इंद्रप्रस्थ-स्थापना

श्लोक 1 (padma.6.200.1)

श्रीभगवानुवाच- नैतच्चित्रं सुराधीश मुनयो ज्ञानवत्तराः । मदीयां पदवीं भक्तिं गुर्वीं कुर्वंति सत्कृताम्

śrībhagavānuvāca- naitaccitraṁ surādhīśa munayo jñānavattarāḥ madīyāṁ padavīṁ bhaktiṁ gurvīṁ kurvaṁti satkṛtām

श्री भगवान ने कहा — हे देवेश्वर! यह कोई आश्चर्य नहीं है; ज्ञान से अत्यंत संपन्न मुनि ही मेरे मार्ग की भक्ति को गुरुतर और सम्मानित बनाते हैं।

श्लोक 2 (padma.6.200.2)

एते ज्ञानोपदेष्टारस्त्रिलोकतलवासिनाम् । प्रवर्तयंत्यमी नष्टं वेदमार्गं यतः सदा

ete jñānopadeṣṭārastrilokatalavāsinām pravartayaṁtyamī naṣṭaṁ vedamārgaṁ yataḥ sadā

यही त्रिलोक-निवासियों के ज्ञान के उपदेशक हैं; ये ही सदा नष्ट हुए वेद-मार्ग को पुनः प्रवर्तित करते हैं।

श्लोक 3 (padma.6.200.3)

भक्त्या भवानपि स्वर्गभोगासक्तोऽपि मां यतः । प्रपन्नोऽसि किमाश्चर्यं यतस्तव गुरुर्गुरुः

bhaktyā bhavānapi svargabhogāsakto'pi māṁ yataḥ prapanno'si kimāścaryaṁ yatastava gururguruḥ

स्वर्ग-भोग में आसक्त होते हुए भी तुम भक्ति से मेरी शरण में आए हो, इसमें क्या आश्चर्य — क्योंकि तुम्हारा गुरु स्वयं इतना महान गुरु है।

श्लोक 4 (padma.6.200.4)

यजस्व सुरशार्दूल मखैर्मां बहुदक्षिणैः । निष्क्रामस्त्वं समीपस्थं तूर्णं प्राप्स्यसि मत्पदम्

yajasva suraśārdūla makhairmāṁ bahudakṣiṇaiḥ niṣkrāmastvaṁ samīpasthaṁ tūrṇaṁ prāpsyasi matpadam

हे देवश्रेष्ठ! अनेक दक्षिणाओं वाले यज्ञों से मेरी पूजा करो; इस देह को त्यागते ही तुम शीघ्र निकट स्थित मेरे पद को प्राप्त करोगे।

श्लोक 5 (padma.6.200.5)

प्रतियागं प्रयच्छ त्वं रत्नप्रस्थान्यनेकशः । आख्ययास्थानमेतत्ते इंद्रप्रस्थं भविष्यति

pratiyāgaṁ prayaccha tvaṁ ratnaprasthānyanekaśaḥ ākhyayāsthānametatte iṁdraprasthaṁ bhaviṣyati

प्रत्येक यज्ञ में अनेक बार रत्नों की राशियाँ दान करो; इसी नाम से यह तुम्हारा स्थान इंद्रप्रस्थ कहलाएगा।

श्लोक 6 (padma.6.200.6)

विधे त्वमत्र रचय प्रयागं तीर्थपुंगवम् । सरस्वतीं समानीय गंगां च जनपाविनीम्

vidhe tvamatra racaya prayāgaṁ tīrthapuṁgavam sarasvatīṁ samānīya gaṁgāṁ ca janapāvinīm

हे विधाता! तुम यहाँ सरस्वती और जन-पावनी गंगा को लाकर तीर्थों में श्रेष्ठ प्रयाग की रचना करो।

श्लोक 7 (padma.6.200.7)

काशीं च शिवकांचीं च त्वमत्र स्थापयेश्वर । गोकर्णं च समं गौर्या निवासं कुरु सर्वदा

kāśīṁ ca śivakāṁcīṁ ca tvamatra sthāpayeśvara gokarṇaṁ ca samaṁ gauryā nivāsaṁ kuru sarvadā

हे ईश्वर! तुम यहाँ काशी और शिवकांची को स्थापित करो, और गौरी सहित सदा गोकर्ण में अपना निवास बनाओ।

श्लोक 8 (padma.6.200.8)

भो भो ब्रह्मसुता यूयं ज्ञानविज्ञानकोविदाः । निजयोगबलेनात्र कुरुध्वं तीर्थसप्तकम्

bho bho brahmasutā yūyaṁ jñānavijñānakovidāḥ nijayogabalenātra kurudhvaṁ tīrthasaptakam

हे ब्रह्मपुत्रो! तुम ज्ञान-विज्ञान में निपुण हो; अपने योग-बल से यहाँ नैमिष के सप्त-तीर्थ स्थापित करो।

श्लोक 9 (padma.6.200.9)

निगमोद्बोधकं तीर्थं त्वं गुरो प्रतिपादय । विनाध्ययनमप्यत्र स्नानाद्बोधोस्तु छंदसाम्

nigamodbodhakaṁ tīrthaṁ tvaṁ guro pratipādaya vinādhyayanamapyatra snānādbodhostu chaṁdasām

हे गुरु! तुम निगमोद्बोधक नामक तीर्थ स्थापित करो, जिससे बिना अध्ययन के भी यहाँ स्नान मात्र से वेदों का बोध हो—

श्लोक 10 (padma.6.200.10)

स्मृतिश्च जायतां पूर्वजन्मनस्तु परात्मनोः । अहमारोपयाम्यत्र द्वारकां सुमनोहराम्

smṛtiśca jāyatāṁ pūrvajanmanastu parātmanoḥ ahamāropayāmyatra dvārakāṁ sumanoharām

—और परम आत्माओं को पूर्वजन्म का स्मरण हो। मैं यहाँ अत्यंत मनोहर द्वारका को स्थापित करूँगा—

श्लोक 11 (padma.6.200.11)

समुद्रेणसमं यत्र गोमत्यासंगमोऽभवत् । कोशलां च करोम्यत्र मध्वरण्यं च वासव

samudreṇasamaṁ yatra gomatyāsaṁgamo'bhavat kośalāṁ ca karomyatra madhvaraṇyaṁ ca vāsava

—जहाँ गोमती का समुद्र से संगम हुआ था। हे वासव! मैं यहाँ कोशला और मधुवन भी बनाऊँगा—

श्लोक 12 (padma.6.200.12)

ययोरवतरिष्यामि वपुर्भ्यां रामकृष्णयोः । बदर्याश्रममप्यत्र नरनारायणास्पदम्

yayoravatariṣyāmi vapurbhyāṁ rāmakṛṣṇayoḥ badaryāśramamapyatra naranārāyaṇāspadam

—जहाँ मैं राम और कृष्ण के इन दोनों रूपों में अवतरित होऊँगा; तथा यहीं नर-नारायण का धाम बदरीआश्रम भी—

श्लोक 13 (padma.6.200.13)

विदधामि सदा यत्र वसामि सुरनायक । हरिद्वारं पुष्करं च तीर्थद्वयमनुत्तमम्

vidadhāmi sadā yatra vasāmi suranāyaka haridvāraṁ puṣkaraṁ ca tīrthadvayamanuttamam

—हे देवनायक! सदा जहाँ मैं निवास करता हूँ, वह मैं यहाँ स्थापित करूँगा; तथा हरिद्वार और पुष्कर, ये दो अनुपम तीर्थ भी—

श्लोक 14 (padma.6.200.14)

तदपि स्थापयाम्यत्र तवैव हितकाम्यया । नैमिषेयानि तीर्थानि यानि कालंजरे गिरौ

tadapi sthāpayāmyatra tavaiva hitakāmyayā naimiṣeyāni tīrthāni yāni kālaṁjare girau

—तुम्हारे ही हित की कामना से मैं यहाँ स्थापित करूँगा। कालंजर पर्वत पर स्थित नैमिष के तीर्थ—

श्लोक 15 (padma.6.200.15)

सरस्वतीतटे यानि स्थापयाम्यहमत्र वै । नारद उवाच- शिवे शिवतरं वाक्यं हरेः श्रुत्वा कृतं च तत्

sarasvatītaṭe yāni sthāpayāmyahamatra vai nārada uvāca- śive śivataraṁ vākyaṁ hareḥ śrutvā kṛtaṁ ca tat

—और सरस्वती के तट पर स्थित तीर्थ, इन सबको मैं यहीं स्थापित करूँगा। नारद ने कहा — हे शिवे! हरि की यह अत्यंत मंगलमय वाणी सुनकर, उसे किया भी गया—

श्लोक 16 (padma.6.200.16)

दृष्ट्वा तदुक्तमपि ते चक्रुर्ब्रह्मशिवादयः । सर्वतीर्थमयेऽमुष्मिन्स्थाने स त्रिदशाधिपः

dṛṣṭvā taduktamapi te cakrurbrahmaśivādayaḥ sarvatīrthamaye'muṣminsthāne sa tridaśādhipaḥ

—ब्रह्मा, शिव आदि ने भी वह सब वैसा ही किया जैसा कहा गया था। समस्त तीर्थों से युक्त उस स्थान में देवताओं के स्वामी इंद्र ने—

श्लोक 17 (padma.6.200.17)

स्वर्णयूपैर्बहुमखैरीजे भूयो रमापतिम् । रत्नप्रस्थानि विप्रेभ्यः कृष्णस्य पुरतो ददौ

svarṇayūpairbahumakhairīje bhūyo ramāpatim ratnaprasthāni viprebhyaḥ kṛṣṇasya purato dadau

—स्वर्ण-यूपों से अनेक यज्ञों में पुनः रमापति की पूजा की; कृष्ण के सामने ब्राह्मणों को रत्नों की राशियाँ दान कीं।

श्लोक 18 (padma.6.200.18)

नारायणः समस्तात्मा ममायमिति तुष्यतु । इंद्रप्रस्थमिदं तीर्थं ततःप्रभृति कथ्यते

nārāyaṇaḥ samastātmā mamāyamiti tuṣyatu iṁdraprasthamidaṁ tīrthaṁ tataḥprabhṛti kathyate

'समस्त आत्माओं के स्वामी नारायण मुझसे यह मानकर प्रसन्न हों' — तभी से यह तीर्थ इंद्रप्रस्थ कहलाने लगा।

श्लोक 19 (padma.6.200.19)

सर्वतीर्थमये यत्र मृतो भूयो न जायते । इंद्रदत्तानि ते लब्ध्वा रत्नप्रस्थानि भूसुराः

sarvatīrthamaye yatra mṛto bhūyo na jāyate iṁdradattāni te labdhvā ratnaprasthāni bhūsurāḥ

समस्त तीर्थों से युक्त उस स्थान में मरा हुआ प्राणी पुनः जन्म नहीं लेता। इंद्र द्वारा दी गई रत्न-राशियाँ प्राप्त करके वे ब्राह्मण—

श्लोक 20 (padma.6.200.20)

तस्मै ददुरवितथामाशिषं तत्र संसदि । इंद्राय तव गोविंदो दानेनानेन तुष्यतु

tasmai daduravitathāmāśiṣaṁ tatra saṁsadi iṁdrāya tava goviṁdo dānenānena tuṣyatu

—उस सभा में उन्हें अटल आशीर्वाद देने लगे — 'हे इंद्र! तुम्हारे इस दान से गोविंद प्रसन्न हों—'

श्लोक 21 (padma.6.200.21)

तावकी भक्तिरप्यस्मिन्भूयादव्यभिचारिणी । कर्मभूमाविह विभो पुरा यज्ञशतं कृतम्

tāvakī bhaktirapyasminbhūyādavyabhicāriṇī karmabhūmāviha vibho purā yajñaśataṁ kṛtam

'—और तुम्हारी उनमें अटल भक्ति बनी रहे। हे प्रभो! इस कर्म-भूमि में पहले तुमने सौ यज्ञ किए थे—'

श्लोक 22 (padma.6.200.22)

तेन पुण्येन लब्धं ते सकामेन सुरास्पदम् । अधुना पूजितो विष्णुर्निःकामेन त्वया मखैः

tena puṇyena labdhaṁ te sakāmena surāspadam adhunā pūjito viṣṇurniḥkāmena tvayā makhaiḥ

'—उस पुण्य से, जो कामना सहित किया गया था, तुमने देवताओं का पद प्राप्त किया; अब निष्काम होकर तुमने यज्ञों से विष्णु की पूजा की है।'

श्लोक 23 (padma.6.200.23)

स्वपदाद्विच्युतो भूमौ भविष्यति द्विजाग्रणीः । तत्रापि निजधर्मेण विष्णुमाराधयन्भवान्

svapadādvicyuto bhūmau bhaviṣyati dvijāgraṇīḥ tatrāpi nijadharmeṇa viṣṇumārādhayanbhavān

'अपने पद से च्युत होकर तुम पृथ्वी पर श्रेष्ठ ब्राह्मण बनोगे; वहाँ भी अपने ही धर्म से विष्णु की आराधना करते हुए तुम—'

श्लोक 24 (padma.6.200.24)

स्मरिष्यति निजं कर्म कृतमत्र मखादिकम् । तत्स्मृतेगृर्हमुत्सृज्य भवान्तीर्थानि पर्यटन्

smariṣyati nijaṁ karma kṛtamatra makhādikam tatsmṛtegṛrhamutsṛjya bhavāntīrthāni paryaṭan

'—यहाँ किए गए इस यज्ञ आदि अपने कर्म का स्मरण करोगे। उसके स्मरण से घर त्यागकर, तीर्थों में विचरण करते हुए—'

श्लोक 25 (padma.6.200.25)

जनकेन समं शक्र तीर्थेऽस्मिन्संप्रपत्स्यते । चतुर्थाश्रममादाय त्यक्षत्यत्र कलेवरम्

janakena samaṁ śakra tīrthe'sminsaṁprapatsyate caturthāśramamādāya tyakṣatyatra kalevaram

'—हे शक्र! अपने पिता सहित इसी तीर्थ में पहुँचोगे। चौथा आश्रम ग्रहण करके यहीं तुम शरीर त्यागोगे—'

श्लोक 26 (padma.6.200.26)

ततो विमानमारुह्य गणा नीतं रविप्रभम् । भवान्दिव्यांगवान्भूत्वा प्राप्स्यति श्रीहरेः पदम्

tato vimānamāruhya gaṇā nītaṁ raviprabham bhavāndivyāṁgavānbhūtvā prāpsyati śrīhareḥ padam

'—फिर सूर्य-सम तेजस्वी विमान पर, गणों द्वारा लाए हुए, आरूढ़ होकर, दिव्य अंगों वाले होकर तुम श्रीहरि के पद को प्राप्त करोगे।'

श्लोक 27 (padma.6.200.27)

नारद उवाच- एवमाकर्ण्य विप्राणामाशिषं त्रिदशाधिपः । भविष्यपिशुनां चोक्तिं शिवे मुदमगात्तराम्

nārada uvāca- evamākarṇya viprāṇāmāśiṣaṁ tridaśādhipaḥ bhaviṣyapiśunāṁ coktiṁ śive mudamagāttarām

नारद ने कहा — हे शिवे! ब्राह्मणों का यह आशीर्वाद और भविष्य को प्रकट करने वाली यह वाणी सुनकर देवताओं के स्वामी को अत्यधिक हर्ष हुआ।

श्लोक 28 (padma.6.200.28)

समाप्य विधिवद्यज्ञान्नात्र सौवर्णयष्टिकान् । माधवप्रमुखान्देवान्पूजितान्स व्यसर्जयत्

samāpya vidhivadyajñānnātra sauvarṇayaṣṭikān mādhavapramukhāndevānpūjitānsa vyasarjayat

विधिपूर्वक यज्ञों को पूर्ण करके, स्वर्ण-यूपों सहित वहाँ पूजित माधव-प्रमुख देवताओं को उन्होंने विदा किया।

श्लोक 29 (padma.6.200.29)

ऋत्विजो ब्रह्मणः पुत्रानभ्यर्च्य च धनादिभिः । बृहस्पतिं पुरस्कृत्य ययौ शक्रस्त्रिविष्टपम्

ṛtvijo brahmaṇaḥ putrānabhyarcya ca dhanādibhiḥ bṛhaspatiṁ puraskṛtya yayau śakrastriviṣṭapam

ब्रह्मा के पुत्र ऋत्विजों को धन आदि से सम्मानित करके, बृहस्पति को आगे करके शक्र स्वर्गलोक को चले गए।

श्लोक 30 (padma.6.200.30)

तत्र राज्यं विधायेंद्रो हरिभक्तियुतः शिवे । अवातरद्भुवि क्षीणपुण्ये हास्तिनपत्तने

tatra rājyaṁ vidhāyeṁdro haribhaktiyutaḥ śive avātaradbhuvi kṣīṇapuṇye hāstinapattane

हे शिवे! वहाँ राज्य करके, हरि-भक्ति से युक्त इंद्र, पुण्य क्षीण होने पर हस्तिनापुर नगर में पृथ्वी पर अवतीर्ण हुए।

श्लोक 31 (padma.6.200.31)

शिवशर्मा द्विजः कश्चिद्वेदवेदांगपारगः । तस्य भार्या गुणवती नाम्नान्वर्थवती भृशम्

śivaśarmā dvijaḥ kaścidvedavedāṁgapāragaḥ tasya bhāryā guṇavatī nāmnānvarthavatī bhṛśam

वहाँ शिवशर्मा नामक एक ब्राह्मण था, जो वेद-वेदांगों में पारंगत था; उसकी पत्नी का नाम गुणवती था, जो सचमुच अपने नाम के अनुरूप थी।

श्लोक 32 (padma.6.200.32)

तस्यां जातः सुवेलायामिंद्रः श्रीपतिसेवकः । ज्योतिर्विदः समाहूता लग्नं दृष्ट्वा बभाषिरे

tasyāṁ jātaḥ suvelāyāmiṁdraḥ śrīpatisevakaḥ jyotirvidaḥ samāhūtā lagnaṁ dṛṣṭvā babhāṣire

उसके गर्भ से शुभ मुहूर्त में श्रीपति के सेवक इंद्र जन्मे। बुलाए गए ज्योतिषियों ने जन्म-कुंडली देखकर कहा—

श्लोक 33 (padma.6.200.33)

ज्योतिर्विद ऊचुः- शिवशर्मन्नयं बालः तव भावी हरिप्रियः । उद्धरिष्यति ते वंशं ब्रूमः सत्यं न वै मृषा

jyotirvida ūcuḥ- śivaśarmannayaṁ bālaḥ tava bhāvī haripriyaḥ uddhariṣyati te vaṁśaṁ brūmaḥ satyaṁ na vai mṛṣā

ज्योतिषियों ने कहा — 'हे शिवशर्मन्! यह बालक हरि का प्रिय भक्त बनेगा और तुम्हारे वंश का उद्धार करेगा — हम सत्य कहते हैं, मिथ्या नहीं।'

श्लोक 34 (padma.6.200.34)

त्रयोदशाब्ददेहो यः सांगं वेदचतुष्टयम् । अधीतज्ञानसंपन्नो विवाहं तु करिष्यति

trayodaśābdadeho yaḥ sāṁgaṁ vedacatuṣṭayam adhītajñānasaṁpanno vivāhaṁ tu kariṣyati

'तेरह वर्ष की आयु में चारों वेदों को अंगों सहित पढ़कर ज्ञान-संपन्न होकर यह विवाह करेगा—'

श्लोक 35 (padma.6.200.35)

पुनरुत्पाद्य सत्पुत्रं वानप्रस्थो भविष्यति । तीर्थेषु पर्यटन्धीरः संन्यासं धारयिष्यति

punarutpādya satputraṁ vānaprastho bhaviṣyati tīrtheṣu paryaṭandhīraḥ saṁnyāsaṁ dhārayiṣyati

'—फिर उत्तम पुत्र उत्पन्न करके वानप्रस्थी बनेगा; तीर्थों में भ्रमण करता हुआ धैर्यवान होकर संन्यास धारण करेगा।'

श्लोक 36 (padma.6.200.36)

इंद्रस्य खांडववने यमुनास्ति सरिद्वरा । तत्तीरेस्ति हरिप्रस्थं मरणं तत्र यास्यति

iṁdrasya khāṁḍavavane yamunāsti saridvarā tattīresti hariprasthaṁ maraṇaṁ tatra yāsyati

'इंद्र के खांडव वन में यमुना नामक श्रेष्ठ नदी है; उसके तट पर हरिप्रस्थ है — वहीं उसकी मृत्यु होगी।'

श्लोक 37 (padma.6.200.37)

नारद उवाच- गणकोदितमाकर्ण्य शिवशर्मा शिवं वचः । चकार विष्णुशर्माणं नाम्ना निजसुतं तदा

nārada uvāca- gaṇakoditamākarṇya śivaśarmā śivaṁ vacaḥ cakāra viṣṇuśarmāṇaṁ nāmnā nijasutaṁ tadā

नारद ने कहा — ज्योतिषियों द्वारा कहे गए ये मंगलमय वचन सुनकर शिवशर्मा ने तब अपने पुत्र का नाम विष्णुशर्मा रखा।

श्लोक 38 (padma.6.200.38)

तान्विसृज्य च वित्तेन चिंतयामास बुद्धिमान् । धन्योऽहं यस्य मे पुत्रो विष्णुभक्तो भविष्यति

tānvisṛjya ca vittena ciṁtayāmāsa buddhimān dhanyo'haṁ yasya me putro viṣṇubhakto bhaviṣyati

उन्हें धन देकर विदा करके, वह बुद्धिमान सोचने लगा — 'मैं धन्य हूँ, जिसका पुत्र विष्णु-भक्त बनेगा।'

श्लोक 39 (padma.6.200.39)

साधयिष्यति पुत्रोऽयमाश्रमांश्चतुरो मम । मरिष्यति च सत्तीर्थे मदन्यः कोऽस्ति भाग्यवान्

sādhayiṣyati putro'yamāśramāṁścaturo mama mariṣyati ca sattīrthe madanyaḥ ko'sti bhāgyavān

'यह पुत्र मेरे चारों आश्रमों को सिद्ध करेगा, और श्रेष्ठ तीर्थ में मरेगा — मुझसे बढ़कर भाग्यशाली और कौन है?'

श्लोक 40 (padma.6.200.40)

एवं विचिंत्य मनसा जातकर्माद्यकारयत् । शिशोर्द्विजातिप्रवरैः शिवशर्मा शुभेऽहनि

evaṁ viciṁtya manasā jātakarmādyakārayat śiśordvijātipravaraiḥ śivaśarmā śubhe'hani

मन में ऐसा विचार करके शिवशर्मा ने शुभ दिन में श्रेष्ठ ब्राह्मणों द्वारा शिशु के जातकर्म आदि संस्कार करवाए।

श्लोक 41 (padma.6.200.41)

अथ सप्तस्वतीतेषु वर्षेषु द्विजसत्तमः । सुतोपनयनं चक्रे चैत्रमास्यष्टमेऽब्दके

atha saptasvatīteṣu varṣeṣu dvijasattamaḥ sutopanayanaṁ cakre caitramāsyaṣṭame'bdake

फिर सात वर्ष बीत जाने पर उस श्रेष्ठ ब्राह्मण ने आठवें वर्ष में चैत्र मास में पुत्र का उपनयन-संस्कार किया।

श्लोक 42 (padma.6.200.42)

आद्वादशाब्दादध्याप्य वेदानन्वगतः सुतम् । शिवशर्मा शिवे राजन्युयोज सह भार्यया

ādvādaśābdādadhyāpya vedānanvagataḥ sutam śivaśarmā śive rājanyuyoja saha bhāryayā

बारहवें वर्ष तक वेद पढ़ाकर, फिर हे शिवे! राजन्! शिवशर्मा ने पुत्र का ध्यान रखते हुए उसे पत्नी सहित संयुक्त किया।

श्लोक 43 (padma.6.200.43)

विष्णुशर्मा स्वभार्यायां पुत्रमुत्पाद्य बुद्धिमान् । चकार तीर्थयात्रायां मनो निर्विषयं स्वकम्

viṣṇuśarmā svabhāryāyāṁ putramutpādya buddhimān cakāra tīrthayātrāyāṁ mano nirviṣayaṁ svakam

बुद्धिमान विष्णुशर्मा ने अपनी पत्नी से पुत्र उत्पन्न करके अपने मन को विषयों से रहित कर लिया, तीर्थयात्रा की ओर उन्मुख होकर।

श्लोक 44 (padma.6.200.44)

अभ्येत्य पितरं प्राह नत्वा तच्चरणद्वयम् । विष्णुशर्मा महाप्राज्ञो मुनिवाक्यमनुस्मरन्

abhyetya pitaraṁ prāha natvā taccaraṇadvayam viṣṇuśarmā mahāprājño munivākyamanusmaran

पिता के पास आकर, उनके दोनों चरणों में प्रणाम करके, महाप्राज्ञ विष्णुशर्मा ने मुनियों के वचन का स्मरण करते हुए कहा—

श्लोक 45 (padma.6.200.45)

विष्णुशर्मोवाच - अनुजानीहि मां तात विष्णुमाराधयाम्यहम् । तृतीयाश्रममासाद्य सत्संगतिविधायकम्

viṣṇuśarmovāca - anujānīhi māṁ tāta viṣṇumārādhayāmyaham tṛtīyāśramamāsādya satsaṁgatividhāyakam

विष्णुशर्मा ने कहा — 'हे तात! मुझे आज्ञा दीजिए, मैं विष्णु की आराधना करूँगा, सत्संगति देने वाला तीसरा आश्रम ग्रहण करके।'

श्लोक 46 (padma.6.200.46)

दारागारधनापत्यसुहृदः क्षणभंगुराः । बुद्बुदा इव तोयेषु सुधीस्तेषु न सज्जते

dārāgāradhanāpatyasuhṛdaḥ kṣaṇabhaṁgurāḥ budbudā iva toyeṣu sudhīsteṣu na sajjate

'पत्नी, घर, धन, संतान और मित्र — ये सब जल में बुलबुलों के समान क्षणभंगुर हैं; सुबुद्धि पुरुष इनमें आसक्त नहीं होता।'

श्लोक 47 (padma.6.200.47)

स्वाध्यायेन च संतत्या मया तीर्णमृणद्वयम् । तीर्थेषु कामरहितो यष्टुमिच्छामि केशवम्

svādhyāyena ca saṁtatyā mayā tīrṇamṛṇadvayam tīrtheṣu kāmarahito yaṣṭumicchāmi keśavam

'स्वाध्याय और संतान से मैंने दो ऋणों को तर लिया है। अब कामना-रहित होकर मैं तीर्थों में केशव की पूजा करना चाहता हूँ।'

श्लोक 48 (padma.6.200.48)

सन्यस्तगुणरागोऽहं पश्चात्तीर्थोत्तमे क्वचित् । स्थातुमिच्छाम्यहं तावद्यावत्प्रारब्धमस्ति मे

sanyastaguṇarāgo'haṁ paścāttīrthottame kvacit sthātumicchāmyahaṁ tāvadyāvatprārabdhamasti me

'तीनों गुणों की आसक्ति त्यागकर, फिर किसी उत्तम तीर्थ में मैं तब तक रहना चाहता हूँ, जब तक मेरा प्रारब्ध शेष है।'

श्लोक 49 (padma.6.200.49)

इत्युक्तस्तेन पुत्रेण स पिता बुद्धिमत्तरः । स्मृत्वा ज्योतिर्विदां वाक्यमाह संसारनिस्पृहः

ityuktastena putreṇa sa pitā buddhimattaraḥ smṛtvā jyotirvidāṁ vākyamāha saṁsāranispṛhaḥ

पुत्र द्वारा ऐसा कहे जाने पर, अत्यंत बुद्धिमान वह पिता, ज्योतिषियों के वचन का स्मरण करके, संसार से निस्पृह होकर बोले—

श्लोक 50 (padma.6.200.50)

शिवशर्मोवाच- चतुर्थाश्रमकालोऽयं ममापि निरहंकृतेः । विषयान्विषवत्त्यक्त्वा सेविष्ये केशवामृतम्

śivaśarmovāca- caturthāśramakālo'yaṁ mamāpi nirahaṁkṛteḥ viṣayānviṣavattyaktvā seviṣye keśavāmṛtam

शिवशर्मा ने कहा — 'यह चौथे आश्रम का समय मेरे लिए भी है, अहंकार-रहित होकर; विषयों को विष के समान त्यागकर मैं केशव के अमृत का सेवन करूँगा।'

श्लोक 51 (padma.6.200.51)

गृहे मम मनः पुत्र रमते नाद्य वार्द्धके । आनीतस्य वनाद्बद्ध्वा गजस्येव नृपालये

gṛhe mama manaḥ putra ramate nādya vārddhake ānītasya vanādbaddhvā gajasyeva nṛpālaye

'हे पुत्र! वृद्धावस्था में अब मेरा मन घर में नहीं रमता — जैसे वन से लाया गया हाथी राजमहल में बाँधे जाने पर नहीं रमता।'

श्लोक 52 (padma.6.200.52)

तवानुजं सुशर्मायं कुटुंबं धारयिष्यति । आवाभ्यामुज्झितं विद्याश्रीकुलाभ्यां यथा नरम्

tavānujaṁ suśarmāyaṁ kuṭuṁbaṁ dhārayiṣyati āvābhyāmujjhitaṁ vidyāśrīkulābhyāṁ yathā naram

'तुम्हारा छोटा भाई सुशर्मा इस कुटुंब को संभालेगा; हम दोनों के त्यागे जाने पर वह ऐसा होगा मानो विद्या और लक्ष्मी दोनों से त्यागा गया मनुष्य।'

श्लोक 53 (padma.6.200.53)

प्रव्रजंतं तु मामेव तव माता पतिव्रता । अनुयास्यति मार्तंडं यथा कांतिर्दिनात्यये

pravrajaṁtaṁ tu māmeva tava mātā pativratā anuyāsyati mārtaṁḍaṁ yathā kāṁtirdinātyaye

'प्रव्रज्या पर जाते हुए मेरे ही पीछे तुम्हारी पतिव्रता माता चलेगी, जैसे दिन के अंत में प्रकाश सूर्य के पीछे चला जाता है।'

श्लोक 54 (padma.6.200.54)

तस्मादावामविज्ञातो तया तात तवांबया । गच्छावश्चिंतयंतौ श्रीहरेः पादसरोरुहम्

tasmādāvāmavijñāto tayā tāta tavāṁbayā gacchāvaściṁtayaṁtau śrīhareḥ pādasaroruham

'इसलिए, हे पुत्र! तुम्हारी माता को भी बिना बताए, हम दोनों श्रीहरि के चरण-कमल का चिंतन करते हुए चले जाएँगे।'

श्लोक 55 (padma.6.200.55)

नारद उवाच- इत्यालोच्य मुमुक्षू तौ निशीथे तमसावृते । सुप्तं कुटुंबमुत्सृज्य गृहान्निर्याय जग्मतुः

nārada uvāca- ityālocya mumukṣū tau niśīthe tamasāvṛte suptaṁ kuṭuṁbamutsṛjya gṛhānniryāya jagmatuḥ

नारद ने कहा — ऐसा विचार करके, मुक्ति के इच्छुक वे दोनों, अंधकार से घिरी आधी रात में सोए हुए कुटुंब को छोड़कर घर से निकलकर चल पड़े।

श्लोक 56 (padma.6.200.56)

सहैव पर्यटंतौ तौ सुतीर्थे निरहंकृती । शिवेऽत्रशिवदे तीर्थे शक्रप्रस्थे समीयतुः

sahaiva paryaṭaṁtau tau sutīrthe nirahaṁkṛtī śive'traśivade tīrthe śakraprasthe samīyatuḥ

वे दोनों साथ-साथ, अहंकार-रहित होकर श्रेष्ठ तीर्थों में भ्रमण करते हुए, हे शिवे! इस कल्याणकारी शक्रप्रस्थ तीर्थ में आ पहुँचे।

श्लोक 57 (padma.6.200.57)

अत्रागतः स्वविहितान्पूर्वजन्मनि यूपकान् । विष्णुशर्मा शमालोक्य सस्मार हरिसंगमम्

atrāgataḥ svavihitānpūrvajanmani yūpakān viṣṇuśarmā śamālokya sasmāra harisaṁgamam

यहाँ आकर, अपने ही द्वारा पूर्वजन्म में बनवाए गए यूपों को शांत भाव से देखकर, विष्णुशर्मा को हरि के साथ अपने संगम का स्मरण हो आया।

श्लोक 58 (padma.6.200.58)

ऊचे च पितरं धीमान्शक्र आसमहं पुरा । मयात्र विहिता यज्ञा माधवप्रीणनेच्छया

ūce ca pitaraṁ dhīmānśakra āsamahaṁ purā mayātra vihitā yajñā mādhavaprīṇanecchayā

उस बुद्धिमान ने पिता से कहा — 'मैं पहले शक्र (इंद्र) था; माधव को प्रसन्न करने की इच्छा से मैंने ही यहाँ ये यज्ञ किए थे।'

श्लोक 59 (padma.6.200.59)

अत्रैव मे प्रसन्नोऽभूत्केशवो भक्तवत्सलः । संतोषिता मणिप्रस्थैः द्विजाः सप्तर्षयश्च मे

atraiva me prasanno'bhūtkeśavo bhaktavatsalaḥ saṁtoṣitā maṇiprasthaiḥ dvijāḥ saptarṣayaśca me

'यहीं भक्तवत्सल केशव मुझ पर प्रसन्न हुए थे; मैंने ही यहाँ ब्राह्मणों, सप्तर्षियों को मणियों की राशियों से संतुष्ट किया था।'

श्लोक 60 (padma.6.200.60)

तैरेव वैष्णवी भक्तिर्दत्ता मोक्षोभवेऽत्र च । विष्ण्वादिभिः समस्तैस्तु तीर्थान्यत्र कृतानि वै

taireva vaiṣṇavī bhaktirdattā mokṣobhave'tra ca viṣṇvādibhiḥ samastaistu tīrthānyatra kṛtāni vai

'उन्हीं के द्वारा मुझे वैष्णवी भक्ति और इस संसार से मुक्ति का वचन दिया गया था। विष्णु आदि समस्त देवताओं द्वारा यहाँ तीर्थ बनाए गए—'

श्लोक 61 (padma.6.200.61)

सर्वतीर्थमयं तीर्थमिन्द्रप्रस्थमिदं कृतम् । अत्रैव मे मृतिश्चोक्ता तैरेव मुनिपुंगवैः

sarvatīrthamayaṁ tīrthamindraprasthamidaṁ kṛtam atraiva me mṛtiścoktā taireva munipuṁgavaiḥ

'—और यह इंद्रप्रस्थ समस्त तीर्थों से युक्त तीर्थ बनाया गया। यहीं मेरी मृत्यु भी उन्हीं श्रेष्ठ मुनियों द्वारा कही गई थी—'

श्लोक 62 (padma.6.200.62)

ततो हरिपदप्राप्तिरेतत्सर्वं स्मराम्यहम् । इमे गंगासरस्वत्यौ निजलोकाद्विरिंचिना

tato haripadaprāptiretatsarvaṁ smarāmyaham ime gaṁgāsarasvatyau nijalokādviriṁcinā

'—और उसके बाद हरि के पद की प्राप्ति। यह सब मुझे स्मरण है। ये गंगा और सरस्वती, ब्रह्मा द्वारा अपने-अपने लोकों से—'

श्लोक 63 (padma.6.200.63)

समानीते ययोर्योगे प्रयागोऽयं निगद्यते । एषा काशी शिवपुरी प्रयागात्पूर्वदेशके

samānīte yayoryoge prayāgo'yaṁ nigadyate eṣā kāśī śivapurī prayāgātpūrvadeśake

'—लाई गई थीं, जिनके संगम पर यह प्रयाग कहलाता है। यह काशी है, शिव की नगरी, प्रयाग से पूर्व दिशा में—'

श्लोक 64 (padma.6.200.64)

द्विपंचाशद्धनुर्मात्रे मृतो यस्यां न जायते । काश्याः पश्चिमके भागे धनुषामेकविंशतिः

dvipaṁcāśaddhanurmātre mṛto yasyāṁ na jāyate kāśyāḥ paścimake bhāge dhanuṣāmekaviṁśatiḥ

'—बावन धनुष की दूरी तक स्थित, जहाँ मरा हुआ पुनः जन्म नहीं लेता। काशी के पश्चिम भाग में इक्कीस धनुष की दूरी पर—'

श्लोक 65 (padma.6.200.65)

शिवकांची शिवेनैषा स्थापिता मृतमुक्तिदा । गोकर्णाख्यमिदं क्षेत्रं शंभोः परमवल्लभम्

śivakāṁcī śivenaiṣā sthāpitā mṛtamuktidā gokarṇākhyamidaṁ kṣetraṁ śaṁbhoḥ paramavallabham

'—यह शिवकांची है, शिव द्वारा स्थापित, मृतकों को मुक्ति देने वाली। गोकर्ण नामक यह क्षेत्र शंभु का परम प्रिय स्थान है—'

श्लोक 66 (padma.6.200.66)

धनुर्द्वयप्रमाणे तु भूमिभागे व्यवस्थितम् । इयं द्वारवती पुण्या तीर्थराजस्य पश्चिमे

dhanurdvayapramāṇe tu bhūmibhāge vyavasthitam iyaṁ dvāravatī puṇyā tīrtharājasya paścime

'—दो धनुष की दूरी में स्थित। यह पवित्र द्वारवती है, तीर्थराज (प्रयाग) के पश्चिम में—'

श्लोक 67 (padma.6.200.67)

धनुषां सप्ततिर्यत्र मृतो भावी चतुर्भुजः । अतोऽसौ पूर्वदिग्भागे कोशलाजनवत्सला

dhanuṣāṁ saptatiryatra mṛto bhāvī caturbhujaḥ ato'sau pūrvadigbhāge kośalājanavatsalā

'—सत्तर धनुष की दूरी पर, जहाँ मरने वाला चतुर्भुज बन जाता है। वहाँ से पूर्व दिशा में जन-प्रिय कोशला—'

श्लोक 68 (padma.6.200.68)

अष्टादशधनुर्मात्रे दृश्यते पुण्यदर्शना । एतन्मधुवनं तात स्थापितं विष्णुना स्वयम्

aṣṭādaśadhanurmātre dṛśyate puṇyadarśanā etanmadhuvanaṁ tāta sthāpitaṁ viṣṇunā svayam

'—अठारह धनुष की दूरी पर दिखाई देती है, जिसका दर्शन पुण्यदायी है। हे तात! यह मधुवन है, स्वयं विष्णु द्वारा स्थापित—'

श्लोक 69 (padma.6.200.69)

कोशला पश्चिमे भागे दशचापप्रमाणतः । अत उत्तरतस्तात नरनारायणास्पदम्

kośalā paścime bhāge daśacāpapramāṇataḥ ata uttaratastāta naranārāyaṇāspadam

'—कोशला इसके पश्चिम में दस धनुष की दूरी पर है। यहाँ से उत्तर में, हे तात! नर-नारायण का धाम—'

श्लोक 70 (padma.6.200.70)

एतदेकादशधनुर्भूमिदेशे च तिष्ठति । एतत्तीर्थं हरिद्वारमतो दक्षिणतः स्थितम्

etadekādaśadhanurbhūmideśe ca tiṣṭhati etattīrthaṁ haridvāramato dakṣiṇataḥ sthitam

'—ग्यारह धनुष के भूमि-क्षेत्र में स्थित है। यह हरिद्वार तीर्थ इससे दक्षिण में स्थित है—'

श्लोक 71 (padma.6.200.71)

त्रिंशद्धनुर्महीदेशे दृश्यते देवदुर्ल्लभम् । एतत्तु पुष्करं नाम तीर्थं तीर्थशिरोमणिम्

triṁśaddhanurmahīdeśe dṛśyate devadurllabham etattu puṣkaraṁ nāma tīrthaṁ tīrthaśiromaṇim

'—तीस धनुष के भूमि-क्षेत्र में, देवताओं के लिए भी दुर्लभ, दिखाई देता है। यह पुष्कर नामक तीर्थ, तीर्थों का शिरोमणि—'

श्लोक 72 (padma.6.200.72)

द्वादशेष्वासमात्रे भूभागे भो तात तिष्ठति । प्रयागादिक गव्यूतिः सप्तर्षीणां महात्मनाम्

dvādaśeṣvāsamātre bhūbhāge bho tāta tiṣṭhati prayāgādika gavyūtiḥ saptarṣīṇāṁ mahātmanām

'—हे तात! बारह धनुष के भूमि-भाग में स्थित है। प्रयाग से एक गव्यूति की दूरी पर महात्मा सप्तर्षियों का स्थान—'

श्लोक 73 (padma.6.200.73)

पूर्वस्यां दिशि तीर्थानि सप्ततत्तीर्थसप्तकम् । तीर्थसप्तककाशोस्तु संति तीर्थान्यनेकशः

pūrvasyāṁ diśi tīrthāni saptatattīrthasaptakam tīrthasaptakakāśostu saṁti tīrthānyanekaśaḥ

'—पूर्व दिशा में सप्त-तीर्थ नामक तीर्थ है। इस सप्त-तीर्थ के निकट अनेक तीर्थ हैं—'

श्लोक 74 (padma.6.200.74)

पदेपदे येषु मृतो जायते स चतुर्भुजः । प्रयागादेकगव्यूतिमात्रे पश्चिमभूतले

padepade yeṣu mṛto jāyate sa caturbhujaḥ prayāgādekagavyūtimātre paścimabhūtale

'—जिनके पद-पद पर मरने वाला चतुर्भुज बन जाता है। प्रयाग से एक गव्यूति पश्चिम, धरातल पर—'

श्लोक 75 (padma.6.200.75)

निगमोद्बोधकं नाम तीर्थं गुरुकृतं पुरा । तीर्थसप्तकनिगमोद्बोधयोरंतरं महत्

nigamodbodhakaṁ nāma tīrthaṁ gurukṛtaṁ purā tīrthasaptakanigamodbodhayoraṁtaraṁ mahat

'—निगमोद्बोधक नामक तीर्थ है, गुरु द्वारा पहले बनाया गया। सप्त-तीर्थ और निगमोद्बोधक के बीच बड़ी दूरी है—'

श्लोक 76 (padma.6.200.76)

इंद्रप्रस्थमिदं क्षेत्रं स्थापितं दैवतैः पुरा । पूर्वपश्चिमयोस्तात एकयोजनविस्तृतम्

iṁdraprasthamidaṁ kṣetraṁ sthāpitaṁ daivataiḥ purā pūrvapaścimayostāta ekayojanavistṛtam

'—यह इंद्रप्रस्थ क्षेत्र देवताओं द्वारा पहले स्थापित किया गया, हे तात! पूर्व-पश्चिम में एक योजन विस्तृत है—'

श्लोक 77 (padma.6.200.77)

कालिंद्यावदक्षिणेवयावद्योजनानांवचतुष्टयम् । इंद्रप्रस्थस्यमर्यादा कथितैषा महर्षिभिः

kāliṁdyāvadakṣiṇevayāvadyojanānāṁvacatuṣṭayam iṁdraprasthasyamaryādā kathitaiṣā maharṣibhiḥ

'—और दक्षिण में कालिंदी तक चार योजन तक फैला है; यह सीमा महर्षियों द्वारा इंद्रप्रस्थ की बताई गई है।'

श्लोक 78 (padma.6.200.78)

देवत्रय्यां च योह्यत्र त्यजत्यंगं भवत्यजः । नारद उवाच- पुत्रस्यैतद्वचः श्रुत्वा शिवशर्मा शिवे द्विजः

devatrayyāṁ ca yohyatra tyajatyaṁgaṁ bhavatyajaḥ nārada uvāca- putrasyaitadvacaḥ śrutvā śivaśarmā śive dvijaḥ

'और जो कोई यहाँ इस त्रिदेव के समक्ष अपनी देह त्यागता है, वह अजन्मा हो जाता है।' नारद ने कहा — हे शिवे! पुत्र के इस वचन को सुनकर द्विज शिवशर्मा—

श्लोक 79 (padma.6.200.79)

प्रत्याहलसंदिहानस्तं स्वपुत्रं सत्यवादिनम् । शिवशर्मोवाच- कथमेतद्विजानीयां त्वं पुरासीः सुरेश्वरः

pratyāhalasaṁdihānastaṁ svaputraṁ satyavādinam śivaśarmovāca- kathametadvijānīyāṁ tvaṁ purāsīḥ sureśvaraḥ

—संदेह करते हुए अपने सत्यवादी पुत्र से बोले। शिवशर्मा ने कहा — 'यह मैं कैसे जानूँ कि तुम पहले देवताओं के स्वामी थे?'

श्लोक 80 (padma.6.200.80)

त्वमत्र कृतवान्यज्ञान्मणिभिस्तोषिता द्विजाः । त्वदुक्तज्ञानवान्पुत्र यथाऽहं स्यां तथा कुरु

tvamatra kṛtavānyajñānmaṇibhistoṣitā dvijāḥ tvaduktajñānavānputra yathā'haṁ syāṁ tathā kuru

'तुमने यहाँ यज्ञ किए, ब्राह्मण मणियों से संतुष्ट हुए — हे पुत्र! जैसा तुम्हारा कथित ज्ञान है, वैसा ही मुझे भी बना दो।'

श्लोक 81 (padma.6.200.81)

इंद्रप्रस्थस्य मर्यादा कुत एषा त्वया श्रुता । यतः प्रभृति ते जाता मतिस्त्वं नात्यजो गृहम्

iṁdraprasthasya maryādā kuta eṣā tvayā śrutā yataḥ prabhṛti te jātā matistvaṁ nātyajo gṛham

'यह इंद्रप्रस्थ की सीमा तुमने कहाँ से सुनी? जिस समय से तुम्हारी यह बुद्धि उत्पन्न हुई, तुमने घर नहीं त्यागा था।'

श्लोक 82 (padma.6.200.82)

मत्त एव त्वयाधीतं सांगं वेदचतुष्टयम् । पूर्वजन्मकृते कृत्ये ज्ञानमासीत्कुतस्तव

matta eva tvayādhītaṁ sāṁgaṁ vedacatuṣṭayam pūrvajanmakṛte kṛtye jñānamāsītkutastava

'तुमने मुझसे ही चारों वेद अंगों सहित पढ़े; पूर्वजन्म में किए गए कर्म का यह ज्ञान तुम्हें कहाँ से हुआ?'

श्लोक 83 (padma.6.200.83)

विष्णुशर्मोवाच - ऋषिभिर्मे वरो दत्तः पूर्वजन्मस्मृतिप्रदः । तेभ्य एवास्य तीर्थस्य श्रुता ह्येषा स्मृतिर्मया

viṣṇuśarmovāca - ṛṣibhirme varo dattaḥ pūrvajanmasmṛtipradaḥ tebhya evāsya tīrthasya śrutā hyeṣā smṛtirmayā

विष्णुशर्मा ने कहा — 'ऋषियों द्वारा मुझे पूर्वजन्म का स्मरण देने वाला वर दिया गया था; उन्हीं से मुझे इस तीर्थ का यह स्मरण सुना गया।'

श्लोक 84 (padma.6.200.84)

निगमोद्बोधके तीर्थे स्नानमत्र पितः कुरु । दुर्लभं प्राप्स्यसे ज्ञानं पूर्वजन्मस्मृतिप्रदम्

nigamodbodhake tīrthe snānamatra pitaḥ kuru durlabhaṁ prāpsyase jñānaṁ pūrvajanmasmṛtipradam

'हे पिता! निगमोद्बोधक तीर्थ में स्नान कीजिए; आपको भी पूर्वजन्म का स्मरण देने वाला दुर्लभ ज्ञान प्राप्त होगा।'

श्लोक 85 (padma.6.200.85)

ममापि पूर्वजनुषः प्रवृत्तिं त्वं स्मरिष्यसि । एतत्तीर्थजलस्पर्शात्तात सत्यं वदामि ते

mamāpi pūrvajanuṣaḥ pravṛttiṁ tvaṁ smariṣyasi etattīrthajalasparśāttāta satyaṁ vadāmi te

'आप भी अपने और मेरे पूर्वजन्म के वृत्तांत का स्मरण करेंगे — इस तीर्थ-जल के मात्र स्पर्श से, हे तात! मैं आपसे सत्य कहता हूँ।'

श्लोक 86 (padma.6.200.86)

नारद उवाच- शिवशर्मणि विप्रेंद्रे श्रुत्वैतत्स्नातुमुद्यते । निगमोद्बोधके तीर्थे स्मृतये पूर्वजन्मनः

nārada uvāca- śivaśarmaṇi vipreṁdre śrutvaitatsnātumudyate nigamodbodhake tīrthe smṛtaye pūrvajanmanaḥ

नारद ने कहा — यह सुनकर श्रेष्ठ ब्राह्मण शिवशर्मा पूर्वजन्म के स्मरण के लिए निगमोद्बोधक तीर्थ में स्नान करने को उद्यत हुए—

श्लोक 87 (padma.6.200.87)

सिंहेनानुगतः कश्चिद्भिल्लो धावन्समागतः । अतित्रासपरीतांगो निःश्वसन्श्रमविह्वलः

siṁhenānugataḥ kaścidbhillo dhāvansamāgataḥ atitrāsaparītāṁgo niḥśvasanśramavihvalaḥ

—तभी सिंह द्वारा पीछा किया गया कोई भील दौड़ता हुआ वहाँ आ पहुँचा, भय से आतंकित शरीर वाला, साँस फूलती हुई, थकान से व्याकुल।

श्लोक 88 (padma.6.200.88)

हिंसात्मको वर्त्मघाती वणिजां लुंठकः सदा । कृष्णांगः पिंगकेशश्च खर्वो मार्जारलोचनः

hiṁsātmako vartmaghātī vaṇijāṁ luṁṭhakaḥ sadā kṛṣṇāṁgaḥ piṁgakeśaśca kharvo mārjāralocanaḥ

वह हिंसक स्वभाव वाला, मार्ग पर हत्या करने वाला, सदा व्यापारियों को लूटने वाला, काली देह वाला, भूरे बालों वाला, नाटा और बिल्ली जैसी आँखों वाला था—

श्लोक 89 (padma.6.200.89)

कुंतहस्तो भीममूर्ति देही पाप्मेव भूयते । सतः पश्चात्कियद्दूरे सिंहमालोक्य तावुभौ

kuṁtahasto bhīmamūrti dehī pāpmeva bhūyate sataḥ paścātkiyaddūre siṁhamālokya tāvubhau

—भाला हाथ में लिए, भयंकर आकृति वाला, मानो पाप ही शरीर धारण किए हो। तब वे दोनों, पिता-पुत्र, कुछ दूरी पर सिंह को देखकर—

श्लोक 90 (padma.6.200.90)

पितृपुत्रौ समीपस्थे द्रुममारुह्य तस्थतुः । वदंताविति हा कृष्ण मोचयातोऽपमृत्युतः

pitṛputrau samīpasthe drumamāruhya tasthatuḥ vadaṁtāviti hā kṛṣṇa mocayāto'pamṛtyutaḥ

—निकट खड़े एक वृक्ष पर चढ़कर बैठ गए, कहते हुए — 'हे कृष्ण! हमें इस अपमृत्यु से बचाओ।'

श्लोक 91 (padma.6.200.91)

स किरातस्तु राजेंद्र गृहीतुं वेगवत्तरम् । वीक्ष्य सिंहं द्रुमं भीतः समारोढुं प्रचक्रमे

sa kirātastu rājeṁdra gṛhītuṁ vegavattaram vīkṣya siṁhaṁ drumaṁ bhītaḥ samāroḍhuṁ pracakrame

हे राजेंद्र! वह भील भी, अत्यंत वेग से आते सिंह को देखकर भयभीत होकर, उसी वृक्ष पर चढ़ने लगा।

श्लोक 92 (padma.6.200.92)

आरोहणं प्रकुर्वंतं सिंहो जग्राह वेगवान् । पादयोरथ भूपृष्ठे पातयित्वा रुरोह तम्

ārohaṇaṁ prakurvaṁtaṁ siṁho jagrāha vegavān pādayoratha bhūpṛṣṭhe pātayitvā ruroha tam

उसे चढ़ते देख वेगवान सिंह ने उसे पकड़ लिया, और उसके पैरों को पकड़कर भूमि पर पटककर उसे नोंचने लगा।

श्लोक 93 (padma.6.200.93)

अधःस्थितो किरातोऽपि कुंतेनोदरमस्य वै । ददार रुधिरौघाक्त निसृतांत्रकदंबकम्

adhaḥsthito kirāto'pi kuṁtenodaramasya vai dadāra rudhiraughākta nisṛtāṁtrakadaṁbakam

नीचे पड़े उस भील ने भी अपने भाले से सिंह का पेट चीर डाला, जिससे रक्त की धाराओं में सनी आंतों का समूह बाहर निकल आया।

श्लोक 94 (padma.6.200.94)

जातव्यथो विधायाथ नादं परमदारुणम् । सिंहः पिपेष भिल्लस्य शिरः सद्यो ममार च

jātavyatho vidhāyātha nādaṁ paramadāruṇam siṁhaḥ pipeṣa bhillasya śiraḥ sadyo mamāra ca

व्यथित होकर अत्यंत भयंकर गर्जना करते हुए सिंह ने भील का सिर कुचल दिया, और तुरंत स्वयं भी मर गया।

श्लोक 95 (padma.6.200.95)

तयोः पंचत्वमापन्ने भूतसंघेऽत्र भूपते । विमानद्वयमुत्तीर्णं गणाभ्यां सह सत्पदात्

tayoḥ paṁcatvamāpanne bhūtasaṁghe'tra bhūpate vimānadvayamuttīrṇaṁ gaṇābhyāṁ saha satpadāt

हे भूपते! उन दोनों की मृत्यु हो जाने पर, सच्चे धाम से दो विमान, दो गणों सहित उतरे—

श्लोक 96 (padma.6.200.96)

नवीनघनवर्णाभ्यां स्फटिकोपलनिर्मितम् । चारुकुंडलकर्णाभ्यां मणिप्रकरमंडितम्

navīnaghanavarṇābhyāṁ sphaṭikopalanirmitam cārukuṁḍalakarṇābhyāṁ maṇiprakaramaṁḍitam

—नए मेघ के समान रंग वाले, स्फटिक-पत्थर से बने, सुंदर कुंडलों वाले कानों से युक्त, मणियों के समूह से सुसज्जित—

श्लोक 97 (padma.6.200.97)

शंखचक्रगदापद्महस्ताभ्यां चारुचित्रभृत् । दधद्भ्यां पीतवस्त्राणि हेमभित्तिविभूषितम्

śaṁkhacakragadāpadmahastābhyāṁ cārucitrabhṛt dadhadbhyāṁ pītavastrāṇi hemabhittivibhūṣitam

—शंख, चक्र, गदा, कमल धारण करने वाले हाथों से सुंदर चित्रों से युक्त, पीत वस्त्र धारण किए, स्वर्ण-भित्तियों से सुशोभित—

श्लोक 98 (padma.6.200.98)

प्रफुल्लांबुजनेत्राभ्यां पद्मरागगवाक्षभृत् । धीरनिह्रादमंजीरपद्भ्यां रणितकिंकिणी

praphullāṁbujanetrābhyāṁ padmarāgagavākṣabhṛt dhīranihrādamaṁjīrapadbhyāṁ raṇitakiṁkiṇī

—खिले हुए कमल जैसे नेत्रों वाले, पद्मराग-मणि से जड़ी खिड़कियों वाले, गंभीर ध्वनि वाले नूपुरों से युक्त चरणों वाले, बजती घंटियों वाले—

श्लोक 99 (padma.6.200.99)

प्रकोष्ठेवलयश्रेणीं बिभ्रद्भ्यां चारुवेदिकम् । मुक्ताहारैर्मनोहारि वक्षोभ्यां सवितानवत्

prakoṣṭhevalayaśreṇīṁ bibhradbhyāṁ cāruvedikam muktāhārairmanohāri vakṣobhyāṁ savitānavat

—कलाई पर चूड़ियों की पंक्तियाँ धारण करने वाले, सुंदर वेदिका वाले, मोतियों की मालाओं से मन को हरने वाले वक्षस्थल वाले, ऊपर चंदोवा वाले—

श्लोक 100 (padma.6.200.100)

कुटिलालकवक्त्राभ्यां मुन्नतध्वजिराजितम् । भ्रूयुगाक्षिप्तपंचेषु धनुर्भ्यामुच्चतोरणम्

kuṭilālakavaktrābhyāṁ munnatadhvajirājitam bhrūyugākṣiptapaṁceṣu dhanurbhyāmuccatoraṇam

—घुँघराले बालों वाले मुख वाले, ऊँची फहराती ध्वजा से सुशोभित, दोनों भौंहों से मानो कामदेव के धनुष खींचे हुए, ऊँचे तोरण वाले—

श्लोक 101 (padma.6.200.101)

नासालज्जितकीराभ्यां निर्व्यूहशतशोभितम् । नवविद्रुमसच्छायतलाभ्यां दर्पणामलम्

nāsālajjitakīrābhyāṁ nirvyūhaśataśobhitam navavidrumasacchāyatalābhyāṁ darpaṇāmalam

—नासिका से तोते को भी लज्जित करने वाले, सैकड़ों बालकनियों से सुशोभित, नए मूँगे-सी छटा वाले फर्श पर स्वच्छ दर्पण के समान—

श्लोक 102 (padma.6.200.102)

दिव्यांगौ भिल्लपंचास्यौ त्यक्त्वांगं प्राकृतं स्थितौ । पुरैव प्राणनिर्याणे तीर्थस्यास्य प्रभावतः

divyāṁgau bhillapaṁcāsyau tyaktvāṁgaṁ prākṛtaṁ sthitau puraiva prāṇaniryāṇe tīrthasyāsya prabhāvataḥ

—भील और सिंह दोनों, दिव्य शरीर धारण किए, प्राकृत शरीर त्यागकर वहाँ खड़े हुए — इस तीर्थ के प्रभाव से, प्राण निकलने के समय ही—

श्लोक 103 (padma.6.200.103)

तयोः समीपमानीय विमानौ तौ हरेर्गणौ । ऊचतुस्तावथारूपवेषाकृतिधरौ ततः

tayoḥ samīpamānīya vimānau tau harergaṇau ūcatustāvathārūpaveṣākṛtidharau tataḥ

—उनके निकट लाकर हरि के वे दोनों गण, ऐसे रूप-वेश-आकृति धारण किए हुए, फिर उनसे बोले—

श्लोक 104 (padma.6.200.104)

भो किरात नरश्रेष्ठ भो पंचास्य मृगाधिप । आवां जानीतमायातौ वैकुंठात् श्रीहरेर्गणौ

bho kirāta naraśreṣṭha bho paṁcāsya mṛgādhipa āvāṁ jānītamāyātau vaikuṁṭhāt śrīharergaṇau

'हे भील, नरश्रेष्ठ! हे पंचमुख सिंह, मृगराज! हमें जानो — हम दोनों वैकुंठ से आए श्रीहरि के गण हैं।'

श्लोक 105 (padma.6.200.105)

नेष्यामस्तत्पदं सत्यं युवां तत्र न चोर्मयः । स्वंस्वं विमानमारुह्य गम्यतामाशु मा चिरम्

neṣyāmastatpadaṁ satyaṁ yuvāṁ tatra na cormayaḥ svaṁsvaṁ vimānamāruhya gamyatāmāśu mā ciram

'हम तुम दोनों को सत्य में उसी पद पर ले जाएँगे, जहाँ तरंगें नहीं हैं। अपने-अपने विमान पर आरूढ़ होकर शीघ्र चलो, विलंब मत करो।'

श्लोक 106 (padma.6.200.106)

स्वंस्वं विमानमारूढौ तौ किरातमृगाधिपौ । ऊचतुर्विस्मयाविष्टौ लक्ष्मीपतिगणौ प्रति

svaṁsvaṁ vimānamārūḍhau tau kirātamṛgādhipau ūcaturvismayāviṣṭau lakṣmīpatigaṇau prati

अपने-अपने विमान पर आरूढ़ होकर वे भील और मृगराज, विस्मय से भरकर लक्ष्मीपति के उन गणों से बोले—

श्लोक 107 (padma.6.200.107)

भोभो त्रिदशशार्दूलौ श्रूयतां वाक्यमावयोः । युवयोर्दर्शनाज्जातं ज्ञानं तौ पारमार्थिकम्

bhobho tridaśaśārdūlau śrūyatāṁ vākyamāvayoḥ yuvayordarśanājjātaṁ jñānaṁ tau pāramārthikam

'हे देवश्रेष्ठो! हमारी बात सुनिए। तुम दोनों के दर्शन से हमें यह परमार्थ ज्ञान उत्पन्न हुआ है।'

श्लोक 108 (padma.6.200.108)

अत्र जन्मनि नावाभ्यां कृतं सुकृतमल्पकम् । स्मृतिर्नो जायते पूर्वकर्मणां वां प्रसादतः

atra janmani nāvābhyāṁ kṛtaṁ sukṛtamalpakam smṛtirno jāyate pūrvakarmaṇāṁ vāṁ prasādataḥ

'इस जन्म में हम दोनों ने थोड़ा भी सुकृत नहीं किया; फिर भी तुम दोनों की कृपा से हमें अपने पूर्व कर्मों का स्मरण हो आया है।'

श्लोक 109 (padma.6.200.109)

मांसाहारौ प्राणिहिंसारतौ क्रूरांतरेंद्रियौ । पापाचारकुले जातौ दर्शनेन भयप्रदौ

māṁsāhārau prāṇihiṁsāratau krūrāṁtareṁdriyau pāpācārakule jātau darśanena bhayapradau

'हम दोनों मांसाहारी, प्राणि-हिंसा में रत, क्रूर अंतःकरण वाले, पापाचारी कुल में जन्मे, देखने मात्र से भय उत्पन्न करने वाले हैं—'

श्लोक 110 (padma.6.200.110)

आवामेतादृशे लोके ह्यभूतामिति पापिनौ । केन पुण्येन युवयोर्जातं दर्शनमावयोः

āvāmetādṛśe loke hyabhūtāmiti pāpinau kena puṇyena yuvayorjātaṁ darśanamāvayoḥ

'—ऐसे पापी हम दोनों इस लोक में थे। किस पुण्य से हमें तुम दोनों का यह दर्शन प्राप्त हुआ?'

श्लोक 111 (padma.6.200.111)

सारूप्यं च कुतः पुण्याद्यायावः श्रीहरेः पदम् । गणावूचतुः । तीर्थेत्र मरणान्नूनं सुराचार्यकृते पुरा

sārūpyaṁ ca kutaḥ puṇyādyāyāvaḥ śrīhareḥ padam gaṇāvūcatuḥ tīrthetra maraṇānnūnaṁ surācāryakṛte purā

'और किस पुण्य से हमें तुम्हारा ही सारूप्य प्राप्त हुआ, कि हम श्रीहरि के पद को जा रहे हैं?' गणों ने कहा — 'निश्चय ही देव-गुरु द्वारा बनाए गए इस तीर्थ में मरने से पहले—'

श्लोक 112 (padma.6.200.112)

युवयोर्दर्शनं जातं नौ च सारूप्यमद्भुतम् । लक्ष्मीपतिपदपाप्तिर्भविष्यति च वां चिरम्

yuvayordarśanaṁ jātaṁ nau ca sārūpyamadbhutam lakṣmīpatipadapāptirbhaviṣyati ca vāṁ ciram

'—तुम दोनों को हमारा यह दर्शन और यह अद्भुत सारूप्य प्राप्त हुआ है; और तुम दोनों को लक्ष्मीपति के पद की प्राप्ति सदा के लिए होगी।'

श्लोक 113 (padma.6.200.113)

तावत्पापानि गर्जंति ब्रह्महत्यादिकानि वै । जातं न दर्शनं यावत्तीर्थस्यास्य बृहस्पतेः

tāvatpāpāni garjaṁti brahmahatyādikāni vai jātaṁ na darśanaṁ yāvattīrthasyāsya bṛhaspateḥ

'ब्रह्महत्या आदि पाप तभी तक गरजते हैं, जब तक बृहस्पति के इस तीर्थ का दर्शन नहीं होता।'

श्लोक 114 (padma.6.200.114)

यथा तमांसि नश्यंति भास्करस्योदयादिह । तथा पापानि निगमोद्बोधकस्याविलोकनात्

yathā tamāṁsi naśyaṁti bhāskarasyodayādiha tathā pāpāni nigamodbodhakasyāvilokanāt

'जैसे सूर्य के उदय से यहाँ अंधकार नष्ट हो जाता है, वैसे ही निगमोद्बोधक के दर्शन मात्र से पाप नष्ट हो जाते हैं।'

श्लोक 115 (padma.6.200.115)

इंद्रप्रस्थाख्यमेतद्वै क्षेत्रमिंद्रस्य पावनम् । तेनात्र पूजितो विष्णुः क्रतुभिर्बहुदक्षिणैः

iṁdraprasthākhyametadvai kṣetramiṁdrasya pāvanam tenātra pūjito viṣṇuḥ kratubhirbahudakṣiṇaiḥ

'इंद्रप्रस्थ नामक यह पवित्र क्षेत्र इंद्र का है; यहाँ उन्होंने अनेक दक्षिणाओं वाले यज्ञों से विष्णु की पूजा की थी।'

श्लोक 116 (padma.6.200.116)

तुष्टेन विष्णुना तस्मै वरो दत्तो निशम्यताम् । भो शक्र तावके क्षेत्रे सर्वतीर्थमये जनाः

tuṣṭena viṣṇunā tasmai varo datto niśamyatām bho śakra tāvake kṣetre sarvatīrthamaye janāḥ

'प्रसन्न विष्णु ने उन्हें एक वर दिया — वह सुनो — "हे शक्र! तुम्हारे इस समस्त-तीर्थमय क्षेत्र में जो लोग—"'

श्लोक 117 (padma.6.200.117)

तनुं त्यक्षंति ये ते वै मत्तुल्या हिंसका अपि

tanuṁ tyakṣaṁti ye te vai mattulyā hiṁsakā api

'—अपनी देह त्यागते हैं, वे, चाहे हमारे (इस भील और सिंह के) समान हिंसक ही क्यों न हों, मेरे समान बन जाते हैं।"'

श्लोक 118 (padma.6.200.118)

नारद उवाच- इत्युक्त्वा तौ गणःश्रेष्ठौ नीत्वा तौ जग्मतुः पदम् । हरेर्यत्रगतोभूयो विश्वाब्धौ न निमज्जति

nārada uvāca- ityuktvā tau gaṇaḥśreṣṭhau nītvā tau jagmatuḥ padam hareryatragatobhūyo viśvābdhau na nimajjati

नारद ने कहा — यह कहकर उन दोनों श्रेष्ठ गणों ने उन्हें साथ लेकर हरि के उस पद को प्रस्थान किया, जहाँ गया हुआ प्राणी फिर कभी संसार-सागर में नहीं डूबता।