विदर्भसेना-विध्वंसन

श्लोक 1 (padma.6.247.1)

रुद्र उवाच- हत्वाथ यवनं तत्र मुचुकुंदेन धीमता । दत्त्वा तस्मै वरं मुक्तिं निष्क्रांतो यदुनंदनः ।

rudra uvāca hatvātha yavanaṁ tatra mucukuṁdena dhīmatā dattvā tasmai varaṁ muktiṁ niṣkrāṁto yadunaṁdanaḥ

रुद्र जी ने कहा — बुद्धिमान मुचुकुंद के द्वारा वहाँ यवन को मरवाकर, उसे मुक्ति का वर देकर, यदुनंदन कृष्ण [गुफा से] बाहर निकले।

श्लोक 2 (padma.6.247.2)

हतं च यवनं श्रुत्वा जरासंधः सुदुर्मतिः । ययुधे रामकृष्णाभ्यां स्वबलेन समावृतः ।

hataṁ ca yavanaṁ śrutvā jarāsaṁdhaḥ sudurmatiḥ yayudhe rāmakṛṣṇābhyāṁ svabalena samāvṛtaḥ

यवन के मारे जाने की बात सुनकर अत्यंत दुर्बुद्धि जरासंध ने अपनी सेना सहित पुनः राम-कृष्ण से युद्ध किया।

श्लोक 3 (padma.6.247.3)

कृष्णेन निहतं सैन्यं सर्वं तस्य दुरात्मनः । स पपात महीपृष्ठे मूर्च्छितो मगधाधिपः ।

kṛṣṇena nihataṁ sainyaṁ sarvaṁ tasya durātmanaḥ sa papāta mahīpṛṣṭhe mūrcchito magadhādhipaḥ

कृष्ण ने उस दुरात्मा की सारी सेना नष्ट कर दी। वह मगधाधिपति मूर्च्छित होकर पृथ्वी पर गिर पड़ा।

श्लोक 4 (padma.6.247.4)

चिरेण लब्ध्वा संज्ञां तु विह्वलांगो भयातुरः । न शशाक रणे योद्धुं रामेण मगधेश्वरः ।

cireṇa labdhvā saṁjñāṁ tu vihvalāṁgo bhayāturaḥ na śaśāka raṇe yoddhuṁ rāmeṇa magadheśvaraḥ

बहुत देर बाद होश में आकर, अंग व्याकुल, भय से पीड़ित, वह मगधेश्वर राम से युद्ध करने में समर्थ न हो सका।

श्लोक 5 (padma.6.247.5)

विमुखः प्राद्रवत्तूर्णं हतशेषबलानुगः । अजेयाविति तौ मत्वा रामकृष्णौ महाबलौ ।

vimukhaḥ prādravattūrṇaṁ hataśeṣabalānugaḥ ajeyāviti tau matvā rāmakṛṣṇau mahābalau

मुँह मोड़कर वह शीघ्र भाग गया, अपनी बची-खुची सेना के साथ, उन दोनों महाबली राम-कृष्ण को अजेय मानकर।

श्लोक 6 (padma.6.247.6)

तयोर्विरोधं त्यक्त्वाथ नगरीं स्वां विवेश ह । अथ तौ वसुदेवस्य तनयौ सह सेनया ।

tayorvirodhaṁ tyaktvātha nagarīṁ svāṁ viveśa ha atha tau vasudevasya tanayau saha senayā

उनसे शत्रुता त्यागकर वह अपनी नगरी में लौट गया। तब वसुदेव के वे दोनों पुत्र अपनी सेना सहित —

श्लोक 7 (padma.6.247.7)

मथुरां त्यज्य नगरीं प्रविष्टौ द्वारिकां पुरीम् । इंद्रेण प्रेषितो वायुः सभां तत्र दिवौकसाम् ।

mathurāṁ tyajya nagarīṁ praviṣṭau dvārikāṁ purīm iṁdreṇa preṣito vāyuḥ sabhāṁ tatra divaukasām

मथुरा नगरी छोड़कर द्वारका नगरी में प्रविष्ट हुए। इंद्र द्वारा भेजे गए वायु ने वहाँ देवताओं की एक सभा —

श्लोक 8 (padma.6.247.8)

कृष्णाय प्रददौ प्रीत्या निर्मितां विश्वकर्मणा । वज्रवैडूर्यरचितां बह्वासनविचित्रिताम् ।

kṛṣṇāya pradadau prītyā nirmitāṁ viśvakarmaṇā vajravaiḍūryaracitāṁ bahvāsanavicitritām

विश्वकर्मा द्वारा निर्मित वह सभा प्रेमपूर्वक कृष्ण को दे दी — हीरे-वैडूर्य से बनी, अनेक आसनों से सजी हुई,

श्लोक 9 (padma.6.247.9)

नानारत्नमयैर्दिव्यैः स्वर्णच्छत्रैर्विराजिताम् । तां प्राप्य रम्यां तु सभामुग्रसेनादयो नृपाः ।

nānāratnamayairdivyaiḥ svarṇacchatrairvirājitām tāṁ prāpya ramyāṁ tu sabhāmugrasenādayo nṛpāḥ

नाना रत्नों से जड़े दिव्य स्वर्ण-छत्रों से सुशोभित। उस रमणीय सभा को पाकर उग्रसेन आदि राजा —

श्लोक 10 (padma.6.247.10)

मोदंते नैगमैः सार्द्धं दिवि देवगणा इव । इक्ष्वाकुवंशसंभूतो रैवतो नाम पार्थिवः ।

modaṁte naigamaiḥ sārddhaṁ divi devagaṇā iva ikṣvākuvaṁśasaṁbhūto raivato nāma pārthivaḥ

नगरवासियों सहित वहाँ आनंदित होने लगे, जैसे स्वर्ग में देवगण। इक्ष्वाकु वंश में उत्पन्न रैवत नामक राजा —

श्लोक 11 (padma.6.247.11)

कन्यां दुहितरं स्वस्य सर्वलक्षणसंयुताम् । रामाय प्रददौ प्रीत्या रेवती नाम नामतः ।

kanyāṁ duhitaraṁ svasya sarvalakṣaṇasaṁyutām rāmāya pradadau prītyā revatī nāma nāmataḥ

सब शुभ लक्षणों से युक्त अपनी पुत्री को रेवती नाम से प्रेमपूर्वक राम को दे दिया।

श्लोक 12 (padma.6.247.12)

उपयेमे विधानेन स रामस्तां च रेवतीम् । रमयामास च तया शच्या इव सुरेश्वरः ।

upayeme vidhānena sa rāmastāṁ ca revatīm ramayāmāsa ca tayā śacyā iva sureśvaraḥ

राम ने विधिपूर्वक उस रेवती से विवाह किया, और उसके साथ वैसे ही आनंद किया जैसे सुरेश्वर शची के साथ करते हैं।

श्लोक 13 (padma.6.247.13)

विदर्भराजो धर्मात्मा भीष्मको नाम धार्मिकः । बभूवुस्तस्य पुत्रास्तु रुक्मप्रभृतयः शुभाः ।

vidarbharājo dharmātmā bhīṣmako nāma dhārmikaḥ babhūvustasya putrāstu rukmaprabhṛtayaḥ śubhāḥ

विदर्भ के धर्मात्मा राजा भीष्मक नामक धार्मिक थे। उनके पुत्र रुक्म आदि शुभ पुत्र हुए।

श्लोक 14 (padma.6.247.14)

तेषामवरजा कन्या रुक्मिणी वरवर्णिनी । कमलांशेन संभूता सर्वलक्षणसंयुता ।

teṣāmavarajā kanyā rukmiṇī varavarṇinī kamalāṁśena saṁbhūtā sarvalakṣaṇasaṁyutā

उनसे छोटी एक कन्या, सुंदरी रुक्मिणी, कमला (लक्ष्मी) के अंश से उत्पन्न, सब शुभ लक्षणों से युक्त थी।

श्लोक 15 (padma.6.247.15)

राघवत्वेभवत्सीता रुक्मिणी कृष्णजन्मनि । अन्येष्वेवावतारेषु विष्णोरेषा सहायिनी ।

rāghavatvebhavatsītā rukmiṇī kṛṣṇajanmani anyeṣvevāvatāreṣu viṣṇoreṣā sahāyinī

राघव-अवतार में जो सीता थीं, वही कृष्ण-जन्म में रुक्मिणी हुईं — विष्णु के अन्य सभी अवतारों में भी यही उनकी सहचरी हैं।

श्लोक 16 (padma.6.247.16)

हिरण्यक हिरण्याक्षौ संभूतौ द्वापरे पुनः । शिशुपालो दंतवक्त्र इति नाम समन्वितौ ।

hiraṇyaka hiraṇyākṣau saṁbhūtau dvāpare punaḥ śiśupālo daṁtavaktra iti nāma samanvitau

हिरण्यकशिपु और हिरण्याक्ष द्वापर में पुनः जन्मे, शिशुपाल और दंतवक्त्र नाम धारण करके —

श्लोक 17 (padma.6.247.17)

चैद्यान्वये समुद्भूतौ महाबलपराक्रमौ । रुक्मिणी शिशुपालाय दातुमैच्छत्तदात्मजः ।

caidyānvaye samudbhūtau mahābalaparākramau rukmiṇī śiśupālāya dātumaicchattadātmajaḥ

चेदि-वंश में उत्पन्न, महाबली-पराक्रमी। रुक्मिणी को उसके भाई ने शिशुपाल को देना चाहा।

श्लोक 18 (padma.6.247.18)

तं नेच्छती पतिं सा तु शिशुपालं शुभानना । बाल्यात्प्रभृति वै विष्णुमनुरक्ता दृढव्रता ।

taṁ necchatī patiṁ sā tu śiśupālaṁ śubhānanā bālyātprabhṛti vai viṣṇumanuraktā dṛḍhavratā

वह शुभानना, शिशुपाल को पति के रूप में न चाहते हुए, बचपन से ही विष्णु में अनुरक्त, दृढ़व्रता —

श्लोक 19 (padma.6.247.19)

उद्दिश्य कृष्णं भर्त्तारं सुराणामर्चनं सदा । चकार रुक्मिणी कन्या दानानि विविधानि च ।

uddiśya kṛṣṇaṁ bharttāraṁ surāṇāmarcanaṁ sadā cakāra rukmiṇī kanyā dānāni vividhāni ca

कृष्ण को ही अपना पति मानकर सदा देवताओं की पूजा करती रहती थी। कन्या रुक्मिणी ने नाना प्रकार के दान भी किए।

श्लोक 20 (padma.6.247.20)

व्रतचर्यापराभूत्वा ध्यायंती पुरुषोत्तमम् । आत्मेशं स्वस्य भर्तारमुवास पितृमंदिरे ।

vratacaryāparābhūtvā dhyāyaṁtī puruṣottamam ātmeśaṁ svasya bhartāramuvāsa pitṛmaṁdire

व्रत-आचरण में तत्पर होकर, पुरुषोत्तम को ही अपना स्वामी और पति मानकर ध्यान करते हुए, वह अपने पिता के घर में रहती थी।

श्लोक 21 (padma.6.247.21)

कर्त्तुं तां शिशुपालाय विवाहं पार्थिवोत्तमः । चकार यत्नं पुत्रेण रुक्मिणा सविधीमता ।

karttuṁ tāṁ śiśupālāya vivāhaṁ pārthivottamaḥ cakāra yatnaṁ putreṇa rukmiṇā savidhīmatā

उसका शिशुपाल से विवाह करने के लिए उस श्रेष्ठ राजा ने अपने विधिज्ञ पुत्र रुक्म के साथ प्रयत्न किया।

श्लोक 22 (padma.6.247.22)

पुरोहितसुतं विप्रं प्रेषयामास रुक्मिणी । उद्दिश्य कृष्णं भर्त्तारं स तूर्णं द्वारकां ययौ ।

purohitasutaṁ vipraṁ preṣayāmāsa rukmiṇī uddiśya kṛṣṇaṁ bharttāraṁ sa tūrṇaṁ dvārakāṁ yayau

रुक्मिणी ने पुरोहित के पुत्र, एक विप्र को, कृष्ण को अपना पति मानकर भेजा; वह शीघ्र द्वारका गया।

श्लोक 23 (padma.6.247.23)

समेत्य कृष्णं रामं च ताभ्यां विधिवदर्चितः । एकांते सर्वमाचष्ट रुक्मिणीभाषितं तयोः ।

sametya kṛṣṇaṁ rāmaṁ ca tābhyāṁ vidhivadarcitaḥ ekāṁte sarvamācaṣṭa rukmiṇībhāṣitaṁ tayoḥ

कृष्ण और राम से मिलकर, उन दोनों द्वारा विधिपूर्वक सम्मानित होकर, उसने एकांत में उन दोनों को रुक्मिणी का पूरा संदेश सुनाया।

श्लोक 24 (padma.6.247.24)

तच्छ्रुत्वा रामकृष्णौ तु तेन विप्रेण धीमता । सर्वशस्त्रास्त्रसंपूर्णं रथमाकाशगं प्रभुः ।

tacchrutvā rāmakṛṣṇau tu tena vipreṇa dhīmatā sarvaśastrāstrasaṁpūrṇaṁ rathamākāśagaṁ prabhuḥ

उस बुद्धिमान विप्र से यह सुनकर राम-कृष्ण — प्रभु ने सब शस्त्रास्त्रों से पूर्ण, आकाशगामी रथ पर —

श्लोक 25 (padma.6.247.25)

आरुह्य सूतमुख्येन दारुकेण महात्मना । विदर्भनगरीं तूर्णं जग्मतुः पुरुषोत्तमौ ।

āruhya sūtamukhyena dārukeṇa mahātmanā vidarbhanagarīṁ tūrṇaṁ jagmatuḥ puruṣottamau

महात्मा सारथिश्रेष्ठ दारुक द्वारा चलाए जाते हुए, वे दोनों पुरुषोत्तम-स्वरूप शीघ्र विदर्भ नगरी की ओर चल पड़े।

श्लोक 26 (padma.6.247.26)

राजानः सर्वराष्ट्रेभ्यो विवाहं द्रष्टुमागताः । जरासंधमुखाः सर्वे शिशुपालस्य धीमतः ।

rājānaḥ sarvarāṣṭrebhyo vivāhaṁ draṣṭumāgatāḥ jarāsaṁdhamukhāḥ sarve śiśupālasya dhīmataḥ

सब राष्ट्रों से राजा विवाह देखने के लिए आए थे — जरासंध आदि सब, बुद्धिमान शिशुपाल के [विवाह के लिए]।

श्लोक 27 (padma.6.247.27)

तस्मिन्नुद्वाहसमये रुक्मिणी रुक्मभूषणा । दुर्गां निःसृतार्चयितुं सखीभिर्नगराद्बहिः ।

tasminnudvāhasamaye rukmiṇī rukmabhūṣaṇā durgāṁ niḥsṛtārcayituṁ sakhībhirnagarādbahiḥ

उस विवाह-समय पर स्वर्णाभूषणों से सज्जित रुक्मिणी अपनी सखियों सहित नगर से बाहर दुर्गा-पूजा के लिए निकलीं।

श्लोक 28 (padma.6.247.28)

एतस्मिन्नेव काले तु संप्राप्तो देवकीसुतः । रथस्थां तां च जग्राह बलवान्मधुसूदनः ।

etasminneva kāle tu saṁprāpto devakīsutaḥ rathasthāṁ tāṁ ca jagrāha balavānmadhusūdanaḥ

ठीक उसी समय देवकीपुत्र कृष्ण वहाँ पहुँच गए, और उस बलवान मधुसूदन ने रथ पर स्थित उसे उठा लिया।

श्लोक 29 (padma.6.247.29)

सहसा रथमारोप्य ययौ तूर्णं स्वमालयम् । ततः क्रोधसमाविष्टा जरासंधमुखा नृपाः ।

sahasā rathamāropya yayau tūrṇaṁ svamālayam tataḥ krodhasamāviṣṭā jarāsaṁdhamukhā nṛpāḥ

सहसा रथ पर बिठाकर वे शीघ्र अपनी नगरी को चल पड़े। तब क्रोध से भरे जरासंध आदि राजा —

श्लोक 30 (padma.6.247.30)

रुक्मिणा राजपुत्रेण युद्धाय समुपस्थिताः । अनुयाता हरिं क्रुद्धाश्चतुरंगबलान्विताः ।

rukmiṇā rājaputreṇa yuddhāya samupasthitāḥ anuyātā hariṁ kruddhāścaturaṁgabalānvitāḥ

राजकुमार रुक्म सहित युद्ध के लिए तैयार हो गए। क्रोधित होकर वे चतुरंगिणी सेना सहित हरि के पीछे दौड़े।

श्लोक 31 (padma.6.247.31)

बलभद्रो महाबाहुरवरुह्य रथोत्तमात् । लांगलं मुशलं गृह्य निजघान क्षणादरीन् ।

balabhadro mahābāhuravaruhya rathottamāt lāṁgalaṁ muśalaṁ gṛhya nijaghāna kṣaṇādarīn

महाबाहु बलभद्र अपने श्रेष्ठ रथ से उतरकर, हल और मूसल लेकर, क्षणभर में शत्रुओं का संहार करने लगे।

श्लोक 32 (padma.6.247.32)

रथानश्वान्महानागांस्तथा पादचरानपि । लांगलमुशलाम्यां वै निजघान बलाद्रणे ।

rathānaśvānmahānāgāṁstathā pādacarānapi lāṁgalamuśalāmyāṁ vai nijaghāna balādraṇe

रथ, अश्व, महागज तथा पैदल सैनिकों को भी उन्होंने युद्ध में बलपूर्वक हल-मूसल से मार डाला।

श्लोक 33 (padma.6.247.33)

तस्य लांगलपातेन चूर्णिता रथपंक्तयः । नागाश्च पतिता भूमौ वज्रेणेव महीधराः ।

tasya lāṁgalapātena cūrṇitā rathapaṁktayaḥ nāgāśca patitā bhūmau vajreṇeva mahīdharāḥ

उनके हल के प्रहार से रथों की पंक्तियाँ चूर-चूर हो गईं, और हाथी वैसे ही भूमि पर गिरे जैसे वज्र से पर्वत गिरते हैं।

श्लोक 34 (padma.6.247.34)

निर्भिन्नमस्तकाः सर्वे वमंतो रुधिरं बहु । क्षणेनैव हतं सैन्यं बलरामेण वै तदा ।

nirbhinnamastakāḥ sarve vamaṁto rudhiraṁ bahu kṣaṇenaiva hataṁ sainyaṁ balarāmeṇa vai tadā

सबके सिर फट गए, वे बहुत रक्त वमन करने लगे — क्षणभर में ही बलराम ने उस सेना का संहार कर दिया।

श्लोक 35 (padma.6.247.35)

साश्वं सनागं सरथं सपदातिं महारणे । समंतात्समरे तत्र सुस्रुवुः शोणितापगाः ।

sāśvaṁ sanāgaṁ sarathaṁ sapadātiṁ mahāraṇe samaṁtātsamare tatra susruvuḥ śoṇitāpagāḥ

अश्व, हाथी, रथ और पैदल सैनिकों सहित उस महासंग्राम में चारों ओर रक्त की नदियाँ बहने लगीं।

श्लोक 36 (padma.6.247.36)

प्रभग्नाः पार्थिवाः सर्वे दुद्रुवुर्भयपीडिताः । कृष्णेन कदनं चक्रे रुक्मी क्रोधवशाद्बली ।

prabhagnāḥ pārthivāḥ sarve dudruvurbhayapīḍitāḥ kṛṣṇena kadanaṁ cakre rukmī krodhavaśādbalī

सब राजा परास्त होकर भयभीत होकर भाग गए। बलवान रुक्म क्रोधवश कृष्ण से युद्ध करने लगा।

श्लोक 37 (padma.6.247.37)

धनुरुद्यम्य बाणौघैस्ताडयामास शार्ङ्गिणम् । ततः प्रहस्य गोविंदः शार्ङ्गमादाय लीलया ।

dhanurudyamya bāṇaughaistāḍayāmāsa śārṅgiṇam tataḥ prahasya goviṁdaḥ śārṅgamādāya līlayā

धनुष उठाकर बाणों की झड़ी से उसने शार्ङ्गधारी कृष्ण पर प्रहार किया। तब हँसते हुए गोविंद ने लीलामात्र से शार्ङ्ग धनुष उठाकर —

श्लोक 38 (padma.6.247.38)

जघानैकेनबाणेन रथाश्वांस्तस्य सारथिम् । रथंध्वजं पताकां च चिच्छेद धरणीधरः ।

jaghānaikenabāṇena rathāśvāṁstasya sārathim rathaṁdhvajaṁ patākāṁ ca ciccheda dharaṇīdharaḥ

एक ही बाण से उसके रथ के घोड़ों और उसके सारथि को मार डाला। धरणीधर ने उसका रथ, ध्वज और पताका भी काट डाले।

श्लोक 39 (padma.6.247.39)

विरथः खङ्गमादाय धरण्यां स उपस्थितः । कृष्णस्तु खङ्गं चिच्छेद बाणेनैकेन वीर्यवान् ।

virathaḥ khaṅgamādāya dharaṇyāṁ sa upasthitaḥ kṛṣṇastu khaṅgaṁ ciccheda bāṇenaikena vīryavān

रथहीन होकर वह तलवार लेकर भूमि पर खड़ा हो गया। बलवान कृष्ण ने एक ही बाण से उसकी तलवार भी काट डाली।

श्लोक 40 (padma.6.247.40)

ततः स मुष्टिमुद्यम्य कृष्णं वक्षस्यताडयत् । तं जग्राह रणे वीरं निबध्य निबिडं हरिः ।

tataḥ sa muṣṭimudyamya kṛṣṇaṁ vakṣasyatāḍayat taṁ jagrāha raṇe vīraṁ nibadhya nibiḍaṁ hariḥ

तब उसने मुट्ठी उठाकर कृष्ण के वक्षस्थल पर प्रहार किया। हरि ने युद्ध में उस वीर को कसकर बाँध लिया,

श्लोक 41 (padma.6.247.41)

तीक्ष्णं क्षुरप्रमादाय प्रहसन्मधुसूदनः । शिरसो मुंडनं कृत्वा मुमोच च जनार्दनः ।

tīkṣṇaṁ kṣurapramādāya prahasanmadhusūdanaḥ śiraso muṁḍanaṁ kṛtvā mumoca ca janārdanaḥ

और हँसते हुए मधुसूदन ने तीक्ष्ण क्षुरप्र बाण से उसका सिर मुँडवाकर जनार्दन ने उसे छोड़ दिया।

श्लोक 42 (padma.6.247.42)

स तु शोकसमाविष्टो निःश्वसन्नुरगो यथा । आविवेश पुरं स्वीयं स तु तत्रैव चावसत् ।

sa tu śokasamāviṣṭo niḥśvasannurago yathā āviveśa puraṁ svīyaṁ sa tu tatraiva cāvasat

वह शोक में डूबकर सर्प की भाँति लंबी साँसें लेते हुए अपने नगर में लौट गया, और वहीं रहने लगा।