जालंधर की उत्पत्ति और ब्रह्मा का आगमन

श्लोक 1 (padma.6.3.1)

सूत उवाच ।एकदा नारदो द्रष्टुं पांडवान्दुःखकर्शितान् । ययौ काम्यवनं विप्रः सत्कृतस्तैर्यथाविधि

sūta uvāca ekadā nārado draṣṭuṁ pāṁḍavānduḥkhakarśitān yayau kāmyavanaṁ vipraḥ satkṛtastairyathāvidhi

सूत जी ने कहा — एक बार दुःख से क्षीण पांडवों को देखने के लिए नारद मुनि काम्यवन गए; पांडवों ने विधिपूर्वक उनका सत्कार किया।

श्लोक 2 (padma.6.3.2)

अथ नत्वा मुनिश्रेष्ठं युधिष्ठिर उवाच ह । भगवन्कर्मणा केन दुःखाब्धौ पतिता वयम्

atha natvā muniśreṣṭhaṁ yudhiṣṭhira uvāca ha bhagavankarmaṇā kena duḥkhābdhau patitā vayam

फिर मुनिश्रेष्ठ को प्रणाम करके युधिष्ठिर ने कहा — हे भगवन्! किस कर्म के कारण हम इस दुःख-सागर में गिरे हैं?

श्लोक 3 (padma.6.3.3)

तमुवाच ऋषिर्दुःखं त्यज त्वं पांडुनंदन । सुखदुःखसमाहारे संसारे कः सुखी नरः

tamuvāca ṛṣirduḥkhaṁ tyaja tvaṁ pāṁḍunaṁdana sukhaduḥkhasamāhāre saṁsāre kaḥ sukhī naraḥ

ऋषि ने उनसे कहा — हे पांडुनंदन! दुःख त्याग दो; सुख-दुःख से मिश्रित इस संसार में भला कौन मनुष्य सुखी है?

श्लोक 4 (padma.6.3.4)

ईश्वरोपि हि न स्थायी पीड्यते देहसंचयैः । न दुःखरहितः कश्चिद्देही दुःखसहो यतः

īśvaropi hi na sthāyī pīḍyate dehasaṁcayaiḥ na duḥkharahitaḥ kaściddehī duḥkhasaho yataḥ

स्वयं ईश्वर भी स्थायी नहीं रहते, देह-धारण से पीड़ित होते हैं; कोई भी देहधारी दुःख से रहित नहीं है, क्योंकि हर देहधारी को दुःख सहना ही पड़ता है।

श्लोक 5 (padma.6.3.5)

शरीरं सवितुर्यस्माद्राहुस्तद्ग्रसते बली । राहोरपि शिरश्छिन्नं शौरिणामृतभोजने

śarīraṁ savituryasmādrāhustadgrasate balī rāhorapi śiraśchinnaṁ śauriṇāmṛtabhojane

क्योंकि सूर्य के शरीर को भी बलवान राहु ग्रस लेता है, और अमृत-पान के अवसर पर विष्णु के हाथों राहु का सिर भी काट डाला गया था।

श्लोक 6 (padma.6.3.6)

सोऽपि शार्ङ्गधरो देवः क्षिप्तः सागरगह्वरे । जालंधरेण वीरेण निहतः सोऽपि शंभुना

so'pi śārṅgadharo devaḥ kṣiptaḥ sāgaragahvare jālaṁdhareṇa vīreṇa nihataḥ so'pi śaṁbhunā

वही धनुर्धारी देव (विष्णु) भी सागर के गह्वर में फेंके गए, वीर जालंधर के द्वारा पराजित हुए, और वह जालंधर भी अंततः शंभु के हाथों मारा गया।

श्लोक 7 (padma.6.3.7)

युधिष्ठिर उवाच । कोऽसौ जालंधरो वीरः कस्य पुत्रः कुतो बली । कथं जालंधरं संख्ये हतवान्वृषभध्वजः

yudhiṣṭhira uvāca ko'sau jālaṁdharo vīraḥ kasya putraḥ kuto balī kathaṁ jālaṁdharaṁ saṁkhye hatavānvṛṣabhadhvajaḥ

युधिष्ठिर ने कहा — वह वीर जालंधर कौन था? किसका पुत्र और कहाँ से इतना बलवान हुआ? वृषभध्वज (शिव) ने युद्ध में जालंधर को कैसे मारा?

श्लोक 8 (padma.6.3.8)

एतत्सर्वं समाचक्ष्व विस्तरेण तपोधन । राज्ञा स एव मुक्तस्तु कथयामास नारदः

etatsarvaṁ samācakṣva vistareṇa tapodhana rājñā sa eva muktastu kathayāmāsa nāradaḥ

हे तपोधन! यह सब मुझे विस्तार से बताइए। राजा के इस प्रकार पूछने पर नारद जी ने यह सब कहना आरंभ किया।

श्लोक 9 (padma.6.3.9)

नारद उवाच । शृणु भूप कथां दिव्यामशेषाघौघनाशिनीम् । ईशानसिंधुसून्वोश्च संग्रामं परमाद्भुतम्

nārada uvāca śṛṇu bhūpa kathāṁ divyāmaśeṣāghaughanāśinīm īśānasiṁdhusūnvośca saṁgrāmaṁ paramādbhutam

नारद जी ने कहा — हे राजन्! सुनो, यह दिव्य कथा समस्त पापों के समूह का नाश करने वाली है — ईशान (शिव) और सिंधु-पुत्र (जालंधर) के बीच हुए परम अद्भुत संग्राम की कथा।

श्लोक 10 (padma.6.3.10)

एकदा गिरिशं स्तोतुं प्रययौ पाकशासनः । अप्सरोगणसंकीर्णो देवैर्बहुभिरावृतः

ekadā giriśaṁ stotuṁ prayayau pākaśāsanaḥ apsarogaṇasaṁkīrṇo devairbahubhirāvṛtaḥ

एक बार इंद्र, गिरीश (शिव) की स्तुति करने के लिए, अप्सराओं के समूह से घिरे और अनेक देवताओं से आवृत होकर चले।

श्लोक 11 (padma.6.3.11)

गंधर्वैरावृतो देवस्तंत्रीशिक्षासु कोविदैः । रंभा तिलोत्तमा रामा कर्पूराकदली तथा

gaṁdharvairāvṛto devastaṁtrīśikṣāsu kovidaiḥ raṁbhā tilottamā rāmā karpūrākadalī tathā

वे देव तंत्री-वाद्य की कला में निपुण गंधर्वों से घिरे थे; रंभा, तिलोत्तमा, रामा, कर्पूरा और कदली भी साथ थीं।

श्लोक 12 (padma.6.3.12)

मदना भारती कामा सर्वाभरणभूषिताः । नर्तक्यश्च तथा चान्याः समाजग्मुः सुरांतिकम्

madanā bhāratī kāmā sarvābharaṇabhūṣitāḥ nartakyaśca tathā cānyāḥ samājagmuḥ surāṁtikam

मदना, भारती, कामा — सब आभूषणों से सुसज्जित — तथा अन्य नर्तकियाँ भी उन देवगण के पास आ पहुँचीं।

श्लोक 13 (padma.6.3.13)

गंधर्वयक्षसिद्धास्तु नारदस्तुंबुरुस्तथा । किन्नरा मुहुराजग्मुस्तथा किंनरयोषितः

gaṁdharvayakṣasiddhāstu nāradastuṁburustathā kinnarā muhurājagmustathā kiṁnarayoṣitaḥ

गंधर्व, यक्ष, सिद्ध, तथा नारद और तुंबुरु भी, और किन्नर बार-बार आते रहे, साथ ही किन्नर-स्त्रियाँ भी।

श्लोक 14 (padma.6.3.14)

वायुश्च वरुणश्चैव कुबेरो धनदस्तथा । यमश्चाग्निर्निर्ऋतिश्च ये चान्ये देवतागणाः

vāyuśca varuṇaścaiva kubero dhanadastathā yamaścāgnirnirṛtiśca ye cānye devatāgaṇāḥ

वायु, वरुण, कुबेर, यम, अग्नि, निर्ऋति और अन्य देवगण भी —

श्लोक 15 (padma.6.3.15)

विमानसंस्थो मघवा विमानस्थाः सुरांगनाः । स्ववाहनगतादेवाः कैलासं प्रययुर्जवात्

vimānasaṁstho maghavā vimānasthāḥ surāṁganāḥ svavāhanagatādevāḥ kailāsaṁ prayayurjavāt

विमान में बैठे इंद्र, विमानों में बैठी देवांगनाएँ, और अपने-अपने वाहनों पर सवार देवगण — सब वेग से कैलास की ओर चले।

श्लोक 16 (padma.6.3.16)

ददृशुस्ते ततो देवाः कैलासं पर्वतोत्तमम् । महीधराणां सर्वेषां पृथिव्या इव मंडनम्

dadṛśuste tato devāḥ kailāsaṁ parvatottamam mahīdharāṇāṁ sarveṣāṁ pṛthivyā iva maṁḍanam

तब उन देवताओं ने पर्वतों में श्रेष्ठ कैलास को देखा, मानो वह समस्त पर्वतों में पृथ्वी का आभूषण हो।

श्लोक 17 (padma.6.3.17)

सर्वतः सुखदं शुद्धं सिद्धिराशिमिवस्थितम् । यत्र वृक्षाः कल्पवृक्षाः पाषाणाश्चिंतितप्रदाः

sarvataḥ sukhadaṁ śuddhaṁ siddhirāśimivasthitam yatra vṛkṣāḥ kalpavṛkṣāḥ pāṣāṇāściṁtitapradāḥ

वह सब ओर से सुखदायी और शुद्ध था, मानो सिद्धि की राशि ही वहाँ स्थित हो; वहाँ के वृक्ष कल्पवृक्ष थे और पत्थर भी इच्छा पूर्ण करने वाले थे।

श्लोक 18 (padma.6.3.18)

पुन्नागैर्नागचंपैश्च तिलकैर्देवदारुभिः । अशोकैः पाटलैश्चूतैर्मंदारैः शोभितो गिरिः

punnāgairnāgacaṁpaiśca tilakairdevadārubhiḥ aśokaiḥ pāṭalaiścūtairmaṁdāraiḥ śobhito giriḥ

वह पर्वत पुन्नाग, नागचंपा, तिलक, देवदार, अशोक, पाटल, आम और मंदार वृक्षों से सुशोभित था।

श्लोक 19 (padma.6.3.19)

पर्यंतकवनामोदवाहका यत्र वायवः । पंगुत्वं बहुचारेण यांति ते मलयानिलाः

paryaṁtakavanāmodavāhakā yatra vāyavaḥ paṁgutvaṁ bahucāreṇa yāṁti te malayānilāḥ

जहाँ चारों ओर के वनों की सुगंध ढोने वाली वायु बहती थी — वे मलय-पवन इतना बार-बार भटकने से मानो थककर लंगड़ी हो चली थीं।

श्लोक 20 (padma.6.3.20)

वाप्यः स्फटिकसोपाना ह्यगाध विमलोदकाः । वैडूर्यनालसंसक्तसौवर्णनिभ पंकजाः

vāpyaḥ sphaṭikasopānā hyagādha vimalodakāḥ vaiḍūryanālasaṁsaktasauvarṇanibha paṁkajāḥ

वहाँ की बावलियों की सीढ़ियाँ स्फटिक की थीं, वे अथाह गहरी और स्वच्छ जल वाली थीं; उनके कमल वैडूर्य-मणि की डंडियों से युक्त, स्वर्ण के समान आभा वाले थे।

श्लोक 21 (padma.6.3.21)

कुमुदानां द्युतिर्यत्र राजते सर्वतोदिशम् । कह्लारैः शौभितावाप्यः पिनद्धाः पद्मरागवत्

kumudānāṁ dyutiryatra rājate sarvatodiśam kahlāraiḥ śaubhitāvāpyaḥ pinaddhāḥ padmarāgavat

जहाँ कुमुदों की आभा सब दिशाओं में शोभित होती थी; वे बावलियाँ कह्लार पुष्पों से सुशोभित, मानो पद्मराग-मणियों से मढ़ी थीं।

श्लोक 22 (padma.6.3.22)

हरिन्मणिनिबद्धाश्च गोमेदैः सर्वतो वृताः । पद्मरागशिलाबद्धा नानाधातुविचित्रिताः

harinmaṇinibaddhāśca gomedaiḥ sarvato vṛtāḥ padmarāgaśilābaddhā nānādhātuvicitritāḥ

वे हरे मणियों से बँधी और सब ओर गोमेद-रत्नों से घिरी थीं, पद्मराग-शिला से जड़ी और अनेक धातुओं से विचित्र सजी थीं।

श्लोक 23 (padma.6.3.23)

ददृशुः सुंदरतरं नाकाधिकविनिर्मितम् । कैलासं पर्वतश्रेष्ठं दृष्ट्वा ते विस्मयंगताः

dadṛśuḥ suṁdarataraṁ nākādhikavinirmitam kailāsaṁ parvataśreṣṭhaṁ dṛṣṭvā te vismayaṁgatāḥ

पर्वतों में श्रेष्ठ उस अत्यंत सुंदर कैलास को, जो स्वर्ग से भी बढ़कर बनाया गया था, देखकर वे सब विस्मय में डूब गए।

श्लोक 24 (padma.6.3.24)

विमानादवतीर्णाश्च मघवा देवताश्च ताः । द्वारपालमथागम्य नंदिनं वाक्यमब्रुवन्

vimānādavatīrṇāśca maghavā devatāśca tāḥ dvārapālamathāgamya naṁdinaṁ vākyamabruvan

तब इंद्र और वे देवगण विमानों से उतरकर द्वारपाल नंदी के पास पहुँचे और उनसे यह वचन कहा —

श्लोक 25 (padma.6.3.25)

भो भो गणवरश्रेष्ठ शृणु मे वाक्यमुत्तमम् । समाज्ञापय शीघ्रं त्वं नृत्यार्थमिहमागतम्

bho bho gaṇavaraśreṣṭha śṛṇu me vākyamuttamam samājñāpaya śīghraṁ tvaṁ nṛtyārthamihamāgatam

'हे गणों में श्रेष्ठ! मेरा यह उत्तम वचन सुनो — शीघ्र सूचित करो कि हम यहाँ नृत्य के लिए आए हैं।'

श्लोक 26 (padma.6.3.26)

ईश्वरं प्रतिदेवेशं सर्वदेवैः समावृतम् । इंद्रस्य वचनं श्रुत्वा गिरिशं नंदिरब्रवीत्

īśvaraṁ pratideveśaṁ sarvadevaiḥ samāvṛtam iṁdrasya vacanaṁ śrutvā giriśaṁ naṁdirabravīt

इंद्र का यह वचन सुनकर नंदी ने सब देवताओं से घिरे हुए देवाधिदेव गिरीश को यह बात बताई।

श्लोक 27 (padma.6.3.27)

प्रभोऽयमागतः सर्वैर्देवराजः पुरंदरः । नृत्यार्थमथ तं प्राहानय शीघ्रं शचीपतिम्

prabho'yamāgataḥ sarvairdevarājaḥ puraṁdaraḥ nṛtyārthamatha taṁ prāhānaya śīghraṁ śacīpatim

'हे प्रभो! सबके साथ देवराज पुरंदर स्वयं यहाँ आए हैं, नृत्य के लिए।' तब शिव ने कहा — 'शीघ्र शचीपति को यहाँ लाओ।'

श्लोक 28 (padma.6.3.28)

प्रवेशयामास तदा नंदी तैः सह वासवम् । स दृष्ट्वा गिरिशं देवं तुष्टाव वृषभध्वजम्

praveśayāmāsa tadā naṁdī taiḥ saha vāsavam sa dṛṣṭvā giriśaṁ devaṁ tuṣṭāva vṛṣabhadhvajam

तब नंदी ने उन सबके साथ इंद्र को भीतर प्रवेश कराया; इंद्र ने वृषभध्वज देव गिरीश को देखकर उनकी स्तुति की।

श्लोक 29 (padma.6.3.29)

रंभाद्यास्तास्तदा सर्वा नर्त्तक्यो हरसन्निधौ । मृदंगवीणावादित्रैः मुदा नाट्यं प्रचक्रिरे

raṁbhādyāstāstadā sarvā narttakyo harasannidhau mṛdaṁgavīṇāvāditraiḥ mudā nāṭyaṁ pracakrire

तब रंभा आदि सभी नर्तकियों ने हर (शिव) के सम्मुख मृदंग, वीणा और अन्य वाद्यों के साथ हर्षपूर्वक नृत्य किया।

श्लोक 30 (padma.6.3.30)

कांस्यवाद्यान्प्रगृह्यान्या वंशतालान्सकाहलान् । चक्रुस्ता नृत्यसंरंभं स्वयंदेवः पुरंदरः

kāṁsyavādyānpragṛhyānyā vaṁśatālānsakāhalān cakrustā nṛtyasaṁraṁbhaṁ svayaṁdevaḥ puraṁdaraḥ

अन्य नर्तकियों ने कांस्य-वाद्य, बाँसुरी, ताल और काहल (शंख-वाद्य) लेकर नृत्य किया; स्वयं देवराज इंद्र भी उस नृत्योत्सव में सम्मिलित हुए।

श्लोक 31 (padma.6.3.31)

अतीवनर्तनं चक्रे सुंदरं देवदुर्ल्लभम् । ईश्वरस्तोषमापन्नो वासवं वाक्यमब्रवीत्

atīvanartanaṁ cakre suṁdaraṁ devadurllabham īśvarastoṣamāpanno vāsavaṁ vākyamabravīt

इंद्र ने अत्यंत सुंदर, देवताओं को भी दुर्लभ ऐसा नृत्य किया; प्रसन्न होकर ईश्वर ने वासव (इंद्र) से यह वचन कहा —

श्लोक 32 (padma.6.3.32)

प्रसन्नोऽहं सुरश्रेष्ठ जातस्ते व्रियतां वरः । इत्युक्तवति देवेशे स्वबाहुबलगर्वितः

prasanno'haṁ suraśreṣṭha jātaste vriyatāṁ varaḥ ityuktavati deveśe svabāhubalagarvitaḥ

'हे देवश्रेष्ठ! मैं प्रसन्न हूँ, तुम्हारे लिए वर उत्पन्न हुआ है — माँग लो।' देवेश के ऐसा कहने पर, अपनी भुजाओं के बल पर गर्वित इंद्र ने —

श्लोक 33 (padma.6.3.33)

प्रत्युवाच हरं वाक्यं संग्रामः सवृतो मया । यत्र त्वत्सदृशो योद्धा तद्युद्धं देहि मे प्रभो

pratyuvāca haraṁ vākyaṁ saṁgrāmaḥ savṛto mayā yatra tvatsadṛśo yoddhā tadyuddhaṁ dehi me prabho

हर से यह वचन कहा — 'मैंने युद्ध चाहा है; हे प्रभो! वह युद्ध मुझे दीजिए जिसमें आपके समान कोई योद्धा हो।'

श्लोक 34 (padma.6.3.34)

इत्युक्त्वा निर्गतो जिष्णुर्लब्ध्वा शंभोर्वरं प्रभोः । तस्मिन्गते तदा शक्रे गिरिशो वाक्यमब्रवीत्

ityuktvā nirgato jiṣṇurlabdhvā śaṁbhorvaraṁ prabhoḥ tasmingate tadā śakre giriśo vākyamabravīt

यह कहकर, प्रभु शंभु से यह वर पाकर, इंद्र वहाँ से चले गए। इंद्र के जाने पर गिरीश ने यह वचन कहा —

श्लोक 35 (padma.6.3.35)

गणा मे श्रूयतां वाक्यं देवराजोऽतिगर्वितः । इत्युक्त्वा क्रोधसंयुक्तो बभूव च ततो हरः

gaṇā me śrūyatāṁ vākyaṁ devarājo'tigarvitaḥ ityuktvā krodhasaṁyukto babhūva ca tato haraḥ

'हे गणों! मेरा वचन सुनो — देवराज अत्यंत गर्वित हो गया है।' यह कहकर हर तब क्रोध से भर उठे।

श्लोक 36 (padma.6.3.36)

आविरासीत्ततः क्रोधो मूर्त्तिमान्पुरतः स्थितः । घनान्धकारसदृशो मृडं क्रोधस्ततोऽब्रवीत्

āvirāsīttataḥ krodho mūrttimānpurataḥ sthitaḥ ghanāndhakārasadṛśo mṛḍaṁ krodhastato'bravīt

तब क्रोध साक्षात् मूर्तिमान होकर उनके सामने प्रकट हुआ, घने अंधकार के समान; तब उस क्रोध ने मृड (शिव) से कहा —

श्लोक 37 (padma.6.3.37)

देहि मे त्वं हि सन्देशं किं करोमि तव प्रभो । उमापतिस्तदोवाच गच्छ त्वं वासवं जय

dehi me tvaṁ hi sandeśaṁ kiṁ karomi tava prabho umāpatistadovāca gaccha tvaṁ vāsavaṁ jaya

'हे प्रभो! मुझे आदेश दीजिए, मैं आपके लिए क्या करूँ?' तब उमापति ने कहा — 'जाओ, तुम इंद्र को जीत लो,

श्लोक 38 (padma.6.3.38)

स्वर्गसिंधुं समासाद्य सागरस्य च वीर्यवान् । इत्युक्तोंतर्दधे क्रोधो गणास्ते विस्मयं ययुः

svargasiṁdhuṁ samāsādya sāgarasya ca vīryavān ityuktoṁtardadhe krodho gaṇāste vismayaṁ yayuḥ

स्वर्ग-गंगा तक पहुँचकर बलवान सागर के साथ मिल जाओ।' यह सुनकर क्रोध अंतर्धान हो गया और गणगण विस्मित रह गए।

श्लोक 39 (padma.6.3.39)

ईशानकल्पे जाते तु कामेनार्णवसंगमे । नाकसिंधुस्तदा मत्ता स्वयौवनभरोष्मणा

īśānakalpe jāte tu kāmenārṇavasaṁgame nākasiṁdhustadā mattā svayauvanabharoṣmaṇā

ईशान-कल्प के आने पर, सागर के संगम-स्थल पर काम के वश होकर, स्वर्ग-गंगा तब अपनी युवावस्था की उष्णता से मत्त थी।

श्लोक 40 (padma.6.3.40)

तां दृष्ट्वा सिंधुराजश्च जलकल्लोलवानभूत् । तदा बभूव राजेंद्र गंगासागरसंगमः

tāṁ dṛṣṭvā siṁdhurājaśca jalakallolavānabhūt tadā babhūva rājeṁdra gaṁgāsāgarasaṁgamaḥ

उसे देखकर सागर-राज भी जल की तरंगों से उद्वेलित हो उठे; हे राजेंद्र! तभी गंगा और सागर का यह संगम हुआ।

श्लोक 41 (padma.6.3.41)

महानदी तदा प्राप्य रेमे चात्मबलेन च । अत्रांतरे समुद्रस्य बभूव सुभटस्ततः

mahānadī tadā prāpya reme cātmabalena ca atrāṁtare samudrasya babhūva subhaṭastataḥ

उस महानदी को पाकर वह (क्रोध, सागर-रूप में) अपने बल से रमण करने लगा; इसी बीच सागर से एक महान योद्धा उत्पन्न हुआ।

श्लोक 42 (padma.6.3.42)

सूनुस्तस्यां महानद्यां समुद्रादभवद्बली । महार्णवतनूजेन जातमात्रेण पार्थिव

sūnustasyāṁ mahānadyāṁ samudrādabhavadbalī mahārṇavatanūjena jātamātreṇa pārthiva

हे राजन्! उस महानदी से सागर का वह बलवान पुत्र उत्पन्न हुआ — जन्म लेते ही महासागर का वह पुत्र बलशाली था।

श्लोक 43 (padma.6.3.43)

रुदतोत्कंपिता पृथ्वी त्रिलोकी नादिताभवत् । समाधिबद्धमुद्रां च संतत्याज चतुर्मुखः

rudatotkaṁpitā pṛthvī trilokī nāditābhavat samādhibaddhamudrāṁ ca saṁtatyāja caturmukhaḥ

उसके रोने से पृथ्वी काँप उठी और तीनों लोक गूँज उठे; और चतुर्मुख ब्रह्मा ने अपनी समाधि-मुद्रा त्याग दी।

श्लोक 44 (padma.6.3.44)

अत्रांतरे परित्रस्तां तां संवीक्ष्य जगत्त्रयीम् । धाता सुरेंद्रवाक्येन प्रजगाम महार्णवम्

atrāṁtare paritrastāṁ tāṁ saṁvīkṣya jagattrayīm dhātā sureṁdravākyena prajagāma mahārṇavam

इसी बीच तीनों लोकों को इस प्रकार भयभीत देखकर, देवराज के वचन से विधाता महासागर की ओर चले।

श्लोक 45 (padma.6.3.45)

आश्चर्यमिति संचिंत्य हंसारूढो जवाद्ययौ । ब्रह्माणमागतं वीक्ष्य सपर्यां विदधेऽर्णवः । तमुवाच ततो ब्रह्मा किं गर्जसि वृथांबुधे

āścaryamiti saṁciṁtya haṁsārūḍho javādyayau brahmāṇamāgataṁ vīkṣya saparyāṁ vidadhe'rṇavaḥ tamuvāca tato brahmā kiṁ garjasi vṛthāṁbudhe

'यह अद्भुत है' — यह सोचकर वे हंस पर सवार होकर वेगपूर्वक गए; ब्रह्मा को आया देख सागर ने उनका सत्कार किया। तब ब्रह्मा ने उनसे कहा — 'हे समुद्र! तुम व्यर्थ ही क्यों गर्जन कर रहे हो?'

श्लोक 46 (padma.6.3.46)

समुद्र उवाच । नाहं गर्जामि देवेश मत्सुतो बलवान्प्रभो । शिशोर्वै कुरु रक्षां च दुर्ल्लभं तव दर्शनम्

samudra uvāca nāhaṁ garjāmi deveśa matsuto balavānprabho śiśorvai kuru rakṣāṁ ca durllabhaṁ tava darśanam

समुद्र ने कहा — 'हे देवेश! मैं व्यर्थ नहीं गरज रहा; हे प्रभो! मेरा पुत्र बलवान है — इस शिशु की रक्षा कीजिए, जिसका दर्शन भी दुर्लभ है।'

श्लोक 47 (padma.6.3.47)

संदृश्यतां च तनयो भार्यां प्राहातिशोभनाम् । ययौ सा भर्तुरादेशात्सपुत्रा ब्रह्मणोंतिके

saṁdṛśyatāṁ ca tanayo bhāryāṁ prāhātiśobhanām yayau sā bharturādeśātsaputrā brahmaṇoṁtike

'और मेरा पुत्र भी दिखाया जाए' — यह कहकर उसने अपनी अत्यंत सुंदर पत्नी से कहा; वह अपने पति के आदेश से पुत्र सहित ब्रह्मा के समीप गई।

श्लोक 48 (padma.6.3.48)

उत्संगदेशे चतुराननस्य विधाय पुत्रं चरणौ ननाम । तदा समुद्रात्मजमद्भुतं तं दृष्ट्वा विधातुः किल विस्मयोऽभूत्

utsaṁgadeśe caturānanasya vidhāya putraṁ caraṇau nanāma tadā samudrātmajamadbhutaṁ taṁ dṛṣṭvā vidhātuḥ kila vismayo'bhūt

उस पुत्र को चतुर्मुख के अंक में रखकर उसने उनके चरणों में प्रणाम किया; तब समुद्र के उस अद्भुत पुत्र को देखकर विधाता स्वयं विस्मित हो गए।

श्लोक 49 (padma.6.3.49)

गृहीतकूर्चस्य शिशोः करं च यदा विरिंचिर्न शशाक मोचितुम् । तदा समुद्रः प्रहसन्प्रयातः कूर्चं प्रगृह्यार्भकरं विमोचयन्

gṛhītakūrcasya śiśoḥ karaṁ ca yadā viriṁcirna śaśāka mocitum tadā samudraḥ prahasanprayātaḥ kūrcaṁ pragṛhyārbhakaraṁ vimocayan

जब उस शिशु ने ब्रह्मा के केश-गुच्छ को पकड़ लिया और ब्रह्मा उसे छुड़ा न सके, तब समुद्र हँसते हुए आगे आया और उस गुच्छ को पकड़कर बालक का हाथ छुड़ाया।

श्लोक 50 (padma.6.3.50)

तादृशं तस्य बालस्य दृष्ट्वा विक्रममात्मभूः । प्रीत्या जालंधरेत्याह नाम्ना जालंधरोऽभवत्

tādṛśaṁ tasya bālasya dṛṣṭvā vikramamātmabhūḥ prītyā jālaṁdharetyāha nāmnā jālaṁdharo'bhavat

उस बालक का ऐसा पराक्रम देखकर स्वयंभू ब्रह्मा ने प्रेमपूर्वक कहा 'जलंधर' — और उसी नाम से वह जलंधर कहलाया।

श्लोक 51 (padma.6.3.51)

वरं ददावथो तस्य प्रणयेन प्रजापतिः । अयं जालंधरो देवैरजेयश्च भविष्यति

varaṁ dadāvatho tasya praṇayena prajāpatiḥ ayaṁ jālaṁdharo devairajeyaśca bhaviṣyati

फिर प्रजापति ब्रह्मा ने प्रेमपूर्वक उसे यह वर दिया — 'यह जलंधर देवताओं के लिए अजेय होगा,

श्लोक 52 (padma.6.3.52)

पातालसहितं नाकं मत्प्रसादेन भोक्ष्यति । इत्युक्त्वांतर्दधे ब्रह्मा हंसमारुह्य सत्वरः

pātālasahitaṁ nākaṁ matprasādena bhokṣyati ityuktvāṁtardadhe brahmā haṁsamāruhya satvaraḥ

मेरी कृपा से यह पाताल सहित स्वर्ग का भी भोग करेगा।' यह कहकर ब्रह्मा शीघ्र ही हंस पर सवार होकर अंतर्धान हो गए।