चातुर्मास्य उद्यापन

श्लोक 1 (padma.6.65.1)

नारद उवाच- चातुर्मास्यव्रतानां च प्रब्रूह्युद्यापनं विभो । उद्यापने कृते सर्वं संपूर्णं भवति ध्रुवम्

nārada uvāca- cāturmāsyavratānāṁ ca prabrūhyudyāpanaṁ vibho udyāpane kṛte sarvaṁ saṁpūrṇaṁ bhavati dhruvam

नारद ने कहा - हे विभो! चातुर्मास्य व्रतों का उद्यापन (समापन-विधि) भी बताइए। उद्यापन करने पर ही सब कुछ निश्चय ही संपूर्ण होता है।

श्लोक 2 (padma.6.65.2)

महादेव उवाच- व्रतं कृत्वा महाभाग यदि नोद्यापनं चरेत् । यस्तु कर्त्ता कर्मणां स न सम्यक्फलभाक्भवेत्

mahādeva uvāca- vrataṁ kṛtvā mahābhāga yadi nodyāpanaṁ caret yastu karttā karmaṇāṁ sa na samyakphalabhākbhavet

महादेव ने कहा - हे महाभाग! व्रत करके यदि कोई उद्यापन न करे, तो जो उस कर्म का करने वाला है, वह उसका पूरा फल नहीं पाता।

श्लोक 3 (padma.6.65.3)

व्रतवैकल्यमासाद्य कुष्ठी चांधः प्रजायते । एतस्मात्कारणाच्चैव कुर्यादुद्यापनं द्विज

vratavaikalyamāsādya kuṣṭhī cāṁdhaḥ prajāyate etasmātkāraṇāccaiva kuryādudyāpanaṁ dvija

व्रत में कमी रह जाने से मनुष्य कोढ़ी और अंधा उत्पन्न होता है। इसी कारण, हे द्विज, उद्यापन अवश्य करना चाहिए।

श्लोक 4 (padma.6.65.4)

गृहीत्वा नियमानेतान्पालयित्वा यथाविधि । सुप्तोत्थिते जगन्नाथे गत्वा ब्राह्मणसंनिधौ

gṛhītvā niyamānetānpālayitvā yathāvidhi suptotthite jagannāthe gatvā brāhmaṇasaṁnidhau

इन नियमों को ग्रहण करके, विधिपूर्वक उनका पालन करके, जगन्नाथ के सोकर जाग जाने पर, ब्राह्मणों के समीप जाकर,

श्लोक 5 (padma.6.65.5)

क्षमापयेद्देवदेवं यथाविधि च विस्तरात् । तैलत्यागे घृतं दद्याद्घृतत्यागे पयः स्मृतम्

kṣamāpayeddevadevaṁ yathāvidhi ca vistarāt tailatyāge ghṛtaṁ dadyādghṛtatyāge payaḥ smṛtam

देवाधिदेव से विधिपूर्वक और विस्तार से क्षमा माँगनी चाहिए। तेल के त्याग में घी देना चाहिए, घी के त्याग में दूध देना बताया गया है।

श्लोक 6 (padma.6.65.6)

मौने पिंडास्तिला देयाः सहिरण्या द्विजातये । भोजने भोजनं दद्याद्दध्योदनसमन्वितम्

maune piṁḍāstilā deyāḥ sahiraṇyā dvijātaye bhojane bhojanaṁ dadyāddadhyodanasamanvitam

मौन के लिए तिल के पिंड सोने सहित द्विज को देने चाहिए। भोजन के [नियम के] लिए दही-भात सहित भोजन देना चाहिए।

श्लोक 7 (padma.6.65.7)

अन्नं दद्याद्विशेषेण हिरण्येन समन्वितम् । अन्नदानान्मुनिश्रेष्ठ विष्णुलोके महीयते

annaṁ dadyādviśeṣeṇa hiraṇyena samanvitam annadānānmuniśreṣṭha viṣṇuloke mahīyate

विशेष रूप से सोने सहित अन्न देना चाहिए। हे मुनिश्रेष्ठ! अन्न-दान से मनुष्य विष्णुलोक में सम्मानित होता है।

श्लोक 8 (padma.6.65.8)

पालाशपात्रे यो भुंक्ते नरो मासचतुष्टयम् । भाजनं घृतपूर्णं तु दद्यादुद्यापने द्विज

pālāśapātre yo bhuṁkte naro māsacatuṣṭayam bhājanaṁ ghṛtapūrṇaṁ tu dadyādudyāpane dvija

जो मनुष्य चार मासों तक पलाश के पात्र में भोजन करता है, हे द्विज, उसे उद्यापन में घी से भरा पात्र देना चाहिए।

श्लोक 9 (padma.6.65.9)

षड्रसं भोजनं दद्याद्ब्राह्मणे नक्तभोजने । अयाचिते ह्यनड्वाहं सहिरण्यं प्रदापयेत्

ṣaḍrasaṁ bhojanaṁ dadyādbrāhmaṇe naktabhojane ayācite hyanaḍvāhaṁ sahiraṇyaṁ pradāpayet

रात्रि में एक बार भोजन करने वाले को ब्राह्मण को छहों रसों से युक्त भोजन देना चाहिए। बिना माँगे बैल देने के नियम में, सोने सहित बैल देना चाहिए।

श्लोक 10 (padma.6.65.10)

माषं त्यजन्मुनिश्रेष्ठ गां च दद्यात्सवत्सकाम् । धात्रीस्नाने नरो दद्यात्स्वर्णं माषिकमेवच

māṣaṁ tyajanmuniśreṣṭha gāṁ ca dadyātsavatsakām dhātrīsnāne naro dadyātsvarṇaṁ māṣikamevaca

हे मुनिश्रेष्ठ! उड़द का त्याग करने वाले को बछड़े सहित गाय देनी चाहिए। आँवले से स्नान करने वाले को एक माषा सोना देना चाहिए।

श्लोक 11 (padma.6.65.11)

फलानां नियमे चैव फलानि च प्रदापयेत् । धान्यानां नियमे धान्यमथवा शालयः स्मृताः

phalānāṁ niyame caiva phalāni ca pradāpayet dhānyānāṁ niyame dhānyamathavā śālayaḥ smṛtāḥ

फलों के नियम में फल ही देने चाहिए; धान्यों के नियम में धान्य अथवा चावल बताए गए हैं।

श्लोक 12 (padma.6.65.12)

तद्वद्भूशयने शय्यां सतूलां गेंदुकान्विताम् । ब्रह्मचर्यं कृतं येन चातुर्मास्ये द्विजोत्तम

tadvadbhūśayane śayyāṁ satūlāṁ geṁdukānvitām brahmacaryaṁ kṛtaṁ yena cāturmāsye dvijottama

इसी प्रकार भूमि पर शयन करने वाले को रुई और गेंद सहित शय्या देनी चाहिए। हे द्विजोत्तम! जिसने चातुर्मास्य में ब्रह्मचर्य का पालन किया हो,

श्लोक 13 (padma.6.65.13)

दंपत्योर्भोजनं देयमुभयोर्भक्तिपूर्वकम् । सभोगं दक्षिणोपेतं सशाकं लवणं तथा

daṁpatyorbhojanaṁ deyamubhayorbhaktipūrvakam sabhogaṁ dakṣiṇopetaṁ saśākaṁ lavaṇaṁ tathā

उसे भक्तिपूर्वक दंपति दोनों को भोजन देना चाहिए, दक्षिणा सहित, साग और नमक सहित भोग-भोजन।

श्लोक 14 (padma.6.65.14)

नित्यस्नाने नरो दद्यान्निस्नेहे सर्पिः सक्तवः । नखकेशव्रते चैव प्रादेशं परिकल्पयेत्

nityasnāne naro dadyānnisnehe sarpiḥ saktavaḥ nakhakeśavrate caiva prādeśaṁ parikalpayet

नित्य स्नान करने वाले को [कुछ देना चाहिए]; तेल-रहित रहने वाले को घी और सत्तू देने चाहिए। नख और केश धारण करने के व्रत में एक बालिश्त [के बराबर] का दान करना चाहिए।

श्लोक 15 (padma.6.65.15)

उपानहौ प्रदातव्यौ उपानहविवर्जनात् । आमिषस्य परित्यागात्सवत्सा कपिला स्मृता

upānahau pradātavyau upānahavivarjanāt āmiṣasya parityāgātsavatsā kapilā smṛtā

जूते के त्याग में जूते दान करने चाहिए। मांस के त्याग में बछड़े सहित कपिला गाय दान करने की बात कही गई है।

श्लोक 16 (padma.6.65.16)

नित्यं दीपप्रदो यस्तु सौवर्णं दीपमावहेत् । तं दीपं घृतसंयुक्तं दद्याच्चैव द्विजन्मने

nityaṁ dīpaprado yastu sauvarṇaṁ dīpamāvahet taṁ dīpaṁ ghṛtasaṁyuktaṁ dadyāccaiva dvijanmane

जो नित्य दीपक जलाता है, उसे सोने का दीपक बनवाना चाहिए; उस दीपक को घी सहित द्विज को देना चाहिए,

श्लोक 17 (padma.6.65.17)

विष्णुभक्ताय विप्राय परिपूर्णव्रतेप्सया । शाकस्य नियमे शाकं माषे सौवर्णमाषकम्

viṣṇubhaktāya viprāya paripūrṇavratepsayā śākasya niyame śākaṁ māṣe sauvarṇamāṣakam

विष्णु-भक्त उस ब्राह्मण को, व्रत की पूर्णता की इच्छा से। साग के नियम में साग देना चाहिए, माषा [नियम] में सोने का माषक देना चाहिए।

श्लोक 18 (padma.6.65.18)

मैथुनानां तु नियमे रौप्यं दद्याद्दिवजातये । नागवल्ल्यास्तु नियमे कर्पूरं सहरिण्यकम्

maithunānāṁ tu niyame raupyaṁ dadyāddivajātaye nāgavallyāstu niyame karpūraṁ sahariṇyakam

मैथुन [के त्याग] के नियम में द्विज को चाँदी देनी चाहिए। पान के त्याग के नियम में कर्पूर, सोने सहित, देना चाहिए।

श्लोक 19 (padma.6.65.19)

कालेकाले द्विजश्रेष्ठ यत्कृतं नियमेन तु । तत्तद्देयं विशेषेण परलोकगतीप्सया

kālekāle dvijaśreṣṭha yatkṛtaṁ niyamena tu tattaddeyaṁ viśeṣeṇa paralokagatīpsayā

हे द्विजश्रेष्ठ! समय-समय पर जो भी नियम से किया गया हो, परलोक की गति चाहने वालों को वही-वही विशेष रूप से दान करना चाहिए।

श्लोक 20 (padma.6.65.20)

आदौ स्नानादिकं कृत्वा विष्णोरग्रे प्रकाशयेत् । अनादिनिधनो देवः शंखचक्रगदाधरः । तस्याग्रे के न कुर्वंति यतो विष्णुस्तु पापहा

ādau snānādikaṁ kṛtvā viṣṇoragre prakāśayet anādinidhano devaḥ śaṁkhacakragadādharaḥ tasyāgre ke na kurvaṁti yato viṣṇustu pāpahā

सबसे पहले स्नान आदि करके विष्णु के सामने [उद्यापन] प्रकट करना चाहिए। वे देव अनादि-अनंत हैं, शंख-चक्र-गदाधारी हैं - उनके सामने कौन ऐसा नहीं करेगा, क्योंकि विष्णु ही पाप का नाश करने वाले हैं?