मत्स्यावतार वर्णन

श्लोक 1 (padma.6.230.1)

पार्वत्युवाच- भगवन्यत्रदेवेशो राक्षसान्मधुसूदनः । जघान केन रूपेण यथावद्वक्तुमर्हसि ।

pārvatyuvāca bhagavaṁyatradeveśo rākṣasāṁmadhusūdanaḥ jaghāna kena rūpeṇa yathāvadvaktumarhasi

पार्वती ने कहा — हे भगवन्! जहाँ देवेश मधुसूदन ने राक्षसों का वध किया, किस रूप से किया, यह यथावत् बताइए।

श्लोक 2 (padma.6.230.2)

वैभवं च स्थवीयस्य मत्स्यकूर्म्मादिरूपकम् । विस्तरेण समाख्याहि मम प्रीत्या महेश्वर ।

vaibhavaṁ ca sthavīyasya matsyakūrṁmādirūpakam vistareṇa samākhyāhi mama prītyā maheśvara

और मत्स्य-कूर्म आदि रूपों की महिमा, हे महेश्वर, मेरे प्रति प्रेम से विस्तारपूर्वक बताइए।

श्लोक 3 (padma.6.230.3)

महादेव उवाच- शृणु देवि प्रवक्ष्यामि वैभवं स्वस्थमानसा । मत्स्यकूर्म्मादि यद्रूपमवतारात्मकं हरेः ।

mahādeva uvāca śṛṇu devi pravakṣyāmi vaibhavaṁ svasthamānasā matsyakūrṁmādi yadrūpamavatārātmakaṁ hareḥ

महादेव ने कहा — हे देवी, स्वस्थचित्त होकर सुनिए, मैं हरि के मत्स्य-कूर्म आदि अवतार-रूपों की महिमा बताता हूँ।

श्लोक 4 (padma.6.230.4)

दीपादुत्पाद्यते दीपो यथावत्तद्भविष्यति । परावस्थापरेशस्य सव्यूहा विभवादयः ।

dīpādutpādyate dīpo yathāvattadbhaviṣyati parāvasthāpareśasya savyūhā vibhavādayaḥ

जैसे दीप से दीप उत्पन्न होता है, वैसे ही यथावत् होगा। परमेश्वर की परावस्था, व्यूह-सहित विभव आदि—

श्लोक 5 (padma.6.230.5)

उक्ता देवावतारास्तु विविधाकारकाः शुभाः । अर्च्चावतारा देवस्य वैभवाः परमात्मनः ।

uktā devāvatārāstu vividhākārakāḥ śubhāḥ arccāvatārā devasya vaibhavāḥ paramātmanaḥ

— ये देव के विविधाकार शुभ अवतार कहे गए। परमात्मा के विभव, अर्चावतार भी हैं।

श्लोक 6 (padma.6.230.6)

प्राजापत्येन वै ब्रह्मा स सम्राट्परमोत्सवः । भृगुं मरीचिमत्रिं च दक्षं कर्द्दममेव च ।

prājāpatyena vai brahmā sa saṁrāṭparamotsavaḥ bhṛguṁ marīcimatriṁ ca dakṣaṁ karddamameva ca

प्राजापत्य विधि से ब्रह्मा, वह परम उत्सवमय सम्राट्, भृगु, मरीचि, अत्रि, दक्ष, कर्दम,

श्लोक 7 (padma.6.230.7)

पुलस्त्यं पुलहं चैव गिरिशं च तथा क्रतुम् । नवप्रजानां पतय इमे प्रोक्ता यथाक्रमम् ।

pulastyaṁ pulahaṁ caiva giriśaṁ ca tathā kratum navaprajānāṁ pataya ime proktā yathākramam

पुलस्त्य, पुलह, गिरिश, तथा क्रतु — ये नौ प्रजापति क्रमशः कहे गए हैं।

श्लोक 8 (padma.6.230.8)

मरीचिर्भगवांस्तत्र जनयामास कश्यपम् । कश्यपस्याभवञ्जायाश्चतस्रः शुभदर्शने ।

marīcirbhagavāṁstatra janayāmāsa kaśyapam kaśyapasyābhavaṁjāyāścatasraḥ śubhadarśane

वहाँ भगवान मरीचि ने कश्यप को उत्पन्न किया। कश्यप की चार पत्नियाँ हुईं, हे शुभदर्शने —

श्लोक 9 (padma.6.230.9)

अदितिश्च दितिश्चैव कद्रुश्च विनता तथा । अदितिर्जनयामास देवांस्तु शुभदर्शनान् ।

aditiśca ditiścaiva kadruśca vinatā tathā aditirjanayāmāsa devāṁstu śubhadarśanān

अदिति, दिति, कद्रू, और विनता। अदिति ने शुभदर्शन देवताओं को जन्म दिया;

श्लोक 10 (padma.6.230.10)

दितिश्च राक्षसान्पुत्रांस्तामसान्सुमहासुरान् । शंबूकस्तु हयग्रीवो हिरण्याक्षो महाबलः ।

ditiśca rākṣasāṁputrāṁstāmasāṁsumahāsurān śaṁbūkastu hayagrīvo hiraṁyākṣo mahābalaḥ

और दिति ने तामस, महान असुर पुत्रों को जन्म दिया। शंबूक, हयग्रीव, महाबली हिरण्याक्ष,

श्लोक 11 (padma.6.230.11)

हिरण्यकशिपुर्जंभो मयाद्याः सुमहातपाः । मकरस्तु महावीर्यो ब्रह्मलोकमुपागतः ।

hiraṁyakaśipurjaṁbho mayādyāḥ sumahātapāḥ makarastu mahāvīryo brahmalokamupāgataḥ

हिरण्यकशिपु, जंभ, मय आदि महातपस्वी। उनमें महावीर्यशाली मकर ब्रह्मलोक पहुँचा,

श्लोक 12 (padma.6.230.12)

ब्रह्माणं मोहयित्वाऽसौ वेदाञ्जग्राह वीर्यवान् । ग्रसित्वा च श्रुतिं सोऽथ प्रविवेश महार्णवम् ।

brahmāṇaṁ mohayitvā'sau vedāṁjagrāha vīryavān grasitvā ca śrutiṁ so'tha praviveśa mahārṇavam

और ब्रह्मा को मोहित करके उस वीर्यवान ने वेदों को हर लिया। श्रुति को निगलकर वह फिर महासागर में प्रविष्ट हो गया।

श्लोक 13 (padma.6.230.13)

ततः सर्वं जगच्छून्यमभवद्धर्मसंकरः । नाधीतं न वषट्कारं वर्णाश्रमविवर्जितम् ।

tataḥ sarvaṁ jagacchūṁyamabhavaddharmasaṁkaraḥ nādhītaṁ na vaṣaṭkāraṁ varṇāśramavivarjitam

तब सम्पूर्ण जगत् शून्य हो गया, धर्म संकीर्ण हो गया; न अध्ययन रहा, न वषट्कार, वर्णाश्रम से रहित।

श्लोक 14 (padma.6.230.14)

ततः प्रजापतिर्देवः सर्वदेवगणैर्वृतः । गत्वा दुग्धांबुधिं देवं तुष्टाव शरणं गतः ।

tataḥ prajāpatirdevaḥ sarvadevagaṇairvṛtaḥ gatvā dugdhāṁbudhiṁ devaṁ tuṣṭāva śaraṇaṁ gataḥ

तब देव प्रजापति, सभी देवगणों से घिरे, क्षीरसागर में जाकर शरणागत होकर भगवान की स्तुति करने लगे।

श्लोक 15 (padma.6.230.15)

ब्रह्मोवाच- प्रसीद देव मे नाथ नागपर्यंकसंस्थित । सर्वेश सर्वदेवात्मन्सर्ववेदमयाच्युत ।

brahmovāca prasīda deva me nātha nāgaparyaṁkasaṁsthita sarveśa sarvadevātmaṁsarvavedamayācyuta

ब्रह्मा ने कहा — हे नाथ, नागपर्यंक पर विराजमान देव, मुझ पर प्रसन्न हों; हे सर्वेश, सर्वदेवात्मन्, सर्ववेदमय अच्युत —

श्लोक 16 (padma.6.230.16)

आद्यं जगद्भुवो बीजं मध्ये त्वं सर्वतोऽधिकः । अंते च पशुनाथस्त्वं स्वेच्छया तस्तमेव च ।

ādyaṁ jagadbhuvo bījaṁ madhye tvaṁ sarvato'dhikaḥ aṁte ca paśunāthastvaṁ svecchayā tastameva ca

आप जगत् के आद्य बीज हैं; मध्य में आप सबसे अधिक हैं; और अंत में आप पशुपति हैं — स्वेच्छा से सब कुछ स्थापित करते हैं।

श्लोक 17 (padma.6.230.17)

त्वमेव धत्से चिद्रूपं जगत्सर्वं सनातनम् । त्वमव्यक्तो हि भूतादिः प्रधानपुरुषोऽव्ययः ।

tvameva dhatse cidrūpaṁ jagatsarvaṁ sanātanam tvamavyakto hi bhūtādiḥ pradhānapuruṣo'vyayaḥ

आप ही चिद्रूप, सम्पूर्ण सनातन जगत् धारण करते हैं। आप अव्यक्त, भूतादि, प्रधान-पुरुष, अव्यय हैं।

श्लोक 18 (padma.6.230.18)

त्वमादिमध्यांतवपुर्जगतः परमेश्वरः । त्वमेव सर्वलोकानामाश्रयः पुरुषोत्तमः ।

tvamādimadhyāṁtavapurjagataḥ parameśvaraḥ tvameva sarvalokānāmāśrayaḥ puruṣottamaḥ

आप जगत् के आदि-मध्य-अंत के शरीर, परमेश्वर हैं। आप ही समस्त लोकों के आश्रय, पुरुषोत्तम हैं।

श्लोक 19 (padma.6.230.19)

भूतादिस्त्वं महद्भूतं भूतसंघस्य कारणम् । त्वमेव कारणमाश्रित्य रमते धाम आत्मवान् ।

bhūtādistvaṁ mahadbhūtaṁ bhūtasaṁghasya kāraṇam tvameva kāraṇamāśritya ramate dhāma ātmavān

आप भूतादि हैं, महाभूत हैं, भूतसमूह के कारण हैं। उसी कारण का आश्रय लेकर आत्मवान अपने धाम में रमण करता है।

श्लोक 20 (padma.6.230.20)

त्वमादिभूतश्चांतस्त्वं त्वं वायुः सर्व्वगो महान् । त्वमादिस्त्वमनादिश्च त्वमग्निस्तेजसां निधिः ।

tvamādibhūtaścāṁtastvaṁ tvaṁ vāyuḥ sarvvago mahān tvamādistvamanādiśca tvamagnistejasāṁ nidhiḥ

आप आदिभूत और अंत भी हैं; आप महान सर्वगामी वायु हैं। आप आदि हैं, आप अनादि भी हैं; आप तेज के निधि अग्नि हैं।

श्लोक 21 (padma.6.230.21)

त्वमापः सर्व्वजगतां जीवनं परमेश्वरः । त्वं भूमिर्जगदाधारो भूधरस्त्वं महामते ।

tvamāpaḥ sarvvajagatāṁ jīvanaṁ parameśvaraḥ tvaṁ bhūmirjagadādhāro bhūdharastvaṁ mahāmate

आप जल हैं, समस्त लोकों के जीवन, परमेश्वर हैं। आप पृथ्वी, जगत् के आधार, पर्वतों को धारण करने वाले हैं, हे महामते।

श्लोक 22 (padma.6.230.22)

सरितं सागरस्त्वं वै सर्व्वस्यादिस्त्वमेव च । देवर्षिः सर्वभूतानि त्वमेव पुरुषोत्तम ।

saritaṁ sāgarastvaṁ vai sarvvasyādistvameva ca devarṣiḥ sarvabhūtāni tvameva puruṣottama

आप नदियाँ हैं, आप ही सागर हैं, और आप ही सबके आदि हैं। हे पुरुषोत्तम, आप ही देवर्षि और सभी भूत हैं।

श्लोक 23 (padma.6.230.23)

त्वयैव प्रेरिता लोकाश्चेष्टंते साध्वसाधुषु । दैत्येनोपद्रुता वेदाः प्रविष्टा महदर्णवम् ।

tvayaiva preritā lokāśceṣṭaṁte sādhvasādhuṣu daityenopadrutā vedāḥ praviṣṭā mahadarṇavam

आप ही से प्रेरित होकर प्राणी साधु-असाधु कर्मों में प्रवृत्त होते हैं। उस दैत्य से पीड़ित वेद महासागर में प्रविष्ट हो गए हैं।

श्लोक 24 (padma.6.230.24)

वेदाधारमिदं सर्व्वं जगत्स्थावरजंगमम् । वेदाश्चैव हि सर्व्वेषां धर्माणां परितः स्थितिः ।

vedādhāramidaṁ sarvvaṁ jagatsthāvarajaṁgamam vedāścaiva hi sarvveṣāṁ dharmāṇāṁ paritaḥ sthitiḥ

यह सम्पूर्ण चराचर जगत् वेदों के आधार पर स्थित है। और वेद ही सभी धर्मों की चतुर्दिक स्थिति हैं।

श्लोक 25 (padma.6.230.25)

वेदेषु सर्वदेवानां नित्यतृप्तिर्भविष्यति । तस्माद्वेदान्समानेतुं त्वमेवार्हसि केशव ।

vedeṣu sarvadevānāṁ nityatṛptirbhaviṣyati tasmādvedāṁsamānetuṁ tvamevārhasi keśava

वेदों से ही सभी देवताओं की नित्य तृप्ति होगी। इसलिए, हे केशव, आप ही वेदों को पुनः लाने के योग्य हैं।

श्लोक 26 (padma.6.230.26)

श्रीमहादेव उवाच- एवमुक्तो हृषीकेशो ब्रह्मणा परमेश्वरः । मत्स्यरूपं समास्थाय प्रविवेश महोदधिम् ।

śrīmahādeva uvāca evamukto hṛṣīkeśo brahmaṇā parameśvaraḥ matsyarūpaṁ samāsthāya praviveśa mahodadhim

श्रीमहादेव ने कहा — ब्रह्मा के ऐसा कहने पर हृषीकेश परमेश्वर ने मत्स्यरूप धारण करके महासागर में प्रवेश किया।

श्लोक 27 (padma.6.230.27)

तं दैत्यं सुमहाघोरं माकरंरूपमास्थितः । तुण्डाग्रेण विदार्याथ जघानामरपूजितं ।

taṁ daityaṁ sumahāghoraṁ mākaraṁrūpamāsthitaḥ tuṁḍāgreṇa vidāryātha jaghānāmarapūjitaṁ

मकर के भयंकर रूप में स्थित होकर उन्होंने अपने थूथन के अग्रभाग से चीरकर, देवताओं द्वारा भी पूजित उस दैत्य का वध किया।

श्लोक 28 (padma.6.230.28)

तं हत्वा सर्ववेदांश्च साङ्गोपाङ्गसमन्वितान् । गृहीत्वा प्रददौ तस्मै ब्रह्मणे स महाद्युतिः ।

taṁ hatvā sarvavedāṁśca sāṁgopāṁgasamaṁvitān gṛhītvā pradadau tasmai brahmaṇe sa mahādyutiḥ

उसका वध करके उस महातेजस्वी ने अंग-उपांग सहित सभी वेदों को लेकर ब्रह्मा को प्रदान किया।

श्लोक 29 (padma.6.230.29)

अन्योन्यमिश्रिता वेदा ग्रसितास्तेन रक्षसा । व्यक्ता भगवता तेन व्यासरूपेण धीमता ।

aṁyoṁyamiśritā vedā grasitāstena rakṣasā vyaktā bhagavatā tena vyāsarūpeṇa dhīmatā

वे वेद, परस्पर मिश्रित होकर, उस राक्षस द्वारा निगले गए थे। उन्हें उस बुद्धिमान भगवान ने व्यासरूप में पृथक् किया।

श्लोक 30 (padma.6.230.30)

पृथग्भूता समं वेदा व्यासेनैव महात्मना । एवं मत्स्यावतारेण रक्षिताः सर्व्वदेवताः ।

pṛthagbhūtā samaṁ vedā vyāsenaiva mahātmanā evaṁ matsyāvatāreṇa rakṣitāḥ sarvvadevatāḥ

महात्मा व्यास ने ही वेदों को समान रूप से पृथक् किया। इस प्रकार मत्स्यावतार द्वारा सभी देवता रक्षित हुए।

श्लोक 31 (padma.6.230.31)

श्रुतिप्रदानेन जगत्त्रयं तदा कृत्वा निरातंकमहो रमाधवः । संस्तूयमानः सुरसिद्धसंघैरंतर्दधे योगिभिरर्च्चितांघ्रिः । वासुदेवो हि भवगान्सर्वदेवमयो हरिः ।

śrutipradānena jagattrayaṁ tadā kṛtvā nirātaṁkamaho ramādhavaḥ saṁstūyamānaḥ surasiddhasaṁghairaṁtardadhe yogibhirarccitāṁghriḥ vāsudevo hi bhavagāṁsarvadevamayo hariḥ

इस प्रकार श्रुति-प्रदान से तीनों लोकों को निर्भय करके, देव-सिद्धगणों द्वारा स्तुत, योगियों द्वारा पूजित चरण वाले रमाधव अंतर्धान हो गए। वासुदेव ही सर्वदेवमय भगवान हरि हैं।