पौष शुक्ल पुत्रदा एकादशी

श्लोक 1 (padma.6.41.1)

युधिष्ठिर उवाच- कथिता वै त्वया कृष्ण सफलैकादशी शुभा । कथयस्व प्रसादेन शुक्लपक्षस्य या भवेत्

yudhiṣṭhira uvāca- kathitā vai tvayā kṛṣṇa saphalaikādaśī śubhā kathayasva prasādena śuklapakṣasya yā bhavet

युधिष्ठिर ने कहा - हे कृष्ण! आपने सफला एकादशी का शुभ वर्णन किया। अब कृपया शुक्ल पक्ष में आने वाली एकादशी के विषय में बताइए।

श्लोक 2 (padma.6.41.2)

किन्नाम को विधिस्तस्याः को देवस्तत्र पूज्यते । कस्मै तुष्टो हृषीकेशस्त्वमेव पुरुषोत्तमः

kinnāma ko vidhistasyāḥ ko devastatra pūjyate kasmai tuṣṭo hṛṣīkeśastvameva puruṣottamaḥ

उसका क्या नाम है, उसकी क्या विधि है, वहाँ किस देवता की पूजा होती है, और किससे प्रसन्न होकर हृषीकेश - जो आप स्वयं पुरुषोत्तम हैं - फल देते हैं?

श्लोक 3 (padma.6.41.3)

श्रीकृष्ण उवाच-। शृणु राजन्प्रवक्ष्यामि शुक्ला पौषस्य या भवेत् । कथयामि महाराज लोकानां हितकाम्यया

śrīkṛṣṇa uvāca- śṛṇu rājanpravakṣyāmi śuklā pauṣasya yā bhavet kathayāmi mahārāja lokānāṁ hitakāmyayā

श्रीकृष्ण ने कहा - हे राजन्! सुनो, मैं पौष मास के शुक्ल पक्ष में आने वाली एकादशी का वर्णन करता हूँ। हे महाराज! लोगों के हित की कामना से मैं यह कहता हूँ।

श्लोक 4 (padma.6.41.4)

पूर्वेण विधिना राजन्कर्त्तव्यैषा प्रयत्नतः । पुत्रदा नाम नाम्ना सा सर्वपापहरा परा

pūrveṇa vidhinā rājankarttavyaiṣā prayatnataḥ putradā nāma nāmnā sā sarvapāpaharā parā

यह पहले बताई गई विधि के अनुसार ही यत्नपूर्वक करनी चाहिए। इसका नाम पुत्रदा है, जो समस्त पापों को हरने वाली परम एकादशी है।

श्लोक 5 (padma.6.41.5)

नारायणोऽधिदेवोऽस्या कामदः सिद्धिदायकः । नातः परतरा काचित्त्रैलोक्ये सचराचरे

nārāyaṇo'dhidevo'syā kāmadaḥ siddhidāyakaḥ nātaḥ paratarā kācittrailokye sacarācare

इसके अधिष्ठाता देवता नारायण हैं, जो कामनाओं को पूर्ण करने वाले और सिद्धि देने वाले हैं। चराचर त्रिलोक में इससे बढ़कर कोई एकादशी नहीं है।

श्लोक 6 (padma.6.41.6)

विद्यावंतं यशस्वंतं करोति च नरं हरिः । शृणु राजन्प्रवक्ष्यामि कथां पापहरां पराम्

vidyāvaṁtaṁ yaśasvaṁtaṁ karoti ca naraṁ hariḥ śṛṇu rājanpravakṣyāmi kathāṁ pāpaharāṁ parām

श्री हरि मनुष्य को विद्यावान और यशस्वी बनाते हैं। हे राजन्! सुनो, मैं पाप हरने वाली परम कथा कहता हूँ।

श्लोक 7 (padma.6.41.7)

भद्रावत्यां पुरा ह्यासीत्पुर्यां राजा सुकेतुमान् । तस्य राज्ञस्तथाराज्ञी चंपका नाम वर्त्तते

bhadrāvatyāṁ purā hyāsītpuryāṁ rājā suketumān tasya rājñastathārājñī caṁpakā nāma varttate

प्राचीन काल में भद्रावती नगरी में सुकेतुमान नामक राजा थे। उनकी रानी का नाम चंपका था।

श्लोक 8 (padma.6.41.8)

पुत्रहीनेन राज्ञा च काले नीतो मनोरथैः । नैवात्मजं नृपो लेभे वंशकर्त्तारमेव च

putrahīnena rājñā ca kāle nīto manorathaiḥ naivātmajaṁ nṛpo lebhe vaṁśakarttārameva ca

पुत्रहीन उस राजा का समय अनेक कामनाओं में बीत रहा था, किंतु राजा को न तो पुत्र मिला और न ही वंश को आगे बढ़ाने वाला कोई संतान।

श्लोक 9 (padma.6.41.9)

तेनैव राज्ञा धर्मेण चिंतितं बहुकालतः । किं करोमि क्व गच्छामि सुतप्राप्तिः कथं भवेत्

tenaiva rājñā dharmeṇa ciṁtitaṁ bahukālataḥ kiṁ karomi kva gacchāmi sutaprāptiḥ kathaṁ bhavet

उस धर्मात्मा राजा ने बहुत काल तक यही चिंता की - मैं क्या करूँ, कहाँ जाऊँ, पुत्र-प्राप्ति कैसे हो?

श्लोक 10 (padma.6.41.10)

न राष्ट्रे न पुरे सौख्यं लेभे राजा सुकेतुमान् । साध्व्य स्वकांतया सार्द्धं प्रत्यहं दुःखितोऽभवत्

na rāṣṭre na pure saukhyaṁ lebhe rājā suketumān sādhvya svakāṁtayā sārddhaṁ pratyahaṁ duḥkhito'bhavat

राजा सुकेतुमान को न राज्य में और न नगर में कोई सुख मिलता था। वे अपनी सती पत्नी के साथ प्रतिदिन दुःखी रहते थे।

श्लोक 11 (padma.6.41.11)

तावुभौ दंपती नित्यं चिंताशोकपरायणौ । पितरोऽस्य जलं दत्तं कवोष्णमुपभुंजते

tāvubhau daṁpatī nityaṁ ciṁtāśokaparāyaṇau pitaro'sya jalaṁ dattaṁ kavoṣṇamupabhuṁjate

वे दोनों दंपति सदा चिंता और शोक में डूबे रहते थे। उनके पितरों को भी केवल कुनकुना जल ही अर्पित हो पाता था।

श्लोक 12 (padma.6.41.12)

राज्ञः पश्चान्न पश्यामो योऽस्मान्संतर्पयिष्यति । इत्येवं संस्मरंतोऽस्य दुःखिताः पितरोऽभवन्

rājñaḥ paścānna paśyāmo yo'smānsaṁtarpayiṣyati ityevaṁ saṁsmaraṁto'sya duḥkhitāḥ pitaro'bhavan

'राजा के बाद हमें तृप्त करने वाला कोई और नहीं दिखता' - ऐसा स्मरण करते हुए उसके पितर भी दुःखी हो गए।

श्लोक 13 (padma.6.41.13)

न बांधवा न मित्राणि नामात्याः सुहृदस्तथा । रोचयंत्यस्य भूपस्य न गजाश्वाः पदातयः

na bāṁdhavā na mitrāṇi nāmātyāḥ suhṛdastathā rocayaṁtyasya bhūpasya na gajāśvāḥ padātayaḥ

न बंधु, न मित्र, न मंत्री, न सुहृद, न हाथी-घोड़े, न पैदल सेना - कुछ भी उस राजा को प्रसन्न नहीं कर पाता था।

श्लोक 14 (padma.6.41.14)

नैराश्यं भूपतेस्तस्य नित्यं मनसि वर्त्तते । नरस्य पुत्रहीनस्य नास्ति वै जन्मनः फलम्

nairāśyaṁ bhūpatestasya nityaṁ manasi varttate narasya putrahīnasya nāsti vai janmanaḥ phalam

उस राजा के मन में सदा निराशा बनी रहती थी, क्योंकि पुत्रहीन मनुष्य के जन्म का कोई फल नहीं होता।

श्लोक 15 (padma.6.41.15)

अपुत्रस्य गृहं शून्यं हृदयं दुःखितं सदा । पितृदेवमनुष्याणां नानृणत्वं सुतं विना

aputrasya gṛhaṁ śūnyaṁ hṛdayaṁ duḥkhitaṁ sadā pitṛdevamanuṣyāṇāṁ nānṛṇatvaṁ sutaṁ vinā

पुत्रहीन का घर सूना और हृदय सदा दुःखी रहता है। पुत्र के बिना पितरों, देवताओं और मनुष्यों के ऋण से मुक्ति नहीं मिलती।

श्लोक 16 (padma.6.41.16)

तस्मात्सर्वप्रयत्नेन सुतमुत्पादयेन्नरः । इह लोके यशस्तेषां परलोके शुभा गतिः

tasmātsarvaprayatnena sutamutpādayennaraḥ iha loke yaśasteṣāṁ paraloke śubhā gatiḥ

अतः मनुष्य को हर प्रयास से पुत्र उत्पन्न करना चाहिए, क्योंकि इससे इस लोक में यश और परलोक में शुभ गति मिलती है।

श्लोक 17 (padma.6.41.17)

येषां तु पुण्यकर्तॄणां पुत्रजन्मगृहे भवेत् । आयुरारोग्यसंपत्तिस्तेषां गेहे प्रवर्तते

yeṣāṁ tu puṇyakartṝṇāṁ putrajanmagṛhe bhavet āyurārogyasaṁpattisteṣāṁ gehe pravartate

जिन पुण्यात्माओं के घर पुत्र-जन्म होता है, उनके घर में आयु, आरोग्य और संपत्ति सदा बनी रहती है।

श्लोक 18 (padma.6.41.18)

पुत्रजन्म गृहे येषां लोकानां पुण्यकारिणाम् । पुण्यं विना न च प्राप्तिर्विष्णुभक्तिं विना नृप

putrajanma gṛhe yeṣāṁ lokānāṁ puṇyakāriṇām puṇyaṁ vinā na ca prāptirviṣṇubhaktiṁ vinā nṛpa

हे राजन्! जिन घरों में पुत्र-जन्म होता है, वह पुण्य के बिना नहीं मिलता, और पुण्य विष्णु-भक्ति के बिना नहीं मिलता।

श्लोक 19 (padma.6.41.19)

पुत्राश्च संपदो वापि निश्चयादिति मे मतिः । एवं विचिंत्यमानोऽसौ न शर्म लभते नृपः

putrāśca saṁpado vāpi niścayāditi me matiḥ evaṁ viciṁtyamāno'sau na śarma labhate nṛpaḥ

'पुत्र और संपत्ति दोनों केवल भाग्य से ही मिलते हैं' - ऐसा सोचते हुए भी राजा को शांति नहीं मिली।

श्लोक 20 (padma.6.41.20)

प्रत्यूषे चिंतयद्राजा निशीथे चिंतयत्ततः । स्वयमात्मविनाशं च चिंतयामास केतुमान्

pratyūṣe ciṁtayadrājā niśīthe ciṁtayattataḥ svayamātmavināśaṁ ca ciṁtayāmāsa ketumān

राजा प्रातःकाल भी चिंता करते, आधी रात को भी चिंता करते; अंततः केतुमान ने अपने प्राण त्यागने तक की बात सोच ली।

श्लोक 21 (padma.6.41.21)

आत्मघाते दुर्गतिं च चिंतयित्वा तदा नृपः । दृष्ट्वात्मदेहं पतितमपुत्रत्वं तथैव च

ātmaghāte durgatiṁ ca ciṁtayitvā tadā nṛpaḥ dṛṣṭvātmadehaṁ patitamaputratvaṁ tathaiva ca

आत्महत्या से होने वाली दुर्गति का विचार करके, अपने पतित हुए शरीर और अपनी पुत्रहीनता को देखकर,

श्लोक 22 (padma.6.41.22)

पुनर्विचार्यात्मबुद्ध्या आत्मनो हितकारणम् । अश्वारूढस्ततो राजा जगाम गहनं वनम्

punarvicāryātmabuddhyā ātmano hitakāraṇam aśvārūḍhastato rājā jagāma gahanaṁ vanam

पुनः अपनी बुद्धि से अपने हित के विषय में विचार करके, राजा घोड़े पर सवार होकर घने वन में चले गए।

श्लोक 23 (padma.6.41.23)

पुरोहितादयः सर्वे न जानंति गतं नृपम् । गंभीरे विपिने राजा मृगपक्षिनिषेविते

purohitādayaḥ sarve na jānaṁti gataṁ nṛpam gaṁbhīre vipine rājā mṛgapakṣiniṣevite

पुरोहित आदि किसी को भी राजा के जाने का पता न चला। राजा उस गंभीर वन में गए, जो मृगों और पक्षियों से भरा था।

श्लोक 24 (padma.6.41.24)

विचचार तदा राजा वनवृक्षान्विलोकयन् । वटानश्वत्थबिल्वांश्च खर्जूरान्पनसांस्तथा

vicacāra tadā rājā vanavṛkṣānvilokayan vaṭānaśvatthabilvāṁśca kharjūrānpanasāṁstathā

राजा वन में विचरते हुए वृक्षों को निहारने लगे - बरगद, पीपल, बेल, खजूर और कटहल के वृक्ष,

श्लोक 25 (padma.6.41.25)

बकुलान्सप्तपर्णांश्च तिंदुकांस्तिलकानपि । शालांस्तालांस्तमालांश्च ददर्श सरलान्नृपः

bakulānsaptaparṇāṁśca tiṁdukāṁstilakānapi śālāṁstālāṁstamālāṁśca dadarśa saralānnṛpaḥ

बकुल, सप्तपर्ण, तेंदू और तिलक के वृक्ष; राजा ने साल, ताल, तमाल और सरल वृक्ष भी देखे।

श्लोक 26 (padma.6.41.26)

इंगुदी ककुभांश्चैव श्लेष्मातकनगांस्तथा । शल्लकान्करमर्दांश्च पाटलान्बदरानपि

iṁgudī kakubhāṁścaiva śleṣmātakanagāṁstathā śallakānkaramardāṁśca pāṭalānbadarānapi

इंगुदी, ककुभ और श्लेष्मातक वृक्ष भी वहाँ थे; शल्लकी, करौंदा, पाटल और बेर के वृक्ष भी उन्होंने देखे।

श्लोक 27 (padma.6.41.27)

अशोकांश्च पलाशांश्च शृगालाञ्शशकानपि । वनमार्जारमहिषान्शल्लकांश्चमरानपि

aśokāṁśca palāśāṁśca śṛgālāñśaśakānapi vanamārjāramahiṣānśallakāṁścamarānapi

अशोक और पलाश के वृक्ष, गीदड़ और खरगोश भी दिखे; वन-बिलाव, भैंसे, शल्लक (साही) और चमरी गाय भी।

श्लोक 28 (padma.6.41.28)

ददर्श भुजगान्राजा वल्मीकादर्द्धनिःसृतान् । तथा वनगजान् मत्तान् कलभैः सह संगतान्

dadarśa bhujagānrājā valmīkādarddhaniḥsṛtān tathā vanagajān mattān kalabhaiḥ saha saṁgatān

राजा ने बांबी से आधे बाहर निकले हुए सर्पों को देखा, तथा मदमस्त वन-हाथियों को अपने बच्चों के साथ विचरते देखा।

श्लोक 29 (padma.6.41.29)

यूथपांश्च चतुर्दंतान्करिणीयूथमध्यगान् । तान्दृष्ट्वा चिंतयामास आत्मनः स गजान्नृपः

yūthapāṁśca caturdaṁtānkariṇīyūthamadhyagān tāndṛṣṭvā ciṁtayāmāsa ātmanaḥ sa gajānnṛpaḥ

चार दाँतों वाले यूथपति हाथियों को हथिनियों के झुंड के बीच देखकर, राजा को अपने ही हाथियों का स्मरण हो आया।

श्लोक 30 (padma.6.41.30)

तेषां स विचरन्मध्ये राजा शोभामवाप ह । महदाश्चर्यसंयुक्तं ददृशे विपिनं नृपः

teṣāṁ sa vicaranmadhye rājā śobhāmavāpa ha mahadāścaryasaṁyuktaṁ dadṛśe vipinaṁ nṛpaḥ

उन्हीं के बीच विचरते हुए राजा को एक विशेष शोभा प्राप्त हुई; उन्होंने महान आश्चर्य से युक्त वन को देखा।

श्लोक 31 (padma.6.41.31)

मार्गे शिवारुतान्शृण्वन्नुलूकविरुतं तथा । तांस्तानृक्षमृगान्पश्यन्बभ्राम वनमध्यतः

mārge śivārutānśṛṇvannulūkavirutaṁ tathā tāṁstānṛkṣamṛgānpaśyanbabhrāma vanamadhyataḥ

मार्ग में सियारों की चीत्कार और उल्लुओं की बोली सुनते हुए, तथा भालू और मृगों को देखते हुए, राजा वन के बीच भटकते रहे।

श्लोक 32 (padma.6.41.32)

एवं ददर्श गहनं नृपो मध्यगते रवौ । क्षुत्तृड्भ्यां पीडितो राजा इतश्चेतश्च धावति

evaṁ dadarśa gahanaṁ nṛpo madhyagate ravau kṣuttṛḍbhyāṁ pīḍito rājā itaścetaśca dhāvati

इस प्रकार सूर्य के मध्याह्न में पहुँचने तक राजा घने वन को देखते रहे; भूख-प्यास से पीड़ित होकर राजा इधर-उधर दौड़ने लगे।

श्लोक 33 (padma.6.41.33)

नृपतिश्चिंतयामास संशुष्कगलकंधरः । मया तु किं कृतं कर्म प्राप्तं दुःखं यदीदृशम्

nṛpatiściṁtayāmāsa saṁśuṣkagalakaṁdharaḥ mayā tu kiṁ kṛtaṁ karma prāptaṁ duḥkhaṁ yadīdṛśam

गला और तालु सूख जाने पर राजा सोचने लगे - मैंने ऐसा कौन-सा कर्म किया कि मुझे ऐसा दुःख भोगना पड़ रहा है?

श्लोक 34 (padma.6.41.34)

मया वै तोषिता देवा यज्ञैः पूजाभिरेव च । तथैव ब्राह्मणा दानैस्तोषिता मिष्टभोजनैः

mayā vai toṣitā devā yajñaiḥ pūjābhireva ca tathaiva brāhmaṇā dānaistoṣitā miṣṭabhojanaiḥ

मैंने यज्ञों और पूजाओं से देवताओं को संतुष्ट किया है, और दान तथा मिष्ट भोजन से ब्राह्मणों को भी संतुष्ट किया है।

श्लोक 35 (padma.6.41.35)

प्रजाश्चैव सदा कालं पुत्रवत्पालिता भृशम् । कस्माद्दुःखं मया प्राप्तमीदृशं दारुणं महत्

prajāścaiva sadā kālaṁ putravatpālitā bhṛśam kasmādduḥkhaṁ mayā prāptamīdṛśaṁ dāruṇaṁ mahat

मैंने सदा प्रजा का पालन पुत्र के समान किया है, फिर मुझे ऐसा भयंकर और महान दुःख क्यों मिला?

श्लोक 36 (padma.6.41.36)

इति चिंतापरो राजा जगामैवाग्रतो वनम् । सुकृतस्य प्रभावेन सरो दृष्टमनुत्तमम्

iti ciṁtāparo rājā jagāmaivāgrato vanam sukṛtasya prabhāvena saro dṛṣṭamanuttamam

इस प्रकार चिंतामग्न राजा वन में और आगे बढ़ गए; अपने पुण्य के प्रभाव से उन्हें एक अत्यंत उत्तम सरोवर दिखाई दिया।

श्लोक 37 (padma.6.41.37)

मीनसंस्पर्शमानं च पद्मैश्चापरशोभितम् । कारंडैश्चक्रवाकैश्च राजहंसैश्च शोभितम्

mīnasaṁsparśamānaṁ ca padmaiścāparaśobhitam kāraṁḍaiścakravākaiśca rājahaṁsaiśca śobhitam

वह सरोवर मछलियों के स्पर्श से चंचल था और कमलों से सुशोभित था; वह कारंडव, चक्रवाक और राजहंसों से भी सुशोभित था।

श्लोक 38 (padma.6.41.38)

मकरैर्बहुभिर्मत्स्यैरन्यैर्जलचरैर्युतम् । समीपे सरसस्तस्य मुनीनामाश्रमान्बहून्

makarairbahubhirmatsyairanyairjalacarairyutam samīpe sarasastasya munīnāmāśramānbahūn

वह अनेक मगरमच्छों, मछलियों और अन्य जलचरों से भरा था; उस सरोवर के समीप राजा ने अनेक मुनियों के आश्रम देखे।

श्लोक 39 (padma.6.41.39)

ददर्श राजा लक्ष्मीवान्शकुनैः शुभशंसिभिः । दक्षिणं प्रास्फुरन्नेत्रमथ सव्येतरः करः

dadarśa rājā lakṣmīvānśakunaiḥ śubhaśaṁsibhiḥ dakṣiṇaṁ prāsphurannetramatha savyetaraḥ karaḥ

श्रीसंपन्न राजा ने शुभ शकुन देने वाले पक्षियों को देखा; उनकी दाहिनी आँख और दाहिना हाथ फड़कने लगे।

श्लोक 40 (padma.6.41.40)

प्रास्फुरन्नृपतेस्तस्य कथयञ्शोभनं फलम् । तस्य तीरे मुनीन्दृष्ट्वा कुर्वाणन्नैगमं जपम्

prāsphurannṛpatestasya kathayañśobhanaṁ phalam tasya tīre munīndṛṣṭvā kurvāṇannaigamaṁ japam

राजा के लिए वह फड़कन शुभ फल का संकेत दे रही थी; उस सरोवर के तट पर उन्होंने मुनियों को वैदिक जप करते देखा।

श्लोक 41 (padma.6.41.41)

हर्षेण महताविष्टो बभूव नृपनंदनः । अवतीर्य हयात्तस्मान्मुनीनामग्रतः स्थितः

harṣeṇa mahatāviṣṭo babhūva nṛpanaṁdanaḥ avatīrya hayāttasmānmunīnāmagrataḥ sthitaḥ

राजा अत्यंत हर्ष से भर गए; घोड़े से उतरकर वे उन मुनियों के सामने खड़े हो गए।

श्लोक 42 (padma.6.41.42)

पृथक्पृथग्ववंदेऽसौ मुनींस्तान्शंसितव्रतान् । कृतांजलिपुटो भूत्वा दंडवच्च पुनः पुनः

pṛthakpṛthagvavaṁde'sau munīṁstānśaṁsitavratān kṛtāṁjalipuṭo bhūtvā daṁḍavacca punaḥ punaḥ

उन्होंने सिद्धव्रत मुनियों को हाथ जोड़कर, बार-बार दंडवत् प्रणाम करते हुए, एक-एक करके अलग-अलग प्रणाम किया।

श्लोक 43 (padma.6.41.43)

प्रत्यूचुस्तेऽपि मुनयः प्रसन्ना नृपते वयम् । राजोवाच- के भवंतोऽत्र कथ्यंतां का चाख्या भवतामपि । किमर्थं संगता यूयं सत्यं वदत मेऽग्रतः

pratyūcuste'pi munayaḥ prasannā nṛpate vayam rājovāca- ke bhavaṁto'tra kathyaṁtāṁ kā cākhyā bhavatāmapi kimarthaṁ saṁgatā yūyaṁ satyaṁ vadata me'grataḥ

वे मुनि भी प्रसन्न होकर बोले - हे राजन्! हम प्रसन्न हैं। राजा ने कहा - आप कौन हैं, अपना परिचय दीजिए, और आपका नाम क्या है? आप यहाँ किसलिए एकत्र हुए हैं? मेरे सामने सत्य कहिए।

श्लोक 44 (padma.6.41.44)

मुनय ऊचुः- विश्वेदेवा वयं राजन्स्नानार्थमिह चागताः । माघो निकटमायात एतस्मात्पंचमेऽहनि

munaya ūcuḥ- viśvedevā vayaṁ rājansnānārthamiha cāgatāḥ māgho nikaṭamāyāta etasmātpaṁcame'hani

मुनियों ने कहा - हे राजन्! हम विश्वेदेव हैं, यहाँ स्नान के लिए आए हैं। यहाँ से पाँचवें दिन माघ मास निकट आ रहा है।

श्लोक 45 (padma.6.41.45)

अद्य चैकादशी राजन्पुत्रदा नाम नामतः । पुत्रं ददात्यसौ विष्णुः पुत्रदा कारिणां नृणाम्

adya caikādaśī rājanputradā nāma nāmataḥ putraṁ dadātyasau viṣṇuḥ putradā kāriṇāṁ nṛṇām

आज ही, हे राजन्, पुत्रदा नामक एकादशी है; इसे करने वालों को विष्णु पुत्र प्रदान करते हैं।

श्लोक 46 (padma.6.41.46)

राजोवाच- एष वै संशयो मह्यं पुत्रस्योत्पादने महान् । यदि तुष्टा भवंतो वै पुत्रं मे दीयतां तदा

rājovāca- eṣa vai saṁśayo mahyaṁ putrasyotpādane mahān yadi tuṣṭā bhavaṁto vai putraṁ me dīyatāṁ tadā

राजा ने कहा - पुत्र-प्राप्ति के विषय में मुझे बड़ा संशय है। यदि आप प्रसन्न हैं तो मुझे पुत्र प्रदान कीजिए।

श्लोक 47 (padma.6.41.47)

मुनिरुवाच- अद्यैव दिवसे राजन्पुत्रदा नाम वर्तते । एकादशीति विख्यातं क्रियतां व्रतमुत्तमम्

muniruvāca- adyaiva divase rājanputradā nāma vartate ekādaśīti vikhyātaṁ kriyatāṁ vratamuttamam

मुनि ने कहा - हे राजन्! आज ही पुत्रदा नामक दिन है, जिसे एकादशी कहा जाता है; इस उत्तम व्रत को करो।

श्लोक 48 (padma.6.41.48)

अभिषेकात्ततोऽस्माकं केशवस्य प्रसादतः । अवश्यं तव राजेंद्र पुत्रप्राप्तिर्भविष्यति

abhiṣekāttato'smākaṁ keśavasya prasādataḥ avaśyaṁ tava rājeṁdra putraprāptirbhaviṣyati

हमारे स्नान के पश्चात्, केशव की कृपा से, हे राजेंद्र, तुम्हें अवश्य ही पुत्र-प्राप्ति होगी।

श्लोक 49 (padma.6.41.49)

इत्येवं वचनात्तेषां कृतं राज्ञा व्रतोत्तमम् । मुनीनामुपदेशेन पुत्रदा या विधानतः

ityevaṁ vacanātteṣāṁ kṛtaṁ rājñā vratottamam munīnāmupadeśena putradā yā vidhānataḥ

उनके इस वचन से राजा ने मुनियों के उपदेश तथा विधिपूर्वक उस उत्तम पुत्रदा व्रत को किया।

श्लोक 50 (padma.6.41.50)

द्वादश्यां पारणं कृत्वा मुनीन्नत्वा पुनः पुनः । आजगाम गृहं राजा राज्ञी गर्भमथादधौ

dvādaśyāṁ pāraṇaṁ kṛtvā munīnnatvā punaḥ punaḥ ājagāma gṛhaṁ rājā rājñī garbhamathādadhau

द्वादशी को पारण करके और मुनियों को बार-बार प्रणाम करके, राजा घर लौट आए, और रानी ने गर्भ धारण किया।

श्लोक 51 (padma.6.41.51)

पुत्रो जातः सूतिकाले तेजस्वी पुण्यकर्मणा । पितरं तोषयामास प्रजापालो बभूव सः

putro jātaḥ sūtikāle tejasvī puṇyakarmaṇā pitaraṁ toṣayāmāsa prajāpālo babhūva saḥ

प्रसव के समय एक तेजस्वी पुत्र, पुण्य कर्मों के फलस्वरूप, जन्मा; उसने अपने पिता को संतुष्ट किया और प्रजापालक बना।

श्लोक 52 (padma.6.41.52)

तस्माद्राजन्प्रकर्त्तव्यं पुत्रदा व्रतमुत्तमम् । लोकानां तु हितार्थाय तवाग्रे कथितं मया

tasmādrājanprakarttavyaṁ putradā vratamuttamam lokānāṁ tu hitārthāya tavāgre kathitaṁ mayā

इसलिए, हे राजन्! पुत्रदा नामक यह उत्तम व्रत अवश्य करना चाहिए; मैंने यह लोगों के हित के लिए तुम्हें बताया है।

श्लोक 53 (padma.6.41.53)

एकचित्तास्तु ये मर्त्याः कुर्वंति पुत्रदा व्रतम् । पुत्रान्प्राप्येह लोके तु मृतास्ते स्वर्गगामिनः । पठनाच्छ्रवणाद्राजन्नग्निष्टोमफलं लभेत्

ekacittāstu ye martyāḥ kurvaṁti putradā vratam putrānprāpyeha loke tu mṛtāste svargagāminaḥ paṭhanācchravaṇādrājannagniṣṭomaphalaṁ labhet

जो मनुष्य एकचित्त होकर पुत्रदा व्रत करते हैं, वे इस लोक में पुत्र पाकर मृत्यु के पश्चात् स्वर्ग जाते हैं; इसे पढ़ने या सुनने मात्र से अग्निष्टोम यज्ञ का फल मिलता है।