वैष्णव-लक्षण

श्लोक 1 (padma.6.82.1)

पार्वत्युवाच । वैष्णवानां लक्षणं च कीदृशं प्रतिपादितम् । महिमा कीदृशश्चैव वद विश्वेश्वर प्रभो

pārvatyuvāca vaiṣṇavānāṁ lakṣaṇaṁ ca kīdṛśaṁ pratipāditam mahimā kīdṛśaścaiva vada viśveśvara prabho

पार्वती ने कहा - वैष्णवों का क्या लक्षण बताया गया है, और उनकी क्या महिमा है? हे विश्वेश्वर! हे प्रभो! यह बताइए।

श्लोक 2 (padma.6.82.2)

महादेव उवाच । विष्णोरयं यतः प्रोक्तो ह्यतो वै वैष्णवो मतः । सर्वस्यादिस्तु विज्ञेयो ब्रह्मारूपधरस्ततः

mahādeva uvāca viṣṇorayaṁ yataḥ prokto hyato vai vaiṣṇavo mataḥ sarvasyādistu vijñeyo brahmārūpadharastataḥ

महादेव ने कहा - चूँकि यह शब्द विष्णु से बना है, इसलिए वैष्णव कहा जाता है। विष्णु को ही सबका आदि जानना चाहिए, उनके बाद ब्रह्मा का रूप धारण करने वाले आते हैं।

श्लोक 3 (padma.6.82.3)

यतः सकाशात्संजाता ब्राह्मणा वेदपारगाः । ते वैष्णवास्तु विज्ञेया नैवान्ये तु कदाचन

yataḥ sakāśātsaṁjātā brāhmaṇā vedapāragāḥ te vaiṣṇavāstu vijñeyā naivānye tu kadācana

जिनसे वेदपारंगत ब्राह्मण उत्पन्न हुए, वे ही वैष्णव जानने योग्य हैं; अन्य कोई कभी नहीं।

श्लोक 4 (padma.6.82.4)

शौचसत्यक्षांतियुक्तो रागद्वेषविवर्जितः । वेदविद्याविचारज्ञो यः स वैष्णव उच्यते

śaucasatyakṣāṁtiyukto rāgadveṣavivarjitaḥ vedavidyāvicārajño yaḥ sa vaiṣṇava ucyate

जो पवित्रता, सत्य और क्षमा से युक्त है, राग-द्वेष से रहित है, तथा वेदविद्या के विवेचन का ज्ञाता है, वही वैष्णव कहलाता है।

श्लोक 5 (padma.6.82.5)

अग्निहोत्ररतो नित्यं नित्यं चातिथिपूजकः । पितृभक्तो मातृभक्तः स वै वैष्णव उच्यते

agnihotrarato nityaṁ nityaṁ cātithipūjakaḥ pitṛbhakto mātṛbhaktaḥ sa vai vaiṣṇava ucyate

जो सदा अग्निहोत्र में रत है, सदा अतिथि-पूजक है, पितृभक्त और मातृभक्त है, वही वैष्णव कहलाता है।

श्लोक 6 (padma.6.82.6)

दयाधर्मेण संयुक्तस्तथा पापपराङ्मुखः । शंखचक्रांकितोयो वै स वै वैष्णव उच्यते

dayādharmeṇa saṁyuktastathā pāpaparāṅmukhaḥ śaṁkhacakrāṁkitoyo vai sa vai vaiṣṇava ucyate

जो दया-धर्म से युक्त है, पाप से विमुख है और शंख-चक्र के चिह्नों से अंकित है, वही वैष्णव कहलाता है।

श्लोक 7 (padma.6.82.7)

कंठे मालाधरो यस्तु मुखे रामं सदोच्चरेत् । गानं कुर्यात्सदा भक्त्या स नरो वैष्णवः स्मृतः

kaṁṭhe mālādharo yastu mukhe rāmaṁ sadoccaret gānaṁ kuryātsadā bhaktyā sa naro vaiṣṇavaḥ smṛtaḥ

जो कंठ में माला धारण करता है, मुख से सदा राम-नाम का उच्चारण करता है, और सदा भक्तिपूर्वक गान करता है, वह पुरुष वैष्णव कहा गया है।

श्लोक 8 (padma.6.82.8)

पुराणेषु रता नित्यं यज्ञेषु चरताः सदा । ते नरा वैष्णवा ज्ञेयाः सर्वधर्मेषु संमताः

purāṇeṣu ratā nityaṁ yajñeṣu caratāḥ sadā te narā vaiṣṇavā jñeyāḥ sarvadharmeṣu saṁmatāḥ

जो सदा पुराणों में रत रहते हैं और सदा यज्ञों में तत्पर रहते हैं, वे मनुष्य वैष्णव जानने योग्य हैं, सभी धर्मों में सम्मानित हैं।

श्लोक 9 (padma.6.82.9)

तेषां निंदां प्रकुर्वंति ये नराः पापकारिणः । ते मृतास्तु कुयोनिं वै गच्छंति च पुनः पुनः

teṣāṁ niṁdāṁ prakurvaṁti ye narāḥ pāpakāriṇaḥ te mṛtāstu kuyoniṁ vai gacchaṁti ca punaḥ punaḥ

जो पापी मनुष्य उनकी निंदा करते हैं, वे मरने के बाद बार-बार निकृष्ट योनि को प्राप्त होते हैं।

श्लोक 10 (padma.6.82.10)

गोपालनाम्नीं मूर्तिं च येऽर्चयंति द्विजाः सदा । धातुमात्रमयीं कृत्वा चतुर्हस्तां सुशोभिताम्

gopālanāmnīṁ mūrtiṁ ca ye'rcayaṁti dvijāḥ sadā dhātumātramayīṁ kṛtvā caturhastāṁ suśobhitām

जो द्विज गोपाल नामक मूर्ति की सदा पूजा करते हैं - जो धातु से निर्मित, चार भुजाओं वाली, सुशोभित हो -

श्लोक 11 (padma.6.82.11)

पूजां कुर्वंति ये विप्रास्ते ज्ञेयाः पुण्यभाजिनः । कृत्वा पाषाणजां मूर्तिं कृष्णाख्यां रूपसुंदरीम्

pūjāṁ kurvaṁti ye viprāste jñeyāḥ puṇyabhājinaḥ kṛtvā pāṣāṇajāṁ mūrtiṁ kṛṣṇākhyāṁ rūpasuṁdarīm

- उन्हें पुण्य के भागी जानना चाहिए। जो पाषाण से निर्मित कृष्ण नामक रूप-सुंदर मूर्ति बनाकर -

श्लोक 12 (padma.6.82.12)

पूजां कुर्वंति ये विप्रास्ते ज्ञेयाः पुण्यमूर्त्तयः । शालग्रामशिला यत्र यत्र द्वारवती शिला

pūjāṁ kurvaṁti ye viprāste jñeyāḥ puṇyamūrttayaḥ śālagrāmaśilā yatra yatra dvāravatī śilā

- उसकी पूजा करते हैं, वे विप्र पुण्यमूर्ति ही जानने चाहिए। जहाँ-जहाँ शालग्राम शिला हो और जहाँ-जहाँ द्वारवती शिला हो -

श्लोक 13 (padma.6.82.13)

उभयोः संगमो यत्र मुक्तिस्तत्र न संशयः । मूर्तिं मंत्रेण संस्थाप्य पूजनं क्रियते यदि

ubhayoḥ saṁgamo yatra muktistatra na saṁśayaḥ mūrtiṁ maṁtreṇa saṁsthāpya pūjanaṁ kriyate yadi

- और जहाँ दोनों का संगम हो, वहाँ मुक्ति सुनिश्चित है। यदि मंत्र द्वारा मूर्ति की स्थापना कर पूजा की जाए -

श्लोक 14 (padma.6.82.14)

तदर्चनं कोटिगुणं धर्मकामार्थमोक्षदम् । नवधा तत्र वै भक्तिः कर्तव्या च जनार्दने । अतः पाषाणजा मूर्तिस्तथा धातुमयी त्वया

tadarcanaṁ koṭiguṇaṁ dharmakāmārthamokṣadam navadhā tatra vai bhaktiḥ kartavyā ca janārdane ataḥ pāṣāṇajā mūrtistathā dhātumayī tvayā

- तो वह पूजा करोड़ों गुना अधिक फलदायी होकर धर्म, काम, अर्थ और मोक्ष देने वाली होती है। वहाँ जनार्दन के प्रति नवधा भक्ति करनी चाहिए। इसलिए तुम्हें पाषाण या धातु की मूर्ति ही स्थापित करनी चाहिए।

श्लोक 15 (padma.6.82.15)

तस्यां भक्तैः प्रकर्त्तव्यं ध्यानं पूजनमेव च । राजोपचारकीं पूजां मूर्तौ तत्र प्रकल्पयेत्

tasyāṁ bhaktaiḥ prakarttavyaṁ dhyānaṁ pūjanameva ca rājopacārakīṁ pūjāṁ mūrtau tatra prakalpayet

उसमें भक्तों को ध्यान और पूजा करनी चाहिए। उस मूर्ति में राजोपचार-पूजा करनी चाहिए।

श्लोक 16 (padma.6.82.16)

सर्वात्मानं स्मरेन्नित्यं भगवंतमधोक्षजम् । दीनानाथैकशरणं लोकानां वृत्तिकारणम्

sarvātmānaṁ smarennityaṁ bhagavaṁtamadhokṣajam dīnānāthaikaśaraṇaṁ lokānāṁ vṛttikāraṇam

सदा उस सर्वात्मा भगवान अधोक्षज का स्मरण करना चाहिए, जो दीन-दुखियों के एकमात्र शरणदाता और लोकों की जीविका के कारण हैं।

श्लोक 17 (padma.6.82.17)

मूर्त्तौ तत्र स्मरेन्नित्यं महापातकनाशनम् । गोपालोऽयं तथा कृष्णो रामोऽयमिति च ब्रुवन्

mūrttau tatra smarennityaṁ mahāpātakanāśanam gopālo'yaṁ tathā kṛṣṇo rāmo'yamiti ca bruvan

उस मूर्ति में सदा महापातकों के नाशक का स्मरण करना चाहिए, 'यह गोपाल है', 'यह कृष्ण है', 'यह राम है' - ऐसा कहते हुए -

श्लोक 18 (padma.6.82.18)

पूजां करोति यः सम्यक्स वै भागवतो नरः । गोकुले तु यथा रूपं धृतं वै केशवेन तु

pūjāṁ karoti yaḥ samyaksa vai bhāgavato naraḥ gokule tu yathā rūpaṁ dhṛtaṁ vai keśavena tu

- जो इस प्रकार भलीभाँति पूजा करता है, वह पुरुष सच्चा भागवत है। गोकुल में केशव ने जिस रूप को धारण किया था -

श्लोक 19 (padma.6.82.19)

तादृग्रूपं प्रकर्त्तव्यं वैष्णवैर्नरसत्तमैः । आत्मसंतोषणार्थाय स्वरूपं कारयेद्बुधः

tādṛgrūpaṁ prakarttavyaṁ vaiṣṇavairnarasattamaiḥ ātmasaṁtoṣaṇārthāya svarūpaṁ kārayedbudhaḥ

- वैसा ही रूप श्रेष्ठ वैष्णव पुरुषों को बनाना चाहिए। बुद्धिमान पुरुष को अपनी आत्म-संतुष्टि के लिए वह स्वरूप बनवाना चाहिए।

श्लोक 20 (padma.6.82.20)

यतो भक्तिस्तु बहुला जायते नात्र संशयः । शंखचक्रगदादीनि विष्णोश्चैवायुधानि च

yato bhaktistu bahulā jāyate nātra saṁśayaḥ śaṁkhacakragadādīni viṣṇoścaivāyudhāni ca

क्योंकि इससे भक्ति प्रचुर मात्रा में उत्पन्न होती है, इसमें कोई संदेह नहीं। शंख, चक्र, गदा आदि विष्णु के आयुध -

श्लोक 21 (padma.6.82.21)

तस्यां मूर्तौ विशेषेण कर्त्तव्यानि प्रमाणतः । चतुर्भुजां द्विनेत्रां च शंखचक्रगदाधराम्

tasyāṁ mūrtau viśeṣeṇa karttavyāni pramāṇataḥ caturbhujāṁ dvinetrāṁ ca śaṁkhacakragadādharām

- उस मूर्ति में शास्त्रोक्त प्रमाण के अनुसार विशेष रूप से बनाने चाहिए। चार भुजाओं वाली, दो नेत्रों वाली, शंख-चक्र-गदाधारी -

श्लोक 22 (padma.6.82.22)

पीतवासः परीधानां शोभमानां गरीयसीम् । वनमालां दधानां तां लसद्वैडूर्यकुंडलाम्

pītavāsaḥ parīdhānāṁ śobhamānāṁ garīyasīm vanamālāṁ dadhānāṁ tāṁ lasadvaiḍūryakuṁḍalām

- पीतांबर धारण करने वाली, शोभायमान, अत्यंत गौरवशाली, वनमाला धारण करने वाली और चमकते वैडूर्यमणि के कुंडलों वाली -

श्लोक 23 (padma.6.82.23)

मुकुटे मणिसंयुक्तां कौस्तुभोद्भासितां सदा । सौवर्णीं चाथ रौप्यां वा ताम्रजां चाथ पैत्तलीम्

mukuṭe maṇisaṁyuktāṁ kaustubhodbhāsitāṁ sadā sauvarṇīṁ cātha raupyāṁ vā tāmrajāṁ cātha paittalīm

- मुकुट में मणियों से युक्त तथा सदा कौस्तुभमणि से देदीप्यमान - ऐसी मूर्ति सोने की, चाँदी की, ताँबे की अथवा पीतल की -

श्लोक 24 (padma.6.82.24)

कारयेत्परया भक्त्या वैष्णवैर्द्विजसत्तमैः । आगमोक्तैर्वेदमंत्रैः प्रतिष्ठाप्य विशेषतः

kārayetparayā bhaktyā vaiṣṇavairdvijasattamaiḥ āgamoktairvedamaṁtraiḥ pratiṣṭhāpya viśeṣataḥ

- उत्तम द्विज वैष्णवों द्वारा परम भक्ति के साथ बनवानी चाहिए, और आगम में कहे गए वेदमंत्रों से विशेष रूप से उसकी प्रतिष्ठा करनी चाहिए।

श्लोक 25 (padma.6.82.25)

पश्चाद्वै अर्चनं कार्यं यथाशास्त्रानुसारतः । षोडशोपचारैर्मंत्रैः पूजनं विधिपूर्वकम्

paścādvai arcanaṁ kāryaṁ yathāśāstrānusārataḥ ṣoḍaśopacārairmaṁtraiḥ pūjanaṁ vidhipūrvakam

उसके बाद शास्त्रानुसार अर्चना करनी चाहिए - सोलह उपचारों और मंत्रों से विधिपूर्वक पूजा करनी चाहिए।

श्लोक 26 (padma.6.82.26)

पूजिते तु जगन्नाथे सर्वे देवाश्च पूजिताः । अतो येन प्रकारेण पूजनीयो महाप्रभुः

pūjite tu jagannāthe sarve devāśca pūjitāḥ ato yena prakāreṇa pūjanīyo mahāprabhuḥ

जगन्नाथ की पूजा किए जाने पर सभी देवताओं की पूजा हो जाती है। इसलिए जिस प्रकार से भी हो, महाप्रभु की पूजा करनी चाहिए।

श्लोक 27 (padma.6.82.27)

अनादिनिधनो देवः शंखचक्रगदाधरः । सर्वं ददाति सर्वेशो वैष्णवान्पुण्यरूपिणः

anādinidhano devaḥ śaṁkhacakragadādharaḥ sarvaṁ dadāti sarveśo vaiṣṇavānpuṇyarūpiṇaḥ

वे देव अनादि-अनंत, शंख-चक्र-गदाधारी हैं। सर्वेश्वर पुण्यस्वरूप वैष्णवों को सब कुछ प्रदान करते हैं।

श्लोक 28 (padma.6.82.28)

यथा विष्णुस्तथा शर्वो नांतरं वर्त्तते क्वचित् । एवं ज्ञात्वा तु भो देवि ह्युभयोर्मूर्तिकल्पनम्

yathā viṣṇustathā śarvo nāṁtaraṁ varttate kvacit evaṁ jñātvā tu bho devi hyubhayormūrtikalpanam

जैसे विष्णु हैं, वैसे ही शिव हैं - इनमें कहीं कोई भेद नहीं है। हे देवि! यह जानकर ही दोनों की मूर्ति-कल्पना करनी चाहिए।

श्लोक 29 (padma.6.82.29)

शिवपूजां प्रकुर्वाणो विष्णुनिंदासु तत्परः । रौरवेषु नरकेषु वसते नात्र संशयः

śivapūjāṁ prakurvāṇo viṣṇuniṁdāsu tatparaḥ rauraveṣu narakeṣu vasate nātra saṁśayaḥ

जो शिव-पूजा करते हुए भी विष्णु की निंदा में तत्पर रहता है, वह रौरव नरक में निवास करता है, इसमें कोई संदेह नहीं।

श्लोक 30 (padma.6.82.30)

अहं विष्णुरहं रुद्रो ह्यहं ब्रह्मा पितामहः । सर्वभूतेषु सततं संवसामि पुनः पुनः

ahaṁ viṣṇurahaṁ rudro hyahaṁ brahmā pitāmahaḥ sarvabhūteṣu satataṁ saṁvasāmi punaḥ punaḥ

मैं ही विष्णु हूँ, मैं ही रुद्र हूँ, मैं ही पितामह ब्रह्मा हूँ। मैं ही सभी प्राणियों में सदा बार-बार निवास करता हूँ।

श्लोक 31 (padma.6.82.31)

पार्वत्युवाच । के दासा वैष्णवाः के तु के भक्ता भुवि कीर्तिताः । तेषां वै लक्षणं ब्रूहि यथार्थं वै महेश्वर

pārvatyuvāca ke dāsā vaiṣṇavāḥ ke tu ke bhaktā bhuvi kīrtitāḥ teṣāṁ vai lakṣaṇaṁ brūhi yathārthaṁ vai maheśvara

पार्वती ने कहा - वैष्णव-दास कौन हैं, और पृथ्वी पर भक्त किसे कहा गया है? हे महेश्वर! उनके यथार्थ लक्षण बताइए।

श्लोक 32 (padma.6.82.32)

महादेव उवाच । शूद्रा भवंति वै दासा वैष्णवा नारदादयः । प्रह्लादश्चांबरीषाद्या भक्तास्ते नगनंदिनि

mahādeva uvāca śūdrā bhavaṁti vai dāsā vaiṣṇavā nāradādayaḥ prahlādaścāṁbarīṣādyā bhaktāste naganaṁdini

महादेव ने कहा - शूद्र वैष्णव 'दास' कहलाते हैं, जबकि नारद आदि, प्रह्लाद और अंबरीष आदि - ये 'भक्त' कहलाते हैं, हे पर्वतपुत्री!

श्लोक 33 (padma.6.82.33)

ब्रह्मक्रियारतो नित्यं वेदवेदांगपाठकः । शंखचक्रांकितो यस्तु स वै वैष्णव उच्यते

brahmakriyārato nityaṁ vedavedāṁgapāṭhakaḥ śaṁkhacakrāṁkito yastu sa vai vaiṣṇava ucyate

जो सदा ब्रह्म-कर्म में रत, वेद-वेदांग का पाठ करने वाला तथा शंख-चक्र से अंकित है, वही वैष्णव कहलाता है।

श्लोक 34 (padma.6.82.34)

द्विजसेवारतो नित्यं नित्यं विष्णुप्रपूजकः । शृणोति बहुधा चैव पुराणं वेदसंमितम्

dvijasevārato nityaṁ nityaṁ viṣṇuprapūjakaḥ śṛṇoti bahudhā caiva purāṇaṁ vedasaṁmitam

अब शूद्र दास के विषय में - जो सदा द्विजों की सेवा में रत रहता है, सदा विष्णु की पूजा करता है, और वेद-तुल्य पुराण को बार-बार सुनता है -

श्लोक 35 (padma.6.82.35)

स शूद्रो हरिदासस्तु इत्युक्तो नगनंदिनि । पंचवर्षत्वमाश्रित्य कृता भक्तिरनेकधा

sa śūdro haridāsastu ityukto naganaṁdini paṁcavarṣatvamāśritya kṛtā bhaktiranekadhā

- हे पर्वतपुत्री! वह शूद्र 'हरिदास' कहा गया है। पाँच वर्ष की अवस्था से लेकर जिसने अनेक प्रकार से भक्ति की हो -

श्लोक 36 (padma.6.82.36)

स वै भक्त इति प्रोक्तः सर्वसाधुषु संमतः । ध्रुवादयस्ते विज्ञेया अंबरीषादयश्च ये

sa vai bhakta iti proktaḥ sarvasādhuṣu saṁmataḥ dhruvādayaste vijñeyā aṁbarīṣādayaśca ye

- वही सच्चा 'भक्त' कहा गया है, जो सभी साधुओं में सम्मानित हो। ध्रुव आदि तथा अंबरीष आदि - ये सब इसी श्रेणी में जानने चाहिए।

श्लोक 37 (padma.6.82.37)

भक्ताश्च मुनिभिः प्रोक्ताः सर्वकालेषु भामिनि । कलौ धन्यतमाः शूद्रा विष्णुध्यानपरायणाः

bhaktāśca munibhiḥ proktāḥ sarvakāleṣu bhāmini kalau dhanyatamāḥ śūdrā viṣṇudhyānaparāyaṇāḥ

हे भामिनी! मुनियों ने भक्तों को सभी कालों में ऐसा ही कहा है। कलियुग में विष्णु-ध्यान में तत्पर शूद्र ही सर्वाधिक धन्य हैं।

श्लोक 38 (padma.6.82.38)

इहलोके सुखं भुक्त्वा यांति विष्णोः सनातनम् । शंखचक्रांकितो यस्तु विष्णुभक्तिप्रकारकः

ihaloke sukhaṁ bhuktvā yāṁti viṣṇoḥ sanātanam śaṁkhacakrāṁkito yastu viṣṇubhaktiprakārakaḥ

वे इस लोक में सुख भोगकर विष्णु के सनातन धाम को जाते हैं। जो शंख-चक्र से अंकित है और विष्णु-भक्ति करने वाला है -

श्लोक 39 (padma.6.82.39)

चतुर्विधमहोत्साहकर्त्ता चैव विशेषतः । स शूद्रो विष्णुदासस्तु यथादृष्टं यथाश्रुतम्

caturvidhamahotsāhakarttā caiva viśeṣataḥ sa śūdro viṣṇudāsastu yathādṛṣṭaṁ yathāśrutam

- और जो विशेष रूप से चार प्रकार के महोत्सवों का आयोजन करता है, वह शूद्र 'विष्णुदास' कहलाता है - जैसा देखा और सुना गया है, वैसा ही मैंने बताया।