बदरिकाश्रम की महिमा

श्लोक 1 (padma.6.216.1)

नारद उवाच- अतो मधुवनाद्राजन्नयं बदरिकाश्रमः । एकादशधनुर्मात्रे भूभागे व्यवतिष्ठति

nārada uvāca- ato madhuvanādrājannayaṁ badarikāśramaḥ ekādaśadhanurmātre bhūbhāge vyavatiṣṭhati

नारद ने कहा — 'हे राजन्! इस मधुवन से आगे यह बदरिकाश्रम, ग्यारह धनुष प्रमाण भूभाग में स्थित है।'

श्लोक 2 (padma.6.216.2)

अस्य तीर्थवरस्याहं महिमानं महद्भुतम् । वर्णयामि पुरस्तात्ते यं श्रुत्वा मुच्यते भयात्

asya tīrthavarasyāhaṁ mahimānaṁ mahadbhutam varṇayāmi purastātte yaṁ śrutvā mucyate bhayāt

'इस श्रेष्ठ तीर्थ की अत्यंत अद्भुत महिमा मैं तुम्हारे समक्ष वर्णन करता हूँ, जिसे सुनकर मनुष्य भय से मुक्त हो जाता है।'

श्लोक 3 (padma.6.216.3)

एकस्तु मगधे राजन्देवदासो हि नामतः । ब्राह्मणः सत्यवान्दांतः साक्षाद्धर्म इवापरः

ekastu magadhe rājandevadāso hi nāmataḥ brāhmaṇaḥ satyavāndāṁtaḥ sākṣāddharma ivāparaḥ

'हे राजन्! मगध में देवदास नामक एक ब्राह्मण था, सत्यवादी, संयमी, मानो साक्षात् दूसरा धर्म ही हो।'

श्लोक 4 (padma.6.216.4)

निष्णातः सर्वविद्यासु बृहस्पतिरिवापरः । हरिसंतोषको भक्त्या प्रह्लाद इव दैत्यराट्

niṣṇātaḥ sarvavidyāsu bṛhaspatirivāparaḥ harisaṁtoṣako bhaktyā prahlāda iva daityarāṭ

'समस्त विद्याओं में पारंगत, मानो दूसरे बृहस्पति; भक्तिपूर्वक हरि को संतुष्ट करने वाला, मानो दैत्यराज प्रह्लाद।'

श्लोक 5 (padma.6.216.5)

सस्त्रीकोऽपि स्मरं जेता पार्वत्याइव वल्लभः । सदाचारपरो नित्यं विश्वामित्रो मुनिर्यथा

sastrīko'pi smaraṁ jetā pārvatyāiva vallabhaḥ sadācāraparo nityaṁ viśvāmitro muniryathā

'पत्नी सहित रहते हुए भी काम को जीतने वाला, मानो पार्वती के प्रिय शिव; सदा सदाचार में तत्पर, मानो मुनि विश्वामित्र।'

श्लोक 6 (padma.6.216.6)

मगधेशगृहे मान्यो द्रोणतत्कुरुवेश्मनि । दानशीलः सुपात्रेषु बलिर्दैत्याधिपो यथा

magadheśagṛhe mānyo droṇatatkuruveśmani dānaśīlaḥ supātreṣu balirdaityādhipo yathā

'मगधनरेश के घर में तथा द्रोण-कुरु के घर में भी सम्मानित; सुपात्रों में दानशील, मानो दैत्याधिप बलि।'

श्लोक 7 (padma.6.216.7)

तस्यभार्योत्तमा नाम लक्ष्मीरिव गुणोत्तमा । पतिशुश्रूषणपरा यथाजनकनंदिनी

tasyabhāryottamā nāma lakṣmīriva guṇottamā patiśuśrūṣaṇaparā yathājanakanaṁdinī

'उसकी उत्तमा नामक श्रेष्ठ पत्नी थी, गुणों में उत्तम, मानो साक्षात् लक्ष्मी; अपने पति की सेवा में तत्पर, मानो जनक-नंदिनी सीता।'

श्लोक 8 (padma.6.216.8)

तस्यैकश्च सुतो राजन्नंगदो नाम बुद्धिमान् । एका पुत्री तु वलया नाम सल्लक्षमणान्विता

tasyaikaśca suto rājannaṁgado nāma buddhimān ekā putrī tu valayā nāma sallakṣamaṇānvitā

'हे राजन्! उसका एक पुत्र था, अंगद नामक, बुद्धिमान्; और एक पुत्री थी, वलया नामक, सभी शुभ लक्षणों से युक्त।'

श्लोक 9 (padma.6.216.9)

तयोर्ज्यायान्सुतः कन्या तस्माद्भूपकनीयसी । तयोर्यथाक्रमं चक्रे विवाहं स द्विजोत्तमः

tayorjyāyānsutaḥ kanyā tasmādbhūpakanīyasī tayoryathākramaṁ cakre vivāhaṁ sa dvijottamaḥ

'उन दोनों में पुत्र बड़ा था, कन्या उससे छोटी थी; उस श्रेष्ठ ब्राह्मण ने दोनों का विधिपूर्वक विवाह सम्पन्न किया।'

श्लोक 10 (padma.6.216.10)

विवाहिता तु सा कन्या ययौ श्वशुरवेश्मनि । शुभलक्षणसंपन्ना कालेन कियता नृप

vivāhitā tu sā kanyā yayau śvaśuraveśmani śubhalakṣaṇasaṁpannā kālena kiyatā nṛpa

'हे नृप! विवाहित होकर वह शुभ-लक्षणसंपन्न कन्या कुछ समय बाद अपने श्वसुर-गृह चली गई।'

श्लोक 11 (padma.6.216.11)

अंगदस्तु महाबुद्धिर्गृहभारं बभार ह । पितृवत्सर्वशास्त्रज्ञो यौवनश्रीविभूषितः

aṁgadastu mahābuddhirgṛhabhāraṁ babhāra ha pitṛvatsarvaśāstrajño yauvanaśrīvibhūṣitaḥ

'महाबुद्धिमान् अंगद, पिता के समान समस्त शास्त्रों का ज्ञाता, यौवन की शोभा से विभूषित, घर का भार वहन करने लगा।'

श्लोक 12 (padma.6.216.12)

एकदा स तु विप्रेंद्रः पुत्रं तं गृहकर्मणि । क्षमं विज्ञाय राजेंद्र निजभार्यामुवाच ह

ekadā sa tu vipreṁdraḥ putraṁ taṁ gṛhakarmaṇi kṣamaṁ vijñāya rājeṁdra nijabhāryāmuvāca ha

'हे राजेंद्र! एक बार उस विप्रेंद्र ने अपने पुत्र को गृहकार्य में समर्थ जानकर, अपनी पत्नी से यह कहा।'

श्लोक 13 (padma.6.216.13)

देवदास उवाच । समाकर्णय मे साध्वि कालेऽस्मिन्नुचितं वचः । ततो यदुचितं भद्रे तदह्नाय विधीयताम्

devadāsa uvāca samākarṇaya me sādhvi kāle'sminnucitaṁ vacaḥ tato yaducitaṁ bhadre tadahnāya vidhīyatām

देवदास ने कहा — 'हे साध्वि! इस समय मेरा उचित वचन सुनो; फिर हे भद्रे, जो उचित हो, वह शीघ्र सम्पन्न किया जाए।'

श्लोक 14 (padma.6.216.14)

एषा जरा समायाता शरीरं पातयिष्यति । अंगान्याकंपयंतीव वात्या पक्वफलं यथा

eṣā jarā samāyātā śarīraṁ pātayiṣyati aṁgānyākaṁpayaṁtīva vātyā pakvaphalaṁ yathā

'यह वृद्धावस्था आ पहुँची है, यह शरीर को गिरा देगी — जैसे आँधी पके फल को हिलाकर [गिरा देती है]।'

श्लोक 15 (padma.6.216.15)

अक्ष्णामपि द्युतिं मंदां नूनमेषा करिष्यति । नक्षत्राणां सचंद्राणां प्रातर्वेलेव सुव्रते

akṣṇāmapi dyutiṁ maṁdāṁ nūnameṣā kariṣyati nakṣatrāṇāṁ sacaṁdrāṇāṁ prātarveleva suvrate

'हे सुव्रते! यह निश्चय ही आँखों की ज्योति को भी मंद कर देगी — जैसे प्रातःकाल का समय चंद्रमा सहित नक्षत्रों की [ज्योति को मंद कर देता है]।'

श्लोक 16 (padma.6.216.16)

स्खलितो पादयोर्मंदां गतिं प्रतिपदक्रमम् । करिष्यति जरा ह्येषा यथानिगडशृंखला

skhalito pādayormaṁdāṁ gatiṁ pratipadakramam kariṣyati jarā hyeṣā yathānigaḍaśṛṁkhalā

'यह वृद्धावस्था चरणों को डगमगाकर, हर कदम पर मंद गति करा देगी — जैसे बेड़ियों की सांकल।'

श्लोक 17 (padma.6.216.17)

तस्मादेषा जरा यावन्न प्रौढा जायते शुभे । आत्मनस्तावदावाभ्यां करणीयं हि तं द्रुतम्

tasmādeṣā jarā yāvanna prauḍhā jāyate śubhe ātmanastāvadāvābhyāṁ karaṇīyaṁ hi taṁ drutam

'अतः हे शुभे! जब तक यह वृद्धावस्था प्रौढ़ नहीं हुई है, तब तक हम दोनों को अपने लिए यह शीघ्र कर लेना चाहिए।'

श्लोक 18 (padma.6.216.18)

गृहपुत्रसुहृद्भ्रातृपितरो हि विनश्वराः । द्रव्यादिकं च सुभगे तेषु सज्जेत नो बुधः

gṛhaputrasuhṛdbhrātṛpitaro hi vinaśvarāḥ dravyādikaṁ ca subhage teṣu sajjeta no budhaḥ

'घर, पुत्र, मित्र, भाई और पिता — सब नाशवान हैं; हे सुभगे! बुद्धिमान पुरुष धन आदि में उनके साथ आसक्त नहीं होता।'

श्लोक 19 (padma.6.216.19)

अतोऽहं सर्वतीर्थेषु पयर्यटन्विजितेंद्रियः । वानप्रस्थेन विधिना वीक्षिष्ये हरिमीश्वरम्

ato'haṁ sarvatīrtheṣu payaryaṭanvijiteṁdriyaḥ vānaprasthena vidhinā vīkṣiṣye harimīśvaram

'अतः मैं समस्त तीर्थों में विचरण करते हुए, जितेंद्रिय होकर, वानप्रस्थ विधि से ईश्वर हरि का दर्शन करूँगा।'

श्लोक 20 (padma.6.216.20)

ततः संन्यासमादाय क्वचित्तीर्थोत्तमे शुभे । प्रारब्धकर्मणामंते त्यक्ष्यामि स्वं कलेवरम्

tataḥ saṁnyāsamādāya kvacittīrthottame śubhe prārabdhakarmaṇāmaṁte tyakṣyāmi svaṁ kalevaram

'फिर किसी शुभ श्रेष्ठ तीर्थ में संन्यास लेकर, प्रारब्ध कर्मों की समाप्ति पर मैं अपना शरीर त्याग दूँगा।'

श्लोक 21 (padma.6.216.21)

एवं चेत्प्राणमुक्तः स्यान्मुक्तिः स्यान्नात्र संशयः । मम श्रीपतिपादाब्जसम्यक्स्थापितचेतसः

evaṁ cetprāṇamuktaḥ syānmuktiḥ syānnātra saṁśayaḥ mama śrīpatipādābjasamyaksthāpitacetasaḥ

'ऐसा होने पर प्राण-त्याग होगा, और उसमें मुक्ति निश्चय ही होगी, संदेह नहीं — क्योंकि मेरा चित्त श्रीपति के चरण-कमल में सम्यक् स्थापित है।'

श्लोक 22 (padma.6.216.22)

उत्तमोवाच- पुमान्वा स्त्रीजनो वापि को रमेत विनश्वरे । संसारे माधवं मुक्त्वा नित्याश्रममचेतनः

uttamovāca- pumānvā strījano vāpi ko rameta vinaśvare saṁsāre mādhavaṁ muktvā nityāśramamacetanaḥ

उत्तमा ने कहा — 'कौन पुरुष अथवा स्त्री, माधव को छोड़कर, इस नश्वर संसार में, नित्य आश्रम को भुलाकर, चेतनाशून्य होकर रमण करेगी?'

श्लोक 23 (padma.6.216.23)

तस्मान्मामपि जीवेश त्वत्पादांबुजसेविनीम् । नीत्वा स्वसंगमे तावद्विश्वाब्धेराशु तारय

tasmānmāmapi jīveśa tvatpādāṁbujasevinīm nītvā svasaṁgame tāvadviśvābdherāśu tāraya

'अतः हे जीवेश! मुझे भी, जो आपके चरण-कमल की सेविका हूँ, अपने संग ले जाकर, संसार-सागर से शीघ्र तार दीजिए।'

श्लोक 24 (padma.6.216.24)

पुत्रोऽयमंगदः श्रीमान्गृहभारस्य धारणे । समर्थोऽभूत्स्नुषा चेयं कल्याणी तत्सहायिनी

putro'yamaṁgadaḥ śrīmāngṛhabhārasya dhāraṇe samartho'bhūtsnuṣā ceyaṁ kalyāṇī tatsahāyinī

'यह श्रीमान् पुत्र अंगद अब घर का भार वहन करने में समर्थ हो गया है, और यह कल्याणी बहू भी उसकी सहायक है।'

श्लोक 25 (padma.6.216.25)

पुत्रे समर्थे यो मूढः पुरुषः स्त्रीजनोऽथवा । न विरज्येत यो मूढो वंचितः श्रेयसा हि सः

putre samarthe yo mūḍhaḥ puruṣaḥ strījano'thavā na virajyeta yo mūḍho vaṁcitaḥ śreyasā hi saḥ

'पुत्र के समर्थ हो जाने पर भी जो पुरुष या स्त्री मूढ़तावश विरक्त नहीं होता, वह मूढ़ अपने ही कल्याण से वंचित रह जाता है।'

श्लोक 26 (padma.6.216.26)

नारद उवाच- एवमन्योन्यमामंत्र्य दंपती तौ रहस्तदा । पुत्रमाहूय कथयांचक्रतुस्त्विदमंगदम्

nārada uvāca- evamanyonyamāmaṁtrya daṁpatī tau rahastadā putramāhūya kathayāṁcakratustvidamaṁgadam

नारद ने कहा — 'इस प्रकार एक-दूसरे से एकांत में सलाह करके, वह दंपती अपने पुत्र अंगद को बुलाकर यह कहने लगे।'

श्लोक 27 (padma.6.216.27)

दंपत्यूचतुः- जरागमश्लथद्गात्रावावां विद्धि त्वमंगद । स्वश्रेयसे यतिष्यावः कुत्रचित्पुण्यभूतले

daṁpatyūcatuḥ- jarāgamaślathadgātrāvāvāṁ viddhi tvamaṁgada svaśreyase yatiṣyāvaḥ kutracitpuṇyabhūtale

दंपती ने कहा — 'हे अंगद! जानो कि हम दोनों के अंग वृद्धावस्था के आगमन से शिथिल हो चुके हैं; हम अपने कल्याण के लिए किसी पुण्यभूमि में प्रयत्न करेंगे।'

श्लोक 28 (padma.6.216.28)

हरेराराधनं भक्त्या श्रेयः परममुच्यते । तदर्थमेव निष्कामा यतंते साधवो भुवि

harerārādhanaṁ bhaktyā śreyaḥ paramamucyate tadarthameva niṣkāmā yataṁte sādhavo bhuvi

'भक्तिपूर्वक हरि की आराधना ही परम श्रेय कही जाती है; उसी के लिए निष्काम साधु पुरुष इस पृथ्वी पर प्रयत्न करते हैं।'

श्लोक 29 (padma.6.216.29)

विषयेषु न संसक्तिः समत्वं सर्वजंतुषु । येषां हर्षविवादौ च न जातु सुखदुःखयो

viṣayeṣu na saṁsaktiḥ samatvaṁ sarvajaṁtuṣu yeṣāṁ harṣavivādau ca na jātu sukhaduḥkhayo

'विषयों में जिनकी आसक्ति नहीं, जो सभी प्राणियों में समभाव रखते हैं, जिन्हें सुख-दुःख में कभी हर्ष-विवाद नहीं होता—'

श्लोक 30 (padma.6.216.30)

त एव साधवो लोके गोविंदपदसेविनः । तेषां दर्शनमात्रेण कृतार्थो जायते नरः

ta eva sādhavo loke goviṁdapadasevinaḥ teṣāṁ darśanamātreṇa kṛtārtho jāyate naraḥ

'—वे ही संसार में साधु कहलाते हैं, जो गोविंद के चरणों की सेवा करते हैं; उनके दर्शन मात्र से मनुष्य कृतार्थ हो जाता है।'

श्लोक 31 (padma.6.216.31)

तीर्थानि पर्यटन्धीरस्तद्दर्शनसमुत्सुकः । भाग्योदयेन केनापि तद्दर्शनमवाप्नुयात्

tīrthāni paryaṭandhīrastaddarśanasamutsukaḥ bhāgyodayena kenāpi taddarśanamavāpnuyāt

'तीर्थों में विचरण करने वाला धीर पुरुष उनके दर्शन का उत्सुक होकर, किसी न किसी भाग्योदय से उनका दर्शन प्राप्त कर लेता है।'

श्लोक 32 (padma.6.216.32)

तस्माद्भारं कुटुंबस्य भुजयोर्युगदीर्घयोः । आरोप्य नौ विसर्जस्व तीर्थयात्रार्थमंगद

tasmādbhāraṁ kuṭuṁbasya bhujayoryugadīrghayoḥ āropya nau visarjasva tīrthayātrārthamaṁgada

'अतः हे अंगद! अपनी दोनों लंबी भुजाओं पर परिवार का भार लेकर, हम दोनों को तीर्थ-यात्रा के लिए विदा करो।'

श्लोक 33 (padma.6.216.33)

तीर्थयात्राप्रसंगेन कदाचित्साधुदर्शनम् । भवेद्यदि तदा पुत्र द्वयोर्नौ स्यात्कृतार्थता

tīrthayātrāprasaṁgena kadācitsādhudarśanam bhavedyadi tadā putra dvayornau syātkṛtārthatā

'तीर्थयात्रा के प्रसंग में यदि कभी किसी साधु का दर्शन हो जाए, हे पुत्र, तो हम दोनों की कृतार्थता सिद्ध हो जाएगी।'

श्लोक 34 (padma.6.216.34)

नारद उवाच- इत्युक्तः पितृभ्यां पुत्रः साधुवादमवादयत् । नारद उवाच- समस्तकुलनिस्तारो भवद्भ्यामयमीरितः

nārada uvāca- ityuktaḥ pitṛbhyāṁ putraḥ sādhuvādamavādayat nārada uvāca- samastakulanistāro bhavadbhyāmayamīritaḥ

नारद ने कहा — 'माता-पिता के ऐसा कहने पर पुत्र ने साधुवाद कहा।' नारद ने कहा — 'उसने कहा — "आप दोनों ने ही समस्त कुल के उद्धार की यह बात कही है।"'

श्लोक 35 (padma.6.216.35)

आशु मामवजानीतं किं करोमि भवद्धितम् । अहमाज्ञाकरो नित्यं युवयोः पूज्यपादयोः

āśu māmavajānītaṁ kiṁ karomi bhavaddhitam ahamājñākaro nityaṁ yuvayoḥ pūjyapādayoḥ

'"मुझे शीघ्र आज्ञा दीजिए; आप दोनों के लिए मैं क्या करूँ? मैं सदा आप दोनों पूज्य-चरणों की आज्ञा का पालन करने वाला हूँ।"'

श्लोक 36 (padma.6.216.36)

पुण्यतीर्थेषु दानार्थं गृहीतं धनमुत्तमम् । नयतं मामपि प्रेष्यं सेवायै निजसंगमम्

puṇyatīrtheṣu dānārthaṁ gṛhītaṁ dhanamuttamam nayataṁ māmapi preṣyaṁ sevāyai nijasaṁgamam

'"पुण्य तीर्थों में दान के लिए उत्तम धन ग्रहण कर लीजिए; मुझे भी, अपने सेवक को, अपने साथ की सेवा के लिए ले चलिए।"'

श्लोक 37 (padma.6.216.37)

नारद उवाच- इत्युक्त्वा धनमादाय गत्वा क्रोशद्वयं तयोः । संगे गृहमगात्ताभ्यां कथंचित्संनिवर्तितः

nārada uvāca- ityuktvā dhanamādāya gatvā krośadvayaṁ tayoḥ saṁge gṛhamagāttābhyāṁ kathaṁcitsaṁnivartitaḥ

नारद ने कहा — 'ऐसा कहकर, धन लेकर, उनके साथ दो कोस तक जाकर, वह किसी तरह उन दोनों द्वारा घर लौटा दिया गया।'

श्लोक 38 (padma.6.216.38)

तौ गृहीत्वा धनं किचिद्विष्णुर्नौ संयतामिति । कंदमूलफलाहारौ तत्रोषित्वा दिनत्रयम्

tau gṛhītvā dhanaṁ kicidviṣṇurnau saṁyatāmiti kaṁdamūlaphalāhārau tatroṣitvā dinatrayam

'वे दोनों कुछ धन लेकर, "विष्णु हमारी रक्षा करें" यह कहते हुए, कंद-मूल-फल का आहार करते हुए वहाँ तीन दिन ठहरे।'

श्लोक 39 (padma.6.216.39)

यदा तस्मात्प्रचलितौ दंपती जगतीपते । तदा मार्गे महान्कश्चित्सिद्धः संमीलितस्तयोः

yadā tasmātpracalitau daṁpatī jagatīpate tadā mārge mahānkaścitsiddhaḥ saṁmīlitastayoḥ

'हे जगतीपते! जब वहाँ से वह दंपती चल पड़ा, तब मार्ग में उन्हें कोई महान् सिद्ध पुरुष मिला।'

श्लोक 40 (padma.6.216.40)

ताभ्यामुभाभ्यां शिरसा वंदितः स उपाविशत् । उपविष्टस्तदा ताभ्यामिति पृष्टः स सिद्धराट्

tābhyāmubhābhyāṁ śirasā vaṁditaḥ sa upāviśat upaviṣṭastadā tābhyāmiti pṛṣṭaḥ sa siddharāṭ

'दोनों ने सिर झुकाकर उन्हें वंदन किया, और वे बैठ गए; बैठते ही उन दोनों ने उन सिद्धराज से यह पूछा।'

श्लोक 41 (padma.6.216.41)

को भवान्कुत आयातो किं चिकीर्षति तद्वद । सिद्ध उवाच- सिद्धोऽहं तापसश्रेष्ठ कल्पग्रामे गृहं मम

ko bhavānkuta āyāto kiṁ cikīrṣati tadvada siddha uvāca- siddho'haṁ tāpasaśreṣṭha kalpagrāme gṛhaṁ mama

'"आप कौन हैं, कहाँ से आए हैं, और क्या करना चाहते हैं, यह बताइए।"' सिद्ध ने कहा — 'हे तपस्वीश्रेष्ठ! मैं एक सिद्ध हूँ, कल्पग्राम में मेरा घर है।'

श्लोक 42 (padma.6.216.42)

इंद्रप्रस्थात्समायातो दृष्टं तत्र महाद्भुतम् । तत्रास्ति कपिलः सिद्धो नारायणसमो गुणैः

iṁdraprasthātsamāyāto dṛṣṭaṁ tatra mahādbhutam tatrāsti kapilaḥ siddho nārāyaṇasamo guṇaiḥ

'मैं इंद्रप्रस्थ से आया हूँ, जहाँ मैंने एक महान् अद्भुत वस्तु देखी; वहाँ नारायण के समान गुणों वाले कपिल नामक सिद्ध हैं।'

श्लोक 43 (padma.6.216.43)

तस्मादहं पठन्सांख्यं निवसामि तदाश्रमे । एकदा मद्गुरुः श्रीमान्स्वाश्रमात्कपिलो ययौ

tasmādahaṁ paṭhansāṁkhyaṁ nivasāmi tadāśrame ekadā madguruḥ śrīmānsvāśramātkapilo yayau

'उन्हीं से सांख्य पढ़ते हुए मैं उनके आश्रम में निवास करता हूँ। एक बार मेरे श्रीमान् गुरु कपिल अपने आश्रम से चले—'

श्लोक 44 (padma.6.216.44)

बदर्याख्यं महापुण्यं स्नातुं स यमुनाजले । तत्रैकोरण्यमहिषस्तृषार्तो यमुनाजले

badaryākhyaṁ mahāpuṇyaṁ snātuṁ sa yamunājale tatraikoraṇyamahiṣastṛṣārto yamunājale

'—यमुना के जल में स्नान करने के लिए, बदरी नामक उस महापुण्य तीर्थ में; वहाँ प्यास से व्याकुल एक वन-भैंसा यमुना के जल में—'

श्लोक 45 (padma.6.216.45)

प्रविष्टो जलमापीय पूर्वजन्मस्वमस्मरत् । स्मृत्वा स पूर्वकर्माणि महिषोऽरण्यसंभवः

praviṣṭo jalamāpīya pūrvajanmasvamasmarat smṛtvā sa pūrvakarmāṇi mahiṣo'raṇyasaṁbhavaḥ

'—प्रवेश कर, जल पीकर, उसे अपने पूर्वजन्म का स्मरण हो आया। अपने पूर्वकर्मों का स्मरण कर, वह वन में जन्मा भैंसा—'

श्लोक 46 (padma.6.216.46)

जलान्निसृत्य तरसा ववंदे कपिलं गुरुम् । उवाच नरवाचा च मयि शृण्वति तापसः । यत्तत्ते कथयाम्यद्य शृणु त्वं परमाद्भुतम्

jalānnisṛtya tarasā vavaṁde kapilaṁ gurum uvāca naravācā ca mayi śṛṇvati tāpasaḥ yattatte kathayāmyadya śṛṇu tvaṁ paramādbhutam

'—तुरंत जल से निकलकर गुरु कपिल को नमस्कार किया, और मेरे सुनते हुए ही, मनुष्य-वाणी में उस तपस्वी ने कहा — "अब जो मैं आपसे कहता हूँ, वह परम अद्भुत सुनिए।"'

श्लोक 47 (padma.6.216.47)

महिष उवाच- भोभो विष्णुकलाभूत सिद्धानां कपिलेश्वर । किं नामेदं महातीर्थं नताय कथयस्व मे

mahiṣa uvāca- bhobho viṣṇukalābhūta siddhānāṁ kapileśvara kiṁ nāmedaṁ mahātīrthaṁ natāya kathayasva me

भैंसे ने कहा — 'हे विष्णु के अंश से प्रकट, सिद्धों के स्वामी कपिल! इस महातीर्थ का क्या नाम है, यह मुझ प्रणत को बताइए।'

श्लोक 48 (padma.6.216.48)

अस्य तीर्थवरस्यांबुस्पर्शाद्वै पूर्वजन्मनि । जाता मम महाभाग पापस्यापि च कर्मणः

asya tīrthavarasyāṁbusparśādvai pūrvajanmani jātā mama mahābhāga pāpasyāpi ca karmaṇaḥ

'हे महाभाग! इस श्रेष्ठ तीर्थ के जल के स्पर्श मात्र से मुझे अपने पूर्वजन्म की, और अपने पापपूर्ण कर्म की भी, स्मृति हो आई है।'

श्लोक 49 (padma.6.216.49)

सिद्ध उवाच- एवमाकर्ण्य तद्वाक्यं महिषस्य महामुनिः । जानन्नपि च तद्वृत्तं विहस्येदमुवाच ह

siddha uvāca- evamākarṇya tadvākyaṁ mahiṣasya mahāmuniḥ jānannapi ca tadvṛttaṁ vihasyedamuvāca ha

सिद्ध ने कहा — 'भैंसे की यह बात सुनकर, वह पूरा वृत्तांत जानते हुए भी, वह महामुनि हँसकर यह कहने लगे।'

श्लोक 50 (padma.6.216.50)

कपिल उवाच- भवान्महिषशार्दूल क आसीत्पूर्वजन्मनि । तत्र किं कृतवान्कर्म योनिं येनाप माहिषीम्

kapila uvāca- bhavānmahiṣaśārdūla ka āsītpūrvajanmani tatra kiṁ kṛtavānkarma yoniṁ yenāpa māhiṣīm

कपिल ने कहा — 'हे महिष-शार्दूल! पूर्वजन्म में तुम कौन थे? वहाँ तुमने क्या ऐसा कर्म किया, जिससे तुमने भैंसे की योनि पाई?'

श्लोक 51 (padma.6.216.51)

महिष उवाच- शृणुष्व मुनिशार्दूल वृत्तं वै पूर्वजन्मनः । अहमासं पुरा राजा कलिंगाधिपतिर्बली

mahiṣa uvāca- śṛṇuṣva muniśārdūla vṛttaṁ vai pūrvajanmanaḥ ahamāsaṁ purā rājā kaliṁgādhipatirbalī

भैंसे ने कहा — 'हे मुनिशार्दूल! सुनिए मेरे पूर्वजन्म का वृत्तांत। पहले मैं कलिंग का बलशाली राजा था।'

श्लोक 52 (padma.6.216.52)

स्वां परां नैव जानामि योषितं काममोहितः । वणिजां साधुवृत्तीनां धनहर्ता निरेनसाम्

svāṁ parāṁ naiva jānāmi yoṣitaṁ kāmamohitaḥ vaṇijāṁ sādhuvṛttīnāṁ dhanahartā nirenasām

'काम से मोहित होकर मैं अपनी और पराई स्त्री को भी नहीं पहचानता था; निर्दोष सदाचारी व्यापारियों का धन हरने वाला था।'

श्लोक 53 (padma.6.216.53)

निशीथे नगरे राजन् गतभीः पर्यटाम्यहम् । सुंदरीभिः परस्त्रीभिः क्रीडितुं रतिलीलया

niśīthe nagare rājan gatabhīḥ paryaṭāmyaham suṁdarībhiḥ parastrībhiḥ krīḍituṁ ratilīlayā

'हे राजन्! रात में मैं निर्भय होकर नगर में भ्रमण करता, सुंदर पराई स्त्रियों के साथ रति-लीला में रमण करने के लिए।'

श्लोक 54 (padma.6.216.54)

यद्गृहे सुंदरीं नारीं पश्यामि स्मरमोहितः । वसामि निशि तत्राहं क्षेत्रे मध्ये गजो यथा

yadgṛhe suṁdarīṁ nārīṁ paśyāmi smaramohitaḥ vasāmi niśi tatrāhaṁ kṣetre madhye gajo yathā

'जिस घर में कोई सुंदर स्त्री दिखाई देती, कामातुर होकर मैं रात में वहीं रहता — जैसे खेत के बीच हाथी।'

श्लोक 55 (padma.6.216.55)

क्रीडित्वा तत्र निःशंकं धनं हृत्वा च तद्गृहात् । स्वगृहं पुनरायामि कियद्भिर्वासरैरहम्

krīḍitvā tatra niḥśaṁkaṁ dhanaṁ hṛtvā ca tadgṛhāt svagṛhaṁ punarāyāmi kiyadbhirvāsarairaham

'वहाँ निःशंक रमण कर, उस घर से धन भी हरकर, मैं कुछ दिनों बाद अपने घर लौट आता।'

श्लोक 56 (padma.6.216.56)

उपविष्टः सभामध्ये दिवा द्वौ पुरबालकौ । अनार्यबाहुयुद्धेन योधयामि निजाग्रतः

upaviṣṭaḥ sabhāmadhye divā dvau purabālakau anāryabāhuyuddhena yodhayāmi nijāgrataḥ

'सभा के मध्य बैठकर, दिन में, नगर के दो बालकों को अनार्य बाहु-युद्ध में अपने सामने लड़वाता था।'

श्लोक 57 (padma.6.216.57)

नियोधयति यो बालस्तं मत्वा धनिनं बलात् । गृह्णामि तत्पितुर्वित्तं स्वल्पं वा भूरि वा मुने

niyodhayati yo bālastaṁ matvā dhaninaṁ balāt gṛhṇāmi tatpiturvittaṁ svalpaṁ vā bhūri vā mune

'जो बालक विजयी होता, हे मुने! उसे धनी समझकर बलपूर्वक उसके पिता का धन — चाहे थोड़ा हो या अधिक — मैं छीन लेता था।'

श्लोक 58 (padma.6.216.58)

यः पराजयते तत्र कातरत्वान्महामुने । नायमर्हः पुरे स्थातुं ममेति विनिहन्मि तम्

yaḥ parājayate tatra kātaratvānmahāmune nāyamarhaḥ pure sthātuṁ mameti vinihanmi tam

'और जो वहाँ कायरता से हार जाता, हे महामुने, मैं यह सोचकर कि "यह मेरे नगर में रहने योग्य नहीं" उसका वध कर देता था।'

श्लोक 59 (padma.6.216.59)

एवमप्यद्यमारेभे वर्त्तमाने महीपतौ । पौरा नगरमुत्सृज्य प्रययुर्विषयांतरम्

evamapyadyamārebhe varttamāne mahīpatau paurā nagaramutsṛjya prayayurviṣayāṁtaram

'इस राजा के इस प्रकार का आचरण चलता रहते हुए भी, नगरवासी नगर को त्यागकर अन्य देश को जाने लगे।'

श्लोक 60 (padma.6.216.60)

एकदा मुनिशार्दूलो दुर्वासा पर्यटन्महीम् । पुरे मम समायातो दुर्वासा रुद्रसंभवः

ekadā muniśārdūlo durvāsā paryaṭanmahīm pure mama samāyāto durvāsā rudrasaṁbhavaḥ

'एक बार पृथ्वी पर भ्रमण करते हुए रुद्र से उत्पन्न मुनिशार्दूल दुर्वासा मेरे नगर में आए।'

श्लोक 61 (padma.6.216.61)

मिलित्वा नागराः सर्वे तदाजग्मुस्तदंतिके । प्रणिपत्येदमाहुस्तं स्वदुःखज्ञापकं वचः

militvā nāgarāḥ sarve tadājagmustadaṁtike praṇipatyedamāhustaṁ svaduḥkhajñāpakaṁ vacaḥ

'तब सभी नगरवासी एकत्र होकर उनके निकट आए, और प्रणाम कर अपने दुःख को सूचित करने वाला यह वचन कहा।'

श्लोक 62 (padma.6.216.62)

पौरा ऊचुः आत्रेय मुनिशार्दूल कृपां कुरु कृपानिधे । अधर्मनिरतं भूपमेनं धर्मेण योजय

paurā ūcuḥ ātreya muniśārdūla kṛpāṁ kuru kṛpānidhe adharmanirataṁ bhūpamenaṁ dharmeṇa yojaya

नगरवासियों ने कहा — 'हे मुनिशार्दूल, हे अत्रि-वंशज, हे कृपानिधे! कृपा कीजिए; इस अधर्म में रत राजा को धर्म से जोड़िए।'

श्लोक 63 (padma.6.216.63)

भाग्योदयेन केनापि भवानस्माकमागतः । उद्वेलाद्भूपदुःखाब्धेरस्मांस्तारय पोतवत्

bhāgyodayena kenāpi bhavānasmākamāgataḥ udvelādbhūpaduḥkhābdherasmāṁstāraya potavat

'किसी भाग्योदय से आप हमारे पास आए हैं; उमड़ते हुए राजा के इस दुःख-सागर से हमें नाव की भाँति तार दीजिए।'

श्लोक 64 (padma.6.216.64)

धनं लोभयतातेन हृतं नो मुनिपुंगव । दूषिताश्च स्त्रियः साध्व्यः सकामेन निरेनसा

dhanaṁ lobhayatātena hṛtaṁ no munipuṁgava dūṣitāśca striyaḥ sādhvyaḥ sakāmena nirenasā

'हे मुनिपुंगव! इस लोभी ने हमारा धन छीन लिया है, और इस निष्पाप कामी ने हमारी साध्वी स्त्रियों को भी दूषित किया है।'

श्लोक 65 (padma.6.216.65)

दशवत्सरदेशीया बहवः शिशवो हताः । अगण्य वैगुण्यनिधिरेष भूपो महामुने

daśavatsaradeśīyā bahavaḥ śiśavo hatāḥ agaṇya vaiguṇyanidhireṣa bhūpo mahāmune

'दस वर्ष तक की आयु वाले भी अनेक बालक मार डाले गए हैं; हे महामुने! यह राजा गिनती से परे दोषों का भंडार है।'

श्लोक 66 (padma.6.216.66)

महिष उवाच- एवमाकर्ण्य पौराणां वचः स मुनिरत्रिजः । दंड्योयमिति संचित्य सभास्थं मामथा ययौ

mahiṣa uvāca- evamākarṇya paurāṇāṁ vacaḥ sa muniratrijaḥ daṁḍyoyamiti saṁcitya sabhāsthaṁ māmathā yayau

भैंसे ने कहा — 'नगरवासियों की यह बात सुनकर, वह अत्रि-मुनि, "यह दंडनीय है" ऐसा निश्चय कर, सभा में बैठे मुझ तक आए।'

श्लोक 67 (padma.6.216.67)

दृष्ट्वा हि तं समायांतमवधूतं दिगंबरम् । आवारयमहं भृत्यैर्नेत्ययं दर्शनोचितः

dṛṣṭvā hi taṁ samāyāṁtamavadhūtaṁ digaṁbaram āvārayamahaṁ bhṛtyairnetyayaṁ darśanocitaḥ

'उन्हें आते देखकर — अवधूत, दिगंबर — मैंने अपने सेवकों से उन्हें रोक दिया, यह कहते हुए — "नहीं, यह दर्शन के योग्य नहीं है।"'

श्लोक 68 (padma.6.216.68)

रेणुना सर्वलिप्तांगो महिषाकृतिरेव वै । वार्यतामिति पार्श्वस्थान्बहुशोऽहं समादिशम्

reṇunā sarvaliptāṁgo mahiṣākṛtireva vai vāryatāmiti pārśvasthānbahuśo'haṁ samādiśam

'रज से लिप्त सर्वांग, भैंसे-जैसी आकृति वाला — "इसे रोका जाए" ऐसा मैंने अपने पास खड़े सेवकों को बार-बार आदेश दिया।'

श्लोक 69 (padma.6.216.69)

ततस्ते तरसा भृत्यास्तं वारयितुमभ्यगुः । हुंकारेणैव तान्सर्वान्स चक्रे भस्मसान्मुनिः

tataste tarasā bhṛtyāstaṁ vārayitumabhyaguḥ huṁkāreṇaiva tānsarvānsa cakre bhasmasānmuniḥ

'तब वे सेवक शीघ्रता से उन्हें रोकने के लिए आगे बढ़े; मुनि ने केवल एक हुंकार से उन सभी को भस्म कर दिया।'

श्लोक 70 (padma.6.216.70)

यज्ञाश्वं रक्षतः स्वस्य पितुस्त्वमिव सागरात् । सर्वशस्तानहं भृत्यान्भस्मीभूतांस्तु तेजसा

yajñāśvaṁ rakṣataḥ svasya pitustvamiva sāgarāt sarvaśastānahaṁ bhṛtyānbhasmībhūtāṁstu tejasā

'जैसे अपने पिता के यज्ञ के अश्व की रक्षा करते समय तुम [अंशुमान] ने सागर से [उन्हें भस्म देखा], वैसे ही मैंने अपने सभी सेवकों को तेज से भस्म हुआ [देखा]।'

श्लोक 71 (padma.6.216.71)

आलक्ष्य सहसोत्थाय गृहमावेष्टुमुद्यतः । रेरे पापेति संबोध्य ततो मां मुनिसत्तमः

ālakṣya sahasotthāya gṛhamāveṣṭumudyataḥ rere pāpeti saṁbodhya tato māṁ munisattamaḥ

'यह देखकर मैं तुरंत उठकर उन्हें घेर लेने को उद्यत हुआ; तब उस मुनिश्रेष्ठ ने "अरे पापी!" कहकर मुझे संबोधित किया।'

श्लोक 72 (padma.6.216.72)

शशापेति महारण्ये महिषो भव सांप्रतम् । तेनाहमिति शप्तो वै मुक्त्वा राजतनुं तदा

śaśāpeti mahāraṇye mahiṣo bhava sāṁpratam tenāhamiti śapto vai muktvā rājatanuṁ tadā

'और शाप दिया — "अब तुरंत महारण्य में भैंसा हो जाओ!" उस शाप से तब मैं अपनी राज-देह त्यागकर—'

श्लोक 73 (padma.6.216.73)

मरुदेशे महारण्ये जातोऽहं महिषो मुने । चिरकालमहं तत्र न्यवसं मुनिपुंगवः

marudeśe mahāraṇye jāto'haṁ mahiṣo mune cirakālamahaṁ tatra nyavasaṁ munipuṁgavaḥ

'हे मुने! मरुदेश के महारण्य में मैं भैंसा बनकर उत्पन्न हुआ; हे मुनिपुंगव! मैं वहाँ चिरकाल तक रहा।'

श्लोक 74 (padma.6.216.74)

अत्रागतस्तु केनाहं पुण्येन तदपि शृणु । वापीकूपसरस्यस्तु बहबः कारिता मया

atrāgatastu kenāhaṁ puṇyena tadapi śṛṇu vāpīkūpasarasyastu bahabaḥ kāritā mayā

'किस पुण्य से मैं यहाँ आया, वह भी सुनिए। मैंने अनेक बावड़ियाँ, कुएँ और सरोवर बनवाए थे।'

श्लोक 75 (padma.6.216.75)

सहकारादिवृक्षाणामारोपो विहितः पथि । पुण्येनानेन मे देव पातो न नरकेऽभवत्

sahakārādivṛkṣāṇāmāropo vihitaḥ pathi puṇyenānena me deva pāto na narake'bhavat

'मार्ग में आम आदि वृक्षों का रोपण भी करवाया था; इसी पुण्य से, हे देव, मेरा नरक में पतन नहीं हुआ।'

श्लोक 76 (padma.6.216.76)

तीर्थस्य च मया प्राप्तो ह्यमुष्यजलसंगमः । एतत्ते कथितं सर्वं पूर्वजन्मशुभाशुभम्

tīrthasya ca mayā prāpto hyamuṣyajalasaṁgamaḥ etatte kathitaṁ sarvaṁ pūrvajanmaśubhāśubham

'और मुझे इस तीर्थ के जल का संगम प्राप्त हुआ। यह सब मैंने तुम्हें बता दिया, मेरे पूर्वजन्म के शुभ-अशुभ कर्म।'

श्लोक 77 (padma.6.216.77)

येन तीर्थं मया प्राप्तमेतद्योनिश्च माहिषी । अस्यतीर्थवरस्यांबुस्पर्शाज्जातिस्मरोभवम् । कथमस्या असद्योनेर्मुक्तिः स्यात्तन्मुने वद

yena tīrthaṁ mayā prāptametadyoniśca māhiṣī asyatīrthavarasyāṁbusparśājjātismarobhavam kathamasyā asadyonermuktiḥ syāttanmune vada

'जिस पुण्य से मुझे यह तीर्थ और यह भैंसा-योनि दोनों प्राप्त हुए, और जिससे इस श्रेष्ठ तीर्थ के जल के स्पर्श से मुझे जाति-स्मरण हुआ — हे मुने! इस असत् योनि से मुक्ति कैसे होगी, यह बताइए।'

श्लोक 78 (padma.6.216.78)

कपिल उवाच- एतत्तीर्थं महापुण्यं बदर्याख्यं रमापतेः । अत्र स्नाहि द्रुतं कामं स्वचित्तस्थं हि लप्स्यसे

kapila uvāca- etattīrthaṁ mahāpuṇyaṁ badaryākhyaṁ ramāpateḥ atra snāhi drutaṁ kāmaṁ svacittasthaṁ hi lapsyase

कपिल ने कहा — 'यह श्रीपति का महापुण्य तीर्थ, बदरी नाम से जाना जाता है; यहाँ शीघ्र स्नान करो, अपने चित्त में स्थित मनोवांछित को निश्चय ही प्राप्त करोगे।'

श्लोक 79 (padma.6.216.79)

सिद्ध उवाच- एतच्छ्रुत्वा वचस्तस्य महिषस्य महामुने । तत्र तीर्थे वरे स्नातुं प्राविशत्स्वर्गवांछया

siddha uvāca- etacchrutvā vacastasya mahiṣasya mahāmune tatra tīrthe vare snātuṁ prāviśatsvargavāṁchayā

सिद्ध ने कहा — 'हे महामुने! भैंसे की यह बात सुनकर, वह स्वर्ग की कामना से उस श्रेष्ठ तीर्थ में स्नान करने के लिए प्रविष्ट हुआ।'

श्लोक 80 (padma.6.216.80)

स्नात्वा स्वर्गेच्छया तस्मिन्जलात्तटमुपागते । तत्क्षणं गजमारूह्य शक्रः स्वर्गात्समाययौ

snātvā svargecchayā tasminjalāttaṭamupāgate tatkṣaṇaṁ gajamārūhya śakraḥ svargātsamāyayau

'स्वर्ग की इच्छा से उसमें स्नान कर, जब वह जल से तट पर आया, उसी क्षण गज पर आरूढ़ होकर इंद्र स्वर्ग से आए।'

श्लोक 81 (padma.6.216.81)

इंद्र उवाच- हे कलिंगपते नैजं देहं जहि हि माहिषम् । प्रतिलभ्य वपुर्दिव्यं सममायाहि मे दिवम् । त्वया स्वर्गेच्छया स्नातं प्राप्तं तत्ते सुरास्पदम्

iṁdra uvāca- he kaliṁgapate naijaṁ dehaṁ jahi hi māhiṣam pratilabhya vapurdivyaṁ samamāyāhi me divam tvayā svargecchayā snātaṁ prāptaṁ tatte surāspadam

इंद्र ने कहा — 'हे कलिंगपते! अपनी इस भैंसे की देह को त्याग दो; दिव्य शरीर प्राप्त कर मेरे साथ स्वर्ग को आओ। स्वर्ग की इच्छा से तुमने यहाँ स्नान किया, इसलिए तुम्हें वह देवलोक प्राप्त हुआ।'

श्लोक 82 (padma.6.216.82)

सिद्ध उवाच- इत्युक्तः स तदा तेन त्यक्त्वा देहं तु माहिषम् । दिव्यं वपुः समासाद्य गजराजं समारुहत्

siddha uvāca- ityuktaḥ sa tadā tena tyaktvā dehaṁ tu māhiṣam divyaṁ vapuḥ samāsādya gajarājaṁ samāruhat

सिद्ध ने कहा — 'ऐसा उनके द्वारा कहे जाने पर, उसने तब अपनी भैंसे की देह त्यागकर, दिव्य शरीर प्राप्त कर, गजराज पर आरोहण किया।'

श्लोक 83 (padma.6.216.83)

गजराजं समारुह्य स्थित्वा च गगने क्षणम् । प्रणम्य शिरसा देवं तुष्टाव कपिलं मुनिम्

gajarājaṁ samāruhya sthitvā ca gagane kṣaṇam praṇamya śirasā devaṁ tuṣṭāva kapilaṁ munim

'गजराज पर आरूढ़ होकर, आकाश में क्षण भर ठहरकर, सिर झुकाकर उन देव कपिल मुनि को प्रणाम कर, उसने उनकी स्तुति की।'

श्लोक 84 (padma.6.216.84)

कलिङ्ग उवाच । नमस्ते परमेशान केवलज्ञानहेतवे । सेतवे वेदविद्यानां रिपवे तद्विरोधिनाम्

kaliṅga uvāca namaste parameśāna kevalajñānahetave setave vedavidyānāṁ ripave tadvirodhinām

कलिंगराज ने कहा — 'हे परमेश्वर! केवल-ज्ञान के हेतु, वेद-विद्याओं के सेतु, उनके विरोधियों के शत्रु, आपको नमस्कार है।'

श्लोक 85 (padma.6.216.85)

त्वत्तः प्रवृत्तिः सांख्यस्य जाता तत्वावबोधिनी । देहिनां मायया ग्रस्त चेतसामपि ते विभो

tvattaḥ pravṛttiḥ sāṁkhyasya jātā tatvāvabodhinī dehināṁ māyayā grasta cetasāmapi te vibho

'हे विभो! आपसे ही तत्व-ज्ञान कराने वाले सांख्य-शास्त्र की प्रवृत्ति हुई, माया से ग्रस्त चित्त वाले देहधारियों के लिए भी।'

श्लोक 86 (padma.6.216.86)

ये वेदविहितं त्यक्त्वा वर्तंते स्वेच्छया मुने । तान्दंडयसि दंड्यांस्त्वं मज्जयंस्तिर्यगादिषु

ye vedavihitaṁ tyaktvā vartaṁte svecchayā mune tāndaṁḍayasi daṁḍyāṁstvaṁ majjayaṁstiryagādiṣu

'हे मुने! जो लोग वेद-विहित को त्यागकर स्वेच्छाचार से रहते हैं, उन दंडनीयों को आप ही तिर्यक् आदि योनियों में डुबोते हुए दंड देते हैं।'

श्लोक 87 (padma.6.216.87)

इंद्रादयो लोकपालाः सर्वे त्वदधिकारिणः । त्वदिच्छामनुवर्तंते भीता दंडकृतो हि ते

iṁdrādayo lokapālāḥ sarve tvadadhikāriṇaḥ tvadicchāmanuvartaṁte bhītā daṁḍakṛto hi te

'इंद्र आदि सभी लोकपाल आपके ही अधीन हैं; भयभीत होकर वे आपकी इच्छा का ही अनुसरण करते हैं, क्योंकि दंड देने वाले तो आप ही हैं।'

श्लोक 88 (padma.6.216.88)

त्रयीधर्मविरोद्धारः पूर्वदेवा युगे युगे । अवतीर्य विनाशाय कृता सर्वात्मना त्वया

trayīdharmaviroddhāraḥ pūrvadevā yuge yuge avatīrya vināśāya kṛtā sarvātmanā tvayā

'वेद-त्रयी के धर्म के विरोधी जो पूर्वकालीन देव-विरोधी थे, उन्हें युग-युग में अवतार लेकर, सर्वात्मरूप आपने ही नष्ट किया।'

श्लोक 89 (padma.6.216.89)

ये ये त्वया हता नाथ चक्रिणा त्रिदशारयः । ते ते तमोमयीं हित्वा तनुं वैकुंठमभ्यगुः

ye ye tvayā hatā nātha cakriṇā tridaśārayaḥ te te tamomayīṁ hitvā tanuṁ vaikuṁṭhamabhyaguḥ

'हे नाथ! चक्रधारी आपके द्वारा मारे गए जो-जो देव-शत्रु हुए, वे सब अपनी तमोमयी देह त्यागकर वैकुंठ को गए।'

श्लोक 90 (padma.6.216.90)

आज्ञापय जगन्नाथ गंतु मां त्रिदशालयम् । अनुगृह्णीष्व शक्रं च नमंतं वीक्षणामृतैः

ājñāpaya jagannātha gaṁtu māṁ tridaśālayam anugṛhṇīṣva śakraṁ ca namaṁtaṁ vīkṣaṇāmṛtaiḥ

'हे जगन्नाथ! आज्ञा दीजिए, मैं देवलोक को जाऊँ; अपने अमृत-दृष्टिपात से नमस्कार करते इंद्र पर भी अनुग्रह कीजिए।'

श्लोक 91 (padma.6.216.91)

प्रसादात्तव देवेश बदर्याख्यस्य च प्रभो । तीर्थस्य स्वतनुं हित्वा तामसीं सात्विकीं गतः

prasādāttava deveśa badaryākhyasya ca prabho tīrthasya svatanuṁ hitvā tāmasīṁ sātvikīṁ gataḥ

'हे देवेश! हे प्रभो! आपकी कृपा से, और बदरी नामक इस तीर्थ की कृपा से, मैंने अपनी तामसी देह त्यागकर सात्विक देह प्राप्त की है।'

श्लोक 92 (padma.6.216.92)

इंद्रेण सह नागेंद्रमारुह्य त्रिदशालयम् । गच्छामि स्वेच्छया नाथ कृपातस्ते कृपानिधेः

iṁdreṇa saha nāgeṁdramāruhya tridaśālayam gacchāmi svecchayā nātha kṛpātaste kṛpānidheḥ

'हे नाथ! इंद्र के साथ गजेंद्र पर आरूढ़ होकर, हे कृपानिधे, आपकी कृपा से अपनी इच्छा से मैं देवलोक जाता हूँ।'

श्लोक 93 (padma.6.216.93)

सिद्ध उवाच- इत्यभिष्टूय देवेशं कपिलं स कलिंगपः । नमस्कृत्य च तत्पादौ जगाम त्रिदशालयम्

siddha uvāca- ityabhiṣṭūya deveśaṁ kapilaṁ sa kaliṁgapaḥ namaskṛtya ca tatpādau jagāma tridaśālayam

सिद्ध ने कहा — 'देवेश कपिल की इस प्रकार स्तुति कर, उस कलिंगराज ने उनके चरणों में नमस्कार किया, और देवलोक को चला गया।'

श्लोक 94 (padma.6.216.94)

एतन्मयाद्भुतं विप्र दृष्टं बदरिकाश्रमे । गुरुं शुश्रूषमाणेन पापस्यापि विमोक्षणम्

etanmayādbhutaṁ vipra dṛṣṭaṁ badarikāśrame guruṁ śuśrūṣamāṇena pāpasyāpi vimokṣaṇam

'हे विप्र! गुरु की सेवा करते हुए मैंने यह अद्भुत बात बदरिकाश्रम में देखी — पाप का भी विमोचन।'

श्लोक 95 (padma.6.216.95)

नातः परं त्रिलोक्यां तु तीर्थं सर्वार्थदायकम् । याहि तत्रैव सस्त्रीकः परं श्रेयो यदीच्छसि

nātaḥ paraṁ trilokyāṁ tu tīrthaṁ sarvārthadāyakam yāhi tatraiva sastrīkaḥ paraṁ śreyo yadīcchasi

'तीनों लोकों में इससे बढ़कर कोई सर्वार्थदायक तीर्थ नहीं है; यदि तुम परम श्रेय चाहते हो, तो अपनी पत्नी सहित वहीं जाओ।'

श्लोक 96 (padma.6.216.96)

अहं यामि समानेतुं बदर्याख्यं गृहान्द्विज । वृद्धं स्वकीय पितरं निस्पृहं मोक्षकामुकम्

ahaṁ yāmi samānetuṁ badaryākhyaṁ gṛhāndvija vṛddhaṁ svakīya pitaraṁ nispṛhaṁ mokṣakāmukam

'हे द्विज! मैं अपने वृद्ध, निस्पृह, मोक्ष के इच्छुक पिता को घर से बदरी नामक इस तीर्थ में लाने जाता हूँ।'

श्लोक 97 (padma.6.216.97)

नारद उवाच- इति तीर्थवरस्यास्य बदर्याख्यस्य भूपते । महिमानं समुत्कीर्त्य स सिद्धः स्वगृहं ययौ

nārada uvāca- iti tīrthavarasyāsya badaryākhyasya bhūpate mahimānaṁ samutkīrtya sa siddhaḥ svagṛhaṁ yayau

नारद ने कहा — 'हे भूपते! इस श्रेष्ठ बदरी-नामक तीर्थ की महिमा का इस प्रकार गुणगान कर, वह सिद्ध अपने घर चला गया।'

श्लोक 98 (padma.6.216.98)

अथ कालेन कियता स द्विजः सह भार्यया । तीर्थानपर्यटन्धीरः इंद्रप्रस्थेभ्यगादहम्

atha kālena kiyatā sa dvijaḥ saha bhāryayā tīrthānaparyaṭandhīraḥ iṁdraprasthebhyagādaham

'फिर कुछ समय बाद, वह ब्राह्मण अपनी पत्नी सहित, धीरतापूर्वक तीर्थों में विचरण करता हुआ, इंद्रप्रस्थ में जा पहुँचा।'

श्लोक 99 (padma.6.216.99)

तेनैव वपुषा राजन्नीतवांस्तौ निजालयम् । ससिद्धोऽपि स्वपितरं गृहादानीय सत्वरः

tenaiva vapuṣā rājannītavāṁstau nijālayam sasiddho'pi svapitaraṁ gṛhādānīya satvaraḥ

'हे राजन्! उसी सिद्ध ने अपने उसी दिव्य शरीर से उन दोनों को अपने ही निवास ले जाकर, स्वयं भी शीघ्रता से अपने पिता को घर से लाकर—'

श्लोक 100 (padma.6.216.100)

तत्रैव स्नापयामास तत्तीर्थे मोक्षकामुकम् । सोऽपि श्रीवासुदेवेन वृद्धः सिद्धपिता तदा

tatraiva snāpayāmāsa tattīrthe mokṣakāmukam so'pi śrīvāsudevena vṛddhaḥ siddhapitā tadā

'—उसी तीर्थ में मोक्ष के इच्छुक उस पिता को स्नान कराया। वह सिद्ध का वृद्ध पिता भी तब श्रीवासुदेव द्वारा—'

श्लोक 101 (padma.6.216.101)

ततो नीतो निजगृहं वृंदारकविवंदितः । इंद्रप्रस्थांतरगतमिदं सद्बदर्याख्यमीशः स्नानाद्दद्यादखिलजनिता मानसेष्टं पदार्थम् । माहात्म्यं ते नृपनतिमते वर्णितं तस्य पूतं यच्छ्रुत्वा वै पतति न जनो मातृगर्भे कदाचित्

tato nīto nijagṛhaṁ vṛṁdārakavivaṁditaḥ iṁdraprasthāṁtaragatamidaṁ sadbadaryākhyamīśaḥ snānāddadyādakhilajanitā mānaseṣṭaṁ padārtham māhātmyaṁ te nṛpanatimate varṇitaṁ tasya pūtaṁ yacchrutvā vai patati na jano mātṛgarbhe kadācit

'—अपने घर ले जाया गया, देवताओं द्वारा वंदित होकर। यह पुण्य बदरी-नामक तीर्थ, जो इंद्रप्रस्थ के भीतर स्थित है, स्नान मात्र से समस्त प्राणियों के मन में इष्ट पदार्थ को ईश्वर देते हैं। हे नृप, तुम्हारे विनम्र निवेदन पर मैंने तुम्हें इसकी यह पवित्र महिमा वर्णित की — जिसे सुनकर मनुष्य कभी माता के गर्भ में नहीं गिरता।'