दिलीप की परीक्षा

श्लोक 1 (padma.6.203.1)

देवल उवाच। अथोषसि नराधीशः पूजितां कुसुमादिभिः । महिष्या नंदिनीं धेनुं नीत्वारण्यं जगाम सः

devala uvāca athoṣasi narādhīśaḥ pūjitāṁ kusumādibhiḥ mahiṣyā naṁdinīṁ dhenuṁ nītvāraṇyaṁ jagāma saḥ

देवल ने कहा — फिर प्रातःकाल उस राजा ने महारानी सहित पुष्प आदि से पूजित नंदिनी गाय को लेकर वन का मार्ग लिया।

श्लोक 2 (padma.6.203.2)

गच्छंतीमनु तां देवीं छायेव नृपतिर्ययौ । खादंतीमनुशष्पादि सोऽपि मूलाद्यभक्षयत्

gacchaṁtīmanu tāṁ devīṁ chāyeva nṛpatiryayau khādaṁtīmanuśaṣpādi so'pi mūlādyabhakṣayat

उस चलती हुई देवी-गाय के पीछे राजा छाया की भाँति चलता; वह जो कोमल घास आदि खाती, वह भी मूल आदि खाता।

श्लोक 3 (padma.6.203.3)

तरुच्छायामुपासीनामनु सोऽप्युपविष्टवान् । पिबंतीमनुपानीयं राजापि सलिलं पपौ

tarucchāyāmupāsīnāmanu so'pyupaviṣṭavān pibaṁtīmanupānīyaṁ rājāpi salilaṁ papau

वृक्ष की छाया में बैठी हुई के पीछे वह भी बैठ जाता; जल पीती हुई के पीछे राजा भी जल पीता।

श्लोक 4 (padma.6.203.4)

स च राजा मृदुग्रासैर्दंशापनयनेन च । कंडूयनैः कामधेनुं गुरोरेवमसेवत

sa ca rājā mṛdugrāsairdaṁśāpanayanena ca kaṁḍūyanaiḥ kāmadhenuṁ gurorevamasevata

वह राजा कोमल कौर देकर, डंक हटाकर और खुजाकर, इस प्रकार गुरु की कामधेनु की सेवा करता था।

श्लोक 5 (padma.6.203.5)

अथ प्रत्याश्रमं सायं न्यवर्त्तंत महीपतेः । अंगं पवित्रयंती सा खुरोद्धूतैरजःकणैः

atha pratyāśramaṁ sāyaṁ nyavarttaṁta mahīpateḥ aṁgaṁ pavitrayaṁtī sā khuroddhūtairajaḥkaṇaiḥ

फिर संध्या समय वे आश्रम की ओर लौटते; वह अपने खुरों से उड़ी धूल-कणों से राजा के अंग को पवित्र करती हुई—

श्लोक 6 (padma.6.203.6)

अधोभारेण गुरुणा गच्छंती मंथरं बभौ । महीपालमहत्कार्यभाराक्रांतेव नंदिनी

adhobhāreṇa guruṇā gacchaṁtī maṁtharaṁ babhau mahīpālamahatkāryabhārākrāṁteva naṁdinī

—भारी थन के बोझ से मंथर गति से चलती हुई नंदिनी मानो राजा के महान कार्य के भार से दबी हुई-सी प्रतीत होती थी।

श्लोक 7 (padma.6.203.7)

तां मुनेराश्रमाभ्याशे राज्ञी प्रत्युज्जगाम ह । चंदनाक्षतनैवेद्यधूपादीनुपनीय च

tāṁ munerāśramābhyāśe rājñī pratyujjagāma ha caṁdanākṣatanaivedyadhūpādīnupanīya ca

मुनि के आश्रम के निकट रानी उससे मिलने के लिए आगे आती, चंदन, अक्षत, नैवेद्य, धूप आदि लेकर।

श्लोक 8 (padma.6.203.8)

तां पूजयित्वा विधिवत्प्रणम्य च पुनः पुनः । कृत्वा प्रदक्षिणं राज्ञी तस्थौ प्रांजलिरग्रतः

tāṁ pūjayitvā vidhivatpraṇamya ca punaḥ punaḥ kṛtvā pradakṣiṇaṁ rājñī tasthau prāṁjaliragrataḥ

उसकी विधिपूर्वक पूजा करके, बार-बार प्रणाम करके, प्रदक्षिणा करके रानी हाथ जोड़े उसके आगे खड़ी रहती।

श्लोक 9 (padma.6.203.9)

सा गृहीत्वा च तां पूजां विहितां श्रद्धया तया । राज्ञा निश्चलमास्थाय ययौ ताभ्यां सहाश्रमम्

sā gṛhītvā ca tāṁ pūjāṁ vihitāṁ śraddhayā tayā rājñā niścalamāsthāya yayau tābhyāṁ sahāśramam

श्रद्धापूर्वक की गई उस पूजा को स्वीकार करके, वह राजा के साथ स्थिर होकर उन दोनों सहित आश्रम को जाती।

श्लोक 10 (padma.6.203.10)

आराधयति तामेवं दिलीपे तु दृढव्रते । एकाधिका व्यतीयाय दिनानां वैश्य विंशतिः

ārādhayati tāmevaṁ dilīpe tu dṛḍhavrate ekādhikā vyatīyāya dinānāṁ vaiśya viṁśatiḥ

हे वैश्य! दृढ़-व्रती दिलीप द्वारा इस प्रकार उसकी आराधना करते हुए इक्कीस दिन बीत गए।

श्लोक 11 (padma.6.203.11)

अथ भूमिपतेस्तस्य भावजिज्ञासया तु सा । विवेश निर्भयस्वांता सशष्पां हिमवद्गुहाम्

atha bhūmipatestasya bhāvajijñāsayā tu sā viveśa nirbhayasvāṁtā saśaṣpāṁ himavadguhām

फिर उस राजा के भाव की परीक्षा लेने की इच्छा से, वह निर्भय हृदय से घास से भरी हिमालय की एक गुफा में प्रविष्ट हुई।

श्लोक 12 (padma.6.203.12)

पश्यता हिमवत्सानु शोभामथ महीभृता । अलक्षितागमः सिंहो बलाज्जग्राह नंदिनीम्

paśyatā himavatsānu śobhāmatha mahībhṛtā alakṣitāgamaḥ siṁho balājjagrāha naṁdinīm

हिमालय के शिखर की शोभा देखते हुए उस राजा से अनजाने में आकर एक सिंह ने बलपूर्वक नंदिनी को पकड़ लिया।

श्लोक 13 (padma.6.203.13)

सा चक्रंद भृशं धेनुर्दुःखितेव दयास्वना । चित्ते धनुर्भृतस्तस्य जनयंती दयोदयम्

sā cakraṁda bhṛśaṁ dhenurduḥkhiteva dayāsvanā citte dhanurbhṛtastasya janayaṁtī dayodayam

वह गाय दुःखी होकर करुण स्वर में जोर से चीत्कार करने लगी, जिससे उस धनुर्धारी राजा के हृदय में करुणा उमड़ आई।

श्लोक 14 (padma.6.203.14)

तदाक्रंदितमाकर्ण्य तस्याः स जगतीपतिः । हिमवत्सानुसंलग्नां निजदृष्टिं न्यवर्त्तयत्

tadākraṁditamākarṇya tasyāḥ sa jagatīpatiḥ himavatsānusaṁlagnāṁ nijadṛṣṭiṁ nyavarttayat

उसकी वह चीत्कार सुनकर, उस पृथ्वीपति ने हिमालय के शिखर पर लगी अपनी दृष्टि को हटाया।

श्लोक 15 (padma.6.203.15)

उपर्युपरि तां धेनुं स्रवदश्रुमुखीं नृपः । तीक्ष्णदंष्ट्रनखं सिंहं दृष्ट्वा स व्यथितोऽभवत्

uparyupari tāṁ dhenuṁ sravadaśrumukhīṁ nṛpaḥ tīkṣṇadaṁṣṭranakhaṁ siṁhaṁ dṛṣṭvā sa vyathito'bhavat

आँसुओं से भरे मुख वाली उस गाय के ऊपर तीक्ष्ण दाढ़ों और नखों वाले सिंह को देखकर राजा व्यथित हो उठा।

श्लोक 16 (padma.6.203.16)

गृहीतां तेन सिंहेन तामालक्ष्य धनुर्द्धरः । निषंगाद्बाणमुद्धर्तुं प्राहिणोद्दक्षिणं भुजम्

gṛhītāṁ tena siṁhena tāmālakṣya dhanurddharaḥ niṣaṁgādbāṇamuddhartuṁ prāhiṇoddakṣiṇaṁ bhujam

उस सिंह द्वारा पकड़ी गई उसे देखकर, धनुर्धारी राजा ने तरकश से बाण निकालने के लिए अपना दाहिना हाथ बढ़ाया।

श्लोक 17 (padma.6.203.17)

बाणमुद्धृत्य तूणीरान्निहंतुं तं मृगाधिपम् । गुणेनापूर्णमायोज्य चकर्ष वसुधाधिपः

bāṇamuddhṛtya tūṇīrānnihaṁtuṁ taṁ mṛgādhipam guṇenāpūrṇamāyojya cakarṣa vasudhādhipaḥ

उस मृगराज को मारने के लिए तरकश से बाण निकालकर, उसे धनुष की डोरी पर पूरा खींचकर पृथ्वीपति ने चढ़ाया।

श्लोक 18 (padma.6.203.18)

जडीभूतः समस्तांगस्तत्सिंहालोकनेन सः । नाशकद्बाणमुत्सृष्टुं राजासीद्विस्मितस्ततः

jaḍībhūtaḥ samastāṁgastatsiṁhālokanena saḥ nāśakadbāṇamutsṛṣṭuṁ rājāsīdvismitastataḥ

किंतु उस सिंह के दर्शन मात्र से उसका सारा शरीर जड़ हो गया; वह बाण नहीं छोड़ सका, और राजा विस्मित हो गया।

श्लोक 19 (padma.6.203.19)

तादृशं नृपमालक्ष्य जगाद स मृगाधिपः । नरवाचा भृशं भूयो विस्मयं प्रापयन्निदम्

tādṛśaṁ nṛpamālakṣya jagāda sa mṛgādhipaḥ naravācā bhṛśaṁ bhūyo vismayaṁ prāpayannidam

राजा को इस प्रकार देखकर उस मृगराज ने मनुष्य की वाणी में यह वचन कहा, जिससे राजा को और भी अधिक विस्मय हुआ।

श्लोक 20 (padma.6.203.20)

सिंह उवाच- दिलीपं त्वामहं राजन्जानामि रविवंशजम् । त्वं च जानीहि मां शंभोर्गणं कुंभोदराभिधम्

siṁha uvāca- dilīpaṁ tvāmahaṁ rājanjānāmi ravivaṁśajam tvaṁ ca jānīhi māṁ śaṁbhorgaṇaṁ kuṁbhodarābhidham

सिंह ने कहा — 'हे राजन्! मैं तुम्हें सूर्यवंशी दिलीप जानता हूँ; और तुम मुझे शंभु के गण, कुंभोदर नामक, जानो।'

श्लोक 21 (padma.6.203.21)

देवदारुरयं यस्ते वर्त्तते दृष्टगोचरे । पार्वत्यापुत्रवद्वीर पालितः स्निग्धचित्तया

devadārurayaṁ yaste varttate dṛṣṭagocare pārvatyāputravadvīra pālitaḥ snigdhacittayā

'यह देवदारु वृक्ष जो तुम्हारे सामने दिखाई देता है, हे वीर! पार्वती द्वारा स्नेहपूर्ण मन से अपने पुत्र की भाँति पाला गया है।'

श्लोक 22 (padma.6.203.22)

एकदामुष्यवन्येन गजेनाघर्षता कटम् । उदपाटि महाराज वल्कलं मृदुलं भृशम्

ekadāmuṣyavanyena gajenāgharṣatā kaṭam udapāṭi mahārāja valkalaṁ mṛdulaṁ bhṛśam

'एक बार किसी वन-हाथी द्वारा अपना कान रगड़े जाने से, हे महाराज! इसकी अत्यंत कोमल छाल उखड़ गई थी।'

श्लोक 23 (padma.6.203.23)

एनं तादृशमालक्ष्य मृडानी करुणान्विता । मामत्र स्थापयामास सिंहं कृत्वास्य रक्षणे

enaṁ tādṛśamālakṣya mṛḍānī karuṇānvitā māmatra sthāpayāmāsa siṁhaṁ kṛtvāsya rakṣaṇe

'इसे इस दशा में देखकर करुणा से भरी मृडानी (पार्वती) ने मुझे सिंह बनाकर इसकी रक्षा में यहाँ स्थापित कर दिया।'

श्लोक 24 (padma.6.203.24)

ममाह चेति सा देवी कुंभोदर निशम्यताम् । योऽत्र जंतुः समागच्छेत्तं खादेस्त्वं वसन्निह

mamāha ceti sā devī kuṁbhodara niśamyatām yo'tra jaṁtuḥ samāgacchettaṁ khādestvaṁ vasanniha

'और उस देवी ने मुझसे कहा — हे कुंभोदर! सुनो, जो भी प्राणी यहाँ आए, उसे तुम यहीं रहकर खा जाना।'

श्लोक 25 (padma.6.203.25)

ततः प्रभृति राजेंद्र तदाज्ञां पालयन्नहम् । पालितां त्रिदशैः सर्वैः कंदरेऽत्र वसाम्यहम्

tataḥ prabhṛti rājeṁdra tadājñāṁ pālayannaham pālitāṁ tridaśaiḥ sarvaiḥ kaṁdare'tra vasāmyaham

'तभी से, हे राजेंद्र! उसकी उस आज्ञा का पालन करता हुआ, समस्त देवताओं द्वारा रक्षित मैं इस गुफा में रहता हूँ।'

श्लोक 26 (padma.6.203.26)

जडीभावे स्वदेहस्य त्वया कार्यो न विस्मयः । महती शांभवी माया वर्त्ततेऽत्र हिमाचले

jaḍībhāve svadehasya tvayā kāryo na vismayaḥ mahatī śāṁbhavī māyā varttate'tra himācale

'अपने शरीर के जड़ हो जाने पर तुम्हें विस्मय नहीं करना चाहिए; इस हिमाचल में शांभवी माया की महान शक्ति काम करती है।'

श्लोक 27 (padma.6.203.27)

अन्यस्मिन्निव सिंहे त्वं प्रहर्तुं न मयि क्षमः । यतो मत्पृष्ठमारुह्य वृषमारोहति प्रभुः

anyasminniva siṁhe tvaṁ prahartuṁ na mayi kṣamaḥ yato matpṛṣṭhamāruhya vṛṣamārohati prabhuḥ

'तुम मुझ पर किसी अन्य सिंह की भाँति प्रहार करने में समर्थ नहीं हो, क्योंकि स्वयं प्रभु अपने बैल के रूप में मानो मेरी ही पीठ पर सवार रहते हैं।'

श्लोक 28 (padma.6.203.28)

निवर्त्तस्व निजं देहं रक्ष सर्वार्थसाधनम् । दैवेनासादिता वीर गौरियं भक्षणाय मे

nivarttasva nijaṁ dehaṁ rakṣa sarvārthasādhanam daivenāsāditā vīra gauriyaṁ bhakṣaṇāya me

'लौट जाओ, अपने शरीर की रक्षा करो, जो सभी लक्ष्यों की सिद्धि का साधन है। हे वीर! यह गाय दैव द्वारा मेरे भोजन के लिए ही यहाँ लाई गई है।'

श्लोक 29 (padma.6.203.29)

देवल उवाच- इत्याकर्ण्य वचस्तस्य वीरसंबोधनान्वितम् । प्रत्युवाच दिलीपस्तं स जडीभूतविग्रहः

devala uvāca- ityākarṇya vacastasya vīrasaṁbodhanānvitam pratyuvāca dilīpastaṁ sa jaḍībhūtavigrahaḥ

देवल ने कहा — 'वीर' कहकर संबोधित करने वाले उसके इस वचन को सुनकर, अभी भी जड़ शरीर वाले दिलीप ने उससे उत्तर दिया।

श्लोक 30 (padma.6.203.30)

राजोवाच- सर्गस्थितिविसर्गाणां कारणं जगतः शिवम् । अंबिकां जगदंबां च नमामि मृगराज तौ

rājovāca- sargasthitivisargāṇāṁ kāraṇaṁ jagataḥ śivam aṁbikāṁ jagadaṁbāṁ ca namāmi mṛgarāja tau

राजा ने कहा — 'हे मृगराज! सृष्टि, स्थिति और संहार के कारण, कल्याणकारी शिव और जगदंबा अंबिका को मैं नमस्कार करता हूँ।'

श्लोक 31 (padma.6.203.31)

त्वं च तत्सेवकत्वेन मान्यो मम मृगाधिप । ब्रवीमि यदहं वाक्यं श्रुत्वा शाधि करोमि किम्

tvaṁ ca tatsevakatvena mānyo mama mṛgādhipa bravīmi yadahaṁ vākyaṁ śrutvā śādhi karomi kim

'हे मृगाधिप! तुम भी उनके सेवक होने के कारण मेरे लिए आदरणीय हो। मैं जो वचन कहता हूँ, उसे सुनकर बताओ, मैं क्या करूँ?'

श्लोक 32 (padma.6.203.32)

वसिष्ठो ब्रह्मणः पुत्रो गुरुर्नो विदितस्तव । तस्येयं नंदिनीनाम धेनुः सर्वार्थसाधिका

vasiṣṭho brahmaṇaḥ putro gururno viditastava tasyeyaṁ naṁdinīnāma dhenuḥ sarvārthasādhikā

'ब्रह्मा के पुत्र वसिष्ठ हमारे गुरु हैं, यह तुम्हें ज्ञात ही होगा। यह नंदिनी नामक गाय, समस्त इच्छाओं को पूर्ण करने वाली, उन्हीं की है।'

श्लोक 33 (padma.6.203.33)

संतानोत्पत्तये तेन दत्ताराधयितुं मम । येयमाराधिता सम्यक्दिनानि कतिचिन्मया

saṁtānotpattaye tena dattārādhayituṁ mama yeyamārādhitā samyakdināni katicinmayā

'संतान-प्राप्ति के लिए उनके द्वारा यह मुझे आराधना करने के लिए दी गई थी। इसकी मैंने कई दिनों तक भलीभाँति आराधना की—'

श्लोक 34 (padma.6.203.34)

लघुतर्णक मातेयं धृता ते गिरिकंदरे । शुंभुभृत्याद्बलात्त्वत्तोशक्तामोचयितुंमया

laghutarṇaka māteyaṁ dhṛtā te girikaṁdare śuṁbhubhṛtyādbalāttvattośaktāmocayituṁmayā

'—इस छोटे बछड़े की इस माता को तुमने पर्वत की गुफा में पकड़ लिया है; मैं शंभु के सेवक तुमसे इसे बलपूर्वक छुड़ाने में असमर्थ हूँ।'

श्लोक 35 (padma.6.203.35)

अहं तस्य मुनेरग्रे गच्छाम्येनामृते कथम् । कामधेनोस्तु दौहित्री जगत्सेव्या यशस्विनी

ahaṁ tasya muneragre gacchāmyenāmṛte katham kāmadhenostu dauhitrī jagatsevyā yaśasvinī

'मैं उस मुनि के सामने इसके बिना कैसे जाऊँ? यह कामधेनु की पौत्री, संसार-सेव्य, यशस्विनी है—'

श्लोक 36 (padma.6.203.36)

अनया सदृशी नान्या गौर्यया तोषयामि तम् । तस्माद्विमुच्य गामेनामग्र्यां कुरु निजाशनम्

anayā sadṛśī nānyā gauryayā toṣayāmi tam tasmādvimucya gāmenāmagryāṁ kuru nijāśanam

'—इसके समान अन्य कोई गाय नहीं, जिससे मैं उन्हें संतुष्ट करूँ। इसलिए इस श्रेष्ठ गाय को छोड़कर मुझे ही अपना भोजन बनाओ।'

श्लोक 37 (padma.6.203.37)

ददामि देहमात्मीयमपकीर्तिमलीमसम् । एवं न धर्महानिः स्यादृषेस्तव तु भोजनम् । गवार्थे त्यजतः प्राणान्ममापि गतिरुत्तमा

dadāmi dehamātmīyamapakīrtimalīmasam evaṁ na dharmahāniḥ syādṛṣestava tu bhojanam gavārthe tyajataḥ prāṇānmamāpi gatiruttamā

'मैं अपना यह शरीर, जो अपकीर्ति से मलिन है, तुम्हें देता हूँ। इस प्रकार ऋषि की धर्म-हानि भी नहीं होगी, और तुम्हारा भोजन भी हो जाएगा; गाय के लिए प्राण त्यागने वाले मेरी भी उत्तम गति होगी।'

श्लोक 38 (padma.6.203.38)

देवल उवाच- एवमाकर्ण्य सिंहेन कृते मौने विशांपते । तदग्रेऽवाङ्मुखो राजा न्यपतद्धर्मकोविदः

devala uvāca- evamākarṇya siṁhena kṛte maune viśāṁpate tadagre'vāṅmukho rājā nyapataddharmakovidaḥ

देवल ने कहा — हे प्रजापालक! इस प्रकार सिंह के मौन हो जाने पर, धर्म में निपुण वह राजा उसके सामने मुख नीचा करके लेट गया।

श्लोक 39 (padma.6.203.39)

तस्य प्रतीक्षमाणस्य सिंहपातं सुदुःसहम् । पपातोपरि पुष्पाणां वृष्टिर्मुक्ता सुरेश्वरैः

tasya pratīkṣamāṇasya siṁhapātaṁ suduḥsaham papātopari puṣpāṇāṁ vṛṣṭirmuktā sureśvaraiḥ

सिंह के उस अत्यंत असह्य आक्रमण की प्रतीक्षा करते हुए उस पर देवताओं के स्वामियों द्वारा छोड़ी गई पुष्प-वर्षा हुई।

श्लोक 40 (padma.6.203.40)

पुत्रोत्तिष्ठेति वचनं श्रुत्वा राजा स उत्थितः । जननीमिव तां धेनुं ददर्श न मृगाधिपम्

putrottiṣṭheti vacanaṁ śrutvā rājā sa utthitaḥ jananīmiva tāṁ dhenuṁ dadarśa na mṛgādhipam

'हे पुत्र! उठो' — यह वचन सुनकर राजा उठा, और उस गाय को माता की भाँति देखा, पर मृगराज को नहीं देखा।

श्लोक 41 (padma.6.203.41)

तं विस्मितमुवाचेदं नंदिनी नृपसत्तमम् । नंदिन्युवाच- मायया सिंहरूपिण्या त्वं मयासि परीक्षितः

taṁ vismitamuvācedaṁ naṁdinī nṛpasattamam naṁdinyuvāca- māyayā siṁharūpiṇyā tvaṁ mayāsi parīkṣitaḥ

नंदिनी ने उस विस्मित श्रेष्ठ राजा से यह कहा। नंदिनी ने कहा — 'सिंह-रूपी माया से तुम्हारी मेरे द्वारा परीक्षा ली गई।'

श्लोक 42 (padma.6.203.42)

मुनिप्रभावान्मां राजन्गृहीतुं न क्षमोंऽतकः । मनसापि कुतोऽन्येषां यद्ग्रहे शक्तिरंगिनाम्

muniprabhāvānmāṁ rājangṛhītuṁ na kṣamoṁ'takaḥ manasāpi kuto'nyeṣāṁ yadgrahe śaktiraṁginām

'हे राजन्! मुनि के प्रभाव से मुझे स्वयं काल भी पकड़ने में समर्थ नहीं है; फिर मन से भी अन्य प्राणियों में मुझे पकड़ने की शक्ति कहाँ से हो?'

श्लोक 43 (padma.6.203.43)

स्वशरीरस्य दानेन त्वं मां रक्षितुमुद्यतः । अतस्तेऽहं प्रसन्नास्मि वृणीष्व वरमीप्सितम्

svaśarīrasya dānena tvaṁ māṁ rakṣitumudyataḥ ataste'haṁ prasannāsmi vṛṇīṣva varamīpsitam

'अपने ही शरीर के दान से तुम मेरी रक्षा के लिए तत्पर हुए; इसलिए मैं तुमसे प्रसन्न हूँ, अपना इच्छित वर माँगो।'

श्लोक 44 (padma.6.203.44)

राजोवाच- न गुप्तं देहिनामंतर्वर्तिवृत्तं भवादृशम् । अतो जननि जानासि वांच्छितं मम देहि तत्

rājovāca- na guptaṁ dehināmaṁtarvartivṛttaṁ bhavādṛśam ato janani jānāsi vāṁcchitaṁ mama dehi tat

राजा ने कहा — 'तुम्हारे जैसों से प्राणियों के भीतर छिपा भाव भी छिपा नहीं रहता। इसलिए, हे माता! तुम मेरी इच्छा जानती हो, वही मुझे दो।'

श्लोक 45 (padma.6.203.45)

मगधेशसुतायां मे वंशकर्तारमात्मजम् । प्रयच्छ किंचित्स्वच्छानां नासाध्यं हि भवादृशाम्

magadheśasutāyāṁ me vaṁśakartāramātmajam prayaccha kiṁcitsvacchānāṁ nāsādhyaṁ hi bhavādṛśām

'मगधराज की पुत्री से मुझे वंश चलाने वाला एक पुत्र दो; तुम्हारे जैसे स्वच्छ-हृदय वालों के लिए कुछ भी असाध्य नहीं है।'

श्लोक 46 (padma.6.203.46)

इत्युक्त्वांजलिमाधाय तत्पुरस्तस्थिवान्नृपः । तूष्णीं तदुत्तरापेक्षी तत्पुरोबद्धलोचनः

ityuktvāṁjalimādhāya tatpurastasthivānnṛpaḥ tūṣṇīṁ taduttarāpekṣī tatpurobaddhalocanaḥ

यह कहकर, हाथ जोड़कर राजा उसके सामने चुपचाप उसके उत्तर की प्रतीक्षा में, उसी पर दृष्टि टिकाए खड़ा रहा।

श्लोक 47 (padma.6.203.47)

देवल उवाच- निशम्येति वचस्तस्य भूपतेरिदमब्रवीत् । नंदिनी पितृदेवर्षिनरभूतार्थसाधिका

devala uvāca- niśamyeti vacastasya bhūpateridamabravīt naṁdinī pitṛdevarṣinarabhūtārthasādhikā

देवल ने कहा — राजा का यह वचन सुनकर, पितरों, देवताओं, ऋषियों, मनुष्यों और भूतों के अर्थ को सिद्ध करने वाली नंदिनी ने यह कहा।

श्लोक 48 (padma.6.203.48)

नन्दिन्युवाच- पुत्र पत्रपुटे दुग्ध्वा पयो मम पिबेप्सितम् । आश्रमे गुरुणाज्ञप्तः पुनः पास्यसि शेषितम्

nandinyuvāca- putra patrapuṭe dugdhvā payo mama pibepsitam āśrame guruṇājñaptaḥ punaḥ pāsyasi śeṣitam

नंदिनी ने कहा — 'हे पुत्र! पत्तों के दोने में मेरा दूध दुहकर जितना चाहो पी लो; आश्रम में गुरु की आज्ञा से फिर शेष भाग भी पिओगे।'

श्लोक 49 (padma.6.203.49)

भविता वंशकर्ता ते सुतः शस्त्रास्त्रतत्ववित् । देवल उवाच- इत्युक्तः सौरभेय्या तामुवाच विनयेन सः

bhavitā vaṁśakartā te sutaḥ śastrāstratatvavit devala uvāca- ityuktaḥ saurabheyyā tāmuvāca vinayena saḥ

'तुम्हारा वंश-कर्ता पुत्र शस्त्र-अस्त्रों के तत्व का ज्ञाता होगा।' देवल ने कहा — सुरभि की पुत्री द्वारा ऐसा कहे जाने पर उसने विनयपूर्वक उससे कहा—

श्लोक 50 (padma.6.203.50)

दिलीप उवाच- मातस्तवैव पास्यामि शेषं सर्वक्रियाविधेः । तृप्तोऽहं मातरासाद्य मिष्टं ते वचनामृतम्

dilīpa uvāca- mātastavaiva pāsyāmi śeṣaṁ sarvakriyāvidheḥ tṛpto'haṁ mātarāsādya miṣṭaṁ te vacanāmṛtam

दिलीप ने कहा — 'हे माता! समस्त क्रिया-विधि पूर्ण होने के बाद ही मैं तुम्हारा शेष दूध पिऊँगा। हे माता! तुम्हारा मीठा अमृत-वचन पाकर मैं तृप्त हो चुका हूँ।'

श्लोक 51 (padma.6.203.51)

नान्यदिच्छामि सारंगः कादंबिन्या यथा जलम् । तव शुश्रूषणान्मातरभवं सकलोद्भवः

nānyadicchāmi sāraṁgaḥ kādaṁbinyā yathā jalam tava śuśrūṣaṇānmātarabhavaṁ sakalodbhavaḥ

'मुझे और कुछ नहीं चाहिए, जैसे चातक पक्षी को केवल मेघ का जल चाहिए। हे माता! तुम्हारी सेवा से ही मैं सर्वस्व-प्राप्त हो गया।'

श्लोक 52 (padma.6.203.52)

समस्तजनपूज्याया विद्याया इव मूढधीः । तव मातामही दत्तः शापोऽप्यासीद्वरो मम

samastajanapūjyāyā vidyāyā iva mūḍhadhīḥ tava mātāmahī dattaḥ śāpo'pyāsīdvaro mama

'सभी लोगों द्वारा पूज्य विद्या के सामने मूढ़बुद्धि की भाँति, तुम्हारी माता (कामधेनु) द्वारा दिया गया शाप भी मेरे लिए वरदान ही बना।'

श्लोक 53 (padma.6.203.53)

तमृते पुत्रलाभो मे कुतस्तव च दर्शनम् । वरायैव तथाप्यंब समाराध्या भवादृशः । न हि कश्चिद्विषाकांक्षी महादेवात्त्रिवर्गदात्

tamṛte putralābho me kutastava ca darśanam varāyaiva tathāpyaṁba samārādhyā bhavādṛśaḥ na hi kaścidviṣākāṁkṣī mahādevāttrivargadāt

'उसके बिना मुझे पुत्र-प्राप्ति और तुम्हारा दर्शन कहाँ से होता? फिर भी, हे माता! तुम जैसों की आराधना केवल वर के लिए ही होती है; कोई भी विष चाहने वाला महादेव से, जो त्रिवर्ग देने वाले हैं, नहीं माँगता।'

श्लोक 54 (padma.6.203.54)

देवल उवाच- श्रुत्वेति तद्वचः सा गौः प्रसन्ना साधुसाध्विति । आभाष्य हि महादर्पा ययौ तेन सहाश्रमम्

devala uvāca- śrutveti tadvacaḥ sā gauḥ prasannā sādhusādhviti ābhāṣya hi mahādarpā yayau tena sahāśramam

देवल ने कहा — यह वचन सुनकर वह प्रसन्न गाय 'साधु-साधु' कहती हुई, अत्यंत गौरवान्वित होकर, उसके साथ आश्रम को चली गई।

श्लोक 55 (padma.6.203.55)

पूर्वेद्युरिव तत्रापि पूजिता राजभार्यया । प्रसन्ना सा बभौ धेनुः कार्यसिद्धिरिवांगभाक्

pūrvedyuriva tatrāpi pūjitā rājabhāryayā prasannā sā babhau dhenuḥ kāryasiddhirivāṁgabhāk

पहले दिन की भाँति वहाँ भी रानी द्वारा पूजित होकर, वह गाय कार्य की सिद्धि साक्षात् शरीर धारण किए हो, ऐसी प्रसन्न प्रतीत हुई।

श्लोक 56 (padma.6.203.56)

मुखं प्रसन्नमालक्ष्य मृगाक्षी सा क्षितीशितुः । अज्ञासीत्तं निजं कार्यं सिद्धं यत्नस्तु यत्कृते

mukhaṁ prasannamālakṣya mṛgākṣī sā kṣitīśituḥ ajñāsīttaṁ nijaṁ kāryaṁ siddhaṁ yatnastu yatkṛte

राजा के प्रसन्न मुख को देखकर, उस मृगनयनी रानी ने जान लिया कि जिस उद्देश्य से यह प्रयास किया गया था, वह सिद्ध हो गया है।

श्लोक 57 (padma.6.203.57)

अथ तौ दंपती धेन्वा विधिवद्विहितार्चया । तया सह गुरोरग्रे कृतकृत्यस्य जग्मतुः

atha tau daṁpatī dhenvā vidhivadvihitārcayā tayā saha guroragre kṛtakṛtyasya jagmatuḥ

फिर वे दंपति, गाय की विधिपूर्वक पूजा करके, उसके साथ, अपना उद्देश्य पूर्ण हुए गुरु के सामने गए।

श्लोक 58 (padma.6.203.58)

निरीक्ष्य तौ मुनिवरः प्रसन्नमुखपंकजौ । अतींद्रियज्ञाननिधिः प्रोवाचेदं प्रहर्षयन्

nirīkṣya tau munivaraḥ prasannamukhapaṁkajau atīṁdriyajñānanidhiḥ provācedaṁ praharṣayan

उन दोनों को प्रसन्न कमल-सम मुख वाला देखकर, दिव्य-ज्ञान के भंडार उस श्रेष्ठ मुनि ने प्रसन्न होते हुए यह कहा—

श्लोक 59 (padma.6.203.59)

वसिष्ठ उवाच- राजञ्जानामि गौरेषा प्रसन्ना वामभूत्किल । अपूर्वा युवयोरद्य मुखकांतिर्हि लक्ष्यते

vasiṣṭha uvāca- rājañjānāmi gaureṣā prasannā vāmabhūtkila apūrvā yuvayoradya mukhakāṁtirhi lakṣyate

वसिष्ठ ने कहा — 'हे राजन्! मैं जानता हूँ कि यह गाय तुम दोनों से प्रसन्न हो गई; क्योंकि आज तुम दोनों के मुख पर अपूर्व कांति दिखाई दे रही है।'

श्लोक 60 (padma.6.203.60)

सुरभिः सुरशाखी च विश्रुतौ कामपूरिणौ । तदपत्यं समाराध्य सिद्धोऽथ स्यात्किमद्भुतम्

surabhiḥ suraśākhī ca viśrutau kāmapūriṇau tadapatyaṁ samārādhya siddho'tha syātkimadbhutam

'सुरभि और कल्पवृक्ष दोनों ही इच्छाओं को पूर्ण करने वाले विख्यात हैं; उनकी संतान की आराधना करके सिद्धि प्राप्त हो — इसमें क्या आश्चर्य है?'

श्लोक 61 (padma.6.203.61)

यो ददाति निखिलं मनोरथं कीर्तितेयमनघापि दूरतः । श्रद्धया निकट एव सेविता किं पुनः सुरतरंगिणीव सा

yo dadāti nikhilaṁ manorathaṁ kīrtiteyamanaghāpi dūrataḥ śraddhayā nikaṭa eva sevitā kiṁ punaḥ surataraṁgiṇīva sā

'जो दूर से भी मात्र नाम-कीर्तन से संपूर्ण मनोरथ देती है, वह निष्पाप होते हुए भी — निकट रहकर श्रद्धा से सेवित होने पर तो फिर वह देवगंगा के समान ही है।'

श्लोक 62 (padma.6.203.62)

ज्ञानतो विदितमद्भुतं मया त्वत्कृतं यदनया परीक्षणम् । भूपते त्वमपि धर्ममात्मनो रक्षसि स्म च यथा च तत्

jñānato viditamadbhutaṁ mayā tvatkṛtaṁ yadanayā parīkṣaṇam bhūpate tvamapi dharmamātmano rakṣasi sma ca yathā ca tat

'हे राजन्! मुझे अपने ज्ञान से यह अद्भुत बात ज्ञात हो गई कि इसके द्वारा तुम्हारी कैसी परीक्षा ली गई, और तुमने अपने धर्म की रक्षा कैसे की।'

श्लोक 63 (padma.6.203.63)

त्वय्यसौ मम मनोऽनुकूलतां भावमात्मनि विबुध्यते तथा । तुष्यति स्म कमला यथा हरेः पार्वतीव गिरिशस्य सज्जते

tvayyasau mama mano'nukūlatāṁ bhāvamātmani vibudhyate tathā tuṣyati sma kamalā yathā hareḥ pārvatīva giriśasya sajjate

'तुम में उसका मन मेरे प्रति अनुकूल भाव जान गया है, जैसे कमला हरि से प्रसन्न होती हैं, और पार्वती गिरीश से रमी रहती हैं।'

श्लोक 64 (padma.6.203.64)

रात्रिरत्र सहाभार्ययानया धेनुपूजनपरेण नीयताम् । भूपभव्य भवता गमिष्यते श्वः समाप्तविधिना निजांपुरीम्

rātriratra sahābhāryayānayā dhenupūjanapareṇa nīyatām bhūpabhavya bhavatā gamiṣyate śvaḥ samāptavidhinā nijāṁpurīm

'यह रात्रि यहीं, पत्नी सहित, गाय की पूजा में लगे हुए बिताई जाए। हे भव्य राजा! कल तुम अपने विधि पूर्ण करके अपने नगर को चले जाना।'

श्लोक 65 (padma.6.203.65)

देवल उवाच- वैश्यैवं धेनुमाराध्य सभार्यः प्राप्तवांछितः । प्रातर्युक्तरथः प्राप्य गुरोराज्ञामगाद्गृहम्

devala uvāca- vaiśyaivaṁ dhenumārādhya sabhāryaḥ prāptavāṁchitaḥ prātaryuktarathaḥ prāpya gurorājñāmagādgṛham

देवल ने कहा — हे वैश्य! इस प्रकार गाय की आराधना करके, पत्नी सहित इच्छा पूर्ण हुई, राजा प्रातःकाल रथ जोतकर गुरु की आज्ञा लेकर घर चला गया।

श्लोक 66 (padma.6.203.66)

कतिचिद्वासरैस्तस्य दिलीपस्याभवद्रघुः । यस्य नाम्ना रघोर्वंशः पृथिव्यां विश्रुतोऽभवत्

katicidvāsaraistasya dilīpasyābhavadraghuḥ yasya nāmnā raghorvaṁśaḥ pṛthivyāṁ viśruto'bhavat

कुछ दिनों में उस दिलीप को रघु नामक पुत्र प्राप्त हुआ, जिसके नाम से पृथ्वी पर रघुवंश विख्यात हुआ।

श्लोक 67 (padma.6.203.67)

यः पठिष्यति भूपस्य दिलीपस्य कथामिमाम् । धनं धान्यं सुतं वैश्य लप्स्यते स पुमानिह

yaḥ paṭhiṣyati bhūpasya dilīpasya kathāmimām dhanaṁ dhānyaṁ sutaṁ vaiśya lapsyate sa pumāniha

हे वैश्य! जो कोई राजा दिलीप की इस कथा को पढ़ेगा, वह मनुष्य यहाँ धन, धान्य और पुत्र प्राप्त करेगा।

श्लोक 68 (padma.6.203.68)

शरभवरसुताप्तये स्वबुद्ध्या सममनया परितोषयाशु गौरीम् । त्वमपि कुलधुरं गुणान्वितं सा सुतमनघं खलु दास्यते च तुभ्यम्

śarabhavarasutāptaye svabuddhyā samamanayā paritoṣayāśu gaurīm tvamapi kuladhuraṁ guṇānvitaṁ sā sutamanaghaṁ khalu dāsyate ca tubhyam

'हे शरभ! श्रेष्ठ पुत्र-प्राप्ति के लिए अपनी बुद्धि से, इसी (अपनी पत्नी) के साथ, शीघ्र गौरी को संतुष्ट करो; वे तुम्हें भी कुल की धुरी धारण करने वाला, गुणवान और निष्पाप पुत्र निश्चय ही देंगी।'

श्लोक 69 (padma.6.203.69)

शिवशर्मोवाच- मुनिरिति चरितं दिलीपराज्ञो ललिततरं शरभाय पुण्यमुक्त्वा । अभिमतगतमात्मनः प्रपेदे विधिमुपदिश्य च पूज जनेंबिकायाः

śivaśarmovāca- muniriti caritaṁ dilīparājño lalitataraṁ śarabhāya puṇyamuktvā abhimatagatamātmanaḥ prapede vidhimupadiśya ca pūja janeṁbikāyāḥ

शिवशर्मा ने कहा — इस प्रकार वह मुनि, दिलीप राजा के इस अत्यंत मनोहर और पवित्र चरित्र को शरभ को सुनाकर, अंबिका की पूजा की विधि भी बताकर, अपने इच्छित मार्ग पर चला गया।