चातुर्मास्य महिमा

श्लोक 1 (padma.6.64.1)

नारद उवाच- चातुर्मास्यां तु नियमा ये केचिद्भुवि विश्रुताः । तानहं श्रोतुमिच्छामि कथयस्व महेश्वर

nārada uvāca- cāturmāsyāṁ tu niyamā ye kecidbhuvi viśrutāḥ tānahaṁ śrotumicchāmi kathayasva maheśvara

नारद ने कहा - चातुर्मास्य (चार मासों) में जो कुछ भी नियम पृथ्वी पर प्रसिद्ध हैं, उन्हें मैं सुनना चाहता हूँ। हे महेश्वर! कृपया बताइए।

श्लोक 2 (padma.6.64.2)

चातुर्मास्ये हरौ सुप्ते कर्त्तव्यं किं जनार्दने । षड्रसानां परित्यागे नखकेशविधारणे । अन्यैश्च नियमैः स्वामिन्यत्फलं तद् ब्रवीहि मे

cāturmāsye harau supte karttavyaṁ kiṁ janārdane ṣaḍrasānāṁ parityāge nakhakeśavidhāraṇe anyaiśca niyamaiḥ svāminyatphalaṁ tad bravīhi me

चातुर्मास्य में, हरि जनार्दन के शयन करने पर, क्या करना चाहिए? छहों रसों के त्याग में, नख-केश के धारण में, तथा अन्य नियमों में भी, हे स्वामिन्! जो फल है, वह मुझे बताइए।

श्लोक 3 (padma.6.64.3)

सूत उवाच- एतच्छ्रुत्वा त्वसौ देवः प्रहस्योत्फुल्ललोचनः । प्रोवाच तं द्विजवरं नारदं तपसान्निधिम्

sūta uvāca- etacchrutvā tvasau devaḥ prahasyotphullalocanaḥ provāca taṁ dvijavaraṁ nāradaṁ tapasānnidhim

सूत ने कहा - यह सुनकर वे देव, उत्फुल्ल नेत्रों वाले होकर हँसते हुए, तपस्या के भंडार उस श्रेष्ठ द्विज नारद से बोले -

श्लोक 4 (padma.6.64.4)

महादेव उवाच- शृणु त्वमिह देवर्षे कथयामि सविस्तरम् । आषाढस्य सिते पक्षे एकादश्यामुपोषितः

mahādeva uvāca- śṛṇu tvamiha devarṣe kathayāmi savistaram āṣāḍhasya site pakṣe ekādaśyāmupoṣitaḥ

महादेव ने कहा - हे देवर्षे! सुनो, मैं विस्तार से कहता हूँ। आषाढ़ के शुक्ल पक्ष की एकादशी को उपवास करके,

श्लोक 5 (padma.6.64.5)

चातुर्मास्यव्रतानीह गृह्णीयाद्भक्तिपूर्वकम् । भूमिशय्यासमारूढो योगनिद्रां गते हरौ

cāturmāsyavratānīha gṛhṇīyādbhaktipūrvakam bhūmiśayyāsamārūḍho yoganidrāṁ gate harau

यहाँ भक्तिपूर्वक चातुर्मास्य-व्रत ग्रहण करना चाहिए। भूमि पर शय्या धारण करके, हरि के योगनिद्रा में जाने पर,

श्लोक 6 (padma.6.64.6)

नयेत चतुरो मासान्यावद्भवति कार्तिकी । प्रतिष्ठा न प्रवर्त्तंते तथा यज्ञादिकाः क्रियाः

nayeta caturo māsānyāvadbhavati kārtikī pratiṣṭhā na pravarttaṁte tathā yajñādikāḥ kriyāḥ

चार मासों तक ऐसे ही व्यतीत करना चाहिए, जब तक कार्तिक न आ जाए। इस काल में प्रतिष्ठा और यज्ञ आदि क्रियाएँ नहीं की जातीं,

श्लोक 7 (padma.6.64.7)

विवाहव्रतसंबंध अन्यन्माङ्गल्यकर्म च । भूपयानं तथा यात्रा अन्याश्च विविधाः क्रियाः

vivāhavratasaṁbaṁdha anyanmāṅgalyakarma ca bhūpayānaṁ tathā yātrā anyāśca vividhāḥ kriyāḥ

न विवाह, न व्रत-संबंध, न कोई और मंगल-कर्म, न राजा की यात्रा और न ही अन्य विविध क्रियाएँ की जाती हैं।

श्लोक 8 (padma.6.64.8)

प्रसुप्ते च जगन्नाथे अच्युते गरुडध्वजे । व्रतक्रियां चरेद्यस्तु तस्य व्रतफलं शृणु

prasupte ca jagannāthe acyute garuḍadhvaje vratakriyāṁ caredyastu tasya vrataphalaṁ śṛṇu

जो कोई गरुड़-ध्वज अच्युत जगन्नाथ के सो जाने पर व्रत-क्रिया का पालन करता है, उसके व्रत का फल सुनो।

श्लोक 9 (padma.6.64.9)

अश्वमेधसहस्रैस्तु यत्फलं प्राप्नुयान्नरः । चातुर्मास्यव्रतैश्चीर्णैस्तत्फलं समवाप्नुयात्

aśvamedhasahasraistu yatphalaṁ prāpnuyānnaraḥ cāturmāsyavrataiścīrṇaistatphalaṁ samavāpnuyāt

मनुष्य जो फल हजारों अश्वमेध यज्ञों से प्राप्त करता है, वही फल चातुर्मास्य-व्रत के पालन से प्राप्त होता है।

श्लोक 10 (padma.6.64.10)

मिथुनस्थे सहस्रांशौ स्वापयेन्मधुसूदनम् । तुलाराशौ गते सूर्ये पुनरुत्थापयेद्धरिम्

mithunasthe sahasrāṁśau svāpayenmadhusūdanam tulārāśau gate sūrye punarutthāpayeddharim

सूर्य के मिथुन राशि में स्थित होने पर मधुसूदन को सुलाना चाहिए, और सूर्य के तुला राशि में जाने पर पुनः हरि को जगाना चाहिए।

श्लोक 11 (padma.6.64.11)

अधिमासे तु पतिते तदा चैष विधिक्रमः । स्थापयेत्प्रतिमां विष्णोः शंखचक्रगदाधरीम्

adhimāse tu patite tadā caiṣa vidhikramaḥ sthāpayetpratimāṁ viṣṇoḥ śaṁkhacakragadādharīm

अधिमास (अधिक मास) आ पड़ने पर, तब यह विधि-क्रम अपनाना चाहिए - विष्णु की शंख-चक्र-गदा धारण किए हुए प्रतिमा स्थापित करनी चाहिए।

श्लोक 12 (padma.6.64.12)

पीतांबरधरां सौम्यां पर्यंके स्थापयेत्शुचौ । श्वेतवस्त्रसमाच्छन्ने सोपधाने तु नारद

pītāṁbaradharāṁ saumyāṁ paryaṁke sthāpayetśucau śvetavastrasamācchanne sopadhāne tu nārada

हे नारद! पीत वस्त्र धारण किए हुए, सौम्य प्रतिमा को श्वेत वस्त्र से ढके हुए, तकिया सहित शुद्ध पर्यंक पर स्थापित करना चाहिए।

श्लोक 13 (padma.6.64.13)

इतिहासपुराणज्ञो विष्णुभक्तोऽथवा पुनः । स्नापयित्वा दधिक्षीरमधुलाजघृतस्तथा

itihāsapurāṇajño viṣṇubhakto'thavā punaḥ snāpayitvā dadhikṣīramadhulājaghṛtastathā

इतिहास-पुराण का ज्ञाता अथवा विष्णु-भक्त कोई भी, दही, दूध, मधु, लावा और घी से उसे स्नान कराकर,

श्लोक 14 (padma.6.64.14)

समालभ्य शुभैर्गंधैर्धूपैः पुष्पैर्मनोरमैः । पूजितां कुसुमैः शुभ्रैर्मंत्रेणानेन वाडव

samālabhya śubhairgaṁdhairdhūpaiḥ puṣpairmanoramaiḥ pūjitāṁ kusumaiḥ śubhrairmaṁtreṇānena vāḍava

शुभ गंध, धूप और मनोहर फूलों से उसका अनुलेपन करके, हे वाडव, उज्ज्वल फूलों से पूजा करके, इस मंत्र का उच्चारण करे -

श्लोक 15 (padma.6.64.15)

सुप्ते त्वयि जगन्नाथे जगत्सुप्तं भवेदिदम् । विबुद्धे त्वयि बुध्येत जगत्सर्वं चराचरम्

supte tvayi jagannāthe jagatsuptaṁ bhavedidam vibuddhe tvayi budhyeta jagatsarvaṁ carācaram

'हे जगन्नाथ! आपके सो जाने पर यह संपूर्ण जगत् सो जाता है; आपके जागने पर यह सारा चराचर जगत् जागता है।'

श्लोक 16 (padma.6.64.16)

एवं तां प्रतिमां विष्णोः स्थापयित्वा तु नारद । तस्यैवाग्रे स्वयं वाचा गृह्णीयान्नियमं ततः

evaṁ tāṁ pratimāṁ viṣṇoḥ sthāpayitvā tu nārada tasyaivāgre svayaṁ vācā gṛhṇīyānniyamaṁ tataḥ

हे नारद! इस प्रकार विष्णु की उस प्रतिमा को स्थापित करके, फिर उसी के सामने स्वयं वाणी से नियम ग्रहण करना चाहिए।

श्लोक 17 (padma.6.64.17)

स्त्री वा नरो वा तद्भक्तो धर्माधर्मविभागतः । चतुरो वार्षिकान्मासान्देवस्योत्थापनावधि

strī vā naro vā tadbhakto dharmādharmavibhāgataḥ caturo vārṣikānmāsāndevasyotthāpanāvadhi

स्त्री हो या पुरुष, उसका भक्त, धर्म-अधर्म के विभाग को जानते हुए, देवता के जागने तक के चार वर्षा-मास,

श्लोक 18 (padma.6.64.18)

गृह्णीयान्नियमानेतान्दंतधावनपूर्वकम् । उपवासं ततः कृत्वा प्रभाते विमले सति

gṛhṇīyānniyamānetāndaṁtadhāvanapūrvakam upavāsaṁ tataḥ kṛtvā prabhāte vimale sati

इन नियमों को दतौन करने से पूर्व ग्रहण करना चाहिए। तत्पश्चात् उपवास करके, प्रातःकाल निर्मल होने पर,

श्लोक 19 (padma.6.64.19)

नित्यं कर्म चरित्वा तु विष्णोरग्रे जितात्मवान् । तेषां फलानि वक्ष्यामि तत्कर्तॄणां पृथक्पृथक्

nityaṁ karma caritvā tu viṣṇoragre jitātmavān teṣāṁ phalāni vakṣyāmi tatkartṝṇāṁ pṛthakpṛthak

विष्णु के सामने संयमित आत्मा होकर नित्य-कर्म करके - अब मैं उन नियमों को करने वालों के फल अलग-अलग बताऊँगा।

श्लोक 20 (padma.6.64.20)

मधुरत्वं लभेद्विद्वान्पुरुषो गुडवर्जनात् । तथैव संततिं दीर्घां तैलस्य वर्जनाद्यतः

madhuratvaṁ labhedvidvānpuruṣo guḍavarjanāt tathaiva saṁtatiṁ dīrghāṁ tailasya varjanādyataḥ

गुड़ का त्याग करने से विद्वान पुरुष मधुरता प्राप्त करता है; तेल के त्याग से वैसे ही दीर्घ संतति प्राप्त होती है।

श्लोक 21 (padma.6.64.21)

घृतस्य वर्जनाद्विप्र सुंदरांगः प्रजायते । कटुतैलपरित्यागी शत्रुनाशमवाप्नुयात्

ghṛtasya varjanādvipra suṁdarāṁgaḥ prajāyate kaṭutailaparityāgī śatrunāśamavāpnuyāt

हे विप्र! घी के त्याग से मनुष्य सुंदर अंगों वाला उत्पन्न होता है; कटु तेल का त्याग करने वाला शत्रु-नाश प्राप्त करता है।

श्लोक 22 (padma.6.64.22)

सुगंधतैलत्यागेन सौभाग्यमतुलं लभेत् । पुष्पभोगपरित्यागी स्वर्गे विद्याधरो भवेत्

sugaṁdhatailatyāgena saubhāgyamatulaṁ labhet puṣpabhogaparityāgī svarge vidyādharo bhavet

सुगंधित तेल के त्याग से अतुल सौभाग्य प्राप्त होता है; फूलों के भोग का त्याग करने वाला स्वर्ग में विद्याधर बनता है।

श्लोक 23 (padma.6.64.23)

योगाभ्यासी नरो यस्तु स ब्रह्मपदमाप्नुयात् । कट्वम्लमधुरक्षारतीक्ष्णकाषाय षड्रसान्

yogābhyāsī naro yastu sa brahmapadamāpnuyāt kaṭvamlamadhurakṣāratīkṣṇakāṣāya ṣaḍrasān

जो मनुष्य योग का अभ्यास करता है, वह ब्रह्म-पद प्राप्त करता है। कटु, अम्ल, मधुर, क्षार, तीक्ष्ण और कषाय - इन छहों रसों का,

श्लोक 24 (padma.6.64.24)

वर्जयेद्यस्तु वैरूप्यं दौर्गंध्यं नाप्नुयान्नरः । तांबूलवर्जनाद्भोगी रक्तकंठस्तु जायते

varjayedyastu vairūpyaṁ daurgaṁdhyaṁ nāpnuyānnaraḥ tāṁbūlavarjanādbhogī raktakaṁṭhastu jāyate

जो त्याग करता है, उसे कुरूपता नहीं मिलती, और मनुष्य दुर्गंध को भी प्राप्त नहीं होता। तांबूल (पान) के त्याग से भोगी मनुष्य लाल कंठ वाला उत्पन्न होता है।

श्लोक 25 (padma.6.64.25)

घृतत्यागाच्च लावण्यं सदा स्निग्धतनुर्भवेत् । फलत्यागाच्च विपेंद्र बहुपुत्रश्च जायते

ghṛtatyāgācca lāvaṇyaṁ sadā snigdhatanurbhavet phalatyāgācca vipeṁdra bahuputraśca jāyate

घी के त्याग से सौंदर्य और सदा स्निग्ध शरीर प्राप्त होता है। फलों के त्याग से, हे विप्रेंद्र, मनुष्य बहुपुत्र होता है।

श्लोक 26 (padma.6.64.26)

पलाशपत्राशनकृद्रूपवान्भोगवान्भवेत् । दीप्तिमान्दीप्तिकरणः साक्षाद्द्रव्यपतिर्भवेत्

palāśapatrāśanakṛdrūpavānbhogavānbhavet dīptimāndīptikaraṇaḥ sākṣāddravyapatirbhavet

पलाश-पत्र पर भोजन करने वाला रूपवान और भोगवान होता है; वह तेजस्वी और तेज को उत्पन्न करने वाला, साक्षात् संपत्ति का स्वामी बनता है।

श्लोक 27 (padma.6.64.27)

दधिदुग्धपरित्यागी गोलोकं लभते नरः । मौनव्रती भवेद्यस्तु तस्याज्ञाऽस्खलिता भवेत्

dadhidugdhaparityāgī golokaṁ labhate naraḥ maunavratī bhavedyastu tasyājñā'skhalitā bhavet

दही और दूध का त्याग करने वाला गोलोक प्राप्त करता है। जो मौन-व्रत का पालन करता है, उसकी आज्ञा कभी टलती नहीं।

श्लोक 28 (padma.6.64.28)

इंद्रासनमवाप्नोति स्थालीपाकस्य वर्जनात् । एवमादि परित्यागाद्धर्मस्थो धर्मनंदनः

iṁdrāsanamavāpnoti sthālīpākasya varjanāt evamādi parityāgāddharmastho dharmanaṁdanaḥ

स्थाली-पाक (चूल्हे पर पके भोजन) का त्याग करने से इंद्र का आसन प्राप्त होता है। इस प्रकार इन सबका त्याग करके, धर्म में स्थित धर्म-पुत्र,

श्लोक 29 (padma.6.64.29)

नमोनारायणायेति जप्त्वा शतगुणं फलम् । एक एव स वै स्वर्गे विद्याधरपतिर्भवेत्

namonārāyaṇāyeti japtvā śataguṇaṁ phalam eka eva sa vai svarge vidyādharapatirbhavet

'नमो नारायणाय' का जप करके सौ गुना फल पाता है; वह अकेला ही स्वर्ग में विद्याधरों का स्वामी बन जाता है।

श्लोक 30 (padma.6.64.30)

पुष्करस्नानमात्रेण गंगायाः स्नानजं फलम्

puṣkarasnānamātreṇa gaṁgāyāḥ snānajaṁ phalam

पुष्कर में स्नान करने मात्र से गंगा-स्नान का फल प्राप्त होता है।

श्लोक 31 (padma.6.64.31)

भूमौ भुंक्ते सदा यस्तु स पृथिव्यधिपो भवेत् । विष्णोश्चैव गृहे कुर्यादुपलेपनमार्जनम्

bhūmau bhuṁkte sadā yastu sa pṛthivyadhipo bhavet viṣṇoścaiva gṛhe kuryādupalepanamārjanam

जो सदा भूमि पर भोजन करता है, वह पृथ्वी का स्वामी बनता है। विष्णु के घर में जो लीपने और झाड़ने का कार्य करता है,

श्लोक 32 (padma.6.64.32)

कल्पस्थायी भवेद्विद्वन्वैकुंठे नात्र संशयः । प्रदक्षिणं च यः कुर्याच्छतमष्टोत्तरं नरः

kalpasthāyī bhavedvidvanvaikuṁṭhe nātra saṁśayaḥ pradakṣiṇaṁ ca yaḥ kuryācchatamaṣṭottaraṁ naraḥ

हे विद्वन्! वह वैकुंठ में एक कल्प तक स्थायी रहता है, इसमें कोई संशय नहीं। जो मनुष्य एक सौ आठ बार प्रदक्षिणा करता है,

श्लोक 33 (padma.6.64.33)

हंसयुक्तविमानेन दिव्येन सह गच्छति । गीतवाद्यकरो विष्णोर्गांधर्वं लोकमाप्नुयात्

haṁsayuktavimānena divyena saha gacchati gītavādyakaro viṣṇorgāṁdharvaṁ lokamāpnuyāt

वह दिव्य हंस-युक्त विमान से देवताओं के साथ जाता है। विष्णु के लिए गीत-वाद्य करने वाला गंधर्व-लोक को प्राप्त करता है।

श्लोक 34 (padma.6.64.34)

पंचगव्याशनो विद्वन्चांद्रायणफलं लभेत् । नित्यं शास्त्रविनोदेन लोकान्यस्तु प्रबोधयेत्

paṁcagavyāśano vidvancāṁdrāyaṇaphalaṁ labhet nityaṁ śāstravinodena lokānyastu prabodhayet

पंचगव्य का सेवन करने वाला विद्वान चांद्रायण व्रत का फल पाता है। जो नित्य शास्त्र-विनोद से लोगों को [धर्म में] जगाता है,

श्लोक 35 (padma.6.64.35)

स व्यासरूपी विष्ण्वग्रे ततो विष्णुपदं लभेत् । तुलसीदलपूजां तु कृत्वा विष्णुपुरं व्रजेत्

sa vyāsarūpī viṣṇvagre tato viṣṇupadaṁ labhet tulasīdalapūjāṁ tu kṛtvā viṣṇupuraṁ vrajet

वह विष्णु के सामने व्यास-स्वरूप होकर तब विष्णु-पद प्राप्त करता है। तुलसी-दल की पूजा करके मनुष्य विष्णु-पुर को जाता है।

श्लोक 36 (padma.6.64.36)

कृत्वा प्रोक्षणकं दिव्यं स्थानमप्सरसां लभेत् । शीतांबुना गृहे स्नानात्निर्मलं देहमाप्नुयात्

kṛtvā prokṣaṇakaṁ divyaṁ sthānamapsarasāṁ labhet śītāṁbunā gṛhe snānātnirmalaṁ dehamāpnuyāt

दिव्य प्रोक्षण (जल-सिंचन) करके अप्सराओं का स्थान प्राप्त करता है। घर में शीतल जल से स्नान करने पर निर्मल शरीर प्राप्त होता है।

श्लोक 37 (padma.6.64.37)

उष्णोदकं परित्यज्य स्नानं वै पौष्करं लभेत् । पत्रेषु यो नरो भुंक्ते कुरुक्षेत्रफलं लभेत्

uṣṇodakaṁ parityajya snānaṁ vai pauṣkaraṁ labhet patreṣu yo naro bhuṁkte kurukṣetraphalaṁ labhet

गर्म जल का त्याग करने से पुष्कर के स्नान का फल मिलता है। जो मनुष्य पत्तों पर भोजन करता है, वह कुरुक्षेत्र का फल पाता है।

श्लोक 38 (padma.6.64.38)

भुंक्ते शिलायां यो नित्यं तस्य पुण्यं प्रयागजम् । धर्मोदयजलत्यागी न रोगैः परिभूयते

bhuṁkte śilāyāṁ yo nityaṁ tasya puṇyaṁ prayāgajam dharmodayajalatyāgī na rogaiḥ paribhūyate

जो सदा शिला पर भोजन करता है, उसे प्रयाग का पुण्य मिलता है। धर्मोदय के जल का त्याग करने वाला रोगों से पराभूत नहीं होता।

श्लोक 39 (padma.6.64.39)

ताम्रपात्रेषु भुंजानो नैमिषं फलमाप्रुयात् । कांस्यपात्रं परित्यज्य शेषपात्रमुपाचरेत्

tāmrapātreṣu bhuṁjāno naimiṣaṁ phalamāpruyāt kāṁsyapātraṁ parityajya śeṣapātramupācaret

ताम्रपात्र में भोजन करने वाला नैमिष तीर्थ का फल पाता है। कांसे के पात्र का त्याग करके शेष-पात्र (पत्तों का दोना) का उपयोग करना चाहिए।

श्लोक 40 (padma.6.64.40)

अलाभे सर्वपात्राणां मृन्मयं पात्रमुत्तमम् । स्वगृहीतैः कृतैर्वापि पात्रैः पालाशसंभवैः

alābhe sarvapātrāṇāṁ mṛnmayaṁ pātramuttamam svagṛhītaiḥ kṛtairvāpi pātraiḥ pālāśasaṁbhavaiḥ

सब पात्रों के अभाव में मिट्टी का पात्र सर्वोत्तम माना गया है, अथवा स्वयं तोड़े या बनाए हुए पलाश के पत्तों के बने पात्रों में [खाना चाहिए]।

श्लोक 41 (padma.6.64.41)

यस्तु संवत्सरं पूर्ण अग्निहोत्रमुपासते । पात्रैर्वा भोजनं विद्वान्सेवते तत्समं स्मृतम्

yastu saṁvatsaraṁ pūrṇa agnihotramupāsate pātrairvā bhojanaṁ vidvānsevate tatsamaṁ smṛtam

जो विद्वान एक वर्ष तक पूर्ण अग्निहोत्र की उपासना करता है, उसके तुल्य ही पत्तों में भोजन करना बताया गया है।

श्लोक 42 (padma.6.64.42)

चांद्रायणसमं प्रोक्तं ब्रह्मपात्रेषु भोजने । एकैकं भोजनं विद्वन्ब्रह्मपत्रेषु भुंजतः

cāṁdrāyaṇasamaṁ proktaṁ brahmapātreṣu bhojane ekaikaṁ bhojanaṁ vidvanbrahmapatreṣu bhuṁjataḥ

ब्रह्म-पात्र (पत्तों) में भोजन करना चांद्रायण के समान बताया गया है; हे विद्वन्! ब्रह्म-पत्रों में एक-एक बार भोजन करने वाले को,

श्लोक 43 (padma.6.64.43)

त्रिरात्रेण समं प्रोक्तं महापातकनाशनम् । एकादश्युपवासेन यत्पुण्यं परिकीर्तितम्

trirātreṇa samaṁ proktaṁ mahāpātakanāśanam ekādaśyupavāsena yatpuṇyaṁ parikīrtitam

तीन रात्रियों के व्रत के समान फल बताया गया है, जो महापातकों का नाश करने वाला है। एकादशी के उपवास से जो पुण्य कहा गया है,

श्लोक 44 (padma.6.64.44)

सर्वदानफलं चैव सर्वतीर्थफलं लभेत् । न चापि नरकं पश्येत्पद्मपत्रेषु भोजनात्

sarvadānaphalaṁ caiva sarvatīrthaphalaṁ labhet na cāpi narakaṁ paśyetpadmapatreṣu bhojanāt

सब दानों का फल और सब तीर्थों का फल भी उसी से प्राप्त होता है। कमल-पत्रों में भोजन करने से मनुष्य नरक भी नहीं देखता।

श्लोक 45 (padma.6.64.45)

ब्राह्मणो याति वैकुंठेऽन्यो जनः स्वर्गमाप्नुयात् । एष ब्रह्म महावृक्षः पापहा सर्वकामदः

brāhmaṇo yāti vaikuṁṭhe'nyo janaḥ svargamāpnuyāt eṣa brahma mahāvṛkṣaḥ pāpahā sarvakāmadaḥ

ब्राह्मण वैकुंठ को जाता है, और अन्य जन स्वर्ग प्राप्त करते हैं। यह ब्रह्म का महान वृक्ष है, पापनाशक और सब कामनाओं को देने वाला।

श्लोक 46 (padma.6.64.46)

मध्यमं वर्जितं पत्रं शूद्रजातेर्नृपोत्तम । भुंजन्नरकमाप्नोति यावदिंद्राश्चतुर्दश

madhyamaṁ varjitaṁ patraṁ śūdrajāternṛpottama bhuṁjannarakamāpnoti yāvadiṁdrāścaturdaśa

हे नृपोत्तम! मध्यम पत्ता शूद्र जाति के लिए वर्जित है; उसे खाने से वह चौदह इंद्रों के काल तक नरक भोगता है।

श्लोक 47 (padma.6.64.47)

वर्जयेन्मध्यमं पत्रं शेषपत्रेषु भोजनम् । मध्यपत्रे च यः शूद्रो भोजनं कुरुते द्विज

varjayenmadhyamaṁ patraṁ śeṣapatreṣu bhojanam madhyapatre ca yaḥ śūdro bhojanaṁ kurute dvija

मध्यम पत्ते का त्याग करना चाहिए, शेष पत्तों में ही भोजन करना चाहिए। हे द्विज! जो शूद्र मध्यम पत्ते में भोजन करता है,

श्लोक 48 (padma.6.64.48)

कपिलां ब्रह्मणे दत्त्वा शुद्धिर्भवति नान्यथा । कपिलां दोहयेद्यस्तु शूद्रो भुंक्ते निजे गृहे

kapilāṁ brahmaṇe dattvā śuddhirbhavati nānyathā kapilāṁ dohayedyastu śūdro bhuṁkte nije gṛhe

उसकी शुद्धि तभी होती है जब वह ब्राह्मण को कपिला गाय दान करता है, अन्यथा नहीं। जो शूद्र कपिला गाय को दुहकर अपने ही घर में उसका दूध पीता है,

श्लोक 49 (padma.6.64.49)

दशवर्षसहस्राणि विष्ठायां जायते कृमिः । कृमियोनिविनिर्मुक्तः पशुयोनिमवाप्नुयात्

daśavarṣasahasrāṇi viṣṭhāyāṁ jāyate kṛmiḥ kṛmiyonivinirmuktaḥ paśuyonimavāpnuyāt

वह दस हजार वर्षों तक विष्ठा में कीड़ा बनकर उत्पन्न होता है; कीड़े की योनि से मुक्त होकर वह पशु-योनि प्राप्त करता है।

श्लोक 50 (padma.6.64.50)

कपिलं योह्यनड्वाहं शूद्रो भूत्वात्र वाहयेत् । यावंति तस्य रोमाणि तावद्वर्षाणि नारद

kapilaṁ yohyanaḍvāhaṁ śūdro bhūtvātra vāhayet yāvaṁti tasya romāṇi tāvadvarṣāṇi nārada

हे नारद! जो शूद्र अनड्वाह (बैल) की भाँति कपिला गाय को जोतता है, उसके जितने भी रोम हैं, उतने ही वर्षों तक,

श्लोक 51 (padma.6.64.51)

कुंभीपाकेषु पच्येत स नरो नात्र संशयः । अजा चैव गृहे तस्य शूद्रस्य च विशेषतः

kuṁbhīpākeṣu pacyeta sa naro nātra saṁśayaḥ ajā caiva gṛhe tasya śūdrasya ca viśeṣataḥ

वह कुंभीपाक नरक में पकता है, इसमें कोई संशय नहीं। और विशेष रूप से उस शूद्र के घर में यदि बकरी हो,

श्लोक 52 (padma.6.64.52)

तस्या वै दुग्धपानेन शूद्रो यातीह रौरवम् । ब्राह्मणैः सह व्यापारो यस्य शूद्रस्य दृश्यते

tasyā vai dugdhapānena śūdro yātīha rauravam brāhmaṇaiḥ saha vyāpāro yasya śūdrasya dṛśyate

उसका दूध पीने से भी शूद्र इस लोक में रौरव नरक को जाता है। जिस शूद्र का ब्राह्मणों के साथ व्यापारिक व्यवहार देखा जाता है,

श्लोक 53 (padma.6.64.53)

स विप्रो वेदबाह्यः स्याच्छूद्रः कौलिक उच्यते । व्यापारे प्रेरितो विप्रः शूद्राज्ञां च करोति यः

sa vipro vedabāhyaḥ syācchūdraḥ kaulika ucyate vyāpāre prerito vipraḥ śūdrājñāṁ ca karoti yaḥ

वह ब्राह्मण वेद-बहिष्कृत हो जाता है और शूद्र 'कौलिक' कहलाता है। जो ब्राह्मण व्यापार में प्रेरित होकर शूद्र की आज्ञा मानता है,

श्लोक 54 (padma.6.64.54)

यावत्पदानि चलते तावद्भवति नारकी । उदकार्थं तु यो विप्रः शूद्रेण प्रेषितो गृहे

yāvatpadāni calate tāvadbhavati nārakī udakārthaṁ tu yo vipraḥ śūdreṇa preṣito gṛhe

वह जितने कदम चलता है, उतने ही समय तक नरकवासी बन जाता है। जो ब्राह्मण जल के लिए किसी शूद्र के घर भेजा जाता है,

श्लोक 55 (padma.6.64.55)

तदुदकं मद्यतुल्यं पीत्वा वै नरकं व्रजेत् । शूद्रेण सर्वदा नित्यं दानं देयं द्विजन्मने

tadudakaṁ madyatulyaṁ pītvā vai narakaṁ vrajet śūdreṇa sarvadā nityaṁ dānaṁ deyaṁ dvijanmane

वह जल पीकर, मदिरा के समान होकर, नरक को जाता है। शूद्र को सदा नित्य ही ब्राह्मणों को दान देना चाहिए,

श्लोक 56 (padma.6.64.56)

तेषां चैव तु वै भक्तिः कर्त्तव्या च विशेषतः । इहलोके सुखं भुक्त्वा परलोकं च गच्छति

teṣāṁ caiva tu vai bhaktiḥ karttavyā ca viśeṣataḥ ihaloke sukhaṁ bhuktvā paralokaṁ ca gacchati

और उनकी भक्ति विशेष रूप से करनी चाहिए; इस प्रकार वह इस लोक में सुख भोगकर परलोक को जाता है।

श्लोक 57 (padma.6.64.57)

पांचभौतिकमेतद्धि अनर्थकमुदाहृतम् । अतो देयं हि गुरवे यतोऽनंतफलं लभेत्

pāṁcabhautikametaddhi anarthakamudāhṛtam ato deyaṁ hi gurave yato'naṁtaphalaṁ labhet

यह पांचभौतिक शरीर व्यर्थ ही बताया गया है; इसलिए गुरु को दान देना चाहिए, जिससे अनंत फल मिलता है।

श्लोक 58 (padma.6.64.58)

अस्मिन्कलियुगे घोरे पापाचारे दुरात्मनः । निंदां कुर्वंति विप्रेंद्र जनानां पुण्यकर्मणाम्

asminkaliyuge ghore pāpācāre durātmanaḥ niṁdāṁ kurvaṁti vipreṁdra janānāṁ puṇyakarmaṇām

इस घोर कलियुग में, हे विप्रेंद्र, पापाचारी दुरात्मा लोग पुण्यकर्मी जनों की निंदा करते हैं।

श्लोक 59 (padma.6.64.59)

निंदया लभते दुःखं यावदाभूतसंप्लवम् । नानाधर्माः प्रवर्त्तंते कलौ चैव महामते

niṁdayā labhate duḥkhaṁ yāvadābhūtasaṁplavam nānādharmāḥ pravarttaṁte kalau caiva mahāmate

निंदा करने से प्रलय-काल तक दुःख प्राप्त होता है। हे महामते! कलियुग में विविध प्रकार के धर्म प्रचलित हो जाते हैं।

श्लोक 60 (padma.6.64.60)

धर्मोऽयं दुर्ल्लभो लोके धर्मकामार्थमोक्षदः । भूमिशायी भवेद्यस्तु नरः कोऽपि महीतले

dharmo'yaṁ durllabho loke dharmakāmārthamokṣadaḥ bhūmiśāyī bhavedyastu naraḥ ko'pi mahītale

यह धर्म संसार में दुर्लभ है, जो धर्म, अर्थ, काम और मोक्ष देने वाला है। जो कोई मनुष्य पृथ्वी पर भूमि पर सोता है,

श्लोक 61 (padma.6.64.61)

दशवर्षसहस्राणि न रोगैः परिपीड्यते । बहुपुत्रो धनैर्युक्तो ह्यकुष्ठी जायते नरः

daśavarṣasahasrāṇi na rogaiḥ paripīḍyate bahuputro dhanairyukto hyakuṣṭhī jāyate naraḥ

वह दस हजार वर्षों तक रोगों से पीड़ित नहीं होता; वह बहुपुत्र, धन से युक्त और कोढ़-रहित उत्पन्न होता है।

श्लोक 62 (padma.6.64.62)

नक्तभोजी नरो यस्तु तीर्थयात्राफलं लभेत् । अयाचितेन चाप्नोति वापीकूपक्रिंया फलम्

naktabhojī naro yastu tīrthayātrāphalaṁ labhet ayācitena cāpnoti vāpīkūpakriṁyā phalam

जो मनुष्य रात्रि में एक बार भोजन करता है, वह तीर्थ-यात्रा का फल पाता है; बिना माँगे ही उसे बावड़ी और कुएँ बनवाने का फल मिलता है।

श्लोक 63 (padma.6.64.63)

वर्जयेद्यस्तु वै द्रोहं प्राणहिंसापराङ्मुखः । अहिंसा परमो धर्म इति वेदेषु गीयते

varjayedyastu vai drohaṁ prāṇahiṁsāparāṅmukhaḥ ahiṁsā paramo dharma iti vedeṣu gīyate

जो द्रोह का त्याग करता है और प्राण-हिंसा से मुँह मोड़ लेता है [उसे यह फल मिलता है]। वेदों में गाया गया है कि अहिंसा ही परम धर्म है।

श्लोक 64 (padma.6.64.64)

दानं दया दम इति सर्वत्र हि श्रुतं मया । तस्मात्सर्वप्रयत्नेन कार्यं वै महतामपि

dānaṁ dayā dama iti sarvatra hi śrutaṁ mayā tasmātsarvaprayatnena kāryaṁ vai mahatāmapi

दान, दया और संयम - यही मैंने सर्वत्र सुना है। इसलिए महापुरुषों को भी इसे सब प्रयत्नों से करना चाहिए।

श्लोक 65 (padma.6.64.65)

गुरवे ये प्रयच्छंति शरीरं पुत्रपौत्रकम् । तत्र दानप्रभावेन विष्णोर्वल्लभतामियात्

gurave ye prayacchaṁti śarīraṁ putrapautrakam tatra dānaprabhāvena viṣṇorvallabhatāmiyāt

जो गुरु को अपना शरीर, पुत्र और पौत्र तक अर्पित कर देते हैं, वे उस दान के प्रभाव से विष्णु के अत्यंत प्रिय बन जाते हैं।

श्लोक 66 (padma.6.64.66)

शूद्रेण दीक्षितो यस्तु शूद्रः शूद्रेण दीक्षितः । उभौ तौ पापिनौ प्रोक्तौ यावदाभूतसंप्लवम्

śūdreṇa dīkṣito yastu śūdraḥ śūdreṇa dīkṣitaḥ ubhau tau pāpinau proktau yāvadābhūtasaṁplavam

जो शूद्र किसी शूद्र से दीक्षा लेता है, तथा जो शूद्र किसी शूद्र को दीक्षा देता है, वे दोनों प्रलय-काल तक पापी कहे गए हैं।

श्लोक 67 (padma.6.64.67)

हिंसामतिं यदादत्ते शूद्रो वै पापसत्तमः । एकविंशतिकुलं तेन नरकं प्रतिपात्यते

hiṁsāmatiṁ yadādatte śūdro vai pāpasattamaḥ ekaviṁśatikulaṁ tena narakaṁ pratipātyate

जब कोई महापापी शूद्र हिंसा की बुद्धि ग्रहण करता है, तब उसके इक्कीस कुलों को उसके द्वारा नरक में गिरा दिया जाता है।

श्लोक 68 (padma.6.64.68)

कलौ पाखंडिनः शूद्रा दृश्यंते बहवो भुवि । तेषां संभाषणादेव नरको भवति द्विज

kalau pākhaṁḍinaḥ śūdrā dṛśyaṁte bahavo bhuvi teṣāṁ saṁbhāṣaṇādeva narako bhavati dvija

कलियुग में पृथ्वी पर अनेक पाखंडी शूद्र देखे जाते हैं, हे द्विज; उनसे बातचीत करने मात्र से ही नरक की प्राप्ति होती है।

श्लोक 69 (padma.6.64.69)

ब्रह्मज्ञानरता ये च गायत्रीजापिनो द्विज । तेषां दर्शनमात्रेण ब्रह्महत्या दिने दिने

brahmajñānaratā ye ca gāyatrījāpino dvija teṣāṁ darśanamātreṇa brahmahatyā dine dine

जो ब्रह्म-ज्ञान में लीन और गायत्री-जप करने वाले द्विज हैं, हे द्विज, उनके दर्शन मात्र से ही प्रतिदिन की गई ब्रह्महत्या [का पाप भी नष्ट हो जाता है]।

श्लोक 70 (padma.6.64.70)

शंखचक्रधरा विप्रा विष्णुधर्मेषु संमताः । वेदधर्मरता नित्यं पंक्तिपावनपावनाः

śaṁkhacakradharā viprā viṣṇudharmeṣu saṁmatāḥ vedadharmaratā nityaṁ paṁktipāvanapāvanāḥ

शंख-चक्र धारण करने वाले, विष्णु-धर्म में सम्मानित, वेद-धर्म में सदा लीन, पंक्ति को पवित्र करने वाले पावन ब्राह्मण -

श्लोक 71 (padma.6.64.71)

चातुर्मास्यमिदं कर्म कर्त्तव्यं तैः सदा नरैः । किमन्यद्बहुनोक्तेन भूयोभूयश्च वाडव

cāturmāsyamidaṁ karma karttavyaṁ taiḥ sadā naraiḥ kimanyadbahunoktena bhūyobhūyaśca vāḍava

इन मनुष्यों को यह चातुर्मास्य-कर्म सदा अवश्य करना चाहिए। हे वाडव! इस विषय में बार-बार अधिक कहने से क्या लाभ?

श्लोक 72 (padma.6.64.72)

ते धन्याः पृथिवी मध्ये नरा ये वैष्णवा भुवि । तेषां कुलं धन्यतमं जातिर्धन्यतमा स्मृता

te dhanyāḥ pṛthivī madhye narā ye vaiṣṇavā bhuvi teṣāṁ kulaṁ dhanyatamaṁ jātirdhanyatamā smṛtā

पृथ्वी पर वे मनुष्य ही धन्य हैं जो पृथ्वी पर वैष्णव हैं; उनका कुल सबसे धन्य और उनकी जाति सबसे धन्य मानी गई है।

श्लोक 73 (padma.6.64.73)

मधु भक्षयते यस्तु सुप्ते देवे जनार्दने । महत्पापं भवेत्तस्य वर्जने यच्छृणुष्व तत्

madhu bhakṣayate yastu supte deve janārdane mahatpāpaṁ bhavettasya varjane yacchṛṇuṣva tat

देव जनार्दन के सो जाने पर जो मधु का सेवन करता है, उसे बड़ा पाप होता है। इसके त्याग से जो फल मिलता है, वह सुनो -

श्लोक 74 (padma.6.64.74)

सर्वयज्ञैश्च विविधैर्यत्फलं तदवाप्नुयात् । दाडिमं मातुलिगं च नालिकेरं च वर्जयेत्

sarvayajñaiśca vividhairyatphalaṁ tadavāpnuyāt dāḍimaṁ mātuligaṁ ca nālikeraṁ ca varjayet

वही फल जो विविध सब यज्ञों से प्राप्त होता है। अनार, बिजौरा (मातुलुंग) और नारियल का त्याग करना चाहिए।

श्लोक 75 (padma.6.64.75)

देवो वैमानिको भूत्वा ह्यंते विष्णुपदं व्रजेत् । वित्तवान्सुभगश्चैव कुले श्रीमति जायते

devo vaimāniko bhūtvā hyaṁte viṣṇupadaṁ vrajet vittavānsubhagaścaiva kule śrīmati jāyate

वह विमान-वासी देव बनकर, अंत में विष्णु-पद को प्राप्त करता है; वह धनवान, सौभाग्यशाली और श्रीमान कुल में जन्म लेता है।

श्लोक 76 (padma.6.64.76)

यः क्षिपेदेकभक्तेन नरो मासचतुष्टयम् । यावंति च मुहूर्तानि उदितोदितभास्करे

yaḥ kṣipedekabhaktena naro māsacatuṣṭayam yāvaṁti ca muhūrtāni uditoditabhāskare

जो मनुष्य चार मासों तक एक ही समय भोजन करते हुए बिताता है, सूर्य के उदय होने पर जितने भी मुहूर्त बीतते हैं,

श्लोक 77 (padma.6.64.77)

ताद्वर्षसहस्राणि विष्णुलोके महीयते । व्रीहींश्च यवगोधूमान्वर्जयेद्यस्तु मानवः

tādvarṣasahasrāṇi viṣṇuloke mahīyate vrīhīṁśca yavagodhūmānvarjayedyastu mānavaḥ

उतने ही हजार वर्षों तक विष्णुलोक में सम्मानित होता है। जो मनुष्य चावल, जौ और गेहूँ का त्याग करता है,

श्लोक 78 (padma.6.64.78)

अश्वमेधादिके कृते विधिवद्वै सदक्षिणे । यत्फलं मुनिभिः प्रोक्तं तत्फलं लभते नरः

aśvamedhādike kṛte vidhivadvai sadakṣiṇe yatphalaṁ munibhiḥ proktaṁ tatphalaṁ labhate naraḥ

उसे अश्वमेध आदि यज्ञों को विधिपूर्वक दक्षिणा सहित करने से जो फल मुनियों द्वारा बताया गया है, वही फल प्राप्त होता है।

श्लोक 79 (padma.6.64.79)

धनधान्यसमायुक्तो बहुपुत्रश्च जायते । तुलसीतिलदर्भैश्च ये कुर्वंति च तर्पणम्

dhanadhānyasamāyukto bahuputraśca jāyate tulasītiladarbhaiśca ye kurvaṁti ca tarpaṇam

वह धन-धान्य से युक्त और बहुपुत्र होकर जन्म लेता है। जो लोग तुलसी, तिल और कुश से तर्पण करते हैं,

श्लोक 80 (padma.6.64.80)

तत्फलं कोटिगुणितं चातुर्मास्ये विशेषतः । यदा सुप्ते हृषीकेशे कुर्याच्चैतत्त्रयान्वितम्

tatphalaṁ koṭiguṇitaṁ cāturmāsye viśeṣataḥ yadā supte hṛṣīkeśe kuryāccaitattrayānvitam

उनका वह फल चातुर्मास्य में विशेष रूप से करोड़ गुना हो जाता है। जब हृषीकेश सो जाते हैं, तब जो इन तीनों को [तुलसी, तिल, कुश] एक साथ करता है,

श्लोक 81 (padma.6.64.81)

तेऽपि युगसहस्राणि मोदंते विष्णुसंनिधौ । पदं वा पदमर्द्धं वा ऋचां चार्द्धऋचां तथा

te'pi yugasahasrāṇi modaṁte viṣṇusaṁnidhau padaṁ vā padamarddhaṁ vā ṛcāṁ cārddhaṛcāṁ tathā

वे भी हजारों युगों तक विष्णु के समीप आनंदित रहते हैं। एक पद, आधा पद, अथवा एक ऋचा या आधी ऋचा भी,

श्लोक 82 (padma.6.64.82)

विष्ण्वग्रे ये प्रगायंति मुक्तास्ते वै न संशयः । मैथुनं वर्जयेद्यस्तु सुप्ते देवे जनार्दने

viṣṇvagre ye pragāyaṁti muktāste vai na saṁśayaḥ maithunaṁ varjayedyastu supte deve janārdane

जो लोग विष्णु के सामने गाते हैं, वे निश्चय ही मुक्त हो जाते हैं, इसमें कोई संशय नहीं। जो देव जनार्दन के सो जाने पर मैथुन का त्याग करता है,

श्लोक 83 (padma.6.64.83)

एकमन्वंतरं सोऽपि विष्णुलोके महीयते । दधिदुग्धं तथा तक्रं गुडं शाकं तथैव च

ekamanvaṁtaraṁ so'pi viṣṇuloke mahīyate dadhidugdhaṁ tathā takraṁ guḍaṁ śākaṁ tathaiva ca

वह भी एक मन्वंतर तक विष्णुलोक में सम्मानित होता है। दही, दूध, छाछ, गुड़ और साग भी,

श्लोक 84 (padma.6.64.84)

वर्जनादेव भो विप्र मुक्तिभागी न संशयः । स्नानमामलकेनैव ये कुर्वंति च मानवाः

varjanādeva bho vipra muktibhāgī na saṁśayaḥ snānamāmalakenaiva ye kurvaṁti ca mānavāḥ

हे विप्र! इनके त्याग से ही मनुष्य निश्चय ही मुक्ति का भागी बनता है। जो मनुष्य केवल आँवले से स्नान करते हैं,

श्लोक 85 (padma.6.64.85)

दिनेदिने महत्पुण्यं प्राप्नुवंति च ते मुने । धात्रीफलं पापहरं प्रवदंति मनीषिणः

dinedine mahatpuṇyaṁ prāpnuvaṁti ca te mune dhātrīphalaṁ pāpaharaṁ pravadaṁti manīṣiṇaḥ

वे, हे मुने, प्रतिदिन महान पुण्य प्राप्त करते हैं। विद्वान लोग आँवले के फल को पापहारी बताते हैं।

श्लोक 86 (padma.6.64.86)

त्रैलोक्यतारणार्थाय निर्मिता ब्राह्मणा पुरा । संध्यामौनं चरेद्यस्तु भुंक्ते मासचतुष्टयम्

trailokyatāraṇārthāya nirmitā brāhmaṇā purā saṁdhyāmaunaṁ caredyastu bhuṁkte māsacatuṣṭayam

ब्राह्मण प्राचीन काल में तीनों लोकों के उद्धार के लिए रचे गए थे। जो संध्या के समय मौन धारण करता है और चार मासों तक भोजन करता है,

श्लोक 87 (padma.6.64.87)

मन्वंतराणि चत्वारि वैकुंठे मोदते पुनः । स्वयंपाकी नरो यस्तु भुंक्ते मासचतुष्टयम्

manvaṁtarāṇi catvāri vaikuṁṭhe modate punaḥ svayaṁpākī naro yastu bhuṁkte māsacatuṣṭayam

वह पुनः चार मन्वंतरों तक वैकुंठ में आनंद पाता है। जो मनुष्य स्वयं भोजन बनाकर चार मासों तक खाता है,

श्लोक 88 (padma.6.64.88)

दशवर्षसहस्राणि इंद्रलोके महीयते । चतुरो वार्षिकान्मासान्मौनं चैव समाचरेत्

daśavarṣasahasrāṇi iṁdraloke mahīyate caturo vārṣikānmāsānmaunaṁ caiva samācaret

वह दस हजार वर्षों तक इंद्रलोक में सम्मानित होता है। जो मनुष्य चार वर्षा-मासों तक मौन का भी पालन करता है,

श्लोक 89 (padma.6.64.89)

स च विष्णुपुरं गच्छेद्ब्राह्मं च तदनंतरम् । मौनभोजी नरो यस्तु कदाचिन्नावसीदति

sa ca viṣṇupuraṁ gacchedbrāhmaṁ ca tadanaṁtaram maunabhojī naro yastu kadācinnāvasīdati

वह विष्णु-पुर को जाता है, और उसके बाद ब्रह्मलोक को भी। जो मनुष्य मौन रहकर भोजन करता है, वह कभी दुःखी नहीं होता,

श्लोक 90 (padma.6.64.90)

मौनेन भुंजमानास्तु राक्षसास्त्रिदिवं गताः । कृमिकीटसमायुक्तं पक्वान्नमशुची भवेत्

maunena bhuṁjamānāstu rākṣasāstridivaṁ gatāḥ kṛmikīṭasamāyuktaṁ pakvānnamaśucī bhavet

[क्योंकि] मौन से भोजन करने वाले राक्षस भी स्वर्ग को गए। कीड़े-मकोड़ों से युक्त और पका हुआ अन्न भी अपवित्र माना जाता है,

श्लोक 91 (padma.6.64.91)

गवां मांससमं ज्ञेयमन्नं चापि द्विजोत्तम । तदन्नमशुचि ज्ञेयं ग्रसते मानुषो यदि

gavāṁ māṁsasamaṁ jñeyamannaṁ cāpi dvijottama tadannamaśuci jñeyaṁ grasate mānuṣo yadi

हे द्विजोत्तम! और [बातचीत करते हुए खाया गया] अन्न भी गाय के मांस के समान जानना चाहिए; वह अन्न अपवित्र माना जाना चाहिए, यदि मनुष्य उसे [बातचीत करते हुए] निगलता है।

श्लोक 92 (padma.6.64.92)

एतद्वै भोजनं प्रोक्तं राक्षसानां प्रियं सदा । तोषितो हि पुरा ब्रह्मा तेन दत्तं महात्मना

etadvai bhojanaṁ proktaṁ rākṣasānāṁ priyaṁ sadā toṣito hi purā brahmā tena dattaṁ mahātmanā

यह भोजन-रीति राक्षसों को सदा प्रिय बताई गई है। प्राचीन काल में ब्रह्मा को संतुष्ट करने के लिए महात्मा ब्रह्मा ने ही यह [मौन-भोजन] दिया था।

श्लोक 93 (padma.6.64.93)

मौनेन भोजयित्वा तु स्वर्गं प्राप्ता न संशयः । संजल्पन्भुंजते यस्तु तेनान्नमशुची भवेत्

maunena bhojayitvā tu svargaṁ prāptā na saṁśayaḥ saṁjalpanbhuṁjate yastu tenānnamaśucī bhavet

मौन रहकर भोजन कराने से वे निश्चय ही स्वर्ग को प्राप्त हुए। जो बोलते हुए भोजन करता है, उसका अन्न उसी से अपवित्र हो जाता है।

श्लोक 94 (padma.6.64.94)

पापं स केवलं भुंक्ते तस्मान्मौनं समाचरेत् । उपवाससमं भोज्यं ज्ञेयं मौनेन नारद

pāpaṁ sa kevalaṁ bhuṁkte tasmānmaunaṁ samācaret upavāsasamaṁ bhojyaṁ jñeyaṁ maunena nārada

वह केवल पाप ही खाता है; इसलिए मौन का पालन करना चाहिए। हे नारद! मौन से किया गया भोजन उपवास के समान जानना चाहिए।

श्लोक 95 (padma.6.64.95)

पंचप्राणाहुतीर्यस्तु मौनभोजी नरोत्तमः । पंच वै पातकान्यस्य नश्यंति नात्र संशयः

paṁcaprāṇāhutīryastu maunabhojī narottamaḥ paṁca vai pātakānyasya naśyaṁti nātra saṁśayaḥ

जो श्रेष्ठ मनुष्य मौन-भोजी होकर पाँच प्राणों को आहुति देता है [अर्थात् प्राणाग्निहोत्र-विधि से भोजन करता है], उसके निश्चय ही पाँचों पातक नष्ट हो जाते हैं, इसमें कोई संशय नहीं।

श्लोक 96 (padma.6.64.96)

न कुर्यात्संधितं वस्त्रं पितृकर्मणि वाडव । अशुच्यंगे स्थितं चैव वस्त्रं तदशुची भवेत्

na kuryātsaṁdhitaṁ vastraṁ pitṛkarmaṇi vāḍava aśucyaṁge sthitaṁ caiva vastraṁ tadaśucī bhavet

हे वाडव! पितृ-कर्म में सिला हुआ वस्त्र नहीं पहनना चाहिए; अशुद्ध अंग पर रखा हुआ वस्त्र भी अशुद्ध हो जाता है।

श्लोक 97 (padma.6.64.97)

कटिपृष्ठस्थिते वस्त्रे पुरीषं कुरुते तु यः । मूत्रं वा मैथुनं वापि तद्वस्त्रं परिवर्जयेत्

kaṭipṛṣṭhasthite vastre purīṣaṁ kurute tu yaḥ mūtraṁ vā maithunaṁ vāpi tadvastraṁ parivarjayet

जो कमर या पीठ पर रखे वस्त्र में मल-मूत्र त्याग करता है अथवा मैथुन करता है, उस वस्त्र का त्याग कर देना चाहिए।

श्लोक 98 (padma.6.64.98)

पितृकर्मविशेषेण वर्जनीयं च वाडव । सर्वदा च मुने प्राज्ञैर्देवार्चा चक्रपाणिनः

pitṛkarmaviśeṣeṇa varjanīyaṁ ca vāḍava sarvadā ca mune prājñairdevārcā cakrapāṇinaḥ

पितृ-कर्म में विशेष रूप से इसका त्याग करना चाहिए, हे वाडव। हे मुने! चक्रधारी देव की पूजा बुद्धिमानों द्वारा सदा,

श्लोक 99 (padma.6.64.99)

कर्त्तव्या च विशेषेण शुचिभिर्विजितेंद्रियैः । संप्रसुप्ते हृषीकेशे तृणशाककुसुंभिकाः

karttavyā ca viśeṣeṇa śucibhirvijiteṁdriyaiḥ saṁprasupte hṛṣīkeśe tṛṇaśākakusuṁbhikāḥ

विशेष रूप से शुद्ध और जितेंद्रिय लोगों द्वारा करनी चाहिए। हृषीकेश के सो जाने पर, घास, साग और कुसुम्भ के बने,

श्लोक 100 (padma.6.64.100)

संधितानि च वस्त्राणि वर्जितानि प्रयत्नतः । चातुर्मास्ये हरौ सुप्ते यस्तु एतानि वर्जयेत्

saṁdhitāni ca vastrāṇi varjitāni prayatnataḥ cāturmāsye harau supte yastu etāni varjayet

तथा सिले हुए वस्त्रों का यत्नपूर्वक त्याग करना चाहिए। हरि के सोए रहने पर चातुर्मास्य में जो इन सबका त्याग करता है,

श्लोक 101 (padma.6.64.101)

नरकं न तु संगच्छेत्यावदाभूतसंप्लवम् । मद्यं मांसं न भक्षेत शाशकं सौकरं तथा

narakaṁ na tu saṁgacchetyāvadābhūtasaṁplavam madyaṁ māṁsaṁ na bhakṣeta śāśakaṁ saukaraṁ tathā

वह प्रलय-काल तक नरक को प्राप्त नहीं होता। मद्य और मांस का सेवन नहीं करना चाहिए, न ही खरगोश और सूअर के मांस का,

श्लोक 102 (padma.6.64.102)

चातुर्मास्ये विशेषेण सुप्ते देवे जनार्दने । सोऽपि देवत्वमाप्नोति अहिंसानिरतो नरः

cāturmāsye viśeṣeṇa supte deve janārdane so'pi devatvamāpnoti ahiṁsānirato naraḥ

विशेष रूप से चातुर्मास्य में, जब देव जनार्दन सो रहे हों। वह अहिंसा में लीन मनुष्य भी देवत्व प्राप्त करता है।

श्लोक 103 (padma.6.64.103)

मिथ्याक्रोधं तथा रौक्ष्यं तथा पर्वसु मैथुनम् । वर्जितं येन विप्रेंद्र सोऽश्वमेधफलं लभेत्

mithyākrodhaṁ tathā raukṣyaṁ tathā parvasu maithunam varjitaṁ yena vipreṁdra so'śvamedhaphalaṁ labhet

झूठा क्रोध, कठोरता, तथा पर्व-दिनों में मैथुन - जिसने इन सबका त्याग किया हो, हे विप्रेंद्र, वह अश्वमेध यज्ञ का फल पाता है।

श्लोक 104 (padma.6.64.104)

ब्रह्मचर्ये प्रजावृद्धिरायुर्वृद्धिस्तथैव च । पुष्पं पत्रं फलं शय्या अभ्यंगं च विलेपनम्

brahmacarye prajāvṛddhirāyurvṛddhistathaiva ca puṣpaṁ patraṁ phalaṁ śayyā abhyaṁgaṁ ca vilepanam

ब्रह्मचर्य से संतान की वृद्धि होती है, और वैसे ही आयु की भी वृद्धि होती है। फूल, पत्ता, फल, शय्या, तेल-मालिश और अंगराग,

श्लोक 105 (padma.6.64.105)

वृथादुग्धानि मांसं च मद्यं च परिवर्जयेत् । चातुर्मास्ये हरौ सुप्ते नियतं यद्विवर्जितम्

vṛthādugdhāni māṁsaṁ ca madyaṁ ca parivarjayet cāturmāsye harau supte niyataṁ yadvivarjitam

तथा व्यर्थ का दूध, मांस और मद्य - इन सबका त्याग करना चाहिए। चातुर्मास्य में हरि के सोए रहने पर जो नियमपूर्वक इन सबका त्याग किया जाता है,

श्लोक 106 (padma.6.64.106)

प्रथमं तत्तु दातव्यं ब्राह्मणाय न संशयः । तद्धनं चाक्षयं विद्वन्प्रदत्तं यद्दिवजातये

prathamaṁ tattu dātavyaṁ brāhmaṇāya na saṁśayaḥ taddhanaṁ cākṣayaṁ vidvanpradattaṁ yaddivajātaye

वह सबसे पहले ब्राह्मण को ही देना चाहिए, इसमें कोई संशय नहीं। हे विद्वन्! द्विज को दिया गया वह धन अक्षय हो जाता है,

श्लोक 107 (padma.6.64.107)

कोटिकोटिगुणं विप्र लभते नात्र संशयः । येनकेनापि विप्रेंद्र नियमेनार्चितो हरिः

koṭikoṭiguṇaṁ vipra labhate nātra saṁśayaḥ yenakenāpi vipreṁdra niyamenārcito hariḥ

और करोड़ों-करोड़ गुना बढ़कर प्राप्त होता है, इसमें कोई संशय नहीं। हे विप्रेंद्र! किसी भी प्रकार के नियम से जिसने हरि की पूजा की हो,

श्लोक 108 (padma.6.64.108)

ददाति विष्णुभवनं नात्र कार्या विचारणा । चातुर्मास्ये हरौ सुप्ते नियमं यो न कारयेत्

dadāti viṣṇubhavanaṁ nātra kāryā vicāraṇā cāturmāsye harau supte niyamaṁ yo na kārayet

वह विष्णु के भवन को प्राप्त करता है, इसमें विचार करने की आवश्यकता नहीं है। चातुर्मास्य में हरि के सोए रहने पर जो नियम नहीं करता,

श्लोक 109 (padma.6.64.109)

सोऽपि नरकमाप्नोति तस्य जन्म वृथागतम् । यत्पुमान्कारयेन्नित्यं द्विजोक्तं विधिमुत्तमम्

so'pi narakamāpnoti tasya janma vṛthāgatam yatpumānkārayennityaṁ dvijoktaṁ vidhimuttamam

वह भी नरक को प्राप्त होता है, उसका जन्म व्यर्थ ही गया समझना चाहिए। जो पुरुष द्विजों द्वारा कहे गए उत्तम नियम को नित्य करता है,

श्लोक 110 (padma.6.64.110)

तथोक्तान्नियमांश्चैव स याति परमं पदम् । त्रिवर्गरहितं दानं दत्तं भवति निष्फलम्

tathoktānniyamāṁścaiva sa yāti paramaṁ padam trivargarahitaṁ dānaṁ dattaṁ bhavati niṣphalam

वह उन बताए गए नियमों के अनुसार परम पद को प्राप्त होता है। धर्म, अर्थ और काम - इन तीनों से रहित दिया गया दान निष्फल हो जाता है।

श्लोक 111 (padma.6.64.111)

तस्मात्सर्वप्रयत्नेन देवदेवं जनार्दनम् । तोषयेन्नियमैर्दानैर्यथाशक्त्या नरोत्तमः

tasmātsarvaprayatnena devadevaṁ janārdanam toṣayenniyamairdānairyathāśaktyā narottamaḥ

इसलिए, सर्वोत्तम पुरुष को सब प्रयत्नों से देवाधिदेव जनार्दन को नियमों और दानों से, अपनी शक्ति के अनुसार, संतुष्ट करना चाहिए।

श्लोक 112 (padma.6.64.112)

अकृतस्नानदानं च ब्राह्मणानां च पूजनम् । वृथागतं तु तत्सर्वं यावदिंद्राश्चतुर्दश

akṛtasnānadānaṁ ca brāhmaṇānāṁ ca pūjanam vṛthāgataṁ tu tatsarvaṁ yāvadiṁdrāścaturdaśa

स्नान और दान किए बिना, और ब्राह्मणों की पूजा किए बिना, वह सब व्यर्थ ही जाता है, चौदह इंद्रों के काल तक।

श्लोक 113 (padma.6.64.113)

नारद उवाच- कीदृशं ब्रह्मचर्यं च वद विश्वेश्वर प्रभो । येन चीर्णेन गोविंदः परितुष्टो भवेन्नृणाम्

nārada uvāca- kīdṛśaṁ brahmacaryaṁ ca vada viśveśvara prabho yena cīrṇena goviṁdaḥ parituṣṭo bhavennṛṇām

नारद ने कहा - हे विश्वेश्वर! हे प्रभो! कैसा ब्रह्मचर्य है, वह बताइए, जिसका पालन करने से गोविंद मनुष्यों पर अत्यंत प्रसन्न होते हैं?

श्लोक 114 (padma.6.64.114)

महादेव उवाच- स्वदारनिरतश्चैव ब्रह्मचारी स्मृतो बुधैः । चांडालादधिको विद्वन्यः स्वभार्यां परित्यजेत्

mahādeva uvāca- svadāranirataścaiva brahmacārī smṛto budhaiḥ cāṁḍālādadhiko vidvanyaḥ svabhāryāṁ parityajet

महादेव ने कहा - अपनी ही पत्नी में लीन रहने वाला भी विद्वानों द्वारा ब्रह्मचारी माना गया है। हे विद्वन्! जो अपनी पत्नी को त्याग देता है, वह चांडाल से भी बढ़कर है।

श्लोक 115 (padma.6.64.115)

ऋतावभिगमं कृत्वा ब्रह्मचर्यं विधीयते । परित्यजति यो भार्यां भक्तां दोषविवर्जिताम्

ṛtāvabhigamaṁ kṛtvā brahmacaryaṁ vidhīyate parityajati yo bhāryāṁ bhaktāṁ doṣavivarjitām

ऋतुकाल में पत्नी के पास जाकर भी ब्रह्मचर्य का ही विधान होता है। जो निर्दोष और भक्त पत्नी को त्याग देता है,

श्लोक 116 (padma.6.64.116)

पापकर्मा नरो लोके भ्रूणहत्यामवाप्नुयात् । अश्वमेधसहस्राणि वाजपेयशतानि च

pāpakarmā naro loke bhrūṇahatyāmavāpnuyāt aśvamedhasahasrāṇi vājapeyaśatāni ca

वह पापकर्मी मनुष्य इस लोक में भ्रूण-हत्या का पाप प्राप्त करता है। हजारों अश्वमेध और सैकड़ों वाजपेय यज्ञ भी,

श्लोक 117 (padma.6.64.117)

एकादश्युपवासस्य कलां नार्हंति षोडशीम् । स्नानं दानं जपो होमः स्वाध्यायं देवतार्चनम्

ekādaśyupavāsasya kalāṁ nārhaṁti ṣoḍaśīm snānaṁ dānaṁ japo homaḥ svādhyāyaṁ devatārcanam

एकादशी के उपवास के सोलहवें अंश के भी योग्य नहीं हैं। स्नान, दान, जप, होम, स्वाध्याय और देव-पूजा,

श्लोक 118 (padma.6.64.118)

चातुर्मास्यकृतं यच्च सर्वं हि चाक्षयं भवेत् । एककालं द्विकालं वा पुराणं शृणुते तु यः

cāturmāsyakṛtaṁ yacca sarvaṁ hi cākṣayaṁ bhavet ekakālaṁ dvikālaṁ vā purāṇaṁ śṛṇute tu yaḥ

जो कुछ भी चातुर्मास्य में किया जाए, वह सब अक्षय हो जाता है। जो कोई एक बार या दो बार पुराण सुनता है,

श्लोक 119 (padma.6.64.119)

सर्वपापविनिर्मुक्तो विष्णुलोकं स गच्छति । हरौ सुप्ते विशेषेण हरेर्नामपठन्जपन्

sarvapāpavinirmukto viṣṇulokaṁ sa gacchati harau supte viśeṣeṇa harernāmapaṭhanjapan

वह सब पापों से मुक्त होकर विष्णुलोक को जाता है। हरि के सो जाने पर विशेष रूप से हरि के नाम को पढ़ते या जपते हुए,

श्लोक 120 (padma.6.64.120)

तत्फलं कोटिगुणितं लभते द्विजसत्तम । वैष्णवो ब्राह्मणो यस्तु पूजनं यः करोति हि

tatphalaṁ koṭiguṇitaṁ labhate dvijasattama vaiṣṇavo brāhmaṇo yastu pūjanaṁ yaḥ karoti hi

हे द्विजसत्तम! वह करोड़ गुना फल प्राप्त करता है। जो वैष्णव ब्राह्मण है और जो [ऐसे ब्राह्मणों की] पूजा करता है,

श्लोक 121 (padma.6.64.121)

स एव सर्वधर्मात्मा पूज्य एव न संशयः । चातुर्मास्यमिदं पुण्यं पवित्रं पापनाशनम् । श्रुत्वा तु लभते पुण्यं गंगास्नानफलं लभेत्

sa eva sarvadharmātmā pūjya eva na saṁśayaḥ cāturmāsyamidaṁ puṇyaṁ pavitraṁ pāpanāśanam śrutvā tu labhate puṇyaṁ gaṁgāsnānaphalaṁ labhet

वही सर्वधर्मात्मा है, वही निश्चय ही पूज्य है, इसमें कोई संशय नहीं। यह चातुर्मास्य-पुण्य पवित्र और पापनाशक है; इसे सुनने मात्र से भी पुण्य मिलता है, गंगा-स्नान के फल के समान।