आभ्युदयिक ऊर्ध्वदैहिक स्तोत्र

श्लोक 1 (padma.6.76.1)

महादेव उवाच- शृणु सुंदरि वक्ष्यामि स्तोत्रं चाभ्युदयं ततः । यच्छ्रुत्वा मुच्यते पापी ब्रह्महा नात्र संशयः

mahādeva uvāca- śṛṇu suṁdari vakṣyāmi stotraṁ cābhyudayaṁ tataḥ yacchrutvā mucyate pāpī brahmahā nātra saṁśayaḥ

महादेव ने कहा - हे सुंदरि! सुनो, अब मैं वह अभ्युदय-स्तोत्र कहता हूँ, जिसे सुनकर पापी और ब्रह्महत्यारा भी मुक्त हो जाता है, इसमें कोई संशय नहीं।

श्लोक 2 (padma.6.76.2)

धाता वै नारदं प्राह तदहं तु ब्रवीमि ते । तमुवाच ततो देवः स्वयंभूरमितद्युतिः

dhātā vai nāradaṁ prāha tadahaṁ tu bravīmi te tamuvāca tato devaḥ svayaṁbhūramitadyutiḥ

धाता (ब्रह्मा) ने यह नारद से कहा था, वही मैं तुम्हें बताता हूँ। तब अनंत तेजस्वी स्वयंभू देव [ब्रह्मा] ने उनसे [राम से] यह कहा -

श्लोक 3 (padma.6.76.3)

प्रगृह्य रुचिरं बाहुं स्मारयेच्चौर्ध्वदेहिकम् । भगवान्नारायणः श्रीमान्देवश्चक्रायुधोहरिः

pragṛhya ruciraṁ bāhuṁ smārayeccaurdhvadehikam bhagavānnārāyaṇaḥ śrīmāndevaścakrāyudhohariḥ

उनकी सुंदर भुजा को पकड़कर, उन्हें उनके ऊर्ध्व-दैहिक (परम दिव्य) स्वरूप का स्मरण कराते हुए - 'आप भगवान नारायण हैं, श्रीमान देव हैं, चक्र-आयुध वाले हरि हैं,

श्लोक 4 (padma.6.76.4)

शार्ङ्गधारी हृषीकेशः पुराणपुरुषोत्तमः । अजितः खड्गभृज्जिष्णुः कृष्णश्चैव सनातनः

śārṅgadhārī hṛṣīkeśaḥ purāṇapuruṣottamaḥ ajitaḥ khaḍgabhṛjjiṣṇuḥ kṛṣṇaścaiva sanātanaḥ

शार्ङ्ग-धनुर्धारी, हृषीकेश, प्राचीन पुरुषोत्तम हैं; अजित, खड्गधारी, विजयी, कृष्ण, सनातन हैं।

श्लोक 5 (padma.6.76.5)

एकशृंगो वराहस्त्वं भूतभव्यभवात्मकः । अक्षरं ब्रह्म सत्यं तु आदौ चांते च राघवः

ekaśṛṁgo varāhastvaṁ bhūtabhavyabhavātmakaḥ akṣaraṁ brahma satyaṁ tu ādau cāṁte ca rāghavaḥ

आप एक सींग वाले वराह हैं, भूत-भविष्य-वर्तमान के स्वरूप हैं; अक्षर ब्रह्म, सत्य हैं, आदि में भी और अंत में भी राघव हैं।

श्लोक 6 (padma.6.76.6)

लोकानां तु परो धर्मो विष्वक्सेनश्चतुर्भुजः । सेनानी रक्षणस्त्वं च वैकुंठस्त्वं जगत्प्रभुः

lokānāṁ tu paro dharmo viṣvaksenaścaturbhujaḥ senānī rakṣaṇastvaṁ ca vaikuṁṭhastvaṁ jagatprabhuḥ

लोकों का परम धर्म हैं, विष्वक्सेन, चतुर्भुज हैं; सेनापति, रक्षक हैं, वैकुंठ हैं, जगत् के स्वामी हैं।

श्लोक 7 (padma.6.76.7)

प्रभवश्चाव्ययस्त्वं च उपेंद्रो मधुसूदनः । पृश्निगर्भो धृतार्चिस्त्वं पद्मनाभो रणांतकृत्

prabhavaścāvyayastvaṁ ca upeṁdro madhusūdanaḥ pṛśnigarbho dhṛtārcistvaṁ padmanābho raṇāṁtakṛt

उत्पत्ति के कारण और अविनाशी हैं, उपेंद्र, मधुसूदन हैं; पृश्नि के गर्भ से उत्पन्न, तेजस्वी, पद्मनाभ, युद्ध का अंत करने वाले हैं।

श्लोक 8 (padma.6.76.8)

शरण्यं शरणं च त्वामाहुः सेन्द्रा महर्षयः । ऋक्सामश्रेष्ठो वेदात्मा शतजिह्वो महर्षयः

śaraṇyaṁ śaraṇaṁ ca tvāmāhuḥ sendrā maharṣayaḥ ṛksāmaśreṣṭho vedātmā śatajihvo maharṣayaḥ

इंद्र सहित महर्षि आपको ही शरण देने योग्य और शरण कहते हैं; ऋक्-साम में श्रेष्ठ, वेद के आत्मा, शत-जिह्व, महर्षि-स्वरूप हैं।

श्लोक 9 (padma.6.76.9)

त्वं यज्ञस्त्वं वषट्कारस्त्वमोंकारः परंतपः । शतधन्वा वसुः पूर्वं वसूनां त्वं प्रजापतिः

tvaṁ yajñastvaṁ vaṣaṭkārastvamoṁkāraḥ paraṁtapaḥ śatadhanvā vasuḥ pūrvaṁ vasūnāṁ tvaṁ prajāpatiḥ

आप ही यज्ञ हैं, आप ही वषट्कार हैं, आप ही ओंकार, शत्रुओं को संताप देने वाले हैं; प्राचीन काल में शतधन्वा वसु थे, वसुओं के प्रजापति हैं।

श्लोक 10 (padma.6.76.10)

त्रयाणामपि लोकानां आदिकर्ता स्वयंप्रभुः । रुद्राणामष्टमो रुद्रः साध्यानामपि पंचमः

trayāṇāmapi lokānāṁ ādikartā svayaṁprabhuḥ rudrāṇāmaṣṭamo rudraḥ sādhyānāmapi paṁcamaḥ

तीनों लोकों के आदि-कर्ता, स्वयं-प्रभु हैं; रुद्रों में आठवें रुद्र और साध्यों में भी पाँचवें हैं।

श्लोक 11 (padma.6.76.11)

आश्विनौ चापि कर्णौ ते सूर्यचंद्रौ च चक्षुषी । अंते चादौ च मध्ये च दृश्यसे त्वं परंतपः

āśvinau cāpi karṇau te sūryacaṁdrau ca cakṣuṣī aṁte cādau ca madhye ca dṛśyase tvaṁ paraṁtapaḥ

अश्विनी-कुमार आपके दोनों कान हैं, सूर्य और चंद्र आपके दोनों नेत्र हैं; अंत में, आदि में और मध्य में भी, हे शत्रु-संतापी, आप ही दिखाई देते हैं।

श्लोक 12 (padma.6.76.12)

प्रभवो निधनं चास्य न विदुः को भवानिति । दृश्यसे सर्वलोकेषु गोषु च ब्रह्मणेषु च

prabhavo nidhanaṁ cāsya na viduḥ ko bhavāniti dṛśyase sarvalokeṣu goṣu ca brahmaṇeṣu ca

आपके प्रादुर्भाव और अंत को कोई नहीं जानता कि आप कौन हैं। आप सब लोकों में, गौओं में और ब्राह्मणों में भी दिखाई देते हैं,

श्लोक 13 (padma.6.76.13)

दिक्षु सर्वासु गगने पर्वतेषु गुहासु च । सहस्रनयनः श्रीमाञ्छतशीर्षः सहस्रपात्

dikṣu sarvāsu gagane parvateṣu guhāsu ca sahasranayanaḥ śrīmāñchataśīrṣaḥ sahasrapāt

सब दिशाओं में, आकाश में, पर्वतों में और गुफाओं में भी; सहस्र-नेत्र, श्रीमान, शत-शीर्ष, सहस्र-पाद हैं।

श्लोक 14 (padma.6.76.14)

त्वं धारयसि भूतानि वसुधां च सपर्वताम् । अंतःपृथिव्यां सलिले सर्वसत्वमहोरगः

tvaṁ dhārayasi bhūtāni vasudhāṁ ca saparvatām aṁtaḥpṛthivyāṁ salile sarvasatvamahoragaḥ

आप ही समस्त प्राणियों को और पर्वतों सहित पृथ्वी को धारण करते हैं; पृथ्वी के भीतर, जल में, आप ही समस्त प्राणियों के महान सर्प-स्वरूप हैं।

श्लोक 15 (padma.6.76.15)

त्रींल्लोकान्धारयन्नास्ते देवगंधर्वदानवान् । अहं ते हृदयं राम जिह्वा देवी सरस्वती

trīṁllokāndhārayannāste devagaṁdharvadānavān ahaṁ te hṛdayaṁ rāma jihvā devī sarasvatī

तीनों लोकों को धारण करते हुए, देवताओं, गंधर्वों और दानवों को भी धारण करते हुए स्थित रहते हैं। हे राम! मैं आपका हृदय हूँ, देवी सरस्वती आपकी जिह्वा हैं,

श्लोक 16 (padma.6.76.16)

देवा रोमाणि गात्रेषु निर्मितास्ते स्वमायया । निमिषस्ते स्मृता रात्रिरुन्मेषो दिवसस्तथा

devā romāṇi gātreṣu nirmitāste svamāyayā nimiṣaste smṛtā rātrirunmeṣo divasastathā

देवता आपकी अपनी ही माया से आपके शरीर के रोम-रूप में निर्मित हुए हैं; आपकी पलक झपकना रात्रि मानी गई है, और पलक खुलना दिन।

श्लोक 17 (padma.6.76.17)

संस्कारस्ते भवेद्देहो न तदस्ति विना त्वया । जगत्सर्वं शरीरे तत्स्थैर्यं च वसुधातलम्

saṁskāraste bhaveddeho na tadasti vinā tvayā jagatsarvaṁ śarīre tatsthairyaṁ ca vasudhātalam

आपका शरीर ही सब संस्कारों का आधार है, आपके बिना वह कुछ भी नहीं है; समस्त जगत् आपके शरीर में है, और उसकी स्थिरता ही यह पृथ्वी-तल है।

श्लोक 18 (padma.6.76.18)

अग्निः कोपः प्रसादस्ते शेषः श्रीमांश्च लक्ष्मणः । त्वया लोकास्त्रयः क्रांताः पुराणैर्विक्रमैस्त्रिभिः

agniḥ kopaḥ prasādaste śeṣaḥ śrīmāṁśca lakṣmaṇaḥ tvayā lokāstrayaḥ krāṁtāḥ purāṇairvikramaistribhiḥ

अग्नि आपका क्रोध है, आपकी प्रसन्नता शेषनाग हैं, और श्रीमान लक्ष्मण भी [शेष के अंश] हैं; आपने ही तीन प्राचीन पगों से तीनों लोकों को नाप लिया।

श्लोक 19 (padma.6.76.19)

त्वयेंद्रश्च कृतो राजा बलिर्बद्धो महासुरः । लोकान्संहृत्य कालस्त्वं निवेश्यात्मनि केवलम्

tvayeṁdraśca kṛto rājā balirbaddho mahāsuraḥ lokānsaṁhṛtya kālastvaṁ niveśyātmani kevalam

आपने ही इंद्र को राजा बनाया, और महासुर बलि को बाँध दिया; लोकों को समेटकर, हे काल-स्वरूप, आप उन्हें केवल अपने ही भीतर स्थापित कर लेते हैं।

श्लोक 20 (padma.6.76.20)

करोष्येकार्णवं घोरं दृश्यादृश्ये च नान्यथा । त्वया सिंहवपुः कृत्वा परमं दिव्यमुत्तमम्

karoṣyekārṇavaṁ ghoraṁ dṛśyādṛśye ca nānyathā tvayā siṁhavapuḥ kṛtvā paramaṁ divyamuttamam

आप भयंकर एकार्णव (एक ही महासागर) बना देते हैं, जो दृश्य और अदृश्य दोनों को [लीन कर लेता है], अन्यथा नहीं; आपने ही परम, दिव्य, उत्तम सिंह का शरीर धारण करके,

श्लोक 21 (padma.6.76.21)

भयदः सर्वभूतानां हिरण्यकशिपुर्हतः । त्वमश्ववदनो भूत्वा पातालतलमाश्रितः

bhayadaḥ sarvabhūtānāṁ hiraṇyakaśipurhataḥ tvamaśvavadano bhūtvā pātālatalamāśritaḥ

समस्त प्राणियों को भयभीत करने वाले हिरण्यकशिपु का वध किया। आप ही अश्व-मुखधारी (हयग्रीव) बनकर पाताल-तल का आश्रय लेते हैं,

श्लोक 22 (padma.6.76.22)

संहृतं परमं हव्यं रहस्यं वै पुनः पुनः । यत्परं श्रूयते ज्योतिर्यत्परं श्रूयते परः

saṁhṛtaṁ paramaṁ havyaṁ rahasyaṁ vai punaḥ punaḥ yatparaṁ śrūyate jyotiryatparaṁ śrūyate paraḥ

और उस परम हव्य (वेद) को, जो बार-बार चुराया गया गुह्य रहस्य था, पुनः प्राप्त करते हैं। जो परम ज्योति सुनी जाती है, जो सबसे परे परतत्त्व सुना जाता है,

श्लोक 23 (padma.6.76.23)

यत्परं परतश्चै वपरमात्मेति कथ्यते । परो मंत्रः परं तेजस्तमेव हि निगद्यसे

yatparaṁ parataścai vaparamātmeti kathyate paro maṁtraḥ paraṁ tejastameva hi nigadyase

जो परे से भी परे और 'परमात्मा' कहा जाता है, वही परम मंत्र, परम तेज - वही आप ही कहे जाते हैं।

श्लोक 24 (padma.6.76.24)

हव्यं कव्यं पवित्रं च प्राप्तिः स्वर्गापवर्गयोः । स्थित्युत्पत्तिविनाशांस्ते त्वामाहुः प्रकृतेः परम्

havyaṁ kavyaṁ pavitraṁ ca prāptiḥ svargāpavargayoḥ sthityutpattivināśāṁste tvāmāhuḥ prakṛteḥ param

हव्य, कव्य, पवित्रता, स्वर्ग और मोक्ष दोनों की प्राप्ति, स्थिति, उत्पत्ति और विनाश - इन सबको वे प्रकृति से भी परे, आप ही कहते हैं।

श्लोक 25 (padma.6.76.25)

यज्ञश्च यजमानश्च होता चाध्वर्युरेव च । भोक्ता यज्ञफलानां च त्वं वै वेदैश्च गीयसे

yajñaśca yajamānaśca hotā cādhvaryureva ca bhoktā yajñaphalānāṁ ca tvaṁ vai vedaiśca gīyase

यज्ञ, यजमान, होता और अध्वर्यु भी आप ही हैं; यज्ञ के फलों के भोक्ता भी आप ही हैं, वेदों द्वारा आप ही गाए जाते हैं।

श्लोक 26 (padma.6.76.26)

सीतालक्ष्मीर्भवान्विष्णुर्देवः कृष्णः प्रजापतिः । वधार्थं रावणस्य त्वं प्रविष्टो मानुषीं तनुम्

sītālakṣmīrbhavānviṣṇurdevaḥ kṛṣṇaḥ prajāpatiḥ vadhārthaṁ rāvaṇasya tvaṁ praviṣṭo mānuṣīṁ tanum

सीता स्वयं लक्ष्मी हैं, आप स्वयं विष्णु देव, कृष्ण, प्रजापति हैं; रावण के वध के लिए ही आपने मनुष्य-शरीर में प्रवेश किया।

श्लोक 27 (padma.6.76.27)

तदिदं च त्वया कार्यं कृतं धर्मभृतां वर । निहतो रावणो राम प्रहृष्टा देवताः कृताः

tadidaṁ ca tvayā kāryaṁ kṛtaṁ dharmabhṛtāṁ vara nihato rāvaṇo rāma prahṛṣṭā devatāḥ kṛtāḥ

हे धर्मधारियों में श्रेष्ठ! यह कार्य अब आपके द्वारा पूर्ण हो चुका है। हे राम! रावण मारा गया, और देवता हर्षित हो गए हैं।

श्लोक 28 (padma.6.76.28)

अमोघं देववीर्यं ते न ते मोघः पराक्रमः । अमोघदर्शनं राम न च मोघस्तव स्तवः

amoghaṁ devavīryaṁ te na te moghaḥ parākramaḥ amoghadarśanaṁ rāma na ca moghastava stavaḥ

आपका दिव्य पराक्रम अमोघ है, आपका बल कभी व्यर्थ नहीं जाता; हे राम! आपका दर्शन भी अमोघ है, और आपकी यह स्तुति भी कभी व्यर्थ नहीं जाएगी।

श्लोक 29 (padma.6.76.29)

अमोघास्ते भविष्यंति भक्तिमंतो नरा भुवि । ये च त्वां देव संभक्ताःपुराणं पुरुषोत्तमम्

amoghāste bhaviṣyaṁti bhaktimaṁto narā bhuvi ye ca tvāṁ deva saṁbhaktāḥpurāṇaṁ puruṣottamam

इस पृथ्वी पर जो भक्तिमान मनुष्य होंगे, वे भी अमोघ (सफल) होंगे - जो लोग, हे देव, आपकी, उस प्राचीन पुरुषोत्तम की, सम्यक् भक्ति करते हैं।

श्लोक 30 (padma.6.76.30)

इममार्षस्तवं पुण्यमितिहासं पुरातनम् । ये नराः कीर्तयिष्यंति नास्ति तेषां पराभवः

imamārṣastavaṁ puṇyamitihāsaṁ purātanam ye narāḥ kīrtayiṣyaṁti nāsti teṣāṁ parābhavaḥ

इस पुण्यमय, प्राचीन, ऋषि-कथित स्तवन और इतिहास का जो मनुष्य कीर्तन करेंगे, उनकी कभी पराजय नहीं होगी।

श्लोक 31 (padma.6.76.31)

कथमिह हि पराभवं व्रजेयुः पुरुषवराः पुरुषोत्तमे हि भक्ताः । नहि जगति चतुर्भुजप्रियाणां त्रिदश इहास्ति वरप्रदो विशिष्टः

kathamiha hi parābhavaṁ vrajeyuḥ puruṣavarāḥ puruṣottame hi bhaktāḥ nahi jagati caturbhujapriyāṇāṁ tridaśa ihāsti varaprado viśiṣṭaḥ

पुरुषोत्तम के भक्त, श्रेष्ठ पुरुष, इस लोक में पराजय को कैसे प्राप्त हो सकते हैं? क्योंकि जगत् में चतुर्भुज [विष्णु] के प्रियजनों के लिए इससे बढ़कर वर देने वाला और कोई देवता नहीं है।

श्लोक 32 (padma.6.76.32)

स्तोत्राणां प्रवरं स्तोत्रं राघवस्य महात्मनः । त्रिकाले यः पठेन्नित्यं महापातकवानपि

stotrāṇāṁ pravaraṁ stotraṁ rāghavasya mahātmanaḥ trikāle yaḥ paṭhennityaṁ mahāpātakavānapi

महात्मा राघव का यह स्तोत्र सब स्तोत्रों में श्रेष्ठ है। जो मनुष्य, चाहे महापापी भी हो, इसे नित्य तीनों समयों (काल-त्रय) में पढ़ता है,

श्लोक 33 (padma.6.76.33)

संध्याकाले द्विजश्रेष्ठैः श्राद्धकाले विशेषतः । पठनीयं प्रयत्नेन भक्तिभावेन चेतसा

saṁdhyākāle dvijaśreṣṭhaiḥ śrāddhakāle viśeṣataḥ paṭhanīyaṁ prayatnena bhaktibhāvena cetasā

श्रेष्ठ द्विजों को संध्या-काल में, और विशेष रूप से श्राद्ध-काल में, यत्नपूर्वक भक्ति-भाव से मन में इसे पढ़ना चाहिए।

श्लोक 34 (padma.6.76.34)

इदं गोप्यं हि परमं नाख्येयं कर्हिचित्क्वचित् । पठनान्मुक्तिमाप्नोति सात्त्वतः स भवेद्ध्रुवम्

idaṁ gopyaṁ hi paramaṁ nākhyeyaṁ karhicitkvacit paṭhanānmuktimāpnoti sāttvataḥ sa bhaveddhruvam

यह अत्यंत गुप्त रहस्य है, इसे कभी भी, कहीं भी उजागर नहीं करना चाहिए। इसे पढ़ने से मुक्ति प्राप्त होती है, वह मनुष्य निश्चय ही सात्त्विक हो जाता है।

श्लोक 35 (padma.6.76.35)

प्रथमं पिंडपूजांते ब्राह्मणैर्द्विजसत्तमैः । पठितव्यमिदं स्तोत्रं श्राद्धमक्षयमाप्नुयात्

prathamaṁ piṁḍapūjāṁte brāhmaṇairdvijasattamaiḥ paṭhitavyamidaṁ stotraṁ śrāddhamakṣayamāpnuyāt

सबसे पहले, पिंड-पूजा के अंत में, श्रेष्ठ ब्राह्मणों द्वारा यह स्तोत्र पढ़ा जाना चाहिए; इससे श्राद्ध अक्षय हो जाता है।

श्लोक 36 (padma.6.76.36)

इदं पवित्रं परमं जनानां मुक्तिदायकम् । लिखित्वा वै गृहे यस्तु धारयेत्सुसमाधिना

idaṁ pavitraṁ paramaṁ janānāṁ muktidāyakam likhitvā vai gṛhe yastu dhārayetsusamādhinā

यह परम पवित्र है, लोगों को मुक्ति देने वाला है। जो कोई इसे लिखकर घर में पूर्ण एकाग्रता के साथ धारण करता है,

श्लोक 37 (padma.6.76.37)

आयुः श्रीश्च बलं तस्य वृद्धिं याति दिनेदिने । लिखित्वा ब्राह्मणे दद्याद्धीमान्यो वै कदाचन

āyuḥ śrīśca balaṁ tasya vṛddhiṁ yāti dinedine likhitvā brāhmaṇe dadyāddhīmānyo vai kadācana

उसकी आयु, श्री और बल दिन-प्रतिदिन बढ़ते जाते हैं। जो बुद्धिमान इसे लिखकर किसी भी समय ब्राह्मण को दान करता है,

श्लोक 38 (padma.6.76.38)

विमुक्ताः पूर्वजास्तस्य यांति विष्णोः परं पदम् । चतुर्णां चैव वेदानां पाठे चैव तु यत्फलम्

vimuktāḥ pūrvajāstasya yāṁti viṣṇoḥ paraṁ padam caturṇāṁ caiva vedānāṁ pāṭhe caiva tu yatphalam

उसके पूर्वज मुक्त होकर विष्णु के परम पद को प्राप्त करते हैं। चारों वेदों के पाठ से जो फल प्राप्त होता है,

श्लोक 39 (padma.6.76.39)

समवाप्नोति जापेन नरः स्तोत्रं पठन्जपन् । धृत्वा वै शंखचक्रादि ब्राह्मणैर्वेदतत्परैः

samavāpnoti jāpena naraḥ stotraṁ paṭhanjapan dhṛtvā vai śaṁkhacakrādi brāhmaṇairvedatatparaiḥ

वही फल मनुष्य इस स्तोत्र को जपने और पढ़ने से जप-मात्र से प्राप्त कर लेता है। वेद-तत्पर ब्राह्मणों द्वारा शंख-चक्र आदि धारण करने पर,

श्लोक 40 (padma.6.76.40)

श्राद्धकाले महादेवि अक्षयं तद्भवेद्ध्रुवम् । कंठे पद्माक्षमालां च शंखचक्रादिधारणम्

śrāddhakāle mahādevi akṣayaṁ tadbhaveddhruvam kaṁṭhe padmākṣamālāṁ ca śaṁkhacakrādidhāraṇam

हे महादेवी! श्राद्ध-काल में वह निश्चय ही अक्षय हो जाता है। कंठ में पद्माक्ष (कमल-बीज) की माला और शंख-चक्र आदि धारण करके,

श्लोक 41 (padma.6.76.41)

ततः श्राद्धं प्रकुर्वीत इदं स्तोत्रं पठन्जपन् । विधिना भक्तिभावेन पूर्णं भवति नान्यथा

tataḥ śrāddhaṁ prakurvīta idaṁ stotraṁ paṭhanjapan vidhinā bhaktibhāvena pūrṇaṁ bhavati nānyathā

तत्पश्चात् इस स्तोत्र को पढ़ते और जपते हुए श्राद्ध करना चाहिए; विधिपूर्वक और भक्ति-भाव से ही वह पूर्ण होता है, अन्यथा नहीं।

श्लोक 42 (padma.6.76.42)

अतो भक्तिमता पुंसा पठनीयं प्रयत्नतः । पठनात्सर्वमाप्नोति स नरः सुखमेधते

ato bhaktimatā puṁsā paṭhanīyaṁ prayatnataḥ paṭhanātsarvamāpnoti sa naraḥ sukhamedhate

इसलिए भक्तिमान पुरुष को यत्नपूर्वक इसे पढ़ना चाहिए। इसे पढ़ने से मनुष्य सब कुछ प्राप्त कर लेता है, और वह सुख में वृद्धि पाता है।