं ये कुर्वंति महत्तपः । न तेषामीदृशी भक्तिर्यादृशी तव माधवे

śatamanyo varṣaśataṁ ye kurvaṁti mahattapaḥ na teṣāmīdṛśī bhaktiryādṛśī tava mādhave

'हे शतमन्यो! जो सौ वर्षों तक महान तप करते हैं, उनकी भी ऐसी भक्ति माधव में नहीं होती, जैसी तुम्हारी है।'

श्लोक 41 (padma.6.199.41)

न योगः सुलभोष्टांगः ख्यातिर्येनाधिगम्यते । समत्वेन च तत्त्यागस्तद्भक्तिः शरणं नृणाम्

na yogaḥ sulabhoṣṭāṁgaḥ khyātiryenādhigamyate samatvena ca tattyāgastadbhaktiḥ śaraṇaṁ nṛṇām

'अष्टांग योग भी सुलभ नहीं है, जिससे विवेक-ख्याति प्राप्त होती है, और समत्व-भाव से उसका भी त्याग होता है; भक्ति ही मनुष्यों के लिए शरण है।'

श्लोक 42 (padma.6.199.42)

स्वधर्मार्जितवित्तैर्यद्यथा विधि विधीयते । कर्मतस्यार्पणं विष्णौ भक्तिरेषा शिवप्रदाः

svadharmārjitavittairyadyathā vidhi vidhīyate karmatasyārpaṇaṁ viṣṇau bhaktireṣā śivapradāḥ

'अपने ही धर्म से अर्जित धन से जो कुछ विधिपूर्वक किया जाए, उस कर्म के फल को विष्णु में अर्पित करना — यही भक्ति है, जो कल्याण देने वाली है।'

श्लोक 43 (padma.6.199.43)

न निंदेद्देवतामन्यां विष्णुबुद्ध्यां च यो नमेत् । न त्यजेद्वेदवाक्यानि स भक्तोऽस्य हरेः प्रियः

na niṁdeddevatāmanyāṁ viṣṇubuddhyāṁ ca yo namet na tyajedvedavākyāni sa bhakto'sya hareḥ priyaḥ

'जो किसी अन्य देवता की निंदा नहीं करता, और विष्णु-बुद्धि से ही उन्हें प्रणाम करता है, जो वेद-वाक्यों को नहीं त्यागता — वही हरि का प्रिय भक्त है।'

श्लोक 44 (padma.6.199.44)

ये शृण्वंति हरेर्गुणानहरहः कुर्वंति ये कीर्तनं ये चास्य स्मरणं यदोश्च भजनं येऽमुं यजंते तथा

ye śṛṇvaṁti harerguṇānaharahaḥ kurvaṁti ye kīrtanaṁ ye cāsya smaraṇaṁ yadośca bhajanaṁ ye'muṁ yajaṁte tathā

'जो प्रतिदिन हरि के गुणों को सुनते हैं, जो उनका कीर्तन करते हैं, जो उनका स्मरण करते हैं, जो यदुवंशी की सेवा करते हैं, जो उनकी पूजा करते हैं—'

श्लोक 45 (padma.6.199.45)

ये दास्येन नमंति चैनममुना कुर्वंति ये मित्रतां ये च स्वं च निवेदयंति नहि ते वांच्छंति मुक्त्यादिकम्

ye dāsyena namaṁti cainamamunā kurvaṁti ye mitratāṁ ye ca svaṁ ca nivedayaṁti nahi te vāṁcchaṁti muktyādikam

'—जो दासभाव से उन्हें प्रणाम करते हैं, जो उनसे मित्रता करते हैं, और जो अपने आप को उन्हें समर्पित कर देते हैं — ऐसे लोग मुक्ति आदि की भी इच्छा नहीं करते।'

श्लोक 46 (padma.6.199.46)

इंद्र भक्त्या त्वमप्येनमाराधय जगद्गुरुम् । न कामये किमप्यास्मत्कृतकृत्यो भविष्यति

iṁdra bhaktyā tvamapyenamārādhaya jagadgurum na kāmaye kimapyāsmatkṛtakṛtyo bhaviṣyati

'हे इंद्र! तुम भी भक्तिपूर्वक इस जगद्गुरु की आराधना करो; मैं कुछ नहीं चाहता, इससे तुम कृतकृत्य हो जाओगे।'

श्लोक 47 (padma.6.199.47)

नारद उवाच- मुनिभिरिति शिक्षिते समस्तसेव्यां त्रिभुवनपारपदप्रदां निशम्य । हरिरनिशगुरुः कृतां स्वभक्तिं मधुरमुवाच वचो हरिं समाजे

nārada uvāca- munibhiriti śikṣite samastasevyāṁ tribhuvanapārapadapradāṁ niśamya hariraniśaguruḥ kṛtāṁ svabhaktiṁ madhuramuvāca vaco hariṁ samāje

नारद ने कहा — मुनियों द्वारा इस प्रकार सिखाई गई, सर्वसेव्य और त्रिलोक से परे पद देने वाली अपनी भक्ति को सुनकर, सदा-गुरु हरि ने उस सभा में मधुर वचन कहे।