आषाढ़ शुक्ल देवशयनी एकादशी

श्लोक 1 (padma.6.53.1)

युधिष्ठिर उवाच- आषाढस्य सिते पक्षे का च एकादशी भवेत् । किं नाम को विधिस्तस्या एतद्विस्तरतो वद

yudhiṣṭhira uvāca- āṣāḍhasya site pakṣe kā ca ekādaśī bhavet kiṁ nāma ko vidhistasyā etadvistarato vada

युधिष्ठिर ने कहा - आषाढ़ के शुक्ल पक्ष में कौन-सी एकादशी होती है? उसका नाम क्या है, विधि क्या है - यह विस्तार से बताइए।

श्लोक 2 (padma.6.53.2)

श्रीकृष्ण उवाच- कथयामि महापुण्यां स्वर्गमोक्षप्रदायिनीम् । शयनीं नामनामेति सर्वपापहरां पराम्

śrīkṛṣṇa uvāca- kathayāmi mahāpuṇyāṁ svargamokṣapradāyinīm śayanīṁ nāmanāmeti sarvapāpaharāṁ parām

श्रीकृष्ण ने कहा - मैं वह अत्यंत पुण्यमयी, स्वर्ग और मोक्ष दोनों देने वाली एकादशी बताता हूँ, जिसका नाम शयनी है और जो सब पापों को हरने वाली परम एकादशी है।

श्लोक 3 (padma.6.53.3)

यस्याः श्रवणमात्रेण वाजपेयफलं लभेत् । सत्यं सत्यं मया प्रोक्तं नातः परतरं नृणाम्

yasyāḥ śravaṇamātreṇa vājapeyaphalaṁ labhet satyaṁ satyaṁ mayā proktaṁ nātaḥ parataraṁ nṛṇām

जिसके श्रवण मात्र से वाजपेय यज्ञ का फल मिलता है। मैं सत्य-सत्य कहता हूँ, मनुष्यों के लिए इससे बढ़कर कुछ भी नहीं है।

श्लोक 4 (padma.6.53.4)

पापिनां पापनाशाय सृष्टा धात्रा महोत्तमा । अतः परा न राजेंद्र वर्त्तते मोक्षदायिनी

pāpināṁ pāpanāśāya sṛṣṭā dhātrā mahottamā ataḥ parā na rājeṁdra varttate mokṣadāyinī

पापियों के पाप-नाश के लिए विधाता ने इसे अत्यंत उत्तम बनाकर रचा है। हे राजेंद्र! इससे बढ़कर मोक्ष देने वाली और कोई एकादशी नहीं है।

श्लोक 5 (padma.6.53.5)

एतस्मात्कारणाद्राजन्श्रूयतां गतिरुत्तमा । भवेन्नराणां श्रोतॄणां कथायाः श्रवणादपि

etasmātkāraṇādrājanśrūyatāṁ gatiruttamā bhavennarāṇāṁ śrotṝṇāṁ kathāyāḥ śravaṇādapi

इसी कारण, हे राजन्, इसकी परम गति को सुनो - इस कथा को सुनने वाले मनुष्यों को भी वह प्राप्त हो जाती है।

श्लोक 6 (padma.6.53.6)

ते सदा वैष्णवा राजन्मम भक्तिपरायणाः । आषाढे वामनश्चैव पूज्यते परमेश्वरः

te sadā vaiṣṇavā rājanmama bhaktiparāyaṇāḥ āṣāḍhe vāmanaścaiva pūjyate parameśvaraḥ

हे राजन्! वे सदा वैष्णव, मेरी भक्ति में परायण हो जाते हैं। आषाढ़ में परमेश्वर वामन की पूजा की जाती है।

श्लोक 7 (padma.6.53.7)

वामनः पूजितो येन कमलैः कमलेक्षणः । आषाढस्य सिते पक्षे कामिकाया दिने तथा

vāmanaḥ pūjito yena kamalaiḥ kamalekṣaṇaḥ āṣāḍhasya site pakṣe kāmikāyā dine tathā

जो कमल-नयन वामन की कमलों से पूजा करता है, वह आषाढ़ के शुक्ल पक्ष में, कामिका के दिन,

श्लोक 8 (padma.6.53.8)

तेनार्चितं जगत्सर्वं त्रयो देवाः सनातनाः । कृता चैकादशी येन हरिवासरमुत्तमम्

tenārcitaṁ jagatsarvaṁ trayo devāḥ sanātanāḥ kṛtā caikādaśī yena harivāsaramuttamam

उसके द्वारा समस्त जगत् और तीनों सनातन देवता पूजित हो जाते हैं। जिसने इस उत्तम हरिवासर को एकादशी के रूप में रचा,

श्लोक 9 (padma.6.53.9)

युधिष्ठिर उवाच- संशयोऽस्ति महान्मेऽत्र श्रूयतां पुरुषोत्तम । कथं सुप्तोऽसि देवेश कथं च बलिमाश्रितः

yudhiṣṭhira uvāca- saṁśayo'sti mahānme'tra śrūyatāṁ puruṣottama kathaṁ supto'si deveśa kathaṁ ca balimāśritaḥ

[उसका फल पाता है]। युधिष्ठिर ने कहा - हे पुरुषोत्तम! मुझे इसमें एक बड़ा संशय है, सुनिए। हे देवेश! आप कैसे सोते हैं, और कैसे बलि के आश्रित हो जाते हैं?

श्लोक 10 (padma.6.53.10)

कथं च भूमौ संवेशः किं कुर्वंति जनाः परे । एतद्वद महाप्राज्ञ संशयोऽस्ति महान्मम

kathaṁ ca bhūmau saṁveśaḥ kiṁ kurvaṁti janāḥ pare etadvada mahāprājña saṁśayo'sti mahānmama

आप भूमि पर कैसे शयन करते हैं, और अन्य लोग [उस समय] क्या करते हैं? हे महाप्राज्ञ! यह मुझे बताइए, मुझे इसमें बड़ा संशय है।

श्लोक 11 (padma.6.53.11)

श्रीकृष्ण उवाच - श्रूयतां राजशार्दूल कथां पापहरां पराम् । यस्याः श्रवणमात्रेण सर्वपापक्षयो भवेत्

śrīkṛṣṇa uvāca - śrūyatāṁ rājaśārdūla kathāṁ pāpaharāṁ parām yasyāḥ śravaṇamātreṇa sarvapāpakṣayo bhavet

श्रीकृष्ण ने कहा - हे राजशार्दूल! सुनो वह परम पापहारी कथा, जिसके सुनने मात्र से सब पापों का नाश हो जाता है।

श्लोक 12 (padma.6.53.12)

बलिनामा पूर्वमासीद्दैत्यस्त्रेतायुगे नृप । पूजयंश्चैव मां नित्यं मद्भक्तो मत्परायणः

balināmā pūrvamāsīddaityastretāyuge nṛpa pūjayaṁścaiva māṁ nityaṁ madbhakto matparāyaṇaḥ

हे नृप! त्रेतायुग में पहले बलि नामक एक दैत्य था, जो मेरा भक्त था, सदा मेरी ही पूजा करने वाला और मुझमें परायण था।

श्लोक 13 (padma.6.53.13)

यज्ञैस्तु विधिवद्दैत्यो यजते मां सनातनम् । भक्त्या च परया राजन्यज्ञकृद्व्रतकृत्तथा

yajñaistu vidhivaddaityo yajate māṁ sanātanam bhaktyā ca parayā rājanyajñakṛdvratakṛttathā

वह दैत्य यज्ञों द्वारा विधिपूर्वक मुझ सनातन को पूजता था। हे राजन्! परम भक्ति से वह यज्ञकर्ता और व्रतकर्ता दोनों था।

श्लोक 14 (padma.6.53.14)

परं विचार्य बहुधा मघोना चैव सूक्तिभिः । गुरुणा दैवतैः सार्द्धं बहुधा पूजितोऽप्यहम्

paraṁ vicārya bahudhā maghonā caiva sūktibhiḥ guruṇā daivataiḥ sārddhaṁ bahudhā pūjito'pyaham

इंद्र और अन्य देवताओं के साथ गुरु (बृहस्पति) ने भी अनेक बार विविध सूक्तों से मेरी बहुधा पूजा की, फिर भी उन्होंने बहुत विचार किया,

श्लोक 15 (padma.6.53.15)

ततो वामनरूपेण अवतारे च पंचमे । अत्युग्ररूपेण तदा सर्वब्रह्मांडरूपिणा

tato vāmanarūpeṇa avatāre ca paṁcame atyugrarūpeṇa tadā sarvabrahmāṁḍarūpiṇā

तब मैंने वामन-रूप धारण करके, पाँचवें अवतार में, अत्यंत उग्र, समस्त ब्रह्मांड-स्वरूप धारण किया।

श्लोक 16 (padma.6.53.16)

वाक्छलेन जिता दैत्याः सत्यमाश्रित्य संस्थितः । शुक्रस्तं वारयामास यन्नारायण इत्ययम्

vākchalena jitā daityāḥ satyamāśritya saṁsthitaḥ śukrastaṁ vārayāmāsa yannārāyaṇa ityayam

वाणी के छल से मैंने दैत्यों को जीत लिया, सत्य पर स्थित रहकर [बलि ने वचन दिया]। शुक्राचार्य ने उसे रोकने का प्रयत्न किया, क्योंकि यह [याचक] नारायण ही है [ऐसा जानकर]।

श्लोक 17 (padma.6.53.17)

याचिता वसुधा राजन्सार्द्धत्रयपदी मया । संकल्पोदकमात्रे तु करे तेनैव चार्पिते

yācitā vasudhā rājansārddhatrayapadī mayā saṁkalpodakamātre tu kare tenaiva cārpite

हे राजन्! मैंने ढाई पग भूमि माँगी; उसने केवल संकल्प के जल-मात्र से ही वह मेरे हाथ में अर्पित कर दी।

श्लोक 18 (padma.6.53.18)

रूपमीदृग्विधं राजंस्तदा शृणु मया कृतम् । भूर्लोके चरणौ न्यस्य भुवर्लोके तु जानुनी

rūpamīdṛgvidhaṁ rājaṁstadā śṛṇu mayā kṛtam bhūrloke caraṇau nyasya bhuvarloke tu jānunī

तब मैंने ऐसा रूप धारण किया, हे राजन्, सुनो - भूर्लोक में मैंने अपने चरण रखे, भुवर्लोक में दोनों घुटने,

श्लोक 19 (padma.6.53.19)

स्वर्लोके च कटिं न्यस्य महर्लोके तथोदरम् । जनलोके च हृदयं तपोलोके तु कंठकम्

svarloke ca kaṭiṁ nyasya maharloke tathodaram janaloke ca hṛdayaṁ tapoloke tu kaṁṭhakam

स्वर्लोक में कमर, महर्लोक में उदर, जनलोक में हृदय, तपोलोक में कंठ,

श्लोक 20 (padma.6.53.20)

सत्यलोके मुखं स्थाप्य मस्तकं च तदूर्द्ध्वकम् । चंद्रसूर्यग्रहाश्चैव नक्षत्राणि तथैव च

satyaloke mukhaṁ sthāpya mastakaṁ ca tadūrddhvakam caṁdrasūryagrahāścaiva nakṣatrāṇi tathaiva ca

सत्यलोक में मुख, और उसके ऊपर मस्तक स्थापित किया। चंद्र, सूर्य, ग्रह और नक्षत्र भी,

श्लोक 21 (padma.6.53.21)

देवाः सेंद्राश्च नागाश्च यक्षगंधर्वकिन्नराः । स्तुवंतो वेदसंभूतैः सूक्तैश्च विविधैस्तथा

devāḥ seṁdrāśca nāgāśca yakṣagaṁdharvakinnarāḥ stuvaṁto vedasaṁbhūtaiḥ sūktaiśca vividhaistathā

इंद्र सहित देवता, नाग, यक्ष, गंधर्व और किन्नर - सब वेद-संभूत विविध सूक्तों से मेरी स्तुति करने लगे।

श्लोक 22 (padma.6.53.22)

करे गृहीत्वा च बलिं त्रिपदैः पूरिता मही । अर्द्धं च तस्य पृष्ठे च पदं न्यस्तं मया तदा

kare gṛhītvā ca baliṁ tripadaiḥ pūritā mahī arddhaṁ ca tasya pṛṣṭhe ca padaṁ nyastaṁ mayā tadā

हाथ में बलि को लेकर, तीन पगों से मैंने पृथ्वी को भर दिया; उसका आधा और उसकी पीठ पर मैंने तब अपना [तीसरा] चरण रखा।

श्लोक 23 (padma.6.53.23)

गतो रसातलं राजन्दानवो मम पूजकः । क्षिप्तोऽधो दानवश्चैव किमकुर्वं ततः परम्

gato rasātalaṁ rājandānavo mama pūjakaḥ kṣipto'dho dānavaścaiva kimakurvaṁ tataḥ param

हे राजन्! वह दानव, मेरा भक्त, रसातल को चला गया। मैंने उस दानव को नीचे भेज दिया - इसके बाद मैंने और क्या किया?

श्लोक 24 (padma.6.53.24)

विनयेनानतोसौ वै सुप्रसन्नो जनार्दनः । आषाढशुक्लपक्षे तु कामिका हरिवासरः

vinayenānatosau vai suprasanno janārdanaḥ āṣāḍhaśuklapakṣe tu kāmikā harivāsaraḥ

विनयपूर्वक झुके हुए उस पर जनार्दन अत्यंत प्रसन्न हुए। आषाढ़ के शुक्ल पक्ष में कामिका [एकादशी] हरिवासर है।

श्लोक 25 (padma.6.53.25)

तस्यामेका च मूर्तिर्मे बलिमाश्रित्य तिष्ठति । द्वितीया शेषपृष्ठे वै क्षीरसागरमध्यतः

tasyāmekā ca mūrtirme balimāśritya tiṣṭhati dvitīyā śeṣapṛṣṭhe vai kṣīrasāgaramadhyataḥ

उस दिन मेरी एक मूर्ति बलि के आश्रय में स्थित रहती है, और दूसरी शेषनाग की पीठ पर, क्षीरसागर के मध्य में।

श्लोक 26 (padma.6.53.26)

स्वपित्येव महाराज यावदागामि कार्तिकी । तावद्भवेत्सुधर्मात्मा सर्वधर्मोत्तमोत्तमः

svapityeva mahārāja yāvadāgāmi kārtikī tāvadbhavetsudharmātmā sarvadharmottamottamaḥ

हे महाराज! मैं आगामी कार्तिकी तक इसी प्रकार सोता रहता हूँ। उस समय जो सुधर्मात्मा है, वह सब धर्मों में सर्वश्रेष्ठ बन जाता है,

श्लोक 27 (padma.6.53.27)

व्रतं च कुरुते मर्त्यः स याति परमां गतिम् । एतस्मात्कारणाद्राजन्कर्त्तव्या च प्रयत्नतः

vrataṁ ca kurute martyaḥ sa yāti paramāṁ gatim etasmātkāraṇādrājankarttavyā ca prayatnataḥ

और जो मनुष्य यह व्रत करता है, वह परम गति को प्राप्त होता है। इसी कारण, हे राजन्, इसे यत्नपूर्वक करना चाहिए।

श्लोक 28 (padma.6.53.28)

नातः परतरा काचित्पवित्रा पापनाशिनी । यस्यां स्वपिति देवेशः शंखचक्रगदाधरः

nātaḥ paratarā kācitpavitrā pāpanāśinī yasyāṁ svapiti deveśaḥ śaṁkhacakragadādharaḥ

इससे बढ़कर पवित्र और पापनाशक कोई और एकादशी नहीं है, जिसमें शंख-चक्र-गदाधारी देवाधिदेव स्वयं शयन करते हैं।

श्लोक 29 (padma.6.53.29)

तस्यां च पूजयेद्देवं शंखचक्रगदाधरम् । रात्रौ जागरणं कृत्वा भक्त्या चैव विशेषतः

tasyāṁ ca pūjayeddevaṁ śaṁkhacakragadādharam rātrau jāgaraṇaṁ kṛtvā bhaktyā caiva viśeṣataḥ

उस दिन शंख-चक्र-गदाधारी उस देव की पूजा करनी चाहिए, रात्रि-जागरण करके, विशेष रूप से भक्तिपूर्वक।

श्लोक 30 (padma.6.53.30)

नास्याः पुण्यस्य संख्यानं कर्तुं शक्तश्चतुर्मुखः । एवं यः कुरुते राजन्नेकादश्या व्रतोत्तमम्

nāsyāḥ puṇyasya saṁkhyānaṁ kartuṁ śaktaścaturmukhaḥ evaṁ yaḥ kurute rājannekādaśyā vratottamam

इसके पुण्य की गणना करने में स्वयं चतुर्मुख ब्रह्मा भी समर्थ नहीं हैं। हे राजन्! जो इस प्रकार एकादशी के इस उत्तम व्रत को करता है,

श्लोक 31 (padma.6.53.31)

सर्वपापहरं चैव भुक्तिमुक्तिप्रदायकम् । स च लोके मम सदा श्वपचोऽपि प्रियंकरः

sarvapāpaharaṁ caiva bhuktimuktipradāyakam sa ca loke mama sadā śvapaco'pi priyaṁkaraḥ

वह सब पापों को हरने वाला और भोग तथा मोक्ष दोनों देने वाला है। ऐसा व्यक्ति मेरे लिए सदा प्रिय होता है, चाहे वह चांडाल भी क्यों न हो।

श्लोक 32 (padma.6.53.32)

दीपदानेन पालाशपत्रे भुक्त्या व्रतेन च । चातुर्मास्यं नयंतीह ते नरा मम वल्लभाः

dīpadānena pālāśapatre bhuktyā vratena ca cāturmāsyaṁ nayaṁtīha te narā mama vallabhāḥ

पलाश-पत्र पर दीप-दान करके, भोजन में संयम रखते हुए और व्रतपूर्वक जो मनुष्य यहाँ चातुर्मास्य व्यतीत करते हैं, वे मुझे प्रिय हैं।

श्लोक 33 (padma.6.53.33)

चातुर्मास्ये हरौ सुप्ते भूमिशायी भवेन्नरः । श्रावणे वर्जयेच्छाकं दधि भाद्रपदे तथा

cāturmāsye harau supte bhūmiśāyī bhavennaraḥ śrāvaṇe varjayecchākaṁ dadhi bhādrapade tathā

चातुर्मास्य में, जब हरि सो जाते हैं, मनुष्य को भूमि पर शयन करना चाहिए। श्रावण में साग का त्याग करना चाहिए, भाद्रपद में दही का,

श्लोक 34 (padma.6.53.34)

दुग्धमाश्वयुजि त्याज्यं कार्तिके द्विदलं त्यजेत् । अथवा ब्रह्मचर्यस्थः स याति परमां गतिम्

dugdhamāśvayuji tyājyaṁ kārtike dvidalaṁ tyajet athavā brahmacaryasthaḥ sa yāti paramāṁ gatim

आश्विन में दूध का त्याग करना चाहिए, और कार्तिक में दलहन का त्याग करना चाहिए। अथवा जो ब्रह्मचर्य में स्थित रहता है, वह परम गति को प्राप्त होता है।

श्लोक 35 (padma.6.53.35)

एकादश्या व्रतेनैव पुमान्पापैर्विमुच्यते । कर्तव्या सर्वदा राजन्विस्मर्तव्या न कर्हिचित्

ekādaśyā vratenaiva pumānpāpairvimucyate kartavyā sarvadā rājanvismartavyā na karhicit

एकादशी के व्रत से ही मनुष्य पापों से मुक्त हो जाता है। हे राजन्! इसे सदा करना चाहिए, इसे कभी नहीं भूलना चाहिए।

श्लोक 36 (padma.6.53.36)

शयनी बोधिनी मध्ये या कृष्णैकादशीभवेत् । सैवोपोष्या गृहस्थस्य नान्या कृष्णा कदाचन

śayanī bodhinī madhye yā kṛṣṇaikādaśībhavet saivopoṣyā gṛhasthasya nānyā kṛṣṇā kadācana

शयनी और बोधिनी [एकादशी] के बीच जो भी कृष्ण-पक्ष की एकादशी होती है, गृहस्थ को वही उपवास करनी चाहिए, अन्य कोई कृष्ण-पक्षीय एकादशी कभी नहीं।

श्लोक 37 (padma.6.53.37)

शृणुयाच्चैव यो राजन्कथां पापहरां पराम् । अश्वमेधस्य यज्ञस्य फलं प्राप्नोति मानवः

śṛṇuyāccaiva yo rājankathāṁ pāpaharāṁ parām aśvamedhasya yajñasya phalaṁ prāpnoti mānavaḥ

हे राजन्! जो इस परम पापहारी कथा को सुनता है, वह मनुष्य अश्वमेध यज्ञ का फल प्राप्त करता है।