चैत्र शुक्ल कामदा एकादशी

श्लोक 1 (padma.6.47.1)

युधिष्ठिर उवाच- वासुदेव नमस्तुभ्यं कथयस्व ममाग्रतः । चैत्रस्य शुक्लपक्षे तु किं नामैकादशी भवेत्

yudhiṣṭhira uvāca- vāsudeva namastubhyaṁ kathayasva mamāgrataḥ caitrasya śuklapakṣe tu kiṁ nāmaikādaśī bhavet

युधिष्ठिर ने कहा - हे वासुदेव! आपको नमस्कार है। मुझे बताइए, चैत्र के शुक्ल पक्ष में कौन-सी एकादशी होती है?

श्लोक 2 (padma.6.47.2)

श्रीकृष्ण उवाच- शृणुष्वैकमना राजन्कथां पुण्यां पुरातनीम् । वसिष्ठो यामकथयत्प्राग्दिलीपाय पृच्छते

śrīkṛṣṇa uvāca- śṛṇuṣvaikamanā rājankathāṁ puṇyāṁ purātanīm vasiṣṭho yāmakathayatprāgdilīpāya pṛcchate

श्रीकृष्ण ने कहा - हे राजन्! एकाग्रचित्त होकर सुनो वह पुरातन पुण्यमय कथा, जो वसिष्ठ ने पहले पूछते हुए दिलीप से कही थी।

श्लोक 3 (padma.6.47.3)

दिलीप उवाच- भगवञ्छ्रोतुमिच्छामि कथयस्व प्रसादतः । चैत्रमासि सिते पक्षे किंनामैकादशी भवेत्

dilīpa uvāca- bhagavañchrotumicchāmi kathayasva prasādataḥ caitramāsi site pakṣe kiṁnāmaikādaśī bhavet

दिलीप ने कहा - हे भगवन्! मैं सुनना चाहता हूँ, कृपया बताइए। चैत्र मास के शुक्ल पक्ष में कौन-सी एकादशी होती है?

श्लोक 4 (padma.6.47.4)

वसिष्ठ उवाच- साधु पृष्टं त्वया राजन्कथयामि तवाग्रतः । चैत्रस्य शुक्लपक्षे तु कामदा नाम नामतः

vasiṣṭha uvāca- sādhu pṛṣṭaṁ tvayā rājankathayāmi tavāgrataḥ caitrasya śuklapakṣe tu kāmadā nāma nāmataḥ

वसिष्ठ ने कहा - हे राजन्! तुमने अच्छा प्रश्न किया है, मैं तुम्हें बताता हूँ। चैत्र के शुक्ल पक्ष में जो एकादशी होती है, वह कामदा नाम से जानी जाती है।

श्लोक 5 (padma.6.47.5)

एकादशी पुण्यतमा पापेंधनदवानलः । शृणु राजन्कथामेतां पापघ्नीं पुण्यदायिनीम्

ekādaśī puṇyatamā pāpeṁdhanadavānalaḥ śṛṇu rājankathāmetāṁ pāpaghnīṁ puṇyadāyinīm

वह अत्यंत पुण्यमयी एकादशी पाप-रूपी ईंधन के लिए दावानल के समान है। हे राजन्! सुनो यह पापनाशक और पुण्यदायिनी कथा।

श्लोक 6 (padma.6.47.6)

पुरा नागपुरे रम्ये हेमरत्नविभूषिते । पुंडरीकमुखा नागा निवसंति महोत्कटाः

purā nāgapure ramye hemaratnavibhūṣite puṁḍarīkamukhā nāgā nivasaṁti mahotkaṭāḥ

प्राचीन काल में नागपुर नामक रमणीय नगर में, जो सोने और रत्नों से विभूषित था, पुंडरीकमुख नामक अत्यंत उग्र नाग निवास करते थे।

श्लोक 7 (padma.6.47.7)

तस्मिन्पुरे पुंडरीको राजा राज्यं चकार सः । गन्धर्वैः किन्नरैश्चैव अप्सरोभिश्च सेव्यते

tasminpure puṁḍarīko rājā rājyaṁ cakāra saḥ gandharvaiḥ kinnaraiścaiva apsarobhiśca sevyate

उस नगर में राजा पुंडरीक राज्य करते थे, जो गंधर्वों, किन्नरों और अप्सराओं द्वारा सेवित थे।

श्लोक 8 (padma.6.47.8)

वराप्सरास्तु ललिता गंधर्वो ललितस्तथा । उभौ रागेण संरक्तौ दंपती कामपीडितौ

varāpsarāstu lalitā gaṁdharvo lalitastathā ubhau rāgeṇa saṁraktau daṁpatī kāmapīḍitau

वहाँ ललिता नाम की एक श्रेष्ठ अप्सरा और ललित नाम का एक गंधर्व रहते थे। दोनों परस्पर अनुराग से रंजित और काम से पीड़ित दंपति थे।

श्लोक 9 (padma.6.47.9)

रेमाते स्वगृहे रम्ये धनधान्ययुते तदा । ललितायाश्च हृदये पतिर्वसति सर्वदा

remāte svagṛhe ramye dhanadhānyayute tadā lalitāyāśca hṛdaye patirvasati sarvadā

वे दोनों धन-धान्य से युक्त अपने रमणीय घर में विहार करते थे। ललिता के हृदय में उसका पति सदा निवास करता था।

श्लोक 10 (padma.6.47.10)

हृदये तस्य ललिता नित्यं वसति भामिनी । एकदा पुंडरीकोऽथ क्रीडते सदसि स्थितः

hṛdaye tasya lalitā nityaṁ vasati bhāminī ekadā puṁḍarīko'tha krīḍate sadasi sthitaḥ

उस सुंदरी के हृदय में ललिता (उसका पति) सदा निवास करता था। एक बार पुंडरीक राजसभा में बैठे क्रीड़ा कर रहे थे।

श्लोक 11 (padma.6.47.11)

गीतं गानं प्रकुरुते ललितो दयितां विना । पदबंधस्खलज्जिह्वो बभूव ललितां स्मरन्

gītaṁ gānaṁ prakurute lalito dayitāṁ vinā padabaṁdhaskhalajjihvo babhūva lalitāṁ smaran

ललित अपनी प्रिया के बिना ही गान-गीत गाने लगा; ललिता का स्मरण करते हुए उसकी जिह्वा पद-रचना में स्खलित हो गई।

श्लोक 12 (padma.6.47.12)

मनोभावं विदित्वास्य कर्कटो नागसत्तमः । पदबंधच्युतिं तस्य पुंडरीके न्यवेदयत्

manobhāvaṁ viditvāsya karkaṭo nāgasattamaḥ padabaṁdhacyutiṁ tasya puṁḍarīke nyavedayat

उसके मन की इस स्थिति को जानकर कर्कट नामक श्रेष्ठ नाग ने उसके पद-भंग की बात पुंडरीक को बता दी।

श्लोक 13 (padma.6.47.13)

श्रुत्वा कर्कोटकवचः पुंडरीको भुजंगराट् । क्रोधसंरक्तनयनो बभूवातिभयंकरः

śrutvā karkoṭakavacaḥ puṁḍarīko bhujaṁgarāṭ krodhasaṁraktanayano babhūvātibhayaṁkaraḥ

कर्कोटक के वचन को सुनकर भुजंगराज पुंडरीक अत्यंत क्रोध से रक्त-नेत्र और अत्यंत भयंकर हो उठे।

श्लोक 14 (padma.6.47.14)

शशाप ललितं तत्र गायंतं मदनातुरम् । राक्षसो भव दुर्बुद्धे क्रव्यादः पुरुषादकः

śaśāpa lalitaṁ tatra gāyaṁtaṁ madanāturam rākṣaso bhava durbuddhe kravyādaḥ puruṣādakaḥ

उन्होंने वहाँ काम से आतुर होकर गाते हुए ललित को शाप दिया - 'हे दुर्बुद्धे! तू राक्षस बन जा, मांसभक्षी और नरभक्षी।

श्लोक 15 (padma.6.47.15)

यतः पत्नीवशोपेतो गायमानो ममाग्रतः । वचनात्तस्य राजेंद्र रक्षोरूपो बभूव सः

yataḥ patnīvaśopeto gāyamāno mamāgrataḥ vacanāttasya rājeṁdra rakṣorūpo babhūva saḥ

क्योंकि तू अपनी पत्नी के वश में होकर मेरे सामने गाता रहा।' हे राजेंद्र! उनके इस वचन से वह राक्षस-रूप को प्राप्त हो गया।

श्लोक 16 (padma.6.47.16)

रौद्राननो विरूपाक्षो दृष्टमात्रो भयंकरः । बाहूयोजनविस्तीर्णौ मुखं कंदरसन्निभम्

raudrānano virūpākṣo dṛṣṭamātro bhayaṁkaraḥ bāhūyojanavistīrṇau mukhaṁ kaṁdarasannibham

उसका मुख भयंकर और नेत्र विरूप हो गए, देखते ही भय उत्पन्न होता था; उसकी भुजाएँ एक योजन तक फैली हुई थीं और मुख किसी गुफा के समान था।

श्लोक 17 (padma.6.47.17)

चंद्रसूर्यनिभे नेत्रे ग्रीवापर्वतसंनिभा । नासारंध्रे तु विवरे अधरौ योजनायतौ

caṁdrasūryanibhe netre grīvāparvatasaṁnibhā nāsāraṁdhre tu vivare adharau yojanāyatau

उसके नेत्र चंद्र-सूर्य के समान चमकते थे, गर्दन किसी पर्वत के समान थी; उसके नासिका-छिद्र गुहाओं के समान थे, और उसके होंठ एक-एक योजन लंबे थे।

श्लोक 18 (padma.6.47.18)

शरीरं तस्य राजेंद्र उत्थितं योजनाष्टकम् । ईदृशो राक्षसो भूत्वा भुंजानः कर्मणः फलम्

śarīraṁ tasya rājeṁdra utthitaṁ yojanāṣṭakam īdṛśo rākṣaso bhūtvā bhuṁjānaḥ karmaṇaḥ phalam

हे राजेंद्र! उसका शरीर आठ योजन तक ऊँचा उठा हुआ था। इस प्रकार का राक्षस बनकर वह अपने कर्म का फल भोगने लगा।

श्लोक 19 (padma.6.47.19)

ललिता तु तथालोक्य स्वपतिं विकृताकृतिम् । चिंतयामास मनसा दुःखेन महतार्दिता

lalitā tu tathālokya svapatiṁ vikṛtākṛtim ciṁtayāmāsa manasā duḥkhena mahatārditā

ललिता ने अपने पति को इस विकृत रूप में देखकर, अत्यंत दुःख से पीड़ित होकर मन ही मन विचार किया -

श्लोक 20 (padma.6.47.20)

किं करोमि क्व गच्छामि पतिः शापेन पीडितः । इति संस्मृत्य संस्मृत्य मनसा शर्म नालभत्

kiṁ karomi kva gacchāmi patiḥ śāpena pīḍitaḥ iti saṁsmṛtya saṁsmṛtya manasā śarma nālabhat

'मैं क्या करूँ, कहाँ जाऊँ? मेरे पति शाप से पीड़ित हो गए हैं।' ऐसा बार-बार सोचते हुए उसे मन में कोई शांति न मिली।

श्लोक 21 (padma.6.47.21)

चचार पतिना सार्द्धं ललिता गहने वने । बभ्राम विपिने दुर्गे कामरूपी स राक्षसः

cacāra patinā sārddhaṁ lalitā gahane vane babhrāma vipine durge kāmarūpī sa rākṣasaḥ

ललिता अपने पति के साथ घने वन में विचरने लगी; वह कामरूपी राक्षस भी दुर्गम वन में भटकता रहा।

श्लोक 22 (padma.6.47.22)

निर्घृणः पापनिरतो विरूपः पुरुषादकः । न सुखं लभते रात्रौ न दिवा पापपीडितः

nirghṛṇaḥ pāpanirato virūpaḥ puruṣādakaḥ na sukhaṁ labhate rātrau na divā pāpapīḍitaḥ

वह निर्दय, पाप में लीन, विरूप और नरभक्षी हो गया था; पाप से पीड़ित उसे न रात्रि में सुख मिलता था, न दिन में।

श्लोक 23 (padma.6.47.23)

ललिता दुःखितातीव पतिं दृष्ट्वा तथाविधम् । बभ्राम तेन सार्द्धं सा रुदती गहने वने

lalitā duḥkhitātīva patiṁ dṛṣṭvā tathāvidham babhrāma tena sārddhaṁ sā rudatī gahane vane

ललिता अपने पति को इस प्रकार देखकर अत्यंत दुःखी हो गई; वह रोती हुई उसके साथ घने वन में भटकती रही।

श्लोक 24 (padma.6.47.24)

दृष्ट्वाश्रमपदं रम्यं मुनिं संशांतविग्रहम् । शीघ्रं जगाम ललिता नमस्कृत्याग्रतः स्थिता

dṛṣṭvāśramapadaṁ ramyaṁ muniṁ saṁśāṁtavigraham śīghraṁ jagāma lalitā namaskṛtyāgrataḥ sthitā

एक रमणीय आश्रम-स्थल देखकर, जहाँ शांत-चित्त एक मुनि विराजमान थे, ललिता शीघ्र वहाँ गई और उन्हें प्रणाम करके उनके सामने खड़ी हो गई।

श्लोक 25 (padma.6.47.25)

तां दृष्ट्वा स मुनिः प्राह दुःखितां हि दयापरः । का त्वं कस्मादिहायाता सत्यं वद ममाग्रतः

tāṁ dṛṣṭvā sa muniḥ prāha duḥkhitāṁ hi dayāparaḥ kā tvaṁ kasmādihāyātā satyaṁ vada mamāgrataḥ

उसे दुःखी देखकर दयालु मुनि ने कहा - 'तुम कौन हो, कहाँ से आई हो? मेरे सामने सत्य बताओ।'

श्लोक 26 (padma.6.47.26)

ललितोवाच- वीरधन्वेति गंधर्वः सुता तस्य महात्मनः । ललितां नाम मां विद्धि पत्यर्थमिह चागताम्

lalitovāca- vīradhanveti gaṁdharvaḥ sutā tasya mahātmanaḥ lalitāṁ nāma māṁ viddhi patyarthamiha cāgatām

ललिता ने कहा - मुझे वीरधन्वा नामक महात्मा गंधर्व की पुत्री जानिए, ललिता नाम से; मैं यहाँ अपने पति के लिए आई हूँ।

श्लोक 27 (padma.6.47.27)

भर्ता मे पापदोषेण राक्षसोऽभून्महामुने । रौद्ररूपो दुराचारस्तं दृष्ट्वा नास्ति मे सुखम्

bhartā me pāpadoṣeṇa rākṣaso'bhūnmahāmune raudrarūpo durācārastaṁ dṛṣṭvā nāsti me sukham

हे महामुने! पाप के दोष से मेरे पति राक्षस बन गए हैं। उनका रौद्र रूप और दुराचरण देखकर मुझे कोई सुख नहीं मिलता।

श्लोक 28 (padma.6.47.28)

सांप्रतं शाधि मां ब्रह्मन्यत्कृत्यं तद्वद प्रभो । कुरुष्व तद् व्रतं भद्रे विधिपूर्वं मयोदितम्

sāṁprataṁ śādhi māṁ brahmanyatkṛtyaṁ tadvada prabho kuruṣva tad vrataṁ bhadre vidhipūrvaṁ mayoditam

अब, हे ब्रह्मन्, मुझे उपदेश दीजिए, बताइए मुझे क्या करना चाहिए। [ऋषि ने कहा:] हे भद्रे! मेरे बताए हुए उस व्रत को विधिपूर्वक करो।

श्लोक 29 (padma.6.47.29)

ऋषिरुवाच- चैत्रमासस्य रंभोरु शुक्लपक्षोऽस्ति सांप्रतम् । कामदैकादशीनाम पापघ्नी ललिते परा

ṛṣiruvāca- caitramāsasya raṁbhoru śuklapakṣo'sti sāṁpratam kāmadaikādaśīnāma pāpaghnī lalite parā

ऋषि ने कहा - हे सुंदर जंघाओं वाली! अभी चैत्र मास का शुक्ल पक्ष चल रहा है। हे ललिते! उसमें कामदा नाम की परम पापनाशक एकादशी है।

श्लोक 30 (padma.6.47.30)

कुरुष्व तद्व्रतं भद्रे विधिपूर्वं मयोदितम् । अस्य व्रतस्य यत्पुण्यं तत्स्वभर्त्रे प्रदीयताम्

kuruṣva tadvrataṁ bhadre vidhipūrvaṁ mayoditam asya vratasya yatpuṇyaṁ tatsvabhartre pradīyatām

हे भद्रे! मेरे बताए हुए उस व्रत को विधिपूर्वक करो। इस व्रत का जो भी पुण्य हो, वह अपने पति को अर्पित कर देना।

श्लोक 31 (padma.6.47.31)

दत्ते पुण्येक्षणात्तस्य शापदोषः प्रयास्यति । इति श्रुत्वा मुनेर्वाक्यं ललिता हर्षिताभवत्

datte puṇyekṣaṇāttasya śāpadoṣaḥ prayāsyati iti śrutvā munervākyaṁ lalitā harṣitābhavat

वह पुण्य अर्पित करते ही उसका शाप-दोष दूर हो जाएगा।' मुनि का यह वचन सुनकर ललिता हर्षित हो उठी।

श्लोक 32 (padma.6.47.32)

उपोष्यैकादशीं राजन्द्वादशीदिवसे तथा । विप्रस्यैव समीपे तद्वासुदेवस्य चाग्रतः

upoṣyaikādaśīṁ rājandvādaśīdivase tathā viprasyaiva samīpe tadvāsudevasya cāgrataḥ

हे राजन्! उसने एकादशी का उपवास किया, और द्वादशी के दिन ब्राह्मण के समीप और वासुदेव के सम्मुख,

श्लोक 33 (padma.6.47.33)

वाक्यमुवाच ललिता स्वपत्युस्तारणाय वै । मया तु तद्व्रतं चीर्णं कामदाया उपोषणम्

vākyamuvāca lalitā svapatyustāraṇāya vai mayā tu tadvrataṁ cīrṇaṁ kāmadāyā upoṣaṇam

ललिता ने अपने पति के उद्धार के लिए यह वचन कहा - 'मैंने कामदा का यह व्रत, यह उपवास किया है।

श्लोक 34 (padma.6.47.34)

तस्य पुण्यप्रभावेन गच्छत्वस्य पिशाचता । ललितावचनादेव वर्त्तमानोऽपि तत्क्षणे

tasya puṇyaprabhāvena gacchatvasya piśācatā lalitāvacanādeva varttamāno'pi tatkṣaṇe

उसके पुण्य के प्रभाव से इनका पिशाचत्व (राक्षसत्व) दूर हो जाए।' ललिता के इस वचन के साथ ही, उसी क्षण,

श्लोक 35 (padma.6.47.35)

गतपापः स ललितो दिव्यदेहो बभूव ह । राक्षसत्वं गतं तस्य प्राप्ता गंधर्वता पुनः

gatapāpaḥ sa lalito divyadeho babhūva ha rākṣasatvaṁ gataṁ tasya prāptā gaṁdharvatā punaḥ

वह ललित पापरहित होकर दिव्य देह को प्राप्त हो गया; उसका राक्षसत्व चला गया और उसने पुनः गंधर्वत्व प्राप्त किया।

श्लोक 36 (padma.6.47.36)

हेमरत्नसमाकीर्णो रेमे ललितया सह । विमानवरमारूढौ पूर्वरूपाधिकौ च तौ

hemaratnasamākīrṇo reme lalitayā saha vimānavaramārūḍhau pūrvarūpādhikau ca tau

सोने और रत्नों से सुशोभित होकर वह ललिता के साथ रमण करने लगा; अपने पूर्व रूप से भी अधिक सुंदर होकर दोनों एक श्रेष्ठ विमान पर सवार हुए।

श्लोक 37 (padma.6.47.37)

दंपती अत्यशोभेतां कामदायाः प्रभावतः । इति ज्ञात्वा नृपश्रेष्ठ कर्तव्यैषा प्रयत्नतः

daṁpatī atyaśobhetāṁ kāmadāyāḥ prabhāvataḥ iti jñātvā nṛpaśreṣṭha kartavyaiṣā prayatnataḥ

वह दंपति कामदा के प्रभाव से अत्यंत शोभायमान हो गया। हे नृपश्रेष्ठ! यह जानकर इस व्रत को अवश्य यत्नपूर्वक करना चाहिए।

श्लोक 38 (padma.6.47.38)

लोकानां तु हितार्थाय तवाग्रे कथिता मया । ब्रह्महत्यादि पापघ्नी पिशाचत्वविनाशनी

lokānāṁ tu hitārthāya tavāgre kathitā mayā brahmahatyādi pāpaghnī piśācatvavināśanī

लोगों के हित के लिए ही मैंने यह तुम्हारे सामने कहा है - यह ब्रह्महत्या आदि पापों को हरने वाली और पिशाचत्व का नाश करने वाली है।

श्लोक 39 (padma.6.47.39)

नातः परतरा काचित्त्रैलोक्ये सचराचरे । पठनाच्छ्रवणाद्राजन्वाजपेयफलं लभेत्

nātaḥ paratarā kācittrailokye sacarācare paṭhanācchravaṇādrājanvājapeyaphalaṁ labhet

इससे बढ़कर चराचर त्रिलोक में कोई और एकादशी नहीं है। हे राजन्! इसे पढ़ने और सुनने मात्र से वाजपेय यज्ञ का फल मिलता है।