देवल और वैश्य की कथा

श्लोक 1 (padma.6.201.1)

नारद उचाव- अथावरुह्य तौ वृक्षात्पितृपुत्रौ सुविस्मितौ । दृष्ट्वा हरिपदप्राप्तिमभूतां पापिनोरपि

nārada ucāva- athāvaruhya tau vṛkṣātpitṛputrau suvismitau dṛṣṭvā haripadaprāptimabhūtāṁ pāpinorapi

नारद ने कहा — फिर पापी होते हुए भी हरि-पद की प्राप्ति देखकर, अत्यंत विस्मित वे पिता-पुत्र वृक्ष से नीचे उतरे।

श्लोक 2 (padma.6.201.2)

शिवशर्माथ विप्रेंद्रः श्रुत्वा तीर्थस्तुतिं तदा । गणोक्तां विष्णुशर्माणमुवाच सुतमात्मनः

śivaśarmātha vipreṁdraḥ śrutvā tīrthastutiṁ tadā gaṇoktāṁ viṣṇuśarmāṇamuvāca sutamātmanaḥ

फिर श्रेष्ठ ब्राह्मण शिवशर्मा ने गणों द्वारा कही गई उस तीर्थ-स्तुति को सुनकर, अपने पुत्र विष्णुशर्मा से कहा।

श्लोक 3 (padma.6.201.3)

शिवशर्मोवाच- यत्पदं न सुलभं द्विजन्मनां साधितेन तपसापि लीलया । प्रापतुः शबरदंष्ट्रिणौ च तत्तीर्थराजमहिमा विलोक्य ताम्

śivaśarmovāca- yatpadaṁ na sulabhaṁ dvijanmanāṁ sādhitena tapasāpi līlayā prāpatuḥ śabaradaṁṣṭriṇau ca tattīrtharājamahimā vilokya tām

शिवशर्मा ने कहा — 'जो पद द्विजों को कठोर तप से साधने पर भी सुलभ नहीं होता, उसे भील और सिंह ने खेल-खेल में प्राप्त कर लिया — इस तीर्थराज की महिमा देखकर क्या कहा जाए!'

श्लोक 4 (padma.6.201.4)

जन्मनः प्रभृति तावदामृतेः पापिनावपि च यत्प्रभावतः । जग्मतुः सुत हरेः सरूपतामस्य तीर्थवृषभस्य का स्तुतिः

janmanaḥ prabhṛti tāvadāmṛteḥ pāpināvapi ca yatprabhāvataḥ jagmatuḥ suta hareḥ sarūpatāmasya tīrthavṛṣabhasya kā stutiḥ

'हे पुत्र! जन्म से मृत्यु तक पापी रहे हुए भी वे किसके प्रभाव से हरि के सरूप को प्राप्त हुए — इस श्रेष्ठ तीर्थ की क्या स्तुति की जाए?'

श्लोक 5 (padma.6.201.5)

शुद्धसत्वमपि रूपमैश्वरं क्वाम्बुजन्मजनिदेवदुर्ल्लभम् । तामसौ क्व मृगनाथभिल्लकौ किं तु तीर्थमिदमद्भुतक्रियम्

śuddhasatvamapi rūpamaiśvaraṁ kvāmbujanmajanidevadurllabham tāmasau kva mṛganāthabhillakau kiṁ tu tīrthamidamadbhutakriyam

'ब्रह्मा जैसे देवताओं के लिए भी दुर्लभ वह शुद्ध-सत्व ऐश्वर्य-रूप कहाँ, और तमोगुणी सिंह-भील कहाँ! फिर भी यह तीर्थ कैसी अद्भुत क्रिया करता है!'

श्लोक 6 (padma.6.201.6)

तात भो पतति वेधसः पदात्जंतुरंतमधिगम्य कर्मणाम् । अत्र देवगुरुनिर्मिते मृतिं प्राप्य माधवपदान्न विच्युतिः

tāta bho patati vedhasaḥ padātjaṁturaṁtamadhigamya karmaṇām atra devagurunirmite mṛtiṁ prāpya mādhavapadānna vicyutiḥ

'हे तात! कर्मों का अंत होने पर प्राणी ब्रह्मा के पद से भी गिर जाता है; किंतु देवगुरु द्वारा बनाए गए इस स्थान में मृत्यु प्राप्त करके माधव-पद से च्युति नहीं होती।'

श्लोक 7 (padma.6.201.7)

नारद उवाच- एवं प्रत्यक्षमालोक्य माहात्म्यं स द्विजोत्तमः । तीर्थस्यास्य गुरो राजन्स्नातुं तत्र प्रचक्रमे

nārada uvāca- evaṁ pratyakṣamālokya māhātmyaṁ sa dvijottamaḥ tīrthasyāsya guro rājansnātuṁ tatra pracakrame

नारद ने कहा — हे राजन्! इस गुरु के तीर्थ की महिमा को इस प्रकार प्रत्यक्ष देखकर वह श्रेष्ठ ब्राह्मण वहाँ स्नान करने लगा।

श्लोक 8 (padma.6.201.8)

मुख दंत पदानां सः कृत्वा शुद्धिं च चेतसः । पंचकच्छः शिखाबंधोपग्रही माधवं स्मरन्

mukha daṁta padānāṁ saḥ kṛtvā śuddhiṁ ca cetasaḥ paṁcakacchaḥ śikhābaṁdhopagrahī mādhavaṁ smaran

मुख, दाँत और पैरों की शुद्धि करके तथा मन को शुद्ध करके, वस्त्र को पाँच जगह खोंसकर, शिखा बाँधकर, माधव का स्मरण करते हुए—

श्लोक 9 (padma.6.201.9)

अश्वक्रांतेति श्लोकेन पाठेन तटमृत्तिकाम् । स्पृशंस्तयैव विदधत्तिलकं जलमाविशत्

aśvakrāṁteti ślokena pāṭhena taṭamṛttikām spṛśaṁstayaiva vidadhattilakaṁ jalamāviśat

—'अश्वक्रांता' श्लोक का पाठ करते हुए, उससे ही तट की मिट्टी का स्पर्श करते और उसी से तिलक करते हुए वे जल में प्रवेश कर गए।

श्लोक 10 (padma.6.201.10)

तत्र प्रवाहाभिमुखो निमज्जन्पुनरुत्थितः । पुनर्मग्नो हरिं स्मृत्वा गंगां च जनपावनीम्

tatra pravāhābhimukho nimajjanpunarutthitaḥ punarmagno hariṁ smṛtvā gaṁgāṁ ca janapāvanīm

वहाँ धारा के सम्मुख होकर डुबकी लगाई, फिर उठे, फिर हरि और जन-पावनी गंगा का स्मरण करके पुनः डूबे।

श्लोक 11 (padma.6.201.11)

अयोध्याद्यापुरीः सप्त पुनरुत्थाय संस्मरन् । पुनर्ममज्ज सलिले गोविंदार्पितमानसः

ayodhyādyāpurīḥ sapta punarutthāya saṁsmaran punarmamajja salile goviṁdārpitamānasaḥ

फिर उठकर अयोध्या आदि सात नगरियों का स्मरण करके, गोविंद में मन अर्पित करके पुनः जल में डूबे।

श्लोक 12 (padma.6.201.12)

कृत्वा यथाविधिस्नानं धौतवस्त्रे च पर्यधात् । बहिरागत्य तिलकं चक्रे च द्विजसत्तमः

kṛtvā yathāvidhisnānaṁ dhautavastre ca paryadhāt bahirāgatya tilakaṁ cakre ca dvijasattamaḥ

विधिपूर्वक स्नान करके, धुले वस्त्र पहनकर, बाहर आकर उस श्रेष्ठ ब्राह्मण ने तिलक किया।

श्लोक 13 (padma.6.201.13)

करपादशिखासूत्रैर्दर्भांश्च विदधद्वशी । संध्यां चकार विधिवत्तर्पणं त्रिविधं तथा

karapādaśikhāsūtrairdarbhāṁśca vidadhadvaśī saṁdhyāṁ cakāra vidhivattarpaṇaṁ trividhaṁ tathā

हाथ, पैर, शिखा और जनेऊ पर कुश धारण करके, उस संयमी ने विधिपूर्वक संध्या और त्रिविध तर्पण किया।

श्लोक 14 (padma.6.201.14)

सूर्याय कुसुमैर्दत्त्वा स जलैरर्घमादृतः । शिरोबद्धांजलिपुटो नमश्चक्रे द्विजोत्तमः

sūryāya kusumairdattvā sa jalairarghamādṛtaḥ śirobaddhāṁjalipuṭo namaścakre dvijottamaḥ

सूर्य को पुष्प चढ़ाकर, आदरपूर्वक जल से अर्घ्य देकर, उस श्रेष्ठ ब्राह्मण ने मस्तक तक हाथ जोड़कर नमस्कार किया।

श्लोक 15 (padma.6.201.15)

आवाहनादि नैवेद्यपर्यंतमथ विप्रराट् । जगत्पूज्यपदाब्जस्य विष्णोः पूजामचीकरत्

āvāhanādi naivedyaparyaṁtamatha viprarāṭ jagatpūjyapadābjasya viṣṇoḥ pūjāmacīkarat

फिर उस ब्राह्मण-श्रेष्ठ ने आवाहन से लेकर नैवेद्य तक, जगत् द्वारा पूज्य चरण-कमल वाले विष्णु की पूजा संपन्न की।

श्लोक 16 (padma.6.201.16)

कृतक्रियः सूपविष्टः तादृशं सुतमात्मनः । जगाद संस्मरन्पूर्वजन्मकर्मणि कृत्स्नशः

kṛtakriyaḥ sūpaviṣṭaḥ tādṛśaṁ sutamātmanaḥ jagāda saṁsmaranpūrvajanmakarmaṇi kṛtsnaśaḥ

अपने कृत्य पूरे करके, सुखपूर्वक बैठे हुए उन्होंने अपने वैसे ही पुत्र से, पूर्वजन्म के कर्म का संपूर्ण स्मरण करते हुए कहा—

श्लोक 17 (padma.6.201.17)

शिवशर्मोवाच- विष्णुशर्मन्न ते मिथ्या वाक्यं तात यतः स्मृतिः । अत्र स्नानेन मे जाता पूर्वेषां जन्मकर्मणाम्

śivaśarmovāca- viṣṇuśarmanna te mithyā vākyaṁ tāta yataḥ smṛtiḥ atra snānena me jātā pūrveṣāṁ janmakarmaṇām

शिवशर्मा ने कहा — 'हे विष्णुशर्मन्! हे पुत्र! तुम्हारा वचन मिथ्या नहीं था, क्योंकि यहाँ स्नान करने से मुझे अपने पूर्वजन्मों के कर्मों का स्मरण हो आया है।'

श्लोक 18 (padma.6.201.18)

आकर्णय माहाभाग कथयामि तवाग्रतः । पुराहमन्वये जातो विशां धनिकधर्मिणाम्

ākarṇaya māhābhāga kathayāmi tavāgrataḥ purāhamanvaye jāto viśāṁ dhanikadharmiṇām

'हे महाभाग! सुनो, मैं तुम्हारे सामने कहता हूँ। पहले मैं धनी और धर्मात्मा वैश्यों के वंश में जन्मा था।'

श्लोक 19 (padma.6.201.19)

पिता मे शरभो नाम्ना कान्यकुब्जे पुरेऽवसन् । वाणिज्येनार्जयन्वित्तं भूरिधर्मधनाश्रितः

pitā me śarabho nāmnā kānyakubje pure'vasan vāṇijyenārjayanvittaṁ bhūridharmadhanāśritaḥ

'मेरे पिता, शरभ नामक, कान्यकुब्ज नगर में रहते थे, व्यापार से धन कमाते हुए, प्रचुर धर्म-धन के आश्रित।'

श्लोक 20 (padma.6.201.20)

व्यतीतस्तु महान्कालस्तस्य नाभवदात्मजः । जरागृहीतदेहस्य तच्चिंतातुरचेतसः

vyatītastu mahānkālastasya nābhavadātmajaḥ jarāgṛhītadehasya tacciṁtāturacetasaḥ

'बहुत समय बीत गया, पर उनका कोई पुत्र नहीं हुआ; बुढ़ापे से जर्जर देह और उसी चिंता से व्याकुल मन वाले वे—'

श्लोक 21 (padma.6.201.21)

अचिंतयदहोरात्रमिति वैश्यवरस्तदा । विना सुतेन मे व्यर्थं धनं भूर्यपि संचितम्

aciṁtayadahorātramiti vaiśyavarastadā vinā sutena me vyarthaṁ dhanaṁ bhūryapi saṁcitam

'—रात-दिन यही सोचते रहते थे — पुत्र के बिना मेरा यह इतना संचित धन भी व्यर्थ है।'

श्लोक 22 (padma.6.201.22)

ऋते सुतमृणीलोके पितॄणां धनवानपि । सजलोऽपि विना वर्षं चातकानां यथा घनः

ṛte sutamṛṇīloke pitṝṇāṁ dhanavānapi sajalo'pi vinā varṣaṁ cātakānāṁ yathā ghanaḥ

'“पुत्र के बिना धनवान होते हुए भी मनुष्य इस लोक में पितरों का ऋणी रहता है — जैसे जल से भरा मेघ भी वर्षा के बिना चातक पक्षियों के लिए व्यर्थ है।“'

श्लोक 23 (padma.6.201.23)

पुमान्जयति संतत्या विश्वं धर्मधुरीणया । शक्त्या त्रिविधया राजा विपक्षमिव दुर्जयम्

pumānjayati saṁtatyā viśvaṁ dharmadhurīṇayā śaktyā trividhayā rājā vipakṣamiva durjayam

'“मनुष्य धर्मपरायण संतान से संसार को जीत लेता है, जैसे राजा तीन प्रकार की शक्ति से दुर्जेय शत्रु को जीत लेता है।“'

श्लोक 24 (padma.6.201.24)

प्रीणाति संततिः शुद्धा सुमनः पितृमानवान् । मित्रप्रत्यर्थ्यु यदासीनान्सूनृता वाग्यथेरिता

prīṇāti saṁtatiḥ śuddhā sumanaḥ pitṛmānavān mitrapratyarthyu yadāsīnānsūnṛtā vāgyatheritā

'“शुद्ध संतान पितरों और सज्जन मनुष्यों को प्रसन्न करती है, जैसे मीठी वाणी मित्र और शत्रु दोनों को प्रसन्न कर देती है।“'

श्लोक 25 (padma.6.201.25)

उदयस्थेन पुत्रेण वर्द्धते स्वयशः पितुः । निर्मलं द्विजराजेन नीरं तीरनिधेरिव

udayasthena putreṇa varddhate svayaśaḥ pituḥ nirmalaṁ dvijarājena nīraṁ tīranidheriva

'“उदयशील पुत्र से पिता का यश बढ़ता है, जैसे चंद्रमा से निर्मल समुद्र का जल बढ़ता है।“'

श्लोक 26 (padma.6.201.26)

तस्माद्यतेत्सुतोत्पत्यै शरीरेण धनेन वा । तमृते हि द्वयं व्यर्थं जनानां तडिदायुषाम्

tasmādyatetsutotpatyai śarīreṇa dhanena vā tamṛte hi dvayaṁ vyarthaṁ janānāṁ taḍidāyuṣām

'“इसलिए शरीर या धन से पुत्र-प्राप्ति का प्रयत्न करना चाहिए; उसके बिना दोनों ही बिजली-सी क्षणभंगुर आयु वाले मनुष्यों के लिए व्यर्थ हैं।“'

श्लोक 27 (padma.6.201.27)

एवं चिंतयतस्तस्य गृहे मुनिवरस्तदा । देवलोऽतीद्रियज्ञानो वरं दातुं समाययौ

evaṁ ciṁtayatastasya gṛhe munivarastadā devalo'tīdriyajñāno varaṁ dātuṁ samāyayau

'इस प्रकार सोचते हुए उनके घर, दिव्य ज्ञान से युक्त श्रेष्ठ मुनि देवल एक बार वर देने के लिए आ पहुँचे।'

श्लोक 28 (padma.6.201.28)

आगतं तं समालोक्य प्रत्युत्थायासनात्पिता । दत्त्वार्घमथ पाद्यं च ववंदे शिरसा मुनिम्

āgataṁ taṁ samālokya pratyutthāyāsanātpitā dattvārghamatha pādyaṁ ca vavaṁde śirasā munim

'उन्हें आया देखकर मेरे पिता आसन से उठकर, अर्घ्य और पाद्य देकर, मस्तक झुकाकर मुनि को प्रणाम करने लगे।'

श्लोक 29 (padma.6.201.29)

उपवेश्यासने दत्ते स्वहस्तेन पिता मम । पप्रच्छ च मुनिश्रेष्ठं देवलं देवदर्शनम्

upaveśyāsane datte svahastena pitā mama papraccha ca muniśreṣṭhaṁ devalaṁ devadarśanam

'अपने ही हाथ से दिए गए आसन पर उन्हें बिठाकर, मेरे पिता ने दिव्य-दृष्टि वाले श्रेष्ठ मुनि देवल से पूछा—'

श्लोक 30 (padma.6.201.30)

स्वागतं तु मुनिश्रेष्ठ शमस्ति भवतां कुले । तपः स्वाध्यायनियमा निष्प्रत्यूहा भवंति च

svāgataṁ tu muniśreṣṭha śamasti bhavatāṁ kule tapaḥ svādhyāyaniyamā niṣpratyūhā bhavaṁti ca

'“स्वागत है, हे श्रेष्ठ मुनि! आपके समुदाय में कुशल तो है? आपके तप, स्वाध्याय और नियम बिना विघ्न के तो चल रहे हैं?“'

श्लोक 31 (padma.6.201.31)

काले चातिथयः कच्चिदायांति भवदाश्रमे । कच्चिदाश्रमवृक्षा वः फलंति मनसेप्सितम्

kāle cātithayaḥ kaccidāyāṁti bhavadāśrame kaccidāśramavṛkṣā vaḥ phalaṁti manasepsitam

'“क्या समय पर अतिथि आपके आश्रम में आते हैं? क्या आपके आश्रम के वृक्ष मन के अनुरूप फल देते हैं?“'

श्लोक 32 (padma.6.201.32)

व्याघ्रादयो न कुर्वंति कच्चिद्वैरं मृगादिभिः । त्वदीयाश्रममभ्येत्य भ्रातरो भ्रातृभिर्यथा

vyāghrādayo na kurvaṁti kaccidvairaṁ mṛgādibhiḥ tvadīyāśramamabhyetya bhrātaro bhrātṛbhiryathā

'“क्या बाघ आदि पशु आपके आश्रम में आकर हिरण आदि से वैर नहीं करते, जैसे भाई भाइयों के साथ न करें?“'

श्लोक 33 (padma.6.201.33)

तवाटनं भुवि मुदे गृहिणामन्यथा कथम् । तेषां गृहाधिमग्नानां दर्शनं क्व भवादृशः

tavāṭanaṁ bhuvi mude gṛhiṇāmanyathā katham teṣāṁ gṛhādhimagnānāṁ darśanaṁ kva bhavādṛśaḥ

'“आपका पृथ्वी पर विचरण गृहस्थों के हर्ष के लिए ही है; अन्यथा घर में डूबे रहने वाले उनको आप-जैसों का दर्शन कैसे मिले?“'

श्लोक 34 (padma.6.201.34)

हरिपादरजोबुद्धेः कामं कामो न कुत्रचित् । मुने तव तथाप्याशु हेतुमागमने वद

haripādarajobuddheḥ kāmaṁ kāmo na kutracit mune tava tathāpyāśu hetumāgamane vada

'“हरि के चरण-रज में लगी बुद्धि वाले को कहीं भी कोई कामना नहीं होती; फिर भी, हे मुने! आपके आगमन का कारण शीघ्र बताइए।“'

श्लोक 35 (padma.6.201.35)

शिवशर्मोवाच- इत्युक्तस्तेन स मुनिर्देवलो देवपूजितः । अब्रवीत्तन्मनोभावं ज्ञातुकामो विशांपतिम्

śivaśarmovāca- ityuktastena sa munirdevalo devapūjitaḥ abravīttanmanobhāvaṁ jñātukāmo viśāṁpatim

शिवशर्मा ने कहा — इस प्रकार कहे जाने पर, देवताओं द्वारा पूजित मुनि देवल ने, उस वैश्य का मनोभाव जानने की इच्छा से कहा।

श्लोक 36 (padma.6.201.36)

देवल उवाच- वैश्यवर्य त्वया भूरि धनं धर्मेण संचितम् । करोषि येन धर्मज्ञ नित्यनैमित्तिकी क्रियाः

devala uvāca- vaiśyavarya tvayā bhūri dhanaṁ dharmeṇa saṁcitam karoṣi yena dharmajña nityanaimittikī kriyāḥ

देवल ने कहा — 'हे श्रेष्ठ वैश्य! तुमने धर्म से बहुत धन संचित किया है, जिससे, हे धर्मज्ञ! तुम नित्य-नैमित्तिक कर्म करते हो।'

श्लोक 37 (padma.6.201.37)

आदरं राजसदसि धनेन लभते नरः । सुभटः शत्रुसंग्रामे विक्रमेण यथा जयम्

ādaraṁ rājasadasi dhanena labhate naraḥ subhaṭaḥ śatrusaṁgrāme vikrameṇa yathā jayam

'मनुष्य राजसभा में धन से आदर पाता है, जैसे योद्धा शत्रु-युद्ध में पराक्रम से विजय पाता है।'

श्लोक 38 (padma.6.201.38)

गृहस्थस्तु धनं प्राप्य परां पुष्टिं व्रजत्यलम् । शरत्परिणतं सस्यमनड्वानिव विश्पते

gṛhasthastu dhanaṁ prāpya parāṁ puṣṭiṁ vrajatyalam śaratpariṇataṁ sasyamanaḍvāniva viśpate

'गृहस्थ धन पाकर परम पुष्टि को प्राप्त होता है, जैसे बैल शरद ऋतु में पके अन्न से पुष्ट होता है, हे प्रजापालक!'

श्लोक 39 (padma.6.201.39)

धनिनां न विमुंचंति बंधवोऽन्ये च ये जनाः । मधुमत्सुमनो युक्तं पादपं मधुपा इव

dhanināṁ na vimuṁcaṁti baṁdhavo'nye ca ye janāḥ madhumatsumano yuktaṁ pādapaṁ madhupā iva

'धनवानों को बांधव और अन्य लोग नहीं छोड़ते, जैसे भ्रमर मधुयुक्त खिले वृक्ष को नहीं छोड़ते।'

श्लोक 40 (padma.6.201.40)

धनाभावेन गृहिणां कृशत्वमुपजायते । सर्वतो ग्रीष्मसमये नभसां सरसामिव

dhanābhāvena gṛhiṇāṁ kṛśatvamupajāyate sarvato grīṣmasamaye nabhasāṁ sarasāmiva

'धन के अभाव से गृहस्थों की काया क्षीण हो जाती है, जैसे ग्रीष्म ऋतु में आकाश को प्रतिबिंबित करने वाले सरोवर हर ओर से सूख जाते हैं।'

श्लोक 41 (padma.6.201.41)

तद्धनं वर्त्तते भूरि गृहे तव विशांपते । कुतः कृशत्वमंगानां गोप्यं चेन्न वदाद्य मे

taddhanaṁ varttate bhūri gṛhe tava viśāṁpate kutaḥ kṛśatvamaṁgānāṁ gopyaṁ cenna vadādya me

'हे प्रजापालक! तुम्हारे घर में तो प्रचुर धन है, फिर तुम्हारे अंगों की यह क्षीणता किस कारण से है? यदि छिपाने योग्य नहीं है तो आज मुझे बताओ।'

श्लोक 42 (padma.6.201.42)

वैश्य उवाच- हितोपदेशविरता भवंतः पितरो यथा । गोपनीयं भवद्भ्यः किं मादृशैः पुत्रतां गतैः

vaiśya uvāca- hitopadeśaviratā bhavaṁtaḥ pitaro yathā gopanīyaṁ bhavadbhyaḥ kiṁ mādṛśaiḥ putratāṁ gataiḥ

वैश्य ने कहा — 'आप जैसे हितोपदेश देने से कभी न थकने वाले पिता-तुल्य हैं; आप जैसों से मुझ जैसे पुत्र-भाव प्राप्त लोगों को क्या छिपाना?'

श्लोक 43 (padma.6.201.43)

त्वत्प्रसादान्मुनिश्रेष्ठ सर्वतोऽस्ति शिवं मम । वार्द्धकेपि सुताभावो दुःखमेकमिदं मम

tvatprasādānmuniśreṣṭha sarvato'sti śivaṁ mama vārddhakepi sutābhāvo duḥkhamekamidaṁ mama

'हे श्रेष्ठ मुनि! आपकी कृपा से मेरा सब कुछ शुभ है; बुढ़ापे में भी पुत्र का अभाव ही मेरा एकमात्र दुःख है।'

श्लोक 44 (padma.6.201.44)

तस्मात्कृशत्वमंगानां विद्धि मे मुनिपुंगव । बिभेम्यहं पितृऋणाद्यतोऽधः पतनं नृणाम्

tasmātkṛśatvamaṁgānāṁ viddhi me munipuṁgava bibhemyahaṁ pitṛṛṇādyato'dhaḥ patanaṁ nṛṇām

'इसीलिए, हे मुनिश्रेष्ठ! मेरे अंगों की यह क्षीणता जानो। मैं पितृ-ऋण से डरता हूँ, जिससे मनुष्यों का पतन होता है।'

श्लोक 45 (padma.6.201.45)

तमुपायं कुरु मुने येन स्यां सुतवानहम् । किंचित्कर्तुमशक्यं न भूतलेऽत्र भवादृशैः

tamupāyaṁ kuru mune yena syāṁ sutavānaham kiṁcitkartumaśakyaṁ na bhūtale'tra bhavādṛśaiḥ

'हे मुने! ऐसा उपाय करो जिससे मैं पुत्रवान हो जाऊँ। इस पृथ्वी पर आप जैसों के लिए कुछ भी असाध्य नहीं है।'

श्लोक 46 (padma.6.201.46)

शिवशर्मोवाच- इत्याकर्ण्य वचस्तस्य वैश्यवर्यस्य देवलः । मनः क्षणं स्थिरं कृत्वा दध्यौ मीलितलोचनः

śivaśarmovāca- ityākarṇya vacastasya vaiśyavaryasya devalaḥ manaḥ kṣaṇaṁ sthiraṁ kṛtvā dadhyau mīlitalocanaḥ

शिवशर्मा ने कहा — उस श्रेष्ठ वैश्य के इस वचन को सुनकर देवल ने क्षण भर मन को स्थिर करके आँखें बंद कर ध्यान लगाया।

श्लोक 47 (padma.6.201.47)

संततेर्मत्पितुर्दृष्ट्वा प्रतिबंधस्य कारणम् । देवलोतींद्रियज्ञानी बभाषे कारयन्स्मृतिम्

saṁtatermatpiturdṛṣṭvā pratibaṁdhasya kāraṇam devalotīṁdriyajñānī babhāṣe kārayansmṛtim

मेरे पिता की संतति में बाधा का कारण देखकर, दिव्य ज्ञान वाले देवल ने स्मरण कराते हुए कहा—

श्लोक 48 (padma.6.201.48)

देवल उवाच- एकदा तु पुरा वैश्य तवेयं धर्मचारिणी । यं चकार स्वचित्ते तं कथयामि मनोरथम्

devala uvāca- ekadā tu purā vaiśya taveyaṁ dharmacāriṇī yaṁ cakāra svacitte taṁ kathayāmi manoratham

देवल ने कहा — 'हे वैश्य! पहले एक बार तुम्हारी इस धर्मपरायणा पत्नी ने अपने मन में जो संकल्प किया था, वह मनोरथ मैं तुम्हें बताता हूँ।'

श्लोक 49 (padma.6.201.49)

गुर्विणी यद्यहं गौरि भवेऽहं शंभुवल्लभे । तदा त्वां तोषयिष्यामि षड्रसान्वितभोजनैः

gurviṇī yadyahaṁ gauri bhave'haṁ śaṁbhuvallabhe tadā tvāṁ toṣayiṣyāmi ṣaḍrasānvitabhojanaiḥ

'“हे गौरी, शंभु की प्रिया! यदि मैं गर्भवती होऊँ, तो मैं तुम्हें षड्रस भोजन से संतुष्ट करूँगी—“'

श्लोक 50 (padma.6.201.50)

धूपदीपकमालाभिस्तांबूलैर्नृत्यबाधकैः । तंत्रीमुखोद्गतैर्गीतैर्नानाविधविलेपनैः

dhūpadīpakamālābhistāṁbūlairnṛtyabādhakaiḥ taṁtrīmukhodgatairgītairnānāvidhavilepanaiḥ

'“—धूप-दीप-माला से, ताम्बूल से, नृत्य-गीत से, विविध विलेपनों से।“'

श्लोक 51 (padma.6.201.51)

एवं प्रतिश्रुत्य पुरः सखीनां दयिता तव । प्रतीक्षमाणा तं कालं तस्थौ तद्भक्तिसंयुता

evaṁ pratiśrutya puraḥ sakhīnāṁ dayitā tava pratīkṣamāṇā taṁ kālaṁ tasthau tadbhaktisaṁyutā

'इस प्रकार सखियों के सामने प्रतिज्ञा करके तुम्हारी प्रिय पत्नी उस समय की प्रतीक्षा करती हुई, उस देवी के प्रति भक्तिभाव से युक्त रही।'

श्लोक 52 (padma.6.201.52)

तस्मिन्नेवाभवद्गर्भो मासेऽस्या योषितस्तव । ऊचुरेनां ततः सख्यः सर्वाः सस्नेहचेतसः

tasminnevābhavadgarbho māse'syā yoṣitastava ūcurenāṁ tataḥ sakhyaḥ sarvāḥ sasnehacetasaḥ

'उसी मास में तुम्हारी पत्नी को गर्भ रह गया। तब उसकी सभी सखियों ने स्नेहपूर्ण मन से उससे कहा—'

श्लोक 53 (padma.6.201.53)

यस्त्वया वांछितो गर्भो गौर्या संप्रतिपादितः । अतः प्रतिश्रुतं देव्याः पूजनं सुभगे कुरु

yastvayā vāṁchito garbho gauryā saṁpratipāditaḥ ataḥ pratiśrutaṁ devyāḥ pūjanaṁ subhage kuru

'“जो गर्भ तुमने चाहा था, वह गौरी ने दे दिया; इसलिए, हे सुभगे! अब देवी के लिए प्रतिज्ञात पूजा करो।“'

श्लोक 54 (padma.6.201.54)

नोचेद्विकाराद्भवति विघ्नं तु तदनुष्ठितात् । तोषिता रोषिताश्चात्र देव्यो हि वरशापदाः

nocedvikārādbhavati vighnaṁ tu tadanuṣṭhitāt toṣitā roṣitāścātra devyo hi varaśāpadāḥ

'“नहीं तो उसकी उपेक्षा से विघ्न उत्पन्न होता है; प्रसन्न या रुष्ट होने पर देवियाँ वर और शाप, दोनों देती हैं।“'

श्लोक 55 (padma.6.201.55)

सखीभिरिति ते भार्या कथितेयं मुदान्विता । त्वामुवाच महाभागा विनयेन पतिव्रता

sakhībhiriti te bhāryā kathiteyaṁ mudānvitā tvāmuvāca mahābhāgā vinayena pativratā

'सखियों से यह सुनकर तुम्हारी वह अत्यंत भाग्यशाली, पतिव्रता पत्नी हर्षित होकर तुमसे विनयपूर्वक बोली—'

श्लोक 56 (padma.6.201.56)

नाथ पूजयितुं गौरीं वांछाम्यखिलकामदाम् । यत्प्रसादादहं याता वांछितार्थवती प्रभो

nātha pūjayituṁ gaurīṁ vāṁchāmyakhilakāmadām yatprasādādahaṁ yātā vāṁchitārthavatī prabho

'“हे नाथ! मैं सर्वकामना पूर्ण करने वाली गौरी की पूजा करना चाहती हूँ, जिनकी कृपा से मुझे मेरी इच्छित वस्तु प्राप्त हुई है, हे प्रभो!“'

श्लोक 57 (padma.6.201.57)

वैश्यवर्य त्वमेवैतच्छ्रुत्वास्या वचनं शुभम् । अमन्यत गर्भवतीमेनां निजगृहेश्वरीम्

vaiśyavarya tvamevaitacchrutvāsyā vacanaṁ śubham amanyata garbhavatīmenāṁ nijagṛheśvarīm

'हे श्रेष्ठ वैश्य! तुमने भी उसकी यह शुभ बात सुनकर अपने घर की स्वामिनी को गर्भवती जान लिया।'

श्लोक 58 (padma.6.201.58)

परमोत्सवया मोदमानः सद्यो भवानपि । भृत्यानाज्ञापयामास पूजावस्तूपपादने

paramotsavayā modamānaḥ sadyo bhavānapi bhṛtyānājñāpayāmāsa pūjāvastūpapādane

'परम उत्सव से हर्षित होकर तुमने भी तुरंत सेवकों को पूजा-सामग्री जुटाने की आज्ञा दी।'

श्लोक 59 (padma.6.201.59)

तैरानाय्य समस्तानि वस्तूनि भवता ततः । अस्यै दत्तानि मध्वन्न द्राक्षा गंधादिकान्यपि

tairānāyya samastāni vastūni bhavatā tataḥ asyai dattāni madhvanna drākṣā gaṁdhādikānyapi

'उनके द्वारा लाई गई सारी वस्तुएँ, फिर तुमने उसे दीं — मधु, अन्न, अंगूर, गंध आदि।'

श्लोक 60 (padma.6.201.60)

ततो निजसखीः सर्वा आहूयेदमिदं जगौ । सख्यः समस्ताः सामग्री समानीतांबिकार्चने

tato nijasakhīḥ sarvā āhūyedamidaṁ jagau sakhyaḥ samastāḥ sāmagrī samānītāṁbikārcane

'फिर उसने अपनी सभी सखियों को बुलाकर कहा — हे सखियो! अंबिका की पूजा के लिए यह सामग्री लाई गई है—'

श्लोक 61 (padma.6.201.61)

नीत्वा पूजोपकरणं यूयं यातांबिकालयम् । संतोषयत तां देवीं पूजया विधिदृष्टया

nītvā pūjopakaraṇaṁ yūyaṁ yātāṁbikālayam saṁtoṣayata tāṁ devīṁ pūjayā vidhidṛṣṭayā

'—यह पूजा-सामग्री लेकर तुम सब अंबिका के मंदिर जाओ; विधिवत् पूजा से उस देवी को संतुष्ट करो।'

श्लोक 62 (padma.6.201.62)

गुर्विणीति कुलेऽस्माकं न निर्याति गृहाद्बहिः । अतोऽहं नागमिष्यामि यूयं यात तदर्चने

gurviṇīti kule'smākaṁ na niryāti gṛhādbahiḥ ato'haṁ nāgamiṣyāmi yūyaṁ yāta tadarcane

'—हमारे कुल में गर्भवती स्त्री घर से बाहर नहीं जाती; इसलिए मैं नहीं आऊँगी, तुम सब उसकी पूजा के लिए जाओ।'

श्लोक 63 (padma.6.201.63)

इत्याज्ञप्तास्तु ताः सख्यो नीत्वोपकरणं ययुः । अंबिकालयमुन्मत्तभ्रमद्भ्रमरकेतनम्

ityājñaptāstu tāḥ sakhyo nītvopakaraṇaṁ yayuḥ aṁbikālayamunmattabhramadbhramaraketanam

'इस प्रकार आज्ञा पाकर वे सखियाँ सामग्री लेकर अंबिका के मंदिर गईं, जहाँ उन्मत्त होकर मंडराते भ्रमरों की ध्वजाएँ थीं—'

श्लोक 64 (padma.6.201.64)

कोकिलाकुलसंकेलि सहकारकुलाकुलम् । हंससारसचक्राह्वमंडितं स्वच्छसारसम्

kokilākulasaṁkeli sahakārakulākulam haṁsasārasacakrāhvamaṁḍitaṁ svacchasārasam

'—जो कोयलों की क्रीड़ा-ध्वनि से गुंजित आम्र-वृक्षों से घिरा, हंस-सारस-चक्रवाकों से सुशोभित, स्वच्छ सरोवरों से युक्त था—'

श्लोक 65 (padma.6.201.65)

महादेवगुणालापि शुकसारिसमावृतम् । हारपूरालतासेके तत्परो मा सखीधरम्

mahādevaguṇālāpi śukasārisamāvṛtam hārapūrālatāseke tatparo mā sakhīdharam

'—जहाँ शुक-सारिकाएँ महादेव के गुण बोलती थीं, जहाँ माला-रूपी लताओं को निरंतर सींचा जाता था—'

श्लोक 66 (padma.6.201.66)

उमापतेरुमापादन्यासपूतमहीतलम् । स्फटिकोपलसंबद्ध जलाधारसुरद्रुमम्

umāpaterumāpādanyāsapūtamahītalam sphaṭikopalasaṁbaddha jalādhārasuradrumam

'—जहाँ उमा के चरणों के स्पर्श से भूमि पवित्र थी, स्फटिक-पत्थरों से बने जलाशयों और कल्पवृक्षों से युक्त था—'

श्लोक 67 (padma.6.201.67)

पार्वतीपतिसंनाट्य गायद्गंधर्वनादितम् । मन्दानिलमनाग्धूत चूतचंपककोरकम्

pārvatīpatisaṁnāṭya gāyadgaṁdharvanāditam mandānilamanāgdhūta cūtacaṁpakakorakam

'—जहाँ पार्वतीपति के नृत्य के विषय में गाते गंधर्वों की ध्वनि गूँजती थी, मंद वायु से हिलते आम्र और चंपक के कोंपल थे—'

श्लोक 68 (padma.6.201.68)

नृत्यन्मयूरनिर्ह्राद प्रतिनादिलतागृहम् । तल्लीलाचलविद्योतमानं रत्नलसत्प्रभम्

nṛtyanmayūranirhrāda pratinādilatāgṛham tallīlācalavidyotamānaṁ ratnalasatprabham

'—जहाँ नाचते मोरों की गूँज से लता-कुंज प्रतिध्वनित होते थे, और रत्नों की चमक से देदीप्यमान क्रीड़ा-पर्वत सुशोभित थे।'

श्लोक 69 (padma.6.201.69)

तत्र गत्वा गिरिसुतां प्रणेमुस्ताः सभर्तृकाः । प्रदक्षिणीकृत्य ततो भक्त्या तां च बभाषिरे

tatra gatvā girisutāṁ praṇemustāḥ sabhartṛkāḥ pradakṣiṇīkṛtya tato bhaktyā tāṁ ca babhāṣire

'वहाँ जाकर वे विवाहित स्त्रियाँ पर्वत-पुत्री को प्रणाम करने लगीं; फिर प्रदक्षिणा करके भक्तिपूर्वक उनसे बोलीं—'

श्लोक 70 (padma.6.201.70)

जगदंबे नमतुभ्यं शन्नो देहि शिवप्रिये । त्वत्पूजार्थे समानीतो बलिरेष प्रगृह्यताम्

jagadaṁbe namatubhyaṁ śanno dehi śivapriye tvatpūjārthe samānīto balireṣa pragṛhyatām

'“हे जगदंबे! तुम्हें नमस्कार है, हे शिव-प्रिये! हमें कल्याण दो। तुम्हारी पूजा के लिए लाया गया यह बलि ग्रहण करो—“'

श्लोक 71 (padma.6.201.71)

वैश्यस्तु शरभो नाम्ना तस्यास्ति ललितांगना । तयाभिलषितो गर्भस्तत्प्राप्तौ तव पूजनम्

vaiśyastu śarabho nāmnā tasyāsti lalitāṁganā tayābhilaṣito garbhastatprāptau tava pūjanam

'“—शरभ नामक एक वैश्य है, जिसकी सुंदर पत्नी है। उसने गर्भ की कामना की थी, और उसे पाकर तुम्हारी पूजा का संकल्प लिया—“'

श्लोक 72 (padma.6.201.72)

त्वत्प्रसादादभूत्तस्याः स गर्भः शंभुवल्लभे । त्वत्पूजनाय प्रहितो बलिरस्माभिरेषकः

tvatprasādādabhūttasyāḥ sa garbhaḥ śaṁbhuvallabhe tvatpūjanāya prahito balirasmābhireṣakaḥ

'“—तुम्हारी कृपा से ही उसे वह गर्भ प्राप्त हुआ, हे शंभु-प्रिये! तुम्हारी पूजा के लिए हमने यह बलि भेजा है—“'

श्लोक 73 (padma.6.201.73)

तस्याः कुले गर्भवती न निरेति बहिर्गृहात् । अतः सा नागता देवि प्रसीदैन गृहाण वै

tasyāḥ kule garbhavatī na nireti bahirgṛhāt ataḥ sā nāgatā devi prasīdaina gṛhāṇa vai

'“—उसके कुल में गर्भवती स्त्री घर से बाहर नहीं जाती; इसलिए वह नहीं आई, हे देवी! प्रसन्न होकर इसे ग्रहण करो।“'

श्लोक 74 (padma.6.201.74)

इत्युक्त्वा तां तदा वैश्य त्वत्स्त्रीसख्यस्तु तं बलिम् । समर्पयित्वा विधिवदानर्चुश्चंदनादिभिः

ityuktvā tāṁ tadā vaiśya tvatstrīsakhyastu taṁ balim samarpayitvā vidhivadānarcuścaṁdanādibhiḥ

'हे वैश्य! ऐसा कहकर तुम्हारी पत्नी की उन सखियों ने वह बलि विधिपूर्वक अर्पित करके चंदन आदि से उनकी पूजा की।'

श्लोक 75 (padma.6.201.75)

प्रतिवाक्यमलब्ध्वा ता गौर्या प्रत्याययुर्गृहम् । निजसख्यै समाचख्युर्विषण्णां तां शिवप्रियाम्

prativākyamalabdhvā tā gauryā pratyāyayurgṛham nijasakhyai samācakhyurviṣaṇṇāṁ tāṁ śivapriyām

'कोई उत्तर न पाकर वे गौरी से लौटकर घर आईं, और अपनी सखी से कहा कि शिव-प्रिया विषण्ण-सी प्रतीत हुईं।'

श्लोक 76 (padma.6.201.76)

तासामाकर्ण्य वचनमिति वैश्य तवाबला । उन्मनाश्चिंतयामास कुतो गौरीनपि प्रिये

tāsāmākarṇya vacanamiti vaiśya tavābalā unmanāściṁtayāmāsa kuto gaurīnapi priye

'हे वैश्य! उनकी यह बात सुनकर तुम्हारी वह पत्नी उद्विग्न होकर सोचने लगी — गौरी प्रसन्न क्यों नहीं हुईं—'

श्लोक 77 (padma.6.201.77)

सा जानाति यथा भक्तिस्तत्पूजाया कृता मया । तादृशीनां किमज्ञातं बाह्यं चाभ्यंतरं नृणाम्

sā jānāti yathā bhaktistatpūjāyā kṛtā mayā tādṛśīnāṁ kimajñātaṁ bāhyaṁ cābhyaṁtaraṁ nṛṇām

'—वे तो जानती हैं कि मैंने कितनी भक्ति से उनकी पूजा की; ऐसों से मनुष्यों का बाहरी-भीतरी कुछ भी अज्ञात नहीं होता।'

श्लोक 78 (padma.6.201.78)

न गताहं यतस्तत्र तज्जानात्यपि कारणम् । मया दत्तेन बलिना कुतः सा न तुतोष वै

na gatāhaṁ yatastatra tajjānātyapi kāraṇam mayā dattena balinā kutaḥ sā na tutoṣa vai

'—मैं स्वयं वहाँ नहीं गई, इसका कारण भी वे जानती ही होंगी; फिर मेरे भेजे बलि से वे संतुष्ट क्यों नहीं हुईं?'

श्लोक 79 (padma.6.201.79)

नाहमन्यत्प्रजानामि तदतोषे हि कारणम् । ऋते मदगतेस्तत्र नूनं रम्ये तदालये

nāhamanyatprajānāmi tadatoṣe hi kāraṇam ṛte madagatestatra nūnaṁ ramye tadālaye

'—मैं अन्य कोई कारण नहीं जानती; निश्चय ही उनके उस रमणीय मंदिर में मेरे न जाने के अतिरिक्त कोई और कारण नहीं हो सकता।'

श्लोक 80 (padma.6.201.80)

यदतीतं न तच्छक्यमन्यथाकर्तुमद्य वै । गर्भान्मुक्ता गमिष्यामि तत्पूजायै तदालये

yadatītaṁ na tacchakyamanyathākartumadya vai garbhānmuktā gamiṣyāmi tatpūjāyai tadālaye

'—जो बीत गया, उसे आज बदला नहीं जा सकता। गर्भ से मुक्त होने पर मैं स्वयं उनके मंदिर में उनकी पूजा के लिए जाऊँगी।'

श्लोक 81 (padma.6.201.81)

नमस्तस्यै महादेव भार्यायै सा करोतु शम् । इत्युक्त्वा दधती गर्भं तस्थौ वैश्य तवांगना

namastasyai mahādeva bhāryāyai sā karotu śam ityuktvā dadhatī garbhaṁ tasthau vaiśya tavāṁganā

'—महादेव की उस पत्नी को नमस्कार है, वे मेरा कल्याण करें।' ऐसा कहते हुए, हे वैश्य! गर्भ धारण किए हुए तुम्हारी पत्नी रहने लगी।'

श्लोक 82 (padma.6.201.82)

शिवशर्मोवाच- विष्णुशर्मन्निदं पूर्ववृत्तमाज्ञाय मत्पिता । पप्रच्छ मुनिशार्दूलं देवलं ज्ञानवत्तरम्

śivaśarmovāca- viṣṇuśarmannidaṁ pūrvavṛttamājñāya matpitā papraccha muniśārdūlaṁ devalaṁ jñānavattaram

शिवशर्मा ने कहा — हे विष्णुशर्मन्! यह पूर्व-वृत्तांत जानकर मेरे पिता ने ज्ञान-संपन्न मुनिश्रेष्ठ देवल से पूछा।

श्लोक 83 (padma.6.201.83)

वैश्य उवाच- मुने यथा प्रतिश्रुता पूजा ते स्नुषया तया । तथैवाकारि पार्वत्या विषादे कारणं वद

vaiśya uvāca- mune yathā pratiśrutā pūjā te snuṣayā tayā tathaivākāri pārvatyā viṣāde kāraṇaṁ vada

वैश्य ने कहा — 'हे मुने! जैसी पूजा मेरी इस पुत्रवधू ने प्रतिज्ञा की थी, वैसी ही पार्वती की पूजा हुई; फिर उनकी विषण्णता का कारण बताइए।'

श्लोक 84 (padma.6.201.84)

यतोऽसौ न गता तत्र तज्जानाति शिवास्वतः । सखीभ्यश्चोक्तमस्यास्तद्विषण्णा सा कुतोभवत्

yato'sau na gatā tatra tajjānāti śivāsvataḥ sakhībhyaścoktamasyāstadviṣaṇṇā sā kutobhavat

'चूँकि वह वहाँ स्वयं नहीं गई, यह पार्वती स्वयं जानती हैं, और उसकी सखियों ने भी उन्हें यह बता दिया था — तो वे विषण्ण क्यों हुईं?'

श्लोक 85 (padma.6.201.85)

देवल उवाच-। वैश्यवर्य शृणुष्वेदं कारणं कथयामि ते । यतस्तस्या विषादोऽभूत्पार्वत्या गर्भनाशकः

devala uvāca- vaiśyavarya śṛṇuṣvedaṁ kāraṇaṁ kathayāmi te yatastasyā viṣādo'bhūtpārvatyā garbhanāśakaḥ

देवल ने कहा — 'हे श्रेष्ठ वैश्य! सुनो, मैं तुम्हें वह कारण बताता हूँ, जिससे पार्वती की विषण्णता तुम्हारे गर्भ को नष्ट करने वाली हुई।'

श्लोक 86 (padma.6.201.86)

निवृत्तासु सखीष्वस्याः संपूज्य स्कंदमातरम् । विजया पार्वतीं प्राह कौतूहलसमन्विता

nivṛttāsu sakhīṣvasyāḥ saṁpūjya skaṁdamātaram vijayā pārvatīṁ prāha kautūhalasamanvitā

'उसकी सखियों के लौट जाने पर, स्कंद-माता की पूजा करके, कौतूहल से भरी विजया ने पार्वती से पूछा—'

श्लोक 87 (padma.6.201.87)

विजयोवाच- गिरिजे श्रद्धया तुभ्यं दत्तोमूभिरयं बलि । मानुषीभिः कुतः प्रीता नाभवस्त्वं वरानने

vijayovāca- girije śraddhayā tubhyaṁ dattomūbhirayaṁ bali mānuṣībhiḥ kutaḥ prītā nābhavastvaṁ varānane

विजया ने कहा — 'हे गिरिजे! इन स्त्रियों ने तुम्हें श्रद्धापूर्वक यह बलि दिया; हे वरानने! तुम मनुष्यों से क्यों प्रसन्न नहीं हुईं?'

श्लोक 88 (padma.6.201.88)

धूपदीपकनैवेद्यैः पूजिता तोषहेतवे । प्रत्युताकारणं देवि त्वं विषादं कुतो गता

dhūpadīpakanaivedyaiḥ pūjitā toṣahetave pratyutākāraṇaṁ devi tvaṁ viṣādaṁ kuto gatā

'धूप, दीप और नैवेद्य से तुम्हारी पूजा प्रसन्नता के लिए ही की गई थी; इसके विपरीत, हे देवी! तुम विषाद को क्यों प्राप्त हुईं?'

श्लोक 89 (padma.6.201.89)

देवल उवाच- इत्याकर्ण्य वचः सख्या देवी देववरार्चिता । अब्रवीद्विजयां वैश्य विषादे कारणं सखीम्

devala uvāca- ityākarṇya vacaḥ sakhyā devī devavarārcitā abravīdvijayāṁ vaiśya viṣāde kāraṇaṁ sakhīm

देवल ने कहा — सखी का यह वचन सुनकर, श्रेष्ठ देवताओं द्वारा पूजित वह देवी, हे वैश्य! अपनी सखी विजया से विषाद का कारण कहने लगीं—

श्लोक 90 (padma.6.201.90)

पार्वत्युवाच- विजये सखि जानामि वैश्यभार्या गृहाद्बहिः । निर्गंतुमक्षमां गर्भधारणास्वविवेकतः

pārvatyuvāca- vijaye sakhi jānāmi vaiśyabhāryā gṛhādbahiḥ nirgaṁtumakṣamāṁ garbhadhāraṇāsvavivekataḥ

पार्वती ने कहा — 'हे सखी विजये! मैं जानती हूँ कि वैश्य की पत्नी गर्भ धारण करने के कारण, विवेकहीनता से नहीं, बल्कि कुल-प्रथा से घर से बाहर आने में असमर्थ है।'

श्लोक 91 (padma.6.201.91)

समागतास्तु तत्सख्यो मत्पूजायै तदीरिताः । मादृशो न च गृह्णंति परहस्तकृतं बलिम्

samāgatāstu tatsakhyo matpūjāyai tadīritāḥ mādṛśo na ca gṛhṇaṁti parahastakṛtaṁ balim

'उसकी भेजी हुई सखियाँ मेरी पूजा के लिए आईं; किंतु मुझ जैसे लोग दूसरे के हाथों किया गया बलि ग्रहण नहीं करते।'

श्लोक 92 (padma.6.201.92)

तत्पतिश्चेत्समायास्यदभविष्यत्तदा शिवम् । तस्यास्तु मदवज्ञातो गर्भपातो भविष्यति

tatpatiścetsamāyāsyadabhaviṣyattadā śivam tasyāstu madavajñāto garbhapāto bhaviṣyati

'यदि उसका पति स्वयं आता, तो सब शुभ होता; किंतु मेरी मानो उपेक्षा से उसका गर्भपात हो जाएगा।'

श्लोक 93 (padma.6.201.93)

यद्व्रतं पूजनं यच्च कर्तुं न क्षमतेंगना । तत्कारयति नाथेन न भंगः स्यात्तयोःसखि

yadvrataṁ pūjanaṁ yacca kartuṁ na kṣamateṁganā tatkārayati nāthena na bhaṁgaḥ syāttayoḥsakhi

'जो व्रत या पूजा स्त्री स्वयं करने में असमर्थ हो, उसे पति से करवाना चाहिए; हे सखी! तब उन दोनों के बीच व्रत-भंग नहीं होता।'

श्लोक 94 (padma.6.201.94)

अथवा विप्रमुख्येन पृष्ट्वा पतिमनन्यधीः । यतः स्वयमनागत्य तत्कृतं मे तयार्चनम्

athavā vipramukhyena pṛṣṭvā patimananyadhīḥ yataḥ svayamanāgatya tatkṛtaṁ me tayārcanam

'अथवा किसी श्रेष्ठ ब्राह्मण से पूछकर, अनन्य मन से पति द्वारा — चूँकि वह स्वयं न आकर, यह उसकी पूजा जो हुई—'

श्लोक 95 (padma.6.201.95)

न कारितं च भर्त्रातो भविता दोहदोऽफलः । यद्युभौ तौ समागत्य दंपती श्रद्धया पुनः

na kāritaṁ ca bhartrāto bhavitā dohado'phalaḥ yadyubhau tau samāgatya daṁpatī śraddhayā punaḥ

'—पति द्वारा भी नहीं कराई गई, इसलिए उसकी गर्भ-कामना निष्फल हो जाएगी। यदि वे दोनों पति-पत्नी फिर से एक साथ श्रद्धापूर्वक—'

श्लोक 96 (padma.6.201.96)

मां पूजयिष्यतः पुत्रो भविष्यति तदा तयोः । देवल उवाच- सशापो न त्वया वैश्य न चैव तव भार्यया

māṁ pūjayiṣyataḥ putro bhaviṣyati tadā tayoḥ devala uvāca- saśāpo na tvayā vaiśya na caiva tava bhāryayā

'—मेरी पूजा करेंगे, तब उन्हें पुत्र प्राप्त होगा।' देवल ने कहा — 'हे वैश्य! न तो तुमने और न तुम्हारी पत्नी ने कोई शाप दिया—'

श्लोक 97 (padma.6.201.97)

श्रुतः सखीभिरस्या नो प्रसादश्च तयार्पितः । तयोरज्ञानतो वैश्य युवयोर्नाभवत्सुतः

śrutaḥ sakhībhirasyā no prasādaśca tayārpitaḥ tayorajñānato vaiśya yuvayornābhavatsutaḥ

'—यह सखियों से सुना गया, किंतु उसे (पार्वती की) कृपा प्राप्त नहीं हुई। हे वैश्य! तुम दोनों की इसी अज्ञानता से तुम्हें पुत्र नहीं हुआ।'

श्लोक 98 (padma.6.201.98)

अजानतो प्रतिविधिं परत्रात्र सुखप्रदम् । एतत्ते कथितं वैश्य संतानाभावकारणम्

ajānato pratividhiṁ paratrātra sukhapradam etatte kathitaṁ vaiśya saṁtānābhāvakāraṇam

'परलोक में भी सुख देने वाले इस उपाय को न जानने के कारण ही — हे वैश्य! यही तुम्हें मैंने संतानहीनता का कारण बताया है।'

श्लोक 99 (padma.6.201.99)

वसिष्ठेन यथापूर्वं दिलीपस्य महीपतेः । तच्छ्रुत्वा स यथा राजा नंदिनीं समतोषयत्

vasiṣṭhena yathāpūrvaṁ dilīpasya mahīpateḥ tacchrutvā sa yathā rājā naṁdinīṁ samatoṣayat

'जैसे पहले वसिष्ठ ने राजा दिलीप को बताया था, और उसे सुनकर जैसे उस राजा ने नंदिनी गाय को संतुष्ट किया था—'

श्लोक 100 (padma.6.201.100)

सस्त्रीकस्त्वं तथा वैश्य गौरिं तोषय कामदाम् । सा यथाराधिता राज्ञे दिलीपाय ददौ सुतम्

sastrīkastvaṁ tathā vaiśya gauriṁ toṣaya kāmadām sā yathārādhitā rājñe dilīpāya dadau sutam

'—वैसे ही, हे वैश्य! तुम भी पत्नी सहित, इच्छापूर्ण करने वाली गौरी को संतुष्ट करो। जैसे उन्होंने आराधित होकर राजा दिलीप को पुत्र दिया—'

श्लोक 101 (padma.6.201.101)

आराधय तथा गौरीं त्वं सा तुभ्यं च दास्यति । वैश्य उवाच- दिलीप इति भूपः कः का च सा नंदिनी मुने

ārādhaya tathā gaurīṁ tvaṁ sā tubhyaṁ ca dāsyati vaiśya uvāca- dilīpa iti bhūpaḥ kaḥ kā ca sā naṁdinī mune

'—वैसे ही तुम गौरी की आराधना करो, वे तुम्हें भी देंगी।' वैश्य ने कहा — 'हे मुने! वह दिलीप नामक राजा कौन था, और वह नंदिनी कौन थी—'

श्लोक 102 (padma.6.201.102)

यामाराध्यसुतंलेभेसभूयोभूपसत्तमः । महेशादिसुरान्मुक्त्वा त्रिवर्णफलदायिनः

yāmārādhyasutaṁlebhesabhūyobhūpasattamaḥ maheśādisurānmuktvā trivarṇaphaladāyinaḥ

'—जिनकी आराधना करके उस श्रेष्ठ राजा ने पुत्र प्राप्त किया — महेश आदि देवताओं के अतिरिक्त, धर्म-अर्थ-काम तीनों का फल देने वाली—'

श्लोक 103 (padma.6.201.103)

आराधिता कुतः सैव सुतार्थं तेन भूभुजा । एतत्सर्वं समाख्याहि मुने यत्पृष्टवानहम् । श्रुत्वा ततो गिरिसुतां सेविष्ये सह भार्यया

ārādhitā kutaḥ saiva sutārthaṁ tena bhūbhujā etatsarvaṁ samākhyāhi mune yatpṛṣṭavānaham śrutvā tato girisutāṁ seviṣye saha bhāryayā

'—वह किस प्रकार उस राजा द्वारा पुत्र के लिए आराधित हुई? हे मुने! मैंने जो पूछा, वह सब मुझे बताइए। उसे सुनकर मैं भी पत्नी सहित पर्वत-पुत्री की सेवा करूँगा।'

श्लोक 104 (padma.6.201.104)

शिवशर्मोवाच- गदितमिति निशम्य विष्णुशर्मन्विनययुतेन विशा मदीय पित्रा । मुनिरिति गदितुं दिलीपवृत्तं जगति पवित्रतरं विचक्रमे सः

śivaśarmovāca- gaditamiti niśamya viṣṇuśarmanvinayayutena viśā madīya pitrā muniriti gadituṁ dilīpavṛttaṁ jagati pavitrataraṁ vicakrame saḥ

शिवशर्मा ने कहा — हे विष्णुशर्मन्! उस विनम्र वैश्य के इस कथन को सुनकर, मेरे पिता को, वह मुनि इस प्रकार दिलीप का वह वृत्तांत, जो संसार में अत्यंत पवित्र है, कहने लगा।