सुदर्शन चक्र की महिमा

श्लोक 1 (padma.6.224.1)

दिलीप उवाच- भगवन्सर्वमाचक्ष्व हरिभक्तिसुधामयम् । शृण्वतो नैव तृप्तिर्मे विष्णुभक्तिं सुखावहाम् ।

dilīpa uvāca bhagavaṁsarvamācakṣva haribhaktisudhāmayam śṛṁvato naiva tṛptirme viṣṇubhaktiṁ sukhāvahām

दिलीप ने कहा — हे भगवन्! हरिभक्ति के अमृत से भरा सब कुछ बताइए; विष्णुभक्ति को सुनते हुए मुझे कभी तृप्ति नहीं होती।

श्लोक 2 (padma.6.224.2)

तापत्रयमहाज्वाला वह्निभिः सततं नृणाम् । संतप्तानां मुनिश्रेष्ठ विष्णुभक्तिसुधार्णवम् ।

tāpatrayamahājvālā vahnibhiḥ satataṁ nṛṇām saṁtaptānāṁ muniśreṣṭha viṣṇubhaktisudhārṇavam

त्रिविध ताप की महाज्वालाओं से सदा संतप्त मनुष्यों के लिए, हे मुनिश्रेष्ठ, विष्णुभक्ति के अमृत-सागर को बताइए।

श्लोक 3 (padma.6.224.3)

विना किमन्यच्छरणं भवारण्ये भयानके । आचक्ष्व विस्तरेणाथ भक्तिभेदान्महामुने । उपास्यमानान्सततं मुनिभिः परमात्मनः ।

vinā kimaṁyaccharaṇaṁ bhavāraṁye bhayānake ācakṣva vistareṇātha bhaktibhedāṁmahāmune upāsyamānāṁsatataṁ munibhiḥ paramātmanaḥ

इस भयानक संसार-वन में इसके अतिरिक्त और कौन-सी शरण है? हे महामुने, मुनियों द्वारा सदा उपासित परमात्मा की भक्ति के भेदों को विस्तार से बताइए।

श्लोक 4 (padma.6.224.4)

वसिष्ठ उवाच- साधु पृच्छसि राजेंद्र संसारोत्तारणं नॄणां । वैकुंठस्य परेशस्य भक्तिं नित्यसुखावहाम् ।

vasiṣṭha uvāca sādhu pṛcchasi rājeṁdra saṁsārottāraṇaṁ nṝṇāṁ vaikuṁṭhasya pareśasya bhaktiṁ nityasukhāvahām

वसिष्ठ जी ने कहा — हे राजेन्द्र! आपने अच्छा पूछा है — मनुष्यों को संसार से पार करने वाली, वैकुण्ठपति की नित्य सुखदायिनी भक्ति के विषय में।

श्लोक 5 (padma.6.224.5)

इममेवं महाप्रश्नं कैलासशिखरे पुरा । पप्रच्छ गिरिजादेवी शंकरं लोकपूजितम् ।

imamevaṁ mahāpraśnaṁ kailāsaśikhare purā papraccha girijādevī śaṁkaraṁ lokapūjitam

यही महाप्रश्न पूर्वकाल में कैलास शिखर पर गिरिजा देवी ने लोकपूजित शंकर से पूछा था।

श्लोक 6 (padma.6.224.6)

पार्वत्युवाच- देवदेव महादेव त्रिपुरघ्न सुरेश्वर । विष्णुभक्तिं ममाचक्ष्व मुक्तिदां सर्वदेहिनाम् ।

pārvatyuvāca devadeva mahādeva tripuraghna sureśvara viṣṇubhaktiṁ mamācakṣva muktidāṁ sarvadehinām

पार्वती ने कहा — हे देवदेव महादेव, त्रिपुरघ्न, सुरेश्वर! समस्त प्राणियों को मुक्ति देने वाली विष्णुभक्ति मुझे बताइए।

श्लोक 7 (padma.6.224.7)

उपास्यभेदान्मंत्रांश्च तस्य पूजाविधींस्तथा । तस्य विष्णोः स्वरूपं च तद्विभूतिर्गुणादिकम् ।

upāsyabhedāṁmaṁtrāṁśca tasya pūjāvidhīṁstathā tasya viṣṇoḥ svarūpaṁ ca tadvibhūtirguṇādikam

उपासना के भेद, मंत्र और पूजा-विधि; उस विष्णु का स्वरूप, उनकी विभूति और गुण आदि;

श्लोक 8 (padma.6.224.8)

तस्य लोकस्वरूपं च यं प्राप्य न निवर्तते । सर्गस्थितिलयं येन करोति भगवान्हरिः ।

tasya lokasvarūpaṁ ca yaṁ prāpya na nivartate sargasthitilayaṁ yena karoti bhagavāṁhariḥ

उनके लोक का स्वरूप जिसे प्राप्त कर मनुष्य लौटता नहीं; और जिस प्रकार भगवान हरि सृष्टि, स्थिति और लय करते हैं;

श्लोक 9 (padma.6.224.9)

यद्गत्वा न निवर्तंते तद्धामपरमं हरेः । येन केन च कृत्येन साधनेन परं पदम् ।

yadgatvā na nivartaṁte taddhāmaparamaṁ hareḥ yena kena ca kṛtyena sādhanena paraṁ padam

हरि का वह परम धाम जहाँ जाकर लौटना नहीं होता; और किस कर्म या साधन से

श्लोक 10 (padma.6.224.10)

प्राप्नुवंति नराः पापा विषयासक्तचेतसः । विस्तरेण मयि प्रीत्या ब्रूहि सर्वमशेषतः ।

prāpnuvaṁti narāḥ pāpā viṣayāsaktacetasaḥ vistareṇa mayi prītyā brūhi sarvamaśeṣataḥ

विषयासक्तचित्त पापी मनुष्य भी परम पद प्राप्त करते हैं — यह सब मुझ पर प्रीति से विस्तारपूर्वक बताइए।

श्लोक 11 (padma.6.224.11)

वसिष्ठ उवाच- इति पृष्टो महादेव्या हरस्त्रिपुरहा तदा । उवाच परमप्रीत्या नमस्कृत्य जनार्दनम् ।

vasiṣṭha uvāca iti pṛṣṭo mahādevyā harastripurahā tadā uvāca paramaprītyā namaskṛtya janārdanam

वसिष्ठ जी ने कहा — महादेवी के ऐसा पूछने पर त्रिपुरहंता हर ने जनार्दन को प्रणाम करके परम प्रीति से कहा।

श्लोक 12 (padma.6.224.12)

रुद्र उवाच- साधुसाधु महादेवि सर्वलोकहितैषिणि । साधु पृच्छसि मां देवि श्रीशमाहात्म्यमुत्तमम् ।

rudra uvāca sādhusādhu mahādevi sarvalokahitaiṣiṇi sādhu pṛcchasi māṁ devi śrīśamāhātṁyamuttamam

रुद्र ने कहा — साधु साधु, हे सर्वलोकहितैषिणी महादेवी! हे देवी, आपने मुझसे श्रीश की उत्तम महिमा भलीभाँति पूछी है।

श्लोक 13 (padma.6.224.13)

धन्यासि कृतपुण्यासि विष्णुभक्तासि पार्वति । परितुष्टोऽस्मि ते भद्रे शीलरूपगुणैः सदा ।

dhaṁyāsi kṛtapuṁyāsi viṣṇubhaktāsi pārvati parituṣṭo'smi te bhadre śīlarūpaguṇaiḥ sadā

आप धन्य हैं, पुण्यवती हैं, विष्णुभक्त हैं, हे पार्वती! हे भद्रे, आपके शील, रूप और गुणों से मैं सदा संतुष्ट रहता हूँ।

श्लोक 14 (padma.6.224.14)

अथ वक्ष्यामि गिरिजे भगवद्भक्तिमुत्तमाम् । तन्मंत्राणां विधानं च स्वरूपं तस्य शार्ङ्गिणः ।

atha vakṣyāmi girije bhagavadbhaktimuttamām taṁmaṁtrāṇāṁ vidhānaṁ ca svarūpaṁ tasya śārṁgiṇaḥ

अब, हे गिरिजे, मैं भगवान की उत्तम भक्ति, उनके मंत्रों की विधि और शार्ङ्गधारी विष्णु के स्वरूप को बताता हूँ।

श्लोक 15 (padma.6.224.15)

तत्वं नारायणो विष्णुर्वासुदेवस्सनातनः । परमात्मा परं ब्रह्म परं ज्योतिः परात्परः ।

tatvaṁ nārāyaṇo viṣṇurvāsudevassanātanaḥ paramātmā paraṁ brahma paraṁ jyotiḥ parātparaḥ

वह तत्त्व नारायण है, विष्णु है, सनातन वासुदेव है; परमात्मा, परब्रह्म, परम ज्योति, परात्पर;

श्लोक 16 (padma.6.224.16)

अच्युतः पुरुषः कृष्णः शाश्वतः शिव ईश्वरः । नित्यः सर्वगतः स्थाणू रुद्रस्साक्षी प्रजापतिः ।

acyutaḥ puruṣaḥ kṛṣṇaḥ śāśvataḥ śiva īśvaraḥ nityaḥ sarvagataḥ sthāṇū rudrassākṣī prajāpatiḥ

अच्युत, पुरुष, कृष्ण, शाश्वत, शिव, ईश्वर; नित्य, सर्वव्यापी, स्थाणु, रुद्र, साक्षी, प्रजापति;

श्लोक 17 (padma.6.224.17)

यज्ञो यज्ञपतिः साक्षाद्ब्रह्मणः पतिरेव च । हिरण्यगर्भं सविता लोककृल्लोकभृद्विभुः ।

yajṁo yajṁapatiḥ sākṣādbrahmaṇaḥ patireva ca hiraṁyagarbhaṁ savitā lokakṛllokabhṛdvibhuḥ

यज्ञ, यज्ञपति, साक्षात् ब्रह्मा के भी पति; हिरण्यगर्भ, सविता, लोककर्ता, लोकभर्ता, विभु;

श्लोक 18 (padma.6.224.18)

अकारवाच्यो भगवान् श्रीभू नीलापतिः प्रभुः । उतामृतत्वस्येशानो यदन्नेनातिरोहति ।

akāravācyo bhagavān śrībhū nīlāpatiḥ prabhuḥ utāmṛtatvasyeśāno yadaṁnenātirohati

'अ' कार से वाच्य भगवान, श्री-भू-नीला के पति, प्रभु; तथा अमरत्व के स्वामी, जो अन्न के द्वारा सबसे परे विराजते हैं।

श्लोक 19 (padma.6.224.19)

सहस्रमूर्द्धा विश्वात्मा सहस्राक्षः सहस्रपात् । स भूमिं सर्वतः स्पृत्वा ह्यत्यतिष्ठद्दशांगुलम् ।

sahasramūrddhā viśvātmā sahasrākṣaḥ sahasrapāt sa bhūmiṁ sarvataḥ spṛtvā hyatyatiṣṭhaddaśāṁgulam

सहस्रमस्तक, विश्वात्मा, सहस्राक्ष, सहस्रचरण; उन्होंने भूमि को सब ओर से व्याप्त कर भी दस अंगुल शेष रहकर उसे लाँघ लिया।

श्लोक 20 (padma.6.224.20)

अनंतः श्रीपती रामो गुणभृन्निर्गुणो महान् । सर्वलोकेश्वरः श्रीमान्सर्वज्ञः सर्वतोमुखः ।

anaṁtaḥ śrīpatī rāmo guṇabhṛṁnirguṇo mahān sarvalokeśvaraḥ śrīmāṁsarvajṁaḥ sarvatomukhaḥ

अनंत, श्रीपति, राम, गुणों को धारण करते हुए भी निर्गुण, महान्; सर्वलोकेश्वर, श्रीमान, सर्वज्ञ, सर्वतोमुख।

श्लोक 21 (padma.6.224.21)

तस्य लोकप्रधानस्य जगन्नाथस्य पार्वति । माहात्म्यं वासुदेवस्य यच्छक्यं तद्ब्रवीमि ते ।

tasya lokapradhānasya jagaṁnāthasya pārvati māhātṁyaṁ vāsudevasya yacchakyaṁ tadbravīmi te

उस लोकप्रधान जगन्नाथ की, हे पार्वती, वासुदेव की जो महिमा कही जा सकती है, वह मैं आपको बताता हूँ।

श्लोक 22 (padma.6.224.22)

अशक्यं तन्मया वक्तुं ब्रह्मणा सह दैवतैः । सर्वोपनिषदामर्थं वेदांते परिनिश्चितम् ।

aśakyaṁ taṁmayā vaktuṁ brahmaṇā saha daivataiḥ sarvopaniṣadāmarthaṁ vedāṁte pariniścitam

यह ब्रह्मा और देवताओं सहित मुझसे भी पूर्णतः कही नहीं जा सकती — यह सभी उपनिषदों का अर्थ है, जो वेदांत में निश्चित है।

श्लोक 23 (padma.6.224.23)

तस्योपासनभेदांश्च शृणु वच्मि पुनः पृथक् । आद्यंतु वैष्णवं प्रोक्तं शंखचक्रांकनं हरेः ।

tasyopāsanabhedāṁśca śṛṇu vacmi punaḥ pṛthak ādyaṁtu vaiṣṇavaṁ proktaṁ śaṁkhacakrāṁkanaṁ hareḥ

अब उनकी उपासना के भेद सुनिए; मैं फिर से एक-एक करके बताता हूँ। सर्वप्रथम हरि के शंख-चक्र से अंकित होने का वैष्णव कृत्य कहा गया है,

श्लोक 24 (padma.6.224.24)

धारणं चोर्ध्वर्पुंड्राणां तन्मंत्राणां परिग्रहः । अर्चनं च जपोध्यानं तन्नामस्मरणं तथा ।

dhāraṇaṁ cordhvarpuṁḍrāṇāṁ taṁmaṁtrāṇāṁ parigrahaḥ arcanaṁ ca japodhyānaṁ taṁnāmasmaraṇaṁ tathā

ऊर्ध्वपुण्ड्र धारण, उनके मंत्रों को ग्रहण करना, अर्चन, जप, ध्यान, तथा उनके नाम का स्मरण;

श्लोक 25 (padma.6.224.25)

कीर्तनं श्रवणं चैव वंदनं पादसेवनम् । तत्पादोदकसेवा च तन्निवेदितभोजनम् ।

kīrtanaṁ śravaṇaṁ caiva vaṁdanaṁ pādasevanam tatpādodakasevā ca taṁniveditabhojanam

कीर्तन, श्रवण, वंदन, चरण-सेवा, चरणोदक-सेवा, तथा उन्हें निवेदित भोजन करना;

श्लोक 26 (padma.6.224.26)

तदीयानां च सेवाञ्च द्वादशीव्रतनिष्ठितम् । तुलसीरोपणं विष्णोर्देवदेवस्य शार्ङ्गिणः ।

tadīyānāṁ ca sevāṁca dvādaśīvrataniṣṭhitam tulasīropaṇaṁ viṣṇordevadevasya śārṁgiṇaḥ

उनके भक्तों की सेवा, द्वादशी-व्रत का पालन, और शार्ङ्गधारी देवदेव विष्णु के लिए तुलसी-रोपण —

श्लोक 27 (padma.6.224.27)

भक्तिः षोडशधा प्रोक्ता भवबंधविमुक्तये । सर्वेषामेव देवानां ममापि पुरुषोत्तमः ।

bhaktiḥ ṣoḍaśadhā proktā bhavabaṁdhavimuktaye sarveṣāmeva devānāṁ mamāpi puruṣottamaḥ

इस प्रकार भवबंधन से मुक्ति के लिए सोलह प्रकार की भक्ति कही गई है। समस्त देवताओं में, मेरे लिए भी, पुरुषोत्तम —

श्लोक 28 (padma.6.224.28)

पूजनीयो हरिर्नित्यं ब्राह्मणानां विशेषतः । तस्मात्तु ब्राह्मणो नित्यं विधिवत्पूजयेद्धरिम् ।

pūjanīyo harirnityaṁ brāhmaṇānāṁ viśeṣataḥ tasmāttu brāhmaṇo nityaṁ vidhivatpūjayeddharim

— हरि सदा पूजनीय हैं, विशेषतः ब्राह्मणों द्वारा। इसलिए ब्राह्मण को सदा विधिपूर्वक हरि की पूजा करनी चाहिए।

श्लोक 29 (padma.6.224.29)

तच्चिह्नैरंकितः श्रीशपदंप्राप्नोत्यसंशयम् । शंखचक्रांकनं कुर्याद्ब्राह्मणो बाहुमूलयोः ।

taccihnairaṁkitaḥ śrīśapadaṁprāpnotyasaṁśayam śaṁkhacakrāṁkanaṁ kuryādbrāhmaṇo bāhumūlayoḥ

उनके चिह्नों से अंकित होकर मनुष्य निःसंदेह श्रीशपद प्राप्त करता है। ब्राह्मण को अपनी भुजाओं के मूल में शंख-चक्र से अंकित होना चाहिए,

श्लोक 30 (padma.6.224.30)

हुताग्निनैव संतप्य सर्वपापापनुत्तये । चक्रं वा शंखचक्रे वा तथा पंचायुधानि वा ।

hutāgninaiva saṁtapya sarvapāpāpanuttaye cakraṁ vā śaṁkhacakre vā tathā paṁcāyudhāni vā

हवन की अग्नि में तपाकर, सभी पापों के नाश हेतु — चाहे केवल चक्र हो, या शंख-चक्र दोनों, या पाँचों आयुध।

श्लोक 31 (padma.6.224.31)

धारयित्वैव विधिवद्व्रह्मकर्मसमारभेत् । अग्नितप्तं पवित्रं च धृत्वा वै भुजमूलयोः ।

dhārayitvaiva vidhivadvrahmakarmasamārabhet agnitaptaṁ pavitraṁ ca dhṛtvā vai bhujamūlayoḥ

इन्हें विधिपूर्वक धारण करके ही ब्रह्मकर्म आरंभ करना चाहिए। भुजाओं के मूल में अग्नितप्त पवित्र चिह्न धारण करके,

श्लोक 32 (padma.6.224.32)

त्यक्त्वा यमपुरं घोरं याति विष्णोः परं पदम् । चक्रचिह्नविहीनस्तु यः पूजयति केशवम् ।

tyaktvā yamapuraṁ ghoraṁ yāti viṣṇoḥ paraṁ padam cakracihnavihīnastu yaḥ pūjayati keśavam

वह यमपुरी के भय को त्यागकर विष्णु के परम पद को प्राप्त होता है। किंतु जो चक्र-चिह्न रहित होकर केशव की पूजा करता है—

श्लोक 33 (padma.6.224.33)

तत्सर्वं विफलं याति पूजामंत्रजपादिकम् । अग्नितप्तेन चक्रेण ब्राह्मणो बाहुमूलयोः ।

tatsarvaṁ viphalaṁ yāti pūjāmaṁtrajapādikam agnitaptena cakreṇa brāhmaṇo bāhumūlayoḥ

— उसकी वह सारी पूजा, मंत्रजप आदि निष्फल हो जाती है। अग्नितप्त चक्र से ब्राह्मण भुजाओं के मूल में,

श्लोक 34 (padma.6.224.34)

अंकयित्वा जपन्मंत्रं संसारान्मोक्षमाप्नुयात् । सुदर्शनं धारयित्वा वह्नितप्तं द्विजोत्तमः ।

aṁkayitvā japaṁmaṁtraṁ saṁsārāṁmokṣamāpnuyāt sudarśanaṁ dhārayitvā vahnitaptaṁ dvijottamaḥ

अंकित होकर मंत्र जपते हुए संसार से मोक्ष प्राप्त करता है। अग्नितप्त सुदर्शन धारण करके वह द्विजोत्तम—

श्लोक 35 (padma.6.224.35)

उपनीय विधानेन पश्चात्कर्मसु योजयेत् । विष्णुचक्रविहीनं तु य श्राद्धे भोजयिष्यति ।

upanīya vidhānena paścātkarmasu yojayet viṣṇucakravihīnaṁ tu ya śrāddhe bhojayiṣyati

— विधिपूर्वक उपनयन करके पश्चात् कर्मों में लगे। किंतु जो श्राद्ध में विष्णुचक्र-विहीन को भोजन कराता है—

श्लोक 36 (padma.6.224.36)

व्यर्थं भवति तत्सर्वं निराशाः पितरो गताः । विष्णुचक्रांकितं विप्रं पूजयेच्छ्राद्धकर्मणि ।

vyarthaṁ bhavati tatsarvaṁ nirāśāḥ pitaro gatāḥ viṣṇucakrāṁkitaṁ vipraṁ pūjayecchrāddhakarmaṇi

— वह सब व्यर्थ हो जाता है; पितर निराश होकर लौट जाते हैं। श्राद्धकर्म में विष्णुचक्र से अंकित ब्राह्मण को ही पूजना चाहिए;

श्लोक 37 (padma.6.224.37)

विष्णुचक्रविहीनं तु प्रयत्नेन विवर्जयेत् । दद्याद्गोभूहिरण्यादि चक्रांकितभुजाय वै ।

viṣṇucakravihīnaṁ tu prayatnena vivarjayet dadyādgobhūhiraṁyādi cakrāṁkitabhujāya vai

विष्णुचक्र-रहित को यत्नपूर्वक त्याग देना चाहिए। गौ, भूमि, स्वर्ण आदि दान चक्रांकित भुजा वाले को ही देने चाहिए;

श्लोक 38 (padma.6.224.38)

यद्दत्तं चक्रहीनाय तत्सर्वमसुराय वै । अग्नितप्तेन चक्रेण बाहुमूले तु लांछिताः ।

yaddattaṁ cakrahīnāya tatsarvamasurāya vai agnitaptena cakreṇa bāhumūle tu lāṁchitāḥ

चक्ररहित को जो कुछ दिया जाता है, वह असुर को दिया गया माना जाता है। अग्नितप्त चक्र से भुजामूल में अंकित लोग—

श्लोक 39 (padma.6.224.39)

सर्वपापविनिर्मुक्ता यांति विष्णोः परं पदम् । हुताग्नितप्तचक्रेण शरीरं यस्य चिह्नितम् ।

sarvapāpavinirmuktā yāṁti viṣṇoḥ paraṁ padam hutāgnitaptacakreṇa śarīraṁ yasya cihnitam

— सभी पापों से मुक्त होकर विष्णु के परम पद को प्राप्त होते हैं। हवनाग्नि में तपाए चक्र से जिसका शरीर चिह्नित है—

श्लोक 40 (padma.6.224.40)

तस्य तीर्थानि यज्ञाश्च संप्राप्ता नात्र संशयः । अधृत्वा विधिना चक्रं ब्राह्मणः प्राकृतो भवेत् ।

tasya tīrthāni yajṁāśca saṁprāptā nātra saṁśayaḥ adhṛtvā vidhinā cakraṁ brāhmaṇaḥ prākṛto bhavet

— उसे समस्त तीर्थों और यज्ञों का फल प्राप्त हो चुका है, इसमें संदेह नहीं। जो ब्राह्मण विधिपूर्वक चक्र धारण नहीं करता, वह साधारण मनुष्य मात्र रह जाता है।

श्लोक 41 (padma.6.224.41)

न तस्य किंचिदश्नीयादपि क्रतुसहस्रिणः । अधृत्वा विधिना चक्रं ब्राह्मणो ज्ञानदुर्लभः ।

na tasya kiṁcidaśnīyādapi kratusahasriṇaḥ adhṛtvā vidhinā cakraṁ brāhmaṇo jṁānadurlabhaḥ

उसका दिया हुआ कुछ भी नहीं खाना चाहिए, भले ही उसने सहस्र यज्ञ किए हों। विधिपूर्वक चक्र न धारण करने वाला ब्राह्मण, ज्ञानी होकर भी, सच्चे ज्ञान से दूर रहता है।

श्लोक 42 (padma.6.224.42)

गर्हितस्सर्वलोकेषु ब्राह्मण्यात्प्रच्युतो भवेत् । शङ्खचक्रधरो देवो हरिः पूज्यो यथात्मभिः ।

garhitassarvalokeṣu brāhmaṁyātpracyuto bhavet śaṁkhacakradharo devo hariḥ pūjyo yathātmabhiḥ

वह सभी लोकों में निंदित होकर ब्राह्मणत्व से च्युत हो जाता है। जैसे शंख-चक्रधारी हरि ज्ञानियों द्वारा पूज्य हैं—

श्लोक 43 (padma.6.224.43)

तथैव सर्वैस्संपूज्यो विप्रश्चक्रादिचिह्नितः । सर्ववेदविदो वापि सर्वशास्त्रविशारदः ।

tathaiva sarvaissaṁpūjyo vipraścakrādicihnitaḥ sarvavedavido vāpi sarvaśāstraviśāradaḥ

— वैसे ही चक्र आदि चिह्नों से अंकित ब्राह्मण सबके द्वारा पूजनीय है। चाहे कोई सर्ववेदविद् हो, अथवा सर्वशास्त्रविशारद—

श्लोक 44 (padma.6.224.44)

अधृत्वा विधिना चक्रं ब्राह्मणः पतितो भवेत् । ऊर्द्ध्वपुंड्रविहीनस्तु शंख चक्रविवर्जितः ।

adhṛtvā vidhinā cakraṁ brāhmaṇaḥ patito bhavet ūrddhvapuṁḍravihīnastu śaṁkha cakravivarjitaḥ

— यदि वह विधिपूर्वक चक्र धारण न करे, तो वह ब्राह्मण पतित हो जाता है। ऊर्ध्वपुण्ड्र और शंख-चक्र से रहित व्यक्ति को—

श्लोक 45 (padma.6.224.45)

तं गर्दभे समारोप्य बहिः कुर्यात्स्वपत्तनात् । प्रकृतिस्पर्शरहितो वासुदेवो जनार्दनः ।

taṁ gardabhe samāropya bahiḥ kuryātsvapattanāt prakṛtisparśarahito vāsudevo janārdanaḥ

— गधे पर बिठाकर अपने नगर से बाहर कर देना चाहिए। वासुदेव जनार्दन प्रकृति के स्पर्श से रहित हैं;

श्लोक 46 (padma.6.224.46)

तथैव ब्राह्मणो देवि विष्णुचक्रेण चिह्नितः । तस्मात्प्रकृतिसंसर्गपापौघदहनं हरेः ।

tathaiva brāhmaṇo devi viṣṇucakreṇa cihnitaḥ tasmātprakṛtisaṁsargapāpaughadahanaṁ hareḥ

उसी प्रकार, हे देवी, विष्णुचक्र से चिह्नित ब्राह्मण भी विशिष्ट होता है। इसलिए प्रकृति-संसर्ग से उत्पन्न पापसमूह को जलाने वाला हरि का ही—

श्लोक 47 (padma.6.224.47)

प्रतप्तं बिभृयाच्चक्रं शंखं च भुजमूलयोः । स्त्रीशूद्राणां सदा धार्य्ये चंदनेन सुगंधिना ।

prataptaṁ bibhṛyāccakraṁ śaṁkhaṁ ca bhujamūlayoḥ strīśūdrāṇāṁ sadā dhāryye caṁdanena sugaṁdhinā

— तप्त चक्र और शंख भुजाओं के मूल में धारण करना चाहिए। स्त्री-शूद्रों को सदा सुगंधित चंदन से ही (दागे बिना) इन्हें धारण करना चाहिए।

श्लोक 48 (padma.6.224.48)

बाहुमूले लिखेच्चक्रं तप्तं तु ब्राह्मणस्य वै । तप्तेनैवांकनं कुर्याद्ब्राह्मणस्य विधानतः ।

bāhumūle likheccakraṁ taptaṁ tu brāhmaṇasya vai taptenaivāṁkanaṁ kuryādbrāhmaṇasya vidhānataḥ

उनके भुजामूल में चक्र चंदन से अंकित करना चाहिए, किंतु ब्राह्मण के लिए यह तप्त ही होना चाहिए। ब्राह्मण को तप्त चिह्न से ही विधिपूर्वक अंकित करना चाहिए,

श्लोक 49 (padma.6.224.49)

श्रौतस्मार्त्तादिसिद्ध्यर्थं मंत्रसिद्ध्यै तथैव च । हरेः पूजाधिकारार्थं चक्रं धार्यां विधानतः ।

śrautasmārttādisiddhyarthaṁ maṁtrasiddhyai tathaiva ca hareḥ pūjādhikārārthaṁ cakraṁ dhāryāṁ vidhānataḥ

श्रौत-स्मार्त कर्मों की सिद्धि हेतु तथा मंत्रसिद्धि हेतु भी। हरि की पूजा के अधिकार हेतु चक्र विधिपूर्वक धारण करना चाहिए —

श्लोक 50 (padma.6.224.50)

वैष्णवत्वस्य सिद्ध्यर्थं ज्ञानसिद्ध्यर्थमेव च । प्रतपेच्चक्रशंङ्खाभ्यां हुत्वा होमं विधानतः ।

vaiṣṇavatvasya siddhyarthaṁ jṁānasiddhyarthameva ca pratapeccakraśaṁṁkhābhyāṁ hutvā homaṁ vidhānataḥ

वैष्णवत्व की सिद्धि हेतु तथा ज्ञानसिद्धि हेतु भी। विधिपूर्वक होम करके चक्र और शंख को तपाना चाहिए,

श्लोक 51 (padma.6.224.51)

अन्यैर्न दाहयेद्गात्रं ब्राह्मणो हरिलांछनात् । शंखचक्रगदाखड्गशार्ङ्गादन्यैर्हरेरपि ।

aṁyairna dāhayedgātraṁ brāhmaṇo harilāṁchanāt śaṁkhacakragadākhaḍgaśārṁgādaṁyairharerapi

और ब्राह्मण को हरि के चिह्न के अतिरिक्त किसी अन्य चिह्न से शरीर नहीं दगवाना चाहिए। हरि के शंख, चक्र, गदा, खड्ग और शार्ङ्ग के अतिरिक्त —

श्लोक 52 (padma.6.224.52)

लक्षणेन दहेद्देहं नान्यदग्धोर्हतिक्रियाम् । अचक्रधारिणं विप्रं दूरतः परिवर्जयेत् ।

lakṣaṇena daheddehaṁ nāṁyadagdhorhatikriyām acakradhāriṇaṁ vipraṁ dūrataḥ parivarjayet

— किसी अन्य चिह्न से शरीर न दगवाए; अन्य चिह्न से दगा हुआ व्यक्ति क्रियाओं के योग्य नहीं होता। चक्रधारी न बनने वाले ब्राह्मण को दूर से ही त्याग देना चाहिए,

श्लोक 53 (padma.6.224.53)

श्वपाकमिव नेक्षेत लोके विप्रमवैष्णवम् । वैष्णवो वर्णबाह्योऽपि पुनाति भुवनत्रयम् ।

śvapākamiva nekṣeta loke vipramavaiṣṇavam vaiṣṇavo varṇabāhyo'pi punāti bhuvanatrayam

लोक में अवैष्णव ब्राह्मण को श्वपाक (चांडाल) के समान न देखे। वैष्णव, वर्ण से बाह्य होने पर भी, त्रिभुवन को पवित्र करता है।

श्लोक 54 (padma.6.224.54)

तस्मात्तु विधिना चक्रं धार्यं विप्रैः शुभानने । ब्राह्मणा मंत्रसिद्ध्यै च ज्ञानसिद्ध्यै च मुक्तये ।

tasmāttu vidhinā cakraṁ dhāryaṁ vipraiḥ śubhānane brāhmaṇā maṁtrasiddhyai ca jṁānasiddhyai ca muktaye

इसलिए, हे शुभानने, ब्राह्मणों को विधिपूर्वक चक्र धारण करना चाहिए। ब्राह्मण मंत्रसिद्धि, ज्ञानसिद्धि और मुक्ति के लिए ऐसा करते हैं।

श्लोक 55 (padma.6.224.55)

अप्राकृतामहात्मानो विष्णुचक्रेण लांच्छिताः । विष्णुचक्रविहीनास्तु ब्राह्मणाः प्राकृताः स्मृताः ।

aprākṛtāmahātmāno viṣṇucakreṇa lāṁcchitāḥ viṣṇucakravihīnāstu brāhmaṇāḥ prākṛtāḥ smṛtāḥ

विष्णुचक्र से चिह्नित महात्मा अप्राकृत होते हैं; विष्णुचक्र-रहित ब्राह्मण साधारण (प्राकृत) कहे गए हैं।

श्लोक 56 (padma.6.224.56)

सर्वाश्रमेषु वसतां ब्राह्मणानां विशेषतः । विधिना वैष्णवं चक्रं धार्यं हि श्रुतिनोदनात् ।

sarvāśrameṣu vasatāṁ brāhmaṇānāṁ viśeṣataḥ vidhinā vaiṣṇavaṁ cakraṁ dhāryaṁ hi śrutinodanāt

सभी आश्रमों में रहने वाले ब्राह्मणों को, विशेषतः, श्रुति के आदेश से वैष्णव चक्र विधिपूर्वक धारण करना चाहिए।

श्लोक 57 (padma.6.224.57)

दक्षिणे तु भुजे विप्रो बिभृयाद्वै सुदर्शनम् । वामे तु शंखं बिभृयादिति ब्रह्मविदो विदुः ।

dakṣiṇe tu bhuje vipro bibhṛyādvai sudarśanam vāme tu śaṁkhaṁ bibhṛyāditi brahmavido viduḥ

ब्राह्मण को दाहिनी भुजा पर सुदर्शन तथा बाईं भुजा पर शंख धारण करना चाहिए — ऐसा ब्रह्मवेत्ता जानते हैं।

श्लोक 58 (padma.6.224.58)

एवम्महोपनिषदि प्रोक्तं चक्रादिधारणम् । तथैव साम्नि यजुषि ऋचि प्रोक्तं शुभानने ।

evaṁmahopaniṣadi proktaṁ cakrādidhāraṇam tathaiva sāṁni yajuṣi ṛci proktaṁ śubhānane

इस प्रकार महोपनिषद् में चक्र आदि धारण का विधान कहा गया है; तथा हे शुभानने, साम, यजुः और ऋक् में भी यही कहा गया है।

श्लोक 59 (padma.6.224.59)

प्र ते विष्णो अब्जचक्रे पवित्रे जन्माम्भोधिं तर्तवे चर्षणीन्द्राः। मूले बाह्वोर्दधतेऽन्ये पुराणा लिङ्गान्येन्ये तावकान्यर्पयन्ति ।

pra te viṣṇo abjacakre pavitre jaṁmāṁbhodhiṁ tartave carṣaṇīṁdrāḥ mūle bāhvordadhate'ṁye purāṇā liṁgāṁyeṁye tāvakāṁyarpayaṁti

[वैदिक मंत्र] हे विष्णु, आपका कमल-चिह्नित पवित्र चक्र — जन्मसागर से पार होने हेतु मनुष्यों के अधिपति इसे धारण करते हैं; कुछ प्राचीन जन इसे भुजामूल में धारण करते हैं, अन्य आपके चिह्नों को अर्पित करते हैं।

श्लोक 60 (padma.6.224.60)

चरणं पवित्रं विततं पुराणं वाङ्मयं शुभम् । तेन चक्रेण सन्तप्तास्तरेयुः पातकाम्बुधिम् ।

caraṇaṁ pavitraṁ vitataṁ purāṇaṁ vāṁmayaṁ śubham tena cakreṇa saṁtaptāstareyuḥ pātakāṁbudhim

वह शरण, पवित्र, विस्तृत, प्राचीन, पावन वाङ्मय — उस चक्र से तप्त होकर मनुष्य पाप-सागर को पार करते हैं।

श्लोक 61 (padma.6.224.61)

पवित्रं ब्राह्मणस्पत्यं जगद्व्याप्तं हरेस्सदा । ते नातप्ततनूर्येषां न ते यान्ति परं पदम् ।

pavitraṁ brāhmaṇaspatyaṁ jagadvyāptaṁ haressadā te nātaptatanūryeṣāṁ na te yāṁti paraṁ padam

ब्रह्मणस्पति का वह पवित्र, सदा जगत्व्यापी, हरि का ही चिह्न है। जिनके शरीर इससे तप्त नहीं हुए, वे परम पद को नहीं प्राप्त होते।

श्लोक 62 (padma.6.224.62)

तेन तप्ता तनूर्येषां ते प्रयांति परं परदम् । पवित्रचरणं नेमिर्हरेश्चक्रं सुदर्शनम् ।

tena taptā tanūryeṣāṁ te prayāṁti paraṁ paradam pavitracaraṇaṁ nemirhareścakraṁ sudarśanam

किंतु जिनके शरीर इससे तप्त हुए हैं, वे परम उत्तम पद को प्राप्त होते हैं। उसकी पवित्र चरण-नेमि ही हरि का चक्र, सुदर्शन है —

श्लोक 63 (padma.6.224.63)

सहस्रारं प्राकृतघ्नं लोकद्वारं महौजसम् । नामानि विष्णुचक्रस्य पर्यायेण निबोध मे ।

sahasrāraṁ prākṛtaghnaṁ lokadvāraṁ mahaujasam nāmāni viṣṇucakrasya paryāyeṇa nibodha me

सहस्रार, प्राकृतघ्न, लोकद्वार, महौज — विष्णुचक्र के नाम मुझसे क्रमशः जानो:

श्लोक 64 (padma.6.224.64)

शुद्धेन वह्नितप्तेन ब्रह्मत्वेन पुनीहि नः । यत्ते पवित्रमर्चिवदग्ने तेन पुनीहि नः ।

śuddhena vahnitaptena brahmatvena punīhi naḥ yatte pavitramarcivadagne tena punīhi naḥ

'शुद्ध, अग्नितप्त उस ब्रह्मत्व से हमें पवित्र करो; हे अग्नि, आपका जो पवित्र, ज्वालावत् है, उससे हमें पवित्र करो।'

श्लोक 65 (padma.6.224.65)

येन देवाः पवित्रेण आत्मानं पुनते सदा । तेन सहस्रधारेण पावमान्यः पुनंतु माम् ।

yena devāḥ pavitreṇa ātmānaṁ punate sadā tena sahasradhāreṇa pāvamāṁyaḥ punaṁtu mām

'जिस पवित्र से देवगण सदा स्वयं को पवित्र करते हैं, उस सहस्रधारा से — पावमानी मुझे पवित्र करें।'

श्लोक 66 (padma.6.224.66)

प्रजापत्यं पवित्रं तु शतोद्यामं हिरण्मयम् । वयं ब्रह्मविदस्तेन पूतं ब्रह्म पुनीमहे ।

prajāpatyaṁ pavitraṁ tu śatodyāmaṁ hiraṁmayam vayaṁ brahmavidastena pūtaṁ brahma punīmahe

'प्रजापति का वह शतधार, स्वर्णमय पवित्र — उससे हम ब्रह्मवेत्ता पवित्र ब्रह्म को शुद्ध करते हैं।'

श्लोक 67 (padma.6.224.67)

सनेमिचक्रमजरं चक्षुरस्य महात्मनः । अस्मिन्हि विधृते देवा महोन्नतपद ययौ ।

sanemicakramajaraṁ cakṣurasya mahātmanaḥ asmiṁhi vidhṛte devā mahoṁnatapada yayau

नेमि सहित वह अजर चक्र उस महात्मा का नेत्र है। इसे विधिपूर्वक धारण करने पर देवता महान उन्नत पद को प्राप्त होते हैं।

श्लोक 68 (padma.6.224.68)

तस्माद्वै विधिवद्धार्याः शंखचक्रादिहेतयः । ब्राह्मणानां विशेषेण वैष्णवानां विशेषतः ।

tasmādvai vidhivaddhāryāḥ śaṁkhacakrādihetayaḥ brāhmaṇānāṁ viśeṣeṇa vaiṣṇavānāṁ viśeṣataḥ

इसलिए शंख-चक्र आदि आयुध विधिपूर्वक धारण करने चाहिए, विशेषतः ब्राह्मणों को, और विशेष रूप से वैष्णवों को।

श्लोक 69 (padma.6.224.69)

धृतोर्द्ध्वपुंड्रः कृतचक्रधारी विष्णोः पदं ध्यायति यो महात्मा । स्वरेणमंत्रेण सदा हृदिस्थं परात्परं याति विशुद्धचेताः ।

dhṛtorddhvapuṁḍraḥ kṛtacakradhārī viṣṇoḥ padaṁ dhyāyati yo mahātmā svareṇamaṁtreṇa sadā hṛdisthaṁ parātparaṁ yāti viśuddhacetāḥ

जो महात्मा ऊर्ध्वपुण्ड्र और चक्र धारण किए हुए विष्णु के पद का ध्यान करता है, हृदय में सदा स्थित प्रणव-मंत्र से — वह विशुद्धचित्त परात्पर को प्राप्त होता है।

श्लोक 70 (padma.6.224.70)

ये कंठलग्नतुलसी नलिनाक्षमाला ये बाहुमूलपरिचिह्नितशंखचक्राः । ये वा ललाटफलके लसदूर्ध्वपुंड्रास्ते वैष्णवा भुवनमाशु पवित्रयंति ।

ye kaṁṭhalagnatulasī nalinākṣamālā ye bāhumūlaparicihnitaśaṁkhacakrāḥ ye vā lalāṭaphalake lasadūrdhvapuṁḍrāste vaiṣṇavā bhuvanamāśu pavitrayaṁti

जो कंठ में तुलसी और कमलाक्ष माला धारण करते हैं, जिनकी भुजाएँ शंख-चक्र से चिह्नित हैं, अथवा जिनके ललाट पर ऊर्ध्वपुण्ड्र सुशोभित है — वे वैष्णव शीघ्र ही संसार को पवित्र करते हैं।

श्लोक 71 (padma.6.224.71)

दिवस्पतेः सुविततं पवित्रं ये तु रक्षिणः । न वहंति भुजे सम्यक्न हि शोचंति जन्तवः ।

divaspateḥ suvitataṁ pavitraṁ ye tu rakṣiṇaḥ na vahaṁti bhuje saṁyakna hi śocaṁti jaṁtavaḥ

जो दिवस्पति के उस विस्तृत पवित्र चिह्न के रक्षक होते हुए भी उसे भुजा पर भलीभाँति धारण नहीं करते — ऐसे प्राणी शोक करते हैं।

श्लोक 72 (padma.6.224.72)

ये वहंति भुजे चक्रं सस्थिरं विधिना द्रुतम् । परं व्योम्नि तु ते स्थानमधितिष्ठन्ति तेजसा ।

ye vahaṁti bhuje cakraṁ sasthiraṁ vidhinā drutam paraṁ vyoṁni tu te sthānamadhitiṣṭhaṁti tejasā

जो भुजा पर स्थिर रूप से विधिपूर्वक तप्त चक्र धारण करते हैं, वे उस तेज से परम आकाश में स्थान प्राप्त करते हैं।

श्लोक 73 (padma.6.224.73)

होमाग्निसंतप्तपवित्रलांछिता मूले तु बाह्वोः परमात्मनो हरेः । संतारयित्वा भवसागरं महच्छुद्धं परं याति परेशलोकम् ।

homāgnisaṁtaptapavitralāṁchitā mūle tu bāhvoḥ paramātmano hareḥ saṁtārayitvā bhavasāgaraṁ mahacchuddhaṁ paraṁ yāti pareśalokam

होमाग्नि में तपाए पवित्र चिह्न से परमात्मा हरि की भुजामूल में अंकित लोग — महान भवसागर को पार करके परमेश के शुद्ध, परम लोक को प्राप्त होते हैं।

श्लोक 74 (padma.6.224.74)

अङ्कयेत्तप्तचक्राद्यैरात्मनो बाहुमूलयोः । कलत्रापत्यभृत्येषु पश्वादिषु च अङ्कयेत् ।

aṁkayettaptacakrādyairātmano bāhumūlayoḥ kalatrāpatyabhṛtyeṣu paśvādiṣu ca aṁkayet

तप्त चक्र आदि से अपनी भुजाओं के मूल में अंकित होना चाहिए; तथा पत्नी, संतान, सेवक और पशु आदि को भी अंकित करना चाहिए।

श्लोक 75 (padma.6.224.75)

इत्येवं श्रुतयस्सर्वाः कथयंति वरानने । तथैव सेतिहासेषु पुराणेष्वपि कथ्यते ।

ityevaṁ śrutayassarvāḥ kathayaṁti varānane tathaiva setihāseṣu purāṇeṣvapi kathyate

इस प्रकार सभी श्रुतियाँ कहती हैं, हे वरानने; तथा इतिहास और पुराणों में भी यही कहा गया है।

श्लोक 76 (padma.6.224.76)

द्विविधं वैष्णवं प्रौक्तं बाह्यमाभ्यंतरं तथा । शंखचक्रादिभिर्बाह्यमांतरं वीतरागता ।

dvividhaṁ vaiṣṇavaṁ prauktaṁ bāhyamābhyaṁtaraṁ tathā śaṁkhacakrādibhirbāhyamāṁtaraṁ vītarāgatā

वैष्णव धर्म दो प्रकार का कहा गया है — बाह्य और आभ्यंतर। बाह्य शंख-चक्र आदि से है, आभ्यंतर वीतरागता से है।

श्लोक 77 (padma.6.224.77)

बाह्याभ्यंतरसाम्यं यत्तद्वैष्णवमुदाहृतम् । तस्माच्चक्रादिचिह्नं तु प्रथमं वैष्णवं स्मृतम् ।

bāhyābhyaṁtarasāṁyaṁ yattadvaiṣṇavamudāhṛtam tasmāccakrādicihnaṁ tu prathamaṁ vaiṣṇavaṁ smṛtam

जिसमें बाह्य और आभ्यंतर की समता हो, वही वैष्णवत्व कहा गया है। इसलिए चक्र आदि बाह्य चिह्न प्रथम वैष्णवत्व माना गया है।

श्लोक 78 (padma.6.224.78)

आंतरं स्मरदोषादि विमुक्तं स्वात्मदर्शनम् । सर्वभूतदयाशांतिरिंद्रियार्थेष्वलोलता ।

āṁtaraṁ smaradoṣādi vimuktaṁ svātmadarśanam sarvabhūtadayāśāṁtiriṁdriyārtheṣvalolatā

आभ्यंतर वैष्णवत्व है — काम आदि दोषों से मुक्ति, अपने स्वरूप का दर्शन, सर्वभूतों के प्रति दया, शांति, और इंद्रियविषयों में अलोलुपता;

श्लोक 79 (padma.6.224.79)

पुत्रदाराद्यसंगत्वं योगाभ्यासरतिस्तथा । अनन्यभक्तियोगेन परेशस्याभिषेवणम् ।

putradārādyasaṁgatvaṁ yogābhyāsaratistathā anaṁyabhaktiyogena pareśasyābhiṣevaṇam

पुत्र-पत्नी आदि में अनासक्ति, योगाभ्यास में रति, तथा अनन्य भक्तियोग द्वारा परमेश्वर की आराधना।

श्लोक 80 (padma.6.224.80)

तस्माच्चक्रादिहेतीनामंकनं वैष्णवं स्मृतम् । चक्रादिचिह्नहीनत्वाद्वैष्णवत्वं न लभ्यते ।

tasmāccakrādihetīnāmaṁkanaṁ vaiṣṇavaṁ smṛtam cakrādicihnahīnatvādvaiṣṇavatvaṁ na labhyate

इसलिए चक्र आदि आयुधों से अंकित होना वैष्णवत्व माना गया है; चक्र आदि चिह्न के बिना वैष्णवत्व प्राप्त नहीं होता।