श्रवण द्वादशी व्रत

श्लोक 1 (padma.6.69.1)

नारद उवाच- उपवासासमर्थानां सदैवामरसत्तम । एका या द्वादशी पुण्या तां वदस्व ममानघ

nārada uvāca- upavāsāsamarthānāṁ sadaivāmarasattama ekā yā dvādaśī puṇyā tāṁ vadasva mamānagha

नारद ने कहा - हे अमरसत्तम! उपवास में असमर्थ लोगों के लिए भी जो एक पुण्यमयी द्वादशी है, हे निष्पाप! वह मुझे बताइए।

श्लोक 2 (padma.6.69.2)

शिव उवाच- मासि भाद्रपदे शुक्ले द्वादशी श्रवणान्विता । सा वै सर्वप्रदा पुण्या ह्युपवासे महाफला

śiva uvāca- māsi bhādrapade śukle dvādaśī śravaṇānvitā sā vai sarvapradā puṇyā hyupavāse mahāphalā

शिव ने कहा - भाद्रपद मास के शुक्ल पक्ष में जो श्रवण-नक्षत्र से युक्त द्वादशी होती है, वह सब कुछ देने वाली, पुण्यमयी और उपवास करने पर महाफलदायी है।

श्लोक 3 (padma.6.69.3)

संगमे सरितः स्नात्वा द्वादशीं तामुपोषितः । अयत्नात्समवाप्नोति द्वादश द्वादशीफलम्

saṁgame saritaḥ snātvā dvādaśīṁ tāmupoṣitaḥ ayatnātsamavāpnoti dvādaśa dvādaśīphalam

नदी के संगम में स्नान करके उस द्वादशी का उपवास करने वाला मनुष्य बिना किसी विशेष प्रयास के बारह द्वादशियों का फल प्राप्त कर लेता है।

श्लोक 4 (padma.6.69.4)

बुधश्रवणसंयुक्ता या च वै द्वादशी भवेत् । अतीव महती तस्यां कृतं सर्वमथाक्षयम्

budhaśravaṇasaṁyuktā yā ca vai dvādaśī bhavet atīva mahatī tasyāṁ kṛtaṁ sarvamathākṣayam

जो द्वादशी बुध और श्रवण-नक्षत्र दोनों से युक्त होती है, उस पर किया गया समस्त कर्म अत्यंत महान और अक्षय हो जाता है।

श्लोक 5 (padma.6.69.5)

द्वादशी श्रवणोपेता यदा भवति नारद । संगमे सरितां स्नात्वा लभेद्गोदानजं फलम्

dvādaśī śravaṇopetā yadā bhavati nārada saṁgame saritāṁ snātvā labhedgodānajaṁ phalam

हे नारद! जब द्वादशी श्रवण-नक्षत्र से युक्त होती है, तब नदियों के संगम में स्नान करके मनुष्य गोदान का फल प्राप्त करता है।

श्लोक 6 (padma.6.69.6)

जलपूर्णं तदा कुंभं स्थापयित्वा विचक्षणः । तस्योपरि न्यसेत्पात्रं स्थापयित्वा जनार्दनम्

jalapūrṇaṁ tadā kuṁbhaṁ sthāpayitvā vicakṣaṇaḥ tasyopari nyasetpātraṁ sthāpayitvā janārdanam

तब बुद्धिमान को जल से भरा कलश स्थापित करना चाहिए; उसके ऊपर एक पात्र रखकर उसमें जनार्दन को स्थापित करना चाहिए।

श्लोक 7 (padma.6.69.7)

ततस्तस्याग्रतो देयं नैवेद्यं घृतपाचितम् । सोदकांश्च नवान्कुंभान्दद्याच्छक्त्या विचक्षणः

tatastasyāgrato deyaṁ naivedyaṁ ghṛtapācitam sodakāṁśca navānkuṁbhāndadyācchaktyā vicakṣaṇaḥ

तत्पश्चात् उसके सामने घी में पकाया हुआ नैवेद्य अर्पित करना चाहिए; बुद्धिमान को अपनी शक्ति के अनुसार जल से भरे नए कलश भी देने चाहिए।

श्लोक 8 (padma.6.69.8)

एवं संपूज्य गोविंदं जागरं तत्र कारयेत् । प्रभाते विमले स्नात्वा संपूज्य गरुडध्वजम्

evaṁ saṁpūjya goviṁdaṁ jāgaraṁ tatra kārayet prabhāte vimale snātvā saṁpūjya garuḍadhvajam

इस प्रकार गोविंद की पूजा करके वहाँ रात्रि-जागरण करना चाहिए। प्रातःकाल निर्मल होने पर स्नान करके, गरुड़-ध्वज की पूजा करके,

श्लोक 9 (padma.6.69.9)

पुष्पधूपादि नैवेद्यैः फलैर्वस्त्रैः सुशोभनैः । पुष्पांजलिं ततो दद्यान्मंत्रमेनमुदीरयेत्

puṣpadhūpādi naivedyaiḥ phalairvastraiḥ suśobhanaiḥ puṣpāṁjaliṁ tato dadyānmaṁtramenamudīrayet

फूल, धूप आदि, नैवेद्य, फल और सुंदर वस्त्रों से पूजा करके, फिर पुष्पांजलि अर्पित करके यह मंत्र बोलना चाहिए -

श्लोक 10 (padma.6.69.10)

नमो नमस्ते गोविंद बुधश्रवणसंयुत । अघौघसंक्षयं कृत्वा सर्वसौख्यप्रदो भव

namo namaste goviṁda budhaśravaṇasaṁyuta aghaughasaṁkṣayaṁ kṛtvā sarvasaukhyaprado bhava

'हे गोविंद! बुध और श्रवण से युक्त! आपको बार-बार नमस्कार है। पापों की समस्त राशि का नाश करके हमें सब सुख देने वाले बनिए।'

श्लोक 11 (padma.6.69.11)

अन्नं तु ब्राह्मणे पूतं वेदवेदांगपारगे । पुराणज्ञे विशेषेण विधिवत्संप्रदापयेत्

annaṁ tu brāhmaṇe pūtaṁ vedavedāṁgapārage purāṇajñe viśeṣeṇa vidhivatsaṁpradāpayet

वेद-वेदांगों में पारंगत, विशेष रूप से पुराणों के ज्ञाता ब्राह्मण को पवित्र अन्न विधिपूर्वक देना चाहिए।

श्लोक 12 (padma.6.69.12)

अनेन विधिना चैव नद्यास्तीरे नरोत्तमः । सर्वं निर्वर्त्तयेत्सम्यगेकचित्तरतोऽपि सन्

anena vidhinā caiva nadyāstīre narottamaḥ sarvaṁ nirvarttayetsamyagekacittarato'pi san

इसी विधि से नदी के तट पर एकाग्रचित्त रहते हुए भी श्रेष्ठ मनुष्य को यह सब भलीभाँति संपन्न करना चाहिए।

श्लोक 13 (padma.6.69.13)

अत्राप्युदाहरंतीममितिहासं पुरातनम् । महत्यरण्ये यद्वृतं भूमिदेव शृणुष्व तत्

atrāpyudāharaṁtīmamitihāsaṁ purātanam mahatyaraṇye yadvṛtaṁ bhūmideva śṛṇuṣva tat

इस विषय में यह पुरातन इतिहास भी कहा जाता है, जो एक विशाल वन में घटित हुआ - हे भूमिदेव! उसे सुनो।

श्लोक 14 (padma.6.69.14)

यं श्रुत्वा मानवो लोके महादुःखात्प्रमुच्यते । देशो दासरको नाम तस्य भागे च पश्चिमे

yaṁ śrutvā mānavo loke mahāduḥkhātpramucyate deśo dāsarako nāma tasya bhāge ca paścime

जिसे सुनकर मनुष्य लोक में महान दुःख से मुक्त हो जाता है। दासरक नाम का एक देश था, उसके पश्चिम भाग में,

श्लोक 15 (padma.6.69.15)

तत्र विद्वन्मरुर्देशः सर्वसत्वभयंकरः । सुतप्तसिकता भूमिर्यत्र दुष्टा महोरगाः

tatra vidvanmarurdeśaḥ sarvasatvabhayaṁkaraḥ sutaptasikatā bhūmiryatra duṣṭā mahoragāḥ

हे विद्वन्! वहाँ मरु नामक एक प्रदेश था, जो सब प्राणियों के लिए भयंकर था - अत्यंत तपी हुई रेतीली भूमि, जहाँ भयंकर विशाल सर्प रहते थे,

श्लोक 16 (padma.6.69.16)

अल्पच्छायाद्रुमाकीर्णा मृतप्राणिसमाकुला । शमीखदिरपालाशकरीरैः पीलुभिः सह

alpacchāyādrumākīrṇā mṛtaprāṇisamākulā śamīkhadirapālāśakarīraiḥ pīlubhiḥ saha

थोड़ी-सी छाया वाले वृक्षों से भरा हुआ, मृत प्राणियों से भरा हुआ, शमी, खदिर, पलाश, करीर और पीलु के वृक्षों से युक्त,

श्लोक 17 (padma.6.69.17)

तत्र भीमा द्रुमगणाः कंटकैरचिता दृढैः । जग्धप्राणजनाकीर्णा यत्र भूर्दृश्यते क्वचित्

tatra bhīmā drumagaṇāḥ kaṁṭakairacitā dṛḍhaiḥ jagdhaprāṇajanākīrṇā yatra bhūrdṛśyate kvacit

वहाँ दृढ़ काँटों से जड़े हुए भयंकर वृक्ष-समूह थे, जहाँ प्राणों को निगल गए मनुष्यों से भरी भूमि यत्र-तत्र दिखाई देती थी।

श्लोक 18 (padma.6.69.18)

तथापि जीवा जीवंति सर्वे कर्मनिबंधनात् । नोदकं नोदकाधारा विद्वंस्तत्र बलाहकाः

tathāpi jīvā jīvaṁti sarve karmanibaṁdhanāt nodakaṁ nodakādhārā vidvaṁstatra balāhakāḥ

फिर भी उस स्थान में सब जीव अपने-अपने कर्म के बंधन से जीवित थे। हे विद्वन्! वहाँ न जल था, न जल का कोई आधार, न कोई बादल थे,

श्लोक 19 (padma.6.69.19)

पक्षांतरगतैः कैश्चिच्छिशुभिस्तृषितैः समम् । उत्क्रांतजीविनो विप्र दृश्यंते नु खगोत्तमाः

pakṣāṁtaragataiḥ kaiścicchiśubhistṛṣitaiḥ samam utkrāṁtajīvino vipra dṛśyaṁte nu khagottamāḥ

कुछ प्यासे बच्चों सहित उड़ते हुए, प्राणों को त्यागते हुए श्रेष्ठ पक्षी भी, हे विप्र, वहाँ दिखाई देते थे।

श्लोक 20 (padma.6.69.20)

तस्मिंस्तथाविधे देशे कश्चिद्दैववशाद्वणिक् । निजसार्थपरिभ्रष्टः प्रविष्टो मरुजांगले

tasmiṁstathāvidhe deśe kaściddaivavaśādvaṇik nijasārthaparibhraṣṭaḥ praviṣṭo marujāṁgale

उस प्रकार के उस देश में, दैवयोग से, कोई व्यापारी, अपने काफिले से बिछड़कर, उस मरु-प्रांतर में प्रवेश कर गया।

श्लोक 21 (padma.6.69.21)

बभ्रामोद्भ्रांतहृदयः क्षुत्तृट्भ्यां श्रमपीडितः । क्व ग्रामः क्व जलं क्वाहं यास्यामि न बुबोध ह

babhrāmodbhrāṁtahṛdayaḥ kṣuttṛṭbhyāṁ śramapīḍitaḥ kva grāmaḥ kva jalaṁ kvāhaṁ yāsyāmi na bubodha ha

वह विचलित हृदय होकर, भूख-प्यास से और थकान से पीड़ित होकर भटकता रहा; उसे यह भी बोध न रहा कि गाँव कहाँ है, जल कहाँ है, वह कहाँ जाए।

श्लोक 22 (padma.6.69.22)

अथ प्रेतान्ददर्शासौ क्षुत्तृषाव्याकुलेंद्रियान् । उत्कटान्खलिनो भीमान्निर्मांसान्रौद्रदर्शनान्

atha pretāndadarśāsau kṣuttṛṣāvyākuleṁdriyān utkaṭānkhalino bhīmānnirmāṁsānraudradarśanān

तब उसने भूख-प्यास से व्याकुल इंद्रियों वाले प्रेतों को देखा - उग्र, दुष्ट, भयंकर, मांसरहित और भयावह दिखने वाले।

श्लोक 23 (padma.6.69.23)

प्रेतस्कंधसमारूढमेकं विकृतदर्शनम् । ददर्श बहुभिः प्रेतैः समंतात्परिवारितम्

pretaskaṁdhasamārūḍhamekaṁ vikṛtadarśanam dadarśa bahubhiḥ pretaiḥ samaṁtātparivāritam

उसने एक प्रेत को, विकृत दिखने वाला, दूसरे प्रेत के कंधे पर सवार, चारों ओर अनेक प्रेतों से घिरा हुआ देखा,

श्लोक 24 (padma.6.69.24)

अगच्छमानमत्युग्रं प्रेतशब्दपुरःसरम् । प्रेतोऽपि दृष्ट्वा तां घोरामटवीमागतं नरम्

agacchamānamatyugraṁ pretaśabdapuraḥsaram preto'pi dṛṣṭvā tāṁ ghorāmaṭavīmāgataṁ naram

जो प्रेतों की भयंकर पुकार के साथ अत्यंत उग्र होकर आ रहा था। उस प्रेत ने भी उस घोर वन में आए हुए उस मनुष्य को देखकर,

श्लोक 25 (padma.6.69.25)

प्रेतस्कंधान्महीं गत्वा तस्यांतिकमुपागमत् । प्रणिपत्य वणिक्श्रेष्ठमिदं वचनमब्रवीत्

pretaskaṁdhānmahīṁ gatvā tasyāṁtikamupāgamat praṇipatya vaṇikśreṣṭhamidaṁ vacanamabravīt

प्रेत के कंधे से भूमि पर उतरकर उसके समीप आया; उस श्रेष्ठ वणिक को प्रणाम करके उसने यह वचन कहा -

श्लोक 26 (padma.6.69.26)

अस्मिन्घोरतरे देशे प्रवेशो भवतः कथम् । तमुवाच वणिक्धीमान्सार्थभ्रष्टस्य मे वने

asminghoratare deśe praveśo bhavataḥ katham tamuvāca vaṇikdhīmānsārthabhraṣṭasya me vane

'इस अत्यंत भयंकर प्रदेश में आपका प्रवेश कैसे हुआ?' बुद्धिमान वणिक ने उससे कहा - 'अपने काफिले से भटककर मैं इस वन में,

श्लोक 27 (padma.6.69.27)

प्रवेशो दैवयोगेन पूर्वकर्मकृतेन च । तृषा मे बाधतेऽत्यर्थं क्षुधा चैव भृशं तथा

praveśo daivayogena pūrvakarmakṛtena ca tṛṣā me bādhate'tyarthaṁ kṣudhā caiva bhṛśaṁ tathā

दैवयोग से और पूर्वजन्म के किए हुए कर्म से प्रवेश हुआ है। प्यास मुझे अत्यंत पीड़ित कर रही है, और वैसे ही भूख भी तीव्रता से।

श्लोक 28 (padma.6.69.28)

प्राणांतिकमनुप्राप्तं वचनं भ्रमतीव मे । अत्रोपायं न पश्यामि जीवेयं येन केनचित्

prāṇāṁtikamanuprāptaṁ vacanaṁ bhramatīva me atropāyaṁ na paśyāmi jīveyaṁ yena kenacit

प्राण-अंत के निकट पहुँचकर मेरी वाणी मानो भ्रमित हो रही है। मुझे यहाँ ऐसा कोई उपाय नहीं दिखता, जिससे मैं किसी भी तरह जीवित रह सकूँ।'

श्लोक 29 (padma.6.69.29)

इत्येवमुक्ते प्रेतस्तं वणिजं वाक्यमब्रवीत् । फुल्लां शमीं समाश्रित्य प्रतीक्ष त्वं मुहूर्त्तकम्

ityevamukte pretastaṁ vaṇijaṁ vākyamabravīt phullāṁ śamīṁ samāśritya pratīkṣa tvaṁ muhūrttakam

ऐसा कहे जाने पर प्रेत ने उस वणिक से यह वचन कहा - 'खिली हुई शमी के वृक्ष का आश्रय लेकर तुम एक मुहूर्त प्रतीक्षा करो।

श्लोक 30 (padma.6.69.30)

कृतातिथ्यो मया पश्चाद्गमिष्यसि यथासुखम् । एवमुक्तस्तथा चक्रे स वणिक्तृष्णयार्दितः

kṛtātithyo mayā paścādgamiṣyasi yathāsukham evamuktastathā cakre sa vaṇiktṛṣṇayārditaḥ

मेरे द्वारा आतिथ्य किए जाने पर तुम फिर सुखपूर्वक जा सकोगे।' ऐसा कहे जाने पर प्यास से पीड़ित उस वणिक ने वैसा ही किया।

श्लोक 31 (padma.6.69.31)

मध्याह्नसमये प्राप्ते प्रेतस्तं देशमागतः । फुल्लां सवृक्षां शीतोदां वारिधानीं मनोरमाम्

madhyāhnasamaye prāpte pretastaṁ deśamāgataḥ phullāṁ savṛkṣāṁ śītodāṁ vāridhānīṁ manoramām

मध्याह्न का समय आने पर, वह प्रेत उस स्थान में आया, जहाँ एक खिले हुए वृक्षों से युक्त, शीतल जल वाली, मनोहर जलाशय-भूमि थी,

श्लोक 32 (padma.6.69.32)

दध्योदनसमायुक्तां वर्द्धमानेन संयुताम् । अवतीर्य ततः स्वन्नं प्रादादतिथये तदा

dadhyodanasamāyuktāṁ varddhamānena saṁyutām avatīrya tataḥ svannaṁ prādādatithaye tadā

दही-भात से युक्त और मिठाइयों सहित। वहाँ उतरकर, अपना वह अन्न उसने उस अतिथि को अर्पित किया।

श्लोक 33 (padma.6.69.33)

स तत्राशनमात्रेण परं तृप्तित्वमागतः । वितृष्णो विज्वरश्चैव क्षणेन समपद्यत

sa tatrāśanamātreṇa paraṁ tṛptitvamāgataḥ vitṛṣṇo vijvaraścaiva kṣaṇena samapadyata

उस भोजन को खाने मात्र से वह वणिक अत्यंत तृप्त हो गया; क्षणभर में ही उसकी प्यास और उसका ज्वर दूर हो गया।

श्लोक 34 (padma.6.69.34)

ततश्च प्रेताः संप्राप्ताः सोऽस्माद्भागं क्रमाद्ददौ । दध्योदनात्सपानीयात्प्रेतास्तृप्तिं परां गताः

tataśca pretāḥ saṁprāptāḥ so'smādbhāgaṁ kramāddadau dadhyodanātsapānīyātpretāstṛptiṁ parāṁ gatāḥ

तत्पश्चात् अन्य प्रेत भी वहाँ आ पहुँचे, और उसने क्रम से उन्हें भी उस भोजन का भाग दिया; दही-भात और जल से वे प्रेत भी परम तृप्ति को प्राप्त हुए।

श्लोक 35 (padma.6.69.35)

अतिथिं तर्पयित्वा तु प्रेतलोकं च सर्वतः । ततः स्वयं स बुभुजे भुक्तशेषं यथासुखम्

atithiṁ tarpayitvā tu pretalokaṁ ca sarvataḥ tataḥ svayaṁ sa bubhuje bhuktaśeṣaṁ yathāsukham

अतिथि को तृप्त करके और सब ओर से प्रेत-समूह को भी तृप्त करके, तत्पश्चात् उसने स्वयं सुखपूर्वक बचा हुआ भोजन खाया।

श्लोक 36 (padma.6.69.36)

तस्य भुक्तवतः स्वन्नं पानीयं च क्षयं ययौ । प्रेताधिपं ततस्तं वै वणिग्वचनमब्रवीत्

tasya bhuktavataḥ svannaṁ pānīyaṁ ca kṣayaṁ yayau pretādhipaṁ tatastaṁ vai vaṇigvacanamabravīt

उसके भोजन कर लेने पर, वह अन्न और जल समाप्त हो गया; तब उस वणिक ने उस प्रेतों के स्वामी से यह वचन कहा -

श्लोक 37 (padma.6.69.37)

आश्चर्यमेतत्परमं वनेऽस्मिन्प्रतिभाति मे । अन्नं पानं च परमं संप्राप्तं च कुतस्तव

āścaryametatparamaṁ vane'sminpratibhāti me annaṁ pānaṁ ca paramaṁ saṁprāptaṁ ca kutastava

'इस वन में मुझे यह अत्यंत आश्चर्य प्रतीत होता है - यह उत्तम अन्न और जल तुम्हें कहाँ से प्राप्त हुआ?

श्लोक 38 (padma.6.69.38)

स्वल्पेनैव तथान्नेन त्वमेतांस्तु बहूनपि । अतर्पयः कथं त्वेते निर्मांसा भिन्नकुक्षयः

svalpenaiva tathānnena tvametāṁstu bahūnapi atarpayaḥ kathaṁ tvete nirmāṁsā bhinnakukṣayaḥ

तुमने इतने से ही अन्न से इन सबको, जो मांसरहित और खाली उदर वाले हैं, कैसे तृप्त कर दिया?

श्लोक 39 (padma.6.69.39)

कथमस्यां सुघोरायामटव्यां च कृतालयाः । तदेतत्संशयं छिंधि परं कौतूहलं मम

kathamasyāṁ sughorāyāmaṭavyāṁ ca kṛtālayāḥ tadetatsaṁśayaṁ chiṁdhi paraṁ kautūhalaṁ mama

तुम इस अत्यंत घोर वन में यहाँ किस प्रकार निवास करते हो? यह मेरा संशय दूर करो, मुझे इसमें अत्यंत कौतूहल है।'

श्लोक 40 (padma.6.69.40)

एवमुक्तः स वणिजा प्रेतो वचनमब्रवीत् । वाणिज्यसक्तस्य पुरा जन्मातीते ममानघ

evamuktaḥ sa vaṇijā preto vacanamabravīt vāṇijyasaktasya purā janmātīte mamānagha

इस प्रकार वणिक द्वारा पूछे जाने पर उस प्रेत ने यह वचन कहा - 'हे निष्पाप! पूर्व जन्म में वाणिज्य में आसक्त रहते हुए,

श्लोक 41 (padma.6.69.41)

सकले नगरे नास्ति ममान्यो हि दुरात्मकः । धनलोभान्न कस्यापि दत्ता भिक्षा मया तदा

sakale nagare nāsti mamānyo hi durātmakaḥ dhanalobhānna kasyāpi dattā bhikṣā mayā tadā

मेरे समान दुरात्मा समस्त नगर में कोई और न था; धन के लोभ में मैंने कभी किसी को भिक्षा नहीं दी थी।

श्लोक 42 (padma.6.69.42)

सखा चैव ततश्चासीद्ब्राह्मणो गुणवान्मम । श्रावणद्वादशीयोगे मासि भाद्रपदे ततः

sakhā caiva tataścāsīdbrāhmaṇo guṇavānmama śrāvaṇadvādaśīyoge māsi bhādrapade tataḥ

तब मेरा एक गुणवान ब्राह्मण मित्र था; एक बार भाद्रपद मास में, श्रवण-द्वादशी के योग में,

श्लोक 43 (padma.6.69.43)

स कदाचिन्मया सार्द्धं तापीं नाम नदीं ययौ । तस्याश्च संगमः पुण्यो यत्रासीच्चंद्रभागया

sa kadācinmayā sārddhaṁ tāpīṁ nāma nadīṁ yayau tasyāśca saṁgamaḥ puṇyo yatrāsīccaṁdrabhāgayā

वह मेरे साथ तापी नामक नदी गया, जहाँ चंद्रभागा के साथ उसका पुण्यमय संगम था।

श्लोक 44 (padma.6.69.44)

चंद्रभागा चंद्रसुता तापी चैवार्कनंदिनी । तयोः शीतोष्णसलिले प्रविवेश स ह द्विजः

caṁdrabhāgā caṁdrasutā tāpī caivārkanaṁdinī tayoḥ śītoṣṇasalile praviveśa sa ha dvijaḥ

चंद्रभागा चंद्रमा की पुत्री है, और तापी सूर्य की पुत्री है; उन दोनों के शीतल-उष्ण जल में उस ब्राह्मण ने प्रवेश किया।

श्लोक 45 (padma.6.69.45)

श्रवणद्वादशीयोगे नराश्च समुपोषिताः । चंद्रभागा सुतो येन वारिधानीं ददुर्द्विजे

śravaṇadvādaśīyoge narāśca samupoṣitāḥ caṁdrabhāgā suto yena vāridhānīṁ dadurdvije

श्रवण-द्वादशी के योग में मनुष्य उपवास करते हैं; उस समय चंद्रभागा के पुत्र [अर्थात् वहाँ के लोगों] ने उस ब्राह्मण को जल से भरा कलश दिया,

श्लोक 46 (padma.6.69.46)

दध्योदनयुतां सार्द्धं संपूर्णैर्वर्द्धमानकैः । छत्रोपानद्युगं वस्त्रं प्रतिमां च तथा हरेः

dadhyodanayutāṁ sārddhaṁ saṁpūrṇairvarddhamānakaiḥ chatropānadyugaṁ vastraṁ pratimāṁ ca tathā hareḥ

दही-भात सहित, पूर्ण मिठाइयों के साथ, छत्र और जूतों की जोड़ी, वस्त्र, और हरि की एक प्रतिमा भी,

श्लोक 47 (padma.6.69.47)

प्रददौ विप्रमुख्येभ्यो हरस्याग्रे महामते । वित्तसंरक्षणार्थाय तस्यास्तीरे व्रते मया

pradadau vipramukhyebhyo harasyāgre mahāmate vittasaṁrakṣaṇārthāya tasyāstīre vrate mayā

हे महामते! वह श्रेष्ठ ब्राह्मणों को शिव के सामने अर्पित करता था। धन की रक्षा के लिए मैंने उसके तट पर,

श्लोक 48 (padma.6.69.48)

सोपवासेन दत्तैका वारिधानी मनोरमा । तत्कृत्वाहं गृहं प्राप्तः ततः कालेन केनचित्

sopavāsena dattaikā vāridhānī manoramā tatkṛtvāhaṁ gṛhaṁ prāptaḥ tataḥ kālena kenacit

उपवास सहित एक ही मनोहर वारिधानी (जल-कलश) दान की। ऐसा करके मैं घर लौट आया, फिर कुछ समय बाद,

श्लोक 49 (padma.6.69.49)

पंचत्त्वमहमासाद्य नास्तिक्यात्प्रेततां गतः । अस्यामटव्यां घोरायां यथा ह्यहिकुलं तथा

paṁcattvamahamāsādya nāstikyātpretatāṁ gataḥ asyāmaṭavyāṁ ghorāyāṁ yathā hyahikulaṁ tathā

मृत्यु को प्राप्त होकर नास्तिकता के कारण मैं प्रेत-भाव को प्राप्त हुआ, इस घोर वन में, जो सर्पों के समूह जैसा है।

श्लोक 50 (padma.6.69.50)

श्रवणद्वादशीयोगे वारिधान्यर्पिता मया । सेयं मध्याह्नसमये लभ्यते च दिनेदिने

śravaṇadvādaśīyoge vāridhānyarpitā mayā seyaṁ madhyāhnasamaye labhyate ca dinedine

श्रवण-द्वादशी के योग में जो वारिधानी मैंने अर्पित की थी, वही मुझे यहाँ मध्याह्न के समय प्रतिदिन प्राप्त होती है।

श्लोक 51 (padma.6.69.51)

ब्रह्मस्वरूपिणः सर्वे पापाः प्रेतत्वमागताः । परदारगताः केचित्स्वामिद्रोहरताश्च ये

brahmasvarūpiṇaḥ sarve pāpāḥ pretatvamāgatāḥ paradāragatāḥ kecitsvāmidroharatāśca ye

ब्रह्म-स्वरूप ये सब पापी प्रेतत्व को प्राप्त हुए हैं - कुछ परस्त्रीगामी, कुछ अपने स्वामी से द्रोह करने वाले,

श्लोक 52 (padma.6.69.52)

भूतप्रेतजरूपेण ते जाता ह्यत्र मानवाः । देशे मरुस्थले त्वस्मिन्ममैते मित्रतां गताः

bhūtapretajarūpeṇa te jātā hyatra mānavāḥ deśe marusthale tvasminmamaite mitratāṁ gatāḥ

ऐसे मनुष्य ही भूत-प्रेत के रूप में यहाँ जन्मे हैं। इस मरुस्थल प्रदेश में ये मेरे मित्र बन गए हैं।

श्लोक 53 (padma.6.69.53)

अक्षयो भगवान्विष्णुः परमात्मा सनातनः । दीयते यत्समुद्दिश्य ह्यक्षयं तत्प्रकीर्तनम्

akṣayo bhagavānviṣṇuḥ paramātmā sanātanaḥ dīyate yatsamuddiśya hyakṣayaṁ tatprakīrtanam

भगवान विष्णु अक्षय, परमात्मा और सनातन हैं; जो कुछ उन्हें लक्ष्य करके दिया जाता है, वह भी अक्षय ही कहलाता है।

श्लोक 54 (padma.6.69.54)

अक्षयेनापि चान्नेन तृप्ता एते पुनः पुनः । प्रेतत्वभावं दौर्बल्यं न विमुंचति कर्हिचित्

akṣayenāpi cānnena tṛptā ete punaḥ punaḥ pretatvabhāvaṁ daurbalyaṁ na vimuṁcati karhicit

उस अक्षय अन्न से भी ये बार-बार तृप्त होकर भी, प्रेत-भाव की दुर्बलता को कभी नहीं छोड़ पाते।

श्लोक 55 (padma.6.69.55)

पूजयित्वाहमन्नैस्त्वामतिथिं समुपस्थितम् । प्रेतभावाद्विनिर्मुक्तो यास्यामि परमां गतिम्

pūjayitvāhamannaistvāmatithiṁ samupasthitam pretabhāvādvinirmukto yāsyāmi paramāṁ gatim

मैं अन्न से तुम्हारी, आए हुए अतिथि की, पूजा करके, प्रेत-भाव से मुक्त होकर परम गति को प्राप्त होऊँगा।

श्लोक 56 (padma.6.69.56)

मया विहीनाः किंत्वेते वनेऽस्मिन्भृशदारुणे । पीडामनुभविष्यंति दारुणां कर्मयोनिजाम्

mayā vihīnāḥ kiṁtvete vane'sminbhṛśadāruṇe pīḍāmanubhaviṣyaṁti dāruṇāṁ karmayonijām

किंतु मेरे बिना ये सब, इस अत्यंत भयंकर वन में, अपने ही कर्म-योनि से उत्पन्न भयंकर पीड़ा को भोगते रहेंगे।

श्लोक 57 (padma.6.69.57)

एतेषां तु महाभाग ममानुग्रहकाम्यया । प्रत्येकं नामगोत्राणि गृह्णीष्व लिखितानि च

eteṣāṁ tu mahābhāga mamānugrahakāmyayā pratyekaṁ nāmagotrāṇi gṛhṇīṣva likhitāni ca

हे महाभाग! इन सबका, मेरे प्रति अनुग्रह की कामना से, प्रत्येक का नाम और गोत्र लिखा हुआ ले लो।

श्लोक 58 (padma.6.69.58)

अस्ति कक्षागता चैव तव संपुटिका शुभा । हिमवंतमथासाद्य तत्र त्वं लप्स्यसे निधिम्

asti kakṣāgatā caiva tava saṁpuṭikā śubhā himavaṁtamathāsādya tatra tvaṁ lapsyase nidhim

तुम्हारी कमरबंद में एक शुभ छोटी थैली है; हिमालय पहुँचकर तुम वहाँ एक निधि प्राप्त करोगे।

श्लोक 59 (padma.6.69.59)

गयाशीर्षं ततो गत्वा श्राद्धं कुरु महामते । इत्याज्ञाप्य स वै प्रेतो वणिजं च यथासुखम्

gayāśīrṣaṁ tato gatvā śrāddhaṁ kuru mahāmate ityājñāpya sa vai preto vaṇijaṁ ca yathāsukham

तत्पश्चात् गयाशीर्ष जाकर, हे महामते, श्राद्ध करना।' इस प्रकार आज्ञा देकर वह प्रेत उस वणिक को सुखपूर्वक,

श्लोक 60 (padma.6.69.60)

विसर्जयामास तदा स वै प्रायात्समुत्सुकः । समासाद्य गृहं तत्र पश्चात्प्रायाद्धिमालयम्

visarjayāmāsa tadā sa vai prāyātsamutsukaḥ samāsādya gṛhaṁ tatra paścātprāyāddhimālayam

तब विदा कर गया; और वह उत्सुक होकर चल पड़ा। अपने घर पहुँचकर वहाँ [कुछ समय बिताकर] बाद में वह हिमालय की ओर गया।

श्लोक 61 (padma.6.69.61)

ततो दृष्टं निधिं तत्र गृहीत्वा स समागतः । षष्ठांशं प्रतिगृह्याथ गयाशीर्षं ततोऽभ्यगात्

tato dṛṣṭaṁ nidhiṁ tatra gṛhītvā sa samāgataḥ ṣaṣṭhāṁśaṁ pratigṛhyātha gayāśīrṣaṁ tato'bhyagāt

तब वहाँ देखे गए उस निधि को लेकर वह लौट आया; उसका छठा भाग ग्रहण करके वह गयाशीर्ष की ओर गया।

श्लोक 62 (padma.6.69.62)

तत्र गत्वा गयायां स श्राद्धं कृत्वा महामतिः । प्रेतानां तु यथोद्दिष्टं श्राद्धं सम्यग्विधानतः

tatra gatvā gayāyāṁ sa śrāddhaṁ kṛtvā mahāmatiḥ pretānāṁ tu yathoddiṣṭaṁ śrāddhaṁ samyagvidhānataḥ

वहाँ जाकर, गया में, उस महामति ने विधिपूर्वक श्राद्ध किया, प्रेतों के लिए, जैसा निर्देशित किया गया था, विधिपूर्वक सम्यक् श्राद्ध।

श्लोक 63 (padma.6.69.63)

प्रत्येकं नामगोत्राणि गृहीत्वा पिंडमुत्सृजत् । यस्य यस्य भवेच्छ्राद्धं स करोति दिने वणिक्

pratyekaṁ nāmagotrāṇi gṛhītvā piṁḍamutsṛjat yasya yasya bhavecchrāddhaṁ sa karoti dine vaṇik

प्रत्येक का नाम और गोत्र लेकर उसने पिंडदान किया; उस वणिक ने जिस-जिस के लिए श्राद्ध किया, उसी-उसी के लिए वह उस दिन करता गया।

श्लोक 64 (padma.6.69.64)

स स तस्य तदा स्वप्ने दर्शयत्यात्मनस्तनुम् । ब्रवीति च महाभाग प्रसादाद्भवतोऽनघ

sa sa tasya tadā svapne darśayatyātmanastanum bravīti ca mahābhāga prasādādbhavato'nagha

उस-उस व्यक्ति को तब स्वप्न में वह अपना ही शरीर दिखाता था, और कहता था - 'हे महाभाग! हे निष्पाप! आपकी कृपा से,

श्लोक 65 (padma.6.69.65)

प्रेतभावं मया त्यक्तं प्राप्तोऽस्मि परमां गतिम् । एवं कृत्वा विधानेन गयाशीर्षं महामनाः

pretabhāvaṁ mayā tyaktaṁ prāpto'smi paramāṁ gatim evaṁ kṛtvā vidhānena gayāśīrṣaṁ mahāmanāḥ

मैंने प्रेत-भाव को त्याग दिया है और परम गति को प्राप्त हो गया हूँ।' इस प्रकार विधिपूर्वक गयाशीर्ष में यह सब करके, वह महामना,

श्लोक 66 (padma.6.69.66)

पश्चाज्जगाम स्वगृहं विष्णुं ध्यायन्पुनः पुनः । मासि भाद्रपदे प्राप्ते शुक्लपक्षे तथा सुधीः

paścājjagāma svagṛhaṁ viṣṇuṁ dhyāyanpunaḥ punaḥ māsi bhādrapade prāpte śuklapakṣe tathā sudhīḥ

तत्पश्चात् अपने घर लौट गया, बार-बार विष्णु का ध्यान करते हुए। भाद्रपद मास के शुक्ल पक्ष के आने पर, वह बुद्धिमान,

श्लोक 67 (padma.6.69.67)

श्रवणद्वादशीयोगे संगमे सरितां पुनः । जगाम स महाबुद्धिः सर्वोपस्करसंयुतः

śravaṇadvādaśīyoge saṁgame saritāṁ punaḥ jagāma sa mahābuddhiḥ sarvopaskarasaṁyutaḥ

श्रवण-द्वादशी के योग में, पुनः नदियों के संगम में, सब सामग्री सहित उस महाबुद्धिमान ने प्रस्थान किया।

श्लोक 68 (padma.6.69.68)

संगमे सरितां स्नात्वा द्वादशीं तामुपोषितः । तत्र स्नात्वापि दत्त्वा तु पूजयित्वा जनार्दनम्

saṁgame saritāṁ snātvā dvādaśīṁ tāmupoṣitaḥ tatra snātvāpi dattvā tu pūjayitvā janārdanam

नदियों के संगम में स्नान करके उसने उस द्वादशी का उपवास किया; वहाँ स्नान करके, दान देकर, जनार्दन की पूजा करके,

श्लोक 69 (padma.6.69.69)

अनंतरं ब्राह्मणस्य ह्युपहारांस्तदा ददौ । शास्त्रोक्तेनापि विधिना ह्येकचित्तरतोऽपि सः

anaṁtaraṁ brāhmaṇasya hyupahārāṁstadā dadau śāstroktenāpi vidhinā hyekacittarato'pi saḥ

तत्पश्चात् उसने ब्राह्मण को भेंट भी अर्पित की, शास्त्रोक्त विधि से, एकाग्रचित्त होकर भी।

श्लोक 70 (padma.6.69.70)

निवर्त्तयामास तदा वणिजो बुद्धिमान्स वै । वर्षेवर्षे तु संप्राप्ते मासि भाद्रपदे तथा

nivarttayāmāsa tadā vaṇijo buddhimānsa vai varṣevarṣe tu saṁprāpte māsi bhādrapade tathā

उस बुद्धिमान वणिक ने तब [इस व्रत को] संपन्न किया। वर्ष-दर-वर्ष, भाद्रपद मास आने पर,

श्लोक 71 (padma.6.69.71)

श्रवणद्वादशीयोगे संगमे सरितां पुनः । एवं वै कृतवान्सर्वं विष्णुमुद्दिश्य सत्वरम्

śravaṇadvādaśīyoge saṁgame saritāṁ punaḥ evaṁ vai kṛtavānsarvaṁ viṣṇumuddiśya satvaram

श्रवण-द्वादशी के योग में, पुनः नदियों के संगम में, उसने विष्णु को लक्ष्य करके यह सब त्वरित रूप से किया।

श्लोक 72 (padma.6.69.72)

कालेन चातिमहता पंचत्वं समुपागतः । अवाप परमं स्थानं दुर्लभं सर्वमानवैः

kālena cātimahatā paṁcatvaṁ samupāgataḥ avāpa paramaṁ sthānaṁ durlabhaṁ sarvamānavaiḥ

बहुत समय बीतने पर उसने मृत्यु को प्राप्त किया, और सब मनुष्यों के लिए दुर्लभ परम स्थान को प्राप्त हुआ।

श्लोक 73 (padma.6.69.73)

क्रीडतेऽद्यापि वैकुंठे विष्णुदूतैः स सेवितः । एवं कुरु त्वं भो ब्रह्मन्श्रवणद्वादशीव्रतम्

krīḍate'dyāpi vaikuṁṭhe viṣṇudūtaiḥ sa sevitaḥ evaṁ kuru tvaṁ bho brahmanśravaṇadvādaśīvratam

आज भी वह वैकुंठ में विष्णु के दूतों द्वारा सेवित होकर क्रीड़ा करता है। हे ब्रह्मन्! इसी प्रकार तुम भी श्रवण-द्वादशी का यह व्रत करो,

श्लोक 74 (padma.6.69.74)

सर्वसौभाग्यदं चैव इह लोके परत्र च । सुबुद्धिजननं चैव सर्वपापहरं परम्

sarvasaubhāgyadaṁ caiva iha loke paratra ca subuddhijananaṁ caiva sarvapāpaharaṁ param

जो इस लोक और परलोक दोनों में सब सौभाग्य देने वाला है, तथा सुबुद्धि उत्पन्न करने वाला और सब पापों को हरने वाला परम व्रत है।

श्लोक 75 (padma.6.69.75)

श्रवणद्वादशीयोगे यः कुर्याद्व्रतमीदृशम् । व्रतस्यास्य प्रभावेन विष्णुलोकं च गच्छति

śravaṇadvādaśīyoge yaḥ kuryādvratamīdṛśam vratasyāsya prabhāvena viṣṇulokaṁ ca gacchati

जो कोई श्रवण-द्वादशी के योग में इस प्रकार का व्रत करता है, वह इस व्रत के प्रभाव से विष्णुलोक को जाता है।