गंगा-प्रयाग-यमुना स्तुति

श्लोक 1 (padma.6.22.1)

महादेव उवाच । गांगं वक्ष्यामि माहात्म्यं यथोक्तं मुनिसत्तम । यस्य श्रवणमात्रेण अघं नश्यति तत्क्षणात्

mahādeva uvāca gāṁgaṁ vakṣyāmi māhātmyaṁ yathoktaṁ munisattama yasya śravaṇamātreṇa aghaṁ naśyati tatkṣaṇāt

महादेव ने कहा — हे मुनिश्रेष्ठ! अब मैं गंगा की महिमा वैसी ही कहूँगा जैसी वर्णित है, जिसे सुनने मात्र से पाप उसी क्षण नष्ट हो जाता है।

श्लोक 2 (padma.6.22.2)

गंगागंगेति योब्रूयाद्योजनानां शतैरपि । मुच्यते सर्वपापेभ्यो विष्णुलोकं स गच्छति

gaṁgāgaṁgeti yobrūyādyojanānāṁ śatairapi mucyate sarvapāpebhyo viṣṇulokaṁ sa gacchati

सौ योजन दूर से भी जो 'गंगा, गंगा' कहे, वह सब पापों से मुक्त होकर विष्णुलोक जाता है।

श्लोक 3 (padma.6.22.3)

चरणाब्जसमुद्भूता गंगा नामेति विश्रुता । पापानां स्थूलराशीनां नाशिनी चेति नारद

caraṇābjasamudbhūtā gaṁgā nāmeti viśrutā pāpānāṁ sthūlarāśīnāṁ nāśinī ceti nārada

चरण-कमल से उत्पन्न होने के कारण 'गंगा' नाम से विख्यात यह नदी, हे नारद! बड़े-बड़े पाप-राशियों का भी नाश करने वाली है।

श्लोक 4 (padma.6.22.4)

नर्मदा सरयूश्चैव तथा वेत्रवती नदी । तापी पयोष्णी चंद्रा च विपाशा कर्मनाशिनीम्

narmadā sarayūścaiva tathā vetravatī nadī tāpī payoṣṇī caṁdrā ca vipāśā karmanāśinīm

नर्मदा, सरयू, तथा वेत्रवती नदी, ताप्ती, पयोष्णी, चंद्रा, विपाशा, कर्मनाशिनी,

श्लोक 5 (padma.6.22.5)

पुष्या पूर्णा तथा दीपा विदीपा सूर्यतेजसा । सहस्रवृषदानात्तु यत्फलं लभते ध्रुवम्

puṣyā pūrṇā tathā dīpā vidīpā sūryatejasā sahasravṛṣadānāttu yatphalaṁ labhate dhruvam

पुष्या, पूर्णा, दीपा, सूर्य-तेज से युक्त विदीपा — इनमें से किसी में हज़ार बैलों के दान से जो फल निश्चय ही मिलता है,

श्लोक 6 (padma.6.22.6)

तत्फलं समवाप्नोति गंगादर्शनतः क्षणात् । इयं गंगा महापुण्या ब्रह्मघ्नानां विशेषतः

tatphalaṁ samavāpnoti gaṁgādarśanataḥ kṣaṇāt iyaṁ gaṁgā mahāpuṇyā brahmaghnānāṁ viśeṣataḥ

वही फल गंगा के दर्शन मात्र से क्षणभर में मिल जाता है। यह गंगा अत्यंत पुण्यमय है, विशेषकर ब्रह्महत्यारों के लिए —

श्लोक 7 (padma.6.22.7)

तेषां निरययुक्तानां गंगा पापप्रहारिणी । चंद्र सूर्योपरागे च यत्फलं विद्यतेऽनघ

teṣāṁ nirayayuktānāṁ gaṁgā pāpaprahāriṇī caṁdra sūryoparāge ca yatphalaṁ vidyate'nagha

उन नरक-योग्य लोगों के लिए गंगा पाप का नाश करने वाली है। हे निष्पाप! चंद्र-सूर्य ग्रहण में जो फल मिलता है,

श्लोक 8 (padma.6.22.8)

तत्फलं समवाप्नोति गंगादर्शनमात्रतः । यथा सूर्योदये तात तमो गच्छति दूरतः

tatphalaṁ samavāpnoti gaṁgādarśanamātrataḥ yathā sūryodaye tāta tamo gacchati dūrataḥ

वही फल गंगा के दर्शन मात्र से प्राप्त होता है। हे तात! जैसे सूर्योदय होने पर अंधकार दूर भाग जाता है,

श्लोक 9 (padma.6.22.9)

तथा गंगाप्रभावेन विलयं याति पातकम् । मान्येयं सर्वदा लोके पवित्रा पापनाशिनी

tathā gaṁgāprabhāvena vilayaṁ yāti pātakam mānyeyaṁ sarvadā loke pavitrā pāpanāśinī

वैसे ही गंगा के प्रभाव से पाप नष्ट हो जाता है। यह सदा संसार में मान्य, पवित्र, पापनाशिनी है,

श्लोक 10 (padma.6.22.10)

कल्याणरूपा सततं विष्णुना निर्मिता पुरा । दिव्यरूपा तु जननी दीनानां पावनी स्मृता

kalyāṇarūpā satataṁ viṣṇunā nirmitā purā divyarūpā tu jananī dīnānāṁ pāvanī smṛtā

सदा कल्याण-स्वरूपा, पहले विष्णु द्वारा रची गई; वह दीनों के लिए दिव्य-रूपा माता और पवित्र करने वाली मानी जाती है।

श्लोक 11 (padma.6.22.11)

देवानां च यथा विष्णुस्तथा गंगोत्तमा नदी । ये कुर्वंति नराः स्नानं माघमासे निरंतरम्

devānāṁ ca yathā viṣṇustathā gaṁgottamā nadī ye kurvaṁti narāḥ snānaṁ māghamāse niraṁtaram

जैसे देवताओं में विष्णु हैं, वैसे ही नदियों में गंगा श्रेष्ठ है। जो मनुष्य माघ मास में निरंतर स्नान करते हैं,

श्लोक 12 (padma.6.22.12)

न तेषां विद्यते दुःखं कल्पानां च शतत्रयम् । यत्र गंगा च यमुना यत्र चैव सरस्वती । तत्र स्नात्वा च पीत्वा च मुक्तिभागी न संशयः

na teṣāṁ vidyate duḥkhaṁ kalpānāṁ ca śatatrayam yatra gaṁgā ca yamunā yatra caiva sarasvatī tatra snātvā ca pītvā ca muktibhāgī na saṁśayaḥ

उन्हें तीन सौ कल्पों तक कोई दुःख नहीं होता। जहाँ गंगा है, जहाँ यमुना है, और जहाँ सरस्वती भी है, वहाँ स्नान करके और जल पीकर मनुष्य निःसंदेह मुक्ति का भागी बनता है।

श्लोक 13 (padma.6.22.13)

महादेव उवाच । त्वद्वार्तां प्रियतो ब्रवीमि यदहं सा स्तुस्तुतिस्ते प्रभो यद्भुंजे तव तन्निवेदनमथो यद्यामि सा प्रेष्यता । यच्छांतः स्वपिमि त्वदंघ्रियुगले दंडप्रणामोऽस्तु नः। स्वामिन्यच्च करोमि तेन स भवान्विश्वेश्वरः प्रीयताम्

mahādeva uvāca tvadvārtāṁ priyato bravīmi yadahaṁ sā stustutiste prabho yadbhuṁje tava tannivedanamatho yadyāmi sā preṣyatā yacchāṁtaḥ svapimi tvadaṁghriyugale daṁḍapraṇāmo'stu naḥ svāminyacca karomi tena sa bhavānviśveśvaraḥ prīyatām

महादेव ने कहा — हे प्रभो! तुम्हारे विषय में जो प्रेमपूर्वक कहता हूँ, वही तुम्हारी स्तुति है; जो भोगता हूँ, वही तुम्हें अर्पण है; जहाँ भी जाता हूँ, वही तुम्हारी सेवा है; मौन में जो कहता हूँ, वह तुम्हारे ही चरण-युगल में समर्पित हो — यही हमारा दंडवत् प्रणाम हो। हे स्वामिन्! जो कुछ भी मैं करूँ, उसी से तुम, विश्वेश्वर, प्रसन्न होओ।

श्लोक 14 (padma.6.22.14)

दृष्टेन वंदितेनापि स्पृष्टेन च धृतेन के ।। नरा येन विमुच्यंते तदेतद् यामुनं जलम्॥

dṛṣṭena vaṁditenāpi spṛṣṭena ca dhṛtena ke narā yena vimucyaṁte tadetad yāmunaṁ jalam

जिसके दर्शन, वंदन, स्पर्श और धारण से मनुष्य मुक्त हो जाते हैं — वह यह यमुना का जल है।

श्लोक 15 (padma.6.22.15)

तावद् भ्रमंति भुवने मनुजा भवोत्थ दारिद्य्र रोग मरण व्यसनाभिभूताः ।। यावज्जलं तव महानदि नीलनीलं पश्यंति नो दधति मूर्धसु सूर्यपुत्रि ॥

tāvad bhramaṁti bhuvane manujā bhavottha dāridyra roga maraṇa vyasanābhibhūtāḥ yāvajjalaṁ tava mahānadi nīlanīlaṁ paśyaṁti no dadhati mūrdhasu sūryaputri

हे महानदी! जब तक मनुष्य तुम्हारे नीले-नीले जल को नहीं देखते और अपने मस्तक पर धारण नहीं करते, हे सूर्य-पुत्री! तब तक वे संसार में दरिद्रता, रोग, मृत्यु और दुःखों से अभिभूत होकर भटकते ही रहते हैं।

श्लोक 16 (padma.6.22.16)

यत्संस्मृतिः सपदि कृंतति दुष्कृतौघं पापावलीं जयति योजन लक्षतोऽपि ।। यन्नाम नाम जगदुच्चरितं पुनाति दिष्ट्या हि सा पथिदृशो भविताद्य गंगा ॥

yatsaṁsmṛtiḥ sapadi kṛṁtati duṣkṛtaughaṁ pāpāvalīṁ jayati yojana lakṣato'pi yannāma nāma jagaduccaritaṁ punāti diṣṭyā hi sā pathidṛśo bhavitādya gaṁgā

जिसका स्मरण मात्र तुरंत ही दुष्कर्मों की राशि को काट देता है, जो लाखों योजन दूर से भी पापों की पंक्ति को जीत लेती है, जिसका नाम-मात्र उच्चारण संसार को पवित्र कर देता है — सौभाग्य से वही गंगा आज हमारे मार्ग-दर्शन में उपस्थित हो।

श्लोक 17 (padma.6.22.17)

आलोकोत्कंठितेन प्रमुदित मनसा वर्त्म यस्याः प्रयातं सद्यस्मिन्कृत्यमेतामथ प्रथम कृती जज्ञिवान्स्वर्गसिंधुम् ।। स्नानं संध्या निवापः सुर यजनमपि श्राद्ध विप्राशनाद्यं सर्वं संपूर्णमेतत्भवति भगवतः प्रीतिदं नातिचित्रम् ॥

ālokotkaṁṭhitena pramudita manasā vartma yasyāḥ prayātaṁ sadyasminkṛtyametāmatha prathama kṛtī jajñivānsvargasiṁdhum snānaṁ saṁdhyā nivāpaḥ sura yajanamapi śrāddha viprāśanādyaṁ sarvaṁ saṁpūrṇametatbhavati bhagavataḥ prītidaṁ nāticitram

जिसके दर्शन के लिए उत्सुक, प्रसन्न मन से जो व्यक्ति उसके मार्ग पर तुरंत चल पड़ता है और इस कर्तव्य को सबसे पहले पूरा करता है — स्वर्ग-नदी को पाकर उसका स्नान, संध्या, तर्पण, देव-पूजन, श्राद्ध, ब्राह्मण-भोजन आदि सब कुछ पूर्ण और भगवान को प्रिय हो जाता है — इसमें कोई बड़ा आश्चर्य नहीं।

श्लोक 18 (padma.6.22.18)

देवीभूत परं ब्रह्म परमानंददायिनी ।। अर्घं गृहाण मे गंगे पापं हर नमोस्तुते ॥

devībhūta paraṁ brahma paramānaṁdadāyinī arghaṁ gṛhāṇa me gaṁge pāpaṁ hara namostute

हे देवी-रूपा, परब्रह्म-स्वरूपा, परम आनंद देने वाली गंगे! मेरा यह अर्घ्य ग्रहण करो, मेरा पाप हर लो, तुम्हें नमस्कार है।

श्लोक 19 (padma.6.22.19)

साक्षाद्धर्म द्रवौघं मुररिपु चरणांभोज पीयूषसारं।। दुःखस्याब्धेस्तरित्रं सुरमनुजनुतं स्वर्गसोपान मार्गम्। । सर्वांहोहारि वारि प्रवर गुणगणंभासि या संवहंती।। तस्यै भागीरथि श्रीमति मुदितमना देवि कुर्वे नमस्ते ॥

sākṣāddharma dravaughaṁ muraripu caraṇāṁbhoja pīyūṣasāraṁ duḥkhasyābdhestaritraṁ suramanujanutaṁ svargasopāna mārgam sarvāṁhohāri vāri pravara guṇagaṇaṁbhāsi yā saṁvahaṁtī tasyai bhāgīrathi śrīmati muditamanā devi kurve namaste

हे भागीरथी! तुम साक्षात् धर्म की धारा हो, मुरारि के चरण-कमलों के अमृत का सार हो, दुःख-सागर को पार कराने वाली नौका हो, देव-मनुष्यों द्वारा स्तुत हो, स्वर्ग की सीढ़ी का मार्ग हो; समस्त पाप हरने वाला उत्तम गुण-समूह लिए बहती हुई तुम्हें, हे श्रीमती देवी! प्रसन्न मन से मैं नमस्कार करता हूँ।

श्लोक 20 (padma.6.22.20)

स्वःसिंधो दुरिताब्धिमग्न जनता संतारणि प्रोल्लसत्कल्लोला। । मलकांतिनाशिततमस्तोमे जगत्पावनि ।। गंगे देवि पुनीहि दुष्कृतभयक्रांतं कृपाभाजनं मातर्मां शरणागतं शरणदे रक्षाथभोभीषितम् ॥

svaḥsiṁdho duritābdhimagna janatā saṁtāraṇi prollasatkallolā malakāṁtināśitatamastome jagatpāvani gaṁge devi punīhi duṣkṛtabhayakrāṁtaṁ kṛpābhājanaṁ mātarmāṁ śaraṇāgataṁ śaraṇade rakṣāthabhobhīṣitam

हे स्वर्ग-नदी! तुम्हारी उमड़ती लहरें पाप-सागर में डूबे लोगों को पार लगाती हैं; अपनी निर्मल कांति से अंधकार के समूह को नष्ट करने वाली, जगत को पवित्र करने वाली, हे देवी गंगे! अपने ही अपराधों के भय से आक्रांत, तुम्हारी कृपा के पात्र, तुम्हारी शरण में आए मुझ भयभीत को पवित्र करो, हे शरणदायिनी माता! मेरी रक्षा करो।

श्लोक 21 (padma.6.22.21)

हं हो मानस कंपसे किमु सखे त्रस्तोभयान्नारकात्किं ते। भीतिरिति श्रुतिर्दुरितकृत्संजायते नारकी ।। माभैषीः शृणु मे गतिं यदि मया पापाचल। स्पर्द्धिनी प्राप्ता ते निरयं कथः किमपरं किं मे न धर्मं धनम् ॥

haṁ ho mānasa kaṁpase kimu sakhe trastobhayānnārakātkiṁ te bhītiriti śrutirduritakṛtsaṁjāyate nārakī mābhaiṣīḥ śṛṇu me gatiṁ yadi mayā pāpācala sparddhinī prāptā te nirayaṁ kathaḥ kimaparaṁ kiṁ me na dharmaṁ dhanam

'अरे मन! तू क्यों काँप रहा है, मित्र, नरक के भय से त्रस्त होकर? यह भय ही पापी को नरक-गामी बना देता है। मत डर, मेरी बात सुन — यदि मुझ पर पर्वत-सी पाप-राशि भी आ पड़ी हो, तो नरक की चिंता क्यों? और क्या चाहिए — क्या धर्म और धन मेरे पास नहीं है?'

श्लोक 22 (padma.6.22.22)

सर्वेशादि प्रशंसा मुदमनुभवनं मज्जनं यत्र चोक्तं स्वर्नार्योवीक्ष्यहृष्टा। विबुध सुरपतिः प्राप्तिसंभावनेन ।। नीरे श्रीजह्नु कन्येयम् अनियमरताः स्नांति ये तावकीने।। देवत्वं ते लभंते स्फुटम् अशुभकृतोप्यत्र वेदाः प्रमाणम् ॥

sarveśādi praśaṁsā mudamanubhavanaṁ majjanaṁ yatra coktaṁ svarnāryovīkṣyahṛṣṭā vibudha surapatiḥ prāptisaṁbhāvanena nīre śrījahnu kanyeyam aniyamaratāḥ snāṁti ye tāvakīne devatvaṁ te labhaṁte sphuṭam aśubhakṛtopyatra vedāḥ pramāṇam

सबके स्वामी की प्रशंसा, आनंद का अनुभव, स्नान — जहाँ यह कहा गया है कि स्वर्ग की स्त्रियाँ भी प्रसन्न होकर देखती हैं, और देवराज इंद्र भी पुण्य-प्राप्ति की आशा से — इस जह्नु-कन्या (गंगा) के जल में जो नियम-रहित होकर भी स्नान करते हैं, वे भी स्पष्ट रूप से देवत्व पाते हैं; यहाँ तक कि अशुभ-कर्मी भी — इसमें वेद ही प्रमाण हैं।

श्लोक 23 (padma.6.22.23)

बुद्धे सद्बुद्धिरेवं भवतु तव सखे मानस स्वस्तिते ऽस्तु।। आस्तां पादौ पदस्थौ सततमिह युवां साधु दृष्टी च दृष्टी ।। वाणि प्राणप्रियेधि प्रकट गुण वपुः प्राप्नुहि प्राणि पुष्टिं यस्मात्सर्वैर्भवद्भिः।। सुखमतुलमहं प्राप्नुवं तीर्थपुण्यम् ॥

buddhe sadbuddhirevaṁ bhavatu tava sakhe mānasa svastite 'stu āstāṁ pādau padasthau satatamiha yuvāṁ sādhu dṛṣṭī ca dṛṣṭī vāṇi prāṇapriyedhi prakaṭa guṇa vapuḥ prāpnuhi prāṇi puṣṭiṁ yasmātsarvairbhavadbhiḥ sukhamatulamahaṁ prāpnuvaṁ tīrthapuṇyam

'हे मित्र मन! तुम्हारे लिए ऐसी ही सद्बुद्धि हो, तुम्हारा कल्याण हो; हमारे दोनों पैर सदा यहीं की पवित्र भूमि पर टिके रहें, और हमारी दृष्टि भी सुदृष्टि बने। हे वाणी! तुम प्राण-प्रिय बनो, प्रकट गुणों वाली देह पाओ, जिससे तुम सबके द्वारा मैं इस तीर्थ के अतुल पुण्य-सुख को प्राप्त करूँ।'

श्लोक 24 (padma.6.22.24)

श्रीजाह्नवी रविसुता परमेष्ठिपुत्री सिंधुत्रयाभरणतीर्थवर प्रयाग। । सर्वेश मामनुगृहाण नयस्व चोर्ध्वमंतस्तमो दशविधं दलय स्वधाम्ना ॥

śrījāhnavī ravisutā parameṣṭhiputrī siṁdhutrayābharaṇatīrthavara prayāga sarveśa māmanugṛhāṇa nayasva cordhvamaṁtastamo daśavidhaṁ dalaya svadhāmnā

हे श्री जाह्नवी, हे सूर्य-पुत्री, हे परमेष्ठी (ब्रह्मा) की पुत्री! हे तीन नदियों के आभूषण-स्वरूप श्रेष्ठ तीर्थ प्रयाग! हे सर्वेश! मुझ पर अनुग्रह कीजिए, मुझे ऊपर की ओर ले जाइए, और अपने ही तेज से मेरे भीतर के दसों प्रकार के अंधकार को नष्ट कर दीजिए।

श्लोक 25 (padma.6.22.25)

वागीश विष्ण्वीश पुरंदराद्याः पापप्रणाशाय विदांविदोऽपि। । भजंति यत्तीरमनीलनीलं सतीर्थराजो जयति प्रयागः ॥

vāgīśa viṣṇvīśa puraṁdarādyāḥ pāpapraṇāśāya vidāṁvido'pi bhajaṁti yattīramanīlanīlaṁ satīrtharājo jayati prayāgaḥ

वाणी के स्वामी बृहस्पति, विष्णु, ईशान, पुरंदर आदि — ज्ञानियों में भी ज्ञानी — जो तुम्हारे उस अंजन-श्याम तट का, पाप-नाश के लिए, आश्रय लेते हैं — विजयी है वह तीर्थराज प्रयाग!

श्लोक 26 (padma.6.22.26)

कलिंदजा संगम वाप्ययत्र प्रत्यग्गता स्वर्गधुनीधुनोति। । अध्यात्म तापत्रितयं जनस्य स तीर्थराजो जयति प्रयागः ॥

kaliṁdajā saṁgama vāpyayatra pratyaggatā svargadhunīdhunoti adhyātma tāpatritayaṁ janasya sa tīrtharājo jayati prayāgaḥ

जहाँ कालिंदी (यमुना) के संगम में, पीछे की ओर मुड़कर आई स्वर्ग-नदी, मनुष्यों के त्रिविध अध्यात्मिक ताप को झकझोर देती है — विजयी है वह तीर्थराज प्रयाग!

श्लोक 27 (padma.6.22.27)

श्यामो वटः श्यामगुणोवृणोति स्वच्छायया श्यामल याजनानाम्। । श्यामश्रमं कृंतति यत्रदृष्टः स तीर्थराजो जयति प्रयागः ॥

śyāmo vaṭaḥ śyāmaguṇovṛṇoti svacchāyayā śyāmala yājanānām śyāmaśramaṁ kṛṁtati yatradṛṣṭaḥ sa tīrtharājo jayati prayāgaḥ

जहाँ श्याम-गुण वाला श्याम वट-वृक्ष अपनी श्यामल छाया से पूजकों को आश्रय देता है, और जिसके दर्शन से कलियुग की श्यामल थकान भी कट जाती है — विजयी है वह तीर्थराज प्रयाग!

श्लोक 28 (padma.6.22.28)

ब्रह्मादयोप्यात्मकृतिं विहाय भजंति पुण्यात्मक भागधेयम् ।। यत्रोज्झितादंडधरः स्वदंडं स तीर्थराजो जयति प्रयागः ॥

brahmādayopyātmakṛtiṁ vihāya bhajaṁti puṇyātmaka bhāgadheyam yatrojjhitādaṁḍadharaḥ svadaṁḍaṁ sa tīrtharājo jayati prayāgaḥ

जहाँ ब्रह्मा आदि भी अपनी ही महिमा छोड़कर, उस पुण्यात्मा के सौभाग्य का आश्रय लेते हैं, जहाँ दंडधारी (यम या राजा) भी अपना ही दंड त्याग देता है — विजयी है वह तीर्थराज प्रयाग!

श्लोक 29 (padma.6.22.29)

यत्सेवया देव नृदेवतादि देवर्षयः प्रत्यहमामनंति। । स्वर्गं च सर्वोत्तम भूमिराज्यं स तीर्थराजो जयति प्रयागः ॥

yatsevayā deva nṛdevatādi devarṣayaḥ pratyahamāmanaṁti svargaṁ ca sarvottama bhūmirājyaṁ sa tīrtharājo jayati prayāgaḥ

जिसकी सेवा से देवता, मनुष्यों में देवता-सम राजा और देवर्षि प्रतिदिन स्वर्ग और सर्वश्रेष्ठ भूमि-राज्य पाते हैं — विजयी है वह तीर्थराज प्रयाग!

श्लोक 30 (padma.6.22.30)

एनांसि हंतीति प्रसिद्धवार्ता नाम प्रतापेन दृशो भवंति। । यस्य त्रिलोकीं प्रतताप गोभिः स तीर्थराजो जयति प्रयागः ॥

enāṁsi haṁtīti prasiddhavārtā nāma pratāpena dṛśo bhavaṁti yasya trilokīṁ pratatāpa gobhiḥ sa tīrtharājo jayati prayāgaḥ

'पापों को नष्ट करता है' — यह प्रसिद्ध वार्ता जिसके प्रताप से आँखों के सामने सत्य होती दिखती है, जिसकी किरणों ने कभी तीनों लोकों को संतप्त किया था — विजयी है वह तीर्थराज प्रयाग!

श्लोक 31 (padma.6.22.31)

धत्ते ऽभितश्चामर चारुकांतिं सितासिते यत्रसरिद्वरेण्ये ।। आद्यो वटश्छत्रमिवातिभाति स तीर्थराजो जयति प्रयागः ॥

dhatte 'bhitaścāmara cārukāṁtiṁ sitāsite yatrasaridvareṇye ādyo vaṭaśchatramivātibhāti sa tīrtharājo jayati prayāgaḥ

जहाँ श्वेत-श्याम, श्रेष्ठ दोनों नदियाँ चारों ओर चँवर-सी सुंदर कांति धारण करती हैं, और वहाँ का आदि वट-वृक्ष छत्र-सा शोभित होता है — विजयी है वह तीर्थराज प्रयाग!

श्लोक 32 (padma.6.22.32)

ब्राह्मीनपुत्री त्रिपथास्त्रिवेणी समागमे साक्षतयागमात्रात् ।। यत्राप्नुतान्ब्रह्मपदं नयंति स तीर्थराजो जयति प्रयागः॥

brāhmīnaputrī tripathāstriveṇī samāgame sākṣatayāgamātrāt yatrāpnutānbrahmapadaṁ nayaṁti sa tīrtharājo jayati prayāgaḥ

ब्रह्मा की पुत्री (सरस्वती), त्रिपथगा और त्रिवेणी-संगम — जहाँ केवल विधिवत् संकल्प-मात्र से वे प्राप्त करने वालों को ब्रह्म-पद तक ले जाती हैं — विजयी है वह तीर्थराज प्रयाग!

श्लोक 33 (padma.6.22.33)

केषांचिज्जन्मकोटिर्व्रजति सुवचसां यामियामीति यस्मिन्केषां।। चित्प्रेप्सतां यं नियतमतियतेद् वर्षवृंदं वरिष्ठम्। । यत्प्राप्तं भाग्यलक्षैर्भवति भवति नो वास वाचामवाच्यो। । दिष्ट्या वेणी विशिष्टो भवति दृगतिथिः कं प्रयाग प्रयागः ॥

keṣāṁcijjanmakoṭirvrajati suvacasāṁ yāmiyāmīti yasminkeṣāṁ citprepsatāṁ yaṁ niyatamatiyated varṣavṛṁdaṁ variṣṭham yatprāptaṁ bhāgyalakṣairbhavati bhavati no vāsa vācāmavācyo diṣṭyā veṇī viśiṣṭo bhavati dṛgatithiḥ kaṁ prayāga prayāgaḥ

कुछ श्रेष्ठ वाणी वालों के लिए भी यह करोड़ों जन्मों में जाकर मिलता है — यहाँ की चाहत जिनके मन में दृढ़ बनी रहती है, वे वर्षों तक इसके लिए यत्न करते हैं; लाखों सौभाग्यों से जो प्राप्त होता है, वह वाणी से भी अवाच्य है — सौभाग्य से त्रिवेणी का दर्शन-पर्व विशिष्ट हो जाता है — ऐसा है यह प्रयाग!

श्लोक 34 (padma.6.22.34)

लोकानामक्षमाणां मखकृतिषु कलौ स्वर्गकामैर्जय स्तुत्यादि स्तोत्रैर्वचोभिः।। कथममरपद प्राप्ति चिंतातुराणाम् ।। अग्निष्टोमाश्वमेध प्रमुख मखफलं सम्यगालोच्यसांगं।। ब्रह्माद्यैस्तीर्थराजो ऽभिमतद उपदिष्टो ऽयमेव प्रयागः ॥

lokānāmakṣamāṇāṁ makhakṛtiṣu kalau svargakāmairjaya stutyādi stotrairvacobhiḥ kathamamarapada prāpti ciṁtāturāṇām agniṣṭomāśvamedha pramukha makhaphalaṁ samyagālocyasāṁgaṁ brahmādyaistīrtharājo 'bhimatada upadiṣṭo 'yameva prayāgaḥ

कलियुग में यज्ञ करने में असमर्थ, स्वर्ग चाहने वाले लोगों के लिए जय-स्तुति आदि स्तोत्रों और वचनों से देव-पद प्राप्ति की चिंता में डूबे लोगों के लिए — अग्निष्टोम, अश्वमेध आदि यज्ञों के फल का भलीभाँति विचार करके, ब्रह्मा आदि द्वारा यह प्रयाग ही, समस्त अंगों सहित, इच्छित फल देने वाला तीर्थराज बताया गया है।

श्लोक 35 (padma.6.22.35)

मया प्रमादातुरतादि दोषतः संध्या विधिर्नो समुपासितोऽभूत्। । चेदत्र संध्यां चरते प्रसादतः संध्यास्तु पूर्णा ऽखिलजन्मनोऽपि मे ॥

mayā pramādāturatādi doṣataḥ saṁdhyā vidhirno samupāsito'bhūt cedatra saṁdhyāṁ carate prasādataḥ saṁdhyāstu pūrṇā 'khilajanmano'pi me

मेरी प्रमाद आदि की त्रुटियों के कारण संध्या-विधि ठीक से नहीं की जा सकी; परंतु यदि मैं यहाँ कृपापूर्वक संध्या करूँ, तो मेरे सभी जन्मों की संध्या पूर्ण हो जाए।

श्लोक 36 (padma.6.22.36)

अन्यत्रापि प्रगर्जन्महिमनि तपसि प्रेमभिर्विप्रकृष्टैर्ध्यातः।। संकीर्तितो योऽभिमत पद विधातानिशं निर्व्यपेक्षंम् ।। श्रीमत्पांशुं त्रिवेणीपरिवृढम् अतुलं तीर्थराजं प्रयागं गोलंकारप्रकाशं स्वयममरवरं चेतनं तं नमामि ॥

anyatrāpi pragarjanmahimani tapasi premabhirviprakṛṣṭairdhyātaḥ saṁkīrtito yo'bhimata pada vidhātāniśaṁ nirvyapekṣaṁm śrīmatpāṁśuṁ triveṇīparivṛḍham atulaṁ tīrtharājaṁ prayāgaṁ golaṁkāraprakāśaṁ svayamamaravaraṁ cetanaṁ taṁ namāmi

जिसकी महिमा सर्वत्र गूँजती है, दूर से ही प्रेमपूर्वक जिसका ध्यान किया जाता है, जो अभीष्ट पद के निरंतर, निरपेक्ष विधाता के रूप में कीर्तित है — उस श्रीमान, त्रिवेणी के अद्वितीय स्वामी, तीर्थराज प्रयाग को, जो स्वयं देवताओं में श्रेष्ठ, चेतन और प्रकाशमान है, मैं प्रणाम करता हूँ।

श्लोक 37 (padma.6.22.37)

अस्माभिः सुतपोन्वतप्त किमहो एज्यंत किंवाध्वराः। पात्रे दानमदायि किं बहुविधं किं वा सुराश्चार्चिताः । किं सत्तीर्थमसेवि किं द्विजकुलं पूजादिभिः सत्कृतं येन प्रापि सदा। शिवस्य शिवदा सा राजधानी स्वयम्

asmābhiḥ sutaponvatapta kimaho ejyaṁta kiṁvādhvarāḥ pātre dānamadāyi kiṁ bahuvidhaṁ kiṁ vā surāścārcitāḥ kiṁ sattīrthamasevi kiṁ dvijakulaṁ pūjādibhiḥ satkṛtaṁ yena prāpi sadā śivasya śivadā sā rājadhānī svayam

क्या हमने सच्चा तप किया, क्या यज्ञ किए, क्या सुपात्र को अनेक प्रकार के दान दिए, क्या देवताओं की पूजा की, क्या सच्चे तीर्थ की सेवा की, क्या ब्राह्मण-कुल का पूजा आदि से सत्कार किया — जिसके फलस्वरूप वह शिव की स्वयं शिवदायिनी राजधानी हमें सदा प्राप्त हुई?

श्लोक 38 (padma.6.22.38)

भाग्यैर्मेऽधिगता ह्यनेकजनुषां सर्वाघविध्वंसिनी। सर्वाश्चर्यमयी शिवपुरी संसारसिंधोस्तरी । लब्धं सज्जनुषः फलं कुलमलं चक्रे पवित्रीकृतः। स्वात्मा चाप्यखिलं कृतं किमपरं सर्वोपरिष्टात्स्थितम्

bhāgyairme'dhigatā hyanekajanuṣāṁ sarvāghavidhvaṁsinī sarvāścaryamayī śivapurī saṁsārasiṁdhostarī labdhaṁ sajjanuṣaḥ phalaṁ kulamalaṁ cakre pavitrīkṛtaḥ svātmā cāpyakhilaṁ kṛtaṁ kimaparaṁ sarvopariṣṭātsthitam

अनेक जन्मों के सौभाग्य से मुझे यह सर्व-पाप-नाशिनी, सर्वाश्चर्यमयी शिव-नगरी प्राप्त हुई है, जो संसार-सागर से पार कराने वाली नौका है। सुजन्म का फल मिल गया, कुल भी पूर्णतः पवित्र हो गया, अपनी आत्मा भी कृतार्थ हो गई — अब और क्या शेष है, जो इससे भी ऊपर हो?

श्लोक 39 (padma.6.22.39)

जीवन्नरः पश्यति भद्र लक्षमेवं वदंतीति मृषा न यस्मात् । तस्मान्मया वै वपुषे दृशे न प्राप्तापि काशी क्षणभंगुरेण

jīvannaraḥ paśyati bhadra lakṣamevaṁ vadaṁtīti mṛṣā na yasmāt tasmānmayā vai vapuṣe dṛśe na prāptāpi kāśī kṣaṇabhaṁgureṇa

'जीवित मनुष्य लाख कल्याण देखता है' — ऐसा कहा जाता है, और यह मिथ्या नहीं है; इसीलिए, इस क्षणभंगुर शरीर से मैं अभी तक काशी को देखने के लिए वहाँ नहीं पहुँच सका हूँ।

श्लोक 40 (padma.6.22.40)

काश्यां विधातुममरैरपि दिव्यभूमौ सत्तीर्थ लिंगगणनार्चनता न शक्या । यानीह गुप्त विवृतानि पुरातनानि सिद्धानि योजितकरः प्रणमामि तेभ्यः

kāśyāṁ vidhātumamarairapi divyabhūmau sattīrtha liṁgagaṇanārcanatā na śakyā yānīha gupta vivṛtāni purātanāni siddhāni yojitakaraḥ praṇamāmi tebhyaḥ

काशी में, उस दिव्य भूमि पर, देवताओं के लिए भी समस्त सच्चे तीर्थों और लिंगों की गिनती और पूजा करना संभव नहीं है; जो भी यहाँ छिपे या प्रकट, प्राचीन, सिद्ध हैं, उन सबको हाथ जोड़कर मैं प्रणाम करता हूँ।

श्लोक 41 (padma.6.22.41)

किं भीत्या दुरितव्रजात्किमु मुदा पुण्यैरगण्यैः कृतैः। किं विद्याभ्यसनान्मदेन जडतादोषाद्विषादेन किम् । किं गर्वेण धनोदयादधनतातापेन किं भोजनाः । स्नात्वा श्रीमणिकर्णिकापयसि चेद्विश्वेश्वरो दृश्यते

kiṁ bhītyā duritavrajātkimu mudā puṇyairagaṇyaiḥ kṛtaiḥ kiṁ vidyābhyasanānmadena jaḍatādoṣādviṣādena kim kiṁ garveṇa dhanodayādadhanatātāpena kiṁ bhojanāḥ snātvā śrīmaṇikarṇikāpayasi cedviśveśvaro dṛśyate

पाप-राशि के भय से क्या लाभ? अगणित पुण्यों से हुए हर्ष से क्या लाभ? विद्या के अभ्यास से हुए अहंकार से क्या लाभ? जड़ता के दोष से हुए विषाद से क्या लाभ? धन के उदय से हुए गर्व से क्या, या निर्धनता के ताप से क्या लाभ — यदि श्री मणिकर्णिका के जल में स्नान करके स्वयं विश्वेश्वर के दर्शन हो जाएँ?

श्लोक 42 (padma.6.22.42)

अल्पस्फीति निरामयापि तनुता प्रव्यक्तशक्यात्मता प्रोत्साहाढ्य बलेन केवलमनोरागद्वितीयेन यत् । अप्राप्यापि मनोरथैरविषयास्वप्नप्रवृत्तेरपि प्राप्ता सा। पि गदाधरस्य नगरी सद्योपवर्गप्रदा

alpasphīti nirāmayāpi tanutā pravyaktaśakyātmatā protsāhāḍhya balena kevalamanorāgadvitīyena yat aprāpyāpi manorathairaviṣayāsvapnapravṛtterapi prāptā sā pi gadādharasya nagarī sadyopavargapradā

अल्प विस्तार वाली, रोगरहित, सूक्ष्म-सामर्थ्य वाली, केवल उत्साह से भरे बल और अद्वितीय मन के अनुराग से — मनोरथों से भी अप्राप्त, यहाँ तक कि सपनों में भी न सोची गई वह गदाधर की नगरी — तत्काल मोक्ष देने वाली — प्राप्त हो जाती है।

श्लोक 43 (padma.6.22.43)

मन्येनात्मकृतिर्नपूर्वपुरुषप्राप्तेर्बलं चात्र यन्नापीदं स्वजन। प्रमाणमचलं किंस्वापतापादिकम्। यादुष्प्राप गयाप्रयागयमुना काशीसुपर्वागमात्प्राप्तिस्तत्र। महाफलो विजयते श्रीशारदानुग्रहः

manyenātmakṛtirnapūrvapuruṣaprāpterbalaṁ cātra yannāpīdaṁ svajana pramāṇamacalaṁ kiṁsvāpatāpādikam yāduṣprāpa gayāprayāgayamunā kāśīsuparvāgamātprāptistatra mahāphalo vijayate śrīśāradānugrahaḥ

मैं नहीं जानता कि यह अपना ही किया हुआ है, या पूर्वजों की प्राप्ति का बल है, न ही यह अपने ही तप-ताप आदि का कोई अटल प्रमाण है — जो गया, प्रयाग, यमुना और काशी जैसे दुष्प्राप्य स्थान देवताओं के आगमन से प्राप्त होते हैं, वहाँ श्री शारदा की महाफलदायी कृपा ही विजयी होती है।

श्लोक 44 (padma.6.22.44)

यः श्राद्धसमये दूरात्स्मृतोऽपि पितृमुक्तिदः । तं गयायां स्थितं साक्षान्नमामि श्रीगदाधरम्

yaḥ śrāddhasamaye dūrātsmṛto'pi pitṛmuktidaḥ taṁ gayāyāṁ sthitaṁ sākṣānnamāmi śrīgadādharam

जो श्राद्ध के समय दूर से स्मरण मात्र से पितरों को मुक्ति देता है — गया में साक्षात् स्थित उस श्री गदाधर को मैं प्रणाम करता हूँ।

श्लोक 45 (padma.6.22.45)

पंथानं समतीत्य दुस्तरमिमं दूरादवीयस्तरं क्षुद्र व्याघ्रतरक्षुकंटकफणिप्रत्यार्थिभिः संकुलम् । आगत्य प्रथमव्ययं कृपणवाग्याचेज्जनः । कर्परीश्रीमद्वारिगदाधर प्रतिदिनं त्वां द्रष्टुमुत्कंठते

paṁthānaṁ samatītya dustaramimaṁ dūrādavīyastaraṁ kṣudra vyāghratarakṣukaṁṭakaphaṇipratyārthibhiḥ saṁkulam āgatya prathamavyayaṁ kṛpaṇavāgyācejjanaḥ karparīśrīmadvārigadādhara pratidinaṁ tvāṁ draṣṭumutkaṁṭhate

इस दुर्गम, बहुत दूर के मार्ग को, जो क्षुद्र व्याघ्रों, तर-क्षुओं (लकड़बग्घों), काँटों और सर्पों जैसे प्रतिपक्षियों से भरा हुआ है, पार करके, यहाँ पहुँचकर, पहली ही बार दीन-वाणी से प्रार्थना करने वाला मनुष्य — हे कर्पूर-सम श्रीमद्वारि (जल) से युक्त गदाधर! — प्रतिदिन तुम्हारे दर्शन के लिए उत्सुक रहता है।

श्लोक 46 (padma.6.22.46)

सर्वात्मन्निजदर्शनेन च गयाश्राद्धेन वै देवताः प्रीणन्विश्वमनीहवत्कथमिहौदासीन्यमालंबसे । किं ते सर्वदनिर्दयत्वमधुना किं वा प्रभुत्वं कलेः किं वा सत्वनिरीक्षणं नृषु चिरं किं वास्य सेवारुचिः

sarvātmannijadarśanena ca gayāśrāddhena vai devatāḥ prīṇanviśvamanīhavatkathamihaudāsīnyamālaṁbase kiṁ te sarvadanirdayatvamadhunā kiṁ vā prabhutvaṁ kaleḥ kiṁ vā satvanirīkṣaṇaṁ nṛṣu ciraṁ kiṁ vāsya sevāruciḥ

हे सबके आत्मा! अपने दर्शन से और गया के श्राद्ध से आप देवताओं को भी प्रसन्न करते हैं, संपूर्ण जगत की चिंता किए बिना ही — यहाँ आप इस प्रकार उदासीन क्यों बने रहते हैं? क्या यह आपकी सर्वदा की निर्दयता है, या कलियुग का प्रभुत्व है, या मनुष्यों के प्रति चिरकालीन उपेक्षा है, या सेवा में अरुचि है?

श्लोक 47 (padma.6.22.47)

गदाधर मया श्राद्धं संचीर्णं त्वत्प्रसादतः । अनुजानीहि मां देव गमनाय गृहं प्रति

gadādhara mayā śrāddhaṁ saṁcīrṇaṁ tvatprasādataḥ anujānīhi māṁ deva gamanāya gṛhaṁ prati

हे गदाधर! तुम्हारी कृपा से मैंने श्राद्ध पूरा कर लिया है; हे देव! अब मुझे घर लौटने की अनुमति दीजिए।

श्लोक 48 (padma.6.22.48)

चतुर्णां देवतानां च स्तोत्रं स्वर्गार्थदायकम् । श्राद्धकाले पठेन्नित्यं स्नानकाले तु यः पठेत्

caturṇāṁ devatānāṁ ca stotraṁ svargārthadāyakam śrāddhakāle paṭhennityaṁ snānakāle tu yaḥ paṭhet

चारों देवताओं का यह स्तोत्र, जो स्वर्ग देने वाला है, श्राद्ध के समय नित्य पढ़ना चाहिए; और जो इसे स्नान के समय पढ़ता है —

श्लोक 49 (padma.6.22.49)

सर्वतीर्थसमं स्नानं श्रवणात्पठनाज्जपात् । प्रयागस्य च गंगाया यमुनायाः स्तुतेर्द्विज । श्रवणेन विनश्यंति दोषाश्चैव तु कर्मजाः

sarvatīrthasamaṁ snānaṁ śravaṇātpaṭhanājjapāt prayāgasya ca gaṁgāyā yamunāyāḥ stuterdvija śravaṇena vinaśyaṁti doṣāścaiva tu karmajāḥ

हे द्विज! प्रयाग, गंगा और यमुना की इस स्तुति के श्रवण, पठन या जप से समस्त तीर्थों के समान स्नान का फल मिलता है; इसे सुनने से कर्मजनित सभी दोष नष्ट हो जाते हैं।