पौंड्रकपुत्रकृत्याविध्वंसन

श्लोक 1 (padma.6.251.1)

श्रीरुद्र उवाच- अथ पौंड्रक वासुदेवः काशिराजो वाराणस्यां विविक्ते द्वादशवर्षं महेशमर्च्चयन्निराहारः पंचाक्षरं जजाप ।

śrīrudra uvāca atha pauṁḍraka vāsudevaḥ kāśirājo vārāṇasyāṁ vivikte dvādaśavarṣaṁ maheśamarccayannirāhāraḥ paṁcākṣaraṁ jajāpa

श्री रुद्र जी ने कहा — काशिराज पौंड्रक-वासुदेव ने वाराणसी में एकांत में बारह वर्षों तक निराहार रहकर महेश की पूजा करते हुए पंचाक्षर मंत्र का जप किया।

श्लोक 2 (padma.6.251.2)

पौरश्चरणकाले शंकरं स्वनेत्रकमलेन पूजयामास ।

pauraścaraṇakāle śaṁkaraṁ svanetrakamalena pūjayāmāsa

पुरश्चरण के समय उसने अपने ही नेत्र-कमल से शंकर की पूजा की।

श्लोक 3 (padma.6.251.3)

ततः शूलपाणिरुमापतिः प्रसन्नो वरं वृणीष्वेति तमाह ।

tataḥ śūlapāṇirumāpatiḥ prasanno varaṁ vṛṇīṣveti tamāha

तब त्रिशूलधारी उमापति प्रसन्न होकर उससे 'वर माँगो' यह बोले।

श्लोक 4 (padma.6.251.4)

असौ पंचवक्त्रंसर्वभूतपतिं शिवं प्रसन्नं वरद मम वासुदेवसमानरूपं प्रयच्छेत्युवाच ।

asau paṁcavaktraṁsarvabhūtapatiṁ śivaṁ prasannaṁ varada mama vāsudevasamānarūpaṁ prayacchetyuvāca

उसने प्रसन्न, पंचमुख सर्वभूतपति शिव से कहा — 'हे वरद, मुझे वासुदेव के समान रूप दीजिए।'

श्लोक 5 (padma.6.251.5)

शिवस्तस्मै शंख चक्र गदा पद्मयुत चतुर्भुजं पुंडरीकदलनिभलोचनं वासुदेवसमानकिरीट। ललित कुंतलं पीतवस्त्रकौस्तुभाभरणादि चिह्नान्यपि मह्यं देहीति याचितः शिवः सर्वमपि तस्मै प्रददौ ।

śivastasmai śaṁkha cakra gadā padmayuta caturbhujaṁ puṁḍarīkadalanibhalocanaṁ vāsudevasamānakirīṭa lalita kuṁtalaṁ pītavastrakaustubhābharaṇādi cihnānyapi mahyaṁ dehīti yācitaḥ śivaḥ sarvamapi tasmai pradadau

शिव से 'शंख-चक्र-गदा-पद्मयुक्त चतुर्भुज, कमलदल-नयन, वासुदेव-सम मुकुट, सुंदर केश, पीतवस्त्र, कौस्तुभ आभूषण आदि चिह्न भी मुझे दीजिए' — यह याचना किए जाने पर शिव ने वह सब उसे दे दिया।

श्लोक 6 (padma.6.251.6)

स तु वासुदेवोऽहमिति सर्वलोकान्मोहयामास ।

sa tu vāsudevo'hamiti sarvalokānmohayāmāsa

तब वह 'मैं ही वासुदेव हूँ' कहकर सारे लोक को मोहित करने लगा।

श्लोक 7 (padma.6.251.7)

कदाचित्स्वर्गतः मदबलोत्कटं तं काशिपतिं नारदोऽभ्येत्य वसुदेवसुतमजित्वा वासुदेवत्वं न विद्यते इत्युवाच ।

kadācitsvargataḥ madabalotkaṭaṁ taṁ kāśipatiṁ nārado'bhyetya vasudevasutamajitvā vāsudevatvaṁ na vidyate ityuvāca

एक बार स्वर्ग से आकर नारद जी ने, अपने बल के मद से उन्मत्त उस काशिराज के पास जाकर कहा — 'वसुदेव-पुत्र (कृष्ण) को जीते बिना वासुदेवत्व सिद्ध नहीं होता।'

श्लोक 8 (padma.6.251.8)

स तु तस्मिन्नेव क्षणे गरुडपताकायुतरूपं रथमारोप्य चतुरंगाक्षौहिणीबलेन द्वारकामवाप ।

sa tu tasminneva kṣaṇe garuḍapatākāyutarūpaṁ rathamāropya caturaṁgākṣauhiṇībalena dvārakāmavāpa

वह उसी क्षण गरुड़-पताका जैसा रथ चढ़कर चतुरंगिणी अक्षौहिणी सेना सहित द्वारका पहुँच गया।

श्लोक 9 (padma.6.251.9)

तत्र पुरद्वारि स्वर्णयाने संस्थितो वासुदेवोऽहं युद्धार्थं संप्राप्तोस्मि मामजित्वात ववासुदेवत्वं नास्तीति दूतं प्रेषयामास ।

tatra puradvāri svarṇayāne saṁsthito vāsudevo'haṁ yuddhārthaṁ saṁprāptosmi māmajitvāta vavāsudevatvaṁ nāstīti dūtaṁ preṣayāmāsa

वहाँ नगर-द्वार पर स्वर्ण-रथ पर स्थित होकर उसने दूत भेजा — 'मैं ही वासुदेव हूँ, युद्ध के लिए आया हूँ; मुझे जीते बिना वासुदेवत्व नहीं है।'

श्लोक 10 (padma.6.251.10)

विष्णुरपि तच्छ्रुत्वा वैनतेयमारुह्य पौंड्रकेण योद्धुं पुरद्वारि विनिष्क्रम्याक्षौहिणीबलेन स्यंदने समासीनं शंखचक्रगदापद्महस्तं पौंड्रकं ददर्श ।

viṣṇurapi tacchrutvā vainateyamāruhya pauṁḍrakeṇa yoddhuṁ puradvāri viniṣkramyākṣauhiṇībalena syaṁdane samāsīnaṁ śaṁkhacakragadāpadmahastaṁ pauṁḍrakaṁ dadarśa

विष्णु भी यह सुनकर गरुड़ पर सवार होकर पौंड्रक से युद्ध करने नगर-द्वार से निकलकर, अक्षौहिणी सेना सहित रथ पर बैठे, शंख-चक्र-गदा-पद्महस्त पौंड्रक को देखा।

श्लोक 11 (padma.6.251.11)

कृष्णोऽथ शार्ङ्गमादाय संवर्ताग्निप्रभैर्बाणैस्तथाश्वगजपदातियुक्तं महदक्षौहिणीबलं मुहूर्तमात्रेण निःशेषं ददाह ।

kṛṣṇo'tha śārṅgamādāya saṁvartāgniprabhairbāṇaistathāśvagajapadātiyuktaṁ mahadakṣauhiṇībalaṁ muhūrtamātreṇa niḥśeṣaṁ dadāha

कृष्ण ने तब शार्ङ्ग धनुष लेकर, प्रलयाग्नि जैसे बाणों से, अश्व-गज-पैदल सेना सहित उस विशाल अक्षौहिणी सेना को क्षणभर में पूर्णतः भस्म कर दिया।

श्लोक 12 (padma.6.251.12)

शरेणैकेन तस्य हस्तावसक्तशंखचक्रगदादिहेतीरपि लीलयैव चिच्छेद ।

śareṇaikena tasya hastāvasaktaśaṁkhacakragadādihetīrapi līlayaiva ciccheda

एक ही बाण से उसके हाथों में पकड़े शंख-चक्र-गदा आदि आयुधों को भी लीलामात्र में काट डाला।

श्लोक 13 (padma.6.251.13)

पवित्रेण सुदर्शनेन किरीटकुंडलयुतं तस्य शिरः कमलं छित्त्वा वाराणस्यामंतः पुरे निपातयामास ।

pavitreṇa sudarśanena kirīṭakuṁḍalayutaṁ tasya śiraḥ kamalaṁ chittvā vārāṇasyāmaṁtaḥ pure nipātayāmāsa

पवित्र सुदर्शन से मुकुट-कुंडल सहित उसके कमल-सिर को काटकर वाराणसी के अंतःपुर में गिरा दिया।

श्लोक 14 (padma.6.251.14)

तद्दृष्ट्वा सर्वे काशीनिवासिनः किमेतदित्याशंक्य विस्मिता बभूवुः ।

taddṛṣṭvā sarve kāśīnivāsinaḥ kimetadityāśaṁkya vismitā babhūvuḥ

यह देखकर सब काशीवासी 'यह क्या हुआ?' यह सोचकर विस्मित हो गए।

श्लोक 15 (padma.6.251.15)

तस्य पौंड्रकस्य सुतो दंडपाणिरिति वासुदेवेन भगवता निहतं स्वपितरं श्रुत्वा मात्रा मृत्युना समादिष्टः स्वपुरोहितेनाभियुक्तो माहेश्वरेण क्रतुना शंकरमियाज ।

tasya pauṁḍrakasya suto daṁḍapāṇiriti vāsudevena bhagavatā nihataṁ svapitaraṁ śrutvā mātrā mṛtyunā samādiṣṭaḥ svapurohitenābhiyukto māheśvareṇa kratunā śaṁkaramiyāja

उस पौंड्रक के पुत्र दंडपाणि ने भगवान् वासुदेव द्वारा अपने पिता को मारा गया सुनकर, माता के आदेश से, अपने पुरोहित द्वारा प्रेरित होकर, माहेश्वर विधि से शंकर की आराधना की।

श्लोक 16 (padma.6.251.16)

स तु प्रसन्नः कृष्णजिघांसया समर्थां माहेश्वरीं कृत्यां तस्मै संप्रीत्या च दत्तवान् ।

sa tu prasannaḥ kṛṣṇajighāṁsayā samarthāṁ māheśvarīṁ kṛtyāṁ tasmai saṁprītyā ca dattavān

वे प्रसन्न होकर कृष्ण-वध की इच्छा से समर्थ माहेश्वरी कृत्या को प्रेमपूर्वक उसे दे बैठे।

श्लोक 17 (padma.6.251.17)

स काशिराजस्तां महोश्वरीं ज्वालाकुलोपचितविग्रहां संदीप्तसटाकलापां पिंगलनेत्रां ज्वलत्करालवदनां त्रिशूलहस्तां भस्मांगरागलिप्तां नरमुंडमालाविभूषितां सर्वदेवभयंकरीं रुद्रदत्तां समीक्ष्य सपुत्रदारबांधवसहितं कृष्णं जहीति प्रेरयामास ।

sa kāśirājastāṁ mahośvarīṁ jvālākulopacitavigrahāṁ saṁdīptasaṭākalāpāṁ piṁgalanetrāṁ jvalatkarālavadanāṁ triśūlahastāṁ bhasmāṁgarāgaliptāṁ naramuṁḍamālāvibhūṣitāṁ sarvadevabhayaṁkarīṁ rudradattāṁ samīkṣya saputradārabāṁdhavasahitaṁ kṛṣṇaṁ jahīti prerayāmāsa

उस काशिराज ने ज्वाला से घिरे शरीर वाली, प्रज्वलित अयाल वाली, पिंगल नेत्रों वाली, जलते भयंकर मुख वाली, त्रिशूलधारी, भस्म से लिप्त अंग वाली, नरमुंडमाला से विभूषित, सब देवताओं को भयभीत करने वाली, रुद्र द्वारा दी गई उस महेश्वरी को देखकर, उसे 'पुत्र-पत्नी-बांधवों सहित कृष्ण को मार डालो' कहकर भेजा।

श्लोक 18 (padma.6.251.18)

सा तु सर्वलोकभयावहा सर्वां पृथ्वीं स्वतेजसा निर्दहंती प्रलयाशनिनिर्भरस्वनं नदंती द्वारकामवाप ।

sā tu sarvalokabhayāvahā sarvāṁ pṛthvīṁ svatejasā nirdahaṁtī pralayāśaninirbharasvanaṁ nadaṁtī dvārakāmavāpa

वह सब लोकों को भयभीत करने वाली, अपने तेज से पूरी पृथ्वी को जलाती हुई, प्रलयकालीन वज्रपात जैसी गर्जना करती हुई द्वारका पहुँची।

श्लोक 19 (padma.6.251.19)

तत्रत्याः सर्वेजनास्तां दृष्ट्वा महाप्रलयमिति मत्वा हाहाकारं कुर्वंतः कृष्णं निवेदयामासुः ।

tatratyāḥ sarvejanāstāṁ dṛṣṭvā mahāpralayamiti matvā hāhākāraṁ kurvaṁtaḥ kṛṣṇaṁ nivedayāmāsuḥ

वहाँ के सब लोग उसे देखकर, महाप्रलय समझकर, हाहाकार करते हुए कृष्ण को सूचित करने लगे।

श्लोक 20 (padma.6.251.20)

कृष्णोऽपि तान्सर्वान्न भेतव्यमित्युक्त्वा प्राकारतोरणे स्थितां महारौद्रां कृत्यां तथाविधां दृष्ट्वा सकलशस्त्रास्त्रानिवारणसमर्थं सहस्रारं सुदर्शनं तस्या कृत्यायां सहसा मुमोच ।

kṛṣṇo'pi tānsarvānna bhetavyamityuktvā prākāratoraṇe sthitāṁ mahāraudrāṁ kṛtyāṁ tathāvidhāṁ dṛṣṭvā sakalaśastrāstrānivāraṇasamarthaṁ sahasrāraṁ sudarśanaṁ tasyā kṛtyāyāṁ sahasā mumoca

कृष्ण ने भी उन सबसे 'डरो मत' कहकर, नगर-प्राकार के द्वार पर खड़ी उस अत्यंत भयंकर कृत्या को देखकर, सब शस्त्रास्त्रों को रोकने में समर्थ सहस्रार सुदर्शन को उस कृत्या पर तुरंत छोड़ दिया।

श्लोक 21 (padma.6.251.21)

सा तु कल्पान्तार्ककोटिसमवर्चसा शतयोजनोद्गतं सकलदीप्तास्त्रयुतं हिरण्मयं प्रभापूर्णं सकलजगत्प्रलयस्थितिसमर्थं सहस्रारं सर्वदेवनमस्कृतं जगच्छरणभूतं महासुदर्शनं विलोक्य विनष्टतेजा भयार्ता क्रोशंती वाराणसीं प्रतिदुद्राव ।

sā tu kalpāntārkakoṭisamavarcasā śatayojanodgataṁ sakaladīptāstrayutaṁ hiraṇmayaṁ prabhāpūrṇaṁ sakalajagatpralayasthitisamarthaṁ sahasrāraṁ sarvadevanamaskṛtaṁ jagaccharaṇabhūtaṁ mahāsudarśanaṁ vilokya vinaṣṭatejā bhayārtā krośaṁtī vārāṇasīṁ pratidudrāva

वह प्रलयकाल के करोड़ों सूर्यों जैसे तेज वाले, सौ योजन तक फैले, सब प्रज्वलित अस्त्रों से युक्त, स्वर्णिम, तेज से भरपूर, संपूर्ण जगत के प्रलय और स्थिति दोनों में समर्थ, सहस्रार, सब देवताओं द्वारा नमस्कृत, जगत के आश्रयभूत उस महासुदर्शन को देखकर, अपना तेज नष्ट होते देख, भयभीत होकर, चिल्लाती हुई वाराणसी की ओर वापस भाग गई।

श्लोक 22 (padma.6.251.22)

सुदर्शनमपि तां कृत्यां भृशमन्वगात् ।

sudarśanamapi tāṁ kṛtyāṁ bhṛśamanvagāt

सुदर्शन भी उस कृत्या का लगातार पीछा करता रहा।

श्लोक 23 (padma.6.251.23)

सापि भयार्ता क्रोशंती काशिपतेस्तस्यांतःपुरं प्रविवेश ।

sāpi bhayārtā krośaṁtī kāśipatestasyāṁtaḥpuraṁ praviveśa

वह भी भयभीत होकर चिल्लाती हुई उस काशिराज के अंतःपुर में प्रविष्ट हो गई।

श्लोक 24 (padma.6.251.24)

सुदर्शनोऽपि तां वाराणसीं पुरीं प्राप्य सभृत्यबलवाहनं पौंड्रकसुतं दंडपाणिं नामकाशिराजं बहुप्रासादहर्म्यमालिनीं पुरीं माहेश्वरीमपि भस्मावशेषां कृत्वा सकलदेवमहर्षिभिः पूज्यमानः पुनरेव द्वारवत्यां कृष्णहस्तं सुसौम्यं कल्पमिव आविवेश ।

sudarśano'pi tāṁ vārāṇasīṁ purīṁ prāpya sabhṛtyabalavāhanaṁ pauṁḍrakasutaṁ daṁḍapāṇiṁ nāmakāśirājaṁ bahuprāsādaharmyamālinīṁ purīṁ māheśvarīmapi bhasmāvaśeṣāṁ kṛtvā sakaladevamaharṣibhiḥ pūjyamānaḥ punareva dvāravatyāṁ kṛṣṇahastaṁ susaumyaṁ kalpamiva āviveśa

सुदर्शन भी उस वाराणसी नगरी में पहुँचकर सेवकों, सेना और वाहनों सहित पौंड्रक-पुत्र दंडपाणि नामक काशिराज को, अनेक महलों-भवनों से सुशोभित उस नगरी को, तथा उस महेश्वरी को भी भस्म करके, सब देवताओं-महर्षियों द्वारा पूजित होते हुए, पुनः द्वारवती में कृष्ण के हाथ में, मानो किसी सौम्य कल्प की भाँति, लौट आया।

श्लोक 25 (padma.6.251.25)

अत्र च श्लोका गीयंते । शस्त्रास्त्रमोक्षमजरं दग्ध्वा तद्बलमोजसा । कृत्यां भस्मावशेषं तां ततो वाराणसीं पुरीम् ।

atra ca ślokā gīyaṁte śastrāstramokṣamajaraṁ dagdhvā tadbalamojasā kṛtyāṁ bhasmāvaśeṣaṁ tāṁ tato vārāṇasīṁ purīm

यहाँ इस विषय में श्लोक गाए जाते हैं — शस्त्रास्त्रों के उस अजर प्रयोग को, उस सेना को, अपने तेज से जलाकर, उस कृत्या को भस्म करके, फिर उस वाराणसी नगरी को —

श्लोक 26 (padma.6.251.26)

प्रभूतरथमातंगां साश्वां पुंस्त्रीसमन्विताम् । साशेषकोषकोष्ठां तां दुर्निरीक्ष्यां सुरैरपि ।

prabhūtarathamātaṁgāṁ sāśvāṁ puṁstrīsamanvitām sāśeṣakoṣakoṣṭhāṁ tāṁ durnirīkṣyāṁ surairapi

अनेक रथों-हाथियों-घोड़ों से युक्त, स्त्री-पुरुषों सहित, सारे कोष-भंडारों सहित, देवताओं के लिए भी देखने में असह्य उस नगरी को,

श्लोक 27 (padma.6.251.27)

द्वारोपलक्षिताशेष गृहप्राकारचत्वराम् । प्रददाह हरेश्चक्रं सकलामेव तां पुरीम् ।

dvāropalakṣitāśeṣa gṛhaprākāracatvarām pradadāha hareścakraṁ sakalāmeva tāṁ purīm

द्वारों से चिह्नित सब घरों, प्राकारों और चौराहों सहित — हरि के चक्र ने उस पूरी नगरी को पूर्णतः जला डाला।

श्लोक 28 (padma.6.251.28)

अक्षीणगतिसामर्थ्यमसाध्यकृतसाधनम् । तच्चक्रं प्रज्वलद्भासं विष्णोरभ्याययौ करम् ।

akṣīṇagatisāmarthyamasādhyakṛtasādhanam taccakraṁ prajvaladbhāsaṁ viṣṇorabhyāyayau karam

अक्षीण गति-सामर्थ्य वाला, असाध्य कार्य को भी सिद्ध करने वाला वह प्रज्वलित चक्र विष्णु के हाथ में वापस लौट आया।