आश्विन कृष्ण इंदिरा एकादशी

श्लोक 1 (padma.6.58.1)

युधिष्ठिर उवाच- कथयस्व प्रसादेन ममाग्रे मधुसूदन । इषस्य कृष्णपक्षे तु किंनामैकादशीभवेत्

yudhiṣṭhira uvāca- kathayasva prasādena mamāgre madhusūdana iṣasya kṛṣṇapakṣe tu kiṁnāmaikādaśībhavet

युधिष्ठिर ने कहा - हे मधुसूदन! कृपया मुझे बताइए। आश्विन (इष) के कृष्ण पक्ष में कौन-सी एकादशी होती है?

श्लोक 2 (padma.6.58.2)

श्रीकृष्ण उवाच- आश्विने कृष्णपक्षे तु इंदिरा नाम नामतः । तस्या व्रतप्रभावेन महापापं प्रणश्यति

śrīkṛṣṇa uvāca- āśvine kṛṣṇapakṣe tu iṁdirā nāma nāmataḥ tasyā vrataprabhāvena mahāpāpaṁ praṇaśyati

श्रीकृष्ण ने कहा - आश्विन के कृष्ण पक्ष की एकादशी इंदिरा नाम से जानी जाती है। इसके व्रत के प्रभाव से महापाप भी नष्ट हो जाता है।

श्लोक 3 (padma.6.58.3)

अधोयोनि गतानां च पितॄणां गतिदायिनी । शृणुष्वावहितो राजन्कथां पापहरां पराम्

adhoyoni gatānāṁ ca pitṝṇāṁ gatidāyinī śṛṇuṣvāvahito rājankathāṁ pāpaharāṁ parām

यह अधोगति को प्राप्त पितरों को भी सद्गति प्रदान करने वाली है। हे राजन्! सावधान होकर सुनो वह परम पापहारी कथा,

श्लोक 4 (padma.6.58.4)

यस्याः श्रवणमात्रेण वाजपेयफलं लभेत् । पुरा कृतयुगे राजन्बभूव नृपनंदनः

yasyāḥ śravaṇamātreṇa vājapeyaphalaṁ labhet purā kṛtayuge rājanbabhūva nṛpanaṁdanaḥ

जिसके श्रवण मात्र से वाजपेय यज्ञ का फल मिलता है। हे राजन्! प्राचीन काल में कृतयुग में एक राजा का पुत्र हुआ,

श्लोक 5 (padma.6.58.5)

इंद्रसेन इति ख्यातः पुरा माहिष्मतीपतिः । स राजा पालयामास धर्मेण यशसान्वितः

iṁdrasena iti khyātaḥ purā māhiṣmatīpatiḥ sa rājā pālayāmāsa dharmeṇa yaśasānvitaḥ

जो इंद्रसेन नाम से विख्यात थे, प्राचीन काल में माहिष्मती के स्वामी। वह राजा धर्मपूर्वक और यश से युक्त होकर प्रजा का पालन करता था।

श्लोक 6 (padma.6.58.6)

पुत्रपौत्रसमायुक्तो धनधान्यसमन्वितः । माहिष्मत्यधिपो राजा विष्णुभक्तिपरायणः

putrapautrasamāyukto dhanadhānyasamanvitaḥ māhiṣmatyadhipo rājā viṣṇubhaktiparāyaṇaḥ

वह पुत्र-पौत्रों से युक्त, धन-धान्य से संपन्न था; माहिष्मती का वह अधिपति राजा विष्णु-भक्ति में परायण था।

श्लोक 7 (padma.6.58.7)

जपन्गोविंदनामानि मुक्तिदानि नराधिपः । कालं नयति विधिवदध्यात्मध्यानचिंतकः

japangoviṁdanāmāni muktidāni narādhipaḥ kālaṁ nayati vidhivadadhyātmadhyānaciṁtakaḥ

वह राजा गोविंद के मुक्ति देने वाले नामों का जप करते हुए, अध्यात्म-ध्यान का चिंतन करते हुए विधिपूर्वक अपना समय व्यतीत करता था।

श्लोक 8 (padma.6.58.8)

एकस्मिन्दिवसे राज्ञि सुखासीने सदो गते । अवतीर्यागमत्तत्र ह्यंबरान्नारदो मुनिः

ekasmindivase rājñi sukhāsīne sado gate avatīryāgamattatra hyaṁbarānnārado muniḥ

एक दिन जब राजा अपने राजसभा में सुखपूर्वक बैठे थे, तब आकाश से उतरकर नारद मुनि वहाँ आए।

श्लोक 9 (padma.6.58.9)

तमागतमभिप्रेक्ष्य प्रत्युत्थाय कृतांजलि । पूजयित्वाथ विधिना चासने संन्यवेशयत्

tamāgatamabhiprekṣya pratyutthāya kṛtāṁjali pūjayitvātha vidhinā cāsane saṁnyaveśayat

उन्हें आया देखकर राजा उठकर खड़े हुए, हाथ जोड़कर उनकी विधिपूर्वक पूजा की और उन्हें आसन पर बिठाया।

श्लोक 10 (padma.6.58.10)

सुखोपविष्टं स मुनिं प्रत्युवाच नृपोत्तमः । राजोवाच-। त्वत्प्रसादान्मुनिश्रेष्ठ सर्वं च कुशलं मम

sukhopaviṣṭaṁ sa muniṁ pratyuvāca nṛpottamaḥ rājovāca- tvatprasādānmuniśreṣṭha sarvaṁ ca kuśalaṁ mama

सुखपूर्वक बैठे हुए उस मुनि से श्रेष्ठ राजा ने कहा - राजा ने कहा - हे मुनिश्रेष्ठ! आपकी कृपा से मेरा सब कुछ कुशल है।

श्लोक 11 (padma.6.58.11)

अद्य क्रतुक्रियाः सर्वाः सफलास्तव दर्शनात् । प्रसादं कुरु देवर्षे ब्रूह्यागमनकारणम्

adya kratukriyāḥ sarvāḥ saphalāstava darśanāt prasādaṁ kuru devarṣe brūhyāgamanakāraṇam

आज आपके दर्शन से मेरे सब यज्ञ-कर्म सफल हो गए हैं। हे देवर्षि! कृपा कीजिए, अपने आगमन का कारण बताइए।

श्लोक 12 (padma.6.58.12)

नारद उवाच- श्रूयतां नृपशार्दूल मद्वचो विस्मयप्रदम् । ब्रह्मलोकादहं प्राप्तो यमलोकं नृपोत्तम

nārada uvāca- śrūyatāṁ nṛpaśārdūla madvaco vismayapradam brahmalokādahaṁ prāpto yamalokaṁ nṛpottama

नारद ने कहा - हे नृपशार्दूल! सुनो मेरा यह विस्मयकारी वचन। हे नृपोत्तम! मैं ब्रह्मलोक से यमलोक को गया था।

श्लोक 13 (padma.6.58.13)

शमनेनार्चितो भक्त्या उपविष्टो वरासने । धर्मशीलः सत्यवांस्तु भास्करिं समुपासते

śamanenārcito bhaktyā upaviṣṭo varāsane dharmaśīlaḥ satyavāṁstu bhāskariṁ samupāsate

वहाँ शमन (यमराज) द्वारा भक्तिपूर्वक पूजित होकर मैं श्रेष्ठ आसन पर बैठा। वहाँ धर्मशील और सत्यवादी सूर्यपुत्र [यमराज] की उपासना करते हुए,

श्लोक 14 (padma.6.58.14)

बहुपुण्यप्रकर्त्ता च व्रतवैकल्यदोषतः । सभायां श्राद्धदेवस्य मया दृष्टः पिता तव

bahupuṇyaprakarttā ca vratavaikalyadoṣataḥ sabhāyāṁ śrāddhadevasya mayā dṛṣṭaḥ pitā tava

मैंने वहाँ, यम की सभा में, तुम्हारे पिता को देखा, जो अनेक पुण्य करने वाले थे, फिर भी किसी व्रत की त्रुटि के दोष से [पीड़ित थे]।

श्लोक 15 (padma.6.58.15)

कथितस्तेन संदेशस्तं निबोध जनेश्वर । इंद्रसेन इति ख्यातो राजा माहिष्मतीपतिः

kathitastena saṁdeśastaṁ nibodha janeśvara iṁdrasena iti khyāto rājā māhiṣmatīpatiḥ

उन्होंने मुझसे एक संदेश कहलाया - हे जनेश्वर, उसे सुनो। 'इंद्रसेन नाम से विख्यात, माहिष्मती के स्वामी राजा,

श्लोक 16 (padma.6.58.16)

तस्याग्रे कथयब्रह्मन्स्थितं मां यमसंनिधौ । केनापि चांतरायेण पूर्वजन्मोद्भवेन च

tasyāgre kathayabrahmansthitaṁ māṁ yamasaṁnidhau kenāpi cāṁtarāyeṇa pūrvajanmodbhavena ca

हे ब्रह्मन्, उसके सामने कहना कि मैं यम के समीप स्थित हूँ, किसी पूर्व जन्म में उत्पन्न बाधा के कारण।

श्लोक 17 (padma.6.58.17)

स्वर्गं प्रेषय मां पुत्र इंदिरा पुण्य दानतः । इत्युक्तोऽहं समायातः समीपं तव पार्थिव

svargaṁ preṣaya māṁ putra iṁdirā puṇya dānataḥ ityukto'haṁ samāyātaḥ samīpaṁ tava pārthiva

हे पुत्र! तुम इंदिरा [एकादशी] के पुण्य-दान से मुझे स्वर्ग भेज दो' - ऐसा कहे जाने पर, हे राजन्, मैं तुम्हारे समीप आया हूँ।

श्लोक 18 (padma.6.58.18)

पितुः स्वर्गकृते राजन्निंदिरा व्रतमाचर । तेन व्रतप्रभावेन स्वर्गं यास्यति ते पिता

pituḥ svargakṛte rājanniṁdirā vratamācara tena vrataprabhāvena svargaṁ yāsyati te pitā

हे राजन्! अपने पिता के स्वर्ग-प्राप्ति के लिए इंदिरा का व्रत करो; उस व्रत के प्रभाव से तुम्हारे पिता स्वर्ग को प्राप्त होंगे।

श्लोक 19 (padma.6.58.19)

राजोवाच- कथयस्व प्रसादेन भगवन्निंदिरा व्रतम् । विधिना केन कर्त्तव्यं कस्मिन्पक्षे तिथौ तथा

rājovāca- kathayasva prasādena bhagavanniṁdirā vratam vidhinā kena karttavyaṁ kasminpakṣe tithau tathā

राजा ने कहा - हे भगवन्! कृपया इंदिरा-व्रत के विषय में बताइए। यह किस विधि से, किस पक्ष और किस तिथि को करना चाहिए?

श्लोक 20 (padma.6.58.20)

नारदउवाच- शृणु राजेंद्र ते वच्मि व्रतस्यास्य विधिं शुभम् । आश्विनस्यासिते पक्षे दशमी दिवसे शुभे

nāradauvāca- śṛṇu rājeṁdra te vacmi vratasyāsya vidhiṁ śubham āśvinasyāsite pakṣe daśamī divase śubhe

नारद ने कहा - हे राजेंद्र! सुनो, मैं तुम्हें इस शुभ व्रत की विधि बताता हूँ। आश्विन के कृष्ण पक्ष में, शुभ दशमी तिथि के दिन,

श्लोक 21 (padma.6.58.21)

प्रातःस्नानं प्रकुर्वीत श्रद्धायुक्तेन चेतसा । ततो मध्याह्नसमये स्नानं कृत्वा समाहितः

prātaḥsnānaṁ prakurvīta śraddhāyuktena cetasā tato madhyāhnasamaye snānaṁ kṛtvā samāhitaḥ

श्रद्धायुक्त मन से प्रातःकाल स्नान करना चाहिए। फिर मध्याह्न के समय संयमपूर्वक स्नान करके,

श्लोक 22 (padma.6.58.22)

पितॄणां प्रीतये श्राद्धं कुर्याच्छ्रद्धा समन्वितः । एकभक्तं ततः कृत्वा रात्रौ भूमौ शयीत च । प्रभाते विमले जाते प्राप्ते चैकादशी दिने

pitṝṇāṁ prītaye śrāddhaṁ kuryācchraddhā samanvitaḥ ekabhaktaṁ tataḥ kṛtvā rātrau bhūmau śayīta ca prabhāte vimale jāte prāpte caikādaśī dine

श्रद्धापूर्वक पितरों की प्रसन्नता के लिए श्राद्ध करना चाहिए; तत्पश्चात् एक समय भोजन करके रात्रि में भूमि पर शयन करना चाहिए। प्रातःकाल निर्मल होने पर, एकादशी का दिन आने पर,

श्लोक 23 (padma.6.58.23)

मुख प्रक्षालनं कुर्याद्दंतधावन वर्जितम् । उपवासस्य नियमं गृह्णीयाद्भक्तिभावतः

mukha prakṣālanaṁ kuryāddaṁtadhāvana varjitam upavāsasya niyamaṁ gṛhṇīyādbhaktibhāvataḥ

मुँह धोना चाहिए, दतौन के बिना; भक्तिभाव से उपवास का नियम ग्रहण करना चाहिए।

श्लोक 24 (padma.6.58.24)

अद्यस्थित्वा निराहारः सर्वभोग विवर्जितः । श्वो भोक्ष्ये पुंडरीकाक्ष शरणं मे भवाच्युत

adyasthitvā nirāhāraḥ sarvabhoga vivarjitaḥ śvo bhokṣye puṁḍarīkākṣa śaraṇaṁ me bhavācyuta

'आज मैं भोजन-रहित रहूँगा, सब भोगों से रहित होकर; कल भोजन करूँगा, हे पुंडरीकाक्ष, हे अच्युत! आप मेरी शरण बनें।'

श्लोक 25 (padma.6.58.25)

इत्येवं नियमं कृत्वा मध्याह्न समये तथा । शालग्राम शिलाग्रे तु स्नानं कुर्याद्यथाविधि

ityevaṁ niyamaṁ kṛtvā madhyāhna samaye tathā śālagrāma śilāgre tu snānaṁ kuryādyathāvidhi

इस प्रकार नियम ग्रहण करके, फिर मध्याह्न के समय शालग्राम शिला के सामने विधिपूर्वक स्नान करना चाहिए।

श्लोक 26 (padma.6.58.26)

पूजयित्वा हृषीकेशं धूप गंधादिभिस्तथा । रात्रौ जागरणं कुर्यात्केशवस्य समीपतः

pūjayitvā hṛṣīkeśaṁ dhūpa gaṁdhādibhistathā rātrau jāgaraṇaṁ kuryātkeśavasya samīpataḥ

धूप-गंध आदि से हृषीकेश की पूजा करके, केशव के समीप रात्रि-जागरण करना चाहिए।

श्लोक 27 (padma.6.58.27)

ततः प्रभातसमये प्राप्ते वै द्वादशी दिने । अर्चयित्वा हरिं भक्त्या श्राद्धं कुर्याद्यथाविधि

tataḥ prabhātasamaye prāpte vai dvādaśī dine arcayitvā hariṁ bhaktyā śrāddhaṁ kuryādyathāvidhi

तत्पश्चात् प्रातःकाल द्वादशी का दिन आने पर, भक्तिपूर्वक हरि की पूजा करके, विधिपूर्वक श्राद्ध करना चाहिए,

श्लोक 28 (padma.6.58.28)

पितॄणां प्रीतये श्राद्धं कुर्याच्छ्रद्धा समन्वितः । गोधूम चूर्णैर्यछ्राद्धं कृतं मेध्यकृतं भवेत्

pitṝṇāṁ prītaye śrāddhaṁ kuryācchraddhā samanvitaḥ godhūma cūrṇairyachrāddhaṁ kṛtaṁ medhyakṛtaṁ bhavet

श्रद्धापूर्वक पितरों की प्रसन्नता के लिए श्राद्ध करना चाहिए। गेहूँ के आटे से जो श्राद्ध किया जाता है, वह पवित्र माना गया है।

श्लोक 29 (padma.6.58.29)

यवैर्व्रीहितिलैर्माषैर्गोधूमैश्चणकैस्तथा । ब्राह्मणान्भोजयेद्राजन् दक्षिणाभिः प्रपूजितान्

yavairvrīhitilairmāṣairgodhūmaiścaṇakaistathā brāhmaṇānbhojayedrājan dakṣiṇābhiḥ prapūjitān

जौ, चावल, तिल, उड़द, गेहूँ और चने से युक्त भोजन कराकर, हे राजन्, दक्षिणा से सम्मानित ब्राह्मणों को भोजन कराना चाहिए।

श्लोक 30 (padma.6.58.30)

बंधु दौहित्र पुत्राद्यैः स्वयं भुंजीत वाग्यतः । अनेन विधिना राजन्कुरुव्रतमतंद्रितः

baṁdhu dauhitra putrādyaiḥ svayaṁ bhuṁjīta vāgyataḥ anena vidhinā rājankuruvratamataṁdritaḥ

तत्पश्चात् बंधुओं, दौहित्रों (नाती) और पुत्रों आदि के साथ मौन रहकर स्वयं भोजन करना चाहिए। हे राजन्! इसी विधि से सावधानीपूर्वक व्रत करो।

श्लोक 31 (padma.6.58.31)

विष्णुलोकं प्रयास्यंति पितरस्तव भूपते । इत्युक्त्वा नृपतिं राजन्मुनिरंतरधीयत

viṣṇulokaṁ prayāsyaṁti pitarastava bhūpate ityuktvā nṛpatiṁ rājanmuniraṁtaradhīyata

तुम्हारे पिता, हे भूपते, विष्णुलोक को जाएँगे।' राजा से ऐसा कहकर, हे राजन्, मुनि अंतर्धान हो गए।

श्लोक 32 (padma.6.58.32)

यथोक्त विधिना राजा चकार व्रतमुत्तमम् । अंतःपुरेण सहितः पुत्रभृत्य समन्वितः

yathokta vidhinā rājā cakāra vratamuttamam aṁtaḥpureṇa sahitaḥ putrabhṛtya samanvitaḥ

राजा ने बताई गई विधि के अनुसार वह उत्तम व्रत किया, अपने अंतःपुर, पुत्रों और सेवकों सहित।

श्लोक 33 (padma.6.58.33)

कृते व्रते तु कौंतेय पुष्पवृष्टिरभूद्दिवः । तत्पिता गरुडारूढो जगाम हरिमंदिरम्

kṛte vrate tu kauṁteya puṣpavṛṣṭirabhūddivaḥ tatpitā garuḍārūḍho jagāma harimaṁdiram

हे कौंतेय! व्रत पूर्ण होने पर आकाश से पुष्पों की वर्षा हुई; उसके पिता गरुड़ पर सवार होकर हरि के मंदिर को गए।

श्लोक 34 (padma.6.58.34)

इंद्रसेनोऽपिराजर्षिः कृत्वा राज्यमकंटकम् । राज्ये निवेश्य तनयं जगाम त्रिदिवं स्वयम्

iṁdraseno'pirājarṣiḥ kṛtvā rājyamakaṁṭakam rājye niveśya tanayaṁ jagāma tridivaṁ svayam

राजर्षि इंद्रसेन ने भी अपने राज्य को कंटकरहित बनाकर, अपने पुत्र को राज्य में स्थापित करके, स्वयं स्वर्ग को चले गए।

श्लोक 35 (padma.6.58.35)

इंदिरा व्रत माहात्म्यं तवाग्रे कथितं मया । पठनाच्छ्रवणाद्राजन् सर्वपापैः प्रमुच्यते

iṁdirā vrata māhātmyaṁ tavāgre kathitaṁ mayā paṭhanācchravaṇādrājan sarvapāpaiḥ pramucyate

हे राजन्! मैंने तुम्हारे सामने इंदिरा-व्रत की यह महिमा कही है। इसे पढ़ने अथवा सुनने मात्र से मनुष्य सब पापों से मुक्त हो जाता है,

श्लोक 36 (padma.6.58.36)

भुक्त्वेह निखिलान्भोगान् विष्णुलोके वसेच्चिरम्

bhuktveha nikhilānbhogān viṣṇuloke vasecciram

इस लोक में समस्त भोगों को भोगकर, वह विष्णुलोक में दीर्घकाल तक निवास करता है।