श्रीरामचरित-कथन

श्लोक 1 (padma.6.244.1)

शंकर उवाच- अथ रामस्तु वैदेह्या राज्यभोगान्मनोरमान् । बुभुजे वर्षसाहस्रं पालयन्सर्वतोदिशः ।

śaṁkara uvāca atha rāmastu vaidehyā rājyabhogānmanoramān bubhuje varṣasāhasraṁ pālayansarvatodiśaḥ

शंकर जी ने कहा — तब राम वैदेही सहित मनोहर राज्य-सुखों का भोग करने लगे, हज़ार वर्षों तक सब दिशाओं का पालन करते हुए।

श्लोक 2 (padma.6.244.2)

अंतःपुरजनास्सर्वे राक्षसस्य गृहे स्थिताम् । गर्हयंति स्म वैदेहीं तथा जानपदा जनाः ।

aṁtaḥpurajanāssarve rākṣasasya gṛhe sthitām garhayaṁti sma vaidehīṁ tathā jānapadā janāḥ

अंतःपुर के सब लोग और नगर-देश के लोग भी, राक्षस के घर में रह चुकी वैदेही की निंदा करने लगे।

श्लोक 3 (padma.6.244.3)

लोकापवादभीत्या च रामः शत्रुनिवारकः । दर्शयन्मानुषं धर्ममंतर्वत्नीं नृपात्मजाम् ।

lokāpavādabhītyā ca rāmaḥ śatrunivārakaḥ darśayanmānuṣaṁ dharmamaṁtarvatnīṁ nṛpātmajām

शत्रुनाशक राम, लोकनिंदा के भय से, मानव-धर्म का पालन दिखाते हुए, गर्भवती राजपुत्री को —

श्लोक 4 (padma.6.244.4)

वाल्मीकेराश्रमे पुण्ये गंगातीरे महावने । विससर्ज महातेजा गर्भिणीं मुनिसंसदि ।

vālmīkerāśrame puṇye gaṁgātīre mahāvane visasarja mahātejā garbhiṇīṁ munisaṁsadi

गंगा-तट के महावन में वाल्मीकि के पवित्र आश्रम में उस महातेजस्वी ने मुनि-सभा में भेज दिया।

श्लोक 5 (padma.6.244.5)

सा भर्तुः परतंत्रा हि उवास मुनिवेश्मनि । अर्चिता मुनिपत्नीभिर्वाल्मीकमुनि रक्षिता ।

sā bhartuḥ parataṁtrā hi uvāsa muniveśmani arcitā munipatnībhirvālmīkamuni rakṣitā

वह पति की आज्ञा-परायणा सीता मुनि के आश्रम में रहीं, मुनि-पत्नियों द्वारा पूजित और वाल्मीकि मुनि द्वारा रक्षित।

श्लोक 6 (padma.6.244.6)

तत्रैवासूत यमलौ नाम्ना कुशलवौ सुतौ । तौ च तत्रैव मुनिना संस्कृतौ च ववर्धतुः ।

tatraivāsūta yamalau nāmnā kuśalavau sutau tau ca tatraiva muninā saṁskṛtau ca vavardhatuḥ

वहीं उन्होंने कुश और लव नामक जुड़वाँ पुत्रों को जन्म दिया, और वे दोनों वहीं मुनि द्वारा संस्कारित होकर बड़े हुए।

श्लोक 7 (padma.6.244.7)

रामोऽपि भ्रातृभिस्सार्द्धं पालयामास मेदिनीम् । यमादिगुणसम्पन्नस्सर्वभोगविवर्जितः ।

rāmo'pi bhrātṛbhissārddhaṁ pālayāmāsa medinīm yamādiguṇasampannassarvabhogavivarjitaḥ

राम भी अपने भाइयों सहित पृथ्वी का पालन करने लगे, संयम आदि गुणों से संपन्न, सब [व्यक्तिगत] भोगों से रहित,

श्लोक 8 (padma.6.244.8)

अर्चयन्सततं विष्णुमनादिनिधनं हरिम् । ब्रह्मचर्यपरो नित्यं शशास पृथिवीं नृपः ।

arcayansatataṁ viṣṇumanādinidhanaṁ harim brahmacaryaparo nityaṁ śaśāsa pṛthivīṁ nṛpaḥ

निरंतर आदि-अंत-रहित विष्णु हरि की पूजा करते हुए, सदा ब्रह्मचर्य में तत्पर रहते हुए उस राजा ने पृथ्वी का शासन किया।

श्लोक 9 (padma.6.244.9)

शत्रुघ्नो लवणं हत्वा मथुरां देवनिर्मिताम् । पालयामास धर्मात्मा पुत्राभ्यां सह राघवः ।

śatrughno lavaṇaṁ hatvā mathurāṁ devanirmitām pālayāmāsa dharmātmā putrābhyāṁ saha rāghavaḥ

शत्रुघ्न ने लवणासुर को मारकर देवनिर्मित मथुरा नगरी का पालन किया, वह धर्मात्मा राघव के अधीन अपने दोनों पुत्रों सहित।

श्लोक 10 (padma.6.244.10)

गंधर्वान्भरतो हत्वा सिंधोरुभयपार्श्वतः । स्वात्मजौ स्थापयामास तस्मिन्देशे महाबलौ ।

gaṁdharvānbharato hatvā siṁdhorubhayapārśvataḥ svātmajau sthāpayāmāsa tasmindeśe mahābalau

भरत ने सिंधु के दोनों किनारों पर गंधर्वों को मारकर अपने दोनों महाबली पुत्रों को उस देश में स्थापित किया।

श्लोक 11 (padma.6.244.11)

पश्चिमे मद्रदेशे तु मद्रान्हत्वा च लक्ष्मणः । स्वसुतौ च महावीर्यौ अभिषिच्य महाबलः ।

paścime madradeśe tu madrānhatvā ca lakṣmaṇaḥ svasutau ca mahāvīryau abhiṣicya mahābalaḥ

पश्चिम में मद्र देश में मद्रों को मारकर उस महाबली लक्ष्मण ने अपने दोनों महापराक्रमी पुत्रों का अभिषेक किया।

श्लोक 12 (padma.6.244.12)

गत्वा पुनरयोध्यां तु रामपादावुपस्पृशत् । ब्राह्मणस्य मृतं बालं कालधर्ममुपागतम् ।

gatvā punarayodhyāṁ tu rāmapādāvupaspṛśat brāhmaṇasya mṛtaṁ bālaṁ kāladharmamupāgatam

वहाँ से पुनः अयोध्या जाकर उन्होंने राम के चरण स्पर्श किए। [इससे पूर्व] एक ब्राह्मण के मृत, असमय काल को प्राप्त बालक को —

श्लोक 13 (padma.6.244.13)

जीवयामास काकुत्स्थः शूद्रं हत्वा च तापसम् । ततस्तु गौतमीतीरे नैमिषे जनसंसदि ।

jīvayāmāsa kākutsthaḥ śūdraṁ hatvā ca tāpasam tatastu gautamītīre naimiṣe janasaṁsadi

काकुत्स्थ ने, [अकाल-मृत्यु के कारणस्वरूप] एक तपस्यारत शूद्र को मारकर, पुनर्जीवित किया। तब गौतमी (गोदावरी) के तट पर, नैमिष में, जनसभा के मध्य —

श्लोक 14 (padma.6.244.14)

इयाज वाजिमेधं च राघवः परवीरहा । कांचनीं जानकीं कृत्वा तया सार्द्धं महाबलः ।

iyāja vājimedhaṁ ca rāghavaḥ paravīrahā kāṁcanīṁ jānakīṁ kṛtvā tayā sārddhaṁ mahābalaḥ

शत्रुवीरनाशक राघव ने अश्वमेध यज्ञ किया। सीता की स्वर्ण-प्रतिमा बनाकर, उस महाबली ने उसके साथ —

श्लोक 15 (padma.6.244.15)

चकार यज्ञान्बहुशो राघवः परमार्थवित् । अयुतान्यश्वमेधानि वाजपेयानि च प्रभुः ।

cakāra yajñānbahuśo rāghavaḥ paramārthavit ayutānyaśvamedhāni vājapeyāni ca prabhuḥ

परमार्थवेत्ता राघव ने अनेक यज्ञ किए। उन प्रभु ने दस हज़ार अश्वमेध और वाजपेय यज्ञ किए,

श्लोक 16 (padma.6.244.16)

अग्निष्टोमं विश्वजितं गोमेधं च शतक्रतुम् । चकार विविधान्यज्ञान्परिपूर्णसदक्षिणान् ।

agniṣṭomaṁ viśvajitaṁ gomedhaṁ ca śatakratum cakāra vividhānyajñānparipūrṇasadakṣiṇān

अग्निष्टोम, विश्वजित्, गोमेध और सैकड़ों यज्ञ किए — भरपूर दक्षिणा से युक्त नाना यज्ञ किए।

श्लोक 17 (padma.6.244.17)

एतस्मिन्नंतरे तत्र वाल्मीकिः सुमहातपाः । सीतामानीय काकुत्स्थमिदं वचनमब्रवीत् ।

etasminnaṁtare tatra vālmīkiḥ sumahātapāḥ sītāmānīya kākutsthamidaṁ vacanamabravīt

इसी बीच अत्यंत महातपस्वी वाल्मीकि, सीता को लेकर वहाँ काकुत्स्थ से यह वचन बोले।

श्लोक 18 (padma.6.244.18)

वाल्मीकिरुवाच- अपापां मैथिलीं राम त्यक्तुं नार्हसि सुव्रत । इयं तु विरजा साध्वी भास्करस्य प्रभा यथा । अनन्या तव काकुत्स्थ कस्मात्त्यक्ता त्वयानघ ।

vālmīkiruvāca apāpāṁ maithilīṁ rāma tyaktuṁ nārhasi suvrata iyaṁ tu virajā sādhvī bhāskarasya prabhā yathā ananyā tava kākutstha kasmāttyaktā tvayānagha

वाल्मीकि जी ने कहा — हे राम, हे सुव्रत, निष्पाप मैथिली को त्यागना आपको उचित नहीं है। यह सती निष्कलंक है, जैसे सूर्य की प्रभा; हे काकुत्स्थ, आपके सिवा किसी और की नहीं — हे निष्पाप, इसे आपने क्यों त्याग दिया?

श्लोक 19 (padma.6.244.19)

राम उवाच- अपापां मैथिलीं ब्रह्मन्जानामि वचनात्तव । रावणेन हृता साध्वी दण्डके विजने पुरा ।

rāma uvāca apāpāṁ maithilīṁ brahmanjānāmi vacanāttava rāvaṇena hṛtā sādhvī daṇḍake vijane purā

राम ने कहा — हे ब्रह्मन्, आपके वचन से मैं जानता हूँ कि मैथिली निष्पाप है। बहुत पहले उस सती को रावण ने एकांत दंडक वन में हर लिया था।

श्लोक 20 (padma.6.244.20)

तं हत्वा समरे सीतां शुद्धामग्निमुखागताम् । पुनर्यातोस्म्ययोध्यायां सीतामादाय धर्मतः ।

taṁ hatvā samare sītāṁ śuddhāmagnimukhāgatām punaryātosmyayodhyāyāṁ sītāmādāya dharmataḥ

उसे युद्ध में मारकर मैं अग्नि-परीक्षा से शुद्ध हुई सीता को लेकर धर्मपूर्वक अयोध्या लौट आया।

श्लोक 21 (padma.6.244.21)

लोकापवादः सुमहानभूत्पौरजनेषु च । त्यक्ता मया शुभाचारा तद्भयात्तव सन्निधौ ।

lokāpavādaḥ sumahānabhūtpaurajaneṣu ca tyaktā mayā śubhācārā tadbhayāttava sannidhau

किंतु नगरवासियों में बड़ी लोकनिंदा हुई; उसी भय से मैंने सदाचारिणी सीता को त्यागकर आपके पास भेज दिया।

श्लोक 22 (padma.6.244.22)

तस्माल्लोकस्य संतुष्ट्यै सीता मम परायणा । पार्थिवानां महर्षीणां प्रत्ययं कर्तुमर्हति ।

tasmāllokasya saṁtuṣṭyai sītā mama parāyaṇā pārthivānāṁ maharṣīṇāṁ pratyayaṁ kartumarhati

इसलिए लोगों की संतुष्टि के लिए, मुझमें ही परायण सीता को राजाओं और महर्षियों के समक्ष अपनी शुद्धता का प्रमाण देना चाहिए।

श्लोक 23 (padma.6.244.23)

महेश्वर उवाच- एवमुक्ता तदा सीता मुनिपार्थिवसंसदि । चकारप्रत्ययं देवी लोकाश्चर्यकरं सती ।

maheśvara uvāca evamuktā tadā sītā munipārthivasaṁsadi cakārapratyayaṁ devī lokāścaryakaraṁ satī

महेश्वर जी ने कहा — ऐसा कहे जाने पर उस मुनि-राजा की सभा में सती देवी सीता ने संसार को चकित करने वाला प्रमाण दिया,

श्लोक 24 (padma.6.244.24)

दर्शयंस्तस्य लोकस्य रामस्यानन्यतां सती । अब्रवीत्प्रांजलिः सीता सर्वेषां जनसंसदि ।

darśayaṁstasya lokasya rāmasyānanyatāṁ satī abravītprāṁjaliḥ sītā sarveṣāṁ janasaṁsadi

उस जनसमूह को राम के प्रति अपनी अनन्यता दिखाते हुए, सती सीता ने हाथ जोड़कर सबकी सभा में कहा।

श्लोक 25 (padma.6.244.25)

सीतोवाच- यथाऽहं राघवादन्यं मनसापि न चिंतये । तथा मे धरणी देवी विवरन्दातुमर्हति ।

sītovāca yathā'haṁ rāghavādanyaṁ manasāpi na ciṁtaye tathā me dharaṇī devī vivarandātumarhati

सीता ने कहा — जैसे मैंने राघव के अतिरिक्त मन से भी किसी और का चिंतन नहीं किया, वैसे ही देवी धरती मुझे मार्ग देने योग्य हो।

श्लोक 26 (padma.6.244.26)

यथैव सत्यमुक्तं मे वेद्मि रामात्परं न च । तथा स्वपुत्र्यां वैदेह्यां धरणी सहसा इयात् ।

yathaiva satyamuktaṁ me vedmi rāmātparaṁ na ca tathā svaputryāṁ vaidehyāṁ dharaṇī sahasā iyāt

जैसे मैंने सत्य ही कहा है, और राम से बढ़कर किसी को नहीं जानती, वैसे ही धरती अपनी पुत्री वैदेही के लिए तुरंत आए।

श्लोक 27 (padma.6.244.27)

महेश्वर उवाच- ततो रत्नमयं पीठं पृष्ठे धृत्वा खगेश्वरः । रसातलात्तदा वीरो विज्ञाय जननीं तदा ।

maheśvara uvāca tato ratnamayaṁ pīṭhaṁ pṛṣṭhe dhṛtvā khageśvaraḥ rasātalāttadā vīro vijñāya jananīṁ tadā

महेश्वर जी ने कहा — तब रत्नजड़ित सिंहासन पीठ पर धारण किए हुए, अपनी माता को पहचानकर, रसातल से —

श्लोक 28 (padma.6.244.28)

ततस्तु धरणीदेवी हस्ताभ्यां गृह्य मैथिलीम् । स्वागतेनाभिनंद्यैनामासने संन्यवेशयत् ।

tatastu dharaṇīdevī hastābhyāṁ gṛhya maithilīm svāgatenābhinaṁdyaināmāsane saṁnyaveśayat

देवी धरती ने दोनों हाथों से मैथिली को थामकर, स्वागत करते हुए उन्हें उस आसन पर बिठा दिया।

श्लोक 29 (padma.6.244.29)

सीतां समागतां दृष्ट्वा दिवि देवगणा भृशम् । पुष्पवृष्टिमविच्छिन्नां दिव्यां सीतामवाकिरन् ।

sītāṁ samāgatāṁ dṛṣṭvā divi devagaṇā bhṛśam puṣpavṛṣṭimavicchinnāṁ divyāṁ sītāmavākiran

सीता को इस प्रकार जाते देखकर आकाश में देवगण अत्यंत हर्षित होकर उन पर निरंतर दिव्य पुष्पवर्षा करने लगे।

श्लोक 30 (padma.6.244.30)

सापि दिव्याप्सरोभिस्तु पूज्यमाना सनातनी । वैनतेयं समारुह्य तस्मान्मार्गाद्दिवं ययौ ।

sāpi divyāpsarobhistu pūjyamānā sanātanī vainateyaṁ samāruhya tasmānmārgāddivaṁ yayau

वह सनातनी देवी भी दिव्य अप्सराओं द्वारा पूजित होकर गरुड़ पर सवार होकर उसी मार्ग से स्वर्ग को चली गईं।

श्लोक 31 (padma.6.244.31)

दासीगणैः पूर्वभागे संवृता जगदीश्वरी । संप्राप्य परमं धाम योगिगम्यं सनातनम् ।

dāsīgaṇaiḥ pūrvabhāge saṁvṛtā jagadīśvarī saṁprāpya paramaṁ dhāma yogigamyaṁ sanātanam

आगे-आगे दासीगणों से घिरी वह जगदीश्वरी सनातन, योगिगम्य परम धाम को प्राप्त हुईं।

श्लोक 32 (padma.6.244.32)

रसातलप्रविष्टां तु तां दृष्ट्वा सर्वमानुषाः । साधुसाध्विति सीतेयमुच्चैः सर्वे प्रचुक्रुशुः ।

rasātalapraviṣṭāṁ tu tāṁ dṛṣṭvā sarvamānuṣāḥ sādhusādhviti sīteyamuccaiḥ sarve pracukruśuḥ

रसातल में प्रविष्ट (या स्वर्ग में गई) उन्हें देखकर सब मनुष्य ऊँचे स्वर से 'साधु-साधु, यह सीता है' कहते हुए पुकार उठे।

श्लोक 33 (padma.6.244.33)

रामः शोकसमाविष्टः संगृह्य तनयावुभौ । मुनिभिः पार्थिवेंद्रैश्च साकेतं प्रविवेश ह ।

rāmaḥ śokasamāviṣṭaḥ saṁgṛhya tanayāvubhau munibhiḥ pārthiveṁdraiśca sāketaṁ praviveśa ha

शोक में डूबे राम अपने दोनों पुत्रों को साथ लेकर मुनियों और राजाओं सहित साकेत में प्रविष्ट हुए।

श्लोक 34 (padma.6.244.34)

अथ कालेन महता मातरः संशितव्रताः । कालधर्मं समापन्ना भर्तुः स्वर्गं प्रपेदिरे ।

atha kālena mahatā mātaraḥ saṁśitavratāḥ kāladharmaṁ samāpannā bhartuḥ svargaṁ prapedire

तब बहुत काल पश्चात् कठोर व्रतधारी माताएँ कालधर्म को प्राप्त होकर अपने पति के स्वर्गलोक को चली गईं।

श्लोक 35 (padma.6.244.35)

दशवर्षसहस्राणि दशवर्षशतानि च । चकार राज्यं धर्मेण राघवः संशितव्रतः ।

daśavarṣasahasrāṇi daśavarṣaśatāni ca cakāra rājyaṁ dharmeṇa rāghavaḥ saṁśitavrataḥ

कठोर व्रतधारी राघव ने ग्यारह हज़ार वर्षों तक धर्मपूर्वक राज्य किया।

श्लोक 36 (padma.6.244.36)

कस्यचित्त्वथकालस्य राघवस्य निवेशनम् । कालस्तापसरूपेण संप्राप्तो वाक्यमब्रवीत् ।

kasyacittvathakālasya rāghavasya niveśanam kālastāpasarūpeṇa saṁprāpto vākyamabravīt

कुछ काल पश्चात् राघव के निवास पर काल तापस-रूप धारण करके आया और यह वचन कहा।

श्लोक 37 (padma.6.244.37)

काल उवाच- राम राम महाबाहो धात्रा संप्रेषितोऽस्म्यहम् । यद्ब्रवीमि रघुश्रेष्ठ तच्छृणुष्व महामते ।

kāla uvāca rāma rāma mahābāho dhātrā saṁpreṣito'smyaham yadbravīmi raghuśreṣṭha tacchṛṇuṣva mahāmate

काल ने कहा — हे राम, हे राम, हे महाबाहो, मैं विधाता द्वारा भेजा गया हूँ। हे महामते, हे रघुश्रेष्ठ, जो मैं कहता हूँ, वह सुनिए।

श्लोक 38 (padma.6.244.38)

द्वन्द्वमेव हि कार्यं स्यादावयोः परिभाषितम् । तदंतरे प्रविष्टोयस्स वद्ध्यो हि भविष्यति ।

dvandvameva hi kāryaṁ syādāvayoḥ paribhāṣitam tadaṁtare praviṣṭoyassa vaddhyo hi bhaviṣyati

हम दोनों की यह बातचीत गुप्त ही होनी चाहिए। जो इसके मध्य प्रवेश करेगा, वह वध्य होगा।

श्लोक 39 (padma.6.244.39)

महेश्वर उवाच- तथेति च प्रतिश्रुत्य रामो राजीवलोचनः । द्वास्थं कृत्वा तु सौमित्रिं कालो वाक्यमभाषत । वैवस्वतोऽब्रवीद्वाक्यं रामं दशरथात्मजम् ।

maheśvara uvāca tatheti ca pratiśrutya rāmo rājīvalocanaḥ dvāsthaṁ kṛtvā tu saumitriṁ kālo vākyamabhāṣata vaivasvato'bravīdvākyaṁ rāmaṁ daśarathātmajam

महेश्वर जी ने कहा — 'ऐसा ही हो' कहकर कमलनयन राम ने सौमित्रि (लक्ष्मण) को द्वारपाल बनाया, और काल ने अपनी बात कही। वैवस्वत (काल) ने दशरथ-पुत्र राम से कहा।

श्लोक 40 (padma.6.244.40)

काल उवाच- शृणु राम यथावृत्तं समागमनकारणात् । दशवर्षसहस्राणि दशवर्षशतानि च ।

kāla uvāca śṛṇu rāma yathāvṛttaṁ samāgamanakāraṇāt daśavarṣasahasrāṇi daśavarṣaśatāni ca

काल ने कहा — हे राम, मेरे आगमन का कारण यथार्थ रूप में सुनिए — ग्यारह हज़ार वर्षों तक —

श्लोक 41 (padma.6.244.41)

वसामि मानुषे लोके हत्वा राक्षसपुंगवौ । एवमुक्तः सुरगणैरवतीर्णोसि भूतले ।

vasāmi mānuṣe loke hatvā rākṣasapuṁgavau evamuktaḥ suragaṇairavatīrṇosi bhūtale

'मैं राक्षस-श्रेष्ठों को मारकर मानव-लोक में रहूँगा' — देवताओं द्वारा ऐसा कहे जाने पर आप पृथ्वी पर अवतरित हुए थे।

श्लोक 42 (padma.6.244.42)

तदयं समयः प्राप्तः स्वर्लोकं गमितुं त्वया । सनाथा हि सुरास्सर्वे भवंत्वद्य त्वयानघ ।

tadayaṁ samayaḥ prāptaḥ svarlokaṁ gamituṁ tvayā sanāthā hi surāssarve bhavaṁtvadya tvayānagha

अब वह समय आ गया है कि आप स्वर्गलोक जाएँ। हे निष्पाप, आज आपके द्वारा सब देवता पुनः अपने स्वामी सहित हो जाएँ।

श्लोक 43 (padma.6.244.43)

महेश्वर उवाच- एवमस्त्विति काकुत्स्थो रामः प्राह महामुनिम् । एतस्मिन्नंतरे तत्र दुर्वासास्तु महातपाः ।

maheśvara uvāca evamastviti kākutstho rāmaḥ prāha mahāmunim etasminnaṁtare tatra durvāsāstu mahātapāḥ

महेश्वर जी ने कहा — 'ऐसा ही हो' कहकर काकुत्स्थ राम ने उस महामुनि से कहा। इसी बीच वहाँ अत्यंत महातपस्वी दुर्वासा —

श्लोक 44 (padma.6.244.44)

राजद्वारमुपागम्य लक्ष्मणं वाक्यमब्रवीत् । दुर्वासा उवाच- मां निवेदय काकुत्स्थं शीघ्रं गत्वा नृपात्मज ।

rājadvāramupāgamya lakṣmaṇaṁ vākyamabravīt durvāsā uvāca māṁ nivedaya kākutsthaṁ śīghraṁ gatvā nṛpātmaja

राजद्वार पर आकर लक्ष्मण से यह वचन कहने लगे। दुर्वासा जी ने कहा — हे राजपुत्र, शीघ्र जाकर मुझे काकुत्स्थ से मिलवाओ।

श्लोक 45 (padma.6.244.45)

महेश्वर उवाच- तमब्रवील्लक्ष्मणस्तु असांनिध्यमिति द्विज । ततः क्रोधसमाविष्टः प्राह तं मुनिसत्तमः ।

maheśvara uvāca tamabravīllakṣmaṇastu asāṁnidhyamiti dvija tataḥ krodhasamāviṣṭaḥ prāha taṁ munisattamaḥ

महेश्वर जी ने कहा — लक्ष्मण ने उनसे कहा, 'हे द्विज, अभी वे उपलब्ध नहीं हैं।' तब क्रोध से भरकर उस श्रेष्ठ मुनि ने उनसे कहा।

श्लोक 46 (padma.6.244.46)

दुर्वासा उवाच- शापं दास्यामि काकुत्स्थं रामं न यदि दर्शये । महेश्वर उवाच- तस्माच्छापभयाद्विप्रं राघवाय न्यवेदयत् । तत्रैवांतर्दधे कालः सर्वभूतभयावहः ।

durvāsā uvāca śāpaṁ dāsyāmi kākutsthaṁ rāmaṁ na yadi darśaye maheśvara uvāca tasmācchāpabhayādvipraṁ rāghavāya nyavedayat tatraivāṁtardadhe kālaḥ sarvabhūtabhayāvahaḥ

दुर्वासा जी ने कहा — यदि तुरंत मुझे काकुत्स्थ राम को नहीं दिखाओगे, तो मैं शाप दे दूँगा। महेश्वर जी ने कहा — उस शाप के भय से उन्होंने राघव को उस विप्र की सूचना दे दी। वहीं सब प्राणियों को भयभीत करने वाला काल अंतर्धान हो गया।

श्लोक 47 (padma.6.244.47)

पूजयामास तं प्राप्तमृषिं दुर्वाससं नृपः । अग्रजस्य प्रतिज्ञा तं विज्ञाय रघुसत्तमः ।

pūjayāmāsa taṁ prāptamṛṣiṁ durvāsasaṁ nṛpaḥ agrajasya pratijñā taṁ vijñāya raghusattamaḥ

राजा ने वहाँ आए दुर्वासा ऋषि की पूजा की। बड़े भाई की उस प्रतिज्ञा को जानकर रघुश्रेष्ठ लक्ष्मण ने —

श्लोक 48 (padma.6.244.48)

तत्याज मानुषं रूपं लक्ष्मणः सरयूजले । विसृज्य मानुषं रूपं प्रविवेश स्वकां तनुम् ।

tatyāja mānuṣaṁ rūpaṁ lakṣmaṇaḥ sarayūjale visṛjya mānuṣaṁ rūpaṁ praviveśa svakāṁ tanum

सरयू के जल में अपना मानव-रूप त्याग दिया। मानव-रूप त्यागकर वे अपने [दिव्य] शरीर में प्रविष्ट हो गए —

श्लोक 49 (padma.6.244.49)

फणासहस्रसंयुक्तः कोटींदुसमवर्चसः । दिव्यमाल्यांबरधरो दिव्यगंधानुलेपनः ।

phaṇāsahasrasaṁyuktaḥ koṭīṁdusamavarcasaḥ divyamālyāṁbaradharo divyagaṁdhānulepanaḥ

हज़ार फणों से युक्त, करोड़ों चंद्रमाओं के समान तेजस्वी, दिव्य माला-वस्त्र धारण किए, दिव्य सुगंध से अनुलिप्त —

श्लोक 50 (padma.6.244.50)

नागकन्यासहस्रैस्तु संवृतः समलंकृतः । विमानं दिव्यमारुह्य प्रययौ वैष्णवं पदम् । लक्ष्मणस्य गतिं सर्वां विदित्वा रघुसत्तमः । स्वयमप्यथ काकुत्स्थः स्वर्गं गंतुमभीप्सितः ।

nāgakanyāsahasraistu saṁvṛtaḥ samalaṁkṛtaḥ vimānaṁ divyamāruhya prayayau vaiṣṇavaṁ padam lakṣmaṇasya gatiṁ sarvāṁ viditvā raghusattamaḥ svayamapyatha kākutsthaḥ svargaṁ gaṁtumabhīpsitaḥ

हज़ारों नाग-कन्याओं से घिरे, सुसज्जित, दिव्य विमान पर सवार होकर वे वैष्णव पद को चले गए। लक्ष्मण की इस समूची गति को जानकर रघुश्रेष्ठ राम भी स्वयं स्वर्ग जाने के इच्छुक हुए।

श्लोक 51 (padma.6.244.51)

अभिषिच्याथ काकुत्स्थः स्वात्मजौ च कुशीलवौ । विभज्य रथनागाश्वं सधनं प्रददौ तयोः ।

abhiṣicyātha kākutsthaḥ svātmajau ca kuśīlavau vibhajya rathanāgāśvaṁ sadhanaṁ pradadau tayoḥ

तब काकुत्स्थ ने अपने दोनों पुत्रों कुश और लव का अभिषेक करके, रथ, हाथी, घोड़े और धन को बाँटकर उन दोनों को दे दिया।

श्लोक 52 (padma.6.244.52)

कुशवत्यां कुशं तं च शरवत्यां लवं तथा । स्थापयामास धर्मेण राज्ये स्वे रघुसत्तमः ।

kuśavatyāṁ kuśaṁ taṁ ca śaravatyāṁ lavaṁ tathā sthāpayāmāsa dharmeṇa rājye sve raghusattamaḥ

रघुश्रेष्ठ ने धर्मपूर्वक कुश को कुशवती में और लव को शरावती में, अपने-अपने राज्य में स्थापित किया।

श्लोक 53 (padma.6.244.53)

अभिप्रायं तु विज्ञाय रामस्य विदितात्मनः । आजग्मुर्वानराः सर्वे राक्षसाः सुमहाबलाः ।

abhiprāyaṁ tu vijñāya rāmasya viditātmanaḥ ājagmurvānarāḥ sarve rākṣasāḥ sumahābalāḥ

सर्वज्ञ राम के अभिप्राय को जानकर सब महाबली वानर और राक्षस [अयोध्या] आ पहुँचे।

श्लोक 54 (padma.6.244.54)

विभीषणोऽथ सुग्रीवो जाम्बवान्मारुतात्मजः । नीलो नलः सुषेणश्च निषादाधिपतिर्गुहः ।

vibhīṣaṇo'tha sugrīvo jāmbavānmārutātmajaḥ nīlo nalaḥ suṣeṇaśca niṣādādhipatirguhaḥ

विभीषण, सुग्रीव, जाम्बवान, पवनपुत्र हनुमान, नील, नल, सुषेण और निषादराज गुह —

श्लोक 55 (padma.6.244.55)

अभिषिच्य सुतौ वीरौ शत्रुघ्नश्च महामनाः । सर्व एते समाजग्मुरयोध्यां रामपालिताम् ।

abhiṣicya sutau vīrau śatrughnaśca mahāmanāḥ sarva ete samājagmurayodhyāṁ rāmapālitām

और अपने दोनों वीर पुत्रों का अभिषेक करके महामना शत्रुघ्न — ये सब राम-पालित अयोध्या में एकत्र हुए।

श्लोक 56 (padma.6.244.56)

ते प्रणम्य महात्मानमूचुः प्रांजलयस्तथा । वानरप्रभृतय ऊचुः - स्वर्लोकं गंतुमुद्युक्तं ज्ञात्वा त्वां रघुसत्तम ।

te praṇamya mahātmānamūcuḥ prāṁjalayastathā vānaraprabhṛtaya ūcuḥ svarlokaṁ gaṁtumudyuktaṁ jñātvā tvāṁ raghusattama

उन्होंने उस महात्मा को प्रणाम करके हाथ जोड़कर कहा। वानर आदि ने कहा — हे रघुश्रेष्ठ, आपको स्वर्गलोक जाने के लिए उद्यत जानकर —

श्लोक 57 (padma.6.244.57)

आगताः स्म वयं सर्वे तवानुगमनं प्रति । न शक्ताः स्म क्षणं राम जीवितुं त्वां विना प्रभो । तस्मात्त्वया विशालाक्ष गच्छामस्त्रिदशालयम् ।

āgatāḥ sma vayaṁ sarve tavānugamanaṁ prati na śaktāḥ sma kṣaṇaṁ rāma jīvituṁ tvāṁ vinā prabho tasmāttvayā viśālākṣa gacchāmastridaśālayam

हम सब आपके अनुगमन के लिए आए हैं। हे राम, हे प्रभु, हम आपके बिना क्षणभर भी जीवित रहने में समर्थ नहीं हैं। इसलिए हे विशालनेत्र, हम भी आपके साथ स्वर्गलोक चलेंगे।

श्लोक 58 (padma.6.244.58)

महेश्वर उवाच- तैरेवमुक्तः काकुत्स्थो बाढमित्यब्रवीत्ततः । अथोवाच महातेजा राक्षसेंद्रं विभीषणम् ।

maheśvara uvāca tairevamuktaḥ kākutstho bāḍhamityabravīttataḥ athovāca mahātejā rākṣaseṁdraṁ vibhīṣaṇam

महेश्वर जी ने कहा — उनके ऐसा कहने पर काकुत्स्थ ने 'ठीक है' कहा। फिर उस महातेजस्वी ने राक्षसराज विभीषण से कहा।

श्लोक 59 (padma.6.244.59)

राम उवाच- राज्यं प्रशास धर्मेण मा प्रतिज्ञां वृथा कृथाः । यावच्चंद्रश्च सूर्यश्च यावत्तिष्ठति मेदिनी । तावद्रमस्व सुप्रीतो काले मम पदं व्रज ।

rāma uvāca rājyaṁ praśāsa dharmeṇa mā pratijñāṁ vṛthā kṛthāḥ yāvaccaṁdraśca sūryaśca yāvattiṣṭhati medinī tāvadramasva suprīto kāle mama padaṁ vraja

राम ने कहा — धर्मपूर्वक राज्य का शासन करना, मेरी प्रतिज्ञा को व्यर्थ मत करना। जब तक सूर्य-चंद्र और पृथ्वी रहें, तब तक प्रसन्नचित्त होकर राज्य करना; समय आने पर मेरे पद को प्राप्त होना।

श्लोक 60 (padma.6.244.60)

महेश्वर उवाच-। इत्युक्त्वाथ स काकुत्स्थः स्वाड्गं विष्णुं सनातनम् । श्रीरंगशायिनं सौम्यमिक्ष्वाकुकुलदैवतम् ।

maheśvara uvāca ityuktvātha sa kākutsthaḥ svāḍgaṁ viṣṇuṁ sanātanam śrīraṁgaśāyinaṁ saumyamikṣvākukuladaivatam

महेश्वर जी ने कहा — ऐसा कहकर उस काकुत्स्थ ने अपने स्वयं के आराध्य, इक्ष्वाकु-कुल के देवता, श्रीरंग में शयन करने वाले सौम्य सनातन विष्णु को —

श्लोक 61 (padma.6.244.61)

संप्रीत्या प्रददौ तस्मै रामो राजीवलोचनः । हनुमंतमथोवाच राघवः शत्रुसूदनः ।

saṁprītyā pradadau tasmai rāmo rājīvalocanaḥ hanumaṁtamathovāca rāghavaḥ śatrusūdanaḥ

प्रेमपूर्वक उसे भेंट कर दिया। फिर शत्रुनाशक राघव ने हनुमान से कहा।

श्लोक 62 (padma.6.244.62)

राम उवाच- मत्कथाः प्रचरिष्यंति यावल्लोके हरीश्वर । तावत्त्वमास मेदिन्यां काले मां व्रज सुव्रत ।

rāma uvāca matkathāḥ pracariṣyaṁti yāvalloke harīśvara tāvattvamāsa medinyāṁ kāle māṁ vraja suvrata

राम ने कहा — हे वानरराज, जब तक संसार में मेरी कथाएँ प्रचलित रहें, तब तक तुम पृथ्वी पर रहो; हे सुव्रत, समय आने पर मेरे पास आना।

श्लोक 63 (padma.6.244.63)

महेश्वर उवाच- तमेवमुक्त्वा काकुत्स्थो जांबवंतमथाब्रवीत् । राम उवाच- द्वापरे समनुप्राप्ते यदूनामन्वये पुनः ।

maheśvara uvāca tamevamuktvā kākutstho jāṁbavaṁtamathābravīt rāma uvāca dvāpare samanuprāpte yadūnāmanvaye punaḥ

महेश्वर जी ने कहा — उससे ऐसा कहकर काकुत्स्थ ने फिर जाम्बवान से कहा। राम ने कहा — जब द्वापर युग आएगा, तब पुनः यदुवंश में —

श्लोक 64 (padma.6.244.64)

भूभारस्य विनाशाय समुत्पत्स्याम्यहं भुवि । करिष्ये तत्र संग्रामं स्वयं भल्लूकसत्तम ।

bhūbhārasya vināśāya samutpatsyāmyahaṁ bhuvi kariṣye tatra saṁgrāmaṁ svayaṁ bhallūkasattama

पृथ्वी के भार को नष्ट करने के लिए मैं जन्म लूँगा। हे भल्लूकश्रेष्ठ, वहाँ मैं स्वयं युद्ध करूँगा —

श्लोक 65 (padma.6.244.65)

महेश्वर उवाच- तमेवमुक्त्वा काकुत्स्थः सर्वांस्तानृक्षवानरान् । उवाच वाचा गच्छध्वमिति रामो महाबलः ।

maheśvara uvāca tamevamuktvā kākutsthaḥ sarvāṁstānṛkṣavānarān uvāca vācā gacchadhvamiti rāmo mahābalaḥ

महेश्वर जी ने कहा — उससे ऐसा कहकर काकुत्स्थ महाबली राम ने उन सब ऋक्ष-वानरों से 'जाओ' कहा।

श्लोक 66 (padma.6.244.66)

मंत्रिणो नैगमाश्चैव भरतः कैकयीसुतः । राघवस्यानुगमने निश्चितास्ते समाययुः ।

maṁtriṇo naigamāścaiva bharataḥ kaikayīsutaḥ rāghavasyānugamane niścitāste samāyayuḥ

मंत्रीगण, नगरजन और कैकेयी-पुत्र भरत — सब राघव का अनुगमन करने का निश्चय करके एकत्र हो गए।

श्लोक 67 (padma.6.244.67)

ततः शुक्लांबरधरो ब्रह्मचारी ययौ परम् । कुशान्गृहीत्वा पाणिभ्यां संसक्तः प्रययौ परम् ।

tataḥ śuklāṁbaradharo brahmacārī yayau param kuśāngṛhītvā pāṇibhyāṁ saṁsaktaḥ prayayau param

तब श्वेतवस्त्रधारी ब्रह्मचारी वे परमगति की ओर चल पड़े; दोनों हाथों में कुश लेकर, संयुक्त होकर वे उस परम पद की ओर आगे बढ़े।

श्लोक 68 (padma.6.244.68)

रामस्य दक्षिणे पार्श्वे पद्महस्ता रमा गता । तथैव धरणीदेवी दक्षिणेतरगा तथा ।

rāmasya dakṣiṇe pārśve padmahastā ramā gatā tathaiva dharaṇīdevī dakṣiṇetaragā tathā

राम के दाहिने पार्श्व में कमल-हस्त रमा (श्री/सीता-रूपिणी) चलीं; वैसे ही देवी धरती दूसरी ओर से चलीं।

श्लोक 69 (padma.6.244.69)

वेदाः सांगाः पुराणानि सेतिहासानि सर्वतः । ॐकारोऽथ वषट्कारः सावित्री लोकपावनी ।

vedāḥ sāṁgāḥ purāṇāni setihāsāni sarvataḥ oṁkāro'tha vaṣaṭkāraḥ sāvitrī lokapāvanī

अंगों सहित वेद, इतिहासों सहित पुराण, चारों ओर से — ॐकार, वषट्कार, तथा लोकपावनी सावित्री —

श्लोक 70 (padma.6.244.70)

अस्त्रशस्त्राणि च तदा धनुराद्यानि पार्वति । अनुजग्मुस्तथा रामं सर्वे पुरुषविग्रहाः ।

astraśastrāṇi ca tadā dhanurādyāni pārvati anujagmustathā rāmaṁ sarve puruṣavigrahāḥ

हे पार्वती, अस्त्र-शस्त्र और धनुष आदि भी — ये सब मूर्तिमान होकर राम के पीछे चल पड़े।

श्लोक 71 (padma.6.244.71)

भरतश्चैव शत्रुघ्नः सर्वे पुरनिवासिनः । सपुत्रदाराः काकुत्स्थमनुजग्मुः सहानुगाः ।

bharataścaiva śatrughnaḥ sarve puranivāsinaḥ saputradārāḥ kākutsthamanujagmuḥ sahānugāḥ

भरत, शत्रुघ्न और नगर के सब निवासी, अपने पुत्रों-पत्नियों सहित, अनुगामियों के साथ काकुत्स्थ के पीछे चले।

श्लोक 72 (padma.6.244.72)

मंत्रिणो भृत्यवर्गाश्च किंकरा नैगमास्तथा । वानराश्चैव ऋक्षाश्च सुग्रीवसहितास्तदा ।

maṁtriṇo bhṛtyavargāśca kiṁkarā naigamāstathā vānarāścaiva ṛkṣāśca sugrīvasahitāstadā

मंत्रीगण, सेवकवर्ग, दास और नगरजन भी; सुग्रीव सहित वानर और ऋक्ष भी तब —

श्लोक 73 (padma.6.244.73)

सपुत्रदाराः काकुत्स्थमन्वगच्छन्महामतिम् । पशवः पक्षिणश्चैव सर्वे स्थावरजंगमाः ।

saputradārāḥ kākutsthamanvagacchanmahāmatim paśavaḥ pakṣiṇaścaiva sarve sthāvarajaṁgamāḥ

अपने पुत्रों-पत्नियों सहित उस महामति काकुत्स्थ के पीछे चले। पशु-पक्षी और सब चराचर भी —

श्लोक 74 (padma.6.244.74)

अनुजग्मुर्महात्मानं समीपस्था नरोत्तमाः । ये च पश्यंति काकुत्स्थं स्वपथांतर्गतं प्रभुम् ।

anujagmurmahātmānaṁ samīpasthā narottamāḥ ye ca paśyaṁti kākutsthaṁ svapathāṁtargataṁ prabhum

पास खड़े श्रेष्ठ मनुष्य भी उस महात्मा के पीछे चल पड़े। और जो भी काकुत्स्थ प्रभु को अपने मार्ग में देखते —

श्लोक 75 (padma.6.244.75)

ते तथानुगता रामं निवर्त्तंते न केचन । अथ त्रियोजनं गत्वा नदीं पश्चान्मुखीं स्थिताम् ।

te tathānugatā rāmaṁ nivarttaṁte na kecana atha triyojanaṁ gatvā nadīṁ paścānmukhīṁ sthitām

वे सब भी राम के पीछे चल पड़े, कोई भी लौटा नहीं। फिर तीन योजन जाकर, पश्चिममुखी बहने वाली उस नदी —

श्लोक 76 (padma.6.244.76)

सरयूं पुण्यसलिलां प्रविवेश सहानुगः । ततः पितामहो ब्रह्मा सर्वदेवगणावृतः ।

sarayūṁ puṇyasalilāṁ praviveśa sahānugaḥ tataḥ pitāmaho brahmā sarvadevagaṇāvṛtaḥ

पवित्र जल वाली सरयू में वे अपने अनुगामियों सहित प्रविष्ट हुए। तब पितामह ब्रह्मा, सब देवगणों से घिरे हुए —

श्लोक 77 (padma.6.244.77)

तुष्टाव रघुशार्दूलमृषिभिः सार्द्धमक्षरैः । अब्रवीत्तत्र काकुत्स्थं प्रविष्टं सरयूजले ।

tuṣṭāva raghuśārdūlamṛṣibhiḥ sārddhamakṣaraiḥ abravīttatra kākutsthaṁ praviṣṭaṁ sarayūjale

अक्षर ऋषियों सहित उस रघुश्रेष्ठ की स्तुति करने लगे। उन्होंने सरयू जल में प्रविष्ट काकुत्स्थ से वहाँ कहा।

श्लोक 78 (padma.6.244.78)

ब्रह्मोवाच- आगच्छ विष्णो भद्रं ते दिष्ट्या प्राप्तोऽसि मानद । भ्रातृभिस्सहदेवाभैः प्रविशस्व निजां तनुम् ।

brahmovāca āgaccha viṣṇo bhadraṁ te diṣṭyā prāpto'si mānada bhrātṛbhissahadevābhaiḥ praviśasva nijāṁ tanum

ब्रह्मा जी ने कहा — हे विष्णु, आइए, आपका कल्याण हो, भाग्य से आप पधारे हैं, हे मानद। देव-सम भाइयों सहित अपने निज स्वरूप में प्रवेश करें —

श्लोक 79 (padma.6.244.79)

वैष्णवीं तां महातेजां देवाकारां सनातनीम् । त्वं हि लोकगतिर्देव न त्वां केचित्तु जानते ।

vaiṣṇavīṁ tāṁ mahātejāṁ devākārāṁ sanātanīm tvaṁ hi lokagatirdeva na tvāṁ kecittu jānate

उस वैष्णवी, महातेजस्वी, दिव्याकार सनातन [रूप] में। आप ही लोकों के आश्रय देव हैं, आपको कोई भी वास्तव में नहीं जानता।

श्लोक 80 (padma.6.244.80)

त्वामचिंत्यं महात्मानमक्षरं सर्वसंग्रहम् । यमिच्छसि महातेजस्तां तनुं प्रविशस्व भोः ।

tvāmaciṁtyaṁ mahātmānamakṣaraṁ sarvasaṁgraham yamicchasi mahātejastāṁ tanuṁ praviśasva bhoḥ

आप अचिंत्य, महात्मा, अक्षर, सर्वसंग्राहक हैं। हे महातेजस्वी, जो रूप चाहें, उसी में प्रवेश करें।

श्लोक 81 (padma.6.244.81)

महेश्वर उवाच- तस्मिन्सूर्यकराकीर्णे पुष्पवृष्टिनिपातिते । उत्सृज्य मानुषं रूपं स्वां तनुं प्रविवेश ह ।

maheśvara uvāca tasminsūryakarākīrṇe puṣpavṛṣṭinipātite utsṛjya mānuṣaṁ rūpaṁ svāṁ tanuṁ praviveśa ha

महेश्वर जी ने कहा — सूर्य की किरणों और पुष्पवर्षा से व्याप्त उस स्थान में, मानव-रूप त्यागकर उन्होंने अपने [निज] शरीर में प्रवेश किया।

श्लोक 82 (padma.6.244.82)

अंशाभ्यां शंखचक्राभ्यां शत्रुघ्नभरतावुभौ । तदा तेन महात्मानौ दिव्यतेजस्समन्वितौ ।

aṁśābhyāṁ śaṁkhacakrābhyāṁ śatrughnabharatāvubhau tadā tena mahātmānau divyatejassamanvitau

अपने ही दो अंशों — शंख और चक्र — से शत्रुघ्न और भरत दोनों तब उनके द्वारा महात्मा बनकर दिव्य तेज से युक्त हो गए —

श्लोक 83 (padma.6.244.83)

शंखचक्रगदाशार्ङ्गपद्महस्तश्चतुर्भुजः । दिव्याभरणसम्पन्नो दिव्यगंधानुलेपनः ।

śaṁkhacakragadāśārṅgapadmahastaścaturbhujaḥ divyābharaṇasampanno divyagaṁdhānulepanaḥ

[राम स्वयं विष्णु-रूप में प्रकट हुए —] शंख, चक्र, गदा, शार्ङ्ग और पद्म हाथों में धारण किए, चतुर्भुज, दिव्य आभूषणों से संपन्न, दिव्य सुगंध से अनुलिप्त,

श्लोक 84 (padma.6.244.84)

दिव्यपीतांबरधरः पद्मपत्रनिभेक्षणः । युवा कुमारः सौम्यांगः कोमलावयवोज्ज्वलः ।

divyapītāṁbaradharaḥ padmapatranibhekṣaṇaḥ yuvā kumāraḥ saumyāṁgaḥ komalāvayavojjvalaḥ

दिव्य पीतांबरधारी, कमलपत्र जैसे नेत्रों वाले, युवा होते हुए भी कुमार, सौम्य अंगों वाले, कोमल अवयवों से देदीप्यमान,

श्लोक 85 (padma.6.244.85)

सुस्निग्धनीलकुटिलकुंतलः शुभलक्षणः । नवदूर्वांकुरः श्यामः पूर्णचंद्र निभाननः ।

susnigdhanīlakuṭilakuṁtalaḥ śubhalakṣaṇaḥ navadūrvāṁkuraḥ śyāmaḥ pūrṇacaṁdra nibhānanaḥ

अत्यंत चिकने, नीले, घुँघराले केशों वाले, शुभ लक्षणों वाले, नई दूब के अंकुर जैसे श्याम, पूर्णचंद्र जैसे मुख वाले —

श्लोक 86 (padma.6.244.86)

देवीभ्यां सहितः श्रीमान्विमानमधिरुह्य च । तस्मिन्सिंहासने दिव्ये मूले कल्पतरोः प्रभुः ।

devībhyāṁ sahitaḥ śrīmānvimānamadhiruhya ca tasminsiṁhāsane divye mūle kalpataroḥ prabhuḥ

वे श्रीमान् प्रभु दोनों देवियों सहित विमान पर आरूढ़ होकर, कल्पवृक्ष के मूल में उस दिव्य सिंहासन पर —

श्लोक 87 (padma.6.244.87)

निषसाद महातेजाः सर्वदेवैरभिष्टुतः । राघवानुगता ये च ऋक्षवानरमानुषाः ।

niṣasāda mahātejāḥ sarvadevairabhiṣṭutaḥ rāghavānugatā ye ca ṛkṣavānaramānuṣāḥ

वे महातेजस्वी विराजमान हुए, सब देवताओं द्वारा स्तुति किए जाते हुए। और राघव के जो भी अनुगामी ऋक्ष, वानर और मनुष्य थे —

श्लोक 88 (padma.6.244.88)

स्पृष्ट्वैव सरयूतोयं सुखेन त्यक्तजीविताः । रामप्रसादात्ते सर्वे दिव्यरूपधराः शुभाः ।

spṛṣṭvaiva sarayūtoyaṁ sukhena tyaktajīvitāḥ rāmaprasādātte sarve divyarūpadharāḥ śubhāḥ

वे सरयू के जल को छूते ही सुखपूर्वक प्राण त्याग बैठे; राम की कृपा से वे सब दिव्य, शुभ रूप धारण करके —

श्लोक 89 (padma.6.244.89)

दिव्यमाल्यांबरधरा दिव्यमंगलवर्चसः । आरुरोह विमानं तदसंख्यास्तत्र देहिनः ।

divyamālyāṁbaradharā divyamaṁgalavarcasaḥ āruroha vimānaṁ tadasaṁkhyāstatra dehinaḥ

दिव्य माला-वस्त्र धारण किए, दिव्य मंगल तेज से युक्त होकर उस विमान पर चढ़ गए — वहाँ असंख्य प्राणी थे।

श्लोक 90 (padma.6.244.90)

सर्वैः परिवृतः श्रीमान्रामो राजीवलोचनः । पूजितः सुरसिद्धौघैर्मुनिभिस्तु महात्मभिः ।

sarvaiḥ parivṛtaḥ śrīmānrāmo rājīvalocanaḥ pūjitaḥ surasiddhaughairmunibhistu mahātmabhiḥ

उन सबसे घिरे हुए श्रीमान् कमलनयन राम, देवगणों-सिद्धगणों और महात्मा मुनियों द्वारा पूजित होकर —

श्लोक 91 (padma.6.244.91)

आययौ शाश्वतं दिव्यमक्षरं स्वपदं विभुः । यः पठेद्रामचरितं श्लोकं श्लोकार्धमेव वा ।

āyayau śāśvataṁ divyamakṣaraṁ svapadaṁ vibhuḥ yaḥ paṭhedrāmacaritaṁ ślokaṁ ślokārdhameva vā

उस सर्वव्यापी प्रभु ने अपने शाश्वत, दिव्य, अक्षय निज पद को प्राप्त किया। जो कोई राम-चरित्र का एक श्लोक, या आधा श्लोक भी पढ़ता है,

श्लोक 92 (padma.6.244.92)

शृणुयाद्वा तथा भक्त्या स्मरेद्वा शुभदर्शने । कोटिजन्मार्जितात्पापाज्ज्ञानतोऽज्ञानतः कृतात् ।

śṛṇuyādvā tathā bhaktyā smaredvā śubhadarśane koṭijanmārjitātpāpājjñānato'jñānataḥ kṛtāt

अथवा भक्तिपूर्वक सुनता है या स्मरण करता है, हे शुभदर्शने, वह करोड़ों जन्मों में अर्जित, जान-अनजान किए गए पाप से —

श्लोक 93 (padma.6.244.93)

विमुक्तो वैष्णवं लोकं पुत्रदारसबांधवैः । समाप्नुयाद्योगगम्यमनायासेन वै नरः ।

vimukto vaiṣṇavaṁ lokaṁ putradārasabāṁdhavaiḥ samāpnuyādyogagamyamanāyāsena vai naraḥ

मुक्त होकर, पुत्र-पत्नी-बांधवों सहित, योग से प्राप्य विष्णुलोक को वह मनुष्य बिना किसी परिश्रम के प्राप्त कर लेता है।

श्लोक 94 (padma.6.244.94)

एतत्ते कथितं देवि रामस्य चरितं महत् । धन्योऽस्म्यहं त्वया देवि रामचंद्रस्य कीर्त्तनात् । किमन्यच्छ्रोतुकामासि तद्ब्रवीमि वरानने ।

etatte kathitaṁ devi rāmasya caritaṁ mahat dhanyo'smyahaṁ tvayā devi rāmacaṁdrasya kīrttanāt kimanyacchrotukāmāsi tadbravīmi varānane

हे देवी, राम का यह महान चरित्र तुमसे कह दिया गया। हे देवी, तुम्हारे माध्यम से रामचंद्र के इस कीर्तन से मैं धन्य हुआ हूँ। अब और क्या सुनना चाहती हो? हे वरानने, कहो, मैं वह भी कहूँगा।