मधुवन-माहात्म्य

श्लोक 1 (padma.6.214.1)

नारद उवाच- इत्याकर्ण्य पितुर्वाक्यं स जगाम त्वरान्वितः । पुण्यं मधुवनं राजन्गयाशतगुणाधिकम्

nārada uvāca- ityākarṇya piturvākyaṁ sa jagāma tvarānvitaḥ puṇyaṁ madhuvanaṁ rājangayāśataguṇādhikam

नारद ने कहा — 'पिता के वचन को सुनकर वह त्वरा से गया के सौ गुना अधिक पुण्यमय मधुवन को, हे राजन्, चल पड़ा।'

श्लोक 2 (padma.6.214.2)

तत्तीर्थवासिनो विप्रान्सायमामंत्र्य मंत्रवित् । काले पुनः समाहूय बभाषे स्वागतं वचः

tattīrthavāsino viprānsāyamāmaṁtrya maṁtravit kāle punaḥ samāhūya babhāṣe svāgataṁ vacaḥ

'उस मंत्रज्ञ ने संध्या के समय उस तीर्थ में रहने वाले ब्राह्मणों को आमंत्रित कर, समय पर पुनः बुलाकर स्वागत-वचन कहे।'

श्लोक 3 (padma.6.214.3)

ततः प्रक्षाल्य तत्पादौ गंधाद्यैरभिपूज्य च । पादार्घ्यमददात्प्रीत्या समेन स्वयमाचमत्

tataḥ prakṣālya tatpādau gaṁdhādyairabhipūjya ca pādārghyamadadātprītyā samena svayamācamat

'फिर उनके चरण धोकर, गंधादि से उनकी पूजा कर, प्रेमपूर्वक पाद्य-अर्घ्य देकर, स्वयं भी उसी विधि से आचमन किया।'

श्लोक 4 (padma.6.214.4)

ततस्तान्ब्राह्मणान्नीत्वा श्राद्धदेशे न्यवेशयत् । कुशांबु तुलसीपुष्प गंधाक्षत तिलैः सह

tatastānbrāhmaṇānnītvā śrāddhadeśe nyaveśayat kuśāṁbu tulasīpuṣpa gaṁdhākṣata tilaiḥ saha

'फिर उन ब्राह्मणों को ले जाकर श्राद्ध-स्थल में बैठाया, कुश, जल, तुलसी-पुष्प, गंध, अक्षत और तिल सहित।'

श्लोक 5 (padma.6.214.5)

पूरयित्वा कर्मपात्रं पुंडरीकाक्षमस्मरत् । देवताभ्य इति श्लोकं त्रिःकृत्वा सोऽपठद्द्विजः

pūrayitvā karmapātraṁ puṁḍarīkākṣamasmarat devatābhya iti ślokaṁ triḥkṛtvā so'paṭhaddvijaḥ

'कर्म-पात्र को भरकर उसने पुंडरीकाक्ष का स्मरण किया; "देवताभ्यः" इस श्लोक को उस ब्राह्मण ने तीन बार पढ़ा।'

श्लोक 6 (padma.6.214.6)

सतिलं शोधितकुशैर्विदधे बंधनं ततः । अग्निष्वात्तेति मंत्रेण पूर्वादीनां दिशां क्रमात्

satilaṁ śodhitakuśairvidadhe baṁdhanaṁ tataḥ agniṣvātteti maṁtreṇa pūrvādīnāṁ diśāṁ kramāt

'शुद्ध कुशों से तिल सहित बंधन किया; फिर "अग्निष्वात्त" मंत्र से पूर्व आदि दिशाओं के क्रम से—'

श्लोक 7 (padma.6.214.7)

रक्षोभूतेति मंत्रेण नीवीबंधं व्यधाच्च सः । ततः प्रतिज्ञामाधाय ददौ द्विजकुशासनम्

rakṣobhūteti maṁtreṇa nīvībaṁdhaṁ vyadhācca saḥ tataḥ pratijñāmādhāya dadau dvijakuśāsanam

'—"रक्षोभूत" मंत्र से उसने नीवी-बंधन किया; फिर प्रतिज्ञा करके ब्राह्मणों को कुशासन दिया।'

श्लोक 8 (padma.6.214.8)

पितॄन्समाह्वयामास स तदा ब्राह्मणोत्तमः । दत्त्वा ततस्तु हस्तार्घ्यं पात्रं न्युब्जीचकार वै

pitṝnsamāhvayāmāsa sa tadā brāhmaṇottamaḥ dattvā tatastu hastārghyaṁ pātraṁ nyubjīcakāra vai

'उस श्रेष्ठ ब्राह्मण ने तब पितरों का आवाहन किया; फिर हस्तार्घ्य देकर पात्र को उलट दिया।'

श्लोक 9 (padma.6.214.9)

कृत्वा गंधादिदानं च पुनः सव्येन चाचमत् । सव्यापसव्येन तदा दत्वा पात्राणि स द्विजः

kṛtvā gaṁdhādidānaṁ ca punaḥ savyena cācamat savyāpasavyena tadā datvā pātrāṇi sa dvijaḥ

'गंधादि दान करके पुनः दाहिने हाथ से आचमन किया; फिर सव्य-अपसव्य क्रम से उस ब्राह्मण ने पात्र दिए।'

श्लोक 10 (padma.6.214.10)

तैर्ब्राह्मणैरनुज्ञातश्चक्रेऽग्नौकरणं ततः । आज्यादिहविषा राजंस्तान्यमत्राण्यपूरयत्

tairbrāhmaṇairanujñātaścakre'gnaukaraṇaṁ tataḥ ājyādihaviṣā rājaṁstānyamatrāṇyapūrayat

'उन ब्राह्मणों की अनुमति पाकर उसने अग्नौकरण किया; हे राजन्! आज्यादि हवि से उसने उन पात्रों को भर दिया।'

श्लोक 11 (padma.6.214.11)

अनुत्तानोत्तानपाणिः कुर्वन्पात्रावलंबनम् । पपाठ पाठितो विप्रैः पृथ्वी त्वेति द्विजन्मनाम्

anuttānottānapāṇiḥ kurvanpātrāvalaṁbanam papāṭha pāṭhito vipraiḥ pṛthvī tveti dvijanmanām

'हाथों को कभी उलटा कभी सीधा करके, पात्र को थामे हुए, ब्राह्मणों द्वारा पढ़ाया गया "पृथ्वी त्वा" यह मंत्र उसने द्विजों के लिए पढ़ा।'

श्लोक 12 (padma.6.214.12)

असंस्कृतप्रणीतानामिति मंत्रेण स द्विजः । दर्भेषु दक्षिणाग्रेषु ददौ च विकिरासनम्

asaṁskṛtapraṇītānāmiti maṁtreṇa sa dvijaḥ darbheṣu dakṣiṇāgreṣu dadau ca vikirāsanam

'"असंस्कृतप्रणीतानाम्" इस मंत्र से उस ब्राह्मण ने दक्षिणाग्र कुशों पर विकिर-अर्पण किया।'

श्लोक 13 (padma.6.214.13)

अग्निदग्धेति मंत्रेण घृतमिश्रान्नमक्षिपत् । जलेन सह राजेंद्र विष्टरे कुशकल्पिते

agnidagdheti maṁtreṇa ghṛtamiśrānnamakṣipat jalena saha rājeṁdra viṣṭare kuśakalpite

'हे राजेंद्र! "अग्निदग्ध" मंत्र से उसने घृतमिश्रित अन्न को जल सहित कुश-निर्मित आसन पर डाला।'

श्लोक 14 (padma.6.214.14)

सव्येन पुनराचम्य ददौ चुलकजीवनम् । तृप्ताः स्थेति च संपृच्छ्यातृप्तास्म प्रतिभाषिताः

savyena punarācamya dadau culakajīvanam tṛptāḥ stheti ca saṁpṛcchyātṛptāsma pratibhāṣitāḥ

'दाहिने हाथ से पुनः आचमन कर उसने जीवन के लिए अंजलि-जल दिया; "क्या आप तृप्त हैं" पूछे जाने पर उत्तर मिला — "हम अतृप्त हैं।"'

श्लोक 15 (padma.6.214.15)

शेषान्नभोजने तेषां जग्राहाज्ञां द्विजन्मनाम् । पिंडार्थं वेदिकां कृत्वा वितस्तिप्रमितां द्विजः

śeṣānnabhojane teṣāṁ jagrāhājñāṁ dvijanmanām piṁḍārthaṁ vedikāṁ kṛtvā vitastipramitāṁ dvijaḥ

'फिर उन ब्राह्मणों की शेष अन्न भोजन की अनुमति ली; उस ब्राह्मण ने पिंड के लिए एक बित्ता प्रमाण वेदिका बनाई।'

श्लोक 16 (padma.6.214.16)

रेखां चकार दर्भेण दक्षिणाभिमुखीं नृप । ये रूपाणीति मंत्रेण दधेऽग्निदिशि चोल्मुकम्

rekhāṁ cakāra darbheṇa dakṣiṇābhimukhīṁ nṛpa ye rūpāṇīti maṁtreṇa dadhe'gnidiśi colmukam

'हे राजन्! उसने कुश से दक्षिणाभिमुखी रेखा खींची; "ये रूपाणि" मंत्र से अग्नि की दिशा में उल्मुक (अंगारा) रखा।'

श्लोक 17 (padma.6.214.17)

पूर्वजन्मनि या माता पिता यश्च महीपते । तयोश्च पितरौ यौ हि यौ च राजन् पितामहौ

pūrvajanmani yā mātā pitā yaśca mahīpate tayośca pitarau yau hi yau ca rājan pitāmahau

'हे महीपते! पूर्वजन्म में जो माता और जो पिता थे, उन दोनों के जो माता-पिता थे, और हे राजन्! जो पितामह थे—'

श्लोक 18 (padma.6.214.18)

यः प्रमातामहश्चापि पितरौ राजसत्तम । पित्रादीन्षट्सपत्नीकांस्तानुद्दिश्य यथाविधि

yaḥ pramātāmahaścāpi pitarau rājasattama pitrādīnṣaṭsapatnīkāṁstānuddiśya yathāvidhi

'—और हे राजसत्तम! जो प्रमातामह थे — इन छह पितरों को उनकी पत्नियों सहित विधिपूर्वक उद्दिष्ट कर—'

श्लोक 19 (padma.6.214.19)

कुशासनानि दत्त्वा वै ददौ पिंडान्षडैव हि । गंधादिभिश्च संपूज्य मध्यपिंडविसर्जनम्

kuśāsanāni dattvā vai dadau piṁḍānṣaḍaiva hi gaṁdhādibhiśca saṁpūjya madhyapiṁḍavisarjanam

'—कुशासन देकर उसने ठीक छह पिंड अर्पित किए; गंधादि से उनका सत्कार कर मध्य-पिंड का विसर्जन किया।'

श्लोक 20 (padma.6.214.20)

कृत्वाघ्राय च वामांसे पिंडपात्रं न्यवेशयेत् । जलपात्रं तदादाय वाजेवाजे पठन्निति

kṛtvāghrāya ca vāmāṁse piṁḍapātraṁ nyaveśayet jalapātraṁ tadādāya vājevāje paṭhanniti

'सूँघकर पिंड-पात्र को बाएँ कंधे पर रखा; फिर जल-पात्र लेकर "वाजे-वाजे" पढ़ते हुए—'

श्लोक 21 (padma.6.214.21)

पाद्यार्घं च पुनर्दत्त्वा दक्षिणाद्यैरतूतुषत् । आद्वारं ताननुव्रज्य तेभ्यो लब्ध्वानुशासनम्

pādyārghaṁ ca punardattvā dakṣiṇādyairatūtuṣat ādvāraṁ tānanuvrajya tebhyo labdhvānuśāsanam

'—पुनः पाद्य-अर्घ्य देकर दक्षिणा आदि से उन्हें संतुष्ट किया; द्वार तक उनके पीछे-पीछे जाकर उनसे आशीर्वाद प्राप्त कर—'

श्लोक 22 (padma.6.214.22)

बुभुजे च स्वयं राजन्बांधवैः सह स द्विजः । एवं समाप्य राजेंद्र श्राद्धं स द्विजसत्तमः

bubhuje ca svayaṁ rājanbāṁdhavaiḥ saha sa dvijaḥ evaṁ samāpya rājeṁdra śrāddhaṁ sa dvijasattamaḥ

'हे राजन्! उस ब्राह्मण ने स्वयं भी बंधुओं सहित भोजन किया। हे राजेंद्र! इस प्रकार वह श्रेष्ठ ब्राह्मण श्राद्ध को सम्पन्न कर—'

श्लोक 23 (padma.6.214.23)

पूर्वसबंधिनां तत्र तीर्थे मधुवने शुभे । यदा चचाल शांतात्मा पितुराश्रमकं प्रति

pūrvasabaṁdhināṁ tatra tīrthe madhuvane śubhe yadā cacāla śāṁtātmā piturāśramakaṁ prati

'—अपने पूर्वबंधुओं के लिए, उस शुभ मधुवन तीर्थ में; और जब शांतचित्त होकर वह अपने पिता के आश्रम की ओर चल पड़ा—'

श्लोक 24 (padma.6.214.24)

तदा संमिलिता मार्गे सर्वे ते श्राद्धभोजिनः । विमानषट्कमारूढा दिव्याभरणभूषिताः । दिव्यांबरधरा राजन्नित्यूचुस्तं द्विजोत्तमम्

tadā saṁmilitā mārge sarve te śrāddhabhojinaḥ vimānaṣaṭkamārūḍhā divyābharaṇabhūṣitāḥ divyāṁbaradharā rājannityūcustaṁ dvijottamam

'—तब मार्ग में श्राद्ध-भोजी वे सभी पितर, छह विमानों पर आरूढ़ होकर, दिव्य आभूषणों से भूषित, हे राजन्, दिव्य वस्त्र धारण किए हुए, उस ब्राह्मणश्रेष्ठ से मिले और यह कहने लगे—'

श्लोक 25 (padma.6.214.25)

पितर ऊचुः - भो वत्स विप्रशार्दूल वृणीष्व वरमुत्तमम् । तीर्थेऽत्र कुर्वता श्राद्धं भवता तारिता वयम्

pitara ūcuḥ - bho vatsa vipraśārdūla vṛṇīṣva varamuttamam tīrthe'tra kurvatā śrāddhaṁ bhavatā tāritā vayam

पितरों ने कहा — 'हे वत्स! हे विप्रशार्दूल! उत्तम वर माँगो; इस तीर्थ में श्राद्ध करने वाले तुमने हमें तार दिया है।'

श्लोक 26 (padma.6.214.26)

वयं गणत्वमापन्नाः श्रीपतेस्त्वत्प्रसादतः । प्रार्थयस्व महाबुद्धे यदिष्टं तव चेतसि

vayaṁ gaṇatvamāpannāḥ śrīpatestvatprasādataḥ prārthayasva mahābuddhe yadiṣṭaṁ tava cetasi

'तुम्हारी कृपा से हम श्रीपति के गणत्व को प्राप्त हुए हैं; हे महाबुद्धे! तुम्हारे चित्त में जो इष्ट हो, वह माँगो।'

श्लोक 27 (padma.6.214.27)

मुनिपुत्र उवाच- के यूयं कुत आयाता गणत्वं हि कुतो गताः । उपकारं विना कस्माद्वरं यन्मे प्रयच्छत

muniputra uvāca- ke yūyaṁ kuta āyātā gaṇatvaṁ hi kuto gatāḥ upakāraṁ vinā kasmādvaraṁ yanme prayacchata

मुनि-पुत्र ने कहा — 'आप कौन हैं, कहाँ से आए हैं, और गणत्व को कैसे प्राप्त हुए? बिना किसी उपकार के आप मुझे वर क्यों देते हैं?'

श्लोक 28 (padma.6.214.28)

नारद उवाच- इत्याकर्ण्यवचस्तस्य पूर्वजन्मसुतस्य वै । पिता प्रोवाच यो दुःखाद्भक्षयित्वा विषं मृतः

nārada uvāca- ityākarṇyavacastasya pūrvajanmasutasya vai pitā provāca yo duḥkhādbhakṣayitvā viṣaṁ mṛtaḥ

नारद ने कहा — 'पूर्वजन्म के उस पुत्र के इस वचन को सुनकर, उसके वे पिता — जो दुःख से विष खाकर मृत हुए थे — बोले।'

श्लोक 29 (padma.6.214.29)

पितोवाच - अहं तव पिता विप्र पूर्वजन्मनि भूसुरः । भार्यया व्यभिचारिण्या मात्रा ते पीडिता भृशम्

pitovāca - ahaṁ tava pitā vipra pūrvajanmani bhūsuraḥ bhāryayā vyabhicāriṇyā mātrā te pīḍitā bhṛśam

पिता ने कहा — 'हे विप्र! मैं पूर्वजन्म में तुम्हारा पिता, एक ब्राह्मण था; तुम्हारी व्यभिचारिणी माता द्वारा अत्यंत पीड़ित होकर—'

श्लोक 30 (padma.6.214.30)

अतीवदुःखमापन्नो भक्षयित्वा विषं निशि । अपमृत्युं गतस्तस्मादभवं रजनीचरः

atīvaduḥkhamāpanno bhakṣayitvā viṣaṁ niśi apamṛtyuṁ gatastasmādabhavaṁ rajanīcaraḥ

'—अत्यंत दुःख को प्राप्त होकर, एक रात्रि विष खाकर, अपमृत्यु को प्राप्त हुआ; उसी से मैं राक्षस हो गया।'

श्लोक 31 (padma.6.214.31)

एवं मन्वतरं तात शतं पंचदशाधिकम् । वर्षाणां च व्यतीतं तद्राक्षसत्वं गते मयि

evaṁ manvataraṁ tāta śataṁ paṁcadaśādhikam varṣāṇāṁ ca vyatītaṁ tadrākṣasatvaṁ gate mayi

'हे तात! इस प्रकार एक मन्वंतर और एक सौ पंद्रह वर्ष बीत गए, जबकि मैं उस राक्षसत्व में रहा।'

श्लोक 32 (padma.6.214.32)

इदानीं षोडशाब्दे तु त्वया श्राद्धे कृतेऽत्र वै । पुण्ये मधुवने तीर्थे देवत्वं प्राप्तवानहम्

idānīṁ ṣoḍaśābde tu tvayā śrāddhe kṛte'tra vai puṇye madhuvane tīrthe devatvaṁ prāptavānaham

'अब, तुम्हारी सोलहवीं वर्षगाँठ पर, तुमने जब इस पुण्य मधुवन तीर्थ में श्राद्ध किया, तब मुझे देवत्व की प्राप्ति हुई।'

श्लोक 33 (padma.6.214.33)

एतद्विमानमायांतं स्वर्गादिंद्रप्रणोदितम् । सगणं साप्सरोवृंदं ममारोहणहेतवे

etadvimānamāyāṁtaṁ svargādiṁdrapraṇoditam sagaṇaṁ sāpsarovṛṁdaṁ mamārohaṇahetave

'यह विमान स्वर्ग से इंद्र द्वारा प्रेरित होकर, गणों और अप्सराओं के समूह सहित, मुझे आरोहण कराने के लिए आया है।'

श्लोक 34 (padma.6.214.34)

अत्र तुभ्यं वरं दातुं सगणः साप्सरोगणः । विमानवरमारुह्य गच्छन्स्वर्गेऽहमागमम्

atra tubhyaṁ varaṁ dātuṁ sagaṇaḥ sāpsarogaṇaḥ vimānavaramāruhya gacchansvarge'hamāgamam

'तुम्हें वर देने के लिए ही गणों और अप्सराओं सहित इस श्रेष्ठ विमान पर आरूढ़ होकर, स्वर्ग जाते हुए, मैं यहाँ आया हूँ।'

श्लोक 35 (padma.6.214.35)

वरं वरय भद्रं ते न विलंबसहा वयम् । ऐरावतगजारूढः सुरेशो मामवेक्षते

varaṁ varaya bhadraṁ te na vilaṁbasahā vayam airāvatagajārūḍhaḥ sureśo māmavekṣate

'वर माँगो, तुम्हारा कल्याण हो; हमें विलंब सहन नहीं होता। ऐरावत गज पर आरूढ़ देवराज मेरी प्रतीक्षा कर रहे हैं।'

श्लोक 36 (padma.6.214.36)

नारद उवाच। इत्युक्त्वा निजवृत्तांतं दत्त्वा च निजसूनवे । तत्प्रार्थितां हरेर्भक्तिं जगाम स दिवं नृप

nārada uvāca ityuktvā nijavṛttāṁtaṁ dattvā ca nijasūnave tatprārthitāṁ harerbhaktiṁ jagāma sa divaṁ nṛpa

नारद ने कहा — 'ऐसा कहकर, अपना वृत्तांत सुनाकर, और अपने पुत्र को उसकी माँगी हुई हरि-भक्ति देकर, हे राजन्, वह स्वर्ग को चला गया।'

श्लोक 37 (padma.6.214.37)

अथ प्रोवाच तन्माता पूर्वजन्मसुतं च तम् । मातोवाच-। त्वत्प्रसादादहं जाता देवी मुक्ता च पापतः

atha provāca tanmātā pūrvajanmasutaṁ ca tam mātovāca- tvatprasādādahaṁ jātā devī muktā ca pāpataḥ

'तब उसकी माता ने पूर्वजन्म के उस पुत्र से कहा। माता ने कहा — "तुम्हारी कृपा से मैं देवी हो गई हूँ, और पाप से मुक्त हुई हूँ।"'

श्लोक 38 (padma.6.214.38)

प्राप्तं शच्याः सखीत्वं मे पापयापि द्विजोत्तम । त्वयात्र विहिते श्राद्धे तीर्थे विश्रांतिसंज्ञके

prāptaṁ śacyāḥ sakhītvaṁ me pāpayāpi dvijottama tvayātra vihite śrāddhe tīrthe viśrāṁtisaṁjñake

'"हे द्विजोत्तम! पापिनी होते हुए भी मुझे शची की सखी बनने का सौभाग्य मिला, क्योंकि तुमने यहाँ विश्रांति नामक तीर्थ में श्राद्ध किया।"'

श्लोक 39 (padma.6.214.39)

प्रार्थयस्व महाभाग निजचित्तसमीहितम् । ददामि ते यतोऽस्माकं देवीनां न वचो मृषा

prārthayasva mahābhāga nijacittasamīhitam dadāmi te yato'smākaṁ devīnāṁ na vaco mṛṣā

'"हे महाभाग! अपने चित्त की इच्छा माँगो; मैं तुम्हें दूँगी, क्योंकि हम देवियों की वाणी कभी मिथ्या नहीं होती।"'

श्लोक 40 (padma.6.214.40)

येन पापेन जाताहं गोधा च पितृकानने । नरके चिरमास्थाय तत्त्वं वेत्सि द्विजोत्तम

yena pāpena jātāhaṁ godhā ca pitṛkānane narake ciramāsthāya tattvaṁ vetsi dvijottama

'"हे द्विजोत्तम! जिस पाप से मैं गोध बनकर पितृ-वन में उत्पन्न हुई थी, और नरक में चिरकाल रहकर आई थी, उसका तत्व तुम्हीं जानते हो।"'

श्लोक 41 (padma.6.214.41)

अनुजानीहि मां पुत्र पुलोमतनया दिवि । मामपेक्षितमाकाशे वृता देवांगनागणैः

anujānīhi māṁ putra pulomatanayā divi māmapekṣitamākāśe vṛtā devāṁganāgaṇaiḥ

'"हे पुत्र! मुझे आज्ञा दो; पुलोमा-पुत्री (शची) आकाश में मेरी प्रतीक्षा कर रही हैं, देवांगनाओं के समूह से घिरी हुई।"'

श्लोक 42 (padma.6.214.42)

नारद उवाच- इत्युक्त्वा सापि तन्माता निष्कामाय स्वसूनवे । ययौ त्रिविष्टपं राजन्शिरसा तेन वंदिता

nārada uvāca- ityuktvā sāpi tanmātā niṣkāmāya svasūnave yayau triviṣṭapaṁ rājanśirasā tena vaṁditā

नारद ने कहा — 'ऐसा कहकर, हे राजन्! वह माता भी, अपने निष्काम पुत्र द्वारा सिर झुकाकर वंदित होकर, स्वर्ग को चली गई।'

श्लोक 43 (padma.6.214.43)

ततः पितामहस्तस्य स्वपौत्रं तं द्विजोत्तमम् । उवाच वचनं भूयः हरेर्बिभ्रत्स्वरूपताम्

tataḥ pitāmahastasya svapautraṁ taṁ dvijottamam uvāca vacanaṁ bhūyaḥ harerbibhratsvarūpatām

'फिर उसके पितामह ने, अब हरि का स्वरूप धारण किए हुए, अपने पौत्र उस श्रेष्ठ ब्राह्मण से पुनः यह वचन कहा।'

श्लोक 44 (padma.6.214.44)

पितामह उवाच- वत्सवत्स चिरंजीव लभस्व निजवांच्छितम् । त्वत्प्रसादाद्वयं तीर्णा दुस्तराद्भवसागरात्

pitāmaha uvāca- vatsavatsa ciraṁjīva labhasva nijavāṁcchitam tvatprasādādvayaṁ tīrṇā dustarādbhavasāgarāt

पितामह ने कहा — 'हे वत्स, हे वत्स! चिरंजीवी बनो, अपनी इच्छा प्राप्त करो; तुम्हारी कृपा से हम दुस्तर भवसागर से तर गए।'

श्लोक 45 (padma.6.214.45)

पितामहोऽहं ते वत्स तवेयं च पितामही । मृतं मानुगता साध्वी सालोक्यमचिरं गता

pitāmaho'haṁ te vatsa taveyaṁ ca pitāmahī mṛtaṁ mānugatā sādhvī sālokyamaciraṁ gatā

'हे वत्स! मैं तुम्हारा पितामह हूँ, और यह तुम्हारी पितामही है; मेरी मृत्यु पर यह सती अनुगमन कर मेरे ही सालोक्य को शीघ्र प्राप्त हुई।'

श्लोक 46 (padma.6.214.46)

अद्य त्वयात्र विश्रांतौ विहिते श्राद्धकर्मणि । आवयोस्तु हरेर्लोके लब्धा तस्य स्वरूपता

adya tvayātra viśrāṁtau vihite śrāddhakarmaṇi āvayostu harerloke labdhā tasya svarūpatā

'आज तुम्हारे द्वारा यहाँ विश्रांति में श्राद्ध-कर्म सम्पन्न होने पर, हम दोनों को हरि के लोक में उन्हीं का स्वरूप प्राप्त हुआ है।'

श्लोक 47 (padma.6.214.47)

नारद उवाच- एवमुक्त्वा तया सार्द्धं स्वस्त्रिया भूपसत्तम । ब्रह्मलोकमतिक्रम्य वैकुंठं स ययौ द्विजः

nārada uvāca- evamuktvā tayā sārddhaṁ svastriyā bhūpasattama brahmalokamatikramya vaikuṁṭhaṁ sa yayau dvijaḥ

नारद ने कहा — 'हे भूपसत्तम! ऐसा कहकर वह ब्राह्मण अपनी उस पत्नी सहित, ब्रह्मलोक को भी लांघकर वैकुंठ को चला गया।'

श्लोक 48 (padma.6.214.48)

अथ प्रोवाच राजेंद्र वचस्तत्प्रपितामहः । यत्ते तत्कथयाम्यद्य शृणुष्वैकमना द्विज

atha provāca rājeṁdra vacastatprapitāmahaḥ yatte tatkathayāmyadya śṛṇuṣvaikamanā dvija

'फिर, हे राजेंद्र! उसके प्रपितामह ने वचन कहा — जो मैं तुम्हें आज बताता हूँ, हे द्विज! एकाग्रचित्त होकर सुनो।'

श्लोक 49 (padma.6.214.49)

प्रपितामह उवाच- भोभो वत्स महाभाग तवाहं प्रपितामहः । भ्रूणहत्याफलेनाहं शौकरीं योनिमाप्तवान्

prapitāmaha uvāca- bhobho vatsa mahābhāga tavāhaṁ prapitāmahaḥ bhrūṇahatyāphalenāhaṁ śaukarīṁ yonimāptavān

प्रपितामह ने कहा — 'हे वत्स, हे महाभाग! मैं तुम्हारा प्रपितामह हूँ; भ्रूण-हत्या के फल से मैंने सूकर की योनि प्राप्त की।'

श्लोक 50 (padma.6.214.50)

ततो विनिर्गतस्तात श्वाभवं पापपीडितः । ततः स्थावरतां प्राप्तो विंध्ये पर्वतसत्तमे

tato vinirgatastāta śvābhavaṁ pāpapīḍitaḥ tataḥ sthāvaratāṁ prāpto viṁdhye parvatasattame

'हे तात! फिर उससे निकलकर, उसी पाप से पीड़ित होकर मैं श्वान हुआ; फिर विंध्य नामक श्रेष्ठ पर्वत पर मैंने स्थावरता (वृक्ष-योनि) पाई।'

श्लोक 51 (padma.6.214.51)

तत्रापि चिरकालेन स्थितं स्थावरतां दधत् । हस्तिना केनचित्तात मूलादुत्पाटितो बलात्

tatrāpi cirakālena sthitaṁ sthāvaratāṁ dadhat hastinā kenacittāta mūlādutpāṭito balāt

'हे तात! वहाँ भी चिरकाल तक स्थावरता धारण किए रहने के बाद, किसी हाथी द्वारा बलपूर्वक मुझे जड़ से उखाड़ दिया गया।'

श्लोक 52 (padma.6.214.52)

तस्मिन्नेव ततः काले त्वया श्राद्धमकारि वै । अस्मिंस्तीर्थोत्तमे तात मुक्तोऽहं स्थावरात्ततः

tasminneva tataḥ kāle tvayā śrāddhamakāri vai asmiṁstīrthottame tāta mukto'haṁ sthāvarāttataḥ

'हे तात! उसी समय तुमने इस श्रेष्ठ तीर्थ में श्राद्ध किया, और मैं उस स्थावरता से मुक्त हो गया।'

श्लोक 53 (padma.6.214.53)

प्राप्तोऽयं यक्षराजस्य नगर्य्यां वास उत्तमः । देह्यनुज्ञां द्विजश्रेष्ठ यामि तां त्वत्प्रसादतः

prāpto'yaṁ yakṣarājasya nagaryyāṁ vāsa uttamaḥ dehyanujñāṁ dvijaśreṣṭha yāmi tāṁ tvatprasādataḥ

'मुझे यक्षराज की नगरी में उत्तम निवास प्राप्त हुआ है; हे द्विजश्रेष्ठ! मुझे आज्ञा दो, तुम्हारी कृपा से मैं वहाँ जाता हूँ।'

श्लोक 54 (padma.6.214.54)

त्वां दिदृक्षुरिहायातो दृष्टस्त्वं पुण्यदर्शनः । तीर्थं च सर्वतीर्थेषु श्रेष्ठं मधुवनं मया

tvāṁ didṛkṣurihāyāto dṛṣṭastvaṁ puṇyadarśanaḥ tīrthaṁ ca sarvatīrtheṣu śreṣṭhaṁ madhuvanaṁ mayā

'तुम्हें देखने की इच्छा से यहाँ आया था, तुम्हारा दर्शन कर लिया, जिसका दर्शन ही पुण्यदायी है; और समस्त तीर्थों में श्रेष्ठ मधुवन को भी मैंने देख लिया।'

श्लोक 55 (padma.6.214.55)

नारद उवाच- इत्युक्तस्तेन राजेंद्र मुनिपुत्रः स धर्मवित् । पप्रच्छ शिरसा नम्य तं निजं प्रपितामहम्

nārada uvāca- ityuktastena rājeṁdra muniputraḥ sa dharmavit papraccha śirasā namya taṁ nijaṁ prapitāmaham

नारद ने कहा — 'हे राजेंद्र! उनके ऐसा कहने पर, धर्मवेत्ता उस मुनि-पुत्र ने सिर झुकाकर अपने प्रपितामह से पूछा।'

श्लोक 56 (padma.6.214.56)

ऋषिरुवाच- ब्राह्मणानां कुले तात जातोऽसि त्वं गरीयसि । कथं विहितवान्पापं भ्रूणहत्याभिधं गुरो

ṛṣiruvāca- brāhmaṇānāṁ kule tāta jāto'si tvaṁ garīyasi kathaṁ vihitavānpāpaṁ bhrūṇahatyābhidhaṁ guro

ऋषि ने कहा — 'हे तात! आप श्रेष्ठ ब्राह्मण-कुल में जन्मे थे; हे गुरो! भ्रूणहत्या नामक वह पाप आपने कैसे किया?'

श्लोक 57 (padma.6.214.57)

येन निंद्यां समापन्नो भवान्योनिपरं पराम् । समाचक्ष्व महाभाग यदि तत्स्मृतिरस्ति ते

yena niṁdyāṁ samāpanno bhavānyoniparaṁ parām samācakṣva mahābhāga yadi tatsmṛtirasti te

'जिसके कारण आप निंद्य से भी अधिक निंद्य योनियों को प्राप्त हुए, हे महाभाग! वह मुझे बताइए, यदि आपको उसकी स्मृति हो।'

श्लोक 58 (padma.6.214.58)

प्रपितामह उवाच- पुराहं द्विजशार्दूल ब्राह्मणस्येव जन्मनि । मंत्रयंत्रविधानेन कृतवान्वृत्तिमात्मनः

prapitāmaha uvāca- purāhaṁ dvijaśārdūla brāhmaṇasyeva janmani maṁtrayaṁtravidhānena kṛtavānvṛttimātmanaḥ

प्रपितामह ने कहा — 'हे द्विजशार्दूल! पहले, ब्राह्मण-जन्म में ही, मंत्र-यंत्र की विधि से मैंने अपनी जीविका चलाई।'

श्लोक 59 (padma.6.214.59)

धनलोभेन नारीणां गर्भार्थमहमौषधम् । दत्तवांश्चैव नाशाय दैवोपहतचेतनः

dhanalobhena nārīṇāṁ garbhārthamahamauṣadham dattavāṁścaiva nāśāya daivopahatacetanaḥ

'दैव से मोहित चित्त वाला मैं, धन के लोभ से, स्त्रियों के गर्भ को नष्ट करने के लिए औषधि दे दिया करता था।'

श्लोक 60 (padma.6.214.60)

लोभो हि धनहीनानां जनानां ज्ञानमाहरेत् । शुचिकाले दिनाधीशः कुल्यानामिव जीवनम्

lobho hi dhanahīnānāṁ janānāṁ jñānamāharet śucikāle dinādhīśaḥ kulyānāmiva jīvanam

'लोभ निर्धन जनों के ज्ञान को हर लेता है, जैसे शुचि (ग्रीष्म) काल में सूर्य छोटी नदियों के जल-जीवन को हर लेता है।'

श्लोक 61 (padma.6.214.61)

ज्ञाने नष्टे जनस्तात पापमाचरते ध्रुवम् । पापान्नरकमाप्नोति ततो याति कुयोनिताम्

jñāne naṣṭe janastāta pāpamācarate dhruvam pāpānnarakamāpnoti tato yāti kuyonitām

'हे तात! ज्ञान नष्ट होने पर मनुष्य निश्चय ही पाप करता है; पाप से नरक प्राप्त करता है, फिर कुयोनि को जाता है।'

श्लोक 62 (padma.6.214.62)

काचिदेका तदा नारी गुर्विणी मामपृच्छत । किं जनिष्याम्यहं विप्र पुत्रं वेत्यथ वा स्त्रियम्

kācidekā tadā nārī gurviṇī māmapṛcchata kiṁ janiṣyāmyahaṁ vipra putraṁ vetyatha vā striyam

'तब किसी एक गर्भवती स्त्री ने मुझसे पूछा — "हे विप्र! क्या मुझे पुत्र होगा या पुत्री?"'

श्लोक 63 (padma.6.214.63)

तदाहमुक्तवांस्तां वै तव कन्या भविष्यति । पुत्रोत्पत्तिकृते तुभ्यं प्रदास्यामि महौषधम्

tadāhamuktavāṁstāṁ vai tava kanyā bhaviṣyati putrotpattikṛte tubhyaṁ pradāsyāmi mahauṣadham

'तब मैंने उससे कहा — "तुम्हें कन्या होगी; परंतु पुत्र-प्राप्ति के लिए मैं तुम्हें एक महाऔषधि दूँगा।"'

श्लोक 64 (padma.6.214.64)

इत्युक्ता च मया नारी दुर्बुद्धिस्त्रीशिरोमणिः । जग्राह मम पादौ तु दत्तं हेमपलं च मे

ityuktā ca mayā nārī durbuddhistrīśiromaṇiḥ jagrāha mama pādau tu dattaṁ hemapalaṁ ca me

'ऐसा कहे जाने पर वह दुर्बुद्धि स्त्रियों में शिरोमणि उस नारी ने मेरे पैर पकड़ लिए, और मुझे एक पल सोना दिया।'

श्लोक 65 (padma.6.214.65)

इत्युवाच च सा मह्यं षट्कन्याजनिता मया । सप्तमीयं त्वया चोक्ता जीविष्ये स्या न जन्मनि

ityuvāca ca sā mahyaṁ ṣaṭkanyājanitā mayā saptamīyaṁ tvayā coktā jīviṣye syā na janmani

'और उसने मुझसे कहा — "मुझसे पहले छह कन्याएँ जन्मी हैं; यह सातवीं भी तुमने कन्या ही बताई — यदि ऐसा हुआ, तो मैं जीवित नहीं रहूँगी।"'

श्लोक 66 (padma.6.214.66)

तथा कुरु महाबुद्धे यथाहं वै न कन्यकाम् । जनयिष्यामि विप्रान्यां निजप्राणविनाशिनीम्

tathā kuru mahābuddhe yathāhaṁ vai na kanyakām janayiṣyāmi viprānyāṁ nijaprāṇavināśinīm

'"हे महाबुद्धे! ऐसा कुछ करो कि मुझे फिर से अपने प्राणों की नाशक अन्य कन्या न जन्मानी पड़े।"'

श्लोक 67 (padma.6.214.67)

इत्याकर्ण्य वचस्तस्यास्तामहं पुनरुक्तवान् । प्रसूतिकाले दास्यामि पुत्रोत्पाद्यहमौषधम्

ityākarṇya vacastasyāstāmahaṁ punaruktavān prasūtikāle dāsyāmi putrotpādyahamauṣadham

'उसका यह वचन सुनकर मैंने उससे फिर कहा — "प्रसव-काल में मैं तुम्हें पुत्र उत्पन्न करने वाली औषधि दूँगा।"'

श्लोक 68 (padma.6.214.68)

तथेति सा वचो मह्यं प्रतिश्रुत्य गता गृहम् । अपेक्षमाणा तं कालं तस्थौ वाक्यप्रतीतिकृत्

tatheti sā vaco mahyaṁ pratiśrutya gatā gṛham apekṣamāṇā taṁ kālaṁ tasthau vākyapratītikṛt

'"ऐसा ही होगा" कहकर, मेरी बात मानकर वह घर चली गई; उस समय की प्रतीक्षा करती हुई, मेरे वचन पर विश्वास किए हुए वह रुकी रही।'

श्लोक 69 (padma.6.214.69)

तस्यां गतायां भो तात चिंतया भवमातुरः । इत्यहं द्विजशार्दूल तच्छृणुष्व वदामि ते

tasyāṁ gatāyāṁ bho tāta ciṁtayā bhavamāturaḥ ityahaṁ dvijaśārdūla tacchṛṇuṣva vadāmi te

'हे तात! उसके चले जाने पर मैं चिंता से व्याकुल हो गया; हे द्विजशार्दूल! अब वह सुनो, जो मैं तुम्हें बताता हूँ।'

श्लोक 70 (padma.6.214.70)

पुत्रोत्पत्तिप्रतीतेयं मह्यं दत्तवती पलम् । सुवर्णस्य न जानामि किमस्याः संभविष्यति

putrotpattipratīteyaṁ mahyaṁ dattavatī palam suvarṇasya na jānāmi kimasyāḥ saṁbhaviṣyati

'"पुत्र-प्राप्ति के विश्वास पर इसने मुझे एक पल सोना दिया है; मैं नहीं जानता कि इसका क्या होगा।"'

श्लोक 71 (padma.6.214.71)

किमत्र करणीयं मे कथमेतत्सुवर्णकम् । पलप्रमाणं तिष्ठेद्वै दरिद्रस्य गृहे मम

kimatra karaṇīyaṁ me kathametatsuvarṇakam palapramāṇaṁ tiṣṭhedvai daridrasya gṛhe mama

'"मुझे यहाँ क्या करना चाहिए? यह सोना, एक पल के बराबर, मेरे दरिद्र घर में कैसे टिकेगा?"'

श्लोक 72 (padma.6.214.72)

एवं विमृश्य तद्दास्यास्तस्यै हस्तेन दापितम् । गर्भपातकरं तात मया दारुणमौषधम्

evaṁ vimṛśya taddāsyāstasyai hastena dāpitam garbhapātakaraṁ tāta mayā dāruṇamauṣadham

'हे तात! ऐसा विचार कर मैंने उसकी दासी के हाथों उसे भेज दिया — गर्भपात करने वाली वह भयंकर औषधि।'

श्लोक 73 (padma.6.214.73)

तेनौषधेन तस्यास्तु गर्भस्रावेऽभवत्तदा । मासे तृतीये न ज्ञातं चिह्नं पुरुषकन्ययोः

tenauṣadhena tasyāstu garbhasrāve'bhavattadā māse tṛtīye na jñātaṁ cihnaṁ puruṣakanyayoḥ

'उस औषधि से उसका तब गर्भपात हो गया; तीसरे महीने में स्त्री या पुरुष का कोई चिह्न ज्ञात नहीं हुआ था।'

श्लोक 74 (padma.6.214.74)

तदा सा मद्गृहं प्राप्ता विषण्णा गर्भस्रावतः । अथार्थयत्सुवर्णं तन्निराशा पुत्रजन्मनि

tadā sā madgṛhaṁ prāptā viṣaṇṇā garbhasrāvataḥ athārthayatsuvarṇaṁ tannirāśā putrajanmani

'तब वह गर्भपात से विषण्ण होकर मेरे घर आई, और पुत्र-जन्म से निराश होकर सोना माँगने लगी।'

श्लोक 75 (padma.6.214.75)

तदाहमिष्टकाचूर्णं भस्मना च समन्वितम् । हरिद्राचूर्णसंयुक्तं सांबु तस्यै अदर्शयम्

tadāhamiṣṭakācūrṇaṁ bhasmanā ca samanvitam haridrācūrṇasaṁyuktaṁ sāṁbu tasyai adarśayam

'तब मैंने ईंट के चूर्ण को भस्म तथा हल्दी के चूर्ण से मिलाकर, जल सहित उसे दिखाया।'

श्लोक 76 (padma.6.214.76)

एतच्चूर्णं कृतं मातस्त्वत्पुत्रोत्पत्तये मया । त्वद्दानाद्द्विगुणं द्रव्यं लग्नमेतस्य साधने

etaccūrṇaṁ kṛtaṁ mātastvatputrotpattaye mayā tvaddānāddviguṇaṁ dravyaṁ lagnametasya sādhane

'"हे माता! यह चूर्ण मैंने तुम्हारे पुत्र-जन्म के लिए बनाया है; इसे बनाने में तुम्हारे दिए धन से दुगुना द्रव्य लग गया।"'

श्लोक 77 (padma.6.214.77)

इत्युक्त्वा सा मया तात त्यक्त्वा चूर्णं गृहं ययौ । मामुक्त्वेति गृहीष्यामि काले त्वत्तो द्विजोत्तम

ityuktvā sā mayā tāta tyaktvā cūrṇaṁ gṛhaṁ yayau māmuktveti gṛhīṣyāmi kāle tvatto dvijottama

'हे तात! ऐसा मेरे कहने पर वह वह चूर्ण छोड़कर घर चली गई, मुझसे यह कहते हुए — "हे द्विजोत्तम! मैं इसे तुमसे समय पर ले लूँगी।"'

श्लोक 78 (padma.6.214.78)

एवं मया कृता तात भ्रूणहत्यातिदारुणा । ययातिकुत्सिते योनित्रितये भ्रमितं मया

evaṁ mayā kṛtā tāta bhrūṇahatyātidāruṇā yayātikutsite yonitritaye bhramitaṁ mayā

'हे तात! इस प्रकार मैंने वह अत्यंत भयंकर भ्रूणहत्या की, और उसी के कारण मैं तीन निंद्य योनियों में भटकता रहा।'

श्लोक 79 (padma.6.214.79)

त्वत्प्रसादादहं मुक्तः सांप्रतं स्थावरत्वतः । देह्यनुज्ञां मुनिश्रेष्ठ याम्यहं ह्यलकां शुभाम्

tvatprasādādahaṁ muktaḥ sāṁprataṁ sthāvaratvataḥ dehyanujñāṁ muniśreṣṭha yāmyahaṁ hyalakāṁ śubhām

'तुम्हारी कृपा से अब मैं उस स्थावरता से मुक्त हो गया; हे मुनिश्रेष्ठ! मुझे आज्ञा दो, मैं शुभ अलका को जाता हूँ।'

श्लोक 80 (padma.6.214.80)

नारद उवाच- एवमुक्त्वा तु राजेंद्र तस्य तु प्रपितामहः । तेनाभिवंदितो मूर्ध्ना प्रययौ दिशमुत्तराम्

nārada uvāca- evamuktvā tu rājeṁdra tasya tu prapitāmahaḥ tenābhivaṁdito mūrdhnā prayayau diśamuttarām

नारद ने कहा — 'हे राजेंद्र! ऐसा कहकर उसका वह प्रपितामह, उसके द्वारा सिर झुकाकर वंदित होकर, उत्तर दिशा की ओर चल पड़ा—'

श्लोक 81 (padma.6.214.81)

विमानेन विचित्रेण किंकिणीजालमालिना । नृत्यद्गंधर्वजुष्टेन मणिप्राकारशोभिना

vimānena vicitreṇa kiṁkiṇījālamālinā nṛtyadgaṁdharvajuṣṭena maṇiprākāraśobhinā

'—घंटियों की झालरों से युक्त, नृत्यरत गंधर्वों से सेवित, मणि-प्राकार से सुशोभित एक विचित्र विमान द्वारा।'

श्लोक 82 (padma.6.214.82)

अथ तस्य महाराज विप्रस्य प्रपितामही । उवाच स्वप्रपौत्रं तं विमानवरमास्थिता

atha tasya mahārāja viprasya prapitāmahī uvāca svaprapautraṁ taṁ vimānavaramāsthitā

'हे महाराज! फिर उस ब्राह्मण की प्रपितामही ने, श्रेष्ठ विमान पर बैठी हुई, अपने प्रपौत्र से यह कहा।'

श्लोक 83 (padma.6.214.83)

प्रपितामह्युवाच । नान्यत्र कुत्र गंतासि पुण्येनानेन सुव्रत । विना पद्मापतेः पादपद्मचिह्नितमंदिरम्

prapitāmahyuvāca nānyatra kutra gaṁtāsi puṇyenānena suvrata vinā padmāpateḥ pādapadmacihnitamaṁdiram

प्रपितामही ने कहा — 'हे सुव्रत! इस पुण्य से तुम पद्मापति के चरण-कमल से चिह्नित मंदिर के अतिरिक्त और कहाँ जाओगे?'

श्लोक 84 (padma.6.214.84)

अयं मम पतिः पापो मुने त्वत्प्रपितामहः । वारितोऽपि मया पापमाचचार सुदुष्टधीः

ayaṁ mama patiḥ pāpo mune tvatprapitāmahaḥ vārito'pi mayā pāpamācacāra suduṣṭadhīḥ

'हे मुने! यह मेरा पापी पति, तुम्हारा प्रपितामह, मेरे द्वारा रोके जाने पर भी सुदुष्ट-बुद्धि से वह पाप करता रहा।'

श्लोक 85 (padma.6.214.85)

सोऽपि त्वयातिपापात्मा तारितो दुःखसागरात् । शक्यते केन वै कर्तुं तावकं गुणवर्णनम्

so'pi tvayātipāpātmā tārito duḥkhasāgarāt śakyate kena vai kartuṁ tāvakaṁ guṇavarṇanam

'वह भी, अत्यंत पापात्मा होते हुए भी, तुम्हारे द्वारा दुःख-सागर से तार दिया गया; तुम्हारे गुणों का वर्णन भला कौन कर सकता है?'

श्लोक 86 (padma.6.214.86)

नारद उवाच- इत्युक्त्वा सापि राजेंद्र पतिलोकं जगाम ह । अलकायां चिरं पत्या तेनैव मुमुदे सह

nārada uvāca- ityuktvā sāpi rājeṁdra patilokaṁ jagāma ha alakāyāṁ ciraṁ patyā tenaiva mumude saha

नारद ने कहा — 'हे राजेंद्र! ऐसा कहकर वह भी अपने पति के लोक को चली गई; अलका में चिरकाल तक उसी पति के साथ आनंदित रही।'

श्लोक 87 (padma.6.214.87)

अथ ते मुनिपुत्रस्य सर्वे मातामहादयः । सपत्नीकाः समारुह्य विमानेषु ययुर्दिवम्

atha te muniputrasya sarve mātāmahādayaḥ sapatnīkāḥ samāruhya vimāneṣu yayurdivam

'फिर मुनि-पुत्र के मातामह आदि सभी पितर अपनी-अपनी पत्नियों सहित विमानों पर आरूढ़ होकर स्वर्ग को चले गए।'

श्लोक 88 (padma.6.214.88)

सोऽपि द्विजवरस्तस्मात्तीर्थात्स्वपितुराश्रमम् । गत्वा तं सर्ववृत्तांतं स्वपित्रे समवर्णयत्

so'pi dvijavarastasmāttīrthātsvapiturāśramam gatvā taṁ sarvavṛttāṁtaṁ svapitre samavarṇayat

'वह श्रेष्ठ ब्राह्मण भी उस तीर्थ से अपने पिता के आश्रम में जाकर, वह सारा वृत्तांत अपने पिता को सुनाया।'

श्लोक 89 (padma.6.214.89)

सोऽपि तत्र गतः सार्द्धं कुटुंबेन वने मधोः । चकार पर्णशालां वै विश्रांतेस्तु समीपतः

so'pi tatra gataḥ sārddhaṁ kuṭuṁbena vane madhoḥ cakāra parṇaśālāṁ vai viśrāṁtestu samīpataḥ

'वह भी अपने परिवार सहित वहाँ मधु के वन में गया, और विश्रांति के समीप ही एक पर्ण-शाला बनाई।'

श्लोक 90 (padma.6.214.90)

तत्र विश्रांततीर्थं तु त्रिकालं स्नानमाचरन् । नाकरोद्विष्णुलोकेऽपि स्पृहां स मुनिसत्तमः

tatra viśrāṁtatīrthaṁ tu trikālaṁ snānamācaran nākarodviṣṇuloke'pi spṛhāṁ sa munisattamaḥ

'वहाँ त्रिकाल विश्रांति-तीर्थ में स्नान करते हुए, उस श्रेष्ठ मुनि ने विष्णुलोक की भी स्पृहा नहीं की।'

श्लोक 91 (padma.6.214.91)

एकदा जलमध्ये स स्नानं कुर्वन्मुनिर्नृप । आचकांक्षे च भवता कदा मे हरिदर्शनम्

ekadā jalamadhye sa snānaṁ kurvanmunirnṛpa ācakāṁkṣe ca bhavatā kadā me haridarśanam

'हे राजन्! एक बार जल के मध्य स्नान करते हुए उस मुनि ने अभिलाषा की — "कब मुझे हरि का दर्शन होगा?"'

श्लोक 92 (padma.6.214.92)

एवं कामयमानस्य मुनिवर्यस्य भूपते । आजगाम त्वरायुक्तो पक्षिराजासनो हरिः

evaṁ kāmayamānasya munivaryasya bhūpate ājagāma tvarāyukto pakṣirājāsano hariḥ

'हे भूपते! उस श्रेष्ठ मुनि के इस प्रकार कामना करते हुए, गरुड़-आसन हरि त्वरा से वहाँ आए।'

श्लोक 93 (padma.6.214.93)

लक्ष्म्या वक्षःस्थया सार्द्धं चतुर्बाहुधरो हरिः । नवीनघनवर्णांगो विद्युद्वर्णांबरावृतः

lakṣmyā vakṣaḥsthayā sārddhaṁ caturbāhudharo hariḥ navīnaghanavarṇāṁgo vidyudvarṇāṁbarāvṛtaḥ

'वक्षस्थल पर विराजमान लक्ष्मी सहित चतुर्भुज हरि, नवीन मेघ के समान श्याम अंग वाले, विद्युत् के वर्ण के वस्त्र से आवृत—'

श्लोक 94 (padma.6.214.94)

कौस्तुभोद्भासि सद्वक्षाः शंखचक्रगदाब्जभृत् । वनमालालसत्कंठो मकराकृतिकुंडलः

kaustubhodbhāsi sadvakṣāḥ śaṁkhacakragadābjabhṛt vanamālālasatkaṁṭho makarākṛtikuṁḍalaḥ

'—कौस्तुभमणि से देदीप्यमान वक्षस्थल वाले, शंख-चक्र-गदा-पद्म धारण किए हुए, वनमाला से सुशोभित कंठ वाले, मकराकार कुंडलों वाले—'

श्लोक 95 (padma.6.214.95)

फुल्लांबुजपलाशाक्षः स्वलकालं कृताननः । विद्रुमाकारकरजोरुणहस्तांघ्रिसत्तलः

phullāṁbujapalāśākṣaḥ svalakālaṁ kṛtānanaḥ vidrumākārakarajoruṇahastāṁghrisattalaḥ

'—खिले हुए कमल-दल के समान नेत्रों वाले, घुँघराले केशों वाले मुख वाले, मूँगे के समान लाल हाथ-पैर और तलवों वाले—'

श्लोक 96 (padma.6.214.96)

उवाच तं द्विजश्रेष्ठं दंतभासा विभासयन् । शरन्निशापतिस्तोम तिरस्कारकृतादिशः

uvāca taṁ dvijaśreṣṭhaṁ daṁtabhāsā vibhāsayan śaranniśāpatistoma tiraskārakṛtādiśaḥ

'—अपने दाँतों की चमक से, शरद्-ऋतु के चंद्रसमूह का भी तिरस्कार करने वाली दिशाओं को प्रकाशित करते हुए, उस ब्राह्मणश्रेष्ठ से कहा।'

श्लोक 97 (padma.6.214.97)

श्रीभगवानुवाच- भोभो द्विजवरैतन्मे तीर्थं मधुवनं शुभम् । विश्रांतसंज्ञकं स्नानात्सर्वकामोपपादकम्

śrībhagavānuvāca- bhobho dvijavaraitanme tīrthaṁ madhuvanaṁ śubham viśrāṁtasaṁjñakaṁ snānātsarvakāmopapādakam

श्रीभगवान् ने कहा — 'हे द्विजवर! यह मेरा शुभ मधुवन तीर्थ, विश्रांत नामक, स्नान मात्र से सर्व-कामनाओं की सिद्धि देने वाला है।'

श्लोक 98 (padma.6.214.98)

अत्र त्वया स्नानकाले वांछितं मम दर्शनम् । तुभ्यं हि तन्मया दत्तं ब्रह्मादिसुरदुर्लभम्

atra tvayā snānakāle vāṁchitaṁ mama darśanam tubhyaṁ hi tanmayā dattaṁ brahmādisuradurlabham

'यहाँ स्नान करते समय तुमने मेरे दर्शन की कामना की; वही, ब्रह्मा आदि देवताओं के लिए भी दुर्लभ दर्शन, मैंने तुम्हें दे दिया।'

श्लोक 99 (padma.6.214.99)

त्यज देहमिमं विप्र मानुषं दिव्यमाप्नुहि । आयाहि मद्गृहं सार्द्धं मयारुह्य खगेश्वरम्

tyaja dehamimaṁ vipra mānuṣaṁ divyamāpnuhi āyāhi madgṛhaṁ sārddhaṁ mayāruhya khageśvaram

'हे विप्र! इस मानव देह को त्यागो, दिव्य देह प्राप्त करो; मेरे साथ, गरुड़ पर आरूढ़ होकर, मेरे धाम में आओ।'

श्लोक 100 (padma.6.214.100)

नारद उवाच- इत्याकर्ण्यवचस्तस्य श्रीपतेः स मुनीश्वरः । तुष्टाव प्रणतो भूत्वा जल एव विशांपते

nārada uvāca- ityākarṇyavacastasya śrīpateḥ sa munīśvaraḥ tuṣṭāva praṇato bhūtvā jala eva viśāṁpate

नारद ने कहा — 'हे विशांपते! श्रीपति के इस वचन को सुनकर, वह मुनीश्वर प्रणाम कर, जल में ही खड़े होकर स्तुति करने लगे।'

श्लोक 101 (padma.6.214.101)

मुनिरुवाच- श्रीपते श्रीमदंभोज संमर्दितपदांबुजम् । भवतो भवतापघ्नं वंदे त्रिदशवंदितम्

muniruvāca- śrīpate śrīmadaṁbhoja saṁmarditapadāṁbujam bhavato bhavatāpaghnaṁ vaṁde tridaśavaṁditam

मुनि ने कहा — 'हे श्रीपते! श्री के कमल से मर्दित आपके चरण-कमलों को, जो संसार-ताप का नाश करने वाले हैं और त्रिदशों द्वारा वंदित हैं, मैं वंदन करता हूँ।'

श्लोक 102 (padma.6.214.102)

त्वदीय मायया नाथ मोहिता येऽत्र जंतवः । तेषां कदाचिन्निस्तारो न कृपामंतरेण ते

tvadīya māyayā nātha mohitā ye'tra jaṁtavaḥ teṣāṁ kadācinnistāro na kṛpāmaṁtareṇa te

'हे नाथ! जो प्राणी यहाँ आपकी माया से मोहित हैं, उनका उद्धार आपकी कृपा के बिना कभी संभव नहीं है।'

श्लोक 103 (padma.6.214.103)

सत्तीर्थसेवनादीश तथा सज्जनसंगमात् । पुसां भक्तिस्तु येषां वै जायते कृपया तव

sattīrthasevanādīśa tathā sajjanasaṁgamāt pusāṁ bhaktistu yeṣāṁ vai jāyate kṛpayā tava

'हे ईश! सत्तीर्थ-सेवन तथा सज्जन-संगम से मनुष्यों को जो भक्ति प्राप्त होती है, वह भी आपकी ही कृपा से होती है।'

श्लोक 104 (padma.6.214.104)

साधुभिर्बहुभिरीरितं हरे यो निशम्य गुणकीर्त्तनं तव । कीर्तयत्यखिलपापनाशनं मातृगर्भकुहरे स नो पतेत्

sādhubhirbahubhirīritaṁ hare yo niśamya guṇakīrttanaṁ tava kīrtayatyakhilapāpanāśanaṁ mātṛgarbhakuhare sa no patet

'हे हरे! जो अनेक साधुओं द्वारा कहे गए आपके गुण-कीर्तन को सुनकर, स्वयं भी उस समस्त-पापनाशक कीर्तन को गाता है, वह माता के गर्भ-गह्वर में फिर नहीं गिरता।'

श्लोक 105 (padma.6.214.105)

श्रीपते तव जनस्य मानसं दैवतस्तु पतितं महारणे । गुंठितं च रजसा जहाति नो निर्मलत्वमिव रत्नमुत्तमम्

śrīpate tava janasya mānasaṁ daivatastu patitaṁ mahāraṇe guṁṭhitaṁ ca rajasā jahāti no nirmalatvamiva ratnamuttamam

'हे श्रीपते! आपके भक्त का मन, यद्यपि महारण-रूपी संसार में गिरकर रज से आच्छादित हो जाए, फिर भी वह उत्तम रत्न के समान अपनी निर्मलता को नहीं त्यागता।'

श्लोक 106 (padma.6.214.106)

यः पुमान्पतति ते पदांबुजे दंडवत्पुलकमंगके दधत् । सोन्वयं नयति तावकं पदं स्वं च वांछितमशेषयोगिभिः

yaḥ pumānpatati te padāṁbuje daṁḍavatpulakamaṁgake dadhat sonvayaṁ nayati tāvakaṁ padaṁ svaṁ ca vāṁchitamaśeṣayogibhiḥ

'जो पुरुष आपके चरण-कमल पर दंडवत गिरता है, रोमांचित शरीर धारण करते हुए, वह अपने कुल सहित आपके उस पद को प्राप्त करता है, जो समस्त योगियों को भी वांछित है।'

श्लोक 107 (padma.6.214.107)

जीव एव तव मायया विभो मोहितो भ्रमति विश्ववर्त्मसु । त्वत्कृपाललितलोचनांचलैस्तत्क्षणं तरति विश्ववारिधिम्

jīva eva tava māyayā vibho mohito bhramati viśvavartmasu tvatkṛpālalitalocanāṁcalaistatkṣaṇaṁ tarati viśvavāridhim

'हे विभो! जीव ही आपकी माया से मोहित होकर संसार के मार्गों में भटकता है; आपकी कृपा-युक्त सुंदर नेत्रों के कोर मात्र से वह तत्क्षण संसार-सागर को तर जाता है।'

श्लोक 108 (padma.6.214.108)

नारद उवाच- इति संस्तुत्य गोविंदं दंडवत्तस्य पादयोः । पपात स मुनिश्रेष्ठो जयेति मुहुरीरयन्

nārada uvāca- iti saṁstutya goviṁdaṁ daṁḍavattasya pādayoḥ papāta sa muniśreṣṭho jayeti muhurīrayan

नारद ने कहा — 'इस प्रकार गोविंद की स्तुति कर, वह श्रेष्ठ मुनि उनके चरणों में दंडवत गिर पड़ा, बार-बार "जय" कहते हुए।'

श्लोक 109 (padma.6.214.109)

श्रीपतिस्तं मुनिश्रेष्ठं दंडवत्पतितं भुवि । उत्थाप्य बाहुभिस्तूर्णं सुपर्णे समरोपयत्

śrīpatistaṁ muniśreṣṭhaṁ daṁḍavatpatitaṁ bhuvi utthāpya bāhubhistūrṇaṁ suparṇe samaropayat

'भूमि पर दंडवत गिरे उस श्रेष्ठ मुनि को श्रीपति ने अपनी भुजाओं से तुरंत उठाकर गरुड़ पर बिठा दिया।'

श्लोक 110 (padma.6.214.110)

तत्कुटुंबं च विश्वात्मा वैकुंठं च जगाम ह । इत्येतत्कथितं राजन्शिवे मधुवनस्य वै

tatkuṭuṁbaṁ ca viśvātmā vaikuṁṭhaṁ ca jagāma ha ityetatkathitaṁ rājanśive madhuvanasya vai

'और उसके परिवार को भी लेकर वे विश्वात्मा वैकुंठ को चले गए। हे राजन्, हे शिवे! इस प्रकार यह मधुवन का—'

श्लोक 111 (padma.6.214.111)

महात्म्यं सर्वपापघ्नं किमन्यच्छ्रोतुमिच्छसि । य इदं शृणुयान्मर्त्यः सर्वपापैः प्रमुच्यते

mahātmyaṁ sarvapāpaghnaṁ kimanyacchrotumicchasi ya idaṁ śṛṇuyānmartyaḥ sarvapāpaiḥ pramucyate

'—सर्वपाप-नाशक माहात्म्य तुम्हें कहा गया। और क्या सुनना चाहते हो? जो मनुष्य इसे सुनता है, वह समस्त पापों से मुक्त हो जाता है।'