कार्तिक कृष्ण रमा एकादशी

श्लोक 1 (padma.6.60.1)

युधिष्ठिर उवाच- कथयस्व प्रसादेन मयि स्नेहाज्जनार्दन । कार्त्तिकस्यासिते पक्षे किंनामैकादशी भवेत्

yudhiṣṭhira uvāca- kathayasva prasādena mayi snehājjanārdana kārttikasyāsite pakṣe kiṁnāmaikādaśī bhavet

युधिष्ठिर ने कहा - हे जनार्दन! स्नेहवश मुझ पर कृपा करके बताइए, कार्तिक के कृष्ण पक्ष में कौन-सी एकादशी होती है?

श्लोक 2 (padma.6.60.2)

श्रीकृष्ण उवाच- श्रूयतां राजशार्दूल कथयामि तवाग्रतः । कार्त्तिके कृष्णपक्षे तु रमा नाम सुशोभना

śrīkṛṣṇa uvāca- śrūyatāṁ rājaśārdūla kathayāmi tavāgrataḥ kārttike kṛṣṇapakṣe tu ramā nāma suśobhanā

श्रीकृष्ण ने कहा - हे राजशार्दूल! सुनो, मैं तुम्हारे सामने कहता हूँ। कार्तिक के कृष्ण पक्ष में जो अत्यंत शोभन एकादशी है,

श्लोक 3 (padma.6.60.3)

एकादशी समाख्याता महापापहरा परा । अस्याः प्रसंगतो राजन्माहात्म्यं प्रवदामि ते

ekādaśī samākhyātā mahāpāpaharā parā asyāḥ prasaṁgato rājanmāhātmyaṁ pravadāmi te

वह रमा नाम से कही जाती है, महापापों को हरने वाली परम एकादशी। हे राजन्! इसके प्रसंग से मैं तुम्हें इसकी महिमा सुनाता हूँ।

श्लोक 4 (padma.6.60.4)

मुचुकुंद इति ख्यातो बभूव नृपतिः पुरा । देवेंद्रेण समं तस्य मित्रत्वमभवन्नृप

mucukuṁda iti khyāto babhūva nṛpatiḥ purā deveṁdreṇa samaṁ tasya mitratvamabhavannṛpa

प्राचीन काल में मुचुकुंद नाम से विख्यात एक राजा थे। हे राजन्! उनकी देवेंद्र के साथ मित्रता थी,

श्लोक 5 (padma.6.60.5)

यमेन वरुणेनैव कुबेरेणापि सर्वथा । विभीषणेन यस्यैव सखित्वमभवन्नृप

yamena varuṇenaiva kubereṇāpi sarvathā vibhīṣaṇena yasyaiva sakhitvamabhavannṛpa

यम, वरुण और कुबेर के साथ भी सर्वथा, तथा विभीषण के साथ भी, हे राजन्, उनकी मित्रता थी।

श्लोक 6 (padma.6.60.6)

विष्णुभक्तः सत्यसंधो बभूव नृपतिः परः । तस्यैवं शासतो राजन्राज्यं निहतकंटकम्

viṣṇubhaktaḥ satyasaṁdho babhūva nṛpatiḥ paraḥ tasyaivaṁ śāsato rājanrājyaṁ nihatakaṁṭakam

वे विष्णु-भक्त, सत्यप्रतिज्ञ और श्रेष्ठ राजा थे। हे राजन्! इस प्रकार शासन करते हुए उनका राज्य कंटकरहित था।

श्लोक 7 (padma.6.60.7)

बभूव दुहिता गेहे चंद्रभागा सरिद्वरा । शोभनाय च सा दत्ता चंद्रसेनसुताय वै

babhūva duhitā gehe caṁdrabhāgā saridvarā śobhanāya ca sā dattā caṁdrasenasutāya vai

उनके घर में चंद्रभागा नाम की एक सुंदर पुत्री उत्पन्न हुई; वह चंद्रसेन के पुत्र शोभन को ब्याही गई।

श्लोक 8 (padma.6.60.8)

स कदाचित्समायातः श्वशुरस्य गृहे नृप । एकादशीव्रतदिनं समायातं सुपुण्यदम्

sa kadācitsamāyātaḥ śvaśurasya gṛhe nṛpa ekādaśīvratadinaṁ samāyātaṁ supuṇyadam

एक बार वह अपने श्वसुर के घर आया, हे राजन्, और उसी समय अत्यंत पुण्यदायी एकादशी-व्रत का दिन आ गया।

श्लोक 9 (padma.6.60.9)

समागते व्रतदिने चंद्रभागा त्वचिंतयत् । किं भविष्यति देवेश मम भर्त्तातिदुर्बलः

samāgate vratadine caṁdrabhāgā tvaciṁtayat kiṁ bhaviṣyati deveśa mama bharttātidurbalaḥ

व्रत का दिन आने पर चंद्रभागा ने सोचा - 'हे देवेश! अब क्या होगा, मेरे पति अत्यंत निर्बल हैं।

श्लोक 10 (padma.6.60.10)

क्षुधां न क्षमते सोढुं पिता चैवोग्रशासनः । पटहस्ताड्यते यस्य संप्राप्ते दशमीदिने

kṣudhāṁ na kṣamate soḍhuṁ pitā caivograśāsanaḥ paṭahastāḍyate yasya saṁprāpte daśamīdine

वे भूख सहन नहीं कर सकते, और मेरे पिता का शासन भी अत्यंत कठोर है, जिनके यहाँ दशमी का दिन आने पर ढिंढोरा पीटा जाता है -

श्लोक 11 (padma.6.60.11)

न भोक्तव्यं न भोक्तव्यं न भोक्तव्यं हरेर्दिने । श्रुत्वा पटहनिर्घोषं शोभनस्त्वब्रवीत्प्रियाम्

na bhoktavyaṁ na bhoktavyaṁ na bhoktavyaṁ harerdine śrutvā paṭahanirghoṣaṁ śobhanastvabravītpriyām

'हरि के दिन कोई भी भोजन न करे, कोई भी भोजन न करे, कोई भी भोजन न करे।'' ढिंढोरे की आवाज सुनकर शोभन ने अपनी प्रिया से कहा -

श्लोक 12 (padma.6.60.12)

किं कर्त्तव्यं मया कांते देहि शिक्षां वरानने । चंद्रभागोवाच - मत्पितुर्वेश्मनि प्रभो भोक्तव्यं नाद्य केनचित्

kiṁ karttavyaṁ mayā kāṁte dehi śikṣāṁ varānane caṁdrabhāgovāca - matpiturveśmani prabho bhoktavyaṁ nādya kenacit

'मुझे क्या करना चाहिए, हे प्रिये? हे वरानने! मुझे शिक्षा दो।' चंद्रभागा ने कहा - 'हे प्रभो! मेरे पिता के घर में आज कोई भी भोजन नहीं करता,

श्लोक 13 (padma.6.60.13)

गजैरश्वैश्च कलभैरन्यैः पशुभिरेव च । तृणमन्नं तथा वारि न भोक्तव्यं हरेर्दिने

gajairaśvaiśca kalabhairanyaiḥ paśubhireva ca tṛṇamannaṁ tathā vāri na bhoktavyaṁ harerdine

न हाथी, न घोड़े, न बच्चे हाथी, न अन्य कोई पशु - कोई भी घास, अन्न या जल हरि के दिन नहीं ग्रहण करता।

श्लोक 14 (padma.6.60.14)

मानवैश्च कुतः कांत भुज्यते हरिवासरे । यदि त्वं भोक्ष्यसे कांत ततो गर्हां प्रयास्यसि

mānavaiśca kutaḥ kāṁta bhujyate harivāsare yadi tvaṁ bhokṣyase kāṁta tato garhāṁ prayāsyasi

तो फिर मनुष्यों की तो बात ही क्या, हे प्रिय, जो हरिवासर में भोजन करें? यदि आप भोजन करेंगे, तो आपको निंदा प्राप्त होगी।

श्लोक 15 (padma.6.60.15)

एवं विचार्य मनसा सुदृढं मानसं कुरु । शोभन उवाच- सत्यमेतत्प्रिये वाक्यं करिष्येऽहमुपोषणम्

evaṁ vicārya manasā sudṛḍhaṁ mānasaṁ kuru śobhana uvāca- satyametatpriye vākyaṁ kariṣye'hamupoṣaṇam

इस प्रकार मन में विचार करके अपने मन को दृढ़ कर लीजिए।' शोभन ने कहा - 'हे प्रिये! यह सत्य वचन है; मैं उपवास करूँगा।

श्लोक 16 (padma.6.60.16)

दैवेन विहितं यद्धि तत्तथैव भविष्यति । इति दृढां मतिं कृत्वा चकार नियमं व्रते

daivena vihitaṁ yaddhi tattathaiva bhaviṣyati iti dṛḍhāṁ matiṁ kṛtvā cakāra niyamaṁ vrate

दैव ने जो विधान किया है, वही होकर रहेगा।' ऐसा दृढ़ निश्चय करके उसने व्रत का नियम ग्रहण कर लिया।

श्लोक 17 (padma.6.60.17)

क्षुधया पीडिततनुः स बभूवातिदुःखितः । इति चिंतयतस्तस्य आदित्योऽस्तमगाद्गिरिम्

kṣudhayā pīḍitatanuḥ sa babhūvātiduḥkhitaḥ iti ciṁtayatastasya ādityo'stamagādgirim

भूख से पीड़ित शरीर वाला वह अत्यंत दुःखी हो गया। इस प्रकार वह सोचता रहा, और सूर्य पर्वत के पीछे अस्त हो गया।

श्लोक 18 (padma.6.60.18)

वैष्णवानां नराणां सा निशा हर्षविवर्द्धनी । हरिपूजारतानां च जागरासक्तचेतसाम्

vaiṣṇavānāṁ narāṇāṁ sā niśā harṣavivarddhanī haripūjāratānāṁ ca jāgarāsaktacetasām

वह रात्रि, हरि-पूजा में लीन और जागरण में तत्पर वैष्णव मनुष्यों के लिए हर्ष बढ़ाने वाली होती है,

श्लोक 19 (padma.6.60.19)

बभूव नृपशार्दूल शोभनस्यातिदुःखदा । रवेरुदयवेलायां शोभनः पंचतां गतः

babhūva nṛpaśārdūla śobhanasyātiduḥkhadā raverudayavelāyāṁ śobhanaḥ paṁcatāṁ gataḥ

किंतु, हे नृपशार्दूल, वही रात्रि शोभन के लिए अत्यंत दुःखदायी हो गई। सूर्योदय के समय शोभन का प्राणांत हो गया।

श्लोक 20 (padma.6.60.20)

दाहयामास राजा तं राजयोग्यैश्च दारुभिः । चंद्रभागा नात्मदेहं ददाह पतिना सह

dāhayāmāsa rājā taṁ rājayogyaiśca dārubhiḥ caṁdrabhāgā nātmadehaṁ dadāha patinā saha

राजा ने राजोचित काष्ठों से उसका दाह-संस्कार कराया; किंतु चंद्रभागा ने अपने पति के साथ अपने शरीर को नहीं जलाया।

श्लोक 21 (padma.6.60.21)

कृत्वौर्द्ध्वदैहिकं तस्य तस्थौ जनकवेश्मनि । शोभनश्च नृपश्रेष्ठ रमाव्रतप्रभावतः

kṛtvaurddhvadaihikaṁ tasya tasthau janakaveśmani śobhanaśca nṛpaśreṣṭha ramāvrataprabhāvataḥ

उसका अंत्येष्टि-संस्कार करके वह अपने पिता के घर में ही रहने लगी। हे नृपश्रेष्ठ! और शोभन, रमा-व्रत के प्रभाव से,

श्लोक 22 (padma.6.60.22)

प्राप्तो देवपुरं रम्यं मंदराचलसानुनि । अनुत्तममनाधृष्यमसंख्येयगुणान्वितम्

prāpto devapuraṁ ramyaṁ maṁdarācalasānuni anuttamamanādhṛṣyamasaṁkhyeyaguṇānvitam

मंदराचल पर्वत की चोटी पर स्थित उस रमणीय देवपुरी को प्राप्त हुआ, जो अनुपम, अजेय और असंख्य गुणों से युक्त थी।

श्लोक 23 (padma.6.60.23)

हेमस्तंभमयैसौधै रत्नवैडूर्यमंडितैः । स्फाटिकैर्विविधाकारैर्विचित्रैरुपशोभितैः

hemastaṁbhamayaisaudhai ratnavaiḍūryamaṁḍitaiḥ sphāṭikairvividhākārairvicitrairupaśobhitaiḥ

वह स्वर्ण-स्तंभों वाले महलों से सुशोभित थी, रत्न और वैडूर्य से मंडित, तथा विविध आकार वाले, विचित्र स्फटिक-भवनों से सुशोभित थी।

श्लोक 24 (padma.6.60.24)

सिंहासनसमारूढः सुश्वेतच्छत्रचामरः । किरीटकुंडलयुतो हारकेयूरभूषितः । स्तूयमानश्च गंधर्वैरप्सरोगणसेवितः

siṁhāsanasamārūḍhaḥ suśvetacchatracāmaraḥ kirīṭakuṁḍalayuto hārakeyūrabhūṣitaḥ stūyamānaśca gaṁdharvairapsarogaṇasevitaḥ

सिंहासन पर आरूढ़, श्वेत छत्र और चंवर से सुशोभित, मुकुट और कुंडलों से युक्त, हार और बाजूबंदों से भूषित, गंधर्वों द्वारा स्तुति किए जाते और अप्सराओं के समूह से सेवित,

श्लोक 25 (padma.6.60.25)

शोभनः शोभते यत्र राजराजोपरो यथा । सोमशर्मेति विख्यातो मुचुकुंदपुरेऽभवत्

śobhanaḥ śobhate yatra rājarājoparo yathā somaśarmeti vikhyāto mucukuṁdapure'bhavat

वहाँ शोभन ऐसे सुशोभित हो रहे थे मानो राजाओं के राजा से भी बढ़कर कोई हों। उसी मुचुकुंदपुरी में सोमशर्मा नाम से विख्यात एक ब्राह्मण था।

श्लोक 26 (padma.6.60.26)

तीर्थयात्राप्रसंगेन भ्रमन्विप्रो ददर्श तम् । नृपजामातरं ज्ञात्वा तत्समीपं जगाम सः

tīrthayātrāprasaṁgena bhramanvipro dadarśa tam nṛpajāmātaraṁ jñātvā tatsamīpaṁ jagāma saḥ

तीर्थ-यात्रा के प्रसंग में भ्रमण करते हुए उस विप्र ने उसे [शोभन को] देखा; उसे राजा का दामाद जानकर वह उसके समीप गया।

श्लोक 27 (padma.6.60.27)

शोभनोऽपि तदा ज्ञात्वा सोमशर्माणमागतम् । आसनादुत्थितः शीघ्रं नमश्चक्रे द्विजोत्तमम्

śobhano'pi tadā jñātvā somaśarmāṇamāgatam āsanādutthitaḥ śīghraṁ namaścakre dvijottamam

शोभन ने भी सोमशर्मा को आया हुआ जानकर, तुरंत अपने आसन से उठकर उस श्रेष्ठ ब्राह्मण को प्रणाम किया।

श्लोक 28 (padma.6.60.28)

चकार कुशलप्रश्नं श्वशुरस्य नृपस्य च । कांतायाश्चंद्रभागायास्तथैव नगरस्य च

cakāra kuśalapraśnaṁ śvaśurasya nṛpasya ca kāṁtāyāścaṁdrabhāgāyāstathaiva nagarasya ca

उसने अपने श्वसुर राजा के कुशल-क्षेम के विषय में पूछा, तथा अपनी प्रिया चंद्रभागा और नगर के विषय में भी।

श्लोक 29 (padma.6.60.29)

सोमशर्मोवाच- कुशलं वर्त्तते राजन्श्वशुरस्य गृहे तव । चंद्रभागा कुशलिनी सर्वतः कुशलं पुरे

somaśarmovāca- kuśalaṁ varttate rājanśvaśurasya gṛhe tava caṁdrabhāgā kuśalinī sarvataḥ kuśalaṁ pure

सोमशर्मा ने कहा - हे राजन्! तुम्हारे श्वसुर के घर में सब कुशल है; चंद्रभागा भी कुशल है, नगर में सर्वत्र कुशलता है।

श्लोक 30 (padma.6.60.30)

स्ववृत्तं कथ्यतां राजन्नाश्चर्यं विद्यतेऽद्भुतम् । पुरं विचित्रं रुचिरं न दृष्टं केनचित्क्वचित्

svavṛttaṁ kathyatāṁ rājannāścaryaṁ vidyate'dbhutam puraṁ vicitraṁ ruciraṁ na dṛṣṭaṁ kenacitkvacit

अपना वृत्तांत बताओ, हे राजन्, यहाँ अद्भुत आश्चर्य दिखाई देता है। ऐसा विचित्र और मनोहर नगर मैंने कहीं भी, कभी भी नहीं देखा।

श्लोक 31 (padma.6.60.31)

एतदाचक्ष्व नृपते कुतः प्राप्तमिदं त्वया । शोभन उवाच- कार्तिकस्यासिते पक्षे या नामैकादशी रमा

etadācakṣva nṛpate kutaḥ prāptamidaṁ tvayā śobhana uvāca- kārtikasyāsite pakṣe yā nāmaikādaśī ramā

हे नृपते! यह बताइए, आपने यह कहाँ से प्राप्त किया?' शोभन ने कहा - 'कार्तिक के कृष्ण पक्ष में जो एकादशी रमा नाम से जानी जाती है,

श्लोक 32 (padma.6.60.32)

तामुपोष्य मया प्राप्तं द्विजेंद्र पुरमध्रुवम् । ध्रुवं भवति येनैव तत्कुरुष्व द्विजोत्तमः

tāmupoṣya mayā prāptaṁ dvijeṁdra puramadhruvam dhruvaṁ bhavati yenaiva tatkuruṣva dvijottamaḥ

उसका उपवास करके, हे द्विजेंद्र, मैंने यह अस्थिर नगर प्राप्त किया है। जिस उपाय से यह स्थिर हो जाए, हे द्विजोत्तम, वह उपाय आप कीजिए।

श्लोक 33 (padma.6.60.33)

द्विज उवाच- कथमध्रुवमेतद्धि कथं हि भवति ध्रुवम् । तत्त्वं कथय राजेंद्र तत्करिष्यामि नान्यथा

dvija uvāca- kathamadhruvametaddhi kathaṁ hi bhavati dhruvam tattvaṁ kathaya rājeṁdra tatkariṣyāmi nānyathā

ब्राह्मण ने कहा - यह अस्थिर क्यों है, और यह स्थिर कैसे हो सकता है? हे राजेंद्र! वह सत्य मुझे बताओ, मैं वैसा ही करूँगा, अन्यथा नहीं।

श्लोक 34 (padma.6.60.34)

शोभन उवाच- मयैतद्विहितं विप्र श्रद्धाहीनं व्रतोत्तमम् । तेनाहमध्रुवं मन्ये ध्रुवं भवति तच्छृणु

śobhana uvāca- mayaitadvihitaṁ vipra śraddhāhīnaṁ vratottamam tenāhamadhruvaṁ manye dhruvaṁ bhavati tacchṛṇu

शोभन ने कहा - हे विप्र! मैंने यह व्रत श्रद्धा से रहित होकर किया था, यद्यपि यह व्रतों में सर्वोत्तम है। इसी कारण मैं इसे अस्थिर मानता हूँ; यह कैसे स्थिर हो, वह सुनो।

श्लोक 35 (padma.6.60.35)

मुचुकुंदस्य दुहिता चंद्रभागा सुशोभना । तस्यै कथय वृत्तांतं ध्रुवमेतद्भविष्यति

mucukuṁdasya duhitā caṁdrabhāgā suśobhanā tasyai kathaya vṛttāṁtaṁ dhruvametadbhaviṣyati

मुचुकुंद की पुत्री, अत्यंत सुंदर चंद्रभागा है - उसे यह सारा वृत्तांत बताओ, यह निश्चय ही स्थिर हो जाएगा।

श्लोक 36 (padma.6.60.36)

कृष्ण उवाच- स श्रुत्वा वचनं तस्य मुचुकुंदपुरं गतः । उवाच सर्वं वृत्तांत्तं चंद्रभागाग्रतो द्विजः

kṛṣṇa uvāca- sa śrutvā vacanaṁ tasya mucukuṁdapuraṁ gataḥ uvāca sarvaṁ vṛttāṁttaṁ caṁdrabhāgāgrato dvijaḥ

कृष्ण ने कहा - उसका यह वचन सुनकर वह मुचुकुंदपुरी गया; उस ब्राह्मण ने चंद्रभागा के सामने सारा वृत्तांत कह सुनाया।

श्लोक 37 (padma.6.60.37)

सोमशर्मोवाच - प्रत्यक्षं दयितः कांतस्तव दृष्टो मया शुभे । इंद्रतुल्यमनाधृष्यं दृष्टं तस्य पुरं मया । अध्रुवं तेन तत्प्रोक्तं ध्रुवं भवति तत्कुरु

somaśarmovāca - pratyakṣaṁ dayitaḥ kāṁtastava dṛṣṭo mayā śubhe iṁdratulyamanādhṛṣyaṁ dṛṣṭaṁ tasya puraṁ mayā adhruvaṁ tena tatproktaṁ dhruvaṁ bhavati tatkuru

सोमशर्मा ने कहा - हे शुभे! मैंने तुम्हारे प्रिय पति को प्रत्यक्ष देखा है; मैंने उनका नगर देखा, जो इंद्र के समान और अजेय है। किंतु उसे उन्होंने अस्थिर बताया - उसे स्थिर करो।

श्लोक 38 (padma.6.60.38)

चंद्रभागोवाच- तत्र मां नय विप्रर्षे पतिदर्शनलालसाम् । आत्मनो व्रतपुण्येन करिष्यामि पुरं ध्रुवम्

caṁdrabhāgovāca- tatra māṁ naya viprarṣe patidarśanalālasām ātmano vratapuṇyena kariṣyāmi puraṁ dhruvam

चंद्रभागा ने कहा - हे विप्रर्षे! अपने पति के दर्शन की उत्कंठा से भरी हुई मुझे वहाँ ले चलिए। मैं अपने व्रत के पुण्य से उस नगर को स्थिर कर दूँगी।

श्लोक 39 (padma.6.60.39)

आवयोर्द्विजसंयोगो यथा भवति तत्कुरु । प्राप्यते हि महत्पुण्यं कृत्वा योगं वियुक्तयोः

āvayordvijasaṁyogo yathā bhavati tatkuru prāpyate hi mahatpuṇyaṁ kṛtvā yogaṁ viyuktayoḥ

हम दोनों का, हे द्विज, मिलन हो जाए, वैसा ही कीजिए। क्योंकि विरहित दो जनों का मिलन कराने से महान पुण्य प्राप्त होता है।

श्लोक 40 (padma.6.60.40)

इति श्रुत्वा सह तया सोमशर्मा जगाम ह । आश्रमं वामदेवस्य मंदराचलसंनिधौ

iti śrutvā saha tayā somaśarmā jagāma ha āśramaṁ vāmadevasya maṁdarācalasaṁnidhau

यह सुनकर सोमशर्मा उसके साथ चल पड़े; वे मंदराचल के समीप वामदेव के आश्रम को गए।

श्लोक 41 (padma.6.60.41)

वामदेवोऽशृणोत्सर्वं वृत्तांतं कथितं तयोः । अभ्यषिञ्चच्चन्द्रभागां वेदमंत्रैरथोज्ज्वलाम्

vāmadevo'śṛṇotsarvaṁ vṛttāṁtaṁ kathitaṁ tayoḥ abhyaṣiñcaccandrabhāgāṁ vedamaṁtrairathojjvalām

वामदेव ने उन दोनों की सारी कही हुई कथा सुनी; तत्पश्चात् उन्होंने चंद्रभागा को वेद-मंत्रों से अभिषिक्त और तेजस्वी बना दिया।

श्लोक 42 (padma.6.60.42)

ऋषिमंत्रप्रभावेन विष्णुवासरसेवनात् । दिव्यदेहा बभूवासौ दिव्यां गतिमवाप ह

ṛṣimaṁtraprabhāvena viṣṇuvāsarasevanāt divyadehā babhūvāsau divyāṁ gatimavāpa ha

ऋषि के मंत्रों के प्रभाव से और विष्णु के दिन की सेवा के फलस्वरूप, वह दिव्य देह वाली बन गई और दिव्य गति को प्राप्त हुई।

श्लोक 43 (padma.6.60.43)

पत्युः समीपमगमत्प्रहर्षोत्फुल्ललोचना । जहर्ष शोभनोऽतीव दृष्ट्वा कांतां समागताम्

patyuḥ samīpamagamatpraharṣotphullalocanā jaharṣa śobhano'tīva dṛṣṭvā kāṁtāṁ samāgatām

वह हर्ष से उत्फुल्ल नेत्रों वाली होकर अपने पति के समीप गई; अपनी प्रिया को आया हुआ देखकर शोभन अत्यंत हर्षित हुए।

श्लोक 44 (padma.6.60.44)

समाहूय स्वके वामे पार्श्वेतां संन्यवेशयत् । अथोवाच प्रियं हर्षाच्चंद्रभागा प्रियं वचः

samāhūya svake vāme pārśvetāṁ saṁnyaveśayat athovāca priyaṁ harṣāccaṁdrabhāgā priyaṁ vacaḥ

उन्होंने उसे बुलाकर अपने बाईं ओर बिठाया; तब हर्ष से भरी चंद्रभागा ने अपने प्रिय पति से यह प्रिय वचन कहा -

श्लोक 45 (padma.6.60.45)

शृणु कांत हितं वाक्यं यत्पुण्यं विद्यते मयि । अष्टवर्षाधिका जाता यदाहं पितृवेश्मनि

śṛṇu kāṁta hitaṁ vākyaṁ yatpuṇyaṁ vidyate mayi aṣṭavarṣādhikā jātā yadāhaṁ pitṛveśmani

'हे प्रिय! सुनिए मेरा यह हितकर वचन, जो पुण्य मुझमें विद्यमान है। जब मैं अपने पिता के घर में आठ वर्ष से अधिक की हुई,

श्लोक 46 (padma.6.60.46)

ततः प्रभृति यच्चीर्णं मया चैकादशीव्रतम् । यथोक्तविधिसंयुक्तं श्रद्धायुक्तेन चेतसा । तेन पुण्यप्रभावेन भविष्यति पुरं ध्रुवम्

tataḥ prabhṛti yaccīrṇaṁ mayā caikādaśīvratam yathoktavidhisaṁyuktaṁ śraddhāyuktena cetasā tena puṇyaprabhāvena bhaviṣyati puraṁ dhruvam

तब से लेकर जो एकादशी-व्रत मैंने विधिपूर्वक और श्रद्धायुक्त मन से किया है, उसी पुण्य के प्रभाव से यह नगर स्थिर हो जाएगा,

श्लोक 47 (padma.6.60.47)

सर्वकामसमृद्धं च यावदाभूतसंप्लवम् । एवं सा नृपशार्दूल रमते पतिना सह

sarvakāmasamṛddhaṁ ca yāvadābhūtasaṁplavam evaṁ sā nṛpaśārdūla ramate patinā saha

सब कामनाओं से समृद्ध, प्रलय-काल तक स्थायी।' हे नृपशार्दूल! इस प्रकार वह अपने पति के साथ रमण करने लगी,

श्लोक 48 (padma.6.60.48)

दिव्यभोगा दिव्यरूपा दिव्याभरणभूषिता । शोभनोऽपि तया सार्द्धं रमते दिव्यविग्रहः

divyabhogā divyarūpā divyābharaṇabhūṣitā śobhano'pi tayā sārddhaṁ ramate divyavigrahaḥ

दिव्य भोगों से युक्त, दिव्य रूप और दिव्य आभूषणों से भूषित; शोभन भी दिव्य शरीर धारण किए हुए उसके साथ रमण करने लगे।

श्लोक 49 (padma.6.60.49)

रमाव्रतप्रभावेन मंदराचलसानुनि । चिंतामणिसमा ह्येषा कामधेनुसमाथ वा

ramāvrataprabhāvena maṁdarācalasānuni ciṁtāmaṇisamā hyeṣā kāmadhenusamātha vā

मंदराचल की चोटी पर, रमा-व्रत के प्रभाव से, वह नगर चिंतामणि के समान अथवा कामधेनु के समान [सब इच्छाएँ पूर्ण करने वाला] हो गया।

श्लोक 50 (padma.6.60.50)

रमाभिधाना नृपते तवाग्रे कथिता मया । तस्या माहात्म्यमनघ श्रुतं सर्वं त्वया नृप

ramābhidhānā nṛpate tavāgre kathitā mayā tasyā māhātmyamanagha śrutaṁ sarvaṁ tvayā nṛpa

हे राजन्! मैंने तुम्हारे सामने वह एकादशी कही है जिसका नाम रमा है, और, हे निष्पाप राजन्! तुमने उसकी सारी महिमा सुन ली है।

श्लोक 51 (padma.6.60.51)

मया तवाग्रे कथितं माहात्म्यं पापनाशनम् । एकादशीव्रतानां च पक्षयोरुभयोरपि

mayā tavāgre kathitaṁ māhātmyaṁ pāpanāśanam ekādaśīvratānāṁ ca pakṣayorubhayorapi

मैंने तुम्हारे सामने दोनों पक्षों की एकादशी-व्रतों की यह पापनाशक महिमा कही है।

श्लोक 52 (padma.6.60.52)

यथा कृष्णा तथा शुक्ला विभेदं नैव कारयेत् । सेवितैकादशी नॄणां भुक्तिमुक्तिप्रदायिनी

yathā kṛṣṇā tathā śuklā vibhedaṁ naiva kārayet sevitaikādaśī nṝṇāṁ bhuktimuktipradāyinī

जैसी कृष्ण-पक्षीय है, वैसी ही शुक्ल-पक्षीय भी है - इनमें कोई भेद नहीं करना चाहिए। मनुष्यों द्वारा सेवित एकादशी भोग और मोक्ष दोनों देने वाली है।

श्लोक 53 (padma.6.60.53)

धेनुः श्वेता यथा कृष्णा उभयोः सदृशं पयः । तथैव तुल्यफलदं स्मृतमेकादशीद्वयम्

dhenuḥ śvetā yathā kṛṣṇā ubhayoḥ sadṛśaṁ payaḥ tathaiva tulyaphaladaṁ smṛtamekādaśīdvayam

जैसे सफेद गाय और काली गाय दोनों का दूध एक समान होता है, वैसे ही दोनों एकादशियाँ समान फल देने वाली मानी गई हैं।

श्लोक 54 (padma.6.60.54)

एकादशीव्रतानां यो माहात्म्यं शृणुते नरः । सर्वपापविनिर्मुक्तो विष्णुलोके महीयते

ekādaśīvratānāṁ yo māhātmyaṁ śṛṇute naraḥ sarvapāpavinirmukto viṣṇuloke mahīyate

जो मनुष्य एकादशी-व्रतों की इस महिमा को सुनता है, वह सब पापों से मुक्त होकर विष्णुलोक में सम्मानित होता है।