मुकुंदोपाख्यान

श्लोक 1 (padma.6.210.1)

नारद उवाच- एवं प्रबोध्य तान्सर्वान्वचोभिः पारमार्थिकैः । स हंसः कारयामास क्रियास्तस्यात्मसंभवाः

nārada uvāca- evaṁ prabodhya tānsarvānvacobhiḥ pāramārthikaiḥ sa haṁsaḥ kārayāmāsa kriyāstasyātmasaṁbhavāḥ

नारद ने कहा — 'इस प्रकार पारमार्थिक वचनों से उन सबको समझाकर, उस परमहंस ने मुकुंद की देह-क्रियाएँ सम्पन्न कराईं।'

श्लोक 2 (padma.6.210.2)

अंतर्वत्नी मुकुंदस्य निर्बंधं कुर्वती वधूः । अनुगंतुं स्वभर्तारं विदुषा तेन वारिता

aṁtarvatnī mukuṁdasya nirbaṁdhaṁ kurvatī vadhūḥ anugaṁtuṁ svabhartāraṁ viduṣā tena vāritā

'गर्भवती मुकुंद की वधू अपने पति का अनुसरण करने का हठ करने लगी; परंतु उस विद्वान् ने उसे रोक दिया।'

श्लोक 3 (padma.6.210.3)

तस्यास्थीनि समादाय तेन सन्यासिना समम् । तद्भ्राता प्रययौ गंगाजले पातयितुं नृप

tasyāsthīni samādāya tena sanyāsinā samam tadbhrātā prayayau gaṁgājale pātayituṁ nṛpa

'हे नृप! उसकी अस्थियों को लेकर, उस संन्यासी के साथ उसका भाई गंगाजल में उन्हें प्रवाहित करने के लिए चल पड़ा।'

श्लोक 4 (padma.6.210.4)

विप्रसन्यासिनौ तौ हि कतिभिर्वासरैर्नृप । सार्थलोकवशात्प्राप्तौ इंद्रप्रस्थेऽत्र सत्पदे

viprasanyāsinau tau hi katibhirvāsarairnṛpa sārthalokavaśātprāptau iṁdraprasthe'tra satpade

'हे नृप! वह ब्राह्मण और संन्यासी कुछ दिनों में सार्थ के साथ यहाँ इंद्रप्रस्थ के इस पवित्र स्थान में आ पहुँचे।'

श्लोक 5 (padma.6.210.5)

इंद्रप्रस्थांतरावर्तिन्येषा या कोशला नृप । अत्र सुप्तौ निशायां तौ यमुनातीरभूतले

iṁdraprasthāṁtarāvartinyeṣā yā kośalā nṛpa atra suptau niśāyāṁ tau yamunātīrabhūtale

'हे नृप! इंद्रप्रस्थ के भीतर स्थित यह जो कोशला है, यहाँ उस रात वे दोनों यमुना-तट की भूमि पर सो गए।'

श्लोक 6 (padma.6.210.6)

आत्मनोरुभयोर्मध्ये न्यस्यास्थिपटसंपुटम् । मार्गखेदपरिक्रांतौ दशां सौषुप्तिकीं गतौ

ātmanorubhayormadhye nyasyāsthipaṭasaṁpuṭam mārgakhedaparikrāṁtau daśāṁ sauṣuptikīṁ gatau

'अपने दोनों के बीच अस्थियों की वस्त्र-पोटली रखकर, मार्ग की थकान से आक्रांत वे दोनों गहरी निद्रा में सो गए।'

श्लोक 7 (padma.6.210.7)

निशीथेऽथ प्रसुप्तेषु सार्थलोकेषु कश्चन । एकः श्वा तत्र संप्राप्तः पक्वान्नादि जिहीर्षया

niśīthe'tha prasupteṣu sārthalokeṣu kaścana ekaḥ śvā tatra saṁprāptaḥ pakvānnādi jihīrṣayā

'आधी रात को, जब यात्री-दल के लोग सो रहे थे, एक कुत्ता वहाँ पक्वान्न आदि चुराने की इच्छा से आ पहुँचा।'

श्लोक 8 (padma.6.210.8)

बभ्राम सर्वशिविरे जिघ्रन्पाकस्थलीं मुहुः । भाजनानि लिहन्मूर्ध्नि क्व च दंडाहतिं सहन्

babhrāma sarvaśivire jighranpākasthalīṁ muhuḥ bhājanāni lihanmūrdhni kva ca daṁḍāhatiṁ sahan

'वह पूरे पड़ाव में घूमता रहा, बार-बार रसोई-स्थलों को सूँघता, बर्तन चाटता, और कहीं-कहीं सिर पर लाठी की मार सहता।'

श्लोक 9 (padma.6.210.9)

केनचित्ताडितो मूर्ध्नि निशब्दं विद्रुतस्ततः । प्रतिचक्रुमशक्तस्तु स्त्रीजितः स्वस्त्रिया यथा

kenacittāḍito mūrdhni niśabdaṁ vidrutastataḥ praticakrumaśaktastu strījitaḥ svastriyā yathā

'किसी के द्वारा सिर पर पीटे जाने पर वह चुपचाप वहाँ से भाग गया, प्रतिकार करने में असमर्थ — जैसे अपनी पत्नी से हारा हुआ पुरुष।'

श्लोक 10 (padma.6.210.10)

यत्रावकंडितः स श्वा दंडग्रावेष्टकादिभिः । पुनर्विवेश तत्रैव सान्नपात्रलिलिप्सया

yatrāvakaṁḍitaḥ sa śvā daṁḍagrāveṣṭakādibhiḥ punarviveśa tatraiva sānnapātralilipsayā

'जहाँ-जहाँ वह कुत्ता डंडे, पत्थर, ईंट आदि से पीटा गया, वहाँ-वहाँ वह पुनः अन्न-भरे पात्रों की लालसा से घुस जाता।'

श्लोक 11 (padma.6.210.11)

भोगेच्छया यथा वेश्या स्नेहवान्निर्द्धनो जनः । भ्रमन्नेवं स चात्रापि यत्र सुप्तौ हि तावुभौ

bhogecchayā yathā veśyā snehavānnirddhano janaḥ bhramannevaṁ sa cātrāpi yatra suptau hi tāvubhau

'जैसे निर्धन किंतु प्रेमासक्त मनुष्य भोग की इच्छा से वेश्या के पास बार-बार जाता है, वैसे ही भटकता हुआ वह कुत्ता वहाँ भी आ पहुँचा, जहाँ वे दोनों सोए हुए थे।'

श्लोक 12 (padma.6.210.12)

सारमेयस्तयोर्मध्याज्जह्रे स पटसंपुटम् । नीत्वा स कियतीं भूमिं दंतैस्तत्पटसंपुटम्

sārameyastayormadhyājjahre sa paṭasaṁpuṭam nītvā sa kiyatīṁ bhūmiṁ daṁtaistatpaṭasaṁpuṭam

'उस श्वान ने उन दोनों के बीच से वह वस्त्र-पोटली उठा ली; उस पोटली को दाँतों में लेकर वह कुछ दूर तक—'

श्लोक 13 (padma.6.210.13)

विदार्यास्थीनि तत्स्थानि निर्मांसान्यवलोक्य सः । एतस्याः कोशलायास्तु जलमध्ये समाक्षिपत्

vidāryāsthīni tatsthāni nirmāṁsānyavalokya saḥ etasyāḥ kośalāyāstu jalamadhye samākṣipat

'—ले गया, फिर उसे फाड़कर, उसमें रखी मांसरहित हड्डियों को देखकर, उसने उन्हें इसी कोशला के जल के बीच फेंक दिया।'

श्लोक 14 (padma.6.210.14)

क्षिप्तमात्रेषु तेनास्थिष्वेतदंबुनि भूपते । दिव्यं विमानमास्थाय मुकुंदोऽत्र समागतः

kṣiptamātreṣu tenāsthiṣvetadaṁbuni bhūpate divyaṁ vimānamāsthāya mukuṁdo'tra samāgataḥ

'हे भूपते! ज्यों ही उन हड्डियों को उसने इस जल में डाला, त्यों ही मुकुंद दिव्य विमान पर सवार होकर वहाँ आ पहुँचा।'

श्लोक 15 (padma.6.210.15)

दृष्ट्वा गुर्वनुजौ सुप्तौ शनैः प्राबोधयत्तदा । उवाच च नमस्कृत्य गुंरुं दिव्याकृतिर्नृप

dṛṣṭvā gurvanujau suptau śanaiḥ prābodhayattadā uvāca ca namaskṛtya guṁruṁ divyākṛtirnṛpa

'हे नृप! अपने गुरु और भाई को सोया हुआ देखकर, दिव्य रूप वाले उसने उन्हें धीरे-धीरे जगाया; और गुरु को नमस्कार कर वह बोला।'

श्लोक 16 (padma.6.210.16)

मुकुंद उवाच। वेदायन गुरो तुभ्यं नम आशीस्तवानुज । प्रासादाद्वां ममास्थीनि तीर्थेऽत्र पतितानि वै

mukuṁda uvāca vedāyana guro tubhyaṁ nama āśīstavānuja prāsādādvāṁ mamāsthīni tīrthe'tra patitāni vai

मुकुंद ने कहा — 'हे गुरु वेदायन! आपको नमस्कार है; हे अनुज! तुम्हें आशीर्वाद। आप दोनों की कृपा से मेरी अस्थियाँ इस तीर्थ में गिरीं।'

श्लोक 17 (padma.6.210.17)

अयं मृत्युमहं गत्वा निरयं प्राप्य तत्फलम् । एतत्तीर्थप्रसादेन दैवी लब्धा मया गतिः

ayaṁ mṛtyumahaṁ gatvā nirayaṁ prāpya tatphalam etattīrthaprasādena daivī labdhā mayā gatiḥ

'मृत्यु को प्राप्त होकर नरक में जाकर उसका फल भोगकर, इस तीर्थ की ही कृपा से मुझे यह दिव्य गति मिली है।'

श्लोक 18 (padma.6.210.18)

त्वां गुरुं तीर्थभूतं तु नमस्कर्तुमिहागतः । अहं गच्छन्विमानेन दिव्येन त्रिदशालयम्

tvāṁ guruṁ tīrthabhūtaṁ tu namaskartumihāgataḥ ahaṁ gacchanvimānena divyena tridaśālayam

'मैं यहाँ आपको, अपने तीर्थ-स्वरूप गुरु को, प्रणाम करने आया हूँ; और अब मैं इस दिव्य विमान से देवलोक को जा रहा हूँ।'

श्लोक 19 (padma.6.210.19)

नमस्कृतो भवानेतत्तीर्थ चायं सहोदरः । दृष्टो मामनुजानीहि यामि स्वर्गं सुखोदयम्

namaskṛto bhavānetattīrtha cāyaṁ sahodaraḥ dṛṣṭo māmanujānīhi yāmi svargaṁ sukhodayam

'आपको प्रणाम कर लिया, इस तीर्थ को भी, और अपने इस सहोदर भाई को भी देख लिया; अब मुझे आज्ञा दीजिए, मैं सुखोदय स्वर्ग को जाता हूँ।'

श्लोक 20 (padma.6.210.20)

नारद उवाच- श्रुत्वैवं वचनं तस्य मुकुंदस्य गुरुस्तदा । वेदायनो विमानस्थं तमूचे गतविस्मयः

nārada uvāca- śrutvaivaṁ vacanaṁ tasya mukuṁdasya gurustadā vedāyano vimānasthaṁ tamūce gatavismayaḥ

नारद ने कहा — 'मुकुंद के इस वचन को सुनकर, उसके गुरु वेदायन ने, अब आश्चर्यमुक्त होकर, विमानस्थ उससे कहा।'

श्लोक 21 (padma.6.210.21)

देवायन उवाच- मुकुंदाख्याहि मे सत्यं लब्ध्वा यन्मरणं भवान् । कस्मिंल्लोके गतस्तात यतो यात्यधुना दिवम्

devāyana uvāca- mukuṁdākhyāhi me satyaṁ labdhvā yanmaraṇaṁ bhavān kasmiṁlloke gatastāta yato yātyadhunā divam

वेदायन ने कहा — 'हे मुकुंद! मुझे सत्य बता — मृत्यु पाकर तू किस लोक में गया था, हे तात, जहाँ से अब तू स्वर्ग को जा रहा है?'

श्लोक 22 (padma.6.210.22)

किं वृत्तं तत्र ते तात तस्यलोकस्य कोऽधिपः । कीदृशी च प्रजा कीदृक्धर्मस्तत्राखिलं वद

kiṁ vṛttaṁ tatra te tāta tasyalokasya ko'dhipaḥ kīdṛśī ca prajā kīdṛkdharmastatrākhilaṁ vada

'हे तात! वहाँ तेरे साथ क्या हुआ? उस लोक का स्वामी कौन है? वहाँ की प्रजा और धर्म कैसे हैं — सब कुछ बता।'

श्लोक 23 (padma.6.210.23)

मुकुंद उवाच- कथयामि गुरो तुभ्यं यद्वृत्तं मरणादनु । तीर्थस्यास्य प्रसादेन स्मृतिर्मे जायतेऽधुना

mukuṁda uvāca- kathayāmi guro tubhyaṁ yadvṛttaṁ maraṇādanu tīrthasyāsya prasādena smṛtirme jāyate'dhunā

मुकुंद ने कहा — 'हे गुरु! मृत्यु के पश्चात् जो कुछ हुआ, वह मैं आपको बताता हूँ; इस तीर्थ की कृपा से ही अब मुझे उसकी स्मृति हो रही है।'

श्लोक 24 (padma.6.210.24)

यदाहं तेन निहतश्चंडकेन दुरात्मना । नापितेन तदा जग्मुर्यमभृत्याः सुदारुणाः

yadāhaṁ tena nihataścaṁḍakena durātmanā nāpitena tadā jagmuryamabhṛtyāḥ sudāruṇāḥ

'जब मैं उस दुरात्मा चंडक नाई द्वारा मार डाला गया, तब यम के अत्यंत भयंकर सेवक मेरे पास आए।'

श्लोक 25 (padma.6.210.25)

पिंगाक्षा रक्तकेशाश्च श्यामदेह नखाधराः । वामना दीर्घचरणा ह्रस्वनासाश्च दंतुराः

piṁgākṣā raktakeśāśca śyāmadeha nakhādharāḥ vāmanā dīrghacaraṇā hrasvanāsāśca daṁturāḥ

'पीली आँखों वाले, लाल केश वाले, श्याम शरीर वाले, नखों जैसे होठों वाले, बौने किंतु लंबे पैरों वाले, छोटी नाक और दाँत उभरे हुए—'

श्लोक 26 (padma.6.210.26)

नीयतां नीयतामेष धर्मराजस्य शासनात् । पुरीं संयमनीमेवमूचिरे ते परस्परम्

nīyatāṁ nīyatāmeṣa dharmarājasya śāsanāt purīṁ saṁyamanīmevamūcire te parasparam

'—"इसे ले चलो, ले चलो, धर्मराज की आज्ञा से संयमनी पुरी को" — ऐसा वे आपस में कहने लगे।'

श्लोक 27 (padma.6.210.27)

इत्युक्त्वा यातना देहे मां निवेश्य महारुषा । निबध्य दारुणैः पाशैर्जघ्नुर्लोहस्य मुद्गरैः

ityuktvā yātanā dehe māṁ niveśya mahāruṣā nibadhya dāruṇaiḥ pāśairjaghnurlohasya mudgaraiḥ

'ऐसा कहकर उन्होंने मुझे यातना देने वाली देह में डाल दिया, और महाक्रोध से भयंकर फंदों से बाँधकर लोहे के मुद्गरों से मारा।'

श्लोक 28 (padma.6.210.28)

तैरहं नीयमानस्तु मार्गे ह्युत्तप्तवालुके । अरुदं भृशदुःखार्तस्ताडितोऽहं पुनश्च तैः

tairahaṁ nīyamānastu mārge hyuttaptavāluke arudaṁ bhṛśaduḥkhārtastāḍito'haṁ punaśca taiḥ

'तपे हुए बालू के मार्ग पर उनके द्वारा ले जाया जाता हुआ मैं अत्यंत दुःख से पीड़ित होकर रोने लगा, और वे मुझे पुनः-पुनः मारते रहे।'

श्लोक 29 (padma.6.210.29)

प्रोचुश्च ते ध्रुवं कृत्वा निर्भर्त्स्येति च मां बहु । यमदूता ऊचुः । त्वया लुप्तो गुरुर्यस्माद्वदता ब्रह्म निश्चलम्

procuśca te dhruvaṁ kṛtvā nirbhartsyeti ca māṁ bahu yamadūtā ūcuḥ tvayā lupto gururyasmādvadatā brahma niścalam

'और वे मुझे निश्चयपूर्वक कोसते हुए बहुत भला-बुरा कहने लगे। यमदूतों ने कहा — "चूँकि निश्चल ब्रह्म का उपदेश देते हुए भी तूने गुरु की उपेक्षा की—"'

श्लोक 30 (padma.6.210.30)

किं करोषि यमस्याग्रे द्रष्टव्यं दारुणं मुखम् । तस्य पापस्य भोक्तव्यं दारुणस्य फलं त्वया

kiṁ karoṣi yamasyāgre draṣṭavyaṁ dāruṇaṁ mukham tasya pāpasya bhoktavyaṁ dāruṇasya phalaṁ tvayā

'"—अब यम के समक्ष तू क्या करेगा? उनका भयंकर मुख तुझे देखना होगा; उस पाप का भयंकर फल तुझे भोगना होगा।"'

श्लोक 31 (padma.6.210.31)

तेनैव पाप्मना पापिन्नपमृत्युं गतो भवान् । इत्युक्त्वा मां मुहूर्तेन बहुयोजनसंस्थिताम्

tenaiva pāpmanā pāpinnapamṛtyuṁ gato bhavān ityuktvā māṁ muhūrtena bahuyojanasaṁsthitām

'"उसी पाप के कारण, हे पापी! तुझे अपमृत्यु प्राप्त हुई।" ऐसा कहकर वे मुझे एक मुहूर्त में ही अनेक योजन दूर—'

श्लोक 32 (padma.6.210.32)

पुरीं संयमनीं निन्युर्यत्र राजा स्वयं यमः । प्रणम्य धर्मराजानं स्थापयित्वा तु मां पुरः

purīṁ saṁyamanīṁ ninyuryatra rājā svayaṁ yamaḥ praṇamya dharmarājānaṁ sthāpayitvā tu māṁ puraḥ

'—संयमनी पुरी में ले गए, जहाँ स्वयं राजा यम विराजते हैं; धर्मराज को प्रणाम कर, उन्होंने मुझे उनके सामने खड़ा कर दिया।'

श्लोक 33 (padma.6.210.33)

आनीतोऽयं द्विजः पाप इति मां ते न्यवेदयन् । दृष्ट्वा मां धर्मराजोऽथ प्रोवाच स्वसभासदः

ānīto'yaṁ dvijaḥ pāpa iti māṁ te nyavedayan dṛṣṭvā māṁ dharmarājo'tha provāca svasabhāsadaḥ

'"यह पापी ब्राह्मण लाया गया है" — ऐसा उन्होंने मुझे सामने रखकर निवेदन किया। मुझे देखकर धर्मराज ने तब अपनी सभा के सदस्यों से कहा।'

श्लोक 34 (padma.6.210.34)

यम उवाच- भो सभ्या मामकीं वाचं शृण्वंतु सुसमाहिताः । यदाहं ब्रह्मणा ह्यस्मिन्नधिकारे निवेशितः

yama uvāca- bho sabhyā māmakīṁ vācaṁ śṛṇvaṁtu susamāhitāḥ yadāhaṁ brahmaṇā hyasminnadhikāre niveśitaḥ

यम ने कहा — 'हे सभासदो! मेरी बात ध्यानपूर्वक सुनो। जब ब्रह्मा द्वारा मुझे इस पद पर नियुक्त किया गया था—'

श्लोक 35 (padma.6.210.35)

तदा मामित्युवाचासौ ब्रह्मा लोकपितामहः । ब्रह्मोवाच- अधर्मिणां नराणां त्वं शास्ता संयमनीपतिः

tadā māmityuvācāsau brahmā lokapitāmahaḥ brahmovāca- adharmiṇāṁ narāṇāṁ tvaṁ śāstā saṁyamanīpatiḥ

'—तब लोकपितामह ब्रह्मा ने मुझसे यह कहा था।' ब्रह्मा ने कहा — 'तुम अधर्मी मनुष्यों के दंडदाता, संयमनी के स्वामी हो।'

श्लोक 36 (padma.6.210.36)

यथापराधमाधत्स्व दंडं चंडकरात्मज । पित्रोरपोषको यस्तु समर्थो गुरुध्रुक्तु यः । एतौ महापातकिनौ निपात्यौ निरयेषु ते

yathāparādhamādhatsva daṁḍaṁ caṁḍakarātmaja pitrorapoṣako yastu samartho gurudhruktu yaḥ etau mahāpātakinau nipātyau nirayeṣu te

'"हे तेजस्वी सूर्यपुत्र! अपराध के अनुसार दंड दो। जो समर्थ होते हुए भी माता-पिता का भरण-पोषण नहीं करता, और जो गुरु से द्रोह करता है — इन दोनों महापातकियों को तुम्हें नरकों में गिराना है।"'

श्लोक 37 (padma.6.210.37)

सर्वेषु यावद्वर्षाणां प्रत्येकमयुतं भवेत् । एतयोर्न त्वया कार्या दया जातु ककुप्पते

sarveṣu yāvadvarṣāṇāṁ pratyekamayutaṁ bhavet etayorna tvayā kāryā dayā jātu kakuppate

'"सभी नरकों में प्रत्येक में दस-दस हजार वर्षों तक — हे दिक्पते! इन दोनों पर तुम्हें कभी दया नहीं करनी है।"'

श्लोक 38 (padma.6.210.38)

यम उवाच- इत्यहं ब्रह्मणो वाक्यात्स्वगुरुद्रुहि मानवे । न करोमि क्रियां सभ्यास्तथा पित्रोरपोषके

yama uvāca- ityahaṁ brahmaṇo vākyātsvagurudruhi mānave na karomi kriyāṁ sabhyāstathā pitrorapoṣake

यम ने कहा — 'हे सभासदो! इस प्रकार ब्रह्मा के वचन से मैं अपने गुरु से द्रोह करने वाले मनुष्य के प्रति, तथा माता-पिता का भरण-पोषण न करने वाले के प्रति भी कोई दया नहीं करता।'

श्लोक 39 (padma.6.210.39)

ब्राह्मणोऽयं गुरुद्रोही तद्द्रोहादपमृत्युताम् । प्राप्तो मच्छासनाद्भृत्यैरानीतो दर्शनाक्षमः

brāhmaṇo'yaṁ gurudrohī taddrohādapamṛtyutām prāpto macchāsanādbhṛtyairānīto darśanākṣamaḥ

'यह ब्राह्मण गुरु का द्रोही है, उसी द्रोह के कारण इसने अपमृत्यु पाई है; मेरी आज्ञा से सेवकों द्वारा यह लाया गया है — दर्शन के भी अयोग्य।'

श्लोक 40 (padma.6.210.40)

भो भृत्याः प्रथमं घोरे रौरवे वत्सरायुते । पात्यतां च पुनस्तस्मान्निःसार्य्यान्यत्र पात्यताम्

bho bhṛtyāḥ prathamaṁ ghore raurave vatsarāyute pātyatāṁ ca punastasmānniḥsāryyānyatra pātyatām

'हे सेवको! इसे पहले दस हजार वर्षों तक भयंकर रौरव नरक में डालो; फिर वहाँ से निकालकर किसी अन्य नरक में डालो।'

श्लोक 41 (padma.6.210.41)

तावंतमेव कालं वै पापोऽयं गुरुलोपकः । नरकेष्विति सर्वेषु यथाकालं स्थितं द्रुतम्

tāvaṁtameva kālaṁ vai pāpo'yaṁ gurulopakaḥ narakeṣviti sarveṣu yathākālaṁ sthitaṁ drutam

'इतने ही समय तक — यह गुरु का अपराधी पापी सभी नरकों में क्रमशः रहे।" इस प्रकार शीघ्र ही मैं यथाकाल सभी नरकों में स्थित रहा।'

श्लोक 42 (padma.6.210.42)

मुकुंद उवाच- वेदायन गुरो स्वामिन्भृत्यास्ते यमशासनात् । नीत्वा मां रौरवे घोरे पाशैर्बध्वा न्यपातयन्

mukuṁda uvāca- vedāyana guro svāminbhṛtyāste yamaśāsanāt nītvā māṁ raurave ghore pāśairbadhvā nyapātayan

मुकुंद ने कहा — 'हे गुरु वेदायन! हे स्वामिन्! यम की आज्ञा से उन सेवकों ने मुझे ले जाकर, फंदों से बाँधकर भयंकर रौरव नरक में डाल दिया।'

श्लोक 43 (padma.6.210.43)

तत्राहं तां व्यथां गुर्वी लब्धवानतिदारुणाम् । यथाकोऽपि क्षणस्तात नीतो मे युगवत्तदा

tatrāhaṁ tāṁ vyathāṁ gurvī labdhavānatidāruṇām yathāko'pi kṣaṇastāta nīto me yugavattadā

'वहाँ मैंने वह अत्यंत भयंकर, भारी व्यथा सही; हे तात! एक क्षण भी मेरे लिए मानो एक युग के समान बीता।'

श्लोक 44 (padma.6.210.44)

त्रिंशद्दिनानि तन्नीतं दुःखं मे तत्र तिष्ठता । एकत्रिंशतमे ह्यस्मिन्दिनेऽहं निर्गतस्तदा

triṁśaddināni tannītaṁ duḥkhaṁ me tatra tiṣṭhatā ekatriṁśatame hyasmindine'haṁ nirgatastadā

'तीस दिनों तक वहाँ रहकर मैंने वह दुःख भोगा; और इकतीसवें दिन तब मैं वहाँ से निकल आया।'

श्लोक 45 (padma.6.210.45)

पतितेष्वस्थिखंडेषु तीर्थेऽस्मिन्नुतमोत्तमे । गुरुलोपोद्भवं पापं सद्यो नष्टं ममाभवत

patiteṣvasthikhaṁḍeṣu tīrthe'sminnutamottame gurulopodbhavaṁ pāpaṁ sadyo naṣṭaṁ mamābhavata

'इस श्रेष्ठतम तीर्थ में अस्थि-खंडों के गिरते ही, गुरु के प्रति हुए अपराध से उत्पन्न मेरा पाप तत्क्षण नष्ट हो गया।'

श्लोक 46 (padma.6.210.46)

तीर्थस्यास्य प्रसादेन लब्धा च स्वर्गतिर्मया । सुखं स्वर्गे निवत्स्यामि यावदिंद्राश्चतुर्दश

tīrthasyāsya prasādena labdhā ca svargatirmayā sukhaṁ svarge nivatsyāmi yāvadiṁdrāścaturdaśa

'इस तीर्थ की कृपा से मुझे स्वर्ग-गति प्राप्त हुई; मैं चौदह इंद्रों के काल-पर्यंत सुखपूर्वक स्वर्ग में निवास करूँगा।'

श्लोक 47 (padma.6.210.47)

यमस्य नगरे तस्मिन्याः प्रजा निवसंति वै । पापिनां भयदायिन्यो धर्मिणां ता मनोहराः

yamasya nagare tasminyāḥ prajā nivasaṁti vai pāpināṁ bhayadāyinyo dharmiṇāṁ tā manoharāḥ

'यम के उस नगर में जो प्रजा निवास करती है, वह पापियों के लिए भयदायक है, किंतु धर्मियों के लिए मनोहर है।'

श्लोक 48 (padma.6.210.48)

सिंहास्या गजकोलास्या महादंष्ट्रोन्नतोदरीः । बिडालास्याः पिंगकेश्यो भामिन्यो दीर्घपत्कराः

siṁhāsyā gajakolāsyā mahādaṁṣṭronnatodarīḥ biḍālāsyāḥ piṁgakeśyo bhāminyo dīrghapatkarāḥ

'सिंह-मुख वाली, गज-सूकर मुख वाली, बड़े दाँतों और फूले पेट वाली, बिल्ली-मुख वाली, पीले केशों वाली, क्रोधित और लंबे पंख जैसे हाथों वाली—'

श्लोक 49 (padma.6.210.49)

तीर्थस्यास्य प्रसादेन निःपापोहं यदाभवम् । तदा मया प्रजा दृष्टा दिव्यरूपा यमालये

tīrthasyāsya prasādena niḥpāpohaṁ yadābhavam tadā mayā prajā dṛṣṭā divyarūpā yamālaye

'—ऐसी वे दिखीं। परंतु जब इस तीर्थ की कृपा से मैं निष्पाप हो गया, तब मैंने यमलोक की प्रजा को दिव्य रूप में देखा।'

श्लोक 50 (padma.6.210.50)

सर्वास्ताः सत्यवादिन्यो विनयाचारसंचिताः । दिव्याभरणधारिण्यो दिव्यांबरविभूषिताः

sarvāstāḥ satyavādinyo vinayācārasaṁcitāḥ divyābharaṇadhāriṇyo divyāṁbaravibhūṣitāḥ

'वे सभी सत्यवादिनी, विनय और सदाचार से युक्त, दिव्य आभूषण धारण किए हुए, दिव्य वस्त्रों से विभूषित थीं।'

श्लोक 51 (padma.6.210.51)

इत्येतत्कथितं तात यत्पृष्टोऽहं त्वयानघ । अनुजानीहि मां गंतुममरेशपुरीं प्रति

ityetatkathitaṁ tāta yatpṛṣṭo'haṁ tvayānagha anujānīhi māṁ gaṁtumamareśapurīṁ prati

'हे निष्पाप! जो आपने मुझसे पूछा, वह सब मैंने बता दिया; अब मुझे देवराज की पुरी की ओर जाने की अनुमति दीजिए।'

श्लोक 52 (padma.6.210.52)

नारद उवाच- इत्याकर्ण्य स सन्यासी स्वशिष्योक्तं वचस्तदा । भूयः पप्रच्छ धर्मात्मा मुकुंदं तं द्विजं नृप

nārada uvāca- ityākarṇya sa sanyāsī svaśiṣyoktaṁ vacastadā bhūyaḥ papraccha dharmātmā mukuṁdaṁ taṁ dvijaṁ nṛpa

नारद ने कहा — 'हे नृप! अपने शिष्य के इस वचन को सुनकर, उस धर्मात्मा संन्यासी ने ब्राह्मण मुकुंद से पुनः पूछा।'

श्लोक 53 (padma.6.210.53)

वेदायन उवाच- बाल्यावधि गुरुस्नेहं मत्तोऽधीतं त्वयाखिलम् । शब्दशास्त्रसमेतश्च वेदस्तु सपदक्रमः

vedāyana uvāca- bālyāvadhi gurusnehaṁ matto'dhītaṁ tvayākhilam śabdaśāstrasametaśca vedastu sapadakramaḥ

वेदायन ने कहा — 'बचपन से ही गुरु-स्नेह के साथ तूने मुझसे संपूर्ण अध्ययन किया — शब्दशास्त्र सहित वेद, पदपाठ और क्रमपाठ सहित।'

श्लोक 54 (padma.6.210.54)

विहिता मम शुश्रूषा भावेन भवतोत्तमा । त्वयि संति सतां साधो गुणाः शमदमादयः

vihitā mama śuśrūṣā bhāvena bhavatottamā tvayi saṁti satāṁ sādho guṇāḥ śamadamādayaḥ

'तूने भाव से मेरी उत्तम सेवा की है; हे साधो! तुझमें सज्जनों के गुण — शम, दम आदि — विद्यमान हैं।'

श्लोक 55 (padma.6.210.55)

गुरुलोपकृतं पापं कथं ते समजायत । एतदाख्याहि मे तात यथा जानामि तत्वतः

gurulopakṛtaṁ pāpaṁ kathaṁ te samajāyata etadākhyāhi me tāta yathā jānāmi tatvataḥ

'फिर गुरु के प्रति अपराध का यह पाप तुझे कैसे हुआ? हे तात! यह मुझे बता, जिससे मैं इसे तत्वतः जान सकूँ।'

श्लोक 56 (padma.6.210.56)

मुकुंद उवाच- जन्मोपवीतकन्यानां धातारो निगमस्य च । यज्ञोपवीतदातुश्च नाज्ञाभंगः कृतो मया

mukuṁda uvāca- janmopavītakanyānāṁ dhātāro nigamasya ca yajñopavītadātuśca nājñābhaṁgaḥ kṛto mayā

मुकुंद ने कहा — 'जन्म-संस्कार, यज्ञोपवीत और विवाह के विधाता, तथा वेद के दाता और यज्ञोपवीत के दाता — इनकी आज्ञा का भंग मैंने नहीं किया।'

श्लोक 57 (padma.6.210.57)

श्वश्रुश्वशुरयोः सेवा भृत्येनेव कृता मया । तवापि शास्त्रदातुश्च नाज्ञाभंगः कृतो मया

śvaśruśvaśurayoḥ sevā bhṛtyeneva kṛtā mayā tavāpi śāstradātuśca nājñābhaṁgaḥ kṛto mayā

'सास-ससुर की सेवा मैंने सेवक की भाँति की; और आपकी भी, जिन्होंने मुझे शास्त्र दिया, आज्ञा का भंग मैंने नहीं किया।'

श्लोक 58 (padma.6.210.58)

पुरोधा यः कुलाचार्यो वेदवेदांतपारगः। तस्यापराद्धं केचिन्मे तत्र त्वं श्रोतुमर्हसि

purodhā yaḥ kulācāryo vedavedāṁtapāragaḥ tasyāparāddhaṁ kecinme tatra tvaṁ śrotumarhasi

'परंतु हमारे कुलाचार्य पुरोहित, जो वेद-वेदांत के पारगामी हैं, उनके प्रति मुझसे कोई अपराध हुआ है — वह आप सुनने योग्य हैं।'

श्लोक 59 (padma.6.210.59)

यद्यस्माकं कुले पुत्रो जायते धर्मकोविद । तदा पुरोधसे धेनुमेकां वा तस्य दक्षिणाम्

yadyasmākaṁ kule putro jāyate dharmakovida tadā purodhase dhenumekāṁ vā tasya dakṣiṇām

'हे धर्मकोविद! जब हमारे कुल में पुत्र जन्म लेता है, तब पुरोहित को एक गाय अथवा कोई अन्य दक्षिणा दी जाती है।'

श्लोक 60 (padma.6.210.60)

दत्त्वा संच्छिद्यते नालमिति वंशस्य नः स्थितिः । पुरा ममैव पुत्रे तु जातमात्रे शुभेऽहनि

dattvā saṁcchidyate nālamiti vaṁśasya naḥ sthitiḥ purā mamaiva putre tu jātamātre śubhe'hani

'उसे देने से ही वह अशुभ कटता है, यही हमारे कुल की मर्यादा है। पहले, मेरे ही पुत्र के जन्म लेते ही, एक शुभ दिन में—'

श्लोक 61 (padma.6.210.61)

कुलक्रिया मया तात न कृता मूढबुद्धिना । तस्याश्चाकरणेनैव गुरुलोपकरोऽभवम्

kulakriyā mayā tāta na kṛtā mūḍhabuddhinā tasyāścākaraṇenaiva gurulopakaro'bhavam

'—मैं मूढ़बुद्धि होकर वह कुल-क्रिया नहीं कर सका; और उसी न करने से मैं गुरु का अपराधी हो गया।'

श्लोक 62 (padma.6.210.62)

निवेदितमिदं सर्वं गुरुलोपाद्यथा मम । पापमासीदनुज्ञा मे देहि यामि सुरालयम्

niveditamidaṁ sarvaṁ gurulopādyathā mama pāpamāsīdanujñā me dehi yāmi surālayam

'यह सब मैंने बता दिया, कि किस प्रकार गुरु-लोप का पाप मुझे लगा। अब मुझे आज्ञा दीजिए, मैं देवलोक को जाता हूँ।'

श्लोक 63 (padma.6.210.63)

वेदायन उवाच- इंद्रप्रस्थांतरावर्तिन्येषा या कोशला शुभा । स्मृतिरस्याः प्रसादेन दृश्यते पूर्वजन्मनः

vedāyana uvāca- iṁdraprasthāṁtarāvartinyeṣā yā kośalā śubhā smṛtirasyāḥ prasādena dṛśyate pūrvajanmanaḥ

वेदायन ने कहा — 'इंद्रप्रस्थ के भीतर स्थित यह जो शुभ कोशला है, इसकी कृपा से ही पूर्वजन्म की स्मृति होती दिखाई पड़ती है।'

श्लोक 64 (padma.6.210.64)

केन पुण्येन तीर्थेऽस्मिन्नस्थीनि पतितानि ते । मुकुंदाख्याहि चैतस्य स्मृतिरस्ति तवानघ

kena puṇyena tīrthe'sminnasthīni patitāni te mukuṁdākhyāhi caitasya smṛtirasti tavānagha

'किस पुण्य से तेरी अस्थियाँ इस तीर्थ में गिरीं? हे निष्पाप मुकुंद! यह भी बता, क्योंकि इसकी स्मृति भी तुझे है।'

श्लोक 65 (padma.6.210.65)

मुकंद उवाच- एकस्तु ब्राह्मणः कश्चित्सायं मद्गृहमागतः । तस्मै स्थानं मया दत्तं भोजनं च यथाविधि

mukaṁda uvāca- ekastu brāhmaṇaḥ kaścitsāyaṁ madgṛhamāgataḥ tasmai sthānaṁ mayā dattaṁ bhojanaṁ ca yathāvidhi

मुकुंद ने कहा — 'एक ब्राह्मण संध्या के समय मेरे घर आए; मैंने उन्हें विधिवत आश्रय और भोजन दिया।'

श्लोक 66 (padma.6.210.66)

सोऽपि भुक्त्वा यथाकामं सुष्वाप शयने शुभे । निशीथे तस्य सर्वांगे ज्वरोऽभूदति दारुणः

so'pi bhuktvā yathākāmaṁ suṣvāpa śayane śubhe niśīthe tasya sarvāṁge jvaro'bhūdati dāruṇaḥ

'वे भी इच्छानुसार भोजन कर एक अच्छी शय्या पर सो गए; आधी रात को उनके सारे शरीर में अत्यंत भयंकर ज्वर आ गया।'

श्लोक 67 (padma.6.210.67)

तेन पीडितसर्वांगो निद्रां लेभे न स द्विजः । प्रभात एव तत्याज प्राणान्मृत्यावुपस्थिते

tena pīḍitasarvāṁgo nidrāṁ lebhe na sa dvijaḥ prabhāta eva tatyāja prāṇānmṛtyāvupasthite

'उससे सारे शरीर में पीड़ित वह ब्राह्मण सो नहीं सका; और भोर होते ही, मृत्यु के आ जाने पर, उसने प्राण त्याग दिए।'

श्लोक 68 (padma.6.210.68)

तस्य दाहादि कर्माणि विहितानि मया गुरो । तदस्थीनि च गंगायां पातितानि विधानतः

tasya dāhādi karmāṇi vihitāni mayā guro tadasthīni ca gaṁgāyāṁ pātitāni vidhānataḥ

'हे गुरु! मैंने उसका दाह-संस्कार आदि विधिवत किया; और उसकी अस्थियाँ भी विधिपूर्वक गंगा में प्रवाहित कीं।'

श्लोक 69 (padma.6.210.69)

तेन पुण्येन मेस्थीनि पतितानि शिवप्रदे । तीर्थेऽस्मिन्कोशले नाम्नि ब्रह्मदेवविनिर्मिते

tena puṇyena mesthīni patitāni śivaprade tīrthe'sminkośale nāmni brahmadevavinirmite

'उसी पुण्य से मेरी अस्थियाँ इस शिवप्रद, ब्रह्मदेव द्वारा निर्मित कोशला नामक तीर्थ में गिरीं।'

श्लोक 70 (padma.6.210.70)

नारद उवाच- स्वचरितमितिराजन्स द्विजः प्रोच्य सद्यः सुरसुभगशरीरो द्यां ययौ यानगत्या । इदमकथित मया तं तस्करात्प्राप्य मृत्युं व्यलभत दिवमेतत्तीर्थराजप्रसादात्

nārada uvāca- svacaritamitirājansa dvijaḥ procya sadyaḥ surasubhagaśarīro dyāṁ yayau yānagatyā idamakathita mayā taṁ taskarātprāpya mṛtyuṁ vyalabhata divametattīrtharājaprasādāt

नारद ने कहा — 'हे राजन्! इस प्रकार अपना चरित्र कहकर वह ब्राह्मण, देवताओं के समान सुंदर शरीर धारण किए हुए, तत्काल विमान-गति से स्वर्ग को चला गया। यही मैंने तुम्हें बताया — कि चोर के हाथों मृत्यु पाकर भी उसने इस तीर्थराज की कृपा से स्वर्ग प्राप्त किया।'