कार्तिक शुक्ल प्रबोधिनी एकादशी

श्लोक 1 (padma.6.61.1)

युधिष्ठिर उवाच- श्रुतं रमाया माहात्म्यं त्वत्तः कृष्ण यथातथम् । कार्तिके शुक्लपक्षे या तां मे कथय मानद

yudhiṣṭhira uvāca- śrutaṁ ramāyā māhātmyaṁ tvattaḥ kṛṣṇa yathātatham kārtike śuklapakṣe yā tāṁ me kathaya mānada

युधिष्ठिर ने कहा - हे कृष्ण! आपसे रमा की महिमा यथावत् सुन ली गई। हे मानद! अब कार्तिक के शुक्ल पक्ष में जो एकादशी है, वह मुझे बताइए।

श्लोक 2 (padma.6.61.2)

श्रीकृष्ण उवाच-। शृणु राजन्प्रवक्ष्यामि शुक्ले चोर्जदले तु या । सा यथा नारदे प्रोक्ता ब्रह्मणा लोककारिणा

śrīkṛṣṇa uvāca- śṛṇu rājanpravakṣyāmi śukle corjadale tu yā sā yathā nārade proktā brahmaṇā lokakāriṇā

श्रीकृष्ण ने कहा - हे राजन्! सुनो, मैं वह कहता हूँ, जो ऊर्जा (कार्तिक) मास के शुक्ल पक्ष में होती है, जैसा कि लोक-कर्ता ब्रह्मा ने नारद से कहा था।

श्लोक 3 (padma.6.61.3)

नारद उवाच - प्रबोधिन्याश्च माहात्म्यं वद विस्तरतो मम । यस्यां जागर्ति गोविंदो धर्मकर्मप्रवर्त्तकः

nārada uvāca - prabodhinyāśca māhātmyaṁ vada vistarato mama yasyāṁ jāgarti goviṁdo dharmakarmapravarttakaḥ

नारद ने कहा - मुझे प्रबोधिनी की महिमा विस्तार से बताइए, जिसमें धर्म-कर्म के प्रवर्तक गोविंद जागते हैं।

श्लोक 4 (padma.6.61.4)

ब्रह्मोवाच- प्रबोधिन्याश्च माहात्म्यं पापघ्नं पुण्यवर्द्धनम् । मुक्तिप्रदं सुबुद्धीनां शृणुष्व मुनिसत्तम

brahmovāca- prabodhinyāśca māhātmyaṁ pāpaghnaṁ puṇyavarddhanam muktipradaṁ subuddhīnāṁ śṛṇuṣva munisattama

ब्रह्मा ने कहा - हे मुनिसत्तम! सुनो प्रबोधिनी की वह महिमा, जो पापनाशक, पुण्यवर्धक और सुबुद्धि पुरुषों को मुक्ति देने वाली है।

श्लोक 5 (padma.6.61.5)

तावद्गर्जंति तीर्थानि आसमुद्रसरांसि च । यावत्प्रबोधिनी विष्णोस्तिथिर्नायाति कार्तिके

tāvadgarjaṁti tīrthāni āsamudrasarāṁsi ca yāvatprabodhinī viṣṇostithirnāyāti kārtike

जब तक कार्तिक में विष्णु की प्रबोधिनी तिथि नहीं आती, तब तक सब तीर्थ और समुद्र-पर्यंत सरोवर [उसकी प्रतीक्षा में मानो] गरजते रहते हैं।

श्लोक 6 (padma.6.61.6)

तावद्गर्जंति विप्रेंद्र गंगाभागीरथी क्षितौ । यावन्नायाति पापघ्नी कार्तिके हरिबोधिनी

tāvadgarjaṁti vipreṁdra gaṁgābhāgīrathī kṣitau yāvannāyāti pāpaghnī kārtike haribodhinī

हे विप्रेंद्र! जब तक पापनाशिनी हरिबोधिनी (हरि को जगाने वाली) कार्तिक में नहीं आती, तब तक भागीरथी गंगा भी पृथ्वी पर गरजती रहती है।

श्लोक 7 (padma.6.61.7)

अश्वमेधसहस्राणि राजसूयशतानि च । एकेनैवोपवासेन प्रबोधिन्या लभेन्नरः

aśvamedhasahasrāṇi rājasūyaśatāni ca ekenaivopavāsena prabodhinyā labhennaraḥ

हजारों अश्वमेध और सैकड़ों राजसूय यज्ञों का फल मनुष्य केवल एक ही प्रबोधिनी के उपवास से प्राप्त कर लेता है।

श्लोक 8 (padma.6.61.8)

यद्दुर्ल्लभं यदप्राप्यं त्रैलोक्यस्य न गोचरम् । तदप्यप्रार्थितं पुत्रं ददाति हरिबोधिनी

yaddurllabhaṁ yadaprāpyaṁ trailokyasya na gocaram tadapyaprārthitaṁ putraṁ dadāti haribodhinī

जो दुर्लभ है, जो अप्राप्य है, जो तीनों लोकों में कहीं दिखाई नहीं देता, वह भी हरिबोधिनी अयाचित पुत्र के रूप में दे देती है।

श्लोक 9 (padma.6.61.9)

ऐश्वर्यं संपदं प्रज्ञां राज्यं च सुखसंपदः । ददात्युपोषिता भक्त्या जनेभ्यो हरिबोधिनी

aiśvaryaṁ saṁpadaṁ prajñāṁ rājyaṁ ca sukhasaṁpadaḥ dadātyupoṣitā bhaktyā janebhyo haribodhinī

भक्तिपूर्वक उपवास की गई हरिबोधिनी लोगों को ऐश्वर्य, संपदा, प्रज्ञा, राज्य और सुख-संपदा प्रदान करती है।

श्लोक 10 (padma.6.61.10)

मेरुमन्दरमात्राणि पापान्युक्तानि यानि च । एकेनैवोपवासेन दहते पापनाशिनी

merumandaramātrāṇi pāpānyuktāni yāni ca ekenaivopavāsena dahate pāpanāśinī

मेरु और मंदराचल पर्वत के समान बताए गए पाप भी, यह पापनाशिनी केवल एक ही उपवास से भस्म कर देती है।

श्लोक 11 (padma.6.61.11)

पूर्वजन्मसहस्रेषु यत्पापं समुपार्जितम् । निशि जागरणं चास्या दहते तूलराशिवत्

pūrvajanmasahasreṣu yatpāpaṁ samupārjitam niśi jāgaraṇaṁ cāsyā dahate tūlarāśivat

हजारों पूर्वजन्मों में अर्जित जो पाप है, उसकी रात्रि-जागरण रूपी अग्नि उसे रुई के ढेर के समान जला देती है।

श्लोक 12 (padma.6.61.12)

उपवासं प्रबोधिन्यां यः करोति स्वभावतः । विधिवन्मुनिशार्दूल यथोक्तं लभते फलम्

upavāsaṁ prabodhinyāṁ yaḥ karoti svabhāvataḥ vidhivanmuniśārdūla yathoktaṁ labhate phalam

हे मुनिशार्दूल! जो मनुष्य स्वाभाविक रूप से विधिपूर्वक प्रबोधिनी का उपवास करता है, वह यथोक्त फल प्राप्त करता है।

श्लोक 13 (padma.6.61.13)

यथोक्तं कुरुते यस्तु विधिवत्सुकृतं नरः । स्वल्पं मुनिवरश्रेष्ठ मेरुतुल्यं भवेत्फलम्

yathoktaṁ kurute yastu vidhivatsukṛtaṁ naraḥ svalpaṁ munivaraśreṣṭha merutulyaṁ bhavetphalam

हे मुनिवरश्रेष्ठ! जो मनुष्य यथोक्त विधि से यह पुण्य-कर्म करता है, उसका फल, चाहे कर्म छोटा ही क्यों न हो, मेरु पर्वत के समान महान हो जाता है।

श्लोक 14 (padma.6.61.14)

विधिहीनं तु यः कुर्यात्सुकृतं मेरुमात्रकम् । अणुमात्रं तदाप्नोति फलं धर्मस्य नारद

vidhihīnaṁ tu yaḥ kuryātsukṛtaṁ merumātrakam aṇumātraṁ tadāpnoti phalaṁ dharmasya nārada

किंतु, हे नारद, जो विधि-रहित होकर मेरु के समान बड़ा भी पुण्य-कर्म करता है, उसे धर्म का फल केवल अणु के बराबर ही मिलता है।

श्लोक 15 (padma.6.61.15)

ये ध्यायंति मनोवृत्या ये करिष्यंति बोधिनीम् । वसंति पितरो हृष्टा विष्णुलोके च तस्य वै

ye dhyāyaṁti manovṛtyā ye kariṣyaṁti bodhinīm vasaṁti pitaro hṛṣṭā viṣṇuloke ca tasya vai

जो मन से इसका ध्यान करते हैं और जो बोधिनी [एकादशी] का पालन करेंगे, उनके पितर हर्षित होकर उसी विष्णुलोक में निवास करते हैं।

श्लोक 16 (padma.6.61.16)

विमुक्ता नारकैर्दुःखैर्याति विष्णोः परं पदम् । कृत्वा तु पातकं घोरं ब्रह्महत्यादिकं नरः

vimuktā nārakairduḥkhairyāti viṣṇoḥ paraṁ padam kṛtvā tu pātakaṁ ghoraṁ brahmahatyādikaṁ naraḥ

वे नरक-दुःखों से मुक्त होकर विष्णु के परम पद को प्राप्त होते हैं। ब्रह्महत्या आदि घोर पातक करने वाला मनुष्य भी,

श्लोक 17 (padma.6.61.17)

कृत्वा तु जागरं विष्णोर्द्धौतपापो भवेन्नरः । दुष्प्राप्यं यत्फलं विप्र अश्वमेधादिकैर्मखैः

kṛtvā tu jāgaraṁ viṣṇorddhautapāpo bhavennaraḥ duṣprāpyaṁ yatphalaṁ vipra aśvamedhādikairmakhaiḥ

विष्णु का रात्रि-जागरण करके धुले हुए पाप वाला हो जाता है। हे विप्र! अश्वमेध आदि यज्ञों से जो दुष्प्राप्य फल मिलता है,

श्लोक 18 (padma.6.61.18)

प्राप्यते तत्सुखेनैव प्रबोधिन्यास्तु जागरे । आप्लुत्य सर्वतीर्थेषु प्रदत्त्वा कांचनं महीम्

prāpyate tatsukhenaiva prabodhinyāstu jāgare āplutya sarvatīrtheṣu pradattvā kāṁcanaṁ mahīm

वह प्रबोधिनी के जागरण से सहज ही प्राप्त हो जाता है। समस्त तीर्थों में स्नान करके और स्वर्णमय पृथ्वी का दान करके,

श्लोक 19 (padma.6.61.19)

तत्फलं समवाप्नोति यत्कृत्वा जागरं हरेः । जातः स एव सुकृती कुलं तेनैव पावितम्

tatphalaṁ samavāpnoti yatkṛtvā jāgaraṁ hareḥ jātaḥ sa eva sukṛtī kulaṁ tenaiva pāvitam

जो फल मिलता है, वही फल हरि का जागरण करने से प्राप्त हो जाता है। वही मनुष्य पुण्यात्मा माना जाता है, उसी से उसका कुल पवित्र होता है,

श्लोक 20 (padma.6.61.20)

कार्तिके मुनिशार्दूल कृता येन प्रबोधिनी । यथा ध्रुवं नृणां मृत्युर्धनं गात्रं तथाध्रुवम्

kārtike muniśārdūla kṛtā yena prabodhinī yathā dhruvaṁ nṛṇāṁ mṛtyurdhanaṁ gātraṁ tathādhruvam

जिसने कार्तिक में, हे मुनिशार्दूल, प्रबोधिनी का पालन किया हो। जैसे मनुष्यों की मृत्यु निश्चित है, वैसे ही धन और शरीर भी अनिश्चित हैं।

श्लोक 21 (padma.6.61.21)

इति ज्ञात्वा मुनिश्रेष्ठ कर्तव्यं वैष्णवं दिनम् । यानि कानि च तीर्थानि त्रैलोक्ये संभवंति च

iti jñātvā muniśreṣṭha kartavyaṁ vaiṣṇavaṁ dinam yāni kāni ca tīrthāni trailokye saṁbhavaṁti ca

यह जानकर, हे मुनिश्रेष्ठ, वैष्णव दिन का पालन करना चाहिए। तीनों लोकों में जितने भी तीर्थ हैं,

श्लोक 22 (padma.6.61.22)

तानि तस्य गृहे सम्यग्यः करोति प्रबोधिनीम् । किं तस्य बहुभिः पुण्यैः कृता येन प्रबोधिनी

tāni tasya gṛhe samyagyaḥ karoti prabodhinīm kiṁ tasya bahubhiḥ puṇyaiḥ kṛtā yena prabodhinī

वे सब उसके घर में ही आ जाते हैं, जो भलीभाँति प्रबोधिनी का पालन करता है - फिर उसे अन्य बहुत से पुण्यों की क्या आवश्यकता, जिसने प्रबोधिनी कर ली है?

श्लोक 23 (padma.6.61.23)

पुत्रपौत्रप्रदा ह्येषा कार्तिके हरिबोधिनी । स ज्ञानी च स योगी च स तपस्वी जितेंद्रियः

putrapautrapradā hyeṣā kārtike haribodhinī sa jñānī ca sa yogī ca sa tapasvī jiteṁdriyaḥ

कार्तिक में यह हरिबोधिनी पुत्र-पौत्र प्रदान करने वाली है। वह मनुष्य ज्ञानी है, वह योगी है, वह जितेंद्रिय तपस्वी है,

श्लोक 24 (padma.6.61.24)

भोगो मोक्षश्च तस्यास्ति उपास्ते हरिबोधिनीम् । विष्णोः प्रियतरा ह्येषा धर्मसारसहायिनी

bhogo mokṣaśca tasyāsti upāste haribodhinīm viṣṇoḥ priyatarā hyeṣā dharmasārasahāyinī

जो हरिबोधिनी की उपासना करता है - उसे भोग और मोक्ष दोनों प्राप्त हैं। यह विष्णु को अत्यंत प्रिय और धर्म के सार में सहायक है।

श्लोक 25 (padma.6.61.25)

यः करोति नरो भक्त्या भुक्तिभाक्स भवेन्नरः । प्रबोधिनीमुपोषित्वा गर्भे न विशते नरः

yaḥ karoti naro bhaktyā bhuktibhāksa bhavennaraḥ prabodhinīmupoṣitvā garbhe na viśate naraḥ

जो मनुष्य इसे भक्तिपूर्वक करता है, वह भोग का भागी बन जाता है। प्रबोधिनी का उपवास करके मनुष्य फिर गर्भ में प्रवेश नहीं करता।

श्लोक 26 (padma.6.61.26)

सर्वधर्मान्परित्यज्य तस्मात्कुर्वीत नारद । कर्मणा मनसा वाचा पापं यत्समुपार्जितम्

sarvadharmānparityajya tasmātkurvīta nārada karmaṇā manasā vācā pāpaṁ yatsamupārjitam

इसलिए, हे नारद, सब धर्मों को त्यागकर भी यह करना चाहिए। कर्म से, मन से, वाणी से जो पाप अर्जित किया गया हो,

श्लोक 27 (padma.6.61.27)

तत्क्षालयति गोविंदः प्रबोधिन्यां तु जागरे । स्नानं दानं जपः पूजां समुद्दिश्य जनार्दनम्

tatkṣālayati goviṁdaḥ prabodhinyāṁ tu jāgare snānaṁ dānaṁ japaḥ pūjāṁ samuddiśya janārdanam

गोविंद उसे प्रबोधिनी के जागरण में धो देते हैं। जनार्दन को लक्ष्य करके किया गया स्नान, दान, जप और पूजा,

श्लोक 28 (padma.6.61.28)

नरो यत्कुरुते वत्स प्रबोधिन्यां तदक्षयम् । येर्चयंति नरास्तस्यां भक्त्या देवं च माधवम्

naro yatkurute vatsa prabodhinyāṁ tadakṣayam yercayaṁti narāstasyāṁ bhaktyā devaṁ ca mādhavam

हे वत्स! मनुष्य जो कुछ भी प्रबोधिनी पर करता है, वह सब अक्षय हो जाता है। जो लोग उस दिन भक्तिपूर्वक माधव देव की पूजा करते हैं,

श्लोक 29 (padma.6.61.29)

समुपोष्य प्रमुच्यंते पापैस्तैः शतजन्मजैः । महाव्रतमिदं पुत्र महापापौघनाशनम्

samupoṣya pramucyaṁte pāpaistaiḥ śatajanmajaiḥ mahāvratamidaṁ putra mahāpāpaughanāśanam

उपवास करके वे सौ जन्मों में उत्पन्न पापों से मुक्त हो जाते हैं। हे पुत्र! यह महाव्रत महापापों के समूह का नाश करने वाला है।

श्लोक 30 (padma.6.61.30)

प्रबोधवासरं विष्णोर्विधिवत्समुपोषयेत् । व्रतेनानेन देवेशं परितोष्य जनार्दनम्

prabodhavāsaraṁ viṣṇorvidhivatsamupoṣayet vratenānena deveśaṁ paritoṣya janārdanam

विष्णु के प्रबोध-दिवस का विधिपूर्वक उपवास करना चाहिए; इस व्रत से देवेश जनार्दन को संतुष्ट करके,

श्लोक 31 (padma.6.61.31)

विराजयन्दिशः सर्वाः प्रयाति हरिमंदिरम् । कर्तव्यैषा प्रयत्नेन नरैः कांतिधनार्थिभिः

virājayandiśaḥ sarvāḥ prayāti harimaṁdiram kartavyaiṣā prayatnena naraiḥ kāṁtidhanārthibhiḥ

वह सब दिशाओं को प्रकाशित करता हुआ हरि के मंदिर की ओर जाता है। सौंदर्य और धन चाहने वाले मनुष्यों को यत्नपूर्वक इसे करना चाहिए।

श्लोक 32 (padma.6.61.32)

बाल्ये यत्संचितं पापं यौवने वार्द्धके तथा । शतजन्मकृतं पापं स्वल्पं वा यदि वा बहु

bālye yatsaṁcitaṁ pāpaṁ yauvane vārddhake tathā śatajanmakṛtaṁ pāpaṁ svalpaṁ vā yadi vā bahu

बचपन में, यौवन में, और वृद्धावस्था में भी जो पाप संचित हुआ हो, सौ जन्मों में किया गया पाप - चाहे थोड़ा हो या बहुत,

श्लोक 33 (padma.6.61.33)

तत्क्षालयति गोविंदश्चास्यामभ्यर्चितो नृणाम् । धनधान्यवहा पुण्या सर्वपापहरा परा

tatkṣālayati goviṁdaścāsyāmabhyarcito nṛṇām dhanadhānyavahā puṇyā sarvapāpaharā parā

इस दिन पूजित गोविंद उन मनुष्यों के उस पाप को धो देते हैं। यह धन-धान्य लाने वाली, पुण्यमयी, सब पापों को हरने वाली परम एकादशी है।

श्लोक 34 (padma.6.61.34)

तामुपोष्य हरेर्भक्त्या दुर्ल्लभं न भवेत्क्वचित् । चंद्रसूर्योपरागे च यत्फलं परिकीर्तितम्

tāmupoṣya harerbhaktyā durllabhaṁ na bhavetkvacit caṁdrasūryoparāge ca yatphalaṁ parikīrtitam

हरि की भक्ति से इसका उपवास करने पर कुछ भी दुर्लभ नहीं रहता। चंद्र-सूर्य ग्रहण में जो फल कहा गया है,

श्लोक 35 (padma.6.61.35)

तत्सहस्रगुणं प्रोक्तं प्रबोधिन्यां प्रजागरे । स्नानं दानं जपो होमः स्वाध्यायोऽभ्यर्चनं हरेः

tatsahasraguṇaṁ proktaṁ prabodhinyāṁ prajāgare snānaṁ dānaṁ japo homaḥ svādhyāyo'bhyarcanaṁ hareḥ

वह प्रबोधिनी के जागरण में हजार गुना कहा गया है। स्नान, दान, जप, होम, स्वाध्याय और हरि की पूजा -

श्लोक 36 (padma.6.61.36)

तत्सर्वं कोटिगुणितं प्रबोधिन्यां कृतं तु यत् । जन्मप्रभृतियत्पुण्यं नरेणोपार्जितं भवेत्

tatsarvaṁ koṭiguṇitaṁ prabodhinyāṁ kṛtaṁ tu yat janmaprabhṛtiyatpuṇyaṁ nareṇopārjitaṁ bhavet

वह सब, प्रबोधिनी पर किया जाए तो, करोड़ गुना हो जाता है। जन्म से लेकर मनुष्य ने जो भी पुण्य अर्जित किया हो,

श्लोक 37 (padma.6.61.37)

वृथा भवति तत्सर्वमकृत्वा कार्तिके व्रतम् । अकृत्वा नियमं विष्णोः कार्तिकं यः क्षिपेन्नरः

vṛthā bhavati tatsarvamakṛtvā kārtike vratam akṛtvā niyamaṁ viṣṇoḥ kārtikaṁ yaḥ kṣipennaraḥ

वह सब निष्फल हो जाता है यदि कार्तिक का व्रत न किया जाए। जो मनुष्य विष्णु का नियम पालन किए बिना कार्तिक मास को व्यर्थ बिता देता है,

श्लोक 38 (padma.6.61.38)

न जन्मार्जितपुण्यस्य फलं प्राप्नोति नारद । तस्मात्सर्वप्रयत्नेन देवदेवं जनार्दनम्

na janmārjitapuṇyasya phalaṁ prāpnoti nārada tasmātsarvaprayatnena devadevaṁ janārdanam

हे नारद! वह अपने जन्म-भर अर्जित पुण्य का फल नहीं पाता। इसलिए सब प्रयत्नों से देवाधिदेव जनार्दन की सेवा करनी चाहिए,

श्लोक 39 (padma.6.61.39)

उपसेवेत विप्रेंद्र सर्वकामफलप्रदम् । परान्नं वर्जयेद्यस्तु कार्तिके विष्णुतत्परः

upaseveta vipreṁdra sarvakāmaphalapradam parānnaṁ varjayedyastu kārtike viṣṇutatparaḥ

हे विप्रेंद्र, जो सब कामनाओं का फल देने वाले हैं। कार्तिक में विष्णु-परायण होकर जो दूसरे का दिया अन्न त्यागता है,

श्लोक 40 (padma.6.61.40)

परान्नवर्जनाद्वत्स चांद्रायणफलं लभेत् । नित्यं शास्त्रविनोदेन कार्तिके मधुसूदनः

parānnavarjanādvatsa cāṁdrāyaṇaphalaṁ labhet nityaṁ śāstravinodena kārtike madhusūdanaḥ

हे वत्स! दूसरे का अन्न त्यागने से उसे चांद्रायण व्रत का फल मिलता है। कार्तिक में सदा शास्त्र-कथाओं के आनंद से मधुसूदन,

श्लोक 41 (padma.6.61.41)

स दहेत्सर्वपापानि यज्ञायुतफलं लभेत् । न तथा तुष्यते यज्ञैर्न दानैर्वाजपादिभिः

sa dahetsarvapāpāni yajñāyutaphalaṁ labhet na tathā tuṣyate yajñairna dānairvājapādibhiḥ

उसके सब पापों को जला देते हैं, और वह दस हजार यज्ञों का फल पाता है। यज्ञों से, दानों से, वाजपेय आदि से वे उतने संतुष्ट नहीं होते,

श्लोक 42 (padma.6.61.42)

यथा शास्त्रकथालापैः कार्तिके मधुसूदनः । ये कुर्वंति कथां विष्णोर्ये शृण्वंति शुभान्विताः

yathā śāstrakathālāpaiḥ kārtike madhusūdanaḥ ye kurvaṁti kathāṁ viṣṇorye śṛṇvaṁti śubhānvitāḥ

जितने कार्तिक में शास्त्र-कथा से मधुसूदन प्रसन्न होते हैं। जो लोग विष्णु की कथा करते हैं और जो शुभ भाव से उसे सुनते हैं,

श्लोक 43 (padma.6.61.43)

श्लोकार्द्धं श्लोकपादं वा कार्तिके गोशतं फलम् । सर्वधर्मान्परित्यज्य कार्तिके केशवाग्रतः

ślokārddhaṁ ślokapādaṁ vā kārtike gośataṁ phalam sarvadharmānparityajya kārtike keśavāgrataḥ

वे कार्तिक में आधे श्लोक या श्लोक के चौथाई भाग से भी सौ गायों के दान का फल पाते हैं। कार्तिक में केशव के सम्मुख सब धर्मों को त्यागकर,

श्लोक 44 (padma.6.61.44)

शास्त्रावधारणं कार्यं श्रोतव्यं च महामुने । श्रेयसा लोभबुद्ध्या च यः करोति हरेः कथाम्

śāstrāvadhāraṇaṁ kāryaṁ śrotavyaṁ ca mahāmune śreyasā lobhabuddhyā ca yaḥ karoti hareḥ kathām

हे महामुने! शास्त्र का श्रवण और अध्ययन करना चाहिए। जो कोई कल्याण की भावना से, लोभ-बुद्धि के बिना, हरि की कथा करता है,

श्लोक 45 (padma.6.61.45)

कार्तिके मुनिशार्दूल कुलानां तारयेच्छतम् । नियमेन नरो यस्तु शृणुते वैष्णवीं कथाम्

kārtike muniśārdūla kulānāṁ tārayecchatam niyamena naro yastu śṛṇute vaiṣṇavīṁ kathām

हे मुनिशार्दूल! वह कार्तिक में सौ कुलों का उद्धार कर देता है। जो मनुष्य नियमपूर्वक वैष्णवी कथा सुनता है,

श्लोक 46 (padma.6.61.46)

कार्तिके तु विशेषेण गोसहस्रफलं लभेत् । प्रबोधवासरे विष्णोः शृणुते यो हरेः कथाम्

kārtike tu viśeṣeṇa gosahasraphalaṁ labhet prabodhavāsare viṣṇoḥ śṛṇute yo hareḥ kathām

वह विशेष रूप से कार्तिक में सहस्र गौओं के दान का फल पाता है। विष्णु के प्रबोध-दिवस पर जो हरि की कथा सुनता है,

श्लोक 47 (padma.6.61.47)

सप्तद्वीपवती दाने तत्फलं लभते मुने । श्रुत्वा विष्णुकथां दिव्यां येऽर्चयंति कथाविदम्

saptadvīpavatī dāne tatphalaṁ labhate mune śrutvā viṣṇukathāṁ divyāṁ ye'rcayaṁti kathāvidam

हे मुने! वह सप्तद्वीप-युक्त पृथ्वी के दान का फल पाता है। दिव्य विष्णु-कथा सुनकर जो कथा-वाचक की पूजा करते हैं,

श्लोक 48 (padma.6.61.48)

स्वशक्त्या मुनिशार्दूल तेषां लोकोऽक्षयः स्मृतः । गीतशास्त्रविनोदेन कार्तिकं यो नयेन्नरः

svaśaktyā muniśārdūla teṣāṁ loko'kṣayaḥ smṛtaḥ gītaśāstravinodena kārtikaṁ yo nayennaraḥ

हे मुनिशार्दूल! उनका लोक अपनी शक्ति के अनुसार अक्षय माना गया है। जो मनुष्य कार्तिक मास को गीत और शास्त्र के आनंद में बिताता है,

श्लोक 49 (padma.6.61.49)

न तस्य पुनरावृत्तिर्मया दृष्टा कलिप्रिय । गीतं नृत्यं च वाद्यं च भव्यां विष्णुकथां मुने

na tasya punarāvṛttirmayā dṛṣṭā kalipriya gītaṁ nṛtyaṁ ca vādyaṁ ca bhavyāṁ viṣṇukathāṁ mune

हे कलिप्रिय! मैंने उसका पुनरागमन (पुनर्जन्म) कभी नहीं देखा। हे मुने! गीत, नृत्य, वाद्य और शुभ विष्णु-कथा,

श्लोक 50 (padma.6.61.50)

यः करोति स पुण्यात्मा त्रैलोक्योपरि संस्थितः । बहुपुष्पैर्बहुफलैः कर्पूरागुरुकुंकुमैः

yaḥ karoti sa puṇyātmā trailokyopari saṁsthitaḥ bahupuṣpairbahuphalaiḥ karpūrāgurukuṁkumaiḥ

जो कोई यह करता है, वह पुण्यात्मा तीनों लोकों के ऊपर स्थित हो जाता है। अनेक फूलों, अनेक फलों, कर्पूर, अगरु और कुंकुम से,

श्लोक 51 (padma.6.61.51)

हरेः पूजा विधातव्या कार्तिके बोधवासरे । यस्मात्पुण्यमसंख्यातं प्राप्यते मुनिसत्तम

hareḥ pūjā vidhātavyā kārtike bodhavāsare yasmātpuṇyamasaṁkhyātaṁ prāpyate munisattama

कार्तिक के प्रबोध-दिवस पर हरि की पूजा करनी चाहिए। हे मुनिसत्तम! इससे जो असंख्य पुण्य प्राप्त होता है,

श्लोक 52 (padma.6.61.52)

फलैर्नानाविधैर्द्रव्यैः प्रबोधिन्यां तु जागरे । शंखे तोयं समादाय अर्घो देयो जनार्दने

phalairnānāvidhairdravyaiḥ prabodhinyāṁ tu jāgare śaṁkhe toyaṁ samādāya argho deyo janārdane

वह विविध फलों और द्रव्यों से, प्रबोधिनी के जागरण में, [अधिक होता है]। शंख में जल लेकर जनार्दन को अर्घ्य देना चाहिए।

श्लोक 53 (padma.6.61.53)

यत्फलं सर्वतीर्थेषु सर्वदानेषु यत्फलम् । तत्फलं कोटिगुणितं दत्त्वार्घं बोधवासरे

yatphalaṁ sarvatīrtheṣu sarvadāneṣu yatphalam tatphalaṁ koṭiguṇitaṁ dattvārghaṁ bodhavāsare

समस्त तीर्थों में जो फल है, समस्त दानों में जो फल है, वह फल प्रबोध-दिवस पर अर्घ्य देने से करोड़ गुना हो जाता है।

श्लोक 54 (padma.6.61.54)

गुरुपूजा ततः कार्या भोजनाच्छादनादिभिः । दक्षिणाभिश्च देवर्षे तुष्ट्यर्थं चक्रपाणिनः

gurupūjā tataḥ kāryā bhojanācchādanādibhiḥ dakṣiṇābhiśca devarṣe tuṣṭyarthaṁ cakrapāṇinaḥ

तत्पश्चात्, हे देवर्षे! चक्रपाणि की संतुष्टि के लिए भोजन, वस्त्र आदि और दक्षिणा से गुरु की पूजा करनी चाहिए।

श्लोक 55 (padma.6.61.55)

भागवतं शृणुते यस्तु पुराणं च पठेन्नरः । प्रत्यक्षरं भवेत्तस्य कपिलादानजं फलम्

bhāgavataṁ śṛṇute yastu purāṇaṁ ca paṭhennaraḥ pratyakṣaraṁ bhavettasya kapilādānajaṁ phalam

जो मनुष्य भागवत सुनता है और पुराण पढ़ता है, उसे प्रत्येक अक्षर पर कपिला गाय के दान का फल मिलता है।

श्लोक 56 (padma.6.61.56)

कार्त्तिके मुनिशार्दूल स्वशक्त्या वैष्णवं व्रतम् । यः करोति यथोक्तं तु मुक्तिस्तस्य सुनिश्चला

kārttike muniśārdūla svaśaktyā vaiṣṇavaṁ vratam yaḥ karoti yathoktaṁ tu muktistasya suniścalā

हे मुनिशार्दूल! कार्तिक में जो मनुष्य अपनी शक्ति के अनुसार यथोक्त वैष्णव व्रत करता है, उसकी मुक्ति सुनिश्चित है।

श्लोक 57 (padma.6.61.57)

केतक्या एकपत्रेण पूजितो गरुडध्वजः । समाः सहस्रं सुप्रीतो भवति मधुसूदनः

ketakyā ekapatreṇa pūjito garuḍadhvajaḥ samāḥ sahasraṁ suprīto bhavati madhusūdanaḥ

केवड़े के एक ही पत्ते से गरुड़-ध्वज विष्णु की पूजा करने पर, मधुसूदन एक हजार वर्षों तक अत्यंत प्रसन्न रहते हैं।

श्लोक 58 (padma.6.61.58)

अगस्तिकुसुमैर्देवं पूजयेद्यो जनार्दनम् । दर्शनात्तस्य देवर्षे नरकाग्निः प्रणश्यति

agastikusumairdevaṁ pūjayedyo janārdanam darśanāttasya devarṣe narakāgniḥ praṇaśyati

जो कोई अगस्त्य के फूलों से जनार्दन देव की पूजा करता है, हे देवर्षे, उसके दर्शन मात्र से नरक की अग्नि नष्ट हो जाती है।

श्लोक 59 (padma.6.61.59)

मुनिपुष्पार्चितो विष्णुः कार्तिके पुरुषोत्तमः । ददात्यभिमतान्कामान्शशिसूर्यग्रहे यथा

munipuṣpārcito viṣṇuḥ kārtike puruṣottamaḥ dadātyabhimatānkāmānśaśisūryagrahe yathā

कार्तिक में मुनि-पुष्प (तुलसी) से पूजित पुरुषोत्तम विष्णु मनोवांछित कामनाएँ उसी प्रकार प्रदान करते हैं जैसे चंद्र-सूर्य ग्रहण में।

श्लोक 60 (padma.6.61.60)

विहाय सर्वपुष्पाणि मुनिपुष्पेण केशवम् । कार्तिके योऽर्चयेद्भक्त्या वाजिमेधफलं लभेत्

vihāya sarvapuṣpāṇi munipuṣpeṇa keśavam kārtike yo'rcayedbhaktyā vājimedhaphalaṁ labhet

सब फूलों को छोड़कर जो केशव की मुनि-पुष्प से भक्तिपूर्वक पूजा करता है, वह अश्वमेध यज्ञ का फल पाता है।

श्लोक 61 (padma.6.61.61)

तुलसीदलानि पुष्पाणि ये यच्छंति जनार्दने । कार्तिके सकलं वत्स पापं जन्मायुतं दहेत्

tulasīdalāni puṣpāṇi ye yacchaṁti janārdane kārtike sakalaṁ vatsa pāpaṁ janmāyutaṁ dahet

जो लोग कार्तिक में जनार्दन को तुलसी के पत्ते और फूल अर्पित करते हैं, हे वत्स, वे दस हजार जन्मों के समस्त पाप को जला देते हैं।

श्लोक 62 (padma.6.61.62)

दृष्टा स्पृष्टाथ वा ध्याता कीर्तिता नामतस्तु ता । रोपिता सिंचिता नित्यं पूजिता तुलसी शुभा

dṛṣṭā spṛṣṭātha vā dhyātā kīrtitā nāmatastu tā ropitā siṁcitā nityaṁ pūjitā tulasī śubhā

शुभ तुलसी को देखा जाए, स्पर्श किया जाए, ध्यान किया जाए, नाम से कीर्तित किया जाए, लगाया जाए, सींचा जाए, अथवा सदा पूजा जाए -

श्लोक 63 (padma.6.61.63)

नवधा तुलसीभक्तिं ये कुर्वंति दिनेदिने । युगकोटिसहस्राणि तन्वंति सुकृतं मुने

navadhā tulasībhaktiṁ ye kurvaṁti dinedine yugakoṭisahasrāṇi tanvaṁti sukṛtaṁ mune

जो लोग प्रतिदिन तुलसी की नौ प्रकार की भक्ति करते हैं, हे मुने, वे हजारों करोड़ युगों तक पुण्य का विस्तार करते हैं।

श्लोक 64 (padma.6.61.64)

यावच्छाखाप्रशाखाभिर्बीजपुष्पदलैर्मुने । रोपिता तुलसी पुंभिर्वर्द्धते वसुधातले

yāvacchākhāpraśākhābhirbījapuṣpadalairmune ropitā tulasī puṁbhirvarddhate vasudhātale

हे मुने! जब तक शाखाओं, उपशाखाओं, बीजों, फूलों और पत्तों सहित पुरुषों द्वारा लगाई गई तुलसी पृथ्वी पर बढ़ती रहती है,

श्लोक 65 (padma.6.61.65)

तेषां वंशे तु ये जाता ये भविष्यंति ये गताः । आकल्पवर्षसाहस्रं तेषां वासो हरेर्गृहे

teṣāṁ vaṁśe tu ye jātā ye bhaviṣyaṁti ye gatāḥ ākalpavarṣasāhasraṁ teṣāṁ vāso harergṛhe

उनके वंश में जो जन्म ले चुके हैं, जो जन्म लेंगे, और जो जा चुके हैं, वे सब एक हजार कल्पों तक हरि के धाम में निवास करते हैं।

श्लोक 66 (padma.6.61.66)

यत्फलं सर्वपुष्पेषु सर्वपत्रेषु नारद । तुलसीदलेन चैकेन कार्तिके प्राप्यते तु तत्

yatphalaṁ sarvapuṣpeṣu sarvapatreṣu nārada tulasīdalena caikena kārtike prāpyate tu tat

हे नारद! समस्त फूलों और समस्त पत्तों में जो फल है, वह कार्तिक में केवल एक ही तुलसी-दल से प्राप्त हो जाता है।

श्लोक 67 (padma.6.61.67)

संप्राप्तं कार्त्तिकं दृष्ट्वा नियमेन जनार्दनः । पूजनीयो महाविष्णुः कोमलैस्तुलसीदलैः

saṁprāptaṁ kārttikaṁ dṛṣṭvā niyamena janārdanaḥ pūjanīyo mahāviṣṇuḥ komalaistulasīdalaiḥ

कार्तिक के आगमन को देखकर, नियमपूर्वक जनार्दन महाविष्णु की कोमल तुलसी-दलों से पूजा करनी चाहिए।

श्लोक 68 (padma.6.61.68)

इष्ट्वा क्रतुशतैर्देवान्दत्त्वा दानान्यनेकशः । तुलसीदलैस्तु तत्पुण्यं कार्तिके केशवार्चने

iṣṭvā kratuśatairdevāndattvā dānānyanekaśaḥ tulasīdalaistu tatpuṇyaṁ kārtike keśavārcane

सैकड़ों यज्ञों से देवताओं को यजन करके और अनेक बार दान देकर जो पुण्य मिलता है, वही पुण्य कार्तिक में केशव की तुलसी-दलों से पूजा करने से प्राप्त होता है।