राजा दिलीप का व्रत

श्लोक 1 (padma.6.202.1)

देवल उवाच- शृणुष्व भो महाप्राज्ञ दिलीपस्य महीपतेः । कथां दिव्यां विचित्रां च शृणुतां पापनाशिनीम्

devala uvāca- śṛṇuṣva bho mahāprājña dilīpasya mahīpateḥ kathāṁ divyāṁ vicitrāṁ ca śṛṇutāṁ pāpanāśinīm

देवल ने कहा — हे महाप्राज्ञ! सुनो, राजा दिलीप की यह दिव्य, विचित्र और पापनाशिनी कथा सुनो।

श्लोक 2 (padma.6.202.2)

वैवस्वतमनोर्वंशे दिलीपो भूभुजां वरः । आसीत्प्राचीनबर्हिस्तु स्वायंभुवमनोरिव

vaivasvatamanorvaṁśe dilīpo bhūbhujāṁ varaḥ āsītprācīnabarhistu svāyaṁbhuvamanoriva

वैवस्वत मनु के वंश में दिलीप नामक राजाओं में श्रेष्ठ थे, जैसे स्वायंभुव मनु के वंश में प्राचीनबर्हि थे।

श्लोक 3 (padma.6.202.3)

स तु धर्मभृतां श्रेष्ठो धर्मेण प्रतिपालयन् । महीं महीपतिर्लोकान्गुणैराद्धैररंजयत्

sa tu dharmabhṛtāṁ śreṣṭho dharmeṇa pratipālayan mahīṁ mahīpatirlokānguṇairāddhairaraṁjayat

वे धर्मात्माओं में श्रेष्ठ, धर्मपूर्वक पृथ्वी का पालन करते हुए, अपने सिद्ध गुणों से लोकों को प्रसन्न करते थे।

श्लोक 4 (padma.6.202.4)

मगधाधिपतेः पुत्री महिषी तस्य भूपतेः । सुदक्षणाख्यया ख्याता शचीवासीद्दिवस्पतेः

magadhādhipateḥ putrī mahiṣī tasya bhūpateḥ sudakṣaṇākhyayā khyātā śacīvāsīddivaspateḥ

मगध के राजा की पुत्री, सुदक्षणा नाम से विख्यात, उस राजा की महारानी थी — जैसे देवराज की शची।

श्लोक 5 (padma.6.202.5)

गते महति काले तु महिष्यां नाभवत्सुतः । दध्याविति निजस्वांते स सम्राट्कोशलाधिपः

gate mahati kāle tu mahiṣyāṁ nābhavatsutaḥ dadhyāviti nijasvāṁte sa samrāṭkośalādhipaḥ

बहुत समय बीत जाने पर भी महारानी को पुत्र न हुआ; तब कोशल के उस सम्राट ने अपने मन में सोचा—

श्लोक 6 (padma.6.202.6)

रत्नाकरसुमेर्वादि नगरत्नैर्विराजितम् । धृतं भूवलयं दोषो भूषायै नाप्रजस्य मे

ratnākarasumervādi nagaratnairvirājitam dhṛtaṁ bhūvalayaṁ doṣo bhūṣāyai nāprajasya me

'सुमेरु आदि पर्वतों और सागरों के रत्नों से सुशोभित यह पृथ्वी-मंडल जो मैंने धारण किया है — यह मुझ संतानहीन के लिए भूषण नहीं, दोष ही है।'

श्लोक 7 (padma.6.202.7)

वर्गत्रयी यथाकालं सेविता न विरोधिता । तथापि मेऽनपत्यस्य न सौख्यं विद्यते हृदि

vargatrayī yathākālaṁ sevitā na virodhitā tathāpi me'napatyasya na saukhyaṁ vidyate hṛdi

'धर्म-अर्थ-काम तीनों वर्गों का यथासमय बिना विरोध के सेवन किया, फिर भी संतानहीन मेरे हृदय में सुख नहीं है।'

श्लोक 8 (padma.6.202.8)

यज्ञैराराधितो विष्णुरिंद्राद्याश्च सुरोत्तमाः । दीर्घिकारामकूपाश्च कारिताः सर्वतो भुवि

yajñairārādhito viṣṇuriṁdrādyāśca surottamāḥ dīrghikārāmakūpāśca kāritāḥ sarvato bhuvi

'यज्ञों से विष्णु और इंद्र आदि श्रेष्ठ देवताओं की आराधना की; पृथ्वी पर सर्वत्र तालाब, बगीचे और कुएँ बनवाए।'

श्लोक 9 (padma.6.202.9)

गोभूहिरण्यवासोभिः षड्रसान्वितभोजनैः । विप्रा अतिथयश्चैव भक्त्या संतोषिता मया

gobhūhiraṇyavāsobhiḥ ṣaḍrasānvitabhojanaiḥ viprā atithayaścaiva bhaktyā saṁtoṣitā mayā

'गाय, भूमि, स्वर्ण, वस्त्र और षड्रस भोजन से ब्राह्मणों और अतिथियों को मैंने भक्तिपूर्वक संतुष्ट किया।'

श्लोक 10 (padma.6.202.10)

वृत्यर्थं पृथिवीपालानुद्धृत्य युधि धर्मतः । धनेन महता कोशो मया हि बहुलीकृतः

vṛtyarthaṁ pṛthivīpālānuddhṛtya yudhi dharmataḥ dhanena mahatā kośo mayā hi bahulīkṛtaḥ

'आजीविका के लिए धर्मपूर्वक युद्ध में शत्रु राजाओं को पराजित करके मैंने अपने कोष को बहुत बड़े धन से समृद्ध किया।'

श्लोक 11 (padma.6.202.11)

उन्मार्गगामिनो मत्ता निजधर्मविलंघिनः । विमुखः पितृदेवेभ्यो दंड्यास्ते दंडिता मया

unmārgagāmino mattā nijadharmavilaṁghinaḥ vimukhaḥ pitṛdevebhyo daṁḍyāste daṁḍitā mayā

'कुमार्गगामी, मत्त, अपने ही धर्म का उल्लंघन करने वाले, पितरों-देवताओं से विमुख — ऐसे दंडनीय लोगों को मैंने दंडित किया।'

श्लोक 12 (padma.6.202.12)

पंचपर्वसु वैष्णव्यां रवौ पित्र्ये च कर्मणि । दशम्यैकादशीतिथ्योर्न स्त्रीसेवा कृता मया

paṁcaparvasu vaiṣṇavyāṁ ravau pitrye ca karmaṇi daśamyaikādaśītithyorna strīsevā kṛtā mayā

'पाँचों पर्वों पर, एकादशी को, रविवार को, पितृ-कर्म में, दशमी और एकादशी तिथियों को मैंने कभी स्त्री-सेवा नहीं की।'

श्लोक 13 (padma.6.202.13)

ऋतुकालावधौ स्नातां स्वस्त्रियं नाहमत्यजम् । अनृतावपि तद्योग्ये काले चेत्प्रार्थितस्तया

ṛtukālāvadhau snātāṁ svastriyaṁ nāhamatyajam anṛtāvapi tadyogye kāle cetprārthitastayā

'ऋतुकाल में स्नान की हुई अपनी पत्नी को मैंने कभी नहीं त्यागा; ऋतुकाल के बाहर भी यदि उपयुक्त समय पर उसने प्रार्थना की—'

श्लोक 14 (padma.6.202.14)

तदा तस्यां सकामिन्यां सकामं रमितं मया । एवं धर्मार्थकामा मे यथाकालं निषेविताः

tadā tasyāṁ sakāminyāṁ sakāmaṁ ramitaṁ mayā evaṁ dharmārthakāmā me yathākālaṁ niṣevitāḥ

'—तो उस कामिनी के साथ मैंने भी कामनापूर्वक रमण किया। इस प्रकार धर्म, अर्थ और काम — तीनों का यथासमय सेवन किया गया।'

श्लोक 15 (padma.6.202.15)

महिष्यां केन दोषेण जायते मे न संततिः । अतीतानागतज्ञानो वसिष्ठो गुरुरेव नः

mahiṣyāṁ kena doṣeṇa jāyate me na saṁtatiḥ atītānāgatajñāno vasiṣṭho gurureva naḥ

'फिर किस दोष से महारानी को मेरी संतान नहीं होती? भूत-भविष्य के ज्ञाता हमारे गुरु वसिष्ठ ही—'

श्लोक 16 (padma.6.202.16)

कथयिष्यति तं दोषं यन्मे पुत्रो न जायते । देवल उवाच- इत्यालोच्य स भूपालो गमिष्यन्नाश्रमं गुरोः । मंत्रिष्वारोपयामास कोशलामृद्धिकोशलाम्

kathayiṣyati taṁ doṣaṁ yanme putro na jāyate devala uvāca- ityālocya sa bhūpālo gamiṣyannāśramaṁ guroḥ maṁtriṣvāropayāmāsa kośalāmṛddhikośalām

'—वह दोष बताएँगे जिससे मुझे पुत्र नहीं होता।' देवल ने कहा — ऐसा विचार करके वह राजा गुरु के आश्रम जाने के लिए मंत्रियों को समृद्ध कोशल राज्य सौंपकर चल पड़ा।

श्लोक 17 (padma.6.202.17)

अथ प्रजासृजं देवं पूजयित्वाश्रमं गुरोः । प्रतस्थाते पुत्रकामौ दंपती तौ शुभेऽहनि

atha prajāsṛjaṁ devaṁ pūjayitvāśramaṁ guroḥ pratasthāte putrakāmau daṁpatī tau śubhe'hani

फिर प्रजा को उत्पन्न करने वाले देवता की पूजा करके, पुत्र की कामना वाले वे दंपति शुभ दिन में गुरु के आश्रम की ओर चल पड़े।

श्लोक 18 (padma.6.202.18)

कतिचिद्वासरैर्मार्गमुल्लंघ्यैकरथे स्थितौ । तौ दंपती गुरोः सायमाश्रमं प्रापतुः शुभम्

katicidvāsarairmārgamullaṁghyaikarathe sthitau tau daṁpatī guroḥ sāyamāśramaṁ prāpatuḥ śubham

कुछ दिनों में मार्ग पार करके, एक रथ पर सवार वे दंपति संध्या समय गुरु के शुभ आश्रम पहुँचे।

श्लोक 19 (padma.6.202.19)

वैश्वदेवांत संप्राप्तातिथिसत्कारकृन्मुनिम् । हुताशनहुतद्रव्यप्रसरद्धूममालया

vaiśvadevāṁta saṁprāptātithisatkārakṛnmunim hutāśanahutadravyaprasaraddhūmamālayā

उन्होंने वैश्वदेव यज्ञ के बाद आए हुए अतिथियों का सत्कार करते मुनि को देखा, अग्नि में डाली गई सामग्री से उठते धूम की माला से युक्त—

श्लोक 20 (padma.6.202.20)

पवित्रयंतमात्मस्थान्मुनीनागंतुकानपि । मृगैर्दूर्वाप्रतानौघप्रपूर्णोदरमंथरम्

pavitrayaṁtamātmasthānmunīnāgaṁtukānapi mṛgairdūrvāpratānaughaprapūrṇodaramaṁtharam

—अपने आश्रित मुनियों और नवागत अतिथियों को भी पवित्र करते हुए, दूब की धाराओं से भरे पेट वाले मंथर हिरणों से युक्त—

श्लोक 21 (padma.6.202.21)

अभ्यागच्छद्भिरभितो मंडपं स मृगीगणैः । वासवृक्षमिलत्पक्षिकुलकोलाहलाकुलम्

abhyāgacchadbhirabhito maṁḍapaṁ sa mṛgīgaṇaiḥ vāsavṛkṣamilatpakṣikulakolāhalākulam

—मंडप के चारों ओर आती हिरणियों के झुंड से, तथा आश्रय-वृक्षों पर एकत्रित पक्षियों के कलरव से भरे हुए—

श्लोक 22 (padma.6.202.22)

परस्परविनिर्मुक्तवैरव्याघ्रमृगादिकम् । जपध्यानपरर्षीणां क्षणश्रांतश्रुतिध्वनिम्

parasparavinirmuktavairavyāghramṛgādikam japadhyānapararṣīṇāṁ kṣaṇaśrāṁtaśrutidhvanim

—परस्पर वैर त्याग चुके बाघ-हिरण आदि प्राणियों से युक्त, जप-ध्यान में लीन ऋषियों की क्षणिक विश्रांति से बाधित वेद-ध्वनि वाले—

श्लोक 23 (padma.6.202.23)

अनध्ययनकालोत्थ क्रीडारक्तकुमारकम् । तस्मिन्वसिष्ठमद्राष्टां दंपती तौ कृतक्रियम्

anadhyayanakālottha krīḍāraktakumārakam tasminvasiṣṭhamadrāṣṭāṁ daṁpatī tau kṛtakriyam

—अध्ययन-रहित समय में क्रीड़ा में रत बालकों से युक्त उस आश्रम में उन दोनों दंपति ने अपना कृत्य पूरा किए हुए वसिष्ठ को देखा—

श्लोक 24 (padma.6.202.24)

बृस्यां निषणमव्यग्रमरुंधत्योपसेवितम् । स ववंदे गुरोः पादौ महिषी सा च तत्स्त्रियः

bṛsyāṁ niṣaṇamavyagramaruṁdhatyopasevitam sa vavaṁde guroḥ pādau mahiṣī sā ca tatstriyaḥ

—कुशा के आसन पर शांतिपूर्वक बैठे, अरुंधती द्वारा सेवित। राजा ने गुरु के चरणों में प्रणाम किया, और महारानी ने उनकी पत्नी को।

श्लोक 25 (padma.6.202.25)

आशिषा गुरुरप्येनं युयोजारुंधती च ताम् । अतिथिं तमथाभ्यर्च्य मधुपर्कादिभिर्गुरुः

āśiṣā gururapyenaṁ yuyojāruṁdhatī ca tām atithiṁ tamathābhyarcya madhuparkādibhirguruḥ

गुरु ने आशीर्वाद से उसे युक्त किया, और अरुंधती ने उसकी पत्नी को। फिर उस अतिथि का मधुपर्क आदि से सत्कार करके गुरु ने—

श्लोक 26 (padma.6.202.26)

अर्हणैरर्हतां श्रेष्ठो वसिष्ठ इति पृष्टवान् । वसिष्ठ उवाच- भो भो भूमिभृतां श्रेष्ठ राज्ये कुशलमस्ति ते

arhaṇairarhatāṁ śreṣṭho vasiṣṭha iti pṛṣṭavān vasiṣṭha uvāca- bho bho bhūmibhṛtāṁ śreṣṭha rājye kuśalamasti te

—पूजनीयों में श्रेष्ठ वसिष्ठ ने पूजा करके पूछा। वसिष्ठ ने कहा — 'हे राजाओं में श्रेष्ठ! तुम्हारे राज्य में कुशल तो है?'

श्लोक 27 (padma.6.202.27)

कुले च कच्चिल्लोके च निजधर्मानुवर्त्तिनि । धर्मेण पालिता कच्चित्वया वीरवसुंधरा

kule ca kaccilloke ca nijadharmānuvarttini dharmeṇa pālitā kaccitvayā vīravasuṁdharā

'क्या कुल में और अपने-अपने धर्म का पालन करने वाली प्रजा में — यह वीर पृथ्वी तुम्हारे द्वारा धर्मपूर्वक पालित है?'

श्लोक 28 (padma.6.202.28)

संवर्द्धयति ते कोशं धर्मधीरिव सात्विकी । तव जानपदा राजन्पौराश्च स्थितिमात्मनः

saṁvarddhayati te kośaṁ dharmadhīriva sātvikī tava jānapadā rājanpaurāśca sthitimātmanaḥ

'हे राजन्! क्या तुम्हारे नगर और ग्रामवासी सात्विक धर्म-बुद्धि की भाँति तुम्हारे कोष को बढ़ाते हैं?'

श्लोक 29 (padma.6.202.29)

सारवंतो विमुंचंति कच्चिन्नांबुधयो यथा । स्नेहेन साहचर्येण सहवासतया प्रभो

sāravaṁto vimuṁcaṁti kaccinnāṁbudhayo yathā snehena sāhacaryeṇa sahavāsatayā prabho

'हे प्रभो! क्या सारवान लोग अपनी स्थिति नहीं छोड़ते, जैसे समुद्र अपनी सीमा नहीं छोड़ते — स्नेह, सहचर्य और सहवास से?'

श्लोक 30 (padma.6.202.30)

लक्ष्मीनारायणायेते कच्चित्ते पुरदंपती । काम्यव्रतानि राजेंद्र प्रजानां नगरे तव । फलंति वांछितं कच्चिद्धरिचंदनवद्दिवि

lakṣmīnārāyaṇāyete kaccitte puradaṁpatī kāmyavratāni rājeṁdra prajānāṁ nagare tava phalaṁti vāṁchitaṁ kacciddharicaṁdanavaddivi

'—क्या नगर के लोग तुम दोनों दंपति को लक्ष्मी-नारायण के समान मानते हैं? हे राजेंद्र! क्या तुम्हारे नगर में प्रजा के इच्छित व्रत, स्वर्ग में हरिचंदन वृक्ष के समान, इच्छानुसार फल देते हैं?'

श्लोक 31 (padma.6.202.31)

देवल उवाच- पृष्ट्वैवं स मुनिश्रेष्ठो वसिष्ठो मुनिपुंगवः । योगप्रभावोपनतैर्नृपं भोज्यैरभोजयत्

devala uvāca- pṛṣṭvaivaṁ sa muniśreṣṭho vasiṣṭho munipuṁgavaḥ yogaprabhāvopanatairnṛpaṁ bhojyairabhojayat

देवल ने कहा — इस प्रकार पूछकर, मुनियों में श्रेष्ठ वह वसिष्ठ मुनि, अपने योग-प्रभाव से लाए गए भोजन से राजा को भोजन कराने लगे।

श्लोक 32 (padma.6.202.32)

अरुंधतीच तां राज्ञीं बह्वादरसमन्विता । नानाव्यंजनपक्वान्नैरभोजयदुदारधीः

aruṁdhatīca tāṁ rājñīṁ bahvādarasamanvitā nānāvyaṁjanapakvānnairabhojayadudāradhīḥ

और अत्यंत आदरपूर्वक, उदार-बुद्धि अरुंधती ने उस रानी को विविध व्यंजनों और पके अन्न से भोजन कराया।

श्लोक 33 (padma.6.202.33)

कृतभोजनमासीनं स्वस्थः स्वस्थं मुनिर्नृपम् । पुनः पप्रच्छ संगृह्य पाणिना पाणिमानतम्

kṛtabhojanamāsīnaṁ svasthaḥ svasthaṁ munirnṛpam punaḥ papraccha saṁgṛhya pāṇinā pāṇimānatam

भोजन कर चुके, सुखपूर्वक बैठे राजा से, स्वयं सुखपूर्वक बैठे मुनि ने, झुकते हुए राजा का हाथ अपने हाथ में लेकर फिर से पूछा—

श्लोक 34 (padma.6.202.34)

वसिष्ठ उवाच- सप्तांग संयुतं राज्यं निजधर्मरतप्रजम् । प्रीतबंधुजनामात्यं शस्त्रास्त्रविधिवद्भटम्

vasiṣṭha uvāca- saptāṁga saṁyutaṁ rājyaṁ nijadharmarataprajam prītabaṁdhujanāmātyaṁ śastrāstravidhivadbhaṭam

वसिष्ठ ने कहा — 'जिसका राज्य सातों अंगों से युक्त हो, प्रजा अपने-अपने धर्म में रत हो, बंधुजन और मंत्री प्रसन्न हों, सैनिक शस्त्रास्त्र-विद्या में निपुण हों—'

श्लोक 35 (padma.6.202.35)

वश्यमित्रं हृतामित्रं कृष्णार्चापरमानसम् । यस्यास्ति नृपते राज्यं स्वर्गराज्येन तस्य किम्

vaśyamitraṁ hṛtāmitraṁ kṛṣṇārcāparamānasam yasyāsti nṛpate rājyaṁ svargarājyena tasya kim

'—मित्र वश में हों, शत्रु नष्ट हो चुके हों, मन कृष्ण की पूजा में लीन हो — हे राजन्! जिसका ऐसा राज्य हो, उसे स्वर्ग-राज्य से क्या लेना-देना?'

श्लोक 36 (padma.6.202.36)

इक्ष्वाकुवंशराजानः पुत्रानुत्पाद्य धार्मिकाः । राज्यं च तेषु विन्यस्य प्रपन्नास्तपसि प्रभो

ikṣvākuvaṁśarājānaḥ putrānutpādya dhārmikāḥ rājyaṁ ca teṣu vinyasya prapannāstapasi prabho

'इक्ष्वाकु वंश के धर्मात्मा राजाओं ने पुत्र उत्पन्न करके, उन पर राज्य स्थापित करके, हे प्रभो! तप में लीन हो गए।'

श्लोक 37 (padma.6.202.37)

त्वं युवा दृष्टपुत्रास्यो नाधिकारी तपोविधौ । किमर्थमागतो ह्यत्र राज्यं त्यक्त्वा तथाविधम्

tvaṁ yuvā dṛṣṭaputrāsyo nādhikārī tapovidhau kimarthamāgato hyatra rājyaṁ tyaktvā tathāvidham

'तुम तो युवा हो, अभी पुत्र का मुख भी नहीं देखा; तप-विधि के अधिकारी नहीं हो। फिर ऐसे राज्य को त्यागकर यहाँ किसलिए आए हो?'

श्लोक 38 (padma.6.202.38)

राजोवाच- ब्रह्मन्नाहं तपः कर्तुमागतस्तावकाश्रमे । स्वर्गकामनया त्यक्त्वा राज्यमत्र तथाविधम्

rājovāca- brahmannāhaṁ tapaḥ kartumāgatastāvakāśrame svargakāmanayā tyaktvā rājyamatra tathāvidham

राजा ने कहा — 'हे ब्रह्मन्! मैं स्वर्ग की कामना से ऐसे राज्य को त्यागकर आपके आश्रम में तप करने नहीं आया हूँ।'

श्लोक 39 (padma.6.202.39)

ब्रह्मन्सत्यमिदं चोक्तं भवता यत्तपोवनम् । राज्यमारोप्य पुत्रेषु प्राप्ता इक्ष्वाकुवंशजाः

brahmansatyamidaṁ coktaṁ bhavatā yattapovanam rājyamāropya putreṣu prāptā ikṣvākuvaṁśajāḥ

'हे ब्रह्मन्! आपने जो यह सत्य कहा कि इक्ष्वाकु-वंशज राजा पुत्रों पर राज्य स्थापित करके तपोवन को प्राप्त हुए—'

श्लोक 40 (padma.6.202.40)

न तैस्त्यक्तं महीराज्यमिदं स्वर्गगतैरपि । तन्मूर्तिरस्यां विमनास्तिष्ठति ह्येव संततिः

na taistyaktaṁ mahīrājyamidaṁ svargagatairapi tanmūrtirasyāṁ vimanāstiṣṭhati hyeva saṁtatiḥ

'—उन्होंने स्वर्गवासी होते हुए भी यह पृथ्वी-राज्य वस्तुतः नहीं त्यागा, क्योंकि उनका ही स्वरूप संतान के रूप में यहाँ असंतुष्ट होकर टिका रहता है।'

श्लोक 41 (padma.6.202.41)

यथा बाल्यं गतं तात यौवनं च समागतम् । यास्यत्यदोपि च तथा जराप्येष्यति निश्चितम्

yathā bālyaṁ gataṁ tāta yauvanaṁ ca samāgatam yāsyatyadopi ca tathā jarāpyeṣyati niścitam

'जैसे बचपन बीत गया, हे तात! और यौवन आ गया, वैसे ही यह यौवन भी बीत जाएगा और वृद्धावस्था भी निश्चय आएगी।'

श्लोक 42 (padma.6.202.42)

जरसोऽनतरं मृत्युः पुरुषस्य न संशयः । मृत्युंगते मयि ब्रह्मन्विनातनयसंभवम्

jaraso'nataraṁ mṛtyuḥ puruṣasya na saṁśayaḥ mṛtyuṁgate mayi brahmanvinātanayasaṁbhavam

'वृद्धावस्था के बाद मनुष्य की मृत्यु होती है, इसमें संदेह नहीं। हे ब्रह्मन्! पुत्र उत्पन्न हुए बिना मेरी मृत्यु हो जाने पर—'

श्लोक 43 (padma.6.202.43)

कस्येदं जगतीराज्यं भविष्यति गुरो वद । तस्मादपत्यहीनस्य राज्येऽपि मम तिष्ठतः

kasyedaṁ jagatīrājyaṁ bhaviṣyati guro vada tasmādapatyahīnasya rājye'pi mama tiṣṭhataḥ

'—यह पृथ्वी-राज्य किसका होगा, हे गुरु! बताइए। इसलिए, संतानहीन होते हुए भी राज्य में रहते हुए—'

श्लोक 44 (padma.6.202.44)

ममत्वं विद्यते नात्र पुरस्तात्तदभावतः । वर्गत्रयस्य वै सम्यक्संवेत्ता त्वं गुरो मम

mamatvaṁ vidyate nātra purastāttadabhāvataḥ vargatrayasya vai samyaksaṁvettā tvaṁ guro mama

'—मुझमें उसके प्रति ममत्व नहीं है, क्योंकि आगे कुछ नहीं दिखता। आप ही धर्म-अर्थ-काम तीनों के सम्यक् ज्ञाता हैं, हे गुरु!'

श्लोक 45 (padma.6.202.45)

केन दोषेण मे पुत्रो जायते न तपोनिधे । ध्यानेन दोषमालोक्य तं गुरो कथयाशुमे

kena doṣeṇa me putro jāyate na taponidhe dhyānena doṣamālokya taṁ guro kathayāśume

'—किस दोष से मुझे पुत्र नहीं होता, हे तपोनिधे! ध्यान से उस दोष को देखकर, हे गुरु! शीघ्र मुझे बताइए।'

श्लोक 46 (padma.6.202.46)

तस्य प्रतिक्रियां कुर्यां श्रुत्वा संतानलब्धये । देवल उवाच- इत्याकर्ण्य वसिष्ठस्तु वचस्तस्य महीपतेः

tasya pratikriyāṁ kuryāṁ śrutvā saṁtānalabdhaye devala uvāca- ityākarṇya vasiṣṭhastu vacastasya mahīpateḥ

'उसे सुनकर संतान-प्राप्ति के लिए मैं उसका उपाय करूँगा।' देवल ने कहा — उस राजा के इस वचन को सुनकर वसिष्ठ ने—

श्लोक 47 (padma.6.202.47)

उवाच संततिस्तंभहेतुं वीक्ष्य समाधिना । वसिष्ठ उवाच- त्वं पुरा राजशार्दूल संसेव्य सुरनायकम्

uvāca saṁtatistaṁbhahetuṁ vīkṣya samādhinā vasiṣṭha uvāca- tvaṁ purā rājaśārdūla saṁsevya suranāyakam

—समाधि द्वारा संतान के अवरोध का कारण देखकर कहा। वसिष्ठ ने कहा — 'हे राजशार्दूल! पहले तुमने देवराज इंद्र की सेवा करके—'

श्लोक 48 (padma.6.202.48)

स्नातामिमां वधूं स्मृत्वा चलितो निजमंदिरम् । गच्छतस्त्वरया तात संतानोत्कंठितस्य ते

snātāmimāṁ vadhūṁ smṛtvā calito nijamaṁdiram gacchatastvarayā tāta saṁtānotkaṁṭhitasya te

'—स्नान की हुई इस अपनी पत्नी का स्मरण करके अपने महल की ओर चल पड़े थे। हे तात! संतान के लिए उत्कंठित तुम शीघ्रता से जाते हुए—'

श्लोक 49 (padma.6.202.49)

आसीत्सुरतरोर्मूले कामेधनुः स्थिता पथि । उत्पादिता त्वया तस्याः पूज्यांघ्रिरजसोऽतिरुट्

āsītsuratarormūle kāmedhanuḥ sthitā pathi utpāditā tvayā tasyāḥ pūjyāṁghrirajaso'tiruṭ

'—मार्ग में कल्पवृक्ष के मूल में कामधेनु खड़ी थी; उसके पूजनीय चरण-रज को न मानकर तुमने उसे अत्यंत क्रोधित कर दिया—'

श्लोक 50 (padma.6.202.50)

प्रदक्षिणनमस्कारसदाचारमकुर्वता । साऽशपत्त्वामतिक्रोधात्पुत्रो नोत्पत्स्यते तव

pradakṣiṇanamaskārasadācāramakurvatā sā'śapattvāmatikrodhātputro notpatsyate tava

'—प्रदक्षिणा और नमस्कार का सदाचार न करने के कारण। उसने अत्यंत क्रोध से तुम्हें शाप दिया — "तुम्हें तब तक पुत्र नहीं होगा—"'

श्लोक 51 (padma.6.202.51)

मम संतानशुश्रूषां यावत्त्वं न करिष्यसि । गच्छंस्त्वमृतुदानाय त्वरया सुतकामुकः

mama saṁtānaśuśrūṣāṁ yāvattvaṁ na kariṣyasi gacchaṁstvamṛtudānāya tvarayā sutakāmukaḥ

'"—जब तक तुम मेरी संतान की सेवा नहीं करोगे।" ऋतु-दान के लिए शीघ्रता से जाते हुए, पुत्रेच्छुक तुम—'

श्लोक 52 (padma.6.202.52)

तन्मना नाश्रृणोः शापं नयंताक्षनिनादतः । तस्याः सुतासुतां धेनुं नंदिनीं ससुतां मम

tanmanā nāśrṛṇoḥ śāpaṁ nayaṁtākṣaninādataḥ tasyāḥ sutāsutāṁ dhenuṁ naṁdinīṁ sasutāṁ mama

'—उसी ओर मन लगाए होने के कारण, रथ के पहिये की ध्वनि में वह शाप सुन नहीं पाए। उसकी पुत्री, अपने बछड़े सहित मेरी नंदिनी गाय—'

श्लोक 53 (padma.6.202.53)

आराधयानया वध्वा सार्द्धं सा दास्यते सुतम् । देवल उवाच- इत्युक्तवति तत्रर्षौ वसिष्ठे सा तु नंदिनी

ārādhayānayā vadhvā sārddhaṁ sā dāsyate sutam devala uvāca- ityuktavati tatrarṣau vasiṣṭhe sā tu naṁdinī

'—इस अपनी वधू सहित उसकी आराधना करो; वह तुम्हें पुत्र देगी।' देवल ने कहा — ऋषि वसिष्ठ के ऐसा कहते ही वह नंदिनी—

श्लोक 54 (padma.6.202.54)

तपोवनात्समायाता वत्सस्नेहस्नुतस्तनी । तां दृष्ट्वा हृष्टहृदयो वसिष्ठो मुनिपुंगवः । उवाच भूपतिं भूयो दर्शयित्वा च नंदिनीम्

tapovanātsamāyātā vatsasnehasnutastanī tāṁ dṛṣṭvā hṛṣṭahṛdayo vasiṣṭho munipuṁgavaḥ uvāca bhūpatiṁ bhūyo darśayitvā ca naṁdinīm

—बछड़े के स्नेह से स्तनों में दूध भरे हुए, तपोवन से आ पहुँची। उसे देखकर प्रसन्न हृदय वसिष्ठ मुनि ने नंदिनी को दिखाते हुए राजा से फिर कहा—

श्लोक 55 (padma.6.202.55)

वसिष्ठ उवाच- राजन्समागता ह्येषा स्मृतमात्रशुभाह्वया । अतो विद्धि समीपस्थां कार्यसिद्धिमिहात्मनः

vasiṣṭha uvāca- rājansamāgatā hyeṣā smṛtamātraśubhāhvayā ato viddhi samīpasthāṁ kāryasiddhimihātmanaḥ

वसिष्ठ ने कहा — 'हे राजन्! यह आ गई है, जिसका शुभ नाम स्मरण मात्र से कल्याणकारी है। इसलिए जानो कि तुम्हारे कार्य की सिद्धि यहाँ समीप ही है।'

श्लोक 56 (padma.6.202.56)

आराधितानुगत्येयं त्वयारण्ये तथाश्रमे । वध्वा प्रसादात्ते पुत्रं दास्यते नात्र संशयः

ārādhitānugatyeyaṁ tvayāraṇye tathāśrame vadhvā prasādātte putraṁ dāsyate nātra saṁśayaḥ

'तुम्हारे द्वारा वन में इस आश्रम में इस प्रकार आराधित होकर, वधू सहित, वह अपनी कृपा से तुम्हें पुत्र देगी, इसमें संदेह नहीं है।'

श्लोक 57 (padma.6.202.57)

यथानाभिभवेदेनां जंतुः कश्चिद्वनोद्भवः । तथा चारय राजेंद्र वने हिंस्रो धनुर्द्धर

yathānābhibhavedenāṁ jaṁtuḥ kaścidvanodbhavaḥ tathā cāraya rājeṁdra vane hiṁsro dhanurddhara

'हे राजेंद्र! धनुष धारण करके, जिससे वन में उत्पन्न कोई भी हिंसक प्राणी इसे हानि न पहुँचा सके, वैसे इसकी रखवाली करो।'

श्लोक 58 (padma.6.202.58)

देवल उवाच- तथेति लघुवादिने नृपतये स्नुषायै च सक्षपाशयनहेतवे सदुटजं ददौ तापसः । स तत्र सहभार्यया समधिशय्यदर्भास्तृतां महीमगमयन्निशां नियतमानसो विश्पतिः

devala uvāca- tatheti laghuvādine nṛpataye snuṣāyai ca sakṣapāśayanahetave saduṭajaṁ dadau tāpasaḥ sa tatra sahabhāryayā samadhiśayyadarbhāstṛtāṁ mahīmagamayanniśāṁ niyatamānaso viśpatiḥ

देवल ने कहा — 'ऐसा ही होगा' कहने वाले उस राजा और उसकी वधू को रात्रि-निवास के लिए तपस्वी ने एक अच्छी कुटिया दी। वहाँ पत्नी सहित उस नियत-मन राजा ने कुशा बिछी भूमि पर शयन करते हुए रात्रि व्यतीत की।