आषाढ़ कृष्ण योगिनी एकादशी

श्लोक 1 (padma.6.52.1)

युधिष्ठिरउवाच- आषाढकृष्णपक्षे तु किं वै एकादशी भवेत् । कथयस्व प्रसादेन वासुदेव ममाग्रतः

yudhiṣṭhirauvāca- āṣāḍhakṛṣṇapakṣe tu kiṁ vai ekādaśī bhavet kathayasva prasādena vāsudeva mamāgrataḥ

युधिष्ठिर ने कहा - आषाढ़ के कृष्ण पक्ष में कौन-सी एकादशी होती है? हे वासुदेव! कृपया मुझे बताइए।

श्लोक 2 (padma.6.52.2)

श्रीकृष्ण उवाच- व्रतानामुत्तमं राजन्कथयामि तवाग्रतः । सर्वपापक्षयकरं सर्वमुक्तिप्रदायकम्

śrīkṛṣṇa uvāca- vratānāmuttamaṁ rājankathayāmi tavāgrataḥ sarvapāpakṣayakaraṁ sarvamuktipradāyakam

श्रीकृष्ण ने कहा - हे राजन्! मैं तुम्हें व्रतों में सर्वोत्तम व्रत बताता हूँ, जो सब पापों का नाश करने वाला और सबको मुक्ति देने वाला है।

श्लोक 3 (padma.6.52.3)

आषाढस्यासिते पक्षे योगिनी नाम नामतः । एकादशी नृपश्रेष्ठ महापातकनाशिनी

āṣāḍhasyāsite pakṣe yoginī nāma nāmataḥ ekādaśī nṛpaśreṣṭha mahāpātakanāśinī

हे नृपश्रेष्ठ! आषाढ़ के कृष्ण पक्ष में जो एकादशी है, वह योगिनी नाम से जानी जाती है और महापातकों का नाश करने वाली है।

श्लोक 4 (padma.6.52.4)

संसारार्णवमग्नानां पोतभूता सनातनी । जगत्त्रये सारभूता योगिनी व्रतकारिणाम्

saṁsārārṇavamagnānāṁ potabhūtā sanātanī jagattraye sārabhūtā yoginī vratakāriṇām

यह संसार-सागर में डूबे हुओं के लिए नौका के समान सनातन है; यह त्रिलोक में सारभूत है और व्रत करने वालों की योगिनी (सहायिका) है।

श्लोक 5 (padma.6.52.5)

कथयामि तवाग्रेऽहं कथां पौराणिकीं शुभाम् । अलकायां राजराजः शिवभक्तिपरायणः

kathayāmi tavāgre'haṁ kathāṁ paurāṇikīṁ śubhām alakāyāṁ rājarājaḥ śivabhaktiparāyaṇaḥ

मैं तुम्हारे सामने वह शुभ पौराणिक कथा कहता हूँ। अलकापुरी में राजाओं के राजा (कुबेर), जो शिव-भक्ति में परायण थे,

श्लोक 6 (padma.6.52.6)

तस्यासीत्पुष्पबटुको हेममालीति नामतः । तस्य पत्नी सुरूपा च विशालाक्षीति नामतः

tasyāsītpuṣpabaṭuko hemamālīti nāmataḥ tasya patnī surūpā ca viśālākṣīti nāmataḥ

उनके यहाँ हेममाली नामक एक पुष्प-सेवक था। उसकी पत्नी अत्यंत सुंदर थी, जिसका नाम विशालाक्षी था।

श्लोक 7 (padma.6.52.7)

स तस्यां चासक्तमना कामपाशवशं गतः । मानसात्पुष्पनिचयमानीय स्वगृहे स्थितः

sa tasyāṁ cāsaktamanā kāmapāśavaśaṁ gataḥ mānasātpuṣpanicayamānīya svagṛhe sthitaḥ

वह उसके प्रति अत्यंत आसक्त-मन और कामपाश के वश में हो गया था। मानसरोवर से फूलों का संग्रह लाकर वह अपने घर में ही ठहर गया।

श्लोक 8 (padma.6.52.8)

पत्नीप्रेमरसासक्तो न कुबेरालयं गतः । कुबेरो देवसदने करोति शिवपूजनम्

patnīpremarasāsakto na kuberālayaṁ gataḥ kubero devasadane karoti śivapūjanam

पत्नी के प्रेम-रस में लीन होकर वह कुबेर के भवन नहीं गया। कुबेर उस समय देव-भवन में शिव की पूजा कर रहे थे।

श्लोक 9 (padma.6.52.9)

मध्याह्नसमये राजन्पुष्पागमसमीक्षकः । हेममाली स्वभवने रमते कांतया सह

madhyāhnasamaye rājanpuṣpāgamasamīkṣakaḥ hemamālī svabhavane ramate kāṁtayā saha

हे राजन्! मध्याह्न के समय, फूलों के आगमन की प्रतीक्षा करते हुए, हेममाली अपने ही घर में अपनी प्रिया के साथ रमण कर रहा था।

श्लोक 10 (padma.6.52.10)

यक्षराट्प्रत्युवाचाथ कालातिक्रमकोपितः । कस्मान्नायाति भो यक्षा हेममाली दुरात्मवान् । निश्चयः क्रियतामस्य इत्युवाच पुनः पुनः

yakṣarāṭpratyuvācātha kālātikramakopitaḥ kasmānnāyāti bho yakṣā hemamālī durātmavān niścayaḥ kriyatāmasya ityuvāca punaḥ punaḥ

समय के बीत जाने से क्रोधित होकर यक्षराज ने कहा - 'हे यक्षों! वह दुरात्मा हेममाली क्यों नहीं आया? इस पर तुरंत निर्णय लिया जाए' - ऐसा उन्होंने बार-बार कहा।

श्लोक 11 (padma.6.52.11)

यक्षा ऊचुः - वनिताकामुको गेहे रमते स्वेच्छया नृप । तेषां वाक्यं समाकर्ण्य कुबेरः कोपपूरितः

yakṣā ūcuḥ - vanitākāmuko gehe ramate svecchayā nṛpa teṣāṁ vākyaṁ samākarṇya kuberaḥ kopapūritaḥ

यक्षों ने कहा - हे राजन्! वह स्त्री का कामुक अपनी इच्छा से घर में ही रमण कर रहा है। उनका यह वचन सुनकर कुबेर क्रोध से भर उठे।

श्लोक 12 (padma.6.52.12)

आह्वयामास तं तूर्णं बटुकं हेममालिनम् । ज्ञात्वा कालात्ययं सोऽपि भयव्याकुललोचनः

āhvayāmāsa taṁ tūrṇaṁ baṭukaṁ hemamālinam jñātvā kālātyayaṁ so'pi bhayavyākulalocanaḥ

उन्होंने तुरंत उस बटुक हेममाली को बुलवाया। समय के बीत जाने की बात जानकर वह भय से व्याकुल नेत्रों वाला हो गया।

श्लोक 13 (padma.6.52.13)

अस्नात एव आगत्य कुबेरस्याग्रतः स्थितः । तं दृष्ट्वा धनदः क्रुद्धः क्रोधसंरक्तलोचनः

asnāta eva āgatya kuberasyāgrataḥ sthitaḥ taṁ dṛṣṭvā dhanadaḥ kruddhaḥ krodhasaṁraktalocanaḥ

वह बिना स्नान किए ही आकर कुबेर के सामने खड़ा हो गया। उसे देखकर धनद (कुबेर) क्रोध से क्रोध-रक्त नेत्रों वाला हो गया,

श्लोक 14 (padma.6.52.14)

प्रत्युवाच रुषाविष्टः कोपप्रस्फुरिताधरः । धनद उवाच- आः पाप दुष्ट दुर्वृत्त कृतवान्देवहेलनम्

pratyuvāca ruṣāviṣṭaḥ kopaprasphuritādharaḥ dhanada uvāca- āḥ pāpa duṣṭa durvṛtta kṛtavāndevahelanam

और क्रोध से भरे हुए, होंठ फड़कते हुए उसने कहा - धनद ने कहा - 'अरे पापी! दुष्ट! दुराचारी! तूने देवता का अपमान किया है।

श्लोक 15 (padma.6.52.15)

अष्टादशकुष्ठवृतो वियुक्तः कांतया तया । अस्मात्स्थानादपध्वस्तो गच्छ स्वप्नमथाधम

aṣṭādaśakuṣṭhavṛto viyuktaḥ kāṁtayā tayā asmātsthānādapadhvasto gaccha svapnamathādhama

तू अठारह प्रकार के कोढ़ से ग्रस्त हो जा, अपनी उस प्रिया से भी वियुक्त हो जा। इस स्थान से नष्ट होकर, हे अधम, चला जा, स्वप्नवत् नष्ट हो जा।'

श्लोक 16 (padma.6.52.16)

इत्युक्ते वचने तस्य तस्मात्स्थानात्पपात सः । महादुःखाभिभूतश्च कुष्ठैः पीडितविग्रहः

ityukte vacane tasya tasmātsthānātpapāta saḥ mahāduḥkhābhibhūtaśca kuṣṭhaiḥ pīḍitavigrahaḥ

उसका यह वचन कहते ही वह उस स्थान से गिर पड़ा, महान दुःख से अभिभूत होकर, कोढ़ से पीड़ित शरीर वाला।

श्लोक 17 (padma.6.52.17)

न सुखं दिवसे तस्य न निद्रां लभते निशि । छायायां पीडिततनुर्निदाघेऽत्यंतपीडितः

na sukhaṁ divase tasya na nidrāṁ labhate niśi chāyāyāṁ pīḍitatanurnidāghe'tyaṁtapīḍitaḥ

उसे न दिन में सुख मिलता था, न रात में नींद। छाया में भी उसका शरीर पीड़ित रहता था, और गर्मी में तो वह अत्यंत पीड़ित हो जाता था।

श्लोक 18 (padma.6.52.18)

शिवपूजाप्रभावेन स्मृतिस्तस्य न लुप्यते । पातकेनाभिभूतोऽपि पूर्वं कर्म स्मरत्यसौ

śivapūjāprabhāvena smṛtistasya na lupyate pātakenābhibhūto'pi pūrvaṁ karma smaratyasau

शिव-पूजा के प्रभाव से उसकी स्मृति नष्ट नहीं हुई थी; पाप से अभिभूत होते हुए भी वह अपने पूर्व कर्मों को स्मरण करता रहा।

श्लोक 19 (padma.6.52.19)

भ्रममाणस्ततो गच्छन्हिमाद्रिं पर्वतोत्तमम् । तत्रापश्यन्मुनिवरं मार्कंडेयं तपोनिधिम्

bhramamāṇastato gacchanhimādriṁ parvatottamam tatrāpaśyanmunivaraṁ mārkaṁḍeyaṁ taponidhim

इस प्रकार भटकते हुए वह हिमालय पर्वत, पर्वतों में श्रेष्ठ, की ओर गया। वहाँ उसने तपोनिधि मुनिश्रेष्ठ मार्कंडेय को देखा,

श्लोक 20 (padma.6.52.20)

यस्यायुर्विद्यते राजन्ब्रह्मणो वयसा समम् । ववंदे चरणौ तस्य दूरतः पापकर्मकृत्

yasyāyurvidyate rājanbrahmaṇo vayasā samam vavaṁde caraṇau tasya dūrataḥ pāpakarmakṛt

हे राजन्! जिनकी आयु ब्रह्मा की आयु के समान बताई जाती है। उस पापकर्मी ने दूर से ही उनके चरणों को प्रणाम किया।

श्लोक 21 (padma.6.52.21)

मार्कंडेयो मुनिवरो दृष्ट्वा तं कंपितं तथा । परोपकरणार्थाय समाहूयेदमब्रवीत्

mārkaṁḍeyo munivaro dṛṣṭvā taṁ kaṁpitaṁ tathā paropakaraṇārthāya samāhūyedamabravīt

श्रेष्ठ मुनि मार्कंडेय ने उसे इस प्रकार काँपता हुआ देखा; परोपकार की भावना से उसे बुलाकर यह कहा -

श्लोक 22 (padma.6.52.22)

कस्मात्कुष्ठाभिभूतस्त्वं कुतो निंद्यतरो ह्यसि । इत्युक्तः स प्रत्युवाच मार्कंडेयं महामुनिम्

kasmātkuṣṭhābhibhūtastvaṁ kuto niṁdyataro hyasi ityuktaḥ sa pratyuvāca mārkaṁḍeyaṁ mahāmunim

'तुम किस कारण कोढ़ से अभिभूत हो, किस कारण इतने निंदनीय हो?' यह पूछे जाने पर उसने महामुनि मार्कंडेय को यह उत्तर दिया -

श्लोक 23 (padma.6.52.23)

हेममाल्युवाच- राजराजस्यानुचरो हेममालीति नामतः । मानसात्पद्मनिचयमानीय प्रत्यहं मुने

hemamālyuvāca- rājarājasyānucaro hemamālīti nāmataḥ mānasātpadmanicayamānīya pratyahaṁ mune

हेममाली ने कहा - मैं राजाओं के राजा (कुबेर) का सेवक हूँ, हेममाली नाम से जाना जाता हूँ। हे मुने! मैं प्रतिदिन मानसरोवर से कमलों का संग्रह लाता था,

श्लोक 24 (padma.6.52.24)

शिवपूजनवेलायां कुबेराय समर्पये । एकस्मिन्दिवसे चैव कालश्चाविदितो मया

śivapūjanavelāyāṁ kuberāya samarpaye ekasmindivase caiva kālaścāvidito mayā

और शिव-पूजा के समय उन्हें कुबेर को अर्पित करता था। एक ही दिन समय का उल्लंघन हो गया, जिसका मुझे बोध नहीं हुआ,

श्लोक 25 (padma.6.52.25)

पत्नीसौख्यप्रसक्तेन शोकव्याकुलचेतसा । ततः क्रुद्धेन शप्तोऽस्मि राजराजेन वै मुने

patnīsaukhyaprasaktena śokavyākulacetasā tataḥ kruddhena śapto'smi rājarājena vai mune

क्योंकि मैं अपनी पत्नी के सुख में आसक्त रहते हुए, शोक से व्याकुल-चित्त हो गया था। तब क्रोधित होकर, हे मुने, मुझे राजाओं के राजा ने शाप दिया।

श्लोक 26 (padma.6.52.26)

कुष्ठाभिभूतः संजातो वियुक्तः कांतया तया । अधुना तव सान्निध्यं प्राप्तोऽस्मि शुभकर्मणा

kuṣṭhābhibhūtaḥ saṁjāto viyuktaḥ kāṁtayā tayā adhunā tava sānnidhyaṁ prāpto'smi śubhakarmaṇā

मैं कोढ़ से पीड़ित हो गया और अपनी उस प्रिया से भी वियुक्त हो गया। अब, शुभ कर्मों के फलस्वरूप, मुझे आपका सामीप्य प्राप्त हुआ है।

श्लोक 27 (padma.6.52.27)

सतां स्वभावतश्चित्तं परोपकरणे क्षमम् । इति ज्ञात्वा मुनिश्रेष्ठ मां प्रशाधि कृतागसम्

satāṁ svabhāvataścittaṁ paropakaraṇe kṣamam iti jñātvā muniśreṣṭha māṁ praśādhi kṛtāgasam

सज्जनों का स्वभाव ही ऐसा है कि उनका चित्त दूसरों की सहायता में समर्थ रहता है - यह जानकर, हे मुनिश्रेष्ठ, अपराधी मुझ पर कृपा कीजिए।

श्लोक 28 (padma.6.52.28)

मार्कंडेय उवाच- त्वया सत्यमिह प्रोक्तं नासत्यं भाषितं यतः । अतो व्रतोपदेशं ते कथयामि शुभप्रदम्

mārkaṁḍeya uvāca- tvayā satyamiha proktaṁ nāsatyaṁ bhāṣitaṁ yataḥ ato vratopadeśaṁ te kathayāmi śubhapradam

मार्कंडेय ने कहा - तुमने यहाँ जो सत्य कहा है, उसमें कोई असत्य वचन नहीं है। इसलिए मैं तुम्हें शुभ फल देने वाला व्रत-उपदेश देता हूँ।

श्लोक 29 (padma.6.52.29)

आषाढे कृष्णपक्षे तु योगिनीव्रतमाचर । अस्य व्रतस्य पुण्येन कुष्ठं यास्यति वै ध्रुवम्

āṣāḍhe kṛṣṇapakṣe tu yoginīvratamācara asya vratasya puṇyena kuṣṭhaṁ yāsyati vai dhruvam

आषाढ़ के कृष्ण पक्ष में योगिनी व्रत का पालन करो। इस व्रत के पुण्य से तुम्हारा कोढ़ निश्चय ही दूर हो जाएगा।

श्लोक 30 (padma.6.52.30)

इति वाक्यमृषेः श्रुत्वा दंडवत्पतितो भुवि । उत्थापितः स मुनिना बभूवातीव हर्षितः

iti vākyamṛṣeḥ śrutvā daṁḍavatpatito bhuvi utthāpitaḥ sa muninā babhūvātīva harṣitaḥ

ऋषि के इस वचन को सुनकर वह भूमि पर दंडवत् गिर पड़ा। मुनि ने उसे उठाया, और वह अत्यंत हर्षित हो गया।

श्लोक 31 (padma.6.52.31)

मार्कंडेयोपदेशेन व्रतं तेन कृतं यथा । अष्टादशेव कुष्ठानि गतानि तस्य सर्वशः

mārkaṁḍeyopadeśena vrataṁ tena kṛtaṁ yathā aṣṭādaśeva kuṣṭhāni gatāni tasya sarvaśaḥ

मार्कंडेय के उपदेश से उसने वह व्रत विधिपूर्वक किया; उसके अठारहों कोढ़ पूरी तरह से दूर हो गए।

श्लोक 32 (padma.6.52.32)

मुनेर्वाचा ततः सम्यग्व्रते चीर्णेऽभवत्सुखी । ईदृग्विधं नृपश्रेष्ठ कथितं योगिनीव्रतम्

munervācā tataḥ samyagvrate cīrṇe'bhavatsukhī īdṛgvidhaṁ nṛpaśreṣṭha kathitaṁ yoginīvratam

मुनि के वचन से, उस व्रत को भलीभाँति करने पर, वह सुखी हो गया। हे नृपश्रेष्ठ! इस प्रकार का यह योगिनी व्रत बताया गया है।

श्लोक 33 (padma.6.52.33)

अष्टाशीतिसहस्राणि द्विजान्भोजयते तु यः । तत्समं फलमाप्नोति योगिनीव्रतकृन्नरः

aṣṭāśītisahasrāṇi dvijānbhojayate tu yaḥ tatsamaṁ phalamāpnoti yoginīvratakṛnnaraḥ

जो अठासी हजार ब्राह्मणों को भोजन कराता है, उसके बराबर फल योगिनी व्रत करने वाला मनुष्य प्राप्त करता है।

श्लोक 34 (padma.6.52.34)

महापापप्रशमनं महापुण्यफलप्रदम् । पठनाच्छ्रवणान्मर्त्यः सर्वपापैः प्रमुच्यते

mahāpāpapraśamanaṁ mahāpuṇyaphalapradam paṭhanācchravaṇānmartyaḥ sarvapāpaiḥ pramucyate

यह महापापों को शांत करने वाला और महापुण्य का फल देने वाला है। इसे पढ़ने और सुनने से भी मनुष्य सब पापों से मुक्त हो जाता है।