वामनप्रादुर्भाव (द्वितीय)

श्लोक 1 (padma.6.240.1)

श्रीमहादेव उवाच- अथ वर्षसहस्रांते सर्वलोकमहेश्वरम् । अदितिर्जनयामास वामनं विष्णुमच्युतम् ।

śrīmahādeva uvāca atha varṣasahasrāṁte sarvalokamaheśvaram aditirjanayāmāsa vāmanaṁ viṣṇumacyutam

श्री महादेव जी ने कहा — तब हज़ार वर्ष पूरे होने पर अदिति ने सब लोकों के महेश्वर, अच्युत विष्णु को वामन रूप में जन्म दिया।

श्लोक 2 (padma.6.240.2)

श्रीवत्सकौस्तुभोरस्कं पूर्णेंदुसदृशद्युतिम् । सुन्दरं पुंडरीकाक्षमतिखर्वतनुं हरिम् ।

śrīvatsakaustubhoraskaṁ pūrṇeṁdusadṛśadyutim sundaraṁ puṁḍarīkākṣamatikharvatanuṁ harim

श्रीवत्स और कौस्तुभमणि से युक्त वक्षस्थल, पूर्णचंद्र के समान तेजस्वी, सुंदर कमलनयन, अत्यंत छोटे शरीर वाले हरि —

श्लोक 3 (padma.6.240.3)

वटुवेषधरं देवं सर्ववेदांगगोचरम् । मेखलाजिनदण्डादि चिह्नैरंकितमीश्वरम् ।

vaṭuveṣadharaṁ devaṁ sarvavedāṁgagocaram mekhalājinadaṇḍādi cihnairaṁkitamīśvaram

ब्रह्मचारी वटु का वेश धारण किए, सब वेदांगों में निपुण देव, मेखला-मृगचर्म-दंड आदि चिह्नों से युक्त ईश्वर।

श्लोक 4 (padma.6.240.4)

तं दृष्ट्वा देवताः सर्वे शतक्रतुपुरोगमाः । स्तुत्वा महर्षिभिः सार्द्धं नमश्चक्रुर्महौजसम् ।

taṁ dṛṣṭvā devatāḥ sarve śatakratupurogamāḥ stutvā maharṣibhiḥ sārddhaṁ namaścakrurmahaujasam

उन्हें देखकर इंद्र आदि सब देवता, महर्षियों सहित स्तुति करके उस महातेजस्वी को नमस्कार करने लगे।

श्लोक 5 (padma.6.240.5)

ततः प्रसन्नो भगवान्प्रोवाच सुरसत्तमान् । वामन उवाच- किं कर्तव्यं मया चाद्य तद्ब्रवीथ सुरोत्तमाः ।

tataḥ prasanno bhagavānprovāca surasattamān vāmana uvāca kiṁ kartavyaṁ mayā cādya tadbravītha surottamāḥ

तब प्रसन्न भगवान् ने श्रेष्ठ देवताओं से कहा। वामन जी ने कहा — हे देवश्रेष्ठो, आज मुझे क्या करना है, वह कहो।

श्लोक 6 (padma.6.240.6)

श्रीशंकर उवाच-। ततः प्रहृष्टास्त्रिदशास्तमूचुः परमेश्वरम् । देवा ऊचुः । अस्मिन्काले बलेर्यज्ञो वर्त्तते मधुसूदन ।

śrīśaṁkara uvāca tataḥ prahṛṣṭāstridaśāstamūcuḥ parameśvaram devā ūcuḥ asminkāle baleryajño varttate madhusūdana

श्री शंकर जी ने कहा — तब हर्षित देवताओं ने उन परमेश्वर से कहा। देवताओं ने कहा — हे मधुसूदन, इस समय बलि का यज्ञ चल रहा है।

श्लोक 7 (padma.6.240.7)

अप्रत्याख्यानकालोऽयं तस्य दैत्यपतेः प्रभो । याचित्वा त्रिदिवं लोकं तन्नस्त्वं दातुमर्हसि ।

apratyākhyānakālo'yaṁ tasya daityapateḥ prabho yācitvā tridivaṁ lokaṁ tannastvaṁ dātumarhasi

हे प्रभो, यह वह समय है जब वह दैत्यपति किसी की याचना अस्वीकार नहीं करेगा। उससे स्वर्गलोक माँगकर आप हमें दीजिए।

श्लोक 8 (padma.6.240.8)

शंकर उवाच- इत्युक्तास्त्रिदशैस्सर्वैराजगाम बलिं हरिः । यागदेशे समासीनमृषिभिस्सार्द्धमष्टभिः ।

śaṁkara uvāca ityuktāstridaśaissarvairājagāma baliṁ hariḥ yāgadeśe samāsīnamṛṣibhissārddhamaṣṭabhiḥ

शंकर जी ने कहा — सब देवताओं द्वारा ऐसा कहे जाने पर हरि बलि के पास गए, जो आठ ऋषियों के साथ यज्ञस्थल में बैठा था।

श्लोक 9 (padma.6.240.9)

अभ्यागतं तु तं दृष्ट्वा सहसोत्थाय दैत्यराट् । अभ्यागतः स्वयं विष्णुरितिहास समन्वितः ।

abhyāgataṁ tu taṁ dṛṣṭvā sahasotthāya daityarāṭ abhyāgataḥ svayaṁ viṣṇuritihāsa samanvitaḥ

उसे अतिथि रूप में आया देखकर दैत्यराज सहसा उठ खड़ा हुआ — 'स्वयं विष्णु ही अतिथि बनकर आए हैं' — यह सोचकर अत्यंत विस्मित हुआ।

श्लोक 10 (padma.6.240.10)

पूजयामास विधिना निवेश्य कुसुमासने । प्रणिपत्य नमस्कृत्य प्राह गद्गदया गिरा ।

pūjayāmāsa vidhinā niveśya kusumāsane praṇipatya namaskṛtya prāha gadgadayā girā

उसने विधिपूर्वक पूजा करके उन्हें पुष्प-आसन पर बिठाया। प्रणाम और नमस्कार करके गद्गद वाणी में कहा।

श्लोक 11 (padma.6.240.11)

बलिरुवाच- धन्योऽस्मि कृतकृत्योस्मि सफलं मम जीवितम् । त्वामर्च्चयित्वा विप्रेंद्र किं करोमि तव प्रियम् ।

baliruvāca dhanyo'smi kṛtakṛtyosmi saphalaṁ mama jīvitam tvāmarccayitvā vipreṁdra kiṁ karomi tava priyam

बलि ने कहा — मैं धन्य हूँ, कृतकृत्य हूँ, मेरा जीवन सफल हो गया। हे विप्रेंद्र, आपकी पूजा करके मैं आपका क्या प्रिय करूँ?

श्लोक 12 (padma.6.240.12)

आगतोऽसि यदर्थं त्वं मामुद्दिश्य द्विजोत्तमः । तत्प्रयच्छामि ते शीघ्रं ब्रूहि वेदविदां वर ।

āgato'si yadarthaṁ tvaṁ māmuddiśya dvijottamaḥ tatprayacchāmi te śīghraṁ brūhi vedavidāṁ vara

हे द्विजोत्तम, जिस उद्देश्य से आप मेरे पास आए हैं, वह मुझे शीघ्र बताइए — हे वेदज्ञों में श्रेष्ठ, मैं वह तुरंत ही दे दूँगा।

श्लोक 13 (padma.6.240.13)

शंकर उवाच- ततः प्रहृष्टमनसा तमुवाच महीपतिम् । वामन उवाच- शृणु राजेंद्र वक्ष्यामि ममागमनकारणम् ।

śaṁkara uvāca tataḥ prahṛṣṭamanasā tamuvāca mahīpatim vāmana uvāca śṛṇu rājeṁdra vakṣyāmi mamāgamanakāraṇam

शंकर जी ने कहा — तब प्रसन्नचित्त होकर उन्होंने उस राजा से कहा। वामन जी ने कहा — हे राजेंद्र, सुनिए, मैं अपने आने का कारण बताता हूँ।

श्लोक 14 (padma.6.240.14)

अग्निकुण्डस्य पृथिवीं देहि दैत्यपते मम । मम त्रिविक्रमपदां नान्यदिच्छामि मानद ।

agnikuṇḍasya pṛthivīṁ dehi daityapate mama mama trivikramapadāṁ nānyadicchāmi mānada

हे दैत्यपति, मुझे अग्निकुंड जितनी भूमि दीजिए — मुझे केवल अपने तीन पगों जितनी भूमि चाहिए, हे मानद, और कुछ नहीं।

श्लोक 15 (padma.6.240.15)

सर्वेषामेव दानानां भूमिदानमनुत्तमम् । यो ददाति महीं राजा विप्रायाकिंचनाय वै ।

sarveṣāmeva dānānāṁ bhūmidānamanuttamam yo dadāti mahīṁ rājā viprāyākiṁcanāya vai

सब दानों में भूमि-दान सर्वश्रेष्ठ है। जो राजा किसी निर्धन ब्राह्मण को भूमि दान करता है —

श्लोक 16 (padma.6.240.16)

अंगुष्ठमात्रामपि वा स भवेत्पृथिवीपतिः । न भूमिदानसदृशं पवित्रमिह विद्यते ।

aṁguṣṭhamātrāmapi vā sa bhavetpṛthivīpatiḥ na bhūmidānasadṛśaṁ pavitramiha vidyate

अंगुष्ठ मात्र भूमि देकर भी वह पृथ्वी का स्वामी बन जाता है। भूमिदान के समान पवित्र यहाँ और कुछ नहीं है।

श्लोक 17 (padma.6.240.17)

भूमिं यः प्रतिगृह्णाति भूमिं यश्च प्रयच्छति । उभौ तौ पुण्यकर्म्माणौ निधने स्वर्गगामिनौ ।

bhūmiṁ yaḥ pratigṛhṇāti bhūmiṁ yaśca prayacchati ubhau tau puṇyakarmmāṇau nidhane svargagāminau

जो भूमि ग्रहण करता है और जो भूमि देता है, दोनों ही पुण्यकर्मा हैं, और मरणोपरांत दोनों ही स्वर्ग जाते हैं।

श्लोक 18 (padma.6.240.18)

तस्माद्भूमिं महाराज प्रयच्छ त्रिपदीं मम । एतदल्पां महीं दातुं मा विशंक महीपते । जगत्त्रयप्रदानं तन्नाम भूप भविष्यति ।

tasmādbhūmiṁ mahārāja prayaccha tripadīṁ mama etadalpāṁ mahīṁ dātuṁ mā viśaṁka mahīpate jagattrayapradānaṁ tannāma bhūpa bhaviṣyati

इसलिए हे महाराज, मुझे त्रिपदी भूमि दीजिए। हे भूपति, इतनी अल्प भूमि देने में संकोच न कीजिए — हे राजन्, यह त्रिलोक-दान के समान ही होगा।

श्लोक 19 (padma.6.240.19)

शंकर उवाच- ततः प्रहृष्टवदनस्तथेत्याह महीपतिः । तस्मै महीप्रदानं तु कर्तुं मेने विधानतः ।

śaṁkara uvāca tataḥ prahṛṣṭavadanastathetyāha mahīpatiḥ tasmai mahīpradānaṁ tu kartuṁ mene vidhānataḥ

शंकर जी ने कहा — तब प्रसन्नमुख राजा ने 'ऐसा ही हो' कहा, और विधिपूर्वक उसे भूमि-दान करने का निश्चय किया।

श्लोक 20 (padma.6.240.20)

तं दृष्ट्वा दैत्यराजानं तदा तस्य पुरोहितः । उशना ह्यब्रवीद्वाक्यं मा राजन्दीयतां महीम् ।

taṁ dṛṣṭvā daityarājānaṁ tadā tasya purohitaḥ uśanā hyabravīdvākyaṁ mā rājandīyatāṁ mahīm

उस दैत्यराज को यह करते देखकर उसके पुरोहित शुक्राचार्य ने कहा — 'राजन्, यह भूमि मत दो —

श्लोक 21 (padma.6.240.21)

शुक्र उवाच- एष विष्णुः परेशोऽथ देवैः संप्रार्थितो नृप । वंचयित्वा महीं सर्वां त्वत्तः प्राप्तुमिहागतः ।

śukra uvāca eṣa viṣṇuḥ pareśo'tha devaiḥ saṁprārthito nṛpa vaṁcayitvā mahīṁ sarvāṁ tvattaḥ prāptumihāgataḥ

शुक्राचार्य जी ने कहा — हे राजन्, देवताओं द्वारा प्रार्थित यह परेश विष्णु ही है। समस्त पृथ्वी को छल से तुमसे प्राप्त करने के लिए यहाँ आया है।

श्लोक 22 (padma.6.240.22)

तस्मान्मही न दातव्या तस्मै राजन्महात्मने । अन्यमर्थं प्रयच्छस्व वचनान्मम भूपते ।

tasmānmahī na dātavyā tasmai rājanmahātmane anyamarthaṁ prayacchasva vacanānmama bhūpate

इसलिए हे राजन्, उस महात्मा को भूमि नहीं देनी चाहिए। मेरे कहने से हे भूपते, कोई और वस्तु दे दो।

श्लोक 23 (padma.6.240.23)

श्रीशंकर उवाच- ततः प्रहस्य राजासौ तं गुरुं प्राह धैर्य्यतः । बलिरुवाच- प्रीतये वासुदेवस्य सर्वं पुण्यं कृतं मया ।

śrīśaṁkara uvāca tataḥ prahasya rājāsau taṁ guruṁ prāha dhairyyataḥ baliruvāca prītaye vāsudevasya sarvaṁ puṇyaṁ kṛtaṁ mayā

श्री शंकर जी ने कहा — तब वह राजा मुस्कराकर धैर्यपूर्वक अपने गुरु से बोला। बलि ने कहा — मैंने जो भी पुण्य किया है, वह सब वासुदेव की प्रसन्नता के लिए ही किया है।

श्लोक 24 (padma.6.240.24)

अद्य धन्योस्म्यहं विष्णुः स्वयमेवागतो यदि । तस्य प्रदेयमेवाद्य जीवितं च महत्सुखम् ।

adya dhanyosmyahaṁ viṣṇuḥ svayamevāgato yadi tasya pradeyamevādya jīvitaṁ ca mahatsukham

यदि आज स्वयं विष्णु ही आए हैं, तो मैं धन्य हूँ। उन्हें तो आज अपना जीवन और परम सुख भी दे देना चाहिए।

श्लोक 25 (padma.6.240.25)

तस्मादस्मै प्रयच्छामि त्रिलोकीमपि मा चिरम् । श्रीशंकर उवाच- इत्युक्त्वा भूपतिस्तस्य पादौ प्रक्षाल्य भक्तितः ।

tasmādasmai prayacchāmi trilokīmapi mā ciram śrīśaṁkara uvāca ityuktvā bhūpatistasya pādau prakṣālya bhaktitaḥ

इसलिए मैं उन्हें बिना विलंब त्रिलोकी तक दे दूँगा। श्री शंकर जी ने कहा — ऐसा कहकर राजा ने भक्तिपूर्वक उनके पैर धोए,

श्लोक 26 (padma.6.240.26)

वांच्छितां प्रददौ भूमिं वारिपूर्वं विधानतः । परिणीय नमस्कृत्य दत्वा वै दक्षिणां वसु ।

vāṁcchitāṁ pradadau bhūmiṁ vāripūrvaṁ vidhānataḥ pariṇīya namaskṛtya datvā vai dakṣiṇāṁ vasu

और विधिपूर्वक जल छोड़कर इच्छित भूमि दे दी। परिक्रमा और नमस्कार करके, दक्षिणा-धन देकर —

श्लोक 27 (padma.6.240.27)

प्रोवाच तं पुनर्विप्रं प्रहृष्टेनांतरात्मना । बलिरुवाच- धन्योस्मि कृतकृत्योस्मि तव दत्वा महीं द्विज ।

provāca taṁ punarvipraṁ prahṛṣṭenāṁtarātmanā baliruvāca dhanyosmi kṛtakṛtyosmi tava datvā mahīṁ dvija

प्रसन्नचित्त होकर उस ब्राह्मण से पुनः कहा। बलि ने कहा — हे द्विज, तुम्हें यह भूमि देकर मैं धन्य हूँ, कृतकृत्य हूँ।

श्लोक 28 (padma.6.240.28)

यथेष्टा तव विप्रेंद्र तद्गृहाण महीमिमाम् । श्रीशंकर उवाच- तमुवाच नृपं विष्णू राजंस्तव समीपतः ।

yatheṣṭā tava vipreṁdra tadgṛhāṇa mahīmimām śrīśaṁkara uvāca tamuvāca nṛpaṁ viṣṇū rājaṁstava samīpataḥ

हे विप्रेंद्र, जितनी चाहो उतनी यह भूमि ले लो। श्री शंकर जी ने कहा — तब विष्णु ने उस राजा से कहा — हे राजन्, तुम्हारे सामने ही —

श्लोक 29 (padma.6.240.29)

मापयामि पदेनाद्य पृथिवीं तव पश्यतः । इत्युक्त्वा खर्वरूपं तद्विहाय परमेश्वरः ।

māpayāmi padenādya pṛthivīṁ tava paśyataḥ ityuktvā kharvarūpaṁ tadvihāya parameśvaraḥ

आज मैं अपने पग से यह भूमि नाप दूँगा। ऐसा कहकर उन परमेश्वर ने अपना वह वामन-रूप त्याग दिया,

श्लोक 30 (padma.6.240.30)

त्रिविक्रमवपुर्भूत्वा जग्राह पृथिवीमिमाम् । पंचाशत्कोटिविस्तीर्ण ससमुद्र महीधराम् ।

trivikramavapurbhūtvā jagrāha pṛthivīmimām paṁcāśatkoṭivistīrṇa sasamudra mahīdharām

और त्रिविक्रम-रूप धारण करके इस पृथ्वी को — जो पचास करोड़ योजन विस्तृत, समुद्र-पर्वतों सहित है —

श्लोक 31 (padma.6.240.31)

ससागरां च सद्वीपां सदेवासुरमानुषाम् । पादेनैकेन वपुषो व्यक्रांत मधुसूदनः ।

sasāgarāṁ ca sadvīpāṁ sadevāsuramānuṣām pādenaikena vapuṣo vyakrāṁta madhusūdanaḥ

सागरों, द्वीपों, देव-असुर-मनुष्यों सहित — मधुसूदन ने अपने विशाल शरीर के एक ही पग से नाप लिया।

श्लोक 32 (padma.6.240.32)

उवाच दैत्यराजेंद्र किं करोमीति शाश्वतः । तद्वै त्रिविक्रमं रूपमीश्वरस्य महौजसम् ।

uvāca daityarājeṁdra kiṁ karomīti śāśvataḥ tadvai trivikramaṁ rūpamīśvarasya mahaujasam

उन शाश्वत प्रभु ने कहा — 'हे दैत्यराजेंद्र, अब और क्या करूँ?' ईश्वर का वह अत्यंत महातेजस्वी त्रिविक्रम-रूप —

श्लोक 33 (padma.6.240.33)

हितार्थमपि देवानामृषीणां च महात्मनाम् । न दृष्टमपि शक्यं स्याद्ब्रह्मणः शंकरस्य च ।

hitārthamapi devānāmṛṣīṇāṁ ca mahātmanām na dṛṣṭamapi śakyaṁ syādbrahmaṇaḥ śaṁkarasya ca

देवताओं और महात्मा ऋषियों के हित के लिए होते हुए भी, ब्रह्मा और शंकर के लिए भी उसे पूर्णतः देख पाना संभव न हो सका।

श्लोक 34 (padma.6.240.34)

तत्पदं पृथिवीं सर्वामाक्रम्य गिरिजे शुभे । अतिरिक्तं समभवच्छतयोजनमायतम् ।

tatpadaṁ pṛthivīṁ sarvāmākramya girije śubhe atiriktaṁ samabhavacchatayojanamāyatam

हे शुभ गिरिजे, समूची पृथ्वी को व्याप्त करके भी वह पग सौ योजन अधिक ही रह गया।

श्लोक 35 (padma.6.240.35)

दिव्यचक्षुर्ददौ तस्मै दैत्यराज्ञे सनातनः । तस्मै संदर्शयामास स्वकं रूपं जनार्दनम् ।

divyacakṣurdadau tasmai daityarājñe sanātanaḥ tasmai saṁdarśayāmāsa svakaṁ rūpaṁ janārdanam

उन सनातन प्रभु ने उस दैत्यराज को दिव्य दृष्टि दी, और जनार्दन ने उसे अपना [विश्व] रूप दिखाया।

श्लोक 36 (padma.6.240.36)

तद्विश्वरूपं देवस्य दृष्ट्वा दैत्येश्वरो बलि । प्रहर्षमतुलं लेभे सानंदाश्रु परिप्लुतः ।

tadviśvarūpaṁ devasya dṛṣṭvā daityeśvaro bali praharṣamatulaṁ lebhe sānaṁdāśru pariplutaḥ

देव का वह विश्वरूप देखकर दैत्येश्वर बलि को असीम हर्ष हुआ, वह आनंदाश्रुओं से भर गया।

श्लोक 37 (padma.6.240.37)

दृष्ट्वा देवं नमस्कृत्य स्तुत्वा स्तुतिभिरेव च । प्राह गद्गदया वाचा प्रहृष्टेनांतरात्मना ।

dṛṣṭvā devaṁ namaskṛtya stutvā stutibhireva ca prāha gadgadayā vācā prahṛṣṭenāṁtarātmanā

देव को देखकर, नमस्कार करके, स्तोत्रों से स्तुति करके, उसने प्रसन्न अंतःकरण से गद्गद वाणी में कहा।

श्लोक 38 (padma.6.240.38)

बलिरुवाच- धन्योस्मि कृतकृत्योस्मि त्वां दृष्ट्वा परमेश्वरम् । लोकत्रयं त्वमेवैतद्गृहाण परमेश्वर ।

baliruvāca dhanyosmi kṛtakṛtyosmi tvāṁ dṛṣṭvā parameśvaram lokatrayaṁ tvamevaitadgṛhāṇa parameśvara

बलि ने कहा — हे परमेश्वर, आपको देखकर मैं धन्य हूँ, कृतकृत्य हूँ। यह त्रिलोक स्वयं ही आप ग्रहण कीजिए।

श्लोक 39 (padma.6.240.39)

श्रीशंकर उवाच- अथ सर्वेश्वरो विष्णुर्द्वितीयं पदमव्ययम् । ऊर्ध्वं प्रसारयामास ब्रह्मलोकांतमच्युतः ।

śrīśaṁkara uvāca atha sarveśvaro viṣṇurdvitīyaṁ padamavyayam ūrdhvaṁ prasārayāmāsa brahmalokāṁtamacyutaḥ

श्री शंकर जी ने कहा — तब सर्वेश्वर अच्युत विष्णु ने अपना दूसरा अविनाशी पग ऊपर, ब्रह्मलोक तक फैला दिया।

श्लोक 40 (padma.6.240.40)

सनक्षत्रग्रहोपेतं सर्वदेवसमावृतम् । पदेन परिपूर्णोऽभूदच्युतस्य शुभानने ।

sanakṣatragrahopetaṁ sarvadevasamāvṛtam padena paripūrṇo'bhūdacyutasya śubhānane

हे शुभानने, नक्षत्रों-ग्रहों सहित, सब देवताओं से घिरा वह लोक उन अच्युत के पग से पूर्णतः भर गया।

श्लोक 41 (padma.6.240.41)

ततः पितामहो ब्रह्मचक्रपद्मादिचिह्नितम् । पादं तद्देवदेवस्य हर्षसंकुलचेतसा ।

tataḥ pitāmaho brahmacakrapadmādicihnitam pādaṁ taddevadevasya harṣasaṁkulacetasā

तब पितामह ब्रह्मा हर्ष से भरे हृदय से चक्र-कमल आदि चिह्नों से अंकित देवाधिदेव के उस पग के पास आए।

श्लोक 42 (padma.6.240.42)

धन्योस्मीति वदन्ब्रह्मा गृहीत्वा स्वकमंडलुम् । भक्त्या प्रक्षालयामास तत्रसंस्थित वारिणा ।

dhanyosmīti vadanbrahmā gṛhītvā svakamaṁḍalum bhaktyā prakṣālayāmāsa tatrasaṁsthita vāriṇā

'मैं धन्य हूँ' कहते हुए ब्रह्मा जी ने अपना कमंडलु लेकर, भक्तिपूर्वक उसमें रखे जल से उस पग को धोया।

श्लोक 43 (padma.6.240.43)

अक्षय्यमभवत्तोयं तस्य विष्णोः प्रभावतः । तत्तीर्थं मेरुशिखरे पपात विमलं जलम् ।

akṣayyamabhavattoyaṁ tasya viṣṇoḥ prabhāvataḥ tattīrthaṁ meruśikhare papāta vimalaṁ jalam

उस विष्णु के प्रभाव से वह जल अक्षय हो गया। वह पवित्र, निर्मल जल मेरु के शिखर पर गिरा।

श्लोक 44 (padma.6.240.44)

जगतः पावनार्थं वै चतुर्दिक्षु प्रवाहितम् । सिता चालकनन्दा च चक्षुर्भद्रा यथाक्रमम् ।

jagataḥ pāvanārthaṁ vai caturdikṣu pravāhitam sitā cālakanandā ca cakṣurbhadrā yathākramam

जगत की पवित्रता के लिए वह चारों दिशाओं में प्रवाहित हुआ — क्रमशः सीता, अलकनंदा, चक्षु और भद्रा नामों से।

श्लोक 45 (padma.6.240.45)

ततश्चालकनन्दा च मेरोर्दक्षिणतः स्मृता । त्रिधा नाम्ना त्रिपथगा त्रिस्रोता लोकपावनी ।

tataścālakanandā ca merordakṣiṇataḥ smṛtā tridhā nāmnā tripathagā trisrotā lokapāvanī

उनमें अलकनंदा मेरु के दक्षिण में बहने वाली मानी गई — तीन नामों से त्रिपथगा, त्रिस्रोता, लोकपावनी कहलाई।

श्लोक 46 (padma.6.240.46)

स्वर्गे मंदाकिनी प्रोक्ता त्वधो भोगवती तथा । मध्ये वेगवती गंगा पावनार्थं नृणां शिवा ।

svarge maṁdākinī proktā tvadho bhogavatī tathā madhye vegavatī gaṁgā pāvanārthaṁ nṛṇāṁ śivā

स्वर्ग में मंदाकिनी, पाताल में भोगवती, और मध्य में वेगवती गंगा कहलाई — मनुष्यों की पवित्रता के लिए कल्याणकारी।

श्लोक 47 (padma.6.240.47)

तां दृष्ट्वा मेरुमध्ये तु प्रस्रवंतीं शुभानने । आत्मनः पावनार्थाय शिरसाहमधारयम् ।

tāṁ dṛṣṭvā merumadhye tu prasravaṁtīṁ śubhānane ātmanaḥ pāvanārthāya śirasāhamadhārayam

हे शुभानने, मेरु के मध्य से बहती उसे देखकर, अपनी पवित्रता के लिए मैंने उसे अपने सिर पर धारण किया —

श्लोक 48 (padma.6.240.48)

दिव्यं वर्षसहस्रं तु धृत्वा गंगाजलं शुभम् । शिवत्वमगमं देवि सर्वलोकेषु पूजितः ।

divyaṁ varṣasahasraṁ tu dhṛtvā gaṁgājalaṁ śubham śivatvamagamaṁ devi sarvalokeṣu pūjitaḥ

हज़ार दिव्य वर्षों तक उस शुभ गंगाजल को धारण करके, हे देवी, मैंने शिवत्व प्राप्त किया, और समस्त लोकों में पूजित हुआ।

श्लोक 49 (padma.6.240.49)

यो वहेच्छिरसा गंगातोयं विष्णुपदोद्भवम् । प्राशयेद्वा जगत्पूज्यो भविष्यति न संशयः ।

yo vahecchirasā gaṁgātoyaṁ viṣṇupadodbhavam prāśayedvā jagatpūjyo bhaviṣyati na saṁśayaḥ

जो विष्णु-पद से उत्पन्न गंगाजल को सिर पर धारण करता है या उसका पान करता है, वह निश्चय ही जगत्पूज्य बन जाएगा।

श्लोक 50 (padma.6.240.50)

गंगागंगेति यो ब्रूयाद्योजनानां शतैरपि । मुच्यते सर्वपापेभ्यो विष्णुलोकं स गच्छति ।

gaṁgāgaṁgeti yo brūyādyojanānāṁ śatairapi mucyate sarvapāpebhyo viṣṇulokaṁ sa gacchati

जो सैकड़ों योजन दूर से भी 'गंगा, गंगा' कहता है, वह सब पापों से मुक्त होकर विष्णुलोक जाता है।

श्लोक 51 (padma.6.240.51)

ततो भगीरथो राजा गौतमश्च महातपाः । तपसा पूजयित्वा मां गंगार्थं समयाचत ।

tato bhagīratho rājā gautamaśca mahātapāḥ tapasā pūjayitvā māṁ gaṁgārthaṁ samayācata

तब राजा भगीरथ और महातपस्वी गौतम ने तप से मेरी पूजा करके गंगा के लिए मुझसे प्रार्थना की।

श्लोक 52 (padma.6.240.52)

सर्वलोकहितार्थाय तां गंगां वैष्णवीं शिवाम् । तयोरहं तामददां प्रीत्या देवि सरिद्वराम् ।

sarvalokahitārthāya tāṁ gaṁgāṁ vaiṣṇavīṁ śivām tayorahaṁ tāmadadāṁ prītyā devi saridvarām

हे देवी, सब लोकों के हित के लिए वह वैष्णवी, कल्याणकारी गंगा — उन दोनों को मैंने प्रेमपूर्वक वह सरिद्वरा (श्रेष्ठ नदी) दे दी।

श्लोक 53 (padma.6.240.53)

गौतमेन समानीता गौतमी तेन कीर्त्तिता । भागीरथीति विख्याता तेन राज्ञा वृता यतः ।

gautamena samānītā gautamī tena kīrttitā bhāgīrathīti vikhyātā tena rājñā vṛtā yataḥ

गौतम द्वारा लाई जाने से वह गौतमी कहलाई; और राजा भगीरथ द्वारा वरण की जाने से वह भागीरथी नाम से विख्यात हुई।

श्लोक 54 (padma.6.240.54)

प्रसंगात्ते समाख्यातं गंगाजन्मात्यनुत्तमम् । ततो नारायणः श्रीमान्बलिं दैत्यपतिं प्रभुः ।

prasaṁgātte samākhyātaṁ gaṁgājanmātyanuttamam tato nārāyaṇaḥ śrīmānbaliṁ daityapatiṁ prabhuḥ

प्रसंगवश गंगा की यह अत्यंत उत्तम जन्म-कथा तुमसे कह दी गई। तब श्रीमान् नारायण प्रभु ने दैत्यपति बलि को —

श्लोक 55 (padma.6.240.55)

रसातलं शुभं लोकं प्रददौ भक्तवत्सलः । सर्वेषां दानवानां तु नागानां यादसामपि ।

rasātalaṁ śubhaṁ lokaṁ pradadau bhaktavatsalaḥ sarveṣāṁ dānavānāṁ tu nāgānāṁ yādasāmapi

भक्तवत्सल उन्होंने उसे शुभ रसातल-लोक प्रदान किया। सब दानवों, नागों और जलचरों का —

श्लोक 56 (padma.6.240.56)

राजानं तु बलिं चक्रे यावदाभूतसंप्लवम् । प्रतिगृह्य बलेर्लोकान्बटुवेषेण दैत्यहा ।

rājānaṁ tu baliṁ cakre yāvadābhūtasaṁplavam pratigṛhya balerlokānbaṭuveṣeṇa daityahā

प्रलयकाल तक के लिए उन्होंने बलि को ही राजा बना दिया। बलि के [स्वर्ग-] लोकों को वटु-वेष में ग्रहण करके, दैत्यों के संहारक —

श्लोक 57 (padma.6.240.57)

महेंद्राय ददौ प्रीत्या काश्यपो विष्णुरव्ययः । ततो देवाः सगंधर्वा ऋषयश्च महौजसः ।

maheṁdrāya dadau prītyā kāśyapo viṣṇuravyayaḥ tato devāḥ sagaṁdharvā ṛṣayaśca mahaujasaḥ

कश्यप-पुत्र अविनाशी विष्णु ने वे लोक प्रेमपूर्वक महेंद्र को दे दिए। तब देवता गंधर्वों और महातेजस्वी ऋषियों सहित —

श्लोक 58 (padma.6.240.58)

तुष्टुवुः स्तुतिभिर्द्दिव्यैः पूजयामासुरच्युतम् । संक्षिप्य तन्महद्रूपं तेषां संदर्शनाय वै ।

tuṣṭuvuḥ stutibhirddivyaiḥ pūjayāmāsuracyutam saṁkṣipya tanmahadrūpaṁ teṣāṁ saṁdarśanāya vai

दिव्य स्तोत्रों से स्तुति करके उन अच्युत की पूजा करने लगे। उनके दर्शन के लिए उस विशाल रूप को समेटकर —

श्लोक 59 (padma.6.240.59)

संपूज्यमानास्त्रिदशैरंतर्द्धानं ययौ हरिः । इत्थं सुरक्षितः शक्रो विष्णुना प्रभविष्णुना ।

saṁpūjyamānāstridaśairaṁtarddhānaṁ yayau hariḥ itthaṁ surakṣitaḥ śakro viṣṇunā prabhaviṣṇunā

देवताओं द्वारा भलीभाँति पूजित होकर हरि अंतर्धान हो गए। इस प्रकार प्रभावशाली विष्णु द्वारा सुरक्षित इंद्र —

श्लोक 60 (padma.6.240.60)

त्रैलोक्यं महदैश्वर्य्यमवाप त्रिदिवेश्वरः । एतत्ते सर्वमाख्यातं वामनं वैभवं शुभम् । शेषं यद्वैभवं देवि तद्वक्ष्यामि यथाक्रमात् ।

trailokyaṁ mahadaiśvaryyamavāpa tridiveśvaraḥ etatte sarvamākhyātaṁ vāmanaṁ vaibhavaṁ śubham śeṣaṁ yadvaibhavaṁ devi tadvakṣyāmi yathākramāt

स्वर्ग के स्वामी इंद्र ने तीनों लोकों का महान ऐश्वर्य पुनः प्राप्त किया। हे देवी, वामन का यह शुभ वैभव तुमसे पूर्णतः कह दिया गया। शेष जो वैभव है, हे देवी, वह भी क्रमशः कहूँगा।